#ავიაციისსიახლეები: ამერიკაში ფრენების დაწყებას ივნისში ვაპირებთ - გიორგი კოდუა სატვირთო გადაზიდვებში ბაზრის 40% Turkish Cargo-ს უკავია 2022-ში საჰაერო გზით გადაზიდული ტვირთი შემცირდა #FlyArystan-ს ქუთაისის აეროპორტის მგზავრთნაკადის 17%-ი უკავია - ირაკლი ქარქაშაძე აშშ-ს სურს თურქეთს რუსეთის კუთვნილი Boeing-ის მიღება აუკრძალოს; კვირის ყველაზე მნიშვნელოვანი და საინტერესო სიახლეები საავიაციო სექტორიდან - თათია კაკიაშვილი მიმოხილვით #ავიაცია #ავიამიმოსვლა #საქმიანიდილა #ბიზნესმედია
თეგეტა ჰოლდინგის ინფორმაციით, „ვოლვო ქარ კავკასიამ“, რომელიც 4 ქვეყანაში ოპერირებს, 2022 წლის გეგმა 35%-იანი გადაჭარბებით შეასრულა და წლის ბოლოს, ჯამში, 50%-იანი ზრდა აჩვენა. პანდემიისგან დატოვებული გრძელვადიანი გლობალური პრობლემებისა და რეგიონში მიმდინარე ომით გამოწვეული ლოგისტიკური გამოწვევების მიუხედავად, უპრეცედენტოა კომპანიის გაყიდვების მაჩვენებელი, რომელიც 2022 წელს საქართველოსა და აზერბაიჯანში - 27%-ით, სომხეთში - 200%-ით, ხოლო უზბეკეთში 125%-ით გაიზარდა. გასულ წელს ვაჯამებთ და ამ წლის საორიენტაციო პროექტებზე გაგა კოხრეიძესთან, „ვოლვო ქარ კავკასიის“ დირექტორთან ვაგრძელებთ საუბარს. სტუმარი: გაგა კოხრეიძე - „ვოლვო ქარ კავკასიის“ დირექტორი; #ახალიამბები #BusinessMediaGeorgia
სტატისტიკის ეროვნული სამსახურის წინასწარი ინფორმაციით, 2022 წელს საქართველოში საქონლით საგარეო სავაჭრო ბრუნვამ 19 მლრდ დოლარი შეადგინა,ეს იმას ნიშნავს რომ შარშან 2021 თან შედარებით მონაცემი 32.8%-ით არის გაზრდილი. აქედან ექსპორტი 6 მლრდ დოლარს შეადგენს, ხოლო იმპორტი 13 მლრდ დოლარს. როგორი იქნება მიმდინარე წელი დაზუსტებით თქმა ამისი რა თქმა უნდა რთულია, თუმცა ბიზნესის წარმომადგენლები ამბობენ რომ 2023 წლის მიმართ მოლოდინები გაუმჯობესებული აქვთ. ოპტიმიზმის მიუხედავად ფასებთან დაკავშირებით პროგნოზები მაინც ჭირს. სტუმარი: გიორგი გუდაბანიძე - "ექსპორტის განვითარების ასოციაციის" დირექტორი; #ახალიამბები #BusinessMediaGeorgia
რას გეგმავს "აწარმოე საქართველოში" წელს მცირე და საშუალო ბიზნესისთვის? სტუმრები: გიგა ფაიქიძე - SMEDA-ს აღმასრულებელი დირექტორი და დამფუძნებელი; ლაშა ბოსტაშვილი - სააგენტო "აწარმოე საქართველოში", მცირე და საშუალო ბიზნესის განვითარების დეპარტამენტის ხელმძღვანელი; #ახალიამბები #BusinessMediaGeorgia
ავტოიმპორტიორთა ასოციაციის ინფორმაციით ერთეული იმპორტირებული ავტომობილების ფასის 46%-ით გაიზარდა. ასოციაციაში ზრდას ინფლაციას, ლოგისტიკური ხარჯების ზრდას და რეცესიას უკავშირებენ. სტატისტიკის მიხედვით, საქართველომ 11 თვეში 1.39 მლრდ დოლარის მსუბუქი ავტომობილები შეიძინა, ზრდა 66%-ია. ეროვნული ბანკის შეფასებით, ამ მკვეთრ ზრდაში ასევე ასახულია მსუბუქ ავტომობილებზე მკვეთრად მომატებული ფასებიც. როგორია იმპორტიორი კომპანიების პროგნოზი და რას ამბობენ ისინი BMG-სთან? #ახალიამბები #BusinessMediaGeorgia
ავტოიმპორტიორთა ასოციაციის ინფორმაციით ერთეული იმპორტირებული ავტომობილების ფასის 46%-ით გაიზარდა. ასოციაციაში ზრდას ინფლაციას, ლოგისტიკური ხარჯების ზრდას და რეცესიას უკავშირებენ. სტატისტიკის მიხედვით, საქართველომ 11 თვეში 1.39 მლრდ დოლარის მსუბუქი ავტომობილები შეიძინა, ზრდა 66%-ია. ეროვნული ბანკის შეფასებით, ამ მკვეთრ ზრდაში ასევე ასახულია მსუბუქ ავტომობილებზე მკვეთრად მომატებული ფასებიც. როგორია იმპორტიორი კომპანიების პროგნოზი და რას ამბობენ ისინი BMG-სთან? #ახალიამბები #BusinessMediaGeorgia
აშშ-ის ყველაზე გულუხვი ქველმოქმედები - Forbes-ის რეიტინგი #ახალიამბები #BusinessMediaGeorgia
New York Life Investments-მა 2022 წელს ინვესტიციებთან დაკავშირებული Google-ის ძიებები იკვლია. ირკვევა, რომ იანვარში Google-ში ყველაზე ხშირად იძებნებოდა - Great Resignation, რაც ქართულად ითარგმნება, როგორც “დიდი გადადგომის ტალღა”. გარდა ამ მიმართულებისა, კიდევ რას ეძებდნენ ინვესტორები შარშან Google-ში? #ახალიამბები #BusinessMediaGeorgia
პანდემიიდან გამომდინარე ამერიკაში ე•წ მოგზაურ ექთნებზე მოთხოვნა გაიზარდა. ანუ ექთნებზე რომლებიც სხვადასხვა საავადმყოფოში დასაქმების მიზნით გადაადგილდებიან. აშშ-ში ზოგიერთი კლინიკა სრულად მოგზაური ექთნებით არის დაკომპლექტებული. საინტერესოა ისიც რომ მათი ანაზღაურება აღემატება იმ ექთნების ანაზღაურებას, რომლებიც საავადმყოფოებში სრულ განაკვეთზე მუშაობენ. გამოცემა the economist წერს რომ მალე მოგზაური ექთნები გიგ-ეკონომიკის ნაწილი გახდებიან.
