ელექტრომობილებზე მოთხოვნის ზრდის ტენდენციებიდან და მომხმარებლების ინტერესიდან გამომდინარე, ლაიონ გრუპმა თავის ერთ-ერთი პლატფორმა - lion auto auction-ის საშუალებით ელექტრომობილების პოპულარიზაციაში აქტიურად ჩაერთო და მის შოურუმში, ბელიაშვილის #43, სრულად ახალი ელექტრომობილები წარადგინა. ლევან სუხიტაშვილი - Lion Group-ის დირექტორი; #ახალიამბები #BusinessMediaGeorgia
აჭარაში ამჟამად განხორციელებული ვიზიტების რაოდენობა 1 მილიონ 200 ათასს აღემატება- ამის შესახებ აჭარის მთავრობის სხდომაზე მთავრობის თავმჯდომარემ თორნიკე რიჟვაძემ განაცხადა. მისი თქმით, ტურისტების მსგავსი მასშტაბური რაოდენობა სრულად შეესაბამება სეზონის დასაწყისში არსებულ გეგმებსა და მოლოდინებს. ვიზიტორთა ნაკადები და სტატისტიკა მზარდია როგორც 2022 წელთან, ასევე 2019 წელთან შედარებით. გაზრდილია ვიზიტების რაოდენობა სამიზნე ქვეყნებიდან : გერმანია +12.3%, ისრაელი 25%, ლატვია +241.4%, ლიეტუვა +136%, ყაზახეთი +98.7%, ბრიტანეთი +41.2%, საუდის არაბეთი +31%, თურქეთი +51.1%. რამდენად მხარჯველუნარიანი ტურისტები გვსტუმრობენ წელს როგორც აჭარას ისე სრულად ქვეყანას და როგორია ამ ეტაპზე სარესტორნე ინდუსტრიის შეფასებები? სტუმარი: გურამ ბაღდოშვილი - შეფ-მზარეული, რესტორნების ქსელის დამფუძნებელი; #ახალიამბები #BusinessMediaGeorgia
აქონდროპლაზიის დიაგნოზის მქონე ბავშვების მშობლები დღეს 11სთ-ზე ბრიფინგის გამართვას გეგმავენ. მათი განცხადებით, მედიკამენტის შემოტანის პროტოკოლი 15-დან 20-ივნისამდე უნდა დაემტკიცებინათ, თუმცა ის დღემდე არ დამტკიცებულა. შეგახსენებთ, რომ იშვიათი დაავადებების სახელმწიფო პროგრამას აქონდროპლაზიის დიაგნოზი ოფიციალურად 24 მაისს დაემატა. დოკუმენტს ხელი საქართველოს პრემიერ-მინისტრმა ირაკლი ღარიბაშვილმა მოაწერა, რომლის თანახმად, სახელმწიფო იღებს პასუხისმგებლობას, აქონდროპლაზიის მქონე ადამიანები პროტოკოლით გათვალისწინებული მკურნალობით უზრუნველყოს რაც წამლის გარდა სხვა, ყველა საჭირო პროცედურასა თუ თერაპიას გულისხმობს. დღეს დედები ამბობენ, რომ სამუშაო პროცესი ნდობას კარგავს, რადგან დაპირება და მისი შესრულება ერთმანეთს არ ემთხვევა. რა მოთხოვნას აყენებენ მშობლები? სტუმარი: მაკუნა გოჩიაშვილი - აქონდროპლაზიის დიაგნოზის მქონე ბავშვის მშობელი; #ახალიამბები #BusinessMediaGeorgia
ევროპა გაუსაძლის სიცხეებს ებრძვის. რეკორდულად მაღალი ტემპერატურა ამ დღეებში იტალიაში, საფრანგეთში, ესპანეთში და საბერძნეთსა დაფიქსირდა. იტალიაში, ბარისა და კატანიას პროვინციებში ჰაერი 50 გრადუსამდე გათბა, სიცილიასა და სარდინიაზე კი რეკორდული +45 გრადუსი დაფიქსირდა. მეტეოროლოგები აცხადებენ, რომ მიმდინარე კვირა შესაძლოა, უფრო ცხელი იყოს. მაღალი ტემპერატურის გამო ტყეები იწვის კანარის კუნძულებსა და საბერძნეთში. „ეს ივლისი, სავარაუდოდ, ყველაზე ცხელი თვე იქნება დედამიწაზე ასობით წლის განმავლობაში“-, განუცხადა ჟურნალისტებს NASA-ს გოდარდის კოსმოსური კვლევის ცენტრის დირექტორმა გევინ შმიდტმა გასული კვირის ბოლოს. რა იწვევს ჰაერის ტემპერატურის მკვეთრ ზრდას, უნდა ველოდოთ თუ არა საქართველოში ზაფხულის მეორე ნახევარში სიცხეებს და რა გავლენა ექნება ტემპერატურის მატებას სოფლის მეურნეობაზე? სტუმრები: მირანდა აფაქიძე - სენი, პროექტის კოორდინატორი; სანდრო გუჯაბიძე - სენი, სოფლის მეურნეობის განვითარების ოფიცერი. #ახალიამბები #BusinessMediaGeorgia
#ავიაციისსიახლეები: ქუთაისის აეროპორტში VIP Lounge-ის მოწყობაზე ინტერესთა გამოხატვა გამოცხადდა; საქართველოში ახალმა ავიაკომპანიამ დაიწყო ოპერირება; Georgian Wings თბილისი-ტრაპიზონი და თბილისი-სამსუნის მიმართულებით ფრენების დაწყებას განიხილავს; “რუსეთი სატრანზიტო ცენტრიცაა”- საველიევი; იტალიაში აეროპორტისა და ავიახაზების თანამშრომლები გაიფიცნენ; Pegasus Airlines-მა Airbus-ს 36 საჰაერო ხომალდი შეუკვეთა; ევროპის ყველაზე ქაოსური აეროპორტები - რეიტინგი. კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით #ახალიამბები #BusinessMediaGeorgia
