#საქმიანიდილა - 3 ოქტომბერი - პროლოგი #ახალიამბები #BusinessMediaGeorgia
ნობელის 2023 წლის პრემია მედიცინაში და ფიზიოლოგიაში უკვე გაცემულია და წელს ის ამერიკელ და უნგრელ მეცნიერებს, დრიუ ვაისმაბს და კატალინ კარიკოს მიენიჭათ, რომელთა სახელს უკავშირდება იმ თეორიული ბაზისის მომზადება ემერენის სინთეზისთვის, რაც თავის მხრივ საფუძვლად დაედო შედარებით სწრაფად შექმნილიყო კორონავირუსის საწინააღმდეგო ვაქცინა. საუბარია ნუკლეოზიდური საფუძვლების მოდიფიკაციაზე ანუ, და სწორედ კრიკოს და ვაისმანის შრომებზეა აგებული მსოფლიოში ცნობილი სამედიცინო კომპანია მოდერნას ბიზნეს მოდელი, რომელთაც 10 თვეში შექმნეს და გამოცადეს მაღალეფექტური ვაქცინა პანდემიურ 2020 წელს. #ახალიამბები #BusinessMediaGeorgia
„გვაქვს ამბიციური გეგმა, 2025 წლისთვის აჭარაში 6 მილიონ ტურისტს ვუმასპინძლოთ და შევქმნათ მასშტაბური ინფრასტრუქტურა“ - ამის შესახებ გასულ უქმეებზე ტურიზმის ინდუსტრიაში ერთ-ერთი ყველაზე მნიშვნელოვანი მსოფლიო ტურიზმის დაჯილდოების გალა ცერემონიაზე, რომელიც ბათუმში გაიმართა, აჭარის მთავრობის მეთაურმა ისაუბრა. მისი თქმით, ბოლო მონაცემებით, 2023 წლის 8 თვის განმავლობაში აჭარის რეგიონში ვიზიტების რაოდენობა 2 მილიონს აჭარბებს, რაც 2022 წელთან შედარებით 46%-იან, ხოლო 2019 წელთან შედარებით 20%-იან ზრდაზე მიუთითებს. მიზანი მომავალი წლისთვის ორმაგი, ხოლო 2025 წლისთვის - სამმაგი მაჩვენებლების არსებობაა. როგორ ჩაიარა დაჯილდოებამ, რომელსაც ასობით ნომინაცია და ათასობით ნომინანტი კონტინენტებისა და ქვეყნების მიხედვით სხვადასხვა კატეგორიაში ჰყავდა გადანაწილებული. მათ შორის იყვნენ წამყვანი სასტუმროები, ტურისტული სააგენტოები, ტურისტული ატრაქციები, ტუროპერატორები, ასევე, საზღვაო, საგზაო, საჰაერო ტრანსპორტის კომპანიები. World Travel Awards-ს გალა ცერემონიას ბათუმში 20-ზე მეტი ქვეყნიდან ტურისტული ინდუსტრიის, საერთაშორისო მედიის წარმომადგენლები და უცხოელი ბლოგერები ესწრებიან. სტუმარი: ირაკლი თავართქილაძე - „აჭარა ტურის“ დამფუძნებელი; #ახალიამბები #BusinessMediaGeorgia
სტაჟიორების მინიმალური ხელფასი შესაძლოა, 400-500 ლარით განისაზღვროს. აღნიშნულს გულისხმობს, „საჯარო სამსახურის შესახებ“ კანონში დაგეგმილი ცვლილება, რომელიც საჯარო დაწესებულებებში ანაზღაურებადი სტაჟირების შესაძლებლობას შექმნის. კანონპროექტი, რომელიც ფრაქცია „ქართული ოცნების“ საკანონმდებლო ინიციატივაა, საფინანსო-საბიუჯეტო კომიტეტის სხდომაზე განიხილეს. კანონპროექტის ერთ-ერთმა ინიციატორის, განათლებისა და მეცნიერების კომიტეტის თავმჯდომარის, გივი მიქანაძის განცხადებით, საჯარო დაწესებულებების ყოველდღიურ საქმიანობაში აღსანიშნავია სტაჟიორთა როლი, ასევე მათი ჩართულობა ორგანიზაციული მართვის პროცესებში. შესაბამისად, მნიშვნელოვანია მათი შრომის ანაზღაურების შესაძლებლობის საკანონმდებლო დონეზე მოწესრიგება. საჯარო დაწესებულებაში სტაჟიორთა რაოდენობისა და მათი შრომის ანაზღაურების ზღვრული ოდენობები განისაზღვრება და მოწესრიგდება „საჯარო დაწესებულებაში შრომის ანაზღაურების შესახებ“ საქართველოს კანონით. საუბარია, დაახლოებით, 400-500 ლარზე, თუმცა დეფიციტურ პროფესიებთან მიმართებით, თანხა შესაძლოა 1000 ლარამდე განისაზღვროს. კომიტეტმა კანონპროექტს მხარი დაუჭირა. სტუმარი: ირაკლი პეტრიაშვილი - პროფესიული კავშირების გაერთიანების თავმჯდომარე; #ახალიამბები #BusinessMediaGeorgia
2023 წლის აგვისტოში თბილისში 3,287 ტრანზაქცია დაფიქსირდა, რაც 2022 წლის აგვისტოს მაჩვენებელზე 6%-ით ნაკლებია. ამჯერად სტატისტიკურ მონაცემებს თიბისი კაპიტალი აქვეყნებს. მათივე ცნობით, საშუალო გასაყიდი ფასი წინა თვესთან შედარებით უცვლელი დარჩა და კვ.მეტრის ღირებულებამ 1 161 დოლარი შეადგინა, ხოლო წლიურ ჭრილში მაჩვენებელი 19%-ით გაიზარდა. რაც შეეხება ქირას, კვლევის თანახმად, გასაქირავებელი ფასი 12.3 დოლარს გაუტოლდა კვ.მეტრზე, რაც წინა წლის იმავე პერიოდის მაჩვენებელთან შედარებით 37%-ით მაღალია. „თიბისი კაპიტალის“ ცნობით, უძრავი ქონების ბაზრის მოცულობამ 252 მილიონი აშშ დოლარი შეადგინა და წლიურ ჭრილში 12%-იანი ზრდა დაფიქსირდა. როგორ იცვლება უძრავი ქონების ბაზარი და რას უნდა ველოდოთ სამომავლოდ? სტუმარი: მალხაზ კუნელაური - ემქეი-დი გრუპის დამფუძნებელი; #ახალიამბები #BusinessMediaGeorgia
