უზბეკეთში, ტაშკენტში ბიზნეს გამოფენა - „საქართველო-უზბეკეთი აბრეშუმის გზა“ გრძელდება, რომელშიც მონაწილეობას ქართული ბიზნესები იღებენ. ღონისძიების მეორე დღის ფარგლებში გამოფენაზე 50-მდე ქართული კომპანიაა წარმომადგენელი. მათ შესაძლებლობა აქვთ წარმოადგინონ საკუთარი პროდუქცია და მომსახურება და ადგილზე შეხვდნენ ინვესტორებსა და სხვადასხვა საერთაშორისო კომპანიის წარმომადგენლებს. ღონისძიება გაყიდვების ასოციაციის ორგანიზებით და თიბისი ბიზნესისთვის მხარდაჭერით იმართება. დავით ჩიკვაიძე - გაყიდვების ასოციაციის პრეზიდენტი ნუკრი თეთრაშვილი - "თიბისი უზბეკეთის" აღმასრულებელი დირექტორი მარიამ დორეული - softgen -ის წარმომადგენელი #ახალიამბები #BusinessMediaGeorgia
რამდენად მდგრადია უძრავი ქონების ბაზარი საქართველოში - სებ-ის ანგარიშის შეფასება სტუმარი: ზუკა თავყელიშვილი - Galt & Taggart-ის ასოცირებული მკვლევარი #ახალიამბები #BusinessMediaGeorgia
სამი მეცნიერი, რომელთა ნაშრომებმა თანამედროვე მედიცინა ახალ ეტაპზე გადაიყვანა, წლევანდელი ნობელის პრემიის ლაურეატები გახდნენ. მერი ბრანკო, ფრედ რამსდელი და შიმონ საკაგუჩი — ეს ის ადამიანები არიან, რომელთა აღმოჩენებმა სიმსივნისა და ავტოიმუნური დაავადებების მკურნალობის ახალი გზები გაკვალა. ვინ არიან ნობელის პრემიის მედიცინის დარგის ლაურეატები და რა მიღწევები აქვთ მათ? #ახალიამბები #BusinessMediaGeorgia
ხვალ, 10 ოქტომბერს, საქართველოს უნივერსიტეტის, ჯანმრთელობის მეცნიერებების სკოლის კამპუსში, ფსიქიკური ჯანმრთელობის მსოფლიო დღისადმი მიძღვნილი ღონისძიება გაიმართება. ყოველწლიურ კამპანიას მთელი მსოფლიოს მასშტაბით საქართველოც უერთდება და საქართველოს უნივერსიტეტის ეგიდით წლევანდელი თემის ირგვლივ მრგვალი მაგიდის ფორმატით ღონისძიებას გამართავს. ფსიქიკური ჯანმრთელობის მსოფლიო დღე მნიშვნელოვანი შეხსენებაა იმისა, რომ ფსიქიკური ჯანმრთელობის გარეშე ჯანმრთელობა არ არსებობს. წლევანდელი კამპანია ფოკუსირებულია ჰუმანიტარული საგანგებო სიტუაციებით დაზარალებული ადამიანების ფსიქიკური ჯანმრთელობისა და ფსიქოსოციალური საჭიროებების მხარდაჭერის გადაუდებელ აუცილებლობაზე. ისეთი კრიზისები, როგორიცაა: სტიქიური უბედურებები, კონფლიქტები და საზოგადოებრივი ჯანმრთელობის საგანგებო სიტუაციები იწვევს ემოციურ დისტრესს, ამ დროს ყოველი მეხუთე ადამიანი განიცდის ფსიქიკური ჯანმრთელობის პრობლემას. ფსიქიკური ჯანმრთელობის მსოფლიო დღეს, საქართველოს უნივერსიტეტის ჯანმრთელობის მეცნიერებების სკოლა ყველას მოუწოდებს - მეტად გააძლიერონ ძალისხმევა ისეთი სამყაროს შესაქმნელად, სადაც ფსიქიკური ჯანმრთელობა დაფასებული, დაცული და ყველასთვის ხელმისაწვდომი იქნება, განსაკუთრებით კი საგანგებო სიტუაციების დროს. როგორ აღინიშნება ფსიქიკური ჯანმრთელობის მსოფლიო დღე საქართველოში და რას გეგმავს ამ დღესთან დაკავშირებით საქართველოს უნივერსიტეტის ჯანმრთელობის მეცნიერებების სკოლა? სტუმრები: ნანა ზავრადაშვილი - საქართველოს უნივერსიტეტის ასოცირებული პროფესორი; თამარ ჯაფარიძე - სამოქალაქო ორგანიზაცია "დედები აზარტული თამაშების წინააღმდეგ", ხელმძღვანელი #ახალიამბები #BusinessMediaGeorgia
მაღალი ხარისხის დანადგარები, სწორად ათვისებული სივრცე და მუდმივი ტექნიკური მხარდაჭერა ის მნიშვნელოვანი ფაქტორებია, რომლებიც ავტოსერვისში მომუშავე ბიზნესის ხარისხსა და ეფექტიანობას განსაზღვრავს. მსხვილ კორპორაციებს, საშუალო თუ მცირე ბიზნესს - ყველას, ვისაც მსგავსი მომსახურება სჭირდება, თეგეტა მოტორსი სრულ სერვისს სთავაზობს. საქმე მთელ სისტემას ეხება: საჭირო დანადგარების მიწოდებას, სივრცის დაგეგმარებას, მონტაჟს, საგარანტიო მომსახურებასა თუ სათადარიგო ნაწილებით უზრუნველყოფას. სტუმარი: ლაშა ნარუსაშვილი - „თეგეტა მოტორსის“ ტექნიკური განვითარების მთავარი ოფიცერი #ახალიამბები #BusinessMediaGeorgia
