ონლაინ მარკეტ ვიაროზე გიყვებით საქმიანი დილას ეთერში, რომლის მიზანიც ახალი და მეორადი ავტონაწილების ყიდვის მსურველებისთვის პროცესის გამარტივებაა. ვიაროს პლატფორმაზე ინტეგრირებულია ნაწილების გამყიდველები იგივე მომწოდებლები როგორც ადგილობრივი ბაზრიდან ასევე თურქეთიდან, ემირატებიდან და ევროპიდან რაც მომხმარებელს 10 მლნ-ზე მეტ ნაწილზე წვდომის შესაძლებლობას აძლევს. რა ეტაპზეა დღეს პლატფორმა და როგორ ვითარდება ის? სტუმარი: გიორგი რობაქიძე - "ვიაროს" აღმასრულებელი დირექტორი; #ახალიამბები #BusinessMediaGeorgia
Airbnb-ის მასპინძლები ყველგან ცუდ ზაფხულს ატარებენ – მაგრამ კომპანიის აქციები კვლავ 70%-ით გაიზარდა, რაც სამივე თანადამფუძნებლის ქონებას ზრდის. კერძოდ, აღმასრულებელი დირექტორის ბრაიან ჩესკის წმინდა ქონება წელს თითქმის 80%-ით გაიზარდა. რა არის ცუდი მასპინძლობის მიზეზი და რამ განაპირობა აქციების ზრდა? #ახალიამბები #BusinessMediaGeorgia
ქართული ქუჩის კვება სულ უფრო ვითარდება და თბილისის ქუჩებში სხვადასხვა განსხვავებული კონცეფციის საკვები ობიექტებიც სულ უფრო აქტიურად ჩნდება. გათანამედროვებული და ქუჩის კვებაზე მორგებული ქართული კერძები კი განსაკუთრებით საინტერესო ტურისტებისთვისაა. რომელი ქვეყნის წარმომადგენლები ინტერესდებიან ქართული სთრით ფუდით და რა გამოწვევებია სექტორში? #ახალიამბები #BusinessMediaGeorgia
Galt & Taggart-ის მიმოხილვის თანახმად, თბილისში, 2023 წლის ივნისში, უძრავი ქონების ქირა კვლავ მაღალი დარჩა და წლიურად 43.3%-ით გაიზარდა. ამავე მიმოხილვაში ჩანს, რომ 2023 წლის აპრილიდან ქირის ზრდის ტემპი შემცირების ტენდენციით ხასიათდება. ბინების გაქირავებაზე სპეციალიზებული შუამავალი კომპანიები “საქმიან დილასთან” საუბრისას აღნიშნავენ, რომ ისინი დღეს ბაზარზე ფასის დასტაბილურების, ან მისი კლების ტენდენციას უყურებენ და აქვე განმარტავენ, რომ მოთხოვნა, რომელიც დაახლოებით ერთი წლის წინ ბაზარზე გაჩნდა, დღეს შენელებით ხასიათდება. რასაც მათი თქმით, განაპირობებს ის, რომ რუსეთ-უკრაინის ომის შედეგად საქართველოში შემოსული მიგრანტების ნაკადმა იკლო. #ახალიამბები #BusinessMediaGeorgia
დედაქალაქის სასტუმროებს ყველაზე მეტი ჯავშანი ივნისის თვეში ჰქონდათ, თუმცა სასტუმრო ბიზნესების წარმომადგენლები ამბობენ, რომ აქტივობა აგვისტოს შუა რიცხვებიდან სექტემბრის ჩათვლით კიდევ უფრო გაიზრდება. თბილისის სასტუმროები დამსვენებლებს სხვადასხვა ქვეყნიდან მასპინძლობენ, თუმცა როგორც ისინი აღნიშნავენ პასიურია ევროპული ქვეყნები. როგორი დატვირთულობით ოპერირებენ თბილისში მდებარე სასტუმროები და რა მოლოდინები აქვთ მომდევნო თვეების განმავლობაში? #ახალიამბები #BusinessMediaGeorgia
Visual Capitalist-ი TradingEconomics-ისა და ამერიკის შეერთებული შტატების გეოლოგიური მიმოხილვის მონაცემებზე დაყრდნობით ნედლი ნავთობისა და ლითონის ბაზრის 2022 წლის რეიტინგს აქვეყნებს. თითოეული მათგანის შემთხვევაში, ბაზრის ზომის დასადგენად, ლითონის ბოლო პერიოდის ფასი თითოეულის 2022 წლის გლობალურ წარმოებაზეა გადამრავლებული. წლიური წარმოებისა და ბაზრის ზომის მიხედვით, რომელი ბუნებრივი წიაღისეული მოხვდა, რეიტინგის ათეულში? #ახალიამბები #BusinessMediaGeorgia
ქართული ნატურალური წვენების მწარმოებელი კომპანიები ბაზარზე განვითარებას სტაბილურად განაგრძობენ. თუმცა განვითარების პარალელურად სახეზეა ბევრი პრობლემაც, რომლებსაც ბიზნესები BMG-სთან საუბრისას ასახელებენ. პრობლემებს შორის აქტიურად რჩება პროდუქციის სუპერმარკეტებში გასაყიდად განთავსების საკითხიც. წვენის მწარმოებელი კომპანიები ძირითად გათვლებს საექსპორტო ბაზრებზე აკეთებენ. შესაბამისად დამატებითი ბაზრების ათვისებასაც აქტიურად ცდილობენ. #ახალიამბები #BusinessMediaGeorgia
