თბილისი მოლში სახლის აქსესუარებისა და დიზაინის მაღაზია ზარა ჰოუმი გაიხსნა. მაღაზიაში მისულ მომხმარებელს ადგილზე შეეძლება სხვდასხვა სახეობის ისეთი პროდუქცის ნახვა როგორებიცაა თეთრეული, ჭურჭელი და განსხვავებული დიზაინის სახლის აქსესუარები. მაღაზიის გახსნის დეტალები ვნახოთ სიუჟეტში.
სოციალური პასუხიმგებლობის ფარგლებში სამშენებლო კომპანია "ნოვა" ბერი ანდრიას ფონდს ესტუმრა და ისინი სხვდასხვა სახის პროდუქციით მოამარაგა. ნოვას წარმოადგნელების თქმით, კომპანიისთვის მსგავსი აქტივობა უცხო არაა და მომავალში კიდევ იგეგმება ბერი ანდრიას ფონდთან თანამშრომლობა.
2017 წელს საქართველოდან ექსპორტმა 2 მილიარდ 728 მილიონი დოლარი შეადგინა. ეს მაჩვენებელი 2016 წლის მონაცემზე 29,1%-ით მეტია. 2017 წელს, სასაქონლო ჯგუფებიდან, საექსპორტო ათეულში პირველი ადგილი სპილენძის მადნებმა და კონცენტრატებმა დაიკავა და მთელი ექსპორტის 15.4 პროცენტი შეადგინა. ფეროშენადნობების ექსპორტი კი მთლიანი ექსპორტის 11.3 პროცენტს უდრიდა. მესამე ადგილზე მსუბუქი ავტომობილების ჯგუფი იმყოფებოდა და მთელი ექსპორტის 8.6 პროცენტი შეადგინა. ექსპორტი და მისი ზრდა არის ერთ-ერთი ყველაზე მნიშვნელოვანი საკითხი, რომელიც საქართველოს ეკონომიკური ზრდას განაპირობებს, რა თქმა უნდა, პირდაპირ უცხოურ ინვესტიციებთან და ტურიზმთან ერთად. წლიდან წლამდე საქართველოს მიერ ექსპორტირებული პროდუქცია იზრდება, თუ არ ჩავთვლით 2015-2016 წლებს. საექსპორტო პროდუქციის ტოპ ათეულიც ძირითადად ერთნაირად გამოიყურება. ბოლო პერიოდში ცვლილება ამ მიმართულებით თხილს შეეხო, რომელიც აზიური ფაროსანას გამო დღეს საექსპორტო ათეულში ბოლო ადგილს იკავებს, როდესაც მავნებლის გავრცელებამდე თხილი ნომერ მეორე საექსპორტო პროდუქტი იყო.
დიდი ბრიტანეთის ტელეარხმა Channel 5-მა გადაცემა The Wine Show (ღვინის შოუ) ქართული ღვინის წარმოებას და მეღვინეობის კულტურას მიუძღვნა.გადაცემის ჯგუფი საქართველოში გასული წლის მარტში ჩამოვიდა და კახეთის რეგიონს ეწვია. გადაცემის წამყვანი ჯო ფატორინი სიღნაღში, ღვინის კომპანია „ხოხბის ცრემლების“ მარანში იმყოფებოდა, მეღვინე ჯონ ვურდემანს შეხვდა და ღვინის დაყენების წესს გაეცნო. „ყველაზე მნიშვნელოვანი და შემეცნებითი მოგზაურობა, რაც კი „ღვინის შოუს“ ფარგლებში მქონია“, - ასე შეაფასა ტელეწამყვანმა საქართველოში ვიზიტი.გადაცემაში აღნიშნავენ, რომ საქართველოში ნატურალურ ღვინოს 8 ათასი წელია ამზადებენ, თუმცა 1921-1991 წლებში რუსეთისთვის იაფასიანი ღვინის წარმოება ხდებოდა. დამოუკიდებლობის აღდგენის შემდეგ კი საქართველომ ღვინოსთან დაბრუნება დაიწყო. გადაცემა ტელეარხის ეთერში გასულ პარასკევს გავიდა. The Wine Show ბრიტანული ტელეკომპანია ITV-ის პროექტია, რომელიც დიდი პოპულარულობით სარგებლობს გაერთიანებულ სამეფოში და მის საზღვრებს გარეთ კიდევ ამბავი მეღვინეობიდან არის, რომ საქართველოში პირველად ჩამოასხეს ღვინო, რომლის ბოთლზეც ინფორმაცია ბრაილის შრიფტით არის დატანილი. ბრაილის შრიფტიანი ეტიკეტით საფერავი ღვინის მაღაზიებში 1-ლი თებერვლიდან გაიყიდება. ღვინო კომპანია „ნავაზელმა“ ჩამოასხა, ბრაილის შრიფტით ეტიკეტის დამზადების ინიციატივა კი არასამთავრობო ორგანიზაცია „მომავლის სოფელს“ ეკუთვნის. „ნავაზელის“ დამფუძნებლის გურამ მეგრელიშვილის თქმით, საქართველო პოსტსაჭოთა ქვეყნებს შორის პირველია, სადაც ასეთი ღვინო გამოვიდა, მსოფლიოში კი ბრაილის შრიფტიანი ეტიკეტით ღვინის ჩამოსხმის რამდენიმე პრეცედენტი არსებობს. „მომხმარებელს, რომელსაც მხედველობა შეზღუდული აქვს, ბრაილის შრიფტის საშუალებით შესაძლებლობა ექნება თავად გაეცნოს ინფორმაციას ღვინის შესახებ - როგორ არის დაყენებული, რა ჯიშის ყურძენია და სად არის მოყვანილი, რომელ კერძთან უნდა მივირთვათ ის“, - ამბობს გურამ მეგრელიშვილი. კომპანია „ნავაზელმა“ საწყის ეტაპზე 880 ბოთლი ბრაილის შრიფტიანი ღვინო ჩამოასხა. ბოთლის ფასი დაახლოებით 19 ლარი იქნება.
Forbes Georgia-ს ახალ ნომერში - ოცდაათი 30-წლამდელი, უძრავი ქონების ოსტატები, YouTube-ის ვარსკვლავები, ახალი მილიარდერები, ინვესტიციები, მსოფლიოს ყველაზე ძლევამოსილი ადამიანები და კიდევ უამრავი სპეცპროექტი თუ ექსკლუზიური ინტერვიუ იყრის თავს თებერვლის თვის ფორბს ჯორჯიას ნომერში. რჩევები, სიახლეები და ქვეყნის ეკონომიკური გამოწვევები.
