გუშინ სტამბაში საქართველოში პირველად გაეროს გლობალური შეთანხმებისა და საქართველოს ქსელის ორგანიზებით, uniting business europe კონფერენცია გაიმართა. კონფერენციის მთავარი თემა ბიზნესის მდგრადობის განვითარება იყო. კონფერენციის ერთ-ერთი ორგანიზატორი თიბისი იყო და როგორც კომპანიის აღმასრულებელი დირექტორის მოადგილე, ნინო მასურაშვილი აღნიშნავს, თიბისი მუდმივად მუშაობს, რომ კომპანიის მდგრადობა მაქსიმალურად განვითარდეს. #ახალიამბები #BusinessMediaGeorgia
დღეს ერთი ქართული სტარტაპი - Warehouse უნდა გაგაცნოთ - ეს არის ციფრული საწყობი, თანამედროვე ტექნოლოგიებზე დაფუძნებული პლატფორმა, რომელიც ქართულ ბაზარზე სულ რაღაც ერთი წლის გამოჩნდა. "ვეარჰაუსი" ბიზნესს სწრაფად და კონკურენტულ ფასად მცირე და ნაკრები ტვირთების გადაზიდვაში ეხმარება და მომხმარებელს აქვს შესაძლებლობა, ერთ პლატფორმაზე ყველა საჭირო სერვისი მიიღოს - დაწყებული ფასის განსაზღვრიდან, დასრულებული ტვირთის ჩაბარებამდე. პლატფორმის საშუალებით სერვისის ონლაინ მიღება ამ ეტაპზე ევროპის 5 ქვეყნიდან არის შესაძლებელი, უახლოეს მომავალში კი სტარტაპის დამფუძნებლების მიზანი სხვა კონტინენტებს აქტიურად ათვისებაა. #ახალიამბები #BusinessMediaGeorgia
საქართველოს ბიზნეს ასოციაცია პროექტის “BAG წევრებთან” ფარგლებში აგრძელებს წევრ კომპანიებთან სტუმრობას. ამჯერად ბმჯის გადამღებ ჯგუფთან ერთად კომპანიის წარმომადგენლები „აპტოსის“ საწარმოს ესტუმრნენ, რომელსაც საქართველოს სახელი 90 ქვეყანაში გააქვს და მსოფლიოს მასშტაბით წარმომადგენლობა 16 ქვეყანაში ჰყავს. როგორია სულამანიძეების "აპტოსის" ძაფების განვითარების გზა და რა როლს ასრულებს მათთვის BAG-თან პარტნიორობა? #ახალიამბები #BusinessMediaGeorgia
#საქმიანიდილა - 10 ოქტომბერი - პროლოგი #ახალიამბები #BusinessMediaGeorgia
ადგილობრივი მწარმოებლები პროდუქტის რეალიზაციის სირთულეებზე საუბრობენ. უფრო კონკრეტულად მათთვის გამოწვევაა ქსელური მარკეტების დახლებზე მოხვედრა. მაღალი გადასახადი, მარკეტინგული აქტივობების ხარჯი, ქეშბექები - ეს ის ჩამონათვალია, რაზეც ისინი ხშირად საუბრობენ. ქსელების წარმომადგენლები კი ამბობენ, რომ ადგილობრივ მწარმოებლებს პროდუქტის მიწოდებისას უწყვეტობის შენარჩუნება უჭირთ და მათი დახლები ხშირად არ ივსება. რა გამოწვევები აქვთ მეწარმეებს პროდუქტის რეალიზაციის პროცესში და მეორე მხრივ - რა პრობლემებს აწყდებიან ქსელები ადგილობრივ მწარმოებლებთან თანამშრომლობისას? #ახალიამბები #BusinessMediaGeorgia
ხელნაკეთი ჩანთებისა და აქსესუარების ქართული ბრენდი ,,კოსმო“ ექსპორტზე დანიის ბაზარზე გავიდა. კოსმოს ჩანთები და აქსესუარების პირველი პარტია დანიაში უკვე გაიგზავნა, უწყვეტი მიწოდებისთვის კი კომპანია წარმოების რაოდენობის მნიშვნელოვნად გაზრდას გეგმავს. ,,კოსმოს“ ბრენდით ხელნაკეთი ჩანთები და აქსესუარები საქართველოში 2015 წელს გამოჩნდა, დღეისთვის კი 7 ფილიალს აერთიანებს და 155 დასახელების პროდუქციას ქმნის. სტუმრები: სოფი მუხულიშვილი - "კოსმოს" დამფუძნებელი; გიორგი კოჭლამაზაშვილი - "კოსმოს" ექსპორტის მენეჯერი. #ახალიამბები #BusinessMediaGeorgia
2024 წლის 1-ლი იანვრიდან საზედამხედველო სფეროს 17 ახალი პროდუქტი ემატება. მათ შორის: თაბაშირ-მუყაოს, სტრუქტურული მეტალის, ცემენტის, კერამიკული ფილების, წებო-ცემენტის და ჭერის პროდუქტები. ამის შესახებ ინფორმაციას ეკონომიკის სამინისტრო ავრცელებს. უწყების ცნობით, მომავალში სამშენებლო პროდუქტების საზედამხედველო სფეროში იგეგმება 62 ახალი პროდუქტის დამატება, რომელთა შორის არის - გადახურვის პროდუქტები, ბლოკი, აგური, ქვის წყობასთან დაკავშირებული პროდუქტები, იატაკის პროდუქტები, ხანძარსაწინააღმდეგო აღჭურვილობა, აგრეგატები და თბოიზოლაციის პროდუქტები. 2023 წლის მარტი-სექტემბრის პერიოდში, ადგილობრივ ბაზარზე შემოწმდა 49 ეკონომიკური ოპერატორის მიერ ბაზარზე სარეალიზაციოდ განთავსებული 75 ტიპის სამშენებლო პროდუქტი, საიდანაც რეკომენდაცია 26 პროდუქტზე გაიცა. როგორ მიმდინარეობს მონიტორინგი და რას შეცვლის სამშენებლო ინდუსტრიისთვის ჩამონათვალის რაოდენობის ზრდა? სტუმარი: ედიშერ ხიმშიაშვილი - „ნოვას“ გენერალური დირექტორი; #ახალიამბები #BusinessMediaGeorgia