ორი შავი ბისკვიტი და ერთი თეთრი კრემი – თითქოს უბრალო ტკბილეულია, მაგრამ „ორეო“ ბევრად მეტია, ვიდრე ბისკვიტი. ის არის ბავშვობის გემო, გაზიარების ტრადიცია და პატარა ბედნიერება, რომელიც ყველგან თან გვყვება. პირველი ორეო 1912 წელს ნიუ-იორკში გამოაცხვეს. მას შემდეგ, მან 100-ზე მეტ ქვეყანაში, მათ შორის საქართველოში იპოვა თავისი გზა. დღეს „ორეო“ არა მხოლოდ ტკბილეულია ეს არის გლობალური ენა, რომელიც გვაერთიანებს ბავშვებსა და უფროსებს, მეგობრებსა და ოჯახებს, კულტურებსა და კონტინენტებს. #ახალიამბები #BusinessMediaGeorgia
ბრენდ "გაამოს" იდეა პინტერესტის სქროლვისას გაჩნდა, როცა რუტინული სამსახურიდან დაბრუნებულმა ნინო შოშიაშვილმა აპლიკაციაში ორიგინალური ორცხობილების ფოტოები აღმოაჩინა. სწორედ მაშინ გადაწყვიტა, ბავშვობის ოცნება აეხდინა და შეექმნა საკუთარი ბრენდი, რომლის მისიაა მომხმარებლებს გემრიელი დესერტები, უფრო მეტად კი ყველასათვის ცნობილი ჯინჯერის ორცხობილები შესთავაზოს. გაამოს ამბავი საცალო მომხმარებლებზე გათვლილი, მცირე წარმოებით დაიწყო დღეს კი ბრენდი კორპორატიულ შეკვეთებსაც უმკლავდება, რომელიც დაახლოებით 15 000-მდე ორცხობილას დამზადებასაც გულისხმობს. სტუმარი: ნინო შოშიაშვილი - "გაამოს", დამფუძნებელი მარიამ იზორია - #მხოლოდქართული, ავტორი; #ახალიამბები #BusinessMediaGeorgia
საქართველოს ბანკის PLUS — ლოიალობის პროგრამა ერთდროულად ქმნის ღირებულებას მომხმარებლისთვის, ბიზნესისთვის და ქვეყნის ეკონომიკისთვის. ეს არის პროგრამა, რომელიც მომხმარებლებს თანხის ხარჯვის პარალელურად, PLUS ქულების დაგროვების და ბანკის პარტნიორ ობიექტში დამატებითი ბენეფიტების მიღების შესაძლებლობას აძლევს. პლუს ქულების მთავარი მოვლენა 5 ივლისი, პლუს ქულების დაბადების დღეა, როდესაც 100 000-მდე მომხმარებელი PLUS ქულას ცვლის და პარტნიორ კომპანიებში 50%-იანი ფასდაკლებით სარგებლობს. სწორედ ამიტომ დღე ქვეყნის მასშტაბით ერთ-ერთ ყველაზე დიდ სავაჭრო მოვლენად იქცა. რა ეფექტი აქვს პლუს ქულებს და პლუსის დაბადების დღეს კომპანიების საქმიანობაზე და როგორ უწყობს ხელს პროგრამა ბიზნესის განვითარებას? #ახალიამბები #BusinessMediaGeorgia
Reuters-ის ინფორმაციით, თურქეთმა შესაძლოა, 2028 წლის ბოლომდე ბუნებრივი აირის საჭიროებების ნახევარზე მეტის დაკმაყოფილება წარმოების გაძლიერებითა და აშშ-დან იმპორტის გაზრდის მეშვეობით შეძლოს.. ეს ტენდენცია არა მხოლოდ თურქეთის ენერგოუსაფრთხოებას აძლიერებს, არამედ რუსეთისთვის უკანასკნელ და ამავე დროს ერთ-ერთ უმსვხილეს ევროპულ ბაზარზე პოზიციების შესუსტებასაც ნიშნავს. თურქეთის მიერ ახალი გრძელვადიანი კონტრაქტების გაფორმება დასავლეთთან, რუსეთთან კი ენერგორესურსზე ახალი შეთანხმების ჯერ არ არსებობა, ცხადად მიანიშნებს გავლენის ცენტრების გადანაწილებაზე. როგორ იცვლება ძალთა ბალანსი ენერგეტიკაში და რა გავლენა აქვს ყოველივე ამას რუსეთის ეკონომიკაზე? #ახალიამბები #BusinessMediaGeorgia
თანამედროვე სამყაროში სმარტფონები არა მხოლოდ კომუნიკაციის, არამედ სოციალიზაციისა თუ გართობის ერთ-ერთი საშუალებაცაა, რომელიც მუდმივად იხვეწება, იცვლება და სხვადასხვა ფუნქციებს იძენს. სმარტფონების დახვეწის და გაუმჯობესების კვალდაკვალ, ცხადია ამ მოწყობილობებზე მოთხოვნა სულ უფრო იზრდება. მსოფლიოში ყოველწლიურად მილიარდზე მეტი სმარტფონი იყიდება, პლანეტის მოსახლეობა კი მუდმივად უახლესი ფუნქციების ძიებაშია. როგორ იზრდება გლობალურად სმარტფონების ბაზარი და რომელი ბრენდები ინაწილებენ ლიდერის პოზიციებს მათ შორის ქართულ ბაზარზე? #ახალიამბები #BusinessMediaGeorgia
ცენტრალური ბანკების სავალუტო რეზერვები ეკონომიკის გამძლეობასა და ეროვნული ვალუტების სტაბილურობას განსაზღვრავენ. ვნახავთ, რატომ ინარჩუნებს ჩინეთი უპირობო ლიდერობას 3.5 ტრილიონი დოლარის რეზერვით, როგორ აგროვებს იაპონია და შვეიცარია უცხოურ ვალუტებს ვალუტის გამყარების შესაკავებლად, რატომ არ სჭირდება აშშ-ს მასშტაბური რეზერვები და როგორ აძლიერებს ინდოეთი საკუთარი ფინანსური ბუფერის მოცულობას. #ახალიამბები #BusinessMediaGeorgia
