საქართველოს ბანკი ფინანსური და ეკონომიკური განათლების მხარდაჭერას განაგრძობს. ამ მიზნით, ბანკთან პარტნიორობით საქართველოს ეკონომიკური წიგნიერების ინიციატივის (GELi) გუნდი საქართველოში პირველად ეკონომიკის ოლიმპიადას სკოლის მოსწავლეებისთვის გამართავს, რომელიც ყოველწლიურად ჩეხური ორგანიზაცია INEV-ის მოდელით ჩატარდება. პირველ ეკონომიკურ ოლიმპიადაზე მონაწილეობას მე-10, მე-11 და მე-12 კლასის მოსწავლეები შეძლებენ. ოლიმპიადა ადგილობრივ დონეზე ორი რაუნდისგან შედგება: სკოლის ტური, რომელიც წერითი ტესტირების სახით ჩატარდება და ეროვნული რაუნდი, რომელიც პანელურ დისკუსიებთან ერთად, წერით და ზეპირ ტესტირებას მოიცავს. რაც შეეხება მომდევნო, საერთაშორისო რაუნდს – ის სლოვაკეთში ჩატარდება და მონაწილეობას ეროვნულ ტურში შერჩეული 5 მონაწილე მიიღებს. სტუმარი: თამარ გოჩაშვილი - საქართველოს ბანკის CSR -მიმართულების ხელმძღვანელი; ლევან ფავლენიშვილი - ორგანიზაცია „საქართველოს ეკონომიკური წიგნიერების ინიციატივის“ დირექტორი. #ახალიამბები #BusinessMediaGeorgia
სამშენებლო და სარემონტო მასალების ბაზარზე მომდევნო 5 წლის განმავლობაში 5-10%-იან ზრდა არის მოსალოდნელი - ასეთია „გალტ ენდ თაგარტი“-ს პროგნოზი, რომელშიც საინვესტიციო ბანკი 2021 წლის შედეგებზე საუბრისას აღნიშნავს, რომ სამშენებლო და სარემონტო მასალების იმპორტმა 2021 წელს $1.8 მლრდ შეადგინა. ლიკა გურაბანიძემ ამ ჯერზე სწორედ სამშენებლო და სარემონტო მასალების ინდუსტრიული მიმოხილვა მოამზადა, რისთვისაც ადგილობრივი მწარმოებლები თუ იმპორტიორი კომპანიების წარმომადგენლები მოიკითხა. როგორც ირკვევა, სამშენებლო და სარემონტო მასალების იმპორტიორი კომპანიების უმრავლესობა ფასების კორექტირებისგან თავს იკავებს, მიუხედავად იმისა, რომ ბიზნესისთვის გაძვირებული და გართულებული ლოგისტიკა წელსაც ერთ ერთ პრობლემატურ საკითხად რჩება. სტუმარი: თორნიკე ტოლიაშვილი - "გორგიას" მარკეტინგის დეპარტამენტის ხელმძღვანელი; #ახალიამბები #BusinessMediaGeorgia
თიბისი მომხმარებლებს ახალ, ინოვაციურ სერვის განაწილებას სთავაზობს. განაწილება მომხმარებლებს საშუალებას აძლევს შეიძინონ ნივთი დღეს, და ღირებულება გადაიხადონ 4 თვის მანძილზე ყოველგვარი საპროცენტო გადასახადებისა და დამატებითი საკომისიოს გარეშე. სტუმარი: გიორგი კოკაია - "თიბისის" მომხმარებლებისთვის ღირებულების შექმნის ლეგიონის ლიდერი; #ახალიამბები #BusinessMediaGeorgia
"თეგეტა მოტორსი" მომსახურების ქსელს აფართოებს - ქუთაისში ახალი ფილიალი დავით აღმაშენებლის #99-ში გაიხსნა. მომსახურების ცენტრი ქალაქის ცენტრალურ ნაწილშია, რაც ადგილობრივი მოსახლეობისათვის ავტომომსახურებაზე ხელმისაწვდომობას გაამარტივებს. ახალი ფილიალის გახსნა, თეგეტა მოტორსის სერვისებზე, გაზრდილი მოთხოვნის საპასუხოდ გადაწყდა. თეგეტა მოტორსის ქუთაისის ახალი ფილიალი ორშაბათიდან შაბათის ჩათვლით 9:30-იდან 18:30-ამდე, კვირას კი - 09:30-იდან 18:00 საათამდე იმუშავებს. #ახალიამბები #BusinessMediaGeorgia
როგორი ტენდენციებია აგროდაკრედიტების მიმართულებით? სტუმარი: გიგა ფაიქიძე - SMEDA-ს აღმასრულებელი დირექტორი და დამფუძნებელი; შმაგი ბრეგაძე - Basisbank-ის აგრო ბიზნესის მიმართულების ხელმძღვანელი; #ახალიამბები #BusinessMediaGeorgia
გალტ & თაგარტის მხარდაჭერით და აზიის განვითარების ბანკის (ADB) მიერ განხორციელებული ინვესტიციით, მიკროსაფინანსო ორგანიზაცია კრისტალმა საფონდო ბირჟაზე ორწლიანი გენდერული ობლიგაციები განათავსა. ეს სამხრეთ კავკასიის ქვეყნებსა და საქართველოში, საფონდო ბირჟაზე გენდერული ობლიგაციების ჩაშვების პირველი შემთხვევაა. საქართველოს ბანკის, როგორც თანაინვესტორის და აზიის განვითარების ბანკის, როგორც მთავარი ინვესტორის მხარდაჭერით, ფასიანი ქაღალდების ჯამური ღირებულება 25 მილიონ აშშ დოლარს შეადგენს. აზიის განვითარების ბანკის მიერ განხორციელებული ინვესტიციის მოცულობა 18.75 მილიონი ლარია, საქართველოს ბანკის წილი კი, 6.25 მილიონი ლარი. კრისტალის გენდერული ობლიგაციები სოციალურ ხასიათის ატარებს და მის მიზანს გენდერული თანასწორობისა და ქალების გაძლიერების ხელშეწყობა წარმოადგენს. შესაბამისად, ობლიგაციები მიმართულია ქალების მიერ დაფუძნებული მიკრო, მცირე და საშუალო ზომის ბიზნესების დაფინანსებისა და მათი ეკონომიკური გაძლიერებისკენ. #ახალიამბები #BusinessMediaGeorgia
