სახელმწიფოს თანადაფინანსებით მოსავლის ამღები სასოფლო-სამეურნეო ტექნიკის შეძენას ფერმერები 2024 წელსაც შეძლებენ და ამასთან, პროგრამაში ცვლილებებია. გარემოს დაცვისა და სოფლის მეურნეობის სამინისტროს ინფორმაციით, განაცხადების მიღება მიმდინარე წლის აპრილში დაიწყება. გაზრდილია პროგრამის ჯამური ბიუჯეტი. კერძოდ, თუ გასულ წელს, გამოყოფილი იყო 7 მილიონი ლარი, წელს 10 მილიონი ლარს აღწევს. სამინისტროს განმარტებით, იმ ფაქტის გათვალისწინებით, რომ დიდია პროგრამით დაინტერესება, სახელმწიფოს მხრიდან თანადაფინანსება განისაზღვრა ღირებულების 30%-ით, მაგრამ არაუმეტეს 150 000 ლარით. პროგრამის ახალი პირობით, თანადაფინანსებით ყურძნის მოსავლის ამღები ტექნიკის შეძენაც შესაძლებელია. სტუმარი: ლაშა ჯინჭარაძე - Sartichala Vineyard Management-ის პარტნიორი; #ახალიამბები #BusinessMediaGeorgia
მესამე პირის პასუხისმგებლობის დაზღვევის შესახებ კანონპროექტის გადამუშავებული ვერსია მზადაა და ის ეკონომიკურ საბჭოს უახლოესი კვირების განმავლობაში წარედგინება - ამის შესახებ BMG-ს კითხვის საპასუხოდ ვიცე-პრემიერმა, ეკონომიკის მინისტრმა ლევან დავითაშვილმა განაცხადა. დავითაშვილი განმარტავს, რომ კანონპროექტის პირველადი ვერსია გადამუშავდა, რასაც ერთ წელზე მეტი დასჭირდა. სადაზღვევო სექტორი „ავტომფლობელთა მესამე პირის პასუხისმგებლობის სავალდებულო დაზღვევის“ შესახებ კანონის მიღებას უკვე რამდენიმე წელია ელის. პარლამენტში კანონპროექტი ჯერ კიდევ 2018 წელს დარეგისტრირდა, თუმცა მისი განხილვა შეჩერდა. სტუმარი: დევი ხეჩინაშვილი - სადაზღვევოს ასოციაციის ხელმძღვანელი; #ახალიამბები #BusinessMediaGeorgia
როგორც ტურისტული კომპანიების წარმომადგენლები აცხადებენ, გერმანიის იმ ქალაქებში, სადაც ევროპის ჩემპიონატი უნდა ჩატარდეს როგორც თვითმფრინავის ბილეთების, ასევე სასტუმროების ღირებულება მნიშვნელოვნად გაიზარდა და მოლოდინია, რომ ზრდის ტენდენცია გაგრძელდება. მაგ. ტურისტული კომპანია „ვოიაჟერ 365“-ში BMG-სთან საუბრისას ამბობენ, რომ მატჩის მოგებიდან დაიწყო პაკეტის გაყიდვა და მოთხოვნა ყველა მატჩზე, რომელშიც საქართველო თამაშობს, ძალიან მაღალია. ნაკრების თამაშზე დასასწრები ტურისტული პაკეტის ღირებულება 1 ადამიანზე, ამ ეტაპისთვის 4000-4500 ლარიდან იწყება და მოთხოვნის შესაბამისად ცვლადია. პაკეტი მოიცავს ავიაბილეთს, სასტუმროსა და თამაშზე დასასწრებ ბილეთს. რაც შეეხება მხოლოდ ფრენებს, საქართველოდან, კერძოდ ქუთაისიდან გერმანიის მიმართულებით ფრენები რამდენიმე ქალაქში სრულდება, აქედან დორტმუნდსა და ჰამბურგში, სადაც მატჩები ტარდება, პირდაპირი რეისები სრულდება. ამ დროისთვის დორტმუნდში wizz air-ით ფრენა 17 ივნისს 1,606 ლარიდან იწყება. 21 ივნისს უკან დასაბრუნებელი ბილეთის ფასი კი, 1,449 ლარიდან. რაც შეეხება ჰამბურგს, აქ 22 ივნისამდე ბოლო ფრენა 18 ივნისს შესრულდება და ბილეთის ფასი 579 ლარია, ხოლო უკან დაბრუნება 25 ივნისს 819 ლარია. ტურისტული კომპანიების ნაწილი ამბობს, რომ ფასები ზამთრიდან მოყოლებული ვიზეარზე 50%-იან ზრდას აჩვენებს, რაც სხვადასხვა ფაქტორებით და მათ შორის იმითაც იხსნება, რომ ავიაკომპანიის პრობლემა ჰქონდა Airbus-ის თვითმფრინავებში დაყენებულ ძრავებთან დაკავშირებით. 26 მარტის ღამიდან გაზრდილი ფასები იხსნება მოთხოვნიდან გამომდინარეც. სტუმარი: გიორგი მოლოდინაშვილი - საავიაციო საკონსულტაციო ჯგუფის მმართველი პარტნიორი & საავიაციო კომიტეტის ხელმძღვანელი; #ახალიამბები #BusinessMediaGeorgia
სასტუმრო, ბილეთები - რა დაგიჯდებათ ნაკრების გულშემატკივრობა ევროპის ჩემპიონატზე? #ახალიამბები #BusinessMediaGeorgia
ბოლო 2 დღეა კი ეკონომიკა, ბიზნესი, ტურიზმი და ქვეყნის ცნობადობაც პირდაპირპროპორციულად სპორტს და კერძოდ, ფეხბურთს განსაკუთრებულად დაუკავშირდა. ვიცი რომ ყველამ იცით ამის შესახებ, მაგრამ ყველა ჯერზე სიამაყით გამოსაცხადებელია, რომ საქართველოს ფეხბურთის ეროვნული ნაკრები ევროპის ჩემპიონატზე ითამაშებს. ევრო 2024-ის საკვალიფიკაციო ეტაპის ფინალურ შეხვედრაში, რომელიც თბილისში, „დინამო არენაზე“ გაიმართა, მან საბერძნეთის ეროვნულ ნაკრებს სძლია და გერმანიაში, ევრო 2024-ის ფინალურ ტურნირში მონაწილეობის უფლება მოიპოვა. ვილი სანიოლის გუნდმა საბერძნეთთან მატჩი “დინამო არენაზე” 11-მეტრიანების სერიაში მოიგო. რიგით მე-17 ტურნირზე პირველობისთვის 14 ივნისიდან 14 ივლისამდე პერიოდში გერმანიაში 22 ქვეყანა იასპარეზებს. საქართველო F ჯგუფში ითამაშებს, სადაც მეტოქეებად თურქეთი, პორტუგალია და ჩეხეთი ეყოლება. მიღმა სიხარულისა რაც ამ ფაქტმა სრულიად ერს როგორც ქვეყნის შიგნით მყოფებს, ისე ემიგრანტებს მოგვიტანა, მას აქვს სხვადასხვა ტიპის გვერდითი ეფექტები და ერთ-ერთი უმნიშვნელოვანესია გავლენა ტურიზმზე. გერმანიასთან, ესპანეთთან, იტალიასთან, ინგლისთან და კიდევ 20-მდე ქვეყანასთან ერთად, ჩამონათვალში საქართველოს გაჩენა ცხადია, რომ ზრდის ქვეყნის ცნობადობას და ევროპულ რუკაზე საქართველოს თავის დამკვიდრების შესაძლებლობასაც. სტუმარი: ვალერი ჩეხერია - Rooms Hotel-ის აღმასრულებელი დირექტორი; #ახალიამბები #BusinessMediaGeorgia
