#საქმიანიდილა - 13 ივნისი - პროლოგი #ახალიამბები #BusinessMediaGeorgia
საქართველოს კერძო სექტორის მოწყვლად ნაწილს, რომელიც მცირე და საშუალო საწარმოებისგან შედგება, თანამედროვე ტექნოლოგიებზე წვდომა შეზღუდული აქვს. ასეთი კი საწარმოების 99,7%-ია სადაც დასაქმებულთა რაოდენობა 59.3%-ია. ხოლო იმის გათვალისწინებით, რომ აღნიშნული საწარმოების წილი ეკონომიკური ზრდის მაჩვენებელში 2020 წელს 58%-ს შეადგენდა მონაცემები საკმაოდ შემაშფოთებლად გამოიყურება. მცირე და საშუალო საწარმოებში ციფრული ტექნოლოგიების დანერგვას მნიშვნელოვნად განაპირობებს ეკონომიკაში ციფრული უნარები. საქართველოს მოსახლეობაში ციფრული უნარების დონე კი ცხადყოფს, რომ ზოგადი სურათი არც თუ ისე სახარბიელოა. 2019 წელს საქართველოში ბიზნეს ლიდერების მიერ ციფრული უნარების მაჩვენებელი 1-დან 7-მდე სკალაზე 3,66 ქულით შეფასდა. საქართველოში მცირე და საშუალო საწარმოების გაციფრულებაზე მიმოხილვა ISET-მა მოამზადა. სტუმარი: გიორგი პაპავა - ISET-ის წამყვანი ეკონომისტი; #ახალიამბები #BusinessMediaGeorgia
საქართველოში ბოლო წლებში გაშენებული მაყვლის ბაღების 80% გაჩეხეს ან მიატოვეს. კენკრის მწარმოებელთა ასოციაციაში ამბობენ, რომ ბაღების გაჩეხის ძირითადი მიზეზი ფერმერების მხრიდან გაკეთებული არასწორი გათვლები იყო, მოლოდინი გასაყიდ ფასსა და მოვლის ხარჯებთან მიმართებით არარეალური აღმოჩნდა, რამაც ბაღების მასობრივი გაჩეხვა გამოიწვია. როგორია წლევანდელი მოსავალი და გასაღების ბაზრები? სტუმარი: იზოლდა ქიტესაშვილი - კენკრის მწარმოებელთა ასოციაციის თავმჯდომარე. #ახალიამბები #BusinessMediaGeorgia
პარლამენტი, დაჩქარებული წესით დღეიდან დაიწყებს მთავრობის საკანონმდებლო პაკეტის განხილვას, რომლის საფუძველზეც სამედიცინო და ფარმაცევტული საქმიანობის რეგულირების სააგენტოს უფლებამოსილებების გაზრდა და ფუნქციების გაძლიერება იგეგმება. "ჯანმრთელობის დაცვის შესახებ“ კანონში დაგეგმილი ცვლილებების მიხედვით, მაკონტროლებელ ორგანოს სახელმწიფო კონტროლს დაქვემდებარებულ ობიექტებზე წინასწარი შეტყობინების გარეშე, ნებისმიერ დროს შესვლის, მასალის, ნივთის და ა.შ. გამოთხოვის შესაძლებლობა, ასევე საზედამხედველო ობიექტის დათვალიერების, ხელშეუხებლობის მოთხოვნის, დალუქვის და ამოღების უფლებამოსილებები ენიჭება. მაკონტროლებელ ორგანოს უფლებამოსილება ეძლევა, ელექტრონული საჯარიმო ქვითარი გამოიყენოს, რომლის ფორმას, შევსებისა და წარდგენის წესს ჯანდაცვის მინისტრი დაამტკიცებს. სამედიცინო და ფარმაცევტული საქმიანობის რეგულირების სააგენტოს შეეძლება მაღალი რისკის შემცველი სამედიცინო საქმიანობის მიმწოდებელს საქმიანობის უფლება შეუჩეროს. კანონის პროექტის თანახმად, სამედიცინო და ფარმაცევტული საქმიანობის სფეროში სახელმწიფო კონტროლისა და ზედამხედველობის ეტაპზე სამინისტროს შესაბამისი კომპეტენტური ორგანოს მიერ მიღებული გადაწყვეტილება დაუყოვნებლივ აღსასრულებლად მიექცევა და მათ აღსრულებას გასაჩივრება არ გააჩერებს, თუ სასამართლომ სხვაგვარად არ დაადგინა. ამავე პროექტით, სამედიცინო და ფარმაცევტულ სფეროში მოქმედი საჯარიმო სანქციები იზრდება. სანქციების ზრდის გარდა, ცვლილების მიხედვით, სამედიცინო და ფარმაცევტული საქმიანობის რეგულირების სააგენტოს, სასამართლოსთან ერთად, მოცემულ სამართალდარღვევის საქმეებზე როგორც ოქმის შედგენის, ისე საქმის განხილვის შესაძლებლობა ენიჭება. ასევე, სააგენტოს მიერ ადმინისტრაციულ სამართალდარღვევის საქმეების განხილვისას ელექტრონული დაჯარიმების შესაძლებლობა შემოდის. რას შეცვლის რეგულირების სააგენტოსთვის უფლებების გაზრდა და როგორია სექტორის პოზიცია ჯანდაცვის სამინისტროს მიერ მომზადებულ კანონის პროექტზე? სტუმარი: მაია მახარაშვილი - “სიმონ ხეჩინაშვილის სახელობის საუნივერსიტეტო კლინიკის” დირექტორი #ახალიამბები #BusinessMediaGeorgia
