4 თვიანი კლების შემდეგ, მაისში თბილისში უძრავი ქონების ტრანზაქციების რაოდენობა გაიზარდა. საანგარიშო პერიოდში საცხოვრებელი ბინების ტრანზაქციების რაოდენობამ 3,437 ერთეული შეადგინა, რაც წინა წლის მაისთან შედარებით 7.2%-იან ზრდას ნიშნავდა. კოლიერს ჯორჯიას მონაცემებით, ზრდის განმაპირობებელი ძირითადად პირველადი ბაზარია, სადაც ქალაქის მასშტაბით საშუალო შეწონილი ფასი 15.2%-იან ზრდას აჩვენებს. რა ტენდენციებია ბაზარზე და როგორ უყურებს სექტორი სტატისტიკის მიღმა არსებული რეალობას? #ახალიამბები #BusinessMediaGeorgia
კომპანია „ჰანიველ ცემენტმა“ რიგით მე-8 საერთაშორისო ხარისხის კონფერენცია გამართა. ღონისძიება კვირა, სასტუმრო რედისონ წინანდალში გაიმართა. მასში მონაწილეობას სამშენებლო ინდუსტრიის წამყვანი საერთაშორისო და ადგილობრივი ექსპერტები, დეველოპერები, ინჟინრები და დარგის სპეციალისტები იღებდნენ. კონფერენციაზე ჰანიველ ცემენტის გენერალურმა დირექტორმა, ტრადიციულად გასული წლის შედეგები შეაჯამა და რა თქმა უნდა, ყურადღებას ხარისხის სტანდარტების განვითარებაზე, ინოვაციური მიდგომების დანერგვასა და სექტორში კომპანიის წვლილზე გაამახვილა. საერთაშორისო ხარისხის კონფერენცია სამშენებლო სფეროს წარმომადგენლებისთვის ერთ-ერთ მნიშვნელოვანი ღონისძიებაა, რომელიც ჰანიველ ცემენტის ორგანიზებით გარკვეული პერიოდულობით ტარდება. #ახალიამბები #BusinessMediaGeorgia
ბეზოსების “საუკუნის ქორწილი” - როგორ ჩაიარა წლის ერთ-ერთმა გამორჩეულმა ქორწინებამ, რომელმაც მსოფლიოს სხვადასხვა ქვეყნებიდან უამრავი მნიშვნელოვანი და ცნობილი პირი შეჰყარა ვენეციაში? რა საჩუქრები მიიღეს ახალ დაქორწინებულებმა, რა დაჯდა ეს სამდღიანი აღნიშვნა? #ახალიამბები #BusinessMediaGeorgia
დღემდე ზურგის ტვინის დაზიანების დროს შესაძლებელი იყო მხოლოდ სიმპტომური მკურნალობა და რეაბილიტაცია – დაზიანებული ქსოვილი რეალურად ვერ რეგენერირდებოდა. სწორედ ამ გამოწვევაზე საპასუხოდ და პარალიზების ერთხელ და სამუდამოდ დასამარცხებლად, ჩინურმა ბიოტექნოლოგიურმა კომპანიამ XellSmart Biopharmaceutical-მა რევოლუციური თერაპია წარმოადგინა, სახელწოდებით XS228. იგი ლაბორატორიულად გამოყვანილ იმ ნერვულ უჯრედებს ეფუძნება, რომლებიც მიღებულია ღეროვანი უჯრედებისგან და მიზნად ისახავს დაზიანებული ზურგის ტვინის ქსოვილის აღდგენას. რა ეტაპზეა უპრეცედენტო კვლევა, რომელსაც სხვათა შორის FDA-ს სრული მხარდაჭერა აქვს. #ახალიამბები #BusinessMediaGeorgia
აშშ-მა სანქციები მოხსნა პაკშის ატომური ელექტროსადგურის გაფართოების პროექტზე — ამის შესახებ უნგრეთის საგარეო საქმეთა მინისტრმა, პეტერ სიიარტომ განაცხადა. ბუდაპეშტის სამხრეთით მდებარე პაკშის სადგური ერთ-ერთ საკამათო პროექტად იქცა მას შემდეგ, რაც მისი გაფართოების პროცესში აქტიურად ჩაერთო რუსეთის სახელმწიფო ატომური კომპანია „როსატომი“. პროექტი სანქციების სიაში მას შემდეგ მოხვდა, რაც რუსეთმა უკრაინაში ფართომასშტაბიანი ომი დაიწყო. გაფართოების გეგმა მოიცავს ორი ახალი რეაქტორის აშენებას რუსეთის მონაწილეობით.მინისტრ სიარტოს თქმით,პაკშის პროექტი მნიშვნელოვანია ქვეყნის გრძელვადიანი ენერგოუსაფრთხოებისა და კომუნალური ხარჯების შემცირებისთვის. ეს დაახლოებით იმ ზღაპრებიდან არის, როგორც 2014 წლისთვის, საქართველოში უნდა შემცირებულიყო ტარიფები, და მას შემდეგ, გაზრდილია რამდენადმე, თუმცა ეს პროექტი თუ განხორციელდა, ცხადია, უნგრეთის ენერგომდგრადობისთვის მნიშვნელოვანი მდგენელი იქნება. რატომ არის ეს პროექტი მნიშვნელოვანი და მათ შორის, სანქციების ამოღების თვალსაზრისით საფრთხილო პრეცედენტი? #ახალიამბები #BusinessMediaGeorgia
