კანონპროექტი, რომელსაც ტურიზმის სექტორი რამდენიმე წელია ელოდება, პარლამენტშია. საუბარია „ტურიზმის შესახებ“ კანონპროექტზე, რომელსაც კულტურის კომიტეტმა გასულ ორშაბათს მხარი პირველი მოსმენით დაუჭირა. კანონპროექტით, რომელზეც დარგობრივმა კომიტეტმა იმუშავა, განსაზღვრავს ტურისტის, როგორც მომხმარებლის უფლებებსა და გარანტიებს. კანონპროექტით ტურისტული საქმიანობების განმახორციელებელი სუბიექტები ვალდებული იქნებიან რეგისტრაცია გაიარონ ეკონომიკურ საქმიანობათა რეესტრში. ნებაყოფლობითი იქნება გიდების პროფესიული სერტიფიცირება, თუმცა კანონპროექტში გათვალისწინებულია დამატებითი სტიმულები სერტიფიცირებული გიდებისთვის. ერთ-ერთი მნიშვნელოვანი რეგულაცია რაც შემოდის და რაც მათ შორის იყო კერძო სექტორის კრიტიკის საგანი ტუროპერატორებისა და კომბინირებული ტურისტული მომსახურების მიმწოდებლების სავალდებულო ფინანსურ უზრუნველყოფას ითვალისწინებს. შესაძლო გადახდისუუნარობის შემთხვევაში მათ შესაბამისი პასუხისმგებლობის დაზღვევა ან საბანკო გარანტია უნდა გააჩნდეთ. ამ ვალდებულების შესრულებას ზედამხედველობას ტურიზმის ეროვნული ადმინისტრაცია გაუწევს. რამდენად მისაღებია წარმოდგენილი კანონპროექტი ტურიზმის სექტორისთვის, რომელზეც 3 წლის განმავლობაში მიდიოდა მუშაობა? სტუმრები: თამუნა თანდაშვილი - საქართველოს ტურიზმის ალიანსის თანადამფუძნებელი; რატი კოჭლამაზაშვილი - ფერმერთა ასოციაციის თავმჯდომარის მოადგილე #ახალიამბები #BusinessMediaGeorgia
სეს–მა ვირტუალური აქტივის მომსახურების პროვაიდერის რეგისტრაციის წესი დაამტკიცა, რომლის საფუძველზეც ვირტუალური აქტივის მომსახურების პროვაიდერის საქართველოს ეროვნულ ბანკში რეგისტრაციის, რეგისტრაციის გაუქმებისა და რეგულირების წესის დამტკიცების მთავარ მიზანს საქართველოში მოქმედი ვირტუალური აქტივის მომსახურების პროვაიდერების, ფულის გათეთრებისა და ტერორიზმის დაფინანსების აღკვეთის ხელშეწყობის (AML/CFT) მიზნით რეგულირება წარმოადგენს. კონკრეტულად რას ითვალისწინებს ცვლილება? სტუმარი: ნიკოლოზ კანდელაკი - სებ-ის საგადახდო მომსახურების პროვაიდერების ზედამხედველობის და VASPs-ის რეგისტრაციის განყოფილების უფროსი; #ახალიამბები #BusinessMediaGeorgia
Amazon-ი საქონლის მიწოდებას ხელოვნური ინტელექტის დახმარებით დააჩქარებს. ამის შესახებ ინფორმაციას CNBC ავრცელებს. ხელოვნური ინტელექტი დაეხმარება მომხმარებლებს იპოვონ საჭირო პროდუქტები Amazon-ზე ძიებისას. თუმცა, ძირითადი აქცენტი გაკეთებულია ხელოვნური ინტელექტის გამოყენებაზე მათი ინვენტარის ყველაზე ეფექტური ადგილმდებარეობის დასადგენად. #ახალიამბები #BusinessMediaGeorgia
რუსეთ უკრაინის ომის შემდეგ ევროპამ რუსეთის მოქალაქეებს გარკვეული სანქციები დაუწესა. შეზღუდვები გავრცელდა რუს ტურისტებზეც. ამ და სხვა მიზეზების გამო ევროპის ქვეყნებში რუსი ტურისტების ნაკლებობაა. მათი რაოდენობა შემცირებულია იმ ქვეყნებშიც, სადაც ტურისტული ინდუსტრიის დიდი წილი სწორედ რუს დამსვენებელზე იყო დამოკიდებული. ევროპის რომელ ქვეყნებში შეინიშნება რუსების ნაკლებობა და რა გავლენას მოახდენს ეს ამ ქვეყნების ტურისტულ სეზონებზე? #ახალიამბები #BusinessMediaGeorgia
საბანკო სექტორი ქვეყნის უმსხვილესი და ერთ-ერთი საუკეთესო დამსაქმებელია. ეს სტატუსი სექტორს უკვე ათწლეულებია აქვს. დასაქმებასთან ერთად საფინანსო სფერო მეორე მხრივ ერთ ერთი ყველაზე მაღალანაზღაურებადი სექტორია. წლების განმავლობაში საბანკო სფერომ გამოცდილება, გამოცდილი კადრები და დასაქმების მაღალი კულტურა მოაგროვა. სტუმრები: სალომე მაკარიძე - "საქართველოს საბანკო ასოციაციის" პროექტებისა და კომუნიკაციების ხელმძღვანელი; ლევან გოგოლაძე - საქართველოს საბანკო ასოციაციის მდგრადი განვითარების მიმართულების კოორდინატორი. #ახალიამბები #BusinessMediaGeorgia
