TBC Concept-ის წარდგენით და სნეპთან პარტნიორობით დღეს საღამო 7 საათიდან კონცეპტის სივრცეში ძალიან საინტერესო შეხვედრაა დაგეგმილი. 150 მდე სტუმარს სხვა ორ განსხვავებულ პანელზე სადისკუსიოდ და საკუთარი გამოცდილების გაზიარებისთვის „მენტალური ჯანმრთელობა“ მწყობრი და მომცველობითი სახით სტუმრებს მენტალური ჯანმრთელობის საყრდენ საკითხებს გაუზიარებენ. რას ნიშნავს შფოთვა სოციალურ ურთიერთობებში, როგორ უნდა მიხვდეს მშობელი, რომ მის შვილს მენტალური ჯანმრთელობის პრობლემები აქვს, რატომ უნდა იზრუნოს კომპანიამ თანამშრომელთა მენტალურ ჯანმრთელობაზე, რა ინფორმაციის მატარებელია ჩვენი გენი? - მართლა ძალიან საინტერესო შეხვედრა დაიგეგმა თემაზე, რომელიც განსაკუთრებით ბოლო წლებში აშკარად აქტუალური და მნიშვნელოვანია. სტუმრები: მარიამ სპარსიაშვილი - Forbes woman-ის აღმასრულებელი რედაქტორი; ელენე კვანჭილაშვილი - პანელური დისკუსიის “მენტალური ჯანმრთელობის” მოდერატორი; სოფო სოლოღაშვილი - “სნეპის" აღმასრულებელი დირექტორი. #ახალიამბები #BusinessMediaGeorgia
მსოფლიო გეოპოლიტიკური ცვლილებების ფონზე საქართველოს როლი და სატრანზიტო ფუნქცია იზრდება. 2022 წელს, ფოთისა და ბათუმის საზღვაო ნავსადგურებში ჯამურად გადამუშავებული ტვირთების რაოდენობამ 12,4 მილიონი ტონა შეადგინა, კონტეინერებისამ კი 477,094 ერთეული რაც გასულ წელთან შედარებით 18,9%- ით მეტია. თუმცა გაზრდილ ტვირთბრუნვას გამოწვევებიც ახლავს. მათ შორის არის რისკები სატრანსპორტო კომპანიებისთვის და აქ თავის დაცვის ერთ-ერთი მექანიზმი დაზღვევაა. მაიკონტეინერს. ჯი ჯიპიაი ჰოლდინგის ციფრული პლატფორმაა, რომელიც ყველა სადაზღვევო მომსახურებას ერთ სივრცეში აერთიანებს, თითქმის ყველა საზღვაო ხაზთან დაკავშირება მხოლოდ რამდენიმე კლიკით წამებშია შესაძლებელი. სტუმარი: გიორგი ხაჟომია - “ჯიპიაი ჰოლდინგის“ საზღვაო სატრანსპორტო ტვირთების მიმართულების დირექტორი. #ახალიამბები #BusinessMediaGeorgia
კიდევ ერთი წელი, კიდევ ერთი შანსი, კიდევ მეტი შესაძლებლობა - 25 ივლისამდე ნიკა გუჯეჯიანის სტიპენდიის მოპოვების და მსოფლიოს ერთ ერთი წამყვანი უნივერსიტეტის სტუდენტის სტატუსის მიღების შესაძლებლობას საქართველოს ბანკმა წელსაც გააჩინა. აპლიკაციების მიღება უკვე დაიწყო, Miami Ad School Europe-ში ნიკა გუჯეჯიანის სტიპენდიით სწავლის და თან 100% იანი დაფინანსების მიღების შანსი 2 წლიან პორტფოლიო პროგრამაზე 18 წელზე უფრო ასაკის ყველა მსურველისთვის შესაძლებელია. ეს კიდევ ერთი შანსია მათთვის, ვისაც კერძო სექტორში და განსაკუთრებით, სარეკლამო ინდუსტრიაში მუშაობა სურს და ამავე დროს ეს არის შესაძლებლობა ნებისმიერისათვის ვისაც კრეატიული სფეროს მიმართ ინტერესი აქვს. როგორ გამოვიყენოთ ეს შანსი? სტუმრები: ანა ლომთაძე - საქართველოს ბანკის CSR მიმართულების ხელმძღვანელი; ლიკა კეშელავა - ნიკა გუჯეჯიანის სტიპენდიატი. #ახალიამბები #BusinessMediaGeorgia
ხელოვნურმა ინტელექტმა დაბერების საწინააღმდეგო მოლეკულებს მიაგნო #ახალიამბები #BusinessMediaGeorgia
გასული კვირის მიწურულს „ბიუ ბიუს“ 10 წლის იუბილესთან ერთად ჩირინამ სართიჭალაში ხორცპროდუქტების ახალი საწარმო გახსნა. ხორცპროდუქტების საწარმო 2600 კვადრატულ მეტრზეა განთავსებული, თუმცა დამხმარე შენობებთან ერთად ის მთლიანობაში 3 ჰექტრამდე მიწის ფართობს იკავებს. პროექტის ჯამური ღირებულება დაახლოებით 35 მილიონი ლარია. პროექტის თანადაფინანსება საქართველოს ბანკის, EBRD-ის და სოფლის განვითარების სააგენტოს "შეღავათიანი აგროკრედიტის" პროგრამის ფარგლებში 10 მილიონი ლარის მოცულობის მხარდაჭერით განხორციელდა. „ბიუ ბიუს“ პროდუქცია ქართულ ბაზარზე 2013 წლის 7 ივლისს გამოჩნდა და 10 წლის შემდეგ ახალი საწარმოს დამატებით კომპანიის სტრატეგიული განვითარების შემდეგი ეტაპი დაიწყო.კომპანია „ჩირინა“ ხორცპროდუქტების ახალი საწარმოს გახსნასთან ერთად, აგვისტოდან ახალი ფორმატის „ბიუ-ბიუს“ ბრენდული მაღაზიების გახსნას იწყებს. #ახალიამბები #BusinessMediaGeorgia
