TKT.ge აფიშა - 12-16 თებერვალი #ახალიამბები #BusinessMediaGeorgia
უნივერსიტეტის ქუჩის #6-ში „ტოიოტა ცენტრი თეგეტას“ განახლებული შოურუმი ოფიციალურად გაიხსნა. ცვლილებები ახალი კონცეფციის დანერგვას ითვალისწინებს, რაც სრულად მომხმარებლის კომფორტსა და მოთხოვნებზე მორგებულ მომსახურებას გულისხმობს. განახლდა ინტერიერიც, რომელიც ტოიოტას საერთაშორისო გაიდლაინით მოეწყო. თანამედროვე სტანდარტების საავტომობილო ცენტრის ტერიტორია 800 კვადრარული მეტრიია და, საექსპოზიციო სივრცესთან ერთად, სერვისცენტრსაც მოიცავს. გახსნის ცერემონიაზე დასასწრებად თბილისში საგანგებოდ ჩამოვიდნენ ტოიოტა კავკასიისა და ტოიოტა ევროპის წარმომადგენლები. „ტოიოტა ცენტრი თეგეტამ“ იაპონური ბრენდის დილერისა და ავტორიზებული სერვისცენტრის ოფიციალური სტატუსი 2014 წელს მიიღო და მიმდინარე წელს დაარსების ათი წლის იუბილეს აღნიშნავს. განახლებული შოურუმის გახსნის ღონისძიება თიბისი ლიზინგისა და თიბისი დაზღვევის, ასევე სადაზღვევო კომპანია ალდაგის პრემიუმ ბრენდი პრიმოს მხარდაჭერით გაიმართა. საექსპოზიციო სივრცეში დამსწრე საზოგადოებას ერთ-ერთი ყველაზე მოთხოვნადი Toyota C-HR-ის ახალი მოდელი წარუდგინეს. სიახლეა სერვისშიც, სადაც სამუშაო პლატფორმების რაოდენობა გაიზარდა. ტოიოტას ბრენდზე სპეციალიზებული მექანიკოსები მომხმარებელს ყველა საჭირო ტექნიკურ დახმარებას უწევენ. მათ შორის არის ელექტრობა, სავალი ნაწილებისა და ძრავის მიმართულება. უახლოეს მომავალში სწრაფი მომსახურებისათვის შესაბამისი სივრცის გამოყოფაც იგეგმება. შოურუმის გარე ტერიტორიაზე კი მოწყობილია ავტოსადგომი, რომელიც 50-მდე მანქანას იტევს. ეზოში განთავსდა ელექტროდამტენებიც, სარგებლობა კი ნებისმიერი ბრენდის ავტომობილის მფლობელს შეუძლია. განახლებული შოურუმის გახსნამდე განხორციელდა ორგანიზაციული ტრანსფორმაციაც. ახალი სისტემის საშუალებით შესაძლებელია ფრონტის თითოეული თანამშრომლის ცენტრალიზებული მართვა, საკვანძო პოზიციებს შორის კომუნიკაცია, რათა მომსახურების პროცესი უფრო სწრაფი და მოქნილი გახდეს. ახალ კონცეფციასა და შოურუმზე მუშაობა „ტოიოტა ცენტრი თეგეტამ“ გასულ წელს დაიწყო. დღეს კი ცენტრი მომხმარებელს ინდივიდუალურ საჭიროებებზე მორგებულ მომსახურებას განახლებულ სივრცეში სთავაზობს. #ახალიამბები #BusinessMediaGeorgia
ბაღდათში მეწყრული პროცესები ნავარაუდევი იყო. გარემოს ეროვნული სააგენტოს გეოლოგიის დეპარტამენტის ბიულეტენის მიხედვით, რომელიც 2023 წელს მომზადდა და 2022 წლის პერიოდს აღწერს, საუბარია იმერეთის რეგიონში, შესაძლო, სტიქიური პროცესების განვითარებაზე. როგორ შეიძლება თავიდან ავიცილოთ ტრაგედიები? სტუმარი: არჩილ მაღალაშვილი - გეოლოგი, ილიას უნივერსიტეტის პროფესორი; #საქმიანიდილა-ს #ანალიტიკა ელენე კვანჭილაშვილთან ერთად; #ახალიამბები #BusinessMediaGeorgia
სიღარიბის დაძლევა, კორუფციასთან ბრძოლა, ევროკავშირსა და ნატოში გაწევრიანება, მოლაპარაკებები თავისუფალი ვაჭრობის გაფორმებაში საქართველოს მთავარ სტრატეგიულ პარტნიორთან ამერიკის შეერთებულ შტატებთან, სამოქალაქო საზოგადოების და ოპოზიციის კრიტიკა და პირველად ნათქვამი ქართული ოცნების ეკონომიკური ფილოსოფია: შემოსავლებში – მემარჯვენეები, ხარჯებში – მემარცხენეები – რა მოლოდინებს ქმნის ირაკლი კობახიძის გუშინდელი 45 წუთიანი გამოსვლა პარლამენტის წინაშე? სტუმარი: ზურაბ ჯაფარიძე, „გირჩი – მეტი თავისუფლების“ ლიდერი; #საქმიანიდილა-ს #ანალიტიკა ელენე კვანჭილაშვილთან ერთად; #ახალიამბები #BusinessMediaGeorgia
E-Motors Georgia-ს შოურუმში მომხმარებელს კიდევ ერთი ჩინური ავტომწარმოებლის ავტომობილი დახვდება. ამჯერად საუბარია ბრენდ ჯეტურზე, რომელსაც კომფორტი, ხარისხი, დახვეწილი ფუნქციები და ხელმისაწვდომობა გამოარჩევს. აღსანიშნავია რომ ი-მოტორს ჯორჯია საქართველოში ჯეტურის პირველი ოფიციალური წარმომადგენელია. იმისათვის, რომ ჯეტურის უპირატესობებში თავად დარწმუნდეთ, ბელიაშვილის 49 ნომერში მდებარე ი-მოტორს ჯორჯიას მულტიბრენდულ შოურუმს უნდა ეწვიოთ. სტუმარი: ირინა დარჩია - E-Motors Georgia-ს გენერალური დირექტორი; #ახალიამბები #BusinessMediaGeorgia
"ბიზნესისთვის არ იყო ცუდი წელი, მაგრამ ემოციურად ძალიან მძიმე იყო" - ასე აფასებს რესტორატორი და გამორჩეული ქართული რესტორნების მმართველი, მერიკო გუბელაძე განვლილ, 2023 წელს. გასტრონომიული ბიზნესისთვის მთავარ გამოწვევად და უდიდეს პრობლემად კი პროდუქტის ხარისხს და ბაზარზე მის სიმცირეს ასახელებს. #BMGDrive-ის სივრცე ქართულ გასტრონომიაზე საუბარს დაეთმო. #BMGDrive-ის მგზავრი: მერიკო გუბელაძე - რესტორატორი; ავტორები: ბექა ბაციკაძე, კაკი პაიჭაძე; #ახალიამბები #BusinessMediaGeorgia
