საქართველოს მთავრობა თხილის სექტორს მომავალ წელსაც დაასუბსიდირებს. ფერმერები თხილის ხარისხიანი მოსავლის მისაღებად, ფინანსური მხარდაჭერის სახით ჯამში 20 მილიონ ლარს მიიღებენ. თხილის წარმოების ხელშეწყობის პროგრამა თხილის მოვლა-მოყვანისთვის საჭირო აგროქიმიკატებისა და პესტიციდების ღირებულების სუბსიდირებას ითვალისწინებს. ამ მიზნით, ფერმერები, რომელთაც საკუთრებაში ან/და ფაქტობრივ მფლობელობაში აქვთ თხილის ბაღი, არანაკლებ 0.2 ჰა და არაუმეტეს 3 ჰა სახელმწიფოსგან ჰექტარზე 500 ლარიან დახმარებას მიიღებენ. პროგრამაში ჩართულ პირებზე სუბსიდია გაიცემა ლიბერთი ბანკის აგრობარათზე შესაბამისი ქულების დარიცხვით, რომელთა განაღდებას საქართველოს მასშტაბით 500-ზე მეტ სპეციალიზებულ აგრომაღაზიაში შეძლებენ. სუბსიდირების პროგრამა გასული წლის ნოემბერში დაიწყო. მიმდინარე წელს ფერმერებმა დაახლოებით 21 მლნ ლარის დახმარება მიიღეს. რატომ დადგა სუბსიდირების პროგრამის გაგრძელების საჭიროება დღის წესრიგში და რამდენად მიზნობრივად იქნა გამოყენებული წელს პროგრამის ფარგლებში გამოყოფილი ფინანსური დახმარება. სტუმარი: მერაბ ჭითანავა - "თხილის მწარმოებელთა ასოციაციის" აღმასრულებელი საბჭოს თავმჯდომარე; #ახალიამბები #BusinessMediaGeorgia
მიმდინარე წლის გაზაფხულზე Lexus-მა ახალი მდიდრული მინივენი LM წარმოადგინა. მოდელის „სრულიად ახალი ვერსიის“ პრემიერა შანხაის ავტოსალონზე შედგა, სადაც მას გლობალური მანქანის სტატუსი მიენიჭა. ლექსუსის უახლესი მინივენი საქართველოში უკვე ხელმისაწვდომია და მომხმარებელს მისი შეძენა, ასევე ტესტ დრაივის გამოცდა, ლექსუს თბილისის შოურუმში შეუძლია. მიმდინარე თვის განმავლობაში, ლექსუს LM წინანდლის მამულშიც იყო წარმოდგენილი, სადაც რადისონ ქოლექშენის მიერ დაგეგმილი სხვადასხვა ღონისძიები პარტნიორი იყო და სასტუმროს სტუმრებს, შესაძლებლობა ჰქონდათ ლექსუსის მინივენის უპირატესობები თავად გამოეცადათ. სტუმარი: შალვა ციხელაშვილი - "ლექსუს თბილისის" დირექტორი; #ახალიამბები #BusinessMediaGeorgia
USAID-ის ძლიერი სოფლის პროგრამის ფარგლებში ფინანსებზე ხელმისაწვდომობის გაციფრულების ფორუმი გაიმართა. ღონისძიებამ ყველა ის დაინტერესებული მხარე გააერთიანა, რომლებიც მიკრო, მცირე და საშუალო ბიზნესების ფინანსებზე ხელმისაწვდომობის გასაუმჯობესებლად მუშაობენ, მათ შორის: ფინანსური ინსტიტუტები, ბიზნეს საკონსულტაციო კომპანიები, ფინტექ სტარტაპები და ა.შ. ორგანიზატორებმა ფორუმზე ის ფინანსური რესურსები და ინსტრუმენტები წარადგინეს, რომლებიც ქვეყანაში ბიზნესის დაფინანსებისათვის არსებობს და ასევე განიხილეს გამოწვევები, რომლებსაც ოკუპირებულ ტერიტორიებთან მდებარე თემების მეწარმეები ფინანსების მოსაპოვებლად აწყდებიან. სტუმარი: ვერიკო ხომერიკი - USAID-ის ძლიერი სოფლის პროგრამის ბიზნეს საკონსულტაციო სერვისების მენეჯერი; #ახალიამბები #BusinessMediaGeorgia
მარტიდან „პერსონალურ მონაცემთა დაცვის შესახებ“ კანონში შესული ცვლილებები ამოქმედდება, რომლის მიზანიც პერსონალურ მონაცემთა დაცვის სფეროში მონაცემთა სუბიექტის უფლებების გაზრდაა. იცვლება ტერმინოლოგია - იზრდება „პერსონალურ მონაცემთა დაცვის შესახებ“ კანონის დარღვევისთვის ჯარიმების ოდენობაც. კანონი ახლებურად განმარტავს ტერმინს „მონაცემთა სუბიექტის თანხმობა“, „აუდიომონიტორინგი,“ ფართოდ ყალიბდება „პირდაპირი მარკეტინგის“ განმარტება, ამასთან მნიშვნელოვანია ისეთი ახალი საკითხები, როგორიც არის „პროფაილინგი“. „ფსევდონიმიზაცია“ და ა.შ. გარდა ტერმინოლოგიური სიახლეებისა, ახალი კანონი პრინციპის დონეზე განსაზღვრავს მონაცემთა დამუშავების „გამჭვირვალობას“. აღნიშნულ პრინციპს უდიდესი მნიშვნელობა აქვს უფლების დაცვისა და რეალიზაციის თვალსაზრისით მონაცემთა სუბიექტისთვის. ფიზიკური პირისთვის ნათელი და გამჭვირვალე უნდა იყოს, რომ მუშავდება ან იგეგმება მისი მონაცემების დამუშავება. გამჭვირვალობის პრინციპი მოითხოვს, რომ მონაცემთა სუბიექტებისათვის ხელმისაწვდომი იყოს ინფორმაცია მათი პერსონალური მონაცემების დამუშავების შესახებ. ახალი კანონით გათვალისწინებული სიახლეებიდან ერთ-ერთი მნიშვნელოვანია საჯარო და რიგ კერძო დაწესებულებებში პერსონალურ მონაცემთა დაცვის ოფიცრის დანიშვნის ვალდებულება. - თუმცა ამ უკანასკნელთან დაკავშირებით რიგი საკითხები ბუნდოვანია. სტუმარი: ნინო ყველაიძე - "გრანთ თორთონ საქართველოს" იურიდიული დეპარტამენტის იურისტი; #ახალიამბები #BusinessMediaGeorgia
