Inter Rao–ს საარბიტრაჟო დავა – რომან გოცირიძის შეფასება სტუმარი: რომან გოცირიძე - პარლამენტარი; #ახალიამბები #BusinessMediaGeorgia
სანამ საქართველოს პრემიერმინისტრი ბიზნესომბუდსმენად ოთარ დანელიას დანიშნავდა, მანამდე – ჯერ კიდევ ბიზნესომბუდსმენის კანდიდატურის ძიების პროცესში, მსხვილ ბიზნესთან გამართულ შეხვედრაზე პრემიერმა კერძო სექტორს შესაფერისი კანდიდატურის დასახელება სთხოვა. მაშინ ბიზნესი მიიჩნევდა, რომ ბიზნესომბუდსმენის კანდიდატი ასოციაციებიდან უნდა შერჩეულიყო და ბიზნესგაერთიანებებს საკუთარი კანდიდატები დროულად უნდა წარედგინათ. თემურ ჭყონიამ მაშინ თქვა, რომ რესტორატორთა ასოციაციის ხელმძღვანელის შოთა ბურჯანაძის კანდიდატურა ცუდი ვარიანტი არ იყო. შოთა ბურჯანაძეს მაშინ ასეთი პოზიცია ეჭირა – “გააჩნია, რა პირობები იქნება. მე საქმეს ახლაც ვაკეთებ. ის რაც ბიზნესს უჭირს, ეს სიტყვა იქამდე მიმაქვს. ეს თუ იქნება შესაძლებლობა, რომ უკეთესად გაკეთდეს საქმე, ამ შემთხვევაში განიხილება. თუმცა თუ იგივე იქნება, რა თქმა უნდა, არ განვიხილავ. ჩემი სფერო საჯარო სფერო არ არის”. სტუმარი: შოთა ბურჯანაძე - "რესტორატორთა ასოციაციის" დამფუძნებელი; #ახალიამბები #BusinessMediaGeorgia
სახელმწიფო აუდიტის სამსახურმა ბიზნესომბუდსმენის საქმიანობის ეფექტიანობის ანგარიში გამოაქვეყნა. დოკუმენტი 2018-2021 წლებში აუდიტის სამსახურის საქმიანობას აფასებს. დოკუმენტის მიხედვით, ბიზნესომბუდსმენის აპარატს თავად ამ უწყების საქმიანობის ცნობადობის ამაღლებისთვის შესაბამისი ნაბიჯები არ გადაუდგამს. “2018-2021 წლებში ბიზნესომბუდსმენის აპარატის მიერ არ განხორციელებულა საკმარისი ღონისძიებები მისი საქმიანობის ცნობადობის ამაღლების მიზნით, რაც გავლენას ახდენს ბიზნესომბუდსმენის საქმიანობის ეფექტიანობაზე,” - ნათქვამია დოკუმენტში. აუდიტის სამსახური ყურადღებას ამახვილებს იმ ფაქტზეც, რომ ბიზნესომბუდსმენის აპარატს დღემდე არ აქვს განსაზღვრული სამსახურის დებულება. “კანონის შესაბამისად, ბიზნესომბუდსმენის უფლებამოსილების განხორციელების უზრუნველსაყოფად, იქმნება ბიზნესომბუდსმენის აპარატი, რომლის სტრუქტურა და საქმიანობის წესი განისაზღვრება აპარატის დებულებით. როგორც წესი, დებულებაში ასახული უნდა იყოს სტრუქტურული ერთეულების ფუნქციები, მოვალეობები, ანგარიშვალდებულება, მუშაობის ზოგადი პრინციპები. ასევე, აპარატის ძირითადი ამოცანაა ბიზნესომბუდსმენის საქმიანობის ანალიტიკური, ორგანიზაციული, იურიდიული, დოკუმენტური, საინფორმაციო, საფინანსო და მატერიალურ-ტექნიკური უზრუნველყოფა. 2015 წლის 5 ივნისიდან საგადასახადო ომბუდსმენის ინსტიტუტმა საქმიანობა განაგრძო განახლებული სახელწოდებით და ფუნქციებით. მიუხედავად კანონმდებლობის მოთხოვნისა, დღემდე არ არის დამტკიცებული დებულება, რომლითაც უნდა განსაზღვრულიყო აპარატის სტრუქტურა და საქმიანობის წესი", - ნათქვამია აუდიტის სამსახურის მიერ მომზადებულ ანგარიშში. გარდა ამისა, აუდიტის შედეგად გამოვლინდა შემდეგი მიგნებები: ბიზნესსუბიექტების განცხადებებზე რეაგირების ნაკლოვანებები; განცხადებების მიღების ელექტრონული პორტალის ტექნიკური ხარვეზები; დოკუმენტურად დაუდასტურებელი გაცემული რეკომენდაციები და შუამდგომლობები; რეკომენდაციების შესრულების მონიტორინგის ნაკლოვანებები და საინფორმაციო-საკონსულტაციო საქმიანობის ნაკლოვანებები. სტუმარი: რაულ აგიკიანი - "აი.ელ.სი"-ს დირექტორი; #ახალიამბები #BusinessMediaGeorgia
BMG & Jeep Georgia წარმოგიდგენთ: #BMGDRIVE-ს რამდენი ელექტრომობილის დამტენი სჭირდება საქართველოს? რა ღირს ელექტრომობილის დამუხტვა? „საქართველოს პარლამენტის ავტოპარკის 10%, იქნება ელექტრო“ BMGDRIVE-ის მგზავრი: დავით იოსავა - e-space-ის აღმასრულებელი დირექტორი; ავტორები: ბექა ბაციკაძე, ედგარ ყაზახაშვილი, ლადო ცხადაია. #ელექტრომობილი #Jeep #JeepGeorgia #სტრადამოტორსი #ბიზნესმედია
საქართველოს ეროვნულმა ბანკმა ინფლაციური მოლოდინების შესახებ მორიგი კვლევა გამოაქვეყნა, რომლის მიხედვითაც, ბიზნესები ქვეყანაში ინფლაციის შემცირების ტრენდის გაგრძელებას მოელიან. იანვრის მაჩვენებლების მიხედვით, ინფლაციის შემცირება უფრო ნელი ტემპით მოხდება, ვიდრე ეს დეკემბრის პროგნოზში იყო ასახული. გამოკითხულთა აზრით, საკუთარ პროდუქციაზე/მომსახურებაზე ფასების ცვლილების მოლოდინი 1 წლიან პერიოდში გაზრდილია. კერძოდ, დეკემბერთან შედარებით მომატებულია იმ რესპონდენტთა რაოდენობა, რომლებიც ფასების მატებას 6%-8%-იან ინტერვალსა და 8%-ზე მეტად მოიაზრებენ. მეორე მხრივ, დაიკლო იმ რესპონდენტთა რაოდენობამ, რომლებიც ფასების ცვლილებას 0%-2%-თან ახლოს ინტერვალში ფიქრობენ. სტუმარი: თამთა სოფრომაძე - სებ-ის მონეტარული პოლიტიკის განყოფილების უფროსი; #ახალიამბები #BusinessMediaGeorgia