საავიაციო უსაფრთხოების სარეიტინგო სააგენტო Airline Ratings-მა მსოფლიოს 2023 წლის საუკეთესო ავიახაზები გამოავლინა. ავიაკომპანიების ყოველწლიური რეიტინგი სამთავრობო აუდიტისა და უსაფრთხოების თორმეტ კრიტერიუმს ეყრდნობა, მათ შორისაა: ფლოტის ასაკი, მგზავრთა მიმოხილვები, მოგებიანობა, ინვესტიციების მოცულობა, პროდუქტების შეთავაზებები და პერსონალისადმი დამოკიდებულება. Airline Ratings-ის საუკეთესო ოცდახუთეულში მოსახვედრად, აუცილებელია, ავიაკომპანია უსაფრთხოების შვიდი ვარსკვლავის შეფასებას აკმაყოფილებდეს. რომელმა ავიაკომპანიებმა დააკმაყოფილა ყველა ეს კრიტერიუმი და რომელი მათგანი დასახელდა საუკეთესოდ? #ახალიამბები #BusinessMediaGeorgia
დღეიდან UEFA-ს 21-წლამდე ევროპის ჩემპიონატი იწყება #ახალიამბები #BusinessMediaGeorgia
აგრომეურნეობა „შაბროს“ დამფუძნებელ ნიკა გეთიაშვილს გურჯაანში, 30 ჰექტარ მიწის ფართობზე სხვადასხვა სახეობის ხილი მოჰყავს. ფერმერი განსაკუთრებულ აქცენტს ატამსა და გარგარზე აკეთებს, რომელთა ნერგებიც ამერიკიდან, საფრანგეთიდან, ესპანეთიდან და ევროპის კიდევ არაერთი ქვეყნიდან ჩამოაქვს და ქართულ მიწაზე ახარებს. როგორც აღმოჩნდა, წლევანდელი წელი მისთვის საკმაოდ წარმატებულია და ჯამურად 300 ტონამდე მოსავალს ელოდება, რასაც სრულად ადგილობრივ ბაზარზე გაყიდის. როგორ ავითარებს ნიკა გეთიაშვილი თავის მეურნეობას და რა გეგმები აქვს ბიზნესის სამომავლო განვითარებასთან დაკავშირებით? ნიკა გეთიაშვილი - ფერმერი, აგრომეურნეობა „შაბროს“ დამფუძნებელი #ახალიამბები #BusinessMediaGeorgia
ევროკავშირმა და მისი წევრი სახელმწიფოების წარმომადგენლებმა საქართველოში ორი ახალი ინიციატივის განხორციელება დაიწყეს. ერთი ინიციატივა ქვეყნის დაბალანსებულ ტერიტორიულ განვითარებაზე, ხოლო მეორე მწვანე და ჯანსაღი გარემოს შექმნაზეა ორიენტირებული. ინიციატივის დაწყების შესახებ “ევროპის გუნდმა” გასულ კვირას არაგვისპირში დაგეგმილ ღონისძიებაზე გააჟღერა. რა გეგმა აქვთ ევროკავშირსა და მის წევრ სახელმწიფოებს საქართველოში ამ მიმართულებით? #ახალიამბები #BusinessMediaGeorgia
#საქმიანიდილა - 21 ივნისი - პროლოგი #ახალიამბები #BusinessMediaGeorgia
ყაზახეთში რუსი მომღერლის კონცერტი გააუქმეს #ახალიამბები #BusinessMediaGeorgia
კადრებზე მოთხოვნა მატულობს. როგორც HR.GE-ის რეგიონულმა მენეჯერმა ინგა შახბაზიანმა BMG-სთან განაცხადა, მიმდინარე წლის მაისში ვაკანსიების რაოდენობა 15%-ით გაიზარდა. შახბაზიანი საუბრისას ამბობს, რომ დასაქმების საიტზე კადრებს როგორც ქართული, ასევე საერთაშორისო კომპანიები ეძებენ, სექტორები კი სხვადასხვაა და მისი ჩამონათვალი არც ისე მცირეა. რაც შეეხება დასაქმების საიტზე მოთხოვნადი სფეროების წარმომადგენლებს, ისინი ჩვენთან საუბრისას აღნიშნავენ, რომ პანდემიის დროს კვალიფიციური კადრების თითქმის ორწლიანი გადინების შემდგომ, დღეს მათი შევსების პროცესი კომპანიებში ზოგ შემთხვევაში წარმატებულად, ხოლო ზოგგან ნაკლებად წარმატებულად მიმდინარეობს. #ახალიამბები #BusinessMediaGeorgia
მსოფლიოს ბევრ ქვეყანაში საკმაოდ დიდია მოთხოვნა ჩირზე. საქართველო კი ამ მხრივ შეიძლება ითქვას, გამორჩეული ქვეყანაა, რადგან ბოლო პერიოდში საკმაოდ ბევრი ქართლი ბიზნესი გაჩნდა, რომლებიც ჩირს აწარმოებენ. ერთ-ერთი ლიდერი კომპანია ჩირიფ რუტია, რომლის უშაქრო პროდუქციითაც გერმანელები უკვე დაინტერესდნენ. ჩირიფრუტის მიზანია შტატების ბაზრის ათვისება, რისთვისაც განსაკუთრებით ემზადებიან. როგორ უნდა მოხვდნენ ქართველი მწარმოებლების ამერიკის შეერთებული შტატების ბაზარზე და რა სჭირდებათ მათ, სხვა ქვეყნების ბაზრის ათვისებისთვის. სტუმარი: სოფო ჯიქია - “ჩირიფრუტის” თანადამფუძნებელი; #ახალიამბები #BusinessMediaGeorgia
თბილისში ჩამოსული ტურისტები განსხვავებული და ორიგინალური სუვენირების შეძენასაც შეძლებენ. პროექტი „თბილისის სუვენირები“ უკვე 3 თვეა დაიწყო და ის როგორც უცხოელ, ისე ადგილობრივ მყიდველს 15-ამდე სახეობის განსხვავებულ სუვენირს სთავაზობს. პროექტის ავტორი ქეთა ახობაძე აცხადებს, რომ როგორც სხვა ქვეყნებში, ისე საქართველოში, ძალიან პრობლემატურია ხარიხიანი სუვენირების შეძენა. პროექტ „თბილისის სუვენირების“ ავტორი და დამფუძნებელი ბაზარზე არსებულ კონკურენციაზეც საუბრობს და ამბობს, რომ „თბილისის სუვენირებს“ ბაზარზე არსებული კონკურენტებისგან დიზაინი, სიფერადე და უმაღლესი ხარისხი გამოარჩევს. როგორ მუშაობს ქვეყანაში სუვენირების ბიზნესი? სტუმარი: ქეთა ახობაძე - "თბილისის სუვენირების" პროექტის ავტორი; #ახალიამბები #BusinessMediaGeorgia
