მოახლოვდა სასკოლო პერიოდი და საინტერესოა მოვიკითხოთ ბაზარი, როგორ ხვდებიან წლევანდელ სეზონს წიგნის და საკანცელარიო მაღაზიები. 2023-2024 წლის სასწავლო წელი 15 სექტემბერს იწყება, სამზადისი კი უკვე დაწყებულია. ეს დღე განსაკუთრებით ამაღელვებელი ალბათ მაინც პირველკლასელებისთვის არის, თუმცა ამ ეიფორიას და ემოციებს სასკოლო ხარჯებიც თან ახლავს. სასურველი პროდუქციის შეძენა მაღაზიებში, ბაზრობებზე, დიდ სავაჭრო ცენტრებშია შესაძლებელი, შესაბამისად, არჩევანი დიდია, ფასები კი განსხვავებული. საინტერესოა, რა ხარჯებთან არის დაკავშირებული ბავშვის სკოლისთვის მომზადება? სტუმარი: ანა ივანიშვილი - “ბიბლუსი ჯგუფის” ბიზნესის განვითარების ხელმძღვანელი. #ახალიამბები #BusinessMediaGeorgia
შემოდგომის პირველი თვე მევენახეებისთვის რთულად დაიწყო. ძლიერმა სეტყვამ და ქარმა კახეთის რამდენიმე მუნიციპალიტეტი დააზარალა. სტიქიისგან მიყენებული ზარალის მინიმალურზე დაყვანა სეტყვის საწინააღმდეგო ბადეების გამოყენებით შესაძლებელია და მნიშვნელოვანია ისიც, რომ ასეთი საწარმო საქართველოში ოფიციალურად არსებობს. სეტყვის საწინააღმდეგო ბადეებზე წარმოება, აქამდე, სატესტო რეჟიმში მიმდინარეობდა, მიმდინარე წლიდან კი შეკვეთებზე მუშაობა სრული დატვირთვით მიმდინარეობს. რა ღირს სეტყვის საწინააღმდეგო ბადეები, რომელიც ადგილზე, ჩვენს ქვეყანაში იწარმოება და როგორია მოთხოვნა სოფლის მეურნეობის სექტორში არსებული კომპანიების თუ რიგითი მევენახეების მხრიდან? სტუმარი: ავთანდილ მაისურაძე - “აგრობადეს” დამფუძნებელი. #ახალიამბები #BusinessMediaGeorgia
"კერკი", ქართული მშრალი ხილის ბრენდია, რომელიც ხუთი სახის პროდუქტს მოიცავს: ჩირი, ჩურჩხელა, ტყლაპი, ცუკატი და თხილეული. კერკის საწარმო ეკოლოგიურად სუფთა გარემოში, მაღალმთიან აჭარაში მდებარეობს და პროდუქციას სურსათის უვნებლობის მენეჯმენტის უმაღლესი სტანდარტით აწარმოებს. კომპანიამ USAID თან თანამშრომლობა 2020 წლიდან დაიწყო, ერთ ერთი პირველი დონორი ორგანიზაცია 5 პარტნიორს შორის, და მას შემდეგ მხარში უდგას კერკის წარმოებას თითქმის ყველა მიმართულებით. მეორე კომპანია, რომელსაც ასევე USAID-ი დაეხმარა, შპს ქართული აგროპროდუქტია. კომპანიასთან USAID-ის თანამშრომლობა 2014 წელს სამაცივრე მეურნეობით დაიწყო. USAID-ის დახმარებით კომპანიამ დანადგარების შეძენა შეძლო და 2017 წელს კომპანიამ უკვე ხილისა და ბოსტნეულის გადამამუშავებელი საწარმო ააშენა. კომპანია ასევე ამზადებს ხილისა და ბოსტნეულის პიურეებს. 2020 წლიდან კი შეიქმნა პროდუქტი, დასალევი ხილ-ბოსტნეული ბრენდი "კეთილი და პატიოსანი". როგორ აისახა ბიზნესებზე USAID-ის მხარდაჭერა და კონკრეტულად რაში გამოიხატება მათი წარმატება? სტუმრები: იოსებ მანჯავიძე - ,,შპს ქართული აგროპროდუქტის" პარტნიორი და აღმასრულებელი დირექტორი; ნინო რესულიძე - "კერკის" გაყიდვების და მარკეტინგის მენეჯერი. #ახალიამბები #BusinessMediaGeorgia
საქართველოს პრემიერ-მინისტრის განცხადებით, ნენსკრაჰესის პროექტთან დაკავშირებით მემორანდუმი გაფორმებულია და მშენებლობა მაქსიმუმ 2024 წელს განახლდება. ამის შესახებ ირაკლი ღარიბაშვილმა მთავრობის სხდომის დაწყებამდე განაცხადა. პრემიერმა აღნიშნა, რომ მთავრობამ 2024 წლის ბიუჯეტზე დაიწყო მუშაობა, რომელშიც მსხვილი ინფრასტრუქტურული პროექტებიც იქნება გათვალისწინებული. პრემიერმა სწორედ ამ საკითხზე საუბრისას აღნიშნა, რომ ნენსკრა ჰესის მშენებლობის დაწყება 2024 წლის დასაწყისისთვის იგეგმება, თუმცა სხვა დეტალებზე არ უსაუბრია. სტუმარი: გიორგი აბრამიშვილი - "საქართველოს განახლებადი ენერგიის განვითარების ასოციაციის" სამეთვალყურეო საბჭოს თავმჯდომარე; #ახალიამბები #BusinessMediaGeorgia
წლიდან წლამდე საშემოდგომო სეზონის მოახლოებასთან ერთად უცვლელად განსახილველი თემების ჩამონათვალში აგრომიმართულებით დასაქმებული ფერმერების თუ შედარებით მცირემიწიანი გლეხების გამოწვევებში უცვლელი სტიქიით შექმნილი პრობლემები და გაფუჭებული მოსავლის დათვლა უცვლელი რჩება. სტუმარი: რატი კოჭლამაზაშვილი - საქართველოს ფერმერთა ასოციაციის თავმჯდომარის მოადგილე; #ახალიამბები #BusinessMediaGeorgia
