#საქმიანიდილა - 31 მარტი - პროლოგი #ახალიამბები #BusinessMediaGeorgia
მსოფლიო ბანკი სასურსათო უსაფრთხოების ახალ მიმოხილვას აქვეყნებს, რომლის თანახმადაც, ადგილობრივი ინფლაცია მთელ მსოფლიოში კვლავ მაღალ დონეზე ნარჩუნდება. სურსათის პოლიტიკის კვლევის საერთაშორისო ინსტიტუტის მიმოხილვით, რუსეთის მიერ უკრაინაში შეჭრამ შეაფერხა კულტურების და სასუქების ძირითადი ბაზრები და მიწოდების ჯაჭვები, რაც მნიშვნელოვან გავლენას ახდენს გლობალურ სასურსათო უსაფრთხოებაზე. მიუხედავად იმისა, რომ სურსათზე მაღალი საერთაშორისო ფასები ბოლო 11 თვის განმავლობაში ეტაპობრივად მცირდება, ადგილობრივად ფასები კვლავ მაღალია ბევრ დაბალ და საშუალო შემოსავლიან ქვეყანაში. როგორ იცვლება ძირითადი სასურსათო პროდუქტების ღირებულება და რა ასახვა აქვს მას საქართველოზე? #ახალიამბები #BusinessMediaGeorgia
მშრალი ხიდი თბილისისთვის ტურისტულად აქტიურ ზონად დიდი ხნის წინ იქცა. როგორც ყველა სხვა ბიზნესზე პანდემია, ქვეყანაში არსებული მაღალი ინფლაცია მშრალ ხიდზეც და იქ გამოფენილი ნივთების მეპატრონეებზეც უარყოფითად აისახა. bmg-ს გადამღები ჯგუფი მშრალ ხიდს ესტუმრა და ყველა არსებული პრობლემა სწორედ ადგილობრივი მოვაჭრეებისგან მოისმინა. გამოკვეთილია ის, რომ მათი გაყიდვები ბოლო რამდენიმე წელია შემცირებულია. თუ მაგალითად, ადრე დღეში 100 ლარის შემოსავალი რჩებოდათ, დღეს შესაძლოა სახლში 50 ლარით, ან საერთოდ თანხის გარეშე წავიდნენ. როგორ ვითარდება “მშრალი ხიდის” ბიზნესი? #ახალიამბები #BusinessMediaGeorgia
პურის მრეწველთა კავშირის თავმჯდომარე მალხაზ დოლიძე ადასტურებს, რომ გასულ წელთან შედარებით ფქვილის ღირებულება შემცირებულია, თუმცა პური არ გაიაფებულა. ჟურნალისტების კითხვაზე - რატომ არ აისახა ფქვილის გაიაფება პურის ფასზე, მალხაზ დოლიძე განმარტავს, რომ მიზეზი გაზრდილი კომუნალურები, ჰასპის სტანდარტის ამოქმედება და ამ მხრივ გაზრდილი საწარმოო ხარჯებია. აქვე დოლიძე აღნიშნავს, რომ სურსათზე ფასების შემცირების სახელმწიფო პოლიტიკის ფარგლებში პურის გაიაფებაზე მსჯელობა მიდის და დარგის წარმომადგენელთა შორის შეხვედრები იმართება. გუშინვე მედიაცენტრ „მთავარში“ გამართულ პრესკონფერენციაზე მარცვლეულის მწარმოებელთა ასოციაციამ დარგში არსებულ პრობლემებზე გამართა შეხვედრა. როგორც ასოციაციის ხელმძღვანელი ნიკოლოზ ბენიაიძე ამბობს, სექტორი პრემიერ-მინისტრ ირაკლი ღარიბაშვილის გადაწყვეტილების მოლოდინშია, ათასობით ფერმერი კი საქმიანობას ვერ აგრძელებს. რა გამოწვევების წინაშე დგას სექტორი? სტუმარი: ნიკოლოზ ბენიაიძე - მარცვლეულის მწარმოებელთა ასოციაციის თავმჯდომარე; #ახალიამბები #BusinessMediaGeorgia
„დაწერე გაკვეთილების შემდეგ საკითხავზე“ – გამომცემლობა „ინტელექტი“ ახალ ლიტერატურულ კონკურსს აცხადებს! კონკურსში მონაწილეობა VII-XII კლასების მოსწავლეებს შეუძლიათ.კონკურსში მონაწილეობისთვის მსურველებმა 5 აპრილის ჩათვლით რეცენზია, ჩანახატი, ან ესსე „ინტელექტის“ სერია „გაკვეთილების შემდეგ საკითხავის“ ფარგლებში გამოცემულ წიგნებზე უნდა დაიწეროს, საკონკურსო ტექსტის მოცულობა 700 სიტყვას არ უნდა აღემატებოდეს. სტუმრები: ლილი ალფაიძე - გამომცემლობა „ინტელექტის" მარკეტინგის მენეჯერი; გვანცა ჯობავა - გამომცემლობა „ინტელექტის" საერთაშორისო ურთიერთობების ხელმძღვანელი; #ახალიამბები #BusinessMediaGeorgia
ეროვნული ბანკის განახლებული პროგნოზით, 2023 წლის მეორე ნახევარში ქვეყანაში ინფლაცია სავარაუდოდ 3%-ზე დაბალი იქნება, თუმცა, ოპტიმისტური სცენარის მიუხედავად, გუშინდელ მონეტარული პოლიტიკის სხდომაზე სებ-მა რეფინანსირების განაკვეთი უცვლელად 11%-ზე დატოვა. ეროვნული ბანკის შეფასებით, იმის მიუხედავად, რომ მთლიანად ინფლაციის დონე თებერვალში 8.1%-მდე შემცირდა, კვლავ მაღალი რჩება ადგილობრივი საქონლისა და მომსახურების ინფლაცია, რაც 13.8%-ს შეადგენს. „არსებული პროგნოზით, მათ შორის საბაზო ეფექტისა და გამკაცრებული მონეტარული პოლიტიკის გამო, წლიური ინფლაცია მნიშვნელოვან შემცირებას გააგრძელებს და სავარაუდოა, რომ წლის მეორე ნახევარში მიზნობრივ დონეზე დაბალი იქნება, რაც გრძელვადიანი მოლოდინების მიზნობრივ მაჩვენებელთან ახლოს შენარჩუნებას უზრუნველყოფს. საქართველოს ეროვნული ბანკი მიმდინარე ეკონომიკურ პროცესებსა და საფინანსო ბაზრებს უწყვეტ რეჟიმში აკვირდება და ფასების სტაბილურობის უზრუნველსაყოფად მის ხელთ არსებულ ყველა ინსტრუმენტს გამოიყენებს,"- ნათქვამია სებ-ის გადაწყვეტილებაში.მონეტარული პოლიტიკის კომიტეტის შემდეგი სხდომა 2023 წლის 10 მაისს ჩატარდება. სტუმარი: მიხეილ კუკავა - IDFI-ის ეკონომიკური და სოციალური პოლიტიკის მიმართულების ხელმძღვანელი ; #ახალიამბები #BusinessMediaGeorgia