ნუშის მოსავალი წინასწარი პროგნოზით საკმაოდ კარგია. როგორც პროფილური ასოციაციის დამფუძნებელმა რამდენიმე დღის წინ BMG-სთან საუბარში აღნიშნა, ადგილობრივი წარმოება მოახერხებს, რომ ქვეყანაში 3000 ტონა ნუში მიიღოს, რაც 1000 ტონა ნუშის გულს გულისხმობს, ეს კი არის პროდუქტი, რომელიც პირდაპირ ივაჭრება, შესაბამისად, ასოციაციის მოსაზრებით, ეს რაოდენობა მოახერხებს, რომ ქვეყნის შიდა მოთხოვნა სრულად დააკმაყოფილოს, რაც თავის მხრივ, პროდუქციის საფასურს დაარეგულირებს. სტუმარი: ანა ქევხიშვილი - ნუშის და კაკლის მწარმოებელთა ასოციაციის სამეთვალყურეო საბჭოს წევრი; #ახალიამბები #BusinessMediaGeorgia
გასული კვირის მიწურულს, აქსელისა და კეტარის პარტნიორობით საერთაშორისო კონფერენცია შედგა, რომლის დროსაც აქსელის პორტფელში არსებული ტექნოლოგიური სტარტაპები ბიზნესის გასავითარებლად და ინვესტიციების მოსაზიდად წარსდგნენ აუდიტორიის წინაშე. როგორი შედეგით დასრულდა კონფერენცია რომელსაც ანგელოზი ინვესტორები, ვენჩურული ფონდების წარმომადგენლები, სტარტაპები და ანტერპრენერები ესწრებოდნენ? სტუმრები: ზუკა ცქიტიშვილი - ფონდი კეტარის აქსელერატორის მენეჯერი; ირო ცაგარეიშვილი - "აქსელის" მმართველი დირექტორი. #ახალიამბები #BusinessMediaGeorgia
Grant Thornton Georgia-მ, ევროპის ბიზნეს ასოციაციასთან თანამშრომლობით, საჯარო-კერძო დიალოგი გამართა საკითხზე - მუდმივი დაწესებულების საგადასახადო დაბეგვრის და ფინანსური ანგარიშგების გამოწვევები. საჯარო-კერძო დიალოგს საქართველოს პარლამენტის დარგობრივი ეკონომიკისა და ეკონომიკური განვითარების კომიტეტი, შემოსავლების სამსახურის აუდიტის დეპარტამენტის მსხვილ გადამხდელთა ოფისი და კერძო სექტორის წარმომადგენლები ესწრებოდნენ. #ახალიამბები #BusinessMediaGeorgia
8 ოქტომბერს Radisson Blu Iveria ProdAct Community ორგანიზებით Product Management-ზე ორიენტირებული კონფერენციას მასპინძლობს. პროდუქტის მენეჯმენტზე, დიზაინზე, მარკეტინგსა და დეველოპმენტზე ფოკუსირებული კონფერენცია მონაწილეებისა და დამსწრეებისათვის ტექნოლოგიურ ინდუსტრიაში ნავიგაციის და განვითარების ახალი ეტაპების გაცნობის დაპირებას გასცემს. მასშტაბური კონფერენცია 400-მდე სტუმარს და 25 მდე გამომსვლელს დაიტევს, რომელთა შორისაც ქართველებთან ერთად უცხოელი სფეროს პროფესიონალები იქნებიან. სტუმარი: გიორგი ლომიძე - ProdAct-ის თანადამფუძნებელი და აღმასრულებელი დირექტორი; #ახალიამბები #BusinessMediaGeorgia
თიბისი დაზღვევის მხარდაჭერით Audi-მ ახალი, სრულიად ელექტრო მოდელი, "Q8 იტრონი" წარადგინა. ახალი მოდელი მის წინამორბედებთან შედარებით მნიშვნელოვნად არის გაუმჯობესებული 3 ძირითადი კომპონენტი, ესენია: აეროდინამიკა, ბატარეის მოცულობა და ძრავის ეფექტიანობა. აღსანიშნავია ისიც, ავტომობილი სრულიად ახალი დიზაინითაა შექმნილი და "ლედ მატრიცული ფარებით" არის აღჭურვილი. Audi-მ ახალ მოდელთან ერთად ასევე აუდის კლუბი წარადგინა, რომლის წევრებსაც განსაკუთრებული სერვისის მიღების შესაძლებლობა ექნებათ, გარდა ამისა, აუდის ცენტრის მომხმარებლები სპეციალურ პირობებს თიბისი დაზღვევისაგანაც მიიღებენ. #ახალიამბები #BusinessMediaGeorgia
საქართველოში ახალი თაობის iPhone-ების გაყიდვა დაიწყო. ერთ-ერთი პირველი მაღაზია, რომელშიც iPhone 15-ის სერიის სმარტფონები გაიყიდა, საქართველოში Apple-ის პრემიუმ-რესელერის სტატუსის მქონე iSpace-ი იყო. როგორც კომპანიაში ამბობენ, Apple-ის სმარტფონებზე მზარდი მოთხოვნის ფონზე, გაყიდვებიც რეკორდული იყო. #ახალიამბები #BusinessMediaGeorgia
წყალტუბოს ცენტრში მდებარე სასტუმრო კომპლექსი "პარკ რეზორტ წყალტუბო" გაფართოვდა და არსებულ სივრცეს 30 ახალი ნომერი შეემატა. 5 მილიონი ლარის ინვესტიციით, განახლებისას კომპანიის პარტნიორი საქართველოს ბანკი იყო და გარდა სასტუმრო ნომრების რაოდენობის გაზრდისა გარემონტდა ბალნეოლოგიური სპა ცენტრი და გაიხსნა ახალი სარესტორნო სივრცე "იმერული ესკიზები". #ახალიამბები #BusinessMediaGeorgia
