კომპანია „ქართული რძის პროდუქტების“ საწარმო საფუძვლიანად განახლდა და თბილისში ყველის გადამმუშავებელი ახალი ქარხანა გახსნა. ამის შესახებ „ქალების ნარატივის“ პირდაპირ ეთერში კომპანიის დამფუძნებელმა, გიორგი ლიპარტელიანმა განაცხადა. აშენდა ახალი შენობები, გასამმაგდა ქარხნისა და სასაწყობე მეურნეობების ფართი. ყველა დანადგარი ჩანაცვლდა ევროპული სტანდარტის შესაბამისი დანადგარებით და წარმადობა გაოთხმაგდა. რაც მთავარია, ფონიჭალაში ევროპული სტანდარტის დანადგარებით აღჭურვილი ყველის გადამმუშავებელი ახალი საწარმოც გავხსენით, რომელიც წლის განმავლობაში 100-120 ტონა პროდუქტის გადამუშავებას უზრუნველყოფს“, - აღნიშნავს გიორგი ლიპარტელიანი. 2023 წელს “ქართული რძის პროდუქტებმა“ 30-40 ტონა პროდუქტი გადაამუშავა. კომპანია ამ ეტაპზე ტრადიციულ ხაზს აწარმოებს. ესენია: ხაჭო, არაჟანი, მაწონი, რძე.„ტრადიციულ ხაზს მომავალში დაემატება ტკბილი ხაზი და ყველი. ასევე გვსურს არსებული პროდუქტების წარმოების გაზრდა და კომპანიის რებრენდინგიც“, - აღნიშნა გიორგი ლიპარტელიანმა. ყველის გადამმუშავებელი ახალი ქარხნის გახსნისთვის განხორციელდა 800 ათასი დოლარის ინვესტირება.კომპანია „ქართული რძის პროდუქტების“ ინფრასტრუქტურა 3,5 ჰექტარზეა განთავსებული თბილისში, ფონიჭალას დასახლებაში. ამ ეტაპზე კომპანია წარმოების ყველა მიმართულებაში 220 ადამიანს ასაქმებს. #ახალიამბები #BusinessMediaGeorgia
ქვეყნის შიდა გადაყვანა-გადაზიდვაში ჩართული ძრავიანი სატრანსპორტო საშუალებებისთვის სიჩქარის შემზღუდველი მოწყობილობის მონტაჟი სავალდებულო გახდა. გუშინ გამოქვეყნდა რეგლამენტში ცვლილებები, რომელიც 2025 წლის 1 ივნისიდან M2, M3, N2 ან N3 კატეგორიების სატრანსპორტო საშუალებებს შეეხება. რეგლამენტის მიხედვით, ინსპექტირების ორგანოს მოუწევს ტრანსპორტში სიჩქარის შემზღუდველი მოწყობილობის დარეგულირება იმგვარად, რომ გარკვეული კატეგორიის ძრავიანი სატრანსპორტო საშუალებების სიჩქარე არ აღემატებოდეს გზებზე გადაადგილებისას მაქსიმალურ დასაშვებ ზღვრებს. ეს ზღვარი M2 და M3 კატეგორიების სატრანსპორტო საშუალებების შემთხვევაში არ უნდა აღემატებოდეს 100 კილომეტრს საათში, N2 და N3 კატეგორიის სატრანსპორტო საშულებების შემთხვევაში კი 90 კილომეტრს საათში. რეგლამენტის მიხედვით, სიჩქარის შემზღუდველმა მოწყობილობამ უნდა უზრუნველყოს სიჩქარის შეზღუდვა სატრანსპორტო საშუალების სამუხრუჭო სისტემის ამოქმედების გარეშე. აღნიშნული მოწყობილობის მონტაჟს, შეკეთებას და შემოწმებას დამოუკიდებელი აკრედიტირებული ინსპექტირების ორგანოს სახელოსნო უზრუნველყოფს, ასეთი სახელოსნოების ნუსხას კი სახმელეთო ტრანსპორტის სააგენტო ამტკიცებს. აღსანიშნავია, რომ M2, M3, N2 ან N3 კატეგორიების სატრანსპორტო საშუალებების მძღოლებს სიჩქარის შემზღუდველი მოწყობილობის პერიოდული ინსპექტირება ორ წელიწადში ერთხელ მოუწევთ. რას შეცვლის ახალი რეგულაცია სატრანსპორტო სფეროში? სტუმარი: დავით მესხიშვილი - "გრინლაით კონსალტინგის" დამფუძნებელი; #ახალიამბები #BusinessMediaGeorgia
ერთი წელი გადის, რაც სახელმწიფო პროგრამაში მონაწილე კლინიკები დიაგნოზთან შეჭიდული ჯგუფების მიხედვით დაფინანსების სისტემაზე გადავიდნენ. DRG-ის შემთხვევაში კლინიკების დაფინანსების მოცულობა დამოკიდებულია პაციენტის დიაგნოზზე, ჰოსპიტალიზაციის ხანგრძლივობაზე და კიდევ სხვა კრიტერიუმებზე. ჯანდაცვის სამინისტრო აცხადებს, რომ დაფინანსების ახალ სისტემაზე გადასვლით პაციენტის თანაგადახდა 26%-დან 10%-მდე შემცირდა, შესაბამისად სახელმწიფო ბიუჯეტის წილი დაფინანსებაში 120 მილიონამდე გაიზარდა. სამინისტროს ინფორმაციით, დიარჯის ამოქმედებიდან დღემდე ნახევარ მილიონამდე შემთხვევაა დაფიქსირებული, 330 ათასი პაციენტი კი დაფინანსებულია 717 მილიონი ლარით. კლინიკაში დაყოვნების ხანგრძლივობა შემცირებულია 12%-ით, სისტემური ხარვეზები არ ვლინდება, ამიტომ სამინისტრო გეგმავს DRG-ის მოცვა გააფართოოს. ჯანდაცვის კომიტეტის თავმჯდომარის მხრიდან დაფიქსირდა პოზიცია, რომ განსაკუთრებით კრიტიკული სამედიცინო სექტორისთვის თერაპიული და რეანიმაციული ტარიფებია. კრიტიკულად არის შეფასებული ასევე მაღალტექნოლოგიური და კომბინირებული ოპერაციების განფასებაც. როგორ მუშაობს პრაქტიკაში DRG. რამდენად სამართლიანი ტარიფებია დადგენილი და რა მიმართულება საჭიროებს ახალ განფასებას, ჯანდაცვის ასოციაციის სამეთვალყურეო საბჭოს თავმჯდომარესთან შევაფასებთ ერთი წლის თავზე რა შედეგები მოიტანა DRG- ზე გადასვლამ როგორც პაციენტებისთვის, ისე კლინიკებისთვის სტუმარი: მაია მახარაშვილი - საქართველოს ჯანდაცვის ასოციაციის სამეთვალყურეო საბჭოს თავმჯდომარე; #ახალიამბები #BusinessMediaGeorgia