ისრაელში „ჰამასის“ თავდასხმის შედეგად დაღუპულთა რაოდენობამ 500-ს გადააჭარბა. ამის შესახებ ინფორმაციას ისრაელის ჯანდაცვის სამინისტრო ავრცელებს. გარდაცვლილთა რიცხვებში ათობით ჯარისკაცი და პოლიციელია, რომლებიც ტერორისტებთან ბრძოლისას დაიღუპნენ. ისრაელის ჯანდაცვის სამინისტრო ასევე ადასტურებს, რომ ჰოსპიტლებში დაჭრილთა რაოდენობამ 2 048 ადამიანს მიაღწია. უგზო-უკვლოდ დაკარგულად ითვლება რამდენიმე ათეული ადამიანი. ბოლო ცნობებით, ისრაელის სამხრეთსა და ღაზის სექტორში განადგურებულია 400-ზე მეტი პალესტინელი მებრძოლი, ათობით ტყვედ არის აყვანილი, იტყობინება ისრაელის არმიის პრესმდივანი დანიელ ჰაგარი. მისი თქმით, ყველა ქალაქში განლაგებულია ისრაელის თავდაცვის ძალები. ამის შესახებ Times of Israel წერს. რთული ვითარებაა ღაზის სექტორის მახლობლად მდებარე ქალაქ სდეროთში. გრძელდება შეტაკებები ისრაელის ჯარებსა და პალესტინელ მოიერიშეებს შორის, რომლებიც სდეროთში პოლიციის განყოფილებაში არიან გამაგრებული. ადგილობრივი მედიის ცნობით, მთლიანობაში ქალაქი ისრაელის კონტროლქვეშაა. უცნობია პალესტინელი მებრძოლების მიერ ტყვედ აყვანილი ისრაელელების ოფიციალური რაოდენობა. მაგრამ აშშ-ში ისრაელის საელჩო იტყობინება, რომ ტყვედ არის აყვანილი, სულ მცირე, ასი ისრაელელი. 7 ოქტომბრის დილიდან პალესტინურმა დაჯგუფება „ჰამასმა“, რომელიც ღაზის სექტორს აკონტროლებს, ისრაელის ტერიტორიების მასიური იერიში წამოიწყო. „ჰამასის“ რაზმები ღაზის სექტორიდან გადავიდნენ მოსაზღვრე რაიონებში, დაიკავეს რამდენიმე დასახლებული პუნქტი და ისრაელის სამხედრო ბაზა. ისრაელში ოფიციალურად გამოცხადდა საომარი მდგომარეობა და შემოღებულია საგანგებო მდგომარეობა. ისრაელის თავდაცვის ძალები ატარებენ ოპერაცია „რკინის ხმლებს“. არმიამ დაადასტურა, რომ „ჰამასის“ მებრძოლებმა ათობით ადამიანი დაატყვევეს, მათ შორის ისრაელის სამხედროები. ტყვეთა ნაწილი ღაზაში გადაიყვანეს. სტუმარი: იციკ მოშე - „ისრაელის სახლი“ დამფუძნებელი, ბიზნესმენი; #ახალიამბები #BusinessMediaGeorgia
#ავიაციისსიახლეები: ✈საერთაშორისო ავიაკომპანიები ისრაელის მიმართულებით ფრენებს აუქმებენ; ✈სექტემბერში თბილისის საერთაშორისო აეროპორტი 376 909 მგზავრს მოემსახურა; ✈ქუთაისისა და ბათუმის აეროპორტები წელს რეკორდული რაოდენობის მგზავრებს მოემსახურებიან - მინისტრი; ✈მინისტრი: “რადიკალური პოზიცია, რომ ვაზიანში არ შეიძლება აეროპორტი აშენდეს, არ არსებობს”; ✈თბილისი - ბათუმს შორის სუბსიდირებული ფრენების შესრულება 2 ავიაკომპანიას სურს; ✈Georgian Airways თელ-ავივის მიმართულებით გაფრინდა. კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით #ავიაცია #ავიამიმოსვლა #საქმიანიდილა #ბიზნესმედია #საქმიანები
#BMG სენის მედია ტურის ფარგლებში მარნეულის მუნიციპალიტეტს ესტუმრა, სადაც "კლიმატის ცვლილებების მიმართ მედეგი სოფლის მეურნეობის" ფარგლებში დაფინანსებულ ფერმერებს შეხვდნენ, გაეცნენ მათ საქმიანობას და მოისმინეს იმ საჭიროებების შესახებ, რაც მათ კლიმატურ ცვლილებებთან გამკლავების პროცესში აქვთ. სტუმარი: სანდრო გუჯაბიძე - CENN-ის სოფლის მეურნეობის განვითარების ოფიცერი; #ახალიამბები #BusinessMediaGeorgia
მადრიდში, Fruit Attraction 2023 გამოფენის ფარგლებში, “საქართველოს მოცვის მწარმოებელთა ასოციაციასა” და “Wonderland Farmers”-ს შორის ურთიერთობის მემორანდუმი გაფორმდა, რომლის ფარგლებშიც 800 ტონა ქართული მოცვი ევროკავშირში ექსპორტზე გავა - ამის შესახებ ინფორმაცია ასოციაციის facebook გვერდზე გავრცელდა და BMG-ის ასოციაციის თავმჯდომარემ, თორნიკე ფანჯავიძემაც დაუდასტურა. მემორანდუმი "საქართველოს მოცვის მწარმოებელთა ასოციაციასა" და გერმანულ მხარეს შორის USAID-ის სოფლის მეურნეობის პროგრამის ფარგლებში გაფორმდა. USAID-ის მხარდაჭერით, ასოციაცია გერმანელ მყიდველს ჯერ კიდევ გასულ ზაფხულს დაუკავშირდა, რის შედეგადაც დიდი მოცულობის მოცვის ექსპორტიც განხორციელდა. სტუმარი: თორნიკე ფანჯავიძე - “საქართველოს მოცვის მწარმოებელთა ასოციაციის" თავმჯდომარე; #ახალიამბები #BusinessMediaGeorgia
საქართველოს რეზიდენტი და არარეზიდენტი ფიზიკური პირები, რომელთა ოჯახის ჯამური შემოსავალი საგადასახადო წლის განმავლობაში 40,000 ლარს შეადგენს და აქვთ საქართველოს ტერიტორიაზე საგადასახადო კოდექსით გათვალისწინებული დასაბეგრი ქონება, ქონების გადასახადის გადამხდელები არიან. ამ კატეგორიაში მოხვედრილ მოქალაქეებს პირველ ნოემბრამდე აქვთ ვალდებულება, რომ წარადგინონ დეკლარაცია და 15 ნოემბრამდე შესაბამისი გადასახადი გადაიხადონ, სხვა შემთხვევაში კანონის დარღვევა დაჯარიმებას ექვემდებარება. სტუმარი: ნათია სხვიტარიძე - კომპანია „ეფ ეი ეს გრუპის“ დამფუძნებელი; #ახალიამბები #BusinessMediaGeorgia