რამდენადაც სამედიცინო ტურიზმს სეზონურობა არ გააჩნია, მისი განვითარების პოტენციალი საქართველოშიც, ისევე როგორც სხვა ევროპის ქვეყნებში, მაღალია. განვითარება კი მაღალი გადახდისუნარიანი პაციენტების მოზიდვას გულისხმობს. სამედიცინო სფეროს წარმომადგენლები ამბობენ, რომ ამერიკისა და ევროპის ჯანდაცვის ორგანიზაციების მიერ დაწესებულ სტანდარტებს ქართული კლინიკების უმეტესობა პასუხობს. რა აფერხებს საქართველოს სამედიცინო ტურისტულ პოტენციალს? #ახალიამბები #BusinessMediaGeorgia
ტექნოლოგიები და ინოვაციები სოფლის მეურნეობის სექტორში – გამოწვევები სტუმარი: ირაკლი ერაძე - Cvig Agro-ს მმართველი პარტნიორი; #ახალიამბები #BusinessMediaGeorgia
სახელმწიფო საკუთრებაში არსებულმა ერთ-ერთმა უმსხვილესმა კომპანია “ნავთობისა და გაზის კორპორაციამ” EBRD-ის $250 მილიონიან სესხზე დეფოლტი განიცადა - ამის შესახებ კორპორაციის ფინანსურ ანგარიშგებაში, ასევე ფონდის მფლობელი “საპარტნიორო ფონდის” ფინანსურ ანგარიშში არის ნათქვამი. ფინანსური ანგარიში კორპორაციის 2021 წლის საქმიანობას შეეხება. სესხის პირობების დარღვევა განაპირობა იმან, რომ ნავთობისა და გაზის კორპორაცია მოსახლეობის გაზმომარაგების ტარიფის სუბსიდირებას ახდენს, რამაც კომპანიას აღარ დაუტოვა თავისუფალი რესურსი აღნიშნული სესხის პირობებს მომსახურებოდა. სესხის პირობის დარღვევამ EBRD-ის მისცა უფლება კომპანიისგან სესხის სრულად დაფარვა მოეთხოვა. მნიშვნელოვანია გარემოება, რომ 2023 წელს საქართველოს მთავრობა ერთჯერადი ფინანსური ინექციის სახით ნავთობისა და გაზის კორპორაციისთვის 200 მილიონი ლარის სესხებას გეგმავს. სავარაუდოდ, სწორედ ამ სესხს აღნიშნავს ფინანსურ ანგარიშში გაკეთებული ჩანაწერი, რომ სახელმწიფო მზად არის ფინანსური მხარდაჭერა აღმოუჩინოს GOGC-ის. “საპარტნიორო ფონდის” საკუთრებაში არსებული უმსხვილესი კომპანიის სესხის დეფოლტმა თავად კორპორაციის მიერ აღებული სხვა სესხის “ჯვარედინი დეფოლტი” განაპირობა. რა თქმა უნდა, მივმართეთ GOGC-ის და სახელმწიფო კორპორაციის განმარტებას მიღებისთანავე შემოგთავაზებთ. მანამდე – ამბის გაშუქების შემდეგ, პროაქტიულად მოგვაწოდა განმარტება საქართველოში EBRD-ის წარმომადგენლობამ: ბანკის მიხედვით, სესხის პირობები დაირღვა, თუმცა, ეს დეფოლტი არ ყოფილა. როგორც EBRD-ში განგვიმარტეს, დღეის მდგომარეობით ეს სესხი უკვე სრულად დაფარულია. სტუმარი: მიხეილ კუკავა - IDFI-ის ეკონომიკური და სოციალური მიმართულებების ხელმძღვანელი; #ახალიამბები #BusinessMediaGeorgia
2022 წელს საქართველომ 1.33 მილიარდი დოლარის ღირებულების 1.33 მილიონი ტონა ნავთობი შეიძინა – . თანხობრივად იმპორტი 62%-ით გაიზარდა, რაც საწვავის გაძვირებით იყო განპირობებული, ხოლო რაოდენობრივად იმპორტი 5%-ით გაიზარდა. უმთავრესი ცვლილება რაც ბაზარზე მოხდა, რუსულ ნავთობზე გადასვლა იყო. 2022 წელს საქართველომ ნავთობპროდუქტების 47% ($623 მლნ) რუსეთის ფედერაციისგან შეიძინა. შედარებისთვის 2021 წელს იმპორტის მხოლოდ 16% მოდიოდა რუსეთზე. მის ნაცვლად კი საქართველო ნავთობს ძირითადად თურქმენეთისგან და რუმინეთისგან ყიდულობდა. რუსეთის მიერ უკრაინაში შეჭრამ რუსული ნავთობის ღირებულება შეამცირა, რის გამოც საქართველოს ნავთობის იმპორტის სექტორმა ოკუპანტი მეზობლისგან შესყიდვები გაზარდა. 2022 წელს იმპორტის სტატისტიკა ქვეყნების მიხედვით ასე განაწილდა: ● რუსეთი - ზრდა 361% ● რუმინეთი - ზრდა 88% ● თურქმენეთი - კლება -17% ● ბულგარეთი - ზრდა 1% ● აზერბაიჯანი - კლება -60% 2022 წელს ყველაზე მეტად - 60%-ით საქართველომ აზერბაიჯანული ნავთობის იმპორტი შეამცირა. 2022 წელს საქართველოს მიერ შეძენილი რუსული ნავთობის საშუალო ფასი ტონაზე 947 დოლარი იყო, რუმინული საწვავის საშუალო ფასი კი ტონაზე 1,023 დოლარი. სტუმარი: ვანო მთვრალაშვილი - "გლობალური სავაჭრო ჯგუფის" გენერალური დირექტორი; #ახალიამბები #BusinessMediaGeorgia