#საქმიანიდილა - 1-ელი ივლისი - პროლოგი #ახალიამბები #BusinessMediaGeorgia
საქართველოს უძრავი ქონების ეროვნული ასოციაციის ორგანიზებით, 9 ივლისს აგენტებისთვის ეთიკის კოდექსის შესახებ ტრენინგი ჩატარდება. კურსის ფარგლებში სექტორში მომუშავე ადამიანები იმ სტანდარტების შესახებ მიიღებენ ინფორმაციას, რაც კეთილსინდისიერი მუშაობისთვის არის საჭირო. სტუმრები: ვაჟა მებაღიშვილი - უძრავი ქონების ეროვნული ასოციაციის მმართველი საბჭოს წევრი; მაია გამზარდია - უძრავი ქონების ეროვნული ასოციაციის განათლების კომიტეტის თავმჯდომარე #ახალიამბები #BusinessMediaGeorgia
2025 წლის მაისში დედაქალაქის ადმინისტრაციულ საზღვრებში, დიდი გაბარიტების მქონე მანქანების გარკვეულ საათებში გადაადგილების შეზღუდვის გამო, 236 609 ლარის ჯარიმა დაიწერა. ამის შესახებ ფინანსთა სამინისტროს საქართველოს ნაერთი ბიუჯეტის შემოსულობების დოკუმენტშია აღნიშნული. ფინანსთა სამინისტროს მონაცემებით, ჯამში იანვარ-მაისში აღნიშნულ დარღვევაზე გამოწერილი ჯარიმებიდან ბიუჯეტში 1,2 მლნ ლარი შევიდა, აქედან 158 420 ლარი იანვარში, 204 902 ლარი თებერვალში, 307 710 ლარი მარტში, ხოლო 321 464 ლარი აპრილში. რაც შეეხება წლიურ მაჩვენებელს 2024 წელს დედაქალაქის ადმინისტრაციულ საზღვრებში, დიდი გაბარიტების მქონე მანქანების გარკვეულ საათებში გადაადგილების შეზღუდვის გამო, ბიუჯეტში ჯარიმების სახით, 1 153 574 ლარი გადაიხადეს. შეგახსენებთ, რომ 2024 წლის 1-ელი იანვრიდან დროის გარკვეულ მონაკვეთში, დედაქალაქის კონკრეტულ ადგილებში დიდი გაბარიტების მქონე მანქანების, კერძოდ, M3, N2 და N3 კატეგორიების სატრანსპორტო საშუალებისთვის გადაადგილება აიკრძალა. შეზღუდვა 08:00- 11:00 საათებსა და 17:00-20:00 საათების შუალედში მოქმედებს. რა გავლენა იქონია ჯარიმებმა ბიზნესზე და საბოლოოდ მომხმარებელზე, რომელიც ამ პროდუქციის მომხმარებელია? სტუმარი: ლაშა რიჟამაძე - საქართველოს დისტრიბუტორთა ბიზნეს ასოციაციის პრეზიდენტი; #ახალიამბები #BusinessMediaGeorgia
"გვაქვს ამბიციური მიზანი, რომ 2028 წლისთვის საქართველოში სიღარიბე 4%-მდე შემცირდეს, ამისთვის კი გვინდა 200 000 სამუშაო ადგილი შევქმნათ" - ამის შესახებ "ქართული ოცნების" პრემიერმა ირაკლი კობახიძემ პარლამენტში ყოველწლიური მოხსენებისას განაცხადა. ოცნების პრემიერი ამბობს, რომ გასულ წელს სიღარიბეს თავი 90 000-მა ადამიანმა დააღწია, მთლიან პოპულაციაში კი მათი რიცხვი 9.4%-მდე შემცირდა. უფრო შორეულ წარსულზე საუბრისას 2012 წლამდე პერიოდი გაიხსენა და აღნიშნა, რომ მაშინ სიღარიბის ზღვარს მიღმა მოსახლეობის 30%, ანუ 1 100 000 ადამიანი ირიცხებოდა. კობახიძემ ხელფასის მაჩვენებლებზეც ისუაბრა და საშუალო ხელფასი მოიშველია, რომელიც მიმდინარე წლის პირველი კვარტალისთვის 2 170 ლარია, ისევ 2012 წლამდე პერიოდში კი მხოლოდ 712 ლარს შეადგენდა, შესაბამისად ოცნებაში 3-ჯერ გაზრდილი ხელფასებით იწონებენ თავს და ამბიციური გეგმებით 2028 წლისთვის მოსახლეობას ჰპირდებიან, რომ საშუალო ხელფასი, რომელიც სინამდვილეში საერთოდ არ ასახავს ფართო მასების შემოსავალს, 3 500 ლარს მიაღწევს. მანიპულაციის რა გზებს მიმართავს ხელისუფლება და რა ხდება სინამდვილეში? სტუმარი: მიხეილ კუკავა - Stemscale-ის მთავარი აღმასრულებელი ოფიცერი; #ახალიამბები #BusinessMediaGeorgia
#ავიაციისსიახლეები: ✈ გასულ კვირას თბილისისა და ბათუმის აეროპორტებიდან ახლო აღმოსავლეთის მიმართულებით ფრენები უქმდებოდა; ✈ "2031 წელს უკვე შევძლებთ აეროპორტის გადატანას ვაზიანში" - ირაკლი კობახიძე; ✈ ქუთაისის აეროპორტში წელს ახალი სამგზავრო ტერმინალის მშენებლობა დაიწყება - ირაკლი კობახიძე; ✈ Georgian Airways-ი რომის მიმართულებით სიხშირეებს ზრდის კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით #ავიაცია #ავიამიმოსვლა #ახალიამბები #BusinessMediaGeorgia