#საქმიანიდილა - 20 ივლისი - პროლოგი #ახალიამბები #BusinessMediaGeorgia
ესპანელმა პაციენტმა სასწრაფოს მანქანა გაიტაცა #ახალიამბები #BusinessMediaGeorgia
ჯანდაცვის სექტორი ახალი რეგულაციისთვის ემზადება. 1 სექტემბრიდან ძალაში შედის რეანიმაციის და ქირურგიის ახალი სტანდარტები, რომელიც აწესებს შესაბამის პირობებს მათ შორის რეანიმაციული განყოფილების ინფრასტრუქტურული მოწყობის, აღჭურვილობის, სამედიცინო პერსონალის რაოდენობისა და განათლების ვალდებულების კუთხით. სტანდარტი განსაზღვრავს, რამდენი კვადრატული მეტრი უნდა იყოს ერთ საწოლზე, როგორ უნდა იყოს განლაგებული და მოწყობილი შენობა. რეგულაციები ითვალისწინებს ასევე პალატების და მიმღებების მოცულობის გაზრდას. ახალი რეგულაციებით ორ საწოლზე რეანიმაციაში ერთი ექთანი უნდა იყოს, ანუ 10-საწოლიან რეანიმაციაში 5 ექთანი უნდა მუშაობდეს, რაც, კლინიკების წარმომადგენლების თქმით, ფიზიკურად არ არსებობს. სავარაუდოდ სექტემბრიდან, ძალაში შევა ასევე მინიმალური ხელფასის განსაზღვრის შესახებ კიდევ ერთი რეგულაცია და კლინიკებს ექიმებისა და ექთნების შემდეგ სხვა პერსონალთან მიმართებითაც მოუწევთ ხელფასის ქვედა ზღვრის დაცვა, რაც სექტორს დამატებით 9%-ით გაუზრდის სახელფასო ფონდს. პარალელურად სექტორი საერთაშორისო აკრედიტაციის გასავლელად მზადების პროცესში არიან. სამედიცინო სექტორი ამბობს, რომ ყოველ ჯერზე ახალი რეგულაცია შემოდის, რომლის შესახებაც ამოქმედებამდე მცირე ხნით ადრე ხდება მათთვის ცნობილი, ამიტომ სექტორი გრძელვადიან სტრატეგიას ითხოვს. სტუმარი: მარინა დარახველიძე - საქართველოს უნივერსიტეტის ჯანდაცვის სკოლის დეკანი; #ახალიამბები #BusinessMediaGeorgia
USAID-ის ეკონომიკური უსაფრთხოების პროექტის, PMC კვლევითი ცენტრისა და ISET-ის კვლევითი ინსტიტუტის პარტნიორობით სექტორების ანალიტიკის ანგარიში მომზადდა, რომელიც ეკონომიკის სექტორებში არსებულ განვითარების ტენდენციებს და პრობლემებს ასახავს. დოკუმენტიდან ირკვევა, რომ მსუბუქი მრეწველობის სექტორი მნიშვნელოვან ზრდას აჩვენებს. 2022 წლის მდგომარეობით, ავეჯის სექტორის ბრუნვა გაზრდილია 17,7%-ით და 293 მლნ ლარს შეადგენს. 18,8%-იან ზრდას აჩვენებს შესაფუთი მრეწველობის სექტორის ბრუნვა, რამაც თანხობრივად 824 მლნ ლარს მიაღწია. რაც შეეხება სამშენებლო მასალების სექტორს, გასული წლის მდგომარეობით, სექტორის ბრუნვამ 1,7 მლრდ ლარი შეადგინა, რაც 21,6%-იან ზრდას წარმოადგენს. მიუხედავად იმისა, რომ სექტორი იზრდება, განვითარების პროცესს თან ახლავს გამოწვევებიც. მაგალითად, სამშენებლო მასალების სექტორისთვის გამოწვევაა როგორც კადრები, ისე ექსპორტთან დაკავშირებული სტანდარტების დაკმაყოფილება. ერთ-ერთ ბარიერად სახელდება ასევე ქვეყანაში შესაბამისი ლაბორატორიული ინფრასტრუქტურის არარსებობაც, რის გამოც ბიზნესს სერტიფიცირების გასავლელად მასალების ქვეყნის ფარგლებს გარეთ გაგზავნა უწევს. უფრო კონკრეტულად, როგორ ვითარდება ერთ-ერთი მზარდი სექტორი ქვეყანაში და რა გამოწვევები აქვს სამშენებლო მასალების ბიზნესს? სტუმარი: მარიამ ცაიშვილი - სამშენებლო მასალების კლასტერის მენეჯერი; #ახალიამბები #BusinessMediaGeorgia