IPM კვლევების მედია მონიტორინგის დეპარტამენტის მონაცემებით, რომლისთვისაც 7 რადიოსადგურის მონიტორინგი 2017 წლის დასაწყისიდან ხორციელდებოდა სამი კვარტლის ჯამურად რადიოსადგურებში სულ 796 055 სარეკლამო რგოლი განთავსდა. რაოდენობრივად ყველაზე მეტი სარეკლამო რგოლი რადიო მაესტროზე – 166 896 გავიდა, მეორე ადგილზეა რადიო იმედი – 124 231 რგოლით. მესამე ადგილს რადიო არ დაიდარდო 121 141 იკავებს. რაც შეეხება კომერციულ რეკლამების რაოდენობას, მთლიანად სამ კვარტალში მონიტორინგში შემავალ რადიოსადგურებში გავიდა 590 162 კომერციული ტიპის რეკლამა, ამ ჭრილშიც სამი კვარტლის მონაცემებით ლიდერი რადიო მაესტროა და მისი წილი კომერციული რეკლამებიდან 18,26 % ია, ამ კრიტერიუმით მეორე პოზიციაზეა 17.27% თ რადიო არ დაიდარდო.
გიგანტური კომპანიები შენობას იცვლიან. რა მიზეზით ხდება ცვლილებები მსოფლიოს წამყვან კორპორაციებში და როგორია 21 საუკუნის სტანდარტები და თანამედროვე გამოწვევები. როგორ გარემოში უწევთ მუშაობა დღეს ტექნოლოგიურ თუ სახელმწიფო დაწესებულებებს და როგორია მათი სამომავლო გეგმები.
გემუანი ნიუ იორკში ჩავიდა. ხრაშუნა ხილი ბრუკლინის რაიონის ერთ ერთ სუპერმარკეტში იყიდება. ქართული ხილის: კივის, ვაშლის, ატმის, გარგარის, მანდარინის, ფორთოხალის, ლიმნის, ჟოლოს, მოცვის, მარწყვის, ნესვის, ქლიავის, ტყემალისა და არა მხოლოდ ამ ხილის ჩირმა ნიუ იორკში მოხვედრამდე როგორც კომპანია ,,გემუანის'' ხარისხის მართვის მენეჯერი ამბობს ვრცელი გზა გაიარა. ედუარდ ფარცვანიას თქმით, თავდაპირველად შტატებში ნიმუშები გაიგზავნა და მოწონების შემდეგ მისი რეალიზაცია დაიწყო. იყიდება როგორც შერეული, ასევე ერთი სახის ხილისგან დამზადებული ჩირი. დასავლეთ საქართველოში გაშენებული “გემუანის” პლანტაციებიდან ხილის ჩირი შტატებში ჯერ მხოლოდ ერთ სუპერმარკეტშია შეტანილი. ხარისხის მართვის მენეჯერი კი ამბობს, რომ დაგეგმილია მოლაპარაკებები სხვა ობიექტებთანაც. გემუანი 2011 წელს დაარესებული კომპანიაა, რომელიც 111 ჰექტარის მქონე საერთო ფართობის მიწის კავეთს ფლობს, სადაც გაშენებულია ჩაისა და თხილის პლანტაციები, კივის ბაღები და ხილისა და ბოსტნეულის გადამამუშავებელი საწარმო. კოსტავას ქუჩაზე სასტუმრო Hilton-ს კომპანია „გრანატი“ ააშენებს და პროქტში 45 მლნ-მდე ევროს ინვესტიცია განხორციელდება. „ჰილტონ თბილისის“ მთავარი კონტრაქტორი დეველოპერი კომპანია BBC იქნება, სამშენებლო პროცესს კი, მენეჯმენტს ბრიტანული კომპანია BHP გაუწევს. კონტრაქტი კორპორაცია "ჰილტონსა" და კომპანია "გრანატს" შორის გასულ წელს გაფორმდა. კოსტავას ქუჩაზე სასტუმროს განვითარების ვალდებულება კომპანიამ მთავრობასთან გაფორმებული ხელშეკრულებით, ჯერ კიდევ 2015 წელს აიღო. სასტუმროს პროექტი გრანატმა შპს „ჯორჯიან ფროპერთისგან“ გამოისყიდა. მთავრობის განკარგულებით, სამშენებლო სამუშაოები ხელშეკრულების გაფორმებიდან 13 თვეში უნდა დაწყებულიყო. შპს გრანატი 2014 წელსაა დაფუძნებული. საჯარო რეესტრის მონაცემების მიხედვით, კომპანიის დირექტორი შომუროდ ილიასოვია. კომპანიის წილის მფლობელები არიან: შომუროდ ილიასოვი, უზბეკეთი - 50% მერაბ ჩიხრაძე - 25% შეზღუდული პასუხისმგებლობის საზოგადოება ჯი ეს ეი ინვესტ - 25% შპს ჯი ეს ეი ინვესტის დირექტორი ირაკლი ზამბახიძეა, 100%-იანი წილის მფლობელი კი დიმიტრი აბდუშელიშვილი.
ყოფილმა შინაგან საქმეთა მინისტრმა კრიპტოვალუტაში ფული წარმატებულად დააბანდა. გიორგი მღებრიშვილის ახალი დეკლარაციით, რომელიც 29 იანვრით თარიღდება ირკვევა, რომ ის 12 ბიტკოინის მფლობელია, რომელიც გასულ წელს სულ რაღაც 10 440 დოლარად შეუძენია. 2018 წლის 1 თებერვლის კურსით, მის მფლობელობაში არსებული კრიპტოვალუტის ღირებულება 11-ჯერ არის გაზრდილი და 114 798 დოლარს აღემატება.