მოსახლეობის საყოველთაო აღწერა - რამდენად რეალისტურია რიცხვები? სტუმრები:ნიკოლოზ შურღაია - საზოგადოებრივი გაერთიანება “ერთობა”; გოგლა ჟვანია - VIII მოწვევის პარლამენტის წევრი #ახალიამბები #BusinessMediaGeorgia
მხოლოდ 5 ივლისს, მხოლოდ ერთი დღით, ლიდერი დეველოპერული კომპანია „არქი“ ბინის შეძენის მსურველებს დიდ ფასდაკლებას სთავაზობს ახალი პრემიუმ საცხოვრებელი კომპლექსის - არქი ჰორაიზონის საცხოვრებელ ბინებზე, რომელიც ორთაჭალაში მდებარეობს. არქი ჰორაიზონი მაღალი კლასის საცხოვრებელი სივრცეა ორთაჭალის მწვანე სივრცეში, სადაც კომფორტი ყოველდღიურობის ნაწილად იქცევა, თვალუწვდენელი ხედი თბილისზე კი, უსაზღვრო პერსპექტივებს გაგიხსნის. პროექტის მულტიფუნქციური ინფრასტრუქტურა აერთიანებს გარე აუზს, ლაუნჯს, პადელის კორტებს, ფეხბურთისა და კალათბურთის მოედანს, გამწვანებულ და საბავშვო სივრცეებს. აღსანიშნავია, რომ პროექტის დიზაინი შექმნა მსოფლიოში ცნობილმა არქიტექტორმა, მელბურნის უნივერსიტეტის პროფესორმა ვეი აპ ო-მ. სტუმრები: შიო ხეცურიანი - "არქის" გენერალური დირექტორი; ვეი აპ ოი - არქიტექტურული დიზაინის დეპარტამენტის დირექტორი #ახალიამბები #BusinessMediaGeorgia
ყველაფერი 1931 წელს იაპონიაში დაიწყო… დღეს კი, Bridgestone გლობალური ლიდერია ინოვაციებში, უსაფრთხოებასა და ეკომეგობრულ ტექნოლოგიებში. რა გზა გაიარა კომპანიამ ქურუმეს ქარხნიდან მსოფლიოს წამყვან ტრეკებამდე? რატომ არის Firestone-ის შეძენა ბრენდისთვის ისტორიული გარდატეხა და როგორ ზრუნავს Bridgestone არამხოლოდ შენს უსაფრთხოებაზე, არამედ გარემოზე? რაც მთავარია, საქართველოში მისი ხარისხი და ღირებულებები საქართველოში თეგეტა ჰოლდინგმა შემოიტანა და წლებია ავითარებს და ნერგავს. #ახალიამბები #BusinessMediaGeorgia
BMG და Tegeta Holding-ი წარმოგიდგენთ: #BMGAuto-ს
Global Compact-ის ორგანიზებით, ბათუმში ფორუმი „პარტნიორობა მდგრადი განვითარების მიზნებისთვის“ გაიმართა. დამსწრე საზოგადოებას შესაძლებლობა ჰქონდა უშუალოდ სექტორის წარმომადგენლებისგან მოესმინა იმ საკვანძო საკითხებზე, რომლებიც მდგრადი განვითარების მიზნების მისაღწევად აუცილებელი ფაქტორია. ღონისძიებაზე ერთ-ერთი სპიკერი ენერგოკომპანია “აჭარისწყალი ჯორჯიას” აღმასრულებელი დირექტორი, სატიშ ბჰატიც იყო, რომელმაც სტუმრებს ინდოეთის მაგალითზე კომპანიის გამოცდილებები გაუზიარა. #ახალიამბები #BusinessMediaGeorgia
26 ივნისს პარაგრაფ თბილისში დერმატოლოგიური, ფრანგული ბრენდის ურიაჟის ორგანიზებით, კონფერენცია გაიმართა. კონფერენციის მიზანი მუდმივი სიახლეების გაცნობაა დარგის სპეციალისტებისთვის. კონფერენციაში მონაწილეობა მიიღო საერთაშორისო და ქართველმა სპიკერებმა. დერმატოლოგიური ფრანგული ბრენდი ურიაჟი გამორჩეულია იზოტონური თერმული წყლით, რომელიც კანის ბარიერს იცავს და აახლებს სამმაგი გზით. #ახალიამბები #BusinessMediaGeorgia
საქართველოს ბანკისა და კომაროვის სკოლის ორგანიზებით, სკოლის მოსწავლეებისთვის განკუთვნილი სტემ ოლიმპიადა უკვე მეორედ გაიმართა. წელს შესარჩევ ეტაპზე 130 სკოლა იღებდა მონაწილეობას, ფინალისტებს შორის კი 10 გუნდი მოხვდა. გუშინ კი ალტე უნივერსიტეტში 4 გამარჯვებულის დაჯილდოება გაიმართა. ყველა გამარჯვებულს საქართველოს ბანკისგან ფულადი ჯილდო გადაეცა. #ახალიამბები #BusinessMediaGeorgia