2023 წლის I კვარტალში ბიზნეს კლიმატის მაჩვენებელი ყველა სექტორში დადებითია. I კვარტალში, IV კვარტალთან შედარებით, მაჩვენებელი გაუმჯობესდა მრეწველობისა და ვაჭრობის სექტორებში, ხოლო მშენებლობისა და მომსახურების სექტორებში გაუარესდა . 2023 წლის I კვარტალში, 2022 წლის IV კვარტალთან შედარებით, ბიზნესის მიმდინარე მდგომარეობის შეფასება გაუმჯობესდა მრეწველობისა და ვაჭრობის სექტორებში, ხოლო მომსახურებისა და მშენებლობის სექტორებში გაუარესდა. სტუმრები: ლევან ვეფხვაძე - საქართველოს ბიზნეს ასოციაციის აღმასრულებელი დირექტორი; გიორგი ხიშტოვანი - PMC კვლევითი ცენტრის დირექტორი; #ახალიამბები #BusinessMediaGeorgia
#საქმიანები: ხანდახან ჯიუტიც უნდა იყო - სოფი ეცადაშვილის ტიხრული მინანქარი სოფი ეცადაშვილი - მხატვარი; ავტორები: მანანა მანჯგალაძე, გურამ ხუნდაძე, ლადო ცხადაია; #ახალიამბები #BusinessMediaGeorgia
ენერგოსექტორის მხარდაჭერის CFD მექანიზმით გამოცხადებულ პირველ აუქციონზე განაცხადების მიღება დასრულდა. ეკონომიკის სამინისტროს ინფორმაციით, დაინტერესებული პირების მიერ ათეულობით საინიციატივო შეთავაზებების წარდგენა დახურული კონვერტის სახით მოხდა. ახლა სიმძლავრის აუქციონის კომისიას საუკეთესო წინადადებების გამოსავლენად 1 თვიანი ვადა აქვს. ბაზარი ელის, რომ CFD მექანიზმის ამოქმედებით ენერგო სექტორში უძრაობის ხანა დასრულდება. მთავრობას კი ამბიციური გეგმები აქვს - მომდევნო 10 წელში, საქართველოს ენერგოსისტემის დადგმული სიმძლავრე უნდა გაორმაგდეს და არსებული 4586 მგვტ-დან 9848 მგვტ-მდე უნდა გაიზარდოს. ამასთან, მომდევნო 10 წელიწადში ქარის სადგურებმა 850 მგვტ-ი, მზის სადგურებმა კი, 174 მგვტ უნდა შეიძინოს ენერგოსისტემას. სტუმარი: გიორგი აბრამიშვილი - "საქართველოს განახლებადი ენერგიის განვითარების ასოციაციის" სამეთვალყურეო საბჭოს თავმჯდომარე; #ახალიამბები #BusinessMediaGeorgia
მაღალი ყოველთვიური რეალური შემოსავალი ქვეყნის მოქალაქეების ეკონომიკური სიძლიერისა და სტაბილურობის ერთ-ერთი მნიშვნელოვანი განმსაზღვრელი ფაქტორია.მოსახლეობის კეთილდღეობა, ცხოვრების დონე და სიცოცხლის ხანგრძლივობაც კი გარკვეულწილად სწორედ შემოსავალზეა დამოკიდებული. გაეროს ევროპული ეკონომიკური კომისიის მიერ PPP მეთოდით რანჟირებული ყოველთვიური საშუალო მონაცემების მიხედვით, მსოფლიოს რომელ ქვეყნებშია ყველაზე მაღალი ხელფასი? #ახალიამბები #BusinessMediaGeorgia
„საქართველოს დამსაქმებელთა ასოციაციის“ მიერ ჩატარებული კვლევის მიხედვით, არსებულ სისტემაში გამოსასწორებელია სამუშაო პირობებთან დაკავშირებული საკანონმდებლო ჩანაწერებში პრობლემებია. როგორც კვლევის საფუძველზე ასოციაციაში განმარტავენ, პრობლემური საკითხების ჩამონათვალი რამდენი მიმართულებას მოიცავს,მათ შორის სამუშაოს აღრიცხვა სახელების და გვარების მიხედვით, შესვენების დროის გამოყენება, ანაზღაურების გაცემის სისტემატურობა და ა.შ . რას აჩვენებს მოკვლევა და რა ხედვა აქვთ დამსაქმებელთა ასოციაციაში? სტუმარი: ნიკოლოზ აბუთიძე - დამსაქმებელთა ასოციაციის იურიდიული დეპარტამენტის უფროსი #ახალიამბები #BusinessMediaGeorgia
მსოფლიოში ყველაზე მაღალი სასტუმრო დუბაიში, 2024 წლის პირველ ნახევარში გაიხსნება. The Ciel Tower-ი 365 მეტრ სიმაღლის იქნება და ის ამჟამინდელ რეკორდსმენს Gevora Hotel-ს 9 მეტრით გადაუსწრებს. 82-სართულიანი ცათამბჯენში 1000-ზე მეტი სტუმრის განთავსება იქნება შესაძლებელი. სასტუმროს დეველოპერული კომპანია The First Group აშენებს და ამ ეტაპზე სამშენებლო სამუშაოების 70% უკვე დასრულებულია. მანამ სანამ მსოფლიოში ყველაზე მაღალი სასტუმრო პირველ სტუმრებს მიიღებს. #ახალიამბები #BusinessMediaGeorgia
აშშ-ში, კონკრეტულად ტეხასში, სამი დე პრინტერით დაბეჭდილი პირველი სასტუმრო გაიხსნება. სასტუმრო Sunday Homes - El Cosmico-ს ტერიტორიაზე განთავსდება. El Cosmico კემპინგია, რომელიც ერთ-ერთ ყველაზე პოპულარულ ტურისტულ ლოკაციას წარმოადგენს. გარდა სამი დე პრინტერით შექმნილი სახლისა, El Cosmico-ს ტერიტორიაზე მასშტაბური 3D მშენებლობებიც დაიწყება. როგორი იქნება პირველი 3D პრინტერში დაბეჭდილი სასტუმრო და როდის მიიღებს ის პირველ ჯავშნებს? #ახალიამბები #BusinessMediaGeorgia