როგორ უნდა ამუშავდეს რესპუბლიკური საავადმყოფო, ამ საკითხზე ისაუბრეს მინისტრმა მიხეილ სარჯველაძემ და მისმა მოადგილემ თამარ გაბუნიამ გუშინ საავადმყოფოს მენეჯმენტთან. რესპუბლიკურ საავადმყოფოში უმცროსი სამედიცინო პერსონალის დეფიციტია და ამის გამო, მხოლოდ სამი, ჰემოდიალიზის, ამბულატორიული და ცე ჰეპატიტის სამკურნალო განყოფილებები მუშაობს. რა სჭირდება თბილისის ერთ-ერთ უმსხვილეს სამედიცინო დაწესებულებას სრულფასოვანი ამუშავებისთვის და რა მდგომარეობაა ახლა იქ? სტუმარი: ნინო ოთარიშვილი - რესპუბლიკური საავადმყოფოს კარდიოლოგიური დეპარტამენტის ხელმძღვანელი; #ახალიამბები #BusinessMediaGeorgia
2009 წელს კახეთში, სოფელ კისისხევში, გერმანელი ბიზნესმენის, ბურხარდ შუხმანის მიერ განხორციელებული ინვესტიციით დაწყებულმა მეღვინეობა – მევენახეობის ბიზნესმა, „შუხმან ვაინს ჯორჯიამ“, წლების განმავლობაში ღვინის ტურიზმის თითქმის ყველა მიმართულება მოიცვა და საერთაშორისო მასშტაბით სახელის დამკვიდრებაც მოახერხა. ბიზნესის დასაწყისში, შუხმანის ღვინის ექსპორტი სულ 20 000 ბოთლი იყო, დღეს ეს მაჩვენებელი მილიონ ნახევარ ბოთლს აღწევს. კიდევ რა შეიცვალა 2009 წლის შემდეგ, სად არის ახლა შუხმან ვაინს ჯორჯია და რა გეგმები აქვს კიდევ უფრო გაფართოებისთვის? სტუმარი: ნუცა აბრამიშვილი - "შუხმან ვაინს ჯორჯიას" გენერალური დირექტორი; #ახალიამბები #BusinessMediaGeorgia
კარგად მახსოვს მისი პირველი გამოჩენა - მეხის გავარდნა იყო ქართული სალიტერატურო ენის ცაზე. ეთერ თათარაიძე, პრინციპში, ჩვენი დროის ვაჟა-ფშაველაა - ზუსტად იმავე ენობრივ პოლიტიკას ატარებს და ისევე არ ღალატობს თავის თავს, როგორც არ ღალატობდა ვაჟა. ამის გამო, ეთერსაც ისევე ჰყავს მტრები, როგორც ვაჟას ჰყავდა. ჩვენს მსმენელს კი ერთი რჩევა შემიძლია მივცე. აიღეთ ეთერ თათარაიძის რომელიმე კრებული და სადაც გადაშლით, ის ლექსი წაიკითხეთ... ეთერი არ არის პოეტი, რომელსაც შედევრები და სხვა ლექსები აქვს დაწერილი, ის ყოველთვის ერთ დონეზე წერს და ეს საოცრებაა! - ეს ლევან ბერძენიშვილის სიტყვებია ეთერ თათარაიძეზე, რომელიც მან Mtisambebi.ge-ზე, საავტორო გადაცემა „მთა და ლიტერატურაში“ წარმოთქვა. ეთერ თათარაიძე - პოეტი, ენათმეცნიერი, ფოლკლორისტი; ავტორები: მანანა მანჯგალაძე, ედგარ ყაზახაშვილი, ლადო ცხადაია; #ახალიამბები #BusinessMediaGeorgia
როგორ უჭერს მხარს შვედეთის მთავრობა საქართველოს ევროპულ ინტეგრაციას და ეკონომიკურ განვითარებას, როგორია საქართველოში შვედური ინვესტიციების მოზიდვისა და შვედეთის ბაზარზე ქართული პროდუქციისა და სერვისების ექსპორტის პოტენციალი, როგორ ეხმარება შვედეთი ქართულ კომპანიებს მწვანე ეკონომიკაზე გადასვლაში და როგორია სამომავლო გეგმები? სტუმრები: სალომე ზურაბიშვილი - გაეროს გლობალური შეთანხმების საქართველოს ქსელის აღმასრულებელი დირექტორი; ანნა ლიბერგი - შვედეთის სამეფოს საგანგებო და სრულუფლებიანი ელჩი საქართველოში; #ახალიამბები #BusinessMediaGeorgia
საქართველოში უცხოეთიდან გამოწერილი ამანათების რაოდენობა და შოპინგის ამ მიმართულებაზე გაწეული ხარჯი სულ უფრო მზარდია. ამის მთავარ მიზეზად საზღვარგარეთ შოპინგის ბიუჯეტურობა სახელდება. როგორია სხვაობა ქართულ და სხვა ქვეყნების სავაჭრო სივრცეებში არსებულ ფასებს შორის, რა პროცესებთანაა დაკავშირებული ონლაინ შოპინგი და რა რაოდენობის თანხები იხარჯება ამ ყველაფერზე? #ახალიამბები #BusinessMediaGeorgia
სასტუმრო სინგაპურში, სადაც წვიმიანი ამინდის დროს კომპენსაციას გადაგიხდიან #ახალიამბები #BusinessMediaGeorgia
#საქმიანიდილა - 28 მარტი - პროლოგი #ახალიამბები #BusinessMediaGeorgia