ბათუმში World travel awards-ის დაჯილდოების ცერემონია გაიმართა. ღონისძიებაზე ქართული ავტოგაქირავების კომპანია Europcar Georgia World Travel Awards-ის საერთაშორისო ჯილდოს მფლობელი გახდა. გამარჯვება ნომინაციაში - საქართველოს ლიდერი ავტოგაქირავების კომპანია, Europcar Georgia-მ წელს უკვე მეორედ მოიპოვა. ინფორმაციისთვის: World travel awards მსოფლიო ტურიზმის სექტორში ერთ-ერთი ყველაზე პრესტიჟული დაჯილდოებაა. გამარჯვებულების გამოვლენა საერთაშორისო ტურისტების შეფასებით ხდება, რომლებიც თავიანთ კმაყოფილებას მომსახურების მიმართ ხმის მიცემით გამოხატავენ. ტურიზმის სექტორში ერთ-ერთი ყველაზე პრესტიჟული კონკურსის დაჯილდოება, საქართველოში წელს პირველად ჩატარდა. Europcar Georgia საქართველოს ბაზარზე 2020 წლიდან ოპერირებს და მომხმარებლებს სთავაზობს როგორც დღიურ გაქირავებას, ასევე საოპერაციო ლიზინგსა და სატრანსპორტო მომსახურებას. დღეს Europcar Georgia 400-ზე მეტი ავტომობილი არის წარმოდგენილი თბილისში, ქუთაისსა და ბათუმში. კომპანიის წარმატებას, მრავალფეროვანი ავტოპარკის გარდა კომფორტული სერვისი და მუდმივ რეჟიმში მომხმარებლის კმაყოფილებზე ზრუნვა განაპირობებს. Europcar Georgia ,,თეგეტა ჰოლდინგში“ შემავალი კომპანიაა, რომელიც საერთაშორისო ბრენდის ექსკლუზიური წარმომადგენელია საქართველოში. კომპანიის ბიზნესპროფილია ავტომობილების გაქირავება როგორც დღიურად, ისე საოპერაციო ლიზინგით გრძელვადიანი საჭიროებისთვის და ასევე სატრანსპორტო მომსახურება. ახლა უკვე საქართველოში პირველად Europcar-ი თავის მომხმარებელს Auto Subscription-ის სერვისსაც სთავაზობს. #ახალიამბები #BusinessMediaGeorgia
#საქმიანიდილა - 2 ოქტომბერი - პროლოგი #ახალიამბები #BusinessMediaGeorgia
როგორი ამინდი გველის დღეს საქართველოში? #ახალიამბები #BusinessMediaGeorgia
გუშინ გაიმართა კონფერენცია „ერთიანობა მრავალფეროვნებაშია - თანაბარი ხელმისაწვდომობა განათლებისა და ჯანდაცვის სერვისებზე“. კონფერენცია ორგანიზებული იყო ეკონომიკური პოლიტიკის კვლევის ცენტრის (EPRC) მიერ USAID-ის პროექტის „ერთიანობა მრავალფეროვნებაშია“ ფარგლებში, რომელსაც ახორციელებს საქართველოს გაეროს ასოციაცია (UNA Georgia), ეკონომიკურ პოლიტიკის კვლევის ცენტრთან (EPRC) და სხვა პარტნიორ ორგანიზაციებთან ერთად. პროექტი დაიწყო 2022 წლის სექტემბერში, 5 წლიანია და მოიცავს ძალისხმევას ეთნიკური და რელიგიური უმცირესობების მოქალაქეების თანაბარი შესაძლებლობების უზრუნველყოფისთვის. პროექტის ფარგლებში „ეკონომიკური პოლიტიკის კვლევის ცენტრი“ (EPRC), პირველი სამუშაო წლის განმავლობაში, ახორციელებს ჯანდაცვისა და განათლების თანასწორი ხელისაწვდომობის საკითხების შესწავლას, შესაბამისი კვლევებისა და რეკომენდაციების მომზადებას. ღონისძიების მიზანია, ჯანდაცვისა და განათლების თანაბარი ხელმისაწვდომობის საკითხებზე, საზოგადოებრივი დისკუსიის ორგანიზება, რაც გულისხმობს მოდერირებული პანელური დისკუსიების ჩატარებას აღნიშნულ თემებზე და ასევე, ერთი წლის განავლობაში შემუშავებული მიგნებებისა და რეკომენდაციების პრეზენტაციას. რა მიგნებები და რეკომენდაციები შემუშავდა კონფერენციაზე? სტუმრები: თამარ ხორბალაძე - ეკონომიკური პოლიტიკის კვლევის ცენტრის განათლების მიმართულების ხელმძღვანელი; ნინო მირზიკაშვილი - ილიას უნივერსიტეტის ასოცირებული პროფესორი, ჯანდაცვის ექსპერტი; #საქმიანიდილა-ს #ანალიტიკა ელენე კვანჭილაშვილთან ერთად; #ახალიამბები #BusinessMediaGeorgia
როგორია ქართველი ახალგაზრდა? - FES კვლევა სტუმარი: სალომე ალანია - "ფრიდრიხ ებერტის ფონდის" პროექტების მენეჯერი; #საქმიანიდილა-ს #ანალიტიკა ელენე კვანჭილაშვილთან ერთად; #ახალიამბები #BusinessMediaGeorgia
საქართველოს ეკონომიკა - რისკები, შესაძლებლობები, მოლოდინები სტუმარი: გია ხუხაშვილი - ანალიტიკოსი; #საქმიანიდილა-ს #ანალიტიკა ელენე კვანჭილაშვილთან ერთად; #ახალიამბები #BusinessMediaGeorgia
იუბილარი VIP Aviation-ის 15 წელი საქართველოს ავიაბაზარზე სტუმრები: გიორგი მოლოდინაშვილი - "საუბრები ავიაციაზე" წამყვანი; მირიან სარიშვილი - VIP Aviation-ის მმართველი დირექტორი; #ახალიამბები #BusinessMediaGeorgia