თბილისში, თიბისის მხარდაჭერით და HT Solutions-ის ორგანიზებით საერთაშორისო ტექნოლოგიური კონფერენცია, Change Inspire-ი ჩატარდა, რომელიც ტექნოლოგიური კომუნის წევრების ინსპირაციას და მათ ცვლილებები ლიდერებად ჩამოყალიბებას ისახავს მიზნად. კონფერენცია 2018 წლიდან იმართება და შეიძლება ითქვას, რომ ბოლო წლებში, ის მიზიდულობის ერთგვარ ცენტრად იქცა, სადაც IT-მენეჯერები, ტექნოლოგიური ინჟინრები და დეველოპერები იკრიბებიან და ერთმანეთს უახლესი ტექნოლოგიური გარღვევების შესახებ უყვებიან. ტექნოლოგიური კომპანია თიბისი კონფერენციაში Game Changer Partner-ის სტატუსით მონაწილეობდა, და კონფერენციის დამსწრეთათვის, თიბისიმ საკუთარი სივრცე შექმნა, რომელშიც კომპანიების ტექნოლოგიური გუნდის წარმომადგენლებმა DevOps-ის მიმართულებით საკუთარი გამოცდილება გაუზიარეს. #ახალიამბები #BusinessMediaGeorgia
#საქმიანიდილა - 10 ივლისი - პროლოგი #ახალიამბები #BusinessMediaGeorgia
ეკონომიკის ოლიმპიადა (EO) არის პროექტი, რომელიც აუმჯობესებს ეკონომიკური Institute of Economic Education (INEV) მიერ ჩეხეთის რესპუბლიკაში 2016 წელს დაარსდა , 2017 წლიდან კი საერთაშორისო პროექტი გახდა. INEV უკვე ატარებს ოლიმპიადებს მსოფლიოს 10-მდე ქვეყანაში (მათ შორის, სლოვაკეთი, უნგრეთი, საბერძნეთი, ბოსნია-ჰერცოგოვინა, პოლონეთი, ჩინეთი), რომელშიც ყოველწლიურად ჩართულია 100 000 მოსწავლე და 3 500-მდე მასწავლებელი და ეს მონაცემები მზარდია. ოლიმპიადა შედგება სამი რაუნდისგან: სკოლის, ეროვნული და საერთაშორისო რაუნდი. საქართველოში ეკონომიკის ოლიმპიადა INEV-ის მოდელით მათი მანდატის ქვეშ ტარდება, რომელსაც საქართველოს ბანკის გენერალური სპონსორობით და Economic Fundamental Initiative (EFI) -ის და თავისუფალი უნივერსიტეტის სპონსორობით საქართველოს ეკონომიკური წიგნიერების ინიციატივა (GELi) ექსკლუზიური უფლებით ახორციელებს. სტუმარი: ლევან ფავლენიშვილი - GELi- ის დირექტორი; #საქმიანიდილა-ს #ანალიტიკა ელენე კვანჭილაშვილთან ერთად. #ახალიამბები #BusinessMediaGeorgia
სახელმწიფო აუდიტის როლი და მომავალი სტუმარი: სოფიო დვალიშვილი, გენერალური აუდიტორის მოადგილე; #საქმიანიდილა-ს #ანალიტიკა ელენე კვანჭილაშვილთან ერთად. #ახალიამბები #BusinessMediaGeorgia
სახელმწიფო აუდიტის სამსახურის წლიური ანგარიში - მიმოხილვა #საქმიანიდილა-ს #ანალიტიკა ელენე კვანჭილაშვილთან ერთად ~ #ახალიამბები #BusinessMediaGeorgia
მათთვის ვისაც აქვს რემონტი ან გეგმავს რემონტს, ზოდში, საზაფხულო შეთავაზებები დაიწყო. მიმდინარე შეთავაზებებშია გასული წლის კოლექციების - კერამიკული ფილების, აბაზანის აქსესუარების ასევე ბუნებრივი ქვების ლიკვიდაცია 70%-მდე ფასდაკლებით. #ახალიამბები #BusinessMediaGeorgia
საქართველოს ბიზნეს ასოციაციის ორგანიზებით სასტუმროში „ბილტმორში,“ განათლებისა და მეცნიერების მინისტრთან გიორგი ამილახვართან შეხვედრა გაიმართება. შეხვედრაზე საუბარი შეეხება შრომით ბაზარზე შექმნილ სირთულეებსა და ბიზნესის ჩართულობას ზოგადი, პროფესიული და უმაღლესი განათლების მიმართულებით არსებული პრობლემების იდენტიფიკაციის პროცესში. რა საკითხები მოხვდა ყურადღების ცენტრში? სტუმარი: ლევან ვეფხვაძე - საქართველოს ბიზნეს ასოციაციის აღმასრულებელი დირექტორი; #ახალიამბები #BusinessMediaGeorgia
BMG & Jeep Georgia წარმოგიდგენთ #BMGDRIVE-ს Highlander 2023 – 55 კილომეტრიანი გზა, რომელიც უსასრულო მოგონებებს ტოვებს #BMGDRIVE-ის მგზავრი: ზუკა ჩიკვაიძე - HIGHLANDER Adventure Georgia-ს ბრენდ ამბასადორი; ავტორები: ბექა ბაციკაძე, გურამ ხუნდაძე, რევაზ ნასიძე; #ახალიამბები #BusinessMediaGeorgia
ამერიკის შეერთებული შტატების ფედერალური ხაზინის ხელმძღვანელი ჯანეტ იელენი ჩინეთის დედაქალაქში ოფიციალური ვიზიტით ჩავიდა. ამერიკის ფინანსთა მინისტრი პეკინში 4-დღიანი სტუმრობისას ჩინელ კოლეგებს და მმართველი კომუნისტური მთავრობის წარმომადგენლებს შეხვდება. იქამდე ამერიკის ცენტრალური ბანკისგან გამოქვეყნებული პროგნოზებს ინვესტორები აფასებდნენ. ამასობაში მაღალი ინფლაციისა და ხელფასების სწრაფი ტემპით ზრდის შედეგად დიდ ბრიტანეთში მაკროეკონომიკური მოცემულობა გაუარესებულია. სტუმარი: თორნიკე მჭედლიშვილი - "თიბისი კაპიტალის" საბროკერო მიმართულების ვიცე-პრეზიდენტი; #ახალიამბები #BusinessMediaGeorgia