პირველ ორ კვარტალში საქართველოს 2,8 მილიონი საერთაშორისო მოგზაური სტუმრობდა, რაც პანდემიამდელ პერიოდის მაჩვენებლების 74%-იან აღდგენას წარმოადგენს. მხოლოდ მეორე კვარტალში ქვეყანას 1,6 მილიონზე მეტი საერთაშორისო მოგზაური ეწვია- ასეთია ოფიციალური სტატისტიკა, რომელსაც ტურიზმის ეროვნული ადმინისტრაცია ავრცელებს. Ამასთან, ადმინისტრაცია ამბობს, რომ საერთაშორისო მოგზაურებისა და საერთაშორისო ტურისტული ვიზიტების რაოდენობას მსოფლიო ტურიზმის ორგანიზაციის რეკომენდაციით შემუშავებული მეთოდოლოგიის მიხედვით ითვლის და სტატისტიკა უკვე განხორციელებულ და დასრულებულ ვიზიტებს მოიცავს. ტურიზმის ბიზნესი კი ამბობს, რომ ოფიციალური სტატისტიკა მნიშვნელოვნად განსხვავდება იმ რეალობისგან, რაც ტურიზმის სფეროშია. სასტუმროების ფედერაციაზე დაყრდნობით შეგვიძლია ვთქვათ, რომ გასულ წელთან შედარებით სასტუმროების დატვირთულობა 15%-ით არის შემცირებული, გაცილებით დრამატულად გამოიყურება სურათი, თუ მიმდინარე ვითარებას 2016-17 წლებს შევადარებთ, სადაც სასტუმროებს შემოსავლებში 70%-იანი კლება ფიქსირდება. ჯერჯერობით, ტურიზმის ეროვნულ ადმინისტრაციას ჩაშლილი სტატისტიკა ქვეყნების მიხედვით არ გამოუქვეყნებია, თუმცა პირველ და მეორე კვარტალში ძირითადად საქართველოს მეზობელი სახელმწიფოებიდან - თურქეთიდან, რუსეთიდან და სომხეთიდან სტუმრობდნენ. რამდენად რეალურია ის რიცხვები, რაზეც ტურიზმის ეროვნული ადმინისტრაცია საუბრობს, რატომ აღარ ჩამოდიან საქართველოში ევროპელი ტურისტები და როგორია ტურიზმის სექტორის ფინანსური მდგომარეობა დღეს. სტუმრები: მაია მურაჩაშვილი - ჰოტელიერი; გიორგი დოლიძე - სასტუმრო ბიზნესის კონსულტანტი. #ახალიამბები #BusinessMediaGeorgia
2024 წლიდან ოქროს ბირჟებზე ფასების ვარდნას ელიან. დღეის მდგომარეობით, გასულ თვესთან შედარებით 1 უნცია ოქროს ფასი შედარებით შემცირებულია, თუმცა მაინც ზრდის ტენდენციით ხასიათდება. როგორ პროგნოზებს აკეთებენ ანალიტიკოსები და რა ვითარებაა საქართველოში, ადგილობრივ ოქროს ბირჟაზე. #ახალიამბები #BusinessMediaGeorgia
ოსტეოპოროზი ძვლების სისტემური დაავადებაა, რომელიც ძვლოვანი მასის შემცირებით, ძვლების სიმყიფის ზრდითა და მოტეხილობების განვითარების სიხშირით ხასიათდება. ოსტეოპოროზით ავად არის 200 მილიონზე მეტი ადამიანი და ავადობის დონე ასაკთან ერთად იზრდება. ოსტეოპოროზის საერთაშორისო ფონდის მონაცემებით, 50 წლის ზემოთ 3-დან 1 ქალს და 5-დან ერთ მამაკაცს აქვს ოსტეოპოროზი. მთელ მსოფლიოში ყოველწლიურად ვითარდება 9 მილიონზე მეტი მოტეხილობა. სტუმარი: თამარ კუპრეიშვილი - "ენდემიცის" ენდოკრინოლოგი, მედიცინის დოქტორი; #ახალიამბები #BusinessMediaGeorgia
რას წარმოადგენს პროექტი “თანამედროვე კალიგრაფიული ხელოვნება”? სტუმრები: შოთა საგანელიძე - ხელოვანი, მხატვარი-კალიგრაფი; მარიამ ტაბახმელაშვილი - "თანამედროვე კალიგრაფიული ხელოვნების" პროექტის მენეჯერი; #ახალიამბები #BusinessMediaGeorgia
თევზის და ზღვის პროდუქტების მოხმარებით ლიდერობს ისლანდია, სადაც წელიწადში ერთი ადამიანი საშუალოდ 90 კილოგრამი ზღვის პროდუქტით იკვებება. აღსანიშნავია, რომ ამ რაოდენობით, არც ერთი ქვეყანა, არც ერთი სახეობის ხორცს არ მოიხმარს. ერთი ადამიანი 73 კილოგრამ თევზპროდუქტებს მოიხმარს მაკაოში. ჰონგ-კონგში 65 კილოგრამს, სეიშელზე კი 56 კილოგრამს მიირთმევენ. რაც შეეხება საქართველოს, ჩვენთან ხორცის სახეობებს შორის ფრინველის ხორცის შემდეგ, თევზს ყველაზე დიდი ოდენობით მიირთმევენ, საუბარია ერთ სულ მოსახლეზე 10 კილოგრამ თევზზე და ზღვის სხვა პროდუქტებზე. სტუმარი: სოფო დიასამიძე - ორგანული აკვაკულტურის განვითარების ასოციაცია "ფორეჯის" თავმჯდომარე; #ახალიამბები #BusinessMediaGeorgia