#საქმიანიდილა - 9 ოქტომბერი - პროლოგი #ახალიამბები #BusinessMediaGeorgia
გავრცელებული ინფორმაციით, არქეოლოგებმა, რომლებიც თურქეთის ჩრდილო-აღმოსავლეთ ნაწილში მდებარე გევერნიკის ციხეში მუშაობდნენ, წმინდა პეტრესა და პავლეს ეკლესიის ქვეშ აღმოაჩინეს საფლავი, რომელზეც ვარაუდობენ, რომ აშოტ I კურაპალატს ეკუთვნის. არქეოლოგიური სამუშაოები თურქეთის კულტურისა და ტურიზმის სამინისტრო და ვან იუზუნჯუ ილის უნივერსიტეტის ხელმძღვანელობით ტარდება და ფოკუსირებულია ციხესიმაგრის შიდა ნაწილისა და წმინდა პეტრესა და პავლეს ეკლესიის შესწავლაზე. სამუშაოების ხელმძღვანელის, დოქტორ ოსმან აითეკინის მიხედვით, არქეოლოგთა ჯგუფმა ეკლესიის ქვეშ მიაგნო ორი მეტრის სიგრძისა და 1.8 მეტრის სიგანის სამარხს, რომელშიც არ არის აღმოჩენილი ადამიანის ნეშტი ან ძვლების ნაწილები, თუმცა, მეცნიერის მტკიცებით, საფლავის ადგილმდებარეობა და აღწერილობა შეესაბამება ისტორიულ წყაროებში არსებულ ინფორმაციას. #ახალიამბები #BusinessMediaGeorgia
რა როლს თამაშობს აქვს ე.წ შუა დერეფანი სასუქების გადაზიდვებში - კასპიის, შავი ზღვისა და აღმოსავლეთ ევროპის ბაზრების უახლესი ტენდენციებზე სასაუბროდ ბაზრის მონაწილეები რამდენიმე კვირის წინ სტამბოლში “არგუს”-ის ორგანიზებულ კონფერენციაზე შეიკრიბნენ. ფასები, ახალი პროდუქტები, სასოფლო-სამეურნეო ტენდენციები და ტრეიდერების ხედვა - ეს იყო ის საკითხები რაზეც კონფერენციის მონაწილეებმა დისკუსიები გამართეს - როგორია ბაზრის იმპულსები და არის თუ არა საქართველოზე გამავალ დერეფანში მეტი ამ სახის ტვირთის მოზიდვის შანსი? სტუმარი: მამუკა მურჯიკნელი - Wondernet Express Investment Group-ის გენერალური დირექტორი #ახალიამბები #BusinessMediaGeorgia
საინჟინრო კომპანია მეპერსი უკვე სომხეთშია და ეს ამბავი უნდა მოგიყვეთ. მეპერსის პირველი საერთაშორისო პროექტი იწყება ერევანში - 110 მეტრის სიმაღლისა და 150,000 კვ.მ. ფართობის Dalan Technopark-ის ინოვაციურ ბიზნეს ცენტრში, სადაც MEP საინჟინრო სამუშაოებს მეპერსის პროფესიონალთა გუნდი განახორციელებს. ერევანში, ქვეყნის ყველაზე მასშტაბური ტექნოლოგიური და ბიზნეს ცენტრის – დალან ტექნოპარკის – მშენებლობის მოედანზე, გაიმართა ოფიციალური ხელმოწერის ცერემონია. ხელშეკრულება გაფორმდა დალან ტექნოპარკსა და საპროექტო, საინჟინრო კომპანია მეპერსს შორის. სტუმრები: არმენ ტერ-ტაჩატიანი - Dalan Technologies-ის თანადამფუძნებელი და აღმასრულებელი დირექტორი ივა კონტრიძე - Meppers-ის აღმასრულებელი დირექტორი; #ახალიამბები #BusinessMediaGeorgia
Galt & Taggart-ი პროგნოზირებს, რომ 2025 წელს საქართველოს მიმდინარე ანგარიშის დეფიციტი შემცირდება. საინვესტიციო ბანკის განმარტებით, ბალანსის გაუმჯობესების ერთ-ერთი წამყვანი ფაქტორი საქართველოდან სერვისების ექსპორტის, კერძოდ კი ICT სექტორის მაჩვენებლების გაუმჯობესებაა. შედარებისთვის, 2024 წელს საქართველოს მიმდინარე ანგარიშის დეფიციტ მშპ-ის 5.4% იყო. სტუმარი: დავით კიზირია - ციფრული ტრანსფორმაციის კონსორციუმის კოორდინატორი #ახალიამბები #BusinessMediaGeorgia
კომპანია არემჯი აგრძელებს გაეროს მდგრადი განვითარების მეოთხე მიზნის ფარგლებში ხარისხიანი განათლების მხარდაჭერას. წლების მანძილზე, ახალგაზრდებისთვის სხვადასხვა არაფორმალური განათლების პროექტებისა და სტუდენტური პროგრამების შეთავაზების პარალელურად, კომპანიამ წლის დასაწყისში ახალი პროექტი წარადგინა, რომელიც სამთო-გეოლოგიურ დარგში მოღვაწე ახალგაზრდა მეცნიერთა მხარდაჭერას ითვალისწინებს. ბოლო თვეების განმავლობაში BMG-ის მაყურებელს, არემჯის ახალგაზრდა მეცნიერთა მხარდაჭერის რამდენიმე მონაწილე უკვე გავაცანით. ახლა კი მიხეილ ნოდიას სახელობის გეოფიზიკის ინსტიტუტის მეცნიერ-თანამშრომლები, ნინო ყვავაძე და დიმიტრი ამილახვარი უნდა გაგაცნოთ. #ახალიამბები #BusinessMediaGeorgia