საქართველოს პრემიერ-მინისტრის განცხადებით, ნენსკრაჰესის პროექტთან დაკავშირებით მემორანდუმი გაფორმებულია და მშენებლობა მაქსიმუმ 2024 წელს განახლდება. ამის შესახებ ირაკლი ღარიბაშვილმა მთავრობის სხდომის დაწყებამდე განაცხადა. პრემიერმა აღნიშნა, რომ მთავრობამ 2024 წლის ბიუჯეტზე დაიწყო მუშაობა, რომელშიც მსხვილი ინფრასტრუქტურული პროექტებიც იქნება გათვალისწინებული. პრემიერმა სწორედ ამ საკითხზე საუბრისას აღნიშნა, რომ ნენსკრა ჰესის მშენებლობის დაწყება 2024 წლის დასაწყისისთვის იგეგმება, თუმცა სხვა დეტალებზე არ უსაუბრია. სტუმარი: გიორგი აბრამიშვილი - "საქართველოს განახლებადი ენერგიის განვითარების ასოციაციის" სამეთვალყურეო საბჭოს თავმჯდომარე; #ახალიამბები #BusinessMediaGeorgia
მსხვილ საერთაშორისო ინდექსებს გასული კვირა საკმაოდ წარმატებული კვირა ჰქონდათ. მათ შორის S&P 500-მა შესამჩნევი 2.50%-იანი ზრდა აჩვენა რაც წარმატებულ შედეგად ფასდება. პარალელურად ევროპაში ევროზონის მასშტაბით სამომხმარებლო ფასების ზრდის ტემპი შენელდა. აგვისტოში წლიური ინფლაციის დონემ 5.3% შეადგინა, რაც 0.1 პროცენტული პუნქტით ნაკლებია წინა თვის მაჩვენებელზე. რაც შეეხება საბაზო ინფლაციას (CPI), რომელიც არ ითვალისწინებს სურსათისა და ენერგორესურსების ფასებს, აღნიშნული მაჩვენებელი 5.3%-ს შეადგენს, ნაცვლად წინა თვეს დაფიქსირებული 5.5%-ისა სტუმარი: ნიკა მაზანაშვილი - Galt&Taggart;-ის საბროკერო დეპარტამენტის უფროსი ანალიტიკოსი; #ახალიამბები #BusinessMediaGeorgia
BMG და Tegeta Holding-ი წარმოგიდგენთ: #BMGAuto-ს
პირველი სექტემბრიდან მართვის მოწმობის აღების პირობები გამკაცრდა. მართვის უფლების აღების მსურველს ავტომობილის ტექნიკურ გამართულობასთან დაკავშირებული საკითხების ცოდნა მოუწევს. Რას გულისხმობს მართვის უფლების მისაღებ გამოცდაში დამატებული ახალი პუნქტი და როგორ აფასებენ ამას ავტოსკოლების წარმომადგენლები? #ახალიამბები #BusinessMediaGeorgia
6 თვის მონაცემებით საქართველოდან ატმის ექსპორტი გაორმაგდა. ოფიციალური სტატისტიკის მიხედვით, ქვეყანამ 1 411 ტონა ახალი ატმისა და ნექტარინების რეალიზებით 1 მილიონ 424 ათასი დოლარის შემოსავალი მიიღო. გაყიდული საქონლის რაოდენობა 67%-ით, ხოლო ღირებულება 107.2%-ით გაიზარდა. წლის პირველ ნახევარში ატამი მხოლოდ 2 ქვეყანაში გავიდა, ექსპორტის ძირითადი ნაწილი კი რუსეთში განხორციელდა, სადაც 1.2 მლნ დოლარის ღირებულების 1 089 ტონა ატამი გავიდა, ხოლო სომხეთში 204 ათასი დოლარის 321 ტონა ატამი. გასულ წელს საექსპორტო ქვეყნებს შორის ასევე იყვნენ აზერბაიჯანი და სლოვენია, თუმცა მოცულობები გაყიდვის მოცულობები მცირე იყო. რთველის შეჯამებამდე ატმის მოსავლიანობის შედგები უნდა მოვიკითხოთ , რომელსაც სტიქიისგან ზარალი და ზიანი არ მოჰკლებია. სტუმარი: ნიკა გეთიაშვილი - ფერმერი; #ახალიამბები #BusinessMediaGeorgia
2022 წელს, გლობალურად ნავთობის დღიურმა საშუალო წარმოებამ 80.75 მილიონ ბარელს მიაღწია. ეს ნიშნავს, რომ ნედლი ნავთობის წლიურმა მოპოვებამ დაახლოებით, 29.5 მილიარდი ბარელი შეადგინა, ხოლო ბაზრის ზომა, არსებული ფასებით, 2 ტრილიონს გაუტოლდა. რომელი ქვეყნები აწარმოებენ ყველაზე მეტ ნავთობს მსოფლიოში, ამ კითხვაზე საპასუხოდ მსოფლიოს ერთ-ერთი უმსხვილესი ნავთობმწარმოებელი BP 2022-2023 წლის სტატისტიკური მიმოხილვას აქვეყნებს. ლიკა მეგუთნიშვილი - #BMG-ის რეპორტიორი; #ახალიამბები #BusinessMediaGeorgia
„მთავრობა მაქსიმალურად გააკონტროლებს ინფლაციის დონეს“ - ამის შესახებ პრემიერ მინისტრმა ირაკლი ღარიბაშვილმა გუშინდელი მთავრობის სხდომაზე განაცხადა. როგორც ღარიბაშვილი ამბობს, ძირითადი მოხმარების პროდუქტებზე ფასები დაკლებულია, რომლის შემოწმებაც კონკურენციის სააგენტოსთან ერთად, რეგულარულად შენარჩუნდება. #ახალიამბები #BusinessMediaGeorgia
სულ რაღაც ორი თვის წინ თბილისთან ახლოს რესტორანი "ნავაზი" გაიხსნა, ეს არის ოთხ მილიონიანი პროექტი, რომელიც სხვადასხვა სივრცეებს აერთიანებს, მათ შორის მეგატერასას, რომელიც ოთხას ადამიანზეა გათვლილი. რესტორანს მთავარი აქცენტი ღია სივრცეების სიმრავლეზე აქვს გაკეთებული, ამას მისი ხედები და სუფთა ჰაერიც ემატება, რაც მისული სტუმრებისთვის მაქსიმალურად კომფორტულ გარემოს ქმნის. #ახალიამბები #BusinessMediaGeorgia
#საქმიანიდილა - 5 სექტემბერი - პროლოგი #ახალიამბები #BusinessMediaGeorgia
“25 წელია ამ ბიზნესში ვართ და ასეთი ცუდი წელი არ გვახსოვს”- მეღვინეები 2023 წლის რთველს აფასებენ და ამბობენ, რომ წელს მთავარი პრობლემა ყურძნის ხარისხი იქნება. როგორც თელავის ღვინის მარნის დამფუძნებელი ამბობს, წელს მევენახეებს ყველა ძირითადი პრობლემა შეხვდათ, რამაც არსებული მოსავალი დააზიანა. მისი თქმით, წელს მოსავალი 40%-ით შემცირდება. რა მოლოდინები აქვთ ქართველ მევენახეებსა და მეღვინეებს 2023 წლის რთველთან დაკავშირებით? #ახალიამბები #BusinessMediaGeorgia
