#საქმიანიდილა - 8 თებერვალი - პროლოგი #ახალიამბები #BusinessMediaGeorgia
ციფრული ბეჭდვის სისტემის და სხვადასხვა ინოვაციური ტექნოლოგიის მწარმოებელმა კომპანია Konica Minolta-მ კონფერენციას - “Konica Minolta ღია კარის დღე 2023"-ს უმასპინძლა. კონფერენციაზე მოწვეულ სტუმრებთან ერთად Konica Minolta-ს ევროპის პრეზიდენტიც იმყოფებოდა. ღონისძიებაზე მოწვეულ სტუმრებს კომპანიის ახალი ტექნოლოგია წარუდგინეს. აღსანიშნავია, რომ კომპანია ბეჭდვის შესაძლებლობებს ავითარებს და მომხმარებელს უნიკალურ გამოცდილებას სთავაზობს. #ახალიამბები #BusinessMediaGeorgia
სააგენტოს ,,აწარმოე საქართველოში" ორგანიზებითა და USAID-ს ეკონომიკური უსაფრთხოების პროგრამის მხარდაჭერით, სათამაშოების მწარმოებელი 9 ქართული კომპანია მონაწილეობას იღებს სათამაშოების ყველაზე დიდ საერთაშორისო გამოფენაზე. გამოფენა გერმანიაში, ქალაქ ნიუნბერგში მიმდინარეობს და მასში მონაწილეობის მიზანი ქართული კომპანიების ხელშეწყობა, უცხოელ პოტენციურ პარტნიორებთან და დამკვეთებთან ბიზნესკავშირების დამყარება, გლობალურ ტენდენციებისა და თანამედროვე ტექნოლოგიების როლის უკეთ გაცნობაა. სტუმარი: ნიკა მამუკელაშვილი - "აწარმოე საქართველოში" ექსპორტის დეპარტამენტის ხელმძღვანელი; #ახალიამბები #BusinessMediaGeorgia
Forbes Georgia #30under30 - სალომე კუპრაშვილი 2021 წლის გამარჯვებული კატეგორიიდან - მედია და მარკეტინგი; სტუმრები: ლიზა ხაბაზაშვილი - Concierge Tbilisi-ის მმართველი პარტნიორი; სალომე კუპრაშვილი Cavea-ს მარკეტინგის დირექტორი; სალომე კუპრაშვილი - #Forbes #30Under30 2021 წლის გამარჯვებული კატეგორიიდან - მედია და მარკეტინგი; Cavea+-ს მარკეტინგის დირექტორი; პროექტის მთავარი პარტნიორი - TBC ; პროექტის პარტნიორი - Gulf Georgia; პროექტის ორგანიზატორი - Concierge Tbilisi; #ახალიამბები #BusinessMediaGeorgia
სარეკლამო ინდუსტრია ერთ-ერთი ყველაზე დიდი ინდუსტრიაა მსოფლიოში. ყოველწლიურად უამრავი დრო, ფინანსები და რესურსი იხარჯება კომპანიებისგან კარგი, სრულფასოვანი რეკლამის გასაკეთებლად. მათ რიგებშია საქართველო და ქართული რეკლამა, რომელიც აქტიურად ბოლო 10 წლის მანძილზე განსაკუთრებით განვითარდა, შესაბამისად, როგორც ადგილობრივი, ისე საექსპორტო ბაზრისთვისაც იქმნება საინტერესო პროდუქტები და ბაზარი უკვე გაჯერებულია არაერთი კრეატიული გუნდებისგან შემდგარი წამყვანი კომპანიებით. Metro Production-ის გუნდი არამატო ქართულ ბაზარზე, დიდი ხანია ექსპორტზე გასული და მათ იცნობენ უკვე მსოფლიო რეკლამის მოთამაშეებიც. ამიტომ, მოვიკითხოთ ამბები, გასული წლის შედეგებისა და მიმდინარე, 2023-ის პროგნოზებზე, რა ნაბიჯები გადაიდგა ქართულ სარეკლამო სფეროში და სად არის დღეს საქართველო? სტუმრები: სანდრო გაბილაია - Metro Production-ის დამფუძნებელი; მაია გურაბანიძე - Metro Production-ის დამფუძნებელი. #ახალიამბები #BusinessMediaGeorgia
თანამედროვე მსოფლიოს ერთ-ერთ მთავარ გამოწვევად საავტორო უფლებების დაცვა რჩება. მიუხედავად იმისა, რომ სტატისტიკა კლებად ნიშნულს ინარჩუნებს, ინტერნეტის არსებობის პირობებში, ავტორთა უფლებების დაცვა მაინც რთულდება. საქართველოში ავტორთა უფლებათა დარღვევა ყველაზე ხშირად მუსიკის მიმართულებით არის. ასოცირების ხელშეკრულების ხელმოწერის შემდეგ, სახელმწიფო ვალდებულია საავტორო უფლებების დაცვაზე იზრუნოს. ჩვენი კანონმდებლობა ევროპულ კანონმდებლობასთან ჰარმონიზებული და მოწესრიგებულია. საქართველოში არსებობს დაცვის ყველა ის მექანიზმი, რომელიც თანამედროვე მსოფლიოში მოქმედებს. როგორ მუშაობს დღეს ეს სფერო და რა პრობლემებს აწყდებიან ავტორები, როდესაც მაგალითად მუსიკას, ფოტოს ან ნებისმიერ ინტელექტუალურ საკუთრებას უნებართვოდ იყენებენ. სტუმარი: გიგა კობალაძე - საქართველოს საავტორო უფლებათა ასოციაციის ხელმძღვანელი; #ახალიამბები #BusinessMediaGeorgia
საქართველოში პირველი პოლიურეთანის სენდვიჩ პანელების, ინდუსტრიული სამშენებლო მასალების მწარმოებელი კომპანია Panex დაარსდა 2015 წელს და საკმაოდ მალე დაიმკვიდრა თავი ქართულ ბაზარზე, თუმცა 2022 წლის დასაწყისში განიცადა მნიშვნელოვანი ცვლილებები, შეიცალა მენეჯმენტი და განახლდა წარმოების ხაზი რამაც ქარხანა წარმატების ახალ ეტაპზე გადაიყვანა. მოქნილი პროცესის და ხარისხის მუდმივი შენარჩუნების დახმარებით ხელი შეუწყო სამშენებლო სექტორის სწრაფ განვითარებას. კომპანიის მიზანია ადგილობრივ ბაზარზე განვითარება და მაღალი სტანდარტების შენარჩუნება. კომპანია აწარმოებს კედლის და სახურავების სენდვიჩ პანელებს, აქსესუარებს და მაცივრის კარებს. პოლიურეთანის სენდვიჩ პანელები ინოვაციური სამშენებლო მასალაა,რომლის გამოყენებაც შესაძლებელია სხვადასხვა , კომერციული და საჯარო ნაგებობების მშენებლობისთვის, როგორიცაა: სამაცივრე და საყინულე სათავსოების, სასაწყობე და საწარმოო შენობების, ტექნიკური, კომერციული და საცხოვრებელი ჯიხურები, ასევე იდეალურია არსებული შენობების თბოიზოლაციური შეფუთვისათვის. წარმოების პროცესში აქტიურად ჩართულები არიან ევროპელი სპეციალისტები, რომლებიც აკვირდებიან წარმოების ხარისხს და იცავენ ყველა სტანდარტს. Panex-ის პანელებით შესრულებული პროექტები: კოკა-კოლა, ბრედფილდი, ბარაბმო, ბოინგი, ანაგი, გუდვილი და სხვა. წარმოებული პროდუქციის 25% - წლიურად გადის ექსპორტზე (აზერბაიჯანი და სომხეთი) წლის განმავლობაში 100-ზე მეტი ინდუსტრიული შენობა შენდება Panex-ის პანელით. 2022 წლის წარმოება - 300 000 კვ.მ, 2023 წლის გეგმა - 500 000 50-მდე დასაქმებული. სტუმარი: გიორგი ლევიძე - Panex-ის აღმასრულებელი დირექტორი; #ახალიამბები #BusinessMediaGeorgia