მდგრადი ფინანსები და ESG ფაქტორების გათვალისწინება მთავარ როლს თამაშობს მდგრად ეკონომიკაზე გადასვლის ხელშეწყობაში. ისეთი ინიციატივების მხარდაჭერა, რომლებიც მიმართულია რესურსების ეფექტურობის, ჯანსაღი ეკოსისტემების, გარემოზე ნაკლები ზემოქმედების, ნარჩენების წარმოქმნის შემცირება, უსაფრთხო სამუშაო გარემოს, გენდერული თანასწორობის და სხვა ხელშემწყობი სისტემების დანერგვისკენ, მნიშვნელოვნად უწყობს ხელს პასუხისმგებლიანი ბიზნეს და სამომხმარებლო ქცევის ჩამოყალიბებას და შესაბამისად ქვეყნის მდგრად განვითარებას. სტუმრები: ალექსანდრე ძნელაძე - საქართველოს საბანკო ასოციაციის პრეზიდენტი; ლევან გოგოლაძე - საქართველოს საბანკო ასოციაციის ESG მიმართულების კოორდინატორი. #ახალიამბები #BusinessMediaGeorgia
Microsoft-ის თანადამფუძნებელი და მილიარდერი ბილ გეითსი თვლის, რომ ხელოვნური ინტელექტის განვითარება საშუალებას მისცემს ადამიანებს გადავიდნენ სამდღიან სამუშაო კვირაზე. ამის შესახებ მან What Now პოდკასტში განაცხადა, რომლის შესახებაც Business Insider წერს. გეითსი არ არის ერთადერთი ტოპ ბიზნესმენი, რომელიც პროგნოზირებს მოკლე სამუშაო კვირას. პროგნოზს მსოფლიო მილიარდერები სულ უფრო ხშირად აკეთებენ. #ახალიამბები #BusinessMediaGeorgia
აზიის უამრავი ქვეყნისთვის წარმოება ეკონომიკის მთავარი საყრდენია. ჩინეთის წარმოების სექტორი ქვეყნის ეკონომიკის მესამედს განსაზღვრავს. მაგალითად ვიეტნამში წარმოების სექტორი ქვეყნის მთლიანი შიდა პროდუქტის თითქმის მეოთხედზეა პასუხისმგებელი. აზიის ქვეყნები არაერთ ინდუსტრიაში წამყვან როლს ასრულებენ, თუმცა კონკრეტული მიმართულებით ბაზრის უდიდეს წილს აკონტროლებენ. რომელ ინდუსტრიებში არიან ძლიერები აზიის ქვეყნები? #ახალიამბები #BusinessMediaGeorgia
საქართველოში სოფლის მეურნეობის პროდუქტის მოხმარება უმეტეს წილად იმპორტზეა დამოკიდებული, გამონაკლისი ხილია, თუმცა იმპორტის დიდი მოცულობები ამ შემთხვევაშიც ფიქსირდება. საინტერესოა, რა განაპირობებს ამ ფაქტს და ადგილობრივ ბაზართან ერთად რომელ საექსპორტო ბაზრებზე ხვდება ქართული სოფლის მეურნეობის პროდუქცია? #ახალიამბები #BusinessMediaGeorgia
ჩინეთმა მსოფლიოში ყველაზე დიდი კომბინირებული მზის ელექტროსადგური და მარილის ფერმა უკვე აამუშავა. თუმცა, ქვეყანა აქ გაჩერებას არ აპირებს და მსოფლიოში უდიდესი ოფშორული ფოტოელექტრული ელექტროსადგურის მშენებლობას იწყებს. ამ პროექტის დასრულების თარიღი არ გამოცხადებულა. ექსპლუატაციაში გაშვების შემდეგ სადგური წელიწადში 1,78 მილიარდ კილოვატ/საათამდე ელექტროენერგიის გამომუშავებას შეძლებს. #ახალიამბები #BusinessMediaGeorgia
ჩინეთის ტურიზმი კოვიდის შემდგომ ძალების აღდგენას აგრძელებს და ამ მიზნით, ქვეყნის მთავრობა რამდენიმე პროგრამას ახორციელებს. გასულ პარასკევს ცნობილი გახდა, რომ ჩინეთი ევროპის 5 ქვეყანას უვიზო მიმოსვლას უწესებს, რომლის ფარგლებშიც შერჩეული ქვეყნების მოქალაქეებს ჩინეთში უვიზოდ დარჩენა 15 დღის განმავლობაში შეეძლებათ. როგორც ქვეყნის მთავრობა განმარტავს, ინიციატივის მიზანი ტურიზმის, უფრო მეტად კი ინვესტიციების მოზიდვის მიზნით, ბიზნეს ტურიზმის წახალისებაა. რომელი ქვეყნის მოქალაქეებს შეეძლებათ ჩინეთში უვიზოდ შესვლა? #ახალიამბები #BusinessMediaGeorgia
#საქმიანიდილა - 29 ნოემბერი - პროლოგი #ახალიამბები #BusinessMediaGeorgia
თბილისის მუნიციპალიტეტის ტრანსპორტისა და ურბანული განვითარების სააგენტოში ფასიანი სერვისები დაწესდა, რომლის მიხედვით, ფიზიკურ და იურიდიულ პირებს, ურბანულ ნაწილში, დაჩქარებული სერვისებით სარგებლობის შესაძლებლობა ექნებათ. ფასიანი სერვისები ამოქმედდება როგორც საგზაო გეგმების შეთანხმებაზე, ისე განაშენიანების რეგულირების გეგმების განხილვას. ფასიანი სერვისებით სარგებლობა 2024 წლის პირველი იანვრიდან იქნება შესაძლებელი. რას შეცვლის თბილისის მერიის ტრანსპორტისა და ურბანული განვითარების სააგენტოში ახალი ფასიანი სერვისების ამოქმედება და რატომ მიიღო მუნიციპალიტეტმა ეს გადაწყვეტილება? სტუმარი: ოთარ ჩიტიძე - თბილისის მერის ტრანსპორტისა და ურბანული განვითარების სააგენტოს უფროსის მოადგილე #ახალიამბები #BusinessMediaGeorgia