საქართველოს სამოქალაქო ავიაციის სააგენტოს ვებ გვერდზე არსებული ინფორმაციით ქვეყანაში სულ 7 სამოქალაქო აეროპორტები და აეროდრომია. აქედან გამოყენებადი 6-ია აეროპორტი მიმინო ფაქტობრივად უფუნქციოა და მის შესახებ და ფრენებთან დაკავშირებით მიმინოს მიმართულებით ან პირიქით საქართველოს ტურისტულ გაიდლაინებშიც ვერ ნახავთ. ამბროლაური, ნატახტარი, მესტია, ქუთაისი, თბილისი, ბათუმი - დასახელებული აეროპორტებიდან 3 საერთაშორისოა დანარჩენი უფრო სეზონურობის გათვალისწინებით ნაკლებად სტაბილური. რა პოტენციალი გვაქვს ქვეყანაში და რა არის ათვისებული? სტუმრები: მერაბ გუმბერიძე - Aeroclub Aviator-ის თანადამფუძნებელი; გიორგი კაკაშვილი - Aeroclub Aviator-ის თანადამფუძნებელი. #ახალიამბები #BusinessMediaGeorgia
უმუშევრობის პრობლემის საპასუხოდ და ახალგაზრდების სწორი კარიერული განვითარების მხარდასაჭერად, კარიერის სახლი სასერტიფიკატო პროგრამაზე მიღებას აცხადებს. სწავლება 2023 წლის ოქტომბერში დაიწყება და 2024 წლის თებერვალში დასრულდება. ვისთვის არის პროგრამაში მონაწილეობა შესაძლებელი და როგორ? სტუმარი: ლიკა რეხვიაშვილი - კარიერის კონსულტირების სასერტიფიკატო პროგრამის პროექტის მენეჯერი; #ახალიამბები #BusinessMediaGeorgia
ელექტრომობილებზე მოთხოვნის ზრდის ტენდენციებიდან და მომხმარებლების ინტერესიდან გამომდინარე, ლაიონ გრუპმა თავის ერთ-ერთი პლატფორმა - lion auto auction-ის საშუალებით ელექტრომობილების პოპულარიზაციაში აქტიურად ჩაერთო და მის შოურუმში, ბელიაშვილის #43, სრულად ახალი ელექტრომობილები წარადგინა. ლევან სუხიტაშვილი - Lion Group-ის დირექტორი; #ახალიამბები #BusinessMediaGeorgia
დეზინფორმაციასთან ინოვაციური ბრძოლის ბანაკისთვის მონაწილეების შერჩევა იწყება ინოვაციური ტექნოლოგიური ხელსაწყოების გამოყენება დეზინფორმაციის კვლევის პროცესში - ბანაკი, რომელსაც ფორსეტი Zinc Network-თან პარტნიორობითა და USAID-ის მხარდაჭერით მასპინძლობს, სწორედ ამ თემას შეეხება. პროგრამის მიზანი მედიასა და აკადემიაში დეზინფორმაციის კვლევისა და გაშუქების ინოვაციური მეთოდების დანერგვაა. პროგრამის ფარგლებში წარმატებული ჟურნალისტები და სტუდენტები გრანტის მიღების შესაძლებლობით ისარგებლებენ და პროცესი ფინანსურ მხარდაჭერასთან ერთად ინტელექტუალურსაც მოიცავ. მათ შორის ტრენინგებს, მედია კვლევის უნარებს და პრაქტიკულ თუ თეორიულ ცოდნას რაც რამდენიმე ეტაპიანი ბანაკის პირობებში მსურველებისთვის ხელმისაწვდომი გახდება. სტუმარი: ჯუბო ბერიძიშვილი - "ფორსეტის" პროექტების კოორდინატორი; #ახალიამბები #BusinessMediaGeorgia
უპრეცედენტოდ მაღალი ტემპერატურა მსოფლიოში როგორ მოქმედებს უპრეცედენტო სიცხეები ტურიზმზე? როგორი ტურისტული სეზონი აქვს აჭარას? #ახალიამბები #BusinessMediaGeorgia
ზუგდიდში ლიბერთის განახლებული რეგიონალური ფილიალი გაიხსნა. ლიბერთი აგრძელებს ფილიალების ქსელის განვითარებას, ადგილობრივი პროფესიონალების დასაქმებას და მომხმარებელზე მორგებული სერვისებისა და მომსახურებების დანერგვას რეგიონებში. ახალი ფილიალი მომხმარებლებს სთავაზობს ყველა ტიპის საბანკო მომსახურებას, რომელიც სრულად ფარავს მცირე და საშუალო ბიზნესისა და ფიზიკური პირების მომსახურებას. ფილიალი ზუგდიდში, ზ.გამსახურდიას 34-ში მდებარეობს და 80 თანამშრომელია დასაქმებული. ლიბერთის მიზანია, რეგიონში ფინანსურ რესურსსა და საბანკო სერვისებზე ხელმისაწვდომობის გაზრდა და როგორც ფიზიკური ასევე ბიზნესისთვის კომფორტული საბანკო მომსახურების შეთავაზება. ნებისმიერი მომხმარებლის საჭიროებებზე მორგებული ფილიალების გახსნით, ლიბერთი მომსახურების მაღალი სტანდარტის დანერგვისა და განვითარების პროცესს აგრძელებს. ლიბერთი ქვეყნის ერთ-ერთი უმსხვილესი კომერციული ბანკია, რომელიც 1,7 მილიონზე მეტ ფიზიკურ პირს და 50 000-ზე მეტ მცირე და საშუალო ბიზნესს ემსახურება. ბანკის აქტივები 3 მლრდ ლარს შეადგენს და დასაქმებულია 4 500-ზე მეტი თანამშრომელი. ლიბერთი ქვეყნის მასშტაბით წარმოდგენილია ყველაზე ფართო ქსელით - 360-ზე მეტი მომსახურების ცენტრით, 632 ბანკომატით, თვითმომსახურების და POS ტერმინალებით საქართველოს ყველა რეგიონსა და მუნიციპალიტეტში. განვითარებული ინფრასტრუქტურის გარდა, როგორც ფიზიკური, ასევე იურიდიული პირებისთვის ხელმისაწვდომია თანამედროვე ციფრული სერვისები და დისტანციური მომსახურება. თორნიკე კორძაია - "ლიბერთი ბანკის" საცალო საბანკო მიმართულების დირექტორი; #ახალიამბები #BusinessMediaGeorgia