https://www.facebook.com/www.bm.ge/videos/499369535696839 #ახალიამბები #BusinessMediaGeorgia
თიბისიში საკადრო ცვლილებებია: კომპანიის IT-მიმართულების ხელმძღვანელის მოადგილედ იური სემენიხინი დაინიშნა, რომელმაც, გამოცდილება, წლების განმავლობაში, სხვადასხვა ქართულ და უცხოურ კომპანიაში მოაგროვა. რა ხედვითა და გეგმებით მივიდა იური თიბისიში და რა ეტაპზეა თიბისის ტექნოლოგიური ტრანსფორმაცია? იური სემენიხინი - თიბისის IT-მიმართულების ხელმძღვანელის მოადგილე; #ახალიამბები #BusinessMediaGeorgia
როგორია სასტუმროების დატვირთულობა მსოფლიო ჩემპიონატის მიმდინარეობისას? #ახალიამბები #BusinessMediaGeorgia
როგორ ჩამოაგდეს ამერიკულმა ავიაგამანადგურებლებმა "ჩინეთის მფრინავი მზვერავი ბუშტი"? #ახალიამბები #BusinessMediaGeorgia
როგორ ამცირებს Disney სტუდიო ხარჯებს? #ახალიამბები #BusinessMediaGeorgia
საუნივერსიტეტო საქმიანობა, სამედიცინო სექტორი, დაზღვევა, ლიზინგი, განახლებადი ენერგიები, სპორტული კლუბი და ბავშვთა აკადემია - ეს საქმიანობების ნაწილია, რომლებსაც "ნიუ ვიჟენ უნივერსიტეტი" აერთიანებს. მისი აკადემიური საბჭოს თავმჯდომარე ფიქრობს, რომ უნივერსიტეტი საზოგადოებრივ სიკეთეს უნდა ემსახურებოდეს და იყოს ყველგან სადაც ღირებულების შექმნა შეუძლია. BMGDRIVE-ის მგზავრი: დავით კერესელიძე -"ნიუ ვიჟენ უნივერსიტეტის" აკადემიური საბჭოს თავმჯდომარე ავტორები: რევაზ ნასიძე; გურამ ხუნდაძე; ბექა ბაციკაძე #ახალიამბები #BusinessMediaGeorgia
სატვირთოების, ავტობუსების, მიკროავტობუსების, დიზელსა და ბუნებრივ აირზე მომუშავე სპეციალური დანიშნულების ტექნიკის მწარმოებელი გერმანული კომპანია MAN TRUCK & BUS-ი საქმიანობას ახალი კონცეფციით – NEW MAN-ით განაგრძობს. ავტომწარმოებლის ახალი ხედვა, გაზრდილი კონკურენციისა და კრიზისული ვითარების პირობებში, კომპანიის მდგრადობისა და შემდგომი განვითარების წინაპირობადაა მიჩნეული. ეს მიდგომა გერმანული ბრენდის დილერებზე საერთაშორისო მასშტაბით ვრცელდება. მათ შორის არის კავკასიის რეგიონი, სადაც გერმანულ ბრენდს ოფიციალურად TEGETA TRUCK & BUS-ი წარმოადგენს.კომპანიამ ელექტროსატვირთოების წარმოების დაწყება რამდენიმე თვის წინ დააანონსა, პროცესი სტარტს 2024-ში აიღებს. სტუმარი: ბექა ბერიძე - Tegeta Truck & Bus-ის დირექტორი #ახალიამბები #BusinessMediaGeorgia
თიბისი კაპიტალის საინვესტიციო რუბრიკა სტუმარი: თორნიკე მჭედლიშვილი - "თიბისი კაპიტალის" საბროკერო მიმართულების ვიცე-პრეზიდენტი; #ახალიამბები #BusinessMediaGeorgia
ისრაელის ახალი ელჩის გეგმები - ინტერვიუ ჰადას მეიცადთან ჰადას მეიცადი - ისრაელის ელჩი; თამთა ჯიჯავაძე - bm.ge-ის რედაქტორი და ჟურნალისტი; #ახალიამბები #BusinessMediaGeorgia
Raisin-ის 2022 წელი და სამომავლო გეგმები გიორგი არონია - BMG/Forbes Georgia, ანალიტიკოსი; გიორგი თოლორდავა - BMG, ანალიტიკოსი; სტუმარი: თამაზ გიორგაძე - Raisin-ის მმართველი პარტნიორი; #ახალიამბები #BusinessMediaGeorgia
რამდენად წარმოადგენს თურქეთი კვლავ საინტერესო მდებარეობას, როგორც ტურისტული ქვეყანა? როგორ ინარჩუნებს ან რა ძალისხმევა დასჭირდება თურქეთის რესპუბლიკას დარჩეს მსოფლიოში ერთ-ერთი ყველაზე ტურისტულად მიმზიდველი ქვეყანა? #ახალიამბები #BusinessMediaGeorgia
