2023 წლის იანვარ-თებერვლის მონაცემებით ბიუჯეტში, სათამაშო ბიზნესის მოსაკრებლიდან 12%-იანი კლება ფიქსირდება. როგორც სახელმწიფო ხაზინის მონაცემებიდან ირკვევა, ნაერთი ბიუჯეტის შემოსულობებში მიმდინარე წლის ორ თვეში სათამაშო ბიზნესის მოსაკრებლიდან 1,874,465.50 ლარი შევიდა გასული წლის ანალოგიურ პერიოდში კი 2,124,796.21 ლარი. რაც შეეხება სათამაშო აპარატებიდან ბიუჯეტში შესულ თანხებს, აქ 160%-იანი ზრდაა. 2023 წლის იანვარ-თებერვალში ბიუჯეტში სათამაშო აპარატებიდან 808,734.00 ლარი შევიდა ხოლო 2022 წლის ორ თვეში 310,800.10 ლარი. სამაგიეროდ 81%-იანი კლება ფიქსირდება წამახალისებელი გათამაშებიდან ბიუჯეტში შესულ თანხებში. სახელმწიფო ხაზინის მონაცემებით, 2023 წლის ორ თვეში წამახალისებელი გათამაშებიდან ბიუჯეტში 335,137.50 ლარი შევიდა, ხოლო 2022 წლის ანალოგიურ პერიოდში კი 1,779,946.11 ლარი. შეგახსენებთ, რომ 2022 წლის 1-ელი მარტიდან, საქართველოს პრემიერ-მინისტრის ინიციატივის შესაბამისად, ძალაში შევიდა სათამაშო ბიზნესის ახალი რეგულაციები. კერძოდ, 25 წლამდე ასაკის ახალგაზრდებისათვის და დამოკიდებულ პირთა სიასა და აკრძალულ პირთა სიაში შეყვანილი პირებისთვის (მათ შორის, სოციალურად დაუცველი პირებისთვის, საჯარო მოხელეებისთვის) აიკრძალა ონლაინ აზარტული თამაშები. გასული წლის 1-ელი მარტიდან დღემდე, ფინანსთა სამინისტროს შემოსავლების სამსახურის მონაცემთა ბაზაში, აკრძალულ პირთა სიაში შეტანილია 1 457 526 პირი. დამოკიდებულ პირთა სიაში რეგისტრირებულია 4 901 ფიზიკური პირი - მოსამართლის ბრძანების საფუძველზე 34 ადამიანი, ხოლო თავად პირის მომართვის საფუძველზე 4 867 განაცხადი დარეგისტრირდა. რა ხდება ბაზარზე რეგულაციებიდან 13 თვის თავზე? სტუმარი: გიორგი მამულაიშვილი - სათამაშო ბიზნესის ასოციაციის ადმინისტრაციის ხელმძღვანელი; #ახალიამბები #BusinessMediaGeorgia
ირაკლი ღარიბაშვილის თქმით, მას შემდეგ რაც სურსათის ფასების რეგულირებასთან დაკავშირებით კანონპროექტი დაანონსდა, ძირითად პროდუქტებზე ფასები 20-30%-ით შემცირდა და მოლოდინია, რომ უახლოეს პერიოდში კლება გაგრძელდება. ჩვენს მაყურებელს შევახსენებ, რომ თებერვალში ეკონომიკური გუნდის წევრებმა პრემიერ-მინისტრისგან დავალება მიიღეს, რომ ფასების “რეგულირებისთვის” ახალ კანონპროექტზე ემუშავათ. ცნობილი გახდა, რომ აღნიშნული საკითხი ევროკავშირის მიერ 2019 წელს მიღებულ დირექტივაზე დაფუძნებული კანონით უნდა მოგვარდეს. თავად ეს დირექტივა კი “ფასნამატს” ან “მარჟებს” არ უკავშირდება და ის სასურსათო ნედლეულის პირველად მწარმოებლებს, დისტრიბუტორებსა და სავაჭრო ქსელებს შორის ურთიერთობებს აწესრიგებს. რა კავშირშია ბაზარზე არსებული სურათი პრემიერის განცხადებასთან? სტუმარი: ივა ჭყონია - საქართველოს დისტრიბუტორთა ბიზნეს ასოციაციის ხელმძღვანელი; სოფიო ქაშაკაშვილი - რითეილ ასოციაციის გამგეობის თავმჯდომარე; #ახალიამბები #BusinessMediaGeorgia
საქართველოს პრემიერ-მინისტრი ფარმაცევტულ კომპანია PSP-ს ონკოლოგიური წამლების 200-300%-იანი ფასნამატით რეალიზებაში ადანაშაულებს. პარლამენტში ინტერპელაციის წესით გამოსვლისას ირაკლი ღარიბაშვილმა PSP-ს დამფუძნებელს კახა ოქრიაშვილს „დესტრუქციული ძალის წარმომადგენელი“ უწოდა და განაცხადა, რომ ფასნამატების შემთხვევებზე სახელმწიფოს ძალიან მკაცრი რეაგირება ექნება. პრემიერამდე, 20 მარტს ფარმაცევტული კომპანიები შესაძლო დაჯარიმებასთან დაკავშირებით ჯანდაცვის მინისტრმა ზურაბ აზარაშვილმაც გააფრთხილა და განუმარტა, რომ ეტაპობრივად მოხდება გაკონტროლება, პირველ ეტაპზე შესაძლოა იყოს გაფრთხილება, შემდეგ კი შემთხვევებზე უკვე ჯარიმა, რომელიც 5 000-დან 35 ათას ლარამდე მერყეობს. პრემიერის განცხადების შემდეგ კი ჯანდაცვის მინისტრმა ზურაბ აზარაშვილმა უკვე ისაუბრა საკანონმდებლო ცვლილებების პაკეტის მომზადებაზე რომელიც უწყების, როგორც მაკონტროლებელი ორგანოს როლს გაზრდის. აზარაშვილი ამბობს, რომ შედეგად სახელმწიფო კიდევ უფრო აქტიურად იქნება ჩართული ფარმაცევტული ბაზრის რეგულირებისა და კონტროლის ნაწილში. პარალელურად მინისტრი მილიონობით ლარს ედავება კოვიდის მართვაში ჩართულ კლინიკებს, რომელთა საქმეს ფინანსური პოლიცია იძიებს. ჯანდაცვის პოლიტიკაზე საუბარს ყოფილ მინისტრთან ზურაბ ჭიაბერაშვილთან ერთად ვაგრძელებთ, რომელიც ჩაგვერთვება პირდაპირ ეთერში. სტუმარი: ზურაბ ჭიაბერაშვილი - ჯანდაცვის ყოფილი მინისტრი #ახალიამბები #BusinessMediaGeorgia