კულტურის კომიტეტმა „ტურიზმის შესახებ“ კანონპროექტს მხარი დაუჭირა. პროექტის ერთ-ერთი ინიციატორის, დარგობრივი ეკონომიკისა და ეკონომიკური პოლიტიკის კომიტეტის თავმჯდომარის, დავით სონღულაშვილის განმარტებით, დოკუმენტი ტურიზმთან დაკავშირებული სახელმწიფო პოლიტიკის შემუშავებას და ტურიზმის სფეროს მართვის ძირითადი კომპონენტების მოწესრიგებას ითვალისწინებს. კანონპროექტი განსაზღვრავს ტურისტული საქმიანობის სუბიექტებსა და მიმართულებებს, აწესრიგებს ტურისტულ საქმიანობას, განსაზღვრავს ტურისტის, როგორც მომხმარებლის უფლებებსა და გარანტიებს, ტურისტული მომსახურების სახელშეკრულებო ურთიერთობებს, სახელმწიფო ხელისუფლების და ადგილობრივი თვითმმართველობის ორგანოების ფუნქციებს და მოვალეობებს, ტურიზმის სფეროში კერძო და საჯარო თანამშრომლობის მექანიზმებს, ტურისტის უსაფრთხოებასა და ტურისტთან დაკავშირებულ სხვა საკითხებს - განაცხადა დავით სონღულაშვილმა. მისივე თქმით, არსებული კანონი ვერ პასუხობს ტურიზმის სექტორში დღეს არსებულ გამოწვევებს. გარდა ამისა, საკანონმდებლო ცვლილებები აუცილებელია იმისათვის, რომ ტურისტული მომსახურების რეგულაციები შესაბამისობაში მოვიდეს ევროკავშირის დირექტივებთან. სტუმარი: ალექსანდრე გიორგიძე - გიდი. #ახალიამბები #BusinessMediaGeorgia
რა ეკონომიკური ეფექტი შეიძლება ჰქონდეს სუროგაციის რეგულაციას, რომელიც მხოლოდ საქართველოს მოქალაქეებისთვის იქნება დაშვებული. როგორც ცნობილია, სუროგაციასთან ერთად, უცხოეთის მოქალაქეებისთვის ინვიტრო განაყოფიერებაც იკრძალება. მთავრობა ასევე რეკლამის აკრძალვას გეგმავს და ინფორმაცია მედიცინის დახმარებით რეპროდუქციის სერვისების შესახებ სამინისტროს მიერ გავრცელდება. რატომ მიიღო მთავრობამ სუროგაციისა და ინვიტრო განაყოფიერების რეგულირების გადაწყვეტილება ახლა და როგორია ქვეყანაში ამ გზით დაბადებულთა სტატისტიკა? ასევე რა ეკონომიკური ეფექტი შეიძლება ჰქონდეს სუროგაციის სერვისზე შეზღუდვის შემოღებას? სტუმარი: ნინო ბოგვერაძე - “კორძაძის საადვოკატო ბიუროს” პარტნიორი ადვოკატი. #ახალიამბები #BusinessMediaGeorgia
მაღაროელების პროტესტმა დედაქალაქში გადმოინაცვლა. მედიაცია ჯერჯერობით უშედეგოა. მაღაროელები პროტესტის უკიდურეს ფორმას მიმართავენ და მოთხოვნების დაკმაყოფილებას ითხოვენ. კომპანიის წარმომადგენლები კი განმარტავენ, რომ ხელფასის 20% ზრდა რაც მოთხოვნილია შეუძლებელია, რადგან მოთხოვნის დაკმაყოფილებისთვის საჭირო 10 მლნ ლარი არ აქვთ და ვერც მის მობილიზებას ახერხებენ. გუშინ შუადღეს გამართული პრესკონფერენციის შემდეგ რამდენად დამაჯერებელია არგუმენტები მანგანეზის თანამშრომლებისათვის რთული სათქმელია. მათ ინფორმაცია რაც მედიასთან კომპანიის წარმომადგენლებმა გუშინ გააჟღერეს უკვე მიღებული ჰქონდათ თუმცა მოთხოვნები არ შეცვლილა. აქვე აღვნიშნავ, რომ 13 ივნისიდან “ჯორჯიან მანგანეზთან” მოლაპარაკებების პროცესში ჯანდაცვის სამინისტროს შრომის ინსპექციაც ჩაერთო. მედიაციის შედეგად მხარეებმა მოთხოვნათა უმრავლესობაზე შეთანხმებას მიაღწიეს, დღეისთვის მაღაროელების მთავარ მოთხოვნად ხელფასების 20%-ით მატება რჩება. პროტესტის მონაწილეთა ნაწილი შიმშილობს, ნაწილმა კი პროტესტის უკიდურეს ფორმას მიმართა და პირი და თვალები ამოიკერა. სად არის სივრცე მოლაპარაკებისთვის და როგორია ამ დროისთვის საკომუნიკაციო რესურსი? სტუმარი: თემურ სურამელაშვილი - მეტალურგთა, სამთო და ქიმიური მრეწველობის პროფკავშირების პრეზიდენტის მოვალეობის შემსრულებელი; #ახალიამბები #BusinessMediaGeorgia
Galt&Taggart;: გლობალური ბაზრების ყოველკვირეული მიმოხილვით ნიკა მაზანაშვილი ნიკა მაზანაშვილი - Galt&Taggart;-ის საბროკერო დეპარტამენტის უფროსი ანალიტიკოსი; #ახალიამბები #BusinessMediaGeorgia