გასული კვირის ბოლოს, ინვესტორთა საბჭოს 22-ე შეხვედრა შედგა. ინვესტორთა საბჭოში შემავალი ბიზნეს ასოციაციებისა და საერთაშორისო ფინანსური ორგანიზაციების წარმომადგენლებმა განიხილეს საკითხები, რომლებიც დღეს ყველაზე აქტუალურია ბიზნესისთვის. განსახილველ საკითხებს შორის იყო, საქართველოში კომერციული არბიტრაჟის გაძლიერება და ახალი გადაწყვეტილებები ამ მიმართულებით. არბიტრაჟი დავების გადაწყვეტის სწრაფი მექანიზმია, თუმცა იმისთვის, რომ საარბიტრაჟო დავა საბოლოოდ აღსრულდეს მას აუცილებლად სჭირდება სასამართლოს გზის გავლა, სააპელაციო სასამართლომ უნდა ცნოს საარბიტრაჟო გადაწყვეტილება. პროფესიული წრეების მიერ აღიარებულია, რომ სწორედ ამ რგოლშიც ხდება ვადების გაჭიანურება. ასრულებს თუ არა სასამართლო სისტემა ამ პროცესში ნეგატიურ როლს და როგორ უნდა გაძლიერდეს არბიტრაჟის ინსტიტუტი საქართველოში? სტუმარი: რუსუდან ჭკუასელი - საქართველოს არბიტრთა ასოციაციის თავმჯდომარე; #ახალიამბები #BusinessMediaGeorgia
როგორც კი საქართველო ევროკავშირში შევა, საქართველოს მოქალაქეები ევროკავშირის მთელ ტერიტორიაზე სრული შრომითი უფლებებით ისარგებლებენ, - ეს განცხადება ევროკავშირის ელჩს საქართველოში, პაველ ჰერჩინსკის ეკუთვნის. მან გასულ კვირას უპასუხა საქართველოს მოქალაქეების მიერ დასმულ კითხვას, შეუძლია თუ არა ევროკავშირის კანდიდატის სტატუსს გააუმჯობესოს შრომითი უფლებები საქართველოში და საქართველოს მოქალაქეებს ევროკავშირის ქვეყნებში ლეგალური დასაქმების შესაძლებლობა გაუადვილოს. ელჩის თქმით, საქართველოს ევროკავშირში გაწევრიანების შემდეგ, საქართველოს მოქალაქეები ისარგებლებენ ევროკავშირში არსებული სოციალური დაცვით, ოფიციალური დასაქმებით, ხელფასებით და პენსიებით. თუმცა, როგორც დიპლომატმა აღნიშნა, გაწევრიანების პროცესში საქართველოს მთავრობას მოუწევს საქართველოსა და ევროკავშირს შორის შრომის სტანდარტებისა და სოციალური დაცვის კუთხით არსებული აცდენები გამოასწოროს. რა მიმართულებით აქვს ქვეყანას სამუშაო და რა შრომითი უფლებებით შეეძლებათ საქართველოს მოქალაქეებს ევროკავშირში სარგებლობა? სტუმარი: შალვა ცხაკაია - დამსაქმებელთა ასოციაციის ბორდის წევრი; #ახალიამბები #BusinessMediaGeorgia
ჯანდაცვის სექტორისთვის ახალი საკანონმდებლო ცვლილებები მზადდება. ჯერ კიდევ წინა მინისტრის პირობებში ჯანდაცვის სამინისტრომ „სამედიცინო მოწყობილობების შესახებ“ კანონპროექტი შეიმუშავა. ვსაუბრობთ საკანონმდებლო ცვლილებებზე, რომელიც ადამიანის მოხმარებისთვის განკუთვნილი სამედიცინო მოწყობილობების, მათ შორის სამედიცინო მოწყობილობების აქსესუარების ბაზარზე განთავსებასთან, ბაზარზე ხელმისაწვდომობასთან ან მათ ექსპლუატაციასთან დაკავშირებულ საკითხებს არეგულირებს და ის ევროკავშირის კანონმდებლობას ეფუძნება. რამდენიმე მნიშვნელოვანი ჩანაწერი გამოვყოთ კანონპროექტში- თუ მოწყობილობის მწარმოებელი არ არის დაფუძნებული საქართველოში, მოწყობილობა შეიძლება მხოლოდ იმ შემთხვევაში განთავსდეს საქართველოს ბაზარზე, თუ მწარმოებელი დანიშნავს ერთ უფლებამოსილ წარმომადგენელს. იმპორტიორმა კი საქართველოს ბაზარზე უნდა განათავსოს მხოლოდ ის მოწყობილობა, რომლებიც შეესაბამება ამ კანონისა და კანონქვემდებარე ნორმატიული აქტების მოთხოვნებს. მათ შორის, მოწყობილობას უნდა გააჩნდეს „CE“ მარკირება და მოწყობილობაზე შედგენილი უნდა იყოს ევროკავშირის შესაბამისობის დეკლარაცია; „სამედიცინო მოწყობილობების მწარმოებელთა, იმპორტიორთა და დისტრიბუტორთა ასოციაცია“ სამედიცინო მოწყობილობების რეგულირების მომხრეა, თუმცა კანონპროექტის მსგავსი ფორმით დამტკიცება მწარმოებელი კომპანიებისთვის მიუღებელია. იმ პირობებში, როდესაც ქვეყანა ჯერჯერობით არ არის ევრო კავშირის წევრი, ასოციაცია აცხადებს, რომ კანონის ამ ფორმით მიღება სირთულეებს გამოიწვევს ევროკავშირის გარეთ სხვა პარტნიორ ქვეყნებთან ურთიერთობაში და დიდი ალბათობით წინააღმდეგობაშია ასეთ ქვეყნებთან არსებულ შეთანხმებებთან. წერილში, რომელიც ჯანდაცვის სამინისტროს გაეგზავნა, კერძო სექტორი ასევე მიუთითებს, რომ სამედიცინო მომსახურების დაფინანსების DRG სისტემაზე გადასვლით მოხდა ის, რომ თუ კლინიკები მანამდე გარკვეული პროცედურების დროს იყენებდნენ მართლაც მაღალი ხარისხის „CE ნიშნის“ მქონე ქირურგიულ სახარჯ მასალებს, იძულებული გახდნენ ჩაენაცვლებინათ ასეთი სახარჯი მასალები შედარებით იაფი და შედარებით დაბალი ხარისხის სახარჯი მასალით, ამდენად წარმოდგენილი კანონპროექტ #ახალიამბები #BusinessMediaGeorgia