#ავიაციისსიახლეები: თბილისიდან მოლდოვური ბიუჯეტური ავიაკომპანია იფრენს; თეა ზაქარაძე: “TAV-ი პირველ რიგში არის ინვესტორი”; TAV-ი 29 ქვეყანაში 108 აეროპორტში ოპერირებს ქუთაისის აეროპორტის შედეგები - მაისი; ქუთაისის საერთაშორისო აეროპორტში პერიმეტრული ღობის განათების სამუშაოები დასრულდა; Wizz air-ი წელს მოგების ზრდას ელოდება; IATA გლობალური ავიაკომპანიების მოგების პროგნოზს ზრდის; კანადა Ruslan-ს რუსეთს ჩამოართმევს და უკრაინას გადასცემს; „სკანდინავიურმა ავიახაზებმა“ Mondelez-ი უკრაინის ომის სპონსორობის გამო დაბლოკა. #ახალიამბები #BusinessMediaGeorgia
გალერია თბილისმა ახალი პროდუქტი ლოიალობის აპლიკაცია დანერგა, რომელიც მომხმარებელს სავაჭრო ცენტრის გამოყენების ახალ გამოცდილებას სთავაზობს. სისტემა მომხმარებელს გარდა გადახდების მართვისას ქულების დაგროვების საშუალებას აძლევს რაც თავის მხრივ დამატებითი სარგებლის მიღების შესაძლებლობაა. გარდა ვაჭრობისა და გასართობის სივრცეებში აპლიკაციის გამოყენებისა აპლიკაცია პარკინგის გამოყენების დროსაც დამატებით ინფორმაციას და გადახდის შესაძლებლობას იძლევა. სტუმარი: ნიკა ცინცაძე - "გალერია თბილისის" დირექტორი #ახალიამბები #BusinessMediaGeorgia
ზაფხულის სეზონზე ქვეყნის ფარგლებს გარეთ მოგზაურობა ქართველი ტურისტებისთვის, სულ უფრო აქტუალური თემა ხდება. საქართველოში მოქმედი წამყვანი ტუროპერატორები, რომლებიც ჩვენს ქვეყანაში ტურისტული პროდუქტის ფორმირებას და რეალიზაციას ახორციელებენ, აღნიშნავენ, რომ მაღალ სეზონზე ძირითადი მომართვიანობა ზღვისპირა ქალაქებზე მოდის. ტურისტების მეტი კომფორტისთვის, ტუროპერატორები სხვადასხვა სამოგზაურო პაკეტებთან ერთად მომხმარებლებს სამოგზაურო დაზღვევასაც სთავაზობენ. BMG იმ ტუროპერატორებს ესაუბრა, ვინც “ჯიპიაი ჰოლდინგის” სამოგზაურო დაზღვევას უკვე წლებია მიმართავს. ისინი აღნიშნავენ, რომ კომპანიის სამოგზაურო დაზღვევა ხელმისაწვდომი და მოქნილია მომხმარებლებისთვის, ასევე “ჯიპიაი ჰოლდინგი” მათ სხვადასხვა მრავალფეროვან სერვისს სთავაზობს. ტუროპერატორებისთვის განსაკუთრებით კომფორტული “ჯიპიაი ჰოლდინგის” მოქნილი და გამართული ონლაინ სისტემაა. თავად ტუროპერატორები განმარტავენ, რომ ხშირია ისეთი გაუთვალისწინებელი შემთხვევები, როგორიცაა დამწვრობა ზღვისპირა ქალაქებში, ან ბარგის დაკარგვა, რისგანაც “ჯიპიაი ჰოლდინგი” დაზღვეულებს იცავს. სტუმარი: ირინა ნაცვლიშვილი - "ჯიპიაი ჰოლდინგის" კორპორაციული არხების განყოფილების უფროსი; #ახალიამბები #BusinessMediaGeorgia
საქართველოს ეკონომიკური წიგნიერების ინიციატივა ეკონომიკურ ოლიმპიადას მართავს, რომლის ეკონომიკის ეროვნული რაუნდის გუშინ ჩატარდა. თავის მხრივ ეკონომიკის ოლიმპიადა (EO) არის პროექტი, რომლის მიზანიც არის ეკონომიკური განათლებისა და ფინანსური წიგნიერების დონის გაუმჯობესება. იგი დაარსდა ეკონომიკური განათლების ინსტიტუტის მიერ ჩეხეთის რესპუბლიკაში 2016 წელს, 2017 წლიდან კი გახდა საერთაშორისო პროექტი. INEV უკვე ატარებს ოლიმპიადებს მსოფლიოს 10-მდე ქვეყანაში, რომელშიც ყოველწლიურად ჩართულია 100 000 მოსწავლე და 3 500-მდე მასწავლებელი და ეს მონაცემები მზარდია. სტუმარი: ლევან ფავლენიშვილი - GELi- ის დირექტორი. #ახალიამბები #BusinessMediaGeorgia
ნორიოს პოლიგონის მიმდებარედ, კომპანია გალფის CSR პლატფორმის - "მოუარე საქართველოს" პრეზენტაცია გაიმართა. ღონისძიებაზე გალფის მენეჯმენტმა კომპანიის ეკოლოგიასა და გარემოზე ზრუნვის პოლიტიკა შეაჯამა, სამომავლო გეგმებზეც ისაუბრეს და არტ-ინსტალაცია "პოლიეთილენის ტყე" წარადგინეს. ამ ტყის მასივი უკიდურესად დაბინძურებული ზონაა. შესაბამისად შეხვედრაზე დაანონსდა აღნიშნული ტერიტორიის დალაგება და საყოფაცხოვრებო ნარჩენებისგან სრულად გაწმენდა. მასშტაბური დასუფთავების პროექტი განხორციელდება კომპანია გალფის და მოხალისეების მიერ და რამდენიმე დღე გაგრძელდება. #ახალიამბები #BusinessMediaGeorgia