საქსტატის მონაცემებით, 2023 წლის I კვარტალში საქართველოში საშუალო თვიური ნომინალური ხელფასი გასული წლის შესაბამის პერიოდთან შედარებით 18.7 პროცენტით (270.1 ლარით) გაიზარდა და 1 716.6 ლარი შეადგინა. საშუალო ხელფასი ეს არის დარიცხული ხელფასის მოცულობას, საშემოსავლო გადასახადის სახით და არ უნდა იყოს აღქმული როგორც ხელზე ასაღები თანხის მოცულობა. საშუალო ხელფასი მედიანურ ხელფასს არ ნიშნავს და ამაზე განმარტება რამდენჯერმე იყო. აქვე საქსტატის მითითებით, საშუალო ხელფასის სიდიდე დაახლოებით საქართველოს დონეზეა სომხეთში $337, უზბეკეთში $303, აზერბაიჯანსა $431 და თურქეთში $455, ხოლო გაცილებით მაღალია ევროკავშირის ქვეყნებში. სტუმარი: ლაშა ქავთარაძე - Galt&Taggart;-ის ეკონომისტი; #ახალიამბები #BusinessMediaGeorgia
რამდენიმე კვირის წინ სეზონურობიდან გამომდინარე დუბაიში საქართველოდან ლურჯი მოცვის ექსპორტი დაიწყო. მალფუჭებადი პროდუქტის დანიშნულების ადგილამდე ჩასატანად საჰაერო გზით პროდუქტის გადატანა მოთხოვნადი სერვისია. ინტერესია დუბაის, ბაჰრეინს, ქუვეითის, დოჰას, ჰონგ-კონგსა და იორდანიის მიმართულებით, რასაც ქართველი ფერმერებისთვის Space Cargo უზრუნველყოფს. დეტალურად რა მიმართულებებზეა მოთხოვნა და როგორია დატვირთულობა? სტუმრები: გიორგი ერაძე - Space Cargo-ს აღმასრულებელი დირექტორი; თინათინ კობერიძე - Space Cargo-ს სატვირთო მენეჯერი. #ახალიამბები #BusinessMediaGeorgia
Რა პოტენციალი აქვს ადგილწარმოშობის დასახელების ღვინოებს ადგილობრივ თუ საერთაშორისო ბაზრებზე? #ახალიამბები #BusinessMediaGeorgia
როგორ ვითარდება ბიზნესი აჭარაში? #ახალიამბები #BusinessMediaGeorgia
ბრუნო მარსის კონცერტის ბილეთების გაყიდვა იწყება - რა ღირს დასწრება? #ახალიამბები #BusinessMediaGeorgia
საშიშია თუ არა საქართველოში შავ ზღვაზე დასვენება? #ახალიამბები #BusinessMediaGeorgia
#საქმიანიდილა - 20 ივნისი - პროლოგი #ახალიამბები #BusinessMediaGeorgia
ბათუმში ხელოვნური კუნძულის მოწყობასთან დაკავშირებული პროცედურა შეჩერდა; როდის განახლდება ხელოვნური კუნძულის პროექტის განხილვა? - დეველოპერის პასუხი; კასპის “ჰოლივუდ სითის” პროექტი - ინვესტორს პრიორიტეტები შეეცვალა; ქალაქების რეიტინგი მუშაობის და ცხოვრების საუკეთესო ბალანსის მიხედვით; ივნისში რეკორდულად მაღალი საშუალო ტემპერატურა დაფიქსირდა. #ახალიამბები #BusinessMediaGeorgia
თაფლის საერთაშორისო კონკურსზე London Honey Awards 2023 სასოფლო-სამეურნეო კოოპერატივის, „კოდის“ წარმოებულმა თაფლმა – „ნინოწმინდის თაფლი – ალპიდა“ ხარისხის ნომინაციაში უმაღლესი ჯილდო – პლატინის მედალი მიიღო. გარემოს დაცვისა და სოფლის მეურნეობის სამინისტროს ცნობით, თაფლის საერთაშორისო კონკურსი ლონდონში ყოველწლიურად იმართება და ის აერთიანებს ორ ნომინაციას – თაფლის ხარისხი და შეფუთვა (დიზაინი). კონკურსში მონაწილეობის უფლება აქვთ იმ მეწარმეებს, რომლებიც თავად აწარმოებენ და ყიდიან მხოლოდ საკუთარი წარმოების პროდუქციას. ყოველწლიურად, კონკურსში მსოფლიოს სხვადასხვა ქვეყნიდან 250-ზე მეტი მწარმოებელი მონაწილეობს. ვინ იღებდა საქართველოდან მონაწილეობას? სტუმარი: ალეკო პაპავა - საქართველოს მეფუტკრეთა გაერთიანების ხელმძღვანელი; #ახალიამბები #BusinessMediaGeorgia
კახელი მეხორბლეები 1 კგ ხორბლის ღირებულების სიმცირეს აპროტესტებენ. მათი თქმით, გაზრდილი საწარმოო ხარჯის გამო გასაყიდი ხორბლის ფასი თვითღირებულებას ვერ ფარავს. იმპორტირებულ ფქვილზე საბაჟო გადასახადს 200 ლარის ოდენობით დაწესების შემდეგ მოლოდინი იყო რომ მთავრობა 1 კგ ხორბლის ფასს 70 თეთრამდე გაზრდიდა, თუმცა ამ ეტაპზე ფასი კგ-ზე 42-45 თეთრს არ სცდება. ფერმერები ამბობენ, რომ მომავალ წელს ადგილობრივი წარმოება გაზრდის ნაცვლად შემცირდება. რას ითხოვს სექტორი? სტუმარი: ნიკოლოზ ბენიაიძე - მარცვლეულის მწარმოებელთა ასოციაციის ხელმძღვანელი; #ახალიამბები #BusinessMediaGeorgia