Dodge-ი და RAM-ი ოფიციალურად საქართველოშია. Dodge-ი და RAM-ი Stellantis ჯგუფში შემავალი ბრენდებია, თავად სტელაქნტისი კი მულტინაციონალური ავტომწარმოებელი კორპორაციაა. Stellantis-ის ბრენდებია ასევე FIAT, Jeep, Alfa Romeo და სხვ. კომპანია სტრადა მოტორსი კი, რომელიც ამ ბრენდების ოფიციალურად წარმოადგენს საქართველოში, ბი ემ ჯის მეგობარი და პარტნიორია, სწორედ ამ ბრენდების ავტომობილების სივრცეში იწერება BMG დრაივი. რაც შეეხება სიახლეებს, Dodge-ის ცენტრში მომხმარებლებს მოდელების ფართო არჩევანი დახვდებათ და რაც მთავარია შესაძლებლობა თავად გამოცადონ ამერიკული ავტომობილები საქმეში. #ახალიამბები #BusinessMediaGeorgia
სასაჩუქრე ბარათების ქართული ვებ-პლატფორმა wowchy უზბეკეთის ტექ. პარკის რეზიდენტი გახდა. რაც ნიშნავს იმას, რომ კომპანიას ახლა აქვს შესაძლებლობა, ონლაინ პლატფორმის მეშვეობით საკუთარი პროდუქტი უზბეკეთის ბაზარს შესთავაზოს და მიიღოს დამატებითი ბენეფიტები. კერძოდ, ისარგებლოს 7.5%-იანი საშემოსავლო და 0%-იანი კორპორაციული გადასახადით, რომელიც ტექ. პარკის რეზიდენტებისთვის მოქმედებს. wowchy საქართველოს ბანკისა და USAID-ის ეკონომიკური უსაფრთხოების პროგრამის ერთობლივი ინიციატივის 11 მონაწილიდან ერთ-ერთია, რომელიც უზბეკეთში 22 ადგილობრივ კომპანიასთან შესახვედრად გაემგზავრა. ამ დროისთვის wowchy-ს პარტნიორების რაოდენობა 300-ს უტოლდება. კომპანიას შემოსავლების 400%-იანი ზრდა აქვს. სტუმრები: ოლგა ნაკაშიძე - საქართველოს ბანკის მცირე და საშუალო ბიზნესის Value Added სერვისების განვითარების დეპარტამენტი, პროექტის მენეჯერი; თათია ხაინდრავა - wowchy-ს თანადამფუძნებელი და აღმასრულებელი დირექტორი. #ახალიამბები #BusinessMediaGeorgia
გლობალურად კომპანიებში თანამშრომლების გათავისუფლების ტემპი შენელდა. ამის შესახებ გამოცემა ბლუმბერგი იუწყება. რამ გამოიწვია ტემპის შენელება, ჯამში რა რაოდენობის კადრი გაათავისუფლეს კომპანიებმა და რომელი სექტორი ლიდერობის ამ მხრივ? #ახალიამბები #BusinessMediaGeorgia
რა პროცესებს გადიან ხელნაკეთი სათამაშოების მწარმოებლები ექსპორტზე გასასვლელად? ლალიკო გოგიბერიძე - "კოკიტოს სათამაშოების" თანადამფუძნებელი; თამარ ბუიღლიშვილი - "ჩიკატაის" დამფუძნებელი; თეკა ჯამაკაშვილი - "ბამოს" დამფუძნებელი. #ახალიამბები #BusinessMediaGeorgia
ბოლო წლებია ინდოეთის ეკონომიკა სტაბილურ ზრდას აჩვენებს. ბოლო მონაცემებით ქვეყნის მშპ-მ 3.75 ტრილიონი დოლარი შეადგინა. ქვეყნის გამდიდრების კვალდაკვალ ფორბსის მილიარდერთა სიაში ინდოელი მეწარმეების რაოდენობა სულ უფრო მზარდია. 2023 წელს Forbes-ის მილიარდერთა გლობალურ რეიტინგში ინდოეთიდან 169 ადამიანი მოხვდა, რაც 2022 წელთან შედარებით 3-ით მეტია. ვინ არიან დღეს ინდოეთის უმდიდრესი ადამიანები, როგორ აფასებს ფორბსი თითოეული მათგანის ქონებას და რა არის მათი სიმდიდრის მთავარი წყარო? ლიკა მეგუთნიშვილი - BMG-ის რეპორტიორი #ახალიამბები #BusinessMediaGeorgia
#საქმიანიდილა - 19 ივლისი - პროლოგი #ახალიამბები #BusinessMediaGeorgia
საერთაშორისო სარეიტინგო სააგენტო Fitch-მა საქართველოს ეკონომიკური ზრდის მაჩვენებელი 4,5%-დან 6,9%-მდე გაზარდა. მთავარ მიზეზად ორგანიზაცია შემოსავლებს, ასევე მიგრანტების დანახარჯებსა და გზავნილების მატებას ასახელებს, რამაც საქართველოს საგარეო შემოსავლები “დაბუსტა”. რა პროგნოზები აქვთ ადგილობრივ კომპანიებს და რა განსაზღვრავს მზარდ ეკონომიკურ ნიშნულს? #ახალიამბები #BusinessMediaGeorgia
22 ივლისს, ცაგერში, წელს უკვე მეორედ ლადო ასათიანის სკვერში რაჭა-ლეჩხუმის ღვინის ფესტივალია დაგეგმილი. წინა ფესტივალზე მასპინძელი თუ ამბროლაური იყო წელს მასპინძლობა ცაგერმა ითავა და ფესტივალის ფარგლებში სტუმრები რაჭა-ლეჩხუმში არსებული მარნების ღვინოების დეგუსტაციას შეძლებენ. სტუმარი: სალომე თალაკვაძე - რაჭა-ლეჩხუმის ღვინის ფესტივალის ორგანიზატორი. #ახალიამბები #BusinessMediaGeorgia