Galt&Taggart;-მა USAID-ის ეკონომიკური მმართველობის პროგრამის მხარდაჭერით საქართველოში კერძო კაპიტალის ბაზრის განვითარების შესახებ კვლევის შედეგები წარადგინა. კვლევა ფარავს როგორც კერძო კაპიტალის განვითარების გლობალურ ტენდენციებს, ისე რეგიონისა და ბალტიის ქვეყნებში სექტორის განვითარების ანალიზს და საქართველოში ამ კუთხით არსებულ მდგომარეობას. #ახალიამბები #BusinessMediaGeorgia
ჰუმანიტარული დახმარება თურქეთისთვის - რას აგზავნის საქართველო? #ახალიამბები #BusinessMediaGeorgia
სვანეთში ზამთრის ტურიზმი უკვე რამდენიმე წელია, აქტიურად ვითარდება და დამსვენებლებისა თუ სამთო-სათხილამურო სპორტის მოყვარულების ყურადღებას იპყრობს. რამდენიმე დღის წინ გაეროს მსოფლიო ტურიზმის ორგანიზაციამ, მესტია საუკეთესო ტურისტულ მიმართულებადაც დაასახელა. როგორ მიდის წლევანდელი ტურისტული სეზონი საქართველოს ყველაზე მაღალმთიან მხარეში? #ახალიამბები #BusinessMediaGeorgia
#საქმიანიდილა - 10 თებერვალი - პროლოგი #ახალიამბები #BusinessMediaGeorgia
ყველაზე პოპულარული სახელები საქართველოში #ახალიამბები #BusinessMediaGeorgia
150-მეტრიანი ასტეროიდი 11 თებერვალს დედამიწას მოუახლოვდება #ახალიამბები #BusinessMediaGeorgia
2022 წელს დაცული ტერიტორიების ფართობი რეკორდულად, 116 720 ჰექტრით გაიზარდა და დამატებით ქვეყანაში 5 ახალი დაცული ტერიტორია შეიქმნა. დაცული ტერიტორიების სააგენტოს მიერ გასული წლის შემაჯამებელ ანგარიშში ნათქვამია, რომ წელი მნიშვნელოვანი იყო ტყის ინვენტარიზაციის მხრივაც, რომელმაც 33 665 ჰექტარ ფართობზე მეტი მოიცვა. აქცენტი კეთდება ეკოტურიზმის განვითარებისა და ვიზიტორთა რაოდენობის ზრდა/აღდგენის მიმართულებით მიღწეულ შედეგებზეც, კერძოდ ვიზიტორთა რაოდენობა გასულ წელს 54%-ან ზრდას აჩვენებდა. სტუმარი: თამარ ხახიშვილი - "დაცული ტერიტორიების სააგენტოს" თავმჯდომარის მოადგილე; #ახალიამბები #BusinessMediaGeorgia
სკოლებში უფასო კვების პროგრამის დაწყების და შესაძლო მოდელის გამოვლენის მიზნით გაეროს ბავშვთა ფონდის, საქართველოს პარლამენტის, განათლებისა და მეცნიერების, ასევე ჯანდაცვისა და სოფლის მეურნეობის სამინისტროს მონაწილეობით იანვრის ბოლოს სამუშაო შეხვედრა გაიმართა. შეხვედრაზე მხარეები შეთანხმდნენ, რომ რომ სასკოლო კვების პროგრამის ძირითადი პრინციპები თანასწორობა და ინკლუზიურობა იქნება, მასშტაბური სამუშაოების ჩატარების შედეგად კი მისი ამოქმედება 2023-ის სექტემბრიდანაც შესაძლებელი იქნება. რა მოდელი შეირჩა და არსებობს თუ არა ამ დროისთვის რაიმე გაწერილი ბიუჯეტი მოსწავლეების უფასო კვებისთვის? სტუმარი: თამარ უგულავა - “ საქართველოში გაეროს ბავშვთა ფონდის (UNICEF) ნუტრიციისა და ჯანდაცვის სპეციალისტი; #ახალიამბები #BusinessMediaGeorgia
გასული კვირის ბოლოს საქართველოს პრემიერ-მინისტრი ირაკლი ღარიბაშვილი ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრს ზურაბ აზარაშვილს და მის მოადგილეებს შეხვდა. შეხვედრაზე განიხილეს 2023 წელს განსახორციელებელი გეგმები და სამინისტროს ძირითადი პრიორიტეტები. საუბარი შეეხო ,,საქართველოს განვითარების სტრატეგია - ხედვა 2030-ის" განხორციელების დინამიკას. ერთ-ერთ საკითხად ბევრ მიმდინარე და დაგეგმილ რეფორმასთან ერთად გამოიყო ჰეპატიტის პროგრამა. როგორც პრემიერის პრესსამსახურის მიერ გავრცელებულ ინფორმაციაშია აღნიშნული, მიმდინარე წელს C ჰეპატიტზე 590 ათასზე მეტი პირის სკრინინგია დაგეგმილი, 2026 წლისთვის კი C ჰეპატიტის სრული ელიმინაცია უნდა მოხდეს. პროგრამას ადგილობრივი მხარე ამერიკის შეერთებული შტატების დაავადებათა კონტროლის ცენტრისა და მედიკამენტის მწარმოებელი კომპანია „გილეად"-ის მხარდაჭერით ახორციელებდა, რომლებმაც ელიმინაციის პროექტისთვის საქართველო რამდენიმე მიზეზით შეარჩიეს, საიდანაც უმთავრესი იყო გავრცელების მაღალი