საქართველოში შრომის ბაზარზე კადრების მოთხოვნა-მიწოდებას შორის დისბალანსი ბოლო წლების ერთ-ერთი ყველაზე აქტუალური პრობლემაა. ამ ეთერშიც ბევრის ჩივილი მოგვისმენია და კვლევებიც ადასტურებს, რომ ბიზნეს ლიდერებისა და ინვესტორების უმრავლესობა საქართველოში ბიზნესის ხელშემშლელ მთავარ ფაქტორად სამუშაო ძალის არაკვალიფიციურობას ასახელებს. პრობლემაზე საპასუხოდ საქართველოს დამსაქმებელთა ასოციაციამ 2016 წლიდან გერმანიის ხელისუფლების მხარდაჭერით დაიწყო პროფესიული განათლებისა და სწავლების პროექტის განხორციელება საქართველოში, რომლის მიზანია საქართველოში შრომის ბაზრის განვითარება. 2016 წლიდან ამ დრომდე განხორციელებულ პროექტებზე, შედეგებზე და გამოწვევებზე ვისაუბრებთ სტუმრებთან. სტუმარი: ელენე მახარაშვილი - პროფესიული განათლებისა და სწავლების პროექტის მენეჯერი საქართველოში; დირკ რონეკე - პროექტის გრძელვადიანი ექსპერტი; ხათუნა ჩხარტიშვილი, გუდვილის სასწავლო ცენტრის ხელმძღვანელი 18/01/2018
2014 წელს დაწყებული პროექტი „ათასწლეულის გამოწვევის კომპაქტი“, რომელსაც აშშ-ის მთავრობა მხარს 140 მილიონი ამერიკული დოლარის გრანტით უჭერს წელსაც გრძელდება. 2019 წლამდე ფონდის ზოგადი განათლების მიმართულება სამი აქტივობისგან შედგება. უკვე განხორციელებულ სამუშაოზე, მის სარგებელზე და უკვე გასული წლის თვლად შედეგებზე ერთგვარ ანგარიშს გავაცნობთ ჩვენს მაყურებლებს სტუმართან ერთად. სტუმარი: მაგდა მაღრაძე, ათასწლეულის გამოწვევის ფონდი - საქართველოს აღმასრულებელი დირექტორი 18/01/2018
ნონა მამულაშვილი შვეიცარია-საქართველოს ბიზნეს ასოციაციის პრეზიდენტად 4 წლის ვადით აირჩიეს. ნონა მამულაშვილი პარალელურად საერთაშორისო სავაჭრო პალატის ვიცეპრეზიდენტის პოსტაც იკავებს და ამ თანამდებობას მომავალშიც შეინარჩუნებს. Bm.ge-სთან საუბრისას ნონა მამულაშვილი აცხადებს, რომ ახალ თანამდებობაზე საკმაოდ საინტერესო გეგმები აქვს და აპირებს, ასოციაციის მეშვეობით გააქტიუროს შვეიცარიელი ბიზნესმენები საქართველოში და პირიქით. „წელს მოხდა EFTA-სთან თავისუფალი ვაჭრობის ხელშეკრულების რატიფიცირება და წელს იქნება საკმაოდ აქტიური პერიოდი ამ მიმართულებით. ვეცდებით, საქართველოთი შევიცარიელი ინვესტორები დავაინტერესოთ და რაც მთავარია, საქართველოდან გავიყვანოთ ქართველი ბიზნესმენები შვეიცარიაში“,- აცხადებს მამულაშვილი. შვეიცარია-საქართველოს ბიზნეს ასოციაციის 2005 წლიდან მოქმედებს. 18/01/2018
საქართველოში 29 ათას 222 დოზა მოხმარებიდან ამოსაღები ვაქცინა გაიხარჯა,- ამის საფუძველზე სახელმწიფო აუდიტის სამსახური იმუნიზაციის პროგრამის შემოწმებას გეგმავს. ინფორმაცია სამსახურის ვებ-გვერდზეა განთავსებული: "შეძენილია პრეპარატი, რომელმაც კანონმდებლობით დადგენილი წესით რეგისტრაცია ვერ გაიარა და შესაბამისად, საქართველოს ბაზარზე დაშვების უფლება არ ჰქონდა, მიუხედავად ამისა, ბაზარზე დაშვების უფლება მოპოვებულია კომისიის გადაწყვეტილებით, რომლის თანახმად კომისიის მიერ ხარისხის დადასტურება ეფუძნება მინიმალურ სტანდარტებს",-ნათქვამია აუდიტის სამსახურის 2018 წლის სამუშაო გეგმის გრაფიკში. BM.Ge-ის გუნდმა სხვა შემაშფოთებელი შინაარსის ჩანაწერი აუდიტის სამსახურის 2018 წლის სამუშაო გეგმის გრაფიკში აღმოაჩნა. თემაზე გუშინ საკმარისზე მეტი ითქვა, საღამოს ეთერში ამირან გამყრელიძეს პირდაპირი ეთერიც შედგა, სადანაც გთავაზობთ ამონარიდს. ამირან გამყრელიძე ამბობს, რომ 2016 წლის იანვარში, როდესაც ჯანმრთელობის მსოფლიო ორგანიზაციამ გამოითხოვა ამ პრეპარატის პრეკვალიფიკაცია, ეს არ ნიშნავდა იმას, რომ ვაქცინის ამოღება დაუყოვნებლივ უნდა მომხდარიყო. ღიმილის მომგვრელი იყო სოცქსელში ქართული ოცნების და მათ მიმდევართა ვიშვიში მედიის პასუხისგებლობაზე ინფორმაციის გავრცელებაზე,როცა ელემენტალური უნარების დეფიციტია, იმისთვის რომ ეს ინფორმაცია არც გაჟღერდებოდა რომ ყოფილიყო ჯეროვანი კომუნიკაცია ორ უწყებას შორის, დაავადებათა კონტროლის ცენტრი და აუდიტის სამსახური, რაც დააკორექტირებდა სახელმწიფო აუდიტის სამსახურის გეგმის ამ ნაწილს, და საზოგადოების სნობური ნაწილი ვერ ჩაეფლობოდა თვითტკბობაში საკუთარი აიქიუს დემონსტრირებისა, რომელიც სამწუხარო რეალობაა,რომ უმრავლეს შემთხვევაში არ სცდება კომპიუტერის კლავიატურის ენერგიული გამოყენების დონეს. მერწმუნეთ, იმის იქით სრული სიცარიელია, ან ბრიტანელებს უკეთესი გამონათქვამი აქვთ რომელიც ყველაზე მეტად მიესადაგება ამ პეროსონაჟებს Taking Noncence. ოღონდ, ამ შემთხვევაში , ღმერთმა დაგიფაროთ და ალაპარაკდნენ. ეს ის კატეგორიაა, აუცილებელი და გადაუდებელი იმუნიზაციაც რომ არ უშველის.