2023 წელი ნაყინის ადგილობრივი მწარმოებლებისთვის გაყიდვების ზრდის კუთხით წარმატებულია, ზრდას კი ძირითადად კომპანიების მიერ ახალი პროდუქტების, ან ფილიალების დამატება იწვევს. რაც შეეხება ნაყინის იმპორტს, იმპორტიორები ამ ეტაპზე საუბრისგან თავს იკავებენ. თუმცა, გეტყვით, რომ ოფიციალური სტატისტიკით, 2023 წლის პირველ ხუთ თვეში საქართველოში 2 მილიონ 103 ათასი დოლარის ღირებულების 419 ათასი ტონა ნაყინი შემოვიდა. რა იწვევს გაყიდვების ზრდას ქართველი მწარმოებლების შემთხვევაში? #ახალიამბები #BusinessMediaGeorgia
სვანეთმა გასულ უქმეებზე მოლაშქრეების მასშტაბურ ღონისძიებას HIGHLANDER-ს უმასპინძლა. ფესტივალმა, რომელიც საქართველოში უკვე მეორედ ტარდება, 10 ქვეყნის 165 მოლაშქრე გააერთიანა, რომლებმაც წინასწარ განსაზღვრული მარშრუტები დათქმულ დროში გაიარეს. პროექტის მიზანი ქვეყანაში მდგრადი ეკოლოგიურად სუფთა სათავგადასავლო ტურიზმის განვითარებაა, რომელსაც HIGHLANDER-ის გუნდთან ერთად მხარს საქართველოს ტურიზმის ეროვნული ადმინისტრაცია, ადგილობრივი მუნიციპალიტეტი და ევროკავშირის, ავსტრიისა და შვედეთის პროექტი გრეტა უჭერენ. რა გამოცდილება მიიღეს HIGHLANDER 2023 წელს როგორც ადგილობრივმა ისე საერთაშორისო ვიზიტორებმა, რა აქტივობებით იყო დატვირთული მოლაშქრეების საერთაშორისო ღონისძიება წელს? #ახალიამბები #BusinessMediaGeorgia
რაჭა-ლეჩხუმის ღვინის ფესტივალი დასრულდა. ფესტივალი ამ ფორმატში უკვე მეორედ ჩატარდა და წელს ცაგერმა უმასპინძლა. ფესტივალში მონაწილეობა 50-ზე მეტმა მცირე, საშუალო და დიდმა მარანმა მიიღო. ადგილზე წარმოდგენილი იყო როგორც ადგილობრივი ჯიშის, ისე მიკროზონის ღვინოები. ფესტივალს ესწრებოდნენ როგორც ადგილობრივები, ისე სხვადასხვა ქალაქიდან და ასევე სხვადასხვა ქვეყნიდან ჩამოსული სტუმრები. მათ შორის ღვინის ექსპერტები და ექსპორტიორები, რაც რაჭა-ლეჩხუმის ღვინის ექსპორტზე გატანას შეუწყობს ხელს. #ახალიამბები #BusinessMediaGeorgia
#საქმიანიდილა - 24 ივლისი - პროლოგი #ახალიამბები #BusinessMediaGeorgia
ენის შემსწავლელ ცნობილ საერთაშორისო პლატფორმა LingQ–ზე ქართული ენის დამატება. ეს არის პირველი შემთხვევა, როდესაც ენაზე, რომელზეც დაახლოებით 3,7 მლნ ადამიანი საუბრობს, ასეთ დიდ პლატფორმაზე გამოჩნდა. ქართული ენის სწავლა შესაძლებელია როგორც LingQ-ს ვებსაიტზე, სადაც უფასო ანგარიშით უნდა დარეგისტრირდეთ, ისე მობილური აპლიკაციის მეშვეობით. დარეგისტრირების და ქართული ენის არჩევის შემდეგ მოსწავლეს პლატფორმაზე სხვადასხვა შინაარსის მასალა დახვდება. მათ შორის, მოკლე ამბების 60 გაკვეთილიც, რომელიც აღწერს ყოველდღიურ სიტუაციებს. აქ არის დიალოგები, ნაწყვეტები ქართულად გახმოვანებული ფილმებიდან, მუსიკა, ლექსები და ყველაზე გავრცელებული ფრაზები. გაკვეთილები შედგება აუდიოსა და მისი შესატყვისი ტრანსკრიპტისგან. LingQ-ს სისტემა იყენებს ქართულ ღია საინფორმაციო წყაროებს, მათ შორის, სატელევიზიო გადაცემებს და ფილმებს. #ახალიამბები #BusinessMediaGeorgia
ყაზახური მხარე პრიორიტეტს ანიჭებს ტრანსკასპიური საერთაშორისო სატრანსპორტო მარშრუტის (TITR) პოტენციალის გაზრდას – ამის შესახებ კიდევ ერთხელ გახდა ცნობილი პრეზიდენტ ყასიმ-ჟომართ თოყაევისა და შუა აზიის ქვეყნების ლიდერებისა და სპარსეთის ყურის არაბული ქვეყნების თანამშრომლობის საბჭოს პირველი სამიტის დროს. ყაზახეთის ხელისუფლება ქვეყნის ენერგორესურსების სატრანსპორტო მარშრუტების დივერსიფიკაციაში აქტიურად მონაწილეობს. ყაზახეთის პრეზიდენტი ენერგეტიკული თანამშრომლობის გაღრმავებას მნიშვნელოვან სფეროდ მიიჩნევს. მისი მონაცემებით, ცენტრალური აზიის ქვეყნებს 