მაჩვენებელი. იქამდე ვიდრე მწარმოებელი კომპანია ძვირადღირებული მკურნალობისთვის საჭირო წამლებს სრულიად უფასოდ გადმოსცემდა ქვეყანას ყველა ინფიცირებული მოქალაქის მკურნალობისთვის, ჩატარდა კვლევა, რომლის შედეგების მიხედვითაც ზრდასრულთა 5.4% დაავადებული აღმოჩნდა. გავრცელება უფრო მაღალი იყო მამაკაცებში, მათ შორის 30-59 წლის ასაკის ჯგუფებში. გავრცელების გზებს შორის კი, ყველაზე მაღალი იყო ინტრავენური ნარკოტიკების მოხმარება და დაინფიცირებული სისხლისა და სისხლის პროდუქტების მოხვედრა ორგანიზმში. რამდენი პროცენტია დღეს სრულად განკურნებული და როგორია ახალი ინფიცირების შემთხვევები პროგრამის დაწყებიდან თითქმის 8 წლის შემდეგ ამ თემაზე BMG-იმ რამდენჯერმე სცადა NCDC-ის წარმომადგენლებისგან მიეღო ინფორმაცია თუმცა უწყება ვერცერთ რესპონდენტს ვერ პოულობს კვირიდან კვირამდე თემაზე სასაუბროდ. სტუმარი: გიორგი კამკამიძე - ექიმი ინფექციონისტი, კლინიკა “ნეოლაბის” დირექტორი; #ახალიამბები #BusinessMediaGeorgia
ჯანდაცვის მსოფლიო ორგანიზაციის (WHO) მონაცემებით, მხოლოდ 2019 წელს საქართველოში ჰაერის დაბინძურების მიზეზით 5 220 ადამიანი გარდაიცვალა. ამის შესახებ ISET-ის მიერ გავრცელებულ ანგარიშშია ნათქვამი. აღნიშნული მაჩვენებლების თანახმად, ყოველ 100 000 ქართველზე ყოველწლიურად დაბინძურებული ატმოსფერული ჰაერით გამოწვეული 130.6 გარდაცვალების შემთხვევა ფიქსირდება რაც მნიშვნელოვნად აღემატება როგორც დასავლეთ ევროპის ქვეყნებში არსებულ მაჩვენებელს, ისე რეგიონში, სომხეთისა და აზერბაიჯანის მონაცემებს. სტუმარი: მარიამ წულუკიძე - ISET-ის კვლევითი ინსტიტუტის უფროსი მკვლევარი; #ახალიამბები #BusinessMediaGeorgia
საქართველოს ბიზნეს ასოციაციაში გუშინ ჯანმრთელობის დაცვის კომიტეტის ხდომაზე DRG სისტემასა და სექტორში არსებულ გამოწვევებზე იმსჯელეს. განხილული იყო DRG სისტემაზე გადასვლის შემდეგ წარმოქმნილი საოპერაციო საკითხები, რომელმაც შეიძლება გავლენა იქონიოს კლინიკების მიერ პაციენტებისთვის მიწოდებული სერვისების ხარისხზე. კომიტეტის წევრებს მიაჩნიათ, რომ აუცილებელია, რეფორმის მიმდინარეობისას პოლიტიკის დაგეგმვაზე პასუხისმგებელ პირებთან მუდმივი კომუნიკაცია, რათა საბოლოო ჯამში არ დაზარალდეს პაციენტი და რეფორმის მიმდინარეობა სრულად შეესაბამებოდეს წინასწარ განსაზღვრულ მიზნებს. ასევე, შეეხო ბაზარზე მედიკამენტების ხელმისაწვდომობასა და ფასებს, საყოველთაო ჯანდაცვის სისტემასა და მასზე სადაზღვევო პროდუქტების დაშენების შესაძლებლობას. შეხვედრის ფარგლებში, წევრი კომპანიების წარმომადგენლებმა ასევე, იმსჯელეს 2025 წლის ჰოსპიტლების სერტიფიცირების საკითხზე, რაც ერთ-ერთ გამოწვევად სახელდება და აქედანვე მოითხოვს სათანადო მომზადებას. სტუმრები: ლევან ვეფხვაძე - "საქართველოს ბიზნეს ასოციაციის" აღმასრულებელი დირექტორი; ნინა კობახიძე - "საქართველოს ბიზნეს ასოციაციის" ჯანდაცვის კომიტეტის თავმჯდომარე. #ახალიამბები #BusinessMediaGeorgia
ყოველწლიური ჰაკათონი Global Game Jam-ის შედეგები - 48 საათიანი ჰაკათონი პარალელურ რეჟიმში 100-ზე მეტ ქვეყანაში ჩატარდა და თამაშებით დაინტერესებული ათასობით ადამიანი გაერთიანდა. ჰაკათონზე 70-მდე მონაწილე იყო წარმოდგენილი, რომელთაც კომპეტენტური მენტორების დახმარებით თავიანთი თამაშები დახვეწეს. წინა წლის Global Game Jam - სგან განსხვავებით წელს ჰაკათონზე შეიქმნა არამარტო ციფრული თამაშები არამედ სამაგიდო თამაშებიც, პირველ ადგილზეც კი სწორედ სამაგიდო თამაშის შემქმნელი ერთ-ერთი გუნდი “Groot” გავიდა. სტუმრები: ზუკა ცქიტიშვილი - ფონდი Kettari-ის პროექტი "აქსელერატორის" მენეჯერი; გური ქოიავა - "სტარტაპ ბიუროს" თანადამფუძნებელი, Global Game Jam Georgia-ს თანაორგანიზატორი; #ახალიამბები #BusinessMediaGeorgia
