ზამთარში მოლიპულ გზებზე მოძრაობისას მოცურების საწინააღმდეგო ჯაჭვების ან ზამთრის საბურავების გარეშე მოძრაობაზე ადმინისტრაციული პასუხისმგებლობა დაწესდება, აღნიშნულს ადმინისტრაციულ სამართალდარღვევათა კოდექსში დაგეგმილი ცვლილებები ითვალისწინებს, რომლის ავტორიც შსს. აღნიშნული სამართალდარღვევის ჩადენის შემთხვევაში, პოლიცია უფლებამოსილი იქნება მძღოლს შეუზღუდოს განსაზღვრულ ზონებში/გზის მონაკვეთებზე სატრანსპორტო საშუალებით მოძრაობა,“- აღნიშნულია შინაგან საქმეთა სამინისტროს კანონპროექტში, რომლის განხილვაც პარლამენტში 2023 წლის საშემოდგომო სესიაზეა დაგეგმილი. სტუმარი: დავით მესხიშვილი - "გრინლაით კონსალტინგის“ დამფუძნებელი; #ახალიამბები #BusinessMediaGeorgia
7 და 8 ოქტომბერს ორბელიანის მოედანზე „რითეილ ასოციაციის“ ორგანიზებითა და „ქარავანი ორბელიანზე“ პარტნიორობით, „რითეილ ექსპო 2023“ ჩატარდება. ქართული და იმპორტირებული პროდუქტის გამოფენა-გაყიდვა ქვეყნის მასშტაბით პირველად იმართება, მასში მონაწილეობის შესაძლებლობა კი მწარმოებელ კომპანიებთან ერთად, ქსელურ მარკეტებს, სახელმწიფო უწყებების წარმომადგენლებს და მედიას ექნება. ორდღიან ღონისძიებაზე კომპანიებს საკუთარი პროდუქციის ფართო საზოგადოებისთვის წარდგენის შესაძლებლობა 50-მდე კომპანიას მიეცემა. სტუმრები: სოფიო ქაშაკაშვილი - "რითეილ ასოციაციის" თავმჯდომარე; ანანო გომართელი„ქარავანი ორბელიანზე“ გენერალური მენეჯერი; #ახალიამბები #BusinessMediaGeorgia
ზაფხულის მიწურულს სემეკ-მა საირიგაციო წყლის მიწოდების წესები დაამტკიცა. ახალი მარეგულირებელი აქტით მოწესრიგდება პირველად წყალმოსარგებლეს - მიმწოდებელსა და მომხმარებელთა შორის საირიგაციო წყლის მიწოდებასთან დაკავშირებული ურთიერთობები. საირიგაციო წყლის მიწოდების წესებით განისაზღვრა მიმწოდებლისა და მომხმარებლების ვალდებულებები, დაწესდა ნორმები, რომლითაც უზრუნველყოფილი იქნება გამჭვირვალე და სამართლიან პრინციპებზე დაფუძნებული მომსახურების პირობები. წესების შესაბამისად, მომხმარებლის მიერ მომსახურების საფასურის გადახდის უზრუნველყოფა მოხდება ფაქტობრივად მიღებული მომსახურების შესაბამისად, რაც სექტორის განვითარებისთვის შექმნის შესაბამის პირობებს. სტუმარი: დავით ნარმანია - სემეკ-ის თავმჯდომარე; #ახალიამბები #BusinessMediaGeorgia
Kettari Academy 29 სექტემბრიდან „საშემსრულებლო ხელოვნების მენეჯმენტ“-ზე კურსს იწყებს, რომელსაც თეატრი სახელოსნო 42 -ის დირექტორი, Tbilisi International Festival of Theatre არტ დირექტორი ეკატერინა მაზმიშვილი გაუძღვება. რას მოიცავს ამ კურსის შინაარსი და ვისთვის შეიძლება იყოს საინტერესო? სტუმარი: სერგი გვარჯალაძე - საინვესტიციო ფონდი “კეტარის” განვითარების დირექტორი; #ახალიამბები #BusinessMediaGeorgia
9-10 სექტემბერს, თიბისის მხარდაჭერით ტექნოლოგიური ღონისძიება TESTERS DAY 2023 გაიმართება, რომელიც GeoSTQB-ის ორგანიზებით იმართება ტესტერთა საერთაშორისო დღეს ემთხვევა. კონფერენციას შერატონ გრანდ თბილისი მეტეხი პალასი უმასპინძლებს, სადაც მონაწილეობას საქართველოსა და ევროპის წამყვანი კომპანიები, დარგის ექსპერტები და საერთაშორისო სპიკერები მიიღებენ. სტუმრები: ალეკო ისკონიანი - თიბისის ხარისხის უზრუნველყოფისა და ტესტირების ავტომატიზაციის მიმართულების ხელმძღვანელი; ანა ამირანაშვილი - GeoSTQB -ის თანადამფუძნებელი და ტრენინგების მიმართულების ხელმძღვანელი. #ახალიამბები #BusinessMediaGeorgia
„სილქ როუდ ჯგუფის“ უძრავი ქონების მმართველმა კომპანიამ „სილქ რიალ ისთეითმა“, „გალტ & თაგარტის“, თიბისი კაპიტალისა და „სილქ ბანკის“ მხარდაჭერით, საფონდო ბირჟაზე 40 მილიონი აშშ დოლარის ობლიგაციების მეორე ტრანში - 20 მილიონი აშშ დოლარის ობლიგაციები განათავსა. ეს პირველი განთავსება არ არის ამ პროექტის ფარგლებში კომპანიამ ამავე 2023 წლის აპრილში, დაგეგმილი ჯამური 40 მილიონი აშშ დოლარის პირველი ემისიის ფარგლებში, გამოუშვა და განათავსა 20 მილიონი აშშ დოლარი წლიური ფიქსირებული 9.00%-იანი კუპონით. სტუმრები: ნონა ონიანი - "სილქ რიალ ისთეითის" ფინანსური დირექტორი; მერი ჩაჩანიძე - თიბისი კაპიტალის მმართველი დირექტორი; ნინი ჯოხაძე - "გალტ & თაგარტის" საკონსულტაციო სამსახურის უფროსი #ახალიამბები #BusinessMediaGeorgia