ქ. სტამბოლში თურქეთის საგარეო ეკონომიკური ურთიერთობების ბიზნეს საბჭოების, DEIK-ის არჩევნები გაიმართა, სადაც თურქეთ-საქართველოს ბიზნეს-საბჭოს თავმჯდომარედ ოსამან ჩალიშქან მჟავანაძე მეორე ვადით აირჩიეს. DEIK-ი 1985 წელს დაარსდა და იგი არეგულირებს თურქეთის კერძო სექტორის საგარეო ეკონომიკურ ურთიერთობებს, ხელს უწყობს საგარეო ეკონომიკური ურთიერთობების წარმართვას, განსაკუთრებით დიდ ყურადღებას უთმობს საერთაშორისო ინვესტიციების მოზიდვას. სტუმარი: ოსმან ჩალიშქან მჟავანაძე - თურქეთ-საქართველოს ბიზნეს საბჭოს თავმჯდომარე; #ახალიამბები #BusinessMediaGeorgia
ფეროშენადნობების ექსპორტში მნიშვნელოვანი აღდგენა დაფიქსირდა. მიგრაციის პიკის სავარაუდო გადავლის მიუხედავად, ჯამური წმინდა სავალუტო შემოდინებები გაიზარდა. თიბისი კაპიტალის საბაზო სცენარით 2024 წლის ბოლოსათვის მონეტარული პოლიტიკის ძირითადი განაკვეთი 8.25-8.50%-ს შეადგენს. ლარის კურსის კუთხით საყურადღებოა თურქული ლირის დამატებითი გაუფასურება სტუმარი: ოთარ ნადარაია - თიბისის მთავარი ეკონომისტი #ახალიამბები #BusinessMediaGeorgia
ამ ბრენდის ისტორია დაახლოებით 4 წლის წინ დაიწყო, თუმცა მის დამფუძნებლებს BMG ის მაყურებელი იქამდეც კარგად იცნობდა. პირველი ამოცანა, რაც ამ ბრენდის შემქმნელებს ჰქონდათ, იმ ნდობის და პროფესიონალიზმის გამართლება იყო, რაც ამ ბრენდის შექმნამდე მოიხვეჭეს. ამოცანა შესრულებულია და წინ დიდი განვითარების გეგმებიც არის. "წერტი", ბექა და ბიძინა გონაშვილებთან ასოცირდება, თავად ერთ-ერთი დამფუძნებელი კი მას ასე ახასიათებს: "ხარისხიანი, სანდო, ჯიგარი". ბიძინა გონაშვილი - "წერტის" დამფუძნებელი; #BrandVoice #ბრენდისხმა #ახალიამბები #BusinessMediaGeorgia
TKT.ge აფიშა - 10-11 თებერვალი #ახალიამბები #BusinessMediaGeorgia
2023 წელი ქართული ფასიანი ქაღალდების ბაზრისთვის განსაკუთრებით წარმატებული იყო, განხორციელდა მილიარდ ლარზე მეტი ღირებულების 18 ემისია, რომლებიც შვიდ სხვადასხვა სექტორზე ნაწილდება. კორპორატიული ობლიგაციების ბაზრის ზომამ კი, მიმდინარე წელს 1,8 მლრდ ლარი შეადგინა. გასული წლის შედეგებს თუ გადავხედავთ ლარში დენომინირებულ ფასიან ქაღალდებზე 11 გარიგება დაიდო ჯამურად 1.7 მილიარდი ლარის, თანხის უდიდესი საქართველოს ბანკის აქციებზე დადებულმა ე.წ ფიქსინგმა განაპირობა. დოლარში დენომინირებულ ფასიან ქაღალდებზე 94 გარიგება აღირიცხა და ევროს შემთხვევაში 18 გარიგება იყო. #ახალიამბები #BusinessMediaGeorgia
იაპონია მომავალი თვიდან ციფრულ მომთაბარე ვიზას აამოქმედებს, რომელიც 49 ქვეყნის, მათ შორის საქართველოს, მოქალაქეებს, ქვეყანაში 6 თვის ვადით დარჩენის საშუალებას მისცემს. იაპონია უცხოელებისთვის საზღვრებს ხსნის, რისი მიზანიც ქვეყნის ეკონომიკისა და საერთაშორისო დონეზე მისი კონკურენტუნარიანობის გაუმჯობესებაა. რამდენად მიმზიდველია ეს ქვეყანა სხვა ქვეყნის მოქალაქეებისთვის და რა პირობებს სთავაზობს ის აპლიკანტებს? #ახალიამბები #BusinessMediaGeorgia
Nomad Capitalist-მა თავის უახლეს კვლევაში ციფრული მომთაბარეებისთვის, ანუ იმ ადამიანებისთვის, რომლებიც ოფისის ნაცვლად, მსოფლიოს სხვადასხვა წერტილიდან დისტანციურად მუშაობენ - საუკეთესო ქვეყნები მიმოიხილა. შეფასების კრიტერიუმებს შორის იყო: ვიზის ხელმისაწვდომობა, საგადასახადო პოლიტიკა, ცხოვრების ღირებულება, დისტანციურად მუშაობისთვის საჭირო სივრცეების მრავალფეროვნება და ა.შ. ამ კრიტერიუმების დაკმაყოფილების შედეგად, უნდა აღვნიშნოთ, რომ ციფრული მომთაბარეებისთვის ყველაზე სასურველ მიმართულებებს შორის მოხვდა საქართველოც. რა უპირატესობებით გამოირჩევა ჩვენი ქვეყანა დისტანციურად მომუშავეებისთვის? #ახალიამბები #BusinessMediaGeorgia
#საქმიანიდილა - 9 თებერვალი - პროლოგი #ახალიამბები #BusinessMediaGeorgia
რით ჩაანაცვლეს კერძო გამსესხებლებმა (ე.წ. მევახშეებმა) იპოთეკის ხელშეკრულებები? #ახალიამბები #BusinessMediaGeorgia