პლანეტის 2,000 უმსხვილესი კომპანია - Forbes-ის რეიტინგი; ემიგრანტებისთვის ყველაზე ძვირადღირებული ქალაქების რეიტინგი. #ახალიამბები #BusinessMediaGeorgia
უძრავი ქონების ქართველი ბროკერი აშშ-ში - ინტერვიუ გიორგი პაპიაშვილთან გიორგი პაპიაშვილი - უძრავი ქონების აგენტი; #ახალიამბები #BusinessMediaGeorgia
მოგზაურობისას ბევრი საკითხის გათვალისწინებაა საჭირო, მათ დროს ერთ-ერთი უსაფრთხოებაა, როდესაც ადამიანები სამოგზაუროდ ლოკაციას ირჩევენ, ცხადია, ამ დროს იმასაც ამოწმებენ, რამდენად უსაფრთხოა ესა თუ ის ქალაქი, რამდენად გამართულად მუშაობს პოლიცია და ასე შემდეგ. ჩვენი სიუჟეტიდან ამჯერად სწორედ იმ ქალაქებს წარმოგიდგენთ, რომლებიც ევროპის ყველაზე უსაფრთხო ქალაქების ხუთეულში მოხვდნენ. #ახალიამბები #BusinessMediaGeorgia
#საქმიანიდილა - 12 ივნისი - პროლოგი #ახალიამბები #BusinessMediaGeorgia
კვირის ბოლოს თუშეთის ტურისტული სეზონი იხსნება, 10 ივნისს ტურისტულ სეზონს მხარე „თუშური კულტურის დღით" ხვდება, რომლის მიზანი თუშეთის ტურისტული სეზონის ხელშეწყობა, დაცული ტერიტორიების ადმინისტრაციების მხარდაჭერა, მდგრადი ტურიზმის განვითარების ხელშეწყობა, თუშური ტრადიციული სამზარეულოსა და ადგილობრივი ხელსაქმის პოპულარიზაცია. როგორ ხვდება მთა ზაფხულის ტურისტული სეზონის გახსნას ? სტუმარი: ნანი არშაულიძე - საოჯახო სასტუმრო "კესელოს" მფლობელი #ახალიამბები #BusinessMediaGeorgia
„ჩვენ გვყავს ფეხბურთელების თაობა, რომლებმაც ევროპულ ჩემპიონატებში კვალის დატოვება დაიწყეს“; „თუ ნაპოლიმ იპოვა ხვიჩა კვარაცხელია ბათუმში, იგივეს გაკეთება შეუძლია ლაციოს, რომას და ა.შ“; ფეხბურთი - ეკონომიკა და ბიზნესი; „მსოფლიო საფეხბურთო საზოგადოება ასეთ ტურნირებზე ეცნობა ვარსკვლავებს“ – EURO U21; #BMGDRIVE-ის მგზავრი: ნიკოლოზ ტაბატაძე - სპორტული ჟურნალისტი; ავტორები: ბექა ბაციკაძე, გურამ ხუნდაძე, რევაზ ნასიძე #Jeep #JeepGeorgia #ბიზნესმედია #საქმიანები #სტრადამოტორსი
საჯარო ინფორმაციის ხელმისაწვდომობაზე კანონის დარღვევები სისტემურად გრძელდება - IDFI-ს მიერ განხორციელებული საჯარო ინფორმაციის ხელმისაწვდომობის უწყვეტი მონიტორინგის შედეგები აჩვენებს, რომ 2023 წელს კვლავ აქტიურად გრძელდება საქართველოს სამინისტროების და მათი დაქვემდებარებული უწყებების თვითნებობა, რაც საჯარო ინფორმაციის მოთხოვნების უპასუხოდ დატოვებაში და საქართველოს კანონმდებლობის მიზანმიმართულ დარღვევაში გამოიხატება. არასამთავრობო ორგანიზაციაში ეჭვობენ, რომ 2022 წლიდან სამინისტროების და მათი დაქვემდებარებული უწყებების მიერ საჯარო ინფორმაციის მოთხოვნების სრული იგნორირების დამკვიდრებული პრაქტიკა დაკავშირებულია პოლიტიკურ გადაწყვეტილებასთან შეიზღუდოს ქვეყანაში ინფორმაციის თავისუფლება. სტუმარი: გოგა თუშურაშვილი - IDFI-ის კვლევითი მიმართულების ხელმძღვანელი; #ახალიამბები #BusinessMediaGeorgia
შტატების მთავრობის შეთანხმების და სავალო ლიმიტის გაზრდის შემდეგ Goldman Sachs-მა მომავალი 12 თვის განმავლობაში რეცესიის ალბათობა შეამცირა. იყო თუ არა კონგრესში განხილვები და გადაწყვეტილებები მთავარი ფაქტორი განწყობების ცვლილებისათვის და რა მიზეზები დგას ამგვარი მოლოდინების უკან? სტუმარი: თორნიკე მჭედლიშვილი - "თიბისი კაპიტალის" საბროკერო მიმართულების ვიცე-პრეზიდენტი #ახალიამბები #BusinessMediaGeorgia
ტერაბანკმა Visa-სთან პარტნიორობით, Visa B2B Connect პლატფორმა დანერგა და ბიზნესკლიენტებს სწრაფი, მოქნილი და უსაფრთხო საერთაშორისო ანგარიშსწორების სერვისი შესთავაზა. 15 მაისიდან კი დაიწყო სპეციალური აქციაც, რომელიც ტერაბანკის ბიზნესკლიენტებს საშუალებას აძლევს, მსოფლიოს 107 ქვეყანაში დოლარის გადარიცხვა უფასოდ შეასრულონ. სტუმრები: კოტე მაქაცარია - "ტერაბანკის" მიკრო, მცირე და საშუალო ბიზნესის მართვის განყოფილების უფროსი; ნათია გავარდაშვილი - Visa-ს ბიზნეს განვითარების დირექტორი კავკასიაში. #ახალიამბები #BusinessMediaGeorgia