30 მილიარდ ტონაზე მეტი ნავთობისა და 20 ტრილიონ კუბურ მეტრზე მეტი გაზის დადასტურებული მარაგი აქვთ. რაც შეეხება TITR ჩინეთის, ყაზახეთის, კასპიის ზღვის, აზერბაიჯანის, საქართველოსა და შემდგომ ევროპის ქვეყნების ტერიტორიაზე გადის. ამ მარშრუტით კონტეინერების გადაზიდვა სარკინიგზო და საზღვაო გზით მიმდინარეობს. რა პოტენციალი იკვეთება საქართველოსთვის და რას უნდა აკეთებდეს ქვეყანა უკვე იმისთვის, რომ შექმნილ ვითარებაში მხოლოდ სატრანზიტო ფუნქციას არ დასჯერდეს და რეგიონში რეალურ მოთამაშედ იქცეს? სტუმარი: ლევან სულაბერიძე - ყაზახურ-ქართული ეკონომიკური გაერთიანების ტრანსპორტისა და ლოგისტიკის კომიტეტის თავმჯდომარე; #ახალიამბები #BusinessMediaGeorgia
ხორბლის შეთანხმება - გაუვა თუ არა რუსეთს მსოფლიოს შანტაჟი? სტუმარი: ლევან ჯანაშია - "აგროექსპორტის" დამფუძნებელი #ახალიამბები #BusinessMediaGeorgia
BMG & Jeep Georgia წარმოგიდგენთ #BMGDRIVE-ს Euro U21 - როგორი მასპინძელი იყო საქართველო? - ბიძინა ბარათაშვილის მოსაზრება; #BMGDRIVE-ის მგზავრი: ბიძინა ბარათაშვილი - სპორტული ჟურნალისტი; ავტორები: ბექა ბაციკაძე, გურამ ხუნდაძე, კაკი პაიჭაძე. #ახალიამბები #BusinessMediaGeorgia
34 ქვეყანას შორის 180 მონაწილიდან პროექტების მართვის შეჯიბრში საქმიანი დილას ამ ბლოკის სტუმრის გუნდმა პირველი ადგილი დაიკავა. ზურაბ პერტაია შემოგვიერთდა სტუდიაში, რომლის 4 კაციანმა გუნდმაც 24 საათში 4 დავალება დანარჩენ 176 მონაწილეზე უკეთ შეასრულა და გამარჯვებაც არავის დაუთმო. რას წარმოადგენს პროექტების მართვის შეჯიბრი, რა უნარებსა და კვალიფიკაციას საჭიროებს? სტუმარი: ზურაბ პერტაია - Edutech-ის დამფუძნებელი #ახალიამბები #BusinessMediaGeorgia
რას სთავაზობს ალდაგი ელ. მანქანების მფლობელებს, რა ხდება ინდუსტრიაში ინფრასტრუქტურის და ავტომობილების სერვისის კუთხით, ასევე რატომ უნდა ავირჩიოთ ელექტრომობილი, რომელიც გარდა ეკოლოგიაზე ზრუნვისა, ზრუნავს ჩვენს ფინანსებზე და დროზე. მათე ნარსია - „ალდაგის“ საცალო გაყიდვების განყოფილების უფროსი; თემურ ჭანტურია - „თიემ ჯგუფის“ დამფუძნებელი; #ახალიამბები #BusinessMediaGeorgia
გლობალური ბაზრების მიმოხილვა “თიბისი კაპიტალისგან” სტუმარი: თორნიკე მჭედლიშვილი, "თიბისი კაპიტალის" საბროკერო მიმართულების ვიცე-პრეზიდენტი #ახალიამბები #BusinessMediaGeorgia
ავტომობის მომხმარებლისთვის შეთავაზება აქვს. კომპანიამ 40-60% აქცია დაიწყო, რომლის ფარგლებშიც ავტომობილის შეძენის მსურველს შეუძლია შეძენისას თანხის მხოლოდ 40% გადაიხადოს, დარჩენილი ნაწილი კი მას შემდეგ დაფაროს, რაც ავტომობილი საქართველოში, კერძოდ კი ფოთის პორტში ჩამოვა. ამ პროცესებს კიდევ უფრო ამარტივებს კომპანიის პროფესიონალთა გუნდი, რომლებიც მომხმარებელს სასურველ ავტომობილთან დაკავშირებით დეტალურ ინფორმაციას აწვდიან. რას გულისხმობს აღნიშნული აქცია? სტუმარი: ნინო ჩანადირი - Automoby.ge-ის მმართველი პარტნიორი; #ახალიამბები #BusinessMediaGeorgia
საქართველოში ყველაზე მსხვილმა ინვესტორმა, ჯორჯიან უოთერ ენდ ფაუერის ახალმა მმართველმა კომპანია Aqualia-მ, მედიასთან პირველი საჯარო შეხვედრა გამართა. შეხვედრაზე ხაზი გაესვა ევროპული გამოცდილების მქონე ინვესტორის საქართველოში შემოსვლის მნიშვნელობას და კომპანიის წარმომადგენლებმა GWP-ის მიმდინარე ცვლილებებისა და სამომავლო ხედვის შესახებ ისაუბრეს. შეგახსენებთ, რომ გასულ წელს, ესპანურმა კომპანია Aqualia-მ 180 მილიონ დოლარიანი ინვესტიცია განახორციელა და "ჯორჯიან უოთერ ენდ ფაუერი" შეიძინა. #ახალიამბები #BusinessMediaGeorgia
ჯპს კლუბი და შერატონ მეტეხი პალასი საზაფხულო ღონისძიებისთვის გაერთიანდნენ. სასტუმროს აუზის ტერიტორიაზე ჯპს-ისა და შერატონის ლოიალური მომხმარებლები მნიშვნელოვანი საღამოს მონაწილენი გახდნენ. ღონისძიების სპონსორი ფრანგული, კოსმეტიკური ბრენდი ატირანსი იყო. როგორც ჯპს-ში ამბობენ, „წელს კომპანიამ „ჯპს კლუბის“ სახით ლოიალურ მომხმარებლებს ერთ-ერთი მნიშვნელოვანი პროექტი შესთავაზა. ჯიპისი კლუბი - ეს არის ახალი პროექტი, რომელიც საშუალებას გაძლევთ დაესწროთ უამრავ საინტერესო მასტერკლასს თუ ტრენინგს და მიიღოთ საინტერესო რჩევები, ასევე ინფორმაცია სხვადასხვა სფეროს წარმატებული პროფესიონალებისგან. #ახალიამბები #BusinessMediaGeorgia