ქართლის ქარის ელექტროსადგურის ჩართვის დღიდან გამომუშავებული და მიწოდებული ელექტრო ენერგია შეადგენს 103 923 000 კილოვატ საათს. სტუმარი:მარიამ ჩახვაშვილი - Galt&Taggart;-ის ანალიტიკოსი
შინაგან საქმეთა სამინისტროს მომსახურების სააგენტოში რიგები არასაკმაირისი აღმოჩნდა იმისთვის, რომ ვადაგასული მართვის მოწმობები ყველას შეეცვალა. 2018 წლის პირველ იანვრამდე მიცემული ვადა შესაბამისად შეიცვალა და ისინი ვისი მართვის მოწმობაც უკვე დასახელებულ კატეგორიაში ხვდება ვადა პირველ აპრილამდე აქვთ. ვადაგასული მართვის მოწმობების განახლება ჯანმრთელობის ცნობის საფუძველზე ხდება. სტუმარი: იმედა მაკასარაშვილი - მომსახურების სააგენტოს სერვისების ცენტრალური ბიუროს უფროსი
საქართველოს ფინანსთა მინისტრი, მამუკა ბახტაძე სამუშაო ვიზიტით ამერიკის შეერთებულ შტატებში იმყოფება. სამინისტროს პრესსამსახურის ინფორმაციით, ვიზიტის ფარგლებში, დაგეგმილი იყო ფინანსთა მინისტრის ორმხრივი შეხვედრები საერთაშორისო სავალუტო ფონდში, მსოფლიო ბანკში, აშშ-ის ხაზინასა და სახელმწიფო დეპარტამენტში. მათ შორის, ფინანსთა მინისტრი შეხვდება მსოფლიო ბანკის ვიცე-პრეზიდენტებს, საერთაშორისო სავალუტო ფონდის მმართველი დირექტორის მოადგილეს, საერთაშორისო სავალუტო ფონდის აღმასრულებელ დირექტორს და სსფ-ის სხვადასხვა დეპარტამენტის ხელმძღვანელებს. დაგეგმილია შეხვედრა სახელმწიფო დეპარტამენტის მდივნის თანაშემწის მოადგილესთან, ბრიჯით ბრინკთან. სტუმარი: ნიკოლოზ გაგუა - ფინანსთა მინისტრის მოადგილე ჩართვა სკაიპით ვაშინგტონიდან
სტუმარი: ვახტანგ გოგოხია, "ოქროს საწმისის" დამფუძნებელი
პერიოდულად სემეკი დავების განხილვებისას, რომელიც კომპანიებისა და მომხმარებელების ურთიერთობის დარღვევებს ეხება კონკრეტული მიზეზებით გადაწყვეტილებას დავალიანეების ჩამოწერასთან დაკავშირებით ირებს. მიმდინარე წლის იანვარში გამართულ 9 საჯარო სხდომაზე 200 ზე მეტი საჩივარი იყო განხილული. სემეკის განმარტებით, მოქალაქეთა საჩივრები მოიცავდა ხანდაზმულ დავალიანებებს, კომპანიების მიერ უსაფუძვლოდ დარიცხულ თანხებს, მრიცხველის საფასურს, კომპანიის დადგენილებებს აბონენტთა ადმინისტრაციულ სამართალდამრღვევებად ცნობის თაობაზე. კომისიის გადაწყვეტილებებით ჩამოწერილი თანხების ოდენობამ 101 207 ლარი შეადგინა. სტუმრები:სალომე ვარდიაშვილი - ენერგოომბუდსმენი; მაია მელიქიძე - სემეკ-ის წევრი 02.02.2018
სახლი ერთ ევროდ, ასეთია იტალიის ერთ-ერთი სოფლის შეთავაზება, რომლის მთავარი უპირატესობა მთები და ადგილობრივი ტრადიციებია. რატომ იზიდავს მოსახლეობას ამ გზით ხელისუფლება და რამდენად ინტერესტებიან ტურისტები შეთავაზებით, დეტალები ვნახოთ მარიამ ადამიას სიუჟეტში.
propertygeorgia.ge-ის დამფუძნებელი და მმართველი დღეს ზურა ერისთავს, Rentals-ის დამფუძნებელსა და მმართველ პარტნიორს და მარიამ დემურიას, საქართველოს რეალტორთა ასოციაციის აღმასრულებელ მენეჯერს მასპინძლობს. სულ რამდენიმე დღის წინ "Holiday Inn Tbilisi"-ში საქართველოს რეალტორთა ასოციაციციის მიერ ორგანიზებულ საღამოზე უძრავი ქონების სფეროს წარმატებული კომპანიები, საერთაშორისო ორგანიზციების და მომიჯნავე პროფესიების წარმომადგენლების შეხვედრა გაიმართა. სტუმრები: ლიკა ქარდავა, propertygeorgia.ge-ის დამფუძნებელი და მმართველი; ზურა ერისთავი, Rentals-ის დამფუძნებელი და მმართველი პარტნიორი; მარიამ დემურია, საქართველოს რეალტორთა ასოციაციის აღმასრულებელი მენეჯერი
თურქი ფეხბურთელი ომერ ფარუქ ქიროღლუ მე-2 დივიზიონის კლუბ "ჰარაუნტასპორში" ჩაირიცხა. გარიგება ბიტკოინის მეშვეობით განხორციელდა. "საკარიასპორის" ყოფილი ფეხბურთელი ახალ გუნდს სწორედ ვირტუალური ფულის ანგარიშსწორების საშუალებით შეუერთდა. ამ სახით გარიგება საფეხბურთო სამყაროში პირველია, რაზეც "ჰარაუნტასპორის" პრეზიდენტმა თავადაც განაცხადა რომ ყველა ტელევიზიაში ჩვენზე საუბრობენ და ამით ვამაყობთ-ო. მიუხედავად ინოვაციური მეთოდისა, მისმა სატრანსფერო ღირებულებამ, დოლარებში მხოლოდ 500 დოლარი შეადგინა. სტუმრები: ზაზა აბაშიძე - "საქმიანი დილის" თანაწამყვანი; ბექა ბაციკაძე - "საქმიანი დილის" თანაწამყვანი; სანდრო ცნობილაძე, სპორტული ჟურნალისტი.