სააგენტოს "აწარმოე საქართველოში" ექსპორტის მიმართულების ორგანიზებითა და USAID-ის სოფლის მეურნეობის პროგრამის მხარდაჭერით, ქართულმა კომპანიებმა ლონდონში, საკვებისა და სასმლის მასშტაბურ საერთაშორისო გამოფენაზე International Food & Drink Expo (IFE 2023) მიიღეს მონაწილეობა. ასეთი სულ ქართული 12 კომპანია იყო და ჯამში ღონისძიებას ყოველწლიურად 25 000-მდე ადამიანი სტუმრობს; International Food & Drink Expo 2023-ის ერთ ერთი მონაწილეა "მაისი". სტუმარი: მარიამ ქოიავა - "მაისის" თანადამფუძნებელი; #ახალიამბები #BusinessMediaGeorgia
24- 28 აპრილს თბილისში სტენფორდის ლიდერთა აკადემიის მეექვსე სკოლა გაიმართება, რომელიც სტენფორდელებს თავს 80 ქვეყნიდან მოუყრის და ამ სტუმრიანობის ნაწილი ვისაც სურს რომ გახდეს, ანუ წლევანდელი სკოლის მსმენელი იყოს მათ შესარჩევად განცხადებების მიღება მიმდინარეობს. მასპინძლობა და ორგანიზება ტრადიციულად EPRC-ის გუნდის იქნება. სტუმარი: ნინო ევგენიძე - EPRC-ის აღმასრულებელი დირექტორი; #ახალიამბები #BusinessMediaGeorgia
ევროკომისია ევროკავშირის ბიუჯეტიდან 56 მილიონ ევროს გამოყოფს სამი ქვეყნის ფერმერებისთვის, რომლებიც უკრაინიდან პროდუქტის გაზრდილი იმპორტის გამო, შემცირებული ადგილობრივი ფასებით დაზარალდნენ. რუსეთსა და უკრაინას შორის მარცვლეულის შეთანხმება გასულ კვირას მინიმუმ 60 დღით გახანგრძლივდა.გაერო-ს მონაცემებით, უკრაინიდან ამ შეთანხმების ფარგლებში ექსპორტირებულია თითქმის 25 მილიონი ტონა ძირითადად სიმინდი და ხორბალი. #ახალიამბები #BusinessMediaGeorgia
საქართველო-ესპანეთის სავაჭრო ბრუნვა ბოლო ათი წლის მაქსიმუმზეა. საქსტატის მიერ გამოქვეყნებული იანვარ-თებერვლის მონაცემებით, ქვეყნებს შორის ვაჭრობა გასული წლის ამავე პერიოდთან შედარებით გაორმაგებულია და 47.3 მლნ დოლარს შეადგენს. იმ ფონზე, რომ იანვარ-თებერვალში ევროკავშირის წილი საქართველოს ექსპორტში თითქმის განახევრებულია და 115.8 მილიონ დოლარს შეადგენს. საექსპორტო ქვეყნების ათეულში ამ პერიოდში ევროკავშირის წევრი სახელმწიფოებიდან მხოლოდ ორი ბულგარეთი და ესპანეთი მოხვდა. ამასთან, ესპანეთის მიმართულებით ექსპორტი რეკორდულად გაიზარდა, ბულგარეთში კი შემცირდა. მიმდინარე წლის ორი თვის მონაცემებით, ესპანეთმა საქართველოს უმსხვილეს საექსპორტო ქვეყნებს შორის 2.4%-იანი წილით მეცხრე ადგილი დაიკავა. ამ პერიოდის განმავლობაში ესპანეთის მიმართულებით ექსპორტი 658%-ით გაიზარდა. შედეგად საქართველომ საქონლის რეალიზებით 21 მილიონ 602 ათასი დოლარის შემოსავალი მიიღო. 2023 წლის პირველი ორი თვის განმავლობაში ესპანეთიდან საქონლის იმპორტი ასევე რეკორდული იყო. ჯამში ამ პერიოდში საქართველომ 25 მილიონ 690 ათასი დოლარის საქონელი შეიძინა, რაც გასული წლის ამავე პერიოდის იმპორტს 30.2%-ით აღემატება. იმპორტირებული საქონლის ჩამონათვალი, ექსპორტირებულთან შედარებით უფრო მრავალფეროვანია, თუმცა ძირითადი წილი ხუთ სასაქონლო ჯგუფზე მოდის. იმპორტირებული საქონლის TOP-5-ეული ასეთია: 1. მოსაპირკეთებელი კერამიკული ფილები - 4.5 მლნ დოლარი, 7 106 ტონა; 2. კოსტუმები, კომპლექტები, კომბინეზონები, ბრიჯები და შორტები, ქალისა ან გოგონასი - 1.5 მლნ დოლარი, 34 ტონა; 3. მსუბუქი ავტომობილები - 1 მლნ დოლარი; 4. სვიტერები, პულოვერები და ტრიკოტაჟის ანალოგიური ნაწარმი, ნაქსოვი - 958 ათასი დოლარი, 20 ტონა; 5. დაფასოებული სამკურნალო საშუალებები - 954 ათასი დოლარი, 14 ტონა; გარდა ამისა, ესპანეთიდან საქართველოში კიდევ ცხოველების საკვებად გამოსაყენებელი პროდუქტები, კალმები და გადანაწვენები, შავი ლითონებისაგან ცისტერნები, კასრები, ყუთები და ანალოგიური ტევადობები, მამაკაცისა ან ბიჭის კოსტუმები, აზოტოვანი სასუქები, დამზადებული ან დაკონსერვებული ბოსტნეული და სხვა საქონელი შემოვიდა. #ახალიამბები #BusinessMediaGeorgia
როგორ რეგულირდება საინვესტიციო ფონდების საქმიანობა? ვეკო დოდაშვილი - Foresight Investment Group-ის სამართლებრივი და შესაბამისობის უფროსი ოფიცერი; #ახალიამბები #BusinessMediaGeorgia
მოსახლეობის საყოველთაო აღწერისთვის მზადება დაიწყო; რუსეთის მოქალაქეების ბიზნესი საქართველოში 10-ჯერ გაიზარდა; ბათუმში ბინების გაყიდვები გაიზარდა; #ახალიამბები #BusinessMediaGeorgia