ქართული ჩაის პროდუქცია ადგილობრივთან ერთად საექსპორტო ბაზრებისთვისაც საკმაოდ საინტერესოა, თუმცა სექტორი გარკვეული შეფერხებებით მუშაობს. კონკრეტულად, რა პოტენციალი აქვს ქართულ ჩაის, როგორია მოსავალი წელს და რა დაბრკოლებებს აწყდებიან მწარმოებლები, ამ თემებზე დეტალურად სასაუბროდ თიკო ნატმელაძე გვიერთდება. #ახალიამბები #BusinessMediaGeorgia
ჯეოსქაის სამგზავრო მიმართულებამ ჯორჯიან ვინგსმა პირველი საერთაშორისო ფრენა შეასრულა. ქართული ავიაკომპანია თბილისიდან ბაქოს მიმართულებით გაფრინდა. ავიაკომპანიაში აცხადებენ, რომ პირველ ეტაპზე ფრენები კვირაში სამი სიხშირით შესრულდება და ბილეთის საწყისი ღირებულება 90 ევროა. Ააღსანიშნავია, რომ Geosky საქართველოს ბიზნეს ასოციაციის წევრია. #ახალიამბები #BusinessMediaGeorgia
ოფიციალური სამუშაო საათები, რომელიც კვირაში 34 -დან 40 სამუშაო საათს მოიცავს, ძირითადად ევროპის ქვეყნებსა და აშშ-ში მოქმედებს, თუმცა, არსებობს ქვეყნები, სადაც ადამიანები კვირის განმავლობაში ბევრად მეტ საათს მუშაობენ. აღსანიშნავია, რომ სამუშაო საათების რაოდენობა პირდაპირ კავშირში არ არის შესრულებული სამუშაოს ხარისხსა და ანაზღაურებასთან, რადგან განვითარებად ქვეყნებში მილიონობით ადამიანს ზეგანაკვეთურად უწევს მუშაობა. რომელ ქვეყნებში მუშაობენ ყველაზე მეტს და კვირაში რამდენი საათით განისაზღვრება იქ დასაქმებულების სამუშაო გრაფიკი? #ახალიამბები #BusinessMediaGeorgia
ევროპის მასშტაბით ავიაკომპანიებმა უკვე დაიწყეს ბილეთებზე ფასების შემცირება, რადგან ზაფხულის პიკური მოგზაურობის სეზონი სრულდება და პასიური თვეების პერიოდი ახლოვდება. ევროპის ავიახაზების წარმომადგენლებმა განაცხადეს, რომ მიმდინარე ზაფხულის სეზონი, განსაკუთრებით პანდემიის შემდეგ, პიკური იყო, თუმცა მოლოდინები, რამდენად გაგრძელდება მაღალი მოთხოვნა მოგზაურობაზე, არასტაბილურია. რამდენპროცენტიანი ფასდაკლება ვრცელდება ბილეთებზე და ძირითადად რა მიმართულებებზე? #ახალიამბები #BusinessMediaGeorgia
#საქმიანიდილა - 7 სექტემბერი - პროლოგი #ახალიამბები #BusinessMediaGeorgia
პრესტიჟულმა სპორტულმა გამოცემა Goal.com-მა 2023 წლის „ოქროს ბურთის“ პრეტენდენტთა განახლებული რეიტინგი გამოაქვეყნა. „ნაპოლის“ ქართველი შემტევი, ხვიჩა კვარაცხელია ჩამონათვალში მე-13 ადგილს იკავებს და ისეთ ფეხბურთელებს უსწრებს როგორებიც არიან მარკუს რეშფორდი „მანჩესტერ იუნაიტედიდან“, ჯუდ ბელინგემი მადრიდის „რეალიდან“, ბუკაიო საკა „არსენალიდან“, ჯეკ გრილიში „მანჩესტერ სიტიდან“ და სხვები. აღსანიშნავია, რომ ქართველმა Goal.com-ის რეიტინგში საუკეთესო პოზიცია, მე-6 ადგილი, მარტის თვეში დაიკავა, ტოპ-ათეულში კი არაერთხელ მოხვდა. კვარაცხელიას 2022-2023 წლების სეზონში საკლუბო და სანაკრებო ტურნირებზე მთლიანობაში 16 გოლი და 17 საგოლე გადაცემა აქვს მოგროვებული. ხვიჩამ „ნაპოლისთან“ ერთად იტალიის სერია A მოიგო და სეზონის საუკეთესო მოთამაშე გახდა. #ახალიამბები #BusinessMediaGeorgia
საპენსიო შენატანების ადმინისტრირებაში არსებულ პრობლემებზე ვისაუბრებთ გადაცემის ან ნაწილში. ერთია ის, რომ არის შემთხვევები, როცა ბიზნესის წარმომადგენლების მიერ, საპენსიო შენატანების შესახებ ინფორმაცია გადახდის წყაროსთან დასაკავებელი გადასახადების დეკლარაციებში ასახულ ინფორმაციებს არ ემთხვევა, თუმცა როგორც ირკვევა არსებობებს ისეთი ფაქტებიც, როცა დამსაქმებელი დასაქმებულის მიერ გადახდილ 2%-ს არ ადეკლარირებს. ამის შესახებ საპენსიო სააგენტოს ხელმძღვანელის მოვალეობის შემსრულებელმა გიორგი ჭიჭინაძემ ისაუბრა მიმდინარე კვირაში პარლამენტის ჯანდაცვის კომიტეტში. რამდენად სწორად ასრულებენ დამსაქმებლები საპენსიო სააგენტოს მიმართ კანონით განსაზღვრულ ვალდებულებებს, ამის კონტროლი საპენსიო სააგენტომ რამდენიმე თვის წინ დაიწყო და შესაბამისი გამაფრთხილებელი შეტყობინებებიც აპრილის თვიდან დაეგზავნათ ბიზნესოპერატორებს. რამდენად გასამკაცრებელია კონტროლი და რას შეცვლის შემოსავლების სამსახურის ნაცვლად ამ მანდატის საპენსიო სააგენტოსთვის გადაცემა? სტუმარი: დავით პაპიაშვილი - აუდიტორული კომპანია Kreston Georgia-ს მმართველი პარტნიორი; #ახალიამბები #BusinessMediaGeorgia