საქართველოში პირველად ტარდება ყველაზე მასშტაბური HR კონგრესი - HRPA Georgia-ს ორგანიზებით. კონგრესის მთავარი თემა აქტუალურია: HR სტანდარტები და გლობალური აღიარება. 10 ოქტომბერს სასტუმრო Sheraton Grand Tbilisi Metechi Palace-ში შეიკრიბებიან მსხვილი ბიზნესების წარმომადგენელი HR ლიდერები, აღმასრულებლები და სფეროთი დაინტერესებული პირები.ღონისძიების პლატინუმ პარტნიორი კი კომპანია UGT გახლავთ. სტუმრები: სალომე ღაჭავა - HR პროფესიონალთა ასოციაციის აღმასრულებელი დირექტორი; ავთო აბესაძე - იუჯითის ბიზნეს აპლიკაციების სამსახურის უფროსი #ახალიამბები #BusinessMediaGeorgia
2025 წლის იანვარ-ივლისში საქართველოდან საპნის ექსპორტი გაორმაგდა და 2,1 მილიონი დოლარის 625 ტონა პროდუქცია გავიდა. ადგილობრივი წარმოების საპნის ექსპორტიც გაიზარდა და 1,1 მილიონ დოლარს 175 ტონა შეადგინა, ძირითადად აშშ-სა და ლიეტუვაში. იმპორტიც ცოტა გაიზარდა – 9 372 ტონა საპონი, 20,9 მილიონ დოლარზე, ძირითადად თურქეთიდან, ასევე საფრანგეთიდან, რუსეთიდან და ჩეხეთიდან. სტატისტიკა აჩვენებს, რომ ადგილობრივი საწარმოები საერთაშორისო ბაზარზე პოზიციებს აძლიერებენ, თუმცა ქვეყანას კვლავ მაღალ იმპორტზეა დამოკიდებული. #ახალიამბები #BusinessMediaGeorgia
ღვინის წარმოებაში, ბოლო პერიოდში ქალები აქტიურად ერთვებიან და არამარტო ერთვებიან, ახალი სტანდარტების დამკვიდრებასაც ახერხებენ. არც საერთაშორისო დაინტერესებას ისაკლისებენ და არაერთ გამოცემებშიც გვხვდებიან. გაიცანით ქალი მეღვინეები საქართველოდან - ამერიკულმა VOGUE-იმ სტატია გამოაქვეყნა სადაც საქართველოზე, ქართულ ღვინოზე და რაც ყველაზე მთავარია ქართული ღვინის შემოქმედებზე, ქალ მეღვინეებზე საუბრობს. სტატია კახეთიდან - სამეგრელომდე, სამეგრელოდან - იმერეთამდე გვამოგზაურებს და სამ ქალ მეღვინეზე გვიყვება, მათზე ვისაც წლებია ქართული ღვინის, უფრო მეტად კი ქვევრის ღვინის პოპულარიზაციაში თავისი წვლილი შეაქვთ. სტატიის ავტორი იმ მასპინძლობის ელემენტებზე საუბრობს, რომლებიც თითოეულ მარანში სტუმარს დახვდება. რომელი ქართველი მეღვინე ქალები ხვდებიან VOGUE-ის ყურადღების ქვეშ და რას წერს გამოცემა საქართველოზე? #ახალიამბები #BusinessMediaGeorgia
ბრინჯაოს მფლობელი თიბისის ბიზნეს დაჯილდოებაში გამარჯვებული ბიზნესი. საუბარია სოციალური კონცეფციის მაღაზიაზე ესკი, რომელმაც თიბისის ბიზნეს დაჯილდოებაზე გაიმარჯვა კატეგორიაში გამორჩეული სოციალური პასუხისმგებლობა. ეს არის სივრცე, სხვათა შორის პირველი ასეთი საქართველოში, რომელიც სოციალური მეწარმეობის წარმომადგენლებს აერთიანებს და მომხმარებლებს თავისუფალი და მრავალფეროვანი არჩევანის საშუალებას აძლევს. როგორია ესკის, როგორც სოციალური ბიზნესის მუშაობის სპეციფიკა და გეგმები 2025-ში. სტუმარი: სალომე კუსიანი - "ესკი", დირექტორი #ახალიამბები #BusinessMediaGeorgia
რატომ მიდის ქართული ბიზნესი უზბეკეთის ბაზარზე? სტუმრები: გიგა ფაიქიძე - Loialte-ს დამფუძნებელი; ალექსი გიჯაშვილი - Axen Consulting -ის აღმასრულებელი დირექტორი #ახალიამბები #BusinessMediaGeorgia
2017 წლიდან, მას შემდეგ რაც უზბეკეთის პრეზიდენტი შავკათ მირზიიოევი გახდა, ქვეყანამ რეფორმების გზის ეკონომიკური წინსვლა დაიწყო, რაც შემდგომ ქვეყნის მშპ-ზეც აისახა. დღეს უზბეკეთის მთლიანი შიდა პროდუქტი 115 მილიარდ დოლარს შეადგენს. ეკონომიკური წინსვლა პირდაპირ უცხოურ ინვესტიციებშიც აისახა. ქვეყანა საინვესტიციო მიმზიდველობას ბოლო წლების განმავლობაში განსაკუთრებით აქტიურად ინარჩუნებს, რასაც ადასტურებს კომპანიების ინტერესი უზბეკეთის ბაზარზე ოპერირებასთან დაკავშირებით. #ახალიამბები #BusinessMediaGeorgia
დღეს უზბეკეთში, ტაშკენტში ბიზნეს გამოფენა - „საქართველო-უზბეკეთი აბრეშუმის გზა“ იხსნება, რომელშიც მონაწილეობას ქართული ბიზნესები იღებენ. ფორუმი ორი დღის განმავლობაში გაგრძელდება და მას 4000-ზე მეტი სტუმარი, მათ შორის საქართველოდან 50-მდე კომპანიის წარმომადგენელი დაესწრება. ღონისძიება გაყიდვების ასოციაციის ორგანიზებით და თიბისი ბიზნესისთვის მხარდაჭერით იმართება. კონფერენციის მონაწილეებს შესაძლებლობა ექნებათ, უკეთესად გაიცნონ უზბეკეთის ბაზარი, ასევე, შეხვდნენ ინვესტორებსა და სხვადასხვა საერთაშორისო კომპანიის წარმომადგენლებს. რას მოიცავს ბიზნეს გამოფენა და რა მოლოდინებია მასთან დაკავშირებით? ნუცა შუბაშვილი - BMG-ის რეპორტიორი #ახალიამბები #BusinessMediaGeorgia