ჯანდაცვის სამინისტრომ ორშაბათს ჯანდაცვის კომიტეტის სხდომაზე, DRG დაფინანსების მოდელზე გადასვლის და მედიკამენტებზე რეფერენტული ფასების დაწესების რეფორმის მიმდინარეობის შესახებ მოხსენება წარმოადგინა. საკომიტეტო მოსმენას არ ესწრებოდა კერძო სექტორი, ჩვენი მაყურებელი მოისმენს იმ კომენტარებს, რაც პარლამენტში გაკეთდა, ჩვენს სტუმრებთან კი უკვე კერძო სექტორის პრიზმიდან შევაფასებთ რა ეფექტი აქვს ამ რეფორმებს როგორც ჰოსპიტალურ, ისე ფარმაცევტულ სექტორში. დავიწყოთ მედიკამენტებზე რეფერენტული ფასთწარმოქმნის დაწესებით. მიმდინარე წლის 1 იანვრიდან 1000-ზე მეტ მედიკამენტზე რეალიზაციის მაქსიმალური ზღვარი დაწესდა, რაც იმას ნიშნავს, რომ დადგენილ რეფერენტულ ფასზე ზემოთ წამლის რეალიზაცია აიკრძალა. ეს ნუსხა ეტაპობრივად გაფართოვდა და როგორს სამინისტრო აცხადებს, რეფორმის მეოთხე ეტაპზე რეფერენტული ფასი 3200 დასახელების მედიკამენტზე გავრცელდება. მთავარი დადებითი ეფექტი, რაც ამ რეფორმამ მოიტანა, სამინისტროს შეფასებით, წამლების 45%-ით გაიაფებაა. მართალია, მოსახლეობის დანახარჯები მედიკამენტებზე შემცირდა, თუმცა კომიტეტზე არავის უსაუბრია იმ უარყოფით შედეგებზე, რაც წამლებზე ფასების რეგულირებამ მოიტანა. ჯანდაცვის სამინისტროს მიერ შემოთავაზებული რეფერნტული ფასწარმოქმნის მოდელი ყველა ასპექტში ხარვეზიანია - თვლის ფარმაცევტული კომპანიების ასოციაცია. მათი შეფასებით, განსაკუთრებით ხარვეზიანია ფასწარმოქმნის მეთოდოლოგია, შესაბამისად არსებული ფორმულით გამოყვანილი ფასი იმდენად შეუსაბამოა, რომ თავად რეფერენტულ ქვეყნებშიც (საიდანაც უნდა იმპორტირდეს მედიკამენტი) თეორიულად ანალოგიური ფასების პირობებში მედიკამენტების 90% დატოვებდა ბაზარს. რა მოიტანა წამლებზე ფასების რეგულირებამ, ერთი მომხმარებლისთვის და მეორე ფარმაცევტული ბიზნესისთვის? სტუმარი: ილონა კოკიაშვილი - "ფარმაცევტული კომპანიების ასოციაციის" აღმასრულებელი დირექტორი; #ახალიამბები #BusinessMediaGeorgia
კომპანია „ავტოტექნო“ ქართულ ბაზარზე ჩინური ინდუსტრიული ავტოტექნიკის დისტრიბუტორია. კომპანია მომხმარებელს სამშენებლო ტექნიკასთან ერთად, ნაწილებს და სერვისსაც სთავაზობს. სტუმრები: დავით კაკიაშვილი - ავტოტექნოს მარკეტინგის განყოფილების ხელმძღვანელი; დავით სილაგაძე - "ბბ ლიზინგის" ბიზნესლიზინგის ანალიტიკის ჯგუფის უფროსი. #ახალიამბები #BusinessMediaGeorgia
"ჯიპიაი ჰოლდინგმა" მომსახურების სისტემა განაახლა და მომხმარებლის მხარდამხარ მომსახურების ციკლში მხარდაჭერის მენეჯერი და შესაბამისი პროფილის ექსპერტი გაჩნდა, რომელიც მომხმარებელს განსხვავებული გამოცდილების მიღების შესაძლებლობას აძლევს. სტუმრები: ნინო ხაჭაპურიძე - "ჯი პი აი ჰოლდინგის" ადამიანური რესურსების მართვისა და მხარდაჭერის განყოფილების უფროსი; თინათინ კობერიძე, "ჯი პი აი ჰოლდინგის" სერვისებისა და პროდუქტების განვითარების დეპარტამენტის უფროსი #ახალიამბები #BusinessMediaGeorgia
Global Finance-მა, თიბისი საქართველოში საუკეთესო პერსონალური საბანკო მომსახურებისთვის დააჯილდოვა. ეს ჯილდო თიბისის პერსონალურმა საბანკო მომსახურებამ უკვე მეოთხედ მიიღო, პერსონალურ საბანკო მომსახურებაში წამყვანი პოზიციისა და მომხმარებლებისთვის მათ საჭიროებებზე მორგებული სერვისებისა და პროდუქტების შეთავაზებისთვის. Global Finance-ის სარედაქციო საბჭომ შედეგები ბანკების მიერ წარდგენილი ჩანაწერების, ინდუსტრიის ინსაიდერებისგან მოპოვებული ინფორმაციის და დამოუკიდებელი კვლევის ჩატარების შედეგად გამოავლინა. Global Finance-ის 2024 წლის საბანკო რეიტინგები 2022 წლის 1 ივლისიდან 2023 წლის 30 პერიოდის შესრულებას ეფუძნება. სტუმარი: ნატა ხურციძე - თიბისის პერსონალური საბანკო მომსახურების ხელმძღვანელი; #ახალიამბები #BusinessMediaGeorgia