როგორ ხდება საქართველოში მიწისძვრების მონიტორინგი? სტუმარი: ზურაბ ჯავახიშვილი - ილიას უნივერსიტეტის პროფესორი, სეისმოლოგი; #ახალიამბები #BusinessMediaGeorgia
თავისუფალი ინდუსტრიული ზონის საწარმოს ცნება საგადასახადო კოდექსში პირველად 2008 წელს გაჩნდა. 2011 წლიდან მოქმედი საგადასახადო კოდექსის მიხედვით ბოლოს ცვლილება თავისუფალი ინდუსტრიული ზონის საწარმოს მუხლში 2015 წელს განხორციელდა. Grant Thornton-ის მიერ სამართლებრივი აქტების შესწავლის შემდეგ მათ მიერ მომზადებულ დოკუმენტში მითითებულია, რომ ერთმანეთთან დაკავშირების და ანალიზის შედეგად შესაძლებელია დადგინდეს, რა შემთხვევაში აქვს შესაძლებლობა თავისუფალი ინდუსტრიული ზონის საწარმოს ისარგებლოს ძირითადი საგადასახადო შეღავათებით, რომელიც გულისხმობს თავისუფალი ინდუსტრიული ზონის საწარმოს მიერ მოგების განაწილების შემთხვევაში მოგების და საშემოსავლო გადასახადში არსებული შეღავათებით სარგებლობის შესაძლებლობას. საგადასახადო ორგანოს მიერ 2020-2021 წლებში ჩატარდა რამდენიმე თავისუფალი ინდუსტრიული ზონის საწარმოს საგადასახადო შემოწმება. შემოწმების შედეგებმა ცხადყო, რომ თავისუფალი ინდუსტრიული ზონის საწარმოებს არასწორად ჰქონდათ აღქმული შეღავათების გამოყენების შესაძლებლობა, რამაც გამოიწვია დამატებით მათ მიმართ საგადასახადო ვალდებულებების განსაზღვრა. თავისუფალი ინდუსტრიული ზონების საწარმოს წარმომადგენლების განმარტებით, ისინი თვლიდნენ, რომ საგადასახადო ორგანომ შეცვალა მისი მიდგომა და არ მისცა საშუალება კომპანიებს ესარგებლათ იმ შეღავათებით რომელიც იყო კანონმდებლობით გათვალისწინებული. სტუმარი: ნათია ჩაგანავა - Grant Thornton Georgia-ს საგადასახადო მიმართულების მენეჯერი; #ახალიამბები #BusinessMediaGeorgia
მეკობრეობა - ანუ კონტენტის არალეგალურად მითვისების პრობლემა ტექნოლოგიების განვითარებასთან ერთად უფრო მასშტაბური ხდება. სხვადასხვა ინდუსტრიასთან ერთად ეს გამოწვევა გამომცემლობებზეც ვრცელდება. ქართული საგამომცემლო კომპანიების წარმომადგენლები აღნიშნავენ, რომ იზრდება იმ ადამიანების რაოდენობა, რომლებიც მათ მიერ გამოცემულ წიგნებს “აკოპირებენ” და შემდგომ ე.წ შავ ბაზარზე ყიდიან. გამომცემლობებს მათთან კონკურენცია უჭირთ, რადგან მეკობრეებს წარმოების პროცესში დანახარჯები არ აქვთ, შესაბამისად, მათ მიერ წარმოებული წიგნები იაფია. გამომცემლობები თვლიან , რომ პრობლემის გადასაჭრელად საკანონმდებლო ბაზა უნდა შეიქმნას, რათა მეკობრეებს საქმიანობაში ხელი შეეშალოთ. #ახალიამბები #BusinessMediaGeorgia
საქსტატის მონაცემებით, იანვარში ქვეყანაში წლიური ინფლაციის დონემ 9.4% შეადგინა. ინფლაციაზე ყველაზე დიდი გავლენა კვლავ სურსათის გაძვირებამ მოახდინა, სადაც წლიურ ჭრილში ფასები 15%-ით არის გაზრდილი. ფასები მომატებულია შემდეგ ქვეჯგუფებზე: ბოსტნეული და ბაღჩეული, პური და პურპროდუქტები, ყავა, ჩაი და კაკაო, ასევე, რძე, ყველი და კვერცხი. მინერალური და წყაროს წყალი და სხვა. #ახალიამბები #BusinessMediaGeorgia
ვიზუალ კაპიტალისტმა მსოფლიო ბანკზე დაყრდნობით იმ ქვეყნების ჩამონათვალი გამოაქვეყნა, რომელთა ეკონომიკაც გეოპოლიტიკურად ყველაზე მეტი რისკის წინაშე დგანან. ჩამონათვალში გეოპოლიტიკური რისკების მიმართ ყველაზე ნაკლებად სტაბილური პაკისტანია. ახალი ზელანდია ჩამონათვალში ყველაზე მაღალი ქულით შეფასდა რაც იმას ნიშნავს, რომ ახალი ზელანდიის ეკონომიკა გეოპოლიტიკური რისკების მიმართ ყველაზე მდგრადია. მსოფლიო ბანკის შეფასებით, ქვეყნებში გეოპოლიტიკურმა რისკმა შესაძლოა სამოქალაქო არეულობა და ომი გამოიწვიოს. #ახალიამბები #BusinessMediaGeorgia
#საქმიანიდილა - 9 თებერვალი - პროლოგი #ახალიამბები #BusinessMediaGeorgia