ბოლო წლების განმავლობაში, ხელოვნური ინტელექტი ტექნოლოგიური რევოლუციის მთავარი მამოძრავებელი ძალა გახდა. ამ ტრანსფორმაციაში ერთ-ერთი ყველაზე გამორჩეული მოთამაშე OpenAI-ს მიერ შექმნილი პლატფორმა ChatGPT-ია. რომელიც სულ რამდენიმე წელიწადში მრავალი მილიონი მომხმარებლის ყოველდღიურ ინსტრუმენტად იქცა. როგორ მიმდინარეობს Chatgpt-ის გლობალური ექსპანსიის პროცესი და პლატფორმის ჯამურ ტრაფიკში რომელ ბაზრებს ეკუთვნით ყველაზე დიდი წილი? #ახალიამბები #BusinessMediaGeorgia
ნებისმიერი კრიპტოვალუტის არსებობა ფაქტობრივად შეუძლებელია სტაბილური კრიპტოვალუტების, ე.წ. სტეიბლკოინების გარეშე, რომლებიც, დიდწილად, ისე გამოიყენება, როგორც ნაღდი ფული ტრადიციულ ფინანსურ სისტემაში. იმ დროს, როცა ბიტკოინი, ეთერიუმი და სხვა კრიპტოვალუტების ღირებულება იზრდება თუმცა მაინც მერყეობით გამოირჩევა, სტეიბლკოინის ფასი მუდმივად სტაბილურია და ერთ ნიშნულზე რჩება, რაც მას უნიკალურ თვისებებს და, შესაბამისად, განსაკუთრებულ როლს ანიჭებს. რა არის სტეიბლკოინი? და ამ კრიპტოვალუტის ფასის სტაბილურობას რა ძირითადი მექანიზმი განაპირობებს? #ახალიამბები #BusinessMediaGeorgia
პოლიტიკურ თუ საზოგადოებრივ დისკუსიებში, ბოლო დროს გახშირდა დისკუსია იმის შესახებ, რომ ევროპის ეკონომიკა აღარ იზრდება, რაც თითქოსდა კრიზისის მანიშნებელია, თუმცა, საკმარისია ოდნავ უკეთ დავუკვირდეთ რიცხვებს, ჩავსვათ ისინი ლოგიკაში, შესაბამის კონტექსტში და მივხვდებით, რომ ევროპა არათუ კრიზისშია, არამედ მსოფლიოში ერთ-ერთ ყველაზე მდიდარ და სტაბილურ ეკონომიკურ სივრცეს წარმოადგენს.მისი მცირე მასშტაბით ზრდაც კი, ტრილიონობით დოლარს უდრის. მაშინ, როცა, საქართველოს მსგავს ქვეყნებში, ანუ მეტწილად ღარიბ და დაბალი შემოსავლის მქონეში, მაღალი ტემპები ბევრად მცირე მასშტაბის შედეგს იძლევა. ეს არის ეკონომიკის და მერწმუნეთ, ხშირად მათემატიკის ანაბანაც, რომელიც ჩვენში ბევრს სამწუხაროდ ვერც და არც ესმით. რეალურად რას ნიშნავს და რატომ იზრდება ნელი ტემპით ევროკავშირის ქვეყნების ეკონომიკა, რას ნიშნავს თუნდაც 5 ან 6 პროცენტული პუნქტით ჩვენზე ნაკლები ეკონომიკური ზრდა და მათთან შედარებით, სინამდვილეში, რამდენად საამაყო საქართველოს ეკონომიკის სწრაფი ზრდა, რომელიც ყველას გვახარებს და 24/7 ზე სწორედ ამაზე მსჯელობით ვმაუწყებლობთ #ახალიამბები #BusinessMediaGeorgia
დღეს კი ალფრედ ნობელის ისტორიას გიყვებით, პიროვნებაზე რომელიც ბევრისთვის ცნობილია როგორც მისი სახელობის ყველაზე პრესტიჟული ჯილდოს მამამთავარი. გამომდინარე საზოგადოების ინტელექტუალური დონიდან შედარებით ნაკლებმა იცის რომ ალფრედ ნობელი იმავდროულად დინამიტის გამომგონებელიც არის, თუმცა, დარწმუნებული ვარ უმრავლესობამ არ იცის რომ ცნობილი შვედი ქიმიკოსის, ინჟინერის და ნოვატორის სახელს კიდევ უამრავი გამოგონება და ღვაწლი უკავშირდება კაცობრიობის განვითარების წინაშე. #ახალიამბები #BusinessMediaGeorgia
#საქმიანიდილა - 8 ოქტომბერი - პროლოგი #ახალიამბები #BusinessMediaGeorgia
ყველაზე შემოსავლიანი ტელეწამყვანები 2025 წელს #ახალიამბები #BusinessMediaGeorgia
სოციალურ ქსელებში ხშირად შეხვდებით დაზარალებული, უკმაყოფილო მომხმარებლის სტატუსებს, სადაც ისინი ტურისტულ კომპანიებს არაკეთილსინდისიერ ბიზნეს საქმიანობაში ამხელენ. სხვადასხვა მაგალითებს თუ დავეყრდნობით მომხმარებელი ყიდულობს ტურპაკეტს, საბოლოოდ კი იგებს, რომ მის სახელზე ან სასტუმრო, ან სულაც ფრენის ბილეთი არ არსებობს. მოკლედ, შემთხვევები როგორც ჩანს სხვადასხვაგვარია, თუმცა ერთი რამ უცვლელია, რომ დაზარალებული მომხმარებლის რაოდენობა თვალსაჩინოს იზრდება. რატომ გაიზარდა არაკეთილსინდისიერი ტურისტული კომპანიების რაოდენობა? #ახალიამბები #BusinessMediaGeorgia