ბანკების 9 თვის წმინდა მოგებამ 2 მლრდ ლარს გადააჭარბა. სექტემბერში სექტორმა 230 მლნ ლარის მოგება მიიღო. შედეგებში და მაჩვენებლების სიდიდეში თავისი წვლილი აქვს IFRS-ით გადაანგარიშებასაც რა სისტემაზეც ბანკები პირველი კვარტლიდან გადავიდნენ. სტუმარი: ალექსანდრე ძნელაძე - საქართველოს საბანკო ასოციაციის პრეზიდენტი; #ახალიამბები #BusinessMediaGeorgia
გუშინ, რესპუბლიკაში ჩატარებული ეჯაილ სამიტის მხარდამჭერია ჯიპიაი ჰოლდინგი. მნიშვნელოვანია ის, რომ ჯიპიაი ჰოლდინგიდ ციფრული გუნდები ეჯაილ მეთოდით ხელმძღვანელობენ და კომპანიაში კარგად აქვთ გაცნობიერებული ამ მეთოდების უპირატესობა. თავის მხრივ, აღსანიშნავია, რომ ამჯერად ეჯაილ სამიტის ორგანიზატორების მთავარი აქცენტი Heart of Agile იყო - ანუ როგორ შეიძლება ეჯაილ იდეები და ტექნიკები ყველა ინდუსტრიის თუ ნებისმიერი სახის ინიციატივებს მოერგოს. #ახალიამბები #BusinessMediaGeorgia
რძის პროდუქტების საფასური ზამთრის სეზონის მოახლოებასთან ერთად ყოველწლიურად მზარდია, საინტერესოა, წელს რა ტენდენციები შეინიშნება ამ მხრივ, რა პროგნოზი აქვთ პროდუქციის მწარმოებლებს და რა გამოწვევები რჩება სექტორში? თიკო ნატმელაძე - BMG-ის რეპორტიორი; #ახალიამბები #BusinessMediaGeorgia
„ენერგოეფექტურების მნიშვნელობა სამშენებლო სექტორში“- ამ სახელწოდებით „იტონგ კავკასუსის“ ორგანიზებით ჰოლიდეი ინში ღონისძიება გაიმართა. შეხვედრის ფარგლებში დარგის წარმომადგენლებმა ენერგოეფექტური მშენებლობის მეთოდებზე და ამ მიმართულებით საქართველოში მიმდინარე რეფორმებზე ისაუბრეს. რა უპირატესობა გააჩნია ენერგოეფექტურ მშენებლობას და რა გამოწვევების წინაშეა საქართველო, სადაც მინიმალურ მოთხოვნებზე კანონი მიმდინარე წლის ზაფხულიდან მოქმედებს. #ახალიამბები #BusinessMediaGeorgia
#საქმიანიდილა - 1-ელი ნოემბერი - პროლოგი #ახალიამბები #BusinessMediaGeorgia
2023 წლის პირველი 9 თვის მონაცემებით, საქართველოში ამანათების შემოსვლის მაჩვენებელი გაიზარდა. ამას შემოსავლების სამსახურიდან სტატისტიკიდან ვიგებთ, რომელიც bm.ge-მ უწყებიდან გამოითხოვა. ოფიციალური მონაცემებით, იანვარ-სექტემბერში საფოსტო ამანათების რაოდენობა წლიურად 53.4%-ით გაიზარდა. წელს ამ პერიოდისთვის ქვეყანაში 7 591 853 ამანათი შემოვიდა, მაშინ როდესაც 2022 წლის 9 თვეში შემოსული ამანათების რაოდენობა 4 918 231-ს შეადგენდა. ამავე პერიოდში TOP-5 ქვეყნის რეიტინგი, საიდანაც საფოსტო ამანათები შემოვიდა, ასეთია: თურქეთიდან - 28,54%; ჩინეთიდან - 23,54; აშშ-დან 16,81%; საბერძნეთიდან - 7,88%; იტალიიდან - 7%; დანარჩენი ქვეყნებზე კი ჯამურად ამანათების 16,24% მოდის. როგორ აისახება გამოწერები ცალკეულ კომპანიებზე? სტუმარი: ქეთევან შანიძე - KiwiPost-ის საოპერაციო მენეჯერი; #ახალიამბები #BusinessMediaGeorgia
საქართველოს პარლამენტში ინიცირებულია კანონპროექტი, რომლის თანახმად, შესაძლოა, გადასახადისგან გათავისუფლდეს 700 ლარამდე ღირებულების, 30 კილოგრამამდე საერთო წონის საქონლის საფოსტო გზავნილი, ნაცვლად 300 ლარის ღირებულებისა. განმარტებით ბარათში, რომელიც კანონპროექტს თან ერთვის, აღნიშნულია, რომ 300-ლარიანი ლიმიტი დადგენილია 2009 წელს და მას შემდეგ ქვეყანაში მკვეთრად შეიცვალა ლარის კურსი და მოსახლეობამ ამ საკითხზე არაერთი პეტიცია შეადგინა. კანონპროექტის ინიციატორი ოპოზიციონერი დეპუტატი ალეკო ელისაშვილია. ფინანსთა სამინისტრო ინიციატივას მხარს არ უჭერს. მინისტრის მოადგილე, მირზა გელაშვილი იმ მიზეზებს განმარტავს, რის გამოც უწყება 300-ლარიანი ზღვრის გაზრდას არ ეთანხმება. სტუმარი: ალექსანდრე ელისაშვილი - პარლამენტარი; #ახალიამბები #BusinessMediaGeorgia
სტომატოლოგიური მომსახურების მიმწოდებელთათვის ახალი სტანდარტები წესდება. ჯანდაცვის სამინისტროს ინიციატივით მკაცრდება როგორც საქმიანობის დაწყების, ისე - ოპერირების წესები. ცვლილებების მიზანი პაციენტის უსაფრთხოების დაცვა და თანამედროვე სტანდარტების შესაბამისი სერვისების უზრუნველყოფაა. „ცვლილების მიხედვით, სტომატოლოგიური დაწესებულებებისთვის განახლდა, დაზუსტდა და უფრო დეტალურად გაიწერა ინფექციის პრევენციის, კონტროლის, სტერილიზაცია-დეზინფექციისა და სამედიცინო ნარჩენების მართვის აუცილებელი კრიტერიუმები. პროცესის უკეთ სამართავად სავალდებულო გახდა დაწესებულებაში ინფექციების კონტროლზე პასუხისმგებელი პირის გამოყოფა. სტომატოლოგიური დაწესებულება ვალდებული ხდება, უზრუნველყოს თანამშრომელთა პროფილაქტიკური იმუნიზაცია B ჰეპატიტზე და სკრინინგი C ჰეპატიტზე ექვს თვეში ერთხელ. სტუმარი: ზურაბ ალხანიშვილი - საქართველოს სტომატოლოგთა ასოციაციის ვიცე-პრეზიდენტი; #ახალიამბები #BusinessMediaGeorgia
