საქართველოს ეროვნული ბანკი პროგნოზირებს, რომ 2025 წლის მეორე ნახევარში საქართველოში ინფლაციის დონე მიზნობრივ 3%-ს დროებით გადააჭარბებს, თუმცა წლის ჭრილში მაინც მიზნობრივი 3%-ის მიდამოში დასტაბილურდება. გუშინ გამართულ მონეტარული პოლიტიკის კომიტეტზე სებ-მა რეფინანსირების განაკვეთის უცვლელად, 8%-ზე დატოვა. გავრცელებულ პრესრელიზში ეროვნული ბანკი აღნიშნავს, რომ საქართველოს ეკონომიკაში გაურკვევლობა კვლავ მაღალ ნიშნულზე ნარჩუნდება. 2025 წელს კი მისი ზრდის მაჩვენებელი გრძელვადიან ტრენდს დაუბრუნდება და 5%-ის ფარგლებში იქნება. სტუმარი: ტრისტან ჯინჭარაძე - სტემსქეილის CFO; #ახალიამბები #BusinessMediaGeorgia
რა გამოწვევებს ხედავს ტურისტული ბიზნესი?
საერთაშორისო საზოგადოება მზია ამაღლობელის გათავისუფლებას ითხოვს თიკო ნატმელაძე - #BMG-ის რეპორტიორი; #ახალიამბები #BusinessMediaGeorgia
საჯარო მოსამსახურეები დამოუკიდებელი პროფესიული კავშირის ოფიციალურ რეგისტრაციას ვერ ახერხებენ. პროფკავშირების დაფუძნების მიზანი თავიდანვე იმ საჯარო მოხელეების მხარდაჭერა იყო, რომელთაც შესაძლოა პარტიულ ზეწოლის გამო პრობლემები შეექმნათ. ორგანიზაცია, სახელწოდებით "საჯარო მოსამსახურეთა დამოუკიდებელი პროფესიული კავშირი — კონსტიტუციის 78-ე მუხლი" ამჟამად არასრულად წარმოადგენს საჯარო სექტორში დასაქმებულ იმ პირებს, რომლებმაც საჯარო განცხადებებით გამოხატეს ერთგულება საქართველოს კონსტიტუციის 78-ე მუხლში გაცხადებული საქართველოს მოსახლეობის ნებისა და სახელმწიფოს ეროვნული ინტერესების მიმართ, რაც გულისხმობს ქვეყნის სუვერენიტეტის, ტერიტორიული მთლიანობის, ევროპული და ევრო ატლანტიკური მისწრაფებების დაცვას. ორგანიზაციის შექმნაზე გავრცელებულ პირველ განცხადებებშივე ნათქვამი იყო, რომ ორგანიზაცია დაფუძნებისთანავე დღის წესრიგში დააყენებს იმ რეპრესიული აქტის საკითხს, რომელიც მიზნად ისახავს საჯარო სამსახურებში პოლიტიკური წმენდის დაკანონებას. პროფესიული კავშირი მზად არის, მიმართოს კანონის ფარგლებში არსებულ ყველა ზომას და დაიცვას საჯარო მოსამსახურეების უფლებები. რამდენად კანონიერია სარეგისტრაციო წარმოების შეჩერება, რას გეგმავენ პროფესიულ კავშირში? სტუმარი: გიგა სოფრომაძე - „საჯარო მოსამსახურეთა დამოუკიდებელი პროფკავშირი – კონსტიტუციის 78-ე მუხლის“ თავმჯდომარე #ახალიამბები #BusinessMediaGeorgia
სურსათის ბანკი ევროკავშირის ქვეყნებში აპრობირებული მეთოდია. ის ისეთ ქვეყნებში არსებობს, როგორებიცაა: ბელგია, იტალია და საფრანგეთი. პროექტში, მათ შორის, რესტორნები და სასტუმროები მონაწილეობს. ევროპული ქვეყნებისგან განსხვავებით, ბანკში ისეთი პროდუქცია ვერ მოხვდება, როგორებიცაა ხორცი და რძის პროდუქტები. სწორედ, ამიტომ საქართველოში სურსათის ბანკში პირველ ეტაპზე ჰორეკა სექტორი პროდუქციას არ განათავსებს.ბანკის ამუშავება მარტის ბოლოს იგეგმება, როგორ მიმდინარეობს ამ დროისთვის მოლაპარაკებების პროცესი და რა არის სასურსათო ბანკის ოპერირების ფასი. სტუმარი: ჯუბა მარუაშვილი - „FAO საქართველოს“ პოლიტიკის უფროსი მრჩეველი #ახალიამბები #BusinessMediaGeorgia
"თი ისთეითის" მიმდინარე პროექტები სტუმარი: თამარ კანთელაძე - „თი ისთეითის“ გაყიდვების სამსახურის ხელმძღვანელი; #ახალიამბები #BusinessMediaGeorgia
2020 წლის 30 იანვარს, ჯანდაცვის მსოფლიო ორგანიზაციამ გლობალურად - საგანგებო მდგომარეობა გამოაცხადა ამის მიზეზი კი კოვიდ პანდემია გახდა, რომელიც თანამედროვე ისტორიის ერთ-ერთ ყველაზე მასშტაბურ კრიზისადაც შეიძლება მივიჩნიოთ. კოვიდ პანდემიის გავლენა მსოფლიომ მწვავედ გამოცადა, მეტიც, მისი შედეგები დღესაც განსაზღვრავს არაერთი ქვეყნის მდგომარეობას. #ახალიამბები #BusinessMediaGeorgia