იაკობ გოგებაშვილის „დედა ენა ანუ ანბანი და პირველი საკითხავი წიგნი სახალხო შკოლებისათვის“ პირველად 1876 წლის ივნისში დაიბეჭდა. ამისთვის მწერალმა გამომცემლობისაგან გასამრჯელოდ 200 მანეთი მიიღო. დასურათებული წიგნის შეძენა კი 5 შაურად იყო შესაძლებელი.„დედა ენაში“ ორი წლის კურსის მასალა იყო თავმოყრილი წერა-კითხვა ისწავლებოდა ბგერითი ანალიზურ-სინთეზური მეთოდით. 1906 წელს „დედა ენა“ 2 წიგნად გამოიცა: პირველში მოთავსებული იყო წერა კითხვის შესასწავლი მასალა, მეორეში საყმაწვილო მხატვრული თხზულებები, ხალხური შემოქმედების ნიმუშები და საბუნებისმეტყველო, გეოგრაფიული, ისტორიული და ეთნოგრაფიული შინაარსის მეცნიერულ პოპულარული სტატიები.„დედა ენა“ ავტორის სიცოცხლეში 33-ჯერ გამოიცა. გოგებაშვილის პრინციპებზე დაფუძნებული „დედა ენის“ გამოცემა დღემდე გრძელდება და დღესაც ამ წიგნით სწავლობენ ბავშვები საქართველოში წერა–კითხვას. #ახალიამბები #BusinessMediaGeorgia
პეტერბურგის ეკონომიკურ ფორუმზე გამოსვლისას, რუსეთის ეკონომიკის მინისტრმა მაქსიმ რეშეტნიკოვმა განაცხადა, რომ გასულ წლებში ეკონომიკური აქტივობის გადახურების შემდეგ, ამჯერად რუსეთის ეკონომიკაა რეცესიის ზღვარზეა. მინისტრით მტკიცებით, ხისტმა მონეტარულმა პოლიტიკამ, თითქმის მდგრადად 10%-იანი ინფლაციის ფონზე, ინვესტიციები შეაფერხა. მისი თქმით, ეკონომიკის სამინისტრომ შესაძლოა, გადახედოს 2.5%-იანი ზრდის პროგნოზს აგვისტოში, რაც დამოკიდებული იქნება ინტერესის განაკვეთთან დაკავშირებით ცენტრალური ბანკის მიერ მიღებულ სამომავლო გადაწყვეტილებებზე. რა ხდება რეალურად რუსეთის ეკონომიკაში და რეცესიის მიღმა არის თუ არა ის კოლაფსის რეალური საფრთხის წინაშე? #ახალიამბები #BusinessMediaGeorgia
#საქმიანიდილა - 30 ივნისი - პროლოგი #ახალიამბები #BusinessMediaGeorgia
"ადამიანი" - ქართული ბრენდი მკაფიო ღირებულებებით და გამორჩეული ხარისხით. დღეს ბრენდის ხმაში ამ ბრენდის დამფუძნებელს და დიზაინერს, მიხეილ ლუტიძეს გავიცნობთ, რომელიც თავის მხრივ მეტს მოგვიყვება მისი ბრენდის იდენტობაზე, ღირებულებსა და მიზნებზე. ნიკოლოზ ლუტიძე - ADAMANI-ს დამფუძნებელი, დიზაინერი #ახალიამბები #BusinessMediaGeorgia
#ქართველებისაზღვარგარეთ: ინტერვიუ თინათინ ბასილაიასთან - ქოუჩინგი, როგორც ბიზნესი სტუმარი: თინათინ ბასილაია - ბაირონ ქეითის “სამუშაოს” ოფიციალური წარმომადგენელი საქართველოში #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
ინტერვიუ რიკარდ იოზვიაკთან / ბრიუსელი-თბილისი: რა (არ) ხდება? ➡️ სტუმარი: რიკარდ იოზვიაკი - "რადიო თავისუფლების" ევროპის ბიუროს რედაქტორი ✔️ #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
2024 წელს საოჯახო ტექნიკის შემოსავალი 600 მლნ დოლარი იყო. Galt & Taggart-ის სამშენებლო და სარემონტო მასალების სექტორის კვლევის მიხედვით, მონაცემები მზარდია, ქვეყანა კი სრულად იმპორტზეა დამოკიდებული. მიუხედავად გასული წლის დადებითი ტენდენციებისა, დღეს ინდუსტრიის წარმომადგენლები აცხადებენ, რომ მოთხოვნა კლებას აჩვენებს. მიზეზებს შორის სექტორი მიგრანტების გადინებას და ქვეყანაში შექმნილ ვითარებას ასახელებს. რა ტენდენციებია ტექნიკის ბაზარზე? #ახალიამბები #BusinessMediaGeorgia
1967 წლის 27 ივნისს მსოფლიოში პირველი ბანკომატი ლონდონში, ბანკი ბარქლეის ფილიალში გამოჩნდა. მიუხედავად იმისა, რომ ის დღევანდელი, თანამედროვე ვერსიისგან ტექნოლოგიურად განსხვავებული იყო, იდეა არ შეცვლილა-ადამიანებისთვის დამოუკიდებლად, ბანკირის გარეშე ფულთან ურთიერთობა და ფინანსური დამოუკიდებლობის შექმნა. მალევე პირველი ბანკომატის იდეა მთელს მსოფლიოში გავრცელდა, შემდეგ კი ჩვენც კარგად ვხედავთ, რომ ეტაპობრივად დაიხვეწა და განვითარდა. #ახალიამბები #BusinessMediaGeorgia