ამერიკის შეერთებული შტატების ფედერალურმა რეზერვმა მონეტარული პოლიტიკა 25 საბაზო პუნქტით გაამკაცრა; ევროპის ცენტრალურმა ბანკმა და ინგლისის ბანკმა კი რეფინანსირების განაკვეთები 50-50 საბაზო პუნქტებით გაზარდეს. შედეგად აშშ-ის მასშტაბით ძირითადი განაკვეთი 4.50%-ით განისაზღვრა; ევროკავშირში რეფინანსირების განაკვეთი 2.50% გახდა; ხოლო დიდ ბრიტანეთში მონეტარული პოლიტიკა 4%-ით განისაზღვრა. შტატებში ამ შედეგების ფონზე უმუშევრობის ისტორიულად მცირე მაჩვენებელი აქვთ, რაც იმას ნიშნავს რომ ფედერალურ რეზერვს განაკვეთის გაზრდაზე შემდეგი შეკრებისას ხელ-ფეხი გახსნილი აქვს. რას ელიან ინვესტორები და როგორ აისახება მათი მოლოდინები განწყობებზე? სტუმარი: რატი მესხიშვილი - Galt&Taggart;-ის უფროსი ასოცირებული ბროკერი. #ახალიამბები #BusinessMediaGeorgia
საწვავის იმპორტიორების და ფარმაცევტული სექტორის შემდეგ პრემიერის ყურადღება პირველადი მოხმარების პროდუქტების ფასებმა მიიპყრო. ირაკლი ღარიბაშვილმა პირველადი მოხმარების იმპორტიორები მთავრობის სხდომაზე გააკრიტიკა. ირაკლი ღარიბაშვილის თქმით, მისი დავალებით კონკურენციის სააგენტომ პირველადი მოხმარების პროდუქტის იმპორტიორების ბაზრის მოკვლევა ჩაატარა, რა დროსაც გამოიკვეთა რომ კომპანიები მაღალ მარჟებზე მუშაობენ და მოსახლეობას დახლიდან პროდუქტის შეძენა 100%-იანი ფასნამატით უწევს. მთავრობის თავმჯდომარემ გუშინ დავალებაც გასცა, აღმასრულებელი ხელისუფლების წარმომადგენლებმა პრობლემაზე საუბარი ბიზნესთან კომუნიკაციით უნდა გადაწყვიტოს. უფრო მარტივად რომ ვთქვათ მთავრობამ კერძო სექტორს ფასების შემცირება მოსთხოვა. ლოგიკურად გაჩნდება ალბათ კითხვა, ვართ თუ არა ისევ თავისუფალი ბაზრის პრინციპზე დაფუძნებული ეკონომიკის ქვეყანა და აგერ პასუხიც, ლევან დავითაშვილის თქმით, პრემიერის დავალების მიზანი არაკეთილსინდისიერი ფაქტების გამორიცხვაა, და არა ბიზნესის საქმიანობაში ჩარევა. ეკონომიკის მინისტრმა ის დროც გაიხსენა, როდესაც პანდემიის პერიოდში პირველადი მოხმარების პროდუქტის ფასების შენარჩუნების მიზნით იმპორტიორების ხელშეწყობას სუბსიდირებით ახდენდა. სინამდვილეში ამ პასუხს ვერაფერს დაუწუნებ, სამართლიანი შენიშვნაა ვიცე პრემიერისგან. ამიტომაც არ არის სწორი სუბსიდირება არაფრის. არაფრის ხელოვნურად მართვა ბაზარზე კარგ შედეგამდე არ მიდის. და ამ თემაზე დიდხანს რომ არ გავაგრძელო, არადა სუბსიდირების უარყოფით გავლენებზე საუბარი ბევრი შეიძლება ისევ პრემიერ მინისტრის გუშინდელ გზავნილს დავუბრუნდეთ. ყიდიან თუ არა იმპორტიორები პროდუქტს 100% ზე მეტი ნამატით და რატომ არის ასეთი განცდა მომხმარებლის მხრიდან. სტუმარი: ივა ჭყონია - საქართველოს დისტრიბუტორთა ბიზნეს ასოციაციის პრეზიდენტი; #ახალიამბები #BusinessMediaGeorgia
Forbes Georgia & BMG და Tegeta Holding-ი წარმოგიდგენთ: #ForbesAuto-ს ევროპაში ელექტრომობილების გაყიდვებმა რეკორდულ ნიშნულს მიაღწია; Volvo-ს გაყიდვები იანვარში მცირედით გაიზარდა; Ford-ი Mustang Mach-E-ის ფასის შემცირებას გეგმავს; Toyota იაპონიაში ორ ახალ მდიდრულ მოდელს გამოუშვებს – Nikkei; უნიკალური Bugatti Chiron Profilée აუქციონზე $10.7 მილიონად გაიყიდა; რუსეთში ახალი ავტომობილების გაყიდვები 47%-ით შემცირდა; რუსეთში Ford-ის ყოფილ ქარხანაში ხის გადამამუშავებელი საწარმო მოეწყობა. #ავტოსიახლეები #საქმიანიდილა #ბიზნესმედია #საქმიანები #BMG
საქართველოს ბანკი საქართველოში თანამედროვე ტექნოლოგიური ინოვაციების მხარდაჭერას და ახალი შესაძლებლობების შექმნას განაგრძობს. ამ მიზნით ბანკი ქვეყანაში მონაცემთა მეცნიერების მიმართულებით ყველაზე მასშტაბურ პროექტს data challenge-ს ახორციელებს. პროექტის მიზანი საქართველოში მონაცემთა მეცნიერების, ტექნოლოგიებისა და ინოვაციების მიმართულების გაძლიერებაა. ამჯერად data challenge-ს მეორე კონკურსი გაიმართა, რომლის ფარგლებშიც მონაწილეებს ინოვაციური მეტყველების ტექნოლოგია უნდა შეექმნათ. კონკურსის ფარგლებში მონაწილე გუნდები ერთი თვის განმავლობაში აქტიურად მუშაობდნენ ახალი ტექნოლოგიური გადაწყვეტის შემუშავებაზე, რომელიც ბიზნესებზე იქნებოდა მორგებული. კონკურსის საპრიზო ფონდი 50 000 ლარს შეადგენდა. შეჯიბრში სამი გამარჯვებული გამოვლინდა, პირველი ადგილის მფლობელს 30 000 ლარი, მეორე ადგილოსან გუნდს 15 000 ლარი, მესამე ადგილზე გასულ გუნდს კი 5000 ლარი გადაეცა. პირველი ადგილი გუნდმა - charlies angels-მა მოიპოვა. მეორე ადგილი N3-მა, მესამე კი synapse NLP-იმ. #ახალიამბები #BusinessMediaGeorgia