#საქმიანიდილა - 30 იანვარი - პროლოგი #ახალიამბები #BusinessMediaGeorgia
სახელმწიფო პროგრამაში მონაწილე კლინიკები DRG დაფინანსების სისტემაში ცვლილებების მოლოდინში არიან. გასული წლის ბოლო სამუშაო დღეს ჯანდაცვის მინისტრმა BMG-ის კითხვაზე საპასუხოდ განაცხადა, რომ მიმდინარე წლის იანვრიდან მთავრობა DRG სისტემაში პაციენტის თანაგადახდის შესაძლებლობას დაუშვებს, რაც კლინიკების მხრიდან ერთ-ერთი მთავარი მოთხოვნა იყო. მიხეილ სარჯველაძემ თქვა, რომ თანაგადახდის შესაძლებლობა რამდენიმე მიმართულებით გაჩნდება. ჯანდაცვის ასოციაცია ვარაუდობს, რომ თანაგადახდის კომპონენტი ე.წ პროთეზებზე, თვალის ბროლსა და მსგავს სახარჯ მასალებს შეეხება, თუმცა დაზუსტებით რა შემთხვევაში ექნება პაციენტს თანხის დამატების შესაძლებლობა, ამაზე სამინისტროს ჯერ არ უსაუბრია. აღსანიშნია, რომ სახელმწიფო დაფინანსების მიღმა პაციენტს უკეთესი სერვისის მისაღებად თანხის დამატების უფლება შეზღუდული ჰქონდა, თუ ის საყოველთაო ჯანდაცვის პროგრამას არ დატოვებდა. სტუმარი: ანდრია ურუშაძე - ჯანდაცვის სპეციალისტი #ახალიამბები #BusinessMediaGeorgia
ელექტრონულ კომერციაზე ვაგრძელებთ საუბარს. მომხმარებელი უფრო მეტს ზოგავს, ვიდრე ხარჯავს - დეკემბერმა, როგორც წლის ყველაზე შემოსავლიანმა თვემ ბიზნესის მოლოდინები ვერ გაამართლა. მიზეზი ქვეყანაში მიმდინარე რთული პოლიტიკური პროცესები და არასტაბილური გარემოა. ფიზიკურ სავაჭრო ობიექტების მსგავსად მომხმარებლის აქტივობა შენელებულია ელექტრონულ კომერციაშიც. ბიზნესების ნაწილი ამბობს, რომ მომხმარებელი ძირითად პირველადი მოხმარების ნივთებს ყიდულობს, სხვა დანარჩენ პროდუქციაზე კი აქტივობა მნიშვნელოვნად შემცირდა. როგორი იყო გასული თვე ელექტრონული კომერციის სექტორისთვის და შეიცვალა თუ არა მიმდინარე თვეში მომხმარებლის ქცევა? სტუმარი: თამარ გოგოლაშვილი - ელ კომერციის ასოციაციის თანადამფუძნებელი; #ახალიამბები #BusinessMediaGeorgia
“პირველად, საგანმანათლებლო სივრცეში უმაღლესი განათლების საფეხურზე სწავლის გაგრძელებისთვის სკოლის აკადემიური მოსწრების გათვალისწინება მოხდება“ - ამის შესახებ „ქართული ოცნების“ 4-წლიან სამოქმედო გეგმაში ვკითხულობთ. შედეგად, „ოცნების მთავრობა“ ზოგადი განათლების მნიშვნელობის გაზრდას და სკოლის პრესტიჟის ამაღლებას მოელის. დოკუმენტში ასევე წერია, რომ, მოსწავლეთა აკადემიური მიღწევების ეროვნული შეფასებები განხორციელდება. შეიძლება ვივარაუდოთ, რომ ეს შეიძლება იყოს ოცნების მერ დაანონსებული საუნივერსიტეტო რეფორმის ნაწილიც. ისინი მომდევნო 4-წლიან პერსპექტივაში საუნივერსიტეტო სისტემის თვისობრივად გარდაქმნას გეგმავენ. როგორც გასულ კვირას ირაკლი კობახიძემ თქვა, რეფორმის მთავარი მიზანი მაღალი, ევროპული განათლების უზრუნველყოფაა. “ოცნების” პრემიერ მინისტრისთვის უმაღლესი განათლების ხარისხი არ არის დამაკმაყოფილებელი, ამიტომ სისტემის გარდაქმნისთვის სამთავრობო კომისიას ქმნის, რომელსაც სათავეში განათლების მინისტრი ალექსანდრე წულაძე და მისი მრჩეველი განათლების საკითხებში ლევან იზორია ჩაუდგებიან. რა შეიძლება იყოს ქართული ოცნების ჩანაფიქრი, როგორ შეიძლება განათლების ხარისხის აწევა და რა დადებითი და უარყოფითი შეიძლება ჰქონდეს სკოლის აკადემიური მოსწრების გათვალისწინებას უმაღლესი განათლების საფეხურზე სწავლის გაგრძელებისთვის? სტუმარი: ქეთი ცოტნიაშვილი - განათლების ექსპერტი; #ახალიამბები #BusinessMediaGeorgia