2022 წლიდან ისეთმა მსხვილმა ტექნოლოგიურმა სტარტაპებმა, მაგალითად, როგორიც მეტა, მაიქროსოფთი, ამაზონი, დისნეიპლასია, თანამშრომლების გათავისუფლება დაიწყეს. კომპანიები აცხადებდნენ, რომ ასე ხარჯებს ამცირებდნენ და საკადრო ცვლილებები მათთვის საჭირო გადაწყვეტილება იყო. ტექტალანტების სამსახურიდან გათავისუფლებას კომპანიები ახლაც აგრძელებენ. ინდუსტრიაში არსებულმა სიტუაციამ გააჩინა კითხვა - სად მიდიან სამსახურის გარეშე დარჩენილი ტექტალანტები? #ახალიამბები #BusinessMediaGeorgia
7 აგვისტოდან მსოფლიოში ყველაზე გრძელი ავტობუსის მარშრუტი ამოქმედდება, რომელიც მგზავრებს სტამბულიდან ლონდონამდე 56 დღეში ჩაიყვანს. ინდური კომპანია advanture overland-ის შექმნილი 12 000 კილომეტრიანი მარშრუტი ბალკანეთის, აღმოსავლეთ ევროპის, სკანდინავიისა და დასავლეთ ევროპის 22 ქვეყანას მოიცავს და მგზავრებს ამ ქვეყნების სხვადასხვა ქალაქის მონახულება და იქ ღამის გატარებაც შეეძლებათ. რაც შეეხება ავტობუსს, ის 30 მგზავრზეა გათვლილი, თითოეულ მათგანს კი, ამ მოგზაურობისთვის 24,300 დოლარის გადახდა მოუწევს. ამ თანხაში ყოველდღიურ საუზმესთან ერთად 30 ლანჩი და ვახშამი, ასევე სასტუმროში განთავსება და ბარგის ღირებულებაც შედის. უფრო მეტ დეტალს, თუ რას სთავაზობს 56 დღიანი ავტობუსის მარშრუტი მგზავრებს? #ახალიამბები #BusinessMediaGeorgia
საქართველოში მარწყვის იმპორტის მოცულობა წინასეზონური პერიოდისთვის რეკორდულია, რამაც იანვარ-თებერვალში 420 ტონა შეადგინა. ეს გასული წლის იმავე თვეების მონაცემთან შედარებით, სამჯერ მეტია. ამის შესახებ, ინფორმაციას აგროპორტალი EastFruit ავრცელებს. საქართველოში მარწყვის მთავარი იმპორტიორი თურქეთია. მიმდინარე წლის გაზაფხულზე კი, იმპორტირებული მარწყვის ფასი დაბალია. რა არის ამის მიზეზები? #ახალიამბები #BusinessMediaGeorgia
#საქმიანიდილა - 30 მარტი - პროლოგი #ახალიამბები #BusinessMediaGeorgia
რესპუბლიკურ საავადმყოფოში მედპერსონალის პროტესტი გრძელდება. კლინიკის თანამშრომლები ამბობენ, რომ მათთან ამ დრომდე მენეჯმენტს არანაირი კომუნიკაცია არ ჰქონია. ექიმების ნაწილი ამბობს, რომ მენეჯმენტისგან მათ კითხვებზე პასუხები არ არის და სამინისტროს წარმომადგენლებთან შეხვედრას ითხოვენ. სტუმარი: გიორგი დუნდუა - "რესპუბლიკური საავადმყოფოს" ინტენსიური თერაპიის განყოფილების ხელმძღვანელი; #ახალიამბები #BusinessMediaGeorgia
სემეკის ინფორმაციით, ნეტო აღრიცხვის სისტემაში ჩართული მიკროსიმძლავრის ელექტროსადგურების რაოდენობა გაიზარდა. ამ ეტაპზე სისტემაში ჩართულია 760 მიკროსიმძლავრის ელექტროსადგური, ჯამური დადგმული სიმძლავრეა 39 მეგავატი. “თელასის“ გამანაწილებელ ქსელში ჩართულია 223 მიკროსიმძლავრის ელექტროსადგური, ხოლო „ენერგო პრო ჯორჯიას“ გამანაწილებელ ქსელში ჩართულია 537 მიკროსიმძლავრის ელექტროსადგური. „ენერგო პრო ჯორჯიას“ გამანაწილებელ ქსელში ჩართულია 537 მიკროსიმძლავრის ელექტროსადგური. ნეტო აღრიცხვა მიკროსიმძლავრის ელექტროსადგურის მიერ გამომუშავებული ელექტროენერგიის ქსელში გადადინებისა და ქსელიდან მიღებული ელექტროენერგიის ორმხრივად (რევერსულად) აღრიცხვის პროცესია. სტუმარი: ნუგზარ ბერიძე - სემეკ-ის ელექტროენერგეტიკის დეპარტამენტის დირექტორი/ენერგეტიკის სასწავლო ცენტრის დირექტორი #ახალიამბები #BusinessMediaGeorgia
„გროსვატმა“ თიბისის მხარდაჭერით მზის პანელებზე მომუშავე ელექტროსადგურები გამართა და კომპანიებისთვის და კერძო პირებისთვის სადგურის იჯარით გაცემა დაიწყო. როგორც კომპანიის დირექტორი ამბობს მსოფლიოში მწვანე ენერგიაზე მოთხოვნების გათვალისწინებით გამოცდილების დაგროვების პარალელურად, საკუთარი მზირს ელექტროსადგურის აშენება გადაწყვიტეს, რისთვისაც 2021 წელს სოფელ უჯარმაში კომპანიამ შეიძინა მიწა და 300 კვტ-იანი, ანუ პირველთან შედარებით 12-ჯერ დიდი სადგური ააშენეს. სტუმარი: ირაკლი ნიორაძე - "გროსვატის" მმართველი პარტნიორი; #ახალიამბები #BusinessMediaGeorgia
ბათუმის მულტიმოდალური ტერმინალის გადაზიდვებმა 1 მლნ ტონას მიაღწია. როგორ შეძლო ამ შედეგის მიღწევა ოპერირების დაწყებიდან მოკლე პერიოდში და რას აპირებს კომპანია მომავალში? სტუმრები: მამუკა მურჯიკნელი - Wondernet Express Investment Group-ის გენერალური დირექტორი; ედვარდ ვაინერი - Trammo-ს პრეზიდენტი და აღმასრულებელი დირექტორი. ✔თარგმანს უზრუნველყოფს NG GEORGIA; #ახალიამბები #BusinessMediaGeorgia