აგვისტოს მიწურულს აჭარის მთავრობის სხდომაზე მთავრობის თავმჯდომარემ, თორნიკე რიჟვაძემ გაზრდილი ტურისტული ნაკადებისა და სტატისტიკის შესახებ ისაუბრა და აღნიშნა, რომ წლევანდელ სეზონზე გაზრდილია ვიზიტორთა რაოდენობა როგორც ზღვისპირა ქალაქებში, ისე მაღალმთიან აჭარაში. რიჟვაძის განცხადებით, ტურისტული ნაკადები გასულ წელთან შედარებით 56%-ით 2019 წელთან შედარებით კი 24 %-იან ზრდას აჩვენებდა. მათივე ცნობით, ბათუმის საერთაშორისო აეროპორტში გაზრდილია საერთაშორისო ფრენები. 7 თვის მონაცემით, 1 436 საერთაშორისო ფრენა შესრულდა, რაც გასული წლის ანალოგიურ მაჩვენებელთან შედარებით +9.7%-იან ზრდას ნიშნავს. ვინ ჩამოვიდა წელს საქართველოში დასასვენებლად? სტუმარი: ვახტანგ ქართველიშვილი - „თრეველ ჯორჯია ვან“, ბიზნეს დეველოპერი; #ახალიამბები #BusinessMediaGeorgia
წინასწარი შეფასებით, 2023 წლის ივლისში, წინა წლის შესაბამის პერიოდთან შედარებით, რეალური მთლიანი შიდა პროდუქტის ზრდამ 5.5 პროცენტი შეადგინა, ხოლო 2023 წლის პირველი შვიდი თვის საშუალო მაჩვენებელი 7.2 პროცენტით განისაზღვრა. 2023 წლის ივლისის თვეში ეკონომიკური ზრდის ხელშემწყობი რამდენიმე სექტორი გამოიკვეთა, მათ შორის, ეკონომიკურ ზრდაში პოზიტიური წვლილი შეიტანა საფინანსო და სადაზღვევო საქმიანობების, მშენებლობის, განათლების, პროფესიული, სამეცნიერო და ტექნიკური საქმიანობებისა და ვაჭრობის სექტორებში ეკონომიკური აქტივობის ზრდამ. ეკონომიკისა და მდგრადი განვითარების მინისტრის მოადგილე ვახტანგ ცინცაძე აცხადებს, რომ მაღალი ეკონომიკური ზრდის ტენდენცია მომდევნო თვეებშიც გაგრძელდება. ამასთან როგორც სამინისტროში აღნიშნავენ, იზრდება საქართველოს მდგრადობა საგარეო შოკების მიმართ, რაც მთავრობის გონივრული მაკროეკონომიკური პოლიტიკით არის განპირობებული. სტუმარი: ოთარ ნადარაია - „თიბისის" მთავარი ეკონომისტი #ახალიამბები #BusinessMediaGeorgia
ორიოდე დღის წინ პროცესის მიმდინარეობს გარემოს დაცვისა და სოფლის მეურნეობის მინისტრი ოთარ შამუგია, ზუგდიდში, თხილის საწარმო „ჯეონათსში“ გაეცნო და თხილის გადამამუშავებელთა და ექსპორტიორთა ასოციაციის წევრებს შეხვდა. როგორც მინისტრმა აღნიშნა, მიზნობრივი დახმარება, რომელიც სახელმწიფომ სწორედ მცირე ფერმერებისთვის განახორციელა ბაღების მოსავლელად და მოსავლის გასაუმჯობესებლად, ეფექტური აღმოჩნდა. აგვისტოს შუა რიცხვების მონაცემებით გაუტეხავი თხილის რეალიზაციის ფასი 2, 8ლარიდან 4 ლარამდე მერყეობდა, კახეთში არსებული პრემიუმ თხილის ფასი კი 6 ლარი იყო. საანგარიშო პერიოდში თურქეთში თხილის ღირებულება 3$-ის ფარგლებში მერყეობდა. დასრულდა თუ არა თხილის არების პროცესი წლევანდელი წლისთვის და რა მაჩვენებლებზე გავიდა წელს სექტორი? სტუმარი: ლევან ქარდავა - საქართველოს თხილის გადამამუშავებელთა და ექსპორტიორთა ასოციაციის აღმასრულებელი დირექტორი; #ახალიამბები #BusinessMediaGeorgia
სახელმწიფო საწარმო შპს "მოსავლის მართვის კომპანია" მზად არის მევენახე ფერმერებისგან მიიღოს და გადაამუშაოს სეტყვით დაზიანებული ყურძენი და 1 კილოგრამში 0.90 ლარი გადაუხადოს. ამის შესახებ ინფორმაცია ღვინის ეროვნულმა სააგენტომ გაავრცელა. - „სახელმწიფო არ დატოვებს მევენახე-ფერმერებს სტიქიით მიყენებული ზარალის პირისპირ მარტო და გააგრძელებს მათ მხარდაჭერას", - ნათქვამია მათ მიერ გავრცელებულ განცხადებაში. ძლიერმა სეტყვამ და ქარმა, გასულ უქმეებზე კახეთის რეგიონში, ყვარლის, თელავის, ახმეტის და გურჯაანის მუნიციპალიტეტებში სხვადასხვა სასოფლო სამეურნეო კულტურები, მათ შორის, ვენახები და სასოფლო-სამეურნეო ნარგავები დააზიანა. ამ ეტაპზე კახეთში, "რთველი 2023"-ის ფარგლებში 8 ათას ტონამდე ყურძენია გადამუშავებული. გადამუშავებული ყურძნიდან 3,6 ათას ტონამდე რქაწითელი, 3 ათას ტონამდე საფერავი და დანარჩენი სხვადასხვა ჯიშის ყურძენია. რთველის საკოორდინაციო შტაბში ამ ეტაპზე დარეგისტრირებულია 170 ღვინის საწარმო, რომლებიც ყურძნის გადამუშავების პროცესში ჩაერთვებიან. ცნობისთვის, მთავრობის გადაწყვეტილებით, მიმდინარე წელს, რთველი 2023-ის ფარგლებში, სახელმწიფო რქაწითელისა და კახური მწვანის ჯიშების ყურძნის სუბსიდირებასაც ახორციელებს. აღნიშნული გადაწყვეტილება, 25 ათასამდე მევენახე ფერმერს და 500-მდე ღვინის მწარმოებელს საქმიანობის გაგრძელების შესაძლებლობას მისცემს. სტუმარი: ზურაბ რამაზაშვილი - კომპანია „თელავის ღვინის მარნის “ დამფუძნებელი; #ახალიამბები #BusinessMediaGeorgia