საქართველოში კვალიფიციური სამუშაო ძალის დეფიციტზე კერძო სექტორის თითქმის ყველა წარმომადგენელი ჩივის. საზოგადოების ნაწილს, კი მიაჩნია, რომ დასაქმებულებისთვის, ბიზნესი, ღირსეულ სამუშაო პირობებს არ ქმნის და დეფიციტიც ნაწილობრივ ამის შედეგია. რატომ გვაქვს სამუშაო ძალის დეფიციტი, ეკონომიკის და ფინანსთა ყოფილი მინისტრი და ამჟამად „PMCG“ კვლევითი და საკონსულტაციო ცენტრის დამფუძნებელი, ლექსო ალექსიშვილი ფიქრობს, რომ დღევანდელ მოცემულობას ისტორიული საფუძველი აქვს და სრული ეკონომიკური კოლაფსი, რომელიც 90 იანი წლებში გავიარეთ, ამ მიმართულებითაც დიდ ზეგავლენას ახდენს. რას ფიქრობს ლექსო ალექსიშვილი ღირსეულ სამუშაო პირობებზე? BMGDRIVE-ის მგზავრი: ლექსო ალექსიშვილი - „PMCG“ კვლევითი და საკონსულტაციო ცენტრი; დამფუძნებელი; ხელმძღვანელი; ავტორები: ბექა ბაციკაძე, რევაზ ნასიძე. #ახალიამბები #BusinessMediaGeorgia
28 იანვარი პერსონალური მონაცემების დაცვის საერთაშორისო დღეა. უსაფრთხოება ყოველთვის და ყველა ეტაპზეა 21-ე საუკუნეში განსაკუთრებით და ყოველწუთიერი ყურადღება. ეს არის „საერთაშორისო ინიციატივა, გაიზარდოს ინფორმირებულობა კონფიდენციალურობის, მონაცემების დაცვისა და ნდობის ხელშეწყობის მნიშვნელობის შესახებ“. მაგრამ ერთი დღე არ არის საკმარისი ასეთი მნიშვნელოვანი საკითხისთვის, ის 365-ვე დღის წესრიგის განუყოფელი ნაწილი უნდა იყოს. სტუმარი: ანზორ მეხრიშვილი, BDO Digital-ის კიბერ და ინფორმაციული უსაფრთხოების ხელმძღვანელი #ახალიამბები #BusinessMediaGeorgia
24-25-26 იანვარს ბათუმში USAID საქართველომ, თიბისი ბანკთან თანამშრომლობით, ადგილობრივი ბიზნესის წარმომადგენლებისთვის სამუშაო სესიები და ინდივიდუალური კონსულტაციები გამართა. პროექტის ფარგლებში, ბიზნესებმა თავიანთ საწარმოებზე მორგებული ტექნიკური დახმარება მიიღეს ისეთ საკითხებში, როგორიცაა ფინანსური წიგნიერების გაუმჯობესება, ფინანსური მენეჯმენტის პრაქტიკების დანერგვა/გაუმჯობესება და ასევე ფინანსური ანგარიშგებების შემუშავება/გაუმჯობესება. აქტივობაში 30-მდე ადგილობრივი მეწარმე ჩაერთო. #ახალიამბები #BusinessMediaGeorgia
ბათუმის მულტიმოდალურ ტერმინალში წლის პირველ კვარტალში 300 ათასიდან 400 ათას ტონამდე ტვირთის მომსახურებას ელოდებიან. პოზიტიური მოლოდინები ტერმინალის მენეჯმენტში შუა აზიის რეგიონში გაზრდილი მოთხოვნილებით აიხსნება. ბათუმის მულტიმოდალური ტერმინალი, მინერალური სასუქების, კერძოდ, მინერალური სასუქის, კარბამიდის (შარდოვანას) მიღებას, შენახვასა და გაგზავნას უზრუნველყოფს. ის შუა აზიის ქვეყნებიდან წამოსულ ტვირთს საქართველოს გავლით დასავლურ ბაზართან აკავშირებს. პროექტი Forbes-ის უმსხვილესი კერძო ამერიკული კომპანიების 250-ეულში შემავალი Trammo-სა და კომპანია ADIA-ს პარტნიორობით, $25 მილიონის ინვესტიციით განხორციელდა. ტერმინალმა ოპერირება 2021 წლის აგვისტოში დაიწყო. სტუმარი: მამუკა მურჯიკნელი - ბათუმის მულტიმოდალური ტერმინალის გენერალური დირექტორი; #ახალიამბები #BusinessMediaGeorgia
Visa-ს 2022 და 2023 წლის გეგმები სტუმარი: დიანა კიღურაძე - Visa-ს რეგიონული მენეჯერი კავკასიის რეგიონში #ახალიამბები #BusinessMediaGeorgia
რატომ დატოვა შოთა შალელაშვილმა საქართველოს პარლამენტი? შოთა შალელაშვილი - ბიზნესმენი, ყოფილი პარლამენტარი; #ახალიამბები #BusinessMediaGeorgia
RBC-ს ინტერვიუ ვლადიმერ პოტანინთან - სანქციების გავლენა რუსეთი ეკონომიკასა და ბიზნესზე ვლადიმერ პოტანინი - "ნორნიკელის" პრეზიდენტი; #ახალიამბები #BusinessMediaGeorgia