„საქართველოს ეკონომიკური კლიმატი“ - PMC-ის კვლევა; პროფკავშირები მინიმალური ხელფასის დაწესებას ითხოვს; #ახალიამბები #BusinessMediaGeorgia
7 და 8 ოქტომბერს რითეილ ექსპო 2023 გაიმართა. ღონისძიებაზე ადგილობრივი მწარმოებლების და იმპორტიორი კომპანიების პროდუქციის გამოფენა-გაყიდვაც ჩატარდა. რითეილ ექსპოს სტუმრობდნენ ქსელური მარკეტების წარმომადგენლები, რომლებიც პირადად გაეცნენ ქართული მეწარმეების, ასევე იმპორტიორების პროდუქციას. აღსანიშნავია, რომ “რითეილ ექსპო 2023” რითეილ ასოციაციისა და დისტრიბუტორთა ბიზნეს ასოციაციის ორგანიზებით გაიმართა. ღონისძიების მთავარ მიზანს კი მეწარმეების და ქსელების ერთმანეთთან დაკავშირება წარმოადგენდა. #ახალიამბები #BusinessMediaGeorgia
პირველი საერთაშორისო რეიტინგი დაზღვევაში - AM Best-მა ალდაგს საკრედიტო რეიტინგი მიანიჭა. ამით ალდაგი გახდა პირველი სადაზღვევო კომპანია საქართველოში, რომელიც ფლობს საერთაშორისო რეიტინგს. AM Best-ის დამოუკიდებელი შეფასებით ალდაგს აქვს რისკებზე მორგებული კაპიტალიზაციის უმაღლესი დონე, რომელიც AM Best-ის კაპიტალის ადეკვატურობის მოდელით იზომება. გარდა ამისა, შეფასების დროს გათვალისწინებული იყო ალდაგის ლიკვიდური საინვესტიციო პორტფელი და ფინანსურად ძლიერი საერთაშორისო გადამზღვეველებისგან შემდგარი გადაზღვევის პანელი. მნიშვნელოვანი როლი ასევე ითამაშა წარმატებული ანდერრაიტინგის პოლიტიკის მრავალწლიანმა ისტორიამ. #ახალიამბები #BusinessMediaGeorgia
#საქმიანიდილა - 9 ოქტომბერი - პროლოგი #ახალიამბები #BusinessMediaGeorgia
ვიცე–პრემიერმა, ეკონომიკისა და მდგრადი განვითარების მინისტრმა ლევან დავითაშვილმა ორი დღის წინ პარლამენტში მინისტრის საათის დროს განაცხადა, რომ მთავრობის ეკონომიკური გუნდის ერთ–ერთი უმნიშვნელოვანესი ამოცანაა ეკონომიკური სარგებლის თანაბრად, სამართლიანად გადანაწილება მოსახლეობის ყველა ფენაზე. ამ მიზნის მისაღწევად, ეკონომიკის მინისტრი პრიორიტეტულ და სტრატეგიულად მნიშვნელოვან საკითხებს შორის – როგორებიცაა: ქვეყნის ეკონომიკის სექტორული ზრდა, განვითარება და რეფორმები, მათ შორის კერძო სექტორის განვითარების მხარდაჭერა, გამართული საპენსიო სისტემა, ბიზნესის და ინვესტიციების ხელშეწყობა – ასევე ასახელებს კაპიტალის ბაზრის და სადაზღვევო სექტორის განვითარებას: კაპიტალის ბაზრის განვითარება და იმ ინსტრუმენტების დანერგვა, რომლებიც განვითარებულ ქვეყნებში ფართოდ გამოიყენება დანახულია, როგორც ქვეყნის ეკონომიკის საინვესტიციო მიმზიდველობის გაზრდის შესაძლებლობა. სტუმარი: მარინა გულედანი - კაპიტალის ბაზრის ექსპერტი; #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
Reform-Talks - საჯარო შესყიდვები: რა იცვლება? სტუმრები: თამარ ბუაძე - #USAID-ის ეკონომიკური მმართველობის პროგრამის ეკონომიკური რეფორმების კომპონენტის ხელმძღვანელი / The USAID Economic Governance Program; გიორგი ლაცაბიძე - სახელმწიფო შესყიდვების სააგენტოს იურიდიული დეპარტამენტის უფროსი; #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
BMG & Jeep Georgia წარმოგიდგენთ: #BMGDRIVE-ს „ყველაზე მეტად დამასრულებელ ფაზაში გვიჭირს“ - საქართველოს მორაგბეთა ნაკრების გამოსვლა მსოფლიოს ჩემპიონატზე BMGDRIVE-ის მგზავრი: ნიაზ მამრიკიშვილი - საქართველოს რაგბის კავშირი; ავტორები: ბექა ბაციკაძე, ირაკლი ხიზანიშვილი, კაკი პაიჭაძე; #ახალიამბები #BusinessMediaGeorgia
ეკონომიკის მინისტრის ინფორმაციით 10 ოქტომბერს, მომავალ კვირაში გაერთიანებულ საამიროებთან თავისუფალი ვაჭრობის შესახებ შეთანხმებას ხელი მოეწერება რაც ლევან დავითაშვილის თქმით, საქართველოდან საამიროების 9 მილიონიან ბაზარზე ნულოვანი დაბეგვრით. სტუმარი: დავით ცირდავა - აზიისა და სპარსეთის ყურის ქვეყნების ბიზნესპალატის პირველი ვიცე-პრეზიდენტი; #ახალიამბები #BusinessMediaGeorgia