პირველი ფესტივალია ევროპაში, რომელიც მაღალი ხარისხის მრავალფეროვანი და უნიკალური ღვინოების აღმოჩენასა და პოპულარიზაციას ემსახურება. ფესტივალში მონაწილე სხვადასხვა ქვეყნების მეღვინეობები და მათ მიერ წარმოდგენილი მაღალი ხარისხის ღვინოები ამ ღირებულებების დასტურია. 2022 წელს მერანოს ღვინის ფესტივალი პირველად გასცდა იტალიის საზღვრებს და შატო მუხრანისა და ასოციაცია „ქართული ღვინო“-ს ორგანიზებით, საქართველოში ჩატარდა. წელს ფესტივალი მეორედ შატო მუხრანის სასახლესა და ახალ აშენებულ ღონისძიებების სივრცე „ორანჟერეაში“ გაიმართება, სადაც ქართველი და უცხოელი მწარმოებლები მიიღებენ მონაწილეობას, როგორც დიდი, ასევე საშუალო და მცირე მარნების სახით. ეს საუკეთესო შესაძლებლობაა, მეღვინეებთან პირადად შესახვედრად და მათთან ერთად განსაკუთრებული ქართული, იტალიური და თურქული ღვინოების დასაგემოვნებლად. ქართულ კომპანიებთან ერთად, ფესტივალზე წარმომადგენელი იქნებიან ღვინის იტალიელი და თურქი მწარმოებლებიც. ღვინის ფესტივალის განუყოფელი ნაწილია გასტრონომიაც. ღონისძიებაზე შესაძლებელია ქართული, თურქული, იტალიური გასტრონომიული პროდუქტებისა და ინგრედიენტების დაგემოვნება და შეძენა. #ახალიამბები #BusinessMediaGeorgia
აუდიტორულმა და ბიზნეს საკონსულტაციო კომპანია BDO Digital-მა უკრაინულ კომპანია ABM Cloud-თან ერთად, რითეილ და დისტრიბუციის ციფრული ტრანსფორმაციის შესახებ კონფერენციას უმასპინძლა. კომპანიებმა ბიზნეს სექტორის წარმომადგენლებს ყველა ის ტექნოლოგიური გადაწყვეტა გააცნეს, რაც ციფრული ტრანსფორმაციის ეფექტიანად დანერგვისთვის მნიშვნელოვანია. გარდა ამისა, კონფერენციის ფარგლებში BDO დიჯითალმა საზოგადოებას თავისი ახალი, ინოვაციური სტარტაპი - მარლინი წარუდგა, რომელიც დისტრიბუტორებსა და სავაჭრო ქსელებს შორის ურთიერთობის გაციფრულებისა და პროცესების მეტად გამარტივების მიზნით შეიქმნა. #ახალიამბები #BusinessMediaGeorgia
საკონფერენციო სივრცეებზე მოთხოვნა გაიზარდა. კომპანიებში აცხადებენ, რომ ხშირია შემთხვევა როდესაც დამკვეთისთვის უარის თქმა უწევთ, რადგან მოთხოვნა მიწოდებას აჭარბებს. ძირითადი დამკვეთები ბიზნეს სექტორის წარმომადგენლები არიან. კომპანიები მოთხოვნის გაზრდას პანდემიის დასრულებას და ბაზარზე ახალი კომპანიების გამოჩენას უკავშირებენ. კომპანიებში გვითხრეს ისიც, რომ ეს პერიოდი საკონფერენციო სივრცეებისთვის ერთ-ერთი ყველაზე დატვირთულია, ხოლო მაღალ სეზონზე,მოთხოვნა სხვა პერიოდებთან შედარებით მცირდება. #ახალიამბები #BusinessMediaGeorgia
რა როლს ასრულებს ლარის კურსი ფასების კორექტირებაში? #ახალიამბები #BusinessMediaGeorgia
რუსეთის რკინიგზის სოჭი-გაგრას რეგულარული რეისი #ახალიამბები #BusinessMediaGeorgia
Samsung America - ხელოვნური ინტელექტის მომავალი ნიკა სხირტლაძე - Samsung America-ს ინფორმაციის მეცნიერებათა დეპარტამენტის ხელმძღვანელი; #ახალიამბები #BusinessMediaGeorgia
სილამაზის კონკურსის სპონსორი & მისი გამარჯვებული მეუღლე #ახალიამბები #BusinessMediaGeorgia
#საქმიანიდილა - 9 ივნისი - პროლოგი #ახალიამბები #BusinessMediaGeorgia
Globalize-ი ამჯერად ნიუ იორკში ჩავიდა. 26 მაისს გამართულ მთავარ ღონისძიებამდე ერთი დღით ადრე, ქართველ სტარტაპერებს შესაძლებლობა ჰქონდათ ინვესტორებს შეხვედროდნენ და საკუთარ იდეები და გეგმები პირდაპირი კომუნიკაციით შეეთავაზებინათ. რა გზა გაიხსნა შტატებში ქართველებისთვის და როგორ ჩაიარა Globalize-ის ფარგლებში ინვესტორებთან შეხვედრამ? #ახალიამბები #BusinessMediaGeorgia