Visa B2B Connect არის ინოვაციური, არა საბარათე, ბანკიდან ბანკში შეტყობინებებისა და ანგარიშსწორების სერვისი, რომელიც შემუშავებულია ფინანსური ინსტიტუტებისთვის, რათა მათ კლიენტებს საშუალება მიეცეთ განახორციელონ და მიიღონ საერთაშორისო გადახდები პროგნოზირებადი, უსაფრთხო და ეფექტური გზით. Visa B2B Connect-ი უფრო ხარჯთეფექტური საერთაშორისო ტრანზაქციების განხორციელების საშუალებას იძლევა და უზრუნველყოფს როგორც კორპორაციული საფინანსო ინსტიტუტებისთვის, ასევე მათი კლიენტებისთვის თითოეულ ტრანზაქციასთან დაკავშირებული საკომისიო გადასახადის გამჭვირვალობას, რაც ეხმარება კომპანიებს თავიანთი ფულადი ნაკადების მართვაში. Visa B2B Connect პლატფორმა ასევე შეიძლება გამოყენებული იქნას გადახდების განსახორციელებლად ქსელის გარეთ არსებულ ბანკებში. BMG-ს დაკვირვებულმა მკითხველმა და მიმდევარმა კარგად უწყიან, რომ რამდენიმე თვის წინ, კონკრეტულად კი 2025 წლის აპრილში, პაშა ბანკმა მომხმარებლებისთვის, საერთაშორისო გადარიცხვების გამარტივების მიზნით, Visa B2B Connect სერვისი უკვე დანერგა.ვინც არ იცით, კიდევ ერთხელ შეგახსენებთ,რომ პაშა ბანკი საქართველოში 12 წელია ოპერირებს და ბიზნესებს კორპორაციული საბანკო მომსახურების სრულ სპექტრს სთავაზობს. იგი რეგიონში ერთ-ერთი ყველაზე მსხვილი აზერბაიჯანული ჰოლდინგის - პაშა ჰოლდინგის წევრია. პაშა ბანკი წარმოდგენილია სამ ქვეყანაში - აზერბაიჯანი, საქართველო და თურქეთი. 2024 წლის ფინანსური შედეგების მიხედვით, ბანკმა 8.3 მლნ ლარის წმინდა მოგება მიიღო. სტუმრები: ანზორ მანწკავა - "პაშა ბანკი", დირექტორთა საბჭოს წევრი, საოპერაციო დირექტორი; დიანა კიღურაძე - Visa-ს რეგიონული მენეჯერი კავკასიის რეგიონში და მოლდოვაში #ახალიამბები #BusinessMediaGeorgia
თიბისიმ ტრადიციული, ყოველწლიური მდგრადი განვითარების ღონისძიებას თიბისი კონცეპტის მულტიფუნქციურ სივრცეში უმასპინძლა, სადაც საფინანსო ინსტიტუტის 2024 წლის მიღწევები შეჯამდა, საერთაშორისო პარტნიორებმა პროგრესი შეაფასეს, სამომავლო გეგმები დასახეს და პანელური დისკუსიის ფარგლებში მდგრადი განვითარების მნიშვნელობა განიხილეს. სტუმარი: მაკა ბოჭორიშვილი - თიბისის გარემოს დაცვის, სოციალური და მმართველობის საკითხების კოორდინატორი #ახალიამბები #BusinessMediaGeorgia
მილიარდერ ჯეფ ბეზოსის და ყოფილი ტელეჟურნალისტის ლორენ სანჩესის ქორწინება სამ დღეს გასტანს და აღნიშვნა 28 ივნისის ჩათვლით გაგრძელდება, და მას დაესწრებიან უამრავი ცნობილი პირები: ოპრა უინფრი, ივანკა ტრამპი, კრის და კენდალ ჯენერები, კიმ კარდაშიანი უამრავი სხვა ცნობილი სახე, სხვადასხვა დათვლებით, ბეზოს-სანჩესის ქორწინების აღნიშვნა დაჯდება 46 დან 56 მლნ დოლარამდე, მე კი მგონია რომ მინიმალური და მაქსიმალური თანხები არარეალისტურია, და ის გაცილებით ძვირი დაჯდება იმ ფონზე, რომ ვენეციაში არ წყდებოდა პროტესტები, ვენეციის ცნობილ კანიონებში ჩაუშვეს ბიზნესმენის და მისი მეუღლის, თუ მომავალი მეუღლეს მანეკენები, ერთ-ერთი გონდოლა თუ ნავი ამაზონის დიდ ყუთად აქციეს, გამოსვლები იყო სანმ მარკოს და სხვა მოდენებზე, მოკლედ, ბევრი რომ არ გავაგრძელო, საბოლოოდ თუ ქორწილის მთავარი აღნიშვნა იგეგმებოდა კანარეჯოში, Scuola Grande della Misericordia ისტორიულ შენობაში, ამ პროტესტის ფონზე მისი გადატანა, არსენალის ისტორიულ უბანში მოხდა, ნეტა რომელი უბანი არ არის ისტორიული მშვენიერ ვენეციაში. #ახალიამბები #BusinessMediaGeorgia