2025 წლის 1 ივლისიდან სისხლის ფულადი გასამრჯელოს სანაცვლოდ ჩაბარება კანონით იქნება აკრძალული. ამას საქართველოს პარლამენტის მიერ ადამიანის სისხლისა და მისი კომპონენტების ხარისხისა და უსაფრთხოების შესახებ კანონში ცვლილებები ითვალისწინებს. კანონის ფარგლებში კერძო სისხლის ბანკებს ცენტრალური სისხლის დაწესებულება ჩაანაცვლებს, რომელსაც სახელმწიფოს სახელით საქართველოს მთავრობა დააფუძნებს. სისხლის ცენტრალური დაწესებულება ჯანდაცვის სამინისტროს დაექვემდებარება და მისი დაფუძნებისთვის 16 მილიონი ლარის დახარჯვა იგეგმება.ქვეყანაში შეიქმნება სისხლის სამი დაწესებულება, რომელიც პასუხისმგებელი იქნება სისხლის შეგროვებაზე, დამუშავებაზე, ტესტირებაზე, შენახვასა და განაწილებაზე. მათგან ერთი - სახელმწიფო, ორი კი კერძო დაწესებულება იქნება. პარალელურად იარსებებს კლინიკების ბაზაზე დაფუძნებული სისხლის ბანკები, რომლებსაც მხოლოდ სისხლის შენახვა და გაცემა შეეძლებათ. ამჟამად ქვეყანაში 25-მდე სისხლის ბანკი ფუნქციონირებს, რომელთა ნაწილი კანონპროექტის ამოქმედების შემდეგ გაუქმდება. იყვნენ თუ არა კანონპროექტის შემუშავებისა და განხილვების პროცესში ჩართული კერძო სექტორის წარმომადგენლები, რა შესაძლო რისკები შეიძლება ახლდეს თან ამ რეფორმას და რეალურად რა მიზანს უნდა მოემსახუროს ის? სტუმარი: ნატა კვანტალიანი - ნატალია კვანტალიანის სახელობის სისხლის ცენტრალური ბანკის დამფუძნებელი; #ახალიამბები #BusinessMediaGeorgia
ავტოიმპორტიორები რუსთავის ავტობაზრობის ადმინისტრაციას კონკურენციის ეროვნულ სააგენტოში უჩივიან. ავტოიმპორტიორთა ასოციაციამ უკვე მიმართა სააგენტოს, ავტობაზრობის მხრიდან შესაძლო დომინანტური მდგომარეობის ბოროტად გამოყენების საქმეზე. იმპორტიორები ავტობაზრობის მომსახურების მაღალ ტარიფებს აპროტესტებენ. გასულ თვეში რუსთავში საპროტესტო აქციაც გაიმართა, როგორც ირკვევა, იყო ადმინისტრაციასთან მოლაპარაკების მცდელობაც, თუმცა უშედეგოდ. სტუმარი: ალექსი ნონიაძე - "ავტოიმპორტიორთა ასოციაციის" ხელმძღვანელი; #ახალიამბები #BusinessMediaGeorgia
3 თვე გადის, რაც მთავრობამ ფქვილის იმპორტზე დროებითი გადასახადი დააწესა. როგორც გვახსოვს, მარცვლეულის ადგილობრივი მწარმოებლების პროტესტი გახდა მთავარი საფუძველი იმისთვის, რომ მთავრობა ბიზნესს ფქვილის იმპორტზე შემზღუდავი მექანიზმის შემოღებას დათანხმდა. საკითხი ეხება ძირითადად რუსეთიდან განხორციელებულ იმპორტს, რადგან სწორედ რუსეთია საქართველოსთვის როგორც ხორბლის, ისე ფქვილის მთავარი მომწოდებელი. ბოლო 2 წელია ადგილობრივი წისქვილების 80%-ზე მეტმა საქმიანობა სრულად ან ნაწილობრივ შეაჩერა, რადგან აზრი დაეკარგა ხორბლის ადგილზე გადამუშავებას და ფქვილის წარმოებას, რადგან ნულოვანი ბაჟის პირობებში იმპორტირებული ფქვილი გაცილებით დაბალ ფასად ხვდებოდა ქართულ ბაზარზე. დროებითი საიმპორტო საფასური 10 ივნისიდან შევიდა ძალაში და 5 თვის განმავლობაში იმოქმედებს. საიმპორტო გადასახადის დაწესებიდან პირველივე თვეს, ივნისში წინა თვეებთან შედარებით ფქვილის იმპორტი შემცირებულია. მაგალითად, თუ აპრილში 4,3 მილიონი დოლარის ფქვილის იმპორტი განხორციელდა, ხოლო მაისში 3,9 მილიონი დოლარის, ივნისში, ანუ რეგულაციის დაწესების თვეს, ეს მაჩვენებელი 3,5 მილიონ დოლარამდე, ივლისში კი 1,7 მილიონ დოლარამდე შემცირდა. სხვაობა გაცილებით მკვეთრია, თუ ივლისის თვეს წინა წლის ანალოგიურ პერიოდს შევადარებთ, ამ შემთხვევაში ფქვილის იმპორტი თითქმის განახევრებულია. რა შეცვალა მოსაკრებლის დაწესებამ წისქვილებისთვის, რამდენად წაახალისა ამან ადგილობრივი წარმოება? სტუმარი: ლადო ბიძინაშვილი - "ბარაქას" დამფუძნებელი #ახალიამბები #BusinessMediaGeorgia