მესტიაში ზაფხულის სეზონი იხსნება. როგორც M.T.A Mestia-ში განმარტავენ, 8 ივნისიდან, ჰაწვალისა და ზურულდის საბაგიროები, ყოველდღე, 11:00-დან 17:00 საათამდე მიიღებს ვიზიტორებს. აბონემენტის შეძენა შესაძლებელია კურორტის სალაროში. ხოლო თუ გასული სეზონებიდან მულტიქარდი შემოგრჩათ, 10-დღიანი აბონემენტის გააქტიურებას ამავე ბარათზე შეძლებთ. „დაგეგმეთ შვებულება მესტიაში, აღმოაჩინეთ სვანეთის მთების სილამაზე, გასტრონომია და უძველესი კულტურა“, - აცხადებენ M.T.A Mestia-ში. როგორ ხვდება ბიზნესი ზაფხულის სეზონს? სტუმარი: ლევან დადვანი - სასტუმრო "ლაჰილის" მფლობელი; #ახალიამბები #BusinessMediaGeorgia
ლიფტებს ტექნიკური ინსპექტირება 3 წელიწადში ერთხელ უნდა ჩაუტარდეთ - ამის შესახებ ვაკის რაიონის მიერ პარლამენტის წევრის ქეთევან თურაზაშვილის სადეპუტატო კითხვის პასუხად გაგზავნილი ინფორმაციიდან ირკვევა. მათივე ცნობით, ლიფტები წარმოადგენს ბინათმესაკუთრეთა ამხანაგობის წევრთა საერთო ქონებას. შესაბამისად, სწორედ ბინათმესაკუთრეთა ამხანაგობაა ვალდებული განსაზღვრული პერიოდულობით ლიფტს ტექნიკური ინსპექტირება ჩაუტაროს. ბინათმესაკუთრეთა ამხანაგობა არ არის ვალდებული აცნობოს ან წარადგინოს ლიფტის ტექნიკური ინსპექტირების ანგარიში გამგეობებში. ამასთან, როგორც ვაკის რაიონის გამგეობიდან გაგზავნილი ინფორმაციიდან ირკვევა, გამგეობა არ აწარმოებს ვადაგასული ან/და ტექნიკურად გაუმართავი, მათ შორის გაჩერებული ლიფტების სტატისტიკას. მათივე ცნობით, 2020 და 2021 წლებში გამგეობაში არ შესულა არცერთი ანგარიში ლიფტების ინსპექტირების შედეგების შესახებ, ხოლო 2023 წელს შევიდა სულ 145 ლიფტის ტექინსპექტირების ანგარიში, საიდანაც 29 ლიფტი მოდერნიზებულია ან ჩანაცვლებულია ახლით. ჩვენ, ყველას გვახსოვს 5 თვის წინ თბილისის ერთ-ერთ უბანში მომხდარი ტრაგედია, რომელსაც 2 ადამიანის სიცოცხლე ემსხვერპლა. რა შეიცვალა მას შემდეგ თბილისში, გაიზარდა თუ არა მიმართვიანობა ლიფტების ტექნიკურ ინსპექტირებაზე? სტუმარი: სანდრო შელია - კომპანია CAI-ს გენერალური დირექტორი; #ახალიამბები #BusinessMediaGeorgia
გრიგოლ რობაქიძის სახელობის უნივერსიტეტი და რითეილ ასოციაცია თანამშრომლობას იწყებენ. მხარეთა შორის ურთიერთთანამშრომლობის მემორანდუმი გუშინ გაფორმდა. შეხვედრის ფარგლებში, კომერციული გზამკვლევის პრეზენტაცია გაიმართა. გზამკვლევის მიზანი მეწარმეებისთვის პრაქტიკული რჩევების მიცემაა ისეთ საკითხებზე, როგორიცაა კომერციულ მოლაპარაკებები და გარიგებები. კომერციული გზამკვლევი განკუთვნილია მცირე და საშუალო მეწარმისთვის, რომლებსაც რითეილერებთან თანამშრომლობის გზით, საკუთარი ბიზნესის გაზრდა და განვითარება სურთ. ინფორმაციისთვის, კომერციული გზამკვლევი USAID -ის სოფლის მეურნეობის პროგრამის მხარდაჭერით შეიქმნა. სტუმრები: სოფიო ქაშაკაშვილი - რითეილ ასოციაციის გამგეობის თავმჯდომარე; ია ნადირაშვილი - კომერციული გზამკვლევის თანაავტორი; მაკა ფირანაშვილი - გრიგოლ რობაქიძის სახელობის უნივერსიტეტის ტურიზმის საბაკალავრო პროგრამის ხელმძღვანელი. #ახალიამბები #BusinessMediaGeorgia
Meliora-ს გამარჯვებულებში კონკრეტულ კატეგორიაში ‘პასუხისმგებელი დამსაქმებელი’ წელს გამარჯვებულად კომანია Majorel Georgia დასახელდა პროექტით „Feel Good”- როგორ გრძნობენ თავს კარგად Majorel-ის გუნდის წევრები და რა შეფასდა ამ კონკურსის ფარგლებში? სტუმრები: აკაკი საღირაშვილი - "საქართველოს ბიზნეს ასოციაციის" აღმასრულებელი დირექტორის პირველი მოადგილე; ალექს მირონენკო - "მეიჯერალ საქართველოს" აღმასრულებელი დირექტორი; ლიზი ლეჟავა - CSR სპეციალისტი, საქართველოს სტრატეგიული კვლევებისა და განვითარების ცენტრი. საუბარს სინქრონულად თარგმნის NG Georgia #ახალიამბები #BusinessMediaGeorgia
#საქმიანები: თავგადასავლების მაძიებელი წირქვალიდან - ვალერი ჩიტაძე ავტორები: მანანა მანჯგალაძე, ედგარ ყაზახაშვილი, ლადო ცხადაია #ახალიამბები #BusinessMediaGeorgia
