ბათუმში ზაფხულის ტურისტული სეზონის სამზადისთან და სეზონის გახსნის ღონისძიებასთან დაკავშირებით, ტურისტული სექტორის წარმომადგენლებთან შეხვედრები მიმდინარეობს. გასული კვირის ბოლოს სამუშაო შეხვედრას აჭარის მთავრობის თავმჯდომარე თორნიკე რიჟვაძეც ესწრებოდა, სადაც რეგიონში ტურიზმის კუთხით მიმდინარე პროექტებზე, განახლებულ ტურისტულ პროდუქტებსა და ტურისტული სეზონის მოლოდინზე ისაუბრეს. რა სიახლეებით ხვდება აჭარა ზაფხულს და როდის გაიხსნება ტურისტული სეზონი? #ახალიამბები #BusinessMediaGeorgia
SoftBank-მა ჩინურ ტექნოლოგიურ გიგანტ Alibaba-ში ინვესტიციის მკვეთრად შემცირების გადაწყვეტილება მიიღო. Financial Times-ის ინფორმაციით, ბანკმა ერთი კვირის განმავლობაში Alibaba-ს დაახლოებით 7.2 მილიარდი დოლარის ღირებულების აქციები გაყიდა, თუმცა ამ გადაწყვეტილების მიღების მიზეზები SoftBank-ს ინვესტორებისთვის ჯერაც არ განუმარტავს. იაპონური ფირმა Sega Sammy ფინურ კომპანია Rovio-ს, რომელიც ყველასათვის ცნობილი თამაშის, Angry Birds-ის, შემქმნელია, $776 მილიონად შეიძენს. Sega Sammy-ის განცხადებით, კომპანიას მობილური თამაშების ბიზნესში გაძლიერება სურს. სტუმარი: რატი მესხიშვილი - Galt & Taggart-ის უფროსი ასოცირებული ბროკერი; #ახალიამბები #BusinessMediaGeorgia
სადაზღვევო სექტორმა 2022 წელი 39,2 მილიონი ლარის წმინდა მოგებით დახურა. 18 სადაზღვევო კომპანიის კონსოლიდირებული მონაცემებით ირკვევა, რომ 2022 წლის განმავლობაში მოზიდულმა სადაზღვევო პრემიამ პირდაპირი დაზღვევის საქმიანობიდან 909,6 მილიონი ლარი შეადგინა, რაც 17.7%-იანი ზრდას აჩვენებს. სადაზღვევო პრემია არის თანხა, რომელსაც დაზღვეული იხდის დაზღვევის სანაცვლოდ. ამავე პერიოდის შედეგებით მზღვეველების სადაზღვევო მოგება 210,3 მილიონი ლარი იყო. სადაზღვევო მოგება 38 მილიონით გაიზარდა, წმინდა მოგება კი, 40 მილიონიდან 39.2 მლნ ლარამდე შემცირდა. სადაზღვევო კომპანიების აქტივების ჯამური მოცულობა შეადგენს 1.105 მლრდ ლარს, ხოლო კაპიტალი 343,2 მილიონ ლარს შეადგენდა. კომპანიების რეიტინგში ყველაზე მეტი მოზიდული პრემიით პირველ პოზიციაზე "ჯიპიაი ჰოლდინგია" - 165 მლნ ლარით. სტუმარი: პაატა ლომაძე - "ჯიპიაი ჰოლდინგის" გენერალური დირექტორი; #ახალიამბები #BusinessMediaGeorgia
Forbes Georgia & BMG და Tegeta Holding-ი წარმოგიდგენთ: #ForbesAuto-ს
პროგრამირება დღეს ყველაზე პოპულარული, შემოსავლიანი და საინტერესო სფეროა და მიუხედავად იმისა, რომ მოთხოვნიდან გამომდინარე საკმაოდ მაღალია კადრებით შევსების დინამიკა არსებული და თუნდაც მზარდი რესურსი საკმარისი მაინც არ არის. მილიონამდე დეველოპერის ნაკლებობა აქვს მხოლოდ შტატების ბაზარს და საქართველოსთან პარალელები ამ მხრივ რა მოსატანია, თუმცა საკადრო შევსება საქართველოშიც მუდმივად საჭიროა. ვინ არის "დიჯითალ ინსტიტუტი"? რა მიზანს ემსახურება? რატომ არის მოწინავე IT აკადემია ამიერკავკასიაში? სტუმრები: ნინო ქიმაძე - "დიჯითალ ინსტიტუტის" აღმასრულებელი დირექტორი; ანნა ჯალაღანია - "დიჯითალ ინსტიტუტის" კარიერული განვითარების მენეჯერი. #ახალიამბები #BusinessMediaGeorgia
ბეჭდების მბრძანებელი, კინ კონგი, ჰობიტი … ეს იმ ფილმების მხოლოდ მცირე ჩამონათვალია, რომელიც პიტერ ჯექსონის სახელის უკავშირდება. ახალ ზელანდიელმა რეჟისორმა კინოს სამყაროში ცნობადობა და აღიარება ჯერ კიდევ საუკუნის დასაწყისში მოიპოვა და მას შემდეგ მისი პოპულარობა მოღებულ შემოსავალთან ერთად მუდმივად მზარდია. ჯექსონის ტრილოგიებმა მსოფლიოს მასშტაბით 6 მილიარდ დოლარზე მეტი გამოიმუშავა, საიდანაც რეჟისორმა ასობით მილიონი დოლარი მიიღო. სულ რაღაც ორი წლის წინ კი, ჯექსონმა მის მიერ თანადაფუძნებული ვიზუალური ეფექტების კომპანია Weta Digital-ის გარკვეული ნაწილი ცნობილ ვიდეოთამაშების პროგრამული უზრუნველყოფის კომპანია Unity-ს 1.6 მილიარდ დოლარად მიჰყიდა. ამ გარიგებამ რეჟისორს მილიარდერის ტიტულიც მოუტანა და ამჟამად მისი ქონება, ფორბსის შეფასებით 1.5 მილიარდ დოლარს შეადგენს. რა გზა გაიარა პიტერ ჯექსონმა წარმატებამდე და როგორ მოიპოვა მსოფლიოში მეოთხე ყველაზე მაღალანაზღაურებადი რეჟისორის სტატუსი? #ახალიამბები #BusinessMediaGeorgia