გარემოს დაცვისა და სოფლის მეურნეობის სამინისტრო შეიძლება გაიყოს - ყოველ შემთხვევაში ასეთია ინიციატივა, რომელიც საპარლამენტო პოლიტიკური ჯგუფი „საქართველოსთვის“ წევრმა შალვა კერესელიძემ წარადგინა. საშემოდგომო სესიაზე ინიციატივის წარდგენისას არგუმენტების ნაწილიც გაზიარებულია, დეპუტატი ფიქრობს, რომ გარემოსდაცვითი პოლიტიკის შემუშავებისას არაჯეროვანია დღეს ნამუშევარი - რას ცვლის სამინისტროების გაყოფა და რა სტრუქტურით უნდა დაბრუნდეს უკვე გამოცდილი და არსებულით ჩანაცვლებული სისტემა? სტუმარი: შალვა კერესელიძე - საპარლამენტო პოლიტიკური ჯგუფი „საქართველოსთვის“ წევრი; #ახალიამბები #BusinessMediaGeorgia
2023-2024 სასწავლო წელი 14 სექტემბერს დაიწყება. შესაბამისად, მშობლები სასკოლო ნივთებს ყიდულობენ. საკანცელარიო მაღაზიებმა სხვადასხვა შეთავაზებებიც გააკეთეს და ამაზე საქმიანი დილას ეთერში უკვე ვისაუბრეთ, თუმცა ქსელურ მაღაზიებთან ერთად საინტერესოა რა მდგომარეობაა სასკოლო ნივთების ბაზრობაზე, ფასების და მომხმარებელთა აქტივობის კუთხით? მარიამ იზორია - #BMG-ის ჟურნალისტი; #ახალიამბები #BusinessMediaGeorgia
BACK TO SCHOOL - აქცია "ბეკოში" ხატია ტყებუჩავა - "ბეკოს" მარკეტინგისა და საზოგადოებასთან ურთიერთობის ხელმძღვანელი; #ახალიამბები #BusinessMediaGeorgia
შვეიცარიული აგრარული სკოლა „კავკასია“ ზრდა გაფართოებას აგრძელებს და წლის ბოლომდე შესასრულებელ გეგმას 100% ით ნატურალური გასაყიდი რძე დაემატება. იოგურტის შემდეგ მიმდინარე თვეში “კავკასია”-მ მომხმარებლებს კარაქი შესთავაზა. სარკინეთში მოქმედი სკოლის ბაზაზე შვეიცარიული ტექნოლოგიით ყველის წარმოება უფრო დიდი ხნის წინ დაიწყო და შვეიცარიული ტექნოლოგიით კომპანია 5 დასახელების ყველს აწარმოებს. წარმოება მხოლოდ ნაწილია დმანისში წლების წინ დაწყებულ პროექტთან დაკავშირებით,სადაც შვეიცარიული პროფესიული განათლების მოდელის მიხედვით სკოლა და საცხოვრებელი კამპუსი ფუნქციონირებს.წლის დასაწყისში USAID-ის მხარდაჭერით, ახალი სასოფლო-სამეურნეო ტრენინგ ცენტრის დაფუძნება დაანონსდა. სტუმარი: თინათინ მახარაძე - შვეიცარიული აგრარული სკოლა ,,კავკასიის“ დირექტორი; #ახალიამბები #BusinessMediaGeorgia
საქართველო-თურქეთის საზღვარზე, „ვალეს“ საბაჟო გამშვები პუნქტის მოსაზღვრე მხარეს განახლებული საბაჟო-გამშვები პუნქტი „თურქგოზუ“ გაიხსნა. ფინანსთა მინისტრის პირველი მოადგილის განცხადებით, განახლებული საბაჟო ინფრასტრუქტურის გახსნა მნიშვნელოვანია ორ ქვეყანას შორის ურთიერთობისათვის რაც ინფრასტრუქტურულ პროექტებთან ერთად უკავშირდება საბაჟო პროცედურების დახვეწა-გამარტივებას, სატრანსპორტო საშუალებების, საქონლისა და მგზავრების შეუფერხებელი გადაადგილების უზრუნველყოფასა და ვაჭრობის წახალისებას უკავშირდება. რას შეცვლის განახლებული ინფრასტრუქტურა და რა შესაძლებლობაა ორი ქვეყნის სავაჭრო ურთიერთობისათვის? სტუმარი: ოსმან ჩალიშქან მჟავანაძე - თურქეთ-საქართველოს ბიზნეს საბჭოს თავმჯდომარე; #ახალიამბები #BusinessMediaGeorgia
ზაფხულის სეზონზე რა თქმა უნდა ინტერესი იზრდება საქართველოს საზღვაო კურორტების მიმართ თუმცა ის რომ ბათუმმა ნიში ყველა სეზონზე ინფრასტრუქტურის განვითარებასთან ერთად იპოვა ამას რიცხვები წლების ჭრილში თუ შევხედავთ ადასტურებს. პოტენციალი კიდევ უფრო მეტის არის და საინვესტიციო შესაძლებლობების მრავალფეროვნებასაც არ ვუჩივით. "ორბი სითის" 5 ვარსკვლავიანი სასტუმრო კომპლექსის ინფრასტრუქტურა მშენებლობის ფინალურ ეტაპზეა. პარალელურად გაყიდვები დაიწყო "ორბის სითის" ბოლო სასტუმრო ბლოკში და 2 თვის განმავლობაში შესაძლებლობას აძლევს ყველა დაინტერესებულ პირს აპარტამენტები "ორბი სითიში" 23 500 აშშ დოლარად შეიძინონ, ამავე აქციის პირობებში რემონტის ტექნიკის და ავეჯის მოწყობის საფასური სულ რაღაც 290 აშშ დოლარია 1 კვ.მ.-ზე. ირაკლი კვერღელიძე - "ორბი ჯგუფის" გენერალური დირექტორი; გიორგი ისაკაძე - #BMG-ის გენერალური პროდიუსერი;
რამდენად დატვირთული იყო ზაფხულის ტურისტული სეზონი? თიკო ნატმელაძე - #BMG-ის რეპორტიორი; #ახალიამბები #BusinessMediaGeorgia