2023 წელს საქართველოს დაცულ ტერიტორიებს 1 076 574 ვიზიტორი ეწვია, რაც 2022 წლის მონაცემებთან შედარებით 19%-ითაა გაზრდილი, ხოლო 2019 წლის მონაცემებთან შედარებით 90%-ით არის აღდგენილი. BM.GE-ს მიერ სააგენტოდან გამოთხოვილი ინფორმაციით, გასული წლის ვიზიტორთა შორის 42% ქართველია, შესაბამისად 58% უცხოელი იყო. 2023 წელს უცხოელი ვიზიტორების რაოდენობა 2022 წლის მონაცემებთან შედარებით 28%-იან ზრდას აჩვენებდა. სააგენტოს ცნობით, უცხოელ ვიზიტორთა შორის ყველაზე მეტად ბელარუსის, ყაზახეთის, ისრაელის, რუსეთის და პოლონეთის მოქალაქეები ჭარბობდნენ. ვიზიტორების მხრიდან ყველაზე მეტად მონახულებადი დაცული ტერიტორიების რეიტინგი კი ასეთია: პრომეთეს მღვიმე, მარტვილის კანიონი, სათაფლია, მტირალას ეროვნულ პარკი, წალკის კანიონი. საქართველოს დაცულ ტერიტორიებზე შესასვლელი ბილეთის ფასი მიმდინარე წლის 1 მარტიდან იზრდება. ზრდა საქართველოს მოქალაქეებისთვის დაახლოებით 2 ლარის ფარგლებშია. მაგ. სათაფლიაში შესვლა 8 ლარის ნაცვლად 10 ლარი გახდება, მარტვილის კანიონზე 10.35-დან 12 ლარი. ფასები საშუალოდ 3 ლარით გაიზრდება უცხო ქვეყნის მოქალაქეებისთისაც. როგორც დაცული ტერიტორიების სააგენტოში განმარტავენ, ბილეთების ფასების ცვლილება აუცილებელია ეფექტიანობის გაზრდისთვის როგორც გარემოსდაცვითი მიმართულებით, ისე ეკოტურიზმის განვითარების კუთხით. სტუმარი: ეკატერინე თორდია - Kass Group-ის გენერალური დირექტორი; #ახალიამბები #BusinessMediaGeorgia
უძრავი ქონების საკონსულტაციო კომპანია „პროსპექტი“ დაინტერესებული პირებისთვის გადამზადება-დასაქმების პროგრამას აგრძელებს. მათ ვისაც უძრავი ქონების ბაზარზე არსებული მდგომარეობა და გაყიდვები გაინტერესებთ შესაძლებლობა გეძლევათ 3 კვირიან უფასო სწავლებაში ჩაერთოთ, რომლის დასრულების შემდეგაც დასაქმების რეალური პერსპექტივა გაგიჩნდებათ. პირველი კურსი კომპანიამ გასული წლის სექტემბერში დაიწყო. სტუმრები: გუგა კობახიძე - „პროსპექტი“ დამფუძნებელი; კვირიკე წიკლაური - უძრავი ქონების გაყიდვების აგენტი; ლილი ყატაშვილი - გაყიდვების მენეჯერი; #ახალიამბები #BusinessMediaGeorgia
უკვე 5 წელზე მეტი გავიდა რეგულაციიდან, რომელიც ქვეყანაში გარკვეული სახის პოლიეთილენის პარკების წარმოებას ეხებოდა. 2019 წლიდან კი არაბიოდეგრადირებადი პარკების წარმოება, გამოყენება და იმპორტი სრულად აიკრძალა. რეგულაციები გაფართოვდა 2023 წელსაც, თუმცა ხუთივე წელია კერძო სექტორის წარმომადგენლები ამბობენ, რომ ბაზარზე არსებული რეგულაციების აღსრულება არ ხდება, შესაბამისად, პოლიეთილენის პარკების როგორც წარმოება, ისე საცალო ქსელებში მათი რეალიზაცია ისევ ხდება.100%-ით ბიო შეფუთვაზე გადასვლა ბევრ ევროპულ ქვეყანას გაუჭირდა და ამისთვის რამდენიმე წლიანი სისტემური მუშაობაა საჭირო, თუმცა იმისთვის, რომ პოლიეთილენი გარემოდან გაქრეს მნიშვნელოვანია, უფრო ხშირი მონიტორინგი და ნიმუშების ყოველკვირეულად ამოღება, როგორც საწარმოებიდან, ისე სავაჭრო ქსელებიდან. ამ პროცესში უმთავრესი რგოლი შესაბამისი ლაბორატორიის არსებობაა, რომელიც რამდენიმე წლიანი საუბრის მიუხედავად ამ დრომდე არ გვაქვს. გასული წლის ბოლოს სამინისტროში ბმჯის უთხრეს, ის უწყების ლაბორატორიის ბაზაზე მიმდინარე წლის იანვრიდან იქნებოდა ხელმისაწვდომი, თუმცა პროცესი ჯერ არ დასრულებულა. როგორც გუშინ მინისტრის მოადგილემ სოლომონ პავლიაშვილმა გვითხრა, შესაბამისი სტანდარტებით მისი მოწყობა მომდევნო 3 თვიან ვადაში დასრულდება და ხელმისაწვდომი 1 მაისისთვის იქნება. თავის მხრივ, გარემოს დაცვისა და სოფლის მეურნეობის სამინსიტრო საცალო ქსელებში პოლიეთილენის პარკების უფრო აქტიური მონიტორინგისკენ და კონტროლისკენ მუნიციპალიტეტებს მოუწოდებს და ამბობს, რომ მათი ამუშავება ძალიან ჭირს, რაც იწვევს ბაზარზე ჭარბი რაოდენობით პოლიეთილენის პარკის არსებობას. სტუმარი: მელიტა ტყაბლაძე - "აა პლასტის" იურისტი #ახალიამბები #BusinessMediaGeorgia
#ფინტექისაქართველოში - ფინტექის ხელშემწყობი ინფრასტრუქტურა [email protected] სტუმრები: დავით ბოჭორიშვილი - სებ-ის ფინანსური და საზედამხედველო ტექნოლოგიების განვითარების დეპარტამენტის წარმომადგენელი; ვასილ შენგელია - ღია ბანკინგის ხელშეწყობისა და საკრედიტო მონაცემთა მართვის ზედამხედველობის განყოფილების უფროსი; #ახალიამბები #BusinessMediaGeorgia
უძრავი ქონების დეველოპერული კომპანია „მეტროპოლი”, საქართველოს ბიზნეს ასოციაციის წევრი გახდა. „მეტროპოლი” ამჟამად აქტიურად მუშაობს ოთხ სამშენებლო პროექტზე „მეტროპოლ ქავთარაძე” „მეტროპოლ ბაგები”, „მეტროპოლ კუბი” და „მეტროპოლ ოვალი”. აღსანიშნავია, რომ „მეტროპოლი“ ოპერირებს, როგორც თბილისში, ასევე ბათუმში. „მეტროპოლის“ მიმდინარე და დაგეგმილი პროექტები დივერსიფიცირებულია დანიშნულებების მიხედვით, როგორც საცხოვრებელი, საინვესტიციო, სააგარაკე. სტუმრები: ლევან ვეფხვაძე - საქართველოს ბიზნეს ასოციაციის აღმასრულებელი დირექტორი; მამუკა იმედაშვილი - „მეტროპოლის” აღმასრულებელი დირექტორის მოადგილე #ახალიამბები #BusinessMediaGeorgia