„8-9 თვე პანდემია ვმართეთ ძალიან კარგად“ - ასე ფიქრობს NCDC ის ყოფილი ხელმძღვანელი, ამირან გამყრელიძე, რომელიც ბი ემ ჯი დრაივის სტუმარი იყო. მისივე თქმით, კრიტიკულად მნიშვნელოვანია გაკეთდეს შეფასებები და ანალიზი, რა ვისწავლეთ პანდემიის დროს, რა გაკეთდა სწორად, სად იყო ჩავარდნები და რა ტიპის მზაობა უნდა გვქონდეს სამომავლოდ, ასეთი მასშტაბის საფრთხის დადგომის შემთხვევაში. #BMGDRIVE-ის მგზავრი: ამირან გამყრელიძე - იმუნოლოგი; მედიცინის მეცნიერებათა დოქტორი; NCDC ყოფილი ხელმძღვანელი; ავტორები: ბექა ბაციკაძე, ირაკლი ხიზანიშვილი, კაკი პაიჭაძე #ახალიამბები #BusinessMediaGeorgia
Ashley HomeStore საქართველოს ბაზარზე 4 წლის გახდა. ავეჯის ამერიკული ბრენდი იუბილეს განახლებული შოურუმით შეხვდა და მომხმარებლებს მრავალფეროვანი კოლექცია შესთავაზა. საქართველოში პირველი ოფიციალური Ashley HomeStore, სრულ სპექტრს აერთიანებს, რომელიც საძინებლებს და რბილი ავეჯს, სასადილო ოთახებს, განათებებს და სახლის დეკორაციებს მოიცავს. საქართველოში ავეჯის მწარმოებელი ამერიკული კომპანია Ashley HomeStore- ბაზარზე შემოსვლისას ძალიან საინტერესო შეთავაზებით წარსდგა მომხმარებელს არა მხოლოდ მოთხოვნად ამერიკულ ავეჯს, არამედ მომსახურების სრულ სპექტრს საცხოვრებელი სივრცის აზომვისა და დაგეგმარებასაც სთავაზობს. როგორი იყო გასული 4 წელი ქართველ მომხმარებელთან ურთიერთობაში და რა გეგმით არის ამერიკული ბრენდი სამომავლოდ? სტუმარი: გიორგი დაბრუნდაშვილი - "ეშლი ჰოუმსთორი" საქართველოს გენერალური მენეჯერი; #ახალიამბები #BusinessMediaGeorgia
"თიბისი კაპიტალი" მონეტარული პოლიტიკის განაკვეთთან დაკავშირებულ პროგნოზს არ ცვლის - თიბისის მთავარი ეკონომისტის შეფასებით განაკვეთი 2023 წლის დეკემბერში 9.5% -მდე ჩამოვა და როგორც ოთარ ნადარაია ყოველკვირეულ მიმოხილვაში მიუთითებს, არც იმას გამორიცხავს რომ წელს, შედარებით მხოლოდ მცირედით, მაგრამ მაინც უფრო მეტი შერბილებაც ვიხილოთ. სტუმარი: ოთარ ნადარაია - თიბისის მთავარი ეკონომისტი; #ახალიამბები #BusinessMediaGeorgia
E-მოგზაურე - SKYWELL ET5 ევროპული სტანდარტების ჩინური ელექტრომობილი; თორნიკე ბუაჩიძე - SENA AUTO GROUP-ის ოპერაციების მენეჯერი; #ახალიამბები #BusinessMediaGeorgia
ავტომობილების გამონაბოლქვის უარყოფითი გარეგანი ეფექტის შესამცირებლად, კერძო კომპანიები ბაზარს სიახლეებს მუდმივად სთავაზობენ. ზიანის შემცირება, როგორც თანამედროვე სამყაროს შესაძლებლობა, კარგად ესმით Socar Georgia Petroleum-ში. პეტროქიმიკატების მწარმოებელ უმსხვილეს კომპანია “BASF SE”-სთან თანამშრომლობის შედეგად, სოკარის ბენზინგასამართ სადგურებზე მომხმარებლებს ნებისმიერი ტიპის ბენზინის მოხმარებისას ნანო დანამატითაც სარგებლობს, რაც აუმჯობესებს ეკოლოგიურ და სამომხმარებლო ექსპლუატაციას, რის შედეგადაც მცირდება ეკო დამაბინძურებელი გამონაბოლქვი და საწვავის მოხმარების ხარჯი. გიორგი მიგრიაული - Socar Georgia Petroleum-ის წარმომადგენელი #ახალიამბები #BusinessMediaGeorgia
სამშენებლო სექტორში კვალიფიციური კადრების დეფიციტის შევსების მიზნით, ინფრასტრუქტურის მშენებელთა ასოციაციამ და ქართულ-ამერიკულმა უნივერსიტეტმა სამი საგანმანათლებლო პროგრამა შეიმუშავეს. პროგრამები USAID-ის “დამსაქმებელი პროფესიული განათლებისთვის” მხარდაჭერით შეიქმნა, საიდანაც ორი საერთაშორისო, ერთი კი ადგილობრივია. #ახალიამბები #BusinessMediaGeorgia
იაშვილის სახელობის ბავშვთა ცენტრალური საავადმყოფო რეგიონის მასშტაბით პირველი სამედიცინო დაწესებულება გახდა, რომელმაც ამერიკის საერთაშორისო სააკრედიტაციო კომისიის საერთაშორისო აკრედიტაცია მიიღო. ეს კი იმას ნიშნავს, რომ კლინიკამ მოიპოვა აღიარება, რომელიც გულისხმობს სამედიცინო მომსახურების ხარისხის საერთაშორისო სტანდარტთან შესაბამისობას და, ამავდროულად, პედიატრიული სერვისების, პაციენტთა უსაფრთხოებისა და მართვის ხარისხის მიმართულებით მუდმივ განვითარებას ითვალისწინებს. #ახალიამბები #BusinessMediaGeorgia
საერთაშორისო ფარმაცევტული კომპანია „GM PHARMA“ შეუერთდა გულის მსოფლიო დღის აღნიშვნას და მოსახლეობას შესთავაზა უფასო გასინჯვების აქცია შესთავაზა. გარდა უფასო გასინჯვებისა, კომპანია “GM PHARMA”, მომხმარებლებს ყოველდღიური მოხმარების კარდიოლოგიურ მედიკამენტებზე სთავაზობს 50%-იანი ფასდაკლების და 1+1 აქციას 25 სექტემბრიდან 30 სექტემბრის ჩათვლით. „GM PHARMA“ ყოველ წელს აქტიურად მონაწილეობს საქართველოში გულის მსოფლიო დღის აღნიშვნაში, რომლის ფარგლებშიც მომხმარებლებს საინტერესო აქციებს სთავაზობს და სხვადასხვა საინფორმაციო კამპანიებს კარდიოვასკულური დაავადებების შესახებ ცნობიერების ასამაღლებლად. #ახალიამბები #BusinessMediaGeorgia