გაეროს მსოფლიო ტურიზმის ორგანიზაციის ბოლოდროინდელმა მონაცემებმა საერთაშორისო ტურისტების მნიშვნელოვანი ზრდა დააფიქსირა, რომელიც გასულ წლებთან შედარებით 6%-ით გაიზარდა. 2023 წლის ზაფხულის მონაცემებით, მსოფლიოს ყველაზე მონახულებად ქვეყნად საფრანგეთი დასახელდა. კიდევ რომელ ქვეყნებს ჰყავდათ ყველაზე მეტი ტურისტი წელს და რამდენია მათი შემოსავალი ინდუსტრიიდან? #ახალიამბები #BusinessMediaGeorgia
ტვირთების საჰაერო გადაზიდვა აეროპორტების ბრუნვის ერთ-ერთი უმთავრესი ნაწილია, საჰაერო გადაზიდვები კი გლობალური ეკონომიკის ერთ-ერთი მნიშვნელოვანი მიმართულება. 2022 წელს საჰაერო გზით გადაზიდული ტვირთის მთლიანმა წონამ 117 მილიონი ტონა შეადგინა. აეროპორტების საერთაშორისო საბჭოს უახლეს სტატისტიკაზე, რომელი აეროპორტებიდან გადაიზიდა გასულ წელს ყველაზე მეტი ტვირთი? #ახალიამბები #BusinessMediaGeorgia
"ჯითი მოტორსი", მას შემდეგ რაც ერთი წელი გავიდა, რაც საქართველოში ოფიციალურად წარმოადგენს BMW-სა და MINI-ს, GT Motors-ი #BMG-სთან საუბრისას განვლილ ერთ წელს აჯამებს, არსებული სიახლეების შესახებ გვიყვება და სამომავლო გეგმებსაც გვანდობს. #ახალიამბები #BusinessMediaGeorgia
#საქმიანიდილა - 6 სექტემბერი - პროლოგი #ახალიამბები #BusinessMediaGeorgia
მიმდინარე წლის 17 სექტემბრიდან მომავალი წლის 28 იანვრის ჩათვლით, შვეიცარიის ქალაქ ბაზელში, ნიკო ფიროსმანის ნამუშევრების გამოფენა გაიმართება, რომელსაც გალერეა Fondation Beyeler-ი უმასპინძლებს. როგორც გალერეის ვებგვერდზე ვკითხულობთ, გამოფენაზე ფიროსმანის 50-მდე ნამუშევარი იქნება წარმოდგენილი, რითაც ის ფიროსმანის საქართველოს საზღვრებს გარეთ ჩატარებული უდიდესი გამოფენა იქნება. #ახალიამბები #BusinessMediaGeorgia
„ლუკა პოლარე“ საქართველოს ფარგლებს გაცდა და ბაქოში წარმოება და პირველი ფილიალი გახსნა. ქვეყნის ფარგლებს გარეთ ბრენდის განვითარებისთვის კომპანიამ 250 000 დოლარის ინვესტიცია ჩადო. ბაქოს ერთ-ერთ მთავარ ქუჩაზე „ლუკა პოლარეს“ პირველი ფილიალის გახსნაზე კომპანია 2023 წლის დასაწყისიდან მუშაობდა, რაც ბრენდის განვითარებისთვის მნიშვნელოვანი ნაბიჯია. "ლუკა პოლარეში" ბაქოელებს თითქმის ყველა პროდუქტის დაგემოვნება შეუძლიათ, რომელიც ქართულ ბაზარზეა წარმოდგენილი. გარდა ამისა აზერბაიჯანის წარმოებამ ადგილობრივ მოსახლეობაზე მორგებული და მათი საყვარელი გემოებიც შექმნა. სტუმარი: თეა თაბაგარი - “ლუკა პოლარეს” დირექტორი; #ახალიამბები #BusinessMediaGeorgia
მოახლოვდა სასკოლო პერიოდი და საინტერესოა მოვიკითხოთ ბაზარი, როგორ ხვდებიან წლევანდელ სეზონს წიგნის და საკანცელარიო მაღაზიები. 2023-2024 წლის სასწავლო წელი 15 სექტემბერს იწყება, სამზადისი კი უკვე დაწყებულია. ეს დღე განსაკუთრებით ამაღელვებელი ალბათ მაინც პირველკლასელებისთვის არის, თუმცა ამ ეიფორიას და ემოციებს სასკოლო ხარჯებიც თან ახლავს. სასურველი პროდუქციის შეძენა მაღაზიებში, ბაზრობებზე, დიდ სავაჭრო ცენტრებშია შესაძლებელი, შესაბამისად, არჩევანი დიდია, ფასები კი განსხვავებული. საინტერესოა, რა ხარჯებთან არის დაკავშირებული ბავშვის სკოლისთვის მომზადება? სტუმარი: ანა ივანიშვილი - “ბიბლუსი ჯგუფის” ბიზნესის განვითარების ხელმძღვანელი. #ახალიამბები #BusinessMediaGeorgia
შემოდგომის პირველი თვე მევენახეებისთვის რთულად დაიწყო. ძლიერმა სეტყვამ და ქარმა კახეთის რამდენიმე მუნიციპალიტეტი დააზარალა. სტიქიისგან მიყენებული ზარალის მინიმალურზე დაყვანა სეტყვის საწინააღმდეგო ბადეების გამოყენებით შესაძლებელია და მნიშვნელოვანია ისიც, რომ ასეთი საწარმო საქართველოში ოფიციალურად არსებობს. სეტყვის საწინააღმდეგო ბადეებზე წარმოება, აქამდე, სატესტო რეჟიმში მიმდინარეობდა, მიმდინარე წლიდან კი შეკვეთებზე მუშაობა სრული დატვირთვით მიმდინარეობს. რა ღირს სეტყვის საწინააღმდეგო ბადეები, რომელიც ადგილზე, ჩვენს ქვეყანაში იწარმოება და როგორია მოთხოვნა სოფლის მეურნეობის სექტორში არსებული კომპანიების თუ რიგითი მევენახეების მხრიდან? სტუმარი: ავთანდილ მაისურაძე - “აგრობადეს” დამფუძნებელი. #ახალიამბები #BusinessMediaGeorgia