სახელმწიფო შესყიდვების სააგენტომ ევროკავშირთან საჯარო შესყიდვების სფეროში ეტაპობრივი დაახლოების პირველი ფაზა დაასრულა. წინ კიდევ 4 ეტაპია, რომელიც 2022 წელს უდნა დასრულდეს. ამ ეტაპისათვის 2017 წლის ბოლოს, პირველი ფაზის წარმატებით დასრულების შემდეგ გათვალისწინებულია, ევროკავშირის ქვეყნების საჯარო შესყიდვების ბაზრის ეტაპობრივი გახსნა. სტუმარი: კახა დემეტრაშვილი, სახელმწიფო შესყიდვების სააგენტოს თავმჯდომარის მოადგილე 01.02.2018
1985 წელს შექმნილმა ამ სიმღერამ მეტწილად განაპირობა ჩემი მუსიკალური გემოვნება. ჯერ კიდევ საბჭოთა საქართველოს ბავშვები შუაგულ ვერაზე ვახერხებდით ერთმანეთთან სამეზობლოში ამ და სხვა გენიალური კონცერტების მოსმენას, ვიდეოს ნახვას, ვცვლიდით ვიდეოკასეტებს, რომლის ზომის ახლა აიპადებიც აღარ არის. მე და ჩემს ძმას, ჩვენს სხვა მეზობლებს უფრო გაგვიმართლა, რადგან გვერდში თამაზ (თათუზა) ყურაშვილი გვყავდა თავისი არაჩვეულებრივი ოჯახით, სადაც აურაცხელი რაოდენობის და უმაღლესი ხარისხის მუსიკა და მისი შემსრულელები იყრიდნენ თავს (ცოცხალი ბილი ჯოელიც აქ ვნახე პირველად). დღეში რამდენჯერმე ვნახავდით ფილმს თუ როგორ იქმნებოდა We are the World, ვბაძავდით შემსრულებლებს, ვინაწილებდით და ვხოცავდით ერთმანეთს მონაწილე კუმირებისთვის. 44-ივეს (მგონი არ მეშლება) სახელები ზეპირად ვიცოდით, აღარაფერს ვამბობ თავად ტექსტზე, რომელსაც დიდი სიხარულით ნიკოლაძეს ეზოშიც ვასრულებდით (ბრიუს სპრინგსტინი განსაკუთრებულად არავის ეთმობოდა ....). ვიდრე Michael Jackson & Lionel Richie ყველა დროის ჰიტს შექმნიდნენ, არანაკლებ გენიალურ ჰარი ბელაფონტეს (Harry Belafonte) ჰქონდა გადაწყვეტილი აფრიკის დასახმარებლად კონცერტი ჩაეტარებინა შავკანიანი ვარსკვლავების მონაწილებით. კენ ქრეგერს (სატელევიზიო და ხმის ჩამწერი კომპანიის მეპატრონე) განსხვავებული აზრი ჰქონდა. მას Band Aid ამერიკული ვერიის შექმნა უფრო ხიბლავს და ეს თავის კლიენტს ლაიონელ რიჩის გაუზიარა. იდეამ სწრაფად დაიმსახურა მოწონება, ლაიონელ რიჩის მეუღლე ტელეფონით ურეკავს სტივი უანდერის მეუღლეს, რაც უზრუნველყოფს მის ჩართულობასაც პროექტში. სიმღერის შექმნას საკუთარ თავზე იღებენ მაიკლ ჯექსონი და რიჩი, ხოლო ქუინსი ჯონსი აცხადებს თანხმობას პროდიუსერობაზე. ეს ვიდეო ამ გენიალური კომპოზიციის გარკვეულწილად backstage-ც და იმავდროულად, მისი დასაბამის ან/და ისტორიის განუყოფელი ნაწილია. სიმღერის ჩაწერის თარიღიც American Music Awards ღამეა, ანუ ყველა ვარსკვლავი ადგილზეა. მთელი ღამის განმავლობაში ჩაწერის პროცესით გათანგული ვარსკვლავები პაუზას სწორედ ჰარი ბელაფონტეს ჰიტით "Banana Boat Song" ასრულებენ, რითაც გარკვეულწილად მადლობას უხდიან ამ ყველაფრის დასაბამისითვის.
საქართველოს ბიზნესასოციაციის წევრებმა პრემიერმინისტრს წარუდგინეს კვლევა, სადაც საქართველოში ბოლო პერიოდში განხორციელებული და განსახორციელებელი რეფორმებია შეფასებული. გუშინდელი შეხვედრის დაწყებამდე გიორგი კვირიკაშვილმა განაცხადა, რომ ის დღეს ბიზნესთან უფრო მეტად მოსასმენად იყო მისული, ვიდრე სასაუბროდ. პრემიერმა სიტყვა შეასრულა ბიზნესს მოუსმინა და ჟურნალისტებთან კომენტარი შეხვედრის დასრულების შემდეგ არ გაუკეთებია. მანამდე კი კერძო სექტორთან 2017 წლის მაკროეკონომიკური პარამეტრები შეაჯამა. მაკროეკონომიკური გარემო, სამართლებრივი ჩარჩო, საგადასახადო გარემო და შრომითი ბაზარი - ეს არის ის ოთხი კონომენტები, რომლის მიხედვითაც საქართელოს ბიზნეს ასოციაციამ 70-მდე წამყვანი და მსხვილი ბიზნეს კომპანიების მონაწილეობით კვლევა ჩაატარა. კვლევის მიზანი მათი დახმარებით საქართველოს ბიზნეს გარემოს დანახვა და მისი გაუმჯობესებაზე ზრუნვაა. სამწუხაროდ კვლევა მედიისთვის არ გასაჯაროებულა, მისი ნახვის საშუალება გუშინ მხოლოდ მთავრობის მეთაურს და მთავრობის წევრებს ჰქონდათ. საკმაოდ მწირი იყო ის ინფორმაციაც რაც მედიასთან კომპანიების წარმომადგებნლებმა გაასაჯაროეს. ვიცით მხოლოდ ის, რომ ჩამოთვლილი 4 კომპონენტიდან დადებითი შეფასება ბიზნესის მხრიდან საგადასახადო სისტემამ მიიღო, მთავარ პრობლემად კი დღესაც სამართლებრივი გარემო დასახელდა. მთავარ გამოწვევებს შორის ასევე რჩება ლარის კურსიც. სტუმარი: ნინა კობახიძე, სადაზღვევო კომპანია „Global Benefits Georgia“-ს გენერალური დირექტორი
საქართველოს ხელისუფლებამ, რომელიც ერთ-ერთ მთავარ მიღწევად საყოველთაო ჯანდაცვის სახელმწიფო პროგრამას მიიჩნევს, 2017 წელს პროგრამის მთავარი პრინციპი - საყოველთაობა - მიზნობრივი მიდგომით ჩაანცვლა. გადაწყვეტილება მიღებულია, მიზეზად სოციალურ სამართლიანობასთან ერთად ხარჯების ოპტიმიზაცია დასახელდა თუმცა დანახარჯის შეკავება მაინც ვერ მოხერხდა. წინასწარ გაწერილი ბიუჯეტი პროგრამას არც 2017-ში ეყო. 2013 წლამდე ჯანმრთელობის დაზღვევის სახელმწიფო პროგრამით ის ადამიანები სარგებლობდნენ, ვისაც ჯანდაცვაზე ყველაზე ნაკლებად მიუწვდებოდა ხელი. 2013 ში, როდესაც საყოველთაო ჯანდაცვა ამოქმედდა, ის კერძო დაზღვევის მქონე პირებზე არ ვრცელდებოდა. თუმცა, პროგრამის ბენეფიციარებმა კერძო კომპანიებისგან ჯანმრთელობის დაზღვევის ე.წ. „დაშენებული:“ პაკეტების შესყიდვა დაიწყეს, რაზეც ჯანდაცვის სმაინისტროს შეღუდვა არ დაუწესებია.