თიბისი კაპიტალის სტუდენტური პროგრამის - „კემპის“ მე-4 ნაკადის გამარჯვებულების ვინაობა ცნობილია. პროექტმა წელს, მთელი საქართველოს მასშტაბით, 20 უნივერსიტეტი და III-IV კურსის 170 სტუდენტი გააერთიანა. სტუდენტებმა, პროექტის სხვადასხვა ეტაპზე, ინდივიდუალურ და ჯგუფურ დავალებებზე იმუშავეს. ფინალური ეტაპზე კი, ფინალისტებმა, თიბისი კაპიტალის გუნდის წევრებისგან დაკომპლექტებული ჟიურის წინაშე, ჯგუფური პროექტები წარადგინეს. სტუმრები: ნინო რეხვიაშვილი - თიბისი კაპიტალის საინვესტიციო საბანკო მომსახურების ვიცე-პრეზიდენტი; თორნიკე მჭედლიშვილი - თიბისი კაპიტალის საბროკერო მიმართულების ვიცე-პრეზიდენტი; ანი მიქაძე - თიბისი კაპიტალის სტუდენტური პროგრამის „კემპის“ გამარჯვებული; მარიამ წოწონავა - თიბისი კაპიტალის სტუდენტური პროგრამის „კემპის“ გამარჯვებული #ახალიამბები #BusinessMediaGeorgia
საქართველომ რუსულ ენერგოგიგანტთან, Inter Rao-სთან ორი პარალელური საარბიტრაჟო დავა წააგო. მსოფლიო ბანკთან არსებულმა საინვესტიციო დავების მოგვარების საერთაშორისო ცენტრმა საქართველოს $76 მილიონი დოლარის კომპენსაციის გადახდა დააკისრა. ამავდროულად, სტოკჰოლმის საარბიტრაჟო ტრიბუნალმა საქართველოს ანალოგიურ დავაში $112 მილიონი დოლარის გადახდა დაეკისრა. თუმცა, არსებული მდგომარეობით უცნობია ამ ორი განაჩენიდან უშუალოდ რომლის გადახდა მოუწევს საქართველოს, რადგანაც წინასწარი ინფორმაციით, ორივე მათგანის სრული აღსრულება არ მოხდება.დაკისრებული სანქცია, რაც ამჟამინდელი კურსით 201 მილიონი ლარია საქართველოს ხაზინამ უნდა გადაიხადოს. 2023 წლის ბიუჯეტის ფისკალური რისკების ანალიზში ნათქვამია, რომ მომდევნო წლებში სასამართლო დავებში დაკისრებული სანქციების მოცულობის ზრდა არის მოსალოდნელი. ამავე დოკუმენტის მიხედვით, უმსხვილეს საარბიტრაჟო საქმეებში მოთხოვნილი კომპენსაციის ჯამური ოდენობა 2.8 მილიარდი დოლარია. რომელია ის ყველაზე მსხვილი საარბიტრაჟო დავები, რომელშიც დღეს საქართველოს მთავრობა მონაწილეობს, რა არის თითოეულ მათგანში მომჩივანი მხარის მიერ მოთხოვნილი კომპენსაცია და არ გვიჯდება იმ იურიდიული კომპანიების მომსახურება, რომლებიც ამ დავებში საქართველოს ინტერესებს იცავენ? #ახალიამბები #BusinessMediaGeorgia
რა შეიცვალა სამშენებლო ობიექტებზე შრომის უსაფრთხოების მიმართულებით? #ახალიამბები #BusinessMediaGeorgia
ვირტუალური რეალობა & ხელოვნური ინტელექტი გიორგი თოლორდავა, “საქმიანი საღამოს” წამყვანი; გიორგი არონია, “საქმიანი საღამოს” წამყვანი; სტუმარი: ნინო კოვზირიძე - ბრიტანული კომპანია VirtualSpeech-ის ბაზრებზე განვითარების ხელმძღვანელი; #ახალიამბები #BusinessMediaGeorgia
პოპულარული ქართული სტრიმინგ-პლატფორმების Adjaranet-ისა და iMovies-ის გათიშვიდან და ამის პარალელურად, ინტერნეტსივრცეში ლიცენზირებული ონლაინკინოთეატრი, Cavea+ - ის გამოჩენიდან ზუსტად 6 თვე გავიდა. მიუხედავად იმისა, რომ კინომოყვარულების მხრიდან ორი ყველაზე ძლიერი ვებ-გვერდის გათიშვას ვნებათაღელვა მოჰყვა, დღეს ეს საიტები მაინც ხელმისაწვდომია. BMG დაინტერესდა cavea + -ის 6 თვის შედეგებით და იმ გამოწვევებით, რაც მეკობრული ვებ-გვერდების მუშაობას ახლავს თან. #ახალიამბები #BusinessMediaGeorgia
ფოთში Lion Terminal Poti-ს ტერმინალი ოფიციალურად გაიხსნა. Lion Terminal Poti საერთაშორისო ლოჯისტიკურმა კომპანია Lion Trans -მა გახსნა. გახსნის ცერემონიალს კომპანიის ბიზნეს პარტნიორები, ცენტრალური და ადგილობრივი ხელისუფლების, ასევე მედიის წარმომადგენლები ესწრებოდნენ. Lion Terminal Poti უკვე ერთი წელია ფუნქციონირებს და კომპანია წლის განმავლობაში დაახლოებით 16 500-მდე კონტეინერის ტრანსპორტირებას შეძლებს. ტერმინალი ჯერჯერობით მხოლოდ ავტომობილების გადაზიდვით არის დაკავებული თუმცა Lion Terminal Poti გაფართოებას და სხვა ტვირთების ტრანსპორტირებასაც გეგმავს. Lion Trans-ი საერთაშორისო სატრანსპორტო კომპანიაა, რომელიც მომხმარებელს ლოჯისტიკური მომსახურების ფართო სპექტრს სთავაზობს და ახორციელებს როგორც სახმელეთო, ისე საზღვაო და საჰაერო გადაზიდვებს ამერიკიდან მსოფლიოს ყველა მიმართულებით. კომპანია ამავდროულად ერთ-ერთი ყველაზე დიდი ავტოიმპორტიორია ევროპასა და ახლო აღმოსავლეთში. #ახალიამბები #BusinessMediaGeorgia