#ავიაციისსიახლეები: თბილისი - ბათუმის ავიარეისების სუბსიდირებაზე ახალი ტენდერი გამოცხადდა; Georgian Wings-ი აზერბაიჯანში ფრენებს იწყებს; Emirates-ს ისტორიაში ყველაზე დატვირთული ზაფხული ჰქონდა; Air India თვითმფრინავების განახლებას გეგმავს; ამერიკის ავიახაზები მგზავრების დაყოვნების გამო $4.1 მლნ-ით დაჯარიმდა; Corendon-ის ავიახაზებმა თვითმფრინავში ბავშვებისგან თავისუფალ ზონა გამოყო; ვარშავის შოპენის აეროპორტში საძილე კაფსულები დაამონტაჟეს. კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით; #ახალიამბები #BusinessMediaGeorgia
სწრაფად ცვლადი ეკოლოგიური პროცესები შესაძლოა საქართველოსნაირი მთიანი ქვეყნისთვის კიდევ უფრო მეტი პრობლემის შემქმნელი აღმოჩნდეს ვიდრე ათწლეულების განმავლობაში გამოგვიცდია. შოვის ტრაგედიამ საზოგადოებაში ბევრი კითხვა გააჩინა და მოუშუშებელი ტრავმა რომელიც ამ უბედურებამ დატოვა რიკოთის პრობლემურობიდან გამომდინარე შიშებს აძლიერებს. სტუმარი: არჩილ მაღალაშვილი - გეოლოგი, ილიაუნის უნივერსიტეტის პროფესორი; #ახალიამბები #BusinessMediaGeorgia
ადმინისტრაციულ სამართალდარღვევათა კოდექსში შესული ცვლილებების თანახმად, დღეიდან გზებზე ავტოსატრანსპორტო საშუალებების ხილული გამონაბოლქვის კონტროლი იწყება. რაც იმას ნიშნავს, რომ თუ თქვენი ავტომობილი სრულად გამართული არ არის და საწვავის წვის დროს მავნე ნივთიერებები ხილულადაც შესამჩნევია შესაძლოა გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის მოძრავი ეკიპაჟების შესამოწმებელთა ინტერესის სფეროში მოექცეთ. მობილური ეკიპაჟები საეჭვო ავტომობილებს სპეციალური ხელსაწყოებით, მთავრობის დადგენილებით განსაზღვრული ნორმისა და წესის შესაბამისად შეამოწმებენ. სტუმარი: გიორგი ჯაფარიძე - მოძრაობა "ჩემი ქალაქი მკლავს", დამფუძნებელი; #ახალიამბები #BusinessMediaGeorgia
პარლამენტის ჯანდაცვის კომიტეტი „დაგროვებითი პენსიის შესახებ“ საქართველოს კანონში ცვლილების შეტანის თაობაზე“ მსჯელობას იწყებს. კანონპროექტის მიხედვით, საპენსიო დანაზოგის ყველა ბენეფიციარი 6 სექტემბრის ნაცვლად, დაბალრისკიან პორტფელში 2028 წლის იანვრამდე ავტომატურად დარჩებიან. აგვისტოს მოყოლებულ ვნებათაღელვას პარლამენტის რეაქცია ასეთი მოჰყვა და გაირკვა, რომ დეპუტატები სექტემბრის ბოლომდე მიიღებენ ახალ კანონს, რომლის მიხედვითაც, საპენსიო დანაზოგის ბენეფიციარებისთვის პორტფელების არჩევის ვადა გახანგრძლივდება.მიზეზად საფინანსო საბიუჯეტო კომიტეტის თავმჯდომარემ გავრცელებულ კომენტარში მოსახლეობის მოუმზადებლობა დაასახელა. ჯერ ისევ მოქმედი კანონით, 2023 წლის 6 აგვისტოდან საპენსიო სისტემაში ჩართული პირების დანაზოგები სხვადასხვა პორტფელში გადანაწილდა ასაკობრივი ზღვრების მიხედვით, სურვილის შემთხვევაში, მათ საშუალება ჰქონდათ, პორტფელი თავად შეეცვალათ, ახალი კანონპროექტის თანახმად კი, ყველა მათგანი დარჩება ავტომატურად დაბალრისკიან პორტფელში და მხოლოდ ბენეფიციარის ინდივიდუალური გადაწყვეტილებით იქნება შესაძლებელი, რომ კონკრეტულმა პირმა, საკუთარი დანაზოგი გადაიტანოს საშუალო, ან მაღალრისკიან პორტფელში. სტუმარი: მარინა გულედანი - კაპიტალის ბაზრის ექსპერტი; #ახალიამბები #BusinessMediaGeorgia
ვაზისა და ღვინის საერთაშორისო ორგანიზაციის მონაცემებზე დაყრდნობით, ვიზუალ კაპიტალისტმა ყველაზე მსხვილი ღვინის მწარმოებელი ქვეყნების რეიტინგი გამოაქვეყნა. სიაში ჯამში 53 სახელმწიფოს შედეგებია თავმოყრილი და მათ შორის არის საქართველოც. რომელი ქვეყნები ლიდერობდნენ 2022 წელს ღვინის წარმოებაში და რომელ ადგილზეა საქართველო? #ახალიამბები #BusinessMediaGeorgia