„სმარტი“ ქსელის განვითარებას შავიზღვისპირეთში განაგრძობს და უკვე ჯამურად ოთხი ობიექტითაა წარმოდგენილი ბათუმსა და ურეკში. ბათუმში ტბელ აბუსერიძის 22 ა-ში მდებარე "ვისოლის" თვითმომსახურების სადგურზე "სმარტმა" 35-ე სუპერმარკეტი, ბათუმში კი მესამე ობიექტი გახსნა. „სმარტის“ სუპერმარკეტი ექსკლუზიურ იმპორტულ პროდუქციას, ახალგამომცხვარ პურ-ფუნთუშეულს, იტალიურ ყავასა და გზად გასაყოლებლად საჭირო სხვა პროდუქტებს სთავაზობს მომხმარებელს. ობიექტზე ჯამურად უკვე 25-მდე ადგილობრივია დასაქმებული და დღეში 7-ჯერ 24 საათის განმავლობაში ერთგულ მომხმარებელს ემსახურება. “სმარტი” ქსელის განვითარებას საწყის ეტაპზე „ვისოლის“ ავტოგასამართ სადგურებსა და ცენტრალურ ავტომაგისტრალზე „ვისოლ ჯგუფის“ დასვენებისა და მომსახურების ცენტრებში განაგრძობს. ვასილ ხორავა - ვისოლის და სმარტის გენერალური დირექტორი #ახალიამბები #BusinessMediaGeorgia
რამდენიმე წელია, რაც სკოლებში პროექტი „თსუ დესპანი“ ხორციელდება. განმარტებისთვის: პროექტის ფარგლებში უნივერსიტეტის სტუდენტი, მშობლიურ სკოლაში საკუთარი გამოცდილების გასაზიარებლად ბრუნდება. ამ დრომდე, თსუ დესპანის სტატუსით მშობლიურ სკოლაში 5000-ზე მეტი სტუდენტი დაბრუნდა. ყოველ წელს , ქვეყნის მასშტაბით ისინი 300-ზე მეტ სკოლას სტუმრობენ, სადაც საუნივერსიტეტო სტუდენტური ცხოვრების შესახებ 10 000-ზე მეტი უფროსკლასელი იღებს მათთვის საჭირო ინფორმაციას. წლევანდელი წელი პროექტისთვის განსაკუთრებულია, რადგან მისი არსებობის მანძილზე პირველად ჰყავს მხარდამჭერი, "საქართველოს ბანკის" სახით. დესპანები სკოლის მოსწავლეებს უხსნიან იმ საბანკო პროდუქტების ფუნქციებს და საჭიროებას, რომელიც სპეციალურად მათთვისაა შექმნილი და ამით ქვეყნის მასშტაბით ფინანსური განათლების დონის ამაღლებას უწყობენ ხელს. #ახალიამბები #BusinessMediaGeorgia
გარემოზე ზეგავლენის შემცირების, ჯანსაღი გარემოსთვის და უსაფრთხოების მოტივაციით მათ შორის, გასულ კვირაში პარლამენტმა მესამე მოსმენით, 68 ხმით - ერთხმად მიიღო „ადმინისტრაციულ სამართალდარღვევათა კოდექსში“ ცვლილებები, რომლის თანახმად ავტომობილების ტექინსპექტირების გაუვლელობის განმეორების შემთხვევებზე ჯარიმები იზრდება. მოქმედი „ადმინისტრაციულ სამართალდარღვევათა კოდექსის“ მიხედვით, იმ ავტოსატრანსპორტო საშუალების მძღოლი, რომელსაც პერიოდული ტექნიკური ინსპექტირება არ გაუვლია, 50 ლარის ოდენობით ჯარიმდება. კოდექსი სანქციას აღნიშნული სამართალდარღვევის განმეორებით ჩადენის შემთხვევაში არ ითვალისწინებდა. რამდენის გადახდა მოუწევთ მძღოლებს ამიერიდან? #ახალიამბები #BusinessMediaGeorgia
კოკა-კოლას ქარავანი UEFA-ს 21-წლამდე ნაკრებთა ევროპის ჩემპიონატისთვის; #ახალიამბები #BusinessMediaGeorgia
#BMGDRIVE: „მსოფლიოს ჩემპიონატი ბაკურიანში 70 ქვეყანაში გაშუქდა და მილიონობით მაყურებელს მისწვდა“ #BMGDRIVE: ეკატერინე გაბაშვილი - საქართველოს სათხილამურო ფედერაცია; ვიცე-პრეზიდენტი ავტორები: ბექა ბაციკაძე; გურამ ხუნდაძე; რევაზ ნასიძე #ახალიამბები #BusinessMediaGeorgia
16 NGO ევროკომისარს მიმართავს; EU კანდიდატი ქვეყნის სტატუსი – რას შეცვლის საჯარო ანგარიში? სტუმარი: ლევან ნატროშვილი - ISFED-ის დირექტორის მოადგილე; #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
Reform-Talks: კაპიტალის ბაზრის რეფორმა
პულმან თბილისში“ ავსტრიის განვითარების თანამშრომლობის (ADC) დაფინანსებით მიმდინარე პროექტის „ახალგაზრდული მეწარმეობა სოფლის განვითარებისთვის“ (RDYE) საგრანტო კონკურსის გამარჯვებულთა დაჯილდოების ცერემონია გაიმართა. RDYE პროექტს საერთაშორისო ორგანიზაცია Mercy Corps ახორციელებს. პროექტის მხარდამჭერები ლიბერთი ბანკი და სპორტის, ტურიზმისა და ახალგაზრდობის საერთაშორისო ფონდია. ღონისძიების ფარგლებში, ასევე გაიმართა პროექტის სამიზნე მუნიციპალიტეტების წარმომადგენელ ახალგაზრდა მეწარმეთა პროდუქციის გამოფენა-გაყიდვა, რომელთაც დაასრულეს RDYE პროექტის ერთკვირიანი ინტენსიური ბიზნეს გადამზადების სასწავლო BET პროგრამა, მოამზადეს ბიზნეს გეგმები და მონაწილეობა პროექტის საგრანტო კონკურსში მიიღეს. ღონისძიებაზე მოწვეულ კერძო სექტორის წარმომადგენლებს, საშუალება მიეცათ პირადად გასცნობოდნენ პროექტის მონაწილეებს, დაეთვალიერებინათ მათი პროდუქცია, დაემყარებინათ საქმიანი კავშირები, კორპორაციული სოციალური პასუხისმგებლობის (CSR) ფარგლებში, მხარი დაეჭირათ ახალგაზრდა მეწარმეებისთვის და თავისი წვლილი შეეტანათ სოფლად ახალგაზრდული მეწარმეობისა და საქართველოს რეგიონებში სამეწარმეო ეკოსისტემის განვითარების საქმეში. ახალგაზრდული მეწარმეობა სოფლის განვითარებისთვის 3.5 წლიანი პროექტია. პროექტი რომელიც 2021 წელს დაიწყო 2025 წლის მაისამდე გრძელდება და 18 მუნიციპალიტეტი უნდა მოიცვას. სტუმრები: ირაკლი აბაშიძე - ლიბერთის მცირე და საშუალო ბიზნესის მიმართულების დირექტორის მოადგილე; უჩა ვარამაშვილი - RDYE პროექტის დირექტორი. #ახალიამბები #BusinessMediaGeorgia