საქართველოს ეკონომიკური წიგნიერების ინიციატივის გუნდი საქართველოში პირველად ეკონომიკის ოლიმპიადას სკოლის მოსწავლეებისთვის გამართავს, რომელიც ყოველწლიურად ჩეხური ორგანიზაცია INEV-ის მოდელით ჩატარდება. ასევე მნიშვნელოვანი ინფორმაციაა, რომ ხვალ, 17 თებერვალს, სკოლებისთვის რეგისტრაცია სრულდება, ამიტომ ვისაც აქვს სურვილი ოლიმპიადაში მონაწილეობის მიღების დარეგისტრირება უნდა იჩქარონ. პირველ ეკონომიკურ ოლიმპიადაზე მონაწილეობას მე-10, მე-11 და მე-12 კლასის მოსწავლეები შეძლებენ. ოლიმპიადა ადგილობრივ დონეზე ორი რაუნდისგან შედგება: სკოლის ტური, რომელიც წერითი ტესტირების სახით ჩატარდება და ეროვნული რაუნდი, რომელიც პანელურ დისკუსიებთან ერთად, წერით და ზეპირ ტესტირებას მოიცავს. რაც შეეხება მომდევნო, საერთაშორისო რაუნდს – ის სლოვაკეთში ჩატარდება და მონაწილეობას ეროვნულ ტურში შერჩეული 5 მონაწილე მიიღებს. #ახალიამბები #BusinessMediaGeorgia
2019 წლის შემდეგ სტუმარმასპინძლობის სექტორში ხელფასები გაზრდილია. როგორც bm.ge-ს რესტორატორთა ასოციაციის ხელმძღვანელმა განუცხადა, ბოლო პერიოდში სექტორში ხელფასების 50-დან 200%-მდე ზრდა ფიქსირდება. ხელფასების ზრდაზე საუბრობენ თავად რესტორატორებიც, თუმცა აღნიშნავენ, რომ კადრების შესანარჩუნებლად ანაზღაურების მატება კიდევ საჭიროა, მაგრამ ამაში ბიზნესს ხელს გაძვირებული ხარჯები უშლის. #ახალიამბები #BusinessMediaGeorgia
#საქმიანიდილა - 17 თებერვალი - პროლოგი #ახალიამბები #BusinessMediaGeorgia
ტყის ახალი კოდექსის ეფექტიანი აღსრულების ხელშეწყობის, მოსახლეობისა და კერძო სექტორის მერქნულ რესურსზე ხელმისაწვდომობის გამარტივებისა და სატყეო მეურნეობის განვითარების მიზნით, გარემოს დაცვისა და სოფლის მეურნეობის სამინისტროს ინიციატივით ქვეყნის მასშტაბით, თითქმის ყველა რეგიონში 39 „საქმიანი ეზო“ მოეწყო, რაც ტყესთან დაკავშირებული ყველა ინფორმაციისა და მომსახურების მიწოდების გამარტივებას უზრუნველყოფს. რას სთავაზობს ეროვნული სატყეო სააგენტო „სოციალური ჭრის“ გაუქმების სანაცვლოდ მოსახლეობას და რა პრინციპით ფუნქციონირებს საქმიანი ეზოები? სტუმარი: დავით დამენია- ეროვნული სატყეო სააგენტოს იურიდიული სამსახურის უფროსი; #ახალიამბები #BusinessMediaGeorgia
დაავადებათა კონტროლის ეროვნული ცენტრის 2021 წლის მონაცემებით, ქვეყანაში ფსიქიკური და ქცევითი აშლილობის მქონე 84 142 ადამიანია რეგისტრირებული, რაც 2020 წელთან შედარებით, თითქმის 3000-ით მეტია. 1990-იან წლების მიწურულში დაწყებული რეფორმებისა და მოგვიანებით, დიდი ფსიქიატრიული დაწესებულებების დახურვის შემდეგ, დღეს ფსიქიკური ჯანმრთელობის მქონე პაციენტებისთვის, საქართველოს მასშტაბით სულ 1394 საწოლია გამოყოფილი რაც დაახლოებით 50%-იან შემცირებას ნიშნავს. მათი ნაწილი, დაახლოებით 30% უკავიათ პაციენტებს, რომლებიც არ საჭიროებენ სტაციონარულ მკურნალობას და მცირე ტიპის საცხოვრისებში გადაყვანას საჭიროებენ. ქვეყნის მასშტაბით, ფსიქიკური ჯანმრთელობის პრობლემების მქონე პაციენტების სტაციონარული მკურნალობა 10 დაწესებულებასა და ფსიქიატრიულ განყოფილებაშია შესაძლებელი. მათ შორის, სამი დაწესებულება და განყოფილება თბილისშია, დანარჩენი, რეგიონებში. ის, რომ ქვეყანაში ფსიქიატრიული პაციენტებისათვის განკუთვნილი საწოლები რეალურად მცირეა, ამას რადიო თავისუფლებასთან არასამთავრობო ორგანიზაცია „საქართველოს ფსიქიკური ჯანმრთელობის ასოციაციის“ წევრებიც ადასტურებენ. ასოციაციის ხელმძღვანელი მანანა შარაშიძე ამბობს, რომ სიტუაცია კიდევ უფრო გართულდა მას შემდეგ, რაც ბოლო ხუთ წელში, თბილისში ორი ფსიქიატრიული განყოფილება დაიხურა და საწოლების რაოდენობა დაახლოებით 80-ით შემცირდა. კიდევ ერთი მიზეზი, რის გამოც ბოლო პერიოდი, ქვეყანაში ფსიქიატრიული საწოლების დეფიციტზე ალაპარაკდნენ ფსიქიკური ჯანმრთელობის პრობლემების მქონე პაციენტების ოჯახის წევრები, უკავშირდება სტაციონარული კლინიკების დაფინანსების ახალ მოდელს, რომელიც კლინიკების ხელმძღვანელებს უბიძგებს, რომ სტაციონარებში საწოლების რაოდენობა მუდმივად შევსებული იყო. რას გულისხმობს დაფინანსების ახალი მოდელი და როგორ ხდება საჭიროების შემთხვევაში ამა თუ იმ დარღვევის მქონე პაციენტისთვის დახმარების გაწევა? სტუმარი: ნანა ზავრადაშვილი - საქართველოს ფსიქიატრთა ასოციაციის გამგეობის წევრი, პროფესორი; #ახალიამბები #BusinessMediaGeorgia
მიმდინარე წელი დასაქმებულების მხრიდან პროტესტით დაიწყო. ქვეყანაში მომუშავე სხვადასხვა კომპანიების წარმომადგენლები დამსაქმებლისგან საქსტატის მიერ გამოქვეყნებული ინფლაციის მიხედვით ხელფასების მატებას, ზოგ შემთხვევაში მე-13 ხელფასს, ღამის ცვლაში მუშაობის ორმაგ ანაზღაურებას და სხვადასხვა მიმართულებით სამუშაო პირობების გაუმჯობესებას ითხოვენ. ყველაზე მასშტაბურია ვოლტის კურიერების პროტესტი, რომებმაც სამუშაო პირობების გაუმჯობესების მოთხოვნით აქცია გუშინაც გამართეს. როგორი უნდა იყოს დამსაქმებლების პოლიტიკა და რის საშუალებას იძლევა დღეს არსებული ეკონომიკური ფონი დასაქმებულებთან მიმართებაში? სტუმარი: აკაკი ცომაია - ეკონომისტი; #ახალიამბები #BusinessMediaGeorgia