თამარ მესხია - პროფესიით იურისტი და აკაკი წერეთლის სახელმწიფო უნივერსიტეტის და ქუთაისის უნივერსიტეტის სამართლის მიმართულების ლექტორია, რომელიც მეუღლესთან ერთად, ქ. ქუთაისში, საქართველოში ყველაზე დიდი (400+ თამაში) კოლექციის მქონე, ინტელექტუალური სამაგიდო თამაშების და ახალგაზრდულ კლუბს „Summer Set Kutaisi” ხელმძღვანელობს. როგორც თათია აღნიშნავს, ყველაფერი 7 წლის წინ, მათი პირველი შვილისთვის, ადრეული ასაკიდან არაფორმალურ განათლებაზე ზრუნვით და საგანმანათლებლო-შემეცნებითი სათამაშოების ძიება-შეძენით დაიწყო. შედეგად, მეუღლესთან ერთად გაუჩნდა იდეა, რომ დაეწერათ პროექტი, რომელიც მიზნად ისახავდა, პირველ რიგში ბორდგეიმების კლუბის შექმნას და თანამედროვე ბორდგეიმების პოპულარიზაციას. დღეისათვის, კლუბის ანგარიშზეა ახალგაზრდებისთვის არაფორმალური განათლების, სხვადასხვა მნიშვნელოვან საკითხებზე ცნობიერების ამაღლების, იმერეთის სხვადასხვა გამოწვევებისა და შესაძლებლობების თემების ირგვლივ ჩატარებული 15-მდე თემატური ტრენინგი და ვორქშოფი, სადაც ჩართული იყო 200-მდე მოზარდი და ტრენერებად მოწვეული საჯარო თუ კერძო სექტორის მოხელეები, 3 ბორდგეიმების თემატური ბანაკი, სეზონური ჩემპიონატები და ივენთები. კლუბის წევრების მიერ, ქართულად ითარგმნა და ლოკალიზდა 10-მდე ბორდგეიმი. ასევე სრულად კლუბის მიერ შეიქმნა 8 ქართული სამაგიდო თამაში. თამარ მესხია - Summer Set Kutaisi-ს დამფუძნებელი; #ახალიამბები #BusinessMediaGeorgia
სათარჯიმნო კომპანია NG Georgia-ს მომსახურება ქვეყნის ფარგლებს დიდი ხანია გასცდა, უცვლელი გეოგრაფიის და სერვისის მრავალფეროვნების მატებასთან ერთად ხარისხი რჩება და ამას BMG-ის ეთერების მაყურებელი თავადაც ამოწმებს. როგორია სათარჯიმნო სერვისის გამცემი კომპანიისთვის ბაზრის დინამიკა, კადრების შევსების მეთოდები და რა სჭირდება სფეროს განვითარებისთვის? სტუმრები: ნანა გორგოძე - სათარჯიმნო კომპანია NG Georgia-ს დამფუძნებელი; ნინო გელენიძე დამფუძნებელი - სათარჯიმნო კომპანია NG Georgia-ს აღმასრულებელი დირექტორი. #ახალიამბები #BusinessMediaGeorgia
დანიური სათამაშოების მწარმოებელი კომპანიის, Lego-ს 2023 წლის პირველი ნახევრის შემოსავლები 1%-ით გაიზარდა. ეს რიცხვი პოზიტიურია იმის ფონზე, რომ სათამაშოების სხვა მწარმოებელი კომპანიების შემოსავლები ორნიშნა მაჩვენებლით იკლებს. კომპანიის 2023 წლის პირველი ნახევრის წმინდა მოგებამ $742 მილიონი შეადგინა. როგორია ყველაზე ცნობილი სათამაშოების ბრენდის გეგმები და ზრდის დინამიკა? #ახალიამბები #BusinessMediaGeorgia
საქართველოში ინტერნეტზე წვდომა გაიზარდა; IT ტექნოლოგიების გამოყენება საქართველოში; საქართველომ 9 წელში მოკლევადიანი ბინადრობის 7163 ნებართვა გასცა; 6 თვეში საქართველოში თავშესაფრის 515 მაძიებელი დარეგისტრირდა; ვინ ითხოვს საქართველოში თავშესაფარს? მართვის მოწმობების გაცემა 6 თვეში: 13 045. #ახალიამბები #BusinessMediaGeorgia
გასულ კვირაში ბარ-რესტორან ტერასაში იტალიელი შეფ-მზარეულის, ცეზარ პერკოკოს კულინარიული მასტერკლასი გაიმართა. ცეზარი წლებია საქართველოში ჩამოსვლისას ტერასასთვის სხვადასხვა იტალიური კერძების მასტერკლასს აწყობს და ქართულ კულინარიასა და სარესტორნო მომსახურებაში ახალი ელემენტები შეაქვს. #ახალიამბები #BusinessMediaGeorgia
სილქნეტი ტრადიციულად ყოველ შემოდგომაზე წინანდლის ფესტივალს წარმოგიდგენთ. წელს განსაკუთრებული სეზონია, რადგან ფესტივალი 5 წლის იუბილეს აღნიშნავს. წინანდლის ფესტივალი, როგორც მისი დამფუძნებლები აღნიშნავენ, თავისი მასშტაბითა და კულტურული დატვირთვით, უმნიშვნელოვანესი მოვლენაა მთელი ქვეყნისთვის, შესაბამისად კომპანიისთვის დიდი პატივი და პასუხისმგებლობაა ამ მასშტაბის პროექტის წარდგენა. პროექტში მონაწილეობით სილქნეტი, მკაფიოდ უსვამს ხაზს მის ღირებულებებს: განათლების, ხელოვნების და ინოვაციის განვითარებას. #ახალიამბები #BusinessMediaGeorgia
#საქმიანიდილა - გიორგი ისაკაძის პროლოგი, 4 სექტემბერი #ახალიამბები #BusinessMediaGeorgia
საქართველოში 2023 წლის 6 თვეში 2 576 ტონა ყველისა და ხაჭოს, 6 935 რძისა და ნაღების და 3 161 ტონა ნედლი რძისგან დამზადებული კარაქის იმპორტი განხორციელდა. ექსპორტის მიზეზი ქვეყანაში ნედლი რძის არასაკმარისი რაოდენობაა. ყველის ასოციაციაში აცხადებენ, რომ პრობლემის მოსაგვარებლად არსებობს პროექტი, რომლის განხორციელების შემთხვევაში რძის დეფიციტის პრობლემა მოიხსნება. საუბარია სახელმწიფო პროგრამაზე, რომლის მიხედვითაც ფერმის ყიდვის შემთხვევაში 50%-იან თანადაფინანსებაში სახელმწიფო შემოდის. ასოციაციაში ფიქრობენ, რომ მისი განხორციელების შემთხვევაში ქვეყანაში საკმარისი რაოდენობის რძე დამზადდება. რა სჭირდება სექტორს განვითარებისთვის და როგორია ადგილობრივ ბაზარზე ფასები? სტუმარი: კახა კონიაშვილი - რძის მწარმოებელთა ასოციაციის ხელმძღვანელი; #ახალიამბები #BusinessMediaGeorgia