მოსალოდნელზე ადრე დაწყებული უხვი ნალექის გამო, ზამთრის ტურიზმის სეზონი წელს სავარაუდოდ 10-15 დეკემბერს გაიხსნება. ამის შესახებ ინფორმაცია სექტორმა მთის ტრასების სააგენტოსგან მიიღო. როგორი მოლოდინები აქვთ ახალ სეზონთან დაკავშირებით ზამთრის სეზონზე მომუშავე კომპანიებს და არის თუ არა წელსაც მთავარი გამოწვევა ინფრასტრუქტურა? სტუმარი: მაია მურაჩაშვილი - ჰოტელიერი; #ახალიამბები #BusinessMediaGeorgia
ბიოპროდუქტებზე მოთხოვნა ყოველწლიურად იზრდება, ბიომეურნეობა "ბოსტანის" საქმიანობაში წლევანდელი სეზონი განსაკუთრებით აქტიურია. კომპანიაში ამბობენ, რომ მოთხოვნა მკვეთრად გაიზარდა, რაც ზოგადად ბიოწარმოების მიმართ გაზრდილი ინტერესით არის გამოწვეული. ახალი წლის პერიოდი ახლოვდება და საინტერესოა, როგორ პროგნოზს აკეთებენ სადღესასწაულო დღეებზე კომპანიები და ძირითადად რომელ პროდუქტებზეა მაღალი მოთხოვნა მომხმარებლების მხრიდან. სტუმარი: ბექა ბარჯაძე, "ბოსტანის" დამფუძნებელი #ახალიამბები #BusinessMediaGeorgia
შავი პარასკევის კვირეული დასრულდა და დროა ფასდაკლებული დღეების შეჯამება საქმიან ეთერში გავაკეთოთ. წელს შავი პარასკევი საქართველოში განსხვავებული კონცეფციით მიმდინარეობდა. გასული ერთი კვირა სავაჭრო ცენტრებში მომხმარებლების სიმრავლე იყო, რადგან ფასდაკლებები რითეილ სექტორის წარმომადგენლებმა ნოემბრის ბოლო პარასკევამდე ერთი კვირით ადრე დაიწყეს. როგორია შავი პარასკევის ეფექტი რიცხვებში და რამდენად მიუახლოვდა საქართველო სხვა ქვეყნების გამოცდილება? სტუმრები: რეზო მაღალაშვილი - ”რითეილ ჯგუფი საქართველოს” დირექტორი; მარიამ ხუციშვილი - “ინექს ჯგუფის” საზოგადოებასთან ურთიერთობის მენეჯერი. #ახალიამბები #BusinessMediaGeorgia
ავტოიმპორტიორები 2013 წლამდე გამოშვებული ავტომობილების იმპორტისთვის რამდენიმე თვით ვადის გახანგრძლივებას ითხოვენ. საქმე იმაშია, რომ 2024 წლის 1 იანვრიდან საქართველოში 2013 წლამდე გამოშვებული ავტომობილების იმპორტი იზღუდება. მთავრობა ამ გადაწყვეტილების მიზნად ჰაერის დაბინძურების პრობლემის გადაჭრას ასახელებს. ავტოიმპორტიორთა ასოციაციაში აცხადებენ, რომ ბოლო პერიოდში რიგ შემთხვევაში, ავტომობილების ტრანსპორტირების დრო 6 თვემდეა გაზრდილი. შესაბამისად, 2013 წლამდე გამოშვებული იმ მანქანების განბაჟება, რომელთა ტრანსპორტირება უკვე დაწყებულია, შესაძლოა 1 იანვრამდე ვერ მოესწროს. სტუმრები: ლევან ლუხავა - "ქარლოუდის" დამფუძნებელი; ნინო ჩანადირი - "ავტომობის" დირექტორი. #ახალიამბები #BusinessMediaGeorgia
პირველ დეკემბერს Radisson Red-ში USAID YES-Georgia ბენეფიციარი მეწარმეების სადღესასწაულო ბაზრობა იხსნება, რომელშიც 100 ზე მეტი ახალგაზრდა მეწარმე ნამუშევარს წარადგენს და წინასადღესასწაულო განწყობისათვის სტუმრებს არაჩვეულებრივ გარემოში ეპატიჟებიან. ახალგაზრდა ანტერპრენერების პროდუქტის შეძენით სტუმრები ერთი მხრივ მეწარმე ქალებს შეუწყობენ ხელს და ამავე დროს უნიკალური ნივთების არჩევის შესაძლებლობა ექნებათ. აღმაშენებლის გამზირზე დაგეგმილი გამოფენა ერთი მხრივ და თავისთავად საინტერესო ღონისძიებაა და ამავე დროს მნიშვნელოვანია იმ მხრივაც, რომ პირველ დეკემბერს ამ გამოფენით იხურება 2015 წელს დაწყებული პროექტი, რომლის ფარგლებშიც ამერიკის გადასახადების გადამხდელების ფულით და დახმარებით მილიონ 540 ათასი დოლარის საერთო მოცულობის ბიუჯეტით პროექტები განხორციელდა. სტუმრები: ჯოზეფ ლარსენი - USAID-საქართველოს კომუნიკაციების ოფისის ხელმძღვანელი; გულია აჯალოვა - სასწავლო ცენტრი "ლინგუას" დამფუძნებელი; ფატი კახნიაშვილი - ZILFI Handmade-ის დამფუძნებელი. საუბარს სინქრონულად თარგმნის NG Georgia #ახალიამბები #BusinessMediaGeorgia
ევროპის ინფლაციის მაჩვენებლებს ველით ამ კვირაში- რომელიც წინასწარი პროგნოზით წლიურად 3.1%-ის ფარგლებში იქნება, საბაზისო CPI კი 4.1%-ით განისაზღვრება. ამ კვირაშივე ცნობილი გახდება EU-ს უმუშევრობის დონე, რომელიც პროგნოზირებულია, რომ 6.6%-ის ფარგლებშია. ევროკავშირის წევრი სახელმწიფოების, გერმანიის, საფრანგეთის, იტალიის, ესპანეთის, ბელგიისა და უნგრეთისა ძირითადი ეკონომიკური ინდიკატორები, მათ შორის: ინფლაცია, უმუშევრობა, მშპ-ის ზრდა და სავაჭრო სტატისტიკაც ამ დღეებში უნდა გამოქვეყნდეს. აშშ-ის შემთხვევაში ვითარება შედარებით სტაბილური იქნება, თუმცა ცნობილი გახდება საწარმოო ინდექსის, ეროვნული გამომუშავების და უმუშევრობის დონის განმსაზღვრელი სტატისტიკა. გარდა ამისა, მომავალ კვირას საჯარო კომენტარებს გააკეთებენ ფედერალური რეზერვის მაღალჩინოსნები, რასაც ინვესტორები, ტრადიციულად, ყურადღებით დააკვირდებიან. სტუმარი: ნიკა მაზანაშვილი - Galt&Taggart;-ის საბროკერო დეპარტამენტის უფროსი ანალიტიკოსი; #ახალიამბები #BusinessMediaGeorgia