FedEx-ის დამფუძნებელი, მილიარდერი ფრედ სმიტი 80 წლისა გარდაიცვალა. დღეს, FedEx-ი გლობალური ლოგისტიკური გიგანტია, რომელიც სტანდარტულ სამუშაო დღეს მსოფლიოს გარშემო ჩვიდმეტ მილიონ ამანათს ემსახურება და ეს მასშტაბი, დიდწილად, სწორედ ფრედ სმიტის დამსახურებაა, რომელიც იყო არა ერთი კომპანიის შექმნით დაკმაყოფილებული ჩვეულებრივი მეწარმე, არამედ საუცხოო ხედვის მქონე ინდივიდი, რომელმაც მთელი ინდუსტრია შეცვალა და პროცესში საკუთარი კომპანია გლობალური ეკონომიკის განუყოფელ ნაწილად აქცია. #ახალიამბები #BusinessMediaGeorgia
გასულ კვირას ლონდონში, EMEA Finance-ის ყოველწლიური დაჯილდოების ღონისძიება შედგა. სწორედ ამ მნიშვნელოვანი ჯილდოს მფლობელი გახდა თბილისის, მცხეთის და რუსთავის წყალმომარაგების სისტემების მართვაზე პასუხისმგებელი კომპანია, იგივე GWP-ის და ენერგეტიკული ობიექტების აქამდე მმართველი კომპანია GGU. კომპანიამ ორი პრესტიჟული ჯილდო მოიპოვა. #ახალიამბები #BusinessMediaGeorgia
“ავერსი”-ს ევროპული თავგადასავალი - მორიგი გამარჯვებულები პარიზში მიემგზავრებიან #ახალიამბები #BusinessMediaGeorgia
ნატოს ქვეყნები წელს 50 მლრდ დოლარის ჩადებას აპირებენ უკრაინაში, ეს არის წინასწარი ინფორმაცია და თუ ეს დადასტურდა, უკრაინა საკმაოდ მნიშვნელოვნად გაიმაგრებს ზურგს რუსეთთან ომში, თუმცა, გათვლა იმაზე, რომ პრეზიდენტ ტრამპის პირობებში, უკრაინა გახდეს ნატოს წევრი, დაივიწყეთ - ღიად და გაჭრილად უთხრა მედიას, ნატოს გენმდივანმა,ტრამპთან ურთიერთობაში კარგად გაწაფულმა მარკ რიუტემ. ნატოს წევრმა ქვეყნებმა აიღეს ვალდებულება რომ გაზარდონ სამხედრო ანუ თავდაცვის ხარჯების მთლიანი შიდა პროდუქტის 5 % მდე, შეთანხმებულ და ხელმოწერილ კომუნიკეში ისიც წერია, რომ ჩრდილოატლანტიკური ალიანსის წევრი ქვეყნები არიან ფუნდამენტური საფრთხეების პირისპირ და გრძელვადიან საფრთხეებს შორის, კონკრეტულად ხაზგასმულია რუსეთის ფაქტორი. #ახალიამბები #BusinessMediaGeorgia
დღეს, ანუ 27 ივნისს, ოღონდ გასული საუკუნის 1954 წელს, მსოფლიოში პირველი ატომური ელექტროსადგური ამუშავდა. ატომური ენერგეტიკისადმი და მისი საგენერაციო სადგურებისადმი განსხვავებული მიდგომები არსებობდა და არსებობს, ფაქტია, ატომური სადგურები იბრუნებენ მიმზიდველობას ჩემორნობილის ტრაგედიის შემდეგ. რას გვიყვება დრო, სად და როდის შეიქმნა პირველი ატომური ელექტროსადგური? #ახალიამბები #BusinessMediaGeorgia
#საქმიანიდილა - 27 ივნისი - პროლოგი #ახალიამბები #BusinessMediaGeorgia
52 წელი კბილის ჯაგრისით მუცელში #ახალიამბები #BusinessMediaGeorgia
პირველი დამლაგებელი რობოტი - LOKI #ახალიამბები #BusinessMediaGeorgia
მივიღეთ გადაწყვეტილება, სრულად ავკრძალოთ ჩანაცვლებითი თერაპიის პროგრამების განხორციელება კერძო სუბიექტების მიერ, - ამის შესახებ "ქართული ოცნების" მთავრობის პრემიერ-მინისტრმა ირაკლი კობახიძემ განაცხადა. როგორც მან აღნიშნა, საზოგადოებაში არსებობს საფუძვლიანი ვარაუდი, რომ კერძო კომპანიების მიერ გაწეული მომსახურება, ხშირ შემთხვევაში, არა პაციენტის განკურნებას, არამედ მისთვის ნარკოტიკული საშუალების ლეგალურად მიწოდებას ისახავს მიზნად. რა შედეგის მომტანი იქნება ცვლილება და ზოგადად რა ნარკოპოლიტიკას ეწევა ქვეყანა? სტუმარი: ვატო სურგულაძე - ჯანდაცვის მენეჯმენტის სპეციალისტი #ახალიამბები #BusinessMediaGeorgia