გაუმჯობესებული ინფრასტრუქტურა, ახალი დიზაინ კონცეფცია, ლოიალობის სრულყოფილი სისტემა და სათქმელი - „კეთილი მგზავრობა“, - სწორედ ეს არის ნავთობპროდუქტების კომპანია „ვისოლის“ ბრენდის განახლებული სტრატეგია, რომლის პრეზენტაციაც გუშინ გაიმართა. როგორც „ვისოლ ჯგუფში“ აცხადებენ, ინფრასტრუქტურის განახლება ეტაპობრივად დაიწყება. ახალი ლოიალობის სისტემით კი „ვისოლის“ ერთგული მომხმარებლები სატელეფონო აპლიკაციის საშუალებით მომენტალურად ისარგებლებენ. რას მოიცავს ბრენდის განახლებული სტრატეგია? #ახალიამბები #BusinessMediaGeorgia
ინტერვიუ თემურ ჭყონიასთან - ნაწილი I "ბიზნესი მიჰყვება თანამედროვე მოთხოვნებს" "ბიზნესი 30- წლიანი ჩაკეტილი წრიდან ახალგაზრდობის ჩართულობით გამოვიდა" "საზოგადოებას არ აინტერესებს რას წარმოვადგენ, მათ აინტერესებს ვისთვის წარმოვადგენ.." "Mcdonalds Georgia & CoCa Cola წელს ხელფასებზე 61 მლნ-ს გასცემს" "კახა კალაძე ჩემი მეგობარია" "ფოტო კვარაცხელიასთანაც მაქვს გადაღებული, მაგრამ ნაპოლიში თამაშს არ ვაპირებ" "ჩვენთან მინიმუმ 3500 და სეზონზე 5000-მდე ადამიანი მუშაობს" "მე, ყველას პატივს ვცემ თავისი საქმიდან, ადგილიდან გამომდინარე.." თემურ ჭყონია - "კოკა კოლა ბოთლერ ჯორჯიას" დამფუძნებელი; გიორგი ისაკაძე - BMG-ის გენერალური პროდიუსერი; #ახალიამბები #BusinessMediaGeorgia
#საქმიანიდილა - 21 ივლისი - პროლოგი #ახალიამბები #BusinessMediaGeorgia
2023 წლის ივნისში, მაისთან შედარებით, საქართველოში სასტუმროები 6.3%-ით გაძვირდა. PMC კვლევითი ცენტრის მიმოხილვის თანახმად, 3, 4 და 5-ვარსკვლავიანი სასტუმროების ფასების ინდექსი 7.8%-ით გაიზარდა, ხოლო საოჯახო ტიპის სასტუმროების ფასები 0.9%-ით შემცირდა. აღსანიშნავია, რომ წინა თვეში, საქართველოში 3-ვარსკვლავიანი სასტუმროების საშუალო ფასი 186 ლარი იყო, 4-ვარსკვლავიანი სასტუმროების საშუალო ფასი - 262 ლარი, ხოლო საოჯახო ტიპის სასტუმროების საშუალო ფასი - 133 ლარი. რაც შეეხება 5-ვარსკვლავიან სასტუმროს ყველაზე ძვირი გურიაშია და ცხადია ამ შემთხვევაში საუბარია პარაგრაფზე. სტუმარი: ნანა ქაჯაია - PMC უმცროსი მკვლევარი; #ახალიამბები #BusinessMediaGeorgia
თბილისის საბავშვო ბაგა-ბაღებში 2023-2024 სააღმზრდელო წლისთვის ელექტრონული რეგისტრაციის მეორე ეტაპი მიმდინარეობს, რომელშიც მხოლოდ თბილისის მუნიციპალიტეტის ტერიტორიაზე რეგისტრირებული ბავშვები მონაწილეობენ. 25 ივლისიდან კი დაიწყება მესამე საყოველთაო რეგისტრაცია, სადაც 7 500-მდე თავისუფალ ადგილზე მიღება გამოცხადდება. თბილისის საჯარო ბაღებში ჩარიცხვის შესაძლებლობა 2-დან 6 წლამდე ასაკის ნებისმიერ ბავშვს როგორც საქართველოს მოქალაქეობის, ისე ბინადრობის ნებართვის მქონე პატარებს ეძლევათ. სტუმარი: გოგი ჩიქოვანი - თბილისის საბავშვო ბაგა-ბაღების მართვის სააგენტოს ხელმძღვანელი; #ახალიამბები #BusinessMediaGeorgia
აგვისტოში თბილისში ბინის დაქირავება დღიურად 18-დან 145 დოლარამდეა შესაძლებელი. Airbnb-ზე თბილისში 1000-ზე მეტი ობიექტია წარმოდგენილი, მათ შორის შეხვდებით სახლებსა და სასტუმროებსაც. ჯამურად რამდენი ბინაა რეგისტრირებული ქვეყნის მასშტაბით და როგორ შეიცვალა ფასები ზაფხულის სეზონზე? სტუმარი: ნიკა ანჯაფარიძე - კომპანია Wehost-ის დამფუძნებელი; #ახალიამბები #BusinessMediaGeorgia