საქსტატის მონაცემებით, 2023 წლის მე-3 კვარტალში უმუშევრობის დონე 15.6%-მდე შემცირდა წინა კვარტალში დაფიქსირებული 16.7%-ის შემდეგ. ეს შემცირება ძირითადად მაღალი ეკონომიკური აქტივობით იხსნება, განსაკუთრებით სამუშაო ძალის მეტი ჩართულობით სეზონურ სტუმარ-მასპინძლობის სექტორში. სტუმარი: ლაშა ქავთარაძე - Galt&Taggart;-ის ეკონომისტი; #ახალიამბები #BusinessMediaGeorgia
BMG და Tegeta Holding-ი წარმოგიდგენთ: #BMGAuto-ს
კინო ინდუსტრია ის სფეროა, რაც საქართველოში ნელ-ნელა ძველებურ წარმატებასა და აქტუალურობას იბრუნებს. ამ ინდუსტრიის განვითარებით, შესაძლებელია უამრავი სამუშაო ადგილის შექმნა და ჩვენი ქვეყნის შესახებ ცნობიერების კიდევ უფრო ამაღლება მსოფლიოში. დღეს საქართველოში საკმაოდ ბევრი ახალი თაობის კინო-მწარმოებელი და პროფესიონალი მუშაობს, რომელიც ცდილობს რომ მასშტაბური და დამოუკიდებელი კინო აკეთონ. დღეს ჩვენი სტუმარი ახალგაზრდა კინო პროდიუსერი ანა დავითაიაა, რომელიც კომპანია "სტუდიო გამბიტს" წარმოადგენს და ამჟამად მცირე პროექტების გარდა, ორ სრულმეტრაჟიან ფილმსა და ერთ მინი-სერიალზე მუშაობს. სტუმარი: ანა დავითაია - კინოპროდიუსერი, "სტუდიო გამბიტი"; #ახალიამბები #BusinessMediaGeorgia
მსოფლიოში ყავის მოხმარება ზრდას აჩვენებს. პლანეტის მოსახლეობა ყოველდღიურად 2 მილიარდ 250 მილიონ ფინჯანს ყავას მიირთმევს. მსოფლიოში ყავის მარცვლის ყველაზე დიდი მწარმოებელი ბრაზილიაა, შესაბამისად, გლობალური ექსპორტის 18%-იან წილსაც სწორედ ეს ქვეყანა შეადგენს. ყავის მოხმარება მზარდია საქართველოში. ამას ადასტურებს გაზრდილი იმპორტის ღირებულება. როგორც სექტორის წარმომადგენლები ამბობენ, განსაკუთრებით მზარდი ინტერესი ფიქსირდება ხარისხიან ყავაზე, რომლის ძირითადი მომხმარებელიც სტუმართ-მასპინძლობის სექტორია. როგორია ყავის მოხმარების ტენდენციები მსოფლიოში და საქართველოში? #ახალიამბები #BusinessMediaGeorgia
საერთაშორისო ვაჭრობის ევოლუციით, გლობალიზაციის შედეგებით და ტექნოლოგიების პროგრესით, გლობალური ვაჭრობა ბოლო 20 წლის განმავლობაში დაახლოებით 300%-ით გაიზარდა. გასულ წელს კი, გლობალური იმპორტის ღირებულებამ 25.6 ტრილიონ დოლარს გადააჭარბა. რომელი ქვეყნები არიან დღეს მსოფლიოში ყველაზე მსხვილი იმპორტიორები და რა მოცულობის პროდუქტი შეიძინეს მათ გასულ წელს სხვა ქვეყნებისგან? ლიკა მეგუთნიშვილი - BMG-ის რეპორტიორი #ახალიამბები #BusinessMediaGeorgia
სუფრის ყურძენი ერთ-ერთი მნიშვნელოვანი საექსპორტო პროდუქტია. მსოფლიოს მასშტაბით საკმაოდ ბევრი ქვეყანა სუფრის ყურძენს აქტიურად აწარმოებს და მის რეალიზებას როგორც ადგილობრივ, ისე საექსპორტო ბაზრებზე ახდენს. საქართველო სუფრის ყურძნის წარმოებით საკმაოდ უკანა რიგებში დგას და მოხმარების კუთხით იმპორტზეა დამოკიდებული. თიკო ნატმელაძე - BMG-ის რეპორტიორი #ახალიამბები #BusinessMediaGeorgia
საქართველოს განათლებისა და მეცნიერების სამინისტრომ „ზოგადსაგანმანათლებლო დაწესებულებებში კვების ობიექტის ფუნქციონირებისთვის დადგენილი მინიმალური მოთხოვნები“ დაამტკიცა, რომელიც ძალაში 24 ნოემბრიდან შევიდა. უწყების ცნობით, სურსათის უვნებლობის სამსახურის გარდა, სკოლის კვების ობიექტს მონიტორინგს სკოლის მონიტორინგის ჯგუფი გაუწევს, რომელიც დაკომპლექტებული იქნება მოსწავლეებით, მშობლებით, მასწავლებლებით, სკოლის ექიმი/ექთნითა და სკოლის ადმინისტრაციის წარმომადგენლებით. ინიციატივის ავტორები აცხადებენ, რომ სასკოლო კვების მიმართულებით ეს მხოლოდ პირველი ნაბიჯია და სამუშაო პროცესი გაგრძელდება. #ახალიამბები #BusinessMediaGeorgia
რას ნიშნავს ჰეჯ-ფონდი, რატომ და როდის დაფუძნდა ეს ინსტიტუცია მსოფლიოს ფინანსურ ბაზარზე და როგორ აიტაცეს ის ფინანსური სამყაროს წამყვანმა მოთამაშეებმა? #ახალიამბები #BusinessMediaGeorgia
"არქი" საქართველოს საზღვრებს გასცდა და ამერიკაში ახალი პროექტის მშენებლობას იწყებს. ეს იქნება მულტიფუნქციური საცხოვრებელი კომპლექსი ფლორიდის შტატში, პომპანოს სანაპიროზე. #ახალიამბები #BusinessMediaGeorgia