„ჩაიბუდე" - კაფე მესტიაში 31 დეკემბერს გაიხსნა და მას შემდეგ, უკვე არაერთი ადგილობრივი თუ საერთაშორისო მოგზაურისთვის საყვარელ ადგილად იქცა. აქ მისულ სტუმრებს როგორც ქართული ისე უცხოური კერძების, განსაკუთრებით კი ტკბილეულის ფართო ასორტიმენტი ხვდება. მრავალფეროვანია ასევე ჩაისა და სხვა ცხელი სასმელების მენიუც. ვინტაჟური დიზაინის კაფეს, რომელიც თავისი კონცეფციით მესტიისთვის სიახლეა, ერთდროულად 25 სტუმრის მიღება შეუძლია. თათია თეთრაშვილი - „ჩაიბუდეს“ დამფუძნებელი #ახალიამბები #BusinessMediaGeorgia
გასულ კვირას სოფლის მეურნეობის მინისტრი, მის მოადგილეებთან ერთად სოფლის მეურნეობის დარგობრივი ასოციაციების წარმომადგენლებს შეხვდა. სამინისტროს მიერ გავრცელებული ინფორმაციით, შეხვედრაზე ასოციაციის წარმომადგენლებმა დარგში არსებულ გამოწვევებსა და საჭიროებებზე ისაუბრეს. ასევე, საუბარი შეეხო მესაქონლეობისა და აკვაკულტურის სექტორის პოტენციალს და განვითარების მნიშვნელობის საკითხებს. რა გამოწვევები აქვს სოფლის მეურნეობის დარგებს და რა ახალი ინიციატივები აქვს ამ გამოწვევებზე საპასუხოდ სამინისტროს? სტუმარი: გელა ხანიშვილი - "სოფლის მეურნეობის მინისტრის" მოადგილე; #ახალიამბები #BusinessMediaGeorgia
პარლამენტში „ელექტრონული კომერციის შესახებ“ საქართველოს მთავრობის მიერ მომზადებული კანონპროექტის განხილვა დაიწყო, რის მიღებასაც ქვეყანას ევროკავშირთან ასოცირების დღის წესრიგი ავალდებულებს. დღეის მდგომარეობით საქართველოში ელექტრონული კომერციის პროცესის მომწესრიგებელი კანონმდებლობა არ არსებობს. როგორც დოკუმენტის განმარტებით ბარათშია აღნიშნული, ეს იქნება კანონი, რომელიც ელექტრონულ კომერციასთან დაკავშირებულ საქმიანობას დაარეგულირებს და ასევე განსაზღვრავს ამ მომსახურების გამწევი პირების პასუხისმგებლობას. კანონის მოთხოვნაა, რომ სუბიექტი, რომელიც მომსახურების მიწოდებას ახორციელებს, უნდა იყოს მარტივად იდენტიფიცირებადი მომსახურების მიმღებისთვის. რა იცვლება ახალი კანონპროექტით, რა ევალება ბიზნესს და რისი უფლება აქვს მომხმარებელს? სტუმარი: თამარ გოგოლაშვილი - "ელექტრონული კომერციის ასოციაციის" ხელმძღვანელი #ახალიამბები #BusinessMediaGeorgia
2023 წლის პირველი იანვრიდან, ექიმებისა და ექთნების მინიმალური საათობრივი ანაზღაურება დაწესდა. ექიმების მინიმალური ანაზღაურება საათში 7 ლარით განისაზღვრა, რაც თვეში მინიმუმ 1260 ლარია, ექთნების მინიმალური ანაზღაურება კი საათში 4.4 ლარი უნდა იყოს, რაც თვეში მინიმუმ 792 ლარის ანაზღაურებას გულისხმობს. რეფორმის შედეგად, საყოველთაო ჯანდაცვის პროგრამაში სტაციონარული კომპონენტით ჩართული ყველა კლინიკა ვალდებულია ექიმებისა და ექთნების სახელფასო ანაზღაურება, ჯანდაცვის სამინისტროს მიერ წარმოდგენილი მინიმალური ზღვრის გათვალისწინებით დაადგინოს. ახალი რეგულაციით, ხელფასის ზრდა შეეხება 9000-მდე ექიმსა და 8000-ზე მეტ ექთანს. აღნიშნული ცვლილებების შედეგად, შრომის ინსპექციის სამსახურის მანდატი ფართოვდება. აღნიშნული უწყება ონლაინ გააკონტროლებს, რამდენად იცავენ კლინიკები ახალ მოთხოვნებს? სტუმარი: მაია მახარაშვილი - "ჯანდაცვის ასოციაციის" სამეთვალყურეო საბჭოს თავმჯდომარე; #ახალიამბები #BusinessMediaGeorgia
ჯანდაცვის სისტემაში განხორციელებული ცვლილებები მიმდინარე კვირაშიც აქტუალურია. ამჯერად, ექიმების ნაწილი ჯანდაცვის სამინისტროს წერილობით მიმართავენ. ექიმები კლინიკების დაფინანსების ახალ DRG მოდელზე გადასვლით გამოწვეულ ხარვეზებზე რამდენიმე კვირის წინ ღიად ალაპარაკდნენ. სამინისტროსთან შეთანხმებით დათქმა, რომ ორი კვირის ვადაში, მედიკოსები პრობლემის გადაწყვეტის მიზნით მიიღებდნენ რაიმე პასუხს, არ შედგა. სამინისტროს წარმომადგენლები არც ექიმების ორგანიზებით გამართულ სამუშაო შეხვედრაზე მივიდნენ, რა პროცესის შემდეგაც ექიმებმა გადაწყვიტეს სამინისტროს წერილი გაუგზავნონ. ექიმები ამბობენ, რომ DRG-ის მოდელზე გადასვლით ტარიფები განსაკუთრებით ტრავმატოლოგია-ორთოპედიის მიმართულებით შემცირდა, რაც ევროპული ხარისხის იმპლანტის თვითღირებულებასაც ვერ ფარავს. რა წერია ზურაბ აზარაშვილის სახელზე გაგზავნილ წერილში და რას ითხოვენ ექიმები? სტუმარი: ზურაბ ხაბეიშვილი - "საქართველოს ტრავმატოლოგთა ასოციაციის" პრეზიდენტი; #ახალიამბები #BusinessMediaGeorgia