საქართველო კვლავ ნაწილობრივ თავისუფალი ქვეყნების კატეგორიაშია- ასეთია ჩვენი ქვეყნის შეფასება Freedom House-ის ანგარიშით, რომელიც სულ რამდენიმე დღის წინ გამოქვეყნდა. ქულათა სისტემაში სადაც მაქსიმალური 100 ქულაა, საქრთველოს 64 ქულა აქვს მინიჭებული. შეფასების იმ ნაწილში სადაც 1 საუკეთესო და 7 ყველაზე ცუდი შედეგია 3-3 ქულა აქვს მინიჭებული ადამიანის უფლებების, პოლიტიკური და სამოქალაქო უფლებების მიმართულებით. ანგარიშში საქართველო სულ რამდენჯერმეა ნახსენები, მათ შორის საკონსიტუციო ცვლილებებისა და აზერბაიჯანელი ჟურნალისტის აფგან მუხთარლის გატაცების გამო. თავად ანგარიშში ნათქვამია, რომ ჟურნალისტი ქართულად მოლაპარაკე პირებმა მოიტაცეს, სახელმწიფო საზღვარზე გადაიყვანეს. ეს შემაშფოთებელი და არასასიამოვნი მინიშნებაა ქვეყნის ხელისუფლებისთვის, ჩვენთვის და ქვეყნის იმიჯისთვის. ქვეყანაში მისი მოქალაქეების, ბინადრების, ტურისტების თუ ვიზიტორების უსაფრთხოებაზე პასუხისმგებელი ხელისუფლება ძალიან ბევრი და საკმაოდ მძიმე კითხვების ადრესატი ამ დრომდე ისევ რჩება, მნიშვნელოვანია,რომ ამ კითხვების არსებობას და ქვეყნის იმიჯისთვის დიდ რისკებს ადასტურებენ მმართველი პოლიტიკური ძალის გუნდის პასუხისგებლიანი წევრებიც.
ტურ-ოპერატორ "კაპიტან პლუსის" ორგანიზებით სასტუმრო ბილთმორის ბოლრუმში 17 იანვარს მოეწყო ვორქშოფი საქართველოს გამყვანი ოპერატორების მონაწილეობით, როგორც ზამთრის ასევე ზაფხულის მთავარი სამოგზაურო მიმართულებების გაცნობის მიზნით.ვორქშოფზე წარმოდგენილი იყო ანტალიის წამყვანი სასტუმროები,თუ რა შესაძლებლობები და უპირატესობები აქვთ მათ და როგორია 2018 წლის მოლოდინები ტურისტულ სექტორში ვნახოთ კესო კაციტაძის სიუჟეტში. ტურ ოპერატორი ტურიზმი ტურიზმის სექტორი ტურისტული კომპანია #თურქეთი #ანტალია საქმაინი დილა #ბიზნესმედია #საქმიანები #BMG
საქართველოში „შენობა-ნაგებობის უსაფრთხოების წესების“ ტექნიკური რეგლამენტი მოქმედებს. მოცულობითი დადგენილებით ბევრი დეტალია გაწერილი და განსაზღვრული, თუმცა რამდენად სრულდება ყველა პუნქტი ყველა შემთხვევაში ეს ძალიან რთული სათქმელია. სამშენებლო სექტორის წარმომადგენლების თქმით, რეგლამენტის მიღება აუცილებელი და საჭირო იყო, თუმცა ყველა წესის ერთდროულად ამოქმედებამ ბაზარზე გარკვეული პრობლემები შექმნა. სტუმარი: მალხაზ სოლომნიშვილი, “ბაუინვესტის” დირექტორი 17/01/2018
2017 წელი დასასრულს, ბიამ- რომელიც აერთიანებს ქართული კომპანიების შესახებ ბიზნეს ინფორმაციას, თავად ბიზნესებს გაუკეთა საინტერესო შეთავაზება. ვიდეო მიმართვების სერია საქმიანმა მაყურებელმა ამ სტუდიიდან უხვად ნახა თუმცა 2017 ის შეჯამებისას ამ ამბის გარდა კიდევ ბევრის გახსენება შეიძლება. ამისთვის და სამომავლო გეგმების გარკვევისთვის ვმასპინძობთ .. სტუმარი: სალომე კუკავა, BIA-ს გენერალური დირექტორის მოადგილე 17/01/2018
ფეხბურთი იქნება დღეს ჩვენი განხილვის საგანი, რაშიც საქართველოს ფეხბურთის ფედერაციის ვიცე-პრეზიდენტი - ნიკა ჯღარკავა დაგვეხმარება. სტუმარი: ბექა ბაციკაძე, “საქმის კურსის” წამყვანი, ზაზა აბაშიძე, “საქმიანი დილის” თანაწამყვანი, ნიკა ჯღარკავა, ფეხბურთის ფედერაციის ვიცე- პრეზიდენტი 17/01/2018
სულ რამდენიმე დღის წინ, 15 იანვარს სტარტი აიღო 3 თვიანმა აქსელერაციის პროგრამა, რომელიც საერთაშორისო გამოცდილებით და სტანდარტებით ხორციელდება. პროგრამა დამყარებულია მსოფლიოს წამყვანი აქსელერატორის 500 Startup-ის მუშაობის პრინციპზე და ამ ეტაპზე რამდენადაც ვიცი ერთად ერთი აქსელერაციის პროგრამაა. სტუმარი: ირაკლი ქაშიბაძე - Future Laboratory-ს დამფუძნებელი; გიორგი ხაჩიძე, Future Laboratory-ს ოპერაციული დირექტორი 17/01/2018
ეროვნული ბანკი სავალუტო ჯიხურების რეგულირებას ამკაცრებს. კანონში შესული ცვლილებების მიხედვით, სავალუტო ჯიხურებს ვალუტის გაცვლის კურსისა და საკომისიოს თაობაზე მომხმარებლისთვის ინფორმაციის მიწოდება ეროვნული ბანკის მიერ დადგენილი ფორმით მოუწევთ. 17/01/2018