„ბაზალტ ფაიბერსმა“ და USAID-ის პროგრამამ „დამსაქმებლები პროფესიული განათლებისთვის“ პარტნიორობის ხელშეკრულებას ხელი გუშინ მოაწერეს და ამ პროექტის ფარგლებში „ბაზალტ ფაიბერსი“, ევროპულ ბიზნეს ასოციაციასთან (EBA) და კოლეჯ „მოდუსთან“ ერთად, მაღალტემპერატურული ტექნოლოგიების ოპერატორის ინოვაციურ, შრომის ბაზარზე ორიენტირებულ პროფესიულ პროგრამას შექმნის, რაც ხელს შეუწყობს შრომის ბაზარზე კვალიფიციური კადრების დეფიციტის აღმოფხვრას და მაღალტემპერატურული მრეწველობის სფეროში საერთო დარგობრივი პრობლემის მოგვარებას. ახალი პროექტი ითვალისწინებს პროფესიისთვის საჭირო უნარებისა და კომპეტენციების შეფასების საფუძველზე, ინდუსტრიის მიერ დადგენილი მოთხოვნების შესაბამისი, მაღალტემპერატურული ტექნოლოგიების ოპერატორის მოკლევადიანი გადამზადების პროგრამის შექმნას. სტუმარი: თემურ გრძელიძე - "ბაზალტ ფაიბერის" დირექტორის მოადგილე; #ახალიამბები #BusinessMediaGeorgia
თიბისი კაპიტალის მიმდინარე პროგნოზით, სავალუტო შემოდინებების მხრივ ნეგატიური დინამიკისათვის, საკმაოდ ძლიერი შოკია საჭირო, რაც არსებულ მაკროეკონომიკურ პარამეტრებში არ იკვეთება. მთავარი ეკონომისტი ყოველკვირეულ განახლებაში მიუთითებს, რომ აგვისტოში ეკონომიკური აქტივობა რეალურ გამოხატულებაში 5.8%-ით გაიზარდა, ნაცვლად პროგნოზირებული 6.1%-სა. სექტემბრის უნაღდო ანგარიშსწორების ბრუნვები, მცირედით, მაგრამ შედარებით მაინც უფრო მაღალ ზრდაზე მიუთითებს, თუმცა მთლიანობაში, ნორმალიზების დინამიკა სახეზეა. ასევე ამ კვირის ბიულეტენში მითითებულია, რომ მიუხედავად იმისა, რომ აგვისტოში სების მიერ ბაზრიდან ამოღებული 110 მლნ დოლარი სხვა თვეებთან შედარებით დაბალი მაჩვენებელი იყო, მითითებული თანხა სოლიდურია და პოზიტივად ფასდება. სტუმარი: ოთარ ნადარაია - თიბისის მთავარი ეკონომისტი; #ახალიამბები #BusinessMediaGeorgia
ეკონომიკური არასტაბილურობის ფონზე, გასული წელი მსოფლიოს უმსხვილესი კომპანიებისთვის საკმაოდ რთული იყო და უმსხვილესი კომპანიების ნაწილისთვის მკვეთრი ვარდნის ტენდენციით ხასიათდებოდა. მართალია, საერთო ჯამში უამრავი ასეთი კომპანიის ბაზრის წილი მნიშვნელოვნად შემცირდა, თუმცა აღმოჩნდნენ ისეთებიც, რომელთაც წლის განმავლობაში ძირითად სექტორებში პოზიტიური ზრდა დააფიქსირეს. საბაზრო კაპიტალიზაციის მიხევდით, რომელია მსოფლიოში დღეს ყველაზე ძვირადღირებული კომპანიები? ლიკა მეგუთნიშვილი - #BMG-ის რეპორტიორი; #ახალიამბები #BusinessMediaGeorgia
ლიბერთის და მერსი ქორფსის ურთიერთთანამშრომლობის ფარგლებში, ახალგაზრდა მეწარმეებისათვის შესაბამისი უნარების გასავითარებლად, გაფართოებისა და გაზრდისთვის პროექტი „ახალგაზრდული მეწარმეობა სოფლის განვითარებისთვის“ - გრძელდება. პროექტის პირველი ეტაპი წარმატებით დაიხურა და მასში მონაწილეობა 800-მდე ახალგაზრდამ მიიღო. როგორი იქნება შემდეგი ეტაპი და რა განახლებებს შეიძლება ველოდოთ? სტუმრები: ირაკლი აბაშიძე - ლიბერთის მცირე და საშუალო ბიზნესის მიმართულების დირექტორის მოადგილე; უჩა ვარამაშვილი - RDYE პროექტის დირექტორი. #ახალიამბები #BusinessMediaGeorgia
"ბრენდის ხმა - ვისოლი" სალომე გველესიანი - #Wissol-ის მარკეტინგის მიმართულების ხელმძღვანელი; ავტორები: ბექა ბაციკაძე, გურამ ხუნდაძე, რევაზ ნასიძე. #ახალიამბები #BusinessMediaGeorgia
საქართველოს ბანკი ახალგაზრდებისთვის განათლების შესაძლებლობების შექმნას აგრძელებს და ამბებს ჩვენც ვცდილობთ არ ჩამოვრჩეთ და პრინციპში პირველივე დღიდან მივყვებით იდეათეკების ამბებს, რომლებმაც საქართველოს მასშტაბით ამ დრომდე 6 რეგიონში 16 სკოლა მოიცვა. მულტიფუნქციური სივრცე, რომელიც მაღალმთიან, ეთნიკური უმცირესობებით დასახლებულ და საზღვრისპირა სოფლებში მცხოვრებ ახალგაზრდებს აძლევს წვდომას შემეცნებისთვის საჭირო ყველა თანამედროვე რესურსზე - მულტიფუნქციურ ბიბლიოთეკებზე, კომპიუტერებსა და პროექტორებზეა გათვლილი უკვე სოფელ მუხრანშიც გაჩნდა და ეს სივრცე მეჩვიდმეტეა. საქართველოს ბანკისთვის საგანმანათლებლო პროექტებში ინვესტირება ერთ-ერთი პრიორიტეტული მიმართულებაა, ბანკი ამ მხრივ დაახლოებით 35-მდე პროექტს ახორციელებს. რაც შეეხება იდეათეკას, აღნიშნულმა უკვე ქვეყნის 6 რეგიონი მოიცვა. #ახალიამბები #BusinessMediaGeorgia
2023 წლიდან მეფუტკრეები ვალდებულნი არიან, რეგისტრაცია გაიარონ. რეგისტრაციის გარეშე მათთვის შეუძლებელი იქნება ფუტკრის და ფუტკრის პროდუქტის რეალიზაცია. რეგისტრაცია კი თავის მხრივ ქვეყნიდან თაფლის გარდა, სხვა ფუტკრის პროდუქტების ექსპორტის შესაძლებლობას ზრდის. მათ შორის საუბარია - დედა ფუტკრის ექსპორტზე, რომელიც საკმაოდ მაღალი ღირებულების პროდუქტია და მეფუტკრეებისთვის მომგებიანი იქნება. პირველი საცდელი ექსპორტი უკვე შედგა, თუმცა როდის დაიწყება კომერციული ექსპორტი? #ახალიამბები #BusinessMediaGeorgia