კახოვკის ჰიდროელექტროსადგურის კაშხლის განადგურების გამო, შავი ზღვის მარილიანობა მკვეთრად შემცირდა. ამის შესახებ ინფორმაციას უკრაინის სტიქიის შედეგების ლიკვიდაციის შტაბი ავრცელებს. ტესტების შედეგების მიხედვით, ოდესასთან ახლოს, ზღვის მარილიანობა თითქმის სამჯერ შემცირდა, რაც კაშხლის განადგურების გამო ზღვაში მტკნარი წყლის შესვლით იხსნება. რუსეთის მიერ კაშხლის განადგურებით გამოწვეული ტექნოგენური კატასტროფა შავი ზღვის რეგიონს გრძელვადიანი გამოწვევებითაც ემუქრება. შექმნილია ქიმიური და მიკრობიოლოგიური დაბინძურების საფრთხე და ინფექციების მატების რისკი, რის გამოც წლევანდელ სეზონზე კითხვები იმასთან დაკავშირებით რამდენად უსაფრთხოა შავ ზღვაში ბანაობა ყველა მხრიდან ისმის. რამდენად რეალისტურია ქიმიური და მიკრობიოლოგიური დაბინძურების საფრთხე შავ ზღვაში და რა რეკომენდაციები არსებობს წლევანდელ სეზონზე? სტუმარი: ნინო ჩხობაძე - საქართველოში მწვანეთა მოძრაობის დამფუძნებელი; #ახალიამბები #BusinessMediaGeorgia
#ავიაციისსიახლეები: რამდენს გადაუხდის სახელმწიფო Wizz air-ს საქართველოში ოპერირებისთვის? 5 თვეში Wizz air ქუთაისიდან 390 ათას მგზავრს მოემსახურა; AZAL-მა ბათუმის მიმართულებით ფრენები განაახლა; რა ხდება სატვირთო ავიაგადაზიდვების ბაზარზე და როგორია მოლოდინები? Air Astana $15 მილიონით დაჯარიმდა; Air Arabia ფლოტის გაორმაგებას გეგმავს. კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით; #ავიაცია #ავიამიმოსვლა #საქმიანიდილა #ბიზნესმედია #საქმიანები
გარემოს დაცვის ზედამხედველობის დეპარტამენტმა ივნისიდან ოთხი ქალაქის გზებზე ავტოსატრანსპორტო საშუალებებზე ხელოვნური გამონაბოლქვის კონტროლის დაწყება დააანონსა. ჯერჯერობით შედეგებზე საუბარი ნაადრევია, თუმცა რაც ვიცით კანონაღსრულება საპილოტე რეჟიმშია, ხოლო დასაწყისისთვის მასზე ჯამურად 10 ეკიპაჟი იმუშავებს. სტუმარი: ვაჟა იორდანიშვილი - ავტომობილების ინსპექტირების ცენტრების ასოციაციის თავმჯდომარე; #ახალიამბები #BusinessMediaGeorgia
„კეთილი და პატიოსანი" ექსპორტის მიმართულებებს ზრდის. დასალევი ხილ-ბოსტნეული ამერიკული ქსელის SopWrite -ის დახლებზე გამოჩნდა. იზრდება ასორტიმენტიც და მომხმარებელს მალე სოუსების ახალ პარტიას შესთავაზებენ. როგორ მიდის წარმოება და რა გეგმები აქვთ? სტუმარი: სოსო მანჯავიძე - შპს "ქართული აგროპროდუქტის" მმართველი პარტნიორი; #ახალიამბები #BusinessMediaGeorgia
16 ივნისს USAID-ის ეკონომიკური უსაფრთხოების პროგრამისა და თიბისის ინიციატივით, გრეის ჰოპერის სახელობის ჯილდოს დასკვნითი ღონისძიება გაიმართა, სადაც 2023 წლის გამარჯვებულთა ვინაობა გახდა ცნობილი. დაჯილდოების მიზანია როგორც წარმატებული ქალების აღიარება ICT აისიტი სფეროში, ისე იმ პროგრამებისა და ორგანიზაციების წარმოჩენა, რომლებიც საინფორმაციო და საკომუნიკაციო ტექნოლოგიების სექტორში ქალების გაძლიერებას ხელს უწყობენ. გრეის ჰოპერი ამერიკელი მეცნიერი, მათემატიკოსი, კომპიუტერულ მეცნიერებაში ერთ-ერთი პირველი ქალი იყო, რომელიც დღემდე ითვლება ერთ-ერთ ყველაზე შთამაგონებელ და მისაბაძ მაგალითად ტექნოლოგიების დარგში. გრეისჰოპერის დაჯილდოებამ ბოლო წლებში მხარდამჭერების რაოდენობა ცალსახად გაზარდა. პროექტის მხარდამჭერები არიან: Visa, UN Women, Majorel, UGT, გერმანიის საერთაშორისო თანამშრომლობის საზოგადოება (GIZ) , აჭარა ჯგუფი, Lineate და გენდერული თანასწორობის საბჭო.გასული წლების მსგავსად, თიბისი ტექნოლოგიური სტარტაპისა და მომავლის ლიდერის ნომინაციებში გამარჯვებულებს მხარს დაუჭერს და მათ საჭიროებებზე მორგებულ პროგრამებს შეიმუშავებს. სტუმრები: გვანცა მურღვლიანი - თიბისის ადამიანური კაპიტალის მართვის დირექტორი; სალომე ღუდუშაური - Bizon.ge-ის თანადამფუძნებელი. #ახალიამბები #BusinessMediaGeorgia
ბოლნისში დაცული ადგილწარმოშობის დასახელების ღვინის ფესტივალი გაიმართა. ღონისძიება RMG-ის ბოლნისური მეღვინეობის მხარდაჭერის პროგრამის ფარგლებში ჩატარდა და ჯამში 70-მდე მარანი გააერთიანა. ღვინოების გამოფენასთან ერთად, ბოლნისის გერმანულ უბანში ქართულ-გერმანული ღვინის სახლიც გაიხსნა, რომელსაც არემჯიმ ბოლნისელი მეღვინეების ხელშეწყობის მიზნით რეაბილიტაცია ჩაუტარა. ეს იქნება სივრცე, რომელიც მარნებს არაერთ შესაძლებლობას მისცემს. ღვინის ფესტივალზე ადგილწარმოშობის დასახელების ღვინის კონკურსიც ჩატარდა და გამარჯვებული მეღვინეები გამოვლინდნენ. საღამო ნიაზ დიასამიძისა და ჯგუფ 33 ა-ს კონცერტმა დააგვირგვინა. RMG-ის ბოლნისური მეღვინეობის მხარდამჭერი პროგრამის ფარგლებში ბოლნისი უკვე მესამე წელია ღვინის ფესტივალს მასპინძლობს. #ახალიამბები #BusinessMediaGeorgia