რამდენიმე არასამთავრობო ორგანიზაციის მიერ პარლამენტში რეგისტრირებული საკანონმდებლო წინადადების მიზანი ერთია - ადამიანის კომპანიონ ცხოველთა დაცვის გარანტიების შექმნა. ამაზე ბევრი გვისაუბრია, აქციებიც ყოფილა, სხვადასხვა არასამთვრობოებს შორის კონფლიქტიც, თუმცა მისი განხილვა მაინც პირველი მოსმენით საკომიტეტო განხილვის ეტაპზევე გაჩერდა. იქამდე, სანამ სტუმრებთან გადავალ, მცირე სტატისტიკა მინდა გავაცნო მაყურებელს, ჯერ კიდევ 2007 წლიდან დაიწყო უზედამხედველო ცხოველებზე დევნა... თუმცა, იმ დროს ეს არ გულისხმობდა, მათ კარგ ბედში ჩავარდნას... შპს „დებიუტი“ რომელმაც იმ დროის საქართველოში ძაღლებზე ომი გამოაცხადა, ყველა განწირული იყო სიკვდილისთვის და ამას ადასტურებს ის მასალები რომელიც საქმიან დილას, ექსკლუზიურად აქვს მოპოვებული... ამ ყველაფერს კი, ხელს აწერს შპს დებიუტის ხელმძღვანელი ნუგზარ ბოლქვაძე და იმ დროის მერიის თანამშრომელი დავით სადათერაშვილი. იმ დროის სტატისტიკა არის ასეთი: 2008 წლის 24 დეკემბრიდან 2009 წლის 29 იანვრის ჩათვლით შპს დებიუტის ძაღლმჭრების მიერ იზოლირებული იყო 1409 ძაღლი, აქედან ეუთანაზია ჩაუტარდა 1400 და ლეშის გაუნბელყოფა ჩაუტარდა 9-ს. ანუ გადარჩა ნული. იგივე სამსახურის მიერ 896 ძაღლი დაიჭირეს, აქედან ეუთანაზია ჩაუტარდა 892-ს, ლეშის გაუნებეყოფა 3 ერთეულს და გადარჩა ერთი, რომელსაც ჩაუტარდა კასტრაცია... ავსტრიაში, პირს, რომელიც ტკივილს აყენებს, ძლიერი შიშის ქვეშ ამყოფებს ან არასათანადოდ უვლის ცხოველს, ეკისრება ჯარიმა 7 500 ევრომდე, ხოლო დანაშაულის განმეორების შემთვევაში - 15 000 ევრომდე. საქართველოს შემთხვევაში, ჯარიმა არც მეტი არც ნაკლები 8 ლარია. სტუმარი: ნინი ლონგურაშვილი, "საქმიანი დილის" რეპორტიორი; მარიამ ჩხიკვიშვილი, თავისუფალი უნივერსიტეტის ვეტერინარული კლინიკის ხელმძღვანელი და ია ჩხენკელი, იურისტი 17/01/2018
ერთ ამერიკულ დოლარად ზოგიერთ ქვეყანაში შესაძლოა წყალიც ვერ იყიდოთ, თუმცა არის ადგილები სადაც, ამ ფულით რამდენიმე ნივთის ერთდროულად შეძენა არის შესაძლებელი. 17/01/2018
საქართველოს ფოსტაში სახელმწიფო აუდიტის სამსახური შევიდა. BMG-ის ინფორმაციით, აუდიტორები იქ დაახლოებით ერთი კვირაა მუშაობენ. კახეთში ბროწეულის ბაღები შენდება. მარცვლოვანი ხილის ბაღის გაშენებას კომპანია "აგროპლანი" აპირებს. პროექტი უკვე აქტიურ ფაზაშია და ამ ეტაპზე ბიზნესგეგმის დამუშავება მიმდინარეობს. წინასწარი გათვლებით ბროწეულის ნერგები 400 ჰექტარზე უნდა გაშენდეს. როგორც კომპანიის დამფუძნებელმა მოჰამედ ჯავად არაბნეჯადმა bm.ge-სთან თქვა საქართველოში ბროწეულის მასობრივ წარმოებას კლიმატის გათვალისწინებით კარგი პერსპექტივა აქვს. ეკონომიკის სამინისტროს ბალანსზე რეგიონებში მდებარე 47 719 ერთეული სასოფლო-სამეურნეო მიწის ნაკვეთია, რაც ჯამში 3 791 424 603 კვ.მ სავარგულს შეადგენს. მათ შორის, ყველაზე მეტი 16 389 ქვემო ქართლშია განლაგებული, ყველაზე პატარა ტერიტორიის კი ცენტრალური მთავრობა მიწის სიმცირიდან გამომდინარე რაჭა-ლეჩხუმ-ქვემო სვანეთში აკონტროლებს. უმუშევართა რიგების ზრდას ვარაუდობენ გაერთიანებულ პროფკავშირებში. ბიზნეს რეზონანსის მკითველები გუშინ გაეცნობოდნენ მონაცემებს, რომლიც მიხედვიტაც ავტორი წერს, რომ სახელმწიფო სტრუქტურების რეორგანიზაცია გაზაფხულამდე დასრულდება და რამდენიმე ათასი ადამიანი უმუშევართა არმიას შეემატება. უკვე ცნობილია, რომ 5 სამინისტროს გაერთიანების შედეგად 1221 ადამიანს შეამცირებენ. 15 027 მოხელიდან 13 806 გააგრძელებს მუშაობას. 2017 წლის ივლისში ერთი ბარელი ნედლი ნავთობის მსოფლიო ფასი 44 დოლარი იყო. მას შემდეგ 47%-ით გაძვირდა და დღეს ერთი ბარელი ნავთობი 64.5 დოლარი ღირს. 64.5 დოლარი ბოლო ორნახევარი წლის მაქსიმალური ფასია. ნავთობის ფასის ზრდას რამდენიმე მიზეზი აქვს. ამაღლდა მსოფლიო ეკონომიკის ზრდის ტემპი, რაც ნავთობზე მოთხოვნას და შესაბამისად ფასს ზრდის, რადგან მოთხოვნის ზრდის შესაბამისად არ იზრდება მიწოდება, რომელიც მნიშვნელოვანწილად ნავთობის ექსპორტიორ ქვეყანათა ორგანიზაციის (OPEC) მიერ არის დარეგულირებული. გასათვალისწინებელია ისიც, რომ ზამთრის თვეებში ნავთობზე მოთხოვნა ზოგადად მატულობს. 17/01/2018
მოსახლეობის 50%-ის ოჯახის ყოველთვიური შემოსავალი 500 ლარზე ნაკლებია- ასეთია ენ დი აის კვლევის შედეგები , რომლის მიხედვითაც , მოსახლოების 60% თავს დაუსაქმებლად მიიჩნევს 40% კი დასაქმებულად.