„სურსათის ბანკის“ შექმნის შესახებ კანონი მიღებულია. პარლამენტმა „სურსათის დანაკარგების, სურსათის ნარჩენების შემცირებისა და სურსათის შეწირულობის შესახებ“ კანონპროექტი, თანმდევ კანონპროექტებთან ერთად, მესამე მოსმენით განიხილა და 73 ხმით მიიღო. მისი სრულად ამოქმედება 2025 წლის 1 იანვრამდე იგეგმება. სისტემა საქართველოში ევროპული პრაქტიკის გადმოღებას გულისხმობს, რაც ერთი მხრივ, მოხმარებისთვის გამოსაყენებელი პროდუქციის ბენეფიციარებისთვის გადაცემას, მეორე მხრივ კი სურსათის დანაკარგების შემცირებას ისახავს მიზნად. როდის გაჩნდება პირველი სურსათის ბანკი ქვეყანაში და დაზღვეულია თუ არა საკვების ვარგისობასთან მიმართებით არსებული რისკები? #ახალიამბები #BusinessMediaGeorgia
ქუთაისში მოგზაურობისას გადავწყვიტეთ, რომ ამ ქალაქის ღამის ცხოვრება და გასართობი ობიექტები მოგვეკითხა. აღმოჩნდა, რომ ბოლო პერიოდში აქ ღამის ეკონომიკა საკმაოდ კარგად ვითარდება და ბევრი გასართობი ობიექტებიც გამოჩნდა. #ახალიამბები #BusinessMediaGeorgia
#საქმიანიდილა - 6 ოქტომბერი - პროლოგი #ახალიამბები #BusinessMediaGeorgia
საერთაშორისო მედიის ყურადღება პლატფორმა - Spotify-სკენ არის მიმართული. საქმე იმაშია, რომ შვედეთის პრესაში Svenska Dagbladet ში გავრცელებული ინფორმაციის თანახმად, სტრიმინგ პლატფორმას შვედეთის კრიმინალური დაჯგუფება ფულის გასათეთრებლად იყენებს. „Spotify კრიმინალური დაჯგუფებებისთვის საბანკო ოპერაციების განმახორციელებელ მანქანად იქცა“ - აცხადებს ერთ-ერთ გამომძიებელი Svenska Dagbladet ინტერვიუში. #ახალიამბები #BusinessMediaGeorgia
აპლიკაცია მედიკი, რომელსაც ქართული სამედიცინო სფეროს გაფიცრულებაში საკუთარი წვლილი 2020 წლიდან შეაქვს, მომსახურებას ახალი სერვისები დაამატა. აპლიკაცია ყველა წამყვან სტომატოლოგიურ კლინიკაში ეშვება, რაც დაჯავშნის საშუალებას რამდენიმე წამში ქმნის. ვიზიტის შემდეგ კი ექიმის შეფასების საშუალებას გაძლევთ. სტუმრები: ლაშა მურჯიკნელი - "მედიკის" დამფუძნებელი; გიორგი გოგიშვილი - "დენტოსის" თანადამფუძნებელი. #ახალიამბები #BusinessMediaGeorgia
ბანკთაშორის გადარიცხვებზე საკომისიოებს არ უნდა ვიხდიდეთ, - ამის შესახებ Business Insider Georgia-ს "საქართველოს ფინტექ ასოციაციის" ხელმძღვანელმა დავით კიკვიძემ განაცხადა. მისივე თქმით, ქვეყანას აქვს შესაბამისი სისტემა, რომლის ტექნიკურად გამართვა ბანკების მხრიდან კომერციული დანახარჯების გარეშე გადარიცხვების შესაძლებლობას შექმნის. სტუმარი: დავით კიკვიძე - "საქართველოს ფინტექ ასოციაციის" ხელმძღვანელი; #ახალიამბები #BusinessMediaGeorgia
თბილისის მერია, 2024 წლის პირველი იანვრიდან დედაქალაქში დიდი გამავლობის მანქანების მოძრაობის შეზღუდვას გეგმავს. თბილისის მუნიციპალიტეტის ადმინისტრაციულ საზღვრებში, საერთო სარგებლობის საავტომობილო გზებზე M3, N2 და N3 კატეგორიების სატრანსპორტო საშუალების მოძრაობა აიკრძალება, M2 და N1 მოძრაობა კი დასაშვები რჩება. შეზღუდვა დილის საათებში 8-დან 11 საათში პერიოდს და საღამოს 17-დან 20 საათამდე შუალედს მოიცავს და არ გავრცელდება აგვისტოში, შაბათ-კვირას და შრომის კოდექსით გათვალისწინებულ უქმე დღეებში. თბილისის მერიის ინფორმაციით, ქალაქში გადაადგილების შეზღუდვები არ შეეხება საზოგადოებრივ ტრანსპორტს, მუნიციპალური/სახელმწიფო ინფრასტრუქტურული პროექტების განხორციელებისათვის საჭირო სატრანსპორტო საშუალებებს, კომერციული ბანკების და მიკროსაფინანსო ორგანიზაციების კუთვნილ საინკასაციო ტრანსპორტს; არაგეგმური საავარიო და სიცოცხლის/ჯანმრთელობის საფრთხის შემთხვევების აღმოსაფხვრელად საჭირო ტრანსპორტს. ტურისტული დანიშნულების ტრანსპორტი ქალაქში მხოლოდ წინასწარ შეთანხმებული მარშრუტით და გრაფიკით იმოძრავებს. 2024 წლიდან ასამოქმედებელი ცვლილებების დარღვევის შემთხვევაში ჯარიმის მოცულობა 1 000 ლარით არის განსაზღვრული, ხოლო განმეორებითი და ყოველი მომდევნო დარღვევა 3 000 ლარია ჯარიმას ითვალისწინებს. რას შეცვლის გადაწყვეტილება საცობების და მეორე მხრივ ბიზნესის ოპერირების კუთხით? სტუმარი: ირაკლი როსტომაშვილი - არქიტექტორი, „არსის" დამფუძნებელი; #ახალიამბები #BusinessMediaGeorgia