დღეს წიგნის საჯაროდ კითხვის დღეა. საქართველო მსოფლიოს ამ ტრადიციას მესამედ უერთდება და ამის ინიციატორი საქართველოს წიგნის გამომცემელთა და გამავრცელებელთა ასოციაციაა. მათი მიზანია ჩენი ქვეყანაც აქტიურად შეურთდეს ამ საერთაშორისო ინიციატივას და გახდეს მსოფლიოს ამ მასშტაბური ღონისძიების ნაწილი. სტუმარი: თინათინ ბერიაშვილი- წიგნის გამომცემელთა და გამავრცელებელთა ასოციაციის დირექტორი
დაავადებათა კონტროლის ეროვნული ცენტრის ინფორმაციით, 2017 წლიდან საქართველოში წითელას შემთხვევების ზრდა დაფიქსირდა. 2018 წელს 29 იანვრის მდგომარეობით, ქვეყანაში წითელას 102 შემთხვევა უკვე აღრიცხული, რეკორდებს ხსნის აჭარა 86 შემთხვევით. მათივე ინფორმაციით, შემთხვევათა 34% 20 წლის ზევით ასაკობრივი ჯგუფის წარმომადგენლებზე მოდის. ასევე მაღალია 1 წლამდე ასაკობრივი ჯგუფის წილი 19,5%-ით, რომელშიც ასევე ყველაზე მაღალია ავადობის მაჩვენებელი, 100 000 მოსახლეზე - 58.5, რაც თანდაყოლილი იმუნიტეტის დეფიციტზე მიუთითებს. წითელა სიცოცხლისათვის საშიში დაავადებაა. აუცრელი ბავშვები, განსაკუთრებით ჩვილები, წარმოადგენენ მაღალი რისკის ჯგუფს წითელათი დაავადების, მისი გართულებების და გარდაცვალების მხრივ. ასევე დაავადების განვითარების მაღალი რისკის ქვეშ იმყოფებიან არავაქცინირებული ორსული ქალები. დაავადებათა კონტროლის ეროვნული ცენტრი მოსახლეობას ვაქცინაციისკენ მოუწოდებენ.
სასტუმრო ბილთმორში საქართველოს ბიზნესასოციაციის ორგანიზებით ასოციაციის წევრი კომპანიების წარმომადგენლები პრემიერ მინისტრს ხვდებიან. შეხვედრას ეკონომიკური პორტფელის მინისტრები და თბილისის მერი კახი კალაძეც ესწრება.
ღვინო და აგროტურიზმი სტუმრები: ნინო ზამბახიძე - საქმიანი დილის თანაწამყვანი, საქართველოს ფერმერთა ასოციაციის თავმჯდომარე; ბექა ჯიმშელაძე - ფერმერი.
დედაქალაქის ხელისუფლება პარკირების სისტემასთან დაკავშირებული პრობლემის მთლიანად გადაწყვეტას აპირებს. თბილისის მერი ამბობს, რომ სატრანსპორტო პოლიტიკაზე მუშაობა დაწყებულია. კალაძის თქმით, საკითხი კომპლექსურია და ერთ კონტექსტში უნდა იყოს განხილული ტრანსპორტის მოწესრიგება, პარკირების მოწესრიგება, ტაქსების რეგულაციები, ესტაკადების მშენებლობა და ა.შ. სტუმარი: თორნიკე აბულაძე, საქართველოს მენაშენეთა ასოციაციის აღმასრულებელი დირექტორი
პირდაპირი ფრენები შტატების და ჩინეთის მიმართულებით. ახლად შეძენილი გამოცდილებით ეს შესაძლებლობა ნამდვილად ფუფუნებაა და კიდევ უფრო გლობალურ ჭრილში თბილისის, როგორც სატრანსპორტო კვანძის არსებობისთვის არაჩვეულებრივი შესაძლებლობა იქნებოდა. თქვენ წარმოიდგინეთ და სასურველი ფუფუნება, ხელშესახებ შესაძლებლობად რამდენიმე წელში შეიძლება იქცეს. ყოველ შემთხვევაში კომპანია My way-ს გეგმების მიხედვით კონკრეტული დრო უკვე დასახელებულია, რომლის შესახებაც საქმის კურსის მაყურებელმა უკვე შეიტყო. როგორ დაიგეგმება რეისები და რას უნდაველოდოთ უფრო დეტალურად საქმიანი დილის მაყურებელს კომპანიის წარმომადგენლები ჩაგვაყენებენ საქმის კურსში. სტუმრები: იგორ აფციაური - My way Airlines-ის კომერციული დირექტორი; ჟენგლიანგ ლიუ - My way Airlines-ის ვიცე-პრეზიდენტი.
თბილისის მერიის არქიტექტურის სამსახურმა დედაქალაქის განვითარების გენერალური გეგმის განახლებაზე კონკურსი 2015 წლის მაისში გამოაცხადა. კონკურსში იურიდიულ პირთა გაერთიანება „მომავლის ქალაქმა“ გაიმარჯვა. თბილისის გენერალურ გეგმაზე აღნიშნულ გაერთიანებაში შემავალმა ორგანიზაციამ „სითი ინსტიტუტი-საქართველომ“ იმუშავა. „მწვანე ქალაქი“, „კომპაქტური ქალაქი“, „კარგად შეკავშირებული ქალაქი“ – ეს თბილისის განვითარების გენერალური გეგმის ძირითადი მიმართულებებია. თბილისის განვითარების გენერალურ გეგმის პროექტი უკვე დასრულდა და თბილისის არქიტექტურის სამსახურს დასკვნითი ეტაპის მასალები წარედგინა. სტუმრები: ზაზა აბაშიძე - "საქმიანი დილის" თანაწამყვანი; ვერიკო სუხიაშვილი - FactCheck-ის ანალიტიკოსი; ალეკო ალისაშვილი - თბილისის საკრებულოს ყოფილი წევრი. 31.10.2018
GWP-იმ ვაზისუბნის მიკრორაიონების წყალმომარაგების სისტემა განაახლა. რეაბილიტაციის ფარგლებში, კომპანიამ ვაზისუბნის მიკრორაიონების მკვებავი წყალმომარაგების ქსელის 1 კმ სიგრძის მონაკვეთი სრულად შეცვალა. პარალელურად, აღნიშნულ ტერიტორიაზე წყალმომარაგების სისტემის სტაბილურობის მიზნით, ევროსტანდარტის ურდულები დაამონტაჟა.