საქართველოს ერთ-ერთმა უმსხვილესმა საინვესტიციო პლატფორმამ და Georgia Capital PLC-ის (“ჯგუფი”) 100%-იანმა შვილობილმა კომპანიამ, სს საქართველოს კაპიტალმა („საქართველოს კაპიტალი“, „GCAP“, „კომპანია“), სს Galt & Taggart-ისა და შპს თიბისი კაპიტალის დახმარებით ადგილობრივ ბაზარზე $150 მილიონი აშშ დოლარის ოდენობის მდგრადობასთან დაკავშირებული, 5 წლიანი ობლიგაციები წარმატებით განათავსა.აღსანიშნავია, რომ ობლიგაციები დღემდე განხორციელებულ ყველაზე დიდ კორპორატიულ ტრანზაქციას წარმოადგენს რეგიონალურ ბაზარზე. #ახალიამბები #BusinessMediaGeorgia
Goldman Sachs-ის უახლესი ანგარიშის თანახმად, გლობალური ეკონომიკური ძალაუფლების ბალანსი მომდევნო ათწლეულის განმავლობაში მნიშვნელოვნად შეიცვლება. უფრო ზუსტად, ანალიტიკოსების მოსაზრებით, უახლოესი წლების განმავლობაში აზია გლობალური მშპ-ს უმსხვილესი რეგიონული კონტრიბუტორი გახდება. ჩინეთის, ინდონეზიის, ბანგლადეშის, სამხრეთ კორეის, ინდოეთისა და სხვა აზიური ქვეყნების ეკონომიკური განვითარების ტემპები, როგორც ჩანს, ამის პროგნოზირების შესაძლებლობას იძლევა. როგორი იქნება გლობალური მშპ-ის განაწილება 2050 წლისთვის? #ახალიამბები #BusinessMediaGeorgia
მსოფლიოში ყველაზე ძვირადღირებულ კომპანიათა დიდი ნაწილი ამერიკის შეერთებული შტატების საფონდო ბირჟის ინდექსში S&P 500-შია ინტეგრირებული. აქედან გამომდინარე, გასაკვირი არ არის, რომ მსოფლიოს ყველაზე მაღალანაზღაურებადი აღმასრულებელი დირექტორები სწორედ S&P 500-ის ფირმებში პოზიციონირებენ. აღსანიშნავია ისიც, რომ მათი კომპენსაციის პაკეტები არა მხოლოდ ხელფასებს, არამედ ბონუსებს, გადაცემული აქციების ღირებულებას და სხვა ბენეფიტებს მოიცავს. ვინ არიან S&P 500-ში შემავალ კომპანიებში ყველაზე მაღალანაზღაურებადი აღმასრულებელი დირექტორები ? - ამ კითხვაზე საპასუხოდ Wall Street Journal-ის მონაცემებზე დაყრდნობით Visual Capitalist-მა უახლესი რეიტინგი გამოაქვეყნა. #ახალიამბები #BusinessMediaGeorgia
#საქმიანიდილა - 29 სექტემბერი - პროლოგი #ახალიამბები #BusinessMediaGeorgia
სტუმარმასპინძლობა, როგორც საყვარელი საქმე სტუმარი: ნათია ჩიკვილაძე - აჭარა ჯგუფის Food & Beverage მიმართულების აღმასრულებელი დირექტორი; #ქალებისნარატივი მარიამ იზორიასთან ერთად; #ახალიამბები #BusinessMediaGeorgia
მიმდინარე წლის ზაფხულიდან საქართველოსა და რუმინეთს შორის საბორნე მიმოსვლა დაიწყო. პირველი რეისი კონსტანცადან ფოთის მიმართულებით 27 ივნისს შესრულდა. საბორნე მიმოსვლის დაწყებამ გააჩინა მოლოდინები, რომ ქართული პროდუქციის ექსპორტი ევროპის ბაზარზე სიმარტივიდან გამომდინარე, გაიზრდებოდა. რამდენად არის ეს შესაძლებლობა ციტრუსის ექსპორტიორებისთვის, რომლის უდიდესი ნაწილის გასაღების ბაზარი რუსეთია? სტუმარი: კახა შავაძე - „აჭარა ტრეიდინგ გრუპის“ დამფუძნებელი; #ახალიამბები #BusinessMediaGeorgia
საქართველოს მედიატორთა ასოციაცია, USAID სამართლის უზენაესობის პროგრამის, ევროპის საბჭოს და გაეროს განვითარების პროგრამის ხელშეწყობით ახალ კამპანიას იწყებს. პროცესი საქართველოში მედიაციის, როგორც დავების მოგვარების ერთ-ერთი საშუალების შესახებ საჯარო უწყებების, ბიზნეს ორგანიზაციების და ზოგადად, საზოგადოების მედიაციის სიკეთეების შესახებ ცნობიერების ამაღლებას გულისხმობს. კამპანიის მიზანი მედიაციის პოპულარიზაცია და მისი გამოყენების ზრდაა ქვეყანაში, როგორც კერძო პირების, ისე ბიზნესების მიერ. სტუმრები: თამარ იმნაიშვილი - საქართველოს მედიატორთა ასოციაციის აღმასრულებელი დირექტორი; ირაკლი გელოვანი - USAID-ის სამართლის უზენაესობის პროგრამის ADR მრჩეველი. #ახალიამბები #BusinessMediaGeorgia
