ჯანდაცვის მსოფლიო ორგანიზაციის (WHO) მონაცემებით, მხოლოდ 2019 წელს საქართველოში ჰაერის დაბინძურების მიზეზით 5 220 ადამიანი გარდაიცვალა. ამის შესახებ ISET-ის მიერ გავრცელებულ ანგარიშშია ნათქვამი. აღნიშნული მაჩვენებლების თანახმად, ყოველ 100 000 ქართველზე ყოველწლიურად დაბინძურებული ატმოსფერული ჰაერით გამოწვეული 130.6 გარდაცვალების შემთხვევა ფიქსირდება რაც მნიშვნელოვნად აღემატება როგორც დასავლეთ ევროპის ქვეყნებში არსებულ მაჩვენებელს, ისე რეგიონში, სომხეთისა და აზერბაიჯანის მონაცემებს. სტუმარი: მარიამ წულუკიძე - ISET-ის კვლევითი ინსტიტუტის უფროსი მკვლევარი; #ახალიამბები #BusinessMediaGeorgia
საქართველოს ბიზნეს ასოციაციაში გუშინ ჯანმრთელობის დაცვის კომიტეტის ხდომაზე DRG სისტემასა და სექტორში არსებულ გამოწვევებზე იმსჯელეს. განხილული იყო DRG სისტემაზე გადასვლის შემდეგ წარმოქმნილი საოპერაციო საკითხები, რომელმაც შეიძლება გავლენა იქონიოს კლინიკების მიერ პაციენტებისთვის მიწოდებული სერვისების ხარისხზე. კომიტეტის წევრებს მიაჩნიათ, რომ აუცილებელია, რეფორმის მიმდინარეობისას პოლიტიკის დაგეგმვაზე პასუხისმგებელ პირებთან მუდმივი კომუნიკაცია, რათა საბოლოო ჯამში არ დაზარალდეს პაციენტი და რეფორმის მიმდინარეობა სრულად შეესაბამებოდეს წინასწარ განსაზღვრულ მიზნებს. ასევე, შეეხო ბაზარზე მედიკამენტების ხელმისაწვდომობასა და ფასებს, საყოველთაო ჯანდაცვის სისტემასა და მასზე სადაზღვევო პროდუქტების დაშენების შესაძლებლობას. შეხვედრის ფარგლებში, წევრი კომპანიების წარმომადგენლებმა ასევე, იმსჯელეს 2025 წლის ჰოსპიტლების სერტიფიცირების საკითხზე, რაც ერთ-ერთ გამოწვევად სახელდება და აქედანვე მოითხოვს სათანადო მომზადებას. სტუმრები: ლევან ვეფხვაძე - "საქართველოს ბიზნეს ასოციაციის" აღმასრულებელი დირექტორი; ნინა კობახიძე - "საქართველოს ბიზნეს ასოციაციის" ჯანდაცვის კომიტეტის თავმჯდომარე. #ახალიამბები #BusinessMediaGeorgia
ყოველწლიური ჰაკათონი Global Game Jam-ის შედეგები - 48 საათიანი ჰაკათონი პარალელურ რეჟიმში 100-ზე მეტ ქვეყანაში ჩატარდა და თამაშებით დაინტერესებული ათასობით ადამიანი გაერთიანდა. ჰაკათონზე 70-მდე მონაწილე იყო წარმოდგენილი, რომელთაც კომპეტენტური მენტორების დახმარებით თავიანთი თამაშები დახვეწეს. წინა წლის Global Game Jam - სგან განსხვავებით წელს ჰაკათონზე შეიქმნა არამარტო ციფრული თამაშები არამედ სამაგიდო თამაშებიც, პირველ ადგილზეც კი სწორედ სამაგიდო თამაშის შემქმნელი ერთ-ერთი გუნდი “Groot” გავიდა. სტუმრები: ზუკა ცქიტიშვილი - ფონდი Kettari-ის პროექტი "აქსელერატორის" მენეჯერი; გური ქოიავა - "სტარტაპ ბიუროს" თანადამფუძნებელი, Global Game Jam Georgia-ს თანაორგანიზატორი; #ახალიამბები #BusinessMediaGeorgia
როგორ ხდება საქართველოში მიწისძვრების მონიტორინგი? სტუმარი: ზურაბ ჯავახიშვილი - ილიას უნივერსიტეტის პროფესორი, სეისმოლოგი; #ახალიამბები #BusinessMediaGeorgia
თავისუფალი ინდუსტრიული ზონის საწარმოს ცნება საგადასახადო კოდექსში პირველად 2008 წელს გაჩნდა. 2011 წლიდან მოქმედი საგადასახადო კოდექსის მიხედვით ბოლოს ცვლილება თავისუფალი ინდუსტრიული ზონის საწარმოს მუხლში 2015 წელს განხორციელდა. Grant Thornton-ის მიერ სამართლებრივი აქტების შესწავლის შემდეგ მათ მიერ მომზადებულ დოკუმენტში მითითებულია, რომ ერთმანეთთან დაკავშირების და ანალიზის შედეგად შესაძლებელია დადგინდეს, რა შემთხვევაში აქვს შესაძლებლობა თავისუფალი ინდუსტრიული ზონის საწარმოს ისარგებლოს ძირითადი საგადასახადო შეღავათებით, რომელიც გულისხმობს თავისუფალი ინდუსტრიული ზონის საწარმოს მიერ მოგების განაწილების შემთხვევაში მოგების და საშემოსავლო გადასახადში არსებული შეღავათებით სარგებლობის შესაძლებლობას. საგადასახადო ორგანოს მიერ 2020-2021 წლებში ჩატარდა რამდენიმე თავისუფალი ინდუსტრიული ზონის საწარმოს საგადასახადო შემოწმება. შემოწმების შედეგებმა ცხადყო, რომ თავისუფალი ინდუსტრიული ზონის საწარმოებს არასწორად ჰქონდათ აღქმული შეღავათების გამოყენების შესაძლებლობა, რამაც გამოიწვია დამატებით მათ მიმართ საგადასახადო ვალდებულებების განსაზღვრა. თავისუფალი ინდუსტრიული ზონების საწარმოს წარმომადგენლების განმარტებით, ისინი თვლიდნენ, რომ საგადასახადო ორგანომ შეცვალა მისი მიდგომა და არ მისცა საშუალება კომპანიებს ესარგებლათ იმ შეღავათებით რომელიც იყო კანონმდებლობით გათვალისწინებული. სტუმარი: ნათია ჩაგანავა - Grant Thornton Georgia-ს საგადასახადო მიმართულების მენეჯერი; #ახალიამბები #BusinessMediaGeorgia