ნავთობკომპანია „ფრეგო“ გაფართოებას განაგრძობს. ამჯერად მან ურთიერთთანამშრონმლობის მემორანდუმი კომპანია „სელექტთან“ გააფორმა. მემორანდუმის მიხედვით „სელექტის“ 33 სადგური ოპერირებას „ფრეგოს“ ბრენდისა და მენეჯმენტის ფარგლებში გააგრძელებს. დეტალები ვნახოთ ჩვენს სიუჟეტში. 16/01/2018
Focus2move-მ მსოფლიო ავტობაზრის 2017 წლის ოთხივე კვარტლის მონაცემები შეისწავლა და მსოფლიოში ყველაზე მოთხოვნადი ავტომობილების სია გამოაქვეყნა. გლობალური საავტომობილო ბაზრის შედეგების მიხედვით, ბოლო წლების ტრადიცია გრძელდება და მსოფლიო ბაზარს უცვლელად იაპონური Toyota Corolla ლიდერობს, მას ამერიკული Ford F-Series და გერმანული Volkswagen Golf მოყვება. ვებ-გვერდ Focus2move-ის მიხედვით 2017 წლის მსოფლიოს 10 ყველაზე მოთხოვნადი ავტომობილის სია ასეთია: 1. Toyota Corolla – 1 224 990 ავტომობილი 2. Ford F-Series – 1 076 551 ავტომობილი 3. Volkswagen – 819 005 ავტომობილი 4. Toyota RAV4 – 807 401 ავტომობილი 5. Honda CR-V – 748 048 ავტომობილი 6. Volkswagen Tiguan – 703 143 ავტომობილი 7. Ford Focus – 671 923 ავტომობილი 8. Chevrolet Silverado – 660 530 ავტომობილი 9. Volkswagen Polo – 656 179 ავტომობილი 10. Toyota Camry – 650 048 ავტომობილი 16/01/2018
ტურისტების უპრეცედენტო რაოდენობას ბაკურიანი მოუმზადებელი დახვდა, რიგები და საცობებია სათხილამურო ტრასებსა და გზებზე. აქტიურ სეზონზე წყლის შეწყვეტის ფაქტებიც დაფიქსირდა და რამდენიმე ინფრასტრუქტურული პრობლემებიც გამოვლინა. რამდენად მზად არის ბაკურიანი მზარდი ტურისტული ნაკადების მისაღებად და რა გამოწვევების წინაშე დგას წელსაც ზამთრის კურორტი. დეტალები ვნახოთ მარიამ ადამიას სიუჟეტში.
ანა სუბელიანმა და თამაზ ახობაძემ იუსტიციის სამინისტროს მმართველობის სფეროში შემავალი სსიპ-ს, დანაშაულის პრევენციის ცენტრს, გასული წლის გაზაფხულზე სააპელაციო სასამართლოში დავა მოუგეს. სასამართლომ მათი სარჩელი თითქმის ბოლომდე დააკმაყოფილა და დანაშაულის პრევენციის ცენტრს მათი სამსახურში აღდგენა და სამწლიანი იძულებითი განაცდურის ანაზღაურება დააკისრა. სტუმარი: თამაზ ახობაძე , საჯარო პოლიტიკის სპეციალისტი და ანა სუბელიანი, არასრულწლოვანთა მართლმსაჯულების სპეციალისტი 16/01/2018
ეროვნულ ბანკი არა მხოლოდ ცალკეულ საბანკო დაწესებულებაზე, არამედ მთლიანად საბანკო ,,ჰოლდინგზე“ განახორციელებს ზედამხედველობას. ასევე სებ-ს მიეცა უფლება, მიიღოს ნებისმიერი საჭირო ინფორმაცია, განახორციელოს კონსოლიდირებული ზედამხედველობა, აუცილებლობის შემთხვევაში მოსთხოვოს ჯგუფში შემავალი ბანკის და სხვა იურიდიული პირების გამიჯვნა, გამოიყენოს ფინანსური თუ სხვა სანქციები. 6 თვიანი მუშაობის შემდეგ პარლამენტის მიერ მიღებულ კანონზე რა ეფექტს ელოდება საფინანსო საბიუჯეტო კომიტეტის თავმჯდომარე საქმიან დილაში ვისაუბრებთ. სტუმარი: ირაკლი კოვზანაძე, პარლამენტის საფინანსო- საბიუჯეტო კომიტეტის თავმჯდომარე 16/01/2018
რძის პროდუქტების მწარმოებელთა ასოციაციის დაკვეთით „MIC-TNS"-ის მიერ სამ ეტაპად ჩატარებული კვლევისას 15 განსხვავებული ყველის მიკრობიოლოგიური ანალიზის შედეგად, გამოვლინდა რომ 12 ნიმუშში სახელმწიფოს მიერ განსაზღვრული წესები და ნორმები დაცული არ არის. ამ ნიმუშებში ნაწლავის ჩხირის ჯგუფის ბაქტერიები - კოლიფორმები და სტაფილოკოკების რაოდენობა დასაშვებ ნორმაზე მეტია. სტუმარი: ელენე თხლაშიძე, პროექტის “Moli კახეთში” წარმომადგენელი; სალომე ქაჯაია, კომპანიის TNS მკვლევარი 16/01/2018
დავოსში, მსოფლიო ეკონომიკურ ფორუმზე, 22-26 იანვარს ბლოკჩეინის გლობალური ბიზნეს საბჭოს (GBBC) შეხვედრა გაიმართება. ფორუმის ფარგლებში, ყურადღება გამახვილდება ისეთ ტექნოლოგიებზე როგორიც ბლოკჩეინი და კრიპტოვალუტებია. პანელების ფარგლებში, მთელი კვირის განმავლობაში, წარმოდგენილი იქნება GBBC-ის ანგარიში, რომელიც შეეხება გლობალურ კვლევას ბლოკჩეინის ტექნოლოგიის გამოყენებასა და რეგულირებაზე. GBBC ამ დროისთვის მსოფლიოს 30 ქვეყნის წარმომადგენლებს აერთიანებს. საბჭო ოფიციალურად გასულ წელს მსოფლიოს ეკონომიკურ ფორუმზე დაფუძნდა. ორგანიზაცია ბიზნეს ლიდერებს და სახელმწიფოებს ბლოკჩეინ ტექნოლოგიების დანერგვაში ეხმარება.სხვათაშორის, ბლოქჩეინის გლობალური ბიზნესსაბჭო სწორედ ბიტფიურის ტოპ მენჯემნტის წარმომადგენლებითაა დაკომპლექტებული. 16/01/2018