საქართველოს ეროვნულმა ბანკის მონეტარული პოლიტიკის კომიტეტმა რეფინანსირების განაკვეთის 0.25 პროცენტული პუნქტით, 10.25%-მდე შეამცირა. სების შეფასებით, ქვეყანაში 0.6%-მდე შემცირებული ინფლაციის გათვალისწინებით მიზანშეწონილია ქვეყანა გამკაცრებული მონეტარული პოლიტიკის რეჟიმის შემსუბუქებაზე გადაერთოს. გავრცელებულ ინფორმაციაში ეროვნული ბანკი წერს, რომ პოზიტიური ტენდენციების მიუხედავად, ინფლაციური რისკები კვლავ მაღალია. მიმდინარე მწვავე გეოპოლიტიკური მდგომარეობა სასაქონლო ბაზრებზე გაურკვევლობას ზრდის. საგარეო რისკებთან ერთად, ადგილობრივი ეკონომიკური ტენდენციებიც, ინფლაციაზე ზეწოლის კუთხით, ჯერ კიდევ საყურადღებოა. ამ რისკების გათვალისწინებით კი, მკაცრი მონეტარული პოლიტიკიდან გამოსვლას ფრთხილი ბიჯებით აგრძელებს და, წინა სხდომაზე უცვლელად დატოვების შემდეგ, მიმდინარე სხდომაზე მონეტარული პოლიტიკის განაკვეთს 0.25 პროცენტული პუნქტით ამცირებს. ინფლაციის ტენდენციებისა და პროგნოზის გათვალისწინებით, სხვა თანაბარ პირობებში, საქართველოს ეროვნული ბანკი პოლიტიკის განაკვეთის ნორმალიზებას მხოლოდ ნელი ტემპით გააგრძელებს. საქართველოს ეროვნული ბანკი მიმდინარე ეკონომიკურ პროცესებსა და საფინანსო ბაზრებს უწყვეტ რეჟიმში აკვირდება და ფასების სტაბილურობის უზრუნველსაყოფად მის ხელთ არსებულ ყველა ინსტრუმენტს გამოიყენებს. „ჩვენი გეგმაა, რომ წლის ბოლომდე რეფინანსირების განაკვეთი 9.5%-მდე შევამციროთ“ - განაცხადა ეროვნული ბანკის პრეზიდენტის მოვალეობის შემსრულებელმა ნათია თურნავამ. მონეტარული პოლიტიკის კომიტეტის შემდეგი სხდომა 2023 წლის 13 სექტემბერს ჩატარდება. სტუმარი: თამთა სოფრომაძე - ეროვნული ბანკის მონეტარული პოლიტიკის განყოფილების უფროსი; #ახალიამბები #BusinessMediaGeorgia
მომხმარებელთა უფლებების დაცვის მიმართულებით, 2022 წლის ნოემბრიდან - 2023 წლის ივლისის ჩათვლით, კონკურენციის ეროვნულ სააგენტოში 317 განაცხადი დაფიქსირდა, საიდანაც 190 განცხადებაზე საქმის შესწავლა დაიწყო. ამის შესახებ ინფორმაციას კონკურენციის ეროვნულმა სააგენტომ გაავრცელა. 9 თვის განმავლობაში, უწყებამ - მომხმარებლის სასარგებლოდ, პირობითი ვალდებულების აღების შესახებ 93 საქმეზე - 56 შეთანხმება გააფორმა. რაც ნიშნავს, რომ მოვაჭრეებმა აიღეს ვალდებულება - საქმიანობის შიდა პოლიტიკა შეცვალონ და იმ მომხმარებელთა უფლებები აღადგინონ, რომელთაც, სავარაუდოდ, მათი სავაჭრო პოლიტიკის შედეგად ზიანი მიადგა. კომპანიების მიერ აღებული ვალდებულებების შესრულების პროცესს სააგენტო აქტიურ რეჟიმში აკვირდება. ამ დროისთვის, 50 საქმეზე გაფორმებულ 30 პირობით ვალდებულებასთან დაკავშირებით საკითხი სრულად ამოწურულია. ამავე პერიოდში, სააგენტოს გადაწყვეტილებით, დადასტურდა მომხმარებელთა ჯგუფის უფლების 18 დარღვევის ფაქტი - 32 საქმეზე, ხოლო 4 შემთხვევაში დარღვევა არ დადასტურდა. სააგენტოს მიერ დაკისრებული ვალდებულების არშესრულების გამო 3 მოვაჭრეს, 12 საქმეზე დაეკისრა ჯარიმა. რა მიმართულებით არღვევენ საქართველოში მომხმარებლების უფლებებს? სტუმარი: მარიამ შაიშმელაშვილი - კონკურენციის ეროვნული სააგენტოს მომხმარებლის უფლებების დაცვის დეპარტამენტის უფროსის მოადგილე; #ახალიამბები #BusinessMediaGeorgia
Galt & Taggart-ის ბათუმის, ბაკურიანისა და გუდაურის საცხოვრებელი ბინების ბაზრის მეორე კვარტლის მიმოხილვის მიხედვით, ბათუმში ამ პერიოდისთვის 3 944 ბინა გაიყიდა, რაც წლიურად 10.2%-იანი და კვარტალურად 10.0%-იანი კლებაა. მიმოხილვის ავტორები აღნიშნავენ, რომ ეს შემცირება ძირითადად პირველად ბაზარზე გაყიდვების კლებით (-15.9% წ/წ) იყო განპირობებული; ამასთან, მეორად ბაზარზე ბევრად ნაკლები შემცირება დაფიქსირდა (-1.8% წ/წ). ამავე კვლევის შედეგების მიხედვით, ბაკურიანში ბინების გაყიდვები შემცირდა, ფასი კი გაიზარდა. II კვარტალში კურორტზე სულ 209 ბინა გაიყიდა, რაც გასულ წელს სამთო კურორტზე გაყიდული ბინების რაოდენობაზე 9.9%-ზე ნაკლებია, ხოლო კვარტალურად გაყიდვის მაჩვენებელი 10.7%-ითაა შემცირებული. სტუმრები: კახა სამყურაშვილი - Galt & Taggart-ის სექტორული კვლევების მიმართულების უფროსი; ზურაბ თავყელიშვილი - Galt & Taggart-ის ანალიტიკოსი; #ახალიამბები #BusinessMediaGeorgia