2022 წელს ქვეყნიდან 8.5 მილიონი დოლარის ღირებულების კენკრა გავიდა, რომლის ძირითადი ნაწილი (97%) სწორედ მოცვი იყო. ექსპორტირებული მოცვის მოცულობამ 1 390 ტონას გადააჭარბა. პროდუქციის 89% კი რუსეთის ბაზარზე გავიდა. როგორც ხედავთ ქვეყნისთვის ნომერი პირველ ბაზრად კვლავ რუსეთი რჩება, თუმცა უკვე ბევრი კომპანია სწორებას ევროპის ბაზარზე აქტიურად აკეთებს. საქართველოში მოცვის მოსავლის აღება ძირითადად ივნისიდან იწყება. შესაბამისად, სეზონი ახლოვდება. რა მოცულობის მოსავალს ელოდებიან და სად და რა ფასად გაყიდიან მწარმოებელი კომპანიები პროდუქტს BMG-იმ გაარკვია. #ახალიამბები #BusinessMediaGeorgia
სააღდგომო შოპინგი საქართველოში ყოველწლიურად ვითარდება, თუმცა გაყიდვები ძირითადად საკვებ პროდუქციაზე, სააღდგომო დეკორაციებზე და სახლის აქსესუარებზე მოდის, ხოლო მაგალითად, როგორც BMG-იმ სხვადასხვა მაღაზიების წარმომადგენლებთან გაარკვია სამოსი ამ პერიოდში ნაკლებად მოთხოვნადია. BMG-სთან კომპანიებში აღნიშნავენ, რომ ზოგადად, 2022 წლის პირველ კვარტალთან შედარებით, 2023 წლის იგივე პერიოდში მცირედი გაუმჯობესება გაყიდვებში შეინიშნება. თუმცა, ახალი წლის დღესასწაულის გარდა, სხვა დღესასწაულებზე გაყიდვები ნაკლებად მზარდია. #ახალიამბები #BusinessMediaGeorgia
#საქმიანიდილა - 18 აპრილი - პროლოგი #ახალიამბები #BusinessMediaGeorgia
#ახალიამბები #BusinessMediaGeorgia
#საქმიანისაღამო: გლობალური საფონდო ბირჟების მიმოხილვით გიორგი თოლორდავა; გიორგი თოლორდავა - "საქმიანი საღამოს" წამყვანი; #ახალიამბები #BusinessMediaGeorgia
სამოქალაქო საზოგადოების 100–ზე მეტი ორგანიზაცია საქართველოს ხელისუფლებას მიმართავს და აღნიშნავს, რომ სხვადასხვა ინფორმაციით, ევროკომისიამ შესაძლოა 2023 წლის ოქტომბერში გასცეს საქართველოსთვის ევროკავშირის წევრობის კანდიდატის სტატუსის მინიჭების რეკომენდაცია, თუ საქართველო მომდევნო პერიოდში გააგრძელებს რეფორმებზე მუშაობას და არ გააუარესებს ქვეყანაში ადამიანის უფლებებისა და დემოკრატიის მდგომარეობას. განცხადებაში ხაზგასმულია, რომ ევროკავშირში გაწევრიანების, როგორც ეროვნული იდეის ირგვლივ ფართო საზოგადოებრივი კონსოლიდაციით საზოგადოებამ უკვე მერამდენედ დაამტკიცა, რომ ქართველი ხალხი ვიმსახურებთ კანდიდატის სტატუსს. სტუმარი: გიორგი კლდიაშვილი - IDFI-ის აღმასრულებელი დირექტორი; #საქმიანიდილა-ს #ანალიტიკა ელენე კვანჭილაშვილთან ერთად; #ახალიამბები #BusinessMediaGeorgia
Hotel HUB - მომავლის პროექტი ალ.ყაზბეგის გამზირზე, რომელიც 100 მილიონ დოლარზე მეტი ინვეტიით შენდება უნიკალურ და ინოვაციურ მიდგომებს აერთიანებს. ეს კომპანია „ორბი ჯგუფისა“ და „ბლოკ ჯგუფის“ ერთობლივი საინვესტიციო პროექტია, რომელსაც პროექტის განმახორციელებელთა თქმით, მოგებიანობის გათვალისწინებით უძრავი ქონების სექტორში ანალოგი არ გააჩნია. პროექტის პრეზენტაცია „ფორბს კვირაში შედგა. BMGDRIVE-ის მგზავრი: თორნიკე ჯანაშვილი - „ბლოქ ჯგუფის“ გენერალური დირექტორი ავტორები: ბექა ბაციკაძე, რევაზ ნასიძე; #ახალიამბები #BusinessMediaGeorgia
"ავტომფლობელთა მესამე პირის პასუხისმგებლობის სავალდებულო დაზღვევის“ პროექტი მთავრობას დასამტკიცებლად რამდენიმე კვირაში წარედგინება. ჯერ კონკრეტული ვადები კვლავ გაურკვეველია, თუმცა არის ვარაუდი რომ მისი ამოქმედება 2024 წლიდან მოხდება. სადაზღვევო სექტორმა 2022 წელი 39,2 მილიონი ლარის წმინდა მოგებით დახურა. 18 სადაზღვევო კომპანიის კონსოლიდირებული მონაცემებით ირკვევა, რომ 2022 წლის განმავლობაში მოზიდულმა სადაზღვევო პრემიამ პირდაპირი დაზღვევის საქმიანობიდან 909,6 მილიონი ლარი შეადგინა, რაც 17.7%-იანი ზრდას აჩვენებს. სადაზღვევო პრემია არის თანხა, რომელსაც დაზღვეული იხდის დაზღვევის სანაცვლოდ. როგორია აი ჯი ჯი -ს შედეგები 2022-ში და როგორი იყო სექტორის ჭრილში ზოგადად გასული წელს? სტუმარი: არჩილ მორჩილაძე - "საქართველოს სადაზღვევო ჯგუფის" დამფუძნებელი; #ახალიამბები #BusinessMediaGeorgia