Facebook ის პროგრამული უზრუნველყოფის ინჟინერი, რომელსაც ფეისბუქიდან ICPC-ის ოლიმპიადაში მონაწილეობის შემდეგ დაუკავშირდენენ. სტუმარი: ნიკა ნადირაძე - Facebook-ის პროგრამული უზრუნველყოფის ინჟინერი 31.01.2018
ილიას სახელმწიფო უნივერსიტეტმა სან დიეგოს სახელმწიფო უნივერსიტეტთან ერთად ახალი კორპუსის კარკასის დასრულების საზეიმო ცერემონია გამართა. ოთხსართულიანი, 4750 კვადრატული მეტრის ახალი საგანმანათლებლო შენობა ვაკის პარკთან, ჩოლოყაშვილის ქუჩაზე შენდება.შენობა უახლესი ტექნოლოგიებით იქნება აღჭურვილი. მასში განთავსდება საერთაშორისო სტანდარტების ელექტრული ინჟინერიისა და სამშენებლო ინჟინერიის ლაბორატორიები, საკლასო ოთახები და სამუშაო სივრცეები. სტუმრები: სან დიეგო გიგა ზედანია, ილიას სახელმწიფო უნივერსიტეტის რექტორი; კენ უოლში - SDSU საქართველოს დეკანი.
რა მოხდა გასულ კვირას ქართულ ეკონომიკაში და რა ფასად ივაჭრებიან ქართული კომპანიები ლონდონის ბირჟაზე. სტუმარი: გოგა მელიქიძე, Galt & Taggart-ის საბროკერო მიმართულების ხელმძღვანელი
სამედიცინო ტურიზმი ჩინეთში ტრადიციულ და თანამედროვე მედიცინას ერთნაიარად წარმატებულად იყენებს. პეკინის სამხედრო ჰოსპიტალში ვიზიტი და ჩინური ტრადიციული მედიცინის თავისებურებები - ნახეთ დათო ჯალაღონიას და გურამ ხუნდაძის სიუჟეტში.
ჩინეთში ჩვენს გადამღებ ჯგუფს სამხედრო ჰისპიტალთან ერთად, სამედიცინი ტურიზმის საკითხებში ექსპერტი პაატა რატიანი მასპინძლობდა. პეკინში ვიზიტის დროს საქართველოსა და ჩინურ სამედიცინო დაწესებულებს შორის გარკვეული შეთანხმებაც შედგა. ამის შესახებ უფრო ვრცლად ნახეთ პაატა რატიანთან ინტერვიუ.
მთავრობის 28 დეკემბრის დადგენილებით, მასობრივი თავშეყრის ობიექტების მფლობელების მიერ, მესამე პირის წინაშე სამოქალაქო პასუხისმგებლობის სავალდებულო დაზღვევის წესი და პირობები დამტკიცდა, რომელსაც ბიზნესის წარმომადგენლების ნაწილი უარყოფითად აფასებს, სადაზღვევო სექტორი კი, რეგულაციას მსოფლიოში აპრობირებულს უწოდებს. რეალურად რას გულისხმობს პასუხისმგებლობის სავალდებულო დაზღვევა და როგორია მისი შეფასებები, დეტალები ვნახოთ მარიამ ადამიას სიუჟეტში. სტუმრები : მაია სიდამონიძე - ლიას სახელმწიფო უნივერსიტეტის ბიზნესის სკოლის ტურიზმის ცენტრის ხელმძღვანელი; გიორგი გიგოლაშვილი - "საქართველოს სადაზღვევო ინსტიტუტის" მმართველი.
მომავალ სასწავლო წელს ყველა საჯარო სკოლას ექნება საშუალება კონტრაქტი გაუფორმოს მოსწავლის მშობელს. როგორც განათლებისა და მეცნიერების სამინისტროში ამბობენ, ხელშეკრულების დოკუმენტზე ამჟამად იურისტები მუშაობენ, მოკლე ხანში კონტრაქტის ფორმა სკოლებს დაეგზავნება, რის შემდეგაც მის განხილვაში მშობლები და სასკოლო საზოგადოება ჩაერთვება. სამინისტროში ამბობენ, რომ კონტრაქტი ბავშვის ინტერესებს ემსახურება და სკოლისა და ოჯახის მხრიდან თანაბარ ყურადღებას უზრუნველყოფს. ამჟამად ხელშეკრულებით გათვალისწინებული პირობებით მოსწავლის მშობლებთან ურთიერთობა 220 კერძო და 20 საჯარო სკოლაში რეგულირდება.
ბრიტანელი მომღერალი ელტონ ჯონი სცენის დატოვებამდე, გამოსამშვიდობებელ ტურნეში 400 მილიონ დოლარს გამოიმუშავებს. ინფორმაციას Forbes ავრცელებს. გამოცემის ცნობით, ტურნე, სახელწოდებით Farewell Yellow Brick Road, შესაძლოა, მოხვდეს ყველა დროის 10 ყველაზე შემოსავლიან ტურნეში. ამ დრომდე ყველაზე შემოსავლიან ტურებად მიიჩნევა: U2 — 360 Tour - $736 მლნ; Rolling Stones — A Bigger Bang $558 მლნ; Coldplay — A Head Full Of Dreams $523 მლნ; Guns N' Roses — Not In This Lifetime $475 მლნ; Roger Waters — The Wall Live $459 მლნ. ელტონ ჯონისთვის, რომელმაც 2017 წელს 60 მილიონი დოლარი გამოიმუშავა, დასკვნითი ტურის შემოსავლი საკმაოდ დიდი იქნება. გამოცემა ვარაუდობს, რომ უშუალოდ მომღერალს ყოველგვარი გადასახადების გადახდის შემდეგ 80 მილიონი დოლარი დარჩება. „მიუხედავად იმისა, რომ ეს შემოსავალი მომღერალს „შავი დღისთვის“ ნამდვილად ეყოფა, ელტონ ჯონი სრულად პენსიაზე გასვლას არ აპირებს: „ხელოვნებით სიცოცხლის ბოლომდე ვიქნები დაკავებული“,- განაცხადა მომღერალმა“,- წერს გამოცემა. ჩამოვა თუ არა სერ ელტონ ჯონი საქართველოში, გაახარებს თუ არა მსმენელს და როგორ იქნება, ამას იმედია კულტურის სამინისტრო აგვიხსნის უახლოეს მომავალში.