3 ნოემბერს GCMC-ის ორგანიზებით, GIZ-სა და გერმანიის მთავრობის და საქართველოს ბანკის მხარდაჭერით, ბათუმში, სასტუმრო რუმსში, სამშენებლო სექტორის B2B ღონისძიებაა დაგეგმილი, რომლის მიზანიც მიზანი სამშენებლო სექტორის მხარდაჭერა, ადგილობრივი ბაზრის განვითარება და იმპორტდამოკიდებულების შემცირებაა, რაც საბოლოოდ ქართულ წარმოებისა და სამშენებლო სექტორს შორის ბიზნეს კავშირებს გაამყარებს. სტუმრები: გრიგოლ სალიაშვილი - საქართველოს ბანკი, საშუალო ბიზნესის გაყიდვების დეპარტამენტის ხელმძღვანელი; მარიამ ცაიშვილი - სამშენებლო მასალების კლასტერის ხელმძღვანელი; #ახალიამბები #BusinessMediaGeorgia
ბოლო რამდენიმე კვირაა პარიზი და საფრანგეთის სხვა ქალაქები ბაღლინჯოების მასობრივ შემოსევას ებრძვის. როგორც ფრანგული მედიები იუწყებიან მწერმა როგორც სასტუმროებში, რესტორნებსა თუ კინოთეატრებში, ასევე საზოგადოებრივ ტრანსპორტშიც შეაღწია. სწორედ ამ პრობლემის გამო მოქალაქეების გარკვეულმა ნაწილმა მეტროთი და ავტობუსებით გადაადგილებაზე უარიც თქვა თუმცა, როგორც საფრანგეთის ტრანსპორტის მინისტრი განმარტავს ჯერ-ჯერობით სიტუაცია სრულად კონტროლდება და ამ ეტაპზე პანიკის არანაირი საფუძველი არ არსებობს. რას უკავშირებენ საფრანგეთში ბაღლინჯოების რაოდენობის ასეთ მკვეთრ ზრდას და საფრთხის თავიდან არიდებისთვის, რა რჩევებს აძლევენ მოსახლეობას პარაზიტოლოგები და მიკრობიოლოგები? #ახალიამბები #BusinessMediaGeorgia
Radisson RED Tbilisi აღმოსავლეთ ევროპაში Radisson RED-ის პირველი სასტუმროა. ის დავით აღმაშენებლის გამზირზე, ყოფილი ფოსტის, 100 წლის წინანდელ შენობაში მდებარეობს და აერთიანებს კულტურას, ისტორიას და თანამედროვე დიზაინს. Radisson RED-ში IT ინფრასტრუქტურის და შენობის მართვის სისტემების გადაწყვეტები ტექნოლოგიურმა კომპანია იუჯითიმ დანერგა. სტუმრები: მამუკა მიქაძე - "იუჯითის" გაყიდვების უფროსი აღმასრულებელი; ვალერი მიღდისელი - საინვესტიციო კომპანია "ტელეგრაფის" დირექტორი; #ახალიამბები #BusinessMediaGeorgia
ამ კვირაში მსოფლიოს ყურადღების ცენტრში აშშ-ის ფედერალური რეზერვი იქნება, რომელმაც მონეტარულ პოლიტიკასთან დაკავშირებით გადაწყვეტილება უნდა მიიღოს. ანალიტიკოსების პროგნოზით, FED-ის კომიტეტი რეფინანსირების განაკვეთს უცვლელად, 5.5%-იან ნიშნულზე დატოვებს. ინვესტორებისთვის განსაკუთრებული მნიშვნელობა ექნება FED-ის ხელმძღვანელის, ჯერომ პაუელის სიტყვით გამოსვლას. მან ინფლაციური მოლოდინების და ფედერალური რეზერვის სამომავლო გადაწყვეტილებების შესახებ საჯაროდ უნდა ისაუბროს, რასაც გლობალური ეკონომიკისთვის უდიდესი მნიშვნელობა აქვს. სტუმარი: ნიკა მაზანაშვილი - Galt&Taggart;-ის საბროკერო დეპარტამენტის უფროსი ანალიტიკოსი #ახალიამბები #BusinessMediaGeorgia
საქართველოს ეკონომიკის მიმოხილვა Galt&Taggart;-ისგან - ლაშა ქავთარაძე სტუმარი: ლაშა ქავთარაძე - Galt&Taggart;-ის ეკონომისტი; #ახალიამბები #BusinessMediaGeorgia
სიმძლავრე, დახვეწილი დიზაინი და მთლიანად მძღოლზე მორგებული ჭკვიანი სისტემა - Mazda CX90 უკვე საქართველოშია. იაპონური ბრენდის გამორჩეული მოდელი სრულიად ახალი ტექნიკური მახასიათებლების ავტომობილია, რომელიც წინა მოდელებისგან ძრავის მოცულობით, სისწრაფითა და ამავდროულად ეკონომიურობით გამოირჩევა. ქართველი მომხმარებლებისთვის Mazda CX90 „მაზდა ცენტრი თეგეტას“ შოურუმშია ხელმისაწვდომი. #ახალიამბები #BusinessMediaGeorgia
გამოფენა აშშ-ში - Globalize სალომე კუკავა - Globalize-ის დამფუძნებელი; ლევან ბერიძე - საქართველოს გენერალური კონსული აშშ-ში; ქეთი მგელიაშვილი - გლობალაიზის ექსპორტის მიმართულების ხელმძღვანელი; #ახალიამბები #BusinessMediaGeorgia
"ავერსმა" კიდევ ერთი განახლებული ფილიალი ლუბლიანას ქუჩაზე გახსნა. კომპანიის მიზანია, რომ თავის მომხმარებლებს მუდმივი სიახლეები, სასიამოვნო გარემო და თანამედროვე ტექნოლოგიები შესთავაზოს. #ახალიამბები #BusinessMediaGeorgia