ადგილობრივ ბაზარზე თაფლის დეფიციტის გამო საქართველოდან ევროკავშირში თაფლის ექსპორტი შეჩერდა. მაისამდე საქართველოდან ევროპაში თაფლი ვერ გაიგზავნება და ამის მიზეზებს შორის ფერმერი მეწარმეები რამდენიმე ფაქტორს ასახელებენ. მარაგები ამოწურულია და შესაბამისად, ევროპიდან წამოსული მოთხოვნის დაკმაყოფილება ვერ ხერხდება. მწარმოებლები გამოწვევებს შორის და უწყვეტი ექსპორტის შენარჩუნებისათვის აუცილებელ პირობად მეწარმეების და ფუტკრის რეგისტრაციას ასახელებენ. მეფუტკრეების ნაწილს რეგისტრაცია უკვე გავლილიც აქვს. პროცედურა სავალდებულო მიმდინარე წლის 1-ელი იანვრიდან გახდა. რეგისტრაციის გარეშე იკრძალება ფუტკრის ოჯახების გადაადგილება, ყიდვა-გაყიდვა და პროდუქტის რეალიზაცია. რატომ არის რეგისტრაცია მნიშვნელოვანი და რაში დაეხმარება ფერმერებს FAO-ს იდენტიფიკაცია? სტუმარი: მიხეილ სოხაძე - FAO-ს იდენტიფიკაცია-რეგისტრაციის ხელმძღვანელი; #ახალიამბები #BusinessMediaGeorgia
თიბისი კაპიტალის განახლებული მაკრო-სექტორული მიმოხილვის მიხედვით წელს მშპ-ის ზრდის მაჩვენებელი - 5.6%, 2024-ში კი 4.8% იქნება. ინფლაციის მაჩვენებელი 2023-ში - 2.6%, 2024-ში კი 3.0% იქნება. რაც შეეხება ლარის კურსს, თიბისი კაპიტალის გაცვლითი კურსის მოდელის მიხედვით, აშშ დოლარი ლართან მიმართებაში 2023 წელს - 2.60, ევრო ლართან მიმართებაში 2.91-ით განისაზღვრება. რაც შეეხება უძრავი ქონების ბაზარს. მაკრო პარამეტრები და სექტორალური მიმოხილვა პროგნოზებით- საკმაოდ ვრცელი პრეზენტაცია შემოგვთავაზა თიბისი კაპიტალის გუნდმა სტუმრები: ირინა კვახაძე - "თიბისი კაპიტალის" კვლევების სამსახურის უფროსი; ოთარ ნადარაია - თიბისის მთავარი ეკონომისტი. #ახალიამბები #BusinessMediaGeorgia
მსოფლიოში ობლიგაციების გამოშვება მაღალი მდგრადობითა და განჭვრეტადობით ხასიათდება. ეს აგრეთვე ეხმარება ფირმებსა და ინდივიდებს, რომ საჯარო სექტორზე ნაკლებად იყვნენ დამოკიდებულნი. მაშინ როდესაც აქციებისა და ობლიგაციების გამოშვება საბანკო სესხის აღებასთან შედარებით უფრო იაფ ინსტრუმენტად ითვლება, ობლიგაციის გამოშვება აქციების გაყიდვით კაპიტალის მოზიდვასთან შედარებით უფრო დაბალი რისკის მატარებელი და იაფია, თუმცა, ეს იმის ხარჯზე რომ ამონაგების ნორმაც შედარებით დაბალია. რომ განვაზოგადოთ, ობლიგაციების ბაზარს ნამდვილად არაერთი უპირატესობა გააჩნია. უპირველესად, ის კომპანიას დაფინანსების უსაფრთხო, სტაბილური და ელასტიური წყაროს მოზიდვის საშუალებით უზრუნველყოფს და ამასთან, ხარისხიანი კორპორატიული მართვის გამოცდილებას აყალიბებს. რა მოცულობისაა ობლიგაციების ბაზარი მსოფლიოში და ვინ არიან ბაზრის უმსხვილესი მოთამაშეები? #ახალიამბები #BusinessMediaGeorgia
საუკეთესო წლიური ანგარიშის და გამჭვირვალობის ჯილდოს (BARTA) საორგანიზაციო კომიტეტმა, საქართველოს ფინანსთა სამინისტროს ბუღალტრული აღრიცხვის, ანგარიშგებისა და აუდიტის ზედამხედველობის სამსახურისა და ბუღალტრული რეფორმის ბენეფიციართა ფონდის (RSF) ხელშეწყობით, სდპ-სა და პირველი კატეგორიის საწარმოთათვის/ჯგუფებისთვის გამოკითხვა მოამზადა, რომლის მიზანიც იმ მიმართულების გამოვლენაა რაც ბარტას კონკურსის შემდეგ საწარმოებისათვის ანგარიშგების დახვეწაში უნდა დაეხმაროს. სტუმრები: ირინა გორდელაძე - "მსოფლიო ბანკის" უფროსი კონსულტანტი მართვის სფეროში; გიორგი თაბუაშვილი - ბუღალტრული რეფორმის ბენეფიციართა ფონდის საბჭოს აღმასრულებელი თავმჯდომარე; #ახალიამბები #BusinessMediaGeorgia
“ავერსის” სააღდგომო ფასდაკლებები თამარ ჭოტაშვილი - “ავერსის” დერმატოლოგიური მიმართულების ხელმძღვანელი; მარიამ ივანიაძე - “ავერსის” არამედიკამენტების ბრენდ-მენეჯერი; #ახალიამბები #BusinessMediaGeorgia
რა დაგიჯდებათ სააღდგომო სუფრა? #ახალიამბები #BusinessMediaGeorgia
ევროპა თავისი კულტურით, ისტორიით, ცხოვრების მაღალი ხარისხითა თუ დასვენებისა და გართობის მრავალფეროვანი შესაძლებლობებით, მრავალი ემიგრანტისა თუ მოგზაურისთვის მუდმივად მიმზიდველ კონტინენტია. ზოგიერთ ევროპული ქალაქი ბიუჯეტურობით ნამდვილად გამოირჩევა, თუმცა არსებობს ქალაქები, სადაც ცხოვრება თუ მოგზაურობა საკმაოდ დიდ ხარჯებთანაა დაკავშირებული. Expatistan-ის ცხოვრების ღირებულების ინდექსისა და Numbeo-დან შეგროვებული მონაცემების მიხედვით, რომელია ევროპის 10 ყველაზე ძვირადღირებულ ქალაქი და რა დაგიჯდებათ თითოეულ მათგანში ცხოვრება? #ახალიამბები #BusinessMediaGeorgia