2023 წლის მე-3 კვარტლისთვის ბიზნესის განწყობის ინდექსი (BCI) 10.7 პუნქტით შემცირდა და 15.7-ს გაუტოლდა. ამის შესახებ მონაცემებს „აისეტის“ კვლევითი ინსტიტუტი ავრცელებს. მათივე ცნობით, ბიზნესის განწყობის ინდექსის ყველაზე მაღალი მნიშვნელობა საფინანსო სექტორში (26.4) დაფიქსირდა. „აისეტის“ მკვლევართა შეფასებით, BCI-ის უარყოფითი ცვლილება გაუარესებულმა მიმდინარე მდგომარეობამ და მომავლისადმი მოლოდინებმა განაპირობა. სტუმარი: ლევან ვეფხვაძე - საქართველოს ბიზნეს ასოციაციის აღმასრულებელი დირექტორი #ახალიამბები #BusinessMediaGeorgia
#საქმიანები: ქართული დრონების მისია დავით ნაკაშიძე - Missiya-ის ინჟინერი; ნოდარ ხიდიშელი - Missiya-ის გაყიდვების მენეჯერი; ოლეგ ბაბეცკი - Missiya-ის მთავარი ინჟინერი. ავტორები: მანანა მანჯგალაძე, ედგარ ყაზახაშვილი, ლადო ცხადაია #ახალიამბები #BusinessMediaGeorgia
6 აგვისტოდან დაგროვებით საპენსიო სქემაში ჩართული მოქალაქეები მათი პორტფელის რისკიანობაზე არჩევანს თავად გააკეთებენ და ამისთვის ვადა ერთი თვის განმავლობაშია. რას ნიშნავს ეს ? ეს ნიშნავს, რომ თუ აქამდე მხოლოდ დაბალ რისკიანი საინვესტიციო პორტფელი არსებობდა, ახლა უკვე საშუალო და მაღალრისკიანიც დაემატება. 6 აგვისტოდან ჩვენ უნდა გვქონდეს, დაბალი, საშუალო და მაღალრისკიანი პორტფელები. არჩევანს ჩვენ თვითონ ვაკეთებთ და რა ხდება თუ ეს ერთთვიანი ვადა ისე გავიდა რომ პოზიციის დაფიქსირების დრო გამოვტოვეთ? სტუმარი: გოგა მელიქიძე - საქართველოს საპენსიო სააგენტო, უფროსი საინვესტიციო ოფიცერი; #ახალიამბები #BusinessMediaGeorgia
ახალი პროდუქტი „ჯიპიაი ჰოლდინგისგან“ - რას წარმოადგენს პოლისი „შინ“? სტუმარი: ნინო კბილაშვილი - „ჯიპიაი ჰოლდინგის“ ქონების დაზღვევის გაყიდვების მხარდაჭერის მენეჯერი; #ახალიამბები #BusinessMediaGeorgia
რომელია დღეს უმსხვილესი დამსაქმებელი მსოფლიოში? - ამ კითხვაზე პასუხის მისაღებად, Companiesmarketcap-ის უახლეს მონაცემებს უნდა დავეყრდნოთ, რომელიც 7,749 კომპანიას მიმოიხილავს და მათ მიერ დასაქმებულთა რაოდენობას გვაცნობს. რომელი 10 კომპანია მოხვდა უმსხვილეს დამსაქმებლებს შორის? ლიკა მეგუთნიშვილი - BMG-ის რეპორტიორი #ახალიამბები #BusinessMediaGeorgia
კოპეშონის არის ჩირებისა და ცუკატების საწარმო სამეგრელოში, რომელიც მიუხედავად იმისა, რომ მცირე, ოჯახური ბიზნესია, უკვე ბევრმა მომხმარებელმა გაიცნო და დიდი პოპულარობითაც სარგებლობს. საწარმო ფართოვდება, წინსვლას აგრძელებს და სამომავლოდ ექსპორტზე გასვლასაც გეგმავს, რადგან მათი პროდუქცია განსხვავებული და ორიგინალური გემოებით გამოირჩევა. ეკატერინე ფარულავა - "კოპეშონის" დამფუძნებელი; #ახალიამბები #BusinessMediaGeorgia
VR HOLDING-ს ბლექ სი არენასთან ერთად მოქალაქეებისთვის განსაკუთრებული შეთავაზება აქვს. კომპანია ყველა იმ ადამიანს, ვინც სთარინგ ჯორჯიას ფარგლებში გამართულ ერთ კონცერტს მაინც დაესწრება გათამაშებაში ჩართვის შესაძლებლობას აძლევს. გათამაშების გამარჯვებულს, VR HOLDING-ის პრემიუმ პროექტში VR SHEKVETILI FOREST- BEACH-ში ბინა გადაეცემა. გამარჯვებული 7 ოქტომბერს პირდაპირი ტრანსლაციით VR HOLDING – ის FACEBOOK გვერდზე გამოვლინდება. #ახალიამბები #BusinessMediaGeorgia
ავტოინდუსტრიის წარმომადგენლები საქართველოში ავტომობილების ფასების შემცირებას ელიან. ეს ინფორმაცია BMG-ის ავტოიმპორტიორების წარმომადგენლებმა გაუზიარეს. ფასის კლების მიზეზად ისინი ბაზრის გადაჭარბებას ასახელებენ, მათი თქმით, მიწოდება მოთხოვნას შორის დისბალანსი გაჩნდა. როგორია მათი პროგნოზი და მოლოდინები გრძელვადიან პერიოდში? #ახალიამბები #BusinessMediaGeorgia
#საქმიანიდილა - 3 აგვისტო - პროლოგი #ახალიამბები #BusinessMediaGeorgia
სექტემბრიდან ბუნებრივი აირის საფასური თბილისში, კომერციული მომხმარებლისთვის 11 თეთრით, რეგიონებში კი 13 თეთრით მცირდება. შესაბამისი ცვლილება რეგიონების შემთხვევაში „სოკარ ჯორჯია გაზის“, დედაქალაქში კი "თბილისი ენერჯის" მომხმარებელს შეეხება. აღნიშნული გადაწყვეტილების შესახებ გაზგამანაწილებელმა კომპანიებმა განაცხადეს. "თბილისი ენერჯის" მომხმარებლებისთვის კომერციული ტარიფი 1,35 თეთრის ნაცვლად, 1,24 თეთრით განისაზღვრება, "სოკარ ჯორჯია გაზის" შემთხვევაში კი ახალი ტარიფი სექტემბრიდან 1,38 თეთრის ნაცვლად 1,25 თეთრი იქნება. ბუნებრივ აირზე არასაყოფაცხოვრებო ტარიფის შემცირების მიზეზი მისი შესასყიდი ღირებულების შემცირებაა. უცვლელი რჩება მოსახლეობისთვის, საყოფაცხოვრებო ტარიფი, რომელიც "სემეკის" მიერაა დადგენილი. რას შეცვლის ბუნებრივი აირზე ხარჯის შემცირება ბიზნესისთვის? სტუმარი: სანდრო რატიშვილი - გადასახადის გადამხდელთა კავშირის პრეზიდენტი; #ახალიამბები #BusinessMediaGeorgia