“ვარდისფერი გზავნილი” - ასე ეწოდება ღონისძიებას, რომლითაც კავკასიის მედიცინის ცენტრი “ვარდისფერი ოქტომბრის” მსოფლიო კამპანიას კიდევ ერთხელ შეუერთდა და ძუძუს კიბოს პრევენციის შესახებ ცნობიერების ამაღლების მიზნით ოქტომბრის თვის საფინალო ღონისძიება გამართა. ღონისძიებაზე ლექცია-სემინარი და პანელური დისკუსიები 200-მდე ქალისთვის მოეწყო. ფორუმზე ფსიქოლოგმა თამარ თანდაშვილმა და კლინიკური დარგის წარმომადგენლებმა ძუძუს კიბოს სკრინინგის მნიშვნელობასა და დიაგნოზის შიშის დაძლევის საკითხებზე ისაუბრეს. გარდა ამისა, ყურადღება გამახვილდა ადრეული დიაგნოსტიკის, მის შედეგად გამოჯანმრთელების მაღალი მაჩვენებლისა და სტატისტიკის საკითხებზე. ღონისძიების ფარგლებში კავკასიის მედიცინის ცენტრი ვარდისფრად განათდა, რითაც კიდევ ერთხელ გაჟღერდა მოწოდება ქალების მიმართ, ისარგებლონ სკრინინგის პროგრამით, მიიღონ შესაბამისი ზომები და პერიოდულად ჩაიტარონ პრევენციული ღონისძიებები. აღსანიშნავია, რომ კავკასიის მედიცინის ცენტრი აქტიურადაა ჩართული ძუძუს კიბოს სკრინინგის სახელმწიფო პროგრამაში და პაციენტებს დაავადების პრევენციისა თუ მისი მკურნალობის კომპლექსურ მეთოდებს სთავაზობს #ახალიამბები #BusinessMediaGeorgia
გამოცემა ბლუმბერგის ინფორმაციით, ინდოეთი მსოფლიოს ბრინჯის დეფიციტის წინაშე კიდევ ერთხელ აყენებს. აღნიშნული კი ქვეყნის მიერ ბრინჯის ექსპორტზე დაწესებული შეზღუდვებით არის გამოწვეული. ნიუ დელიმ, ბრინჯის გლობალურ ბაზარზე ზოგიერთი ჯიშის ექსპორტთან დაკავშირებით 20%-იანი საექსპორტო გადასახადი დააწესა, კონკრეტული ჯიშებისთვის მინიმალური საექსპორტო ფასი განსაზღვრა, ზოგიერთი სახეობის ბრინჯის ექსპორტი კი საერთოდ არ ხორციელდება. Რა გავლენას მოახდენს ეს ქვეყნებზე და არის თუ არა ბრინჯის დეფიციტის საფრთხე? #ახალიამბები #BusinessMediaGeorgia
მსოფლიოს უმსხვილესი ბანკის, JPMorgan Chase-ის პროგნოზით, ჰამასთან ბრძოლის ფონზე, მიმდინარე წლის მეოთხე კვარტალში, შესაძლოა, ისრაელის ეკონომიკა 11%-ით შემცირდეს. უოლ-სტრიტის წამყვან ანალიტიკოსებს შორის JPMorgan-ის წარმომადგენლებს ყველაზე პესიმისტური მოლოდინები აქვთ, თუმცა როგორც ისინი განმარტავენ, მათი პროგნოზი ისეთ მონაცემებს ეყრდნობა, რომელთან წვდომა სხვებს არ აქვთ. 11%-იანი შემცირების მიუხედავად, წლიურ ჭრილში ისრაელის მთლიანი შიდა პროდუქტის 2%-იანი ზრდაა პროგნოზირებული; 2024 წლის ზრდის სამიზნე მაჩვენებელი კი 2.5%-ს აღწევს. #ახალიამბები #BusinessMediaGeorgia
#საქმიანიდილა - 31 ოქტომბერი - პროლოგი #ახალიამბები #BusinessMediaGeorgia
კალათბურთელი მეჯიკ ჯონსონი მილიარდერი გახდა; მილიარდერი სპორტსმენები; NBA-ის TOP-10 ძვირადღირებული კლუბი (2023); #ახალიამბები #BusinessMediaGeorgia
IWSC საქართველოში რიგით მეორე ღვინის საერთაშორისო კონკურსს გამართავს. 25 ნოემბრიდან 1 დეკემბრის ჩათვლით, საქართველო ღვინის საერთაშორისო კონკურსს უმასპინძლებს. კონკურსზე წარმოდგენილ ღვინოებს პროფესიონალი, საერთაშორისო და ადგილობრივი მსაჯები შეაფასებენ. ევროპის საუკეთესო სომელიები, ღვინის ბაიერები და ექსპერტები ქართველ მეღვინეებს საკუთარ გამოცდილებასა გაუზიარებენ. კონკურსს ორგანიზებას უწევს გურჯაანის ღვინის ფესტივალი, მხარდამჭერები არიან ღვინის ეროვნული სააგენტო და ტურიზმის ეროვნული ადმინისტრაცია. კონკურსში მონაწილეთა რეგისტრაცია, IWSC-ის ოფიციალურ ვებგვერდზე 5 ოქტომბერს გაიხსნა და 3 ნოემბრამდე გაგრძელდება. რა შესაძლებლობას ქმნის კონკურსი და ვის შეუძლია რეგისტრაციის გავლა? სტუმარი: მარიამ გუჯაბიძე - IWSC 2024 Wine Judging in Georgia-ს ბრენდ ამბასადორი; #ახალიამბები #BusinessMediaGeorgia
საქართველოში 10 ივნისიდან 1 ტონა ფქვილის იმპორტზე 200 ლარიანი გადასახადი დაწესდა, 10 ოქტომბრიდან კი იმპორტის გადასახადის მოცულობა 250 ლარამდე გაიზარდა. ამასთან საიმპორტო ბაჟი დაწესდა ქერსა და ქატოზეც. მიზანი ფქვილის იმპორტის შემცირების ფონზე, ხორბლის იმპორტის გააქტიურება იყო. სტატისტიკიდან ჩანს, რომ შედეგი გარკვეულწილად მიღწეულია. მიმდინარე წლის 9 თვეში საქართველომ 38 მლნ დოლარის ღირებულების 143 433 ტონა ხორბალი შეიძინა. იმპორტის ღირებულება გასული წლისას მხოლოდ 0.5%-ით აღემატება, მოცულობა კი 36.6%-ით გაიზარდა. რაც იმას ნიშნავს, რომ საექსპორტო ბაზარზე ხორბლის ღირებულება