ENPARD IV პროგრამის ფარგლებში, ევროკავშირის მხარდაჭერით, FAO-მ "რითეილ ასოციაციის" წევრებს და მათ მომწოდებლებს ორ დღიანი ტრენინგი ჩაუტარა. საგანმანათლებლო სესიების მიზანს, სურსათის უვნებლობაზე, მასთან დაკავშირებულ საკითხებზე, წარმოებისა და სანიტარული ოპერაციების კარგ პრაქტიკაზე ცოდნის გაზიარება წარმოადგენდა. ტრენინგებზე დამსწრეთა მობილიზება და ორგანიზება, "რითეილ ასოციაციამ" უზრუნველყო. ტრენინგი ბევრ სხვა თემასთან ერთად, სურსათის უვნებლობის საფრთხეების და მათი კონტროლის პრევენციულ ზომებს, საკვების დაბინძურების საფრთხეებს, საკვებით მანიპულაციისას ჰიგიენის სწორ პრაქტიკას და საფრთხის ანალიზს და კრიტიკული საკონტროლო წერტილებს - HACCP-ის სტანდარტი ეხებოდა. რამდენად იცავენ სტანდარტებს მიმწოდებლები და ქსელური მარკეტების წარმომადგენლები? სტუმრები: სოფიო ქაშაკაშვილი - "რითეილ ასოციაციის" თავმჯდომარე; სოფიო დაფქვიაშვილი - FAO-ს უმცროსი ვეტერინარი და სურსათის უვნებლობის ექსტენციის სპეციალისტი. #ახალიამბები #BusinessMediaGeorgia
30 სექტემბერს ბათუმის ხელოვნების უნივერსიტეტში საინიციატივო ჯგუფის მიერ ხელოვნურ ინტელექტთან დაკავშირებით გამოფენა და საჯარო დისკუსია გაიმართება. გამოფენა „21საუკუნის ხელოვნური ინტელექტი და საპიენსი“ წარმოადგენს კულტურულ საგანმანათლებლო ღონისძიებას, რომელიც ნებისმიერ დაინტერესებულ პირებს საშუალებას აძლევს, გაეცნოს და ისაუბროს ხელოვნური ინტელექტის მიერ წარმოშობილ მთავარ გამოწვევებზე და მის გავლენაზე ხელოვნებაზე, კერძოდ, მხატვრობაზე და ფოტოგრაფიაზე. მოწვეული სტუმრების მიერ განიხილება მათი დაძლევის გზებიც და შედგება რეალური საუბრები სხვადასხვა ტექნოლოგიური, საგანმანათლებლო და კულტურული დარგის ექსპერტებთან. ვინ მიიღებს მონაწილეობას და რა მიზანს ემსახურება შეხვედრა? სტუმარი: მათე კონჯარია - "ხელოვნური ინტელექტი და საპიენსის“ პროექტის მენეჯერი; #ახალიამბები #BusinessMediaGeorgia
ვინ გახდება BARTA-ს მფლობელი წელს - ათვლა შედეგებამდე და განაცხადების მისაღებად დაწყებულია. BARTA -ს ჯილდოს მიღების შესაძლებლობა წელს კიდევ უფრო მეტი კომპანიისთვის არის ხელმისაწვდომი. კონკურში გაფართოვდა და პირველად განაცხადების წარდგენის შესაძლებლობა როგორც პირველი კატეგორიის კომპანიებისთვის და ჯგუფებისთვის, ასევე საზოგადოებრივი დაინტერესების მქონე ყველა პირისთვის (სდპ) არის. დრო ჯერ არის თუმცა არც ისე ბევრი, დაინტერესებულ კომპანიებს, განაცხადების წარდგენა 31 ოქტომბრის ჩათვლით შეუძლიათ და იმედია მთლად ბოლო დღემდე არ გადაავადებენ მსურველები პროცესში ჩართვის დროს. სტუმრები: ირინა გორდელაძე - "მსოფლიო ბანკის" უფროსი კონსულტანტი მართვის სფეროში; გიორგი თაბუაშვილი - ბუღალტრული რეფორმის ბენეფიციართა ფონდის საბჭოს აღმასრულებელი თავმჯდომარე; #ახალიამბები #BusinessMediaGeorgia
ბერლინის ჯგუფის ღია ფინანსების სამუშაო ჯგუფის წევრი საქართველოს საბანკო ასოციაცია რამდენიმე დღის წინ ჩრდილო მაკედონიაში, სკოპიეში გამართულ მორიგ შეხვედრაში იყო ჩართული, რომელზეც განსახილველ საკითხებს შორის იყო ღია ბანკინგის/ღია ფინანსების სტანდარტების ახალ ვერსიები და და მათში შესატანი საკითხები. სფერო ვითარდება, გარდა საბანკო პროდუქტებისა ტექნოლოგიების განვითარებამ სხვა და სხვა მხარეებს განსხვავებული შეთავაზებების გაკეთების შესაძლებლობა გაუჩინა, რომელთან დაკავშირებითაც მოუწესრიგებელი ბაზა ამავე ტექნოლოგიების განვითარებისათვის ხელისშემშლელია. სტუმარი: მიხეილ კაპანაძე - საქართველოს საბანკო ასოციაციის ღია ბანკინგის პროექტის დირექტორი; #ახალიამბები #BusinessMediaGeorgia
ქართულმა ბიოფარმაცევტულმა კომპანიამ „ბიოქიმფარმი“ ბაქტერიოფაგების (ფაგების) საწარმოს მოდერნიზაციისა და გადაიარაღების პროცესი დაასრულა. ევროკავშირის, EBRD-ის, FAO-სა და საქართველოს ეკონომიკის სამინისტროს მხარდაჭერით, 17,5 მილიონი ლარის 2-წლიანი საინვესტიციო პროექტი განხორციელდა. შედეგად, „ბიოქიმფარმმა“ საწარმო ევროკავშირის GMP ანუ კარგი საწარმოო პრაქტიკის გაიდლაინების შესაბამისად აღჭურვა და სერტიფიცირებაც მიიღო. რატი ღოლიჯაშვილი - "ბიოქიმფარმის" გენერალური მენეჯერი; ავტორები: მანანა მანჯგალაძე, ედგარ ყაზახაშვილი, ლადო ცხადაია. #ახალიამბები #BusinessMediaGeorgia
თბილისში გულის უკმარისობის თემაზე საერთაშორისო მასტერ-კურსი იმართება სტუმრები: ზვიად ყიფიანი - საქართველოს გულის უკმარისობის ასოციაციის პრეზიდენტი; მანდიპ მერა - ჰარვარდის სამედიცინო სკოლის პროფესორი; თომას ლუშერი - ევროპის კარდიოლოგთა საზოგადოების არჩეული პრეზიდენტი. #ახალიამბები #BusinessMediaGeorgia