მეკობრეობა - ანუ კონტენტის არალეგალურად მითვისების პრობლემა ტექნოლოგიების განვითარებასთან ერთად უფრო მასშტაბური ხდება. სხვადასხვა ინდუსტრიასთან ერთად ეს გამოწვევა გამომცემლობებზეც ვრცელდება. ქართული საგამომცემლო კომპანიების წარმომადგენლები აღნიშნავენ, რომ იზრდება იმ ადამიანების რაოდენობა, რომლებიც მათ მიერ გამოცემულ წიგნებს “აკოპირებენ” და შემდგომ ე.წ შავ ბაზარზე ყიდიან. გამომცემლობებს მათთან კონკურენცია უჭირთ, რადგან მეკობრეებს წარმოების პროცესში დანახარჯები არ აქვთ, შესაბამისად, მათ მიერ წარმოებული წიგნები იაფია. გამომცემლობები თვლიან , რომ პრობლემის გადასაჭრელად საკანონმდებლო ბაზა უნდა შეიქმნას, რათა მეკობრეებს საქმიანობაში ხელი შეეშალოთ. #ახალიამბები #BusinessMediaGeorgia
საქსტატის მონაცემებით, იანვარში ქვეყანაში წლიური ინფლაციის დონემ 9.4% შეადგინა. ინფლაციაზე ყველაზე დიდი გავლენა კვლავ სურსათის გაძვირებამ მოახდინა, სადაც წლიურ ჭრილში ფასები 15%-ით არის გაზრდილი. ფასები მომატებულია შემდეგ ქვეჯგუფებზე: ბოსტნეული და ბაღჩეული, პური და პურპროდუქტები, ყავა, ჩაი და კაკაო, ასევე, რძე, ყველი და კვერცხი. მინერალური და წყაროს წყალი და სხვა. #ახალიამბები #BusinessMediaGeorgia
ვიზუალ კაპიტალისტმა მსოფლიო ბანკზე დაყრდნობით იმ ქვეყნების ჩამონათვალი გამოაქვეყნა, რომელთა ეკონომიკაც გეოპოლიტიკურად ყველაზე მეტი რისკის წინაშე დგანან. ჩამონათვალში გეოპოლიტიკური რისკების მიმართ ყველაზე ნაკლებად სტაბილური პაკისტანია. ახალი ზელანდია ჩამონათვალში ყველაზე მაღალი ქულით შეფასდა რაც იმას ნიშნავს, რომ ახალი ზელანდიის ეკონომიკა გეოპოლიტიკური რისკების მიმართ ყველაზე მდგრადია. მსოფლიო ბანკის შეფასებით, ქვეყნებში გეოპოლიტიკურმა რისკმა შესაძლოა სამოქალაქო არეულობა და ომი გამოიწვიოს. #ახალიამბები #BusinessMediaGeorgia
#საქმიანიდილა - 9 თებერვალი - პროლოგი #ახალიამბები #BusinessMediaGeorgia
„ჩაიბუდე" - კაფე მესტიაში 31 დეკემბერს გაიხსნა და მას შემდეგ, უკვე არაერთი ადგილობრივი თუ საერთაშორისო მოგზაურისთვის საყვარელ ადგილად იქცა. აქ მისულ სტუმრებს როგორც ქართული ისე უცხოური კერძების, განსაკუთრებით კი ტკბილეულის ფართო ასორტიმენტი ხვდება. მრავალფეროვანია ასევე ჩაისა და სხვა ცხელი სასმელების მენიუც. ვინტაჟური დიზაინის კაფეს, რომელიც თავისი კონცეფციით მესტიისთვის სიახლეა, ერთდროულად 25 სტუმრის მიღება შეუძლია. თათია თეთრაშვილი - „ჩაიბუდეს“ დამფუძნებელი #ახალიამბები #BusinessMediaGeorgia
გასულ კვირას სოფლის მეურნეობის მინისტრი, მის მოადგილეებთან ერთად სოფლის მეურნეობის დარგობრივი ასოციაციების წარმომადგენლებს შეხვდა. სამინისტროს მიერ გავრცელებული ინფორმაციით, შეხვედრაზე ასოციაციის წარმომადგენლებმა დარგში არსებულ გამოწვევებსა და საჭიროებებზე ისაუბრეს. ასევე, საუბარი შეეხო მესაქონლეობისა და აკვაკულტურის სექტორის პოტენციალს და განვითარების მნიშვნელობის საკითხებს. რა გამოწვევები აქვს სოფლის მეურნეობის დარგებს და რა ახალი ინიციატივები აქვს ამ გამოწვევებზე საპასუხოდ სამინისტროს? სტუმარი: გელა ხანიშვილი - "სოფლის მეურნეობის მინისტრის" მოადგილე; #ახალიამბები #BusinessMediaGeorgia
პარლამენტში „ელექტრონული კომერციის შესახებ“ საქართველოს მთავრობის მიერ მომზადებული კანონპროექტის განხილვა დაიწყო, რის მიღებასაც ქვეყანას ევროკავშირთან ასოცირების დღის წესრიგი ავალდებულებს. დღეის მდგომარეობით საქართველოში ელექტრონული კომერციის პროცესის მომწესრიგებელი კანონმდებლობა არ არსებობს. როგორც დოკუმენტის განმარტებით ბარათშია აღნიშნული, ეს იქნება კანონი, რომელიც ელექტრონულ კომერციასთან დაკავშირებულ საქმიანობას დაარეგულირებს და ასევე განსაზღვრავს ამ მომსახურების გამწევი პირების პასუხისმგებლობას. კანონის მოთხოვნაა, რომ სუბიექტი, რომელიც მომსახურების მიწოდებას ახორციელებს, უნდა იყოს მარტივად იდენტიფიცირებადი მომსახურების მიმღებისთვის. რა იცვლება ახალი კანონპროექტით, რა ევალება ბიზნესს და რისი უფლება აქვს მომხმარებელს? სტუმარი: თამარ გოგოლაშვილი - "ელექტრონული კომერციის ასოციაციის" ხელმძღვანელი #ახალიამბები #BusinessMediaGeorgia
2023 წლის პირველი იანვრიდან, ექიმებისა და ექთნების მინიმალური საათობრივი ანაზღაურება დაწესდა. ექიმების მინიმალური ანაზღაურება საათში 7 ლარით განისაზღვრა, რაც თვეში მინიმუმ 1260 ლარია, ექთნების მინიმალური ანაზღაურება კი საათში 4.4 ლარი უნდა იყოს, რაც თვეში მინიმუმ 792 ლარის ანაზღაურებას გულისხმობს. რეფორმის შედეგად, საყოველთაო ჯანდაცვის პროგრამაში სტაციონარული კომპონენტით ჩართული ყველა კლინიკა ვალდებულია ექიმებისა და ექთნების სახელფასო ანაზღაურება, ჯანდაცვის სამინისტროს მიერ წარმოდგენილი მინიმალური ზღვრის გათვალისწინებით დაადგინოს. ახალი რეგულაციით, ხელფასის ზრდა შეეხება 9000-მდე ექიმსა და 8000-ზე მეტ ექთანს. აღნიშნული ცვლილებების შედეგად, შრომის ინსპექციის სამსახურის მანდატი ფართოვდება. აღნიშნული უწყება ონლაინ გააკონტროლებს, რამდენად იცავენ კლინიკები ახალ მოთხოვნებს? სტუმარი: მაია მახარაშვილი - "ჯანდაცვის ასოციაციის" სამეთვალყურეო საბჭოს თავმჯდომარე; #ახალიამბები #BusinessMediaGeorgia