გასული წლის იმავე პერიოდისთან შედარებით, 2025 წლის იანვარ-აგვისტოში საქართველოში საქონლის ხორცის იმპორტი 44.6%-ით გაიზარდა. სტატისტიკის ეროვნული სამსახურის მონაცემებით, ამ დროის განმავლობაში იმპორტირებულია დაახლოებით 997 ტონა საქონლის ახალი ხორცი, რაც ჯამურად 5.462 მილიონი აშშ დოლარის ღირებულებისაა. ამის პარალელურად, ქვეყანაში იმპორტული ხორცის საშუალო ფასი 6%-ით არის გაზრდილი — 2024 წელს 1 კილოგრამი ხორცის საიმპორტო ფასი გადასახადების გარეშე საშუალოდ 5.2 დოლარი იყო, 2025 წელს კი 5.5 დოლარი. აღსანიშნავია, რომ 2025 წელს იმპორტის უდიდესი ნაწილი ბელორუსსა და რუსეთიდან შემოვიდა, რომელთა წილი საერთო იმპორტში 87%-ს აჭარბებს. BMG-ის აქვს კითხვები: რატომ ვერ ახერხებს ქვეყნის შიდა ხორცის წარმოება მოთხოვნის სრულ დაკმაყოფილებას? რა გავლენას ახდენს იმპორტის ზრდა ადგილობრივ ფასებზე და მომხმარებელზე? რა გამოწვევები და შესაძლებლობები აქვს ქართულ აგრო-სექტორს? სტუმარი: ბექა გონაშვილი - "აგროქიზიყის" დამფუძნებელი #ახალიამბები #BusinessMediaGeorgia
რაჭაში, სადაც რთველი დაიწყო. გარემოს დაცვისა და სოფლის მეურნეობის სამინისტროს მონაცემებით, ამ ეტაპზე რაჭაში უკვე გადამუშავებულია 120 ტონა ყურძენი, ძირითადად ალექსანდროული და მუჯურეთული ჯიშებისგან. ეს რეგიონი რთველის პარალელურად აქტიურად განაგრძობს ყურძნის შეგროვებას და ამჟამად მოსავლის პროგნოზი 1500-2000 ტონამდეა. მთავრობის გადაწყვეტილებით, რაჭაში მოქმედებს სუბსიდირების პროგრამა, რომელიც მხარს უჭერს ხარისხიან ყურძენს და კომპანია-შემსყიდველებს, რომლებიც ხვანჭკარას მიკროზონაში 3 ტონაზე მეტ ალექსანდროულსა და მუჯურეთულს შეისყიდიან და მევენახეს მინიმუმ 8 ლარს გადაუხდიან. ასეთი პირობებით სახელმწიფო კომპანიას ყურძნის თითო კილოგრამზე 4 ლარის გადახდა მოუწევს. სტუმარი: გიორგი ჭანტურია - "ხვანჭკარის ღვინის მარანი"-ს დირექტორი #ახალიამბები #BusinessMediaGeorgia
კომპანია "მკისა", რომელიც 2020 წელს დაარსდა და წარმატებით დაიმკვიდრა ადგილი ქართულ სოფლის მეურნეობაში. მკისას მთავარი საქმიანობაა: მეურნეობის განვითარება, კონსულტაცია, მენეჯმენტი, ტრეიდინგი. გარდა მკისას გეგმების მოკითხვისა, BMG ინტერესდება მათ შორის, 2025 წლის ნუშისა და მოცვის მოსავლის რაოდენობით და ხარისხით ასევე სად და როგორ ხდება მოსავლის რეალიზაცია, და როგორ ვითარდება გაყიდვების დინამიკა? სტუმარი: ალეკო ცერცვაძე - კომპანია “მკისა”,ფინანსური დირექტორი #ახალიამბები #BusinessMediaGeorgia
თიბისი კაპიტალის პროგნოზით, 2030 წლისთვის შუა დერეფნის ქვეყნების ეკონომიკურ განვითარებას შეუძლია თითქმის სრულად აითვისოს მისი პოტენციალი. სტატისტიკურად, შუა დერეფანი, რომელიც საქართველოს გავლით ევროპისა და ცენტრალური აზიის ბაზრებს აკავშირებს, საქართველოს სატრანზიტო მოთხოვნის მეოთხედს უზრუნველყოფს. 2024 წელს შუა დერეფნის ტვირთბრუნვა 4.3 მლნ ტონა იყო, რაც TBC Capital-ის მოლოდინით, 2030 წლისთვის 9.7 მლნ ტონამდე გაიზრდება. სტუმარი: გივი თხელიძე - საქართველოს ექსპედიტორთა ასოციაციის პრეზიდენტი #ახალიამბები #BusinessMediaGeorgia
ახალი აიფონ 17-ის გამოსვლის შემდეგ, წინამორბედი მოდელი, აიფონ 16 პრო, ბევრ ქვეყანაში საგრძნობლად გაიაფდა, თუმცა ფასები რეგიონების მიხედვით დიდ სხვაობას აჩვენებს. ამერიკაში მისი ღირებულება 1,079 დოლარია, მაგრამ თურქეთში 2,182 დოლარი ღირს, ბრაზილიაში - 1,835 დოლარი, ეგვიპტეში - 1,525 დოლარი, ხოლო ევროპაში ყველაზე ძვირად შვედეთში, 1,448 დოლარად ფასდება. ყველაზე იაფად ევროპაში შვეიცარიაში იყიდება, 1,230 დოლარად, გლობალურად კი სამხრეთ კორეაში - 1,063 დოლარად, ანუ ამერიკის ფასზე ოდნავ დაბალი. ფასის განსხვავებას ძირითადად მაღალი გადასახადები, იმპორტის ტარიფები და ვალუტის რყევები განაპირობებს. #ახალიამბები #BusinessMediaGeorgia