განახლებადი წყაროებიდან მიღებული ენერგიის სიმძლავრის 300 მაგავატის აუქციონები დასრულდა. ეკონომიკის სამინისტროს ინფორმაციით, დაინტერესებული პირების მიერ საინიციატივო შეთავაზებების წარდგენა მოხდა დახურული კონვერტის სახით. "წინადადებების განხილვისა და სიმძლავრის აუქციონის კომისიის მიერ პროექტების გამარჯვებულად გამოცხადების შემდგომ, საქართველოს ეკონომიკისა და მდგრადი განვითარების სამინისტრო შერჩეულ განაცხადებს, საბოლოო გადაწყვეტილების მისაღებად საქართველოს მთავრობას წარუდგენს. სიმძლავრის აუქციონის პირველი ეტაპით დარგს მიეცემა საშუალება დამატებით ექსპლუატაციაში მიიღოს 300 მგვტ. დადგმული სიმძლავრის ელექტროსადგურები,"- განმარტავს სამინისტრო. განაცხადების მიღება 2023 წლის 10 თებერვალს დაიწყო და 2023 წლის 27 მარტის ჩათვლით მიმდინარეობდა. სტუმარი: მარიამ ჩახვაშვილი - Galt&Taggart;-ის უფროსი ანალიტიკოსი #ახალიამბები #BusinessMediaGeorgia
რა შეუძლიათ გუნდებს და რა შეუძლიათ გუნდებს ლეო ინსტიტუტთან ერთად? "ლეო ინსტიტუტის“ გუნდის ინტერესის სფერო და ექსპერტიზა ადამიანია - რა შეუძლია მას, როგორც ინდივიდს, რა შეუძლია მას სხვა ინდივიდებთან ერთად გუნდში და რა უშლის მას ხელს, რომ ეს შესაძლებლობები რეალობად აქციოს. სტუმრები: გიორგი ბურჭულაძე - "ლეო ინსტიტუტის" აღმასრულებელი დირექტორი; თინა კუხიანიძე - "ლეო ინსტიტუტის" ბიზნესმიმართულების ხელმძღვანელი #ახალიამბები #BusinessMediaGeorgia
დეველოპერული კომპანია „თეთრი კვადრატი“ საბურთალოზე კიდევ 2 ახალ პროექტს იწყებს, რაც იმას ნიშნავს რომ კომპანიის პორტფელში, მხოლოდ საბურთალოზე უკვე 5 პროექტი იქნება. კომპანიის ერთი ახალი პროექტი „თეთრი კვადრატი ქავთარაძეზე“ მდებარეობს, საბურთალოზე, ქავთარაძის ქუჩაზე, ხოლო მეორე „თეთრი კვადრატი მინდელზე“ ძოწის ქუჩაზე. სტუმრები: ირაკლი ბურდილაძე - "თეთრი კვადრატის" მმართველი პარტნიორი; შორენა დარჩიაშვილი - "თეთრი კვადრატის" გენერალური დირექტორი. #ახალიამბები #BusinessMediaGeorgia
საფინანსო ბაზრის მიმოხილვა და გამოწვევები სტუმარი: ალექსანდრე ძნელაძე - საქართველოს საბანკო ასოციაციის პრეზიდენტი; #ახალიამბები #BusinessMediaGeorgia
ნებისმიერ რესტორანში, რომლის მენეჯმენტიც დაწესებულების იმიჯზე ზრუნავს, ცდილობენ სტუმრებს გემრიელი კერძები და სასიამოვნო გარემო შესთავაზონ. კარგი რესტორნის სტუმრობა კი, რომელიც უნიკალური კერძებით, დიზაინითა თუ ადგილმდებარეობითაა გამორჩეული, ხშირ შემთხვევაში, საკმაოდ ძვირი სიამოვნებაა. რომელია მსოფლიოში 10 ყველაზე ძვირადღირებული რესტორანი და თითოეულ მათგანში რა დაუჯდება ერთ ადამიანს ვახშამი? #ახალიამბები #BusinessMediaGeorgia
როგორ ემზადებიან საკონდიტრო საწარმოები წინასააღდგომოდ და როგორია მათი მოლოდინები. გასულ წელთან შედარებით პასკებზე ფასი დაახლოებით 10% მოიმატებს, რაც შეეხება კვერცხს, მეფრინველეობის დარგი ფასის მატებას არ ვარაუდობს. რა ეღირება პასკა აღდგომას და რას სთავაზობენ საკონდიტროები მომხმარებლებს? #ახალიამბები #BusinessMediaGeorgia
საქართველოში ზღვის პროდუქტებზე მოთხოვნა იზრდება. ქვეყანაში, განსაკუთრებულად თევზეულის მხრივ, წლიდან წლამდე იმატებს იმპორტზე დამოკიდებულებაც. იმის მიუხედავად, რომ საქართველოში, ამ სექტორში ახალი მოთამაშეები ჩნდებიან ადგილობრივი წარმოებით მოთხოვნის დაკმაყოფილება ვერ ხერხდება. აკვაკულტურის სექტორისთვის მთავარ გამოწვევას სერვისებზე შეზღუდული ხელმისაწვდომობა წარმოადგენს, უფრო კონკრეტულად სანაშენე მეურნეობებს არ აქვთ მაგალითად ლაბორატორიებზე წვდომა, არადა ლაბორატორიული პროცესების გავლა მაღალი ხარისხის ზღვის პროდუქტის წარმოების მთავარი წინაპირობაა. კიდევ რა გამოწვევებია საქართველოს აკვაკულტურაში? სოფო დიასამიძე - აკვაკულტურის ასოციაცია „ფორეჯის“ ხელმძღვანელი; #ახალიამბები #BusinessMediaGeorgia
ქვეყანაში პანდემიის შემდგომ ტურიზმის გამოცოცხლების დინამიკა შეინიშნება, თუმცა ტურიზმის სექტორის წარმომადგენლებს არსებულზე უკეთესის მოლოდინი აქვთ. ისინი ამბობენ იმასაც, რომ რუსეთ-უკრაინის ომის შედეგად, ქვეყანაში მეზობელი ქვეყნებიდან რუსეთიდან და ბელარუსიდან შემოსული სტუმრები არ შეიძლება ტურისტებად ჩავთვალოთ. მალე აქტიური ტურისტული სეზონი დაიწყება და კომპანიების წარმომადგენლები bm.ge-სთან ტურისტების ნაკადების ზრდაზე საუბრობენ. #ახალიამბები #BusinessMediaGeorgia
#საქმიანიდილა - 29 მარტი - პროლოგი #ახალიამბები #BusinessMediaGeorgia