#საქმიანიდილა - 28 ნოემბერი - პროლოგი #ახალიამბები #BusinessMediaGeorgia
FIE-მ კაცებს შორის საუკეთესო მოფარიკავედ სანდრო ბაზაძე დაასახელა; ლაშა ბექაურმა PSG-ის ძიუდოს კლუბთან კონტრაქტი გააფორმა; #ახალიამბები #BusinessMediaGeorgia
წელს „შავი პარასკევი“ საქართველოში განსხვავებული კონცეფციით წარიმართა. ერთი დღის ნაცვლად სავაჭრო ცენტრებმა და რითეილერებმა ფასდაკლებები გასული მთელი კვირის განმავლობაში მოქმედებდა და მათი მტკიცებით, ის არაფრით ჩამოუვარდება იმ შეთავაზებებს, რაც იგივე ბრენდებზე ევროპაში ფიქსირდებოდა. წლევანდელ წელთან მიმართებით მოლოდინები გაცილებით ოპტიმისტური აქვს სექტორს. კომპანია ICR-ის დამფუძნებელი კახა ხაზარაძე bmg-სთან ამბობდა, რომ გასული წლის ნავაჭრის მოცულობას წლევანდელმა მაჩვენებლები უკვე აჭარბებს, წინ კი ყველაზე დატვირთული დეკემბერია. წელს მთავარი გამოწვევა სეზონური საქონლის ამოყიდვაა, რომლის მარაგები ზამთრის სეზონის გვიან დადგომის გამო არსებობდა. როგორ იმუშავა ფასდაკლებებმა ამ თემაზე მონაცემებს სექტორის წარმომადგენლებთან ერთად მიმდინარე კვირაში დავითვლით, დღეს კი ონლაინ გაყიდვების შედეგებზე უნდა ვისაუბროთ. სხვათაშორის პარასკევს, 24 ნოემბერს Amazon-ის თანამშრომლებმა ევროპის მასშტაბით საპროტესტო ტალღა წამოიწყეს, რისი მიზეზიც ელექტრონული კომერციის გიგანტის მიერ “შავ პარასკევს”, რითეილერებისთვის ყველაზე დატვირთულ დღეს, დანერგილი სამუშაო პრაქტიკა გახდა. “Make Amazon Pay” კამპანიის ფარგლებში გაფიცვებმა და პროტესტმა 30 ქვეყანაზე მეტი მოიცვა. გერმანიაში, რომელიც Amazon-ისთვის გაყიდვების მოცულობით რიგით მეორე უმთავრესი ბაზარია, კომპანიაში საშუალოდ 2 000-მდე თანამშრომელი გაიფიცა. რეინბერგის საწყობში კი გაფიცულ თანამშრომელთა რაოდენობა 500-ს აღწევს, რაც სრული სამუშაო ძალის 40%-ია. Amazon-ის წარმომადგენელი კი აცხადებს, რომ პროტესტს თანამშრომელთა მცირე რაოდენობა უერთდება და კომპანია დასაქმებულებს ღირსეულ ხელფასს უხდის. მისი განმარტებით, საწყისი ხელფასი საათში 14 ევროსაც კი აღემატება. საპროტესტო აქციები გაიმართა ინგლისშიც, სადაც Amazon-ის თანამშრომლები ანაზღაურების მომატებასა და უკეთეს სამუშაო პირობებს ითხოვენ. კომპანიაში აცხადებენ, რომ საპროტესტო ტალღა შეძენილი ნივთების მიწოდებას არ შეაყოვნებს და საოპერაციო ნაწილი კვლავ გამართულია. რა ხდებოდა საქართველოში? სტუმარი: თამუნა გოგოლაშვილი - ელექტრონული კომერციის ასოციაციის პრეზიდენტი; #ახალიამბები #BusinessMediaGeorgia
სასურსათო საცალო სექტორის და პირველადი მოხმარების საქონლის ბაზრის მიმოხილვაზე კვლევა PMC კვლევითმა ცენტრმა მოამზადა, რომლის პრეზენტაცია 8 დეკემბერს გაიმართება და მას როგორც სახელმწიფო უწყებების, ისე კერძო სექტორის წარმომადგენლები დაესწრებიან. კვლევის ფარგლებში, სექტორში არსებული მიმდინარე მდგომარეობა და მოლოდინები გაანალიზდა. მიზანი კი საზოგადოებაში სექტორის სპეციფიკის და მისი ეკონომიკური მნიშვნელობის გააზრებაა. სტუმრები: ნიკა კაპანაძე - PMC კვლევითი ცენტრის კერძო სექტორის ანალიტიკის ხელმძღვანელი; სოფიო ქაშაკაშვილი - "რითეილ ასოციაციის" გამგეობის თავმჯდომარე; #ახალიამბები #BusinessMediaGeorgia
#ავიაციისსიახლეები: მზად ვართ, ყველანაირად შევუწყოთ ხელი ადგილობრივ ავიაგადამზიდავებს - თეა ზაქარაძე; როგორია EU-ში ავიაბილეთების გაძვირების ტენდენცია? Ryanair-მა ავიაბილეთების ფასი გაზარდა; airBaltic-ი Airbus-ისგან 30 თვითმფრინავის შეძენას აპირებს; დანია ფრენებზე “მწვანე გადასახადის” შემოღებას გეგმავს; ტაილანდში მცენარეული ზეთისგან საავიაციო საწვავის წარმოება დაიწყება - Bangkok Post; კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით #ავიაცია #BMG #საქმიანიდილა #ახალიამბები #BusinessMediaGeorgia
"აგროსფეროში", შავი პარასკევი, მწვანე პარასკევმა ჩაანაცვლა და მომხმარებლებს განსაკუთრებული შეთავაზებები გაუკეთა. 24 ნოემბრიდან „აგროსფეროს“ მაღაზიათა ქსელში მწვანე პარასკევი დაიწყო, რომლის ფარგლებშიც ფერმერები ინოვაციური სასოფლო-სამეურნეო პროდუქციის შეძენას უპრეცედენტო ფასდაკლებით შეძლებენ. აქცია თვის ბოლომდე, 30 ნოემბრის ჩათვლით გაგრძელდება. როგორია მწვანე პარასკევი „აგროსფეროში“ და რა შეთავაზებებით ხვდება მომხმარებელს კომპანია, რომელიც წლებია გრადა პროდუქტების შეთავაზებისა, აგრო საგანმანათლებლო მიმართულებაზე აქტიურად მუშაობს. სტუმარი: ვიქტორ ლობჟანიძე - "აგროსფეროს" მარკეტინგის მენეჯერი #ახალიამბები #BusinessMediaGeorgia