რა შედეგს მოიტანს პოლონეთთან ორმაგი დაბეგვრის თავიდან აცილების შეთანხმების გაფორმება? სტუმარი: გვანცა გრიგალაშვილი - პოლონეთის ინვესტიციების და ვაჭრობის სააგენტოს თბილისის ოფისის ხელმძღვანელი; #ახალიამბები #BusinessMediaGeorgia
გლობალური ბაზრების მიმოხილვა “თიბისი კაპიტალისგან” სტუმარი: თორნიკე მჭედლიშვილი - "თიბისი კაპიტალის" საბროკერო მიმართულების ვიცე-პრეზიდენტი; #ახალიამბები #BusinessMediaGeorgia
მოსახლეობის 2024 წლის საყოველთაო აღწერისთვის, საქსტატმა წინასწარი სამუშაოების ჩატარება დაიწყო. საველე სამუშაოები 15 დღის განმავლობაში გაგრძელდება. როგორ მიმდინარეობს მონაცემების შეგროვება და როდისთვის უნდა ველოდოთ შედეგებს ამაზე უნდა ვისაუბროთ გოგიტა თოდრაძესთან. საქსტატის აღმასრულებელი დირექტორი შემოგვიერთდა პირდაპირ ეთერში. მოსახლეობის აღწერასთან ერთად მომავალ წელს სასოფლო-სამეურნეო აღწერაც ჩატარდება. შესაბამისად, დემოგრაფიულ და სოციალურ მონაცემებთან ერთად, შეგროვდება ინფორმაცია შინამეურნეობების სასოფლო- სამეურნეო აქტიურობის შესახებ. სტუმარი: გოგიტა თოდრაძე - "საქსტატის" აღმასრულებელი დირექტორი; #ახალიამბები #BusinessMediaGeorgia
"მეც ვიყავი ბავშვი და მქონდა ოცნებები, რომლებიც არარეალურად მეჩვენებოდა... ბავშვებს მინდა მივმართო ყველაფერი გააკეთონ, მათ შეუძლიათ გახდნენ ისეთები როგორებიც ოცნებაში უნდათ" - ხვიჩა კვარაცხელია #ახალიამბები #BusinessMediaGeorgia
35 000 ათას ლარამდე ფასდაკლება, 10% თანამონაწილეობა განვადების შემთხვევაში და Trande – In პირობა, რომელიც თქვენი ძველი ავტომობილის მაქსიმალური შეფასებით ჩაბარების და ახალი ავტომობილის შეძენის საშუალებას გაძლევთ. Jeep-ის და Alfa-Romeo-ს ცენტრმა საქართველოს ბანკთან პარტნიორობის ფარგლებში - მომხმარებლებისთვის სპეციალური პირობები შექმნა. რა შეთავაზებები აქვს კომპანიას? ლევან ასანიშვილი - Jeep-ის ცენტრის გენერალური დირექტორის მოადგილე; #ახალიამბები #BusinessMediaGeorgia
საქართველოს ბანკმა გაეროს განვითარების პროგრამასთან UNDP-სთან ერთად შვედეთის მთავრობის მხარდაჭერით, მეწარმე ქალთა განვითარების პროგრამაზე მეოთხე ნაკადის მიღება დაიწყო. შემოსული განაცხადებიდან, საბოლოოდ პროგრამაზე მოხვედრას 25 მეწარმე ქალი შეძლებს, რომლებსაც თეორიული უნარების გაუმჯობესებისა და საკუთარი შესაძლებლობების უკეთ გამოვლენას შესაძლებლობა მიეცემათ. პროგრამა მეწარმე ქალებისთვის მხარდაჭერის 360°-იან მოდელს ქმნის და ოთხ ძირითად სფეროს: თეორიულ განათლებას, პრაქტიკული უნარების ჩამოყალიბებას, დაფინანსებაზე ხელმისაწვდომობას და ძლიერი საპარტნიორო ქსელის შექმნას აერთიანებს. პროგრამა ოთხივე ეტაპის გავლის შემდგომაც არ სრულდება და პროექტის მონაწილეებს შესაძლებლობა აქვთ მონაწილეობა სხვადასხვა ღონისძიებაში მიიღონ, რომლებსაც UNDP და საქართველოს ბანკი მათ მთელი წლის განმავლობაში შესთავაზებენ. #ახალიამბები #BusinessMediaGeorgia
ავეჯისა და განათების პრემიუმ ბრენდების, "მონტე სალოტის" შოურუმში ქართველი მომხმარებლებისთვის საგაზაფხულო წვეულება მოეწყო... განსაკუთრებული პროდუქციით წარმოდგენილ შოურუმს ერთგული მომხმარებლები სტუმრობდნენ. საღამოს მუსიკის და გათამაშების გარეშე არ ჩაუვლია, დადებით ემოციებთან ერთად, "მონტე სალოტის" სტუმრებს ექსკლუზიური საჩუქრებიც გადაეცათ... აღმაშენებლის ხეივანზე არსებული შოურუმი მომხმარებლებს განსაკუთრებულ, უმაღლესი ხარისხის ავეჯს და ყველა იმ ნივთს სთავაზობს, რაც სახლისთვის საჭიროა. #ახალიამბები #BusinessMediaGeorgia
StatsPanda-ს მიერ გამოქვეყნებული სტატისტიკა, მსოფლიო ბანკის მონაცემებზე დაყრდნობით, აჩვენებს, რომ კალიფორნიის $3,36 ტრილიონი მშპ-ის მოცულობა 10 დიდი ქვეყნის ეკონომიკაზე მეტია. კალიფორნიის მშპ-ს და მის ეკონომიკას ასეთ ძლიერს, ძირითადად ტექნოლოგიების სფერო ხდის. თუმცა მნიშვნელოვანი ფაქტორია, რომ კალიფორნია ყველაზე დასახლებულია აშშ-ში, ქვეყნის მოსახლეობის დაახლოებით 12% შეადგენს. რომელი ქვეყნები მოხვდა სტატისტიკაში და რა ფაქტორები განაპირობებს კალიფორნიის ეკონომიკის ასეთ ზრდას? #ახალიამბები #BusinessMediaGeorgia
