UBS-მა 2025 წლის გლობალური ქონებრივი ანგარიში გამოაქვეყნა, სადაც არაერთ საინტერესო სტატისტიკასა და მიმოხილვასთან ერთად ევროპის ქვეყნებში მედიანური და საშუალო ქონების მაჩვენებლებსა და დინამიკასაც ვეცნობით. რა სურათი გვაქვს სახეზე 2023-დან 2024 წლამდე პერიოდში და რა მოცემულობას ასახავს რიცხვები? #ახალიამბები #BusinessMediaGeorgia
ამერიკის შეერთებულმა შტატებმა და ევროკავშირმა სავაჭრო შეთანხმების ჩარჩოს მიაღწიეს. შოტლანდიაში გამართული გადამწყვეტი მოლაპარაკებების შემდეგ, ორი მხარე შეთანხმდა, რომ აშშ ევროკავშირის ყველა საქონელზე 15%-იან ტარიფებს დააწესებს. იქამდე კი ტრამპი აცხადებდა, რომ ევროკავშირს 30%-იან ტარიფებს დაუწესებდა. რა შეთანხმება შედგან შეერთებული შტატების და ევროკავშირის ხელმძღვანელობას შორის ვაჭრობაზე? #ახალიამბები #BusinessMediaGeorgia
#საქმიანიდილა - 29 ივლისი - პროლოგი #ახალიამბები #BusinessMediaGeorgia
აზიის განვითარების ბანკი (ADB) აგრძელებს 2020 წელს დამტკიცებულ პროგრამას, რომლითაც ქვეყანაში პროფესიული განათლება უნდა განვითარდეს. ბანკმა პროგრამის ფარგლებში, 2020 წელს საქართველოს ჯამში 70 მლნ დოლარის მოცულობის სესხი დაუმტკიცა. ADB-ის ინფორმაციით, პროგრამის „თანამედროვე უნარები უკეთესი დასაქმებისთვის“ სამიზნე სკოლებში პროფესიული განათლებისთვის საჭირო ინფრასტრუქტურის სამშენებლო და სარეაბილიტაციო სამუშაოებია. ერთ-ერთი ასეთი გახლავთ სოფელ ვალეში, სადაც პროფესიული განათლების ცენტი შენდება. ობიექტზე საინფორმაციო ტექნოლოგების სწავლებისთვის საჭირო ინფრასტრუქტურა მოეწყობა. სტუმარი: თამარ ზაქარაშვილი - “კონსტრუქტ2"-ის დირექტორი; #ახალიამბები #BusinessMediaGeorgia
დაზღვევის ზედამხედველობის სამსახურის ინფორმაციით, 2025 წლის 3 თვის განმავლობაში მოზიდულმა სადაზღვევო პრემიამ პირდაპირი დაზღვევის საქმიანობიდან 453 მილიონი ლარი შეადგინა, რაც წლიურად 40%-იანი ზრდაა. ამავე პერიოდის შედეგებით, მზღვეველების სადაზღვევო მოგება 76 მილიონი ლარი, წმინდა მოგება კი 26 მილიონი ლარი იყო. სამედიცინო დაზღვევით საქართველოს მოსახლეობის 21% სარგებლობს. ავტომობილი კი მხოლოდ 7%-ს ჰყავს დაზღვეული. 2025 წლის 3 თვეში, 773 366 სამედიცინო დაზღვევის პოლისი იყო მოქმედი. ავტოდაზღვევის კუთხით კი, 140 367 პოლისი იყო გაყიდული. როგორ ვითარდება სექტორი? სტუმარი: ლაშა ნიკოლაძე - დაზღვევის კავშირის ხელმძღვანელი #ახალიამბები #BusinessMediaGeorgia
როგორ მიმდინარეობს საქართველოში ტურისტული სეზონი? სტუმრები:გიორგი დოლიძე - HSC Group Hospitality დირექტორი და სასტუმრო Glarros OldTown-ის მმართველი; ეკა გველესიანი - სასტუმრო "ფალიანი" დამფუძნებელი #ახალიამბები #BusinessMediaGeorgia
ზაფხულში, როცა მილიონობით ადამიანი მოგზაურობას გეგმავს, საუკეთესო აეროპორტების არჩევანი განსაკუთრებულ მნიშვნელობას იძენს. ორგანიზაცია „ეარჰელფის“ გლობალური რეიტინგის მიხედვით, მსოფლიოს წამყვანი აეროპორტი ქეიპტაუნის საერთაშორისო აეროპორტი გახდა, ხოლო ევროპაში პირველ ადგილს ესპანეთის ბილბაოს აეროპორტი იკავებს. პარიზის შარლ დე გოლი, ლონდონის გეთვიკი და ათენის როდოსის აეროპორტი კი რეიტინგში ბოლო პოზიციებზე აღმოჩნდნენ. რატომ ამჯობინებენ მოგზაურები პატარა აეროპორტებს დიდ ჰაბებს? #ახალიამბები #BusinessMediaGeorgia