საქართველოს პრემიერ-მინისტრის განცხადებით, მომხმარებელს პირველადი მოხმარების პროდუქტის შეძენა 100%-იანი ფასნამატით უწევს, რაც კატეგორიულად მიუღებელია. ამ განცხადების დასტურად ირაკლი ღარიბაშვილმა კონკურენციის სააგენტოს მიერ სურსათის ფასების მოკვლევის პირველადი შედეგები დაასახელა. კერძო სექტორში ამბობენ, რომ პრემიერი მართალს ამბობს თუმცა ამ არც თუ სასიამოვნო სიმართლეს თავისი მიზეზები აქვს. დისტრიბუტორთა ბიზნეს ასოციაციის პრეზიდენტი იმ ფაქტორებს ასახელებს, რომლებიც მომხმარებლისთვის პროდუქტს აძვირებს. ივა ჭყონია BM.GE-სთან განმარტავს, რომ პროდუქტების მაღალი ღირებულების საკითხზე და მის გამომწვევ მიზეზებზე, მათ შორის მთავრობის წარმომადგენლებთან არაერთხელ უსაუბრიათ და ამ საკითხის დარეგულირება აუცილებელია. და მაინც რა აძვირებს პროდუქტს მომხმარებლისთვის თუ ყველას უნდა რომ ის იაფად გაიყიდოს? დისტრიბუტორთა ასოციაციის პრეზიდენტის თქმით, იმპორტიორებსა და დისტრიბუტორებს ოპერირებისას სხვადასხვა რისკების გადაზღვევა უწევთ.კითხვაზე - იმპორტირებიდან დახლზე მოხვედრამდე ყველაზე მეტად რომელ ეტაპზე ძვირდება პროდუქტი, ივა ჭყონია ამბობს, რომ დისტრიბუტორებს რიტეილ სექტორში არსებული გადასახადების გამო ქსელში შეტანა მაღალი მარჟებით უწევთ, რათა ის გადასახადები დააკომპენსირონ, რომელიც მათთვისაა დაწესებული. ის იმასაც აცხადებს, რომ იმპორტიორები პროდუქტის რეალიზებას კარტელური ფასებით არ ახდენენ. სტუმარი: სოფიო ქაშაკაშვილი - "საქართველოს რითეილ ასოციაციის" აღმასრულებელი დირექტორი #ახალიამბები #BusinessMediaGeorgia
ნაგებობების სეისმომედეგობა სტუმარი: ირაკლი ურუშაძე - Q Engineering-ის დამფუძნებელი; #ახალიამბები #BusinessMediaGeorgia
რუსულ ბაზარზე დამოკიდებული ბიზნესები - რეალობა რომელშიც კერძო სექტორი მოცემულობას წლიდან წლამდე უკეთესით იშვიათად ცვლის. 2022 წელს საქართველოს $19 მლრდ-იან სავაჭრო ბრუნვაში, ექსპორტს 29.3% ეკავა. ქვეყანამ საერთაშორისო ბაზარზე სხვადასხვა დასახელების საქონლის რეალიზებით 5 მილიარდ 592 მილიონი დოლარის შემოსავალი მიიღო, რაც 2021 წლის ექსპორტს 31.8%-ით აღემატება. ექსპორტის ზრდის პირობებში, საქართველოს უმსხვილესი საექსპორტო სასაქონლო ჯგუფების ჩამონათვალში, ერთ-ერთი მსხვილი პროდუქტის - მინერალური და მტკნარი წყლების რეალიზება 20.7%-ით შემცირდა. შედეგად, ქვეყანამ საზღვრებს გარეთ ამ საქონლის გაყიდვით 112 მილიონი 517 ათასი დოლარის შემოსავალი მიიღო და ექსპორტზე 203 485 ტონა წყალი გაიტანა. ამავე შუალედში მინერალური და მტკნარი წყლების მთავარი საექსპორტო ბაზარი, წინა წლების მსგავსად რუსეთი იყო. უმსხვილესი საექსპორტო ბაზრებიდან მინერალური წყლების რეალიზება ყაზახეთში, უზბეკეთში, მცირედით ისრაელსა და გერმანიაში გაიზარდა. აზერბაიჯანის შემთხვევაში ექსპორტი შენარჩუნდა, რუსეთის, უკრაინის, ლიეტუვის, ბელარუსის და აშშ-ის მიმართულებით კი შემცირდა. სტუმარი: ლევან კასრაძე - “საირმეს” ექსპორტის დირექტორი; #ახალიამბები #BusinessMediaGeorgia