კერძო სახლებზე მოთხოვნა ყოველწლიურად იზრდება, თბილისის შემოგარენში თავისუფალი მიწის ნაკვეთები სულ უფრო ხშირად იყიდება, შესაბამისად მიწის შეძენის ღირებულებაც გასულ წელთან შედარებით 10$-ით მეტია. ასევე პანდემიამდელ პერიოდთან შედარებით, 2019 წლის შემდეგ კერძო სახლის მშენებლობა 30-40 დოლარით გაძვირდა. ანალოგიური სიტუაციაა კოტეჯების მშენებლობაშიც. ფასი აქაც მომატებულია, თუმცა მოთხოვნა მაინც მაღალია. რას ამბობენ სექტორის წარმომადგენლები და როგორია პროგნოზი მშენებელი კომპანიების მხრიდან? #ახალიამბები #BusinessMediaGeorgia
რუსთავში 2019 წლიდან არსებობს ნავთობპროდუქციის გადამამუშავებელი ამერიკული სტანდარტებით აგებული საწარმო, რომელსაც აქამდე “რუსთავოილის” სახელით ვიცნობდით, თუმცა ახალი წელი, წარმოებისთვის სიახლეებით დაიწყო, ქარხანას ჩაუტარდა სრული რებრენდინგი, მას განახლების შემდეგ “სერპენსი” ეწოდება და ისევ უმაღლესი ხარისხის ბიტუმს აწარმოებს. დიახ არ მოგესმათ, ბიტუმზეეა საუბარი და თან უმაღლესი ხარისხისა - საქართველოში, წლების განმავლობაში არ არსებობდა ნავთობპროდუქციის ნარჩენების გადამამუშავებელი წარმოება, რაც გარდაუვალს ხდიდა დაბალი ხარისხის ბიტუმის იმპორტირებასა და გამოყენებას, საბოლოოდ კი ეს ყველაფერი ქვეყნის ინფრასტრუქტურაზე აისახებოდა. სწორედ ამიტომ, “სერპენსის” არსებობა ქვეყნის ეკონომიკური განვითარების ერთ-ერთ მნიშვნელოვან გარანტად შეიძლება მივიჩნიოთ. #ახალიამბები #BusinessMediaGeorgia
"საქართველოს ბანკის" მხარდაჭერით 500Georgia-ს DEMO DAY გაიმართა #ახალიამბები #BusinessMediaGeorgia
რა არის #ინვესტიცია? სტუმარი: რატი მორჩილაძე - Foresight Investment Group-ის საინვესტიციო ოფიცერი; #ახალიამბები #BusinessMediaGeorgia
საქართველო გლობალიზაციის რეიტინგში 54-ე ადგილზეა #ახალიამბები #BusinessMediaGeorgia
აღმოაჩინეს გენი, რომელიც გულს 10 წლით აახალგაზრდავებს #ახალიამბები #BusinessMediaGeorgia
ფოთში ბოლო ათწლეულების განმავლობაში არსებული გამოწვევა, რაც ნაპირის წარეცხვას და ზღვის მიერ სანაპირო ზოლის მიტაცებას იწვევდა, გვარდება, - ამის შესახებ ფოთის მერი ბექა ვაჭარაძე აცხადებს. ფოთის მერიის ინფორმაციით, სანაპირო ზოლის ნაპირდაცვით/ნაპირაღდგენითი სამუშაოების განხორციელებაზე საქართველოს საავტომობილო გზების დეპარტამენტის მიერ ელექტრონული ტენდერი უკვე გამოცხადდა. პროექტის სავარაუდო ღირებულება 10 მილიონ ლარამდეა და სამუშაოები მიმდინარე წლის ბოლომდე დასრულდება. სტუმარი: ბექა ვაჭარაძე - ფოთის მერი #ახალიამბები #BusinessMediaGeorgia
2022 წელს არასტანდარტულ ვაშლზე სახელმწიფო სუბსიდიამ 10 მილიონ ლარს გადააჭარბა. სოფლის მეურნეობის სამინისტროს ინფორმაციით, ხილის გადამმუშავებელმა საწარმოებმა 73 ათას ტონაზე მეტი არასტანდარტული ვაშლი ჩაიბარეს. შედეგად, ფერმერებმა 17.7 მილიონ ლარზე მეტი შემოსავალი მიიღეს. არასტანდარტული ვაშლის ორგანიზებულად ჩაბარების უზრუნველსაყოფად, საკოორდინაციო შტაბი ფუნქციონირებდა. სახელმწიფო პროგრამის ფარგლებში, სუბსიდია 1 კგ არასტანდარტულ ვაშლზე 10 თეთრს შეადგენდა. პროგრამაში ჩართვა შეეძლო ხილის გადამმუშავებელ ყველა იმ საწარმოს, რომლებიც მეხილეობის სფეროში დასაქმებული ფიზიკური პირებისგან 1 კგ არასტანდარტულ ვაშლს არანაკლებ 24 თეთრად შეისყიდდნენ. სახელმწიფო პროგრამის ფარგლებში, არასტანდარტულ ვაშლს იბარებდა ხილის გადამმუშავებელი 15 საწარმო შიდა ქართლის, ქვემო ქართლის, კახეთის, მცხეთა-მთიანეთისა და რაჭა-ლეჩხუმის რეგიონიდან. აღსანიშნავია, რომ მთავრობის გადაწყვეტილებით, არასტანდარტული ვაშლი 2020 და 2021 წლებშიც დასუბსიდირდა. ამასთან, ბოლო ათი წლის განმავლობაში, საქართველოს მთავრობა მუდმივად ასუბსიდირებდა ყურძნის, ვაშლისა და მანდარინის წარმოებას ქვეყნის მასშტაბით. გასულ წელს კი ახალი სუბსიდირების პროგრამა დაიწყო, რომელიც თხილის წარმოების ხელშეწყობასა და ფერმერების დახმარებას ითვალისწინებს. გვჭირდება თუ არა ხილის სუბსიდირება და როგორია პროგრამის ეფექტიანობა? სტუმარი: ვანო გოგლიძე - კომპანია "კულას" დირექტორი #ახალიამბები #BusinessMediaGeorgia