"კერკი", ქართული მშრალი ხილის ბრენდია, რომელიც ხუთი სახის პროდუქტს მოიცავს: ჩირი, ჩურჩხელა, ტყლაპი, ცუკატი და თხილეული. კერკის საწარმო ეკოლოგიურად სუფთა გარემოში, მაღალმთიან აჭარაში მდებარეობს და პროდუქციას სურსათის უვნებლობის მენეჯმენტის უმაღლესი სტანდარტით აწარმოებს. კომპანიამ USAID თან თანამშრომლობა 2020 წლიდან დაიწყო, ერთ ერთი პირველი დონორი ორგანიზაცია 5 პარტნიორს შორის, და მას შემდეგ მხარში უდგას კერკის წარმოებას თითქმის ყველა მიმართულებით. მეორე კომპანია, რომელსაც ასევე USAID-ი დაეხმარა, შპს ქართული აგროპროდუქტია. კომპანიასთან USAID-ის თანამშრომლობა 2014 წელს სამაცივრე მეურნეობით დაიწყო. USAID-ის დახმარებით კომპანიამ დანადგარების შეძენა შეძლო და 2017 წელს კომპანიამ უკვე ხილისა და ბოსტნეულის გადამამუშავებელი საწარმო ააშენა. კომპანია ასევე ამზადებს ხილისა და ბოსტნეულის პიურეებს. 2020 წლიდან კი შეიქმნა პროდუქტი, დასალევი ხილ-ბოსტნეული ბრენდი "კეთილი და პატიოსანი". როგორ აისახა ბიზნესებზე USAID-ის მხარდაჭერა და კონკრეტულად რაში გამოიხატება მათი წარმატება? სტუმრები: იოსებ მანჯავიძე - ,,შპს ქართული აგროპროდუქტის" პარტნიორი და აღმასრულებელი დირექტორი; ნინო რესულიძე - "კერკის" გაყიდვების და მარკეტინგის მენეჯერი. #ახალიამბები #BusinessMediaGeorgia
საქართველოს პრემიერ-მინისტრის განცხადებით, ნენსკრაჰესის პროექტთან დაკავშირებით მემორანდუმი გაფორმებულია და მშენებლობა მაქსიმუმ 2024 წელს განახლდება. ამის შესახებ ირაკლი ღარიბაშვილმა მთავრობის სხდომის დაწყებამდე განაცხადა. პრემიერმა აღნიშნა, რომ მთავრობამ 2024 წლის ბიუჯეტზე დაიწყო მუშაობა, რომელშიც მსხვილი ინფრასტრუქტურული პროექტებიც იქნება გათვალისწინებული. პრემიერმა სწორედ ამ საკითხზე საუბრისას აღნიშნა, რომ ნენსკრა ჰესის მშენებლობის დაწყება 2024 წლის დასაწყისისთვის იგეგმება, თუმცა სხვა დეტალებზე არ უსაუბრია. სტუმარი: გიორგი აბრამიშვილი - "საქართველოს განახლებადი ენერგიის განვითარების ასოციაციის" სამეთვალყურეო საბჭოს თავმჯდომარე; #ახალიამბები #BusinessMediaGeorgia
წლიდან წლამდე საშემოდგომო სეზონის მოახლოებასთან ერთად უცვლელად განსახილველი თემების ჩამონათვალში აგრომიმართულებით დასაქმებული ფერმერების თუ შედარებით მცირემიწიანი გლეხების გამოწვევებში უცვლელი სტიქიით შექმნილი პრობლემები და გაფუჭებული მოსავლის დათვლა უცვლელი რჩება. სტუმარი: რატი კოჭლამაზაშვილი - საქართველოს ფერმერთა ასოციაციის თავმჯდომარის მოადგილე; #ახალიამბები #BusinessMediaGeorgia
საქართველოს პრემიერ-მინისტრის განცხადებით, ნენსკრაჰესის პროექტთან დაკავშირებით მემორანდუმი გაფორმებულია და მშენებლობა მაქსიმუმ 2024 წელს განახლდება. ამის შესახებ ირაკლი ღარიბაშვილმა მთავრობის სხდომის დაწყებამდე განაცხადა. პრემიერმა აღნიშნა, რომ მთავრობამ 2024 წლის ბიუჯეტზე დაიწყო მუშაობა, რომელშიც მსხვილი ინფრასტრუქტურული პროექტებიც იქნება გათვალისწინებული. პრემიერმა სწორედ ამ საკითხზე საუბრისას აღნიშნა, რომ ნენსკრა ჰესის მშენებლობის დაწყება 2024 წლის დასაწყისისთვის იგეგმება, თუმცა სხვა დეტალებზე არ უსაუბრია. სტუმარი: გიორგი აბრამიშვილი - "საქართველოს განახლებადი ენერგიის განვითარების ასოციაციის" სამეთვალყურეო საბჭოს თავმჯდომარე; #ახალიამბები #BusinessMediaGeorgia
მსხვილ საერთაშორისო ინდექსებს გასული კვირა საკმაოდ წარმატებული კვირა ჰქონდათ. მათ შორის S&P 500-მა შესამჩნევი 2.50%-იანი ზრდა აჩვენა რაც წარმატებულ შედეგად ფასდება. პარალელურად ევროპაში ევროზონის მასშტაბით სამომხმარებლო ფასების ზრდის ტემპი შენელდა. აგვისტოში წლიური ინფლაციის დონემ 5.3% შეადგინა, რაც 0.1 პროცენტული პუნქტით ნაკლებია წინა თვის მაჩვენებელზე. რაც შეეხება საბაზო ინფლაციას (CPI), რომელიც არ ითვალისწინებს სურსათისა და ენერგორესურსების ფასებს, აღნიშნული მაჩვენებელი 5.3%-ს შეადგენს, ნაცვლად წინა თვეს დაფიქსირებული 5.5%-ისა სტუმარი: ნიკა მაზანაშვილი - Galt&Taggart;-ის საბროკერო დეპარტამენტის უფროსი ანალიტიკოსი; #ახალიამბები #BusinessMediaGeorgia
BMG და Tegeta Holding-ი წარმოგიდგენთ: #BMGAuto-ს