პანდემიის პიკში ირაკლი ვეკუამ და ირაკლი ჯინჯიხაძემ მაშინ როცა სწავლაც და კომუნიკაციაც ერთმანეთთან ადამიანებს მხოლოდ ონლაინ და დისტანციური შეეძლოთ მასწავლებლებისთვის პლატფორმა Kings-ის შექმნა გადაწყვიტეს, რომელიც მათ ონლაინ ოლიმპიადების ჩატარებაში დაეხმარებოდათ. სწორედ ამ იდეით მოხვდნენ 500Georgia-ს აქსელერაციის პროგრამაში და ახალი ეტაპიც დაიწყო. როგორ ეხმარება რეალურად ეს პლატფორმა მასწავლებლებს და რა გზა გაიარა Kings-მა დაფუძნებიდან დღემდე? სტუმარი: ირაკლი ჯინჯიხაძე - Kings International-ის დამფუძნებელი; #ახალიამბები #BusinessMediaGeorgia
საქსტატის მონაცემების მიხედვით, 2022 წლის დეკემბერში მშენებლობის ღირებულების ინდექსი წინა თვესთან შედარებით 2.2%-ით გაიზარდა. მშენებლობის ღირებულების ინდექსის მატება ქვეყანაში უძრავი ქონების მოსალოდნელ გაძვირებაზე მეტყველებს. ზოგიერთმა კომპანიამ მშენებლობაზე მომატებული ღირებულება სარეალიზაციო ფასზეც ასახა, ზოგს წინასწარი პროგნოზის გაკეთება უჭირს, ხოლო ზოგიც ფასის ზრდას სამომავლოდ არ გამორიცხავს. კომპანიებში მიაჩნიათ, რომ ბაზარზე ფასებს საბოლოო ჯამში არსებული მოთხოვნა დაარეგულირებს. #ახალიამბები #BusinessMediaGeorgia
ბავშვთა გასართობ ცენტრებში მომსახურების ტარიფი დაახლოებით 20-დან 35%-მდე გაიზარდა. როგორც დაბადების დღის ცენტრებში აცხადებენ, 2022 წელს სექტორის აღდგენის მაჩვენებლებმა 2019 წლის მონაცემებს გადააჭარბა, რაც ერთი მხრივ დაგროვილ მოთხოვნას, მეორე მხრივ კი ბაზარზე შემცირებული ცენტრების არსებობას უკავშირდება. როგორც გასართობი ცენტრების ასოციაციის ხელმძღვანელი BMG-სთან აცხადებს ქვეყნის მასშტაბით პანდემიამდე 140-მდე ცენტრი იყო, დღეს კი რაოდენობა 70 ერთეულს არ აღემატება. რა ფასად შეგიძლიათ ბავშვებისა და მოზარდებისთვის დაბადების დღის გადახდა? #ახალიამბები #BusinessMediaGeorgia
მის მიუხედავად, რომ საერთაშორისო ტექნოლოგიურმა კომპანიებმა თანამშრომლების გათავისუფლება დაიწყეს, ეს სულაც არ ნიშნავს იმას რომ ტექტალანტებზე მოთხოვნა შემცირდა. მეტიც, ბაზარზე იზრდება ისეთი პროფესიების მიმართ მოთხოვნა, რომელიც მაგალითად ვებ დეველოპინგს, ვებ დიზაინს, მობილური აპლიკაციის გამართვას მოიცავს. CNBC-იმ პროფესიების შვიდეული შეადგინა, რომლებიც 2023 წელს განსაკუთრებულად მოთხოვნადი იქნება და ეს ანაზღაურებაზეც აისახება. #ახალიამბები #BusinessMediaGeorgia
#საქმიანიდილა - 7 თებერვალი - პროლოგი #ახალიამბები #BusinessMediaGeorgia
„ასკანელის" ორგანიზებით, ქართული ღვინოების დეგუსტაცია ჩატარდა #ახალიამბები #BusinessMediaGeorgia
ჩანთებისა და აქსესუარების ბრენდმა „კოსმომ“ 2022 წელი გაორმაგებული წარმადობით და ახალი საექსპორტო ბაზრებით დაასრულა, - ამის შესახებ კომპანიის დამფუძნებელმა BM.GE-თან საუბრისას განაცხადა. მისი თქმით, წარმატების ერთ-ერთი წინაპირობა „აწარმოე საქართველოს“ მხარდაჭერით მილანის საერთაშორისო გამოფენაზე მონაწილეობა იყო, რის შემდეგაც ქართული კოლექცია იტალიაში ორჯერ გაიგზავნა. კომპანია პროდუქციას ყიდის ამაზონზეც. სტუმარი: სოფი მუხლიშვილი - "კოსმოს" დამფუძნებელი; #ახალიამბები #BusinessMediaGeorgia
პირველი თებერვლიდან ავტოსატრანსპორტო საშუალებების განმეორებითი ტექნიკური ინსპექტირება ფასიანი გახდა. გასული წლის ბოლოს მთავრობის მიერ მიღებული დადგენილება და მას მოყოლილი ცვლილებები კერძო სექტორისგან დადებითად ფასდება, თუმცა ამბობენ, რომ 4 წლის წინ ამოქმედებული რეფორმის აღსრულება გამოწვევაა, ტექინსპექტირების ცენტრებში მიმართვიანობა ისევ დაბალია. საქართველოს ავტომობილების ინსპექტირების ცენტრების ასოციაციის პრეზიდენტის დავით მესხიშვილის თქმით, ყველაზე პრობლემური სამარშრუტო ტაქსებია, რომლებიც ტექინსპექტირებას გარკვეული მიზეზების გამო თავს არიდებენ და ქალაქებს შორის მგზავრები გაუმართავი ავტოსატრანსპორტო საშუალებებით გადაჰყავთ. რატომ ვერ ხდება მონიტორინგი და რა უნდა გაკეთდეს ქვეყანაში გამართული სატრანსპორტო საშუალებების უზრუნველყოფისთვის? სტუმარი: დავით მესხიშვილი - საქართველოს ავტომობილების ინსპექტირების ცენტრების ასოციაციის პრეზიდენტი; #ახალიამბები #BusinessMediaGeorgia