ბუღალტრული აღრიცხვის, ანგარიშგებისა და აუდიტის შესახებ წესები იცვლება. ეს ამბავი გუშინ მოვისმინეთ, საფინანსო-საბიუჯეტო კომიტეტზე, როდესაც „ბუღალტრული აღრიცხვის, ანგარიშგებისა და აუდიტის შესახებ" კანონპროექტში შესატანი ცვლილებები განიხილეს. კანონის პროექტის განმარტებითი ბარათის მიხედვით, კანონის მიზანია, ევროკავშირთან ასოცირების ხელშეკრულების შესაბამისად მოხდეს, საქართველოს საგადახდო კანონის ევროკავშირის კანონმდებლობასთან დაახლოება ეტაპობრივად და ამასთან დინამიკურად.კანონად ქცევის შემთხვევაში, რომელიც 2025 წლის 1 იანვრიდან ამოქმედდება, რა ცვლილებებს ითვალისწინებს მთავრობის მიერ ინიცირებული პროექტი? სტუმარი: პაატა შარაბიძე - "ნექსია საქართველოს" აუდიტის მენეჯერი; #ახალიამბები #BusinessMediaGeorgia
ქალთა გაძლიერების პრინციპების ხელმომწერი კომპანიების რაოდენობა მსოფლიოში უკვე 8800-ზე მეტია. ასოციაციებისთვის სულ ახლახან გაიხსნა ამ პრინციპებზე ხელმოწერის შესაძლებლობა და საქართველოს საბანკო ასოციაცია, ერთ-ერთი პირველია, რომელიც საქართველოში ამ პრინციპებს ხელს მოაწერს. ასოციაციის წევრი ბანკები უკვე დიდი ხანია არიან ამ პრინციპების არა მარტო ხელმომწერი, არამედ პრაქტიკაში გამტარებლებიც, სექტორი ძალიან აქტიურადაა ჩართული ქალთა გაძლიერებაში. სტუმრები: სალომე მაკარიძე - საქართველოს საბანკო ასოციაციის კომუნიკაციების მიმართულების ხელმძღვანელი; ლევან გოგოლაძე - საქართველოს საბანკო ასოციაციის ESG მიმართულების კოორდინატორი; #ახალიამბები #BusinessMediaGeorgia
ყოველწლიურად ევროპაში საშუალოდ 160 000 ახალი სტარტაპი რეგისტრირდება. თუმცა, როგორც კვლევები ცხადყოფს, დამწყები ბიზნესების დაახლოებით 10% წარუმატებელია. ამ მოცემულობიდან გამომდინარე, ექსპერტები ერთი მხრივ მნიშვნელობას ანიჭებენ სტარტაპერების ცოდნისა და ცნობიერების ამაღლებას, ხოლო მეორე მხრივ გარემოს - სადაც ისინი მეტად განვითარებასა და წარმატების მიღწევას შეძლებენ. ამის გათვალისწინებით, ბრიტანულმა კომპანია The Knoweldge Academy-მ უახლესი კვლევა გამოაქვეყნა, სადაც ევროპის ის ქალაქებია განხილული, რომლებიც დამწყებ ბიზნესებს ყველაზე კარგ შესაძლებლობას სთავაზობს. რა კრიტერიუმები უნდა დაეკმაყოფილებინათ ქალაქებს რეიტინგში მოსახვედრად და რომელი მათგანი დასახელდა სტარტაპებისთვის საუკეთესო ქალაქად? #ახალიამბები #BusinessMediaGeorgia
მწვანე ეკონომიკა და საქართველოს პოტენციალი. ოცდამეერთე საუკუნეში განახლებადი ენერგიის და კონკრეტულად – მზის ენერგიის, პოტენციალი და სამომავლო პერსპექტივა კამათის საგანი კარგა ხანია, აღარ არის. მზარდი ინტერესის კვალდაკვალ მზის ენერგიის გამოყენება საქართველოშიც სულ უფრო პოპულარული ხდება. Geo-Energy, ჩინური კომპანია Seraphim-ის დილერია საქართველოში, Geo-Energy ერთ-ერთი პირველი კომპანიაა ადგილობრივ ბაზარზე, რომელიც ახორციელებს მზის ელექტროსადგურების პროექტირება-დიზაინს, მშენებლობა მონტაჟს და საგარანტიო მომსახურებას. თავად Seraphim-ი მსოფლიოს უდიდეს ათეულში შემავალი მზის პანელების მწარმოებელი კომპანიაა, Geo-Energy კი მისი ექსკლუზიური წარმომადგენელია საქართველოში. რამდენად მზარდია საქართველოს ბაზარი და როგორია განვითარების დინამიკა? სტუმარი: ლევან აბაშიძე - Geo-Energy-ის დირექტორი და თანადამფუძნებელი #ახალიამბები #BusinessMediaGeorgia
ბიზნეს კლიმატის ინდექსის მაჩვენებლები საქართველოს ბიზნეს ასოციაციის, პიემსი კვლევითი ცენტრისა და IFO ეკონომიკური კვლევების ინსტიტუტის ერთობლივი პროდუქტია. ბიზნეს კლიმატის მაჩვენებელი BAG-ის წევრებისა და მათ ჯგუფში შემავალი კომპანიების გამოკითხვის საფუძველზე გამოითვლება, ინდექსის მიხედვით, 2024 წლის I კვარტალში, გამოკითხულმა კომპანიებმა თავიანთი მიმდინარე მდგომარეობა და მომდევნო ექვსი თვის მოლოდინი დადებითად შეაფასეს. BAG ბიზნეს კლიმატის მაჩვენებელმა 43.6 ქულა შეადგინა, მათ შორის, ბიზნესის მიმდინარე მდგომარეობის მაჩვენებელი 27.4, ხოლო ბიზნესის მოლოდინის მაჩვენებელი 60.8 ქულაა. სტუმრები: ლევან ვეფხვაძე - საქართველოს ბიზნეს ასოციაცია, აღმასრულებელი დირექტორი; გიორგი ხიშტოვანი - PMC კვლევითი ცენტრის დირექტორი; #ახალიამბები #BusinessMediaGeorgia
ახლახან მსოფლიოს ყველაზე ბედნიერი რეგიონების ინდექსი გამოქვეყნდა, სადაც ევროპა ლიდერობს. კონკრეტულად პირველი ქვეყანა ლიტვაა. რის მიხედვით იზომება ბედნიერების ინდექსი, რა კრიტერიუმებს მოიაზრებს და რატომ დაწინაურდა ეს რეგიონი? #ახალიამბები #BusinessMediaGeorgia
ყველაზე ძვირადღირებული პრეპარატი მსოფლიოში - Lenmeldy-ს თერაპიის კურსი $4,25 მლნ ეღირება #ახალიამბები #BusinessMediaGeorgia