2022 წლის დეკემბერში, სთრათეჯისთმა დაიწყო IT HUB -ის პროგრამა საქართველოსა და აზერბაიჯანში, რაც გულისხმობს IT ტრენინგებს სხვადასხვა მიმართულებით. პროექტის ფინანსურ მხარდაჭერას EBRD უზრუნველყოფს. საქართველოში პროექტის პარტნიორია GITA და საქართველოს ეკონომიკისა და მდგრადი განვითარების სამინისტრო. 2020 წელს უკვე განხორციელდა მსგავსი პროექტი, რომლის ფარგლებშიც 40 ახალგაზრდა გადამზადდა და ისინი დღემდე IT სფეროში არიან დასაქმებულები. კიდევ რა სიახლეები აქვს ბაზრისთვის სთრათეჯისთის გუნდს? სტუმარი: ლიკა მერაბიშვილი - StrategEast-ის რეგიონული დირექტორი კავკასიაში; #ახალიამბები #BusinessMediaGeorgia
USAID -#საქართველოსმეგობარი შემოქმედებით ინდუსტრიაში სტუმარი: ოთარ შამუგია - სტუდია "გარნამატაკის" მმართველი პარტნიორი; მარიამ კანდელაკი - "საქართველოს ანიმატორთა ასოციაციის" დამფუძნებელი. #ახალიამბები #BusinessMediaGeorgia
რა როლი აქვს ადამიანური რესურსების მართვას ბიზნესში? სტუმრები: გიორგი კეპულაძე - “საზოგადოება და ბანკების” დამფუძნებელი; მედეა ტაბატაძე - საკონსულტაციო კომპანია „ინსორსის“ მმართველი პარტნიორი. German Sparkassenstiftung Georgia-ს, საზოგადოება და ბანკების და BMG-ის რუბრიკა მცირე და საშუალო მეწარმეებისთვის; #ახალიამბები #BusinessMediaGeorgia
2023 წელს თაფლის მწარმოებლები საქართველოდან ევროპაში, ასევე აზიაში გაზრდილი მოთხოვნის მიუხედავად პროდუქციის შემცირებული რაოდენობით ექსპორტს ვარაუდობენ, რისი მიზეზიც ქვეყანაში არსებული უამინდობა გახდა. ზოგიერთი კომპანიის წარმომადგენელი “საქმიან დილასთან” საუბრისას აღნიშნავს, რომ უამინდობის ფონზე, შემცირებული წარმოება წელს ევროკავშირის ბაზრის ათვისების საშუალებას არ აძლევს და მხოლოდ ადგილობრივ გაყიდვებზეა ორიენტირებული. გართულებული ექსპორტი და შემცირებული თაფლის წარმოება - ეს ის ძირითადი გამოწვევებია, რის წინაშეც ამ ეტაპზე თაფლის მწარმოებლები დგანან. შესაბამისად, კომპანიების წარმომადგენლები სამომავლო გეგმებს რთულად აწყობენ. #ახალიამბები #BusinessMediaGeorgia
„თიბისი კაპიტალის“ კვლევის მიხედვით წელს საქართველოდან მარწყვის რეკორდულად მაღალი ექსპორტი განხორციელდა. „2023 წლის იანვარ-მაისში საქართველოდან ექსპორტირებულია 200.9 ტონა ახალი მარწყვი და ხენდრო, რომლის ღირებულებამ 276 ათასი დოლარი შეადგინა. მიუხედავად არასრული კალენდარული წლისა, 2023 წელს რეკორდულად მაღალი ადგილობრივი ექსპორტი დაფიქსირდა. რაც შეეხება საექსპორტო ქვეყნებს, პროდუქციის 91% სომხეთში, ხოლო 9% რუსულ ბაზარზე გაიყიდა“ - ნათქვამია „თიბისი კაპიტალის“ კვლევაში. სტუმარი: ია კაცია - "თიბისი კაპიტალის" უფროსი ასოცირებული მკვლევარი; #ახალიამბები #BusinessMediaGeorgia
Galt&Taggart;: გლობალური ბაზრების ყოველკვირეული მიმოხილვით რატი მესხიშვილი სტუმარი: რატი მესხიშვილი - Galt & Taggart-ის უფროსი ასოცირებული ბროკერი; #ახალიამბები #BusinessMediaGeorgia
გასული წლის ბოლოს არსბეული წინასწარი განწყობების მიუხედავად საკმაოდ წარმატებულად კლებადმა ინფლაციამ კაპიტალის ბაზრებზე პირველ კვარტალში აქციების ფასის ზრდა განაპირბა. ამ დროისთვის მოლოდინია, რომ ცენტრალური ბანკების მხრიდან გაზრდილი განაკვეთები საკმაოდ დიდხანს შეინარჩუნებს პოზიციებს. სტუმარი: გიგი ცქიტიშვილი - Galt & Taggart-ის კაპიტალის ბაზრების ანალიტიკოსი #ახალიამბები #BusinessMediaGeorgia
მოგზაურობის 25 წელი - თეგეტა მოტორსი და ბრიჯსტოუნი თანამშრომლობის საიუბილეო თარიღს აღნიშნავენ სტუმარი: ვახტანგ ღულაძე - "თეგეტას" იმპორტების მიმართულების კომერციული დირექტორი; #ახალიამბები #BusinessMediaGeorgia