საქართველომ თაფლის ექსპორტით $1 მლნ-ზე მეტი შემოსავალი მიიღო. 2022 წელს თაფლის ექსპორტი რეკორდული იყო, როგორც ღირებულებით, ასევე მოცულობით. ოფიციალური სტატისტიკის მიხედვით, საქართველოდან გასული წლის განმავლობაში 1 მილიონ 175 ათასი დოლარის ღირებულების 258 ტონა თაფლის ექსპორტი განხორციელდა. 2021 წელთან შედარებით ექსპორტით მიღებული შემოსავალი 78.8%-ით, ხოლო მოცულობა 49.3%-ით მეტი იყო. აღსანიშნია, რომ თაფლის მთავარი სარეალიზაციო ბაზარი გასული წლის მიხედვით ევროკავშირი იყო. 2022 წელს თაფლის ექსპორტის 75.5% სწორედ ევროპული ქვეყნების მიმართულებით განხორციელდა. ისიც უნდა ითქვას, რომ EU-ს ქვეყნებში თაფლის რეალიზება გასულ წელს 75.3%-ით გაიზარდა. ღირებულების მიხედვით, თაფლის საექსპორტო ქვეყნების TOP-10-ეული ასეთია: 1. საფრანგეთი - 556 ათასი დოლარი, 97 ტონა; 2. ბულგარეთი - 323 ათასი დოლარი, 112 ტონა; 3. ნორვეგია - 103 ათასი დოლარი, 21 ტონა; 4. ისრაელი - 61 ათასი დოლარი, 10 ტონა; 5. არაბთა გაერთიანებული საამიროები - 40 ათასი დოლარი, 5 ტონა; 6. საუდის არაბეთი - 23 ათასი დოლარი, 5 ტონა; 7. იაპონია - 16 ათასი დოლარი, 1 ტონა; 8. ჰონ-კონგი - 13 ათასი დოლარი, 1 ტონა; 9. კანადა - 10 ათასი დოლარი, 1 ტონა; 10. სომხეთი - 9 ათასი დოლარი, 1 ტონა; მცირე მოცულობებით თაფლის ექსპორტი გერმანიაში, ავსტრიაში, სენეგალში და სხვა ქვეყნებში განხორციელდა.რამ განაპირობა ექსპორტის ზრდა? სტუმარი: ალეკო პაპავა - საქართველოს მეფუტკრეთა გაერთიანების დამფუძნებელი; #ახალიამბები #BusinessMediaGeorgia
სვანეთში ზამთრის ტურისტული სეზონი აქტიურ ფაზაშია და შესაბამისად, სრული დატვირთვით მუშაობს მესტიის აეროპორტით, რომელიც ნატახტარისა და ქუთაისის აეროპორტებიდან მგზავრთა გადაყვანას კვირაში 5 დღის განმავლობაში უზრუნველყოფს. მესტიის აეროპორტს 3-დღიანი სამუშაო ვიზიტის ფარგლებში საქართველოს აეროპორტების გაერთიანების ახალო დირექტორი, ირაკლი ქარქაშაძე სტუმრობს, რომელმაც აეროპორტის ინფრასტრუქტურა დაათვალიერა და თანამშრომლებთან შეხვედრა გამართა. რას გეგმავს აეროპორტების გაერთიანების დირექტორი როგორც მესტიის, ასევე საქართველოს სხვა აეროპორტებთან დაკავშირებით? ირაკლი ქარქაშაძე - საქართველოს აეროპორტების გაერთიანების დირექტორი; #ახალიამბები #BusinessMediaGeorgia
#ავიაციისსიახლეები: თბილისის საერთაშორისო აეროპორტში ირაკლი ქარქაშაძე იმყოფებოდა; ქუთაისის აეროპორტში 47 მლნ ლარის ინვესტიციის განხორციელება იგეგმება - ქარქაშაძე; შიდა ფრენებზე ტენდერი მალე გამოცხადდება - ქარქაშაძე; აეროპორტების განვითარების სტრატეგიას ADB-ის დაკვეთით ბრიტანული კომპანია მოამზადებს; რამ გამოიწვია საბერძნეთიდან საავიაციო საწვავის იმპორტის ზრდა? Ryanair-ი გაძვირებული ავიაბილეთების გამო რეკორდულ ფინანსურ შედეგებს ელოდება კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით #ავიაცია #ავიამიმოსვლა #BMG #ახალიამბები #BusinessMediaGeorgia
2022 წლის მონაცემებით, მსუბუქი ავტომობილები საქართველოდან საექსპორტო ჯგუფებში მეორე ადგილზე, ხოლო იმპორტირებულ სასაქონლე ჯგუფებს შორის პირველ ადგილზეა. საქართველოდან მსუბუქი ავტომობილების ექსპორტი 98%-ით გაიზარდა. , თუ 2021 წელს ქვეყნიდან 456.5 მლნ დოლარის ღირებულების მანქანა გავიდა, 2022 წელს ამ მაჩვენებელმა 903.8 მლნ დოლარი შეადგინა. ამასთან, ზრდაა რაოდენობაშიც, თუმცა მხოლოდ 25%-იანი. კერძოდ, საქსტატის მონაცემებით, 2021 წელს ქვეყნიდან 79 887 მსუბუქი ავტომობილი გავიდა, 2021 წელს კი 63 860. ზრდის მოლოდინია წლევანდელ წელთან მიმართებითაც და მთავარ რისკად საერთაშორისო ბაზრებზე სტაბილურობა სახელდება. სტუმარი: კახა ლომიძე - Caucasus Auto Import-ის მარკეტინგის მენეჯერი; #ახალიამბები #BusinessMediaGeorgia
თურქეთის კულტურისა და ტურიზმის სამინისტრომ 2022 წლის ტურიზმის შედეგები გამოაცხადა. გამოქვეყნებული მონაცემების მიხედვით, 2022 წელს თურქეთში ტურისტების რაოდენობამ 51,4 მილიონს გადააჭარბა, რაც არის რეკორდული მაჩვენებლით გამორჩეული 2019 წლის შედეგის, 51.8 მილიონის 99%. ამ მაჩვენებლით იგი მსოფლიოში მე-3 უმსხვილესი ტურისტული ბაზარი გახდა. #ახალიამბები #BusinessMediaGeorgia
„მცირე და საშუალო მეწარმეობის განვითარების ასოციაციის (SMEDA)” ორგანიზებით ბათუმში მასშტაბური ბიზნეს ფორუმი ჩატარდა. ფორუმი ფინანსებზე ხელმისაწვდომობის თემას მიეძღვნა რომელიც მცირე და საშუალო ბიზნესისთვის დღემდე ერთ-ერთი ყველაზე აქტუალური თემაა. ღონისძიებაზე მოხსენებით წარდგნენ საქართველოს ეროვნული ბანკის, სააგენტო „აწარმოე საქართველოში“-ს, EBRD-სა და სხვა საფინანსო ორგანიზაციების წარმომადგენლები. სტუმრები: გიგა ფაიქიძე - SMEDA-ს აღმასრულებელი დირექტორი და დამფუძნებელი; თეონა კუნჭულია - საგადასახადო მიმართულების ხელმძღვანელი, აუდიტორული და საკონსულტაციო კომპანია Loialte; რუსუდან ბარათაშვილი - მცირე და საშუალო ბიზნესის დამატებითი ღირებულების სერვისების განვითარების დეპარტამენტის დირექტორი, საქართველოს ბანკი; #ახალიამბები #BusinessMediaGeorgia