უნდა გადაიხედოს თუ არა ფქვილზე დაწესებული საიმპორტო გადასახადი - ამ თემაზე სამსჯელოდ ბოლო კვირებია სოფლის მეურნეობის სამინისტროში არაერთი შეხვედრა შედგა. პურის მწარმოებლების დარგობრივი გაერთიანება ფქვილზე ბაჟის შემცირებას იმ მოტივით ითხოვს, რომ არჩევნების შემდგომ ბაზარზე ფქვილის ღირებულება გაიზარდა, რა პირობებშიც პურის ფასის შენარჩუნება ბიზნესს უჭირს. მეორეს მხრივ ფქვილის მწარმოებელთა ასოციაციის ხელმძღვანელი ამბობს, რომ სასურსათო უსაფრთხოების გათვალისწინებით ფქვილზე დაწესებული საიმპორტო გადასახადი არ უნდა მოიხსნას. ამ მოცემულობით, ფქვილის, ქერისა და ქატოს იმპორტზე გადასახადი 2025 წლის 1 მარტამდეა გახანგრძლივებული. მთავრობის დადგენილებით, 200 კგ-ზე მეტი ოდენობის ხორბლის ფქვილის თავისუფალ მიმოქცევაში გაშვების პროცედურაში გაფორმებისას, 1 ტონა ხორბლის ფქვილის იმპორტის გადასახადი 250 ლარია. ქერის და ქატოს შემთხვევაში კი 200 კგ-ზე მეტი ოდენობის პროდუქტის იმპორტისას 1 ტონაზე გადასახადი 100 ლარს შეადგენს. როგორ უნდა იმოქმედოს სახელმწიფომ, რომ პურზე ფასი არ გაიზარდოს, ამაზე საბოლოო გადაწყვეტილება შეიძლება ითქვას, რომ მიღებული არ არის, თუმცა ფქვილის მწარმოებელთა ასოციაცია აცხადებს, რომ სამინისტროსგან სრული გარანტია არსებობს, რომ [ფქვილზე დაწესებული საიმპორტო] გადასახადი არ მოიხსნება. რაზე მიდის მსჯელობა კერძო სექტორსა და სამინისტროს შორის და რა არგუმენტები აქვს ამ შემთხვევაში ფქვილის მწარმოებლებს? სტუმარი: ლევან ჯანაშია - აგროექსპორტის დამფუძნებელი; #ახალიამბები #BusinessMediaGeorgia
კინოინდუსტრიაში მუსიკალური რეპერტუარი უდიდეს როლს თამაშობს ყურების დროს იმ ემოციების გამოღვიძებაში, რომელსაც ეკრანზე გამოსახული კადრები გვაძლევენ. კინო კომპოზიტორები ენიო მორეკონედან და ნინო როტადან დაწყებული საოცარ გავლენას ახდენდნენ აუდიტორიებზე, თუმცა გასული საუკუნის მიწურულს გერმანიაში დაიბადა გენიოსი, რომელმაც მაყურებლებს კინოში სიარული მის მიერ შექმნილი კომპოზიციების მოსასმენად დააწყებინა. საუბარი ცხადია თანემდროვეობის გენიოსს მუსიკოსს ჰანს ზიმერზეა, რომლის სიდიადე მწვანე ფონს ჩამოფარებულ გადასაღებ მოედნებსა თუ საკონცერტო სცენებს მნიშვნელოვანი მანძილით გასცდა. როგორ ჟღერს ზიმერის წარმატება და რამ შექმნა ის? #ახალიამბები #BusinessMediaGeorgia
ოპრა - მილიარდერი მედია ბიზნესიდან #ახალიამბები #BusinessMediaGeorgia
მსოფლიოს ყველაზე მდიდარი ქალების რეიტინგი თიკო ნატმელაძე - BMG-ის რეპორტიორი; #ახალიამბები #BusinessMediaGeorgia
საქართველოს ეროვნული ბანკის მონეტარული პოლიტიკის კომიტეტმა რეფინანსირების განაკვეთის შესახებ დღეს, 29 იანვარს უნდა მიიღოს გადაწყვეტილება. ბოლოს სებ-მა განაკვეთი 2024 წლის 22 მაისს შეცვალა და ის 0.25 პროცენტული პუნქტით 8%-მდე შეამცირა. სტუმარი: ოთარ ნადარაია - "თიბისი ჯგუფის" მთავარი ეკონომისტი #ახალიამბები #BusinessMediaGeorgia
82 წლის წინ მედიცინის ისტორიაში უმნიშვნელოვანესი მიღწევა მოინიშნა, როდესაც ჰოლანდიელმა ექიმმა, ვილემ იოჰან კოლფმა პირველი ხელოვნური თირკმელი შექმნა, მოწყობილობა, რომელმაც წლების განმავლობაში მილიონობით ადამიანის სიცოცხლე გადაარჩინა. როგორ შეიქმნა და რას დაუდო სათავე ინოვაციურმა გამოგონებამ? #ახალიამბები #BusinessMediaGeorgia