საქართველო Henley & Partners-ის მსოფლიო პასპორტების ინდექსში 15 პოზიციით დაწინაურდა და 199 ქვეყანას შორის 53-ე ადგილი დაიკავა. გასულ წელს საქართველო 68-ე ადგილზე იყო. საქართველოს სამოქალაქო პასპორტით უვიზოდ მოგზაურობა მსოფლიოს 99 ქვეყანაშია შესაძლებელი. რეიტინგში პირველ ადგილს გერმანია იკავებს. გერმანული პასპორტით უვიზოდ მოგზაურობა მსოფლიოს 177 ქვეყანაშია შესაძლებელი. მეორე ადგილზე სინგაპურია, რომლის პასპორტით უვიზოდ გადაადგილება 176 ქვეყანაშია შესაძლებელი. სამეულში შედის საფრანგეთიც, რომლის პასპორტით უვიზოდ მოგზაურობა ქვეყნის მოქალაქეებს 175 ქვეყანაში შეუძლიათ. რეიტინგში საქართველოს დაწინაურება ევროკავშირთან ვიზა ლიბერალიზაციას უკავშირდება. რეიტინგში ბოლო პოზიციებზე ავღანეთი და ერაყია, რომლის პასპორტებით უვიზოდ გადადგილება მსოფლიოს მხოლოდ 24 და 27 ქვეყანაშია შესაძლებელი. მიმდინარე წლის რეიტინგში საკუთარი პოზცია ყველაზე მეტად საქართველომ გაიუმჯობესა. საქართველოს უკრაინა მოსდევს, რომელიც 14 საფეხურით დაწინაურდა. წინა წელთან შედარებით, პასპორტის ინდექსი მსოფლიო 143 ქვეყანას გაუუმჯობესდა. 16/01/2018
საქართველოში ერთ-ერთი უმსხვილესი საინვესტიციო ჯგუფი BGEO საქმიანობას განაგრძობს ახალი სახელით - "საქართველოს კაპიტალი" (Georgia Capital). მას შემდეგ, რაც 2018 წლის პირველ ნახევარში საბოლოოდ დასრულდება საინვესტიციო და საბანკო მიმართულების გამიჯვნა, ლონდონის საფონდო ბირჟაზე წარმოდგენილი იქნება ორი დამოუკიდებელი კომპანია: "Georgia Capital PLC" და "Bank of Georgia Group PLC".“საქართველოს კაპიტალის“ გენერალური დირექტორი ირაკლი გილაური იქნება. დირექტორთა საბჭოს წევრები იქნებიან ავთანდილ ნამიჩეიშვილი და ეკატერინა შავგულიძე. 16/01/2018
ჰიბრიდულმა, ელექტრო თუ ტრადიციულ საწვავზე მომუშავე მანქანებმა უნდა იარონ ამ ქალაქშიც, რომლიც მერიც ინფრასტრუქტურულ ცვლილებებს, საკმაოდ მასშტაბურსაც აანონსებს. ლაგუნა ვერეს მიმდებარედ გზა გაფართოვდება. თბილისის მერიას უკვე გამოცხადებული აქვს ტენდერი, რომლითაც ლაგუნა-ვერეს მიმდებარე გზის რეკონსტრუქცია-გაფართოების სამუშაოების საპროექტო დოკუმენტაციის შედგენა უნდა მოხდეს. შესყიდვის ღირებულება 54 ათასი 811 ლარია. წინადადებების მიღება 19 იანვარს დაიწყება და 22 იანვარს დასრულდება. თბილისის მერის კახი კალაძის ინფორმაციით, პროექტი მხოლოდ გზის გაფართოებას გულისხმობს და ესტაკადის მშენებლობას არ ითვლისწინებს. „ეს ინფრასტრუქტურული პროექტი 2018 წელს განხორციელდება და ის თავად ”ლაგუნა ვერეს” ტერიტორიას არ შეეხება", - განაცხადა კალაძემ. შეეხებით და თქვენი აჯობებს ჩემო კახი და დანარჩენო კეთილებო თბილისის მერიაში. 16/01/2018
იმპორტიორთა კავშირში ამბობენ, რომ ჰიბრიდული ავტომობილების სიმრავლემ საწვავის იმპორტი და მოხმარება შეამცირა. კლება წინა წელთან შედარებით 10,9%-ით განიზასღვრა. უმსხვილესი იმპორტიორი ქვეყნებს რუმინეთი ლიდერობს, საიდანაც 305,7 ათასი ტონა საწვავი შემოვიდა, მთელი იმპორტის 27,9%. შემდეგ მოდიან: რუსეთი - 223,6 ათასი ტონა (20,4%), აზერბაიჯანი - 197,6 ათასი ტონა (18,0%), ბულგარეთი - 154,7 ათასი ტონა (14,1%), თურქმენეთი - 149,0 ათასი ტონა (13,6%); საბერძნეთი - 51,7 ათასი ტონა (4,7%), უკრაინა - 5,2 ათასი ტონა (0,5%). 16/01/2018