ჯანდაცვის სისტემაში განხორციელებული ცვლილებები მიმდინარე კვირაშიც აქტუალურია. ამჯერად, ექიმების ნაწილი ჯანდაცვის სამინისტროს წერილობით მიმართავენ. ექიმები კლინიკების დაფინანსების ახალ DRG მოდელზე გადასვლით გამოწვეულ ხარვეზებზე რამდენიმე კვირის წინ ღიად ალაპარაკდნენ. სამინისტროსთან შეთანხმებით დათქმა, რომ ორი კვირის ვადაში, მედიკოსები პრობლემის გადაწყვეტის მიზნით მიიღებდნენ რაიმე პასუხს, არ შედგა. სამინისტროს წარმომადგენლები არც ექიმების ორგანიზებით გამართულ სამუშაო შეხვედრაზე მივიდნენ, რა პროცესის შემდეგაც ექიმებმა გადაწყვიტეს სამინისტროს წერილი გაუგზავნონ. ექიმები ამბობენ, რომ DRG-ის მოდელზე გადასვლით ტარიფები განსაკუთრებით ტრავმატოლოგია-ორთოპედიის მიმართულებით შემცირდა, რაც ევროპული ხარისხის იმპლანტის თვითღირებულებასაც ვერ ფარავს. რა წერია ზურაბ აზარაშვილის სახელზე გაგზავნილ წერილში და რას ითხოვენ ექიმები? სტუმარი: ზურაბ ხაბეიშვილი - "საქართველოს ტრავმატოლოგთა ასოციაციის" პრეზიდენტი; #ახალიამბები #BusinessMediaGeorgia
საქართველოს პრემიერ-მინისტრის განცხადებით, მომხმარებელს პირველადი მოხმარების პროდუქტის შეძენა 100%-იანი ფასნამატით უწევს, რაც კატეგორიულად მიუღებელია. ამ განცხადების დასტურად ირაკლი ღარიბაშვილმა კონკურენციის სააგენტოს მიერ სურსათის ფასების მოკვლევის პირველადი შედეგები დაასახელა. კერძო სექტორში ამბობენ, რომ პრემიერი მართალს ამბობს თუმცა ამ არც თუ სასიამოვნო სიმართლეს თავისი მიზეზები აქვს. დისტრიბუტორთა ბიზნეს ასოციაციის პრეზიდენტი იმ ფაქტორებს ასახელებს, რომლებიც მომხმარებლისთვის პროდუქტს აძვირებს. ივა ჭყონია BM.GE-სთან განმარტავს, რომ პროდუქტების მაღალი ღირებულების საკითხზე და მის გამომწვევ მიზეზებზე, მათ შორის მთავრობის წარმომადგენლებთან არაერთხელ უსაუბრიათ და ამ საკითხის დარეგულირება აუცილებელია. და მაინც რა აძვირებს პროდუქტს მომხმარებლისთვის თუ ყველას უნდა რომ ის იაფად გაიყიდოს? დისტრიბუტორთა ასოციაციის პრეზიდენტის თქმით, იმპორტიორებსა და დისტრიბუტორებს ოპერირებისას სხვადასხვა რისკების გადაზღვევა უწევთ.კითხვაზე - იმპორტირებიდან დახლზე მოხვედრამდე ყველაზე მეტად რომელ ეტაპზე ძვირდება პროდუქტი, ივა ჭყონია ამბობს, რომ დისტრიბუტორებს რიტეილ სექტორში არსებული გადასახადების გამო ქსელში შეტანა მაღალი მარჟებით უწევთ, რათა ის გადასახადები დააკომპენსირონ, რომელიც მათთვისაა დაწესებული. ის იმასაც აცხადებს, რომ იმპორტიორები პროდუქტის რეალიზებას კარტელური ფასებით არ ახდენენ. სტუმარი: სოფიო ქაშაკაშვილი - "საქართველოს რითეილ ასოციაციის" აღმასრულებელი დირექტორი #ახალიამბები #BusinessMediaGeorgia
ნაგებობების სეისმომედეგობა სტუმარი: ირაკლი ურუშაძე - Q Engineering-ის დამფუძნებელი; #ახალიამბები #BusinessMediaGeorgia
რუსულ ბაზარზე დამოკიდებული ბიზნესები - რეალობა რომელშიც კერძო სექტორი მოცემულობას წლიდან წლამდე უკეთესით იშვიათად ცვლის. 2022 წელს საქართველოს $19 მლრდ-იან სავაჭრო ბრუნვაში, ექსპორტს 29.3% ეკავა. ქვეყანამ საერთაშორისო ბაზარზე სხვადასხვა დასახელების საქონლის რეალიზებით 5 მილიარდ 592 მილიონი დოლარის შემოსავალი მიიღო, რაც 2021 წლის ექსპორტს 31.8%-ით აღემატება. ექსპორტის ზრდის პირობებში, საქართველოს უმსხვილესი საექსპორტო სასაქონლო ჯგუფების ჩამონათვალში, ერთ-ერთი მსხვილი პროდუქტის - მინერალური და მტკნარი წყლების რეალიზება 20.7%-ით შემცირდა. შედეგად, ქვეყანამ საზღვრებს გარეთ ამ საქონლის გაყიდვით 112 მილიონი 517 ათასი დოლარის შემოსავალი მიიღო და ექსპორტზე 203 485 ტონა წყალი გაიტანა. ამავე შუალედში მინერალური და მტკნარი წყლების მთავარი საექსპორტო ბაზარი, წინა წლების მსგავსად რუსეთი იყო. უმსხვილესი საექსპორტო ბაზრებიდან მინერალური წყლების რეალიზება ყაზახეთში, უზბეკეთში, მცირედით ისრაელსა და გერმანიაში გაიზარდა. აზერბაიჯანის შემთხვევაში ექსპორტი შენარჩუნდა, რუსეთის, უკრაინის, ლიეტუვის, ბელარუსის და აშშ-ის მიმართულებით კი შემცირდა. სტუმარი: ლევან კასრაძე - “საირმეს” ექსპორტის დირექტორი; #ახალიამბები #BusinessMediaGeorgia
ბოლო პერიოდში გახშირდა შემთხვევები, როდესაც ფიზიკურ პირებს, რომლებიც საქართველოში ლიცენზირებული კომერციული ბანკების მომსახურებით სარგებლობენ, გარკვეული ანაზღაურების სანაცვლოდ, უცნობი პირები პირად საბანკო ანგარიშზე ურიცხავენ თანხას და სხვადასხვა გზით ჩარიცხული თანხის განაღდებას სთხოვენ. აღნიშნული ტიპის თანხები ძირითადად რუსეთის ფედერაციიდან ირიცხება. საქართველოს საბანკო ასოციაცია, საქართველოში ლიცენზირებული კომერციულ ბანკების სახელით, აფრთხილებს მომხმარებლებს, რომ ზემოაღნიშნული საქმიანობა ეწინააღმდეგება საქართველოს მოქმედ კანონმდებლობას და მსგავსი საქმიანობით დაკავებული პირების მიმართ, შესაძლოა, დადგეს საქართველოს კანონმდებლობით გათვალისწინებული პასუხისმგებლობა. ასევე, კომერციული ბანკების საქმიანობის მარეგულირებელი წესების და ნორმების გათვალისწინებით მომხმარებლის მსგავსი შინაარსის ქმედებები შესაძლოა მისი ანგარიშის დახურვის და სანქცირების საფუძველი გახდეს. სტუმრები: ალექსანდრე ძნელაძე - "საქართველოს საბანკო ასოციაციის" პრეზიდენტი; ინგა ქარჩავა - "საქართველოს საბანკო ასოციაციის" კიბერუსაფრთხოების მიმართულების კოორდინატორი #ახალიამბები #BusinessMediaGeorgia