2023 წლის 6 თვეში საქართველოდან უცხოეთში $3 მილიარდის ღირებულების საქონლის ექსპორტი განხორციელდა, რაც წინა წელთან შედარებით 19%-ით მეტია. სტატისტიკის მიხედვით #1 ადგილს მსუბუქი ავტომობილების რეექსპორტი იკავებს, რამაც წლის პირველ ნახევარში 990 მილიონ დოლარს მიაღწია, შესაბამისად ვაჭრობის ერთი მესამედი სწორედ ავტომობილებზე მოდის. წლიურად კი მისი ექსპორტი 267%-ით არის გაზრდილი. $341 მილიონით მეორე ადგილზეა სპილენძის მადნები და კონცენტრატები, რომლის ექსპორტიც წლიურ ჭრილში 36%-ით არის შემცირებული. სანაცვლოდ გაზრდილია ღვინის, სპირტიანი სასმელების, მინერალური წყლებისა და სხვა დასახელებების საქონლის ექსპორტი. ტოპ 1- პროდუქტის შესახებ ჩამონათვალს გრაფიკაზე ხედავთ. ანგარიშის თანახმად, საქართველოს მთავარი საექსპორტო ბაზარი სომხეთია, სადაც წლის პირველ ნახევარში 440 მილიონი დოლარის საქონელი გავიდა (ზრდა 122%); მეორე ადგილს აზერბაიჯანი იკავებს $413 მილიონი დოლარის ექსპორტით (ზრდა 44%), მესამე პოზიციაზე კი რუსეთია $344 მილიონი დოლარის ექსპორტით, სადაც ზრდა 34%-ია. რაც შეეხება ევროკავშირს, მასში ექსპორტი შემცირებულია, თუკი 2022 წლის პირველ ნახევარში საქართველოდან EU-ში 432 მილიონის ღირებულების საქონელი გავიდა, წელს ექსპორტმა მხოლოდ $398 მილიონი დოლარი შეადგინა. სტუმარი: გვანცა მელაძე - ექსპორტის განვითარების ასოციაციის ხელმძღვანელი; #ახალიამბები #BusinessMediaGeorgia
საქართველოს ბიზნეს ასოციაციას 2005 წელს დაფუძნებული კომპანია „მეგობრობა“ შეუერთდა. თავდაპირველად კომპანია ალუმინის და მეტალოპლასტმასის კარ-ფანჯრის დამზადებაზე მუშაობდა, თუმცა დღეს მრავალპროფილურ საწარმოს წარმოადგენს და მომხმარებელს 100-მდე დასახელების პროდუქტს სთავაზობს. კომპანიის პორტფელშია M Tower ორთაჭალა, რომლის მშენებლობაც „მეგობრობამ“ 2022 წელს დაიწყო. სტუმრები: ლევან ვეფხვაძე - საქართველოს ბიზნეს ასოციაციის აღმასრულებელი დირექტორი; მამუკა არევაძე - კომპანია „მეგობრობის“ დამფუძნებელი; ნოდიკო ტატიშვილი - კომპანია „მეგობრობის“, პიარ მენეჯერი; #ახალიამბები #BusinessMediaGeorgia
რას ნიშნავს ქვეყნისთვის IMF-ის პროგრამის შეჩერება? სტუმარი: ალექსანდრე რაქვიაშვილი - პარლამენტარი; #ახალიამბები #BusinessMediaGeorgia
#საქმიანები: რასაც დასთეს იმას მოიმკი - ლაგაზიძეების პურ-ღვინო შოთა ლაგაზიძე - "ლაგაზის მარანი"; ნათია მაჭარაშვილი - "ლაგაზის მარანი"; ავტორები: მანანა მანჯგალაძე, ედგარ ყაზახაშვილი, ლადო ცხადაია. #ახალიამბები #BusinessMediaGeorgia
TravelSupermarket-ის მონაცემების მიხედვით ევროპის ყველაზე პოპულარულ საზაფხულო კურორტებზე სამოგზაურო პაკეტების ფასი წინა წელთან შედარებით გაზრდილია. საუბარია, all inclusive ტიპის პაკეტებზე, რომლის ღირებულებაც საშუალოდ 12%-ით არის გაძვირებული. თუმცა, მიუხედავად ამისა, ამ კონტინენტის სხვადასხვა პოპულარულ ტურისტულ ლოკაციაზე არაერთ ისეთ ALL INCLUSIVE სასტუმროს იპოვით, სადაც სრული კომფორტის მიღებას ბიუჯეტურად შეძლებთ. #ახალიამბები #BusinessMediaGeorgia
ონლაინ მარკეტ ვიაროზე გიყვებით საქმიანი დილას ეთერში, რომლის მიზანიც ახალი და მეორადი ავტონაწილების ყიდვის მსურველებისთვის პროცესის გამარტივებაა. ვიაროს პლატფორმაზე ინტეგრირებულია ნაწილების გამყიდველები იგივე მომწოდებლები როგორც ადგილობრივი ბაზრიდან ასევე თურქეთიდან, ემირატებიდან და ევროპიდან რაც მომხმარებელს 10 მლნ-ზე მეტ ნაწილზე წვდომის შესაძლებლობას აძლევს. რა ეტაპზეა დღეს პლატფორმა და როგორ ვითარდება ის? სტუმარი: გიორგი რობაქიძე - "ვიაროს" აღმასრულებელი დირექტორი; #ახალიამბები #BusinessMediaGeorgia
Airbnb-ის მასპინძლები ყველგან ცუდ ზაფხულს ატარებენ – მაგრამ კომპანიის აქციები კვლავ 70%-ით გაიზარდა, რაც სამივე თანადამფუძნებლის ქონებას ზრდის. კერძოდ, აღმასრულებელი დირექტორის ბრაიან ჩესკის წმინდა ქონება წელს თითქმის 80%-ით გაიზარდა. რა არის ცუდი მასპინძლობის მიზეზი და რამ განაპირობა აქციების ზრდა? #ახალიამბები #BusinessMediaGeorgia
ქართული ქუჩის კვება სულ უფრო ვითარდება და თბილისის ქუჩებში სხვადასხვა განსხვავებული კონცეფციის საკვები ობიექტებიც სულ უფრო აქტიურად ჩნდება. გათანამედროვებული და ქუჩის კვებაზე მორგებული ქართული კერძები კი განსაკუთრებით საინტერესო ტურისტებისთვისაა. რომელი ქვეყნის წარმომადგენლები ინტერესდებიან ქართული სთრით ფუდით და რა გამოწვევებია სექტორში? #ახალიამბები #BusinessMediaGeorgia