ევროკავშირის, EBRD-ის, Galt & Taggart- ისა და BDO Georgia-ს მხარდაჭერით წელიწადნახევრის წინ დაწყებული პროექტის, „კაპიტალის ბაზრის მხარდაჭერის პროგრამა” - წლევანდელი გამარჯვებულები ცნობილია. 18 თვიანი პროგრამის დასრულების შემდეგ კი უკვე 7 გამარჯვებული გამოვლინდა. მათ შორის არის თეგეტა ჰოლდინგიც რომელსაც ისევე როგორც დანარჩენ ექვსს გრანტები ფასიანი ქაღალდების გამოშვებასთან დაკავშირებული ხარჯების თანადაფინანსებისთვის გადაეცათ. გამარჯვებასთან ერთად ცალსახად საინტერესო იყო 18 თვიანი პროგრამა რომელზეც 13 სხვადასხვა სექტორიდან 21 აპლიკანტი დარეგისტრირდა. სტუმრები: მანანა ხინაშვილი - თეგეტა ჰოლდინგის ინვესტორებთან ურთიერთობის დეპარტამენტის ხელმძღვანელი; თამთა გორგაძე - Galt&Taggart;-ის საკონსულტაციო მიმართულების უფროსის მოადგილე. #ახალიამბები #BusinessMediaGeorgia
ზაფხულის მოსვლასთან ერთად ჩვენც აქტიურად ვიკითხავთ სხვადასხვა რეგიონებში ტურისტული ნაკადების სიხშირეს და თუ მათ უმეტესობაში ვიზიტორების დიდი რაოდენობა შეინიშნება, გამონაკლისი ხევსურეთი აღმოჩნდა, სადაც ტურისტული ობიექტებისა და ინფრასტრუქტურის სიმწირე შეინიშნება, გაუმართავი საკომუნიკაციო არხების გამო კი ვიზიტორებიც ნაკლებად სტუმრობენ ამ მხარეს. რატომ ვერ ვითარდება ტურიზმი ხევსურეთში? #ახალიამბები #BusinessMediaGeorgia
ებრაული კომპანია კას გრუპი თბილისის ანძის მოდერნიზებას იწყებს. ამის შესახებ თბილისის მერიის ქონების მართვის სააგენტოს ხელმძღვანელმა , ირაკლი თავართქილაძემ განაცხადა. მისივე ინფორმაციით, ანძის ტურისტულ ინფრასტრუქტურად გარდაქმნის პროექტში გარკვეული ცვლილებებია. ამასთან, პროექტის დასრულების პერიოდიც ორი წლით გადავადდა. რა ცვლილებებია პროექტში, როდის დაიწყება მისი პირველი ეტაპები და რა დრომდე გადაიწია ანძის მოდერნიზების დასრულების ვადებმა? #ახალიამბები #BusinessMediaGeorgia
საქართველოს საავიაციო უნივერსიტეტმა, USAID-თან თანამშრომლობის ფარგლებში პროფესიული განათლების პროგრამების შემუშავებისა და გაძლიერების ორწლიანი საგანმანათლებლო პროექტი დაიწყო. თანამშრომლობის მემორანდუმს ხელი საქართველოს საავიაციო უნივერსიტეტის რექტორმა, სერგო ტეფნაძემ და USAID-ის პროგრამის „დამსაქმებლები პროფესიული განათლებისთვის“ დირექტორმა დევიდ ბლოოდმა მოაწერეს. პროგრამის ფარგლებში დაგეგმილია, 4 ახალი პროფესიული საგანმანათლებლო პროგრამის შემუშავება და ასევე 2 არსებული პროგრამის პრაქტიკული კომპონენტების გაუმჯობესება. გარდა ამისა, პროგრამა უნივერსიტეტის ინფრასტრუქტურის და მატერიალურ-ტექნიკური ბაზის კიდევ უფრო განვითარებას უზრუნველყოფს. USAID-ისა და საავიაციო უნივერსიტეტის ერთობლივი პროექტის ჯამური ინვესტიცია 701 000 დოლარს შეადგენს. #ახალიამბები #BusinessMediaGeorgia
საქართველოს სატრანზიტო პოტენციალი, საინვესტიციო შესაძლებლობები, გაზრდილი ტვირთბრუნვა და გამოწვევები - ეს იყო “ჯიპიაი ჰოლდინგის” მიერ ორგანიზებული კონფერენციის „რეგიონის სატრანსპორტო ინდუსტრიის მდგრადობა - გამოწვევები და შესაძლებლობები“ მთავარი თემა. ღონისძიებაზე დელეგატებს შესაძლებლობა ჰქონდათ, ევროკავშირის დაფინანსებული კვლევის პრეზენტაციას გასცნობოდნენ და დეტალურად გაეგოთ - რა შესაძლებლობები და პრობლემები აქვს სატრანზიტო დერეფანს. მათ შორის აქცენტი ტარიფებზე, საბაჟო და ინფრასტრუქტურულ გაუმჯობესებაზე გაკეთდა. ჯიპიაი ჰოლდინგის მიერ ორგანიზებულ ღონისძიებაში 120-ზე მეტი დელეგატი მონაწილეობდა. მას ესწრებოდნენ ევროკავშირის დელეგაციის წევრები, წარმომადგენლები საქართველოში აკრედიტებული დიპლომატიური კორპუსიდან, საერთაშორისო ფინანსური ორგანიზაციიდან და სატრანზიტო და სადაზღვევო ინდუსტრიიდან. #ახალიამბები #BusinessMediaGeorgia
#საქმიანიდილა - 7 ივლისი - პროლოგი #ახალიამბები #BusinessMediaGeorgia
2023 წლის 5 ივლისს ლონდონის ბონემის აუქციონზე „ბრიტანული და ევროპული ხელოვნება“ წარმოდგენილი იყო მერაბ აბრამიშვილის ოთხი ნამუშევარი - ევროპული კოლექციიდან. ჯამში წარდგენილ 47 ნამუშევარს შორის ყველაზე მაღალი ფასი გუშინ დაფიქსირდა - ბონემის აუქციონზე აბრამიშვილის „შავი ავაზა“ 89,630 ევროდ შეფასდა. ცნობისთვის, მერაბ აბრამიშვილის შემოქმედება მძაფრად გამოკვეთილი ინდივიდუალური სტილითა და ნარატივით ხასიათდება. მხატვრის შემუშავებული ტექნიკა მის ნამუშევრებს განსაკუთრებულ გამომსახველობას სძენს. ნამუშევრებში ნებისმიერი გამოსახულება იძენს სიმბოლოს ღირებულებას, რომელიც ერთდროულად წარმოადგენს სხვადასხვა კულტურის წარმომადგენლობასა და აბსტრაქციას. მისი ნახატების გარკვეული ნაწილი საქართველოს ეროვნულ მუზეუმშია. ნამუშევრების უმეტესობა კი საქართველოს საზღვრებს გარეთ, კერძო კოლექციონერების მფლობელობაშია. მერაბ აბრამიშვილის ნამუშევრები საერთაშორისო აუქციონებზე მონაწილეობს 2014 წლიდან, ხოლო მხატვარს წარმოადგენს „ბაია გალერეა". #ახალიამბები #BusinessMediaGeorgia