შვეიცარიის მოქალაქეებს სურთ, რომ ქვეყნის ეკონომიკა არასოდეს გახდეს უნაღდო ანგარიშსწორების მოწინავე ქვეყანა და ამისთვის მოქალაქეები ბანკნოტებს და მონეტებს ინახავენ. შვეიცარიის თავისუფალმა მოძრაობამ ხელმოწერებიც შეაგროვა, რათა ქვეყნის პარლამენტმა მიიღოს კანონი, ნაღდი ფულის მიმოქცევაში შენარჩუნებისთვის. სტატისტიკურად, უნაღდო ანგარიშსწორებით შვეიცარია ერთ-ერთ მოწინავე პოზიციას ჯერ კიდევ 2017 წლიდან იკავებდა და პანდემიამ ციფრული ფულის გამოყენება უფრო გაააქტიურა. რატომ არ სურთ შვეიცარიელებს უნაღდო ანგარიშსწორება და რა ბერკეტი აქვთ ამისთვის? #ახალიამბები #BusinessMediaGeorgia
წიაღისეული საწვავი ქვეყნების ენერგიის მთავარ წყაროს წარმოადგენს, შესაბამისად, მათი გლობალური მოხმარება მილიარდობით ტონას აღემატება. ნახშირი, ნავთობი და ბუნებრივი აირი - BP-ის მონაცემებით წიაღისეული საწვავის მთავარი მოთამაშეები მსოფლიოს მასშტაბით, ჩინეთი, აშშ, ინდოეთი და საუდის არაბეთია. საინტერესოა როგორ ნაწილდება მოხმარება და ექსპორტი ქვეყნების მიხედვით და რა რაოდენობაზე ავიდა წიაღისეულის მოხმარება მსოფლიო მასშტაბით გასულ წელს? #ახალიამბები #BusinessMediaGeorgia
ამერიკულ ტექნოლოგიურ კომპანია Lineate-ს და ქუთაისის საერთაშორისო უნივერსიტეტს შორის თანამშრომლობა დაიწყო, რომელიც საქართველოში IT-განათლების და ამ სფეროთი დაინტერესებული სტუდენტების ხელშეწყობას ისახავს მიზნად. თანამშრომლობის ფარგლებში, Lineate-მ დააწესა სტიპენდია, რომელსაც ქუთაისის საერთაშორისო უნივერსიტეტის ორი წარჩინებული სტუდენტი მიიღებს. აღნიშნული სტიპენდიით, Lineate სტუდენტების საცხოვრებლის, ე.წ. “კამპუსის” გადასახადს დაფარავს. #ახალიამბები #BusinessMediaGeorgia
"ევექსი ჰოსპიტლების" 2022 წლის სარეზიდენტო პროგრამის 70-მდე კურსდამთავრებული პროფესიულ საექიმო საქმიანობას დამოუკიდებლად განაგრძობს. "ევექსი ჰოსპიტლები" დიპლომის შემდგომი მზადების პროგრამას რეზიდენტურას, სერტიფიცირებული ექიმების გადამზადებას და უწყვეტ სამედიცინო განათლებას 2015 წლიდან ახორციელებს და დღემდე 567 რეზიდენტი მიიღო. კურსდამთავრებულთა უმრავლესობა ქვეყნის მასშტაბით არსებული ქსელის სხვადასხვა ჰოსპიტალშია დასაქმებული. 2015 წლიდან დღემდე ევექსი ჰოსპიტლებმა სწავლა 143 რეზიდენტს დაუფინანსა. "ევექსი ჰოსპიტლები" მომავალშიც განაგრძობს წარმატებული რეზიდენტებისთვის სასწავლო გრანტების გაცემასა და საექიმო პრაქტიკის საზღვარგარეთ დაფინანსებას. #ახალიამბები #BusinessMediaGeorgia
#საქმიანიდილა - 8 თებერვალი - პროლოგი #ახალიამბები #BusinessMediaGeorgia
ციფრული ბეჭდვის სისტემის და სხვადასხვა ინოვაციური ტექნოლოგიის მწარმოებელმა კომპანია Konica Minolta-მ კონფერენციას - “Konica Minolta ღია კარის დღე 2023"-ს უმასპინძლა. კონფერენციაზე მოწვეულ სტუმრებთან ერთად Konica Minolta-ს ევროპის პრეზიდენტიც იმყოფებოდა. ღონისძიებაზე მოწვეულ სტუმრებს კომპანიის ახალი ტექნოლოგია წარუდგინეს. აღსანიშნავია, რომ კომპანია ბეჭდვის შესაძლებლობებს ავითარებს და მომხმარებელს უნიკალურ გამოცდილებას სთავაზობს. #ახალიამბები #BusinessMediaGeorgia
სააგენტოს ,,აწარმოე საქართველოში" ორგანიზებითა და USAID-ს ეკონომიკური უსაფრთხოების პროგრამის მხარდაჭერით, სათამაშოების მწარმოებელი 9 ქართული კომპანია მონაწილეობას იღებს სათამაშოების ყველაზე დიდ საერთაშორისო გამოფენაზე. გამოფენა გერმანიაში, ქალაქ ნიუნბერგში მიმდინარეობს და მასში მონაწილეობის მიზანი ქართული კომპანიების ხელშეწყობა, უცხოელ პოტენციურ პარტნიორებთან და დამკვეთებთან ბიზნესკავშირების დამყარება, გლობალურ ტენდენციებისა და თანამედროვე ტექნოლოგიების როლის უკეთ გაცნობაა. სტუმარი: ნიკა მამუკელაშვილი - "აწარმოე საქართველოში" ექსპორტის დეპარტამენტის ხელმძღვანელი; #ახალიამბები #BusinessMediaGeorgia
Forbes Georgia #30under30 - სალომე კუპრაშვილი 2021 წლის გამარჯვებული კატეგორიიდან - მედია და მარკეტინგი; სტუმრები: ლიზა ხაბაზაშვილი - Concierge Tbilisi-ის მმართველი პარტნიორი; სალომე კუპრაშვილი Cavea-ს მარკეტინგის დირექტორი; სალომე კუპრაშვილი - #Forbes #30Under30 2021 წლის გამარჯვებული კატეგორიიდან - მედია და მარკეტინგი; Cavea+-ს მარკეტინგის დირექტორი; პროექტის მთავარი პარტნიორი - TBC ; პროექტის პარტნიორი - Gulf Georgia; პროექტის ორგანიზატორი - Concierge Tbilisi; #ახალიამბები #BusinessMediaGeorgia