თბილისში მაცხოვრებლები თვეში მინიმუმ 20 საათს, წელიწადში კი 240 საათს საცობში ატარებენ - ამის შესახებ საუბარია არასამთავრობო ორგანიზაცია „12 სართულის“ კვლევაში. მათი თქმით, დღიურად მოქალაქეებს საჭირო ადგილზე მისასვლელად მინიმუმ 1 სთ-ით მეტი დრო სჭირდებათ, რაც ევროკავშირის სახელმწიფოთა დედაქალაქებთან შედარებით დაახლოებით 10-ჯერ ნაკლებია. statista.com-ის კვლევის თანახმად, მაგალითად ამსტერდამში წელიწადში 30 საათი დგანან საცობში, ბრატისლავაში 29, პრაღაში ბუდაპეშტში და ჰელსინკში 24, ხოლო ლისაბონში 22 საათი. ყველაზე მაღალი რიცხვი არის 3 მილიონიან რომში, წელიწადში 165 საათი რაც თბილისზე 75 საათით ნაკლებია. როგორ დაითვალეს თბილისში წლიურად საცობებში დახარჯული დრო და რაშია გამოსავალი? სტუმრები: ირაკლი იზორია - „პარტნიორობა საგზაო უსაფრთხოებისთვის“ დირექტორი; ლადო მაჭავარიანი - არასამთავრობო ორგანიზაცია "12 სართული • 12 Storeys To EU" თანადამფუძნებელი. #ახალიამბები #BusinessMediaGeorgia
საქართველოს ბიზნეს ასოციაციაში ინფორმაციული ტექნოლოგიების (IT) კომიტეტი შეიქმნა. კომიტეტს „იუ ჯი თი“- ს გენერალური დირექტორის პირველი მოადგილე ირაკლი ასლანიშვილი უხელმძღვანელებს და მისი მიზანი ბიზნეს სექტორში ინკლუზიური ციფრული ტრანსფორმაციის ხელშეწყობა, ინოვაციებისა და ტექნოლოგიური სიახლეების ინიცირება და დანერგვა. შედეგად კი, ქართული ინოვაციური ეკოსისტემის პოტენციალის განვითარება და ქვეყნის მდგრადი ეკონომიკური ზრდის ხელშეწყობა. სტუმრები: ლევან ვეფხვაძე - საქართველოს ბიზნეს ასოციაცია, აღმასრულებელი დირექტორი; ირაკლი ასლანიშვილი - საქართველოს ბიზნეს ასოციაციის ინფორმაციული ტექნოლოგიების კომიტეტის ხელმძღვანელი, „იუ ჯი თი“- ს გენერალური დირექტორის პირველი მოადგილე; #ახალიამბები #BusinessMediaGeorgia
საქართველოში საერთაშორისო web3 კონფერენცია DeGameFi-ს ორგანიზებით პირველად გასულ წელს ჩატარდა. თავის მხრივ DeGameFi გლობალური ღონისძიებების ციკლია, რომელიც ყოველთვიურად და ყოველწლიურად იმართება მათთვის, ვინც დაინტერესებულია ბლოკჩეინ სისტემით და მისი განვითარებით. DeGameFi - GameFi-სა და DeFi-ს კომბინაციაა, რომელიც აერთიანებს ინვესტორებს, დეველოპერებს, არტისტებსა და ყველას, ვისაც დეცენტრალიზებულ სისტემასთან აქვს კავშირი. სტუმრები: სერგი გვარჯალაძე - საინვესტიციო ფონდი “კეტარის” განვითარების დირექტორი; მიხეილ დიდებულიძე - DeGameFi -ს დამფუძნებელი. #ახალიამბები #BusinessMediaGeorgia
საქართველოს ბანკი ნიჭიერი და მიზანდასახული ახალგაზრდებისთვის განათლების შესაძლებლობების შექმნისთვის კიდევ ერთ პროექტს იწყებს, უფრო სწორად დაიწყო და ამ ამბავში 13 უნივერსიტეტი უკვე ჩართულია. სიახლე საბაკალავრო საფეხურის სტუდენტებისთვის ახალი შესაძლებლობაა. მოტივირებული და ლიდერული თვისებების მქონე საბაკალავრო საფეხურის სტუდენტებისთვის ერთი წლის განმავლობაში სწავლის100% იანი დაფინანსების შესაძლებლობა გააჩინა. 13 პარტნიორი უნივერსიტეტის სტუდენტებს და თითოეულიდან მინიმუმ 5 გამორჩეული საქართველოს ბანკისგან მიიღებს დაფინანსებას, რომელიც სრული გადასახადის და მაგალითად არსებული სახელმწიფო დაფინანსების გამოკლებით სხვაობაა. სტუმრები: ანა ლომთაძე - საქართველოს ბანკის CSR მიმართულების ხელმძღვანელი; გიგა ბედინეიშვილი - "თავისუფალი უნივერსიტეტის" დეკანი #ახალიამბები #BusinessMediaGeorgia
„ავსტრიან ჯორჯიან დეველოპმენტი“ თიბისი კაპიტალის მხარდაჭერით საქართველოს საფონდო ბირჟაზე 15 მილიონ აშშ დოლარამდე 2-წლიანი, უზრუნველყოფილი საჯარო ობლიგაციების ემისიას გეგმავს. ობლიგაციების გაყიდვიდან მიღებული სახსრები გამოყენებული იქნება არსებული საბანკო ვალდებულებების დასაფარად. „ავსტრიან ჯორჯიან დეველოპმენტი“Caucasus Clean Energy Holdings Pte. LTD -ის შვილობილი კომპანიაა, რომელიც ფლობს და მართავს სვანეთში, სოფელ ლახამში, მდინარის მოდინებაზე მყოფ 2 ჰიდროელექტროსადგურს, ჯამური დადგმული სიმძლავრით 15.9 მგვტ. ჰესებმა ოპერირება 2020 წელს დაიწყო. სტუმრები: თორნიკე მჭედლიშვილი - "თიბისი კაპიტალის" საბროკერო მიმართულების ვიცე-პრეზიდენტი; გიორგი აბრამიშვილი - "ავსტრიან ჯორჯიან დეველოპმენტის” გენერალური დირექტორი; GREDA-ს სამეთვალყურეო საბჭოს თავმჯდომარე. #ახალიამბები #BusinessMediaGeorgia
როგორ ვითარდება ქართული საგამომცემლო ბაზარი, რა გამოწვევებს აწყდება გზად, რამდენად მზარდია დაინტერესება მკითხველის მიმართ და ძირითადად რომელი ჟანრით ინტერესდებიან? #ახალიამბები #BusinessMediaGeorgia