აქონდროპლაზიის მედიკამენტმა დადებითი შედეგი აჩვენა - ბავშვების ნაწილში 1-3 სმ-დე ზრდა დაფიქსირდა #ახალიამბები #BusinessMediaGeorgia
"აგროჰაბმა" რიგით მეხუთე ფილიალი გახსნა, ახალი ობიექტი თბილისში, გამსახურდიას სანაპიროს 80 ნომერში მდებარეობს. აგროჰაბის მთავარი კონცეფცია უცვლელია, მსგავსად სხვა არსებული ფილიალებისა ახალი ობიექტიც ცენტრალური საწარმოდან ნატურალური პროდუქტებით მომარაგდება. #ახალიამბები #BusinessMediaGeorgia
#საქმიანიდილა - 27 მარტი - პროლოგი #ახალიამბები #BusinessMediaGeorgia
ხელოვნური ინტელექტის ყოველდღიურ ცხოვრებაში გამოყენება დაჩქარდა. საერთაშორისო სავალუტო ფონდის ბოლო მოხსენებით, ხელოვნური ინტელექტის ზრდამ შესაძლოა, გლობალურ სამუშაო ადგილების 40%-ზე იქონიოს გავლენა, რაც იმას ნიშნავს, რომ ადამიანი მანქანით ჩანაცვლდება. და რა იქნება მაშინ, თუ ამ მანქანას ხელოვნური ინტელექტიც აქვს? - სამუშაო ადგილები სულ უფრო ხშირად ჩანაცვლდება დაუღალავი და იაფი მუშა ხელით - რობოტებით. საერთაშორისო სავალუტო ფონდი ანგარიშში ამბობს, რომ ტექნოლოგიის მზარდმა გამოყენებამ შეიძლება გააღრმავოს უთანასწორობა. ფონდი მოუწოდებს მთავრობებს გააძლიერონ სოციალური უსაფრთხოების ქსელები და უზრუნველყონ გადამზადების პროგრამები ხელოვნური ინტელექტის ეფექტების შესამცირებლად. რომელი პროფესიებია რისკის ქვეშ და როგორი ტენდენციებია ქართული დასაქმების ბაზარზე? სტუმარი: მედეა ტაბატაძე - საკონსულტაციო და რეკრუტინგული კომპანია Insource-ის მმართველი პარტნიორი; #ახალიამბები #BusinessMediaGeorgia
მსოფლიო ბაზრებზე ოქროს ფასი რეკორდულ მაჩვენებელზეა. ამჟამად უნცია ოქროს ფასი 2200 $-ს აჭარბებს, გასული კვირის განმავლობაში კი ფასი 2 250 $-საც გადასცდა. ექსპერტების ნაწილი ფიქრობს, რომ ზრდის ტენდენცია გაგრძელდება და ეს მაჩვენებელი, სავარაუდოდ, 2 500-იან ნიშნულსაც გადასცდება. ბოლო 1 წლიან პერიოდში ერთი უნცია ოქროს ფასი 12%-იან ზრდას აჩვენებს, რაც ეტაპობრივად ქართულ ბაზარზეც ისახება. ამჟამად 585 სინჯიანი გრამი ოქროს ღირებულება 145-160 ლარის ფარგლებშია, 999 სინჯის ფასი კი 192-200 ლარის ფარგლებშია. სტუმარი: თორნიკე სამხარაძე - „ზარაფხანას“ აღმასრულებელი დირექტორი #ახალიამბები #BusinessMediaGeorgia
ბიზნესომბუდსმენის აპარატი საცალო ვაჭრობის ობიექტების მიმართვის საფუძველზე, არასრულწლოვანთა მხრიდან წვრილმანი ქურდობის საკითხებს სწავლობს. როგორც ბიზნესომბუდსმენი ოთარ დანელია აცხადებს, საკითხში იუსტიციის სამინისტროა ჩართული. მასშტაბის ზრდის საშიშროებიდან გამომდინარე კი დაგეგმილია სამომავლოდ გარკვეული პროგრამების შემუშავებაც. არასრულწლოვანთა მართლმსაჯულების კოდექსის თანახმად, პასუხისმგებლობის მინიმალური ასაკი შემდეგნაირადაა განსაზღვრული: სისხლის სამართლებრივი პასუხისმგებლობისათვის 14 წელი, ხოლო ადმინისტრაციული პასუხისმგებლობისათვის – 16 წელი. რამდენად მასშტაბურია წვრილმანი ქურდობები რითეილ სექტორისთვის? სტუმარი: სოფიო ქაშაკაშვილი - რითეილ ასოციაციის ხელმძღვანელი; #ახალიამბები #BusinessMediaGeorgia
25 მარტის ვაჭრობის შედეგად ქართული ეროვნული ვალუტა აშშ დოლართან მიმართებით მცირედით კიდევ გაუფასურდა და 2,70 ლარი გახდა. რაც შეეხება ევროს, გუშინდელი ვაჭრობის შედეგად კურსმა მცირედი გამყარება აჩვენა და ერთი ევროს ოფიციალური ღირებულება 2,92 ლარით განისაზღვრა. გასული კვირის განმავლობაში ლარის კურსი დოლართან მიმართებით რამდენჯერმე გაუფასურდა. 22 მარტის ვაჭრობის შედეგად დოლარის მიმართ კურსის ცვლილებამ 0.60 თეთრი შეადგინა. ლარი დოლართან მიმართებით გაუფასურდა 19 მარტსაც, ცვლილება 0.30 თეთრი იყო. ბოლო პერიოდის რყევების ფონზე გუშინ ლარის კურსზე კომენტარი გააკეთა საქართველოს ეროვნული ბანკის პრეზიდენტის მოვალეობის შემსრულებელმა. ნათია თურნავა ფიქრობს, რომ კურსის რყევა შეიძლება ერთი მსხვილი ტრანზაქციით იყოს განპირობებული, გრძელვადიან პერსპექტივაში კი ბაზარი სტაბილურობას ინარჩუნებს. რატომ უფასურდება ბოლო პერიოდში ლარის კურსი და რამდენად სტაბილურია ბაზარი? სტუმარი: ოთარ ნადარაია - თიბისი ჯგუფის მთავარი ეკონომისტი; #ახალიამბები #BusinessMediaGeorgia