სარეკლამო ინდუსტრია ერთ-ერთი ყველაზე დიდი ინდუსტრიაა მსოფლიოში. ყოველწლიურად უამრავი დრო, ფინანსები და რესურსი იხარჯება კომპანიებისგან კარგი, სრულფასოვანი რეკლამის გასაკეთებლად. მათ რიგებშია საქართველო და ქართული რეკლამა, რომელიც აქტიურად ბოლო 10 წლის მანძილზე განსაკუთრებით განვითარდა, შესაბამისად, როგორც ადგილობრივი, ისე საექსპორტო ბაზრისთვისაც იქმნება საინტერესო პროდუქტები და ბაზარი უკვე გაჯერებულია არაერთი კრეატიული გუნდებისგან შემდგარი წამყვანი კომპანიებით. Metro Production-ის გუნდი არამატო ქართულ ბაზარზე, დიდი ხანია ექსპორტზე გასული და მათ იცნობენ უკვე მსოფლიო რეკლამის მოთამაშეებიც. ამიტომ, მოვიკითხოთ ამბები, გასული წლის შედეგებისა და მიმდინარე, 2023-ის პროგნოზებზე, რა ნაბიჯები გადაიდგა ქართულ სარეკლამო სფეროში და სად არის დღეს საქართველო? სტუმრები: სანდრო გაბილაია - Metro Production-ის დამფუძნებელი; მაია გურაბანიძე - Metro Production-ის დამფუძნებელი. #ახალიამბები #BusinessMediaGeorgia
თანამედროვე მსოფლიოს ერთ-ერთ მთავარ გამოწვევად საავტორო უფლებების დაცვა რჩება. მიუხედავად იმისა, რომ სტატისტიკა კლებად ნიშნულს ინარჩუნებს, ინტერნეტის არსებობის პირობებში, ავტორთა უფლებების დაცვა მაინც რთულდება. საქართველოში ავტორთა უფლებათა დარღვევა ყველაზე ხშირად მუსიკის მიმართულებით არის. ასოცირების ხელშეკრულების ხელმოწერის შემდეგ, სახელმწიფო ვალდებულია საავტორო უფლებების დაცვაზე იზრუნოს. ჩვენი კანონმდებლობა ევროპულ კანონმდებლობასთან ჰარმონიზებული და მოწესრიგებულია. საქართველოში არსებობს დაცვის ყველა ის მექანიზმი, რომელიც თანამედროვე მსოფლიოში მოქმედებს. როგორ მუშაობს დღეს ეს სფერო და რა პრობლემებს აწყდებიან ავტორები, როდესაც მაგალითად მუსიკას, ფოტოს ან ნებისმიერ ინტელექტუალურ საკუთრებას უნებართვოდ იყენებენ. სტუმარი: გიგა კობალაძე - საქართველოს საავტორო უფლებათა ასოციაციის ხელმძღვანელი; #ახალიამბები #BusinessMediaGeorgia
საქართველოში პირველი პოლიურეთანის სენდვიჩ პანელების, ინდუსტრიული სამშენებლო მასალების მწარმოებელი კომპანია Panex დაარსდა 2015 წელს და საკმაოდ მალე დაიმკვიდრა თავი ქართულ ბაზარზე, თუმცა 2022 წლის დასაწყისში განიცადა მნიშვნელოვანი ცვლილებები, შეიცალა მენეჯმენტი და განახლდა წარმოების ხაზი რამაც ქარხანა წარმატების ახალ ეტაპზე გადაიყვანა. მოქნილი პროცესის და ხარისხის მუდმივი შენარჩუნების დახმარებით ხელი შეუწყო სამშენებლო სექტორის სწრაფ განვითარებას. კომპანიის მიზანია ადგილობრივ ბაზარზე განვითარება და მაღალი სტანდარტების შენარჩუნება. კომპანია აწარმოებს კედლის და სახურავების სენდვიჩ პანელებს, აქსესუარებს და მაცივრის კარებს. პოლიურეთანის სენდვიჩ პანელები ინოვაციური სამშენებლო მასალაა,რომლის გამოყენებაც შესაძლებელია სხვადასხვა , კომერციული და საჯარო ნაგებობების მშენებლობისთვის, როგორიცაა: სამაცივრე და საყინულე სათავსოების, სასაწყობე და საწარმოო შენობების, ტექნიკური, კომერციული და საცხოვრებელი ჯიხურები, ასევე იდეალურია არსებული შენობების თბოიზოლაციური შეფუთვისათვის. წარმოების პროცესში აქტიურად ჩართულები არიან ევროპელი სპეციალისტები, რომლებიც აკვირდებიან წარმოების ხარისხს და იცავენ ყველა სტანდარტს. Panex-ის პანელებით შესრულებული პროექტები: კოკა-კოლა, ბრედფილდი, ბარაბმო, ბოინგი, ანაგი, გუდვილი და სხვა. წარმოებული პროდუქციის 25% - წლიურად გადის ექსპორტზე (აზერბაიჯანი და სომხეთი) წლის განმავლობაში 100-ზე მეტი ინდუსტრიული შენობა შენდება Panex-ის პანელით. 2022 წლის წარმოება - 300 000 კვ.მ, 2023 წლის გეგმა - 500 000 50-მდე დასაქმებული. სტუმარი: გიორგი ლევიძე - Panex-ის აღმასრულებელი დირექტორი; #ახალიამბები #BusinessMediaGeorgia
ამერიკის შეერთებული შტატების ფედერალურმა რეზერვმა მონეტარული პოლიტიკა 25 საბაზო პუნქტით გაამკაცრა; ევროპის ცენტრალურმა ბანკმა და ინგლისის ბანკმა კი რეფინანსირების განაკვეთები 50-50 საბაზო პუნქტებით გაზარდეს. შედეგად აშშ-ის მასშტაბით ძირითადი განაკვეთი 4.50%-ით განისაზღვრა; ევროკავშირში რეფინანსირების განაკვეთი 2.50% გახდა; ხოლო დიდ ბრიტანეთში მონეტარული პოლიტიკა 4%-ით განისაზღვრა. შტატებში ამ შედეგების ფონზე უმუშევრობის ისტორიულად მცირე მაჩვენებელი აქვთ, რაც იმას ნიშნავს რომ ფედერალურ რეზერვს განაკვეთის გაზრდაზე შემდეგი შეკრებისას ხელ-ფეხი გახსნილი აქვს. რას ელიან ინვესტორები და როგორ აისახება მათი მოლოდინები განწყობებზე? სტუმარი: რატი მესხიშვილი - Galt&Taggart;-ის უფროსი ასოცირებული ბროკერი. #ახალიამბები #BusinessMediaGeorgia