2025 წელს სტოკჰოლმში მსოფლიოში ყველაზე დიდი ხის ქალაქის მშენებლობა დაიწყება. როგორც ცნობილია, მასშტაბურ პროექტს ერთ-ერთი უმსხვილესი დეველოპერული კომპანია Atrium Ljungberg შეასრულებს, რომელმაც მშენებლობის გეგმა უკვე წარადგინა. გეგმის თანახმად, 250 000 კვადრატულ მეტრ ფართობზე განთავსებულ ხის ქალაქში 7000 საოფისე ფართი, 2000 საცხოვრებელი სახლი, ასევე რამდენიმე რესტორანი და მაღაზია იქნება განთავსებული. პროექტის მშენებლობა 2 წლის განმავლობაში გაგრძელდება და სტოკჰოლმის ხის ქალაქი ოფიციალურად 2027 წელს გაიხსნება. #ახალიამბები #BusinessMediaGeorgia
შავ ზღვაში წყალქვეშა ღვინის მუზეუმის და მარნის მოწყობა იგეგმება. კომპანია „პოსეიდონის სამყაროს“ დირექტორი და საქართველოს წყალქვეშა ცურვის ასოციაციის თავმჯდომარე დავით ნიკოლეიშვილი აცხადებს, რომ კონკრეტული ღვინის კომპანია ამ პროექტის განხორციელებით უკვე დაინტერესებულია და მზადაა, წყალქვეშა მუზეუმის და მარნის გასახსნელად კონკრეტული მოცულობის ინვესტიცია განახორციელოს. სურვილის რეალობად ქცევისთვის, ღია ზღვაში ტერიტორიის შესყიდვაა საჭირო. კანონის მიხედვით, ზღვაში ტერიტორიის აღება ნაპირიდან მხოლოდ 650 მეტრის დაშორებითაა შესაძლებელი. სტუმარი: დავით ნიკოლეიშვილი - „პოსეიდონის სამყაროს“ დირექტორი და საქართველოს წყალქვეშა ცურვის ასოციაციის თავმჯდომარე; #ახალიამბები #BusinessMediaGeorgia
2023 წლის ივნისში ოქროს ფასი თვიურად 2.2%-ით შემცირდა, რაც გარკვეულწილად ჩინეთში ფიზიკურ ოქროზე მოთხოვნის შემცირებით იყო გამოწვეული. გაურკვევლობისა და მაღალი ინფლაციის პერიოდებში, ოქრო ე.წ. safe-haven აქტივად ითვლება. ამის გამო, ოქროზე მოთხოვნა 2023 წლის აშშ/ევროპის საბანკო კრიზისის ფონზე გაიზარდა, რამაც ბოლო თვეებში ფასების ზრდას ხელი შეუწყო. შედეგად ოქროს ფასმა 2023 წლის აპრილში 2,000 აშშ დოლარს მიაღწია. რას აჩვენებს ნედლეულის ბაზრის ყოველთვიური მიმოხილვა? სტუმარი: გიგა ნოზაძე - Galt&Taggart;-ის უფროსი ანალიტიკოსი #ახალიამბები #BusinessMediaGeorgia
მაისში ვადაგადაცილებული სესხები წინა თვესთან შედარებით 25.6 მლნ ლარით გაიზარდა და 470.5 მლნ ლარს გაუტოლდა. სესხების 41.6% ეროვნული ვალუტით არის დენომინირებული. ეროვნული ბანკის ინფორმაციით, მაისში გაცვლითი კურსის ეფექტის გამორიცხვით, სესხები წლიურად 12.8%-ით გაიზარდა. სესხების ზრდის ტემპი წინა თვესთან შედარებით 0.4 პპ-ით შემცირდა. საანგარიშო პერიოდში, ლარით დაკრედიტება წლიურად 15.2%-ით, 25.3 მლრდ ლარამდე გაიზარდა და მთლიანი სესხების ზრდაში 7.7 პპ-იანი წვლილი შეიტანა. უცხოური ვალუტით დაკრედიტება კი პირიქით, 10.2%-მდე შენელდა და მთლიანი სესხების ზრდაში 5.0 პპ-იანი წვლილი შეიტანა. უცხოური ვალუტით დაკრედიტების ტემპის შემცირება ძირითადად ბიზნეს სესხების ზრდის ტემპის შენელებით არის განპირობებული. ამასთან, მაისში სესხების საშუალო შეწონილი საპროცენტო განაკვეთები წინა თვესთან შედარებით 0.1 პპ-ით შემცირდა და 14.0% შეადგინა. ეროვნული ვალუტით სესხებზე საშუალო შეწონილი წლიური საპროცენტო განაკვეთი 0.1 პპ-ით 16.6%-მდე შემცირდა, ხოლო უცხოური ვალუტით გაცემულ კრედიტებზე საპროცენტო განაკვეთი 1.3 პპ-ით 9.1%-მდე. როგორია წლიურ ჭრილში გაფუჭებული სესხების წილი და რას აჩვენებს კრედიტინფო საქართველოს მონაცემები? სტუმარი: ლაშა ბაღათურია - "კრედიტინფო საქართველოს" ბიზნესის განვითარების ხელმძღვანელი; #ახალიამბები #BusinessMediaGeorgia