რუსეთში საწარმოების 80% სახელმწიფო საკუთრებაშია, რაც, რა თქმა უნდა, არ აღვივებს წარმოების დაწყების ინიციტივას,- ამის შესახებ მილიარდერი ბიზნესმენი,ქართული წარმოშობის დავით იაკობაშვილი რუსულ Forbes-თან აცხადებს. „ინიციატივა ყოველთვის ღვივდება შესაბამის ატმოსფეროში, 1990-2000-იან წლებში რუსეთში სულ უფრო მეტი საწარმო ჩნდებოდა, რომლებსაც სურდათ ღიად მუშაობა, უნდოდათ ყოფილიყვნენ გამჭვირვალეები და საერთაშორისო მნიშვნელობის მქონეები. ეს იყო აღდგენის პერიოდი. ახლა კი ქვეყანაში დაახლოებით 80% საწარმოებისა სახელმწიფო საკუთრებაშია, რაც არ აღვივებს წარმოების ინიციატივას. ჩვენი მეწარმებიის მზერა მიპყრობილია სხვა ქვეყნებისკენ. კარგი კადრები მიემგზავრებიან სამუშაოდ იქ, სადაც წახალისებულია ინოვაცია, ინტელექტუალური განვითარება და ღიაობა. თუმცა, ეს არც ისე დიდ ხანს გაგრძელდება. უნდა შეიცვალოს ერთი თაობა და შემდეგ აბსოლუტურად განსხვავებული სიტუაცია შეიქმნება. ახალგაზრდობა იპოვის თავის ადგილს ცხოვრებაში, მათ იციან, საით წავიდნენ. ახლანდელი ახალგაზრდობა, შეიძლება, არ არის საკმარისად განათლებული ლიტერატურაში, ფიზიკაში, ქიმიაში, მათემატიკაში, თუმცა, ისინი იმდენად სწრაფად იძიებენ და იღებენ ინფორმაციას ყოველდღიურად, რომ ეს იმოქმედებს მათს ინტერესებზე და უბიძგებს მათ საკუთარი ბიზნესის დაწყებისკენ“,- აცხადებს ბიზნესმენი. საუდის არაბეთის მეფის ძმიშვილი, პრინცი და მილიარდერი ალ-ვალიდ ბენ ტალალი პატიმრობიდან გათავისუფლდა. ამის შესახებ AFP იუწყება. სააგენტოს ინფორმაციით, ალ-ვალიდ ბენ ტალალმა, რომელიც საინვესტიციო კომპანია King Holding Company-ს ხელმძღვანელობს, პროკურატურასთან შეთანხმება გააფორმა. გავრცელებული ინფორმაციით, გათავისუფლების სანაცვლოდ პრინცმა 1 მილიარდ დოლარზე მეტი გადაიხადა.62 წლის ალ-ვალიდ ბენ ტალალი მსოფლიოს ერთ-ერთი ყველაზე მდიდარი ადამიანია. 2017 წლის ნოემბერში ის, კიდევ 350 ადამიანთან, მათ შორის პრინცებთან, მაღალჩინოსნებთან და ბიზნესმენებთან ერთად კორუფციის ბრალდებით დააკავეს.
ბუნკერების ბიზნესი - ამერიკული კომპანია „ვივოსი“ სამხრეთ დაკოტაში ოჯახებს მიწისქვეშ მოწყობილ თავშესაფარ ბინებს სთავაზობს. კომპანიის მშენებლები ახლა ბირთვული ომის საფრთხისგან, ან სხვა რაიმე კატაკლიზმური მოვლენისგან დამცავ ბუნკერებს არემონტებენ.
სარეკლამო ბაზარზე გამოჩნდა კომაპანია, რომელიც თქვენი ბიზნესის განვითარებასა და წარმატებას უზრუნველჰყოფს... ანუ, dosocial.ge სოციალური გვერდების მონიტორინგს, კომპანიის იმიჯის გაუმჯობესებას, საზოგადოებაზე ორიენტირებულობასა და მისი ერთგულების მოპოვებას გთავაზობთ.
უმუშევართა რაოდენობა მომდევნო თვეების განმავლობაში კიდევ გაიზრდება. სახელმწიფო სტრუქტურების რეორგანიზაციის შედეგად, სამსახურის გარეშე სავარაუდოდ რამდენიმე ათასი ადამიანი დარჩება. ყველაზე მასშტაბური შემცირება იგეგმება კულტურისა და სპორტის სამინისტროში. ასევე ცნობილია, რომ ხარჯების ოპტიმიზაციის მიზნით შემცირებები იქნება თვითმმართველ ორგანოებში. სტუმრები: ირაკლი პეტრიაშვილი - საქართველოს პროფესიული კავშირების გაერთიანების თვმჯდომარე; გიორგი პაპავა - ილიაუნის ბიზნეს სკოლის ასოცირებული პროფესორი.
ტოკიოში ჰაცუ ბაშოს ფინალური დღე იყო. ბაშოზე ბრწინვალედ გამოსულმა და იმპერატორის თასის ბოლოსწინა დღეს დამბევებელმა ლევან გორგაძემ იმპერატორის თასის მფლობელის რანგში გამართულ ბოლო შეხვედრაშიც არ უღალატა ტრადიციას და ერთიანად შემართულმა და ბრძოლის ჟინით შეპყრობილმა შეუპოვრად დამხვდური იაპონელი ენდოს წინააღმდეგობა დაძლია და იგი დოჰიოდან მოისროლა! ამის შემდეგ კი დაჯილდოების ცერემონიალი გაიმართა და ქართველ ტოჩინოშინს იმპერატორის თასი გადაეცა. შეგახსენებთ, რომ ტოკიოში ჰაცუ ბაშოს ტურნირზე ბრწყინვალედ იასპარეზა ქართველმა სუმოისტმა ლევან გორგაძემ. ბაშოს ბოლოსწინა შეხვედრაში ლევანთან, იაპონელი მაეგაშირა შოჰოზანის ყოველგვარი მცდელობა ფუჭი აღმოჩნდა. ლევან გორგაძე პირველი ქართველი,მესამე ევროპელია და მეთორმეტე არაიაპონელია, ვინც უპრესტიჟულესი იმპერატორის თასის მოპოვება შეძლო. იმედია,ბიზნესშიც ისე გავიახერბთ,როგორც სპორტის უმრავლესი სახეობით ამ ბოლო პერი ტოჩინოშინს ძალიან ბევრი თასი გადაეცემა და დაჯილდოება ხვალინდელი ბრძოლის შემდეგ იქნება. თუმცა თასი არ არის მარტო, რაც ქართველმა მოიპოვა. დავიწყოთ ფინანსური პრიზებით, ქართველი სუმოისტის ხელფასი მკვეთრად გაიზრდება. ეს დამოკიდებული იქნება იმ საიერარქიო ტიტულზე რაზეც დაწინაურდება. რაც შეეხება ერთჯერად პრიზს ეს 10 000 000 იენია, ქართულ ფულზე 230 000 ლარი. ასევე მას გადაეცემა ძვირადღირებული საათი და მანქანა, რომელსაც ერთი წლის ნორმა ბენზინი მოჰყვება. თუმცა სუმოისტებს წესების მიხედვით მანქანის ტარება ეკრძალებათ, შესაბამისად მის მანქანაზე მძღოლი დაჯდება, რომელიც აუცილებლად კლუბის წევრი უნდა იყოს. ქართველს არც ალკოჰოლური სასმელები მოაკლდება: 1 წლის ნორმა ბრინჯის ლუდსა და საკეს სპონსორი კომპანიები უზრუნველყოფენ. არაალკოჰულურებზეც არ ექნება საზრუნავი: 1 სული ძროხის წილი რძე და 1 წლის ნორმა კოკა-კოლასაც მიიღებს. ასევე 1 სატვირთო მანქანით რძის პროდუქტები და 1 სული ძროხის ხორციც ელოდება. რა თქმა უნდა 1 წლის მარაგი ბრინჯიც არ მოაკლდება, ასევე მიიღებს 1 ტონა ბოსტნეულსა და ხილს. 100 000 ქლიავის ჩირი, 1 ტონა სოკო და კიდევ უამრავი პრიზიც ტოჩინოშინს წინ ელოდება. იმედია,ვალში იმპერატორის თასის მფლობელთან არც სამშობლო დარჩება.