შავი პარასკევის კვირეული დასრულდა, შედეგებსაც მალე დავითვლით, როგორი იყო მსოფლიოში ტრენდული კომპანიებისთვის ამ წლის ფასდაკლებების დღე და ზოგან კვირაც შეჯამდება, თუმცა ის რაც ბოლო დღეები ყველასთვის აქტიურად განსახილველი იყო სინამდვილეში საიდან იღებს სათავეს ცალკე ამბავია. აღმოჩნდა, რომ მისი შექმნის მრავალი ვერსია არსებობს, თუმცა მთავარი ტრადიცია მაინც ისაა, რომ შავი პარასკევი მადლიერების დღის მეორე დღეს აღინიშნება. #ახალიამბები #BusinessMediaGeorgia
26 ნოემბერს „ზეთისხილის მსოფლიო დღე“ აღინიშნება, საქართველოში ამ დღის აღნიშვნის დამკვიდრება და ამ კულტურის განვითარება ერთ კონკრეტულ კომპანიას და მის დამფუძნებელს, რომელიც ამავე დროს ზეთისხილის საერთაშორისო საბჭოს ორგზის პრეზიდენტია. ზეთისხილის საერთაშორისო საბჭოს საქართველო 2019 წლიდან შეუერთდა, რომელიც თავის მხრივ ზეთისხილის მწარმოებელ 46 ქვეყანას აერთიანებს, რაც მსოფლიოს ბაზრის 94%-ია. საბჭოს 61-ე სხდომა და 118-ე პლენალური სესია ზეთისხილის მსოფლიო დღის აღნიშვნას უსწრებდა წინ და 22-23 ნოემბერს მადრიდში გაიმართა. ღონისძიებას ზეთისხილის მწარმოებელი ქვეყნების ოფიციალური დელეგაციები და წარმომადგენლები კერძო სექტორიდან ესწრებოდნენ. ცხადია საქართველო საბჭოში დღევანდელმა ჩვენმა სტუმარმა წარადგინა, რომელმაც სიტყვით გამოსვლისას საბჭოს წევრებს საქართველოში და მის ფარგლებს გარეთ განხორციელებული ზეთისხილის წარმატებული პროექტები და დარგის განვითარების არსებული და სამომავლო გეგმები გააცნო. სტუმარი: გიორგი სვანიძე - „ქართული ზეთისხილის“ დამფუძნებელი; #ახალიამბები #BusinessMediaGeorgia
კვლევა შრომით მიგრანტ ქალებზე “საქართველო ემიგრაციის ქვეყნად მიიჩნევა” - PMCG-ის კვლევა; ემიგრაციული ნაკადის დინამიკა წლების მიხედვით; #ახალიამბები #BusinessMediaGeorgia
ევროპაში ტურიზმის აღდგენა ჩქარი ტემპით მიმდინარეობს. 2023 წლის მონაცემებით, ქვეყნები პანდემიამდელ დონეს დაუბრუნდნენ და რიგ შემთხვევაში შედეგები გააუმჯობესეს კიდეც. ევრონიუს თრაველის ინფორმაციით, განსაკუთრებული ზრდა ჰქონდა თურქეთის ტურიზმს. ამას სხვადასხვა მიზეზი განაპირობებს, მათ შორის, ლირის გაუფასურება, რის გამოც თურქეთი მოგზაურებისთვის ხელმისაწვდომი მიმართულებაა. კიდევ რა მიზეზებით აიხსნება თურქეთში ტურისტული ბუმი? #ახალიამბები #BusinessMediaGeorgia
იმ ქვეყნებს შორის, სადაც ევროკავშირის მოქალაქეებს უვიზოდ მოგზაურობა და ყველაზე დიდხანს განთავსება შეუძლიათ, საქართველო პირველ ადგილზე აღმოჩნდა. აქ მოგზაურებს ერთი წლის განმავლობაში უპრობლემოდ დარჩენა და მოგზაურობა შეუძლიათ. საქართველოსთან ერთად სიაში სხვა ქვეყნებიც მოხვდნენ, - ამის შესახებ ინფორმაცია ევრონიუსმა გამოაქვეყნა. #ახალიამბები #BusinessMediaGeorgia
#საქმიანიდილა - 27 ნოემბერი - პროლოგი #ახალიამბები #BusinessMediaGeorgia
გერმანულმა მედიაპლატფორმა Payment & Banking - PBA Experts-მა, საერთაშორისო ფინტეკ-კომპანიის, Raisin-ის ქართველი დამფუძნებელი და დირექტორი, თამაზ გიორგაძე, წლის ფინტექ-ანტრეპრენიორად დაასახელა. დაჯილდოება ბერლინში გამართული Fintech Triple Festival-ის ფარგლებში შედგა, რომელიც წელს მეათედ ჩატარდა. როგორც მედიაპლატფორმის მიერ გავრცელებულ განცხადებაში ვკითხულობთ, წლის ანტრეპრენიორის ჯილდო თამაზ გიორგაძეს ინოვაციური ლიდერული მეთოდებისთვის ერგო, რომელიც მან ფინტექ-ინდუსტრიაში დანერგა. თამაზ გიორგაძის წარმატება, ცხადია, პირდაპირ უკავშირდება გერმანიაში მის მიერ ჯერ კიდევ 2012 წელს დაფუძნებულ ფინანსურ-ტექნოლოგიურ პლატფორმა Raisin-ს, რომელიც დეპოზიტარებს მათთვის სასურველი ბანკების პოვნას უმარტივებს. #ახალიამბები #BusinessMediaGeorgia
35-მდე ქართული საექსპორტო პროდუქტი, Globalize -ის გუნდმა რამდენიმე დღით სან ფრანცისკოში, საგამოფენოდ ჩაიტანა. სხვადასხვა დასახელების პროდუქცია საქართველოს გენერალურ საკონსულოში გამოიფინა, სადაც ადგილობრივ ექსპორტიორებს და დისტრიბუტორებს, დაგემოვნების, ინფორმაციის მიღების და პირდაპირი კომუნიკაციის საშუალება ჰქონდათ. რა შესაძლებლობებია სან ფრანცისკოში საქართველოსთვის და როგორია მოთხოვნა ქართულ პროდუქტებზე? #ახალიამბები #BusinessMediaGeorgia