IATA თვითმფრინავების მიწოდების ჯაჭვში პრობლემების შესახებ აცხადებს. ასოციაციის მოუწოდებს თვითმფრინავების მწარმოებლებს, დროულად დააფიქსირონ თვითმფრინავების მიწოდებაში შეფერხებები და დააჩქარონ თვითმფრინავებისა და ნაწილების წარმოება. ეს ყოველივე კი ზაფხულში ფრენებზე მაღალი მოთხოვნიდან გამომდინარეა. #ახალიამბები #BusinessMediaGeorgia
ლუქს სასტუმროები 2023 წელს შემოსავლების ზრდას ელიან. ამის შესახებ ნათქვამია Communications Specialist-ის დაკვეთით ჩატარებულ კვლევაში. ანგარიშის მიხედვით, ძვირადღირებული სასტუმროების აღმასრულებლების ნახევარი ელოდება მოგების ზრდას 10%-დან 30%-მდე, ხოლო 12% მიზნად ისახავს შემოსავლის 30%-დან 50%-მდე მატებას. როგორი ზაფხულია 2023, სასტუმროებისთვის? #ახალიამბები #BusinessMediaGeorgia
#საქმიანიდილა - 19 ივნისი - პროლოგი #ახალიამბები #BusinessMediaGeorgia
„ქართული ოცნების“ თავმჯდომარე ირაკლი კობახიძე „ეროვნული ბანკის შესახებ“ ორგანულ კანონში ცვლილებებისთვის ვეტოს დადების გამო საქართველოს პრეზიდენტს ისევ აკრიტიკებს. „საპრეზიდენტო კამპანიის დროს სალომე ზურაბიშვილი აკრიტიკებდა გიორგი მარგველაშვილის პრაქტიკას და აცხადებდა, რომ ის არ იქნებოდა ვეტომდებელი და ასე შემდეგ, თუმცა ასეთი ვეტო მარგველაშვილსაც არ დაუდია“, - უთხრა მან საქართველოს პირველ არხს. ირაკლი კობახიძემ საპარლამენტო უმრავლესობის მიერ სებ-ის შესახებ კანონში ცვლილებების საჭიროება და შემდეგ ვეტოს დაძლევა იმით ახსნა, რომ ინფლაციასთან თუ ეროვნული ვალუტის რყევებთან დაკავშირებული პრობლემების დროს, კრიტიკის ობიექტი ხელისუფლება ხდება, ამიტომ მმართველ გუნდს გარანტია უნდა ჰქონდეს, რომ ეროვნული ბანკის საბჭოში წარმოდგენილი იქნებიან კომპეტენტური, დამოუკიდებელი, სახელმწიფოებრივად მოაზროვნე ადამიანები. საერთაშორისო სავალუტო ფონდი ვითარებას ასე არ ხედავს და მშვიდად, მაგრამ მტკიცედ მიანიშნებს ე.წ. სთენდ–ბაი პროგრამის შესაძლო შეჩერების პერსპექტივაზეც. სტუმარი: მიხეილ კუკავა - IDFI-ის ეკონომიკური და სოციალური მიმართულებების ხელმძღვანელი; #ახალიამბები #BusinessMediaGeorgia
BMG & Jeep Georgia წარმოგიდგენთ: #BMGDRIVE-ს „2013 წლამდე წარმოებული ავტომობილების იმპორტის შეზღუდვას ჩვენც ვეთანხმებით“ – BAG რა როლი უნდა ჰქონდეს სახელმწიფოს მოძველებული ავტოპარკის განახლების პროცესში? #BMGDRIVE-ის მგზავრი: ლევან ვეფხვაძე - „ბიზნეს ასოციაცია“; აღმასრულებელი დირექტორი ავტორები: ბექა ბაციკაძე, რევაზ ნასიძე, საბა ხუციაშვილი #Jeep #JeepGeorgia #ბიზნესმედია #საქმიანები
საქსტატის მონაცემებით საქართველოში მოქმედი სამაცივრე მეურნეობების 70.3% სესხით სარგებლობს. ოფიციალური მონაცემებით, სამაცივრეების 53.4%-ს სესხი მხოლოდ ძირითადი კაპიტალისთვის აქვთ აღებული, 34.7%-ს - მხოლოდ საბრუნავი კაპიტალისათვის, ხოლო 11.9%-ს - როგორც ძირითადი, ისე საბრუნავი კაპიტალისათვის. გასულ წელს სამაცივრე მეურნეობების რაოდენობა 60-ით გაიზარდა და 333 ერთეული შეადგინა. მეურნეობაში უმრავლესობა 61.9% ქართლშია განთავსებული. წლის განმავლობაში მომსახურება 485 მომხმარებელს გაეწია, რაც 2021 წლის მაჩვენებელს მხოლოდ 14-ით აღემატება. მწარმოებელთა და გადამყიდველთა რაოდენობამ, რომელთაგანაც პროდუქცია შემდგომი რეალიზაციის მიზნით იქნა შესყიდული, 920 ერთეული შეადგინა, ხოლო სამაცივრეებში დასაქმებულთა საშუალო თვიური რაოდენობა 2 169 კაცით განისაზღვრა. ქვეყნის მასშტაბით მოქმედ სამაცივრე მეურნეობების დიდი ნაწილი ტექნოლოგიურად აღჭურვილია. მეურნეობაში 54.7% თანამედროვე ტექნოლოგიებით სრულადაა აღჭურვილი, 42.6% - ნაწილობრივ, ხოლო 2.7% თანამედროვე ტექნოლოგიებით საერთოდ არ არის აღჭურვილი. 2020 წელს დაასრულა სამაცივრე მეურნეობის მშენებლობა “ტირიფონის ბაღების” დამფუძნებელმა ზურაბ გოჯიაშვილმა , რომელიც bmg-სთან ჰყვება, რომ სამაცივრე საცავის მოცულობა 1000 ტონაა. ჰოლანდიური ტექნოლოგიაა ამ მეურნეობაში გამოყენებული რაც იმას ნიშნავს, რომ დამახარისხებელი ხაზის სიმძლავრე საათში 5 ტონაა. ეს ხაზი ვაშლს ზომის, წონის, შეფერილი ზედაპირის მიხედვით ახარისხებს. რა სარგებელი მოჰყვება მაღალ ტექნოლოგიებს და რა საჭიროებაა სამაცივრე მეურნეობების? სტუმარი: ზურაბ გოჯიაშვილი - შპს "ტირიფონის ბაღების" დირექტორი #ახალიამბები #BusinessMediaGeorgia