„ბელვიუ რეზიდენს ბათუმი“ უნდა გავიცნოთ. პრემიუმ კლასის, პრესტიჟული სარეზიდენციო კომპლექსი, რომელიც 5 ვარსკვლავიან სასტუმროს ბრენდთან „ჰილტონთან“ კოლაბორაციით შეიქმნა. ბრენდი საქართველოში „ტურინვესტ ჯგუფმა“ შემოიყვანა, რომელიც ამ ეტაპზე გამორჩეული ცხოვრების მოყვარულებს, ახალ შესაძლებლობას აძლევს. კომპანიამ გაყიდვაში ბელვიუს საუკეთესო და ექსკლუზიური ბოლო 15 რეზიდენცია გამოიტანა, რომელთა შორის არის „ბელვიუ ვილა რეზიდენსი“ და „ბელვიუ პენტჰაუსი,“ მათი მობინადრეები კი ცხადია ყველა იმ სერვისით ისარგებლებენ, რასაც 5*-იანი კომპლექსი აერთიანებს. Bellevue Residence Batumi საქართველოში ერთ ერთი პირველი პროექტია, რომელიც საერთაშორისო, ჰილტონის 5 ვარსკვლავიან სასტუმროს ბრენდთან პარტნიორობით შეიქმნა. სანაპიროს პირველ ზოლში მდებარე საცხოვრებელი კომპლექსი ძველ ბულვარში ბათუმის ლენდმარკადაც იქცა. სტუმარი: ლევან ასამბაძე - "ტურინევსტ ჯგუფის" დირექტორის მოადგილე #ახალიამბები #BusinessMediaGeorgia
რამდენიმე დღეში მეღვინეობა "ჩელთის" წარმოებული ღვინო ექსპორტზე შვედეთში გავა. კარგი ამბავია, თუმცა პოზიტივთან ერთად ამ ყველაფერს ძალიან საინტერესო ისტორია მოჰყვება, ეს არის შემთხვევა, როცა კომპანია საექსპორტო ბაზარზე სახელმწიფოს გამოცხადებულ ტენდერში გამარჯვების შემდეგ ხვდება. შვედურ ბაზარს ერთი განსაკუთრებულობა ახასიათებს, ამ ქვეყანაში ნაციონალიზებულია ღვინის შეტანა და ტენდერში მონაწილეობა ამ ბაზარზე მოხვედრის კარგი შესაძლებლობა აღმოჩნდა, რომელიც კომპანიამ გამოიყენა. რა მოცულობის ღვინო გავა ჩელთისგან ახლა უკვე შვედეთში სხვა 26 მიმართულებასთან ერთად და რა გზა გაიარა კომპანიამ? WinExpo 2023-ის ფარგლებში, უმაღლესი რანგის ჯილდო-ტროფი Mildiani Family Winery / საოჯახო მეღვინეობა მილდიანმა და Chelti Winery / მეღვინეობა ჩელთიმ მოიპოვა. სტუმარი: ანა მირიანაშვილი - მეღვინეობა ჩელთის კომერციული დირექტორი #ახალიამბები #BusinessMediaGeorgia
თანამედროვე სამყაროში სმარტფონები არა მხოლოდ კომუნიკაციის, არამედ სოციალიზაციისა თუ გართობის ერთ-ერთი საშუალებაცაა, რომელიც მუდმივად იხვეწება, იცვლება და სხვადასხვა ფუნქციებს იძენს. სმარტფონების დახვეწის და გაუმჯობესების კვალდაკვალ, ცხადია ამ მოწყობილობებზე მოთხოვნა სულ უფრო იზრდება. მსოფლიოში ყოველწლიურად მილიარდზე მეტი სმარტფონი იყიდება, პლანეტის მოსახლეობა კი მუდმივად უახლესი ფუნქციების ძიებაშია. მზარდი მოთხოვნის კვალდაკვალ, ცხადია, იზრდება სმარტფონების მწარმოებლების შემოსავლებიც, რის შედეგადაც ისინი მსოფლიოს უმდიდრესი კომპანიების რიგებში ირიცხებიან. რომელია სმარტფონების მწარმოებელი უმდიდრესი კომპანიები მსოფლიოში, რა არის თითოეული მათგანის საბაზრო კაპიტალიზაცია და რომელ მათგანს ანიჭებენ საქართველოში უპირატესობას? ლიკა მეგუთნიშვილი - BMG-ის რეპორტიორი #ახალიამბები #BusinessMediaGeorgia
ადგილობრივ მწარმოებლებს რომ ექსპორტზე გასვლისას მნიშვნელოვანი დაბრკოლებები ექმნებათ, ეს ახალი ამბავი არაა, ამის ერთ-ერთ მიზეზად ისინი ცნობადობის ნაკლებობას ასახელებენ. გუშინ კი თბილისში სურსათის უვნებლობის მსოფლიო დღესთან დაკავშირებით ღონისძიება გაიმართა, სადაც ხელისუფლების წარმომადგენლებთან ერთად ადგილობრივი მწარმოებლებიც იყვნენ წარმოდგენილები, ღონისძიება სწორედ მათ ცნობადობის ამაღლებას ემსახურებოდა. რა გამოწვევებს გამოყოფენ სექტორის წარმომადგენლები და როგორ ხედავენ პრობლემის გადაჭრის გზებს? #ახალიამბები #BusinessMediaGeorgia
#საქმიანიდილა - 8 ივნისი - პროლოგი #ახალიამბები #BusinessMediaGeorgia
ინტერვიუ მსოფლიო ბანკის ფინანსურ ოფიცერთან სანდრო მეტრეველი - World Bank-ის ფინანსური ოფიცერი; ნინი ლონგურაშვილი - #BMG-ის რეპორტიორი; #საქმიანიდილა #ბიზნესმედია #საქმიანები #ახალიამბები #BusinessMediaGeorgia
როგორ ვითარდება ენერგეტიკის სფერო მსოფლიოში და საქართველოში? "საქართველოსთვის ენერგეტიკის რესურსების დივერსიფიკაცია მნიშვნელოვანია"; "საქართველოს ენერგო დამოუკიდებლობისთვის აუცილებელია უცხოური ინვესტიციების მოზიდვა". ლელა ჯგერენაია - Starwood Energy Group-ის ვიცე პრეზიდენტი; ნინი ლონგურაშვილი, BMG, რეპორტიორი #ახალიამბები #BusinessMediaGeorgia