საერთაშორისო აუდიტორული კომპანია "ნექსია საქართველო" 2023 წელი, მზარდი შემოსავლებით დახურა. კომპანიის ჯამური შემოსავალი მნიშვნელოვნად გაიზარდა და მიმდინარე წელს 21%-იანი ზრდა აჩვენა. ინოვაციური პროექტების, პროგრამებისა და ახალი ინსტრუმენტების დანერგვით კომპანია აუდიტორულ სფეროში კვლავ ლიდერის პოზიციებს ინარჩუნებს. სტუმრები: დავით ლომიძე - "ნექსია საქართველოს" მმართველი პარტნიორი; გელა მღებრიშვილი - "ნექსია საქართველოს" მმართველი პარტნიორი #ახალიამბები #BusinessMediaGeorgia
იმდენადვეა საქმიანები ქართული ანიმაციის გამორჩეულ ქართველ რეჟისორზე, დავით სიხარულიძეზე გვიყვება. ადამიანზე, რომელმაც ქართულ ანიმაციურ ინდუსტრიას გამორჩეული ნამუშევრები დაუტოვა. ყველასთვის კარგად ნაცნობი, ბატი ტასიკოს თავგადასავალი, ბაბაჯანა, კვაჭი კვაჭანტირაძე და რაც მთავარია, ჭირი - რომელმაც კანის კინოფესტივალზე, ჯერ კიდევ 1984 წელს ოქროს პალმის რტოთი დაჯილდოვდა. დღეს პედაგოგია, რაც იცის, რაც თავად უსწავლია ახლა ასწავლის სხვას, მაგრამ ამასთან დარდობს ინდუსტრიაზე, ქართული ანიმაციის მომავალზე. დავით სიხარულიძე - ანიმატორი; ავტორები: მანანა მანჯგალაძე, გურამ ხუნდაძე, ლადო ცხადაია #ახალიამბები #BusinessMediaGeorgia
ციფრული აქტივებისა და Crypto Exchange კომპანია ბიტნეტმა 2024 წელი სიახლით დაიწყო და ქართული კომპანიებისთვის შექმნა ახალი პროდუქტი - B2B, (#Bitnet 2 Business) რომელიც კერძო სექტორს შესაძლებლობას აძლევს, რომ წლიური მოგება კრიპტოში დააინვესტირონ და საკუთარი კაპიტალი მუდმივად მზარდ ციფრულ აქტივად გადააქციონ. ბიტნეტის მისიას ბაზარზე კრიპტოვალუტის ხელმისაწვდომობა წარმოადგენს და ინდივიდუალურ მომსახურებას უწევს როგორც მსხვილ კომპანიებს, ისე ფიზიკურ პირებს. სტუმარი: გიორგი თუშურაშვილი - Bitnet-ის თანადამფუძნებელი #ახალიამბები #BusinessMediaGeorgia
რომელია 2024 წლის ყველაზე ბიუჯეტური და ასევე ყველაზე ძვირადღირებული სამოგზაურო მიმართულებები? - ამ კითხვაზე საპასუხოდ ამერიკულმა კომპანია WeThrift-მა უახლესი კვლევა გამოაქვეყნა. ექსპერტებმა ქალაქები რამდენიმე კრიტერიუმის მიხედვით გააანალიზეს, მათ შორის არის: პირდაპირი ფრენების რაოდენობა და ღირებულება, ტრანსპორტის ხელმისაწვდომობა, საცხოვრებლის ფასები, საკვები, ატრაქციონები და ა.შ. მიღებული შედეგების მიხედვით, რომელ ქალაქებს ერგოთ როგორც ყველაზე ხელმისაწვდომის, ისე ძვირადღირებულის ტიტული? ლიკა მეგუთნიშვილი - #BMG-ის რეპორტიორი; #ახალიამბები #BusinessMediaGeorgia
ვითარება ტურიზმის ინდუსტრიაში - რას ფიქრობენ ტურისტული გიდები? #ახალიამბები #BusinessMediaGeorgia
ბუტანის სამეფოში მნიშვნელოვანი პროექტი ხორციელდება. Mindfulness City - მასშტაბური ქალაქის პროექტია, რომელმაც ახალი საერთაშორისო აეროპორტი, უნივერსიტეტი, აღმოსავლური და დასავლური მედიცინის სამედიცინო დაწესებულება და კიდევ სხვა უამრავი ინფრასტრუქტურა უნდა გააერთიანოს. როგორც საერთაშორისო გამოცემების მიერ გავრცელებულ ინფორმაციაში ვკითხულობთ, ეს ქალაქი ტურისტული ცენტრი იქნება და ქვეყნის ეკონომიკის განვითარებაში შეიტანს წვლილს. როგორი იქნება ახალი ქალაქი ბჰუტანში? #ახალიამბები #BusinessMediaGeorgia
გუგლ ქლაუდის ერთ-ერთი ტოპ მენეჯერის შეფასებით, სინგაპურს აქვს ყველა შესაძლებლობა იმისთვის, რომ გლობალური AI ჰაბი გახდეს. აღსანიშნავია, რომ ქვეყნის ხელისუფლებამ ხელოვნური ინტელექტის სხვადასხვა ინიციატივა წამოიწყო, მათ შორის მხარი დაუჭირა AI-ის შესახებ ადგილობრივ კვლევებს. სინგაპური, ხელოვნური ინტელექტის ეროვნული სტრატეგიის ფარგლებში, AI ექსპერტების რაოდენობის გასამმაგებასაც აპირებდა. როგორია პროგნოზი და რა პროექტები ხორციელდება ქვეყანაში ხელოვნური ინტელექტის მიმართულებით? #ახალიამბები #BusinessMediaGeorgia
Apple-ის ახალი, ინოვაციური პროდუქტი Vision Pro უკვე საქართველოშია. ვირტუალური რეალობის ჰედსეტი ქართველი მომხმარებლისთვის ხელმისაწვდომი ტექნიკის მაღაზიათა ქსელმა ზუმერმა გახადა. უფრო კონკრეტულად, ამერიკული ტექნოლოგიური გიგანტის უახლესი მოდელის ხილვა ზუმერის სითი მოლის ფილიალშია შესაძლებელი.