პლატფორმული ბიზნესი საქართველოში ყოველწლიურად იზრდება, საქართველოს ბაზარი გაჯერებულია სხვადასხვა მიტანის სერვისის კომპანიებით, რაც კონკურენტულ გარემოს ქმნის და პარტნიორი ბიზნესების შემოსავლებს აუმჯობესებს. ციფრულ ბიზნესში ლიდერის პოზიციას გლოვო და ვოლტი იკავებენ, შედეგად მათ პორტფელშიც სავაჭრო ობიექტების რიცხვი მუდმივად მზარდ დინამიკას აჩვენებს. პლატფორმულ ბიზნესიც სხვადასხვაგვარია და ის ბევრ მომსახურებას მოიცავს, მაგალითად ტაქსის კომპანია უბერი, და სხვა. როგორ მუშაობს საქართველოში ციფრული ბიზნესი და როგორ განსხვავდება პლატფორმულ ბიზნესში ჩართული ადამიანების ვალდებულებები, სხვა კომპანიებთან თანამშრომლობისგან? #ახალიამბები #BusinessMediaGeorgia
ასე გამოიყურება თურქეთის პროვინცია ჰატაი, რომელიც ორი თვის წინ უძლიერესი მიწისძვრის ეპიცენტრი იყო, რამაც 50.000 მეტი ადამიანის დაღუპვა და შენობების მასიური ნგრევა გამოიწვია. ფაქტია, რომ ნანგრევებისგან ქუჩები უკვე თავისუფალია. და საავტომობილო გადაადგილება აღდგა, ისევე როგორც ახლა რჩება უმთავრესი - რომ პრეზიდენტმა ერდოღანმა თავისი დანაპირებისამებრ ააშენოს წლის ბოლომდე ის ასიათასობით კვადრატული საცხოვრისი, რათა მოხდეს დაზარალებულთა დაბინავება, მათ შორის მათი ვინც დღემდე დროებით საცხოვრისშია განთავსებული, სხვადასხვა ლოკაციაზე. #ახალიამბები #BusinessMediaGeorgia
აჭარაში ზაფხულის ტურისტული სეზონის დაწყებას წელს შედარებით ადრე პროგნოზირებენ, აჭარის ტურიზმის დეპარტამენტის ინფორმაციით სასტუმროების დატვირთულობის მაჩვენებლები უკვე გაზრდილია, წინა მოსამზადებელი სამუშაოები კი როგორც ბათუმში, ისე აჭარის ექვსივე მუნიციპალიტეტში მიმდინარეობს. რამდენად მზად არის რეგიონი ზაფხულის სეზონისთვის და რა მთავარი ღონისძიებებია დაგეგმილი 2023 წლის ზაფხულის სეზონისთვის? სტუმარი: თინათინ ზოიძე - აჭარის ტურიზმის დეპარტამენტის ხელმძღვანელი; #ახალიამბები #BusinessMediaGeorgia
კონკურენციის ეროვნული სააგენტო, მომხმარებლის უფლებების დაცვის შესახებ კანონის ფარგლებში, მოვაჭრეებს ავალდებულებს გასაყიდ პროდუქციაზე ფასი გარკვევით მიუთითონ. ეს ფიზიკურ ობიექტებზე და განსაკუთრებით ონლაინ პლატფორმებზე მოვაჭრე ბიზნესებს ეხებათ. ვალდებულება განსაკუთრებით სასარგებლოა იმ ადამიანებისთვის, რომლებიც ონლაინ ხშირად ვაჭრობენ, რადგან მომხმარებლის უფლებებს ამ მიმართულებით უმეტესად სწორედ ონლაინ მოვაჭრეები არღვევენ. როგორც სააგენტოში აცხადებენ, ბიზნესის მხრიდან დარღვევას კონკურენციის სააგენტო იმ შემთხვევაში განიხილავს თუ მომხმარებელი კომპანიის ქმედებას გაასაჩივრებს. 1 ნოემბრიდან კონკურენციის სააგენტოს მომხმარებელთა უფლებების დაცვის დეპარტამენტი „მომხმარებლის უფლებების დაცვის შესახებ“ კანონის შესაბამისად, მოქალაქეების განაცხადების მიღება, განხილვა და დარღვევებზე რეაგირება დაიწყო. რა შეიცვალა ელ.ვაჭრობაში მას შემდეგ? სტუმარი: თამარ გოგოლაშვილი - ელექტორნული კომერციის ასოციაციის ხელმძღვანელი; #ახალიამბები #BusinessMediaGeorgia
2023 წლის იანვარ თებერვალში საქართველოს უმსხვილესი სავაჭრო პარტნიორების სათავეში 467.07 მლნ აშშ დოლარით კვლავ რუსეთია, რომელსაც 387.02 მლნ აშშ დოლარით თურქეთი, 246.35 მლნ აშშ დოლარით ჩინეთი, 242.15 მლნ-ით აზერბაიჯანი და 203.18 მლნ-ით სომხეთი მოჰყვება. TOP 10 ექსპორტიორი კომპანია, რომელმაც რუსეთის ფედერაციაში იანვარ-თებერვალში ყველაზე მეტი პროდუქტი გაყიდა შემდეგნაირად გამოიყურება: 1) აიდიეს ბორჯომი საქართველო; 2)სს ბადაგონი 3)სს ლომისი 4) შპს Bolero & Company 5) შპს GVMT Group 6) შპს ასკანელი ძმები 7) შპს დუგლაძეების ღვინის კომპანია 8) შპს კახური ტრადიციული მეღვინეობა 9) შპს რუსელოის 10) შპს სტიილ ინტერნეიშენელ ტრეიდინგ კომპანი საქასტატის მონაცემიდან ჩანს, რომ რუსეთის ფედერაციაში TOP 10 ექსპორტიორ კომპანიებს შორის ძირითადად ღვინის მწარმოებლები არიან. იანვარ-თებერვლის მონაცემებით, ღვინის საექსპორტო კალათაში რუსეთის წილი 69.2%-მდე გაიზარდა, 1 წლის წინანდელ მონაცემებს თუ შევადარებთ ვნახავთ, რომ ზრდა თითქმის 9% (60.4%)იყო. სტუმარი: გიორგი სალაყაია - "ბადაგონი" დირექტორი #ახალიამბები #BusinessMediaGeorgia
15 აპრილს "აპარტ დეველოპმენტი" 4 წლის ხდება და კიდე ერთი წლის ათვლასთან ერთად კომპანია უფრო გაზრდილი ახალი სახელით "აპარტ ჯგუფის" სახელით დაიწყებს ოპერირებას. "აპარტ ჯგუფი" რამდენიმე მიმართულებას აერთიანებს: სამშენებლო კომპანია ,,აპარტ ქორსთრაქშენს’’, საპროექტო - არქიტექტურულ მიმართულებას ,,აპარტ არქიტექტი’’, დიზაინისა და რემონტების მიმართულება ,,აპარტ შოურუმი’’ და თავისთავად, დედა კომპანია - "აპარტ დეველოპმენტი", რომელიც რიტეილში კიდევ რამდენიმე დამწყებ დეველოპერსაც ეხმარება გაყიდვების ნაწილში. სტუმარი: თათა დგებუაძე - "აპარტ დეველოპმენტის" აღმასრულებელი დირექტორი; #ახალიამბები #BusinessMediaGeorgia