Galt & Taggart-ის მიმოხილვის თანახმად, თბილისში, 2023 წლის ივნისში, უძრავი ქონების ქირა კვლავ მაღალი დარჩა და წლიურად 43.3%-ით გაიზარდა. ამავე მიმოხილვაში ჩანს, რომ 2023 წლის აპრილიდან ქირის ზრდის ტემპი შემცირების ტენდენციით ხასიათდება. ბინების გაქირავებაზე სპეციალიზებული შუამავალი კომპანიები “საქმიან დილასთან” საუბრისას აღნიშნავენ, რომ ისინი დღეს ბაზარზე ფასის დასტაბილურების, ან მისი კლების ტენდენციას უყურებენ და აქვე განმარტავენ, რომ მოთხოვნა, რომელიც დაახლოებით ერთი წლის წინ ბაზარზე გაჩნდა, დღეს შენელებით ხასიათდება. რასაც მათი თქმით, განაპირობებს ის, რომ რუსეთ-უკრაინის ომის შედეგად საქართველოში შემოსული მიგრანტების ნაკადმა იკლო. #ახალიამბები #BusinessMediaGeorgia
დედაქალაქის სასტუმროებს ყველაზე მეტი ჯავშანი ივნისის თვეში ჰქონდათ, თუმცა სასტუმრო ბიზნესების წარმომადგენლები ამბობენ, რომ აქტივობა აგვისტოს შუა რიცხვებიდან სექტემბრის ჩათვლით კიდევ უფრო გაიზრდება. თბილისის სასტუმროები დამსვენებლებს სხვადასხვა ქვეყნიდან მასპინძლობენ, თუმცა როგორც ისინი აღნიშნავენ პასიურია ევროპული ქვეყნები. როგორი დატვირთულობით ოპერირებენ თბილისში მდებარე სასტუმროები და რა მოლოდინები აქვთ მომდევნო თვეების განმავლობაში? #ახალიამბები #BusinessMediaGeorgia
Visual Capitalist-ი TradingEconomics-ისა და ამერიკის შეერთებული შტატების გეოლოგიური მიმოხილვის მონაცემებზე დაყრდნობით ნედლი ნავთობისა და ლითონის ბაზრის 2022 წლის რეიტინგს აქვეყნებს. თითოეული მათგანის შემთხვევაში, ბაზრის ზომის დასადგენად, ლითონის ბოლო პერიოდის ფასი თითოეულის 2022 წლის გლობალურ წარმოებაზეა გადამრავლებული. წლიური წარმოებისა და ბაზრის ზომის მიხედვით, რომელი ბუნებრივი წიაღისეული მოხვდა, რეიტინგის ათეულში? #ახალიამბები #BusinessMediaGeorgia
ქართული ნატურალური წვენების მწარმოებელი კომპანიები ბაზარზე განვითარებას სტაბილურად განაგრძობენ. თუმცა განვითარების პარალელურად სახეზეა ბევრი პრობლემაც, რომლებსაც ბიზნესები BMG-სთან საუბრისას ასახელებენ. პრობლემებს შორის აქტიურად რჩება პროდუქციის სუპერმარკეტებში გასაყიდად განთავსების საკითხიც. წვენის მწარმოებელი კომპანიები ძირითად გათვლებს საექსპორტო ბაზრებზე აკეთებენ. შესაბამისად დამატებითი ბაზრების ათვისებასაც აქტიურად ცდილობენ. #ახალიამბები #BusinessMediaGeorgia
#საქმიანიდილა - 20 ივლისი - პროლოგი #ახალიამბები #BusinessMediaGeorgia
ესპანელმა პაციენტმა სასწრაფოს მანქანა გაიტაცა #ახალიამბები #BusinessMediaGeorgia
ჯანდაცვის სექტორი ახალი რეგულაციისთვის ემზადება. 1 სექტემბრიდან ძალაში შედის რეანიმაციის და ქირურგიის ახალი სტანდარტები, რომელიც აწესებს შესაბამის პირობებს მათ შორის რეანიმაციული განყოფილების ინფრასტრუქტურული მოწყობის, აღჭურვილობის, სამედიცინო პერსონალის რაოდენობისა და განათლების ვალდებულების კუთხით. სტანდარტი განსაზღვრავს, რამდენი კვადრატული მეტრი უნდა იყოს ერთ საწოლზე, როგორ უნდა იყოს განლაგებული და მოწყობილი შენობა. რეგულაციები ითვალისწინებს ასევე პალატების და მიმღებების მოცულობის გაზრდას. ახალი რეგულაციებით ორ საწოლზე რეანიმაციაში ერთი ექთანი უნდა იყოს, ანუ 10-საწოლიან რეანიმაციაში 5 ექთანი უნდა მუშაობდეს, რაც, კლინიკების წარმომადგენლების თქმით, ფიზიკურად არ არსებობს. სავარაუდოდ სექტემბრიდან, ძალაში შევა ასევე მინიმალური ხელფასის განსაზღვრის შესახებ კიდევ ერთი რეგულაცია და კლინიკებს ექიმებისა და ექთნების შემდეგ სხვა პერსონალთან მიმართებითაც მოუწევთ ხელფასის ქვედა ზღვრის დაცვა, რაც სექტორს დამატებით 9%-ით გაუზრდის სახელფასო ფონდს. პარალელურად სექტორი საერთაშორისო აკრედიტაციის გასავლელად მზადების პროცესში არიან. სამედიცინო სექტორი ამბობს, რომ ყოველ ჯერზე ახალი რეგულაცია შემოდის, რომლის შესახებაც ამოქმედებამდე მცირე ხნით ადრე ხდება მათთვის ცნობილი, ამიტომ სექტორი გრძელვადიან სტრატეგიას ითხოვს. სტუმარი: მარინა დარახველიძე - საქართველოს უნივერსიტეტის ჯანდაცვის სკოლის დეკანი; #ახალიამბები #BusinessMediaGeorgia