სამშენებლო და სარემონტო მასალების სექტორის შემოსავლის თითქმის ⅔, 65.8% იმპორტულ პროდუქტზე მოდის. როგორც Galt & Taggart-ის 2024 წლის სექტორულ კვლევაშია აღნიშნული, სექტორის ძირითადად იმპორტზეა დამოკიდებული, თუმცა ზოგიერთ ქვესექტორში ადგილობრივი წარმოების პროდუქცია ჭარბობს. კერძოდ, სამშენებლო მასალების ქვესექტორში, რომლის შემოსავალმაც 2024 წელს $2.1 მილიარდი შეადგინა, 66.7% ადგილობრივ წარმოებაზე მოდის: "რასაც ხელს უწყობს ძლიერი ადგილობრივი ინდუსტრია, ხოლო ტრანსპორტირების სირთულეები და ფასი იმპორტს აფერხებს. სარემონტო მასალებისა და ავეჯის ქვესექტორებში, რომელთა ჯამური შემოსავალიც $3.0 მილიარდია, შემოსავლის ძირითადი წილი იმპორტზე მოდის. კერძოდ, სარემონტო მასალების შემთხვევაში ეს მაჩვენებელი 82.3%-ია, ავეჯის კი - 76.7%. Galt & Taggart-ის კვლევაში აღნიშნულია, რომ ადგილობრივი წარმოება რამდენიმე ნიშურ სეგმენტს ფარავს. რაც შეეხება საოჯახო ტექნიკას, მისმა შემოსავალმაც $600 მილიონი შეადგინა, ის თითქმის სრულად იმპორტულ პროდუქტზეა დამოკიდებული. ერთადერთი ტექნიკა, რომელსაც საქართველო აწარმოებს, წყლის გამაცხელებელია, რომელთა ძირითადი ნაწილის ქვეყნიდან ექსპორტზე გადის. სტუმრები: გიორგი დაბრუნდაშვილი - "ეშლი ჰოუმსთორი საქართველოს” გენერალური მენეჯერი; გიორგი გოგნაძე - „ლაზიერი“ აღმასრულებელი დირექტორი; #ახალიამბები #BusinessMediaGeorgia
რომელი პროდუქტებით (ვერ) აკმაყოფილებს საქართველო საკუთარ მოთხოვნას? - როგორ გავზარდოთ თვითუზრუნველყოფის კოეფიციენტი სტუმრები: რევაზ ვაშაკიძე - “ჩირინას” დამფუძნებელი; ლევან სილაგავა - მეხორბლეთა ასოციაციის ხელმძღვანელი; გოჩა ცოფურაშვილი - სოფლის მეურნეობის დარგის სპეციალისტი #ახალიამბები #BusinessMediaGeorgia
გუშინ სასტუმრო ტელეგრაფშია LSG Solutions-ის საიუბილეო ღონისძიება გაიმართა, სახელწოდებით "5-Year Journey – Delivery Partner". დიზაინისა და პროექტების მართვის კომპანიამ პარტნიორებს, საჯარო და კერძო სექტორის წარმომადგენლებს გააცნო ხუთწლიანი საქმიანობის შედეგები და სამშენებლო ინდუსტრიაში პარტნიორობის ინოვაციური მოდელის — Delivery Partner-ის — დანერგვა დააანონსეს. Delivery Partner წარმოადგენს მომსახურების ახალ სტანდარტს, რომელიც სცილდება ტრადიციული სამშენებლო ზედამხედველობის ჩარჩოებს. მოდელი აერთიანებს პროექტის სრულ ციკლს, იდეის გაჩენიდან მის ექსპლუატაციამდე — და დამკვეთს სთავაზობს გრძელვადიან შედეგებზე ორიენტირებულ, პასუხისმგებლობასა და ნდობაზე დაფუძნებულ პარტნიორობას. სტუმარი: სოსო ბერიძე - LSG Solutions-ის მმართველი პარტნიორი, გენერალური დირექტორი #ახალიამბები #BusinessMediaGeorgia
დეველოპერული კომპანია ზიონის გამორჩეულ, პრემიუმ კლასის პროექტზე უნდა ვისაუბროთ, ეს არის “ზიონი კრწანისში საელჩოებთან” - საცხოვრებელი კომპლექსი, რომელიც თბილისის დიპლომატიურ უბანში შენდება და როგორც მისის მესვეურები განმარტავენ, აერთიანებს როგორც თანამედროვე არქიტექტურას, ისე მაღალი ხარისხის მშენებლობასა და ცხოვრების გამორჩეულ სტილს. უპირატესობაა ასევე ეფექტური დაგეგმარება, იზოლაციის პრემიუმ სისტემები და რეკრეაციული ზონა, რომ აღარაფერი ვთქვათ გამაჯანსაღებელი სივრცეების მრავალფეროვნებაზე. სტუმრები: ნათია ცხადაია - "ზიონის" ბიზნესის განვითარების ხელმძღვანელი; მატეო ნუნზიატი - "მატეო ნუნზიატის ინტერიერის დიზაინის სტუდიის" დამფუძნებელი, ინტერიერის დიზაინერი, არქიტექტორი #ახალიამბები #BusinessMediaGeorgia
ვინ არიან ავეჯის წარმოების ბიზნესის გლობალური გიგანტები? #ახალიამბები #BusinessMediaGeorgia
"გოგორა" - ეს არის კომპანია, რომელიც ერთი მხრივ საბავშვო ავეჯის წარმოებაზეა ორიენტირებული, მეორე მხრივ კი სოციალურ პროექტებს ახორციელებს და ცდილობს ქვეყანაში ბავშვთა განმავითარებელი ავეჯის მიმართ ცნობიერება ამაღლდეს. უნდა ვთქვათ ისიც, რომ გოგორას პროდუქტით ადგილობრივ მომხმარებელთან ერთად, უკვე საერთაშორისო ბაზრებიც ინტერესდებიან. სტუმარი: ნინო რაზმაძე - “გოგორა”, თანადამფუძნებელი მარიამ იზორია - #მხოლოდქართული, ავტორი; #ახალიამბები #BusinessMediaGeorgia