პრემიერ-მინისტრის მოწოდებიდან 7 თვის თავზე გაირკვა, რომ სურსათის ფასების რეგულირების შესახებ კანონის მიღების საკითხი დროებით დაპაუზებულია. ინფორმაცია, ეკონომიკის მინისტრმა ლევან დავითაშვილმაც დაადასტურა, რომელიც ამბობს, რომ კანონპროექტის მიღება აქტუალური აღარ არის, ძირითადი საკითხები კი რომლებიც კონკურენციასთან დაკავშირებით არსებობს, უშუალოდ მხარეებს შორის არსებული ხელშეკრულებებით დარეგულირებულია. სურსათის ფასების დარეგულირების მიზნით ეკონომიკის სამინისტროს ახალი კანონპროექტის შემუშავება პრემიერ-მინისტრმა მიმდინარე წლის თებერვალში დაავალა. ირაკლი ღარიბაშვილმა რიტეილ სექტორში არსებულ საგადასახადო წესების შესახებ მაშინ აღნიშნა, რომ მთავრობაში ამ საკითხთან დაკავშირებით ლეგიტიმური კითხვები არსებობს და ბიზნესთან შეხვედრები საკითხის გადაწყვეტამდე გაგრძელდებოდა. მთავრობის მეთაურმა ისიც აღნიშნა, რომ ბიზნესის საქმიანობაში სახელმწიფოს უხეში ჩარევა მისი ხელწერა არ არის, ამიტომ მთავრობამ სურსათზე ფასების შემცირება ევროდირექტივაზე დაფუძნებული კანონპროექტით გადაწყვიტა. საკითხის შესასწავლად შეიქმნა სამუშაო ჯგუფიც, რომელმაც კანონპროექტი შეიმუშავა. რატომ დაკარგა კანონპროექტმა აქტუალობა და როგორ დასრულდა ბიზნესთან კონსულტაციები? სტუმარი: მირანდა მანჯგალაძე - რითეილ ექსპერტი; #ახალიამბები #BusinessMediaGeorgia
რამდენიმე დღის წინ "აპტოსის“ ორგანიზებით, თბილისში პლასტიკური ქირურგიისა და დერმატოლოგიის მე-17 საერთაშორისო კავკასიური კონგრესი - „კოლხიდა 2023“ დაიწყო, რომელზეც წელს, წელს 90-ზე მეტი ქვეყნიდან ჩამოსულ 1000-ზე მეტი დელეგატსა და 120 საერთაშორისო სპიკერს აერთიანებს. 3 დღის განმავლობაში, ესთეტიკური მედიცინის, პლასტიკური ქირურგიისა და დერმატოლოგიის წამყვანი ადგილობრივი და საერთაშორისო ექიმები, კომპანიები და დარგის წარმომადგენლები, აუდიტორიას საკუთარ გამოცდილებასა და მიღწევებს გაუზიარებენ. სტუმარი: გიორგი სულამანიძე - "აპტოსის" გენერალური მენეჯერი, პლასტიკური ქირურგი, დერმატოლოგი; #ახალიამბები #BusinessMediaGeorgia
#საქმიანები მანანა მანჯგალაძესთან ერთად: მეკლდეურობაზე მეტი - როცა დიაგნოზს მნიშვნელობა არ აქვს #ახალიამბები #BusinessMediaGeorgia
#საქმიანები: მეკლდეურობაზე მეტი - როცა დიაგნოზს მნიშვნელობა არ აქვს; ემილი სამსონაძე - ექიმი,მეკლდეური; ავტორები: მანანა მანჯგალაძე; ედგარ ყაზახაშვილი; ლადო ცხადაია. #ახალიამბები #BusinessMediaGeorgia
თიბისი ლიზინგმა, თიბისი კაპიტალის მხარდაჭერით, 15 მილიონი ლარის მწვანე საჯარო ობლიგაციები განათავსა სალიზინგო ბაზრის ლიდერმა, თიბისი ლიზინგმა პირველად ადგილობრივი კაპიტალის ბაზრის ისტორიაში, ფინანსურ ინსტიტუტებს შორის, ლარში დენომინირებული მწვანე საჯარო ობლიგაციები წარმატებით განათავსა. ემისია თიბისი კაპიტალის მხარდაჭერით განხორციელდა და მოცულობა 15 მილიონ ლარს შეადგენს. რაში გამოიყენებს კომპანია ობლიგაციების ემისისი შედეგად მობილიზებულ თანხებს და რესურსს? სტუმარი: თორნიკე ეგნატაშვილი - თიბისი ლიზინგის ფინანსური დეპარტამენტის უფროსი; მარიამ მხეიძე - თიბისი ლიზინგის კაპიტალის ბაზრებისა და ინვესტორებთან ურთიერთობის მართვის უფროსი #ახალიამბები #BusinessMediaGeorgia
ეკონომიკის მინისტრის, ლევან დავითაშვილის განცხადებით, საქართველოს მთავრობას ევროკავშირთან მოლაპარაკებები აქვს, რათა საქართველოდან რუსეთში მსუბუქი ავტომობილების ექსპორტი არ შეჩერდეს. საუბარია სანქციების მეთერთმეტე პაკეტის მიერ დაწესებულ შეზღუდვებზე, რამაც აქამდე მოქმედი სანქციების რეჟიმი გაამკაცრა. აქამდე რუსეთში EU-დან 50,000 ევროზე ძვირად ღირებული ავტომობილების ექსპორტი იკრძალებოდა, 23 ივნისს მიღებული გადაწყვეტილებით კი, ევროკავშირმა მეორადი ავტომობილების ექსპორტიც შეზღუდა. უფრო დეტალურად, აკრძალვა ასეთია - აკრძალულია რუსეთში ისეთი მეორადი ან ახალი ავტომობილის შეყვანა, რომლის ძრავის მოცულობაც 1,900 კუბურ სანტიმეტრს (1.9 ლიტრს) აჭარბებს, ასევე აკრძალულია რუსეთში ახალი და მეორადი ელექტრომობილების შეყვანა. ასევე ძრავის ზომის მიუხედავად, აკრძალულია რუსეთში ახალი და მეორადი ჰიბრიდული ავტომობილების მოდელების შეყვანა. ეკონომიკის მინისტრის, ლევან დავითაშვილის განცხადებით, მსუბუქი ავტომობილებით ვაჭრობა საქართველოსთვის შემოსავლის მნიშვნელოვანი წყაროა, ამიტომაც EU-ს მიმართეს დამაზუსტებელი კითხვებით, რა ჩაითვლება და რა არა სანქციების დარღვევად. BMG-ის კითხვაზე პასუხისას მინისტრმა განაცხადა ისიც, რომ მთავრობა იმედოვნებს, რომ აღნიშნული მოლაპარაკებები წარმატებით დასრულდება. რა ინფორმაცია აქვს ბიზნესს? სტუმარი: ალექსანდრე ნონიაძე - "საქართველოს ავტოიმპორტიორთა ასოციაციის" დამფუძნებელი; #ახალიამბები #BusinessMediaGeorgia