რამდენიმე დღე რჩება საქართველოში პირველად ფრისტაილის მსოფლიო ჩემპიონატის დაწყებამდე. ბაკურიანი მსოფლიო ჩემპიონებს და ოლიმპიელ ათლეტებს ელოდება. ბოლო დღეების სამზადისში სილქნეტმა სათხილამურო ფედერაციასთან ერთად მედიას და სპორტის გულშემატკივრებს უმასპინძლა და მსოფლიო ჩემპიონატის მზადების პროცესი გააცნო. ჩემპიონატი სტარტს 16 თებერვალს აიღებს და 5 მარტის ჩათვლით ფრისტაილის, სნოუბორდისა და ფრისკის სახეობის 700 სპორტსმენი ერთმანეთს ბაკურიანში შეეჯიბრებიან. მათ შორის 5 ქართველი სპორტსმენიც იასპარეზებს. სილქნეტი უკვე 10 წელზე მეტია მხარში უდგას ზამთრის სპორტის განვითარებას საქართველოში და დაარსების დღიდან სათხილამურო ფედერაციის გენერალური სპონსორია და პირველი მსოფლიო ჩემპიონატის წარმდგენიც კომპანია სილქნეტია. კომპანია უკვე 10 წელზე მეტია ზამთრის სახეობების არაერთი საერთაშორისო თუ ადგილობრივი შეჯიბრის მხარდამჭერია, ხელს უწყობს საქართველოს ნაკრების წვრთნებს უცხოეთის კურორტებზე და მნიშვნელოვანი წვლილი შეაქვს ქართველი სპორტსმენების საერთაშორისო ასპარეზზე წარმოჩენაში. #ახალიამბები #BusinessMediaGeorgia
#საქმიანიდილა - 6 თებერვალი - პროლოგი #ახალიამბები #BusinessMediaGeorgia
გასული კვირის ბოლოს, აშშ სახელმწიფო დეპარტამენტის მხრიდან ამერიკის ხმისთვის მიცემული ინტერვიუდან მოვისმინეთ, რომ საქართველოსა და რუსეთს შორის ფრენების აღდგენა სანქციების საფრთხეს შეუქმნის კომპანიებს, რომლებიც საქართველოს აეროპორტებში რუსულ კომპანიებს მოემსახურება. ამერიკის დიპლომატიური უწყების თქმით, „მთელი დასავლური საზოგადოება დაშორდა ამ სასტიკ რეჟიმს - ახლა რუსეთთან ჩართულობის გაზრდის დრო არ არის“. საქართველო-რუსეთს შორის 2019 წლიდან შეწყვეტილი პირდაპირი ავიამიმოსვლის აღდგენის საკითხზე მსჯელობა მას შემდეგ გააქტიურდა, რაც 18 იანვარს რუსეთის საგარეო საქმეთა მინისტრმა ლავროვმა იმედი გამოთქვა ფრენების აღდგენაზე. რას აპირებს ქართული ბიზნესი, და როგორია მათი პოზიცია? #ახალიამბები #BusinessMediaGeorgia
ხელფასი vs. პროდუქტიულობა – რას უნდა ველოდოთ? სტუმარი: ლაშა ქავთარაძე - Galt&Taggart;-ის ეკონომისტი; #ახალიამბები #BusinessMediaGeorgia
გუშინ NDI-ის კვლევა გამოქვეყნდა. ეკონომიკური სურათი კვლევის მიხედვით ასეთია: მოქალაქეთა უმეტესობა საქართველოს ეკონომიკურ მდგომარეობას ცუდად აფასებს; ყოველი მესამე მოქალაქე თავს დაუცველად ეკონომიკური მიზეზების გამო გრძნობს; ფასების ზრდა, სამუშაო ადგილები და სიღარიბე კვლავ ყველაზე მნიშვნელოვან გამოწვევად რჩება; ყოველი მეხუთე მოქალაქე უმუშევარია; უმუშევართა უმრავლესობა ამბობს, რომ სამსახურს ან საერთოდ ვერ პოულობს ან შესაფერისი ანაზღაურებით; უმრავლესობას ეჭვი ეპარება, რომ მთავრობა ეკონომიკური პრობლემების მოგვარებას შეძლებს; უმრავლესობა თავიანთი ოჯახის ეკონომიკურ მდგომარეობას ცუდად ან დამაკმაყოფილებლად აფასებს; მოქალაქეთა შეფასებით, ბოლო ხუთი წლის მანძილზე გაზრდილია შინამეურნეობების საშუალო შემოსავალი; უმრავლესობა ამბობს, რომ ახლა იგივე ან ნაკლები ფინანსური შესაძლებლობა აქვს, ვიდრე ხუთი წლის წინ; ყოველ მეხუთე ოჯახს საჭმლის სამყოფი ფული არ აქვს; ყოველი მეორე ამბობს, რომ ბოლო 6 თვის მანძილზე ყოფილა შემთხვევა, როცა კომუნალურის გადასახდელად საკმარისი ფული არ ჰქონია; მოქალაქეთა უმრავლესობა ოჯახის შემოსავალს, ძირითადად, საკვებზე, კომუნალურ გადასახადებზე, წამლებსა და სესხებზე ხარჯავს; საქართველოს ყოველი მეხუთე მოქალაქე ემიგრაციაში წასვლაზე ფიქრობს. ამ ფონზე – გასული წლის შემდეგ, მთავრობის საქმიანობის დადებითი შეფასება ათი პროცენტით გაიზარდა. მთავრობის საქმიანობის დადებითი შეფასება ყველაზე მეტად გადაუწყვეტელ ამომრჩეველში, პატარა ქალაქებსა და სოფლებში, ასევე საშუალო ასაკის ჯგუფშია გაზრდილი. NDI-ის კვლევაში ასევე საინტერესო მიგნებებია ტრანსატლანტიკური ინტეგრაციის შესახებ – ამ ნაწილში მხარდაჭერა ცალსახად გაზრდილია და რუსეთთან დამოკიდებულებების თვალსაზრისითაც – აქ მოსახლეობა ამბობს, რომ რუსი ხალხი და რუსეთის მთავრობა განსხვავებული ცნებებია, უკრაინასთან ომზე კი პუტინია პასუხისმგებელი. ასევე – როგორც ჩანს, მოსახლეობა მაინც შეშფოთებულია რუსი მიგრანტების რაოდენობით – ამაზე მიუთითებს რუსეთის მოქალაქეებისთვის სავიზო რეჟიმის დაწესების მაღალი მხარდაჭერაც. სტუმარი: დავით კეშელავა - ISET-ის კვლევითი ინსტიტუტის უფროსი მკვლევარი; #ახალიამბები #BusinessMediaGeorgia
გადასახადების შემცირება, როგორც ინვესტიციების მოტივატორი – შეფასება სტუმარი: თაზო დათუნაშვილი - „ლელოს“ პოლიტსაბჭოს წევრი; #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
#BMGDRIVE: Cherry's Fitness - შექმნის ისტორია და განვითარება - ნინო ჩერქეზიშვილი BMGDRIVE-ის მგზავრი: ნინო ჩერქეზიშვილი -“ჩერის მარათონი” - დამფუძნებელი; Cherry's Fitness - დამფუძნებელი; პერსონალური ფიტნესტრენერი - "წრე"; ნუტრიციოლოგი და ყოფილი ბანკირი. ავტორები: ბექა ბაციკაძე, საბა ხუციაშვილი, რევაზ ნასიძე. #ახალიამბები #BusinessMediaGeorgia
ინფრასტრუქტურის მშენებელთა ასოციაციამ ახალი პროგრამის განხორციელება დაიწყო, რომელიც მიზნად რეგიონებში არსებული სამშენებლო მასალების მწარმოებელი კომპანიების მენტორობით სამშენებლო მასალების მწარმოებელი კომპანიების გაძლიერებას ისახავს. რა შესაძლებლობებია პროგრამის ფარგლებში და სარგებელს მიიღებენ ბიზნესები? სტუმარი: ანა საბახტარაშვილი - ინფრასტრუქტურის მშენებელთა ასოციაციის აღმასრულებელი დირექტორი; ირაკლი გოგოლიშვილი - "ანაგის" გენერალური დირექტორი, პროგრამის მენტორი. #ახალიამბები #BusinessMediaGeorgia