ტექნოლოგიურ განვითარებასთან ერთად, რომლის პირობებშიც, კერძო და სამთავრობო სექტორი კომპიუტერულ სისტემებზე დამყარებულ ყოველდღიურ ოპერაციებზეა დამოკიდებული, მნიშვნელოვანი ინფორმაციის გავრცელების საფრთხე მკვეთრადაა გაზრდილი. მართალია ინტერნეტი უსაფრთხო სივრცე არასდროს ყოფილა, ახლა კი, როცა ბიზნესის უდიდესი ნაწილი ციფრული ტრანსფორმაციის გზას ირჩევს, კიბერშეტევების რიცხვი ყოველდღიურად იზრდება. მათ რიგებშია სოციალური ქსელი, რომელსაც ყოველდღიურად ვიყენებთ და კიბერ შეტევების ერთ-ერთ მთავარ პლატფორმასაც წარმოადგენს. რა უნდა გავითვალისწინოთ, როგორ დავიცვათ ინტერნეტში კიბერ ჰიგიენა? სტუმარი: ინგა ქარჩავა - საქართველოს საბანკო ასოციაციის კიბერუსაფრთხოების მიმართულების კოორდინატორი #ახალიამბები #BusinessMediaGeorgia
თანამედროვე სამყაროში ფიშინგი კიბერთავდასხმის ერთ-ერთი ყველაზე გავრცელებული ფორმაა, რომლის მიზანია მოტყუებით მოიპოვოს მომხმარებლის პირადი ინფორმაცია, მაგალითად, პაროლები, საბანკო მონაცემები ან საკრედიტო ბარათის დეტალები. ასეთი შეტევები ხშირად ხორციელდება ელფოსტის, ტექსტური შეტყობინებების ან ყალბი ვებსაიტების საშუალებით. ფიშინგს შეუძლია დიდი ზიანი მიაყენეს არა მხოლოდ ინდივიდებს, არამედ ბიზნესებს, მათ შორის მსხვილ კორპორაციებსაც. ფიშინგის რა სქემებს იყენებენ კიბერთაღლითები ყველაზე ხშირად და რა უნდა გავითვალისწინოთ მათგან დასაცავად? #ახალიამბები #BusinessMediaGeorgia
ბოლო 6 თვეში ექსპორტირებული თხილის რაოდენობა 17%-ით, ხოლო ღირებულება - 37%-ით გაიზარდა. საქართველოს სოფლის მეურნეობის სამინისტროს ინფორმაციით, 2024 წლის 1 აგვისტოდან 2025 წლის 26 იანვრის ჩათვლით 12.2 ათასი ტონა თხილის ექსპორტი განხორციელდა, ქართული თხილის საექსპორტო ფასი კი $6 დოლარია. როგორ აფასებენ სექტორის წარმომადგენლები 2024 წლის შედეგებს და გაძვირდება თუ არა ჩასაბარებელი თხილის ფასი მომდევნო თვეების განმავლობაში? #ახალიამბები #BusinessMediaGeorgia
#საქმიანიდილა - 29 იანვარი - პროლოგი #ახალიამბები #BusinessMediaGeorgia
რა ვიცით საქართველოს მოქალაქეების მონაცემების ბოლო გაჟონვაზე და რა საფრთხეს შეიძლება შეიცავდეს? საქმე კი ის გახლავთ, რომ მილიონობით ჩანაწერმა საქართველოს მოქალაქეებზე ინტერნეტში გაჟონა, რაც სენსიტიურ პერსონალურ მონაცემებს პოტენციურად დაუცველს ტოვებს მავნე აქტორების მიმართ, წერს Cybernews-ი. საქართველოს მოქალაქეების მონაცემები გერმანიაში დაფუძნებული ღრუბლოვანი სერვისის პროვაიდერის სერვერზე იყო. მონაცემთა ბაზა თავისუფალი ძებნისას დაფიქსირდა და მალევე დაიხურა.საუბარია შემდეგი ტიპის მონაცემებზე: პირადობის ნომერი, სახელი და გვარი, დაბადების თარიღი, გენდერი, სერტიფიკატის მსგავს ნომრები (პოტენციურად დაზღვევა), ტელეფონის ნომრები მფლობელის შესახებ აღწერილობითი ინფორმაციით. სტუმარი: გიორგი იაშვილი - Cyber Trust-ის დამფუძნებელი, კიბერუსაფრთხოების ექსპერტი #ახალიამბები #BusinessMediaGeorgia
საქართველოში, ხანგრძლივ პერიოდში, სამომხმარებლო ფასების დონის მაღალი ზრდის ტემპის შემდეგ, 2024 წელს ინფლაციის დონე შედარებით დაბალი იყო. წლის განმავლობაში, ფასების დონე სამომხმარებლო კალათის სასაქონლო ჯგუფებში არაერთგვაროვნად იცვლებოდა. ყველაზე დიდი წონის მქონე სასაქონლო ჯგუფში - სურსათში - ფასების დონე წლის დასაწყისში მცირდებოდა, ხოლო წლის ბოლოს სწრაფად იზრდებოდა. ეს განსაკუთრებით აისახება დაბალშემოსავლიანი ოჯახების მდგომარეობაზე, რადგან მათ მოხმარებაში სურსათს უფრო დიდი წილი უჭირავს. მომავალში სავარაუდოა ფასების საერთო დონის უფრო სწრაფი ზრდა. ეს მოლოდინი გატარებულ პოლიტიკასა და გასული წლის მიწურულს ინფლაციის ტემპის აჩქარებას ეფუძნება. ამ ინფორმაციას კვლევითი ინსტიტუტი, გნომონ ვაისის სამომხმარებლო ფასების დინამიკის დოკუმენტი შეიცავს. სტუმარი: ეგნატე შამუგია - Gnomon Wise-ის მკვლევარი; #ახალიამბები #BusinessMediaGeorgia