დედაქალაქში უსაფრთხო გადაადგილების მიზნით ტრანსპორტის საკითხებზე მომუშავე ორგანიზაციების ნაწილი თბილისის ცენტრალურ ქუჩებში მაქსიმალური სიჩქარის 30-40 კმ/სთ-ით განსაზღვრას და პარალელურად ორივე სანაპიროზე დაშვებული სიჩქარის (70 კმ/სთ) ლიმიტის შემცირებას ითხოვს. ორგანიზაცია "საქართველოს ალიანსი უსაფრთხო გზებისთვის” ფიქრობენ, რომ უმნიშვნელოვანესია სიჩქარის ლიმიტების შემცირება ქალაქში, განსაკუთრებით მჭიდროდ დასახლებულ პუნქტებსა და სკოლის ზონებში. მეორეს მხრივ კი თემაზე მომუშავე რესპონდენტების ნაწილი აქცენტს გზების გამტარუნარიანობაზე აკეთებს და აცხადებენ, რომ თუკი ახალი ინიციატივა ძალაში შევა შესაძლოა, ამან არა მხოლოდ საცობებზე იმოქმედოს უარყოფითად, არამედ ჰაერის ხარისხიც მკვეთრად გააუარესოს. რამდენად რეალურია ინიციატივის კანონად ქცევა და რა ეფექტი შეიძლება მას მოჰყვეს? სტუმარი: ირაკლი იზორია - "საქართველოს ალიანსი უსაფრთხო გზებისთვის” დირექტორი; #ახალიამბები #BusinessMediaGeorgia
საქართველოს ბიზნეს ასოციაციის წევრი სამშენებლო პროექტების მართვის მრავალწლიანი გამოცდილების მქონე კომპანია LSG Solutions-ი გახდა, რომლის პროფესიონალთა გუნდი LSG Solutions-ის ბრენდის ქვეშ გაერთიანდა და კომპანიამ საქართველოს ბაზარზე ოპერირება 2020 წელს დაიწყო. კომპანია, რომელიც დამკვეთს სთავაზობს მშენებლობის მენეჯმენტის სრულს სერვისს, რაც გულისხმობს როგორც საკონსულტაციო მომსახურებას, ასევე პროექტების პროცესის მართვას. კომპანიის საქმიანობის ძირითადი მიმართულებებია პროექტის განვითარების გეგმის შედგენა, ბიუჯეტის განსაზღვრა და ხარჯების დაგეგმარება, ასევე სატენდერო პროცესის მართვა და პროექტის ვადების, დანახარჯებისა და ხარისხის კონტროლი. კომპანია დამკვეთს ასევე პროექტირების სერვისსაც სთავაზობს არქიტექტურული, კონსტრუქციული და საინჟინრო მიმართულებებით. სტუმრები: ლევან ვეფხვაძე - "საქართველოს ბიზნეს ასოციაციის" აღმასრულებელი დირექტორი; სოსო ბერიძე - LSG Solutions-ის აღმასრულებელი დირექტორი. #ახალიამბები #BusinessMediaGeorgia
ეროვნული ბანკის ახალი პრეზიდენტი დაიცავს იმ პოზიციას, რომლის ქვეყნის ეკონომიკის განვითარებას სჭირდება. - ეს იყო წლების წინ , 2016 წლის 17 მარტს, როცა მაშინდელ პრეზიდენტთან გიორგი მარგველაშვილთან ეროვნული ბანკის ჯერ ისევ მოქმედი პრეზიდენტის შეხვედრა შედგა და წლების შემდეგ სამშობლოში დაბრუნებული კობა გვენეტაძისთვის ეროვნული ბანკის პრეზიდენტობის ვადის ათვლა დაიწყო. მაშინ გიორგი მარგველაშვილმა თქვა, რომ გვენეტაძისგან ეროვნულ ვალუტასთან დაკავშირებით ინფორმაცია მიიღო. ადვილი მისახვედრია საქართველოსა და მის ფარგლებს გარეთ სამუშაო გამოცდილების და მდიდარი ბიოგრაფიის სებ-ის ახალი პრეზიდენტის მთავარ დაკვეთად ერთიანად გაუფასურებისკენ წასული ლარის დაჭერა წარმოადგენდა. 2016 წელს კობა გვენეტაძემ ნდობისთვის და მხარდაჭერისთვის ყველას მადლობა გადაუხადა და მის ცხოვრებასა და კარიერაში ალბათ ერთ ერთი ყველაზე გამოწვევებით სავსე პერიოდი დაიწყო. ლარის გამყარების წასვლა წასვლისას უფრო შესამჩნევი გახდა, მიზეზები თავისი ჰქონდა ამას. კობა გვენეტაძე - "საქართველოს ეროვნული ბანკის" პრეზიდენტი; ავტორები: მანანა მანჯგალაძე; ედგარ ყაზახაშვილი; ლადო ცხადაია. #ახალიამბები #BusinessMediaGeorgia
კომპანია „ანაბეჭდი“ სამტრედიაში სამკერვალო საწარმოს ხსნის, რომელიც საწყის ეტაპზე 500-მდე ადამიანს დაასაქმებს. „ანაბეჭდის“ გენერალური მენეჯერის, გიორგი ბარნაბიშვილის ინფორმაციით, პროექტის საწყისი ინვესტიცია 10 მლნ ლარია. ახალი ობიექტი მიმდინარე წლის გაზაფხულზე გაიხსნება. სტუმარი: გიორგი ბარნაბიშვილი - "ანაბეჭდი", გენერალური მენეჯერი; #ახალიამბები #BusinessMediaGeorgia
საქართველოს მთავრობის დადგენილებით, სპეციფიკური სამუშაოების ნუსხა შემცირდა. ახალი რეგულაციების მიხედვით, 48-საათიან სამუშაო გრაფიკს, მხოლოდ ის დარგები დაექვემდებარება, რომელთათვისაც აუცილებელია მუშაობის უწყვეტი ციკლი და ემსახურება საზოგადო სიკეთეს. სხვა ნებისმიერ შემთხვევაში, სამუშაო დრო, არ უნდა აღემატებოდეს კვირაში 40 საათს, რაც საერთაშორისოდ აღიარებული, ევროპული პრაქტიკაა. 40 საათზე მეტი ნამუშევარი საათები კი მთავრობის დადგენილებით ზეგანაკვეთურად ითვლება, რაც შესაბამისი წესით ანაზღაურებას ითვალისწინებს. - კონსულტაციების მიუხედავად ბიზნესს გადაწყვეტილების ამოქმედებიდან 4 დღით ადრე მათთვის შეთავაზებული ცვლილებებზე მორგება ამ დრომდე უჭირს. სტუმარი: ნიკოლოზ აბუთიძე - "დამსაქმებელთა ასოციაციის" იურიდიული დეპარტამენტის ხელმძღვანელი; #ახალიამბები #BusinessMediaGeorgia
საერთაშორისო გამოცემების ყურადღების ცენტრში წლიდან წლამდე სულ უფრო ხშირად ექცევიან ის ქართველი დიზაინერები, რომლებსაც ადგილობრივ ბაზარზე უკვე კარგად იცნობენ. მათთან ერთად ინტერესს იწვევენ მოდის სამყაროს დამწყები წარმომადგენლებიც, რომლებიც ამ სფეროში პირველ წარმატებულ ნაბიჯებს დგამენ. ამის პარალელურად, ქართველ დიზაინერებზე ყველაზე ცნობილ გამოცემებში იწერება, მათი კოლექციები კი გასაყიდად მსოფლიოს უდიდეს ბაზრებზე გადის. თუმცა, პანდემიამ, შემდგომ კი რუსეთ-უკრაინის ომმა ქართული მოდა, ისევე როგორც ყველა სხვა ბიზნესი არაერთი გამოწვევის წინაშე დააყენა და დიზაინერებს ბიზნესგეგმების დაკორექტირებაც მოუხდათ. რა ხდება დრეს ქართულ მოდის ინდუსტრიაში, რა გამოწვევების წინაშე დგას სექტორი და რამდენად ახერხებს ის კვლავ განვითარებას? #ახალიამბები #BusinessMediaGeorgia
ჯითი მოტორსმა" აღმაშენებლის ხეივანზე ოფიციალურად გახსნა BMW -სა და MINI-ს შოურუმი. შოურუმი დროებითია და კომპანიას უფრო დიდი გეგმები აქვს. 2024 წელს ბრენდები სრულიად ახალ სივრცეში განსხვავებული კონცეფციის შოურუმში იქნება წარმოდგენილი. ამ მიმართულებით განხორციელებული ინვესტიციის მოცულობაც შთამბეჭდავია. შოურუმის გახსნა გუშინ ორ მნიშვნელოვან ღონისძიებად გაიყო. დღისით ოფიციალური ნაწილი, ხოლო საღამოს BMW -სა და MINI-ია ბრენდების მოყვარულებს კომპანიამ სრულიად ახალი მოდელები წარუდგინა. #ახალიამბები #BusinessMediaGeorgia
დღეს საფინანსო-საბიუჯეტო კომიტეტში მიკრობანკების შესახებ მომზადებულ კანონპროექტს მესამე მოსმენით განიხილავენ. მას შემდეგ, რაც კანონს დაამტკიცებენ, ბაზარზე ახალი საფინანსო ორგანიზაციები გაჩნდებიან, რომლებიც მისო-ებსა და ჩვეულებრივ ბანკებს შორის შუალედურ პოზიციას დაიკავებენ. ბანკებისგან განსხვავებით, მათთვის მინიმალური კაპიტალის მოთხოვნა 10 მილიონი ლარი იქნება. ეროვნული ბანკის ინფორმაციით, მიკრობანკების სტატუსის მინიჭებით რამდენიმე ფინანსური ინსტიტუტია დაინტერესებული, მათ შორის ინტერესი ღიად აქვს დაფიქსირებული მიკროსაფინანსო ორგანიზაცია ემბისის. კანონპროექტის თანახმად, მიკრობანკებს უცხოური ვალუტის სესხების გაცემა არ შეეძლებათ, რაც მისოებისთვის მიუღებელია. სტუმარი: გია პეტრიაშვილი - ემბისის გენერალური დირექტორი; #ახალიამბები #BusinessMediaGeorgia
განახლებადი ენერგოპროექტების მხარდასაჭერად CFD-მექანიზმით 300 მეგავატი სიმძლავრის მზის, ქარის და ჰიდროელექტროსადგურების პროექტებზე პირველი აუქციონები უკვე გამოცხადდა. ამ სქემით, მომდევნო სამი წლის განმავლობაში ჯამში 1 500 მგვტ სიმძლავრის სადგურების მშენებლობის ხელშეწყობა იგეგმება. რამდენად იმუშავებს ეს მოდელი პრაქტიკაში და რჩება თუ არა ხარვეზები აუქციონის არსებულ წესში? სტუმარი: ირაკლი ტყებუჩავა - "გროს ენერჯის" ფინანსური დირექტორი; #ახალიამბები #BusinessMediaGeorgia
განახლებადი ენერგოპროექტების მხარდასაჭერად CFD-მექანიზმით პირველი აუქციონები უკვე ჩაინიშნა. მთავრობამ აუქციონზე ჯამში 300 მეგავატის სიმძლავრის პროექტები გამოიტანა. როგორც ცნობილია, PPA ხელშეკრულებებისგან განსხვავებით, CFD მოდელში სახელმწიფო არ შედის ინვესტორებთან პირდაპირ მოლაპარაკებებში. ამის ნაცვლად, CFD კონტრაქტები აუქციონის პრინციპით გაფორმდება და დაფინანსებას მიიღებს მხოლოდ ის, ვინც აუქციონში საუკეთესო ფასს დააფიქსირებს. ახლა ბიზნესს 45 დღიანი ვადა აქვთ მათთვის სასურველ პროექტებზე განაცხადები წარადგინონ. ეკონომიკის სამინისტრომ ბიზნესიდან წამოსული შენიშვნების ნაწილი გაითვალისწინა, თუმცა კვლავ რჩება საკითხები, რომელიც დეველოპერებისთვის, ინვესტორებისთვის კითხვებს ტოვებს. მაგალითად, იმ შემთხვევაში, თუ წინარე ტექნიკურ-ეკონომიკურ კვლევასა და სრულ ტექნიკურ-ეკონომიკურ კვლევაში მიღებულ საშუალო წლიურ გამომუშავებას შორის ნეგატიური სხვაობა დაფიქსირდება, მშენებლობის ფაზის ხელშეკრულების გაფორმების შემთხვევაში, მთავრობის შესაბამისი დადგენილება, CFD მოდელით შემოთავაზებული ტარიფის შემცირებას ითვალისწინებს. სწორედ ეს ჩანაწერია ერთ-ერთი, რაზეც ბიზნესი მთავრობასთან ვერ შეთანხმდა. დარგის სპეციალისტები ტარიფის შემცირების რისკებს თითქმის ყველა განახლებადი ენერგიების წყაროების პროექტების შემთხვევაში ხედავენ, რადგან რთულია წინარე კვლევის ეტაპზე დააფიქსირო, თუ რა იქნება შენი ობიექტის საშუალო წლიური გამომუშავება. რამდენად იმუშავებს CFD მოდელი პრაქტიკაში, რომელსაც დარგი ამდენი ხანია ელის? სტუმარი: თორნიკე დარჯანია - "ჰელიოს ენერჯის" ხელმძღვანელი; #ახალიამბები #BusinessMediaGeorgia