2022 წლიდან დაწყებული მსოფლიოს უმსხვილესი კომპანიები თანამშრომლობის მასიურად გათავისუფლების შესახებ აცხადებენ. მომდევნო თვეების განმავლობაში 11 ათასამდე დასაქმებულის დათხოვნას გეგმავს კომპანია მაიკროსოფტი, რაც მთლიანი სამუშაო ძალის 5%-ია. წლის დასაწყისში 18 ათასამდე თანამშრომლის დათხოვნის შესახებ განაცხადა ამაზონმაც. კომპანიის გენერალური დირექტორის, ენდი ჯესის განცხადებით, თავდაპირველად დასაქმებულთა რაოდენობის შემცირება ნაკლები მასშტაბებით იყო დაგეგმილი, თუმცა ვითარების ცვლილებამ Amazon-ის მენეჯმენტს უბიძგა, ასეთი რთული გადაწყვეტილება მიეღო. ტექნოლოგიური გიგანტის ეს ქმედება პირდაპირ კავშირშია მსოფლიო მასშტაბით ეკონომიკური მდგომარეობის გაუარესებასთან და კოვიდრეგულაციების გაუქმების ფონზე, ელექტრონულ კომერციაზე მოთხოვნის შემცირებასთან. 3 200-მდე აპირებს სამუშაო ძალის შემცირებას კომპანია ფორდიც. ამ შემთხვევაში მიზეზი ფორდის სტრატეგიული მიზანი- ელექტრომანქანებზე სრულად გადართვაა. სტუმარი: მედეა ტაბატაძე - საკონსულტაციო და რეკრუტინგული კომპანია “Insource”-ის მმართველი პარტნიორი; #ახალიამბები #BusinessMediaGeorgia
მეწარმეებისთვის კვერცხის საწარმოების ავტორიზაცია სავალდებულო გახდება. მთავრობამ მეკვერცხული მიმართულების საწარმოს ავტორიზაციის წესი განსაზღვრა, რომელიც ძალაში 2025 წლის 1-ელი იანვრიდან შევა, წესის ნაწილი კი 1-ელი ივნისიდან. მთავრობის ახალი დადგენილებით, წესის შესრულებაზე კონტროლს სურსათის ეროვნული სააგენტო აიღებს. სააგენტომ უნდა შექმნას საწარმოების რეესტრი, თუმცა როგორც სექტორში აცხადებენ, მხოლოდ რეესტრის შექმნა არსებითად არაფერს შეცვლის და აუცილებელია, ე.წ. საოჯახო ფერმების კონტროლი, რომელიც ყველგან არის გახსნილი და რეალურად მომხმარებელმა არ იცის, რამდენად სანდო და ჯანსაღ პროდუქტს ყიდულობს. რა იცის ბიზნესმა ავტორიზაციაზე? სტუმარი: ზურაბ უჩუმბეგაშვილი - "მეფრინველეობის განვითარების ასოციაციის" თავმჯდომარე; #ახალიამბები #BusinessMediaGeorgia
ბიზნეს ასოციაციის გასული წლის შედეგი 20 ახალი კომპანიაა. ზრდას 2023-შიც აპირებენ და ტრადიციას არც ჩვენ ვღალატობთ, უმსხვილესი ბიზნეს გაერთიანების სიახლეებზე უნდა მოგიყვეთ. საქართველოს ბიზნეს ასოციაციას 2019 წელს დაფუძნებული გენეტიკური კვლევის ცენტრი „მედ დიაგნოსტიკა“ შეუერთდა, რომელიც მიზნად საქართველოში საერთაშორისო სტანდარტის მაღალტექნოლოგიური კვლევების დანერგვას ისახავს, რისი საშუალებითაც ექიმებმა ზუსტი და ოპერატიულ ინფორმაცია უნდა მიიღონ ანალიზების საზღვარგარეთ გაგზავნის გარეშე. „მედ-დიაგნოსტიკაში“ 500-ზე მეტი გენეტიკური კვლევა ხორციელდება, წერტილოვანი მუტაციიდან გენის სრულ სეკვენირებამდე. სტუმრები: ლევან ვეფხვაძე - საქართველოს ბიზნეს ასოციაციის აღმასრულებელი დირექტორი; ნათია ცაბუტაშვილი - "მედ დიაგნოსტიკას" დირექტორი. #ახალიამბები #BusinessMediaGeorgia
#საქმიანები: 89 წლის არქიტექტორი და XXI საუკუნის თბილისი ვახტანგ დავითაია - არქიტექტორი; ავტორები: მანანა მანჯგალაძე; ედგარ ყაზახაშვილი; ლადო ცხადაია; #ახალიამბები #BusinessMediaGeorgia
Marketing Hub-ის ამბები უნდა მოგიყვეთ საქმიანი დილას ეთერში და მისი თანადამფუძნებლები ნანკა კიკალია და მაკო ზაქარეიშვილი შემოგვიერთდნენ ამისთვის სტუდიაში. 4 წლის წინ დაფუძნებული კომპანიის გუნდს გამოცდილება იმაზე მეტი აქვს ვიდრე თავად Marketing Hub-ის ასაკია და პორტფელიც შესაბამისი მოაგროვეს. მერსედესის მოდის კვირეული, რაგბის კავშირი, სხვა და სხვა ბრენდები, დაჯილდოებები თუ ღონისძიებები. მარკეტინგ ჰაბის შვილობილი კომპანიაა The Diary - ონლაინ ჟურნალი, რომელიც კომუნიკაციის დამატებითი ინსტრუმენტია. სტუმარი: ნანკა კიკალია - Marketin Hub-ის თანადამფუძნებელი; მაკო ზაქარეიშვილი - Marketin Hub-ის თანადამფუძნებელი. #ახალიამბები #BusinessMediaGeorgia