USAID-ის ეკონომიკური უსაფრთხოების პროექტის, PMC კვლევითი ცენტრისა და ISET-ის კვლევითი ინსტიტუტის პარტნიორობით სექტორების ანალიტიკის ანგარიში მომზადდა, რომელიც ეკონომიკის სექტორებში არსებულ განვითარების ტენდენციებს და პრობლემებს ასახავს. დოკუმენტიდან ირკვევა, რომ მსუბუქი მრეწველობის სექტორი მნიშვნელოვან ზრდას აჩვენებს. 2022 წლის მდგომარეობით, ავეჯის სექტორის ბრუნვა გაზრდილია 17,7%-ით და 293 მლნ ლარს შეადგენს. 18,8%-იან ზრდას აჩვენებს შესაფუთი მრეწველობის სექტორის ბრუნვა, რამაც თანხობრივად 824 მლნ ლარს მიაღწია. რაც შეეხება სამშენებლო მასალების სექტორს, გასული წლის მდგომარეობით, სექტორის ბრუნვამ 1,7 მლრდ ლარი შეადგინა, რაც 21,6%-იან ზრდას წარმოადგენს. მიუხედავად იმისა, რომ სექტორი იზრდება, განვითარების პროცესს თან ახლავს გამოწვევებიც. მაგალითად, სამშენებლო მასალების სექტორისთვის გამოწვევაა როგორც კადრები, ისე ექსპორტთან დაკავშირებული სტანდარტების დაკმაყოფილება. ერთ-ერთ ბარიერად სახელდება ასევე ქვეყანაში შესაბამისი ლაბორატორიული ინფრასტრუქტურის არარსებობაც, რის გამოც ბიზნესს სერტიფიცირების გასავლელად მასალების ქვეყნის ფარგლებს გარეთ გაგზავნა უწევს. უფრო კონკრეტულად, როგორ ვითარდება ერთ-ერთი მზარდი სექტორი ქვეყანაში და რა გამოწვევები აქვს სამშენებლო მასალების ბიზნესს? სტუმარი: მარიამ ცაიშვილი - სამშენებლო მასალების კლასტერის მენეჯერი; #ახალიამბები #BusinessMediaGeorgia
პირველ ორ კვარტალში საქართველოს 2,8 მილიონი საერთაშორისო მოგზაური სტუმრობდა, რაც პანდემიამდელ პერიოდის მაჩვენებლების 74%-იან აღდგენას წარმოადგენს. მხოლოდ მეორე კვარტალში ქვეყანას 1,6 მილიონზე მეტი საერთაშორისო მოგზაური ეწვია- ასეთია ოფიციალური სტატისტიკა, რომელსაც ტურიზმის ეროვნული ადმინისტრაცია ავრცელებს. Ამასთან, ადმინისტრაცია ამბობს, რომ საერთაშორისო მოგზაურებისა და საერთაშორისო ტურისტული ვიზიტების რაოდენობას მსოფლიო ტურიზმის ორგანიზაციის რეკომენდაციით შემუშავებული მეთოდოლოგიის მიხედვით ითვლის და სტატისტიკა უკვე განხორციელებულ და დასრულებულ ვიზიტებს მოიცავს. ტურიზმის ბიზნესი კი ამბობს, რომ ოფიციალური სტატისტიკა მნიშვნელოვნად განსხვავდება იმ რეალობისგან, რაც ტურიზმის სფეროშია. სასტუმროების ფედერაციაზე დაყრდნობით შეგვიძლია ვთქვათ, რომ გასულ წელთან შედარებით სასტუმროების დატვირთულობა 15%-ით არის შემცირებული, გაცილებით დრამატულად გამოიყურება სურათი, თუ მიმდინარე ვითარებას 2016-17 წლებს შევადარებთ, სადაც სასტუმროებს შემოსავლებში 70%-იანი კლება ფიქსირდება. ჯერჯერობით, ტურიზმის ეროვნულ ადმინისტრაციას ჩაშლილი სტატისტიკა ქვეყნების მიხედვით არ გამოუქვეყნებია, თუმცა პირველ და მეორე კვარტალში ძირითადად საქართველოს მეზობელი სახელმწიფოებიდან - თურქეთიდან, რუსეთიდან და სომხეთიდან სტუმრობდნენ. რამდენად რეალურია ის რიცხვები, რაზეც ტურიზმის ეროვნული ადმინისტრაცია საუბრობს, რატომ აღარ ჩამოდიან საქართველოში ევროპელი ტურისტები და როგორია ტურიზმის სექტორის ფინანსური მდგომარეობა დღეს. სტუმრები: მაია მურაჩაშვილი - ჰოტელიერი; გიორგი დოლიძე - სასტუმრო ბიზნესის კონსულტანტი. #ახალიამბები #BusinessMediaGeorgia
2024 წლიდან ოქროს ბირჟებზე ფასების ვარდნას ელიან. დღეის მდგომარეობით, გასულ თვესთან შედარებით 1 უნცია ოქროს ფასი შედარებით შემცირებულია, თუმცა მაინც ზრდის ტენდენციით ხასიათდება. როგორ პროგნოზებს აკეთებენ ანალიტიკოსები და რა ვითარებაა საქართველოში, ადგილობრივ ოქროს ბირჟაზე. #ახალიამბები #BusinessMediaGeorgia
ოსტეოპოროზი ძვლების სისტემური დაავადებაა, რომელიც ძვლოვანი მასის შემცირებით, ძვლების სიმყიფის ზრდითა და მოტეხილობების განვითარების სიხშირით ხასიათდება. ოსტეოპოროზით ავად არის 200 მილიონზე მეტი ადამიანი და ავადობის დონე ასაკთან ერთად იზრდება. ოსტეოპოროზის საერთაშორისო ფონდის მონაცემებით, 50 წლის ზემოთ 3-დან 1 ქალს და 5-დან ერთ მამაკაცს აქვს ოსტეოპოროზი. მთელ მსოფლიოში ყოველწლიურად ვითარდება 9 მილიონზე მეტი მოტეხილობა. სტუმარი: თამარ კუპრეიშვილი - "ენდემიცის" ენდოკრინოლოგი, მედიცინის დოქტორი; #ახალიამბები #BusinessMediaGeorgia