დღეს თბილისში, კომპანია „ვოლტის“ პარტნიორი კურიერების აქცია გაიმართება. ისინი კომპანიის სათაო ოფისთან შეიკრიბებიან და სამუშაო პირობების გაუმჯობესებას კიდევ ერთხელ მოითხოვენ. სანამ დღევანდელი ფართომასშტაბიანი აქცია დაიგეგმებოდა, „ვოლტის“ კურიერებმა დამსაქმებლის მხრიდან მათი შრომითი უფლებების დარღვევის შესახებ სახალხო დამცველის აპარატს შესაბამისი განაცხადით მიმართეს. კურიერების პროტესტს უკვე უპასუხა კომპანია „ვოლტმა“. კომპანია ამბობს, რომ მზად არიან ომბუდსმენს სრული ინფორმაცია მიაწოდონ და ყველა კითხვას პასუხები ღიად გასცენ. ამასთან, მათ განცხადებაში ნათქვამია, რომ არც ერთი კურიერისათვის ხელშეკრულება არ შეუწყვეტიათ, რადგან პატივს სცემენ პარტნიორი კურიერების მიერ პროტესტის მშვიდობიანად გამოხატვის უფლებას. სტუმარი: რატი კალმახელიძე - "ვოლტის" პარტნიორი; #ახალიამბები #BusinessMediaGeorgia
“პიელ ნატურალსის” 2022 და 2023-ის გეგმები სტუმარი: თათუკა ლომაძე - "პიელ ნატურალსის" დირექტორი; #ახალიამბები #BusinessMediaGeorgia
პარფიუმერიის ბაზარმა აღდგენა დაიწყოს და ამას ოფიციალური მონაცემებიც მოწმობს. 2022 წლის 11 თვეში საქართველომ 22.1 მლნ დოლარის ღირებულების 837 ტონა სუნამოები და ტუალეტის წყალი შეიძინა. ოფიციალური სტატისტიკის მიხედვით, სუნამოების იმპორტი წინა წლის ამავე პერიოდის მაჩვენებელთან შედარებით 11.2%-ით გაიზარდა. აღდგენაზე საუბრობენ კომპანიების წარმომადგენლებიც და აღნიშნავენ, რომ 2022 წლის ტენდენცია და ახლა უკვე 2023 წლის დასაწყისი გასული ორი წლისგან რადიკალურად განსხვავებულია. პარფიუმერიისა და კოსმეტიკის მომწოდებელ კომპანიებთან ვითარება დალაგებულია და ლოგისტიკის ჯაჭვებიც შედარებით აღდგენილი. #ახალიამბები #BusinessMediaGeorgia
Galt&Taggart;-ის მხარდაჭერით და აზიის განვითარების ბანკის (ADB) მიერ განხორციელებული ინვესტიციით, მიკროსაფინანსო ორგანიზაცია კრისტალმა საფონდო ბირჟაზე ორწლიანი გენდერული ობლიგაციები განათავსა. ეს სამხრეთ კავკასიის ქვეყნებსა და საქართველოში, საფონდო ბირჟაზე გენდერული ობლიგაციების ჩაშვების პირველი შემთხვევაა. საქართველოს ბანკის, როგორც თანაინვესტორის და აზიის განვითარების ბანკის, როგორც მთავარი ინვესტორის მხარდაჭერით, ფასიანი ქაღალდების ჯამური ღირებულება 25 მილიონ აშშ დოლარს შეადგენს. აზიის განვითარების ბანკის მიერ განხორციელებული ინვესტიციის მოცულობა 18.75 მილიონი ლარია, საქართველოს ბანკის წილი კი, 6.25 მილიონი ლარი. სტუმრები: ოთარ შარიქაძე - Galt&Taggart;-ის მმართველი დირექტორი; ილია რევია - "კრისტალის" უფროსი აღმასრულებელი ოფიცერი. #ახალიამბები #BusinessMediaGeorgia
თურქეთში მომხდარი მიწისძვრის ფონზე საერთაშორისო მოგზაურებს გაუჩნდათ შეკითხვა - რამდენად უსაფრთხოა თურქეთში ტურისტული ვიზიტის განხორციელება. ამ შეკითხვას სხვადასხვა საერთაშორისო მედია, მათ შორის სიენენი პასუხობდა და მკითხველს განახლებად ინფორმაციებს აწვდიდა. ეს შეკითხვები გაუჩნდათ ქართველებსაც, იმათ ვისაც მოგზაურობა თურქეთში უკვე დაგეგმილი აქვთ. რა მდგომარეობაა ამ მხრივ და როგორ აისახა ეს ქართული ტურისტული კომპანიების საქმიანობაზე? #ახალიამბები #BusinessMediaGeorgia
გააძვირებს თუ არა ისედაც გაძვირებულ პროდუქტს ე.წ ჰაპის სტანდარტი რომელიც ამ დრომდე არსებული ინფორმაციით მიუხედავად არაერთხელ გამართული მსჯელობისა და მისი ხარჯიანობიდან გამომდინარე ბიზნესების შეფასებისა გადავადება როგორც ჩანს დღის წესრიგში არ არის. კერძო სექტორი ამ თემაზე აქტიურად ალაპარაკდა. HACCP-ის, იგივე საფრთხის ანალიზისა და კრიტიკული საკონტროლო წერტილების დანერგვის სისტემა, საქართველოსთვის ასოცირების ხელშეკრულების მიხედვით ნაკისრი ერთ-ერთი ვალდებულებაა. სისტემის პირველი ეტაპი 2021 წლის 1-ელ ივნისს ამოქმედდა. რეფორმის შემდგომი ეტაპი კი წესით 2023 წლის 1-ელ ივნისს უნდა ამოქმედდეს. გასულ წელს სურსათის ეროვნული სააგენტოს ჰქონდა ინიციატივა, HACCP-ის, იგივე საფრთხის ანალიზისა და კრიტიკული საკონტროლო წერტილების დანერგვის სისტემის, ბოლო ეტაპის დანერგვის 2 წლით გადავადებასთან დაკავშირებით. სააგენტო მიიჩნევდა, რომ მიუხედავად გონივრული ვადის მიცემისა, ფინანსური და ინფრასტრუქტურული პრობლემების გამო, ობიექტების უმეტესობა ჯერ ისევ არაა მზად ახალ სტანდარტებზე გადასასვლელად. რომ HACCP-ის სისტემის ბოლო ეტაპი შეეხება აბსოლუტურად ყველა ტიპის ბიზნესოპერატორს, რომელიც ცხოველურ სურსათს ნებისმიერი ფორმით გადაამუშავებს ან აწარმოებს. ბოლო ინფორმაცია კი რაც სესიგან ხელმისაწვდომია, სურსათის მწარმოებელ ყველა ბიზნესოპერატორს 2023 წლის 1 ივნისამდე ეკისრება ვალდებულება, საფრთხის ანალიზისა და კრიტიკული საკონტროლო წერტილების სისტემა (HACCP) დანერგოს. ამის შესახებ ინფორმაციას სურსათის ეროვნული სააგენტო ავრცელებს. მათი ცნობით, HACCP-ის სისტემა ბიზნესოპერატორს საშუალებას აძლევს, წინასწარ განსაზღვროს და თავიდან აიცილოს სურსათის უვნებლობის პოტენციური საფრთხეები, რაც ხელს შეუწყობს, როგორც მომხმარებლის უვნებელი სურსათით უზრუნველყოფას, ასევე რისკების პრევენციის შედეგად ეკონომიკური ზიანის თავიდან აცილებას და კონკურენტუნარიანობის გაზრდას. სტუმრები: მიხეილ ფარულავა - “ჯორჯიან ბეიკერის” დამფუძნებელი; #ახალიამბები #BusinessMediaGeorgia