ატმისა და ვაშლატამას მოსავლის აღების პროცესი დასასრულს უახლოვდება. ფერმერებმა ადგილობრივ ბაზარზე პროდუქციის რეალიზაცია უკვე დაიწყეს, ექსპორტიორები კი ექსპორტისთვის ემზადებიან. გასულ წელს ფერმერები ატმის გასაღების პრობლემებზე საუბრობდნენ. გამოწვევა იყო პროდუქტის როგორც ადგილობრივ ასევე საექსპორტო ბაზრებზე, ძირითადად კი რუსეთის ფედერაციაში გაყიდვა. რა მდგომარეობაა წელს და როგორია ფერმერების მოლოდინი? #ახალიამბები #BusinessMediaGeorgia
საწვავის ხარისხის კონტროლი “სოკარში” მედეა ფარცვანია - “სოკარ ჯორჯია პეტროლიუმის” ხარისხის მართვის სამსახურის ხელმძღვანელი ბაკო მუმლაძე - “სოკარ ჯორჯია პეტროლიუმის” ნავთობბაზების საწვავის დისტრიბუციის და რეკონსილაციის სამსახურის ხელმძღვანელი; #ახალიამბები #BusinessMediaGeorgia
თიბისიმ და USAID-მა ტექნოლოგიური განათლების ხელშეწყობის მიზნით ერთობლივი პროგრამა დაიწყეს, რომელიც ორი წლის განმავლობაში 9 სხვადასხვა მიმართულებით 700-ზე მეტი ტექნოლოგიური ტალანტის მომზადება-გადამზადებას ითვალისწინებს. პროექტის ერთ-ერთი მთავარი ფოკუსი ტექნოლოგიების სფეროში ქალთა ხელშეწყობა და გაძლიერებაა, რაც მათთვის ხარისხიან განათლებაზე ხელმისაწვდომობის ზრდას და ICT სფეროში დასაქმების ხელშეწყობას ითვალისწინებს. კურსების დასრულების შემდეგ კურსდამთავრებულებს ექნებათ შესაძლებლობა დაიწყონ ან განავითარონ საკუთარი კარიერა ტექნოლოგიურ სფეროში და თიბისისა და მის პარტნიორ კომპანიებში დასაქმდნენ. #ახალიამბები #BusinessMediaGeorgia
გალფი საერთაშორისო კომპანია "სპარკლოსთან" თანამშრომლობას იწყებს. თანამშრომლობის ფარგლებში გალფის ავტოგასამართ სადგურებზე პოლიეთილენის ბოთლების და ალუმინის ქილების შემგროვებელი, თანამედროვე RVM აპარატები განთავსდება. ეს არის უნიკალური ტექნოლოგია, რომლის მეშვეობით მომხმარებელი ბოთლის ან ქილის აპარატში ჩაგდების დროს, ავტომატურად ერთვება სპარკლოს ლოიალურობის პროგრამაში და აგროვებს ქულებს. ქულების გადაცვლით კი სხვადასხვა ბენეფიტებს მიიღებს. #ახალიამბები #BusinessMediaGeorgia
#საქმიანიდილა - 6 ივლისი - პროლოგი #ახალიამბები #BusinessMediaGeorgia
ცნობილი სპორტული ჟურნალისტის, ფაბრიციო რომანოს მიერ სოციალურ ქსელში გავრცელებული ინფორმაციის თანახმად, გიორგი მამარდაშვილი „ბაიერნის“ სატრანსფერო სამიზნეების ჩამონათვალშია. როგორც რომანო წერს, მართალია გერმანიის ბუნდესლიგის კლუბი ამჟამად სხვა ტრანსფერებზეა გადართული, თუმცა ქართველი მეკარე 100%-ით მის სიაშია. აღსანიშნავია, რომ „ბაიერნის“ პირველი ნომრის, მანუელ ნოიერის ტრავმის გამო კლუბმა მის პოზიციაზე იან სომერი მიიყვანა, რომელიც, როგორც ჩანს, გერმანელთა შემადგენლობას მალე დატოვებს. ტრავმირებული ნოიერის დაბრუნების შემდეგ, თუ მამარდაშვილსა და „ბაიერნს“ შორის შეთანხმება შედგა, დიდი ალბათობით, ქართველს კლუბში მისი შემცვლელის როლის მორგება მოუწევს. #ახალიამბები #BusinessMediaGeorgia
ვარსკვლავების საკონცერტო ტურნეებიდან მიღებული შემოსავლები რეკორდულ ნიშნულს აღწევს. განსაკუთრებით იმატა იმ მომღერლების შემოსავლებმა, რომლებიც კონცერტებს ბოლო რამდენიმე თვეა, რაც ატარებენ. მათ შემოსავლებზე გავლენა კონცერტის ბილეთებზე ფასების მატებამ მოახდინა. საინტერესოა ისიც, რომ ზოგიერთ ქვეყანაში ბოლო ინფლაციას კონცერტებს უკავშირებენ, რადგან სწორედ კონცერტების გამო გაზრდილი ტურისტული ნაკადი აძვირებს სასტუმროების, კვების თუ სხვა ობიექტების სერვისების ფასებს. #ახალიამბები #BusinessMediaGeorgia
საქართველოს კონკურენციის ეროვნული სააგენტო მოცვის ბაზრის მონიტორინგს გეგმავს. როგორც სააგენტოს თავმჯდომარე ირაკლი ლექვინაძემ bmg-სთან განაცხადა, მოცვის ბაზრის მონიტორინგის დაწყება ადგილობრივი ფერმერების მომართვის საფუძველზე გადაწყდა. მისი ინფორმაციით, ფერმერებს აქვთ აღქმა, რომ პროდუქტის ექსპორტით დაკავებული კომპანიები მოცვის ფასს ხელოვნურად ამცირებენ. მოცვის ფასი კი ნამდვილად ბოლო კვირებში საგრძნობლად შემცირდა. ფერმერები აღნიშნავენ, რომ თუ სეზონის დასაწყისში, ანუ დაახლოებით ერთი თვის წინ, ერთი კილოგრამის ფასი 20 ლარი იყო, ახლა საფასური 7-დან 10 ლარამდე მერყეობს. ბაზრის მონიტორინგის დასაწყებად საჭირო ყველა დოკუმენტაცია კონკურენციის სააგენტოს უკვე მზად აქვს და მონიტორინგის პროცესი მიმდინარე კვირაში დაიწყება. სტუმარი: გიორგი ღვინიაშვილი - "აგროლეინის" დირექტორი; #ახალიამბები #BusinessMediaGeorgia