#საქმიანიდილა - 8 თებერვალი - პროლოგი #ახალიამბები #BusinessMediaGeorgia
2024 წელს პროფესიული განათლება საპილოტე რეჟიმში 30 სკოლაში დაინერგება. ეს იმას ნიშნავს, რომ სკოლის საგნებთან ერთად, მოსწავლეებს შესაძლებლობა ექნებათ მიიღონ პროფესიული განათლება, რაც მათ სკოლის ატესტატთან ერთად სრულ შესაძლებლობას აძლევს, ჰქონდეთ დიპლომი და მოხვდნენ შრომის ბაზარზე. განათლების მინისტრობის კანდიდატმა, გიორგი ამილახვარმა პარლამენტში განაცხადა, რომ ზოგად განათლებაში პროფესიული განათლება ეტაპობრივად ხელმისაწვდომი ქვეყნის ყველა დიდ თუ პატარა სკოლაში გახდება. მინისტრობის კანდიდატი ამბობს იმასაც, რომ გაიზრდება სამუშაოზე დაფუძნებული და ბაზარზე მოთხოვნადი პროფესიული მომზადებისა და გადამზადების პროგრამების რაოდენობაც, რის საფუძველზეც გაიზრდება პროფესიული განათლების კურსდამთავრებულთა დასაქმების მაჩვენებელი და ასევე, გაიზრდება ინტეგრირებული პროგრამების მასშტაბები. ამასთან, გაიზრდება პროფესიული განათლების საბიუჯეტო დაფინანსება და ამოქმედდება პროფესიული განათლების დაფინანსების შედეგებზე დაფუძნებული მოდელი‘‘. რას შეცვლის, სკოლებში პროფესიული განათლების კომპონენტის გაჩენა? სტუმარი: მათე ტაკიძე - კოლეჯი „სპექტრის“ ხელმძღვანელი; #ახალიამბები #BusinessMediaGeorgia
აგროდაზღვევის სახელმწიფო პროგრამის მონაწილეთა რაოდენობა და დაზღვეული ფართობის მაჩვენებელი წლების განმავლობაში ნელი ტემპით იზრდება. ამას მოწმობს სახელმწიფო აუდიტის სამსახურის აგროდაზღვევის სახელმწიფო პროგრამის განვითარებისა და მართვის ეფექტიანობის აუდიტის შედეგები, რომელიც 2014-დან 2021 წლის ჩათვლით პერიოდს მოიცავს. მიუხედავად იმისა, რომ დაზღვევადი კულტურების მრავალფეროვნებისა და სახელმწიფო სუბსიდირების მაღალი წილისა, რაც 50%-დან 90%-მდე მერყეობს, პროგრამაში მონაწილეთა რაოდენობა და დაზღვეული ფართობის მაჩვენებელი მაინც ნელი ტემპით იზრდება. აუდიტის შეფასებით, ეს მიუთითებს იმაზე, რომ ფერმერებისთვის ხელსაყრელი სადაზღვევო პირობების შემუშავება კვლავ გამოწვევად რჩება. აუდიტორთა კვლევამ აჩვენა, რომ სადაზღვევო პირობები არ არის მორგებული აგროსაქმიანობის საჭიროებებზე, ვინაიდან არ არის გათვალისწინებული თითოეული რეგიონის და კულტურის სპეციფიკა. მიუხედავად იმისა, რომ პროგრამა 10 წელია მოქმედებს, ინფორმაციული, ორგანიზაციული და ტექნიკური ბაზის შექმნის პროცესი ამ დრომდე არ დასრულებულა, რაც ხელს უშლის პრობლემების იდენტიფიცირებას და შესაბამისად პროგრამის გაუმჯობესებას. აგროდაზღვევის პროგრამის ფარგლებში 2014-2021 წლებში სახელმწიფო ბიუჯეტიდან 73 მლნ ლარია გამოყოფილი. პროგრამაში ყოველწლიურად საშუალოდ 11,7 ათასი ბენეფიციარი მონაწილეობდა, ჯამში − 95 ათასამდე პირი. პროგრამის შედეგად 33 847 დაზარალებულ ფერმერს აუნაზღაურდა 66.1 მლნ ლარის ზარალი, რაც გაცემული სადაზღვევო პრემიის 78%-ია; რამდენად პროდუქტიული და ეფექტიანია სააგენტოს მიერ აგროდაზღვევის სახელმწიფო პროგრამის მართვისა და განვითარების პროცესი და რა რეკომენდაციები აქვს ამ მიმართულებით სახელმწიფო აუდიტის სამსახურს? სტუმარი: გიორგი კაპანაძე - სახელმწიფო აუდიტის სამსახურის ეფექტიანობის აუდიტის დეპარტამენტის უფროსი #ახალიამბები #BusinessMediaGeorgia
პარლამენტი ირაკლი კობახიძის და მისი გუნდის ნდობის გამოცხადებისთვის ემზადება. მინისტრობის კანდიდატების უმრავლესობას გაერთიანებულ კომიტეტებში უკვე მოუსმინეს. მომავალი პრემიერის მთავრობას უკვე ხუთშაბათის სესიაზე უყრიან კენჭს. ახალი პრემიერის გუნდში ახალი მხოლოდ თავდაცვის მინისტრი იქნება, ამ პოსტზე ჯუანშერ ბურჭულაძეს, ირაკლი ჩიქოვანი შეცვლის. „ევროპული სახელმწიფოს მშენებლობისთვის“ - ასე ჰქვია ახალ სამთავრობო პროგრამას თითქმის უცვლელი შინაარსით. სწრაფი ეკონომიკური ზრდის პოლიტიკა, სტრუქტურული რეფორმები, ეკონომიკური შესაძლებლობების ზრდა და მაკროეკონომიკური სტაბილურობის შენარჩუნება - ეს არის ის ძირითადი მიმართულებები, რასაც კობახიძის ეკონომიკური გუნდი საზოგადოებას პირდება. მინისტრობის კანდიდატები ირწმუნებიან, რომ საქართველოს მთავრობის მიერ განხორციელებული ეკონომიკური პოლიტიკა მიმართული იქნება ქვეყნის ეკონომიკის სწრაფი, ინკლუზიური ზრდისკენ, ევროკავშირთან ეკონომიკური და პოლიტიკური ურთიერთობების გაღრმავების, სიღარიბის შემცირებისა და ქვეყნის რეგიონულ ლოგისტიკურ და საინვესტიციო ჰაბად ჩამოყალიბების მიმართულებებზე. ეს იყო მთავარი გზავნილები გუშინ ეკონომიკური პროფილის მინისტრებისგან. 5 კომიტეტის გაერთიანებულ სხდომაზე, სამთავრობო პროგრამა ეკონომიკის, ფინანსთა, ინფრასტრუქტურის და გარემოსა და სოფლის მეურნეობის მინისტრებმა წარადგინეს. რა იცვლება მთავრობაში მათი ხელახალი მოსვლით, რა უთხრა კობახიძის გუნდმა ახალი საზოგადოებას, რა ვერ შესრულდა არსებული პროგრამით და რის გამოსასწორებლად მოდის ახალი მინისტრთა კაბინეტი - რამდენად გაეცა პასუხები ამ კითხვებს? სტუმრები: თენგიზ კირთაძე - ევროპული საქართველოს წევრი; ხატია დეკანოიძე - პოლიტიკური ჯგუფი ევრო ოპტიმისტების წევრი #ახალიამბები #BusinessMediaGeorgia