ყველაზე მოთხოვნადი სამომხმარებლო პროდუქტი - პური გაძვირდა. მწარმოებლებს პროდუქციის თვითღირებულება გაეზარდა, რამაც პურზე ფასის 5-10 თეთრით ზრდა გამოიწვია. ფასის მატება დროში დაემთხვა ელექტროენერგიის ტარიფის 1,5 თეთრით გაძვირებას, თუმცა, როგორც მწარმოებლები BM.GE-თან აცხადებენ, ფასების ზრდის მიზეზი არა ენერგომატარებლებზე ფასის მატება,არამედ ნედლეულის გაძვირება გახდა. პურის ფასთწარმოქმნაში ყველაზე დიდი წილი, 60-65% სწორედ ნედლეულს უჭირავს. იქიდან გამომდინარე, რომ ნედლეული ძირითადად იმპორტირებულია, მწარმოებლებს უცხოურ ვალუტებთან ლარის გაუფასურების გამო ხარჯები გაეზარდა, სწორედ ეს გახდა მიზეზი, რის გამოც "ლიტვრუმა საცხობმა" პურზე ფასის 5-10 თეთრით გაძვირების გადაწყვეტილება მიიღო. "ლიტვური საცხობის" კომერციული მენეჯერი, ლიკა ავალიანი ამბობს, რომ ფასის მატება კომპანიაში დეკემბრის დასაწყისიდან მოხდა, რისი ძირითადი განმაპირობებელიც ლარის კურსის ცვლილება იყო. ხარჯები გაეზარდა ,,იფქლის’’ საწარმოსაც, თუმცა კომპანია ამ ეტაპზე პურზე უცვლელ ფასს ინარჩუნებს. კომპანიაში განმარტავენ, რომ პურის ფასთწარმოქმნაში ენერგომატარებლების წილი 20-25%-ია, თუმცა ამ ეტაპისთვის ზრდა იმდენად უმნიშვნელოა, რომ ამის გამო პური არ გაუძვირებიათ. 16/01/2018
IPM-მა ჩაატარა კვლევა და აღმოჩნდა, რომ ქართველებმა საახალწლო სუფრაზე, საშუალოდ, 200-დან 300 ლარამდე დახარჯეს.ეს შედარებით უახლოვდება რეალისტურ სიფრებს. ამავე კვლევით, ქართული საახალწლო სუფრის პირველი 5 კერძი ასე გამოიყურება: გოზინაყი (69%), საცივი (52,4%), ხაჭაპური (33%), გოჭის ხორცი (28,9%) და ქათმის ხორცი (25,5%). ამავე კვლევით 2018 წელს მოსახლეობის უმეტესობა (93,3%) ოპტიმისტური განწყობით ხვდება და ფიქრობს, რომ ახალი წელი მათი ოჯახისთვის წინა წელთან შედარებით უკეთესი წელი იქნება. 16/01/2018
ჩიკაგოში "ინოვაციებისა და განვითარების ფონდის" მიერ ორგანიზებული კონგრესი ჩატარდება. ბლოკჩეინ კონგრესი, ამერიკის შეერთებულ შტატებში 9 თებერვალს გაიმართება და მასში, ქართველ ექსპერტებთან ერთად, საერთაშორისო სპეციალისტებიც იქნებიან წარმოდგენილნი. მომხსენებლებს შორის არის "ინოვაციებისა და განვითარების ფონდის" წარმომადგენელი ამერიკაში და ღონისძიების ორგანიზატორი, გიორგი ჩიქოვანი. რომელიც პირდაპირ ეთერში გვიერთდება. ჩართვა ჩიკაგოდან- გიორგი ჩიქოვანი, ინოვაციების და განვითარების ფონდის აღმასრულებელი დირექტორი ჩრდილოეთ ამერიკაში 16/01/2018
დღეიდან ზედმეტად გადახდილი დამატებული ღირებულების გადასახადის გამარტივებულად დაბრუნების შესაძლებლობა კომპანიებს, რომლებიც ყველა ძირიტად მოთხოვნებს აკმაყოფილებენ 5 დღეში შეუძიათ. ამთ ვისაც რამდენიმე პუნქტის შესაბამისი ცვლილება დასჭირდება ამ შესაძლებლობას 14 დღიან ვადაში გამოიყენებენ. ბიზნესი ფინანსთა მინისტრის პარასკევის განხადებას დადებითი კომენტარებით შეხვდა თუმცა არსებობს კითხვებიც, მათ ნაწილზე პასუხის მიღებას ჩვენი სტუმრისგან შევეცდებით. სტუმარი: გიორგი თაბუაშვილი, შემოსავლების სამსახურის უფროსი 15/01/2018
საქართველოს დერეფანში ტვირთბრუნვა კვლავ მცირდება. 2017 წლის 11 თვეში სატრანსპორტო დარგებმა 900 ათასი ტონით ნაკლებია წინა წლის მაჩვენებელზე. საზღვაო ნავსადგურებმა და საზღვაო ტერმინალებმა საანგარიშო პერიოდში მილიონ 200 ათას ტონაზე ნაკლები გადაზიდეს ვიდრე 2016 ის იმავე პერიოდში. სტუმარი: პაატა ცაგარეიშვილი, "სატრანსპორტო დერეფნის კვლევის ცენტრის" დირექტორი 15/01/2018
საქართველოს პრეზიდენტმა გიორგი მარგველაშვილმა იუსტიციის უმაღლესი საბჭოს წევრის ვაკანტურ თანამდებობაზე ანა დოლიძე დანიშნა. ელენე ჩომახიძის სტუმარი იუსტიციის უმღლესი საბჭოს წევრი ანა დოლიძე. 15/01/2018
დღეს თუ საქართველო არის რუქაზე, ეს არ არის კონკრეტული თარიღის შედეგი, ყველა ფორმაციამ, ნუ ძალიან იშვიათი გამოანაკლისების გარდა შეძლო პროგრესის, ზოგჯერ გარდამტეხი პროგრესის შეტანა ქვეყნის განვითარებაში. აქ გამორჩეული ადგილი უჭირავს, დიახ უჭირავს და ეს არის მარტივი ისტორიილი და მიმდინარე ჭეშმარიტებას, რომლებმა პრეზიდენტ შევარდნაძეს სრულიად უნიკალური იმდროინდელი კავშირების და კომუნიკაბელურობის ხარჯზე, დასაბამის მისცეს საქართველოსთვის უმნიშვნელოვანეს რეგიონალურ პროექტებს, რომელსაც ქვეყანას მოუტანა რეგიონული დანიშნება, ფუნქცია და განვითარების პერსპექტივა. არავისთვის დასამალი არ არის,რომ გასული საუკუნის 90 იანი წლებიდან იღებს დასაბამს საქართველოს არა მხოლოდ გეოპოლიტიკური დანიშნულება, არამედ მრავალ საერთაშორისო პროექტში ჩართვა, რომელმაც ჩვენს ქვეყანაში მსოფლიო გეოპოლიტიკაში ფუნქციის იდენტიფიცერიბის გარდა, უსაფრთხოების მაღალი გარანტიები შეუქმნა. თუ შეიძლება საერთოდ უსაფრთხოების გარანტიებზე საუბარი, როცა ამ ყველაფერს პრეზიდენტ შევარდანაძეზე ტერაქტი მოჰყვა და რუსები ყველაფერს აკეთებდნენ 2008 ში რომ სწორედ ბაქო სუფსა ჯეიხანის პროექტებისთვის და სტრატეგიული მილსადენებისთვის შეექმნა საფრთხე. მათ ყველა ეტაპზე და მოლაპარაკებისას საშინლად აღიზიანებდათ საქართველოს ჩართულობა ბაქსო სუფსას, ჯეიხანის, შაჰდენიზის თუ სხვა გლობალურ ქსელში. მიზეზიც მარტივი იყო, ემოციური ლაპარაკის გარდა, სწორედ ეს ქმედებები ზრდიდა საქართველოს ენერგოდამოუკიდებლობას, რუსეთისთვის ისტერიკული შეთვლების თუ რკინიგზის სამტრედიაში გადაკეთვის მიღმა, სწორედ ეს პროექტები გვაშორებდა ჩრდილოელ მეზობელს, რომელსაც ყოველთვის უფროსი ძმის ძერჟავნიკული დამოკიდებულება ჰქონდა საქართველოს მიმართ. ამ პროექტების სული და გული იყო გიორგი ჭანტურია, ადამიანი რომელზეც დღეს უკვე წარსულში მიწევს საუბარი. ენერგიული, სხვარტი, იუმორით და ენერგიით სავსე პროფესიონალი მენეკერი,რომელმაც პირველ სახელმწიფო კომერციულ სტრუქტურას მისცა დასაბამის GIOS სახით და წარმატებით უძღვებოდა სხვა სახელმწიფო მოხელეებთან ერთად ამ სტრატეგიულ პროექტებს და მათ პრაქტიკულ განხირციელებას. მადლობა გია ჭიანტურიას
ევრო ბოლო სამი წლის მანძილზე ასე ძვირი დოლარის მიმართ არ ყოფილა. ევრომ ამ სარეკორდო ნიშნულს გასულ პარასკევს მიაღწია. ევროპული ვალუტა გააძვირა მოლოდინმა, რომ ევროპის ცენტრალური ბანკი თავისი მასიური მონეტარული სტიმულირების პროგრამას ეტაპობრივად შეამცირებს 2018 წლის განმავლობაში. მხოლოდ პარასკევს ევროს ზრდამ დოლარის მიმართ თითქმის პროცენტნახევარი შეადგინა და პარასკევს მისმა კურსმა დოლარსა და 22 ცენტს აუკაკუნა. ეს უმაღლესი წერტილია 2014 წლის დეკემბრის შემდეგ. ხუთშაბათს ევროპის ცენტრალური ბანკის ოფიციოზის შეხვედრა იყო. გამჟღავნდა, რომ ისინი წლის დასაწყისიდან ფიქრობენ მონეტარული პოლიტიკის ეტაპობრივ ცვლილებას. ინვესტორებმა ეს სიგნალი გაშიფრეს, როგორც მონეტარული პოლიტიკის შემოქმედთა მზაობა, შეამცირონ სტიმულირების პროგრამა, რომელიც ობლიგაციების შესყიდვის გზით ხორციელდება. ამავე შეხვედრაზე გამოვლინდა, რომ ევროპის ცენტრალური ბანკის ტოპ მენეჯმენტი ელის – ზუსტ ციტატას გთავაზობთ – “უწყვეტად ძლიერ და მზარდად მდგრად ეკონომიკურ ექსპანსიას”. ევროს დამატებითი ბიძგი მისცა გერმანიის კანცლერის, ანგელა მერკელის მიახლოებამ კოალიციური მთავრობის ფორმირებასთან, რაც ევროზონისთვის პოლიტიკური რისკის ელემენტს გააქრობდა. ევროს ახალმა, მძიმე წონამ დოლარი დაწნეხა. დოლარის ინდექსი, რომელიც ამერიკული ვალუტის ძალას ზომავს ექვსი ძირითადი ვალუტის შეწონილი ფასის მიმართ პროცენტზე მეტით დაეცა. ინდექსმა 90.62 შეადგინა, რაც უდაბლესი მაჩვენებელია 2015 წლის იანვრის შემდეგ. დოლარს ცუდი სამსახური გაუწია გირვანქა სტერლინგის გაძვირებამაც. გირვანქა სტერლინგის ფასიც თითქმის პროცენტნახევრით გაიზარდა პარასკევს დოლარის მიმართ და ერთი გირვანქა სტერლინგი დოლარსა და 27 ცენტზე ოდნავ ძვირი ღირს, რაც 2016 წლის ივნისის შემდეგ გირვანქა სტერლინგის უმაღლესი ფასია დოლარის მიმართ. გირვანქა სტერლინგის გაძვირებასაც საკუთარი მიზეზი აქვს. ახალმა ამბავმა, რომ ნიდერლანდები და ესპანეთი მზად არიან ბრიტანეთთან ისეთ გარიგებაში შევიდნენ, რომელიც მას ბრეგზიტამდელ მდგომარეობასთან მაქსიმალურად მიახლოებულ პირობებს გაუნაღდებდა, ბრიტანული ვალუტა გააძლიერა.
როგორ შეიცვალა 2017 წელს საქართველოს პოზიციები ეკონომიკური განვითარებისთვის ყველაზე მნიშვნელოვან ათ საერთაშორისო რეიტინგში. რამდენად ხელსაყრელ პირობებს ვთავაზობთ პოტენციურ ინვესტორებს და რამდენად ეფექტიანი იყო ერთი წლის განმავლობაში მთავრობის მუშაობა. დეტალებზე ჩვენი ჟურნალისტი მარიამ ადამია ისაუბრებს და ფორბსის სტატიაზე დაყრდნობით საქართველოს მაჩვენებლებს შეაჯამებს საერთაშორისო რეიტინგებში.