#საქმიანები: "ვარდისფერი ესთეტიკა" - Geoperio-ს მიზნები თათა ქოჩლაძე - საქართველოს პაროდონტოლოგთა ასოციაციის პრეზიდენტი; თათია როხვაძე - საქართველოს პაროდონტოლოგთა ასოციაციის თანადამფუძნებელი; ლალი ქოჩლაშვილი - საქართველოს პაროდონტოლოგთა ასოციაციის თანადამფუძნებელი; ავტორები: მანანა მანჯგალაძე; ედგარ ყაზახაშვილი; ლადო ცხადაია. #ახალიამბები #BusinessMediaGeorgia
საქართველოს პროფკავშირების გაერთიანების ცნობით, უკვე მესამე კვირა დაიწყო, რაც გერმანიაში სატვირთო მანქანების 200-მდე, მათ შორის 50-მდე ქართველი, მძღოლი გაიფიცა. გაერთიანების ცნობით, ტრაილერების მძღოლებმა, ვინც დასაქმებული იყვნენ პოლონური კომპანიების გაერთიანებაში - “Lukmaz”, “Agmaz” და “Imperija”, მუშაობა აუღებელი ხელფასების გამო შეწყვიტეს. არიან მძღოლები, ვისთვისაც დამსაქმებელს რამდენიმე თვის დავალიანება აქვს დასაფარი. მძღოლები დახმარების თხოვნით საქართველოს პროფკავშირების გაერთიანებას დაუკავშირდნენ. როგორც ორგანიზაციაში ამბობენ, საქართველოს პროფკავშირების გაერთიანების თხოვნის საფუძველზე, ამ პროცესში სატვირთო ავტომობილის მძღოლებს მხარს უჭერენ გერმანიისა და ჰოლანდიის პროფკავშირები, ასევე, ტრანსპორტის მუშაკთა საერთაშორისო ფედერაციის (ITF) საგზაო ტრანსპორტის ზედამხედველობის გუნდი (RTDD). სტუმარი: ირაკლი პეტრიაშვილი, საქართველოს პროფკავშირების გაერთიანების თავმჯდომარე #ახალიამბები #BusinessMediaGeorgia
ვის გადასცა მთავრობამ ქონება პირდაპირი მიყიდვის წესით? #ახალიამბები #BusinessMediaGeorgia
საქართველოს ბანკის მხარდაჭერით, Altera Audit-ი მცირე და საშუალო ბიზნესს საგადასახადო აუდიტის ავტომატიზაციასთან დაკავშირებულ მომსახურებას სთავაზობს. პროგრამაში ჩართულ პირველ 100 მომხმარებელს შესაძლებლობა მიეცემა ისარგებლოს საგადასახადო რისკების შემფასებელი პროგრამის ალტერას ერთჯერადი მომსახურებით, საფასურის 70%-ს კი, საქართველოს ბანკი დააფინანსებს. რას გულისხმობს შეთავაზება და რა მომსახურებას მიიღებენ დაინტერესებული მცირე და საშუალო ბიზნესები? სტუმარი: რუსუდან ბარათაშვილი - საქართველოს ბანკის მცირე და საშუალო ბიზნესის დამატებითი ღირებულების სერვისების განვითარების დეპარტამენტის დირექტორი; გიგა ფაიქიძე - Loialte-ს მმართველი პარტნიორი და თანადამფუძნებელი. #ახალიამბები #BusinessMediaGeorgia
2023 წლის ზაფხულის სეზონი ახლოვდება და ქართველი დამსვენებლები მოგზაურობის დაგეგმვას იწყებენ. მოგზაურებმა მიმდინარე წლის ზაფხულისთვის წინასწარი ჯავშნების გაკეთებაც უჩვეულოდ ადრე დაიწყეს. რომელ მიმართულებებზე აკეთებს წელს ქართველი დამსვენებელი არჩევანს და გაძვირდა თუ არა ქვეყნის გარეთ დასვენება? #ახალიამბები #BusinessMediaGeorgia
ბაზარი ორბელიანზე სააღდგომო საქველმოქმედო აქტივობებს მართავს. ხანდაზმულთა პანსიონატ “ბარბარეს” წევრებმა, ერთი დღე “გასტრო სკოლა ბაზარში” გაატარეს. გასტრო სკოლამ ხანდაზმულებს პასკების გამოცხობისა და კვერცხების დეკორირების მასტერკლასით უმასპინძლა. ამ საქველმოქმედო აქციის გარდა ბაზარი ორბელიანზე 18 აპრილამდე რამდენიმე აქტივობას კვლავ განახორციელებს. #ახალიამბები #BusinessMediaGeorgia
თიბისი კაპიტალმა განახლებული მაკრო-სექტორული მიმოხილვა წარადგინა, რომლის ფარგლებშიც, 2022 წლის მაკრო-სექტორული შედეგები შეაჯამეს. ასევე, ქვეყნის ეკონომიკის ზრდა, ვალუტის კურსი, სექტორული ტენდენციები და 2023 წლის ეკონომიკური მოლოდინები მიმოიხილეს. თიბისი კაპიტალის კვლევის თანახმად, რეალური მშპ-ის ზრდის მაჩვენებელი 2023 წელს - 5.6%, 2024-ში კი 4.8% იქნება. ინფლაციის მაჩვენებელი 2023-ში - 2.6%, 2024-ში კი 3.0% იქნება. რაც შეეხება ლარის კურსს, თიბისი კაპიტალის გაცვლითი კურსის მოდელის მიხედვით, აშშ დოლარი ლართან მიმართებაში 2023 წელს - 2.60, ევრო ლართან მიმართებაში 2.91-ით განისაზღვრება. რაც შეეხება უძრავი ქონების ბაზარს. თიბისი კაპიტალის თანახმად, საცხოვრებელი უძრავი ქონების ქირის ფასისა და გაყიდვების რაოდენობის კორექცია ბაზარზე 2023 წლის ბოლოდან დაიწყება. ბინების ქირის ფასი 2024 წლის პირველ კვარტალში, 2023 წლის პირველ კვარტალთან შედარებით, 7%-ით დაიკლებს. ბინების გასაყიდი ფასი 2024 წლის პირველ კვარტალში, 2023 წლის პირველ კვარტალთან შედარებით, 1%-ით მოიმატებს. #ახალიამბები #BusinessMediaGeorgia