საქართველოს ინოვაციების და ტექნოლოგიების სააგენტომ ეროვნული ინოვაციების ეკოსისტემის შედეგების პრეზენტაციას უმასპინძლა. ღონისძიებაზე ქართული სტარტაპ ეკოსისტემის მხარდაჭერის 5 წელი და ის პროექტები შეჯამდა, რომელიც მსოფლიო ბანკის მხარდაჭერით განხორციელდა. 2018 წლიდან დღემდე ჯამურად დაფინანსდა 186 პროექტი და შეიქმნა 3000 მეტი სამუშაო ადგილი. როგორი შედეგები აქვს ჯიტას და რა ფინანსური მაჩვენებლებით დახურეს მათ 5 წელი. სტუმარი: ლევან დარსალია - ინოვაციების და ტექნოლოგიების სააგენტოს თავმჯდომარის მოადგილე. #ახალიამბები #BusinessMediaGeorgia
საქართველოს ბიზნეს ასოციაციის ინდექსის 2023 წლის პირველი კვარტლის კვლევის შედეგების მიხედვით, ბიზნეს კლიმატის მაჩვენებელი წინა კვარტალთან შედარებით გაუმჯობესდა და 46.8 ქულა შეადგინა, რაც კომპანიების მიერ ბიზნესის მიმდინარე მდგომარეობის დადებითად შეფასებით და ოპტიმისტური მოლოდინებით არის განპირობებული. კვლევის ფარგლებში, გამოკითხული კომპანიები ერთიანდება ოთხ სექტორში: ვაჭრობა, მომსახურება, მრეწველობა და მშენებლობა. ბიზნესის მიმდინარე მდგომარეობა ყველაზე დადებითად ვაჭრობის სექტორმა შეაფასა. აღნიშნულს შესაძლოა, განაპირობებდეს პირველ კვარტალში გაზრდილი გაყიდვები, რაც სექტორში გამოკითხულ კომპანიათა 39%-მა დააფიქსირა. რაც შეეხება ბიზნესის მომდევნო ექვსი თვის მოლოდინს, 2023 წლის პირველ კვარტალში აღნიშნულმა მაჩვენებელმა 55.3 ქულა შეადგინა. სექტორებს შორის, ყველაზე ოპტიმისტური მოლოდინი მშენებლობისა და მრეწველობის სექტორებში დაფიქსირდა. განსაკუთრებით საგულისხმოა მრეწველობის სექტორი, სადაც წინა კვარტლის მონაცემთან შედარებით მაჩვენებელი მნიშვნელოვნად, 27.5 ქულით არის გაუმჯობესებული. სტუმარი: თეიკო ლომინაძე - “კვადრუმ ჯორჯიას” მარკეტინგის ხელმძღვანელი. #ახალიამბები #BusinessMediaGeorgia
Globalize-ის მორიგ ღონისძიებაზე და კიდევ ერთ მასშტაბურ გეგმაზე უნდა მოგიყვეთ. Globalize არის საკონსულტაციო კომპანია, რომელსაც ქართულ სტარტაპ და ბიზნეს იდეები, საექსპორტო პროდუქტები და სერვისები საერთაშორისო ბაზრებზე გააქვს. კომპანია სტარტაპების წინაშე არსებული წინაღობების დაძლევისა და ქართული ბიზნესის გლობალურ ბაზრებზე გასვლის ხელშეწყობისთვის შეიქმნა. სწორედ ამ მიზნით ჯამში 3 კონფერენცია უკვე შედგა ქვეყნის ფარგლებს გარეთ, მათ შორის, სილიკონის ველზე, პარიზში და ლონდონში. მაისის თვე ჯერ კიდევ წინ არის გაზაფხულის ბოლო თვესაც Globalize-ის გუნდი სტარტაპერებთან და ექსპორტიორებთან ერთად შტატებში, კონკრეტულად კი ნიუ იორკში გაატარებს. რა მიმართულებებს ითვისებენ Globalize-ში, როგორია მათი გეგმები და სიახლეები? სტუმარი: სალომე კუკავა - Globalize-ის დამფუძნებელი. #ახალიამბები #BusinessMediaGeorgia
FDI ქვეყნის ეკონომიკის განვითარებისთვის ერთ-ერთი ყველაზე მნიშვნელოვანი ფაქტორია. შესაბამისად, ინვესტიციების შესახებ სტატისტიკა ყოველთვის განხილვის საგანია როგორც პოლიტიკურ, ისე აკადემიურ წრეებში. საკითხის მნიშვნელობიდან გამომდინარე, აუცილებელია აკადემიური მსჯელობის განვრცობა და უფრო ცხადად ახსნა მოქალაქეებისთვის თუ როგორ უნდა წავიკითხოთ ინვესტიციების შესახებ სტატისტიკა. სტუმარი: ირინა გურგენაშვილი - Gnomon Wise-ის აღმასრულებელი დირექტორი, საერთაშორისო ურთიერთობების სპეციალისტი; ზვიად ხორგუაშვილი - Gnomon Wise-ის აფილირებული მკვლევარი; #ახალიამბები #BusinessMediaGeorgia
WHO-ს 2022 წლის კვლევების მიხედვით, დასაქმებულთა 60% გამუდმებით გადაღლას გრძნობს, რის გამოც მათი პროდუქტიულობა სამსახურში და ზოგადი კეთილდღეობა ცხოვრებაში იკლებს. გონებრივი “გადაწვა” ხშირად არის სტრესისა და შფოთვის მიზეზი, რასაც შედეგად არაპროდუქტიულობა და უკიდურეს შემთხვევაში დეპრესია მოჰყვება. ზოგადი მენტალური ფონის გაუარესებას ხელი პანდემიამაც შეუწყო. ამ რეალობაში "თიბისი დაზღვევამ" თანამშრომლებისათვის მენტალური შვებულებით სარგებლობის შესაძლებლობა გააჩინა, რაც იმას ნიშნავს, რომ სტანდარტული 24 დღიანი დასვენებისა დამატებით 5 დღიანი შვებულებით ისარგებლებენ. იქამდე იყო შეთავაზება მომხმარებლებისათვის, როცა ჯანმრთელობის დაზღვევას ახალი დაფარვა დაამატეს — მენტალური ჯანმრთელობა სრულფასოვანი ცხოვრებისათვის. ეს სიახლე მომხმარებელს საშუალებას აძლევს, ისარგებლოს 50%-იანი თანაგადახდით ფსიქოთერაპევტთან და ფსიქიატრთან კონსულტაციაზე. რას მოიცავს თანამშრომლებისათვის მენტალური შვებულებით სარგებლობის შესაძლებლობას და რატომ გადაწყვიტეს კომპანიაში გამოსავლის ამ ფორმით მოძებნა? სტუმარი: თეა მახარაძე - "თიბისი დაზღვევის" ადამიანების მენეჯმენტის განყოფილების უფროსი; #ახალიამბები #BusinessMediaGeorgia