ევროკავშირის ეკონომიკა 16.6 ტრლნ დოლარს შეადგენს. სავალუტო ფონდის მონაცემებით, 27 წევრი ქვეყნიდან, 6 ძირითადი კონტრიბუტორი ქვეყანაა, საიდანაც ჯამში 14 ტრლნ დოლარი აკუმულირდება. საერთაშორისო სავალუტო ფონდი 2023 წელს ევროპასთან დაკავშირებით დადებით მოლოდინებს არ აკეთებს. ფონდის პროგნოზით, 2023 წელს ევროკავშირის ეკონომიკა 0,7%-ით გაიზრდება. #ახალიამბები #BusinessMediaGeorgia
28%-ით არის გაზრდილი. 2022 წლის დეკემბრის მონაცემებით, დედაქალაქში 1 კვ.მეტრის ყიდვის საშუალო ღირებულება 1 072 აშშ დოლარს შეადგენს. „თიბისი კაპიტალის“ ინფორმაციით, 2022 წლის დეკემბერში წინა წლის ანალოგიურ პერიოდთან შედარებით, თბილისში ქირის ფასი 103%-ით არის გაზრდილი. კვლევის თანახმად, რომლის დეტალებსაც ირინა კვახაძე გაგვიზიარებს 2022 წლის დეკემბრის მონაცემებით, ქირის ფასი თბილისში წლიურად ყველაზე მეტად - 16.2%-ით დიდ დიღომში გაიზარდა. რა ცვლილებები იყო წლის ბოლოს უძრავი ქონების ბაზარზე? სტუმარი: ირინა კვახაძე - "თიბისი კაპიტალის" კვლევების სამსახურის უფროსი; #ახალიამბები #BusinessMediaGeorgia
რუსეთ-უკრაინის ომის დაწყების შემდეგ, სატრანსპორტო ინდუსტრია ფაქტობრივად თავდაყირად დადგა, საქართველო კი, თავისი გეოგრაფიული მდებარეობიდან გამომდინარე, ცვლილებების ნამდვილ ეპიცენტრში აღმოჩნდა. სტუმარი: ვასილ მაზიაშვილი - Transford (Pace Group), აღმასრულებელი დირექტორი; გიორგი არონია - BMG&ForbesGeorgia;-ს ანალიტიკოსი; გიორგი თოლორდავა - BMG-ის ანალიტიკოსი; #ახალიამბები #BusinessMediaGeorgia
“საქართველოს ბანკმა“ და ანალიტიკურმა ცენტრმა „ჯეოქეისმა“ ერთობლივი პროექტის „ეკონომიკური ფორუმის“ ფარგლებში, მესამე დისკუსია გამართეს. დისკუსიის მთავარი თემა - „საინვესტიციო პოლიტიკა“ იყო. დისკუსიაში მონაწილეობა საქართველოს ფინანსთა მინისტრმა ლაშა ხუციშვილმა, საქართველოს ბანკის გენერალურმა დირექტორმა არჩილ გაჩეჩილაძემ, ანალიტიკური ცენტრ „ჯეოქეისის“ თავმჯდომარემ ვიქტორ ყიფიანმა მიიღო. დისკუსიას მოდერაცია „ჯეოქეისის“ეკონომიკური მიმართულების დირექტორმა გიორგი აბაშიშვილმა გაუწია. განხილვის მთავარი მიზანი სახელმწიფოს, ანალიტიკური და ბიზნესსექტორის მხრიდან საქართველოს საინვესტიციო პოლიტიკის, გამოწვევების და ახალი შესაძლებლობების გაანალიზება იყო. მნიშვნელოვანია, რომ მიმდინარე წლის იანვარში, ანალიტიკურ ცენტრ „ჯეოქეისსა“ და პოლონურ კვლევით ორგანიზაციას - „Foundation Institute for Eastern Studies” - შორის გაფორმდა მემორანდუმი და, შესაბამისად, ცენტრალურ და აღმოსავლეთ ევროპაში ყველაზე მსხვილი ეკონომიკური ფორუმის ორგანიზატორი საქართველოს ბანკისა და "ჯეოქეისის" ერთობლივი პროექტის მთავარი ექსკლუზიური საერთაშორისო პარტნიორია. #ახალიამბები #BusinessMediaGeorgia
„მცირე და საშუალო მეწარმეობის განვითარების ასოციაციის (SMEDA)” ორგანიზებით ბათუმში მასშტაბური ბიზნეს ფორუმი ჩატარდა. ფორუმი ფინანსებზე ხელმისაწვდომობის თემას მიეძღვნა რომელიც მცირე და საშუალო ბიზნესისთვის დღემდე ერთ-ერთი ყველაზე აქტუალური თემაა. ღონისძიებაზე მოხსენებით წარდგნენ საქართველოს ეროვნული ბანკის, სააგენტო „აწარმოე საქართველოში“-ს, EBRD-სა და სხვა საფინანსო ორგანიზაციების წარმომადგენლები. #ახალიამბები #BusinessMediaGeorgia
,,გაზარდე შენი ბიზნესი“ კამპანიის ფარგლებში ლიბერთი პარტნიორებთან ერთად, მარნეულში, ქვემო ქართლის რეგიონის აგრო და ბიზნესის წარმომადგენლებს შეხვდა. ,,ბიზნეს დიალოგის” სპიკერებმა, ლიბერთის, სოფლის განვითარების სააგენტოს, სახელმწიფო პროგრამა ,,აწარმოე საქართველოში“, ,,მერსი კორფსისა“ და ,,ნიუ ვიჟენ“ დაზღვევის წარმომადგენლებმა, სოფლის მეურნეობისა და მცირე ბიზნესის განვითარებისთვის არსებულ ყველა იმ შესაძლებლობებზე ისაუბრეს, რაც საკუთარი ბიზნესის გაზრდის შესაძლებლობას ხელს შეუწყობს. #ახალიამბები #BusinessMediaGeorgia
მსოფლიო ეკონომიკური ფორუმის ანგარიშით, რომელიც მომავლის პროფესიებს მიმოიხილავს, შრომის ავტომატიზაცია და ხელოვნური ინტელექტი 2025 წლისთვის სავარაუდოდ 85 მილიონ სამუშაო ადგილს ჩაანაცვლებს. თუმცა, ანგარიში ასევე ცხადყოფს, რომ იმავე ვადაში დაახლოებით 97 მილიონი ახალი სამუშაო ადგილი შეიქმნება. ბოლო რამდენიმე წლის განმავლობაში ვირტუალური რეალობა, ხელოვნური ინტელექტი და მოწინავე ქლაუდ ტექნოლოგია მკვეთრად განვითარდა, რაც ადამიანებს ახალ კარიერულ შესაძლებლობებს შესთავაზებს. #ახალიამბები #BusinessMediaGeorgia
საქართველოს ენერგეტიკის განვითარების ფონდი, ევროპის რეკონსტრუქციისა და განვითარების ბანკის ფინანსური მხარდაჭერით, ენგურის ჰიდროლოგიური ინიციატივის პროექტს ახორციელებს. პროექტის მიზანი წყლის რესურსის მენეჯმენტია, რომლისთვისაც ერთიანი პლატფორმა შეიქმნება, სადაც ენგურის ჰიდროლოგიური მონაცემები იქნება ხელმისაწვდომი. პროექტის ფარგლებში ენგური სრულად შეისწავლება. საქართველოში მდინარე ენგური პირველია, სადაც მსგავსი ჰიდროლოგიური მოდელი ხორციელდება. #ახალიამბები #BusinessMediaGeorgia