საერთაშორისო ვაჭრობის ევოლუციით, გლობალიზაციის შედეგებით და ტექნოლოგიების პროგრესით, გლობალური ვაჭრობა ბოლო 20 წლის განმავლობაში დაახლოებით 300%-ით გაიზარდა. გასულ წელს კი, გლობალური ექსპორტის ღირებულებამ 25 ტრილიონ დოლარს მიაღწია. რომელი ქვეყნები არიან დღეს მსოფლიოში ყველაზე მსხვილი ექსპორტიორები და რა მოცულობის პროდუქტი გაყიდეს მათ გასულ წელს საზღვრებს მიღმა? ლიკა მეგუთნიშვილი - #BMG-ის რეპორტიორი; #ახალიამბები #BusinessMediaGeorgia
მიუხედავად იმისა, რომ ოქროს მოპოვების ტრადიცია და კულტურა ათასობით წელს ითვლის, დადგენილია, რომ მისი მარაგების 86% კაცობრიობამ ბოლო 200 წლის განმავლობაში მოიპოვა. ოქროს მოპოვების ზრდა 1800-იანი წლებიდან ტექნოლოგიურმა პროგრესმა და ინდუსტრიალიზაციამ განაპირობა. დღეს კი, თანამედროვე საშუალებებით მისი მოპოვების მასშტაბები სულ უფრო მზარდია. როგორ იზრდებოდა და ვითარდებოდა ოქროს მოპოვება გლობალურად 1820-იანი წლებიდან 2022 წლამდე და რომელი ქვეყნები მოიპოვებენ მას ყველაზე დიდი რაოდენობით? #ახალიამბები #BusinessMediaGeorgia
თბილისის გასტრო კვირეულის ფარგლებში, გაეროს ქალთა ორგანიზაციასთან თანამშრომლობის გაიმართა პანელური დისკუსია თემაზე - “ქალთა გაძლიერება მდგრად გასტრონომიაში: გზა გაეროს მდგრადი განვითარების მიზნებისკენ”. Tbilisi Gastro Week 1-7 ოქტომბრის ჩათვლით იმართება, სადაც ხუთი საერთაშორისო და ხუთი ადგილობრივი შეფი ოთხ ხელში შეასრულებენ მრავალფეროვან და უმაღლესი სტანდარტის 6-6 კერძს თბილისის სხვადასხვა წამყვან რესტორნებში. #ახალიამბები #BusinessMediaGeorgia
#საქმიანიდილა - 5 ოქტომბერი - პროლოგი #ახალიამბები #BusinessMediaGeorgia
აგროტურიზმის და ღვინის ტურიზმის სტატუსის მქონე ის სუბიექტები, რომელთა საქმიანობის ფარგლებში, კალენდარული წლის განმავლობაში მიღებული შემოსავალი არ აღემატება 500 000 ლარს, გათავისუფლდებიან საშემოსავლო და მოგების გადასახადებისგან. ცვლილებას „საგადასახადო კოდექსი“ ითვალისწინებს, რომელიც პარლამენტშია ინიცირებული. კანონპროექტით, საგადასახადო შეღავათებით სარგებლობა 10 წლით არის გათვალისწინებული. როგორც ინიციატორები განმარტავენ, კანონპროექტი სტიმული იქნება აგროტურისტული და ღვინის ტურისტული საქმიანობებით დაინტერესებული პირებისთვის, რაც, თავის მხრივ, ხელს შეუწყობს დასაქმების ზრდას. მთავრობის დადგენილებით განისაზღვრება უწყება, რომელიც შესაბამის სუბიექტებს მიანიჭებს აგროტურისტული და ღვინის ტურიზმის საქმიანობის სუბიექტის სტატუსს. ცვლილება "ტურიზმის შესახებ" კანონპროექტიდან გამომდინარე შემუშავდა და მისი ამოქმედების ვადად 2025 წლის 1 ივლისი განისაზღვრა. რამდენად ხელშესახები იქნება ეს შეღავათი აგროტურისტული ბიზნესისთვის, ასევე როგორ მუშაობს ბიოწარმოების ხელშეწყობის სახელმწიფო პროგრამა და კიდევ რა სჭირდება ფერმერებს გაძლიერებისთვის? სტუმარი: გიორგი ალადაშვილი - რუისპირის დინამიური მეურნეობის ხელმძღვანელი #ახალიამბები #BusinessMediaGeorgia
1 სექტემბრიდან ძალაში შევიდა რეანიმაციისა და ქირურგიის ახალი სტანდარტები, რომელიც კლინიკებს შესაბამის პირობებს უწესებს როგორც რეანიმაციული განყოფილების ინფრასტრუქტურული მოწყობის, ისე აღჭურვილობის და სამედიცინო პერსონალის რაოდენობის მიმართულებით. იმ ფონზე, როცა ქვეყანაში დამხმარე სამედიცინო პერსონალის, მათ შორის ექთნების სერიოზული დეფიციტია, მოთხოვნილი სანებართვო პირობები კლინიკებს ორ საწოლზე ერთი ექთნის ყოლას ავალდებულებს. ეს იმ დროს, როცა პერსონალის დეფიციტის პირობებში ერთი ექთანი 4-5 პაციენტზე მოდის და დაბალი ანაზღაურების გამო ამ ადამიანებს შეთავსებით რამდენგან უწევთ მუშაობა. ამ პირობებში როგორ სრულდება მთავრობის მიერ მოთხოვნილი პირობები, რას აკეთებს მთავრობა და კერძო სექტორი შესაბამისი საკადრო უზრუნველყოფისთვის და რატომ არის, რომ ექთნის პროფესია რეპუტაციულად დღემდე ვერ გახდა მიმზიდველი საქმე, სტუმარი: მარინა სახვაძე - ექთნების პროფესიული განვითარების ასოციაციის ხელმძღვანელი; #ახალიამბები #BusinessMediaGeorgia