ბოლო პერიოდში გახშირდა შემთხვევები, როდესაც ფიზიკურ პირებს, რომლებიც საქართველოში ლიცენზირებული კომერციული ბანკების მომსახურებით სარგებლობენ, გარკვეული ანაზღაურების სანაცვლოდ, უცნობი პირები პირად საბანკო ანგარიშზე ურიცხავენ თანხას და სხვადასხვა გზით ჩარიცხული თანხის განაღდებას სთხოვენ. აღნიშნული ტიპის თანხები ძირითადად რუსეთის ფედერაციიდან ირიცხება. საქართველოს საბანკო ასოციაცია, საქართველოში ლიცენზირებული კომერციულ ბანკების სახელით, აფრთხილებს მომხმარებლებს, რომ ზემოაღნიშნული საქმიანობა ეწინააღმდეგება საქართველოს მოქმედ კანონმდებლობას და მსგავსი საქმიანობით დაკავებული პირების მიმართ, შესაძლოა, დადგეს საქართველოს კანონმდებლობით გათვალისწინებული პასუხისმგებლობა. ასევე, კომერციული ბანკების საქმიანობის მარეგულირებელი წესების და ნორმების გათვალისწინებით მომხმარებლის მსგავსი შინაარსის ქმედებები შესაძლოა მისი ანგარიშის დახურვის და სანქცირების საფუძველი გახდეს. სტუმრები: ალექსანდრე ძნელაძე - "საქართველოს საბანკო ასოციაციის" პრეზიდენტი; ინგა ქარჩავა - "საქართველოს საბანკო ასოციაციის" კიბერუსაფრთხოების მიმართულების კოორდინატორი #ახალიამბები #BusinessMediaGeorgia
შვეიცარიის მოქალაქეებს სურთ, რომ ქვეყნის ეკონომიკა არასოდეს გახდეს უნაღდო ანგარიშსწორების მოწინავე ქვეყანა და ამისთვის მოქალაქეები ბანკნოტებს და მონეტებს ინახავენ. შვეიცარიის თავისუფალმა მოძრაობამ ხელმოწერებიც შეაგროვა, რათა ქვეყნის პარლამენტმა მიიღოს კანონი, ნაღდი ფულის მიმოქცევაში შენარჩუნებისთვის. სტატისტიკურად, უნაღდო ანგარიშსწორებით შვეიცარია ერთ-ერთ მოწინავე პოზიციას ჯერ კიდევ 2017 წლიდან იკავებდა და პანდემიამ ციფრული ფულის გამოყენება უფრო გაააქტიურა. რატომ არ სურთ შვეიცარიელებს უნაღდო ანგარიშსწორება და რა ბერკეტი აქვთ ამისთვის? #ახალიამბები #BusinessMediaGeorgia
წიაღისეული საწვავი ქვეყნების ენერგიის მთავარ წყაროს წარმოადგენს, შესაბამისად, მათი გლობალური მოხმარება მილიარდობით ტონას აღემატება. ნახშირი, ნავთობი და ბუნებრივი აირი - BP-ის მონაცემებით წიაღისეული საწვავის მთავარი მოთამაშეები მსოფლიოს მასშტაბით, ჩინეთი, აშშ, ინდოეთი და საუდის არაბეთია. საინტერესოა როგორ ნაწილდება მოხმარება და ექსპორტი ქვეყნების მიხედვით და რა რაოდენობაზე ავიდა წიაღისეულის მოხმარება მსოფლიო მასშტაბით გასულ წელს? #ახალიამბები #BusinessMediaGeorgia
ამერიკულ ტექნოლოგიურ კომპანია Lineate-ს და ქუთაისის საერთაშორისო უნივერსიტეტს შორის თანამშრომლობა დაიწყო, რომელიც საქართველოში IT-განათლების და ამ სფეროთი დაინტერესებული სტუდენტების ხელშეწყობას ისახავს მიზნად. თანამშრომლობის ფარგლებში, Lineate-მ დააწესა სტიპენდია, რომელსაც ქუთაისის საერთაშორისო უნივერსიტეტის ორი წარჩინებული სტუდენტი მიიღებს. აღნიშნული სტიპენდიით, Lineate სტუდენტების საცხოვრებლის, ე.წ. “კამპუსის” გადასახადს დაფარავს. #ახალიამბები #BusinessMediaGeorgia
"ევექსი ჰოსპიტლების" 2022 წლის სარეზიდენტო პროგრამის 70-მდე კურსდამთავრებული პროფესიულ საექიმო საქმიანობას დამოუკიდებლად განაგრძობს. "ევექსი ჰოსპიტლები" დიპლომის შემდგომი მზადების პროგრამას რეზიდენტურას, სერტიფიცირებული ექიმების გადამზადებას და უწყვეტ სამედიცინო განათლებას 2015 წლიდან ახორციელებს და დღემდე 567 რეზიდენტი მიიღო. კურსდამთავრებულთა უმრავლესობა ქვეყნის მასშტაბით არსებული ქსელის სხვადასხვა ჰოსპიტალშია დასაქმებული. 2015 წლიდან დღემდე ევექსი ჰოსპიტლებმა სწავლა 143 რეზიდენტს დაუფინანსა. "ევექსი ჰოსპიტლები" მომავალშიც განაგრძობს წარმატებული რეზიდენტებისთვის სასწავლო გრანტების გაცემასა და საექიმო პრაქტიკის საზღვარგარეთ დაფინანსებას. #ახალიამბები #BusinessMediaGeorgia
#საქმიანიდილა - 8 თებერვალი - პროლოგი #ახალიამბები #BusinessMediaGeorgia
ციფრული ბეჭდვის სისტემის და სხვადასხვა ინოვაციური ტექნოლოგიის მწარმოებელმა კომპანია Konica Minolta-მ კონფერენციას - “Konica Minolta ღია კარის დღე 2023"-ს უმასპინძლა. კონფერენციაზე მოწვეულ სტუმრებთან ერთად Konica Minolta-ს ევროპის პრეზიდენტიც იმყოფებოდა. ღონისძიებაზე მოწვეულ სტუმრებს კომპანიის ახალი ტექნოლოგია წარუდგინეს. აღსანიშნავია, რომ კომპანია ბეჭდვის შესაძლებლობებს ავითარებს და მომხმარებელს უნიკალურ გამოცდილებას სთავაზობს. #ახალიამბები #BusinessMediaGeorgia