სანოტარო მომსახურების ღირებულება გაზრდილია. საქსტატის მიერ გამოქვეყნებული ინფლაციის მაჩვენებლებში, ყველაზე მეტად გაძვირებული საქონლის და სერვისების ათეულში მოხვდა სანოტარო მომსახურებაც, ზრდამ 96% შეადგინა. რა უჯდებათ ადამიანებს სანოტარო მომსახურება და როგორია ფასნამატი? #ახალიამბები #BusinessMediaGeorgia
#საქმიანიდილა - 13 აპრილი - პროლოგი #ახალიამბები #BusinessMediaGeorgia
რიკოთზე მოძრაობის სპეციალური რეჟიმი დაწესდა #ახალიამბები #BusinessMediaGeorgia
2022 წლამდე რეგისტრირებულმა მეწარმეებმა სარეგისტრაციო მონაცემები და სადამფუძნებლო დოკუმენტები 2024 წლამდე უნდა განაახლონ. ცვლილების საჭიროება დღის წესრიგში „მეწარმეთა შესახებ“ ახალი კანონის მიღების შემდეგ დადგა. ახალი კანონი ძალაში 2022 წლის 1 იანვარს შევიდა, რომლის თანახმადაც, მეწარმეებს, რომლებიც რეგისტრირებული არიან ამ პერიოდამდე, ორწლიანი ვადა მიეცათ სარეგისტრაციო დოკუმენტების განსაახლებლად. მეწარმეებმა მარეგისტრირებელ ორგანოს ან მარეგისტრირებელი ორგანოს ავტორიზებულ პირებს უნდა მიმართონ და ის დოკუმენტები წარადგინონ, რომელიც ახალ კანონთან შესაბამისობაში მოსაყვანადაა საჭირო. რა ახალი მოთხოვნების დაკმაყოფილება მოუწევს მეწარმეებს და რა დოკუმენტაციის წარდგენის ვალდებულება წარმოეშობათ მათ კანონით? სტუმარი: გიორგი კეკენაძე - იურიდიული კომპანია „ნოდია, ურუმაშვილი და პარტნიორების” უფროსი იურისტი; #ახალიამბები #BusinessMediaGeorgia
სურსათის ნარჩენების, მისი დანაკარგების და შეწირულობის შესახებ კანონპროექტი, რომლის მიხედვითაც ბიზნესებს საკვების არა ჩამოწერის და გადაყრის, არამედ დონაციის საშუალება მისცემს, რაც ასევე წახალისებული იქნება შესაბამისი საგადასახადო შეღავათებით. თუ სურსათს ეტიკეტზე მითითებული ვადა გასდის, მოქმედი კანონი მისი მოხმარებისთვის გამოყენებას კრძალავს და ბიზნესს მისი ჩამოწერის ვალდებულება აქვს. წარმოდგენილი ცვლილებებით კი ეტიკეტზე მითითებული ვადის გასვლის შემდეგ დაბალი რისკის პროდუქციის მოხმარება, რომელიც ბუნებრივია უვნებელია ადამიანის ჯანმრთელობისთვის, დაშვებული გახდება. ეს კი მისცემს ბიზნეს სექტორს იმის საშუალებას, რომ აღნიშნული პროდუქტი არ გაანადგუროს და გადასცეს საქველმოქმედო ორგანიზაციებს და სურსათის ბანკებს. სურსათის ბანკის ცნება ახალია კანონმდებლობაში, ამ სტატუსის მიღება არსებულ ან ახალ საქველმოქმედო ორგანიზაციებს შეეძლებათ, რომლებიც ავტორიზაციას გაივლიან სურსათის ეროვნულ სააგენტოში და ამავდროულად დააკმაყოფილებენ ჰასპთან გათანაბრებულ სტანდარტებს. ამასთან, ბიზნესის მხრიდან სურსათის შეწირულობა წახალისებული იქნება საგადასახადო შეღავათებით. დღეს ფისკალურად, სურსათის შეწირულობა არახელსაყრელია ბიზნესისთვის. სუპერმარკეტები უარს ამბობენ ზედმეტი საკვების გაცემაზე, რადგან შემოწირული საკვები იბეგრება დღგ-ითა (15%) და მოგების გადასახადით (18%). წარმოდგენილი ცვლილებებით კი ბიზნესი გათავისუფლდება როგორც მოგების, ისე დამატებითი ღირებულების გადასახადისაგან. კანონპროექტის ერთ-ერთი ავტორი bm.ge-სთან ინტერვიუში ამბობს, რომ სურსათის შეწირულობა ბიზნესისთვის ნებაყოფლობითია. თუ ისინი დონაციის სისტემაში არ ჩაერთვებიან, ჩვეულებრივად შეეხებათ მოქმედი დაბეგვრის რეჟიმი. კანონპროექტზე უკვე მომზადებულია რეგულირების გავლენის შეფასება. მათ შორის გაკეთებულია გათვლა, რა შემოსავლები შეიძლება დაკარგოს ბიუჯეტმა ბიზნესისთვის საგადასახადო პრეფერენციებით. ეს თანხა ჯამურად წლის განმავლობაში დაახლოებით 0,5 მილიონი ლარია, რასაც ბიზნესი დეკლარირებისთვის საჭირო განაცხადის ატვირთვისთვის მოსაკრებლის სახით იხდის. შემოსავლებს დაკარგავს ასევე ის კომპანიები, რომლებიც კომპანიებს ვად #ახალიამბები #BusinessMediaGeorgia