GMP სერტიფიკატს საქართველოში უკვე მეოთხე ფარმაცევტული კომპანია ფლობს. GMP, იგივე „კარგი საწარმოო პრაქტიკის“ სტანდარტი „ბიოქიმფარმმა“ დააკმაყოფილა და გასულ თვეში შესაბამისი სერტიფიკატიც მიიღო. მანამდე ეს სერტიფიკატი მიიღეს „ავერსი რაციონალმა “, პსპ-ს საწარმო „ჯი ემ ფარმამ და ანტიბიოტიკების მწარმოებელმა კომპანია „აბიფარმმა“. ქვეყანაში GMP და GDP სტანდარტების დანერგვა გასული წლის ივნისიდან გახდა სავალდებულო. კომპანიებს შესაბამისი სერტიფიკატის მისაღებად წლის ბოლომდე ჰქონდათ დრო. მიმდინარე წლის იანვრიდან კი ქართულ ბაზარზე ყველა იმ კომპანიის პროდუქციის განთავსება და რეალიზაცია აიკრძალა, რომელთა საწარმოებმაც მოთხოვნილი სტანდარტები ვერ დააკმაყოფილეს. მოთხოვნა არ შეეხო ექსპორტიორ კომპანიებს, მათ 2025 წლამდე აქვთ უფლება GMP სერტიფიკატის გარეშე განახორციელონ ექსპორტი. როგორ ოპერირებს ბაზარზე მოქმედი 50-ზე მეტი ფარმაცევტული საწარმო დღეს, გამოიწვია თუ არა ახალ რეგულაციებზე გადასვლამ მათი საწარმოო პროცესის გაჩერება და რამდენი საწარმო ემზადება სერტიფიკატის მისაღებად? სტუმარი: ლევან გოგიბერიძე - ფარმაცევტთა ასოციაციის ხელმძღვანელი; #ახალიამბები #BusinessMediaGeorgia
მიკროსაფინანსო სექტორში არსებულ ტენდენციებზე ვისაუბრებთ გადაცემის ამ ნაწილში. სექტორი ზრდას აჩვენებს. მისოებმა წელი 30 მილიონიანი მოგებით დაიწყეს, მეორე კვარტალში კი წმინდა მოგება 24,7 მილიონი ლარით გაზარდეს. ეროვნული ბანკის მონაცემებით, 2022 წლის მეორე კვარტალი მიკროსაფინანსო ორგანიზაციებმა 54,7 მლნ ლარის წმინდა მოგებით დახურეს. მეორე კვარტლის მდგომარეობით, ბაზარზე 34 მიკროსაფინანსო ორგანიზაცია საქმიანობს, მათთვის შემოსავლების მთავარ წყაროდ კვლავ სალომბარდე სესხები რჩება, რომლის პორტფელიც 806,4 მილიონ ლარს აჭარბებს. მეორე კვარტლის მდგომარეობით ჯამში მისოებს 1,6 მილიარდ ლარზე მეტი სესხი აქვთ გაცემული. რის ხარჯზე გაიზარდა სექტორი და ზრდის კიდევ რა პოტენციალი აქვს მას? სტუმარი: ნინო დევდარიანი - საქართველოს მიკროსაფინანსო ასოციაციის გამგეობის თავმჯდომარე; #ახალიამბები #BusinessMediaGeorgia
საქართველოს ბიზნეს ასოციაციის წევრი GNS GEORGIA გახდა, რომელიც 2013 წლიდან საზღვაო ხაზის, Cosco Shipping Lines-ის ოფიციალური აგენტია კავკასიის რეგიონში. GNS GEORGIA საკონტეინერო ბაზრის 15%-იან წილს საქართველოსა და კავკასიაში ფლობს. კომპანია წარმოდგენილია როგორც თბილისში, ასევე, ფოთსა და ბათუმში. სტუმრები: ლევან ვეფხვაძე - საქართველოს ბიზნეს ასოციაციის აღმასრულებელი დირექტორი; გივი ჩაჩანიძე - GNS GEORGIA-ს კომერციული მენეჯერი. #ახალიამბები #BusinessMediaGeorgia
თბილისის მერია, 2024 წლის პირველი იანვრიდან დედაქალაქში დიდი გამავლობის მანქანების მოძრაობის შეზღუდვას გეგმავს.დეტალურად როგორი სქემით და რა ფორმით მოხდება ამ გადაწყვეტილების აღსრულება ამაზე კახა კალაზე დღეს მთავრობის სხდომაზე თავად ისაუბრებს. იქამდე ის დოკუმენტი რომელიც BMG-იმ მოიპოვა რამდენიმე საკითხზე პასუხის შესაძლებლობას იძლევა. მათ შორის ჩვენს ხელთ არსებული ინფორმაციით თბილისის მუნიციპალიტეტის ადმინისტრაციულ საზღვრებში, საერთო სარგებლობის საავტომობილო გზებზე M3, N2 და N3 კატეგორიების სატრანსპორტო საშუალების მოძრაობა აიკრძალება, ანუ M2 და N1 მოძრაობა დასაშვები რჩება. შეზღუდვა დილის საათებში 8-დან 11 საათში პერიოდს და საღამოს 17-დან 20 საათამდე შუალედს მოიცავს და რეგულირება არ გავრცელდება აგვისტოში, შაბათ-კვირას და შრომის კოდექსით გათვალისწინებულ უქმე დღეებში. ამ კონკრეტულ საათებში მოძრაობის აკრძალვა დედაქალაქის გარკვეულ უბნებში მოხდება. ეს ძირითადად ცენტრალური ტერიტორია და ის ადგილები იქნება, სადაც მობილობა მაღალია. დოკუმენტში აღნიშნულია, რომ ამ ზონებში 53 კამერაა დამონტაჟებული. ცვლილებებში გამონაკლისი შემთხვევებიცაა გათვალისწინებული, რომელიც ზოგიერთი ეკონომიკური საქმიანობის განმახორციელებელ დიდი გამავლობის ავტომობილებს ეხება, ისიც განსაზღვრულ საათებში. კონკრეტულად კი მოძრაობის შეზღუდვები არ შეეხება: საზოგადოებრივ ტრანსპორტს; ნავთობპროდუქტების გადაზიდვას 8 საათიდან 11 საათების შუალედში; ავტორიზებული საგანმანათლებლო დაწესებულებების მოსწავლეების/სტუდენტების გადაადგილებისათვის განკუთვნილ სატრანსპორტო საშუალებებს; საქართველოს სამართალდამცავ ორგანოებზე რეგისტრირებულ სატრანსპორტო საშუალებებს; იმ სატრანსპორტო საშუალებებს, რომლებსაც ლურჯი ან/და წითელი მოელვარე სპეციალური ციმციმა სიგნალის გამოყენების უფლება აქვთ; მუნიციპალური/სახელმწიფო ინფრასტრუქტურული პროექტების განხორციელებისათვის საჭირო სატრანსპორტო საშუალებებს; კომერციული ბანკების და მიკროსაფინანსო ორგანიზაციების კუთვნილ საინკასაციო ტრანსპორტს; #ახალიამბები #BusinessMediaGeorgia