ევროპულმა ბიზნესასოციაციამ ძალიან საინტერესო კვლევა ჩაატარა, რომელიც ერთად უყრის თავს ევროპული ბიზნესის განწყობებს, ოპტიმიზმს და ასევე იმ ფაქტორებს, რომლებიც მნიშვნელოვანია ბიზნესგარემოს გამართული ფუნქციონირებისთვის. ძირითად მიმართულებებად გამოიკვეთა ტექნოლოგიები და ცოდნა, როგორც დადებითი ფაქტორები, რომლებიც ბიზნესის შეფასებით, მნიშვნელოვნად გაუმჯობესდა და დადებითი წვლილი შეაქვს ბიზნესგარემოს ფორმირებაში; უარყოფით ფაქტორებად კი დასახელდა შრომის და ენერგეტიკული ხარჯები და კორუფცია. ბიზნესი ამბობს, რომ წინა წელთან შედარებით, დასაკვირვებელია ის დინამიკა რაც ახასიათებს შრომის გაძვირებას, საგადასახადო ტვირთის ზრდას და ბიზნესის წარმოების პროცედურების გართულებას. ტრადიციული გამოწვევებიდან, როგორც ჩანს, ბიზნესის ჩამონათვალში წელსაც რჩება გაცვლითი კურსი, ადამიანურ კაპიტალთან და სამუშაო ძალასთან დაკავშირებული სირთულეები, პოლიტიკური არასტაბილურობა და ფინანსებზე ხელმისაწვდომობა. ბიუროკრატიასთან დაკავშირებული გამოწვევებიდან, ბიზნესი კვლევაში განსაკუთრებულ აქცენტს აკეთებს ლიცენზიების და ნებართვების, შესყიდვების, დასაქმების და გარემოსდაცვითი რეგულაციების ზრდასთან ერთად. თუმცა, ამ გამოწვევების მიუხედავად, კვლევა აჩვენებს, რომ წელს ბიზნესების მაჩვენებლები გაუმჯობესებულია და კერძო სექტორის ოპტიმიზმი მომავალთან დაკავშირებით – გაზრდილია. კვლევა DCFTA-ის პოტენციალის ნელ ათვისებაზეც ამახვილებს ყურადღებას და ხაზს უსვამს, რომ EBA-ს წევრი ბიზნესების ურყევი და მტკიცე მხარდაჭერა აქვს საქართველოს ევროინტეგრაციის გზაზე სვლას და კანდიდატი ქვეყნის სტატუსის მიღებას. სტუმარი: თენგიზ ლომიტაშვილი - TBSC Consulting-ის მმართველი პარტნიორი, EBA-ის ეკონომიკური პოლიტიკის კვლევის კომიტეტის თავმჯდომარე; #საქმიანიდილა-ს #ანალიტიკა ელენე კვანჭილაშვილთან ერთად; #ახალიამბები #BusinessMediaGeorgia
ბრენდის ხმა - "ბლუტაბლა" მარიამ სოსელია - "ბლუტაბლას" მარკეტინგის ხელმძღვანელი; ავტორები: ბექა ბაციკაძე, ედგარ ყაზახაშვილი, რევაზ ნასიძე. #BrandVoice #ბრენდისხმა #BMG #BMGTV #ახალიამბები #BusinessMediaGeorgia
ინტერვიუ ტომ ქითინგთან ✔ სანქციები, ევროკავშირი და საქართველო; ✔ ფინანსური დანაშაულის ახალი ფორმები და უსაფრთხოება; ✔ 2024 წლის გამოწვევები და პრიორიტეტები; ტომ ქითინგი - ფინანსური დანაშაულისა და უსაფრთხოების კვლევების ცენტრის დირექტორი გაერთიანებული სამეფოს RUSI ინსტიტუტში; #საქმიანიდილა-ს #ანალიტიკა ელენე კვანჭილაშვილთან ერთად; #ახალიამბები #BusinessMediaGeorgia
BMG-ის და USAID-ის ეკონომიკური მმართველობის პროგრამის ფოკუსში კიდევ ერთი რეფორმა მოხვდება – ე.წ. სეკიურიტიზაციის რეფორმა. ყველაზე მარტივი ეკონომიკური გაგებით, სეკურიტიზაცია გულისხმობს სამომავლოდ მისაღები თანხების (ფულადი ნაკადების) ფასიან ქაღალდებად გადაქცევას და შესაბამისად, დღეს განაღდებას. რეფორმის მიზანია ქვეყანაში დაფინანსების ხელმისაწვდომობის ზრდა და სხვადასხვა ფინანსური ინსტრუმენტის განვითარება არა მხოლოდ კომერციული ბანკებისთვის, არამედ საფინანსო სექტორისა და ზოგადად, სხვა ბიზნეს სუბიექტებისთვის. იუესეიდი–ს, მთავრობის და კერძო სექტორის ანალიზი ერთმანეთს დიდწილად ემთხვევა იმის შეფასებისას, რომ დღეის მდგომარეობით, სეკურიტიზაციის ტრანზაქციის განხორციელება გართულებულია, რადგან არ არის განსაზღვრული თუ რა სახის აქტივები შეიძლება გამოყენებული იქნას სეკურიტიზაციის გარიგების ფარგლებში; არ არის მოწესრიგებული ჩართული პირების უფლება-მოვალეობები, ინიციატორის გადახდისუუნარობასთან დაკავშირებული რისკები და ა.შ. შედეგად, დღეს არსებული კანონმდებლობა არ იძლევა საკმარის საშუალებას დაინტერესებულმა ბიზნესებმა გამოიყენონ ეს ინსტრუმენტი და შესაბამისად, მიმართონ (ბანკებისგან) დაფინანსების ალტერნატიულ წყაროს, როგორიცაა კაპიტალის ბაზარი. შესაბამისად, რეფორმა მიზნად ისახავს საინვესტიციო გარემოს მეტი სამართლებრივი სიცხადე შემატოს და ამით ხელი შეუწყოს რისკების განჭვრეტადობას. მეტს მოვისმენთ მნიშვნელოვანი მხარეებისგან. სტუმრები: გია ამზაშვილი - USAID-ის ეკონომიკური მმართველობის პროგრამის მრჩეველი კაპიტალის ბაზრის საკითხებში; თამთა ივანიშვილი - იურიდიული კომპანია BLC-ის პარტნიორი; #საქმიანიდილა-ს #ანალიტიკა ელენე კვანჭილაშვილთან ერთად; #ახალიამბები #BusinessMediaGeorgia