ბათუმში 300-ზე მეტ ობიექტს, რომელიც 2022 წლის 26 სექტემბრამდე სამშენებლო წესების დარღვევით არის აშენებული, შესაძლოა ამნისტია შეეხოს. ამას პარლამენტის სამი დეპუტატის მიერ სივრცის დაგეგმარების, არქიტექტურული და სამშენებლო საქმიანობის კოდექსში ინიცირებული ცვლილებები ითვალისწინებს, რომელიც იმ ობიექტების ექსპლუატაციაში მიღებას გულისხმობს, სადაც სამშენებლო საქმიანობა შესაბამისი წესების დაცვის გარეშეა განხორციელებული. როგორც კანონპროექტის განმარტებით ბარათში ვკითხულობთ, საუბარია ისეთ ობიექტებზე, სადაც გამოვლენილია დარღვევები, რომელთა გამოც ამ ობიექტის ექსპლუატაციაში მიღება დაუშვებელია. კონკრეტულად დარღვეულია, როგორც განაშენიანების რეგულირების პარამეტრები, ისე კონსტრუქცია, ასევე შენობა-ნაგებობის ექსტერიერი და ინტერიერი და მიჯნის ზონები; კანონის მოქმედება ვრცელდება ასევე კერძო საკუთრებაში არსებულ მიწის ნაკვეთზე შესაბამისი სამშენებლო ნებართვის გარეშე აშენებულ ობიექტებზე. ასეთი მშენებლობების ექსპლუატაციაში მიღება ასევე გულისხმობს როგორც დაკისრებული, ისე დასაკისრებელი ჯარიმა საურავებისგან გათავისუფლებასაც. ბათუმის საკრებულოს ოპოზიცია, რომელიც კანონპროექტის განხილვას ესწრებოდა პარლამენტში, წარმოდგენილ ცვლილებებში კორუფციის რისკებს ხედავს, რასაც არ ეთანხმება კანონპროექტის ინიციატორი. ცვლილებები დარგობრივი ეკონომიკის კომიტეტში დეპუტატმა რესან კონცელიძემ წარადგინა. როგორც საკომიტეტო განხილვისას გაირკვა, კანონპროექტის ავტორებს დარგის სპეციალისტებთან კონსულტაციები აქამდე არ ჰქონიათ. რა რისკებს ხედავენ დარგობრივი ორგანიზაციები კანონპროექტის არსებულ ვერსიაში და ურბანული თვალსაზრისით რამდენად რთული ვითარებაა დღეს ბათუმში? სტუმარი: ანა ბიბილაშვილი - "ურბანული განვითარების ინსტიტუტის" ხელმძღვანელი #ახალიამბები #BusinessMediaGeorgia
Galt&Taggart;-ის უძრავი ქონების სექტორის განახლებული მიმოხილვის მიხედვით, ბათუმში უძრავი ქონების გაყიდვები მნიშვნელოვნად გაიზარდა. კერძოდ, 2015 წლიდან 2022 წლამდე საშუალო ზრდამ 26.8% შეადგინა. ხოლო 2023 წლის იანვარ-თებერვალში 2022 წლის ანალოგიურ ორ თვესთან შედარებით ზრდა 59%-ია. უძრავი ქონების გაყიდვები თბილისში სტაბილურად მზარდია, - ამის შესახებ Galt&Taggart;-ის უძრავი ქონების სექტორის განახლებულ მიმოხილვაშია აღნიშნული, რომლის მიხედვითაც გაყიდვების საშუალო ზრდა 2015 წლიდან 2022 წლამდე 16.8%-ს შეადგენს. სტუმარი: კახა სამყურაშვილი - Galt&Taggart;-ის უფროსი ანალიტიკოსი; #ახალიამბები #BusinessMediaGeorgia
რამდენიმე დღის წინ საქართველოსა და არაბთა გაერთიანებულ საამიროებს შორის თავისუფალი ვაჭრობის შეთანხმების შესახებ მესამე დასკვნითი რაუნდი დასრულდა. საქართველოსა და UAE-ს შორის თავისუფალი ვაჭრობის შეთანხმების მომზადებაზე გადაწყვეტილება 2020 წლის დეკემბერში, ორი ქვეყნის ეკონომიკის მინისტრის შეხვედრის დროს იქნა მიღებული. 2022 წლის მაისში კი ხელი მოეწერა "საქართველოსა და არაბთა გაერთიანებულ საამიროებს შორის ყოვლისმომცველი ეკონომიკური პარტნიორობის შესახებ შეთანხმების მოლაპარაკების პირობების დოკუმენტს". შეთანხმების შესახებ მოლაპარაკებების პირველი რაუნდი თბილისში 2022 წლის სექტემბერში, მეორე კი დუბაიში 2022 წლის დეკემბერში გაიმართა. საქართველოსა და არაბეთის გაერთიანებულ საამიროებს შორის ვაჭრობა 2022 წელს სწრაფი ტემპით გაიზარდა. ექსპორტი 51%-ით, $31 მილიონამდე გაიზარდა, ხოლო იმპორტი 98%-ით, 283 მილიონ დოლარამდე გაიზარდა. არაბეთის გაერთიანებულ საამიროებში საქართველოს მთავარი საექსპორტო საქონელი მსუბუქი ავტომობილებია, რომლის ექსპორტიც გასულ წელს 24%-ით, 11 მილიონ დოლარამდე გაიზარდა. არაბთა გაერთიანებულ საამიროები საქართველოსთვის მნიშვნელოვანი, საინტერესო და საკმაოდ მაღალი პოტენციის მქონე ბაზარია, მათ შორის სოფლის მეურნეობის პროდუქტების მწარმოებლებისათვის. როგორ შეიძლება უკეთ ამ შესაძლებლობის გამოყენება? სტუმარი: რატი კოჭლამაზაშვილი - საქართველოს ფერმერთა ასოციაციის თავმჯდომარის მოადგილე; #ახალიამბები #BusinessMediaGeorgia
საავტომობილო გზების დეპარტამენტის ინფორმაციით, რიკოთზე მოძრაობა ქვათაცვენის გამო დროებით ისევ ჩაიკეტა. ალტერნატიული გზა ისევ გომი-საჩხერე-ჭიათურა-ზესტაფონის საავტომობილო გზის გავლით არის შემოთავაზებული. თბილისი-სენაკი-ლესელიძის საავტომობილო გზის 147-ე კმ-ზე საავტომობილო გზის გაწმენდითი სამუშაოების დასრულებისთანავე, რიკოთის მიმართულებით დაწესებული სპეციალური რეჟიმით მოძრაობა აღდგება. ერთია გზის ჩაკეტვა გახსნის რეჟიმი და მეორე რამდენად უსაფრთხოა ქვეყნის დასავლეთ აღმოსავლეთ ნაწილის დამაკავშირებელი მთავარი არტერია. სტუმარი: ზურაბ ჯავახიშვილი - ილიას უნივერსიტეტის პროფესორი, სეისმოლოგი; #ახალიამბები #BusinessMediaGeorgia