2023-2024 სასწავლო წლისათვის ზოგადსაგანმანათლებლო დაწესებულებებში პირველკლასელთა რეგისტრაციის საყოველთაო ეტაპი დასრულდა, თუმცა მშობლების გარკვეულმა ნაწილმა შვილების დარეგისტრირება ადგილების სიმცირის გამო ვერ მოახერხა. განათლებისა და მეცნიერების სამინისტრო პრობლემას ზოგიერთ სკოლაზე განსაკუთრებით დიდი მოთხოვნით ხსნის, თუმცა ჩვენი რესპონდენტები იმ სკოლებში რეგისტრაციის მსურველებს განეკუთვნებიან, რომლებიც თბილისში განსაკუთრებით პოპულარულ საჯარო სკოლების სიაში არ ხვდებიან. მზარდია თუ არა საჯარო სკოლების რაოდენობა მოსახლეობის ზრდის გათვალისწინებით და რამდენად სწორია რეგისტრაციის არსებული ფორმა? #ახალიამბები #BusinessMediaGeorgia
LSG Solutions-ის ორგანიზებით მასშტაბურ კონფერენცია გაიმართა, რომელშიც მშენებლობის, პროექტირებისა და ინვესტირების დარგის წარმომადგენლები მონაწილეობდნენ. კონფერენციაზე პანელური დისკუსიაც გაიმართა. დისკუსიაზე პროექტირების სტანდარტების ამაღლების მნიშვნელობაზე ისაუბრეს. აღსანიშნავია, რომ კონფერენციის მონაწილეები ისეთი ლიდერი კომპანიები იყვნენ, როგორიცაა 1908 წელს დაფუძნებული სამშენებლო საკონსულტაციო კომპანია Multiconsult Group. LSG-ის გუნდი Multiconsult UK-ის რეგიონული პარტნიორია და მათთან თანამშრომლობით უკვე არაერთ მასშტაბურ ინფრასტრუქტურულ პროექტში იღებს მონაწილეობას. ღონისძიებაზე წარდგენილი იქნება პროექტების მართვის ინსტრუმენტების ჯილდოს მფლობელი, ამერიკული კომპანია Procore Technologies, რომელიც სამშენებლო პროექტების პროგრამული უზრუნველყოფის პლატფორმის ნომერ პირველი მომწოდებელია. კონფერენციის მთავარ მიზანს ქართულ ბაზარზე არსებული კომპეტენციისა და სტანდარტის გაუმჯობესება წარმოადგენდა. სტუმარი: სოსო ბერიძე - LSG Solutions-ის მმართველი პარტნიორი #ახალიამბები #BusinessMediaGeorgia
რამდენიმე წლის წინ იმ დროისთვის ხელოვანებისათვის უფრო კარგად ნაცნობ და ახლობელ სივრცეში, გარიყულაში ქართული ცქრიალა ღვინის შაბიდონის წარმოება დაიწყო. მაშინ ამ ამბავს ბევრმა ალბათ სკეპტიკურადაც შეხედა, თუმცა შაბიდონი გარიყულადან წელს საერთაშორისო ღვინის გამოფენაზე პროფესიონალი შემფასებლებისგანაც და უბრალოდ მოყვარულებისგანაც პოზიტიურ შეფასებებს არ უჩიოდა. მალე ქართული ბიო შამპანურიც იქნება და ღვინოც, ამასაც თავისი ახლადჩაყრილი ვაზით და ვენახით უზრუნველყოფენ. იქამდე და უფრო მალე შაბათ კვირას თბილისთან ახლოს ბუნებაში, არაჩვეულებრივი ხედით და ადგილობრივი ღვინით მასპინძლობის შესაძლებლობა და ინფრასტრუქტურაც მოეწყობა. ჯაბა მუჯირი - „შაბიდონის" დამფუძნებელი ანნა ლაპიაშვილი - “საქმიანი დილას” წამყვანი #ახალიამბები #BusinessMediaGeorgia
მაისის სამომხმარებლო ფასების ინდექსის ჯამური დინამიკა პროგნოზთან სრულ შესაბამისობაშია, თუმცა, მომსახურების სფეროში ფასების ყოველთვიური მატება შედარებით მაღალია, რაც მაინც უფრო ერთჯერადი ფაქტორებით უნდა იყოს გამოწვეული. "თიბისი კაპიტალის" განახლებული ანგარიშით ვალუტების მიხედვით დეპოზიტების ყოველდღიური ინდიკატორების დინამიკა ლარის კურსის მიმართ სენტიმენტების ცვლილებაზე მიუთითებს, რაც უცხოური ვალუტის დეპოზიტების გაძლიერებულ ზრდაში გამოიხატება. სტუმარი: ოთარ ნადარაია - "თიბისის" მთავარი ეკონომისტი #ახალიამბები #BusinessMediaGeorgia