"კოკა კოლა ბოთლერს ჯორჯიამ" საკუთარი თანამშრომლები საუკეთესო შედეგებისთვის დააჯილდოვა. ჯამში 15-მა თანამშრომწლმა კოკა კოლას ბოთლის სიმბოლური ოსკარი და ფულადი ჯილდო მიიღეს. დასაქმებულების სტიმულირებისთვის ასეთი ტიპის დაჯილდოება კომპანიაში წელს პირველად ჩატარდა და როგორც bmg-ის გადამღებ ჯგუფს უთხრეს, დაჯილდოების ცერემონია ყოველწლიურ სახეს მიიღებს. წლევანდელი დაჯილდოებისთვის კომპანიამ 40 000 ლარი გამოყო, მომდევნო წლებში კი ეს ბიუჯეტი კიდევ უფრო მეტად გაიზრდება, რაც ნიშნავს რომ 2024 წელს კიდევ უფრო მეტ ადამიანს გადაეცემა კომპანიის მხრიდან ჯილდო. #ახალიამბები #BusinessMediaGeorgia
თუ გინდათ საკუთარი ბიზნესი დაიწყოთ და ამ მიზნის განხორციელებისთვის შემაფერხებელი ფაქტორი საწყისი კაპიტალის ნაკლებობაა, მაშინ გეტყვით, რომ არსებობს უამრავი ბიზნეს-იდეა, რომელთა რეალიზაცია 100 დოლარად, ან კიდევ უფრო ნაკლებ თანხად შეგიძლიათ. ზოგიერთის შემთხვევაში კი თანხა საერთოდ არაა საჭირო და მხოლოდ თქვენი კომუნიკაციის უნარები, კრეატიული აზროვნება, მობილური ტელეფონი ან ლეპტოპი გამოგადგებათ. როგორ დავიწყოთ მინიმალური კაპიტალით საქმე, რომელიც მომავალში საკმაოდ დიდ შემოსავალს მოგვიტანს? #ახალიამბები #BusinessMediaGeorgia
#საქმიანიდილა - 15 თებერვალი - პროლოგი #ახალიამბები #BusinessMediaGeorgia
ხვიჩა კვარაცხელია Goal.com-ის რეიტინგში: #8 #ახალიამბები #BusinessMediaGeorgia
მომხმარებელთა უფლებების დაცვის მიზნით კონკურენციის სააგენტოში შექმნილი დეპარტამენტი მოკვლევის სამი თვის შედეგებს აქვეყნებს. სტატისტიკიდან ირკვევა,რომ საქართველოში ყველაზე ხშირად მოქალაქეთა უფლებები ონლაინ ვაჭრობის პროცესში ირღვევა. კონკურენციის სააგენტოს ინფორმაციით, 2022 წლის 1 ნოემბრიდან დღემდე, სააგენტოში სულ 125 განაცხადია შესული. საქმის შესწავლა 75 ქეისზე დაწყებულია. მომხმარებლის სასარგებლოდ გაფორმდა 16 პირობითი ვალდებულების ხელშეკრულება. დადასტურდა 5 დარღვევის ფაქტი და ერთ შემთხვევაში დარღვევა არ დადასტურებულა. მომხმარებელთა უფლებების დაცვის დეპარტამენტი მოქალაქეებს მოუწოდებს, სხვადასხვა სახის დარღვევის შემთხვევაში მათ მიმართონ და ამ ფორმით ელექტრონული კომერციის სექტორში პრობლემების მოგვარებას ხელი შეუწყონ. სტუმარი: მარიამ შაიშმელაშვილი - "კონკურენციის სააგენტოს" მომხმარებლის უფლებების დაცვის დეპარტამენტის უფროსის მოადგილე; #ახალიამბები #BusinessMediaGeorgia
#Forbes #30under30 - ელენე კოხრეიძე 2019 წლის გამარჯვებული სტუმრები: ლიზა ხაბაზაშვილი - "კონსიერჟ თბილისის" მმართველი პარტნიორი; ელენე კოხრეიძე - #Visa - ს მარკეტინგის მენეჯერი კავკასიის რეგიონში; #ახალიამბები #BusinessMediaGeorgia
ეროვნულმა ბანკმა მიკროსაფინანსო ორგანიზაციების 2022 წლის მე-4 კვარტლის ფინანსური მაჩვენებლები გამოაქვეყნა. როგორც მონაცემებიდან ირკვევა, მიკროსაფინანსოების წმინდა მოგებამ გასულ წელს 113 685 511 ლარი შეადგინა, რაც წინა კვარტალთან შედარებით 32 453 293 ლარით, თითქმის 40%-ით გაზრდილი მაჩვენებელია. მე-3 კვარტალში მისოების მოგება 81 232 218 ლარი იყო. ამასთან, ეროვნული ბანკის ვებ-გვერდზე გამოქვეყნებული კონსოლიდირებული ფინანსური ანგარიშგების მიხედვით, 2022 წლის მე-4 კვარტალის მდგომარეობით, მისო-ების მთლიანი აქტივები შეადგენდა 1 879 170 672 ლარს, მთლიანი კაპიტალი კი 662 993 639 ლარი იყო. გასული წლის ბოლოს ბაზარზე 36 მიკროსაფინანსო ორგანიზაცია ოპერირებდა. სტუმარი: ნინო დევდარიანი, “საქართველოს მიკროსაფინანსო ორგანიზაციების ასოციაცია”, გამგეობის თავმჯდომარე. #ახალიამბები #BusinessMediaGeorgia
თურქეთში გასულ კვირას მომხდარი მიწისძვრის შედეგებით და მისგან გამოწვეული ეკონომიკური ზარალით ვაგრძელებთ ეთერს. დამანგრეველმა მიწისძვრამ თურქეთის 10 პროვინცია და 14 მილიონი მოქალაქე დააზარალა. ბოლო მონაცემებით, თურქეთსა და სირიაში გარდაცვლილთა რაოდენობა 35,000-ს აღწევს, თუმცა გაერო პროგნოზირებს, რომ კვირის ბოლომდე აღნიშნული მაჩვენებელი 50,000-მდე გაიზრდება. თურქეთის სამეწარმეო და ბიზნეს კონფედერაციის წინასწარი შეფასებით, სტიქიური უბედურებისგან მიღებული ზარალის მოცულობა 84 მილიარდ დოლარს აღწევს, რაც ქვეყნის მთლიანი შიდა პროდუქტის თითქმის 10%-ია. $70 მილიარდის ზარალი შენობებსა და ინფრასტრუქტურაზე მოდის; $10 მილიარდი კი - ეროვნული საბიუჯეტო შემოსავლების შემცირებაზე. რაც შეეხება ალტერნატიულ პროგნოზებს, Bloomberg-ის ანალიტიკოსების ვარაუდით, ზარალის მოცულობა თურქეთის მთლიანი შიდა პროდუქტის 5.5%-ს მიაღწევს, ანუ ეკონომიკური ზიანი 40-50 მილიარდი დოლარის ფარგლებში იქნება. რა ხდება დღეს, რა სჭირდებათ მიწისძვრისგან დაზარალებულებს და როგორია სხვა ქვეყნებთან ერთად საქართველოს ჩართულობა, მეზობელი ქვეყნის დასახმარებლად? სტუმარი: ოსმან თურანი - “ქართველ და თურქ ბიზნესმენთა ასოციაციის” თავმჯდომარე #ახალიამბები #BusinessMediaGeorgia