საწვავის იმპორტიორების და ფარმაცევტული სექტორის შემდეგ პრემიერის ყურადღება პირველადი მოხმარების პროდუქტების ფასებმა მიიპყრო. ირაკლი ღარიბაშვილმა პირველადი მოხმარების იმპორტიორები მთავრობის სხდომაზე გააკრიტიკა. ირაკლი ღარიბაშვილის თქმით, მისი დავალებით კონკურენციის სააგენტომ პირველადი მოხმარების პროდუქტის იმპორტიორების ბაზრის მოკვლევა ჩაატარა, რა დროსაც გამოიკვეთა რომ კომპანიები მაღალ მარჟებზე მუშაობენ და მოსახლეობას დახლიდან პროდუქტის შეძენა 100%-იანი ფასნამატით უწევს. მთავრობის თავმჯდომარემ გუშინ დავალებაც გასცა, აღმასრულებელი ხელისუფლების წარმომადგენლებმა პრობლემაზე საუბარი ბიზნესთან კომუნიკაციით უნდა გადაწყვიტოს. უფრო მარტივად რომ ვთქვათ მთავრობამ კერძო სექტორს ფასების შემცირება მოსთხოვა. ლოგიკურად გაჩნდება ალბათ კითხვა, ვართ თუ არა ისევ თავისუფალი ბაზრის პრინციპზე დაფუძნებული ეკონომიკის ქვეყანა და აგერ პასუხიც, ლევან დავითაშვილის თქმით, პრემიერის დავალების მიზანი არაკეთილსინდისიერი ფაქტების გამორიცხვაა, და არა ბიზნესის საქმიანობაში ჩარევა. ეკონომიკის მინისტრმა ის დროც გაიხსენა, როდესაც პანდემიის პერიოდში პირველადი მოხმარების პროდუქტის ფასების შენარჩუნების მიზნით იმპორტიორების ხელშეწყობას სუბსიდირებით ახდენდა. სინამდვილეში ამ პასუხს ვერაფერს დაუწუნებ, სამართლიანი შენიშვნაა ვიცე პრემიერისგან. ამიტომაც არ არის სწორი სუბსიდირება არაფრის. არაფრის ხელოვნურად მართვა ბაზარზე კარგ შედეგამდე არ მიდის. და ამ თემაზე დიდხანს რომ არ გავაგრძელო, არადა სუბსიდირების უარყოფით გავლენებზე საუბარი ბევრი შეიძლება ისევ პრემიერ მინისტრის გუშინდელ გზავნილს დავუბრუნდეთ. ყიდიან თუ არა იმპორტიორები პროდუქტს 100% ზე მეტი ნამატით და რატომ არის ასეთი განცდა მომხმარებლის მხრიდან. სტუმარი: ივა ჭყონია - საქართველოს დისტრიბუტორთა ბიზნეს ასოციაციის პრეზიდენტი; #ახალიამბები #BusinessMediaGeorgia
Forbes Georgia & BMG და Tegeta Holding-ი წარმოგიდგენთ: #ForbesAuto-ს ევროპაში ელექტრომობილების გაყიდვებმა რეკორდულ ნიშნულს მიაღწია; Volvo-ს გაყიდვები იანვარში მცირედით გაიზარდა; Ford-ი Mustang Mach-E-ის ფასის შემცირებას გეგმავს; Toyota იაპონიაში ორ ახალ მდიდრულ მოდელს გამოუშვებს – Nikkei; უნიკალური Bugatti Chiron Profilée აუქციონზე $10.7 მილიონად გაიყიდა; რუსეთში ახალი ავტომობილების გაყიდვები 47%-ით შემცირდა; რუსეთში Ford-ის ყოფილ ქარხანაში ხის გადამამუშავებელი საწარმო მოეწყობა. #ავტოსიახლეები #საქმიანიდილა #ბიზნესმედია #საქმიანები #BMG
საქართველოს ბანკი საქართველოში თანამედროვე ტექნოლოგიური ინოვაციების მხარდაჭერას და ახალი შესაძლებლობების შექმნას განაგრძობს. ამ მიზნით ბანკი ქვეყანაში მონაცემთა მეცნიერების მიმართულებით ყველაზე მასშტაბურ პროექტს data challenge-ს ახორციელებს. პროექტის მიზანი საქართველოში მონაცემთა მეცნიერების, ტექნოლოგიებისა და ინოვაციების მიმართულების გაძლიერებაა. ამჯერად data challenge-ს მეორე კონკურსი გაიმართა, რომლის ფარგლებშიც მონაწილეებს ინოვაციური მეტყველების ტექნოლოგია უნდა შეექმნათ. კონკურსის ფარგლებში მონაწილე გუნდები ერთი თვის განმავლობაში აქტიურად მუშაობდნენ ახალი ტექნოლოგიური გადაწყვეტის შემუშავებაზე, რომელიც ბიზნესებზე იქნებოდა მორგებული. კონკურსის საპრიზო ფონდი 50 000 ლარს შეადგენდა. შეჯიბრში სამი გამარჯვებული გამოვლინდა, პირველი ადგილის მფლობელს 30 000 ლარი, მეორე ადგილოსან გუნდს 15 000 ლარი, მესამე ადგილზე გასულ გუნდს კი 5000 ლარი გადაეცა. პირველი ადგილი გუნდმა - charlies angels-მა მოიპოვა. მეორე ადგილი N3-მა, მესამე კი synapse NLP-იმ. #ახალიამბები #BusinessMediaGeorgia
პანდემიის პიკში ირაკლი ვეკუამ და ირაკლი ჯინჯიხაძემ მაშინ როცა სწავლაც და კომუნიკაციაც ერთმანეთთან ადამიანებს მხოლოდ ონლაინ და დისტანციური შეეძლოთ მასწავლებლებისთვის პლატფორმა Kings-ის შექმნა გადაწყვიტეს, რომელიც მათ ონლაინ ოლიმპიადების ჩატარებაში დაეხმარებოდათ. სწორედ ამ იდეით მოხვდნენ 500Georgia-ს აქსელერაციის პროგრამაში და ახალი ეტაპიც დაიწყო. როგორ ეხმარება რეალურად ეს პლატფორმა მასწავლებლებს და რა გზა გაიარა Kings-მა დაფუძნებიდან დღემდე? სტუმარი: ირაკლი ჯინჯიხაძე - Kings International-ის დამფუძნებელი; #ახალიამბები #BusinessMediaGeorgia
საქსტატის მონაცემების მიხედვით, 2022 წლის დეკემბერში მშენებლობის ღირებულების ინდექსი წინა თვესთან შედარებით 2.2%-ით გაიზარდა. მშენებლობის ღირებულების ინდექსის მატება ქვეყანაში უძრავი ქონების მოსალოდნელ გაძვირებაზე მეტყველებს. ზოგიერთმა კომპანიამ მშენებლობაზე მომატებული ღირებულება სარეალიზაციო ფასზეც ასახა, ზოგს წინასწარი პროგნოზის გაკეთება უჭირს, ხოლო ზოგიც ფასის ზრდას სამომავლოდ არ გამორიცხავს. კომპანიებში მიაჩნიათ, რომ ბაზარზე ფასებს საბოლოო ჯამში არსებული მოთხოვნა დაარეგულირებს. #ახალიამბები #BusinessMediaGeorgia