ამერიკულმა Forbes-მა 2023 წლის მსოფლიოს უდიდესი 2000 კომპანიის რეიტინგი – Global 2000 გამოაქვეყნა. ყოველწლიურ რეიტინგში შემავალი კომპანიები ოთხ ძირითად კომპონენტზე დაყრდნობით შეფასდა: შემოსავალი, მოგება, აქტივების რაოდენობა და საბაზრო კაპიტალიზაცია. მიმდინარე წლის სიაში შესული კომპანიების ჯამურმა შემოსავალმა 50.8 ტრილიონი, მოგებამ 4.4 ტრილიონი, აქტივების მოცულობამ 231 ტრილიონი, ხოლო საბაზრო ღირებულებამ 74 ტრილიონი დოლარი შეადგინა. რეიტინგს 611 წარმომადგენლით ამერიკის შეერთებული შტატები ლიდერობს, რომელსაც მეორე ადგილზე, Global 2000-ის 346 კომპანიით, ჩინეთი მოჰყვება. Forbes-ი სასტუმრო, სარესტორნო და დასასვენებელი ინდუსტრიის უდიდესი კომპანიების რეიტინგს ცალკე გამოყოფს. რომელი კომპანიები ხვდებიან ამ ინდუსტრიებიდან Global 2000-ის სიაში და რომელი მათგანი იკავებს ლიდერის პოზიციას? #ახალიამბები #BusinessMediaGeorgia
კომპანიამ ნუტრიმაქსი რიგით მეორე მაღალტექნოლოგიური საწარმო გახსნა, რომელიც ძაღლების, კატებისა და აკვაკულტურისათვის მშრალი საკვების წარმოებაზეა სპეციალიზებული. პროექტი მსოფლიოში წამყვანი კომპანიების სპეციალისტთა აქტიური ჩართულობითა და პარტნიორობით განხორციელდა. “ნუტრიმაქსი” 2021 წლიდან საქართველოს ბიზნეს ასოციაციის წევრი კომპანიაა. ახალი საწარმო პროგრამა „ აწარმოე საქართველოს“ მხარდაჭერით გაიხსნა. საწარმო, რომელიც ძაღლის, კატისა და აკვაკულტურის მშრალი საკვების წარმოებაზე იმუშავებს ,25 000 ტონა ექსტრუდირებული საკვების წარმოებაზეა გათვლილი. #ახალიამბები #BusinessMediaGeorgia
#საქმიანიდილა - 16 ივნისი - პროლოგი #ახალიამბები #BusinessMediaGeorgia
"ეროვნული ბანკის შესახებ“ ორგანულ კანონში განხორციელებული ცვლილებების პროექტზე პრეზიდენტის ვეტო დაძლეულია. კანონპროექტს ეროვნული ბანკის შესახებ პრეზიდენტმა ვეტო 23 თებერვალს დაადო. სალომე ზურაბიშვილი განმარტავდა, რომ "ეროვნული ბანკის შესახებ" ორგანულ კანონში ცვლილებები არც საჭირო, არც საჩქარო და არც არგუმენტირებული არ იყო. ვეტოს დაძლევით კი პარლამენტმა მხარი დაუჭირა ეროვნული ბანკის შესახებ ორგანულ კანონში ცვლილებების შეტანას. ამ ცვლილებით, სებ-ში გაჩნდება პირველი ვიცე-პრეზიდენტის პოსტი, რომელიც სებ-ის პრეზიდენტის არყოფნის პერიოდში მის მოვალეობას შეასრულებს. ამასთან, იქამდე სანამ ერთ-ერთ ვიცე-პრეზიდენტს არ გაუვა უფლებამოსილების ვადა, დროებით შემოდის დათქმა, რომ ვიცე-პრეზიდენტების რაოდენობა სამის ნაცვლად, იქნება ოთხი და მათ შორის ერთი პირველი ვიცე-პრეზიდენტი იქნება. კანონში არსებული ეს ჩანაწერი პირდაპირ მიემართება სებ-ის ვიცე-პრეზიდენტ არჩილ მესტვირიშვილს, რომელიც ამჟამად სებ-ის პრეზიდენტის მოვალეობის შემსრულებელია. მას უფლებამოსილების ვადა დეკემბერში ეწურება. ამდენად, უნდა ვივარაუდოთ, რომ სანამ არჩილ მესტვირიშვილს სებ-ის საბჭოში გაუვა ვადა, ეროვნული ბანკის საბჭო კიდევ ერთ ვიცე-პრეზიდენტს დანიშნავს. სალომე ზურაბიშვილის განცხადებით, ეს კანონპროექტი არასაჭირო იყო და ის ეროვნულ ბანკზე ხელისუფლების მიერ კონტროლის მოპოვებას ემსახურებოდა. ანალოგიურად მკაცრი შეფასება ჰქონდა კანონპროექტთან დაკავშირებით საერთაშორისო სავალუტო ფონდის მისიასაც. სტუმარი: გიორგი კეპულაძე - „საზოგადოება და ბანკების“ გამგეობის თავმჯდომარე #ახალიამბები #BusinessMediaGeorgia
16 ივნისს USAID ორგანიზებით განახლებადი ენერგიის საინვესტიციო კონფერენცია გაიმართება. კონფერენციის მიზანს ენერგეტიკის სექტორში ჩართულ უმთავრეს უწყებებს შორის განახლებადი ენერგიის განვითარების შესაძლებლობების შესახებ ცნობიერების ამაღლება და გამოცდილების გაზიარება წარმოადგენს. ამ გზით, USAID კერძო სექტორთან ახალი თანამშრომლობების დამყარების შესაძლებლობას ქმნის, რათა თანამედროვე გადაწყვეტილებების გზით მოხდეს განახლებადი ენერგიის სოციალური და ეკონომიკური სარგებლის მიღება. ღონისძიებას ვიცე-პრემიერ მინისტრი და ეკონომიკისა და მდგრადი განვითარების მინისტრი, ლევან დავითაშვილი და USAID-ის მისიის დირექტორი, ჯონ პენელი გახსნიან. სტუმრები: ანი სტიდი - აშშ-საერთაშორისო სააგენტოს ეკონომიკური ოფისის დირექტორის მოადგილე; ივანე პირველი - USAID-ის საქართველოს ენერგეტიკული მომავლის უზრუნველყოფის პროგრამის ხელმძღვანელი. #ახალიამბები #BusinessMediaGeorgia