სამედიცინო კომპანია „ჯანჰელსმა“ სამედიცინო სფეროს წარმომადგენლები ევროკავშირის მიერ აღიარებული ჰემოსტატის — „სტარსილის“ პრეზენტაციაზე მიიწვია. საქმე ისაა, რომ ჯანჰელსი საქართველოში, სომხეთსა და აზერბაიჯანში სტარსილის ექსკლუზიური დისტრიბუტორი გახდა. ღონისძიება სასტუმრო „რუმსში” გაიმართა და ქართველი ექიმების წინაშე პროდუქტს პრეზენტაცია გერმანელმა კარდიოქირურგმა ჰელმუტ მაირიმ გაუწია. სამედიცინო კომპანია „ჯანჰელსი“ სამედიცინო სფეროს წარმომადგენლებისთვის სიახლის პრეზენტაცია გუშინ გამართა. კომპანია „ჯანჰელსი“ აშშ-ში დაარსებული გლობალური კომპანია OraSure Technologies-სა და ბრიტანული Prestige Diagnostics-ის ოფიციალური წარმომადგენელია საქართველოში; ქართულ ფარმაცევტულ ბაზარს სთავაზობს სხვადასხვა სამედიცინო მოწყობილობას და მედიკამენტებს. სტუმარი: რუსუდან ლაგვილავა - სამედიცინო კომპანია "ჯანჰელსის" გენერალური დირექტორი; #ახალიამბები #BusinessMediaGeorgia
აშშ-ის შრომის სტატისტიკის ბიუროს თანახმად, 2028 წლისთვის პროფესიების რაოდენობა 11%-ით შემცირდება, რის შედეგადაც 203 300 სამუშაო ადგილი დაიკარგება. ტექნოლოგიურ პროგრესს რიგი საქმიანობების ავტომატიზაცია თან სდევს და დღეს ბევრი სამუშაო ადგილი უკვე მოძველებულად ითვლება. 2030 წლისთვის, კი სავარაუდოდ, ეს რიცხვი კიდევ უფრო გაიზრდება და პროფესიების ნაწილი აღარც იარსებებს. Financeonline-მა და Careeraddict-მა, აშშ-ს შრომის ბაზრის სტატისტიკის მონაცემები გაანალიზა და ის პროფესიები განიხილა,რომელიც მომდევნო წლებში შესაძლოა გაქრეს. კონკრეტულად, რა პროფესიებზეა საუბარი? #ახალიამბები #BusinessMediaGeorgia
South China Morning Post-ის მოხსენების თანახმად, ჩინეთის ახალი უსწრაფესი „ჰიპერლუპი“ მატარებლის პირველმა გამოცდამ წარმატებით ჩაიარა. სამი სატესტო რეისი დატონგში, სუპერგამტარ მაგნიტურ საცდელ ხაზზე შესრულდა, მატარებლის სიჩქარემ კი 50 კმ/სთ-ს მიაღწია. არსებული მიზნით, მომავალი თაობის მატარებელმა მგზავრებისა და ტვირთის გადაადგილება 1,000 კმ/სთ სიჩქარით უნდა შეძლოს. პროექტის გეგმის მიხედვით განხორციელების შემთხვევაში, მატარებელი მსოფლიოში ყველაზე სწრაფი სახმელეთო სატრანსპორტო ტექნოლოგია გახდება. ობიექტი, სადაც მატარებლის ტესტირება მიმდინარეობს, ქვეყნის თავდაცვის უწყების კონტრაქტორ China Aerospace Science and Industry Corporation-ის (CASIC) მიერ აშენდა და იმართება. ამჟამად საცდელად ხელმისაწვდომი მიწისქვეშა რკინიგზის სიგრძე მხოლოდ 2 კილომეტრია, თუმცა უახლოეს წლებში მისი 60 კმ-მდე გაზრდა იგეგმება. ჩინეთში მოცემული დროისთვის ყველაზე დიდი ჩქაროსნული სარკინიგზო ქსელი ოპერირებს, რომლის საერთო სიგრძე 42,000 კილომეტრს აღემატება. მთავრობის ამბიციური გეგმით, ქვეყანაში არსებული მატარებლების მაქსიმალური სიჩქარე მომდევნო ორი წლის განმავლობაში 400 კმ/სთ-მდე გაიზრდება. #ახალიამბები #BusinessMediaGeorgia
საქართველოს შიდა აეროპორტებში პანდემიამდე პერიოდთან შედარებით მნიშვნელოვანი ზრდა იყო. საერთო ჯამში საქართველოს შიდა აეროპორტები 2022 წელს 22 ათას მგზავრს მოემსახურნენ, თუმცა ზრდის მიუხედავად შიდა ფრენების განმახორციელებელი კომპანია აკეარ ჯორჯია ზარალზეა. რა თანხაზეა საუბარი და როგორია სტატისტიკა? #ახალიამბები #BusinessMediaGeorgia
მსოფლიო ბანკის მონაცემებით, 2022 წელს გლობალურად ფულადი გზავნილების მოცულობამ 794 მილიარდი დოლარი შეადგინა. ეს მაჩვენებელი კი რეკორდულია და წინა წლებთან შედარებით მნიშვნელოვან ზრდას აჩვენებს. რომელ ქვეყნებში გადაირიცხა შარშან ყველაზე მეტი ფულადი გზავნილი და ამ რეიტინგში სადაა საქართველო? #ახალიამბები #BusinessMediaGeorgia