შემცირდა. საერთაშორისო ბირჟაზე ხორბლის ფასი კი ბოლო რამდენიმე კვირაა შემცირების ტენდენციით ხასიათდება, რაც მსოფლიოში ხორბლის რეკორდული მოსავლით არის განპირობებული. მოსავალი გაიზარდა, როგორც აშშ-ში, ევროპისა და აზიის რეგიონებშიც, ასევე რუსეთში, რომელმაც პროგნოზირებულ მაჩვენებელთან შედარებით თითქმის 50%-ით მეტი მოსავალი მიიღო. სწორედ რუსეთია საქართველოსთვის ხორბლის მთავარი მომწოდებელი, რომელზეც 9 თვეში ხორბლის მთლიანი იმპორტის 98.1% მოდის. იანვარ-სექტემბერში რუსეთიდან 37 მლნ 784 ათასი დოლარის ღირებულების 141 768 ტონა ხორბალი შემოვიდა, რაც გასული წლის იმპორტს 5.5%-ით, მოცულობით კი 46.7%-ით აღემატება. რაც შეეხება ფქვილს, ოფიციალური სტატისტიკის მიხედვით, 9 თვეში ჯამურად საქართველოში 31 მლნ 306 ათასი დოლარის ღირებულების 113 305 ტონა ფქვილის იმპორტი განხორციელდა. ეს კი წლიურად ღირებულებაში 37.5%-ით, მოცულობაში კი 14.3%-ით შემცირებული რიცხვებია. ფქვილის მთლიან იმპორტში რუსეთის წილი 96% იყო. წლის პირველ 9 თვეში რუსეთიდან 30 მლნ 161 ათასი დოლარის ღირებულების 111 495 ტონა ფქვილი შემოვიდა, რაც ღირებულებაში 38.7%-ით შემცირდა, ხოლო მოცულობით 17.3%-ით. რა ეფექტი იქონია მთავრობის გადაწყვეტილებამ და როგორია მოლოდინები ბაზარზე? სტუმარი: ლევან სილაგავა - ხორბლისა და ფქვილის მწარმოებელთა ასოციაციის აღმასრულებელი დირექტორი; #ახალიამბები #BusinessMediaGeorgia
#ავიაციისსიახლეები: გამოვიყენებთ ყველა კვადრატულ სანტიმეტრს, რათა გამგზავრების ტერმინალის გამტარუნარიანობა გავზარდოთ - თეა ზაქარაძე; "თბილისში მსოფლიო დონის სატრანსპორტო ცენტრი, ახალი საერთაშორისო აეროპორტი აშენდება" - ღარიბაშვილი; რუსულ Red Wings-ს ახალი რეისების დამატება სურს; ქუთაისის აეროპორტის ოფიციალური გადამყვანი ტაქსი BENE EXCLUSIVE გახდა; Air Cairo თბილისიდან შარმ ელ-შეიხის მიმართულებით 31 დეკემბრამდე ფრენებს წყვეტს - პეგას ტურისტიკ ჯორჯია; აეროპორტების გაერთიანებამ ქუთაისის აეროპორტის ასაფრენ-დასაფრენი ზოლის შეკეთებისთვის ტენდერი გამოაცხადა; კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით; #ავიაცია #ახალიამბები #BusinessMediaGeorgia
ოქტომბერი კიბერუსაფრთხოების ცნობიერების ამაღლების თვეა, თუმცა კიბერუსაფრთხოებაზე ზრუნვა არც მხოლოდ ოქტომბერშია საჭირო და არც მხოლოდ ვიწრო სპეციფიკის საქმიანობისათვის ან ცალკეული პერსონებისთვის არის გამოწვევა. თანამედროვე სამყაროში ციფრული ინოვაციების მუდმივად განვითარების პირობებში პირადი თუ საქმიანი ინფორმაციის დაცვის საჭიროება სულ უფრო იზრდება. შემოდგომის მეორე თვე, როგორც კიბერუსაფრთხოების ცნობიერების ამაღლების თვე კიბერუსაფრთხოების საკითხებზე ინდივიდებისა და ორგანიზაციებისთვის მეტი და დეტალური ინფორმაციის მიწოდების, და კიბერუსაფრთხოების მნიშვნელობის საუკეთესო პრაქტიკის პოპულარიზაციისთვის არის დათქმული. სტუმარი: ანზორ მეხრიშვილი - BDO-ს კიბერ და ინფორმაციული უსაფრთხოების მიმართულების ხელმძღვანელი; #ახალიამბები #BusinessMediaGeorgia
31 ოქტომბერი მსოფლიოში დაზოგვის დღეა, რასთან დაკავშირებითაც ეროვნული ბანკი კამპანიას იწყებს. მსოფლიო დაზოგვის დღე 1924 წლიდან იღებს სათავეს და საქართველო ამ აღნიშვნას 2012 წლიდან შემოუერთდა. მისი მიზანი დაზოგვის შესახებ ცნობიერების ამაღლების ხელშეწყობა და წახალისებაა. დაზოგვის დღის ქართული სიმბოლო ჭიანჭველა "გროვიაა“. ამ დღის აღსანიშნავად, საქართველოს ეროვნული ბანკი ფინანსური განათლების ეროვნული სტრატეგიის ფარგლებში მისი ერთ-ერთი მთავარი სამიზნე სეგმენტის, მოსწავლე ახალგაზრდების ფინანსური განათლების ამაღლებაზე ზრუნვას განაგრძობს და მსოფლიო დაზოგვის დღისადმი მიძღვნილ მასშტაბურ კამპანიას იწყებს. სტუმარი: მაია მარქარაშვილი - საქართველოს ეროვნული ბანკის ფინანსური განათლების განყოფილების უფროსი #ახალიამბები #BusinessMediaGeorgia
რესპუბლიკაში ხვალ ეჯაილ სამიტი გაიმართება. თიბისის მხარდაჭერით გასამართ ღონისძიებაზე მთავარი გამომსვლელი, „ეჯაილ მანიფესტოს“ თანაავტორი, დოქტორ ალისტერ ქობერნი იქნება, რომელიც ღონისძიებას დისტანციურად ჩაერთვება. რას ითვალისწინებს ღონისძიება და ვინ შეძლებს მონაწილეობას, ასევე როგორ ვითარდება საქართველოში Agile-ი? სტუმრები: გუკა კიტია - თიბისის ეჯაილ მწვრთნელი და ჯგუფის ლიდერი; მარია ღლონტი - ეჯაილ ქოუჩი და Agile Mentor-ის დამფუძნებელი. #ახალიამბები #BusinessMediaGeorgia