პირველი სექტემბრიდან მართვის მოწმობის აღების პირობები გამკაცრდა. მართვის უფლების აღების მსურველს ავტომობილის ტექნიკურ გამართულობასთან დაკავშირებული საკითხების ცოდნა მოუწევს. Რას გულისხმობს მართვის უფლების მისაღებ გამოცდაში დამატებული ახალი პუნქტი და როგორ აფასებენ ამას ავტოსკოლების წარმომადგენლები? #ახალიამბები #BusinessMediaGeorgia
6 თვის მონაცემებით საქართველოდან ატმის ექსპორტი გაორმაგდა. ოფიციალური სტატისტიკის მიხედვით, ქვეყანამ 1 411 ტონა ახალი ატმისა და ნექტარინების რეალიზებით 1 მილიონ 424 ათასი დოლარის შემოსავალი მიიღო. გაყიდული საქონლის რაოდენობა 67%-ით, ხოლო ღირებულება 107.2%-ით გაიზარდა. წლის პირველ ნახევარში ატამი მხოლოდ 2 ქვეყანაში გავიდა, ექსპორტის ძირითადი ნაწილი კი რუსეთში განხორციელდა, სადაც 1.2 მლნ დოლარის ღირებულების 1 089 ტონა ატამი გავიდა, ხოლო სომხეთში 204 ათასი დოლარის 321 ტონა ატამი. გასულ წელს საექსპორტო ქვეყნებს შორის ასევე იყვნენ აზერბაიჯანი და სლოვენია, თუმცა მოცულობები გაყიდვის მოცულობები მცირე იყო. რთველის შეჯამებამდე ატმის მოსავლიანობის შედგები უნდა მოვიკითხოთ , რომელსაც სტიქიისგან ზარალი და ზიანი არ მოჰკლებია. სტუმარი: ნიკა გეთიაშვილი - ფერმერი; #ახალიამბები #BusinessMediaGeorgia
2022 წელს, გლობალურად ნავთობის დღიურმა საშუალო წარმოებამ 80.75 მილიონ ბარელს მიაღწია. ეს ნიშნავს, რომ ნედლი ნავთობის წლიურმა მოპოვებამ დაახლოებით, 29.5 მილიარდი ბარელი შეადგინა, ხოლო ბაზრის ზომა, არსებული ფასებით, 2 ტრილიონს გაუტოლდა. რომელი ქვეყნები აწარმოებენ ყველაზე მეტ ნავთობს მსოფლიოში, ამ კითხვაზე საპასუხოდ მსოფლიოს ერთ-ერთი უმსხვილესი ნავთობმწარმოებელი BP 2022-2023 წლის სტატისტიკური მიმოხილვას აქვეყნებს. ლიკა მეგუთნიშვილი - #BMG-ის რეპორტიორი; #ახალიამბები #BusinessMediaGeorgia
„მთავრობა მაქსიმალურად გააკონტროლებს ინფლაციის დონეს“ - ამის შესახებ პრემიერ მინისტრმა ირაკლი ღარიბაშვილმა გუშინდელი მთავრობის სხდომაზე განაცხადა. როგორც ღარიბაშვილი ამბობს, ძირითადი მოხმარების პროდუქტებზე ფასები დაკლებულია, რომლის შემოწმებაც კონკურენციის სააგენტოსთან ერთად, რეგულარულად შენარჩუნდება. #ახალიამბები #BusinessMediaGeorgia
სულ რაღაც ორი თვის წინ თბილისთან ახლოს რესტორანი "ნავაზი" გაიხსნა, ეს არის ოთხ მილიონიანი პროექტი, რომელიც სხვადასხვა სივრცეებს აერთიანებს, მათ შორის მეგატერასას, რომელიც ოთხას ადამიანზეა გათვლილი. რესტორანს მთავარი აქცენტი ღია სივრცეების სიმრავლეზე აქვს გაკეთებული, ამას მისი ხედები და სუფთა ჰაერიც ემატება, რაც მისული სტუმრებისთვის მაქსიმალურად კომფორტულ გარემოს ქმნის. #ახალიამბები #BusinessMediaGeorgia
#საქმიანიდილა - 5 სექტემბერი - პროლოგი #ახალიამბები #BusinessMediaGeorgia
“25 წელია ამ ბიზნესში ვართ და ასეთი ცუდი წელი არ გვახსოვს”- მეღვინეები 2023 წლის რთველს აფასებენ და ამბობენ, რომ წელს მთავარი პრობლემა ყურძნის ხარისხი იქნება. როგორც თელავის ღვინის მარნის დამფუძნებელი ამბობს, წელს მევენახეებს ყველა ძირითადი პრობლემა შეხვდათ, რამაც არსებული მოსავალი დააზიანა. მისი თქმით, წელს მოსავალი 40%-ით შემცირდება. რა მოლოდინები აქვთ ქართველ მევენახეებსა და მეღვინეებს 2023 წლის რთველთან დაკავშირებით? #ახალიამბები #BusinessMediaGeorgia
აგვისტოს მიწურულს აჭარის მთავრობის სხდომაზე მთავრობის თავმჯდომარემ, თორნიკე რიჟვაძემ გაზრდილი ტურისტული ნაკადებისა და სტატისტიკის შესახებ ისაუბრა და აღნიშნა, რომ წლევანდელ სეზონზე გაზრდილია ვიზიტორთა რაოდენობა როგორც ზღვისპირა ქალაქებში, ისე მაღალმთიან აჭარაში. რიჟვაძის განცხადებით, ტურისტული ნაკადები გასულ წელთან შედარებით 56%-ით 2019 წელთან შედარებით კი 24 %-იან ზრდას აჩვენებდა. მათივე ცნობით, ბათუმის საერთაშორისო აეროპორტში გაზრდილია საერთაშორისო ფრენები. 7 თვის მონაცემით, 1 436 საერთაშორისო ფრენა შესრულდა, რაც გასული წლის ანალოგიურ მაჩვენებელთან შედარებით +9.7%-იან ზრდას ნიშნავს. ვინ ჩამოვიდა წელს საქართველოში დასასვენებლად? სტუმარი: ვახტანგ ქართველიშვილი - „თრეველ ჯორჯია ვან“, ბიზნეს დეველოპერი; #ახალიამბები #BusinessMediaGeorgia