ფარმაცევტული კომპანია „ავერსი“ ტრადიციულად ფესტივალ „Art-გენის“ წარმდგენია. Art-გენის“ თბილისის ტური 20 ივლისს აიღებს სტარტს თბილისის ეთნოგრაფიულ მუზეუმში და 30 ივლისამდე გაგრძელდება. მე-20, საიუბილეო წელთან დაკავშირებით ფესტივალი მაყურებელს რამდენიმე სიახლეს ჰპირდება. ფესტივალის პროგრამასა და დაგეგმილ სიახლეებთან დაკავშირებით გუშინ, მცხეთაში, რესტორან „ფლორიას“ ეზოში, პრესკონფერენცია გაიმართა. #ახალიამბები #BusinessMediaGeorgia
როგორ ვითარდება კვების და გასართობი ბიზნესი რაჭაში? ირიშკა კობახიძე - On The River - მდინარეზე, დამფუძნებელი გვანცა ყრუაშვილი - კესანე - არ დამივიწყო, დამფუძნებელი გუჯა კილასონია - ბარი "ფოსტა", დამფუძნებელი თიკო ნატმელაძე - BMG-ის რეპორტიორი #ახალიამბები #BusinessMediaGeorgia
ხორცი საკვები რაციონის ერთ-ერთი მნიშვნელოვანი შემადგენელი ნაწილია და მსოფლიოში სხვადასხვა სახეობის ხორცის მოხმარება მუდმივად იზრდება. გაეროს სურსათისა და სოფლის მეურნეობის ორგანიზაციამ შეადგინა მონაცემები, სადაც ქვეყნებში ხორცის მოხმარების სტატისტიკა შეისწავლა. უფრო კონკრეტულად, ფაომ გაანალიზა, თუ რომელ ქვეყანაში მოიხმარენ ერთ სულ მოსახლეზე ყველაზე მეტი რაოდენობის ხორცის სხვადასხვა სახეობებს. რა აჩვენა ფაოს ანალიზმა? მარიამ იზორია - BMG-ის რეპორტიორი; #ახალიამბები #BusinessMediaGeorgia
საქართველოში ფერმერები ნუშის ბაღების გაშენებით ინტერესდებიან და მოსავალსაც ზრდიან, თუმცა, როგორც ნუშის და კაკლის მწარმოებელთა ასოციაციის დამფუძნებელი თორნიკე ლათათია აცხადებს კომპანიები გამოწვევების წინაშე მაინც დგანან, რაც საწარმოო სიმძლავრეების ნაკლებობას უკავშირდება, ეს კი განსაკუთრებით მოსავლის აღება-გადამუშავების პროცესში მწვავედ იგრძნობა. ნუშის და კაკლის მწარმოებელთა ასოციაციის ინფორმაციით, წელს ფერმერები სავარაუდოდ 3 500-დან 4000 ტონამდე გაუტეხავი ნუშის მოსავალს მიიღებენ და წინა წლის მაჩვენებელს თითქმის გააორმაგებენ. ნუშის ექსპორტისთვის სამიზნე ქვეყნებია ევროპა, გაერთიანებული სამეფო, ასევე მეზობელი ქვეყნები, როგორიცაა აზერბაიჯანი, სომხეთი და თურქეთი. ნუშის მოსავლის აღება აგვისტოს ბოლოდან იწყება და სექტემბერში სრულდება. #ახალიამბები #BusinessMediaGeorgia
#საქმიანიდილა - 18 ივლისი - პროლოგი #ახალიამბები #BusinessMediaGeorgia
Tesla-ს ტეხასის ქარხანაში პირველი ელექტროპიკაპი ააწყვეს #ახალიამბები #BusinessMediaGeorgia
2023 წლის 1-ელი აგვისტოდან, მოვაჭრისგან ინფორმაციის მიუღებლობის ან არასრულად მიღების შემთხვევაში, სათანადო შეტყობინების შემდეგ, კონკურენციის სააგენტო მოვაჭრეს ჯარიმას დააკისრებს, რასაც „მომხმარებლის უფლებების დაცვის შესახებ" საქართველოს კანონში შესული ცვლილებები ითვალისწინებს. ჯარიმის ოდენობა პირველ ეტაპზე 500 ლარს შეადგენს. ჯარიმის დაკისრებიდან 1 წლის განმავლობაში, იგივე ქმედების ჩადენის შემთხვევაში კი მისი ოდენობა 1 000 ლარით განისაზღვრება. სააგენტოს გადაწყვეტილების შეუსრულებლობის ან არაჯეროვნად შესრულების შემთხვევაში, მოვაჭრისადმი დასაკისრებელი ჯარიმის მინიმალური ოდენობა 600 ლარი იქნება. სტუმარი: თამარ გოგოლაშვილი - Onway.ge-ს დამფუძნებელი და “ელექტრონული კომერციის ასოციაციის“ პრეზიდენტი; #ახალიამბები #BusinessMediaGeorgia