გასული კვირის ბოლო სავაჭრო დღეს დოლარი დაეცა ძირითადი სავალუტო კალათის მიმართ. ეს ვარდნა ერთი კვირის უდიდესი ვარდნა იყო ივნისის შემდეგ. ერთი კვირის განმავლობაში დოლარის ინდექსი, რაც ექვსი ძირითადი ვალუტის მიმართ შეწონილ ფასს აღრიცხავს 1.64% დაეცა. ახლა დოლარი სამი წლის ყველაზე დაბალ მაჩვენებელზეა და ამერიკული ვალუტის კიდევ უფრო გაიაფება მოიწვია ხაზინის მდივნის კეთილგანწყობილმა კომენტარმა იაფი ვალუტის მიმართ. ოთხშაბათს სტივენ მნუჩინმა დავოსში გამოსვლისას განაცხადა, რომ სუსტი დოლარი კარგია ვაჭრობისთვის“. დოლარი ოდნავ მომჯობინდა მომდევნო დღეს, ხუთშაბათს, როცა დონალდ ტრამპმა განაცხადა, რომ ამერიკული ვალუტა გაძლიერდება, რაც მნუჩინის სიტყვებს ეწინააღმდეგება. ამას ტრამპმა საკუთარი განმარტებაც დაურთო – ხაზინის მდივანის სიტყვები ინვესტორებმა კონტექსტიდან ამოგლიჯესო, რაც, რბილად რომ ვთქვათ, არალოგიკურად ჟღერს. თუმცა მნუჩინის სიტყვებს ამერიკის მთავრობისგან გაპრავება ნამდვილად სჭირდება. მის კომენტარი აღიქმება როგორც ამერიკის ტრადიციული სავალუტო პოლიტიკის ცვლილება. სუსტმა დოლარმა შეიძლება მართლაც წაახალისოს ექსპორტი, თუმცა აგრეთვე, ესაა რისკი, რომელიც მთელი რიგი ამერიკული აქტივების მიმართ ნდობას შეარყევს, ამერიკის სახაზინო ბაზრის ჩათვლით. ნებისმიერ შემთხვევაში, ტრამპის სიტყვები საკმარისი არ აღმოჩნდა დოლარისთვის ზრდის ტრენდის დასაბრუნებლად. ნაწილობრივ ეს იმის ბრალიცაა, რომ პარასკევს, როგორც მანამდე დაგიანონსეთ, ამერიკის მეოთხე კვარტლის ეკონომიკური ზრდის ანგარიში გამოვიდა. ანგარიში აჩვენებს, რომ მეოთხე კვარტლის მონაცემებსაც თუ გავითვალისწინებთ, 2017 წელს ამერიკის ეკონომიკა 2.6%ით გაიზარდა, რაც ნაკლებია, ვიდრე საპროგნოზო მაჩვენებელი – 3%, მანამდე, სამი თვით ადრე კი პროგნოზი 3.2% იყო. ზრდის მოსალოდნელზე გაცილებით დაბალმა მაჩვენებელმა დამატებითი წნეხით დაამძიმა დოლარი.
რუსთავის მერი, პოლიტიკური პარტია "ქართული ოცნება–დემოკრატიული საქართველოს" კანდიდატი – ირაკლი ტაბაღუა მოსახლეობამ 2017 წლის 21 ოქტომბერს გამართული ადგილობრივი თვითმმართველობის არჩევნების შედეგად, საკრებულოსთან ერთად აირჩია. ირაკლი ტაბაღუამ მომრჩეველთა ხმების 53, 05 % მიიღო და არჩევნების პირველივე ტურში გაიმარჯვა. მას მხარი რუსთავის 19 ათას 500-მდე ამომრჩეველმა დაუჭირა. თუმცა ვიდრე ახლადარჩეულ მერს პირდაპირ ეთერში ვუმასპინძლებთ, მანამდე მარიამ ადამია შეგვიჯამებს რუსთავის მერის ბიოგრაფიის მნიშვნელოვან დეტალებს და გზას მერის პოზიციამდე. ჩემს მიერ მოპოვებული ინფორმაციით, რუსთავის ახლადარჩეული მერი 1992-95 წლებში, უმაღლეს სასწავლებელში სწავლის პარალელურად, მუშაობდა ერთ-ერთ სამშენებლო ფირმაში ბროკერად, დამამთავრებელ კურსზე კი — რუსთავის საგადასახადო ინსპექციაში ინსპექტორად. მოგვიანებით, საქართველოს ფინანსთა სამინისტროს შემოსავლების სამსახურში გადაინაცვლა და გაიარა ყველა საფეხური რიგითი თანამშრომლიდან - დეპარტამენტის უფროსობამდე. 1995-96 წლებში იყო ქალაქ რუსთავის მერიის ეკონომიკური რეფორმების შტაბის აღმასრულებელი მდივანი. ხოლო 2012 წლიდან - ბოლო დრომდე ეკავა საქართველოს ფინანსთა სამინისტროს შემოსავლების სამსახურის საგადასახადო მონიტორინგის დეპარტამენტის უფროსის მოადგილის თანამდებობა. დღეს კი უკვე რუსთავის მერის თანამდებობას იკავებს და გეგებსა და გამოწვევებზე სასაუბროდ საქმიანი დილს სტუდიაში გვესტუმრა. სტუმარი: ირაკლი ტაბაღუა, რუსთავი მერი