2024 წლიდან სამშენებლო სექტორი ეტაპობრივად მშენებლობისა და დაპროექტების ევროპულ სტანდარტზე უნდა გადავიდეს. სწორედ 2024 წელია დასახელებული იმ დროდ, როცა ქვეყანამ ევროკავშირთან ასოცირების დღის წესრიგიდან გამომდინარე მშენებლობაში ევროკოდები უნდა დანერგოს. ევროკოდები ევროპულ სტანდარტს წარმოადგენს, რომელიც შენობა-ნაგებობების კონსტრუქციული გაანგარიშებისა და დაპროექტების წესებს ადგენს ევროკავშირის წევრი სახელმწიფოებისთვის. საქართველოში შენობა-ნაგებობების დიდი ნაწილი დღემდე საბჭოური სტანდარტებით შენდება. მიუხედავად იმისა, რომ ქვეყანას აქვს ახალი სამშენებლო კოდექსი, რომელიც საერთაშორისო სამშენებლო კოდების დანერგვის ვალდებულებას აჩენს, მშენებლობა მაინც ძველი სტანდარტებით მიმდინარეობს. როგორ ემზადება სექტორი, ევროპულ სტანდარტზე გადასასვლელად და რას შეცვლის სამშენებლო სექტორში თამაშის ერთიანი წესების შემოტანა? სტუმარი: ზვიად თოიძე - ინფრასტრუქტურის მშენებელთა ასოციაციის გამგეობის თავმჯდომარე; #ახალიამბები #BusinessMediaGeorgia
ნაცვლად იმისა, რომ ჯანდაცვის სამინისტროსა და ფარმაცევტულ კომპანიებს შორის ურთიერთობა დიალოგის ფორმატში სამუშაო რეჟიმში მიმდინარეობდეს, ბოლო პერიოდში მხარეებს შორის მხოლოდ ურთიერთბრალდებები გვესმის. ჯანდაცვის სამინისტროს მხრიდან ეპილეფსიის სამკურნალო მედიკამენტ "დეპაკინ ქრონოზე" ხელოვნური დეფიციტის შექმნაში ფარმაცევტული კომპანიების დადანაშაულება ზღვარი აღმოჩნდა, რის შემდეგადაც სექტორი დუმილს არღვევს და ყველა ის თემა გამოაქვს საჯაროდ, რაც რეალურად ხდება. ჯანდაცვის ასოციაციამ საკმაოდ ვრცელი განცხადება გაავრცელა, სადაც ნათქვამია, რომ ჯანდაცვის სამინისტრო სავარაუდოდ მიზანმიმართულად ახორციელებს ბრალდებებს იმისთვის, რომ გადაფაროს არასწორად შემუშავებული და გატარებული რეფორმები, რაც წარმოშობს ბაზარზე მედიკამენტების დეფიციტს, რომელიც ბოლო პერიოდში რეფერენტული ფასების დაწესების შემდგომ გაჩნდა. დღეს რეფერენტული ფასები დადგენილია 1620 დასახელების მედიკამენტზე, თუმცა როგორც ასოციაცია ამბობს, დღეს ქვეყანაში მხოლოდ 600 მედიკამენტია ხელმისაწვდომი და 1000-ზე მეტი წამალი ბაზარზე სწორედ რეფერენტული ფასთწარმოქმნის დაწესების შემდეგ ვეღარ შემოდის. ფარმაცევტული სექტორი ღიად ამბობს, რომ ჯანდაცვის სამინისტროს მიერ შემოთავაზებული რეფერენტული ფასთწარმოქმნის მოდელი ყველა ასპექტში ხარვეზიანია. რა არგუმენტები აქვთ ფარმაცევტული კომპანიებს, რა შეცვალა რეფერენტულმა ფასებმა ფარმაცევტული ბიზნესისთვის და რიგითი მოქალაქეებისთვის? სტუმარი: ილონა კოკიაშვილი - საქართველოს ფარმაცევტული კომპანიების ასოციაციის აღმასრულებელი დირექტორი; #ახალიამბები #BusinessMediaGeorgia
5G ქსელის დანერგვასთან დაკავშირებით კომ კომს განცხადებით კვირის დასაწყისში მაგთიც გამოეხმაურა, რომელშიც კომპანიას საკმაოდ კრიტიკული იყო და ამავე დროს მიუთითებდა, რომ მარეგულირებლისგან გავრცელებული ინფორმაცია გარდა იმისა რომ არასწორი იყო, ის რეალობა რაც მივიღეთ ზოგადად აფერხებს ახალი ტექნოლოგიის დანერგვის და განვითარების შესაძლებლობას. რა რეკომენდაციები დარჩა გაუთვალისწინებელი და რა არგუმენტით? სტუმარი: ლევან გიორგაძე - "მაგთიკომის" იურისტი; #ახალიამბები #BusinessMediaGeorgia
კომუნიკაციების კომისიის ინფორმაციით 5 ჯი აუქციონში მაგთიმ და სილქნეტმა მონაწილეობა არ მიიღეს, აუქციონში მონაწილეობის სურვილი მხოლოდ სელფი მობაილმა გამოთქვა. სილქნეტში მიაჩნიათ, რომ მარეგულირებლის მხრიდან კერძო სექტორთან შეუთანხმებლად მოქმედებამ განვითარება ბაზარზე შეაფერხა. კომპანია მათი მხრიდან რეკომენდაციებში მიუთითებს, რომ კომკომმა არ გაითვალისწინა რეკომენდაციები: 1. სრულფასოვანი ლიცენზიის შესყიდვის შესაძლებლობა MVNO (ვირტუალური მობილური ოპერატორი) დაშვების სავალდებულო პირობის გარეშე (ოპერატორების სურვილის შემთხვევაში); 2. მძიმე ტექნიკური ვალდებულებების შემსუბუქება; 3. 5G მიკრო-სადგურების განთავსების პროცესის გამარტივებისთვის შესაბამისი საკანონმდებლო ბაზის შემუშავება; სტუმარი: თიკო ტყეშელაშვილი - "სილქნეტის" ადმინისტრაციული მიმართულების დირექტორი; #ახალიამბები #BusinessMediaGeorgia