ჰიპერმარკეტების ქსელი გუდვილის ფილიალები მომხმარებლებს 24 საათის განმავლობაში მოემსახურებიან. კომპანიის გადაწყვეტილებით მომხმარებელს მათ პროდუქციაზე წვდომა შეუზღუდავად, კვირაში 7 დღის განმავლობაში მიეცემათ. ცოტა ხნის წინ კი კომპანიამ ფრანჩაიზით სომხეთში პირველი ქართული სუპერმარკეტი გახსნა. როგორია შედეგები და გეგმები საქართველოსა და მის ფარგლებს გარეთ? სტუმარი: გიორგი ხაბაშვილი - "გუდვილის" აღმასრულებელი დირექტორი; #ახალიამბები #BusinessMediaGeorgia
„ქვეყანა მდიდრება, ძლიერდება და ვითარდება“ - ეს განცხადება საქართველოს პრემიერ-მინისტრმა ირაკლი ღარიბაშვილმა შოვში, მთის დღეების ფარგლებში გამართულ საზეიმო ღონისძიებაზე გააკეთა. ამის დასადასტურებლად პრემიერმა დეპოზიტების მაჩვენებელი მოიყვანა, რომელიც მისი თქმით, 2012 წელს დოლარში დაახლოებით 2.5 მლრდ იყო, (ლარში 2.6 მლრდ), დღეს კი მაჩვენებლები 10-ჯერ არის გაზრდილი და დოლარში 25 მლრდ-ს, ლარში კი 27 მლრდ ლარს უტოლდება. 2,8 მლრდ დოლარიდან 5 მლრდ-მდეა გაზრდილი ეროვნული ბანკის რეზერვები და ამასთან შემცირებულია უმუშევრობა. ღარიბაშვილი პროგნოზირებს, რომ ქვეყნის ეკონომიკა წელს 30 მლრდ ლარით გაიზრდება. „ჩვენ ყველაფერი გვაქვს ძალიან მაგრად, კონტროლის ქვეშ და ყველაფერი იქნება ძალიან კარგად", - განაცხადა ირაკლი ღარიბაშვილმა. რის ხარჯზე იზრდება დეპოზიტების რიცხი და რა საერთო აქვს რეალურ ეკონომიკურ მდგომარეობას რიცხვებთან? სტუმარი: დავით კეშელავა - ISET-ის მაკროეკონომიკური პოლიტიკის კვლევითი ცენტრის ხელმძღვანელის მოადგილე; #ახალიამბები #BusinessMediaGeorgia
ევროპული ავიაკომპანიების მგზავრებს გადატვირთული ზაფხული ელით. Eurocontrol-ის „ევროპული ქსელის ოპერირების გეგმის“ უახლესი პუბლიკაციის მიხედვით, ევროპის საჰაერო მიმოსვლამ პრეპანდემიურ დონეს გადააჭარბა. ფრენების შემაფერხებელ კიდევ ერთ გარემოებად უკრაინის საჰაერო სივრცის დახურვასაც ასახელებენ. როგორი ზაფხულია ევროპულ აეროპორტებში? #ახალიამბები #BusinessMediaGeorgia
#ავიაციისსიახლეები: ✈დაზიანდა ჭერის მცირე ნაწილი, რომელსაც "ანაგი" შეაკეთებს - აეროპორტების გაერთიანება; ✈ქუთაისის აეროპორტში ახალი ასაფრენ-დასაფრენი ზოლის აშენება იგეგმება; ✈Red Wings-მა მოსკოვი-ქუთაისის პირველი რეისი შეასრულა; ✈ჩეჩნეთში გროზნო-თბილისის ავიარეისების დაწყება სურთ - მედია; ✈ქარქაშაძემ ყირგიზეთის ელჩთან ქუთაისიდან ფრენების დაწყების საკითხი განიხილა; ✈Georgian Wings-ი თბილისი-ბათუმი-თბილისის რეგულარულ ფრენებს იწყებს; ✈როგორ აღდგა მგზავრთნაკადი საერთაშორისო აეროპორტებში? ✈ადგილობრივ აეროპორტებში მგზავრთნაკადმა პანდემიამდელ პერიოდს გადააჭარბა. კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით; #ახალიამბები #BusinessMediaGeorgia
ხელოვნური ინტელექტი თითოეული ადამიანის ყოველდღიურობაში სულ უფრო აქტუალური და სულ უფრო გამოყენებადი ხდება. ერთი მხრივ გამარტივებული რუტინული სამუშაო გარემო და პირობები და მეორე მხრივ რისკები, იმასთან დაკავშირებით რომ შესაძლოა ტექნოლოგიურმა გადაწყვეტებმა ადამიანების დასაქმების სივრცეები შეამციროს სულ უფრო იმატებს. სიახლეებს ანონსებს იმასთან დაკავშირებით, რომ მსხვილი ფინანსური ინსტიტუტები, საწარმოები, იურიდიული კომპანიები თუ ბუღალტრული საფინანსო ოპერაციების შემსრულებელი კომპანიები ხელოვნურ ინტელექტს ირჩევენ როგორც პროცესების დამაჩქარებელ და დამზოგველ რესურსს საპროტესტო გამოსვლები ემატება. სცენარისტების შემდეგ ჰოლივუდში ხელოვნური ინტელექტი გამო სამსახურის დაკარგვის საფრთხეები გამო მსახიობებიც აბუნტდნენ. ამერიკის შეერთებული შტატების კინემატოგრაფიულ ინდუსტრიაში კრიზისი გრძელდება. სცენარისტების შემდეგ, სტრიმინგ-გიგანტების წინააღმდეგ “მსახიობთა გილდია” (SAG-AFTRA) გაიფიცა, რომელიც 160 ათას მსახიობს აერთიანებს. გაფიცვა მას მერე დაიწყო, რაც