საქართველოს კონკურენციისა და მომხმარებლის დაცვის სააგენტომ, ფარმაცევტულ ბაზარზე მოქმედი 8 კომპანიის მიმართ, დომინანტური მდგომარეობის შესაძლო ბოროტად გამოყენების ფაქტზე, მოკვლევა დაიწყო, ამის შესახებ სააგენტოს განცხადებაშია ნათქვამი. თემა ეხება კონკურენციის შესახებ კანონის მე-6 მუხლის მიხედვით - შესყიდვის ან გაყიდვის არასამართლიანი ფასის ან სხვა არასამართლიანი სავაჭრო პირობების პირდაპირ ან არაპირდაპირ დადგენას და ფიქსირებას.მოკვლევის დაწყების საფუძველს საქართველოს ჯანდაცვის სამინისტროს მიერ 2023 წლის 19 დეკემბერს გასაჯაროებული ინფორმაცია წარმოადგენს, რომლის მიხედვითაც 20 მედიკამენტის მაღალი ფასნამატით რეალიზაცია ხდებოდა. სტუმარი: გიორგი ქედელიძე - კონკურენციისა და მომხმარებლის დაცვის სააგენტოს სტრატეგიული ბაზრების მონიტორინგის უფროსი #ახალიამბები #BusinessMediaGeorgia
საქართველოს ბანკი შესაძლებლობების შექმნას განაგრძობს. ფინანსური ინსტიტუტის CSR პროექტების შესახებ ინფორმაციაზე ხელმისაწვდომობის გასაზრდელად და ადამიანების კიდევ უფრო მეტი შესაძლებლობით უზრუნველსაყოფად, საქართველოს ბანკმა ვებგვერდი Csr.bog.ge შექმნა. სტუმარი: ანა ლომთაძე - "საქართველოს ბანკის" CSR მიმართულების ხელმძღვანელი; #ახალიამბები #BusinessMediaGeorgia
თანამედროვე სამყაროში პერსონალური მონაცემები ციფრული ეპოქის მთავარ ვალუტას წარმოადგენს. თითოეულ წუთს თუ წამს, ჩვენ ვტოვებთ ჩვენი პირადი ისტორიის, განწყობის, გემოვნებისა თუ მოქმედებების ციფრულ ანაბეჭდს, რაც შესაძლოა, ცნობილი გახდეს ჩვენთვის არასასურველი პირებისათვის ან სრულებითაც, ჩვენ საზიანოდ იქნეს ბოროტად გამოყენებული. 2023-2024 წლები გარდამტეხია საქართველოში პერსონალურ მონაცემთა დაცვის კუთხით. 2023 წელს საქართველოს პარლამენტმა ინტენსიური მუშაობისა და განხილვების შემდეგ, მიიღო ახალი კანონი „პერსონალურ მონაცემთა დაცვის შესახებ“. კანონი ემსახურება საქართველოში მონაცემთა დაცვის თანამედროვე ევროპული სტანდარტის დამკვიდრებას, რისთვისაც სამაგალითო რეგულაციას ევროკავშირის მონაცემთა დაცვის ძირითადი რეგულაცია - იგივე GDPR წარმოადგენს. რეგულაცია კი თავის მხრივ, დაკავშირებულია უამრავი ახალი ვალდებულებისა და მექანიზმის ამოქმედებასთან. სტუმრები: ლანა პაიჭაძე - იურიდიული კომპანია Contractor-ის ხელმძღვანელი; კახაბერ გოშაძე - მონაცემთა დაცვის ექსპერტი, Contractor-ის მოწვეული ტრენერი; დავით ყარაშვილი - მონაცემთა დაცვის ექსპერტი, Contractor-ის მოწვეული ტრენერი; #ახალიამბები #BusinessMediaGeorgia
საბანკო სექტორის 2023 წლის ანალიზით ვბრუნდებით ახლა საქმიანი დილას ეთერში. საბანკო ასოციაციის მიმოხილვის მიხედვით, 2023 წელი მოსალოდნელზე უკეთესად დაიხურა. ჯამური აქტივების ზრდის წლიურმა მაჩვენებელმა კვლავ ორნიშნა ნიშნულს გადააჭარბა და 13.78%-ი დააფიქსირა. 2022 წ ბოლოსთან მიმართებაში ზრდამ 9.69 მლრდ ლარი შეადგინა. სისტემა ჯამურად 80.04 მლრდ ლარის აქტივს($29.88 მლრდ) მართავს. სტუმარი: ალექსანდრე ძნელაძე - საქართველოს საბანკო ასოციაციის პრეზიდენტი; #ახალიამბები #BusinessMediaGeorgia
ზამთრის ტურისტული სეზონი იმერეთში მარიამ იზორია - რეპორტიორი, BMG #ახალიამბები #BusinessMediaGeorgia
წითელი ზღვა და სუეცის არხი მსოფლიო ვაჭრობის ცენტრალური სავაჭრო მარშრუტებია. სუეცის არხს ყოველწლიურად, დაახლოებით, 20 ათასი გემი გაივლის. იემენელი მეამბოხეების თავდასხმების გამო ბევრმა მსხვილმა გადამზიდავმა კომპანიამ გადაწყვიტა ამ მარშრუტისთვის თავის არიდება. აზიასა და ევროპას შორის მარშრუტზე საკონტეინერო გემებს უწევთ აფრიკის გავლით, შემოვლითი გზით სარგებლობა რაც მნიშვნელოვნად მეტ დროს და საწვავისთვის ასობით ათასი ევროს ოდენობის დამატებით ხარჯებს მოითხოვს. #ახალიამბები #BusinessMediaGeorgia