საქართველოს ბანკი გაეროს განვითარების პროგრამასთან (UNDP) ერთად შვედეთის მთავრობის მხარდაჭერით, “მეწარმე ქალთა განვითარების პროგრამაზე” კიდევ ერთი ნაკადის გადამზადების პროცესს აგრძელებს. ეს პროგრამა ხუთდღიანია, 1 ოქტომბერს სრულდება. პროგრამის მეექვსე ნაკადში მონაწილეობას 29 მეწარმე ქალი იღებს. პირველ დღეს პროგრამის მონაწილეები მიიღებენ ინფორმაციას ბიზნესის წარმოების საწყისებზე, მეორე დღე დაეთმობა გაყიდვებსა და ციფრულ მარკეტინგს. მესამე დღეს მეწარმე ქალები ადამიანის უფლებებისა და მრავალფეროვნების საკითხებს გაეცნობიან. ასევე, გაიგებენ თუ რა არის ლიდერობა და გუნდის მართვა. პროგრამის მორიგი 2 დღე კი მოიცავს ისეთ თემებს, როგორიცაა: ფინანსების მართვა; მარკეტინგი და კომუნიკაციები; ბიზნესის დაგეგმვა და ბიზნეს კომუნიკაცია. #ახალიამბები #BusinessMediaGeorgia
საქართველოში შოკოლადის ინდუსტრია წლიდან წლამდე ვითარდება, იზრდება როგორც მომხმარებელთა, ასევე მწარმოებელთა რაოდენობაც. შოკოლადის მწარმოებლები ბოლო წლების განმავალობაში როგორც პროდუქციის რეალიზაციის, ასევე მიღებული შემოსავლის სტაბილურად მზარდ დინამიკას აჩვენებენ. მომხმარებელთა ზრდის პარალელურად მზარდია ასევე ფასებიც, რასაც ძირითადად, გლობალური პრობლემები განაპირობებს. რა ხდება დღეს შოკოლადის წარმოების ინდუსტრიაში, როგორ ვითარდება ადგილობრივი ბიზნესი და ამ განვითარების პარალელურად, რა გამოწვევების წინაშე დგანან? ლიკა მეგუთნიშვილი - #BMG-ის რეპორტიორი; #ახალიამბები #BusinessMediaGeorgia
ეკონომიკის საერთაშორისო ოლიმპიადას წელს საქართველო პირველად შეუერთდა და ეკონომიკური განათლების ინსტიტუტის მოდელით და მათი მანდატის ქვეშ ტარდება, რომელსაც საქართველოს ბანკის გენერალური პარტნიორობით საქართველოს ეკონომიკური წიგნიერების ინიციატივა ექსკლუზიური უფლებით ახორციელებს. გუშინ კი ეკონომიკური წიგნიერების ინიციატივამ ოლიმპიადის გამარჯვებულები დააჯილდოვა. #ახალიამბები #BusinessMediaGeorgia
#საქმიანიდილა - 28 სექტემბერი - პროლოგი #ახალიამბები #BusinessMediaGeorgia
Keepz-ზე, ეს არის ინოვაციური კომპანია, რომელიც QR კოდის მეშვეობით თანხის გადახდისა და მიღების გამარტივებულ შესაძლებლობებს გვთავაზობს. სად არის შესაძლებელი ამ სერვისის ინტეგრირება და რა უპირატესობა აქვს მის დანერგვას ბიზნესებისთვის? სტუმრები: დავით გაბრიჭიძე - Keepz, Product Owner; ქეთო თოფურიძე - Keepz-ის სტრატეგიული გაყიდვების დირექტორი. #ახალიამბები #BusinessMediaGeorgia
საკონსულტაციო კომპანია PMO-მ USAID-ის მხარდაჭერით ტურიზმის რეფორმის ხარჯთეფექტიანობის ანალიზი ჩაატარა და შედეგები გასულ კვირას გამოაქვეყნა. ხარჯ-სარგებლიანობის ანალიზი აფასებს მარეგულირებელ ჩარჩოში შეტანილი ცვლილებების გავლენას ტურიზმის სექტორსა და ზოგადად ეკონომიკაზე, და განსაზღვრავს კანონპროექტის მოსალოდნელ ზეგავლენას სხვადასხვა დაინტერესებულ მხარეებზე. მოკვლევის თანახმად, მომავალ 10 წლიან პერსპექტივაში ტურიზმის შესახებ კანონპროექტის გავლენები დადებითია და წმინდა სარგებელი, რაც შეიძლება ქვეყანამ მიიღოს ჯამურად 4.3 მილიარდ ლარს შეადგენს. ამაში მოიაზრება როგორც ფინანსური ხარჯი და სარგებელი, ისე მოიცავს არა-მონეტარულ გავლენებსაც. რაც შეეხება უშუალოდ ფინანსური სახის გავლენებს, 2023-2033 წწ-ში მოსალოდნელი ფინანსური ხარჯებისა და სარგებლის გათვალისწინებით, 3,4 მილიარდი ლარია ის წმინდა სარგებელი, რასაც ქვეყანა ტურიზმის რეფორმიდან მიიღებს. ტურიზმის შესახებ ახალმა კანონმა 1997 წელს მიღებული კანონი უნდა ჩაანაცვლოს. მასში გათვალისწინებულია ევროკავშირთან ასოცირების შეთანხმებით გათვალისწინებული ტურიზმის დირექტივის მოთხოვნები, მათ შორის, სავალდებულო ხდება ტურისტული საქმიანობის განმახორციელებელი სუბიექტების ეკონომიკურ საქმიანობათა რეესტრში რეგისტრაცია, რეგულირების ქვეშ ექცევა ასევე მაღალი რისკის შემცველი ტურისტული საქმიანობები. კანონი აწესებს ასევე ტურისტული გიდის საკვალიფიკაციო მოთხოვნებსაც. ერთ-ერთი საკვანძო საკითხი კანონპროექტში ის ჩანაწერია, რომელიც ტუროპერატორების შესაძლო გადახდისუუნარობის სავალდებულო დაზღვევის მექანიზმის შემოტანას ითვალისწინებს. კანონპროექტის თანახმად, ფინანსური უზრუნველყოფის მოთხოვნის დასაკმაყოფილებლად ტუროპერატორებს შესაბამისი პასუხისმგებლობის დაზღვევა ან შესაბამისი საბანკო გარანტია უნდა გააჩნდეს. სტუმარი: ნიკა ნანუაშვილი - საქართველოს ბიზნეს ასოციაციის იურიდიული დირექტორი; #ახალიამბები #BusinessMediaGeorgia