წინასაახალწლოდ თიბისიმ მომხმარებელს ახალი სერვისი - განაწილება - შესთავაზა, რომლის საშუალებითაც ნივთის ღირებულების გაყოფა შეგიძლია 4 ტოლ ნაწილად, არის შესაძლებელი საპროცენტო განაკვეთის და დამატებითი საკომისიოების გარეშე. ამ ამბავზე გასული წლის ბოლოს მოგიყევით თორნიკე გოგიჩაიშვილთან ერთად და ამ ჯერზე გადავწყვიტე თავად გამომეცადა და სატესტო რეჟიმში მეჩვენებინა როგორ არის განაწილებით სარგებლობა შესაძლებელი. დანარჩენს რომელი მაღაზიების თუ სერვისების მიღებაა განაწილებით შესაძლებელი თიბისის ციფრულ ბანკში ნახავთ. #ახალიამბები #BusinessMediaGeorgia
#საქმიანიდილა - 3 თებერვალი - პროლოგი #ახალიამბები #BusinessMediaGeorgia
ამერიკელმა სამართალდამცავებმა, კერძოდ კი მესაზღვრეებმა დაიჭირეს, დააპატიმრეს და მერე არ ვიცი რა უქნეს ზღვის კუ, რომელიც წყნარ ოკეანეში ნება ნება მიცურავდა, არა ადარდებდა რა, მათ შორის, არც ხელოვნური ინტელექტის მოსაზრებები თუ როგორ გამოიყურებიან სხვადასხვა ქვეყნის ქალბატონები, რადგან ტვირთი რომელსაც ის ეზიდებოდა იყო 53 მლნ დოლარის ღირებულებისა დაა ზღვის კუ, ასე დინჯად და ლივლივით კვეთდა წყნარ ოკეანეს ნაპირებისკენ დატვირთული კოკაინით. ამერიკის შეერთებული შტატების მკაცრმა მესაზღვრეება, უმალ გაათავისუფლეს კოკაინის ტვირთისგან ზღვის კუ, რომ ჯანმრთელი და საღსალამათიიც არის, რადგან ზღვის წყლის გარდა, არა მიკარებია არაფერს - მათ შორის არც ტვირთის შიგთავსს. ხოლო 1800 ფაუნდი ტვირთი, რაც დაახლოებით 720 კგ ჩემი დათვლით და უფრო მოკლე ჭკუით , და საბაზრო ფასი 53 მლნ, ცხადია დაპატიმრებულია. რაც ვიცით დაზუსტებით, რომ ზღვის კუ თავისუფალი და მგონი, არც რაიმე ჯილდო მხედრული თუ საზღვაო მამაცობისთვის, ან რამე სხვა არ მიუღია. ისევე, როგორც არ ვიცით, რა ბედი ეწია ტვირთს, რითაც ასე დატვირთეს ერთ დროს საწყალი, ან იქნებ ახლა საწყალი ზღვის კუ რათა დანიშნულების ადგილას, მიეტანა ერთ-ერთი ყველაზე ორიგინალური გზით ეს ტვირთი. #ახალიამბები #BusinessMediaGeorgia
დღეს 13:30 საათზე დიაბეტის მქონე ბავშვების მშობლები ბოლო ერთი წლის განმავლობაში საქართველოში ინსულინის პერმანენტული დეფიციტის გამო ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროსთან საპროტესტო აქციას გამართავენ. ამ დროისთვის საქართველოს ინსულინის სახელმწიფო პროგრამას დაახლოებით 1500-მდე ბენეფიციარი ჰყავს. სახელმწიფო პროგრამით გაწერილია, რომ აღნიშნულ ბენეფიციარებს სამ თვეში ერთხელ ინსულინის შესაბამის პერიოდზე გაწერილი მარაგები ეკუთვნით, თუმცა როგორც ბენეფიციარი ბავშვების მშობლები აცხადებენ ბოლო ერთი წლის მანძილზე უკვე სამჯერ მოხდა ისე, რომ ქვეყანას, კერძოდ კი ჯანდაცვის სამინისტროს ინსულინის მარაგი არ აღმოაჩნდა. რა პრობლემებს ქმნის დიაბეტის მქონე ბავშვებისთვის პრეპარატის არარსებობა და რატომ ვერ ხერხდება სამინისტროს მხრიდან პრეპარატის მიწოდება? სტუმარი: მაცაცო ასათიანი - მშობელი #ახალიამბები #BusinessMediaGeorgia
თბილისში გასული წლის დეკემბერში 3 967 ბინა გაიყიდა, რაც 2019 წლის მაჩვენებელს 33.7%-ით აღემატება. Colliers Georgia-ს განახლებულ მონაცემებში აღნიშნულია, რომ დეკემბერში გაყიდვების საკმაოდ მაღალი მაჩვენებელი ერთ-ერთი მსხვილი დეველოპერის მიერ ტრანზაქციების ერთიანად დარეგისტრირებით იყო გამოწვეული. მათივე ინფორმაციით, ბაზრის ზომა 53%-ით 217 მილიონ დოლარამდე გაიზარდა. ახალი და ძველი პროექტების მიხედვით, ბინების გაყიდვების მაჩვენებელი ახალ პროექტებში 2019 წლის მაჩვენებელს 40%-ით აღემატება, ძველ პროექტებში კი მაჩვენებელი 21%-ით არის გაზრდილი. 2022 წლის დეკემბერში თბილისში ახალაშენებულ პრემიუმ სეგმენტის ბინებზე მოთხოვნა გასამმაგდა, მედიუმ სეგმენტში კი 820 ბინის გაყიდვა დარეგისტრირდა, რაც 2019 წლის მაჩვენებელთან შედარებით 2-ჯერ მეტია. რაც შეეხება ეკონომ სეგმენტს, ტრანზაქციების რაოდენობა მხოლოდ 15%-ით გაიზარდა. recov.ge-ს მონაცემებით, 2022 წლის დეკემბერში 2019 წლის ანალოგიურ პერიოდთან შედარებით თბილისში ახალაშენებული ბინების საშუალო შეწონილი გასაყიდი ფასი ქალაქის ცენტრში 14%-ით, ფართო ცენტრში - 22%-ით, გარეუბნებში კი 28%-ით გაიზარდა. 2022 წლის დეკემბერში თბილისში ძველი ბინების საშუალო შეწონილი გასაყიდი ფასი გარეუბნებში 15%-ით გაიზარდა, ფართო ცენტრსა და ქალაქის ცენტრში კი 1%-იანი და 5%-იანი ზრდა დაფიქსირდა. რაც შეეხება ბათუმს, ამ შემთხვევაში ზრდა 2021 წლის დეკემბერთან შედარებით 38%-ია, ჯამში დეკემბერში 1 734 ბინა გაიყიდა. საცხოვრებლები ბინების ბაზრის ზომა 116%-ით გაიზარდა და 107 მილიონი დოლარი შეადგინა. ბათუმში 2022 წლის დეკემბერში ახალაშენებული ბინების ტრანზაქციების რაოდენობა 38%-ით გაიზარდა, ძველი ბინების შემთხვევაში კი 35%-იანი ზრდა დაფიქსირდა. როგორია „ქოლიერს ჯორჯიას“ მონაცემები წლიურ ჭრილში და რა მოლოდინები აქვთ ორგანიზაციაში 2023 წლისთვის? სტუმარი: ეთუნა მუნჯიშვილი - "ქოლიერსის" დეველოპმენტ კონსალტინგის ხელმძღვანელი; #ახალიამბები #BusinessMediaGeorgia
გუშინ გარემოს დაცვისა და სოფლის მეურნეობის სამინისტროში დარგობრივი ასოციაციების წარმომადგენლები მინისტრს ოთარ შამუგიას ხვდებოდნენ. სოფლის მეურნეობის სექტორში მოღვაწე ასოციაციებმა უწყების ხელმძღვანელს დარგში არსებულ გამოწვევებზე და გადაჭრის გზებზე ესაუბრნენ. ვინ ესწრებოდა შეხვედრას და რა საკითხები და ინიციატივები გაჟღერდა? სტუმარი: ბექა გონაშვილი - მეცხვარეთა ასოციაციის ხელმძღვანელი; #ახალიამბები #BusinessMediaGeorgia
თბილისის მერმა კახა კალაძემ მეტრო "ვარკეთილის" სარეაბილიტაციო სამუშაოების დაწყება დააანონსა. მისი განცხადებით, სადგურის რეაბილიტაცია 18 თვის განმავლობაში გაგრძელდება, საიდანაც 2 თვით სადგური სრულად დაიკეტება. კახა კალაძის თქმით, სადგურის ზაფხულში დაიკეტება და ამის შესახებ მოსახლეობას დამატებით მიეწოდება ინფორმაცია. სახელმწიფო შესყიდვების სააგენტოს ვებ-გვერდზე უკვე გამოქვეყნდა 13.4-მილიონიანი გამარტივებული შესყიდვის ხელშეკრულება, რომელიც თბილისის სატრანსპორტო კომპანიამ შპს “ბადა ქონსთრაქშენთან” გააფორმა. აღნიშნული კომპანია კიდევ ერთი გამარტივებული კონტრაქტით მეტრო ავლაბრის სარეაბილიტაციო სამუშაოებს ასრულებს. გუშინ გამართულ მთავრობის სხდომაზე ასევე ითქვა, რომ თბილისის მერია მეტროსთვის ვაგონებს რუსული კომპანია „მეტროვაგონმაშისგან“ შეიძენს. გადაწყვეტილება მიღებულია და ხელშეკრულება აღარ შეწყდება. თბილისის ვიცე-მერის განცხადებით, EBRD-ის 2021 წელს გამოცხადებულ ტენდერში გამარჯვებულ რუსულ კომპანიასთან ხელშეკრულების პირობები შეიცვალა. ირაკლი ხმალაძემ განმარტა, რომ ცვლილებები დამკვეთის, ანუ თბილისის მერიის ფინანსური რისკებისგან თავის არიდების გამო მოხდა და დააზუსტა, რომ რუსული კომპანია „მეტროვაგონმაში“ სანქცირებული არ არის. ცნობისთვის: EBRD-ის მიერ გამოცხადებულ ტენდერში, რომელიც თბილისის მეტროპოლიტენის მიერ ახალი ვაგონების შესყიდვას შეეხებოდა რუსულმა კომპანია „მეტროვაგონმაშმა“ 2021 წლის დეკემბერში გაიმარჯვა. პროექტს თბილისის მერია და “თბილისის სატრანსპორტო კომპანია” სწორედ EBRD-ისგან მოზიდული კრედიტით აფინანსებენ და მის ფარგლებში ახალი ვაგონების შესყიდვასთან ერთად, დეპოს და საბურთალოს ხაზის დამაკავშირებელი გვირაბის რეაბილიტაციაც უნდა მოხდეს.მეტროვაგონმაში დედაქალაქს 49,190,000 ევროს ღირებულების 44 ვაგონი უნდა მიაწოდოს. ლარებში შესყიდვის ღირებულება 172 მილიონია. სტუმარი: ელენე ხუნდაძე - ექსპერტი სატრანსპორტო საკითხებში; #ახალიამბები #BusinessMediaGeorgia
ზეგანაკვეთური სამუშაო საათების მონიტორინგი სტუმარი: ნიკა ნანუაშვილი - "საქართველოს ბიზნეს ასოციაციის" იურიდიული დირექტორი; #ახალიამბები #BusinessMediaGeorgia
მონტენეგრო საკუთარ ციფრულ ვალუტას (CBDC) წამყვან კრიპტოკომპანია Ripple-თან თანამშრომლობით შექმნის. Ripple-ის ყველაზე წარმატებული პროექტი მსოფლიოს რიგით მეექვსე უმსხვილესი კრიპტოვალუტა XRP-ია, რომლის საბაზრო კაპიტალიზაციაც 20 მილიარდ დოლარს აღწევს. წამყვან კრიპტოაქტივებს შორის XRP ერთ-ერთი ყველაზე მაღალტექნოლოგიურია, რომელსაც ტრანზაქციების სისწრაფე და გამტარუნარიანობა გამოარჩევს. კომპანია Ripple-ი ბლოკჩეინ და ციფრულ პროექტებს როგორც კრიპტოპლატფორმებისთვის, ასევე კომპანიების, ბანკებისა და სახელმწიფოებისთვისაც ქმნის, მონტენეგროს მთავრობასთან თანამშრომლობაც სწორედ ამის მაგალითია. რამდენად გამოადგება საქართველოს მონტენეგროს მაგალითი ამ მიმართულებით რთული სათქმელია. მზადების პროცესის ახალ ეტაპზე გადასასვლელად კი ცოტა დრო რჩება. ახალი ფინანსური ტექნოლოგიების გამოყენების ხელშეწყობის, საგადახდო სისტემის ეფექტიანობის გაზრდისა და ფინანსური ჩართულობის გაუმჯობესების მიზნით, ეროვნული ბანკი, 2020 წლიდან აქტიურად იკვლევს ცენტრალური ბანკის ციფრული ვალუტის (CBDC) მახასიათებლებს, მათ შორის, ციფრული ლარის შესაძლებლობებს, სისტემურ მოწყობასა და ბაზარზე მისი გამოყენების გზებს. პროექტის პირველი ეტაპის საბოლოო ვადად 2023 წლის 15 თებერვალი განისაზღვრა. პირველი ეტაპის დასრულების შემდგომ, ეროვნული ბანკი შეარჩევს ცენტრალური ბანკის ციფრული ვალუტის ტექნოლოგიის მიმწოდებელ კომპანიას და სიღრმისეულად შეაფასებს ტექნოლოგიური პარტნიორების მიერ წარმოდგენილ ცენტრალური ბანკის ციფრული ვალუტის სისტემურ მოწყობასა და სხვა დამატებით ინფორმაციას, მათ შორის, სისტემურ მოწყობას ციფრული ლარის საცდელი ვერსიის დასანერგად. ვინ შეიძლება იყოს ამ სერვისის მიმწოდებელი საქართველოს საფინანსო სფეროში და რამდენად არის დაინტერესება ბიზნესებში? სტუმარი: დავით კიკვიძე - "ფინტექ ასოციაციის" თავმჯდომარე; #ახალიამბები #BusinessMediaGeorgia