ქართული კონიაკის წარმოების განვითარება და ოქროს ხანა ცნობილ ქართველ მეცენატს და საზოგადო მოღვაწეს, დავით სარაჯიშვილს უკავშირდება. მან არა მარტო საქართველოში, არამედ რუსეთის მაშინდელ იმპერიაში პირველმა წამოიწყო კონიაკის მსხვილმასშტაბიანი წარმოება. სარაჯიშვილმა საწარმოები გახსნა არა მარტო საქართველოში, არამედ სომხეთში, დაღესტანსა და მოლდოვაში. ემილ ავდალიანი #ქართულიბიზნესისისტორიები 15/01/2018
საქართველოს დაცულ ტერიტორიებზე ვიზიტორთა რაოდენობამ 2017 წელს, წინა წლის ანალოგიურ პერიოდთან შედარებით 30%-ით მოიმატა და 954 397 შეადგინა. 2017 წელს 2016 წელთან შედარებით უცხოელი ვიზიტორების რაოდენობა 33%-ით გაიზრდა, ხოლო ქართველების 28%-ით. ვიზიტორთა 57% ქართველი, 43% კი უცხოელია. ყველაზე პოპულარული ტერიტორიების ჩამონათვალში რომ გითხრათ გასულ წელს რამე რადიკალური ცვლილება იყო მეთქი მართალი არ იქნება, თუმცა საინტერესო სტატისტიკა და შემოსავლები დაფიქსირდა 2017 ის შეჯამებისას, რომესაც სტუმარი გაგვაცნობს უფრო დეტალურად. სტუმარი: დავით მარკოზაშვილი, დაცული ტერიტორიების სააგენტოს თავმჯდომარე 15/01/2018
კომპანია RMG-იმ დაბა კაზრეთის მოსახლეობას ზამთრისთვის საშეშე მასალა დაურიგა.სოციალური მიმართულების მნიშვნელობიდან გამომდინარე RMG ამ კამპანიით მთლიანობაში 120 სოციალურად დაუცველ ოჯახს დაეხმარება.კამპანიის ფარგლებში ჩვენი გადამღები ჯგუფი დაბა კაზრეთს ესტუმრა დეტალები ვნახოთ ანუკა ჯოხაძის სიუჟეტში. 15/01/2018
Business Media Georgia-ს 5 თანამშრომელი სტაჟირებაზე ამერიკაში მიემგზავრება. TV პირველი საქართველოს მედია პარტნიორობის პროგრამის გამარჯვებული გახდა. შედეგად, ტელეკომპანიის წარმომადგენლები გაემგზავრებიან ამერიკაში და წინასწარ შერჩეულ ტელევიზიებში გაივლიან სტაჟირებას. სტაჟირების პროგრამები უშუალოდ ტელევიზიებზე და მათს პრობლემებზე იქნება მორგებული. პროექტის ფარგლებში განხორციელდება რამდენიმე ვიზიტი როგორც ამერიკიდან საქართველოში, ასევე პირიქით. საქართველოს მედია პარტნიორობის პროგრამის გამარჯვებულებს აცხადებს აშშ-ს საელჩო საქართველოში და საერთაშორისო კვლევისა და გაცვლების საბჭო (IREX). Business Media Georgia გამარჯვებულად ღია კონკურსის წესით შეირჩა და შედეგად ჯგუფის სამი წევრი თამუნა ქემერტელიძე, ანა ლაპიაშვილი და ეკა ბაშარული იანვარში სტაჟირებას ამერიკის შეერთებულ შტატებში გაივლის. ამასთან, Business Media Georgia-ს ორი თანამშრომელი ამერიკის შეერთებული შტატების საელჩოს „მედია განათლების პროგრამის“ გამარჯვებული გახდა. პროგრამა San Jose-ს სახელმწიფო უნივერსიტეტთან (SJSU) ერთად ხორციელდება. შედეგად, შერჩეული ჟურნალისტები ელენე კვანჭილაშვილი და ნინო კვინტრაძე ტრეინინგებს გაივლიან სილიკონ ველის მედია ორგანიზაციებში. ინტენსიური სასწავლო კურსი საშუალებას მისცემს ჟურნალისტებს აიმაღლონ კვალიფიკაცია და გაიღრმავონ პროფესიული ცოდნა. სილიკონ ველზე ქართველი ჟურნალის ტები გაეცნობიან უახლოეს ინტერნეტ აპლიკაციებს და საგამოძიებო ჟურნალისტურ რესურსებს, რაც მათ დაეხმარებათ ჟურნალისტური მასალის მომზადებასა და აუდიტორიის გაზომვაში. ტურის ფარგლებში ჟურნალისტები სილიკონ ველის დედაქალაქში ესტუმრებიან Google-ისა და Facebook-ის ოფისებს, სადაც მათ კვალიფიკაციის ამაღლებაში ამერიკელი კოლეგები დაეხმარებიან. 15/01/2018
11 იანვარს ტერასა ჯგუფმა გააფორმა ხელშეკრულება, რომელის მიხედვითაც კომპანია იწყებს ახალ მასშტაბურ პროექტს ლისზე. პროექტი ითვალისწინებს დაბალსართულიან განაშენიანებას რეკრეაციულ ზონას ბაღებს და სკვერებს. პროექტის მიზანია ჯანსაღი საცხოვრებელი გარემოს შენარჩუნება და განვითარება. Terrassa Group
ქართული კერძები, ქართული ღვინისა და მუსიკის თანხლებით - ამაში ერთი შეხვედვით გასაოცარი არაფერია, თუმცა თუ დავამატებთ იმას რომ რესტორანი „ალავერდი“ რიგაში მდებარეობს და ის ლატვიელებისთვის ერთ-ერთ საყვარელ ადგილს წარმოადგენს, თემას უკვე სხვა დატვირთვა ეძლევა.
მნიშნელოვან კითხვად რჩება, აგრარულ ბაზრამდე თუ მივაღწიეთ რის ყიდვას შევძლებთ და შესაბამისად დაახლოებით 6% იანი ინფლაციის მქონე ქვეყანაში რა შეიძლება მოხვდეს საახალწლო სუფრაზე. 29/12/2017
წლის მიწურულს ბიას ხელმძღვანელმა, და ალიანს ჯგუფი ჰოლდინგის დირექტორმა საინტერესო წამოწყებას ჩაუყარა საფუძველი და ძალიან ბევრი ბიზნესმენი ამ ეთერიდანაც აიყოლია. აიეტ კუაკავს გამოწვევების ერთ ერთ ტალღაში, კონკრეტულად ივა ჭყონიას მხრიდან გამოწვევაში ჩართული აღმოჩნდა ნოდარ ხადური. კონკურენციის სააგენტოს თავმჯდომარეს ვმასპინძლობთ საპასუხო გზავნილისთვის სტუდიაში და იქამდე წლის შეჯამების შესაძლებლობასაც გამვიყენებთ. სტუმარი: ნოდარ ხადური, კონკურენციის სააგენტოს თავმჯდომარე; სატელეფონო ჩართვა - აიეტ კუკავა, "ალიანს ჯგუფი ჰოლდინგის" დირექტორი 29/12/2017