44 წლის წინ, დღეს უკვე ტექნოლოგიურმა გიგანტმა მაიკროსოფტმა უდიდესი ნაბიჯი გადადგა განვითარების გზაზე და ოფიციალურად ჩამოყალიბდა როგორც კორპორაცია. ეს მას შემდეგ მოხდა, რაც კომპანიამ IBM-თან უმნიშვნელოვანესი ხელშეკრულება გააფორმა და ამ უკანასკნელის პერსონალური კომპიუტერებისთვის ოპერაციული სისტემის მიწოდებაზე აიღო პასუხისმგებლობა. 1981 წლის 25 ივნისს მაიკროსოფტის კორპორაცია ოფიციალურად დარეგისტრირდა ვაშინგტონში, მისი პრეზიდენტი და გენერალური დირექტორი კი კომპანიის დამფუძნებელი ბილ გეიტსი გახდა. სწორედ ამ გარდამტეხი თარიღიდან იწყება ტრანსფორმაცია პატარა, პროგრამული უზრუნველყოფის მიმწოდებელი კომპანიიდან გლობალურ ტექნოლოგიურ გიგანტამდე. #ახალიამბები #BusinessMediaGeorgia
დღევანდელ დღეს 47 წლის წინ ისტორიაში ერთ-ერთმა უდიდესმა მოკრივემ, მუჰამედ ალიმ პროფესიონალური კარიერა დაასრულა. მის კარიერას წინ უძღოდა უამრავი მსოფლიოს საჩემპიონო ქამარი, ლეგენდარული ბრძოლები და სოციალური აქტივიზმი, რამაც მისი მასშტაბი სპორტზე უფრო დიდი გახადა. ვინაიდან მუჰამედ ალის საბრძოლო კარიერა მეტ ნაკლებად ყველასთვის ცნობილია, ამიტომაც გადავწყვიტეთ კრივი შედარებით მეორე ფლანგზე გადავწიოთ და მისი ნაკლებად ცნობილი მხარე გავიხსენოთ. ანუ ალის სოციალური აქტივობები და პიარ თუ მედია წარმომადგენლებთან ურთიერთობა. #ახალიამბები #BusinessMediaGeorgia
ქართულმა ფინტექ-კომპანია Keepz-მა ბიზნესისთვის გადახდების მიღების ახალი გზა შექმნა. ბმულით გადახდის ფუნქციონალს უკვე არაერთი ქართული კომპანია იყენებს, განსაკუთრებით საინტერესო კი ეს პროდუქტი სამშენებლო და დეველოპერული სექტორისთვის აღმოჩნდა. “მონოლით ჯგუფი” ერთ-ერთი პირველი კომპანია იყო, რომელმაც Keepz-ის ბმულით გადახდა დანერგა და მომხმარებლის ცხოვრება გაამარტივა. რა არის და როგორ მუშაობს Keepz-ის ბმულით გადახდა? #ახალიამბები #BusinessMediaGeorgia
მსოფლიოს უმდიდრესი ადამიანები საცხოვრებლად ისეთ ქალაქებს ანიჭებენ უპირატესობას, რომლებიც მეგობრული საგადასახადო პოლიტიკით, ცხოვრების მაღალი ხარისხითა, უსაფრთხოებით, ეკონომიკური სტაბილურობითა და გამართული სამართლებრივი მექანიზმებით გამოირჩევა. რომელი ქალაქები აკმაყოფილებენ სხვებზე მეტად ამ კრიტერიუმებს და სად იყრის თავს ყველაზე მეტი მილიონერი - ამ კითხვებზე საპასუხოდ Henley and Partners-მა უახლესი კვლევა წარმოგვიდგინა. #ახალიამბები #BusinessMediaGeorgia
საათების მწარმოებელმა შვეიცარიულმა კომპანია Urwerk-მა დავით კაკაბაძესთან კოლაბორაციით ახალი საათი UR-100V TIME AND CULTURE III წარადგინა. აღნიშნულ ინფორმაციას საათების მწარმოებელი სახლის ოფიციალურ ვებგვერდსა და სოციალურ არხებზე აქვეყნებს. საათების მსოფლიო ბრენდისა და დავით კაკაბაძის თანამშრომლობის შედეგის შესახებ Facebook-ის პირად გვერდზე ბიზნესმენმა რესან ქიქავამ დაწერა. როგორც მან BM.GE-სთან აღნიშნა, ეს არის უნიკალური საათი, რომელიც ოქროსია და URWERK-ისთვის მინანქარში შესრულებული პირველი ნამუშევარია. ამ დროისთვის საათის ღირებულება უცნობია. შვეიცარიული საათების ერთ-ერთმა ყველაზე ცნობილმა მწარმოებელმა Urwerk-მა, David Kakabadze Art Studio-სთან თანამშრომლობით, თავის ერთ-ერთ ყველაზე გაყიდვად მოდელზე, ქართველების მიერ ტიხრულ მინანქარში შესრულებული ციფერბლატი ჩასვა, სვეტიცხოვლის საკათედრო ტაძრის კედლიდან აღებული მაცხოვრის ფრესკის გამოსახულებით. აღსანიშნავია, რომ არა მხოლოდ მინანქრის ნაწილი, არამედ თავად ციფერბლატის ეს რთულად შესასრულებელი ფორმა, დავით კაკაბაძის სტუდიაში დამზადდა, რაც მნიშვნელოვანი საინჟინრო მიღწევაა. #ახალიამბები #BusinessMediaGeorgia
#საქმიანიდილა - 26 ივნისი - პროლოგი #ახალიამბები #BusinessMediaGeorgia