მსახიობები და სტრიმინგ-კომპანიები უკეთეს შრომით პირობებზე ვერ შეთანხმდნენ, ვერც, მათ შორის, ფედერალური მედიატორების ჩართულობის შემდეგ. ამ დრომდე, მსახიობები ბოლოს 1980 წელს გაიფიცნენ - იმ დროსაც, გაფიცვის მთავარი გამომწვევი მიზეზი ახალი ტექნოლოგია იყო. 1980-იან წლებში, ამერიკის შეერთებულ შტატებში ვიდეოკასეტების გაქირავების სერვისები გამოჩნდა, რამაც ფილმებისა და სერიალების ყურების მაჩვენებელი ახალ, იმ დროს არნახულ მასშტაბზე აიყვანა, მაგრამ, როგორც მსახიობებს მიაჩნდათ, ინდუსტრიის ზრდის მიუხედავად, მათი ხელფასები არ მომატებულა. რამდენად შეიძლება ხელოვნურმა ინტელექტმა ახალი ოსკაროსანი მსახიობები შექმნას ეს ერთი თემაა, თუმცა ის რაც ცხადად ჩანს შეშფოთების მიზეზი ხელოვანებში და კრეატიულ ინდუსტრიებშიც გაჩნდა. როგორ შეცვლის დასაქმების ბაზარს მომდევნო წლებში ხელოვნური ინტელექტი, რა არის უკვე შეცვლილი? სტუმარი: ირაკლი ბერიძე - გაეროს ხელოვნური ინტელექტისა და რობოტიკის ცენტრის ხელმძღვანელი; #ახალიამბები #BusinessMediaGeorgia
რა ღონისძიებები იგეგმება ევროპაში? #ახალიამბები #BusinessMediaGeorgia
პარაპლანით ფრენებისთვის 11 ახალი ადგილი გამოიყოფა. ფედერაციის მხრიდან მუშაობა, რომ ვალდებულებები შესრულდეს გრძელდება. როგორ შეძლებს სფერო მთავრობის შესაბამისი დადგენილებით განსაზღვრული წესების დაკმაყოფილებას და რა ეტაპზეა პროცესი? სტუმარი: ირაკლი კაპანაძე - საქართველოს პარაგლაიდინგის ფედერაციის გამგეობის თავმჯდომარე; #ახალიამბები #BusinessMediaGeorgia
ამერიკის შეერთებულ შტატებში საოფისე შენობები სულ უფრო ცარიელდება, რადგან პანდემიის შემდეგ სულ უფრო მეტმა დასაქმებულმა ოფისში სიარულს სახლიდან მუშაობა ამჯობინა. როგორც ანალიტიკოსები პროგნოზირებენ, საოფისე სივრცეებში დასაქმებულთა დიდი ნაწილი შესაძლოა, ოფისში სამუშაოდ არც აღარასდროს დაბრუნდეს, რაც თავის მხრივ შენობების მომავალთან დაკავშირებით არაერთ კითხვას ბადებს. რა მდგომარეობაა ამ მხრივ შტატებში და რა პროგნოზი კეთდება სამომავლოდ? #ახალიამბები #BusinessMediaGeorgia
მიმდინარე წლის 21 ივლისს, კინომოყვარულებისთვის, დიდხნიანი ლოდინის შემდეგ 2 ყველაზე ხმაურიანი ფილმი ერთად გამოდის - ბარბის და ოპენჰაიმერის პრემიერა სულ რაღაც 1 კვირაშია დაგეგმილი. კინოთეატრები ამ ფილმებზე დიდ იმედებს ამყარებენ და შემოსავლების რეკორდულ ზრდას ელოდებიან. როგორ პროგნოზებს აკეთებენ კინო ექსპერტები. #ახალიამბები #BusinessMediaGeorgia
გაერთიანება ბიზნესისთვის “ბიზნესი და მეწარმეობა” პირველ ეტაპზე ფეისბუქში ამავე სახელით შექმნილ ჯგუფში გაწევრიანებულ დამწყებ საქმიანებს დაეხმარება თუმცა როგორც მისი შემქმნელი ამბობს ეს მხოლოდ კითხვა პასუხის რეჟიმს და სოციალური ქსელის სივრცეში კომუნიკაციას არ მოიცავს. სტუმარი: მარიამ ბალიაშვილი - "როზმარინუსის" და ჯგუფის "ბიზნესი და მეწარმეობა" დამფუძნებელი; #ახალიამბები #BusinessMediaGeorgia
ზღვისპირეთში ტურისტული სეზონი აქტიურ ფაზაში შევიდა. აჭარის რეგიონში განთავსებული კაფე-ბარებისთვის და რესტორნებისთვის სეზონი მოსალოდნელზე ნაკლებად დატვირთულად მიმდინარეობს. ერთი მიზეზი უამინდობა, ხოლო მეორე კახოვკის კაშხლის აფეთქების შემდეგ შავი ზღვის უსაფრთხოების საკითხი გახდა. აჭარაში განთავსებულ ზოგიერთ ობიექტს გასული წლის იგივე პერიოდთან შედარებით ფასების კორექტირებაც მოუხდა, რისი მიზეზიც გაძვირებული ნედლეული გახდა. კითხვაზე რამდენად დატვირთული იქნება წელს აჭარის რეგიონი, პასუხის გაცემა ბიზნესს უჭირს. მაღალი სეზონის შეფასების გაკეთებას ისინი სექტემბერში შეძლებენ. #ახალიამბები #BusinessMediaGeorgia