საერთაშორისო ენერგეტიკულ ბირჟაზე გასული კვირა ნავთობმომპოვებელი კომპანიებისათვის მომგებიანობით არ გამოირჩეოდა. გუშინდელი დღის მონაცემებით შედეგებიც აჩვენებს, სავაჭრო სესიაზე ბარელი Urals-ის ფასი დამატებით 5.2%-ით შემცირდა. ერთწლიან პერიოდში რუსული ნავთობი ბირჟაზე თითქმის 50%-ითაა გაიაფებული, რაც პირდაპირ კავშირშია დასავლეთის მიერ სანქციების დაწესებასთან. ამავე დროს ბრენტის ტიპის და WTI Crude-ის ფასი ასევე ერთწლიან შუალედში 30%-იან გაიაფებას აჩვენებს. თურქეთის სტატისტიკის სამსახურის ინფორმაციით, უმუშევრობის დონის კლების ტენდენცია ფიქსირდება. სტატისტიკის ეროვნული სამსახურის ინფორმაციით, გასულ 2022 წელს ქვეყანაში უმუშევრობის დონემ 10.4% შეადგინა, ნაცვლად წინა წელს დაფიქსირებული 12%-ისა. დანარჩენ ამბებს რაც შეეხება, ინფლაციის მკვეთრი ზრდის ფონზე, ინგლისის ცენტრალურმა ბანკმა მონეტარული პოლიტიკის გამკაცრების და რეფინანსირების განაკვეთის 25 საბაზო პუნქტით გაზრდის გადაწყვეტილება მიიღო. გამკაცრების შედეგად, გაერთიანებულ სამეფოში რეფინანსირების განაკვეთმა 4.25%-იან ნიშნულს მიაღწია, რაც გასული 25 წლის უმაღლესი მაჩვენებელია. მონეტარული პოლიტიკა გაამკაცრა შვეიცარიის ცენტრალურმა ბანკმა. აშშ-ის ცენტრალურმა ბანკმა რეფინანსირების განაკვეთი კვლავ გაზარდა. 0.25 პროცენტული პუნქტით ზრდის შედეგად, საპროცენტო განაკვეთები 4.75%-5%-ის დიაპაზონში განისაზღვრა, რაც 2007 წლის შემდეგ ყველაზე მაღალი მაჩვენებელია. სტუმარი: ნიკა მაზანაშვილი - Galt&Taggart;-ის საბროკერო დეპარტამენტის უფროსი ანალიტიკოსი; #ახალიამბები #BusinessMediaGeorgia
საქართველოს ეკონომიკის მიმოხილვა Galt&Taggart;-ისგან - ლაშა ქავთარაძე სტუმარი: ლაშა ქავთარაძე - Galt&Taggart;-ის ეკონომისტი #ახალიამბები #BusinessMediaGeorgia
Forbes Georgia & BMG და Tegeta Holding-ი წარმოგიდგენთ: #ForbesAuto-ს გერმანიამ და ევროკავშირმა შიგაწვის ძრავებზე შეთანხმებას მიაღწიეს; რა არის ელექტრონული საწვავი? Hyundai Mufasa - ბრენდის ახალი უგზოობის მოდელი; ჩინური ავტომწარმოებლები რუსეთის ბაზრის დაპყრობას განაგრძობენ; ავტომობილი 5 მეტრიან ორმოში - პერმი, რუსეთი; #ახალიამბები #BusinessMediaGeorgia
იაშვილის სახელობის ბავშვთა ცენტრალური საავადმყოფოს სრულმასშტაბიანი, ეტაპობრივი რეაბილიტაციის პროექტი დასრულდა. დღეისათვის, საერთაშორისო სტანდარტების შესაბამისად, საავადმყოფოს ინფრასტრუქტურა და ყველა სამედიცინო მიმართულება სრულად განახლდა. იაშვილის ცენტრალური საავადმყოფო ახლა სრულ მზადყოფნაშია, რომ პაციენტებს მაღალი სტანდარტის შესაბამისი სამედიცინო მომსახურება შესთავაზოს. გარდა ამისა, განახლებული იაშვილის საავადმყოფო განაგრძობს მუშაობას მუდმივი განვითარებისთვის, რათა საერთაშორისო აკრედიტაციის მქონე, რეგიონის მთავარი პედიატრიული ცენტრი გახდეს. საავადმყოფომ ამ მიმართულებით თანამშრომლობა ამერიკის აკრედიტაციის საერთაშორისო კომისიასთან უკვე დაიწყო. სტუმრები: თამარ ვახტანგაძე - იაშვილის ცენტრალური საავადმყოფოს დირექტორი; ივანე ჩხაიძე - იაშვილის ცენტრალური საავადმყოფოს სამედიცინო დირექტორი. #ახალიამბები #BusinessMediaGeorgia
საქართველოს წყლის რესურსების დაცვის და მისი მართვის გაუმჯობესებისთვის ახალი კანონმდებლობა ექნება, რაც ევროკავშირთან ასოცირების შეთანხმებით არის განპირობებული. რეფორმა საკმაოდ ბევრ საკითხს მოიცავს და ის ბიზნესებსა და სახელმწიფოს ახალ მოთხოვნებსა ვალდებულებებს უწესებს, რაც მათ შორის წყალმომარაგებისა და წყალარინების სისტემების გამართვაში უნდა აისახოს. ასევე ჩამდინარე წყლების გაუმჯობესებაში უნდა აისახოს. რეფორმას მხარს უჭერს USAID-ი, რომელმაც ჯორჯიან უოთერ ენდ ფაუერთან ამ საკითხზე მემორანდუმი გააფორმა. #ახალიამბები #BusinessMediaGeorgia
უნივერსიტეტების რეიტინგში, რომელიც უნივერსიტეტთა რანჟირების საერთაშორისო ქსელმა შეადგინა 35 038 საგანმანათლებლო დაწესებულება მონაწილეობდა. უნივერსიტეტებს შორის იყო 64 ქართული სასწავლებელიც. რანჟირების საერთაშორისო ქსელის მიერ შედგენილ სიაში ქართული უნივერსიტეტები რეგიონის მასშტაბით საუკეთესო შედეგებს აჩვენებენ, თუმცა მსოფლიო საუკეთესო უნივერსიტეტებს შორის ქართული საგანმანათლებლო დაწესებულებები ლიდერ პოზიციაზე არ არიან. #ახალიამბები #BusinessMediaGeorgia