საქართველოს სტრატეგიული კვლევებისა და განვითარების ცენტრი ევროკავშირის მხარდაჭერით, 27 ოქტომბერს, შერატონ გრანდ თბილისი მეტეხი პალასში, სოციალური საწარმოების რიგით მეოთხე, მასშტაბურ და გავლენაზე ორიენტირებულ B2B გამოფენას უმასპინძლეს. B2B გამოფენა საქართველოს სტრატეგიული კვლევებისა და განვითარების ცენტრის ინიციატივით 2017 წლიდან იმართება. ღონისძიების მხარდამჭერია ევროკავშირი და პური მსოფლიოსთვის. 2023 წელს, B2B გამოფენის უნიკალური სპონსორი თიბისიც იყო. დეტალებს კი ღონისძიების შესახებ სიუჟეტიდან მოგიყვებით. B2B გამოფენას 600-ზე მეტი წარმომადგენელი ესწრებოდა და მეოთხე გამოფენის მიზანი სოციალურ საწარმოებსა და ბიზნეს სექტორს, ასევე საზოგადოებრივ და საჯარო სექტორებს შორის პარტნიორობის ხელშეწყობა, პასუხისმგებლობიანი შესყიდვების პრაქტიკის დანერგვა და მეტი სოციალური და გარემოსდაცვითი გავლენის უზრუნველსაყოფის განვითარებაა იყო. სტუმრები: მაკა ბოჭორიშვილი - თიბისის გარემოს დაცვის, სოციალური და მმართველობის საკითხების კოორდინატორი; გიგა ჩიტიშვილი - საქართველოს სტრატეგიული კვლევებისა და განვითარების ცენტრის B2B პარტნიორობის მენეჯერი; #ახალიამბები #BusinessMediaGeorgia
რუსთაველის სახელმწიფო აკადემიური თეატრის მცირე დარბაზში პროექტის 'ნაბეღლავი მუსიკისთვის' პრეზენტაცია გაიმართა, რომელიც მინერალური წყლის და წარმატებული ახალგაზრდა მუსიკოსების კოლაბორაციით შეიქმნა. თავის მხრივ ორგანიზატორების მხრიდან პროექტის მიზანია ახალგაზრდა შემსრულებლების მხარდაჭერა, წარმატებული ქართულ-შვეიცარიული ინდუსტრიისა და მუსიკოსების გაერთიანება. #ახალიამბები #BusinessMediaGeorgia
თბილისის მერიის ტენდერი ნაძვის ხის შესაძენად; თბილისის მერიის საახალწლო ღონისძიებების ხარჯები 2020 წლიდან; საახალწლო დეკორაციები 2022-ის რეიტინგი; რა ეტაპზეა წერეთლის გამზირის და უნივერსიტეტის ქუჩის რეაბილიტაცია? #ახალიამბები #BusinessMediaGeorgia
მსოფლიოს მასშტაბით, საინფორმაციო ტექნოლოგიების სპეციალისტებზე მოთხოვნა ძალიან დიდია და გლობალური დასაქმების ბაზარი მუდმივად ითხოვს ტექნოლოგიური მიმართულებით კვალიფიციურ კადრებს. ეს ტენდენცია საქართველოშიც განსაკუთრებით მკვეთრად, ბოლო რამდენიმე წელია შეინიშნება. ტექნოლოგიური პროფესიები ჩვენს ქვეყანაში ჯერჯერობით სათანადოდ არ არის ათვისებული და შესაბამისად, ამ მიმართულებით კვალიფიციური სპეციალისტების დეფიციტია. სწორედ ამ პრობლემის გადაჭრის მიზნით, მეიქინგ საიენს სვიფტი იუსეიდის პროგრამა „დამსაქმებელი პროფესიული განათლებისთვის“ მხარდაჭერით კარიერული აქსელერაციის პროგრამას ახორციელებს, რომლის მიზანია, ერთი მხრივ ხელი შეუწყოს ტექნოლოგიური კადრების კვალიფიკაციის ამაღლებას, ამასთან პროგრამის მონაწილეებს დასაქმების შესაძლებლობა მისცეს. #ახალიამბები #BusinessMediaGeorgia
Globalize კალიფორნიაში, სილიკონის ველზე პირველ კონფერენციას მართავს. სან-ფრანცისკოში ქართველი ექსპორტიორების პრეზენტაცია-გამოფენაც არის დაგეგმილი, რომელშიც მონაწილეობას ქართული კომპანიები იღებენ და ამერიკული იმპორტიორების, დისტრიბუტორებისა და საცალო ქსელებისთვის საკუთარი პროდუქციის წარდგენას შეძლებენ. #ახალიამბები #BusinessMediaGeorgia
#საქმიანიდილა - 30 ოქტომბერი - პროლოგი #ახალიამბები #BusinessMediaGeorgia
"სატრანსპორტო დერეფანი: როგორ ვიყენებთ გეოპოლიტიკურ ფანჯარას?" სტუმარი: პაატა ცაგარეიშვილი - სატრანსპორტო დერეფნის კვლევის ცენტრის დირექტორი; #საქმიანიდილა-ს #ანალიტიკა ელენე კვანჭილაშვილთან ერთად; #ახალიამბები #BusinessMediaGeorgia
საქართველოს 2023 − 2030 წლების ტრანსპორტისა და ლოგისტიკის ეროვნული სტრატეგიისა და მისი 2023-2024 წლების სამოქმედო გეგმის ხედვაა: საქართველოს როგორც რეგიონულ სატრანსპორტო და ლოგისტიკურ ჰაბად ჩამოყალიბება. ძირითად სტრატეგიულ მიზნებს წარმოადგენს შემდეგი მიმართულებები: ლოგისტიკური სექტორის ეფექტურობის და კონკურენტუნარიანობის ამაღლება; ადამიანური კაპიტალის განვითარება; სატრანსპორტო დარგების, უსაფრთხო კავშირებისა და დერეფნების მდგრადი განვითარება. ამ გზაზე საქართველოს მხარდამჭერია იუესეიდი–ს ეკონომიკური მმართველობის პროგრამა. სტუმრები: რატი დევაძე - USAID-ის ეკონომიკური მმართველობის პროგრამის მრჩეველი ტრანსპორტისა და ლოგისტიკის საკითხებში / The USAID Economic Governance Program; მამუკა მურჯიკნელი - BAG-ის ტრანსპორტისა და ლოგისტიკის კომიტეტის თავმჯდომარე / Business Association of Georgia - საქართველოს ბიზნეს ასოციაცია; #საქმიანიდილა-ს #ანალიტიკა ელენე კვანჭილაშვილთან ერთად; #ახალიამბები #BusinessMediaGeorgia