#ავიაციისსიახლეები: ✈ 2 აგვისტოდან, IndiGo თბილისსა და მუმბაის შორის პირდაპირ ფრენებს იწყებს ✈ Georgian Airways 17%, Wizz air 16%, Pegasus 8%-იანი ზრდა - რა შედეგები აქვთ კომპანიებს? ✈ ბათუმში შიდა ფრენები მხოლოდ ნატახტრიდანაა - რატომ არ სრულდება თბილისი-ბათუმის რეისები? ✈ რუსული ავიაკომპანია "ანგარას" თვითმფრინავის კატასტროფას ბორტზე მყოფი ყველა პირი ემსხვერპლა - რუსული მედია ✈ საფრანგეთის ელჩი თბილისის საერთაშორისო აეროპორტს სტუმრობდა კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით #ავიაცია #ავიამიმოსვლა #ახალიამბები #BusinessMediaGeorgia
"ინტერიერი დეტალებში" სალომე დადუნაშვილთან ერთად სტუმარი: სალომე დადუნაშვილი - “ინტერიერი სალომე დადუნაშვილთან ერთად” - ავტორი&წამყვანი #ახალიამბები #BusinessMediaGeorgia
გასულ კვირას პროფესიონალური რესლინგის ერთ-ერთი მონუმენტური ფიგურა ჰალკ ჰოგანი გარდაიცვალა, რომელიც შეიძლება ითქვას, რომ პირველი გლობალური მასშტაბის ვარსკვლავია, რომელმაც გზა რესლინგიდან გაიკვალა. ის მონაწილეობდა უამრავ ჰოლივუდურ ფილმში, მათ შორის სილვესტერ სტალონეს კლასიკად ქცეულ როკიში. მისმა პოპულარობამ ჯაჭვური ეფექტი მოახდინა ზოგადად რესლინგსა და კომპანია WWE-ზე, რომელმაც შემდგომში არაერთი საერთაშორისო მასშტაბის ვარსკვლავი აღზარდა. ჰალკ ჰოგანის ნაკვალევზე, რომელმა რესლერებმა შეძლეს კარიერულად ყველაზე დიდი თანხების გამომუშავება? #ახალიამბები #BusinessMediaGeorgia
გუშინ, ლეილა მესხის ჩოგბურთის აკადემიამ საერთაშორისო ტურნირს - „ლეილა მესხის ჩოგბურთის აკადემია და კოკა-კოლას თასი“ უმასპინძლა. ჩოგბურთის საერთაშორისო ტურნირში 15 ქვეყნის 120 - მა ახალგაზრდამ მიიღო მონაწილეობა და კიდევ ერთხელ გამოსცადა საკუთარი შესაძლებლობები. ტურნირის უცვლელი მხარდამჭერი კი რაღა თქმა უნდა, „კოკა კოლა ბოთლერს ჯორჯია“ იყო, რომელიც უკვე მრავალი წელია მხარს უჭერს ახალგაზრდების სპორტულ განვითარებას და ჯანსაღი საზოგადოების მშენებლობის მხარდაჭერას. თუ როგორ ჩაიარა საერთაშორისო ჩოგბურთის ტურნირმა და ვინ არიან გამარჯვებულები? #ახალიამბები #BusinessMediaGeorgia
2025 წლის 26 ივლისს, GITA-ს ტექნოპარკმა საქართველოს მასშტაბით ჩატარებული უმსხვილესი სტუდენტური ბიზნეს სიმულაციის შეჯიბრის ფინალს და დაჯილდოების ცერემონიალს უმასპინძლა. შეჯიბრი დაფუძნებულია პოლონური კომპანიის - Revas Business Simulation Games-ის ლიცენზირებულ საგანმანათლებლო პლატფორმაზე. Revas- ი მსგავს ჩემპიონატებს უკვე წლებია ატარებს მსოფლიო მასშტაბით. საქართველოში გამართულ ღონისძიებას და შედეგებს მოვიკითხავთ ახლა. სტუმრები: გვანცა გრიგალაშვილი - საგარეო ვაჭრობის ოფისის ხელმძღვანელი, პოლონეთის ინვესტიციების და ვაჭრობის სააგენტო; თორნიკე ქევხიშვილი - TBSC Consulting - ღონისძიების ორგანიზატორი #ახალიამბები #BusinessMediaGeorgia
BMG და Tegeta Holding-ი წარმოგიდგენთ: #BMGAuto-ს
"Art-გენი 2025“ დასრულდა. თბილისის ტური, ტრადიციულად ნიაზ დიასამიძემ დახურა. რიგით 22-ე საიუბილეო ფესტივალზე მთავარი წარმდგენი ფარმაცევტული კომპანია ავერსი იყო, რომელიც ეთნოგრაფიული მუზეუმის ტერიტორიაზე გამორჩეული სივრცით, გათამაშებებითა და სხვადასხვა აქტივობით იყო წარმოდგენილი. როგორ ჩაიარა არტ გენის ფესტივალმა და რას სთავაზობდა ადგილზე მისულ სტუმრებს ავერსი? #ახალიამბები #BusinessMediaGeorgia
კომპანია „კოკა-კოლა ბოთლერს ჯორჯია“ ფესტივალ „არტ გენი 2025“-ის ოფიციალური პარტნიორი გახდა. წლევანდელმა ფესტივალმა, რომელიც ტრადიციულად ასობით ადამიანს აერთიანებს, სტარტი 25 ივლისს აიღო და 27 ივლისს დასრულდა. „არტ გენი“ წლებია ხელს უწყობს ფოლკლორული ანსამბლების, მუსიკალური ჯგუფებისა და ინდივიდუალური შემსრულებლების განვითარებასა და პოპულარიზაციას. კომპანია „კოკა-კოლა ბოთლერს ჯორჯია“ კი, როგორც საქართველოში კულტურის, ხელოვნებისა და მუსიკის აქტიური მხარდამჭერი, წელს უკვე ოფიციალურად ფესტივალის პარტნიორი გახდა. #ახალიამბები #BusinessMediaGeorgia