40 000 ლარამდე ფასდაკლება, საგზური, დაზღვევა, საწვავი, 1 წლიანი სერვისი საჩუქრად - აღნიშნული შეთავაზება დახვდება “სტრადა მოტორსის“ მომხმარებელს, რომელიც მსოფლიო ავტობრენდების Jeep-ის, Alfa Romeo-ს, FIAT-ის, Dodge-ის და RAM- ის მოდელებზე ვრცელდება. თავის მხრივ კომპანია, სწორედ ამ ბრენდების დილერია საქართველოში. შოურუმში მოდელების ფართო ასორტიმენტია და იქ მისულებს JEEP-ის და RAM-ის ექსკლუზიური მოდელებიც დაგხვდებათ. ლევან ასანიშვილი - Jeep-ის, AR-ს, FIAT-ის, Dodge-ის და RAM- ის ცენტრის გენერალური დირექტორის მოადგილე #ახალიამბები #BusinessMediaGeorgia
2023 წლის მაისში ბაზარზე ახალი ტექნოლოგიური სტარტაპი Retain-ი გამოჩნდა, რომლის მეშვეობითაც დღეს 150-მდე კომპანია, საქართველოს მასშტაბით 2 000-ზე მეტი ფილიალიდან QR კოდებითა და URL ბმულებით მომხმარებლის უკუკავშირს აგროვებს. მომხმარებელთა კომენტარი კი საჯარო არ არის და ის მხოლოდ კომპანიის სათავო ოფისისთვისაა ხელმისაწვდომი. 2024 წლის თებერვლიდან კომპანიამ შეფასების არსებულ ფორმებს სპეციალური პროდუქტი დაამატა, რომელიც კომპანიებს SMS მარკეტინგისთვის მომხმარებლის თანხმობის მოპოვებაში ეხმარება. გადაჭრის თუ არა სტარტაპი იმ კომპანიების პრობლემას, რომლებსაც მომხმარებელთან სარეკლამო შეთავაზებების SMS-ის სახით გაგზავნა აღარ შეუძლიათ. სტუმარი: ლევან ჯაბუა - Retain-ის თანადამფუძნებელი და აღმასრულებელი დირექტორი #ახალიამბები #BusinessMediaGeorgia
საბანკო სექტორი ელის, რომ მიმდინარე წელს საქართველოში რეფინანსირების განაკვეთის შემცირება ნელი ტემპებით გაგრძელდება. ანალოგიური პროგნოზი აქვს ეროვნულ ბანკსაც, სადაც ამბობენ, რომ მონეტარული პოლიტიკის შერბილება ფრთხილი ნაბიჯებით გაგრძელდება. რაც შეეხება გლობალურად გამკაცრებულ მონეტარულ პოლიტიკას, მოლოდინია, რომ აშშ-სა და ევროპაში განაკვეთების შემცირება წლის მეორე ნახევარში დაიწყება, რასაც გავლენა საქართველოზეც უნდა ჰქონდეს. როგორ შეიცვლება წელს საპროცენტო განაკვეთები და გაიაფდება თუ არა სავალუტო სესხები? #ახალიამბები #BusinessMediaGeorgia
Galt & Taggart: გლობალური ბაზრების ყოველკვირეული მიმოხილვა / Global Markets Weekly Update სტუმარი: თაკო ჯინჭარაძე - Galt&Taggart;-ის ტრეიდერების ჯგუფის უფროსი; #ახალიამბები #BusinessMediaGeorgia
Galt & Taggart: საქართველოს ეკონომიკის მიმოხილვით ლაშა ქავთარაძე სტუმარი: ლაშა ქავთარაძე - Galt & Taggart-ის ეკონომისტი; #ახალიამბები #BusinessMediaGeorgia
#Way2SUSTAINABILITY: ქალთა ლიდერობა მდგრადობისთვის სტუმრები: რატი ზაუტაშვილი - გაეროს გლობალური შეთანხმების საქართველოს ქსელის ბიზნესთან ურთიერთობის მიმართულების ხელმძღვანელი; ეთო ჩაჩიბაია - "ემბისის" ოპერაციების დირექტორი; დიანა აფხაზავა - "გაზელ ფაინანსის" გარემოსდაცვითი სოციალური, მმართველობითი და მდგრადი განვითარების დეპარტამენტის ხელმძღვანელი; #ახალიამბები #BusinessMediaGeorgia
"სახლი ვერაზე" - ასე ჰქვია რესტორანს, რომელიც სულ რაღაც ერთი წლის წინ ქალაქის ცენტრში, კოსტავას ქუჩაზე გაიხსნა. ეს არის სივრცე, რომელიც მომხმარებელს ტრადიციულ ქართულთან ერთად, ევროპის კულინარიულ სამყაროში მოგზაურობას და დაუვიწყარი გემოების გაცნობას ჰპირდება. რა გამოარჩევს რესტორანს და რა დახვდებათ ადგილზე მისულ სტუმრებს? #ახალიამბები #BusinessMediaGeorgia
ნაადრევი ჯავშნები დაწყებულია - სად იმოგზაურებენ ზაფხულში ქართველები? თიკო ნატმელაძე - #BMG-ის რეპორტიორი #ახალიამბები #BusinessMediaGeorgia
დეველოპერულმა კომპანია არქიმ ელიტარული საცხოვრებელი კომპლექს „არქი რივერთაუნის“ პრეზენტაცია გამართა. კომპლექსი პრესტიჟულ უბან დიღომი 8-სთან, სავაჭრო ცენტრ „თბილისი მოლის“ მიმდებარედ შენდება, სადაც გამორჩეულ და მრავალფუნქციურ გარემოს შექმნის. კომპლექსის პრეზენტაციაზე არქის გენერალურმა დირექტორმა დამსწრე საზოგადოებას ლიუ ჰონგუი გააცნო, რომელიც კომპანიას სინგაპურიდან მშენებლობისა და ხარისხის მართვის კონსულტანტის პოზიციაზე შემოუერთდა. ლიუ ჰონგუის სინგაპურსა და სხვა ქვეყნებში მასშტაბურ პროექტებზე მუშაობის 25-წლიანი გამოცდილება აქვს. არქის მთავარი პრიორიტეტი ხარისხია, ლიუ ჰონგუი კი თავისი მრავალწლიანი გამოცდილებითა და პროფესიონალიზმით არქიში ხარისხის მიმართულებით თანამედროვე, ინოვაციური ტექნოლოგიების დანერგვაში მიიღებს მონაწილეობას. რაც შეეხება უშუალოდ არქი რივერთაუნის პროექტს, კომპლექსი 5 დაბალსართულიან საცხოვრებელ სახლს და მრავალფეროვან ინფრასტრუქტურას აერთიანებს. მნიშვნელოვანია ისიც, რომ არქი რივერთაუნს მინიმალური განაშენიანება აქვს. კომპლექსის ძირითადში სარეკრეაციო ზონებს აერთიანებს. #ახალიამბები #BusinessMediaGeorgia