გასული კვირის პარასკევს Apple-მა თავისი ინოვაციური პროდუქტი, Vision Pro ჩაუშვა ბაზარზე - რომლის ფასიც 3499 დოლარიდან იწყება. როგორც ბრენდი ირწმუნება, მოწყობილობა „სივრცითი გამოთვლების“ დასაწყისია, ვინაიდან ჰედსეტის მეშვეობით, თითოეული აპლიკაცია ჩვენს რეალურ სივრცეში გადმოინაცვლებს. მართალია ჰედსეტი ფიზიკურ მაღაზიებში 2 თებერვალს გამოჩნდა, თუმცა Apple-მა ონლაინ მისი წინასწარი გაყიდვები ჯერ კიდევ 19 იანვარს დაიწყო და როგორც ცნობილია, ამ დრომდე უკვე 180 000 ერთეულია გაყიდული. როგორია მომხმარებლების შეფასება ეფლის ინოვაციურ პროდუქტზე და რა უპირატესობებსა თუ ხარვეზებზე ამახვილებენ ყურადღებას? #ახალიამბები #BusinessMediaGeorgia
#საქმიანიდილა - 7 თებერვალი - პროლოგი #ახალიამბები #BusinessMediaGeorgia
#BMG და Tegeta Holding-ი წარმოგიდგენთ #BMGAuto-ს:
2023 წელს საქართველოში კიბერდანაშაული გაიზარდა - შინაგან საქმეთა სამინისტროს ანგარიშის თანახმად, გასული წლის განმავლობაში დაზარალებულთა მიერ სულ 999 შემთხვევა დაფიქსირდა, რაც 2022 წელთან შედარებით 7%-ით მეტია. სტატისტიკიდან ირკვევა, რომ ქვეყანაში კიბერდანაშაულის უდიდესი ნაწილი ფინანსური მანიპულაციის განხორციელების (ფიშინგის) მიზნით ხორციელდება, შესაბამისად პოლიციაში შეტყობინებები ძირითადად კიბერთაღლითობის მსხვერპლთა მიერ გაკეთდა. კიბერდანაშაულის სტატისტიკა საქართველოში ასე გამოიყურება: კომპიუტერული მონაცემის ან/და კომპიუტერული სისტემის ხელყოფა ფინანსური სარგებლის მიღების მიზნით - 892 შეტყობინება, მათ შორის გახსნილია 53%; კომპიუტერულ სისტემაში უნებართვო შეღწევა - 95 შეტყობინება, მათ შორის გახსნილია 30%; კომპიუტერული მონაცემის ან/და კომპიუტერული სისტემის ხელყოფა - 11 შეტყობინება, მათ შორის გახსნილია 0%. მთლიანობაში შესული საქმეებიდან გახსნილია 51%. შედარებისთვის, 2022 წელს კიბერდანაშაულების გახსნის მაჩვენებელი 38% იყო, 2021 წელს კი მხოლოდ 20%, შესაბამისად ქართული სამართალდამცავი უწყებების კომპეტენცია ამ კატეგორიის დანაშაულების გამოძიების მიმართულებით გაუმჯობესებულია. თუმცა, საგულისხმოა გარემოება, რომ კიბერდანაშაული, განსაკუთრებით კი ფიშინგი ან ფიშინგის მცდელობა განეკუთვნება ისეთი კატეგორიის დანაშაულს, რომლის დროსაც დაზარალებულმა შესაძლოა არ მოახდინოს მისი შეტყობინება, რის გამოც შსს-ს სტატისტიკიდან ამ დანაშაულის სრული მასშტაბი არ ჩანდეს. სტუმარი: გიორგი იაშვილი - Cyber Trust-ის დამფუძნებელი, კიბერუსაფრთხოების ექსპერტი; #ახალიამბები #BusinessMediaGeorgia
ქირავნობის საკითხებზე კანონპროექტის განხილვა პარლამენტში საგაზაფხულო სესიაზე გაგრძელდება. იუსტიციის მინისტრის რატო ბრეგაძის განცხადებით, ის სამართლებრივი ურთიერთობები, რაც ქირასა და იჯარას უკავშირდება რამდენიმე წლიანი დავების ნაცვლად, რამდენიმე თვეში დასრულდება. ბინების გაქირავებით დაკავებული ასობით საქართველოს მოქალაქე ბოლო 1 წელში მნიშვნელოვნად დაზარალდა. საპოლიციო გამოსახლების შემდეგ გამქირავებლების დიდ ნაწილს საკუთარი უფლებების დაცვის არანაირი შესაძლებლობა არ გააჩნია. როგორ უნდა გადაიჭრას პრობლემა? სტუმარი: გიორგი რეხვიაშვილი - იურისტი / პარტია „მოქალაქეების“ წარმომადგენელი; #ახალიამბები #BusinessMediaGeorgia
2024 წელს საქართველოს აეროპორტები 6.8 მილიონამდე მგზავრს მოემსახურება, რაც 2023 წლის მაჩვენებელს 14%-ით აღემატება - ამის შესახებ საქართველოს მთავრობის ახალ სამთავრობო პროგრამაში წერია, რომელიც ირაკლი კობახიძემ საქართველოს პარლამენტს 2 თებერვალს წარუდგინა. დოკუმენტში ნათქვამია, რომ აღნიშნული პროგნოზი საქართველოს ტურისტული პოტენციალის განვითარებითა და ავიაკომპანიებთან პროაქტიური თანამშრომლობით არსებული ოპერირების გაზრდის, ასევე საქართველოს ავიაბაზარზე შემოსვლისა და ახალი მიმართულებებით ოპერირების დაწყებითაა განპირობებული. სამთავრობო პროგრამის ტრანსპორტისა და ლოგისტიკის განვითარების ნაწილში ქვეყანაში მოქმედი საერთაშორისო თუ ადგილობრივი აეროპორტების, ასევე გასულ წელს დაანონსებული ვაზიანის საერთაშორისო აეროპორტების პროექტის განვითარების შესახებაც არის საუბარი. დოკუმენტში ვკითხულობთ, რომ თუ ვაზიანის აეროპორტი აშენდება, თბილისს 18 მლნ მგზავრის მიღების შესაძლებლობა ექნება, რაც როგორც ჩანს პროექტის პირველადი შეფასებით დგინდება. ამავე დოკუმენტში ნათქვამია, რომ 2024 წელს ქუთაისის აეროპორტის გენერალური განვითარების გეგმის შემუშავება დასრულდება და ასაფრენ-დასაფრენი ზოლისა და საჰაერო ხომალდების ბაქანის გამტარუნარიანობის გასაზრდელად ინფრასტრუქტურული პროექტები დაიწყება. რაც შეეხება აჭარის რეგიონს, დოკუმენტიდან ირკვევა, რომ ამ მიმართულებით მზარდი ტურისტული ნაკადების მისაღებად, 2024 წელს ბათუმის საერთაშორისო აეროპორტის შემდგომი გაფართოების შესაძლებლობის განსაზღვრის მიზნით, მისი გამტარუნარიანობა შეფასდება. ირაკლი კობახიძის მთავრობა შიდა ფრენების სუბსიდირების პოლიტიკას გააგრძელებს და 2024 წელს თელავის აეროპორტისა სრულ მოდერნიზებას და მესტიის აეროპორტის ახალი ტერმინალის პროექტირებასა და მშენებლობას გეგმავს. სტუმარი: გიორგი მოლოდინაშვილი - საავიაციო საკონსულტაციო ჯგუფის მმართველი პარტნიორი & საავიაციო კომიტეტის ხელმძღვანელი; #ახალიამბები #BusinessMediaGeorgia