წინასწარი შეფასებით, 2023 წლის ივლისში, წინა წლის შესაბამის პერიოდთან შედარებით, რეალური მთლიანი შიდა პროდუქტის ზრდამ 5.5 პროცენტი შეადგინა, ხოლო 2023 წლის პირველი შვიდი თვის საშუალო მაჩვენებელი 7.2 პროცენტით განისაზღვრა. 2023 წლის ივლისის თვეში ეკონომიკური ზრდის ხელშემწყობი რამდენიმე სექტორი გამოიკვეთა, მათ შორის, ეკონომიკურ ზრდაში პოზიტიური წვლილი შეიტანა საფინანსო და სადაზღვევო საქმიანობების, მშენებლობის, განათლების, პროფესიული, სამეცნიერო და ტექნიკური საქმიანობებისა და ვაჭრობის სექტორებში ეკონომიკური აქტივობის ზრდამ. ეკონომიკისა და მდგრადი განვითარების მინისტრის მოადგილე ვახტანგ ცინცაძე აცხადებს, რომ მაღალი ეკონომიკური ზრდის ტენდენცია მომდევნო თვეებშიც გაგრძელდება. ამასთან როგორც სამინისტროში აღნიშნავენ, იზრდება საქართველოს მდგრადობა საგარეო შოკების მიმართ, რაც მთავრობის გონივრული მაკროეკონომიკური პოლიტიკით არის განპირობებული. სტუმარი: ოთარ ნადარაია - „თიბისის" მთავარი ეკონომისტი #ახალიამბები #BusinessMediaGeorgia
ორიოდე დღის წინ პროცესის მიმდინარეობს გარემოს დაცვისა და სოფლის მეურნეობის მინისტრი ოთარ შამუგია, ზუგდიდში, თხილის საწარმო „ჯეონათსში“ გაეცნო და თხილის გადამამუშავებელთა და ექსპორტიორთა ასოციაციის წევრებს შეხვდა. როგორც მინისტრმა აღნიშნა, მიზნობრივი დახმარება, რომელიც სახელმწიფომ სწორედ მცირე ფერმერებისთვის განახორციელა ბაღების მოსავლელად და მოსავლის გასაუმჯობესებლად, ეფექტური აღმოჩნდა. აგვისტოს შუა რიცხვების მონაცემებით გაუტეხავი თხილის რეალიზაციის ფასი 2, 8ლარიდან 4 ლარამდე მერყეობდა, კახეთში არსებული პრემიუმ თხილის ფასი კი 6 ლარი იყო. საანგარიშო პერიოდში თურქეთში თხილის ღირებულება 3$-ის ფარგლებში მერყეობდა. დასრულდა თუ არა თხილის არების პროცესი წლევანდელი წლისთვის და რა მაჩვენებლებზე გავიდა წელს სექტორი? სტუმარი: ლევან ქარდავა - საქართველოს თხილის გადამამუშავებელთა და ექსპორტიორთა ასოციაციის აღმასრულებელი დირექტორი; #ახალიამბები #BusinessMediaGeorgia
სახელმწიფო საწარმო შპს "მოსავლის მართვის კომპანია" მზად არის მევენახე ფერმერებისგან მიიღოს და გადაამუშაოს სეტყვით დაზიანებული ყურძენი და 1 კილოგრამში 0.90 ლარი გადაუხადოს. ამის შესახებ ინფორმაცია ღვინის ეროვნულმა სააგენტომ გაავრცელა. - „სახელმწიფო არ დატოვებს მევენახე-ფერმერებს სტიქიით მიყენებული ზარალის პირისპირ მარტო და გააგრძელებს მათ მხარდაჭერას", - ნათქვამია მათ მიერ გავრცელებულ განცხადებაში. ძლიერმა სეტყვამ და ქარმა, გასულ უქმეებზე კახეთის რეგიონში, ყვარლის, თელავის, ახმეტის და გურჯაანის მუნიციპალიტეტებში სხვადასხვა სასოფლო სამეურნეო კულტურები, მათ შორის, ვენახები და სასოფლო-სამეურნეო ნარგავები დააზიანა. ამ ეტაპზე კახეთში, "რთველი 2023"-ის ფარგლებში 8 ათას ტონამდე ყურძენია გადამუშავებული. გადამუშავებული ყურძნიდან 3,6 ათას ტონამდე რქაწითელი, 3 ათას ტონამდე საფერავი და დანარჩენი სხვადასხვა ჯიშის ყურძენია. რთველის საკოორდინაციო შტაბში ამ ეტაპზე დარეგისტრირებულია 170 ღვინის საწარმო, რომლებიც ყურძნის გადამუშავების პროცესში ჩაერთვებიან. ცნობისთვის, მთავრობის გადაწყვეტილებით, მიმდინარე წელს, რთველი 2023-ის ფარგლებში, სახელმწიფო რქაწითელისა და კახური მწვანის ჯიშების ყურძნის სუბსიდირებასაც ახორციელებს. აღნიშნული გადაწყვეტილება, 25 ათასამდე მევენახე ფერმერს და 500-მდე ღვინის მწარმოებელს საქმიანობის გაგრძელების შესაძლებლობას მისცემს. სტუმარი: ზურაბ რამაზაშვილი - კომპანია „თელავის ღვინის მარნის “ დამფუძნებელი; #ახალიამბები #BusinessMediaGeorgia
#ავიაციისსიახლეები: თბილისი - ბათუმის ავიარეისების სუბსიდირებაზე ახალი ტენდერი გამოცხადდა; Georgian Wings-ი აზერბაიჯანში ფრენებს იწყებს; Emirates-ს ისტორიაში ყველაზე დატვირთული ზაფხული ჰქონდა; Air India თვითმფრინავების განახლებას გეგმავს; ამერიკის ავიახაზები მგზავრების დაყოვნების გამო $4.1 მლნ-ით დაჯარიმდა; Corendon-ის ავიახაზებმა თვითმფრინავში ბავშვებისგან თავისუფალ ზონა გამოყო; ვარშავის შოპენის აეროპორტში საძილე კაფსულები დაამონტაჟეს. კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით; #ახალიამბები #BusinessMediaGeorgia