რესტორატორი შოთა ბურჯანაძე ამბობს, რომ რესტორნებში, განსაკუთრებით ტურისტულ ზონებში, მომხმარებლების რაოდენობა შემცირდა. გარდა მომხმარებელთა კლებისა, ჩავარდნილი სეზონის გამო, მცირდება სტუმარმასპინძლობის სფეროში დასაქმებულთა რაოდენობაც. ბურჯანაძე ამ ყველაფერს ქვეყნის თვითიზოლაციას უკავშირებს და ვარაუდობს, რომ თუ სიტუაცია არ შეიცვლება, სცენარი ბევრად მძიმე იქმნება. სექტორისთვის მნიშვნელოვან გამოწვევას როგორც წესი წარმოადგენს ეროვნული ვალუტის გაუფასურებაც, ინფლაცია და სამუშაო ძალის შემცირება. სტუმარი: შოთა ბურჯანაძე - რესტორატორი; #ახალიამბები #BusinessMediaGeorgia
მთავრობამ „კურორტების შესახებ“ დადგენილება მიიღო. დოკუმენტი საკურორტო საქმიანობის სფეროში არსებულ სამართლებრივ ურთიერთობებს არეგულირებს და ადგენს კურორტებისა და საკურორტო ადგილების შესახებ ნუსხას. გარდა ამისა, დადგენილებით კურორტების განვითარების სააგენტოს დამატებითი ფუნქციები განესაზღვრა: კურორტებისა და საკურორტო ადგილების განვითარების მიზნით რეკომენდაციების მომზადება; საკურორტო პოლიტიკის შემუშავების ხელშეწყობა; კურორტებსა და საკურორტო ადგილებში ადგილობრივი მოსახლეობის დასაქმების ხელშეწყობის მიზნით შესაბამის უწყებებთან თანამშრომლობა; გეოინფორმაციული რუკების მომზადება, საკურორტო ადგილების რეესტრის შექმნა, ეკონომიკური მდგომარეობის დადგენა და შესაბამისი მონაცემთა ბაზის შექმნა; კურორტებსა და საკურორტო ადგილებზე მაღალი რისკის პროფესიის პერსონალის მომზადებისა და გადამზადების ხელშეწყობა; საინვესტიციო წინადადების შემუშავება, ასევე მცირე და საშუალო ინფრასტრუქტურული პროექტების განხორციელება; კომპეტენციის ფარგლებში თანამშრომლობა ადგილობრივ და საერთაშორისო სამეცნიერო და არასამთავრობო ორგანიზაციებთან, დონორებთან ურთიერთობა, პროექტების შემუშავება და განხორციელება. ამავე დადგენილებით განსაზღვრულია საქართველოში არსებული კურორტები და საკურორტო ადგილები. ასევე, განახლდა საქართველოში არსებული საკურორტო ზონებისა და კურორტების შესახებ ინფორმაცია. დოკუმენტის მიხედვით, ქვეყანაში 56 ბალნეოლოგიური კურორტია. ნუსხაში ვხდებით კურორტ ნუნისსაც. სტუმარი: ირმა დაუშვილი - საკურორტო სასტუმრო “ნუნისი” თანადამფუძნებელი #ახალიამბები #BusinessMediaGeorgia
ყველა დროის ყველაზე გაყიდვადი სამეცნიერო ფანტასტიკა #ახალიამბები #BusinessMediaGeorgia
#მხოლოდქართული გამომცემლობა “მედუზა” სტუმარი: ანი ყიასაშვილი - გამომცემლობა "მედუზას" დამფუძნებელი; თიკო ნატმელაძე - #მხოლოდქართული-ს ავტორი; #ახალიამბები #BusinessMediaGeorgia
მთავრობის 24 იანვრის დადგენილებით, ღვინის და აგროტურიზმის ბიზნესები, რომელთა წლიური შემოსავალი 700 ათასი ლარია, სპეციალური დაბეგვრის რეჟიმით ისარგებლებენ. რას ნიშნავს სპეციალური დაბეგვრის რეჟიმი ბიზნესისთვის და რას ამბობს საქართველოს კანონმდებლობა ამ რეჟიმით სარგებლობაზე ბიზნესის სხვა სახეობებთან დაკავშირებითაც? სტუმარი: ოთარ კაჭკაჭაშვილი - იურიდიული კომპანია " ოქეი ენდ სი ჯის" დამფუძნებელი და დირექტორი; #ახალიამბები #BusinessMediaGeorgia