ბრენდული ქსელების წილი FMCG ბაზარზე ბოლო 5 წელში 16.9%-ით - 38.6%-მდე გაიზარდა. ბრენდული ქსელების შემოსავლების და ბაზრის წილის ზრდის ერთ-ერთი მთავარი განმაპირობებელი ფაქტორად გეოგრაფიული ექსპანსია სახელდება. ამავე მიზეზით სავარაუდოა, რომ მათი წილის ზრდა მომდევნო წლებშიც გაგრძელდება და უახლოეს პერიოდში 55.6%-ს მიაღწევს. მოსალოდნელია, რომ 2028 წლის ბოლომდე თბილისსა და რეგიონებში დაახლოებით 3,000-მდე ახალი მაღაზია გაიხსნება, რის შედეგადაც ბრენდული მაღაზიების რაოდენობა 2028 წლის ბოლომდე 6,500-ს მიაღწევს. გალტ & თაგარტის კვლევაში შეფასებულია, თუ რამდენად მიმზიდველია ბრენდული ქსელების ექსპანსია საქართველოს სხვადასხვა რეგიონში. ანალიზის თანახმად კი ნათქვამია, რომ ამ ეტაპზე, სამომავლო გაფართოებისთვის ყველაზე მიმზიდველი რეგიონებია აჭარა, ქვემო ქართლი და თბილისი, ხოლო შედარებით ნაკლებად საინტერესო კი - მაღალმთიანი რეგიონები და გურია. რეგიონების პოტენციალის შეფასების ანალიზი ეყრდნობა დემოგრაფიულ დინამიკას, მოსახლეობის მსყიდველუნარიანობას და ბრენდული ქსელებით ბაზრის გაჯერებულობის მაჩვენებლებს. როგორია რითეილ სექტორის განვითარების გეგმა? სტუმრები: სოფიო ქაშაკაშვილი - რითეილ ასოციაციის ხელმძღვანელი; მირანდა მანჯგალაძე - რითეილ ექსპერტი; #ახალიამბები #BusinessMediaGeorgia
33 ათასამდე სტატუსშეჩერებული სტუდენტიდან ამ დროისთვის სტატუსი 5 ათასამდე პირმა აღიდგინა. ამის შესახებ, გუშინ საქართველოს განათლების, მეცნიერებისა და ახალგაზრდობის მინისტრობის კანდიდატმა, გიორგი ამილახვარმა პარლამენტში დარგობრივი კომიტეტების ერთობლივ სხდომაზე საუბრისას განაცხადა. როგორც ამილახვარმა აღნიშნა, ჯამში დავალიანების სახით 35 მილიონ ლარამდეა ჩამოწერილი. პროგრამას პოზიტიურად აფასებს კავკასიის უნივერსიტეტის” პრეზიდენტი და „შავი ზღვის საერთაშორისო უნივერსიტეტის“ მფლობელი კახა შენგელია, რომელიც ამბობს რომ ორივე უნივერსიტეტში1000-ზე მეტი სტუდენტიდან ამ დროისთვის სტატუსი 500-მდე პირმა აღიდგინა. #ახალიამბები #BusinessMediaGeorgia
საქართველოში ფინანსური ეკოსისტემისა და ფინანსური ტექნოლოგიების განვითარების თემაზე სებ-მა ღონისძიება, სახელწოდებით „ცენტრალური ბანკების ციფრული ვალუტა - თანამედროვე ფინანსური ეკოსისტემის განვითარების ხელშემწყობი“ გამართა. ღონისძიებაში საჯარო და კერძო სექტორის, კომერციული ბანკებისა და საფინანსო ორგანიზაციების წარმომადგენლები მონაწილეობდნენ. ღონისძიების ფარგლებში, რა თემებზე გამახვილდა ძირითადი ყურადღება? ლიკა მეგუთნიშვილი - #BMG-ს რეპორტიორი; #ახალიამბები #BusinessMediaGeorgia
საკონსულტაციო კომპანია ედვაიზი, ორგანიზაციებს რისკებს ეფექტურად მართვაში ეხმარება. ედვაიზის გუნდი უზრუნველყოფს, რომ ორგანიზაციები აღჭურვილი იყოს ეფექტური ინსტრუმენტებით საეჭვო ქმედებების აღმოსაჩენად, რომლებიც შეესაბამება საერთაშორისო სტანდარტებსა და რეგულაციებს. ამასთან კომპანიის მისია და მიზანია, როგორც საბანკო, ასევე არა-საბანკო საფინანსო სექტორის მიმართ მათი მხარდაჭერა, რათა მათ მარტივად მოახდინონ ნავიგაცია არსებულ ცვალებად გარემოში, როგორც ფინანსური დანაშაულების ბრძოლის მიმართულებით, რაც გულისხმობს როგორც ფულის გათეთრებისა და ტერორიზმის დაფინანსების წინააღმდეგ, სანქციებთან დაკავშირებული პროცედურებისა და პროცესების გეპ ანალიზს, ასევე აღნიშნული პროცესის გამართულად ფუნქციონირებისათვის საჭირო ტექნოლოგიების დანერგვას, სასწავლო კურსების ორგანიზებასა და სხვა მომსახურებებს. სწორედ ამის ფარგლებში გასულ წელს კომპანიამ, საერთაშორისო სანქციების რისკების მართვისადმი მიძღვნილი ტრენინგიც გამართა. სტუმრები: ანი გორდეზიანი - Eddwise-ის უფროსი პარტნიორი & რისკების მართვის მიმართულების ხელმძღვანელი; დეივიდ ჩარლტონი - Eddwise-ის აღმასრულებელი დირექტორი; საუბარს სინქრონულად თარგმნის NG Georgia #ახალიამბები #BusinessMediaGeorgia
Galt & Taggart - გალტ & თაგარტი: გლობალური ბაზრების ყოველკვირეული მიმოხილვა / Global Markets Weekly Update სტუმარი: თაკო ჯინჭარაძე - Galt&Taggart;-ის ტრეიდერების ჯგუფის უფროსი; #ახალიამბები #BusinessMediaGeorgia