კერძო საინვესტიციო ფონდმა Gazelle Finance-მა მეორე ყოველწლიური კონფერენცია, gazelle women in leadership გამართა. ღონისძიების ფარგლებში, სამი პანელური დისკუსია გაიმართა, სახელმწიფოსა და კერძო სექტორის წარმომადგენელმა წარმატებულმა ქალებმა მიწვეულ სტუმრებს თავიანთი გამოცდილება გაუზიარეს და დეტალურად განიხილეს, თუ რა როლი აქვთ ქალ ლიდერებს ბიზნესსა და ეკონომიკაში, და რა შესაძლებლობებისა თუ გამოწვევების წინაშე დგანან ისინი.წელს პირველად, კონფერენციის დასრულების შემდეგ დაჯილდოების ცერემონიაც გაიმართა. gazella finance-მა წარმატებული ლიდერი ქალის ჯილდო, ქართველ მოჭადრაკე - ნონა გაფრინდაშვილს გადასცა. #ახალიამბები #BusinessMediaGeorgia
#საქმიანიდილა - 28 მარტი - პროლოგი #ახალიამბები #BusinessMediaGeorgia
2023 წლის იანვარ-თებერვლის მონაცემებით ბიუჯეტში, სათამაშო ბიზნესის მოსაკრებლიდან 12%-იანი კლება ფიქსირდება. როგორც სახელმწიფო ხაზინის მონაცემებიდან ირკვევა, ნაერთი ბიუჯეტის შემოსულობებში მიმდინარე წლის ორ თვეში სათამაშო ბიზნესის მოსაკრებლიდან 1,874,465.50 ლარი შევიდა გასული წლის ანალოგიურ პერიოდში კი 2,124,796.21 ლარი. რაც შეეხება სათამაშო აპარატებიდან ბიუჯეტში შესულ თანხებს, აქ 160%-იანი ზრდაა. 2023 წლის იანვარ-თებერვალში ბიუჯეტში სათამაშო აპარატებიდან 808,734.00 ლარი შევიდა ხოლო 2022 წლის ორ თვეში 310,800.10 ლარი. სამაგიეროდ 81%-იანი კლება ფიქსირდება წამახალისებელი გათამაშებიდან ბიუჯეტში შესულ თანხებში. სახელმწიფო ხაზინის მონაცემებით, 2023 წლის ორ თვეში წამახალისებელი გათამაშებიდან ბიუჯეტში 335,137.50 ლარი შევიდა, ხოლო 2022 წლის ანალოგიურ პერიოდში კი 1,779,946.11 ლარი. შეგახსენებთ, რომ 2022 წლის 1-ელი მარტიდან, საქართველოს პრემიერ-მინისტრის ინიციატივის შესაბამისად, ძალაში შევიდა სათამაშო ბიზნესის ახალი რეგულაციები. კერძოდ, 25 წლამდე ასაკის ახალგაზრდებისათვის და დამოკიდებულ პირთა სიასა და აკრძალულ პირთა სიაში შეყვანილი პირებისთვის (მათ შორის, სოციალურად დაუცველი პირებისთვის, საჯარო მოხელეებისთვის) აიკრძალა ონლაინ აზარტული თამაშები. გასული წლის 1-ელი მარტიდან დღემდე, ფინანსთა სამინისტროს შემოსავლების სამსახურის მონაცემთა ბაზაში, აკრძალულ პირთა სიაში შეტანილია 1 457 526 პირი. დამოკიდებულ პირთა სიაში რეგისტრირებულია 4 901 ფიზიკური პირი - მოსამართლის ბრძანების საფუძველზე 34 ადამიანი, ხოლო თავად პირის მომართვის საფუძველზე 4 867 განაცხადი დარეგისტრირდა. რა ხდება ბაზარზე რეგულაციებიდან 13 თვის თავზე? სტუმარი: გიორგი მამულაიშვილი - სათამაშო ბიზნესის ასოციაციის ადმინისტრაციის ხელმძღვანელი; #ახალიამბები #BusinessMediaGeorgia
ირაკლი ღარიბაშვილის თქმით, მას შემდეგ რაც სურსათის ფასების რეგულირებასთან დაკავშირებით კანონპროექტი დაანონსდა, ძირითად პროდუქტებზე ფასები 20-30%-ით შემცირდა და მოლოდინია, რომ უახლოეს პერიოდში კლება გაგრძელდება. ჩვენს მაყურებელს შევახსენებ, რომ თებერვალში ეკონომიკური გუნდის წევრებმა პრემიერ-მინისტრისგან დავალება მიიღეს, რომ ფასების “რეგულირებისთვის” ახალ კანონპროექტზე ემუშავათ. ცნობილი გახდა, რომ აღნიშნული საკითხი ევროკავშირის მიერ 2019 წელს მიღებულ დირექტივაზე დაფუძნებული კანონით უნდა მოგვარდეს. თავად ეს დირექტივა კი “ფასნამატს” ან “მარჟებს” არ უკავშირდება და ის სასურსათო ნედლეულის პირველად მწარმოებლებს, დისტრიბუტორებსა და სავაჭრო ქსელებს შორის ურთიერთობებს აწესრიგებს. რა კავშირშია ბაზარზე არსებული სურათი პრემიერის განცხადებასთან? სტუმარი: ივა ჭყონია - საქართველოს დისტრიბუტორთა ბიზნეს ასოციაციის ხელმძღვანელი; სოფიო ქაშაკაშვილი - რითეილ ასოციაციის გამგეობის თავმჯდომარე; #ახალიამბები #BusinessMediaGeorgia
საქართველოს პრემიერ-მინისტრი ფარმაცევტულ კომპანია PSP-ს ონკოლოგიური წამლების 200-300%-იანი ფასნამატით რეალიზებაში ადანაშაულებს. პარლამენტში ინტერპელაციის წესით გამოსვლისას ირაკლი ღარიბაშვილმა PSP-ს დამფუძნებელს კახა ოქრიაშვილს „დესტრუქციული ძალის წარმომადგენელი“ უწოდა და განაცხადა, რომ ფასნამატების შემთხვევებზე სახელმწიფოს ძალიან მკაცრი რეაგირება ექნება. პრემიერამდე, 20 მარტს ფარმაცევტული კომპანიები შესაძლო დაჯარიმებასთან დაკავშირებით ჯანდაცვის მინისტრმა ზურაბ აზარაშვილმაც გააფრთხილა და განუმარტა, რომ ეტაპობრივად მოხდება გაკონტროლება, პირველ ეტაპზე შესაძლოა იყოს გაფრთხილება, შემდეგ კი შემთხვევებზე უკვე ჯარიმა, რომელიც 5 000-დან 35 ათას ლარამდე მერყეობს. პრემიერის განცხადების შემდეგ კი ჯანდაცვის მინისტრმა ზურაბ აზარაშვილმა უკვე ისაუბრა საკანონმდებლო ცვლილებების პაკეტის მომზადებაზე რომელიც უწყების, როგორც მაკონტროლებელი ორგანოს როლს გაზრდის. აზარაშვილი ამბობს, რომ შედეგად სახელმწიფო კიდევ უფრო აქტიურად იქნება ჩართული ფარმაცევტული ბაზრის რეგულირებისა და კონტროლის ნაწილში. პარალელურად მინისტრი მილიონობით ლარს ედავება კოვიდის მართვაში ჩართულ კლინიკებს, რომელთა საქმეს ფინანსური პოლიცია იძიებს. ჯანდაცვის პოლიტიკაზე საუბარს ყოფილ მინისტრთან ზურაბ ჭიაბერაშვილთან ერთად ვაგრძელებთ, რომელიც ჩაგვერთვება პირდაპირ ეთერში. სტუმარი: ზურაბ ჭიაბერაშვილი - ჯანდაცვის ყოფილი მინისტრი #ახალიამბები #BusinessMediaGeorgia