რაჭული ამბების გაზიარებას ვაგრძელებთ და ამჯერად მდინარე რიცეულას სანაპიროზე მდებარე ბარის ისტორია უნდა მოგიყვეთ, რომელიც რაჭველებს და აქ ჩასულ სტუმრებს ნამდვილი სანაპიროს განწყობას ყოველ ზაფხულს უქმნის. #ახალიამბები #BusinessMediaGeorgia
ტექნოლოგიური რევოლუციის ფონზე ტრანსპორტის სექტორიც ტრანსფორმაციას განიცდის - ავტონომიური მართვის სისტემები უკვე რეალურად იქცა და ისინი ინდივიდუალური გადაადგილების სტანდარტებს ცვლიან. დღევანდელ სიუჟეტში გავიგებთ, როგორ მოჰყვა რობოტაქსების ბუმს ჩინეთის და ამერიკის შეჯიბრი, როგორ მუშაობს თვითმართვადი ტაქსების ტექნოლოგია და რატომ გადახედა ტესლამ საკუთარ მიდგომებს - ვინ ავითარებს მომავლის ტრანსპორტს და ვისზე გადაიტანს ტრაფიკის მართვის ბორბალს ხელოვნური ინტელექტი? #ახალიამბები #BusinessMediaGeorgia
#საქმიანიდილა - 28 ივლისი - პროლოგი #ახალიამბები #BusinessMediaGeorgia
რამდენიმე კვირის წინ გავიგეთ, რომ დაარსდა Independence Avenue Media - დამოუკიდებელი საერთაშორისო ჟურნალისტური ინიციატივა, რომელიც მიზნად ფაქტებზე დაფუძნებულ მაუწყებლობას ისახავს. ია მეურმიშვილი Independence Avenue Media-ს თანადამფუძნებელი და მთავარი რედაქტორია. როგორც თავად ია განმარტავს, ეს არის დამოუკიდებელი საერთაშორისო ჟურნალისტური ინიციატივა, რომელიც მიზნად ისახავს ფაქტებზე დაფუძნებულ მაუწყებლობას ამერიკული საზოგადოების, საგარეო პოლიტიკისა და დემოკრატიული ღირებულებების შესახებ – განსაკუთრებით ისეთ რეგიონებში, სადაც ავტორიტარული გავლენა იმატებს და დემოკრატია მყიფეა. ინტერვიუ: ია მეურმიშვილი - ჟურნალისტი #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
"საქართველოში შემოსვლაზე უარია. არც კითხვები დასმულა, არც მიზეზები განუმარტავთ. მხოლოდ "უნდა დატოვოთ ეს ქვეყანა" და დოკუმენტში მონიშნეს მიზეზი "სხვა"; 27 წლის განმავლობაში ვცხოვრობდი, ვსტუმრობდი და ვეხმარებოდი ამ ქვეყანას, რომელიც მიყვარს" - დაწერა მან 12 ივლისის დილას, როცა მისივე თქმით უკან დასაბრუნებელ თვითმფრინავში ჯდებოდა. დღეს ის შინაგან საქმეთა სამინისტროს უკვე იურისტის მეშვეობით მიმართავს; იმედი აქვს, რომ ტექნიკური ხარვეზის მსხვერპლია და მალე ყველაფერი გაირკვევა. ინტერვიუ: მეგი ოსდობი კაცი - დიპლომატი & კონსულტანტი #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
ვენჩურული კაპიტალი არის ფინანსური რესურსი, რომელსაც ინვესტორები აბანდებენ ახალ, სწრაფად მზარდ და ხშირად რისკიან კომპანიებში – სტარტაპებში. ეს ინვესტიცია ინოვაციური იდეების განვითარებასთან ერთად, ბიზნესის მასშტაბის ზრდას უწყობს ხელს. ვენჩურული კაპიტალი სასიცოცხლოდ მნიშვნელოვანია სტარტაპებისთვის, რადგან მათთვის ტრადიციული დაფინანსების მიღება რთულია. ანუ, ვენჩურული კაპიტალი ასრულებს მნიშვნელოვან როლს ინოვაციური იდეების რეალიზებაში და ეკონომიკური წინსვლის წახალისებაში. სწორედ ამიტომ, ვენჩურული კაპიტალი ინოვაციებისა და ეკონომიკური ზრდის ერთ-ერთი მთავარი მამოძრავებელია გლობალურ დონეზე. 2024 წელს მსოფლიოში ვენჩურულ კაპიტალში თითქმის 340 მილიარდი აშშ დოლარი ინვესტიცია განხორციელდა. ქვეყნებს შორის აშშ ლიდერობს - დაახლოებით 190 მილიარდი დოლარით 2024 წელს. მიუხედავად იმისა, რომ ვენჩურული კაპიტალი საქართველოში ჯერ კიდევ განვითარების საწყის ეტაპზეა, ინტერესის ზრდა უკვე შესამჩნევია. RISE Research-ის მონაცემებით, 2023 წელს საქართველოში ვენჩურულ კაპიტალში $21.6 მილიონი დოლარის ინვესტიცია განხორციელდა. ვენჩურული კაპიტალის ეკოსისტემის განვითარება საქართველოში განსაკუთრებით მნიშვნელოვანია, რადგან ის ხელს უწყობს ინოვაციური იდეების კომერციალიზაციას, ტექნოლოგიური სტარტაპების შექმნას და ახალგაზრდებისთვის ახალი ეკონომიკური შესაძლებლობების გაჩენას. სტუმრები: მარიამ ქოიავა - SavvY-ის მმართველი პარტნიორი; რობინ ბატლერი - Sturgeon Capital-ის პარტნიორი თარგმანს უზრუნველყოფს NG Georgia #ახალიამბები #BusinessMediaGeorgia
700 ათასი ბოთლი 24 საათში… ეს წარმოება ნულიდან შეიქმნა და ამ მოცულობას ჯერჯერობით, მხოლოდ ადგილობრივი ბაზრისთვის აწარმოებენ. საექსპორტო გეგმები დიდი აქვთ და წარმატებებიც საერთაშორისო ბაზარზე. ამჯერად ვსაუბრობთ ბრენდზე, "წყალი მთის", რომელმაც მოახერხა და უმაღლესი ხარისხის სტანდარტი დანერგა, მოახერხა და "პსჟ" -ს პარტნიორი გახდა, მოახერხა და მოიპოვა საერთაშორისო სერთიფიკატები და როგორც ზურა შარაშენიძე, წყალი მთის ქარხნის დირექტორი გვიყვება, მოახერხა და ჩინეთში მიმდინარე გამოფენაზე 100 ზე მეტ მწარმოებელს შორის 3 გამარჯვებულს შორის მოხვდა. #BMGDrive-ის მგზავრი: ზურა შარაშენიძე - „წყალი მთის“ ქარხნის დირექტორი ავტორები: ბექა ბაციკაძე, ირაკლი ხიზანიშვილი, კაკი პაიჭაძე #ახალიამბები #BusinessMediaGeorgia
22 წელი სიახლეების, სტაბილურობისა და მაღალი სტანდარტების სადარაჯოზე - სწორედ ასე აღწერს საკუთარ გზას ჰიპერმარკეტების პირველი ქართული ქსელი „გუდვილი“, რომელიც იუბილეს რებრენდინგით აღნიშნავს. თუმცა, მანამდე იყო წარმატებული ბრენდისთვის და კომპანიის დამფუძნებლებისთვის ბევრი ქარტეხილები, გამოწვეული სხვადასხვა სუბიექტური,და ობიექტური მიზეზებით. საინტერესოა, ემოციურიც და ალბათ, ჭკუისასწავლებელიც გუდვილის განვითარების ისტორიაც, რომელსაც ერთ მშვენიერ დღეს, აუცილებლად მოვყვები, მანამდე მინდა გოგი შევარდნაძეს, ამ კომპანიის დამფუძნებელს, მოკითხვები შევუთვალო და ჯანმრთელობა ვუსურვო. დღეს კი, დღეს - განახლებული იდენტობა, მომხმარებელზე ორიენტირებული სერვისები და პრემიუმ გამოცდილება-სწორედ ასე ხვდება „გუდვილი“ განვითარების ახალ ეტაპს. ამის პარალელურად კი,კომპანიამ განახლებული,კონცეფცია წარადგინა ვაკის ფილიალი-რომელიც ერთ სივრცეში „გუდვილის“ საკუთარი წარმოების პროდუქციასთან ერთად, ექსკლუზიური ევროპულ ბრენდებსა და ადგილობრივი ფერმერების ეკოლოგიურად სუფთა პროდუქტებს აერთიანებს. რა სტრატეგია დგას ამ ცვლილებების მიღმა და რა სიახლეებს სთავაზობს ბრენდი ადგილობრივ ბაზარსა და მომხმარებლებს? სტუმარი: გიორგი ხაბაშვილი - “გუდვილის” გენერალური დირექტორი #ახალიამბები #BusinessMediaGeorgia
ლეგენდარული მუსიკოსი და მრავალი კომპოზიციის ავტორი, “ბნელეთის პრინცის” სახელით ცნობილი ოზი ოსბორნი 76 წლის ასაკში გარდაიცვალა. შეიძლება ითქვას, რომ სწორედ ოსბორნის სახელს უკავშირდება მეტალის ჟანრის დაბადება და მუსიკაში მძიმე, პირქუში ჟღერადობის დამკვიდრება. სოლო კარიერისა და ჯგუფ Black Sabbath-ში გატარებული მრავალი წლის შედეგად მან სახელი დაიმკვიდრა, როგორც როკ მუსიკის ერთ-ერთმა პიონერმა, რომელიც ისტორიას სამუდამოდ შემორჩება. #ახალიამბები #BusinessMediaGeorgia
რამდენიმე დღის წინ გალტ & თაგარტმა – კიდევ ერთი საერთაშორისო აღიარება მოიპოვა: ფინანსურმა გამოცემა Euromoney-მ მას ქვეყანაში 2025 წლის საუკეთესო საინვესტიციო ბანკის ჯილდო გადასცა, რომელიც საინვესტიციო ბანკმა Euromoney’s Awards for Excellence-ის დაჯილდოების ფარგლებში მიიღო.
თანამედროვე ბიზნესგარემო მომხმარებლის გამოცდილებაზეა დამოკიდებული. ვისაც სურს დარჩეს კონკურენტუნარიანი, უნდა იცოდეს, რას გრძნობს და ფიქრობს მომხმარებელი. სწორედ ამაზე მუშაობს CX Hub — კომპანია, რომელიც კონსულტაციას უწევს ბიზნესებს მომხმარებლის გამოცდილების მართვასა და გაუმჯობესებაში. მათი უმთავრესი პრიორიტეტი კი საერთაშორისო გამოცდილების და ექსპერტიზის დანერგვაა ადგილობრივ ბაზარზე. მათი გუნდი გვახსენებს, რომ CX-ი — არაა უბრალოდ მომსახურება, ის სტრატეგიული ინსტრუმენტია.
”ავერსი”-ს ევროპული მოგზაურობა ლალი ბრეგვაძე - "ავერსის" საზოგადოებასთან ურთიერთობის სამსახურის ხელმძღვანელი #ახალიამბები #BusinessMediaGeorgia
უკვე 47 წელია მსოფლიო, ყოველი წლის 25 ივლისს ემგრიოლოგიის საერთაშორისო დღეს აღნიშნავს. თარიღი სიმბოლურია, სწორედ ამ დღეს, ინ ვიტრო განაყოფიერების გზით პირველი ბავშვი, ლუიზა ჯოი ბრაუნი. პირველი წარმატებული პრეცედენტის უკან კი, ნიბელიანტი მეცნიერი რობერტ ედვარდსისა და პატრიკ სტეპტო იდგნენ, რომლებმაც საფუძველი ინ ვიტრო განაყოფიერების, დღეს უკვე მრავალმილიარდიანი ინდუსტრიის განვითარებას ჩაუყარეს. #ახალიამბები #BusinessMediaGeorgia
1814 წლის 25 ივლისს, ჩრდილოეთ ინგლისის ერთ-ერთ ქვანახშირის მაღაროსთან, ისტორიაში პირველი წარმატებული ორთქლმავალი – სახელად 'ბლუხერი' – პირველად დაიძრა. მისი შემქმნელი ჯორჯ სტივენსონი -თვითნასწავლი ინჟინერი გახლდათ, რომელიც ბავშვობიდანვე ინტერესდებოდა ორთქლის ძალით. იმ დროისათვის, ქვანახშირის ტრანსპორტირება ძირითადად ცხენებით ხდებოდა, რაც ძვირი, ნელი და არაეფექტიანი პროცესი იყო. 'ბლუხერი' იყო პირველი ნაბიჯი სატრანსპორტო სისტემაში. მან 30 ტონა ტვირთი 6 კმ/სთ სიჩქარით გადაიტანა და ამით დაამტკიცა, რომ ორთქლმავალი პრაქტიკულად გამოყენებადი იყო. სწორედ აქედან დაიწყო ტრანსპორტის რევოლუცია, რომელმაც შეცვალა წარმოება, ვაჭრობა, ქალაქების განაშენიანება და ადამიანების გადაადგილების წესიც. სტივენსონის გამოგონებებმა საფუძველი ჩაუყარა თანამედროვე გლობალურ ტრანსპორტს და დღეს ის სამართლიანად მიიჩნევა "რკინიგზის მამად.“ #ახალიამბები #BusinessMediaGeorgia
ერთი ძალიან საინტერესო ისტორია უნდა უნდა მოგიყვეთ, ჩვენი მეზობელი თურქეთის ერთ ქალაქზე, რომლის 40%-იც წყალქვეშ არის ჩაძირული. საუბარია ჰალფეთზე, თურქეთის სამხრეთ-აღმოსავლეთით, შანლიოურფას პროვინციაში მდებარე ქალაქზე, რომელსაც მეორენაირად, წყალქვეშ ჩაძირული ისტორიების მემატიანედაც მოიხსენიებენ, თუმცა, მის გამორჩეულ მახასიათებლებს შორის არც მხოლოდ ეს არის. ჰალფეთი ერთადერთი ადგილია დედამიწაზე, სადაც შავი ვარდები ყვავის. მოკლედ ბევრი მისტიკასა და იდუმალებას ინახავს, ჩვენგან არც ისე მოშორებით მდებარე ქალაქი, რომელიც სხვათა შორის, მთელი მსოფლიოდან სულ უფრო მეტ ვიზიტორს იზიდავს. #ახალიამბები #BusinessMediaGeorgia
#საქმიანიდილა - 25 ივლისი - პროლოგი #ახალიამბები #BusinessMediaGeorgia
ყავა - რევოლუციური პროდუქტის შექმნა იაპონური წარმოშობის ამერიკელ ქიმიკოსს, სატორი კატოს უკავშირდება. მისმა იდეამ, ყავა მარტივად ხსნად ფხვნილად ექცია, ნესტლეს "ნესკაფეს" მეშვეობით სწრაფად დაიპყრო მსოფლიო ბაზარი. მეორე მსოფლიო ომის შემდეგ ის მილიარდობით ადამიანის ყოველდღიურობად იქცა და დღეს გლობალური ღირებულებით 45 მილიარდ დოლარს უახლოვდება. ხსნადი ყავა ტექნოლოგიური პროგრესის, ურბანული ცხოვრების და მოხერხებულობის სიმბოლოდ იქცა —ინოვაცია, რომელიც კაფეს სურნელს ხელმისაწვდომად აქცევს. #ახალიამბები #BusinessMediaGeorgia
როგორ მიმდინარეობს ტურისტული სეზონი თუშეთში - როგორც სასტუმრო ბიზნესის წარმომადგენლები აცხადებენ, თუშეთში ძირითადად რუსი ტურისტები ჭარბობენ, თუმცა გაზრდილა ადგილობრივი ვიზიტორების რაოდენობაც. ჩანან თუ არა თუშეთში ევროპელი ვიზიტორები, როგორია დამსვენებლების გეოგრაფია და რა გამოწვევები აქვთ ადგილობრივ ბიზნესებს? სტუმარი: სოსო ბაბულაიძე - სასტუმრო „თუშეთის“ თანამფლობელი #ახალიამბები #BusinessMediaGeorgia
"ანაპეას სოფელი" - ტურისტულ კომპლექს წარმოადგენს, რომელიც არასრული 3 თვეა ბაზარზეა, ამიტომ საინტერესოა, როგორია დატვირთულობა მათთან, როგორია ვიზიტორების სტრუქტურა და რა გამოწვევებია რეგიონში ტურისტული ინფრასტრუქტურის თვალსაზრისით. სტუმარი: ხატია დარგუაშვილი - "ანაპეას სოფელი", დამფუძნებელი #ახალიამბები #BusinessMediaGeorgia
არსებული ინფორმაციით, მესტიის სასტუმროები გარკვეულწილად დატვირთულია, ისევ აზიური ქვეყნებიდან ჩამოსული ვიზიტორების ხარჯე, თუმცა სასტუმრო ბიზნესი აცხადებს, რომ აზიური სეგმენტი დაბალმხარჯველუნარიანია, არ არის დაინტერესებული ქართული კულტურული ობიექტებით და გასტრონომიით, შესაბამისად სერვისული ბიზნესები მძიმე ფინანსურ მდგომარეობაზე საუბრობენ. რა ხდება სვანეთში, ვინ მოგზაურობს რეგიონში და რა გამოწვევები აქვთ ტურისტულ ბიზნესებს? სტუმარი: ლევან დადვანი - სასტუმრო "ლაჰილის" მფლობელი #ახალიამბები #BusinessMediaGeorgia
მთავრობა ტექინსპექტირების რეფორმის გაფართოებაზე მუშაობს. სავალდებულო პერიოდულ ტექნიკურ ინსპექტირებას სავარაუდოდ L კატეგორიის ტრანსპორტიც დაექვემდებარება. საუბარია ორთვლიან სატრანსპორტო საშუალებებზე, რომელსაც მოპედები, მოტოციკლები, ტრიციკლები და კვადროციკლები მიეკუთვნებიან. პერიოდული ტექნიკური ინსპექტირებასთან და ინსპექტირების პროცესის მონიტორინგთან დაკავშირებულ საკითხებზე სახმელეთო ტრანსპორტის სააგენტოში უკვე შედგა შეხვედრა ტექნიკური ინსპექტირების ასოციაციებთან. მთავრობის საგზაო უსაფრთხოების ეროვნული სტრატეგიის მიხედვით, გასული წლის აგვისტოდან უკვე მიმდინარეობს მუშაობა ნორმატიული აქტების მომზადებაზე, რათა მოპედები და მოტოციკლები სავალდებულო პერიოდულ ტექნიკურ ინსპექტირებას დაექვემდებარონ. ნორმატიული აქტების მომზადებისთვის სახელმწიფოს ვადა 2025 წლის ბოლომდე აქვს განსაზღვრული. რაზე იყო საუბარი აღნიშნულ შეხვედრაზე, რა რაოდენობის L კატეგორიის ტრანსპორტი შეიძლება დაექვემდებაროს ტექნიკურ ინსპექტირებას და ზოგადად როგორ მიმდინარეობს რეფორმა ქვეყანაში? სტუმარი: გიორგი შიოლაშვილი - ტექინსპექტირების ცენტრების კავშირის აღმასრულებელი დირექტორი #ახალიამბები #BusinessMediaGeorgia
ჯილი ცენტრი თეგეტამ“ „თბილისის სატრანსპორტო კომპანიას“ 11 ელექტრომობილი - Geely geome გადასცა. ამ გარიგებით კომპანია იღებს ვალდებულებას უზრუნველყოს სერვისი ავტორიზებულ სერვისცენტრში, ელექტრომობილებზე კი გავრცელდება 8-წლიანი გარანტიაც. Geely Geome - ეს არის ყველაზე გაყიდვადი ელექტრომობილი ჩინეთსა და მსოფლიოს სხვა ქვეყნებში, გაუმჯობესებული რესურსისა და ეკონომიურობის გამო. აღნიშნული შეთანხმების შესახებ და ზოგადად - რას სთავაზობს „ ჯილი ცენტრი თეგეტა“ ბიზნესს? სტუმარი: გიორგი შაქარაშვილი - "ჯილი ცენტრი თეგეტას" დირექტორი #ახალიამბები #BusinessMediaGeorgia
ქართული სადაზღვევო კომპანია “ალდაგის” საერთაშორისო რეიტინგი, ისეთი ავტორიტეტული სარეიტინგო კომპანიისგან, როგორიცაა AM Best-ი, კიდევ ერთხელ გაუმჯობესდა. სააგენტოს შეფასებით, კომპანიის ფინანსური სიძლიერის რეიტინგი B+ - ით განისაზღვრა, ხოლო საკრედიტო რეიტინგი 3B დონემდე ავიდა. რა ფაქტორებმა განაპირობა “ალდაგის” საერთაშორისო რეიტინგის გაუმჯობესება და რას ნიშნავს, ეს წარმატება არა მხოლოდ ბიზნესის, არამედ მთელი სადაზღვევო ინდუსტრიისთვის? #ახალიამბები #BusinessMediaGeorgia
მოემზადე ცხოვრებისთვის - მონტესორის ბაღის ფილოსოფია / მონტესორის საბავშვო ბაღი • Montessori Kindergarten
“ავერსის” მორიგი განსაკუთრებული კამპანია - ფრანგული დღეების ფარგლებში, მომხმარებლებს 31 ივლისის ჩათვლით შეუძლიათ ისარგებლონ -50%-მდე ფასდაკლებით ფრანგულ ბრენდებზე, მათ შორის ისეთ აღიარებულ სახელებზე, როგორიცაა ნორევა, ევოლუდერმი, ლაროშე, ავენი, ტოპიკრემი და სხვა. პარალელურად, გრძელდება ჩემოდნის გათამაშება — ავერსის ნებისმიერ ფილიალში, თავიანთ მოვლისა თუ ბავშვთა პროდუქციის შეძენისას, მომხმარებლებს ეძლევათ შანსი გაიმარჯვონ შემთხვევითობის პრინციპით შერჩეულ გათამაშებაში და მიიღონ საჩუქრებით სავსე ჩემოდანი. #ახალიამბები #BusinessMediaGeorgia
დიღომში - თბილისისთვის ერთ-ერთი ყველაზე სწრაფად განვითარებად და პოტენციალის მქონე უბანში, ახალი მასშტაბური პროექტი ხორციელდება. საქალაქო სასამართლოს პირდაპირ, აღმაშენებლის ხეივანზე, GBG Development ბიზნეს კლასის საცხოვრებელ და მულტიფუნქციურ კომპლექსს აშენებს, რომელიც თანამედროვე ურბანულ მოთხოვნებზეა მორგებული. აღსანიშნავია, რომ C, D და E კორპუსებში ბინების 95% უკვე გაყიდულია, რაც პროექტისადმი მაღალი ინტერესის ინდიკატორია. სტუმარი: ლაშა მურჯიკნელი - GBG Development-ის ფინანსური დირექტორი #ახალიამბები #BusinessMediaGeorgia
გლობალიზაციის ეპოქაში კი ქალაქების რეპუტაცია ბიზნესისთვის სულ უფრო გადამწყვეტი ხდება. დღეს გიამბობთ დუბაიზე, ქალაქზე, რომელმაც სულ რამდენიმე ათწლეულში შეძლო ჩამოყალიბებულიყო ერთ-ერთ ყველაზე ძლიერ გლობალურ ბრენდად და ინვესტორების ყურადღება კულტურით, ინფრასტრუქტურითა და მიზანმიმართული სტრატეგიით მიიზიდა #ახალიამბები #BusinessMediaGeorgia
ქვეყნის შიგნით კვირაში 18 სიხშირით ნატახტრიდან მხოლოდ „აკ ეარ ჯორჯია“ დაფრინავს, აქედან 5 რეისი ბათუმში, 6 მესტიაში , 2 რეისი ქუთაისში და 3 ამბროლაურში სრულდება. დატვირთულობა თითქმის 100%-იანია, თუმცა ის კომპანიებისთვის კომერციულად საინტერესო მაინც არ არის. რა გამოწვევებს ქმნის მხარჯველუნარიანი ტურისტების მოზიდვის მხრივ განუვითარებელი ავია ბაზარი და სად ხედავენ სექტორის წარმომადგენლები პრობლემის გადაჭრის გზებს? #ახალიამბები #BusinessMediaGeorgia
ახალი შესაძლებლობა მოგზაურებისთვის - მალე ახალი ტურისტული ვიზა ამოქმედდება, რომელიც მნიშვნელოვნად გაამარტივებს სპარსეთის ყურის ქვეყნებს შორის მოგზაურობას.GCC Grand Tours Visa, ცნობილი როგორც ერთიანი ტურისტული ვიზა 2023 წელს დამტკიცდა და როგორც ჩანს, მალე რეალობად იქცევა. ახალი ვიზა საშუალებას იძლევა მოგზაურმა ერთი დოკუმენტის პრინციპით - ბაჰრეინი, ქუვეითი, ომანი, კატარი, საუდის არაბეთი და არაბთა გაერთიანებული საამიროები მოინახულოს. რას წარმოადგენს სპარსეთის ყურის ქვეყნებში ერთიანი ტურისტული ვიზა და რით არის ის მსგავსი, შენგენის ქვეყნების ვიზისა? #ახალიამბები #BusinessMediaGeorgia
მსოფლიო აგრძელებს საკუთარი ლიდერების შეფასებას და სოციოლოგია მუდმივად იკვლევს თუ რა რეიტინგით ანუ შეფასებებით სარგებლობენ სხვადასხვა ქვეყნის ლიდერები საკუთარ მოსახლეობას შორის. ბოლო რეიტინგი ამის მორნინგ ქონსალთს ეკუთვნის. რას მიაკვლია მორნინგ ქონსალტმა ამ თემაზე, ეს სააგენტო იკვლევს მოსახლეობის გამოკითხვაზე დაყრდნობით ქვეყნების ლიდერების რეიტინგს. #ახალიამბები #BusinessMediaGeorgia
საბაზისო მეტალების ოქროდ ქცევაზე კაცობრიობამ ფიქრი რამდენიმე ასეული წლის წინ დაიწყო, რის პირველ ნიშნებსაც ანტიკური ეგვიპტელების იეროგლიფებში ვხვდებით. სილიკონის ველის სტარტაპი Marathon Fusion კი ამტკიცებს, რომ ბირთვული შერწყმის ტექნოლოგიის გამოყენებით, ეს უკვე შესაძლებელია. კერძოდ, სტარტაპი ირწმუნება, რომ მერკურის, იგივე ვერცხლისწყლის იზოტოპებზე მაღალენერგიული ნეიტრონებით შეტევის შედეგად, ამ მეტალის ოქროდ ქცევის გზას მიაგნეს. #ახალიამბები #BusinessMediaGeorgia
#საქმიანიდილა - 24 ივლისი - პროლოგი #ახალიამბები #BusinessMediaGeorgia
ზაფხულის ცხელი დღეების გათვალისწინებით თბილისის გარეუბნებში გველების გამოჩენა ისევ აქტუალური თემა ხდება. როგორც ჰერპეტოლოგები აცხადებენ, გიურზას გავრცელების არეალებს წარმოადგენს თბილისის შემოგარენი, ეს არის ლილო, აფრიკა, კრწანისი, ორთაჭალა, ფონიჭალა, ტაბახმელა და შინდისი. ამ დროის სტატისტიკით დაჭერილია დაახლოებით 10 გიურზა. თუმცა გამოძახებების 70% გველხოკერას უკავშირდება, რომელიც მოსახლეობისთვის ნაკლებ საფრთხეს წარმოადგენს. როგორ უნდა მოვიქცეთ საცხოვრებელ თუ დასასვენებელ ზონებში ქვეწარმავლების დანახვის შემთხვევაში და რას აკეთებს ამ მხრივ თბილისის მერია? სტუმარი: რატი მამუკაშვილი - ჰერპეტოლოგი #ახალიამბები #BusinessMediaGeorgia
ადმინისტრაციულ სამართალდარღვევათა კოდექსში შესული ცვლილებით, ავტომობილების მეპატრონეები, ზედმეტი ხმაურის შემთხვევაში დაჯარიმდებიან. დოკუმენტის თანახმად, იმ სატრანსპორტო საშუალების მართვა, რომლის ექსპლუატაციისას წარმოქმნილი ხმაური საქართველოს კანონმდებლობით დადგენილ ნორმას აღემატება, გამოიწვევს პირის დაჯარიმებას 200 ლარის ოდენობით. ასევე, ახალი რედაქციით, თუ მანამდე გადაკეთებულად ითვლებოდა მხოლოდ ისეთი სატრანსპორტო საშუალების გამოყენება, რომელსაც თვითნებურად გადაკეთებული ჰქონდა ძარა, საწვავის ავზი ან ბუნებრივი აირის სისტემა, ახლა უკვე თვითნებურად გადაკეთებულად ითვლება ის სატრანსპორტო საშუალება, რომელსაც არაქარხნული მაყუჩი აქვს. თვითნებურად გადაკეთებული მაყუჩის მქონე ავტომობილის მეპატრონე 200 ლარით დაჯარიმდება და მართვის მოწმობაზე მინიჭებული ქულათა სისტემიდან 30 ქულა დააკლდება. ცვლილებას ვნებათაღელვა მოჰყვა ავტომოყვარულების მხრიდან, რომლებიც ფიქრობენ, რომ კანონი უსამართლო და გაუმართავია. სტუმრები: ნიკა შელია - #BMGAutoshow-ავტორი&წამყვანი; თემო აბულაძე - ავტომოყვარული; ვახტანგ ბარამაშვილი - ადვოკატი #ახალიამბები #BusinessMediaGeorgia