აბრეშუმის გზის ფორუმი 2023 - ელენე კვანჭილაშვილის პროლოგი #ახალიამბები #BusinessMediaGeorgia
ქუთაისის საერთაშორისო აეროპორტს ტაქსის ოფიციალური გადაყვანის სერვისი დაემატა. საქართველოს აეროპორტების გაერთიანების მიერ გამოცხადებულ ელექტრონულ აუქციონში აეროპორტის ოფიციალური ტაქსის მომსახურებასთან დაკავშირებით კომპანია "ბენე ექსკლუზივმა" გაიმარჯვა. ახალი სერვისის პრეზენტაცია ქუთაისის საერთაშორისო აეროპორტში აეროპორტების გაერთიანების გენერალურმა დირექტორმა ირაკლი ქარქაშაძემ და "ბენე ექსკლუზივის" აღმასრულებელმა დირექტორმა, გიორგი გორგაძემ გამართეს. მათ დამსწრე საზოგადოებას დეტალურად გააცნეს ყველა ის ბენეფიტი, რასაც "ბენე ექსკლუზივი" ქუთაისის აეროპორტის მგზავრებს სთავაზობს. სტუმარი: გიორგი გორგაძე - ბენე ექსკლუზივის აღმასრულებელი დირექტორი; #ახალიამბები #BusinessMediaGeorgia
ეროვნული ბანკი მონეტარული პოლიტიკის განაკვეთს უცვლელად, 10%-ზე ინარჩუნებს. სებ-ის ვარაუდია, რომ მოკლევადიან პერიოდში ინფლაცია მის მიზნობრივ დონეზე დაბლა შენარჩუნდება. მომდევნო წელს, ნაწილობრივ საბაზო ეფექტის გათვალისწინებითაც, მიზნობრივ 3%-იან დონეს გადააჭარბებს და წლის მეორე ნახევარში მის გარშემო დასტაბილურდება. მწვავე გეოპოლიტიკური მდგომარეობა გლობალურად არასტაბილურ გარემოს ქმნის და ინფლაციის პროგნოზის გარშემო დამატებით გაურკვევლობას აჩენს. არსებულ შოკებს დაემატა გეოპოლიტიკური არასტაბილურობის ახალი ფაქტორი, ახლო აღმოსავლეთში მიმდინარე კონფლიქტის სახით. რა ინდიკატორებია ფრთხილი პოლიტიკის მთავარი განმსაზღვრელი? სტუმარი: ოთარ ნადარაია - თიბისის მთავარი ეკონომისტი; #ახალიამბები #BusinessMediaGeorgia
ინტერვიუ Trendyol-ის კორპორაციული გაყიდვების ხელმძღვანელთან ომარ კულაკ-ლიკაია - Trendyol-ის კორპორაციული გაყიდვების ხელმძღვანელი; #ახალიამბები #BusinessMediaGeorgia
"თბილისის აბრეშუმის გზის ფორუმმა" 2000 დელეგატს მოუყარა თავი. შუა დერეფნის მზარდი როლი, აღმოსავლეთ-დასავლეთის ვაჭრობის ახალი არქიტექტურა; ციფრული კავშირები თუ ენერგოსექტორის დივერსიფიკაცია - ფორუმის მასპინძლებმა და სტუმრებმა სწორედ ამ საკითხების გარშემო უნდა იმსჯელონ და განაცხადონ, რა ნაბიჯების გადადგმა იგეგმება შუა დერეფნის განვითარებისთვის, რომელმაც სატრანსპორტო კავშირებთან ერთად, არაერთი სექტორის დაკავშირებადობა უნდა განაპირობოს. რა გზავნილები გაკეთდა ფორუმის გახსნის ღონისძიებაზე, რომელსაც რამდენიმე ქვეყნის პრემიერ-მინისტრი ესწრება? სტუმარი: ქეთი ბოჭორიშვილი - "ბიზნეს ჯორჯიას" მმართველი პარტნიორი და ეკონომიკის მინისტრის ყოფილი მოადგილე; #ახალიამბები #BusinessMediaGeorgia
ბრენდის ხმა - “ფაბერი” / Phubber App
ქონების გადასახადთან დაკავშირებით მიდგომა იცვლება. არსებული წლიური შემოსავლის 40 000-ლარიანი ზღვარი, რომლის მიხედვითაც ფიზიკურ პირებს ქონების გადასახადის გადახდა უწევთ, სავარაუდოდ შეიცვლება, თუმცა რა კრიტერიუმებს დაექვემდებარება იგი, ჯერჯერობით უცნობია. ფინანსთა მინისტრის მოადგილემ გიორგი კაკაურიძემ BMG-სთან საუბრისას აღნიშნა, რომ შესაძლოა ახალი რეფორმის მიხედვით, ქონების გადასახადი დამოკიდებული იყოს იმ ფართზე, რომელიც კომპანიებს თუ ფიზიკურ პირებს ექნებათ. როგორ ფასდება და ვის შეიძლება შეეხოს ცვლილებები? #ახალიამბები #BusinessMediaGeorgia
ევროსტატის ოფიციალური მონაცემების მიხედვით, ევროპის ქვეყნებში დასაქმების მაჩვენებელი ისტორიულ მაქსიმუმზეა. არიან ქვეყნები, სადაც განსაკუთრებული ზრდა შეიმჩნევა, თუმცა, რა თქმა უნდა, ამის პარალელურად არსებობენ ისეთი რეგიონებიც, სადაც ეს მაჩვენებელი პირიქით - იკლებს. ევროპის რომელ ქვეყნებშია სამუშაო დონე ყველაზე მაღალი და რომელ ქვეყნებში შემცირდა ეს მაჩვენებელი? #ახალიამბები #BusinessMediaGeorgia