რას გეგმავს Kettari Academy 2023-ში? სტუმარი: სერგი გვარჯალაძე - საინვესტიციო ფონდი “კეტარის” განვითარების დირექტორი; #ახალიამბები #BusinessMediaGeorgia
ბაკურიანში ფრისტაილის, სნოუბორდისა და ფრისკის მსოფლიო ჩემპიონატი ერთ კვირაში აირებს სტარტს. ჩემპიონატი თიბისის, სილქნეტის და საქართველოს სათხილამურო ფედერაციის პარტნიორობის ფარგლებში, საქართველოში პირველად ტარდება და 16 თებერვლიდან 5 მარტამდე გაგრძელდება. ჩემპიონატი ქვეყნისთვის ისტორიული მოვლენაა, რადგან საქართველომ პირველად მოიპოვა მსოფლიო მასშტაბის ზამთრის სპორტული ღონისძიების მასპინძლობის უფლება. ბაკურიანი სპორტულ აქტივობებთან დაკავშირებული კურორტია და წლის მთავარი მოვლენაც სწორედ მისი მასპინძლობით ჩატარდება. ჩემპიონატზე წარმოდგენილი იქნება თავისუფალი სტილით სრიალის ყველაზე ექსტრემალური სახეობები. ამ დროისთვის დარეგისტრირებულია 700-მდე ათლეტი 42 ქვეყნიდან. სტუმრები: მაკუნა თავბერიძე - თიბისის მარკეტინგის ხელმძღვანელი; კატო ჯავახიშვილი - სილქნეტის მარკეტინგის ხელმძღვანელი. #ახალიამბები #BusinessMediaGeorgia
მსოფლიოს 5 ყველაზე სწრაფად მზარდი ეკონომიკა #ახალიამბები #BusinessMediaGeorgia
Galt&Taggart;: გლობალური ბაზრების ყოველკვირეული მიმოხილვით ნიკა მაზანაშვილი სტუმარი: ნიკა მაზანაშვილი - Galt&Taggart;-ის საბროკერო დეპარტამენტის უფროსი ანალიტიკოსი; #ახალიამბები #BusinessMediaGeorgia
Europcar Georgia - საქართველოს ლიდერი ავტოგაქირავების კომპანია - 2022 წლის შეჯამება სტუმარი: სანდრო საყვარელიძე - Europcar Georgia-ს დირექტორი; #ახალიამბები #BusinessMediaGeorgia
ტექნოლოგიური პროფესიები ჩვენს ქვეყანაში ჯერჯერობით სათანადოდ არ არის ათვისებული და შესაბამისად, ტექნოლოგიური სპეციალისტების დეფიციტია. სწორედ ამ პრობლემის გადაჭრის მიზნით, Making Science Sweeft-მა USAID-ის პროგრამა „დამსაქმებელი პროფესიული განათლებისთვის“ მხარდაჭერით, აქსელერაციაში ახალი ნაკადის მიღება დაიწყო. აქსელერაციის პროგრამის მიზანი ინფორმაციული ტექნოლოგიების სფეროში საქართველოში არსებული კადრების კვალიფიკაციის, შრომის ბაზარზე პროგრამის მონაწილეების დასაქმების მაჩვენებლის და ქვეყნის ეკონომიკურ კეთილდღეობის გაზრდაა. სტუმრები: გიორგი მარიამიძე - „სვიფტის“ აღმასრულებელი დირექტორი; ცოტნე იაშვილი - "USAID საქართველოს" ტრეინინგის განვითარების გუნდის ხელმძღვანელი. #ახალიამბები #BusinessMediaGeorgia
კომპანია "ელიტ ელექტრონიქსი", რომელიც თავის მომხმარებელს მუდმივად ანებივრებს უახლესი პროდუქციით, ამჯერად Samsung Galaxy S23 წარადგინა. ქავთარაძის ფილიალში "ელიტ ელექტრონიქსისა" და სამსუნგის ერთგული მომხმარებლებისთვის გრანდიოზული საპრეზენტაციო ღონისძიება გაიმართა, რომელსაც მომხმარებლებთან ერთად არაერთი ტექ ბლოგერი ესწრებოდა. გაყიდვების დაწყებასთან დაკავშირებით მოქმედებს სპეციალური შეთავაზებებიც. #ახალიამბები #BusinessMediaGeorgia
თინეთ-ში შემავალი პლატფორმების სერვისები და პროდუქტები უკვე შეგიძლიათ Glovo-ს აპლიკაციაში აღმოაჩინოთ. თანამშრომლობის ფარგლებში, Glovo-ს აპლიკაციას უკვე დაემატა SWOOP-ის, VENDOO-ს და LIVO-ს განყოფილებები, სადაც მომხმარებლებს შეუძლიათ შეიძინონ ფასდაკლების ვაუჩერები თითქმის ყველა სახის პროდუქტსა და სერვისზე. იყიდონ ტექნიკა, საყოფაცხოვრებო ნივთები და ამასთან, ისეთი ინოვაციური შეთავაზებებით ისარგებლონ, როგორებიცაა: უძრავი ქონების გადაღება, შეფასება, რეესტრში რეგისტრაცია და აზომვა. ნიკა ჩილინდრიშვილი - TNET-ის პროდუქტების განვითარების ხელმძღვანელი; ლუკა ხვადაგიანი - Glovo-ს ბიზნესინოვაციების მენეჯერი. #ახალიამბები #BusinessMediaGeorgia
საქართველოს ევროპული მომავალი, საქართველო, როგორც სატრანზიტო დერეფანი, მსხვილი საინვესტიციო პროექტები იყო საქართველოს პრემიერმინისტრის, ირაკლი ღარიბაშვილის გაეთიანებულ საამიროებში გამართული მთავრობათა სამიტზე გამოსვლის მთავარი აქცენტები. სამიტის მონაწილეებს ირაკლი ღარიბაშილმა საქართველოს საინვესტიციო პოტენციალიც გააცნო და ქვეყანაშ ინვესტირებისკენ მოუწოდა. #ახალიამბები #BusinessMediaGeorgia