მსოფლიოში ყველაზე ხშირად მონახულებადი ვებ-გვერდი Google-ია, სადაც მომხმარებლები ყოველდღიურად საშუალოდ 3.5 მილიარდზე მეტ ინფორმაციას იძიებენ. სწორედ ეს ფაქტორი აქცევს მას ინტერნეტში ინფორმაციის მიწოდების პირველ წყაროდ. გარდა გუგლისა, რომელიც წლებია, პირველობას არ თმობს, რომელია 2022 წლის ყველაზე პოპულარული ვებ-გვერდები მსოფლიოში, #ახალიამბები #BusinessMediaGeorgia
2023 წლის 1-ლი კვარტლისთვის ბიზნესის განწყობის ინდექსი 8.4 პუნქტით გაიზარდა და 20.1-ს გაუტოლდა. ამის შესახებ მონაცემებს „აისეტის“ კვლევითი ინსტიტუტი ავრცელებს. bm.ge-სთან ბიზნესის თითქმის ყველა სექტორის წარმომადგენელი აცხადებს, რომ პანდემიის შემდგომ ვითარება რადიკალურად შეცვლილია. ამ თემაზე მუშაობისას სხვადასხვა ბიზნესის წარმომადგენელს ვკითხეთ, განწყობის ინდექსის ზრდა მათ შემთხვევაში რამ გამოიწვია? #ახალიამბები #BusinessMediaGeorgia
ქართული ღვინის პოპულარიზაციისთვის 2023 წელს ბიუჯეტიდან 14 მლნ ლარი დაიხარჯება. ქართული ღვინის საექსპორტო ბაზრების დივერსიფიცირების მიზნით, მიმდინარე წელს ქართული ღვინო ამერიკის შეერთებულ შტატებში, დიდ ბრიტანეთში, გერმანიაში, პოლონეთში, ბალტიისპირეთის ქვეყნებში, ჩინეთში, სამხრეთ კორეასა და იაპონიაში აქტიურად იქნება წარმოდგენილი. აღნიშნულ სტრატეგიულ ბაზრებზე სხვადასხვა მიზნობრივ ღონისძიებას ღვინის ეროვნული სააგენტოს კონტრაქტორი ორგანიზაციები განახორციელებენ. რომელია ქართული ღვინისთვის სტრატეგიული ბაზრები და რა ეფექტი მოაქვს, ბაზრების დივერსიფიცირებისთვის ბიუჯეტიდან გამოყოფილ თანხებს? სტუმარი: ლევან მეხუზლა - "ღვინის ეროვნული სააგენტოს" თავმჯდომარე;
მთავრობას 2022 წლის პრივატიზაციის გეგმა ჩავარდა. ფინანსთა სამინისტროს მიერ გამოქვეყნებული 2022 წლის ბიუჯეტის შესრულების ანგარიშის თანახმად, გასულ წელს სახელმწიფო ბიუჯეტის შემოსავალი არაფინანსური აქტივების კლებიდან 202.8 მილიონი ლარი იყო. ეს თანხა ბიუჯეტით დამტკიცებულ პრივატიზაციის 300-მილიონიან გეგმაზე 92.2 მილიონი ლარით ნაკლები და პრივატიზაციის გეგმის მხოლოდ 67.6%-ს შეადგენს. რატომ ვერ შესრულდა მთავრობის საპრივატიზაციო გეგმა და რატომ არ აქტიურობს ბიზნესი? სტუმარი: თაზო დათუნაშვილი - „ლელოს“ პოლიტსაბჭოს წევრი; #ახალიამბები #BusinessMediaGeorgia
2023 წლის I კვარტლისთვის ბიზნესის განწყობის ინდექსი გაუმჯობესდა. ISET-ის ინფორმაციით, ინდექსი 8.4 პუნქტით გაიზარდა და 20.1-ს გაუტოლდა. შესაბამისად, მიმდინარე წლის პირველ კვარტალთან დაკავშირებით საქართველოში ბიზნესს პოზიტიური მოლოდინები აქვს. ორგანიზაციის მიერ მომზადებულ კვლევაში ჯამში 33 მსხვილი და 139 მცირე და საშუალო კომპანია მონაწილეობდა. რამდენად ოპტიმისტურად არის განწყობილი ბიზნესსექტორი მომავლის მიმართ და რა რჩება კერძო სექტორისთვის მთავარ გამოწვევად? სტუმარი: გიორგი პაპავა - ISET-ის კვლევითი ინსტიტუტის წამყვანი ეკონომისტი; #ახალიამბები #BusinessMediaGeorgia
საქართველოს ევროინტეგრაციის დღის წესრიგით გათვალისწინებული ვალდებულებიდან გამომდინარე ნავთობიმპორტიორებისათვის ახალი რეგულაციები ამოქმედდება. კერძოდ, ბენზინის შენახვისა და დისტრიბუციის დროს აქროლადი ორგანული ნაერთების გაფრქვევების შემცირების მიზნით მთავრობამ ნორმატიული აქტი უნდა მიიღოს. აქტის პროექტი უკვე არსებობს, გარემოს დაცვისა და სოფლის მეურნეობის სამინისტრომ რეგულირების გავლენის შეფასების დოკუმენტიც მოამზადა, რაც იყო ერთ-ერთი მთავარი საკითხი, რას სამინისტროს წარმომადგენლებმა საქართველოს ბიზნეს ასოციაციის წევრ კომპანიებთან განიხილეს. რა ტიპის ვალდებულება უჩნდებათ ნავთობიმპორტიორებს და როდიდან? სტუმარი: აკაკი საღირაშვილი, საქართველოს ბიზნეს ასოციაციის აღმასრულებელი დირექტორის მოადგილე; #ახალიამბები #BusinessMediaGeorgia