საქართველოს აუდიტორული ფირმების რეიტინგი (2023) #ახალიამბები #BusinessMediaGeorgia
იანიკ სინერი ზედიზედ მეორედ ავსტრალიის ღია პირველობის გამარჯვებულია ირაკლი მოდებაძე - #BMG-ის რეპორტიორი; #ახალიამბები #BusinessMediaGeorgia
93 წლის წინ, ზუსტად დღევანდელ დღეს, 28 იანვარს მსოფლიოში სათამაშოების მწარმოებელი, ერთ-ერთი უმსხვილესი ბრენდი “ლეგო” შეიქმნა. ისტორია, 1932 წელს დანიის ქალაქ ბილუნდში დურგლის, ოლე კირკ კრისტიანსენის სახელოსნოში დაიწყო, სადაც კრისტიანსენი ხის სათამაშოებს თავის ხელით ამზადებდა. 2 წლის შემდეგ კი კომპანიაც დააფუძნა, რომელმაც, წლების განმავლობაში ზრდის აღმავალი ტრენდი აჩვენა და დანიის მიღმა, თავი პლანეტის არაერთ წერტილში დაიმკვიდრა. ლეგო დღეს ბაზრის მოწინავე პოზიციას მყარად ინარჩუნებს და ყოველწლიურად მილიარდობით დოლარის შემოსავალს აგენერირებს. რა გზა გაიარა და როგორ მოვიდა ყველა თაობისთვის საყვარელი ბრენდი დღევანდელობამდე? #ახალიამბები #BusinessMediaGeorgia
#საქმიანიდილა - 28 იანვარი - პროლოგი #ახალიამბები #BusinessMediaGeorgia
“თბილღვინოს” პარტნიორთა კონფერენცია 2025 ზურაბ მარგველაშვილი - "თბილღვინოს" დირექტორი; #ახალიამბები #BusinessMediaGeorgia
ესპანეთში, მადრიდში მსოფლიოში ყველაზე გავლენიანი გასტრო კონგრესი Madrid Fusión 2025 დაიწყო. საერთაშორისო კონგრესზე, საქართველოს ტურიზმის ეროვნული ადმინისტრაციის სტენდთან სტუმრები და კულინარიის სფეროს წარმომადგენლები ქართულ სამზარეულოს, ღვინოსა და ტურისტულ პროდუქტებს გაეცნობიან. გასტრო კონგრესზე საქართველოს 4 შეფ-მზარეული: გურამ ბაღდოშვილი, დავით ნარიმანიშვილი, დადუნა ღლონტი და ირაკლი თოდაძე წარადგნენ. როგორია ღონისძიების მნიშვნელობა და ქართული მხარის გეგმები? სტუმარი: ქეთი კვიჭიძე - "გასტრონომიული და რურალ ტურიზმის ასოციაციის" დამფუძნებელი; #ახალიამბები #BusinessMediaGeorgia
2024 წლის მეოთხე კვარტალში, წინა კვარტალთან შედარებით საცხოვრებელი უძრავი ქონების ფასების ინდექსი 5.2%-ით გაიზარდა, ხოლო ინდექსის წლიურმა ზრდამ 10.4% შეადგინა. 2020 წლის საშუალოსთან შედარებით მაჩვენებელი 54.3%-ით არის გაზრდილი. საქსტატის მიერ გამოქვეყნებულ პუბლიკაციაში აღნიშნულია, რომ მონაცემები თბილისს ფარავს და მოიცავს მხოლოდ ახალი საცხოვრებელი უძრავი ქონების ბაზარს, როგორც მრავალსართულიანი სახლების, ისე კერძო სახლების სეგმენტებს. რა ტენდენციებია უძრავი ქონების ბაზარზე, როგორც საცხოვრებელი ისე კომერციული მიმართულებით? სტუმარი: ვაჟა მებაღიშვილი - უძრავი ქონების კომპანია Noble Real Estate-ს თანადამფუძნებელი; #ახალიამბები #BusinessMediaGeorgia
ქვეყანაში შექმნილი პოლიტიკური კრიზისი დეკემბერში დასაქმების ბაზარზეც აისახა. დასაქმების სააგენტოებში ვაკანსიები შემცირდა. HR.GE-ს მონაცემებით, განსაკუთრებული კლება ჰორეკა სექტორშია, სადაც ბოლო 3 თვეში შემცირება 17%-ს აღწევდა. სექტორის წარმომადგენლები აცხადებენ, რომ თბილისის სასტუმროებში დეკემბერში კადრების 15%-მდე შენარჩუნება ვერ მოხერხდა. მიზეზი ცხადია ფინანსური მდგომარეობა იყო, რის გამოც სასტუმროების ნაწილმა ხელფასების გადახდა ვერ შეძლო. როგორია ვითარება ადგილობრივი და საერთაშორისო ბრენდების სასტუმროებში კადრების შენარჩუნების თვალსაზრისით? სტუმარი: ქეთი ამირბარი - კომპანია “ამირბარის" დამფუძნებელი, ბიზნეს-კონსულტანტი; #ახალიამბები #BusinessMediaGeorgia