უკრაინაში რუსეთის შეჭრის შემდგომ უკრაინის მოქალაქეებმა სახლები დატოვეს და სხვადასხვა ქვეყანაში დროებითი ან მუდმივი თავშესაფარი მოითხოვეს. ლტოლვილების რაოდენობა ბოლო მონაცემებით რვა მილიონს აჭარბებს. როგორც აღმოჩნდა ყველაზე მეტი უკრაინის მოქალაქე რუსეთში ცხოვრობს. კიდევ რომელ ქვეყნებში ცხოვრობენ ომის შემდგომ უკრაინელი ლტოლვილები? #ახალიამბები #BusinessMediaGeorgia
საქართველოს ბანკის, USAID-ის ეკონომიკური უსაფრთხოების პროგრამის, ჯეპრას და Kudos Georgia-ს ერთობლივი მხარდაჭერით 27 აპრილს, B2B ფორუმია დაგეგმილი. ფორუმის მიზანს საქართველოში მცირე და საშუალო ზომის ბიზნესის მხარდაჭერა, წახალისება, განვითარება და გაძლიერება წარმოადგენს. B2B ფორუმში მეწარმეების გარდა მონაწილეობას მიიღებენ ტურიზმის, მსუბუქი მრეწველობის, ინტელექტუალური მომსახურების, კრეატიული ინდუსტრიებისა და მყარი ნარჩენების მართვის სექტორების დამკვეთი კომპანიები. სტუმრები: კახა მაღრაძე - "ჯეპრას" უფროსი კონსულტანტი; ალექსანდრე მარგიშვილი - Kudos Georgia თანადამფუძნებელი #ახალიამბები #BusinessMediaGeorgia
ამერიკულმა Forbes-მა მსოფლიოს უმდიდრესი ადამიანების განახლებული რეიტინგი გამოაქვეყნა. სია მსოფლიოს 190-მდე ქვეყნის 2,500 მილიარდერს აერთიანებს. ზოგიერთმა მათგანმა სიმდიდრე საფინანსო საქმიანობითა და ინვესტიციების განხორციელებით დააგროვა, ზოგიერთმა უძრავი ქონების იმპერიების განვითარებით, ნაწილმა - საკვებისა თუ სასმლის წარმოებით. იმ სექტორების რაოდენობა, რომლებსაც ფორბსის მილიარდერები წარმოადგენენ, საკმაოდ ვრცელი და მრავალფეროვანია, თუმცა, არსებობს ისეთი ინდუსტრიებიც, რომლებიც მილიარდერთა რაოდენობით მოწინავე პოზიციას იკავებს. რომელი ინდუსტრიები აერთიანებს ყველაზე მეტ მილიარდერს? #ახალიამბები #BusinessMediaGeorgia
გასულ წელს რაჭაში, კერძოდ ამბროლაურის რაიონის სოფელ კრიხში, მდინარე კრიხულის სანაპიროზე ტურისტული ობიექტი, Riverside Racha ამოქმედდა. სასტუმრო ტყის პირასაა განთავსებული და რაჭის ხედებთან ერთად მომხმარებელს ხუთ კეთილმოწყობილ კოტეჯს, აუზს და სხვადასხვა გასართობ სივრცეებს სთავაზობს. როგორ ოპერირებს ტურისტული ობიექტი, რა გამოწვევები აქვს და როგორ გეგმავს განვითარებას? ქეთი აბუთიძე - RiverSide Racha-ს მენეჯერი; #ახალიამბები #BusinessMediaGeorgia
ყველის ღირებულება შემცირდა, რისი მიზეზიც სეზონურობა გახდა. როგორც ყველის მწარმოებელი კომპანიები BMG-სთან ამბობენ, ყველზე ფასის კლება, რძის ნაწარმის გაიაფებამ გამოიწვია. კომპანიების წარმომადგენლები ამბობენ, რომ გაზაფხულზე წველადობა მატულობს, რაც რამდენიმე თვის განმავლობაში ჭარბ რძეს აჩენს, შედეგად იაფდება, როგორც რძე, ასევე რძის ნაწარმი, მათ შორის ყველი. ასევე შემცირებულია რძის ფხვნილის ფასი, რაც ადგილობრივ ბაზარზეც აისახა. მათივე თქმით, რძის ნაწარმის ფასი მათ შორის ყველის, ზაფხულში კვლავ მოიმატებს შემოდგომის ბოლოს პიკს მიაღწევს, ხოლო იანვრიდან ისევ დასტაბილურებას დაიწყებს. #ახალიამბები #BusinessMediaGeorgia
„რუსთავი ბიზნეს იდენტობის ძიებაში“ - ამ სახელწოდებით კომპანია რეტკომ ქალაქ რუსთავში ვორქშოფების სერია გაიმართება. ვორქშოფების სერია ერთი იდეისთვის დაიგეგმა რუსთავმა ბიზნეს იდენტობა უნდა იპოვოს და გახდეს უფრო შემოსავლიანი, უფრო წარმატებული უფრო უკეთესი ქალაქი იქ მცხოვრები ადამიანებისთვის. საკმაოდ პრაგმატული იდეაა და ძალიან სკულპულოზურად შერჩეული დღის წესრიგით არის ეს ყველაფერი გაკეთებული. კომპანიამ ვორკშოპების სერიისათვის სპეციალური ვებ გევრდიც შექმნა ერთ პლატფორმაზე მოუყარა თავი ინფორმაციას რისთვის, როგორ და რატომ შეიქმნა „რუსთავი ბიზნეს იდენტობის ძიებაში“. ელექტროენერგეტიკული კომპანია „რეტკო“ დღეისთვის 70 ადამიანს ასაქმებს და უახლოეს მომავალში დასაქმებულთა რაოდენობის 100-მდე გაზრდას გეგმავს. მიზნებშია „რეტკოს“ საერთაშორისო ბაზარზე გასვლა და ამისთვის გუნდის ადგილობრივი, რუსთაველი პროფესიონალი კადრებით გუნდის შევსებაა გეგმაში. #ახალიამბები #BusinessMediaGeorgia