გლობალური ბაზრები&ბირჟები - Galt & Taggart-ის ყოველკვირეული მიმოხილვა / Global Markets Weekly Update სტუმარი: სერგი ყურაშვილი - Galt & Taggart-ის ფინანსური ბაზრების ასოცირებული მკვლევარი #ახალიამბები #BusinessMediaGeorgia
1912 წლის 7 ოქტომბერს, სწორედ დღევანდელ დღეს, ფინეთის ისტორიის გარდამტეხ პერიოდში, ჰელსინკის საფონდო ბირჟამ დაიწყო ოპერირება და საფუძველი ჩაუყარა ქვეყნის ფინანსურ დამოუკიდებლობას. ეს იყო ის პლატფორმა, რომელმაც ჯერ კიდევ პატარა და გეოპოლიტიკური გამოწვევებით სავსე სახელმწიფოს მისცა შესაძლებლობა, დაეწყო კაპიტალის ცირკულაცია და შეექმნა საფუძველი თანამედროვე ეკონომიკური სისტემის ფორმირებისთვის. დღეს, ზუსტად 113 წლის შემდეგ, ჰელსინკის ბირჟა უკვე Nasdaq Nordic-ის ნაწილი და გლობალური საფინანსო ქსელის მნიშვნელოვანი კვანძია, რომელიც ნათლად აჩვენებს, როგორ შეუძლია მცირე ქვეყანას გახდეს დიდი მოთამაშე მსოფლიო ეკონომიკაში. რას გვიყვება დროს, ჰელსინკის საფონდო ბირჟის შესახებ? #ახალიამბები #BusinessMediaGeorgia
მოდის ინდუსტრიის ავტორიტეტული პლატფორმა The Business of Fashion ყოველ წელს მოდის ინდუსტრიის გავლენიანი ადამიანების სიას აქვეყნებს, მათ ვინ მოდაზე რეალურ გავლენას ახდენენ. პლატფორმამ წლევანდელი სია უკვე განაახლა, სადაც არაერთი ახალი სახე ხვდება. აქვე გეტყვით, რომ არა წლევანდელ, თუმცა BoF 500-ის სიაში უკვე 5 ქართველია… ისინი ვინც თავიანთი საქმით საერთაშორისო მასშტაბის ცვლილებები მოახდინეს. ერთ-ერთი ასეთი The Business of Fashion-ისთვის სოფო ჭყონიაა, რომელიც მოდის ინდუსტრიის გავლენიანი ადამიანების სიაში 2019 წლიდან არის. ქალი, რომელიც მერსედეს ბენცის მოდის კვირეულის უკან დგას, ღონისძიების, რომელიც საერთაშორისო ასპარეზზე იქცა მნიშვნელოვან მოვლენად. ამ ღონისძიების ორგანიზატორმა შეძლო, რომ თბილისის მოდის კვირეული გადაექცია "ცხელ ბილეთად" რომელსაც ყოველ სეზონზე “ბაიერების” და პრესის მრავალრიცხოვანი საერთაშორისო დელეგაცია ესწრება. - ასე აფასებს BOF სოფო ჭყონიას საქმიანობას. სოფოსთან ერთად სიაშია დემნა გვასალია, ბექა გვიშიანი და ა.შ. #ახალიამბები #BusinessMediaGeorgia
ყველაზე შემოსავლიანი ტელეწამყვანები 2025 წელს #5. ჯონ ოლივერი — $30 მილიონი #4. გორდონ რამზი — $33 მილიონი #3. ბობი ფლეი — $33 მილიონი #2. გაი ფიერი — $33 მილიონი #1. ტომ ბრედი — $37.5 მილიონი ირაკლი მოდებაძე - BMG, რეპორტიორი #ახალიამბები #BusinessMediaGeorgia
დღევანდელ დღეს, ოღონდ 1996 წლის 7 ოტქომბერს ამერიკულ მედიაში ახალი ტალღა დაიწყო – რუპერტ მერდოკისა და როჯერ აილზის ინიციატივით ეთერში გავიდა ფოქს ნიუსი, რომელმაც მალევე მოიპოვა პოპულარობა კონსერვატიული ნარატივით, ძლიერი წამყვანებითა და პოლიტიკურად აქტუალური შოუებით. დღეს ფოქს ნიუსი Fox Corporation-ის ყველაზე მომგებიანი ნაწილი არის, წლიურად 3–4 მილიარდ დოლარს აგენერირებს და დღიურად 2.5 მილიონი მაყურებელი ჰყავს. არხი არა მხოლოდ ფინანსურ გიგანტად იქცა, არამედ გავლენიან პოლიტიკურ და მედია-სპექტრში მნიშვნელოვან მოთამაშედ რჩება, თანაც გლობალური ციფრული ტრანსფორმაციის პირობებში მაინც ინარჩუნებს ლიდერობას. #ახალიამბები #BusinessMediaGeorgia
1975 წლიდან ევროპის ქალაქები მნიშვნელოვნად შეიცვალა – ფართობითაც და სიმჭიდროვითაც. მოსკოვი, პარიზი და ლონდონი დღეს კონტინენტის ყველაზე მრავალრიცხოვანი ქალაქებია, ხოლო მადრიდსა და ბარსელონას გაერთიანებულ ურბანულ ზონაში 12.5 მილიონზე მეტი ადამიანი ცხოვრობს. მოსახლეობის ზრდა ძირითადად მიგრაციით, ეკონომიკური შესაძლებლობებით და ინფრასტრუქტურის განვითარებითაა განპირობებული. ახალი სამუშაო ძალა ინოვაციებსა და ბიზნესს ზრდის, ადგილობრივი ბაზრები კი ინვესტიციებს ახალ ძალას აძლევს, თუმცა იზრდება საცხოვრებელი ხარჯები, საცობები და გარემოსდაცვითი გამოწვევები, რაც გონივრულ დაგეგმვას საჭიროებს. ევროპის ქალაქები დღეს არა მხოლოდ სივრცით, არამედ ეკონომიკურადაც მნიშვნელოვან გავლენას ახდენენ რეგიონსა და გლობალურ ბაზარზე. #ახალიამბები #BusinessMediaGeorgia