ყველაფერი ავსტრალიაში მოგზაურობის შესახებ რუბრიკის წამყვანები: ანა კირკიტაძე - Winglet -ს დამფუძნებელი; თინათინ გოგუაძე - e-Consul-ის დამფუძნებელი #ახალიამბები #BusinessMediaGeorgia
ყველა კონტინენტს თავისი განსაკუთრებული საფეხბურთო ტურნირი გააჩნია იგივე ევროპას ჩემპიონთა ლიგა, სამხრეთ ამერიკას კოპა ლიბერტადორესი და ა.შ. წარსულში თითოეული კონტინენტის ჩემპიონი ავტომატურად ფიფას საკლუბო მსოფლიოს ჩემპიონატზე ერთვებოდა და იქ ავლენდნენ ერთმანეთში საუკეთესოს. წელს ტურნირი სახეცვლილი სახით ჩატარდება და როგორი სახის ფორმატით წარმოგვიდგენს ფიფა ამ ტურნირს? ირაკლი მოდებაძე - #BMG-ის რეპორტიორი; #ახალიამბები #BusinessMediaGeorgia
BMG და Tegeta Holding-ი წარმოგიდგენთ: #BMGAuto-ს
რა ვიცით საქართველოს მოქალაქეების მონაცემების ბოლო გაჟონვაზე და რა საფრთხეს შეიძლება შეიცავდეს? მილიონობით ჩანაწერმა საქართველოს მოქალაქეებზე ინტერნეტში გაჟონა, რაც სენსიტიურ პერსონალურ მონაცემებს პოტენციურად დაუცველს ტოვებს მავნე აქტორების მიმართ, წერს Cybernews-ი. ბობ დიაჩენკომ, კიბერუსაფრთხოების მკვლევარმა და SecurityDiscovery.com-ის მფლობელმა, Cybernews-ის კვლევით ჯგუფთან ერთად დაადგინა, რომ საქართველოს მოქალაქეების მონაცემები გერმანიაში დაფუძნებული ღრუბლოვანი სერვისის პროვაიდერის სერვერზე იყო. მონაცემთა ბაზა თავისუფალი ძებნისას დაფიქსირდა და მალევე დაიხურა.საუბარია შემდეგი ტიპის მონაცემებზე: პირადობის ნომერი, სახელი და გვარი, დაბადების თარიღი, გენდერი, სერტიფიკატის მსგავს ნომრები (პოტენციურად დაზღვევა), ტელეფონის ნომრები მფლობელის შესახებ აღწერილობითი ინფორმაციით. სტუმარი: ანდრო გოცირიძე - კიბერუსაფრთხოების ექსპერტი #ახალიამბები #BusinessMediaGeorgia
პარასკევს, თიბისი კონცეპტში, საგანმანათლებლო პლატფორმის - "თიბისი კამპუსის" პირველი ეტაპის შემაჯამებელი ღონისძიება გაიმართა, რომელმაც პროექტის 202 კურსდამთავრებული გააერთიანა და სადაც ის შედეგები განიხილეს, რაც "თიბისი კამპუსმა" მასში ჩართულ სტუდენტებს მოუტანა. ამასთან ერთად სამომავლო გეგმებზე, საჭიროებებსა და სიახლეებზეც იმსჯელეს - შედეგად, მომავლისთვის პლატფორმის უფრო გამრავალფეროვნება და ახალი პროგრამების დამატებაც დაიგეგმა. #ახალიამბები #BusinessMediaGeorgia
აშშ-ის პრეზიდენტი დონალდ ტრამპი ევროკავშირისთვის ტარიფების დაწესებას აპირებს და აცხადებს, რომ მისი ადმინისტრაცია ჩინეთიდან იმპორტზე 10%-იანი გადასახადის დაწესებას განიხილავს. ამის შესახებ დონალდ ტრამპმა თეთრ სახლში მედიასთან საუბრისას განაცხადა. ამასთან, მისი თქმით, ადმინისტრაცია ჩინეთიდან იმპორტზე 10-პროცენტიანი გადასახადის დაწესებას პირველი თებერვლიდან განიხილავს. რომელ სასაქონლო ჯგუფზე ექნება ტარიფების დაწესებას ყველაზე დიდი გავლენა? #ახალიამბები #BusinessMediaGeorgia
#საქმიანიდილა - 27 იანვარი - პროლოგი #ახალიამბები #BusinessMediaGeorgia
"კოგნიტა"-ს #ბრენდისხმა ნინო ბოლქვაძე - ადიქტოლოგი; Cognita-ს დამფუძნებელი #BrandVoice #ბრენდისხმა #BMG #BMGTV #ახალიამბები
რას ველოდოთ ანაკლიის პორტის პროექტისგან? სტუმარი: თინა ხიდაშელი - "სამოქალაქო იდეას" თავმჯდომარე; #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