ფინანსთა სამინისტროს მომზადებული აქვს პროექტი, რომლის მიხედვითაც ფართოვდება დასაბეგრი ობიექტთა ბაზა, რომლებიც მოგების გადასახადის ესტონური მოდელით სარგებლობენ. საუბარია ინდ მეწარმეებზე, რომლებიც დღეს კლასიკური მოდელით იბეგრებიან. როგორც ფინანსთა მინისტრის მოადგილე, მამუკა ბარათაშვილი აცხადებს, ამ ეტაპზე გადაწყვეტილი არ არის როდის ამოქმედდება რეფორმა მათთვის, თუმცა გაანალიზებულია ფისკალური ეფექტი, რაც მოგების გადასახადის ესტონური მოდელის ბაზის გაფართოებას ექნება. 100 მლნ ლარი, ეს არის თანხა, რაც ფინანსთა სამინისტროს გათვლებით, წლის განმავლობაში ბიუჯეტს დააკლდება. მოგების გადასახადის ესტონური მოდელი 2017 წლიდან დაინერგა. აისეტის მიერ რეფორმის შეფასების დოკუმენტის მიხედვით, 2017-2019 წლებში მოგების გადასახადის რეფორმის შემდეგ დაახლოებით 600 მლნ ლარი დარჩა ბიზნესს, ანუ ამდენივე დააკლდა ბიუჯეტს. რა ეფექტი ექნება მოგების გადასახადის ესტონური მოდელით დასაბეგრ ობიექტთა ბაზის გაფართოებას და პოტენციურად რამდენმა ინდივიდუალურმა მეწარმემ შეიძლება ისარგებლოს ამ შეღავათით? სტუმარი: გიგა ფაიქიძე - მცირე და საშუალო მეწარმეობის განვითარების ასოციაციის დამფუძნებელი; #ახალიამბები #BusinessMediaGeorgia
შუა დერეფანი, როგორც ტრანსკასპიური საერთაშორისო სატრანსპორტო გზა რუსეთ-უკრაინის ომის დაწყების შემდეგ ერთ-ერთ მთავარ ალტერნატიულ გზად იქცა ცენტრალური აზიიდან მომავალი ტვირთებისთვის, ჩრდილოეთის დერეფნის გვერდის ავლით მოხვდეს ევროპაში. რაც შეეხება საქართველოს, როგორც ამ დერეფნის მონაწილე მხარეს, შეცვლილი გეოპოლიტიკური ვითარების შედეგად შესაძლებლობების ფანჯრის გაღებას საქართველო გამოწვევებით შეხვდა. გადაზიდვების სფეროში მოღვაწე კომპანიები დღესაც ამბობენ, რომ გაზრდილ მოთხოვნას სათანადოდ ვერც სარკინიგზო და ვერც საპორტო ინფრასტრუქტურა სათანადოდ ვერ უმკლავდება. საერთაშორისო სანქციების გათვალისწინებით გამკაცრებული საბაჟო პროცედურების გათვალისწინებით პრობლემა გახდა გარკვეული კატეგორიის ტვირთის ხანგრძლივი დაყოვნებაც. როგორ რეაგირებს ქვეყანა ამ გამოწვევებზე, რა გვიშლის ხელს ამ შესაძლებლობის გამოყენებაში და რა კეთდება იმისთვის, რომ გაზრდილი ტვირთბრუნვა ჩვენს დერეფანში შევინარჩუნოთ? ირაკლი ცანკაშვილი - Logistics Solutions-ის დამფუძნებელი და გენერალური დირექტორი; #ახალიამბები #BusinessMediaGeorgia
Making Science Sweeft თანამშრომლობას გეიმინგ კომპანიასთან სნაიტექთან იწყებს. რაც იმას ნიშნავს, რომ ლოკალურს საინფორმაციო ტექნოლოგიების ბაზარზე კიდევ ერთი საერთაშორისო კომპანია შემოდის და Snaitech-ს რომელიც Playtech ის შვილობილი კომპანიაა და რომელიც საჯარო სავაჭრო ბირჟაზეა წარმოდგენილი უზრუნველყოფას ქართული კომპანია უზრუნველყოფს. კომპანიას 6500 ზე მეტი თანამშრომელი ჰყავს და მისი ბრუნვა გასულ წელს მილიარდ 602 მილიონი ევრო იყო. სტუმარი: თემო მაღრაძე - Making Science Sweeft-ის დირექტორის მოადგილე; #ახალიამბები #BusinessMediaGeorgia
პარლამენტმა, რიგგარეშე სესიის პლენარულ სხდომაზე „საავტორო და მომიჯნავე უფლებების შესახებ“ კანონში ცვლილებებს მესამე მოსმენით, 73 ხმით მხარი დაუჭირა. კანონპროექტის ინიციატორი ამბობს, ახალი კანონმდებლობა ხელს შეუწყობს ქონებრივი უფლებების კოლექტიურ საფუძველზე სრულფასოვან მართვას და აღადგენს მომხმარებელთა და უფლების მფლობელთა ნდობას სისტემის მიმართ. რას ცვლის „საავტორო და მომიჯნავე უფლებების შესახებ“ კანონი რეალობაში? სტუმარი: ნიკოლოზ გოგილიძე - ადვოკატი ინტელექტუალური საკუთრების საკითხებში; #ახალიამბები #BusinessMediaGeorgia
"ენმედიცი ბარათ"-ზე გიყვებით ამბებს საქმიანი დილას ეთერში. ენმედის მფლობელებს აქვთ უპირატესობა ისარგებლონ ოჯახის ექიმის მომსახურებით, რომელიც საჭიროებიდან გამომდინარე პაციენტებს უფასოდ შემდეგ სპეციალისტებთან: ენდოკრინოლოგი, ოფთალმოლოგი, კარდიოლოგი, ნევროლოგი, გინეკოლოგი, ოტორინოლარინგოლოგი, უროლოგი, ქირურგი; სტუმარი: ანა ჯაბაური - კარდიოლოგი, მედიცინის დოქტორი; #ახალიამბები #BusinessMediaGeorgia