საქართველოში ინფლაციას შემცირების ტენდენცია აქვს. მაისში წლიური ინფლაცია სამიზნე 3%-იან მაჩვენებელს ჩამოცდა და 1.5% შეადგინა. ინფლაციის შემცირებას მეტწილად იმპორტული ინფლაციის კლება განაპირობებს, საერთაშორისო ბაზრებზე საქონლის ფასები სტაბილურად იკლებს და მცირდება საერთაშორისო გადაზიდვების ღირებულებაც. ეს ტენდენციები საქართველოს ბაზარს გადმოეცემა და გამყარებული ლარის კურსის ფონზე ინფლაციას ამცირებს. ინფლაციის კლების გათვალისწინებით გასულ თვეში ეროვნულმა ბანკმა რეფინანსირების განაკვეთი 11%-დან 10,5%-მდე შეამცირა. გააგრძელებს თუ არა სები გამკაცრებული მონეტარული პოლიტიკიდან გამოსვლას და რა ფაქტორებზეა ეს დამოკიდებული? სტუმარი: შალვა მხატრიშვილი - ეროვნული ბანკის მაკროეკონომიკისა და სტატისტიკის დეპარტამენტის უფროსი; #ახალიამბები #BusinessMediaGeorgia
გუშინ, კოალიციამ „ინფორმაციის სანდოობისთვის“ რუსული დეზინფორმაციისა და ჰიბრიდული საფრთხეების შესახებ კონფერენციას უმასპინძლა. პანელური დისკუსიებზე იმსჯელეს კრემლის მიერ გავლენის მექანიზმებზე, როგორიცაა ფულის, კორუფციის და რუსული კაპიტალის გამოყენება. “რუსული კაპიტალი და რუსული კავშირები ქართულ ბიზნესში” - კვლევის ფარგლებში IDFI-მ საქართველოში არსებული 11 წამყვანი სექტორი შეისწავლა. ორგანიზაციის შეფასებით, 2023 წლის აპრილის მდგომარეობით, მსხვილი რუსული კომპანიები და კაპიტალი საქართველოში ნაკლებად არის წარმოდგენილი და საერთაშორისო სანქციებმა პირველ რიგში სწორედ მსხვილ კომპანიებზე იმოქმედეს და კიდევ უფრო შეამცირეს მათი წარმომადგენლობა, რაც, მაგალითად, საბანკო და საკომუნიკაციო სექტორების შემთხვევებში გამოვლინდა. მიუხედავად ამისა, რუსული კავშირები წარმოდგენილია ენერგეტიკის, სასარგებლო წიაღისეულისა და მინერალური წყლების სექტორებში. რუსეთ-უკრაინის ომის დაწყების შემდეგ, საქართველოში რუსეთის ფედერაციიდან მოქალაქეების მნიშვნელოვანი ნაკადი შემოვიდა. აღნიშნული პირდაპირ აისახა გადმორიცხვებზე, ქართულ ბანკებში განთავსებულ დეპოზიტებზე, უძრავ სექტორში ფასების ზრდაზე, ახალი კომპანიების რეგისტრაციაზე და სხვა სფეროებზე. ორგანიზაციის შეფასებით, ამ გზით შემოსული კაპიტალი ზრდის რუსული გავლენის საფრთხეებს და საჭიროებს დაკვირვებას და შესწავლას. რა საფრთხეს ქმნის რუსული კაპიტალი და რუსული კავშირები საქართველოსთვის და როგორ უნდა რეაგირებდეს ამაზე მთავრობა? სტუმრები: სოფო გელავა - ატლანტიკური საბჭოს ციფრული გამოძიებების ლაბორატორიის ასოცირებული მკვლევარი; ლევან თევდორაძე - ISET-ის უფროსი მკვლევარი. #ახალიამბები #BusinessMediaGeorgia
Meliora-ს გამარჯვებულები სტუმრები: აკაკი საღირაშვილი - "საქართველოს ბიზნეს ასოციაცია", აღმასრულებელი დირექტორის პირველი მოადგილე; მაკა ბოჭორიშვილი - თიბისის გარემოს დაცვის, სოციალური და მმართველობის საკითხების კოორდინატორი; გვანცა გილაური - CSR სპეციალისტი, Meliora-ს საორგანიზაციო გუნდის წევრი; ნათიკა ბერძული - „თეგეტა ჰოლდინგის“ სტრატეგიული კომუნიკაციების ხელმძღვანელი. #ახალიამბები #BusinessMediaGeorgia
ზუსტად ერთ თვეში 7 ივლისს თიბისის მხარდაჭერით და HT Solutions - ის ორგანიზებით, საერთაშორისო ტექნოლოგიური კონფერენცია Change Inspire ჩატარდება, რომლის მიზანიც არის ტექნოლოგიური კომუნის წევრებს მისცეს ინსპირაცია, რომ ცვლილებების ლიდერები გახდნენ. კონფერენცია 2018 წლიდან ტარდება და მასში მონაწილე IT მენეჯერები, ინჟინრები და სხვადასხვა კომპანიის IT მიმართულების ხელმძღვანელები ერთმანეთს უახლეს ტექნოლოგიურ მიღწევებს უზიარებენ. წელს კონფერენციას 500 ადამიანი დაესწრება. ასევე ეყოლება ადგილობრივი და უცხოელი სპიკერები, რომლებიც 4 ძირითად თემაზე ისაუბრებენ, ესენია: ციფრული ტრანსფორმაცია, კიბერუსაფრთხოება, Big Data და DevOps. სტუმარი: ნინო გვაზავა - HT Solutions -ის გენერალური დირექტორი; გიგა შუბითიძე - თიბისის SDLC ექსპერტების გუნდის ლიდერი. #ახალიამბები #BusinessMediaGeorgia