იტალიური გამოცემა Linkiesta-ს გამოძიების მიხედვით, რუსული სამხედრო-სამრეწველო კომპლექსიდან გამოშვებული ცეცხლასროლი იარაღი და საბრძოლო მასალა, რუსეთის „ჩრდილოვანი ფლოტის“ მეშვეობით იტალიური მაფიის ხელში ხვდება. კერძოდ, სამხრეთიდან, სიცილიის პორტებიდან, და ჩრდილოეთით ფრიულის სასაზღვრო-გამშვები პუნქტებიდან შემოდის კალაშნიკოვები - 2010–2020 წლებში გამოშვებული იარაღი. მიწოდება კი რუსეთის სახელმწიფო საკუთრებაში მყოფი ტულის იარაღის საიმპერატორო ქარხნიდან ხდება. გამოძიებისვე თანახმად, მაფიური ჯგუფები ამ იარაღს სტრატეგიულ მარაგად ინახავენ, რაც მათ ნახევრადსამხედრო სტრუქტურებად აქცევს. როგორ მუშაობს აღნიშნული სქემა? #ახალიამბები #BusinessMediaGeorgia
ბლუმბერგმა საუკეთესო ბიზნეს სკოლების რეიტინგი გამოაქვეყნა. აღსანიშნავია, რომ რეიტინგის შედგენის დროს, Bloomberg-ის გუნდი ხუთ ძირითად პარამეტრს ეყრდნობა, ესენია: შემდგომი ანაზღაურება, სწავლების ხარისხი, ნეთვორქინგის შესაძლებლობები, მეწარმეობა და ინკლუზიურობა. თითოეული ინდექსის წონა განისაზღვრება მონაწილეთა პრიორიტეტების მიხედვით, ხოლო საბოლოო შედეგი ასახავს არა მხოლოდ აკადემიურ დონეს, არამედ იმ რეალურ შესაძლებლობას, რომელსაც პროგრამა სტუდენტს უქმნის. რომელი ბიზნეს სკოლები ხვდებიან რეიტინგში? #ახალიამბები #BusinessMediaGeorgia
#საქმიანიდილა - 7 ოქტომბერი - პროლოგი #ახალიამბები #BusinessMediaGeorgia
ეიფელის კოშკზე ველოსიპედით - ახალი მსოფლიო რეკორდი დამყარდა #ახალიამბები #BusinessMediaGeorgia
ციფრულ ეპოქაში, სადაც ინტერნეტი ყოველდღიური ცხოვრების და გლობალური ეკონომიკის საყრდენად იქცა, ხელმისაწვდომობა და ღირებულება გარდამტეხ მნიშვნელობას იძენს. თუმცა ინტერნეტი ყველგან ერთნაირად არც ხელმისაწვდომია და არც იაფი. მსოფლიოს ქვეყნებს შორის ღირებულების სხვაობა იმდენად დიდია, რომ მეგაბიტზე ფასი ზოგიერთ ადგილას დოლარებით, სხვაგან კი ცენტებით იზომება. 2025 წლისთვის, კვლევითი კომპანიის We Are Social-ის მიერ გამოქვეყნებული მონაცემები ფიქსირებული ფართოზოლოვანი ინტერნეტის გლობალურ სურათს გვიჩვენებს. სად ღირს ინტერნეტი ყველაზე ძვირი? #ახალიამბები #BusinessMediaGeorgia
რამდენიმე დღის წინ, გადაცემაში ბიზნეს კვირეული დავაანონსეთ ძალზედ მნიშვნელოვანი ღონისძიება რაც მასწავლებლის ეროვნული ჯილდოს ეხებოდა და მას შემდეგ რაც გამარჯვებულებიც გამოვლინდა, ამას სპეციალური სიუჟეტიც მივუძღვენით. თემა საქართველოს ბანკის სიესარ მიმართულების ხელმძღვანელთან ერთად გავშალეთ,საქმიანმა საზოგადოებამ იცით - საქართველოს ბანკი, როგორც განათლების მთავარი მხარდამჭერი ბანკი, შესაძლებლობების შექმნას განაგრძობს. სწორედ ამიტომ, მასწავლებლების პროფესიის დაფასების მიზნით, მასწავლებლის ეროვნული ჯილდოს კონკურსის მთავარი მხარდამჭერია. 2025 წლის მასწავლებლის ეროვნული ჯილდოს კონკურსის გამარჯვებული ჟანა ხაჩატურიანი, ილია ჭავჭავაძის სახელობის, ახალქალაქის N3 საჯარო სკოლის მასწავლებელი გახდა. სტუმარი: ანა ლომთაძე - ”საქართველოს ბანკი”, CSR მიმართულების ხელმძღვანელი #ახალიამბები #BusinessMediaGeorgia
ნახშირბადის ემისიები და საწვავის გაზრდილი ხარჯები, დღეს ავიაციის სექტორის გლობალური პრობლემაა, წამყვანი კომპანიები კი გამოწვევის გადაჭრის მიზნით, თამამ ნაბიჯებს დგამენ. ერთ-ერთი ასეთი ნაბიჯია Flexjet-ის გადაწყვეტილება — შეუკვეთოს 300 ერთეული უახლესი ტიპის Phantom 3500 თვითმფრინავი, რაც არა მხოლოდ კომერციული გარიგება, არამედ ავიაციის მომავლის სიმბოლოდ მიიჩნევა. #ახალიამბები #BusinessMediaGeorgia
#ავიაციისსიახლეები: ✈ 8 თვეში საქართველოს აეროპორტებით 5.6 მლნ მგზავრმა ისარგებლა; ✈ თურქეთისა და საქართველოს დედაქალაქებს შორის ავიარეისები აღდგა; ✈ Routes Awards 2025-ზე easyJet-ი საუკეთესო ავიაკომპანიად დასახელდა; ✈ Southwest Airlines-ის რეისებზე WI-FI უფასო იქნება;