სააგენტოს "აწარმოე საქართველოში" ექსპორტის მიმართულების ორგანიზებითა და USAID-ის სოფლის მეურნეობის პროგრამის მხარდაჭერით, ქართულმა კომპანიებმა ლონდონში, საკვებისა და სასმლის მასშტაბურ საერთაშორისო გამოფენაზე International Food & Drink Expo (IFE 2023) მიიღეს მონაწილეობა. ასეთი სულ ქართული 12 კომპანია იყო და ჯამში ღონისძიებას ყოველწლიურად 25 000-მდე ადამიანი სტუმრობს; International Food & Drink Expo 2023-ის ერთ ერთი მონაწილეა "მაისი". სტუმარი: მარიამ ქოიავა - "მაისის" თანადამფუძნებელი; #ახალიამბები #BusinessMediaGeorgia
24- 28 აპრილს თბილისში სტენფორდის ლიდერთა აკადემიის მეექვსე სკოლა გაიმართება, რომელიც სტენფორდელებს თავს 80 ქვეყნიდან მოუყრის და ამ სტუმრიანობის ნაწილი ვისაც სურს რომ გახდეს, ანუ წლევანდელი სკოლის მსმენელი იყოს მათ შესარჩევად განცხადებების მიღება მიმდინარეობს. მასპინძლობა და ორგანიზება ტრადიციულად EPRC-ის გუნდის იქნება. სტუმარი: ნინო ევგენიძე - EPRC-ის აღმასრულებელი დირექტორი; #ახალიამბები #BusinessMediaGeorgia
ევროკომისია ევროკავშირის ბიუჯეტიდან 56 მილიონ ევროს გამოყოფს სამი ქვეყნის ფერმერებისთვის, რომლებიც უკრაინიდან პროდუქტის გაზრდილი იმპორტის გამო, შემცირებული ადგილობრივი ფასებით დაზარალდნენ. რუსეთსა და უკრაინას შორის მარცვლეულის შეთანხმება გასულ კვირას მინიმუმ 60 დღით გახანგრძლივდა.გაერო-ს მონაცემებით, უკრაინიდან ამ შეთანხმების ფარგლებში ექსპორტირებულია თითქმის 25 მილიონი ტონა ძირითადად სიმინდი და ხორბალი. #ახალიამბები #BusinessMediaGeorgia
საქართველო-ესპანეთის სავაჭრო ბრუნვა ბოლო ათი წლის მაქსიმუმზეა. საქსტატის მიერ გამოქვეყნებული იანვარ-თებერვლის მონაცემებით, ქვეყნებს შორის ვაჭრობა გასული წლის ამავე პერიოდთან შედარებით გაორმაგებულია და 47.3 მლნ დოლარს შეადგენს. იმ ფონზე, რომ იანვარ-თებერვალში ევროკავშირის წილი საქართველოს ექსპორტში თითქმის განახევრებულია და 115.8 მილიონ დოლარს შეადგენს. საექსპორტო ქვეყნების ათეულში ამ პერიოდში ევროკავშირის წევრი სახელმწიფოებიდან მხოლოდ ორი ბულგარეთი და ესპანეთი მოხვდა. ამასთან, ესპანეთის მიმართულებით ექსპორტი რეკორდულად გაიზარდა, ბულგარეთში კი შემცირდა. მიმდინარე წლის ორი თვის მონაცემებით, ესპანეთმა საქართველოს უმსხვილეს საექსპორტო ქვეყნებს შორის 2.4%-იანი წილით მეცხრე ადგილი დაიკავა. ამ პერიოდის განმავლობაში ესპანეთის მიმართულებით ექსპორტი 658%-ით გაიზარდა. შედეგად საქართველომ საქონლის რეალიზებით 21 მილიონ 602 ათასი დოლარის შემოსავალი მიიღო. 2023 წლის პირველი ორი თვის განმავლობაში ესპანეთიდან საქონლის იმპორტი ასევე რეკორდული იყო. ჯამში ამ პერიოდში საქართველომ 25 მილიონ 690 ათასი დოლარის საქონელი შეიძინა, რაც გასული წლის ამავე პერიოდის იმპორტს 30.2%-ით აღემატება. იმპორტირებული საქონლის ჩამონათვალი, ექსპორტირებულთან შედარებით უფრო მრავალფეროვანია, თუმცა ძირითადი წილი ხუთ სასაქონლო ჯგუფზე მოდის. იმპორტირებული საქონლის TOP-5-ეული ასეთია: 1. მოსაპირკეთებელი კერამიკული ფილები - 4.5 მლნ დოლარი, 7 106 ტონა; 2. კოსტუმები, კომპლექტები, კომბინეზონები, ბრიჯები და შორტები, ქალისა ან გოგონასი - 1.5 მლნ დოლარი, 34 ტონა; 3. მსუბუქი ავტომობილები - 1 მლნ დოლარი; 4. სვიტერები, პულოვერები და ტრიკოტაჟის ანალოგიური ნაწარმი, ნაქსოვი - 958 ათასი დოლარი, 20 ტონა; 5. დაფასოებული სამკურნალო საშუალებები - 954 ათასი დოლარი, 14 ტონა; გარდა ამისა, ესპანეთიდან საქართველოში კიდევ ცხოველების საკვებად გამოსაყენებელი პროდუქტები, კალმები და გადანაწვენები, შავი ლითონებისაგან ცისტერნები, კასრები, ყუთები და ანალოგიური ტევადობები, მამაკაცისა ან ბიჭის კოსტუმები, აზოტოვანი სასუქები, დამზადებული ან დაკონსერვებული ბოსტნეული და სხვა საქონელი შემოვიდა. #ახალიამბები #BusinessMediaGeorgia