პანდემიამ, შემდეგ რუსეთ-უკრაინის ომმა, საკვებისა და საწვავის ფასები მკვეთრად გაზარდა და ქვეყნები სასურსათო კრიზისის წინაშე დააყენა. ექსტრემალურმა ამინდებმა კი აჩვენა, რომ კლიმატი იცვლება და პრობლემა შეიძლება კიდევ უფრო გამწვავდეს. ცხადია, ამ ყველაფერმა ადამიანთა ცხოვრების სტანდარტზე და მათ ყოველდღიურობაზე მნიშვნელოვანი გავლენა მოახდინა – 2020 წელს გაეროს ადამიანის განვითარების ინდექსი 1990 წლის შემდეგ პირველად შემცირდა და ასე მოხდა 2021 წელსაც. როგორია ამჟამინდელი მოცემულობა, რომელ ქვეყნებშია ცხოვრების სტანდარტი ყველაზე მაღალი, რომელმა მათგანმა ვერ შეძლო პანდემიამდელ შედეგებთან დაბრუნება და როგორ პოზიციონირებს საქართველო? #ახალიამბები #BusinessMediaGeorgia
#საქმიანიდილა - 26 მარტი - პროლოგი #ახალიამბები #BusinessMediaGeorgia
საქართველო აკვაკულტურის ეროვნული სტრატეგიის შექმნაზე მუშაობს. დოკუმენტში ფერმერთა გადამზადების, ხარისხობრივად უკეთესი პროდუქტის წარმოებისა და მარკეტინგულად ბაზრების დივერსიფიცირების შესახებ იქნება ინფორმაცია გაწერილი. სტრატეგიაშია ასევე 2030 წლისთვის საქართველოს შიდა წყლებში, თევზის წარმოება 20 ათას და მეტ ტონაზე ასვლას ითვალისწინებს. დოკუმენტზე მუშაობა გაეროს სურსათისა და სოფლის მეურნეობის ორგანიზაციის ექსპერტების ჩართულობით 3 წელია მიმდინარეობს, პროცესში ასევე ჩართულია საქართველოს სოფლის მეურნეობის სამინისტრო და კერძო სექტორიც. როგორ უნდა განვითარდეს აკვაკულტურა ქვეყანაში და რას შეცვლის სტრატეგიის არსებობს? სტუმარი: ჯუბა მარუაშვილი -„FAO საქართველოს“ პოლიტიკის უფროსი მრჩეველი; #ახალიამბები #BusinessMediaGeorgia
წერეთლის გამზირსა და მიმდებარე ქუჩებზე ზონალურ-საათობრივი პარკირების სისტემა 1-ელი აპრილიდან 1 300-მდე ადგილზე ამოქმედდება. დედაქალაქის მერმა კახა კალაძემ ადგილობრივებს უფასო პარკირებით სარგებლობასთან დაკავშირებით მუნიციპალურ პავილიონებს დროულად მიმართვისკენ და საკუთარი ავტომობილების სისტემაში დარეგისტრირებისკენ მოუწოდა. ამ დროისთვის თბილისის მასშტაბით, ზონალურ-საათობრივი პარკინგი 220 ქუჩაზე მოქმედებს, რაც 11 ათასზე მეტ საპარკინგე ადგილს მოიცავს. BMG დაინტერესდა რა ეფექტი აქვს პარკირების ახალ სისტემას და კიდევ სად გეგმავს თბილისის მერია მის ამოქმედებას? #ახალიამბები #BusinessMediaGeorgia
საქართველოში მოტოციკლეტის მონაწილეობით ავარიების რაოდენობა მნიშვნელოვნად გაიზარდა. თუკი 2022 წელს წლიურად სულ 242 შემთხვევა დაფიქსირდა, 2023 წელს ეს მაჩვენებელი დაახლოებით 2,5-ჯერ გაიზარდა 649-ს მიაღწია. ბოლო 5 წლის მაჩვენებლებს თუ შევხედავთ ვნახავთ, რომ 2019 წელს მაჩვენებელი 161 იყო, 2020-ში 177, 2021-ში 241. შს სამინისტროს სტატისტიკის მიხედვით, გასულ წელს, მოტოციკლეტისტის მონაწილეობით მომხდარ ავარიებს 13 ადამიანი ემსხვერპლა, ხოლო 682 - დაშავდა. რაც შეეხება სრულ სტატისტიკას, 2023 წელს საქართველოში 5594 ავარია მოხდა, რაც 2022 წლის შემთხვევების რაოდენობას (5469) აჭარბებს. 2021 წლის სტატისტიკასთან (5863) შედარებით კი, შემცირებულია. ამასთან, გასულ წელს ავარიების შედეგად დაიღუპა 442 ადამიანი, ხოლო 7310 დაშავდა. 2023 წელს ავარიების ყველაზე ხშირი სავარაუდო მიზეზი შემხვედრი მოძრაობის ზოლში გადასვლა ან გასწრების წესების დარღვევა (356 შემთხვევა) იყო. შემდეგ მოდის მოძრაობის დადგენილი სიჩქარის გადაჭარბება (349) და დისტანციის დაუცველობა (349). ➡️ სტუმარი: მევლუდ მელაძე - "საავტომობილო ფედერაციის" ვიცე-პრეზიდენტი; #ახალიამბები #BusinessMediaGeorgia
1 აპრილიდან ბაზრობის ტერიტორიაზე განთავსებული სავაჭრო ობიექტებისთვის ინფორმაციის წარდგენის წესის ცვლილებაზე უნდა გავაგრძელოთ საუბარი, ამ თემაზე BMG ცვლილებების მაცნეზე ატვირთვის დღიდან გიყვებათ, რომლის მიხედვითაც, ფინანსთა მინისტრის მიერ ხელმოწერილი ბრძანებიდან ირკვევა, მომდევნო კვირიდან პირი რომელიც ერთ დღეზე მეტით, იჯარით ან ქვეიჯარით იქირავებს ბაზრობაზე ადგილს ვალდებულია, საგადასახადო ორგანოს ელექტრონულად წარუდგინოს ინფორმაცია ეკონომიკური საქმიანობის შესახებ და ეს უნდა მოხდეს არაუგვიანეს მომდევნო თვის 15 რიცხვისა. ცვლილებები ეხება როგორც აგრარულ, ისე არააგრარულ ბაზრობებს. ჩანაწერი სფეროს წარმომადგენლების თქმით უკანონოა ორ ნაწილში, 1) რომ ფინანსთა მინისტრმა არ შეიძლება შემოიღოს ის რაც კოდექსში არ წერია და ამ შემთხვევაში კოდექსში არ წერია, რომ ის შეიძლება ეხებოდეს აგრარულ ბაზრობებს და 2) არააგრარული ბაზრობების შემთხვევაშიც