მალე ერთი წელი შესრულდება რაც ბიზნესომბუდსმენის პოსტზე ირაკლი ღარიბაშვილმა ოთარ დანელია დანიშნა. პოსტი ყველაზე რთული, პანდემიური 2 წლის განმავლობაში ვაკანტური იყო. შეიცვალა თუ არა რაიმე ბიზნესისთვის, მას შემდეგ რაც უწყება ოთარ დანელიამ ჩაიბარა და რა არის დღეს ის პრობლემური საკითხები, რომელთა გადაწყვეტაშიც ისურვებდნენ კერძო სექტორის წარმომადგენლები ბიზნესომბუდსმენის ჩართულობას? #ახალიამბები #BusinessMediaGeorgia
2022 წლის განმავლობაში წინა წელთან შედარებით, აზარტული თამაშებიდან მოსაკრებლის სახით ბიუჯეტში შესული თანხა გაიზარდა. კერძოდ, წლიურად მოსაკრებელი თითქმის 46%-ით არის გაზრდილი. ნაერთი ბიუჯეტის შემოსულობების მიხედვით, სათამაშო ბიზნესის მოსაკრებელი გასულ წელს 114 392 795 ლარს, წინა წლის განმავლობაში კი - 78 406 677 ლარს შეადგენდა; 2022 წელს ბიუჯეტში სათამაშო აპარატებიდან - 54 243 248 ლარი შევიდა, წამახალისებელი გათამაშებიდან - 6 336 147 ლარი; სისტემურ-ელექტრონული ფორმის თამაშობიდან (ონლაინ კაზინოები) – 15 237 518 ლარი, სამორინეს მაგიდიდან - 37 574 855 ლარი, სხვა არაკლასიფიცირებული სათამაშო ბიზნესის მოსაკრებელი კი - 38 575 760 ლარი იყო; სტუმარი: გიორგი მამულაიშვილი, სათამაშო ბიზნესის ასოციაცია, ადმინისტრაციის ხელმძღვანელი; #ახალიამბები #BusinessMediaGeorgia
თურქეთ-საქართველოს საგარეო ეკონომიკური ბიზნესსაბჭოს 2022 და 2023-ის გეგმები სტუმარი: ოსმან ჩალიშქან-მჟავანაძე - თურქეთ-საქართველოს საგარეო ეკონომიკური ბიზნეს საბჭოს თავმჯდომარე #ახალიამბები #BusinessMediaGeorgia
„პორშე ცენტრი თბილისი“ მომხმარებელს საშუალებას აძლევს, პრემიუმ კლასის ავტომობილთან ერთად, პორშეს აქციების მფლობელი გახდეს. განსაკუთრებულ სტატუსთან ერთად, ეს ნიშნავს, რომ ისინი მიიღებენ ფინანსურ სარგებელს, რადგან საფონდო ბირჟაზე წარმატებული სტარტის შემდეგ კომპანიის აქციების ფასი მუდმივად იზრდება. ქართველი მომხმარებლისთვის, ისევე როგორც ათასობით ინვესტორისთვის მთელ მსოფლიოში, „პორშეს“ აქციები მას შემდეგ გახდა ხელმისაწვდომი, რაც კომპანიამ ფრანკფურტის საფონდო ბირჟაზე აქციების ნაწილის განთავსების გადაწყვეტილება მიიღო. კომპანიის ცნობით, პორშემ ფრანკფურტის საფონდო ბირჟაზე აქციების განთავსებით 9.1 მილიარდი დოლარი მოიზიდა, რაც ევროპის საფონდო ბირჟებზე 2011 წლის შემდეგ ყველაზე დიდი ტრანზაქციაა. სტუმრები: თამარ ხოსროშვილი - „პორშე ცენტრი თბილისის“ მარკეტინგის ხელმძღვანელი; ნიკა მაღლაფერიძე - „თეგეტა ჰოლდინგის” სტრატეგიული დაგეგმვისა და ინვესტორებთან ურთიერთობის დეპარტამენტის ხელმძღვანელი; #ახალიამბები #BusinessMediaGeorgia
Making Science Sweeft-მა USAID-ის ეკონომიკური უსაფრთხოების პროგრამის ფარგლებში 2-წლიანი გრანტი მოიპოვა, რომლის განხორციელებაც 2022 წლის 16 ნოემბრიდან დაიწყო. USAID-თან თანამშრომლობის ფარგლებში, დაიგეგმა სვიფტის კარიერული აქსელერაციის პროგრამის გაძლიერება, რომლის ძირითადი მიზანი საქართველოს ტექნოლოგიურ სფეროში არსებული კადრების კვალიფიკაციის ამაღლებაა. საგრანტო პროექტი გულისხმობს აქტიურ თანამშრომლობას ისეთ სტრატეგიულ პარტნიორებთან, როგორიცაა ჯიტა, საქართველოს ბიზნესისა და ტექნოლოგიების უნივერსიტეტი, თიმბოუთი და განათლებისა და მეცნიერების სამინისტრო. #ახალიამბები #BusinessMediaGeorgia
საფრანგეთი და გერმანია სარკინიგზო კავშირების გაძლიერებას გეგმავენ. ქვეყნები მხარს უჭერენ პარიზსა და ბერლინს შორის მაღალსიჩქარიანი მატარებლის მარშრუტის, ასევე ღამის მატარებლის ამოქმედებას. ორივე მათგანი 2024 წლისთვის იგეგმება. ამჟამად პარიზსა და ბერლინს შორის მატარებლით მგზავრობას მინიმუმ 8 საათი სჭირდება. #ახალიამბები #BusinessMediaGeorgia