თეგეტა ჰოლდინგმა ქართულ კაპიტალის ბაზარზე პირველად ლარის მწვანე ობლიგაციები განათავსა. ემიტირებულია 20 მილიონი ლარის ღირებულების ფასიანი ქაღალდები, რაც ადგილობრივ საფონდო ბაზარზე ლარში განთავსებული მწვანე ბონდების ყველაზე მსხვილი გარიგება და ლარში დენომინირებული მწვანე ობლიგაციების პირველი პრეცედენტია.ობლიგაციების ძირი თანხის სრულად დაფარვა გათვალისწინებულია 2 წლისა და 6 თვის შემდეგ, კუპონის საპროცენტო განაკვეთი კი ნახევარწლიურად დაიფარება.ფასიანი ქაღალდების ინვესტორი აზიის განვითარების ბანკია. საერთაშორისო საფინანსო ინსტიტუტი ჰოლდინგში პირდაპირ უცხოურ ინვესტიციას განახორციელებს. ობლიგაციების ემისიის შედეგად მობილიზებული თანხა მთლიანად მწვანე პროექტებს მოხმარდება და დაფინანსდება როგორც ნულოვანი ემისიის მქონე, მსუბუქი, საგზაო და არასაგზაო ელექტროტრანსპორტის იმპორტი და ამასთან, საქართველოს დასამუხტი სადგურების ქსელს 70 ახალი სადგური შეემატება. მწვანე ობლიგაციები სულ ახალია, იქამდე შარშან თეგეტა ჰოლდინგმა ლარში დენომინირებული ადგილობრივი კორპორაციული ობლიგაციების ყველაზე დიდი ემისია განახორციელა და 150 მილიონი ლარის ღირებულების ობლიგაციები გამოუშვა. სტუმრები: მანანა ხინაშვილი - „თეგეტა ჰოლდინგის“ ინვესტორებთან ურთიერთობის დეპარტამენტის ხელმძღვანელი; დეივიდ ურბანეხა-ფურელოსი - ADB-ის ინვესტიციების უფროსი სპეციალისტი თარგმანს უზრუნველყოფს NG Georgia; #ახალიამბები #BusinessMediaGeorgia
Agile Mentor- ის ორგანიზებითა და ლიბერთის მხარდაჭერით, ტექნოპარკში, AgileXchange - საქართველოში პირველი Agile სამიტი ჩატარდა.მოწვეულმა სპიკერებმა, Agile ტრანსფორმაციით დაინტერესებულ საზოგადოებას, ახალი საერთაშორისო მიდგომები, ასევე ქართული ბიზნეს კომპანიებისა და კომერციული ბანკების პრაქტიკული გამოცდილება გაუზიარეს. მაღალი კონკურენცია, კომპლექსური და ცვალებადი გარემო, დაინტერესებული მხარეების სიმრავლე, ბიზნესის წარმომადგენლებისა და ტექნოლოგიების მცოდნე პროფესიონალებთან კოლაბორაციულად მუშაობის აუცილებლობა და მასშტაბი, სწორედ ის ფაქტორებია, სადაც Agile მართვის მოქნილი მიდგომები ყველაზე ეფექტურად გამოიყენება. #ახალიამბები #BusinessMediaGeorgia
ტურისტების მხრიდან ტყეში განთავსებულ ხის კოტეჯებზე, ასევე მთაში მცირე ზომის დახურულ სივრცეებზე მოთხოვნა გასულ წელთან შედარებით შემცირებულია, რისი მიზეზიც წელს ივნისში საქართველოს მასშტაბით არსებული უამინდობა გახდა. ახლა ვითარება შედარებით დასტაბილურებულია და ტურისტების მიღებაც ხდება. BMG-ს კითხვაზე როგორია აგვისტოს და სექტემბრის მოლოდინები, ზუსტ პასუხს კომპანიების წარმომადგენლები ვერ გვეუბნებიან, რადგან მათთვის ივნისის თვეში ტურისტების კლებაც მოულოდნელი აღმოჩნდა, შესაბამისად რა იქნება მომავალში ამას ახლა ვერ პროგნოზირებენ. #ახალიამბები #BusinessMediaGeorgia
2023 წლის ივნისში ელიტ ელექტრონიქსის თბილისისა და ბათუმის 5 ფილიალში გაიხსნა საქართველოში პირველი Apple-ს Multi AAR ზონა. Apple-ის ბრენდ ზონებში განთავსდა სპეციალური სტენდები, რომელიც გამოიყენება მხოლოდ ავტორიზებულ რესელერებთან და აღსანიშნავია, რომ მათი მოწოდება და მონტაჟი ბრიტანეთიდან ჩამოსული სპეციალისტების მიერ მოხდა. სალომე ჭელიძე - "ელიტ ელექტრონიქსის" მარკეტინგის მენეჯერი #ახალიამბები #BusinessMediaGeorgia
#საქმიანიდილა - 5 ივლისი - პროლოგი #ახალიამბები #BusinessMediaGeorgia
იტალიის მთავრობა მზადაა, მასკსა და ცუკერბერგს ორთაბრძოლისთვის კოლიზეუმის არენა დაუთმოს. აქვე შეგახსენებთ, გასულ დღეებში გავრცელებული ინფორმაციის თანახმად, 52 წლის ილონ მასკი და 39 წლის მარკ ცუკერბერგი ორთაბრძოლაზე მას შემდეგ შეთანხმდნენ, რაც მასკმა Twitter-ის პოსტის კომენტარებში Meta-ს დამფუძნებელი ოფიციალურად გამოიწვია. ამის შემდეგ მარკ ცუკერბერგმა მასკის კომენტარი "დაასქრინშოთა" და პოსტს წარწერა დაურთო - "ლოკაცია ჩამიგდე". ილონ მასკმა ორთაბრძოლისთვის ვეგასში მდებარე UFC-ის ოქტაგონი უკვე შეარჩია. პარალელურად, იტალიის მთავრობის წარმომადგენელი ცუკერბერგს დაუკავშირდა და ორთაბრძოლისთვის კოლიზეუმის სივრცე შესთავაზა. ცნობისთვის, გიგანტური ამფითეატრის შუაში მოთავსებული არენის ირგვლივ 4 იარუსად, საფეხურისებრ, განლაგებულია მაყურებელთა ადგილები (დაახლოებით 45-დან 50 ათასამდე). აქ, ძირითადად, გლადიატორთა ბრძოლა იმართებოდა. ამ ეტაპზე უცნობია, იქცევა თუ არა რომის კოლიზეუმი მილიარდერთა შერკინების სივრცედ. #ახალიამბები #BusinessMediaGeorgia