ეს მოთხოვნა გადავადებულია 2026 წლამდე. - ეს ორივე კითხვა BMG-იმ შესამოსლების სამსახურს გაუგზავნა, რაზე პასუხადაც მოგვწერეს, რომ ამა წლის 14 მარტს „გადასახადების ადმინისტრირების შესახებ“ საქართველოს ფინანსთა მინისტრის №996 ბრძანებაში ცვლილება შევიდა, რომელიც ახდენს ბაზრობის ტერიტორიაზე საქონლის სარეალიზაციოდ განკუთვნილი სტაციონარული სავაჭრო ობიექტის და არასტაციონარული სავაჭრო ადგილის იჯარით გაცემას, ჩანაწერის მიხედვით ჩნდება ვალდებულია საგადასახადო ორგანოს ელექტრონულად წარუდგინოს ინფორმაცია ამ ტერიტორიაზე ეკონომიკური საქმიანობის განმახორციელებელ პირთა შესახებ, რომლებზეც სტაციონარული სავაჭრო ობიექტი ან/და არასტაციონარული სავაჭრო ადგილი იჯარით/ქვეიჯარით გაცემულია ერთ კალენდარულ დღეზე მეტი ვადით. აღნიშნული ინფორმაცია საგადასახადო კოდექსის 70-ე მუხლის თანახმად წარედგინებოდა. რამდენად არგუმენტირებულია შემოსავლების სამსახურის პასუხი და რა ნაწილშია არაკანონიერი ფინანსთა მინისტრის ბრძანება? სტუმარი: დავით პაპიაშვილი - აუდიტორული კომპანია Kreston Georgia-ს მმართველი პარტნიორი; #ახალიამბები #BusinessMediaGeorgia
#ავიაციისსიახლეები: ✈️ ვაზიანის აეროპორტის საკონსულტაციო მომსახურებაზე ტენდერი არ შედგა; ✈️ Air Astana საქართველოს მიმართულებით სიხშირეებს ზრდის - ავიაკომპანია; ✈️ Georgian Airways ფრენებს ევროპის 8 მიმართულებით შეასრულებს; ✈️ ალათის თიზ-ში აეროპორტი შენდება - BMG-ის აზერბაიჯანის ბიურო; ✈️ ჰითროუს აეროპორტმა თებერვალში რეკორდული რაოდენობის მგზავრი გაატარა; გასული კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით #ავიაცია #ახალიამბები #BusinessMediaGeorgia
თხილის გადამამუშავებელთა და ექსპორტიორთა ასოციაციაში ამბობენ, რომ სამეგრელოში, თხილის შესაბამისი მოვლით, შესაძლებელია თხილის მოსავლიანობის ორჯერ, ან სამჯერ გაზრდა. ასოციაციის აღმასრულებელი დირექტორის, ლევან ქარდავას თქმით, სახელმწიფოს მიერ დაწესებული სუბსიდია, რომელიც ჰექტარზე 500 ლარს გულისხმობს, სრულიად საკმარისია თხილის შესაწამლად, რათა თავიდან იქნას აცილებული მოსავლის ფაროსნების მიერ დაზიანება. მიმდინარე წლის იანვარში თხილის ექსპორტი შემცირდა, თუ 2023 წლის იანვარში საქართველომ $7.5 მლნ-ის 1 772 ტონა თხილი გაყიდა, მიმდინარე წლის იანვარში ეს მაჩვენებელი $5.7 მლნ-ის 927 ტონამდე შემცირდა. სტუმარი: ლევან ქარდავა - თხილის გადამამუშავებელთა და ექსპორტიორთა ასოციაციის აღმასრულებელი დირექტორი; #ახალიამბები #BusinessMediaGeorgia
ნოტრ-დამის რეაბილიტაცია დასკვნით ფაზაში გადავიდა. პარიზის ღვთისმშობლის ტაძრის ხანძრიდან 5 წელი გავიდა. 2019 წლის 15 აპრილს პარიზის ერთ-ერთი სიმბოლო, ღვთისმშობლის საკათედრო ტაძარი ცეცხლის ალში გაეხვია. ხანძრის შედეგად განადგურდა მე-19 საუკუნის გუმბათი, XII-XIII საუკუნით დათარიღებული ხის სახურავი, დაიწვა შიდა სათავსოების ნაწილი, ცეცხლის ჩაქრობისას წყლისგან დაზიანდა 1402 წელს დადგმული ორგანი. როგორ მიმდინარეობდა აღდგენითი სამუშაოები და რა დაუჯდა საფრანგეთს, პარიზის სიმბოლოს აღდგენა? #ახალიამბები #BusinessMediaGeorgia
გასულ კვირას BMG-იმ საქართველოს სასტუმრო ბიზნესი მოიკითხა. საიდანაც გამოჩნდა, რომ თბილისში, ასევე რეგიონებში სასტუმროების რაოდენობა ყოველწლიურად ზრდის დინამიკას აჩვენებს, რასაც ტურისტების რაოდენობის ზრდა ვერ ეწევა. ამ მოცემულობიდან გამომდინარე, ბოლო პერიოდში კერძო სექტორი მოთხოვნა-მიწოდებას შორის დისბალანსზე საუბრობს. ბიზნესი აღნიშნავს იმასაც, რომ ამ გამოწვევის ფონზე სასტუმროს ნომრების ფასები შემცირებულია და პანდემიამდელ ნიშნულზე დაბრუნება ჯერჯერობით ვერ ხერხდება. გამოწვევების ფონზე თბილისის და სხვა რეგიონების სასტუმროების გარდა, მოთხოვნა–მიწოდების დისბალანსში განსაკუთრებით მძიმე მდგომარეობა კახეთშია. ამ რეგიონში სასტუმროების ნაწილს ოპერირების შეწყვეტა უწევს. სტუმარი: ქეთი ამირბარი - კომპანია "ამირბარის" დამფუძნებელი, ბიზნეს -კონსულტანტი; #ახალიამბები #BusinessMediaGeorgia
„ვოლვო ქარ საქართველო“ შვედური პრემიუმ ბრენდის მომხმარებლებს VOLVO XC60-სა და XC90-ზე 30 000 ლარამდე ფასდაკლებას სთავაზობს. ვოლვოს ორივე მოდელი Plug-in ჰიბრიდია, რაც იმას ნიშნავს, რომ ავტომობილები აღჭურვილია ელექტრული და შიგაწვის ძრავით. საბა მდივანი - „ვოლვო ქარ საქართველოს“ გაყიდვების მენეჯერი #ახალიამბები #BusinessMediaGeorgia
BMG და Tegeta Holding-ი წარმოგიდგენთ #BMGAuto-ს: