"ელიტ ელექტრონიქსმა" გუშინ მომხმარებლებს ბათუმში რიგით მეოთხე, უახლესი კონცეფციის ფილიალი წარუდგინა. ფილიალის მთავარი უპირატესობა პროდუქციის მრავალფეროვნებაა - აქ წარმოდგენილია როგორც ელექტრო ტექნიკა, ასევე ავეჯიც. გახსნის ღონისძიებაზე გაჟღერდა ინფორმაცია იმის შესახებ, რომ "ელიტ ელექტრონიქსმა" აზერბაიჯანში 30-წლიანი გამოცდილების მქონე Optimal-ის ქსელი შეიძინა. #ახალიამბები #BusinessMediaGeorgia
თბილისში აღმაშენებლის გამზირზე მდებარე ძველი კინოსტუდიის შენობის და მისი მიმდებარე ტერიტორიის განახლება-განვითარების პროცესი აქტიურ ფაზაში შევიდა. კინოსტუდიის შენობის კულტურული და ისტორიული მნიშვნელობიდან გამომდინარე, მისმა მფლობელმა კომპანია “სოდი ინვესტმენტმა” არქიტექტურული კონკურსი გამოაცხადა. კონკურსს მართავს მშენებლობის მენეჯმენტის კომპანია „LSG Solutions“, რომელსაც გააჩნია საერთაშორისო არქიტექტორებთან და ექსპერტებთან მუშაობის გამოცდილება."სოდი ინვესტმენტ"-მა მიზნად დაისახა არქიტექტურული კონკურსის ჩატარება ადგილობრივი და საერთაშორისო ექსპერტების ჩართულობით. გუშინ კი კონკურსანტებისთვის პირველი სამუშაო შეხვედრა გაიმართა. #ახალიამბები #BusinessMediaGeorgia
კორპორაციული მდგრადობის ჯილდო 2023 - ეს არის ჯილდო ბიზნესისთვის, რომელიც არის პროგრესული, თანამედროვე, ღირებულებებზე დაფუძნებული კომპანიებისთვის, რომელთა საქმიანობა ეყრდნობა მაღალ სტანდარტს, მიზნად ისახავს მდგრად განვითარებას და გრძელვადიანი სარგებელი მოაქვს როგორც კომპანიისთვის, ისე საზოგადოებისთვის. გაეროს გლობალური შეთანხმების საქართველოს ქსელის ინიციატივით, შვედეთის მთავრობისა და USAID-ის სამოქალაქო საზოგადოების ჩართულობის პროგრამის მხარდაჭერით, საქართველოში კორპორაციული მდგრადობის ჯილდოს კონკურსი წელს მეექვსედ ჩატარდა, გუშინ კი რუსთაველის თეატრში, ღონისძიების დაჯილდოების ცერემონია გაიმართა. #ახალიამბები #BusinessMediaGeorgia
თიბისისა და საქართველოს ბანკის მხარდაჭერით და ბრიტანეთის საელჩოს ორგანიზებით, თბილისში ბრიტანულ-ქართული ფინტექ-ფორუმი გაიმართა. #ახალიამბები #BusinessMediaGeorgia
#საქმიანიდილა - 13 ოქტომბერი - პროლოგი #ახალიამბები #BusinessMediaGeorgia
დოროთი ჰოფნეზე, 104 წლის ჩიკაგოელი ქალი, რომელიც 5 ოქტომბერს ყველაზე ხანდაზმული ადამიანი გახდა, ვინც ოდესმე თვითმფრინავიდან პარაშუტით გადამხტარა -ის 9 ოქტომბრის დილას ხანდაზმულთა სახლის თანამშრომლებმა გარდაცვლილი იპოვეს. ვარაუდობენ, რომ ქალი ძილში გარდაიცვალა. არადა სწორედ 5 ოქტომბერს ჩიკაგოში მცხოვრები 104 წლის დოროთი ჰოფნერი გახდა პლანეტაზე ყველაზე ხანდაზმული ადამიანი, რომელიც თვითმფრინავიდან პარაშუტით გადახტა. ჰოფნერმა რეკორდის ოფიციალურად აღიარებისათვის განაცხადი გინესის მსოფლიო რეკორდებში წარადგინა კიდეც. მაგრამ ვერ მოესწრო ოფიციალურ აღიარებას, რადგან განხილვის პროცესს ჩვეულებრივ 12-დან 15 კვირამდე სჭირდება. დოროთი, რომელმაც სქაიდაივინგის პირველი გამოცდილება 100 წლის იუბილეზე მიიღო, 13 500 ფუტის (4 115 მეტრი) სიმაღლეზე მყოფი თვითმფრინავიდან გადმოხტა. მან თავისუფალი ხტომა სქაიდაივინგის ინსტრუქტორთან ერთად განახორციელა და მიწაზე წარმატებით დაშვებაც მოახერხა."ასაკი მხოლოდ რიცხვია". - ტირაჟირებდა AP რომ ამ სიტყვებით მიმართა ჰოფმანმა პარაშუტით დაშვების ადგილას შეკრებილებს. #ახალიამბები #BusinessMediaGeorgia
ქვეყანაში წელს ვირუსების სეზონი ტრადიციულზე ადრე დაიწყო. ლაბორატორიულად დადასტურებული შემთხვევების 7% კი კორონავირუსზე მოდის. უკვე დაფიქსირდა A ტიპის გრიპის ვირუსიც, თუმცა ქვეყანაში გრიპის საწინააღმდეგო ვაქცინა ჯერ არ შემოსულა. „დაავადებათა კონტროლის ცენტრში“ ამბობენ, რომ ვაქცინაციის პროცესის დასაწყებად სისტემა ოქტომბრის მეორე ნახევრიდან იქნება. სტუმარი: ივანე ჩხაიძე - იაშვილის სახელობის ბავშვთა ცენტრალური საავადმყოფოს სამედიცინო დირექტორი; #ახალიამბები #BusinessMediaGeorgia
ფინანსთა სამინისტრო ქონების გადასახადის რეფორმაზე მუშაობს, რომლის მიხედვითაც ყოველწლიური გადასახადი შემოსავლის მიხედვით აღარ განისაზღვრება. ამის შესახებ ფინანსთა მინისტრის მოადგილე გიორგი კაკაურიძემ BM.GE-ს კითხვის საპასუხოდ განაცხადა. მისი თქმით, რეფორმის კანონპროექტს უწყება სავარაუდოდ საგაზაფხულო სესიაზე გაიტანს, ამ ეტაპისთვის კი რეფორმის ზეგავლენის შეფასება მიმდინარეობს, რასაც მუნიციპალიტეტებთან კონსულტაციები მოჰყვება. დამატებითი დეტალები ამ დროისთვის არ კონკრეტდება, თუმცა სამინისტროში ადასტურებენ, რომ დღეს არსებული მიდგომა არასწორია. სტუმარი: ირაკლი ჟვანია - „ქუდოს ჯორჯია“ (Kudos Georgia) პარტნიორი; #ახალიამბები #BusinessMediaGeorgia
საქართველოსა და არაბთა გაერთიანებულ საამიროებს შორის 10 ოქტომბერს დუბაიში ეკონომიკური პარტნიორობის შესახებ შეთანხმება გაფორმდა, რომელსაც საქართველოს ეკონომიკისა და მდგრადი განვითარების მინისტრმა, ლევან დავითაშვილმა და საგარეო ვაჭრობის საკითხებში არაბთა გაერთიანებული საამიროების სახელმწიფო მინისტრმა, თანი ბინ აჰმედ ალ ზეიუდმა მოაწერეს ხელი. საქართველოს ეკონომიკის მინისტრის შეფასებით, შეთანხმება „მყარი საფუძველი იქნება ჩვენს ქვეყნებს შორის სავაჭრო და საინვესტიციო თანამშრომლობის შემდგომი გაღრმავებისთვის“. მნიშვნელოვანია, რომ შეთანხმების ძალაში შესვლის შემდგომ საქართველოდან ემირატებში ექსპორტისას ტარიფის გარეშე ქართული პროდუქციის 97,5% შევა. საქართველოსთვის გაიხსნება 10 მილიონიანი სამომხმარებლო, მაღალ მსყიდველობითუნარიანი ბაზარი. აღსანიშნავია, რომ შეთანხმება მოიცავს როგორც საქონლით, ასევე მომსახურებით ვაჭრობას და ვაჭრობასთან დაკავშირებულ სხვა სფეროებს. რა გავლენა ექნება შეთანხმებას სავაჭრო-ეკონომიკური ურთიერთობების თვალსაზრისით? სტუმარი: გვანცა მელაძე - ექსპორტის განვითარების ასოციაციის გამგეობის თავმჯდომარე; #ახალიამბები #BusinessMediaGeorgia
BAG ინდექსის მესამე კვარტლის კვლევის თანახმად, დასაქმების ბარომეტრის მაჩვენებელმა 43.9 ქულა შეადგინა, რაც გაზრდილი მაჩვენებელია როგორც წინა, ასევე გასულ კვარტლებთან შედარებით. დასაქმების ბარომეტრი ასახავს კომპანიების მოლოდინს მომავალ სამ თვეში დასაქმების სავარაუდო ცვლილების შესახებ. მიმდინარე კვარტალში, მონაცემები გაუმჯობესებულია ყველა სექტორში, მშენებლობის სექტორის გარდა. აღნიშნულ სექტორში, მაჩვენებელი 18.2 ქულით არის შემცირებული წინა კვარტლის მონაცემთან შედარებით, რაც სავარაუდოდ, მეორე კვარტალში დასაქმების მიმართულებით დაფიქსირებული პოზიტიური მოლოდინით არის განპირობებული, რომელიც მესამე კვარტალში არ გამართლდა. შემცირება გამოწვეულია კადრების გადინებით, რაც კიდევ ერთხელ, ხაზს უსვამს ქვეყანაში არსებულ საკადრო დეფიციტს. კვლევის თანახმად, კომპანიებში დასაქმებულთა ანაზღაურების დინამიკაც გაიზარდა. გამოკითხვის შედეგების მიხედვით, მიმდინარე წლის მესამე კვარტალში კომპანიების 35%-მა გაზარდა დასაქმებულთა ხელფასები, რაც უმეტესად ვაჭრობისა და მშენებლობის სექტორებში დაფიქსირდა. სტუმრები: ლევან ვეფხვაძე - საქართველოს ბიზნეს ასოციაცია, აღმასრულებელი დირექტორი; #ახალიამბები #BusinessMediaGeorgia
„ჯანდაცვის სამინისტრო სახელმწიფო აფთიაქი შექმნას აპირებს“ - ასეთი დამოკიდებულება აქვს ფარმაცევტულ ბიზნესს ჯანდაცვის სამინისტროს მიერ „წამლისა და ფარმაცევტული საქმიანობის შესახებ“ კანონში ცვლილებების პროექტზე, რომლის განხილვები პარლამენტში დარგობრივი ეკონომიკის კომიტეტში დაიწყო. ჯანდაცვის სამინისტროს მომზადებული კანონპროექტით, სახელმწიფო ძვირად ღირებული, ინოვაციური მედიკამენტების მწარმოებლისგან ან სავაჭრო ლიცენზიის მფლობელთან პირდაპირი მოლაპარაკების გზით შესყიდვას აპირებს. ამ შემთხვევაში მართული შესვლის მექანიზმი იქნება გამოყენებული, რაც თავისი არსით ნიშნავს, რომ მხარეებს შორის შეთანხმება კონფიდენციალური იქნება. ფარმაცევტული სექტორი სიახლეს სკეპტიკურად უყურებს და რისკებს ხედავს. ხდება თუ არა სახელმწიფო ბიზნესის კონკურენტი და არღვევს თუ არა კანონის პროექტი თავისი არსით თავისუფალი ბაზრის პრინციპს რომელიც ქვეყანაში გვაქვს. სტუმარი: გიორგი აბაშიძე - "ფარმაცევტული კომპანიების ასოციაციის" იურისტი; #ახალიამბები #BusinessMediaGeorgia
„არწივებს ვაკვირდებოდი ხშირად, როგორ დაფრინავდნენ. აფრენის დროს თავი დაბლა ჰქონდათ დახრილი და ფრთებს მჭიდროდ იკრავდნენ ტანზე, აფრენის მერე ნელ-ნელა შლიდნენ ფრთებს და თავსაც მაღლა სწევდნენ. ასე ვისწავლე ბუნებისგან ფრენა“, –ეს თავისუფლად შეიძლება ითქვას ქართველი მფრინავის და სინამდვილეში თხილამურებით ტრამპლინიდან მხტომელი კობა წაქაძის სიტყვებია. მრავალგზის ჩემპიონი ახლა ბაკურიანში ცხოვრობს, გაზაფხულობით კარტოფილს თესავს, შემოდგომაზე ბალახს თიბავს და ბოსტანსაც უვლის მეუღლესთან ერთად. კობა წაქაძე - ტრამპლინიდან მხტომელი; ავტორები: მანანა მანჯგალაძე, ედგარ ყაზახაშვილი, ლადო ცხადაია. #ახალიამბები #BusinessMediaGeorgia
საქართველოში რთველი ამ დროისთვის ერთ - ერთი ყველაზე აქტუალური თემაა. რეგიონებში, მათ შორის რაჭაში ყურძნის კრეფა ჯერ კიდევ მიმდინარეობს, ამიტომ საერთო შედეგებზე საუბარი ნაადრევია, თუმცა რთველი 2023 კახეთში უკვე დასკვნით ეტაპზეა და მევენახეები შედეგებს აჯამებენ. როგორ ჩაიარა კახეთში რთველმა, რა მოცულობების მიღება შეძლეს მეღვინეობებმა და რა სიახლეები აქვთ ექსპორტის მიმართულებით? #ახალიამბები #BusinessMediaGeorgia
კომპანია ,,SWEET KING +" საქართველოში დაბალალკოჰოლური სასმელების მწარმოებელია, თუმცა ასორტიმენტში ჩამონათვალი საკმაოდ ვრცელია და მათ შორის არის ჩიას წვენი, ენერგეტიკული სასმელი, ცივი ჩაი და უახლოეს მომავალში გეგმაში ალკოჰოლური სასმლის წარმოებაც იგეგმება. სტუმარი: თეიმურაზ მალანია - ,,SWEET KING +"-ის მმართველი პარტნიორი, იურიდიული კვლევის ცენტრის დირექტორი #ახალიამბები #BusinessMediaGeorgia
გუშინ საქართველოს პრეზიდენტმა, სალომე ზურაბიშვილმა ნიკო კვარაცხელია ღირსების მედლით დააჯილდოვა, ამავდროულად გუშინვე გაიმართა Hack Days Georgia 2023-ის დაჯილდოება, რომლის ერთ-ერთი ორგანიზატორი ნიკო კვარაცხელიას ფონდი იყო, ერთ-ერთ გამარჯვებულ სტარტაპს კი ნიკო კვარაცხელიას პრიზიც გადაეცა. #ახალიამბები #BusinessMediaGeorgia
2023 წლის დასაწყისიდან დღემდე მსოფლიოში შაქრის ფასი, დაახლოებით, 30%-ითაა გაზრდილი. გუშინ 1 ფუნტი შაქრის ფასი ბირჟაზე 27 ცენტს შეადგენდა, რაც ბოლო 12 წლის განმავლობაში ყველაზე მაღალი მაჩვენებელია. ფასის ზრდის მთავარი გამომწვევი მიზეზი, შაქრის უმსხვილეს მწარმოებელ ქვეყნებში კლიმატური პირობებიდან გამომდინარე ჩავარდნილი სეზონი და შემცირებული მოსავლიანობაა. შაქრის დეფიციტი უკვე აშკარაა შეერთებულ შტატებში, სადაც ამ პრობლემის გამო ტკბილეულის მწარმოებლების გარკვეულმა ნაწილმა „ჰელოუინისთვის“ შეკვეთების მიღება შეაჩერა. როგორ აისახება შაქრის გაძვირება ტკბილეულისა თუ სხვა პროდუქციის ღირებულებაზე? #ახალიამბები #BusinessMediaGeorgia
მსოფლიოს უმდიდრესი ადამიანები - ქვეყნების მიხედვით #ახალიამბები #BusinessMediaGeorgia
#საქმიანიდილა - 12 ოქტომბერი - პროლოგი #ახალიამბები #BusinessMediaGeorgia
კვალიფიციური კადრების დეფიციტის პრობლემა მზარდ ტენდენციად ჩამოყალიბდა. ამას საქართველოს ბიზნეს ასოციაციის BAG-ინდექსის ბოლო შედეგები მოწმობს. კადრების დეფიციტის პრობლემა ბოლო რამდენიმე კვარტალია ყველაზე მნიშვნელოვან ხელის შემშლელ ფაქტორად მიიჩნევა. სპეციალისტების ნაკლებობის პრობლემა, განსაკუთრებით მძაფრად დასახელდა მშენებლობის სექტორის მიერ, ხოლო სამუშაო ძალის დეფიციტი, ვაჭრობის სექტორისთვის აღმოჩნდა ყველაზე კრიტიკული. რა ტიპის კადრებს ეძებენ ძირითადად შრომის ბაზარზე და რამდენად პრობლემურია სამუშაო ძალის ქვეყნიდან გადინების პრობლემა? სტუმარი: ლილი ბიბილაშვილი, HR პროფესიონალთა გილდიის დირექტორი #ახალიამბები #BusinessMediaGeorgia
წელს რთველი საკმაოდ რთულ პირობებში ჩატარდა. კახეთში მოსული სეტყვის შედეგად 6 ათას ჰექტრამდე ფართობი დაზიანდა, რის გამოც სახელმწიფოს დამატებითი ფინანსური სახსრების გამოყოფა დასჭირდა ფერმერების დასახმარებლად. წლევანდელი რთველი რთულია რაჭველი მევენახეებისთვისაც, რადგან როგორც ადგილობრივები ამბობენ, უხვნალექიანმა ზაფხულმა და სეტყვამ ყურძნის მოსავლის დიდი ნაწილი გაანადგურა. მთავრობის გადაწყვეტილებით, მიმდინარე წელს, რთველის მხარდასაჭერად, სუბსიდირების პროგრამა რაჭის რეგიონშიც განხორციელდება. სოფლის მეურნეობის მინისტრმა გუშინ მედიასთან განაცხადა, რომ მთავრობა სუბსიდიის სახით 4 ლარს გადაიხდის იმ პირობით, თუ კომპანიები ფერმერებისგან 1 კილოგრამ ყურძენს 7 ლარად შეიძენენ. აღსანიშნია, რომ რთველის სუბსიდირების პროგრამა რაჭაში გასულ წელსაც მსგავსი პირობებით განხორციელდა. სამინისტროს ინფორმაციით, რაჭაში უკვე გადამუშავებულია 300 ტონამდე ყურძენი. როგორ მიმდინარეობს რთველი რაჭაში, მისაღებია თუ არა მევენახეებისთვის ის ფასი, რაც ბაზარზეა და რამდენად უწყობს დარგის განვითარებას ხელს სახელმწიფოს მიერ ამ სექტორის სუბსიდირება? სტუმარი: ალეკო სარდანაშვილი - “სარდანაშვილის მეღვინეობის” დამფუძნებელი; #ახალიამბები #BusinessMediaGeorgia
„საქართველოს რკინიგზაში“ რეფორმირების პროცესი მიმდინარეობს. სახელმწიფო კომპანიის 50%-იანი წილი მართვაში უკვე გადაეცა ფინანსთა სამინისტროს, 50% -ს კი კვლავ ეკონომიკის სამინისტრო მართავს. ევროდირექტივების შესრულების ფარგლებში, “საქართველოს რკინიგზა” სამ კომპანიად უნდა გაიყოს: სარკინიგზო ინფრასტრუქტურის მენეჯერი, სამგზავრო და სატვირთო ოპერატორები. როგორც ფინანსთა მინისტრის მოადგილე bm.ge-სთან განმარტავს, ამ მიმართულებით კონკრეტული ნაბიჯები უკვე გადადგმულია. კორპორატიზაციის პროცესი ითვალისწინებს ასევე სოციალური მიმართულებით გასაწევი ხარჯების სახელმწიფო ბიუჯეტიდან გადახდას. ამ მიმართულებით აღსანიშნია სარკინიგზო სამგზავრო გადაყვანები, რომლის დასასუბსიდირებლად კომპანია საშუალოდ წლიურად 50 მილიონ ლარს ხარჯავს. როგორც გიორგი კაკაურიძე განმარტავს, ამ მიმართულებით მთავრობას მომავალი წლის ბიუჯეტში გარკვეული თანხების გათვალისწინება მოუწევს. აღსანიშნია, რომ საქართველოს რკინიგზა მთავრობას ამ გადაწყვეტილების მიღებას წლების განმავლობაში სთხოვდა, რადგანაც მისთვის სამგზავრო გადაყვანები წაგებიანი სეგმენტი იყო, რის სუბსიდირებასაც საკუთარი ბიუჯეტიდან ახდენდა. ფინანსთა სამინისტროს მიერ მომზადებულ ფისკალური რისკების ანგარიშის მიხედვით, 2022 წელს საქართველოს რკინიგზამ მგზავრების გადაყვანის სუბსიდირებისთვის 38.6 მლნ ლარი მიმართა. რკინიგზაში შექმნილია ახალი სსიპ-იც - საუბარია სარკინიგზო ტრანსპორტის სააგენტოზე, რომელიც სარკინიგზო სექტორს ზედამხედველობას და მონიტორინგს გაუწევს. სარკინიგზო კოდექსში ცვლილებებიც ევროკავშირთან ასოცირების ხელშეკრულებით აღებული ვალდებულების ნაწილია. არსებული ინფორმაციით, სააგენტო უკვე დაკომპლექტდა, თუმცა დაიწყო თუ არა სფეროს ახალმა ზედამხედველმა ფუნქციების შესრულება უცნობია. სტუმარი: პაატა ცაგარეიშვილი - “სატრანსპორტო დერეფნის კვლევის ცენტრის” ხელმძღვანელი; #ახალიამბები #BusinessMediaGeorgia
განვითარებადი ეკონომიკების სწრაფი ზრდისა და ინვესტორების წინაშე არსებული შესაძლებლობების გათვალისწინების პარალელურად იბადება კითხვა - რა რისკი ახლავს თან საზღვარგარეთ ინვესტირებას და როგორ შეიძლება ამ რისკის გაანალიზება. ამ კითხვაზე საპასუხოდ, ნიუ-იორკის სტერნის ბიზნეს სკოლამ უახლესი კვლევის შედეგები გამოაქვეყნა, სადაც სხვადასხვა ქვეყანაში ინვესტირების რისკიანობა არის შეფასებული. #ახალიამბები #BusinessMediaGeorgia
საქართველოს ბანკმა თამაში დაიწყო და ამ თამაშით 25 ათასიდან 30 ათასამდე ლარის მოგების შესაძლებლობა მობილბანკის მომხმარებლებისათვის გააჩინა. სტუმარი: მაია გორგილაძე - საქართველოს ბანკის ციფრული საბანკო მომსახურების დეპარტამენტის დირექტორის მოადგილე; #ახალიამბები #BusinessMediaGeorgia
რამდენიმე დღის წინ Tegeta Cars-მა ავტოინდუსტრიის გიგანტის Geely Holding-ის საავტომობილო ბრენდი, Geely Auto წარადგინა. პრეზენტაცია მედიის წარმომადგენლებისთვის სასტუმრო Moxy-ში გაიმართა და სტუმრებს საშუალება ჰქონდათ, Geely Auto-ს მოდელი - Geely Coolray პირველებს შეეფასებინათ. სტუმარი: გაგა კოხრეიძე - Geely Sakartvelo-ს დირექტორი #ახალიამბები #BusinessMediaGeorgia
რამდენიმე ასეული გრამი ფქვილი, ორი მესამედი შაქარი, გამაფხვიერებელი, რძე, კვერცხი და კარაქი - ერთი შეხედვით მარტივი რეცეპტით იწყება ფუმფულა ბიზნესის ამბავი ორბელიანზე, რომელიც სულ რამდენიმე თვეს ითვლის რაც მომხმარებელს ფუმფულა იაპონურ ფანქეიქებს თავისი შემუშავებული რეცეპტებით სთავაზობენ. საქმე როგორც სოციალურ ქსელებში ჩანს მომხიბვლელად და მადისაღმძვრელად გამოიყურება, გეგმაში იაპონური ჩიზქეიქები და ფილიალის დამატებაც არის. სტუმარი: დავით ჯანელიძე - შპს "ფუმფულას" თანადამფუძნებელი; #ახალიამბები #BusinessMediaGeorgia
კერძო სექტორი, სახელმწიფო და ფონდები - სამივე მხარის ჩართულობა იმისთვის რომ შედეგი იყოს სასურველი და ხელშესახები არის მნიშვნელოვანი. ამ თემას დიდი ხანია USAID-თან ერთად მივყვებით და ცალკეული კომპანიების მხრიდან სხვა და სხვა პროექტების განხორციელება რომ მხოლოდ ვიწრო და ლოკალურ ჭრილშია გამოწვევაზე პასუხი ეს ჩანს. მთავრობის მხრიდან საკითხის რომ მოსაგვარებელია არაერთხელ ყოფილა ამაზე დასტური თუმცა გამოსავლის გზების მოლოდინში სამინისტროს ხელმძღვანელი რამდენჯერმე შეეცვალა. გიორგი ამილახვარმა განათლების სექტორის განვითარების საშუალო და გრძელვადიანი ხედვის პრეზენტაცია გუშინ გამართა, რომლის დროსაც თქვა, რომ შეიცვლება პროფესიული განათლების სასწავლებლების დაფინანსების მოდელი და ის უფრო ხარჯთეფექტური გახდება, ამასთან ახალი მოდელი დაფინანსებას კოლეჯების საგანმანათლებლო შედეგებზე მიაბამს. USAID/Georgia The USAID Industry-led Skills Development Program #CocreateSkillswithUS
გუშინ საღამოს, Factory TBilisi-ში , Coca-Cola bottlers Georgia-ს, ყოფილი ქარხნის ტერიტორიაზე, Schweppes-ის ღონისძიება გაიმართა, სადაც გამოვლინდა Schweppes-ის მარათონის გამარჯვებული 5 ობიექტი. Coca-Cola bottlers Georgia-მ , 10 ივლის წამოიწყო Schweppes-ის მარათონი, რომლის წესებითაც გამარჯვებული გახდებოდა ის 5 ობიექტი, რომლებიც Schweppes-ის სამი ახალი პრემიუმ შეფუთვის ჯანჯაფილის, მოჰიტოსა და ტონიკის არომატებში, გაყიდვების ყველაზე მაღალ მაჩვენებელს დააფიქსირებდნენ. მარათონში მონაწილეობის მიღება შეეძლო საქართველოს მასშტაბით ჰორეკა სექტორის ყველა წარმომადგენელს. გამარჯვებული ობიექტებისთვის დაწესდა 25 ათასი ლარის ოდენობის საპრიზო ფონდი და ასევე, Georgian palace hotel & spa Kobuleti-ში დასვენება. #ახალიამბები #BusinessMediaGeorgia
თბილისში Coca-Cola Bottlers Georgia-ს ახალი სადისტრიბუციო ავტომობილები გამოჩნდებიან. “ჯი-თი მოტორსთან” თანამშრომლობით თბილისის ცენტრალურ უბნებს უკვე Coca-Cola Bottlers Georgia-ს მინი კუპერები მოემსახურებიან. კომპანიამ გაყიდვების გუნდის თანამშრომლებს ახალი ავტომობილების გასაღები გადასცა. 2022 წლის 1 სექტემბრიდან ოფიციალურად წარმოადგენს MINI-ს საქართველოში. MINI საქართველოს პირველი მსხვილმასშტაბიანი თანამშრომლობა კი Coca-Cola-სთან შედგა. MINI-ს უპირატესობები დაეხმარება Coca-Cola Bottlers Georgia-ს გაყიდვების გუნდს , ყველაზე მარტივ, ეფექტურ და სასიამოვნო გადაადგილებაში. როგორც Coca-Cola Bottlers Georgia-ში აცხადებენ, კომპანიებს ის ღირებულებები აერთიანებთ, რაზეც ორი ბრენდი დგას. #ახალიამბები #BusinessMediaGeorgia
როგორი იყო გასული ზაფხულის სეზონი ყაზბეგის სასტუმროებისთვის, რომელი სეგმენტი სტუმრობდათ და რა რჩება ტურისტული სექტორისთვის მთავარ გამოწვევად? #ახალიამბები #BusinessMediaGeorgia
#საქმიანიდილა - 11 ოქტომბერი - პროლოგი #ახალიამბები #BusinessMediaGeorgia
ევროლიგის 5 ყველაზე მაღალანაზღაურებადი მოთამაშე #ახალიამბები #BusinessMediaGeorgia
გურჯაანის ღვინის ფესტივალი წელს უკვე მეხუთედ გაიმართება. გურჯაანის ღვინის ფესტივალს 7 წლიანი ისტორია აქვს, რომლის მიზანია უნიკალური და ნატურალური პროდუქტის - ქვევრის ღვინის და ბოთლის ღვინის განვითარების ხელშეწყობა, მცირე მეწარმეების აღმოჩენა, მათი პოპულარიზაცია და ქართული კულტურის გაცნობა როგორც ადგილობრივი, ისე უცხოელი საზოგადოებისთვის. ღვინის ფესტივალი, რომელიც საქართველოს ბანკის გენერალური სპონსორობით იმართება, შაბათს, გურჯაანის პარკში უმასპინძლებს სტუმრებს. სტუმარი: თაკო ვარამაშვილი - " გურჯაანის ღვინის ფესტივალის" ორგანიზატორი. #ახალიამბები #BusinessMediaGeorgia
ტურიზმის კუთხით ისრაელი საქართველოსთვის TOP-ქვეყნების ხუთეულშია, საიდანაც მიმდინარე წლის პირველი 6 თვის განმავლობაში ყველაზე მეტი ვიზიტი შესრულდა. ოფიციალურ სტატისტიკას თუ შევხედავთ, 2022 წლის განმავლობაში ისრაელელი ვიზიტორების მიერ ჩვენს ქვეყანაში სულ 210 178 ვიზიტი შესრულდა, რაც 2021 წლის მაჩვენებელს 108.7%-ით აღემატება. 2023 წლის პირველ ნახევარში ისრაელიდან შესრულებული ვიზიტების რაოდენობა 106 530-ს უკვე აღწევს. რა გავლენა ექნება ისრაელში არსებულ საომარ ვითარებას ამ ქვეყნიდან წამოსულ ტურისტულ ნაკადებზე და როგორ აისახება ეს საქართველოს სტუმარმასპინძლობის სექტორზე? სტუმარი: შალვა ალავერდაშვილი - "სასტუმროების და რესტორნების ფედერაციის" დამფუძნებელი. #ახალიამბები #BusinessMediaGeorgia
ავტოიმპორტიორები საგადასახადო კოდექსში ცვლილებას ითხოვენ, რომლის მიხედვითაც, მათ ავტონაწილებად დაშლის მიზნით შემოყვანილი ავტომობილის გაფორმება უნდა გაუადვილდეთ. ინიციატივა რამდენიმე თვეა პარლამენტშია წარდგენილი, ის სხვადასხვა უწყებამ უნდა განიხილოს და საკუთარი შეფასება დადოს. შეგახსენებთ,საქონლით საგარეო ვაჭრობის დეკლარირებული მონაცემების მიხედვით, უმსხვილეს საექსპორტო სასაქონლო ჯგუფში მსუბუქი ავტომობილები ლიდერობს. 2022 წელს დარგის წლიურმა სავაჭრო ბრუნვამ 2,5 მილიარდი დოლარი, ხოლო აქციზისა და იმპორტის გადასახადის სახით წლიურმა შემოსავალმა სახელმწიფო ბიუჯეტში 239 მილიონი ლარი შეადგინა. სტუმარი: ალექსი ნონიაძე - საქართველოს ავტოიმპორტიორთა ასოციაციის ხელმძღვანელი; #ახალიამბები #BusinessMediaGeorgia
კაკაოს ცუდი მოსავლის გამო, შესაძლოა, შოკოლადი კიდევ გაძვირდეს - ასეთ პროგნოზს ბლუმბერგის ექსპერტები კაკაოს ცუდ მოსავლიანობაზე დაყრდნობით აკეთებენ. უამინდობისა და დაავადების გავრცელების გამო, მიწოდების შესაძლო შეფერხების შიშით, გასულ წელს კაკაოს ფასები დაახლოებით 47%-ით გაიზარდა. Marex-ის პროგნოზით, გლობალური დეფიციტი შეადგენს 279 000 ტონას, რაც წინა ორი დეფიციტის ჯამზე მკვეთრად მეტია. რა გავლენა ექნება გლობალურ დეფიციტს საქართველოს ბაზარზე და ელოდებიან თუ არა პროდუქტის გაძვირებას შოკოლადის მწარმოებლები? სტუმარი: ნიკოლოზ კახნიაშვილი - "ბარამბოს" მარკეტინგის გუნდის ხელმძღვანელი. #ახალიამბები #BusinessMediaGeorgia
ინვესტირებით დაინტერესებულებს თიბისი ახალ შესაძლებლობას სთავაზობს - ინვესტიციები ციფრულ ბანკში საკომისიოს გარეშე. საინვესტიციო პლატფორმის დახმარებით თიბისი კაპიტალი მომხმარებლებს ერთი დოლარით ინვესტირების შესაძლებლობას აძლევს. სად და როგორ შეიძლება შემოსავლის გაზრდისთვის ინვესტირება? სტუმრები: მერი ჩაჩანიძე - "თიბისი კაპიტალის" მმართველი დირექტორი; ბაქარ მარუაშვილი - "თიბისი კაპიტალის" ვიცე-პრეზიდენტი. #ახალიამბები #BusinessMediaGeorgia
საერთაშორისო ინდექსებისთვის ერთგვაროვანი გასული კვირა არ გამოდგა. კვირის ჭრილში ამერიკულ ბირჟაზე მართალია S&P და ნაზდაქი მატებას აჩვენებდა თუმცა სხვა მხრივ სასიკეთო გზავნილები ნაკლებად იყო. BMG-ის ყურადღება გასული კვირის განმავლობაში ნავთობისა და ბუნებრივი აირის ამერიკული კორპორაცია ExxonMobil-ის შესაძლო გამახვილებამ მიიპყრო და დარწმუნებული ვარ ეს ამბავი არც გალტს გამორჩენია. ExxonMobil როგორც გაირკვა Pioneer Natural Resources-სთან შესყიდვის შესახებ მოლაპარაკებებს აწარმოებს. საკითხის შესახებ ინფორმაციის მქონე პირების განცხადებით, ExxonMobil-ი მზადაა, კომპანიის შესაძენად $60 მილიარდი გადაიხადოს. ეს Exxon-ისათვის, 1998 წელს $81 მილიარდად Mobil-ის შესყიდვის შემდეგ, ყველაზე მსხვილი გარიგება იქნება. ამით კი კომპანია აშშ-ის ნავთობინდუსტრიაში საკუთარ ოპერაციებსა და გავლენებს კიდევ უფრო გაზრდის. მაგრამ ეს გარიგება მხოლოდ სურვილზე და ფულზე დამოკიდებული არ იქნება სტუმარი: ნიკა მაზანაშვილი - Galt&Taggart;-ის ეკონომისტი; #ახალიამბები #BusinessMediaGeorgia
2023 წლის სექტემბერში სამომხმარებლო ფასების წლიურმა ინფლაციამ 0.7% შეადგინა, წინა თვეში დაფიქსირებული 0.9%-ის შემდეგ. ადგილობრივი ინფლაციის შენელების ტემპი გაგრძელდა და სექტემბერში 5.3% შეადგინა. რაც შეეხება იმპორტირებული და შერეული საქონლის წლიურ ინფლაციას, სექტემბერში ორივე შემცირდა, თუმცა წინა თვესთან შედარებით იმპორტირებული ინფლაციის შემცირება შენელდა, ხოლო შერეული საქონლის ინფლაციის კლება დაჩქარდა. ამასთან, საბაზო ინფლაცია, რომელიც კალათიდან გამორიცხავს სურსათის, ენერგომატარებლების და თამბაქოს ფასებს თითქმის უცვლელი 2.5% წ/წ იყო. სტუმარი: ლაშა ქავთარაძე - Galt&Taggart;-ის ეკონომისტი; #ახალიამბები #BusinessMediaGeorgia
BMG და Tegeta Holding-ი წარმოგიდგენთ: #BMGAuto-ს
აშშ-ში პირველი ქართულ-ამერიკული ბიზნეს კლუბი CoNet დაფუძნდა, რომლის მიზანი კლუბის წევებისთვის საჭირო რესურსებით უზრუნველყოფა და პოტენციურ პარტნიორებთან კომუნიკაციის უზრუნველყოფაა. ვინ იქნებიან კლუბის წევრები და რას ემსახურება ის? სტუმრები: გიგა ფაიქიძე - SMEDA-ს ხელმძღვანელი, ქართულ-ამერიკული ბიზნეს-კლუბის დამფუძნებელი; თიკო მაღრაძე - ქართულ-ამერიკული ბიზნეს-კლუბის დამფუძნებელი. #ახალიამბები #BusinessMediaGeorgia
20 წელზე მეტია, გაეროს გლობალური შეთანხმება მდგრადი კომპანიებისა და დაინტერესებული მხარეების გლობალური მოძრაობის სათავეშია. მდგრადი განვითარების 2030 წლის დღის წესრიგის განხორციელების შუალედურ წერტილთან მიახლოებასთან ერთად, გზავნილი მკაფიო გახდა: ხელისუფლებები და ბიზნესი პროგრესს აღწევენ, თუმცა, არა სასურველი ტემპით და მასშტაბით. კლიმატის ცვლილებასთან დაკავშირებულმა კრიზისმა, გლობალურმა პანდემიამ, გაუარესებულმა სოციალურმა და ეკონომიკურმა უთანასწორობამ, უკონტროლო კორუფციამ და უკრაინაში ომის გამანადგურებელმა შედეგებმა უპრეცედენტო რღვევა და გლობალური ტრანსფორმაცია გამოიწვია. #ახალიამბები #BusinessMediaGeorgia
Uniting business europe-ს კონფერენციის ორგანიზატორებს შორის იყო კომპანია თეგეტაც. აღსანიშნავია, რომ აქ კარგად იაზრებენ მდგრადი განვითარების პროცესების მნიშვნელობას, ბიზნესის ამ მიმართულებით განვითარებასა და საერთაშორისო სტანდარტებზე მორგების მნიშვნელობას. სწორედ ამიტომ, კონფერენციის პანელურ დისკუსიაში თეგეტას აღმასრულებელი დირექტორი ვახტანგ კაჭარავაც მონაწილეობდა, რომელიც აღნიშნავს, რომ მიუხედავად იმისა, რომ საქართველოში კანონი ბიზნესს არ ავალდებულებს თავის საქმიანობაში CSR მიმართულების ინტეგრირებას და არც 2030-ის გლობალური მიზნებისთვის პროექტების განხორციელებას, „თეგეტა“ ამ კუთხით გამორჩეულია და ამ ყველაფერს, ვალდებულების მიღმა, უკვე წლებია აკეთებს. #ახალიამბები #BusinessMediaGeorgia
გუშინ სტამბაში საქართველოში პირველად გაეროს გლობალური შეთანხმებისა და საქართველოს ქსელის ორგანიზებით, uniting business europe კონფერენცია გაიმართა. კონფერენციის მთავარი თემა ბიზნესის მდგრადობის განვითარება იყო. კონფერენციის ერთ-ერთი ორგანიზატორი თიბისი იყო და როგორც კომპანიის აღმასრულებელი დირექტორის მოადგილე, ნინო მასურაშვილი აღნიშნავს, თიბისი მუდმივად მუშაობს, რომ კომპანიის მდგრადობა მაქსიმალურად განვითარდეს. #ახალიამბები #BusinessMediaGeorgia
დღეს ერთი ქართული სტარტაპი - Warehouse უნდა გაგაცნოთ - ეს არის ციფრული საწყობი, თანამედროვე ტექნოლოგიებზე დაფუძნებული პლატფორმა, რომელიც ქართულ ბაზარზე სულ რაღაც ერთი წლის გამოჩნდა. "ვეარჰაუსი" ბიზნესს სწრაფად და კონკურენტულ ფასად მცირე და ნაკრები ტვირთების გადაზიდვაში ეხმარება და მომხმარებელს აქვს შესაძლებლობა, ერთ პლატფორმაზე ყველა საჭირო სერვისი მიიღოს - დაწყებული ფასის განსაზღვრიდან, დასრულებული ტვირთის ჩაბარებამდე. პლატფორმის საშუალებით სერვისის ონლაინ მიღება ამ ეტაპზე ევროპის 5 ქვეყნიდან არის შესაძლებელი, უახლოეს მომავალში კი სტარტაპის დამფუძნებლების მიზანი სხვა კონტინენტებს აქტიურად ათვისებაა. #ახალიამბები #BusinessMediaGeorgia
საქართველოს ბიზნეს ასოციაცია პროექტის “BAG წევრებთან” ფარგლებში აგრძელებს წევრ კომპანიებთან სტუმრობას. ამჯერად ბმჯის გადამღებ ჯგუფთან ერთად კომპანიის წარმომადგენლები „აპტოსის“ საწარმოს ესტუმრნენ, რომელსაც საქართველოს სახელი 90 ქვეყანაში გააქვს და მსოფლიოს მასშტაბით წარმომადგენლობა 16 ქვეყანაში ჰყავს. როგორია სულამანიძეების "აპტოსის" ძაფების განვითარების გზა და რა როლს ასრულებს მათთვის BAG-თან პარტნიორობა? #ახალიამბები #BusinessMediaGeorgia
#საქმიანიდილა - 10 ოქტომბერი - პროლოგი #ახალიამბები #BusinessMediaGeorgia
ადგილობრივი მწარმოებლები პროდუქტის რეალიზაციის სირთულეებზე საუბრობენ. უფრო კონკრეტულად მათთვის გამოწვევაა ქსელური მარკეტების დახლებზე მოხვედრა. მაღალი გადასახადი, მარკეტინგული აქტივობების ხარჯი, ქეშბექები - ეს ის ჩამონათვალია, რაზეც ისინი ხშირად საუბრობენ. ქსელების წარმომადგენლები კი ამბობენ, რომ ადგილობრივ მწარმოებლებს პროდუქტის მიწოდებისას უწყვეტობის შენარჩუნება უჭირთ და მათი დახლები ხშირად არ ივსება. რა გამოწვევები აქვთ მეწარმეებს პროდუქტის რეალიზაციის პროცესში და მეორე მხრივ - რა პრობლემებს აწყდებიან ქსელები ადგილობრივ მწარმოებლებთან თანამშრომლობისას? #ახალიამბები #BusinessMediaGeorgia
ხელნაკეთი ჩანთებისა და აქსესუარების ქართული ბრენდი ,,კოსმო“ ექსპორტზე დანიის ბაზარზე გავიდა. კოსმოს ჩანთები და აქსესუარების პირველი პარტია დანიაში უკვე გაიგზავნა, უწყვეტი მიწოდებისთვის კი კომპანია წარმოების რაოდენობის მნიშვნელოვნად გაზრდას გეგმავს. ,,კოსმოს“ ბრენდით ხელნაკეთი ჩანთები და აქსესუარები საქართველოში 2015 წელს გამოჩნდა, დღეისთვის კი 7 ფილიალს აერთიანებს და 155 დასახელების პროდუქციას ქმნის. სტუმრები: სოფი მუხულიშვილი - "კოსმოს" დამფუძნებელი; გიორგი კოჭლამაზაშვილი - "კოსმოს" ექსპორტის მენეჯერი. #ახალიამბები #BusinessMediaGeorgia
2024 წლის 1-ლი იანვრიდან საზედამხედველო სფეროს 17 ახალი პროდუქტი ემატება. მათ შორის: თაბაშირ-მუყაოს, სტრუქტურული მეტალის, ცემენტის, კერამიკული ფილების, წებო-ცემენტის და ჭერის პროდუქტები. ამის შესახებ ინფორმაციას ეკონომიკის სამინისტრო ავრცელებს. უწყების ცნობით, მომავალში სამშენებლო პროდუქტების საზედამხედველო სფეროში იგეგმება 62 ახალი პროდუქტის დამატება, რომელთა შორის არის - გადახურვის პროდუქტები, ბლოკი, აგური, ქვის წყობასთან დაკავშირებული პროდუქტები, იატაკის პროდუქტები, ხანძარსაწინააღმდეგო აღჭურვილობა, აგრეგატები და თბოიზოლაციის პროდუქტები. 2023 წლის მარტი-სექტემბრის პერიოდში, ადგილობრივ ბაზარზე შემოწმდა 49 ეკონომიკური ოპერატორის მიერ ბაზარზე სარეალიზაციოდ განთავსებული 75 ტიპის სამშენებლო პროდუქტი, საიდანაც რეკომენდაცია 26 პროდუქტზე გაიცა. როგორ მიმდინარეობს მონიტორინგი და რას შეცვლის სამშენებლო ინდუსტრიისთვის ჩამონათვალის რაოდენობის ზრდა? სტუმარი: ედიშერ ხიმშიაშვილი - „ნოვას“ გენერალური დირექტორი; #ახალიამბები #BusinessMediaGeorgia
ისრაელში „ჰამასის“ თავდასხმის შედეგად დაღუპულთა რაოდენობამ 500-ს გადააჭარბა. ამის შესახებ ინფორმაციას ისრაელის ჯანდაცვის სამინისტრო ავრცელებს. გარდაცვლილთა რიცხვებში ათობით ჯარისკაცი და პოლიციელია, რომლებიც ტერორისტებთან ბრძოლისას დაიღუპნენ. ისრაელის ჯანდაცვის სამინისტრო ასევე ადასტურებს, რომ ჰოსპიტლებში დაჭრილთა რაოდენობამ 2 048 ადამიანს მიაღწია. უგზო-უკვლოდ დაკარგულად ითვლება რამდენიმე ათეული ადამიანი. ბოლო ცნობებით, ისრაელის სამხრეთსა და ღაზის სექტორში განადგურებულია 400-ზე მეტი პალესტინელი მებრძოლი, ათობით ტყვედ არის აყვანილი, იტყობინება ისრაელის არმიის პრესმდივანი დანიელ ჰაგარი. მისი თქმით, ყველა ქალაქში განლაგებულია ისრაელის თავდაცვის ძალები. ამის შესახებ Times of Israel წერს. რთული ვითარებაა ღაზის სექტორის მახლობლად მდებარე ქალაქ სდეროთში. გრძელდება შეტაკებები ისრაელის ჯარებსა და პალესტინელ მოიერიშეებს შორის, რომლებიც სდეროთში პოლიციის განყოფილებაში არიან გამაგრებული. ადგილობრივი მედიის ცნობით, მთლიანობაში ქალაქი ისრაელის კონტროლქვეშაა. უცნობია პალესტინელი მებრძოლების მიერ ტყვედ აყვანილი ისრაელელების ოფიციალური რაოდენობა. მაგრამ აშშ-ში ისრაელის საელჩო იტყობინება, რომ ტყვედ არის აყვანილი, სულ მცირე, ასი ისრაელელი. 7 ოქტომბრის დილიდან პალესტინურმა დაჯგუფება „ჰამასმა“, რომელიც ღაზის სექტორს აკონტროლებს, ისრაელის ტერიტორიების მასიური იერიში წამოიწყო. „ჰამასის“ რაზმები ღაზის სექტორიდან გადავიდნენ მოსაზღვრე რაიონებში, დაიკავეს რამდენიმე დასახლებული პუნქტი და ისრაელის სამხედრო ბაზა. ისრაელში ოფიციალურად გამოცხადდა საომარი მდგომარეობა და შემოღებულია საგანგებო მდგომარეობა. ისრაელის თავდაცვის ძალები ატარებენ ოპერაცია „რკინის ხმლებს“. არმიამ დაადასტურა, რომ „ჰამასის“ მებრძოლებმა ათობით ადამიანი დაატყვევეს, მათ შორის ისრაელის სამხედროები. ტყვეთა ნაწილი ღაზაში გადაიყვანეს. სტუმარი: იციკ მოშე - „ისრაელის სახლი“ დამფუძნებელი, ბიზნესმენი; #ახალიამბები #BusinessMediaGeorgia