2023 წლის აპრილში კომერციულმა ბანკებმა 179.983 მლნ ლარის წმინდა მოგება მიიღეს, ეს კი წინა თვესთან შედარებით 23.612 მლნ ლარით ნაკლებია. მარტში კომერციული ბანკების წმინდა მოგება 203.595 მლნ ლარს შეადგენდა. სტუმარი: ალექსანდრე ძნელაძე - საქართველოს საბანკო ასოციაციის პრეზიდენტი #ახალიამბები #BusinessMediaGeorgia
2023 წელს 4 თვეში საქართველომ ახალი ან გაცივებული 77.9 ტონა თევზის პროდუქტის ექსპორტიდან 1,014 მლნ აშშ დოლარის შემოსავალი მიიღო, წინა წლის ანალოგიურ პერიოდში კი - 158.7 ტონა პროდუქტის უცხოეთში გაყიდვიდან - 246.3 ათას აშშ დოლარი. რაც შეეხება თევზის იმპორტს, 2023 წლის იანვარ-აპრილში 334.7 ტონა (3,204 მლნ აშშ დოლარი) თევზი შემოვიდა, 2022 წლის ანალოგიურ პერიოდში - 217.9 ტონა (1,787 მლნ აშშ დოლარი). როგორ ვითარდება დღეს მათი ბიზნესები? რა პრობლემებს ხვდებიან ბიზნესის განვითარების პროცესში? რამდენად მოთხოვნადია და რა ღირებულება აქვს საშუალოდ ქართულ თევზს? #ახალიამბები #BusinessMediaGeorgia
Eurostat-ის უახლესი მონაცემების მიხედვით, მაისში ევროპაში ინფლაცია საგრძნობლად შემცირდა, რაც მთელი რიგი ფაქტორებითაა განპირობებული, ასევე დაიკლო ზოგიერთი პროდუქციის ფასმაც. როგორია ტენდენცია და სამომავლო პროგნოზი? #ახალიამბები #BusinessMediaGeorgia
შტატებში წლების წინ გახსნილ ქართული რესტორანი - Cheeseboat-ს ნიუ იორკში საქმიანი ვიზიტით ჩასული ნინი ლონგურაშვილი ესტუმრა. მან ჰელს ქიჩენში გახსნილი ჩიზბოუთის რიგით მეორე რესტორნის ქსელი მოინახულა და სიახლეები მოისმინა. რესტორნის დამფუძნებლებს გეგმები ამბიციური აქვთ, BMG-ისთვის მიცემული ექსკლუზიური ინტერვიუდან გავიგეთ, რომ ქართული ჩიზბოუთი აუთსორსზე, ნიუ იორკიდან სხვა შტატებში გადის და ოპერირებას იწყებს. 10-მდე რესტორნის გახსნა იგეგმება, რისთვისაც ამერიკული მხარისგან არაერთი შემოთავაზება აქვთ ბიზნესის მეტად განვითარებისთვის... რამდენია დღეს ჩიზბოუთის ბრუნვა და წმინდა მოგება? #ახალიამბები #BusinessMediaGeorgia
მოგზაურობისას მუზეუმები ერთ-ერთი მთავარი მოსანახულებელი ადგილია, ტურისტები სამოგზაუროდ წასვლის წინ, პირველ რიგში აუცილებლად მოსანახულებელი მუზეუმების სიას ადგენენ, საინტერესოა, რა ფინანსებთანაა მსოფლიოს ცნობილი მუზეუმების მონახულება დაკავშირებული და კონკრეტულად რითია ისინი გამორჩეული #ახალიამბები #BusinessMediaGeorgia
საკონსულტაციო კომპანია Wealth-X-ი ყოველწლიურად იკვლევს, თუ სად ცხოვრობენ მილიარდერები და როგორ აგროვებენ ისინი თავიანთ კაპიტალს. კომპანიის უახლესი კვლევა ამჯერად იმ ქალაქებს შეეხება, სადაც დღეს ყველაზე მეტი მილიარდერი ცხოვრობს. მართალია, ბოლო 7 წელია, მილიარდერთა მუდმივი საცხოვრებელი ადგილი არ იცვლება, თუმცა, Welth X-ის ცნობით, წლევანდელ რეიტინგში გარკვეული ცვლილები მაინც შეინიშნება. რომელი ქალაქები უყრის თავს ყველაზე მეტ მილიარდერს და ვინ არის ამ ქალაქების ყველაზე მდიდარი წარმომადგენელი? #ახალიამბები #BusinessMediaGeorgia
გასულ კვირაში Nvidia ჩიპების მწარმოებელი პირველი კომპანია გახდა, რომლის კაპიტალიზაციამ ფაქტობრივად, 1 ტრილიონ დოლარს მიაღწია. ხელოვნური ინტელექტის განვითარების კვალდაკვალ, ჩიპებზე მოთხოვნა კოლოსალურად გაიზარდა, რამაც კომპანიის აქციებზე ფასის ზრდა განაპირობა. კომპანიის აღმასვლისა დაა მისი ფინანსური წარმატების შესახებ ამბავი დღეს ყველასთვის ცნობილია, თუმცა, ალბათ ცოტამ თუ იცის ისტორია, თუ როგორ და რა ვითარებაში გაჩნდა მისი შექმნის იდეა. ამ ისტორიის გასაცნობად კი, 1993 წლის ამერიკაში უნდა ვიმოგზაუროთ. #ახალიამბები #BusinessMediaGeorgia