ბავშვთა გასართობ ცენტრებში მომსახურების ტარიფი დაახლოებით 20-დან 35%-მდე გაიზარდა. როგორც დაბადების დღის ცენტრებში აცხადებენ, 2022 წელს სექტორის აღდგენის მაჩვენებლებმა 2019 წლის მონაცემებს გადააჭარბა, რაც ერთი მხრივ დაგროვილ მოთხოვნას, მეორე მხრივ კი ბაზარზე შემცირებული ცენტრების არსებობას უკავშირდება. როგორც გასართობი ცენტრების ასოციაციის ხელმძღვანელი BMG-სთან აცხადებს ქვეყნის მასშტაბით პანდემიამდე 140-მდე ცენტრი იყო, დღეს კი რაოდენობა 70 ერთეულს არ აღემატება. რა ფასად შეგიძლიათ ბავშვებისა და მოზარდებისთვის დაბადების დღის გადახდა? #ახალიამბები #BusinessMediaGeorgia
მის მიუხედავად, რომ საერთაშორისო ტექნოლოგიურმა კომპანიებმა თანამშრომლების გათავისუფლება დაიწყეს, ეს სულაც არ ნიშნავს იმას რომ ტექტალანტებზე მოთხოვნა შემცირდა. მეტიც, ბაზარზე იზრდება ისეთი პროფესიების მიმართ მოთხოვნა, რომელიც მაგალითად ვებ დეველოპინგს, ვებ დიზაინს, მობილური აპლიკაციის გამართვას მოიცავს. CNBC-იმ პროფესიების შვიდეული შეადგინა, რომლებიც 2023 წელს განსაკუთრებულად მოთხოვნადი იქნება და ეს ანაზღაურებაზეც აისახება. #ახალიამბები #BusinessMediaGeorgia
#საქმიანიდილა - 7 თებერვალი - პროლოგი #ახალიამბები #BusinessMediaGeorgia
„ასკანელის" ორგანიზებით, ქართული ღვინოების დეგუსტაცია ჩატარდა #ახალიამბები #BusinessMediaGeorgia
ჩანთებისა და აქსესუარების ბრენდმა „კოსმომ“ 2022 წელი გაორმაგებული წარმადობით და ახალი საექსპორტო ბაზრებით დაასრულა, - ამის შესახებ კომპანიის დამფუძნებელმა BM.GE-თან საუბრისას განაცხადა. მისი თქმით, წარმატების ერთ-ერთი წინაპირობა „აწარმოე საქართველოს“ მხარდაჭერით მილანის საერთაშორისო გამოფენაზე მონაწილეობა იყო, რის შემდეგაც ქართული კოლექცია იტალიაში ორჯერ გაიგზავნა. კომპანია პროდუქციას ყიდის ამაზონზეც. სტუმარი: სოფი მუხლიშვილი - "კოსმოს" დამფუძნებელი; #ახალიამბები #BusinessMediaGeorgia
პირველი თებერვლიდან ავტოსატრანსპორტო საშუალებების განმეორებითი ტექნიკური ინსპექტირება ფასიანი გახდა. გასული წლის ბოლოს მთავრობის მიერ მიღებული დადგენილება და მას მოყოლილი ცვლილებები კერძო სექტორისგან დადებითად ფასდება, თუმცა ამბობენ, რომ 4 წლის წინ ამოქმედებული რეფორმის აღსრულება გამოწვევაა, ტექინსპექტირების ცენტრებში მიმართვიანობა ისევ დაბალია. საქართველოს ავტომობილების ინსპექტირების ცენტრების ასოციაციის პრეზიდენტის დავით მესხიშვილის თქმით, ყველაზე პრობლემური სამარშრუტო ტაქსებია, რომლებიც ტექინსპექტირებას გარკვეული მიზეზების გამო თავს არიდებენ და ქალაქებს შორის მგზავრები გაუმართავი ავტოსატრანსპორტო საშუალებებით გადაჰყავთ. რატომ ვერ ხდება მონიტორინგი და რა უნდა გაკეთდეს ქვეყანაში გამართული სატრანსპორტო საშუალებების უზრუნველყოფისთვის? სტუმარი: დავით მესხიშვილი - საქართველოს ავტომობილების ინსპექტირების ცენტრების ასოციაციის პრეზიდენტი; #ახალიამბები #BusinessMediaGeorgia
საქართველომ თაფლის ექსპორტით $1 მლნ-ზე მეტი შემოსავალი მიიღო. 2022 წელს თაფლის ექსპორტი რეკორდული იყო, როგორც ღირებულებით, ასევე მოცულობით. ოფიციალური სტატისტიკის მიხედვით, საქართველოდან გასული წლის განმავლობაში 1 მილიონ 175 ათასი დოლარის ღირებულების 258 ტონა თაფლის ექსპორტი განხორციელდა. 2021 წელთან შედარებით ექსპორტით მიღებული შემოსავალი 78.8%-ით, ხოლო მოცულობა 49.3%-ით მეტი იყო. აღსანიშნია, რომ თაფლის მთავარი სარეალიზაციო ბაზარი გასული წლის მიხედვით ევროკავშირი იყო. 2022 წელს თაფლის ექსპორტის 75.5% სწორედ ევროპული ქვეყნების მიმართულებით განხორციელდა. ისიც უნდა ითქვას, რომ EU-ს ქვეყნებში თაფლის რეალიზება გასულ წელს 75.3%-ით გაიზარდა. ღირებულების მიხედვით, თაფლის საექსპორტო ქვეყნების TOP-10-ეული ასეთია: 1. საფრანგეთი - 556 ათასი დოლარი, 97 ტონა; 2. ბულგარეთი - 323 ათასი დოლარი, 112 ტონა; 3. ნორვეგია - 103 ათასი დოლარი, 21 ტონა; 4. ისრაელი - 61 ათასი დოლარი, 10 ტონა; 5. არაბთა გაერთიანებული საამიროები - 40 ათასი დოლარი, 5 ტონა; 6. საუდის არაბეთი - 23 ათასი დოლარი, 5 ტონა; 7. იაპონია - 16 ათასი დოლარი, 1 ტონა; 8. ჰონ-კონგი - 13 ათასი დოლარი, 1 ტონა; 9. კანადა - 10 ათასი დოლარი, 1 ტონა; 10. სომხეთი - 9 ათასი დოლარი, 1 ტონა; მცირე მოცულობებით თაფლის ექსპორტი გერმანიაში, ავსტრიაში, სენეგალში და სხვა ქვეყნებში განხორციელდა.რამ განაპირობა ექსპორტის ზრდა? სტუმარი: ალეკო პაპავა - საქართველოს მეფუტკრეთა გაერთიანების დამფუძნებელი; #ახალიამბები #BusinessMediaGeorgia
სვანეთში ზამთრის ტურისტული სეზონი აქტიურ ფაზაშია და შესაბამისად, სრული დატვირთვით მუშაობს მესტიის აეროპორტით, რომელიც ნატახტარისა და ქუთაისის აეროპორტებიდან მგზავრთა გადაყვანას კვირაში 5 დღის განმავლობაში უზრუნველყოფს. მესტიის აეროპორტს 3-დღიანი სამუშაო ვიზიტის ფარგლებში საქართველოს აეროპორტების გაერთიანების ახალო დირექტორი, ირაკლი ქარქაშაძე სტუმრობს, რომელმაც აეროპორტის ინფრასტრუქტურა დაათვალიერა და თანამშრომლებთან შეხვედრა გამართა. რას გეგმავს აეროპორტების გაერთიანების დირექტორი როგორც მესტიის, ასევე საქართველოს სხვა აეროპორტებთან დაკავშირებით? ირაკლი ქარქაშაძე - საქართველოს აეროპორტების გაერთიანების დირექტორი; #ახალიამბები #BusinessMediaGeorgia
#ავიაციისსიახლეები: თბილისის საერთაშორისო აეროპორტში ირაკლი ქარქაშაძე იმყოფებოდა; ქუთაისის აეროპორტში 47 მლნ ლარის ინვესტიციის განხორციელება იგეგმება - ქარქაშაძე; შიდა ფრენებზე ტენდერი მალე გამოცხადდება - ქარქაშაძე; აეროპორტების განვითარების სტრატეგიას ADB-ის დაკვეთით ბრიტანული კომპანია მოამზადებს; რამ გამოიწვია საბერძნეთიდან საავიაციო საწვავის იმპორტის ზრდა? Ryanair-ი გაძვირებული ავიაბილეთების გამო რეკორდულ ფინანსურ შედეგებს ელოდება კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით #ავიაცია #ავიამიმოსვლა #BMG #ახალიამბები #BusinessMediaGeorgia
2022 წლის მონაცემებით, მსუბუქი ავტომობილები საქართველოდან საექსპორტო ჯგუფებში მეორე ადგილზე, ხოლო იმპორტირებულ სასაქონლე ჯგუფებს შორის პირველ ადგილზეა. საქართველოდან მსუბუქი ავტომობილების ექსპორტი 98%-ით გაიზარდა. , თუ 2021 წელს ქვეყნიდან 456.5 მლნ დოლარის ღირებულების მანქანა გავიდა, 2022 წელს ამ მაჩვენებელმა 903.8 მლნ დოლარი შეადგინა. ამასთან, ზრდაა რაოდენობაშიც, თუმცა მხოლოდ 25%-იანი. კერძოდ, საქსტატის მონაცემებით, 2021 წელს ქვეყნიდან 79 887 მსუბუქი ავტომობილი გავიდა, 2021 წელს კი 63 860. ზრდის მოლოდინია წლევანდელ წელთან მიმართებითაც და მთავარ რისკად საერთაშორისო ბაზრებზე სტაბილურობა სახელდება. სტუმარი: კახა ლომიძე - Caucasus Auto Import-ის მარკეტინგის მენეჯერი; #ახალიამბები #BusinessMediaGeorgia
თურქეთის კულტურისა და ტურიზმის სამინისტრომ 2022 წლის ტურიზმის შედეგები გამოაცხადა. გამოქვეყნებული მონაცემების მიხედვით, 2022 წელს თურქეთში ტურისტების რაოდენობამ 51,4 მილიონს გადააჭარბა, რაც არის რეკორდული მაჩვენებლით გამორჩეული 2019 წლის შედეგის, 51.8 მილიონის 99%. ამ მაჩვენებლით იგი მსოფლიოში მე-3 უმსხვილესი ტურისტული ბაზარი გახდა. #ახალიამბები #BusinessMediaGeorgia
„მცირე და საშუალო მეწარმეობის განვითარების ასოციაციის (SMEDA)” ორგანიზებით ბათუმში მასშტაბური ბიზნეს ფორუმი ჩატარდა. ფორუმი ფინანსებზე ხელმისაწვდომობის თემას მიეძღვნა რომელიც მცირე და საშუალო ბიზნესისთვის დღემდე ერთ-ერთი ყველაზე აქტუალური თემაა. ღონისძიებაზე მოხსენებით წარდგნენ საქართველოს ეროვნული ბანკის, სააგენტო „აწარმოე საქართველოში“-ს, EBRD-სა და სხვა საფინანსო ორგანიზაციების წარმომადგენლები. სტუმრები: გიგა ფაიქიძე - SMEDA-ს აღმასრულებელი დირექტორი და დამფუძნებელი; თეონა კუნჭულია - საგადასახადო მიმართულების ხელმძღვანელი, აუდიტორული და საკონსულტაციო კომპანია Loialte; რუსუდან ბარათაშვილი - მცირე და საშუალო ბიზნესის დამატებითი ღირებულების სერვისების განვითარების დეპარტამენტის დირექტორი, საქართველოს ბანკი; #ახალიამბები #BusinessMediaGeorgia
რამდენიმე დღე რჩება საქართველოში პირველად ფრისტაილის მსოფლიო ჩემპიონატის დაწყებამდე. ბაკურიანი მსოფლიო ჩემპიონებს და ოლიმპიელ ათლეტებს ელოდება. ბოლო დღეების სამზადისში სილქნეტმა სათხილამურო ფედერაციასთან ერთად მედიას და სპორტის გულშემატკივრებს უმასპინძლა და მსოფლიო ჩემპიონატის მზადების პროცესი გააცნო. ჩემპიონატი სტარტს 16 თებერვალს აიღებს და 5 მარტის ჩათვლით ფრისტაილის, სნოუბორდისა და ფრისკის სახეობის 700 სპორტსმენი ერთმანეთს ბაკურიანში შეეჯიბრებიან. მათ შორის 5 ქართველი სპორტსმენიც იასპარეზებს. სილქნეტი უკვე 10 წელზე მეტია მხარში უდგას ზამთრის სპორტის განვითარებას საქართველოში და დაარსების დღიდან სათხილამურო ფედერაციის გენერალური სპონსორია და პირველი მსოფლიო ჩემპიონატის წარმდგენიც კომპანია სილქნეტია. კომპანია უკვე 10 წელზე მეტია ზამთრის სახეობების არაერთი საერთაშორისო თუ ადგილობრივი შეჯიბრის მხარდამჭერია, ხელს უწყობს საქართველოს ნაკრების წვრთნებს უცხოეთის კურორტებზე და მნიშვნელოვანი წვლილი შეაქვს ქართველი სპორტსმენების საერთაშორისო ასპარეზზე წარმოჩენაში. #ახალიამბები #BusinessMediaGeorgia
#საქმიანიდილა - 6 თებერვალი - პროლოგი #ახალიამბები #BusinessMediaGeorgia
გასული კვირის ბოლოს, აშშ სახელმწიფო დეპარტამენტის მხრიდან ამერიკის ხმისთვის მიცემული ინტერვიუდან მოვისმინეთ, რომ საქართველოსა და რუსეთს შორის ფრენების აღდგენა სანქციების საფრთხეს შეუქმნის კომპანიებს, რომლებიც საქართველოს აეროპორტებში რუსულ კომპანიებს მოემსახურება. ამერიკის დიპლომატიური უწყების თქმით, „მთელი დასავლური საზოგადოება დაშორდა ამ სასტიკ რეჟიმს - ახლა რუსეთთან ჩართულობის გაზრდის დრო არ არის“. საქართველო-რუსეთს შორის 2019 წლიდან შეწყვეტილი პირდაპირი ავიამიმოსვლის აღდგენის საკითხზე მსჯელობა მას შემდეგ გააქტიურდა, რაც 18 იანვარს რუსეთის საგარეო საქმეთა მინისტრმა ლავროვმა იმედი გამოთქვა ფრენების აღდგენაზე. რას აპირებს ქართული ბიზნესი, და როგორია მათი პოზიცია? #ახალიამბები #BusinessMediaGeorgia