#საქმიანიდილა - 24 მარტი - პროლოგი #ახალიამბები #BusinessMediaGeorgia
აივ-ინფექციისგან, სავარაუდოდ, კიდევ ერთი პაციენტი განიკურნა #ახალიამბები #BusinessMediaGeorgia
გამოცემა ვიზუალ კაპიტალისტმა მსოფლიოში უდიდესი ქალაქების რეიტინგი გამოაქვეყნა. რეიტინგი წლების მიხედვით ასახავს იმ ქალაქებს სადაც ყველაზე მეტი ადამიანი ცხოვრობდა. სტატიაში ასახულია ისიც თუ რა განაპირობებდა კონკრეტულ ქალაქებში მოსახლეობის რაოდენობის ზრდას ან შემცირებას. #ახალიამბები #BusinessMediaGeorgia
მოსავლის აღების შემდეგ მარცვლოვანი მცენარეების ნაწვერალისთვის ცეცხლის წაკიდებაზე ჯარიმა წესდება. აღნიშნულს გარემოს დაცვისა და სოფლის მეურნეობის სამინისტროს მიერ შემუშავებული კანონპროექტი მოიაზრებს, რომელიც პარლამენტში უკვე წარდგენილია. კანონპროექტის თანახმად, ცეცხლის წაკიდება, გამოიწვევს ფიზიკური პირის დაჯარიმებას 1 000 ლარის ოდენობით თითოეულ ჰექტარ გადამწვარ მიწის ნაკვეთზე, ხოლო იურიდიული პირის შემთხვევაში ჯარიმის მოცულობა 2 000 ლარი იქნება. სტუმარი: მაია ჩხობაძე - გარემოსდაცვითი ზედამხედველობის დეპარტამენტის ბიომრავალფეროვნების კონტროლის სამსახურის უფროსი; #ახალიამბები #BusinessMediaGeorgia
თხილის წარმოების ხელშეწყობის სახელმწიფო პროგრამაში რეგისტრაცია აპრილის ბოლომდე გრძელდება თუმცა სახელმწიფო სუბსიდირებით ფერმერების ნაწილმა უკვე ისარგებლა. სოფლის მეურნეობის სამინისტროს მოლოდინით დახმარება გაზრდის საშუალო საჰექტრო მოსავლიანობას და დაეხმარება თხილის კულტურის განვითარებას. პროგრამის ფარგლებში, თხილის ბაღების მფლობელებს, მცენარეთა მოვლის საშუალებების შესაძენად, ბარათზე ერიცხებათ ქულები - 1 ჰექტარზე 500 ლარის ოდენობით. მნიშვნელოვანია, რომ მიმდინარეობს თხილის ბაღების მესაკუთრეთა კადასტრის შექმნაც, რომლითაც სრულად მოხდება არსებული ბაღების აღწერა და ინვენტარიზაცია. რა ეტაპზეა პროცესი მარტის ბოლოსთვის? სტუმარი: გიორგი თოდუა - თხილის მწარმოებელთა ასოციაციის აღმასრულებელი დირექტორი; #ახალიამბები #BusinessMediaGeorgia
პარლამენტმა პირველი მოსმენით დაასრულა მთავრობის საკანონმდებლო ინიციატივით წარმოდგენილი „თავდაცვის კოდექსის“ კანონპროექტთა პაკეტის ორდღიანი განხილვა. მისგან გამომდინარე 45 პროექტზე კენჭისყრის პროცედურა დღევანდელ პლენარულ სხდომაზე გაიმართება. როგორც თავდაცვის მინისტრის მოადგილე, გრიგოლ გიორგაძე განმარტავს, კანონპროექტი თავდაცვის ძალების მართვის ეფექტიანობის ამაღლებისა და თავდაცვის სფეროში ერთიანი კოდიფიცირებული სამართლებრივი აქტის მომზადების მიზნით შემუშავდა. ის ახლებურად არეგულირებს თავდაცვის სამინისტროს მოწყობის, საქმიანობისა და სამხედრო სამსახურთან დაკავშირებულ საკითხებს. პროექტის თანახმად, წვევამდელთა ეროვნული სამხედრო სამსახურის გავლა მხოლოდ სამინისტროს სისტემაში იქნება შესაძლებელი. იგეგმება წვევამდელთა ეროვნული სამხედრო სამსახურის ვადის შემცირება 6-დან 11 თვემდე სხვადასხვა ქვედანაყოფებისთვის და უმცროს სამეთაურო თანამდებობებზე და წინასწარ განსაზღვრულ სპეციალობებზე სამსახურისათვის. ცვლილებების პროექტი, სამხედრო სამსახურის გადავადების ერთჯერად შესაძლებლობას იძლევა და მასში ასევე მოცემულია ალტერნატიული სამხედრო სამსახურის გავლის პირობებიც. სიახლეს წარმოადგენს უმაღლესი საგანმანათლებლო დაწესებულების სტუდენტის მიერ წვევამდელთა ეროვნული სამხედრო სამსახურის გავლის შესაძლებლობაც. საკითხზე თანამომხსენებლის, თავდაცვისა და უშიშროების კომიტეტის თავმჯდომარის, ირაკლი ბერაიას განმარტებით, წარმოდგენილ საკანონმდებლო ინიციატივას საფუძვლად დაედო ისეთი ფაქტორები როგორიცაა არსებული ნაკლოვანებების აღმოფხვრის და სისტემის შემდგომი რეფორმირების საჭიროება. რამდენად მორგებულია კოდექსი ნაკლოვანების აღმოფხვრას, მით უფრო სამხედრო სამსახურში გაწვევის ნაწილი, ეს იყო განხილვებისას ერთ-ერთი ყველაზე ხმაურიანი ნაწილი. ახალი კოდექსის პროექტის თანახმად, ცვლილება უნდა შევიდეს კანონში „საქართველოს მოქალაქეების საქართველოდან გასვლისა და საქართველოში შემოსვლის წესების შესახებ“. რომლის მიხედვითაც საქართველოდან დროებით გასული საქართველოს მოქალაქეები, რომლებიც კანონის შესაბამისად ექვემდებარებიან წვევამდელთა ეროვნული სამხედრო სამსახურის გავლას, გაწვევის შესახებ შეტყო #ახალიამბები #BusinessMediaGeorgia
ჯანდაცვის სამინისტრო COVID-ის მართვაში ჩართულ კლინიკებს მილიონობით ლარს ედავება. მინისტრის თქმით, უწყების მიერ გამოწერილი მსხვილი ჯარიმების გადახდას რამდენიმე კლინიკა დათანხმდა, ხოლო უმეტეს შემთხვევაში, საქმეებს ფინანსთა სამინისტროს საგამოძიებო სამსახური იძიებს. ჯანდაცვის სამინისტროს დავა კლინიკებთან კოვიდხარჯებთან დაკავშირებით 2022 წლის აპრილიდან დაიწყო, მაშინ მინისტრმა აზარაშვილმა თქვა, რომ კორონავირუსთან ბრძოლისას ექთნებისა და ექიმებისათვის განკუთვნილი დანამატი ბენეფიციარებს არ ეძლეოდათ, მეტიც, მათ ნაცვლად სახელმწიფოს ხარჯზე ხელფასებს დირექტორები და მოადგილეები იზრდიდნენ. საქმეებთან დაკავშირებით BMG-ის ჯანდაცვის მინისტრის მოადგილემ ილია ღუდუშაურმა 2022 წლის დეკემბერში განუცხადა, რომ საქმეების დიდ ნაწილს სასამართლო განიხილავდა. COVID-ის მართვაში საერთო ჯამში ასეულობით კლინიკა იყო ჩართული, საიდანაც ღუდუშაურის თქმით ბევრი მათგანი შემოწმდა და კონკრეტული დარღვევებზე ჯარიმებიც გამოიწერა. ჯარიმის მოცულობა კი მილიონობით ლარია. ჯანდაცვაში ფიქრობენ, რომ სასამართლოში მიმდინარე დავების დიდი ნაწილი სამინისტროს გამარჯვებით დასრულდება. რას სწავლობს ფინანსური პოლიცია და რა შესაძლო შედეგები მოჰყვება პროცესებს? სტუმარი: ვატო სურგულაძე - ჯანდაცვის ექსპერტი; #ახალიამბები #BusinessMediaGeorgia
შენობა-ნაგებობების უსაფრთხოების რეგულირება სტუმარი: აკაკი საღირაშვილი - "საქართველოს ბიზნეს ასოციაციის" აღმასრულებელი დირექტორის მოადგილე; #ახალიამბები #BusinessMediaGeorgia
კლინიკა ენმედიცმა დიდ დიღომში, თანამედროვე აპარატურით აღჭურვილი და მაღალკვალიფიციური სამედიცინო პერსონალით დაკომპლექტებული სამკურნალო სარეაბილიტაციო ცენტრი გახსნა, ცენტრი ახორციელებს საყრდენ მამოძრავებელი სისტემის პათოლოგიებს, პოსტ ტრამვულსა და პოსტ ოპერაციულ, ორთოპედულსა და ხერხემლის პათოლოგიების სარეაბილიტაციო კურსს. სამედიცინო ცენტრში პაციენტებს დახვდებათ ულტრათანამედროვე აპარატურით აღჭურვილი ფიზიოთერაპიის კაბინეტები, სამკურნალო გამაჯანსაღებელი მასაჟის კაბინეტი და სამკურნალო ფიზკულტურის დარბაზი. სტუმარი: ზურაბ მიქელაძე - კლინიკა "ენმედიცის" დიდი დიღმის სამკურნალო რეაბილიტაციის ცენტრის ხელმძღვანელი, ექიმი რეაბილიტოლოგი და თერაპევტი #ახალიამბები #BusinessMediaGeorgia
„ეიპიემ ტერმინალს ფოთის" საინვესტიციო გეგმის მიხედვით კომპანიაში არსებული ინფრასტრუქტურისა და აღჭურვილობის მოდერნიზაცია, უსაფრთხოება და ეფექტურობა იზრდება, რაც როგორც კომპანია გამარტავს გარემოზე მავნე ზემოქმედებას ამცირებს. ცოტა ხნის წინ კომპანიამ ახალი ბუნკერიც შეიძინა, რომელიც საოპერაციო ნაწილში ტვირთის უფრო დაჩქარებულად დაცლის შესაძლებლობას გააჩენს. სტუმარი: გიორგი წულაძე - "ეიპიემ ტერმინალს ფოთის" ოპერაციების მენეჯერი; #ახალიამბები #BusinessMediaGeorgia
2022 წლის განმავლობაში საქართველოს ეკონომიკის ზომამ რეკორდულ 71.7 მილიარდ ლარს მიაღწია, საქსტატის შეფასებით ეკონომიკის რეალური ზრდა 10.1% იყო. შესაბამისად, ერთ მოსახლეზე მთლიანი შიდა პროდუქტის ოდენობამ 19,452 ლარს, ანუ 6,671 დოლარს მიაღწია. ეკონომიკის ყველაზე დიდი სექტორი ვაჭრობაა, რომლის წილიც მშპ-ში 15%-ია, თუმცა ზრდის ტემპით 2022 წელს ყველაზე გამორჩეული კომუნიკაციებისა და ინფორმაციის სექტორი იყო, სადაც მატებამ 49.9% შეადგინა. ასეთი დიდი მატების მიუხედავად სექტორი საქართველოს ეკონომიკის რიგით მეცხრე უმსხვილესი სფეროა და მისი ზომა 2.9 მილიარდ ლარს შეადგენს, თუმცა სავარაუდოდ, მომდევნო წლებში ის უფრო წინ გადაინაცვლებს. საქსტატის ანგარიშიდან ირკვევა, რომ მკვეთრად გაიზარდა ინფორმაციისა და კომუნიკაციების სფეროში დასაქმებულთა რაოდენობა. თუკი 2021 წელს მასში 30 ათასი ადამიანი იყო დასაქმებული, 2022 წლის ბოლოს დასაქმებულთა რაოდენობა უკვე 41.2 ათასს აღწევდა. ეს სამუშაო ძალის 38%-იანი მატებაა. რა ფაქტორები ზრდის ამ მაჩვენებლებს, რამდენად იყო შედეგი ომის პირობებში მიგრაციული ნაკადებისა და რა პოტენციალს აჩენს მოცემულობა? სტუმარი: თორნიკე თოხაძე - ინფორმაციული ტექნოლოგიების ასოციაციის თავმჯდომარე; #ახალიამბები #BusinessMediaGeorgia
მსოფლიოში არსებული ოქროს დაახლოებით მეხუთედი ცენტრალური ბანკების ხელშია. ეს იმას ნიშნავს, რომ ინვესტორებისა და იმ ადამიანების გარდა, რომლებიც ძვირფასეულობებს მოიხმარენ, ცენტრალური ბანკები ოქროზე მოთხოვნის ფორმირების ძირითად წყაროს წარმოადგენენ. 2022 წელს ცენტრალურმა ბანკებმა, 1967 წლის შემდეგ ყველაზე მეტი ოქრო შეისყიდეს, როცა 2000-იანი წლების დასაწყისში ცენტრალური ბანკები ოქროს მთავარი გამყიდველები იყვნენ. რატომ ყიდულობენ ცენტრალური ბანკები ოქროს და რომელმა ქვეყნებმა შეისყიდეს ყველაზე დიდი მოცულობით? #ახალიამბები #BusinessMediaGeorgia
თბილისის საერთაშორისო აეროპორტი, Skytrax-ის რეიტინგში, აღმოსავლეთ ევროპის საუკეთესო აეროპორტების ხუთეულშია. TAV Georgia-ს მართვაში არსებული ორივე აეროპორტი აღმოსავლეთ ევროპის 10 საუკეთესო აეროპორტს შორის დასახელდა. მგზავრთა გამოკითხვის შედეგად - აღმოსავლეთ ევროპის საუკეთესო ხუთეულშია ბუდაპეშტის, ტალინის, რიგის, სოფიას და თბილისის საერთაშორისო აეროპორტები. და ამ ჩამონათვალს წელს, მეორედ შეუერთდა ბათუმის საერთაშორისო აეროპორტი. კიდევ რომელ აეროპორტებს შორის მოხვდა საქართველოს ორი აეროპორტი? #ახალიამბები #BusinessMediaGeorgia
იაშვილის სახელობის ბავშვთა ცენტრალური საავადმყოფოს სრულმასშტაბიანი, ეტაპობრივი რეაბილიტაციის პროექტი დასრულდა. დღეისათვის, საერთაშორისო სტანდარტების შესაბამისად, საავადმყოფოს ინფრასტრუქტურა და ყველა სამედიცინო მიმართულება სრულად განახლდა. იაშვილის ცენტრალური საავადმყოფო ახლა სრულ მზადყოფნაშია, რომ პაციენტებს მაღალი სტანდარტის შესაბამისი სამედიცინო მომსახურება შესთავაზოს. გარდა ამისა, განახლებული იაშვილის საავადმყოფო განაგრძობს მუშაობას მუდმივი განვითარებისთვის, რათა საერთაშორისო აკრედიტაციის მქონე, რეგიონის მთავარი პედიატრიული ცენტრი გახდეს. საავადმყოფომ ამ მიმართულებით თანამშრომლობა ამერიკის აკრედიტაციის საერთაშორისო კომისიასთან უკვე დაიწყო. #ახალიამბები #BusinessMediaGeorgia
#საქმიანიდილა - 23 მარტი - პროლოგი #ახალიამბები #BusinessMediaGeorgia
თანამშრომლობის ხელშეკრულება "კოკა-კოლა ბოთლერს ჯორჯიას" და სფფ-ს შორის #ახალიამბები #BusinessMediaGeorgia
ხვიჩა კვარაცხელია Goal.com-ის რეიტინგში დაწინაურდა #ახალიამბები #BusinessMediaGeorgia
გარემოსდაცვით ზედამხედველობის სააგენტოს ახალი ფუნქცია ემატება. საუბარია სატრანსპორტო საშუალებების გამონაბოლქვში მავნე ნივთიერებათა კონტროლზე. პირველი ეტაპისთვის, გარემოსდაცვითი ზედამხედველობის დეპარტამენტში, დაგეგმილია 10 ეკიპაჟის შექმნა, რომელიც აღჭურვილი იქნება სათანადო გამზომი აპარატურით და შესაბამისი მოწყობილობებით, გზებზე გამონაბოლქვის კონტროლის განსახორციელებლად. სატრანსპორტო საშუალებების გამონაბოლქვის კონტროლის განსახორციელებლად გარემოსდაცვითი ზედამხედველობის დეპარტამენტს 2023 წლის სახელმწიფო ბიუჯეტიდან დამატებით ესაჭიროება 800 000 ლარის გამოყოფა ესაჭიროება. გარემოს დაცვის სამინისტროს მიერ ინიცირებული ცვლილებების განმარტებით ბარათში, პირდაპირ არის აღნიშნული, რომ სატრანსპორტო საშუალებების პერიოდული ტექნიკური ინსპექტირება სრულად ვერ აგვარებს სატრანსპორტო საშუალებების გამონაბოლქვის პრობლემას. რამდენად მოაგვარებს ამას ავტომობილების ვიზუალური კონტროლი და რამდენად თანმიმდევრულია მთავრობის მიერ დაანონსებული ცვლილებები? სტუმარი: გიორგი ჯაფარიძე - მოძრაობა "ჩემი ქალაქი მკლავს", დამფუძნებელი #ახალიამბები #BusinessMediaGeorgia
ერთ-ერთ უმსხვილეს ბაზარზე პროდუქცია არ გასულა. მიზეზი ევრაზიულ კავშირში საქართველოდან ექსპორტირებულ ფეროშენადნობებზე ანტიდემპინგური გადასახადის დაწესებაა. ამ გადასახადის ამოქმედებამდე 25 იანვრამდე რუსეთის ბაზარზე 45.3 მლნ დოლარის ფეროშენადნობების ექსპორტი განხორციელდა. თებერვალში ფეროშენადნობების ექსპორტმა მხოლოდ 20.8 მლნ დოლარი შეადგინა, წლიურად ექსპორტი 3.3-ჯერ არის შემცირებული. გასულ თვეში, საქართველოს ერთ-ერთი უმსხვილესი საექსპორტო პროდუქტი მხოლოდ 9 ქვეყანაში გავიდა. მათ შორის, ყველაზე მეტი მოცულობით აშშ-ში, თურქეთსა და ალჟირში. რაც შეეხება წლის პირველი 2 თვის მონაცემებს. იანვარ-თებერვალში ფეროშენადნობების ექსპორტმა 71.6 მლნ დოლარი შეადგინა, წლიურად კლება 28.6%-ია. როგორ ოპერირებს ეკონომიკის ერთ-ერთი წამყვანი დარგი საქართველოში? სტუმარი: სულხან ხვედელიძე - შპს "მნ გრუპი 2021"-ის მმართველი პარტნიორი; #ახალიამბები #BusinessMediaGeorgia
რეფორმის ფარგლებში, ნარჩენების მართვის ვალდებულება უკვე აქვთ ელექტრონული მოწყობილობების, ავტომობილის ზეთების, ბატარეებისა და აკუმულატორების იმპორტიორ კომპანიებს, მათ ნარჩენების შეგროვებისა და შემდგომ უკვე გადამუშავების ვალდებულება გასული წლის ივლისიდან წარმოეშვათ. როგორ მიმდინარეობს ქვეყანაში შემგროვებელი პუნქტების მოწყობის პროცესი და რამდენად უმკლავდებიან გადამამუშავებელი საწარმოები მიმართვიანობას? სტუმარი: გიორგი გულიაშვილი - საქართველოს მწარმოებლის გაფართოებული ვალდებულების ასოციაციის თავმჯდომარე. #ახალიამბები #BusinessMediaGeorgia
როგორც ცნობილია, მწარმოებლის გაფართოებული ვალდებულების 6 კანონქვემდებარე აქტიდან 4 ძალაში უკვე შევიდა. რეფორმის ფარგლებში, ნარჩენების მართვის ვალდებულება უკვე აქვთ ელექტრონული მოწყობილობების, ავტომობილის ზეთების, ბატარეებისა და აკუმულატორების იმპორტიორ კომპანიებს. დარჩენილი 2 რეგლამენტი, რომელიც მეორად ავტომობილებს და მოცულობით ყველაზე დიდ, შესაფუთ ნარჩენებს ეხება, რამდენიმე წელია დამტკიცების მოლოდინშია. დადგენილება, რომლის მიხედვითაც შესაფუთი ნარჩენების მართვა კერძო სექტორმა უნდა განახორციელოს, წლების წინ ევროკავშირის ექსპერტების ჩართულობით შემუშავდა, თუმცა თბილისის მუნიციპალიტეტმა დოკუმენტში ცვლილებები შეიტანა, რასაც ბიზნესი არ ეთანხმება. ერთ-ერთი, რის გამოც შეცვლილ დოკუმენტს კერძო სექტორი აკრიტიკებს, პროცესებში მუნიციპალიტეტების ჩართულობაა. კერძოდ, მათი თქმით, სახეცვლილი დოკუმენტით, მწარმოებლის გაფართოებული ვალდებულების ფარგლებში შეგროვებული ნარჩენი, რომელსაც გარკვეული ტიპის ღირებულება აქვს, მუნიციპალურ საკუთრებაში უნდა გადავიდეს, რაც ბიზნესს არ აწყობს. გარემოს დაცვის საპარლამენტო კომიტეტის თავმჯდომარემ თემაზე საუბრისას ცოტა ხნის წინ თქვა, რომ ბიზნესთან შეთანხმების ეტაპზე არიან და სავარაუდოდ ზაფხულისთვის გამოიკვეთება სურათი როგორ გაგრძელდება მუშაობა. რატომ გვიანდება შესაფუთი ნარჩენების მართვის რეგლამენტის მიღება და რაზე ვერ თანხმდებიან ჯერ კიდევ მხარეები? სტუმარი: გივი კალანდაძე - ააიპ "ჯორჯია ფლასის" თავმჯდომარე; #ახალიამბები #BusinessMediaGeorgia
რესტორატორები კვლავ კადრების დეფიციტზე საუბრობენ. როგორც ისინი აცხადებენ, სექტორში ხელფასების ზრდის მიუხედავად, პრობლემა კვლავ აქტუალურია. მაგალითად, რესტორატორთა ასოციაციაში იმასაც ამბობენ, რომ პროფესიული სასწავლებლები, რგოლი, რომელიც ამ საკითხის მოგვარებაში მნიშვნელოვან ნაბიჯებს უნდა დგამდეს არაეფექტიანად მუშაობს. სად ხედავს ბიზნესი გამოსავალს? #ახალიამბები #BusinessMediaGeorgia
ბოლო წლებია სულ უფრო მასშტაბური ხდება და სულ უფრო ძლიერდება მცდელობა რომ მსოფლიო წიაღისეული საწვავიდან განახლებად ენერგიაზე გადავიდეს და ენერგოპოლიტიკა სწორედ ამ მიმართულებას მოერგოს. საქართველოშიც მათ შორის ჰიდროელექტროსადგურების განვითარებით, სამჯერ მეტი ელექტროენერგიის გამომუშავებას შევძლებთ. ამას დაემატება ქარისა და მზის ელექტროსადგურები, რაც კიდევ უფრო მეტ ეკონომიკურ შესაძლებლობას შექმნის. განახლებადი ენერგიის სექტორი ახალ სამუშაო ადგილებს შექმნის. ეს სამუშაო ადგილები, წიაღისეულის სექტორთან შედარებით, უფრო მაღალანაზღაურებადი და უსაფრთხოა. ყველა ამ შედეგის მისაღწევად და უკეთესი გარემოსთვის, უფრო მაღალანაზღაურებადი სამუშაო ადგილების შექმნის ხელშესაწყობად და ენერგოდამოუკიდებლობისათვის კონკრეტული ინიციატივები აქვს USAID-ს. სტუმარი: ნიკოლოზ ოყრეშიძე - USAID საქართველოს ენერგეტიკის სექტორის მრჩეველი; #ახალიამბები #BusinessMediaGeorgia
თიბისი ლიზინგმა, თიბისი კაპიტალის დახმარებით, 100 მილიონი ლარის, 3 წლიანი საჯარო ობლიგაციები გამოუშვა, და ამ ეტაპზე, 80 მილიონი ლარი განათავსა. დარჩენილ მოცულობას კი კომპანია, წლის განმავლობაში, დამატებითი ლიკვიდურობის საჭიროების მიხედვით გამოიყენებს. რა პროცენტში მოხდა განთავსება და როგორი პირობებით? თიბისი ლიზინგის საკრედიტო რეიტინგი ყველაზე მაღალია საქართველოში მოქმედ არასაბანკო ფინანსურ ინსტიტუტებს შორის და საერთაშორისო საკრედიტო სააგენტო Fitch-ის მიერ, BB- სტაბილური პერსპექტივითაა განსაზღვრული. სტუმრები: გაგა გოგუა - „თიბისი ლიზინგის“ დირექტორი; ნუგზარ ლოლაძე - „თიბისი ლიზინგის“ ფინანსური დირექტორი; მერი ჩაჩანიძე - „თიბისი კაპიტალის“ მმართველი დირექტორი #ახალიამბები #BusinessMediaGeorgia
2021 წელს დაფუძნებული კომპანია mineralgroup-ი ორ ბრენდს minerals და easy juice-ს აერთიანებს და ბაზარს მინერალურ წყალს და ნატურალური წვენებს სთავაზობს. სტუმარი: ზაურ ლაცაბიძე - Mineralgroup-ის დამფუძნებელი და დირექტორი; #ახალიამბები #BusinessMediaGeorgia