როიტერსის სტატიაში ფინანსთა მინისტრის მოადგილე ამბობს, რომ ურთიერთობის შემდეგი ეტაპი შესაძლოა დაიწყოს IMF-ის თანამშრომლების საქართველოში ვიზიტისას ან ვირტუალური მისიის ფარგლებში. ჯერ ზუსტად არ ვიცით, რა ფორმით და როდის შედგება ეს ვიზიტი საქართველოში. ჯამში, ეკატერინე გუნცაძე ოპტიმისტურადაა განწყობილი, რომ ქვეყანა შეძლებს საერთაშორისო სავალუტო ფონდთან ახალი პროგრამის შეთანხმებას, მაკროფისკალურ დონეზე კარგი შედეგების, სტაბილურობისა და კონსოლიდაციის ხარჯზე, რასაც ფონდი მოითხოვს. რაც შეეხება რეფორმების ნაწილს, ამაზე კომენტარი რამდენიმე დღის წინ ლევან დავითაშვილმა გააკეთა და აღნიშნა, რომ მთავრობა ფონდის პირობებს მაშინ დათანხმდება თუკი ეს პირობები ხელისუფლებისთვის იქნება მისაღები. ეს განცხადებაც მკაფიოდ მიანიშნებს იმაზე, რომ მთავრობა არაა მზად IMF-ის წინაშე ვალდებულებად აიღოს სახელმწიფო საწარმოების ყოვლისმომცველი რეფორმის ვალდებულება, რაც წინა პროგრამით იყო გათვალისწინებული და რაც საბოლოოდ ხელისუფლებამ IMF-ის შეფასებით სრულფასოვნად არ შეასრულა. რის მიღწევა სურს ქართული ოცნების მთავრობას 135 გვერდიანი დოკუმენტით, რომელიც ჯერ-ჯერობით მხოლოდ ინგლისურ ენაზეა ხელმისაწვდომი? სტუმარი: რომან გოცირიძე - პარლამენტის ყოფილი წევრი; #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
დონალდ ტრამპის გადაწყვეტილებით, შეერთებული შტატები დატოვებს ჯანდაცვის მსოფლიო ორგანიზაციას (ჯანმო). როგორც ამერიკის შეერთებული შტატების პრეზიდენტმა 20 იანვარს განაცხადა, გაეროს ჯანდაცვის ორგანომ არასწორად მართა COVID-19 პანდემია და ჯანდაცვის სხვა კრიზისები. ტრამპის თქმით, ჯანმომ ვერ შეძლო დამოუკიდებლობის შენარჩუნება და "წევრი ქვეყნების არასათანადო პოლიტიკური გავლენისგან" გათავისუფლება. ამერიკის ლიდერი თვლის, რომ ორგანიზაციამ სხვა დიდ სახელმწიფოებთან შედარებით, როგორიცაა მაგალითად ჩინეთი, უსამართლოდ და არაპროპორციულად დიდი თანხები მიიღო შეერთებული შტატებისგან. „ჯანდაცვის მსოფლიო ორგანიზაციამ გაძარცვა შეერთებული შტატები, ამას ყველა აკეთებს. ეს აღარ მოხდება", - განაცხადა პრეზიდენტმა ტრამპმა, როცა ხელს აწერდა აღმასრულებელ განკარგულებას ჯანმოს დატოვების შესახებ. ბრძანებულებას მან ხელი 20 იანვარს, ინაუგურაციის დასრულების შემდეგ, თეთრი სახლის ოვალურ ოფისში მოაწერა. მეორე დღეს ჯანმომ პასუხი დააბრუნა. ”ვიმედოვნებთ, რომ შეერთებული შტატები გადახედავს გადაწყვეტილებას და ჩვენ ნამდვილად ვიმედოვნებთ, რომ შედგება კონსტრუქციული დიალოგი ყველას საკეთილდღეოდ, როგორც ამერიკელების, ისე მთელი მსოფლიოს ხალხებისთვის", - განუცხადა ჟენევაში შეკრებილ ჟურნალისტებს ჯანმოს სპიკერმა ტარიკ იასარევიჩმა. განკარგულების აღსრულებას დაახლოებით 12 თვე დასჭირდება. ეს დრო საჭიროა იმისთვის, რომ შეერთებულმა შტატებმა დატოვოს გაეროს ჯანდაცვის სააგენტოს პროგრამები და შეაჩეროს ყველა შენატანი. ამერიკა ჯანდაცვის მსოფლიო ორგანიზაციის ყველაზე დიდი ფინანსური მხარდამჭერია, რომელიც საკუთარ თავზე მთლიანი დაფინანსების დაახლოებით 18%-ს იღებს. ჯანმოს ბოლო ორწლიანი ბიუჯეტი 2024-2025 წლებში $6.8 მილიარდს შეადგენდა. სტუმარი: აკაკი ზოიძე - ჯანდაცვის სპეციალისტი; #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
BMG & Hyundai Auto Georgia წარმოგიდგენთ #BMGDRIVE-ს:
BAG-ის ტრანსპორტის კომიტეტის სხდომა სტუმრები: ლევან ვეფხვაძე - საქართველოს ბიზნეს ასოციაციის აღმასრულებელი დირექტორი; აკაკი საღირაშვილი - საქართველოს ბიზნეს ასოციაციის აღმასრულებელი დირექტორის პირველი მოადგილე #ახალიამბები #BusinessMediaGeorgia
ვინ არის ფლორენტინო პერესი? - ყველაზე გავლენიანი საფეხბურთო ფუნქციონერის ისტორია ირაკლი მოდებაძე - BMG-ის რეპორტიორი #ახალიამბები #BusinessMediaGeorgia