ეკონომიკის სამინისტრო CFD სქემის ფარგლებში მეორე სიმძლავრის აუქციონების გამოსაცხადებლად ემზადება. მინისტრის მოადგილე რომეო მიქაუტაძე ამბობს, რომ მეორე სიმძლავრის აუქციონი ოქტომბერში გამოცხადდება და აუქციონზე გამოტანილი იქნება 600 მეგავატი სიმძლავრის ელექტროსადგურები, მათ შორის იქნება მარეგულირებელი ჰესების პროექტებიც. კრიტიკის მთავარი საგანი კერძო სექტორისთვის ამ ეტაპზე ის მედიანური ტარიფია, რაც პირველი სიმძლავრის აუქციონის დასრულების შემდეგ ჰიდროს, მზის და ქარის ელექტროსადგურების პროექტების შემთხვევაში დაიდო. აუქციონის კომისიის მიერ განსაზღვრული მედიანური ტარიფი ჰესების შემთხვევაში 6,85 ცენტს, ქარის ელექტროსადგურის პროექტების შემთხვევაში 6,82 ცენტს, მზის შემთხვევაში კი 6,37 ცენტს შეადგენს. ქარის ენერგიის ასოციაციის პოზიციაა, რომ მშენებლობის, ლოგისტიკისა და ტექნოლოგიური ხარჯების გათვალისწინებით, ინვესტორებს აღნიშნული ტარიფის პირობებში პროექტების განხორციელება და ჩადებული ინვესტიციის ამოღება ძალიან გაუჭირდებათ. CFD სქემით, მომდევნო სამი წლის განმავლობაში ჯამში მთავრობა 1 500 მგვტ სიმძლავრის სადგურების მშენებლობის ხელშეწყობას გეგმავს. მათი გაცხადებული პოზიციაა, რომ ამ სქემით ენერგეტიკაში 5 წლიანი უძრაობის ხანა უნდა დასრულდეს. რამდენად იქნება სტიმული CFD მექანიზმი ამ სექტორისთვის არსებული ტარიფების პირობებში, სტუმრები: გუგა ბარბაქაძე - Helios Energy-ის დირექტორი; მამუკა მიქაშავიძე - ქარის ენერგიის ასოციაციის ხელმძღვანელი; #ახალიამბები #BusinessMediaGeorgia
მეტი ახალგაზრდისათვის მეტად ხარისხიანი განათლების ხელმისაწვდომობის გასაზრდელად მალე სწავლას STEM სკოლაში ახალი ნაკადი დაიწყებს. რეგისტრაცია უკვე დასრულებულია. STEM სკოლაში, რომელიც საქართველოს ბანკისა და კომაროვის სკოლის საერთო საგანმანათლებლო პროექტია, და რომლის მეშვეობითაც მე-7, მე-8, მე-9 და მე-10 კლასელ მოსწავლეებს საშუალება აქვთ დაეუფლონ მომავლის პროფესიებს და შეისწავლონ მეცნიერება. თავი მხრივ პროექტის მიზანია ხელი შეუწყოს საქართველოში ზუსტ და საბუნებისმეტყველო მეცნიერებების ხელმისაწვდომობასა და პოპულარიზაციას და ამ მიმართულებით, რა თქმა უნდა მხოლოდ "სტემ სკოლაში" არა, საქართველოს ბანკი კორპორაციული სოციალური პასუხისმგებლობის ფარგლებში განხორციელებული პროექტების შედეგად ბანკმა უკვე 100 ათასამდე ახალგაზრდისთვის შექმნა განათლების შესაძლებლობა. "სტემ სკოლის" წლევანდელ ნაკადს და ამ შესაძლებლობას რაც შეეხება, კურსზე დარეგისტრირებულებს შესაძლებლობა აქვთ, გაიარონ 1-წლიანი სასწავლო კურსი ონლაინ STEM მიმართულებით და კომაროვის სკოლის პროფესიონალების მენტორობით მიიღონ სერტიფიცირებული, აკადემიური, ხარისხიანი თეორიული თუ პრაქტიკული ცოდნა. სტუმრები: ანა ლომთაძე - საქართველოს ბანკის CSR მიმართულების ხელმძღვანელი; გიორგი ლომიძე - STEM სკოლის მენეჯერი. #ახალიამბები #BusinessMediaGeorgia
"არემჯი" კორპორაციული პასუხისმგებლობის ფარგლებში გაეროს მდგრადი განვითარების მიზნებს მიჰყვება და განათლების ხელშეწყობა მათ შორის ერთ ერთია. "არემჯი" რამდენიმე სხვადასხვა სტუდენტურ ინიციატივასა და სასკოლო პროექტს ახორციელებს. სტუმრები: გიორგი ჩხეიძე - "არემჯის" აღმასრულებელი დირექტორის მოადგილე HR საკითხებში; მათე კვირკველია - სტუ-ს სტუდენტი, "არემჯის" საზაფხულო სკოლა 2023-ის მონაწილე; #ახალიამბები #BusinessMediaGeorgia
სტარტაპერის რუბრიკაში ციფრულ სადაზღვევო პლატფორმაზე გიყვებით, სადაც დაინტერესებულ ადამიანს უმოკლეს დროში შეგიძლია საუკეთესო სადაზღვევო პირობის მოძიება, შედარება და ონლაინ შეძენა.სტარტაპის შემქმნელების იდეაა, რომ მომხმარებელმა სასურველი სერვისი დამატებითი ხარჯის გარეშე, 3-4 წუთიან პერიოდში მიიღოს. სტუმარი: გიორგი აბულაძე - სადაზღვევო ბროკერი "ფრანის" დამფუძნებელი და დირექტორი; #ახალიამბები #BusinessMediaGeorgia