11-12 დეკემბერს აქსისში საქართველოში კიბერუსაფრთხოებისა და ინფორმაციული ტექნოლოგიების განვითარების ყველაზე მასშტაბური ღონისძიება ჩატარდება. რიგით მე-13 GITI კონფერენცია ადამიანებს ერთმანეთთან შეხვედრის და სახელმწიფო და კერძო უწყებებს ერთმანეთთან საუბრის შესაძლებლობას აძლევს. კონფერენციაზე დამსწრეებს საშუალება ექნებათ Thoughtworks-ის წარმომადგენლებს მოუსმინონ. თავად კომპანია Thoughtworks-ი საერთაშორისო ტექნოლოგიური და საკონსულტაციო კომპანიაა, რომელიც ახალი ტექ გადაწყვეტებით ორგანიზაციებში ცვლის არსებულ ხედვებს, პროცესებს ტექ პროდუქტის შექმნისას და ამკვიდრებს ისეთ სტანდარტებს, რომელიც მომხმარებლისთვის საუკეთესო გამოცდილების მომტანია. კონფერენციის მიმდინარეობისას ასევე ჩატარდება კონკურსი სტუმრები: გიგა შუბითიძე - GITI-ის თანადამფუძნებელი; ეკა სანაძე - თიბისის გამოწერის ბიზნესის მიმართულების კაპიტანი; #ახალიამბები #BusinessMediaGeorgia
✔ რატომ არ იცვლება ქართული განათლების სისტემა? ✔ „განათლების სისტემა მეტად პოლიტიკური უნდა გახდეს“ #BMGDRIVE-ის მგზავრი: სიმონ ჯანაშია - განათლების საკითხების მკვლევარი; ავტორები: ბექა ბაციკაძე, ედგარ ყაზახაშვილი, კაკი პაიჭაძე; #ახალიამბები #BusinessMediaGeorgia
„კრისტალის“ ისტორია 1995 წელს დაიწყო, როცა ქუთაისში აფხაზეთიდან დევნილთა ჯგუფმა საქველმოქმედო ჰუმანიტარული ცენტრი „აფხაზეთი“ დააარსა.1998 წელს ცენტრმა მიკროდაკრედიტების საპილოტე პროგრამისთვის დაფინანსება — 10 000 აშშ დოლარი მიიღო და პირველი კრედიტიც გასცა. წარმატებულ პროექტს ახალი გრანტები, პირველი კომერციული სესხის მიღება და არაერთი მიკრომეწარმის დაფინანსება მოჰყვა. 2004 წელს კი ცენტრს დაკრედიტების პროგრამა ცალკე გამოეყო. ასე შეიქმნა მიკროსაფინანსო ორგანიზაცია ფონდი „კრისტალი“, რომელმაც მნიშვნელოვნად გაზარდა კრედიტების ხელმისაწვდომობა და ქვეყნის მიკროდაფინანსების სფეროს განვითარებაშიც გადამწყვეტი როლი შეასრულა. 25-წლიანი ისტორიის განმავლობაში კომპანიის ცხოვრებაში არაერთი მნიშვნელოვანი მოვლენა მოხდა: და დღეს „კრისტალი“ უკვე ფინანსური ჩართულობის ორგანიზაცია და ქვეყნის ერთ-ერთი წამყვანი საფინანსო ინსტიტუტია. იგი წარმოდგენილია 50 ფილიალით, მართავს 450 მილიონი ლარის ოდენობის სასესხო პორტფელს მართავს, ემსახურება 120 ათასზე მეტ უნიკალურ მომხმარებელს და ასაქმებს 1200-ზე მეტ ადამიანს. კრისტალის გუნდმა გადაწყვიტა დროის კაფსულა შეექმნათ, სადაც გუნდის წევრებმა საკუთარი სურვილები და გზავნილები მოათავსეს, საიმედოდ დალუქეს და კიდევ უფრო საიმედოდ, კრისტალის საცავში შეინახეს ეს დროის კაფსულა და შეთანხმდნენ, რომ ზუსტად 25 წლის თავზე, 2048 წლის 16 ნოემბერს გახსნიან და გაუზიარებენ საზოგადოებას. სტუმარი: არჩილ ბაკურაძე - „კრისტალი“ სამეთვალყურეო საბჭოს თავმჯდომარე; #ახალიამბები #BusinessMediaGeorgia
საინჟინრო კომპანია ბაუმერის ისტორია 2013 წლიდან იწყება. კომპანია მომხმარებელს თავდაპირველად გათბობისა და წყალმომარაგების სისტემების მონტაჟს სთავაზობდა, მოგვიანებით კი მის პორტფელს HVAC სისტემების სრული ინსტალაცია და ექსპლუატაციის შემდგომი სერვისი დაემატა. დღეს ბაუმერი ბაზარზე უკვე ჰოლდინგურ კომპანიად პოზიციონირებს რომელიც მომხმარებელს MEP მასალების იმპორტს/რეალიზაციას, პროექტირებას, მონტაჟს და ექსპლუატაციის შემდგომ სერვისს სთავაზობს. აღსანიშნავია, რომ კომპანია მომხმარებელზე ზრუნვისა და მისთვის მუდმივად ხარისხიანი სერვისის მიწოდების პარალელურად, არანაკლებ რესურსსა და ძალისხმევას გასწევს თანამშრომელთა მუდმივი განვითარებისა და მათთვის სრულყოფილი სამუშაო გარემოს შექმნისთვის. რას ნიშნავს ბაუმერის გუდის წევრობა და როგორ ზრუნავს კომპანია თითოეული თანამშრომლის მოტივაციის ამაღლებისაა და მათი პროდუქტიულობის ზრდისთვის? სტუმარი: ლევან ყირიმლიშვილი - "ბაუმერის" დამფუძნებელი; #ახალიამბები #BusinessMediaGeorgia
რუსეთი აპირებს, უცხოეთიდან მიწოდებული ღვინის წარმოების ტექნოლოგია შეამოწმოს. რუსული მედია სოფლის მეურნეობის სამინისტროზე დაყრდნობით წერს, რომ „როსსელხოზნადზორი“ ამ საკითხზე აქტიური მოლაპარაკებებს აწარმოებს სომხეთთან, მოლდოვასთან და სერბეთთან. მემორანდუმის პროექტი კი 21 ქვეყანაშია გაგზავნილი. მიიღო თუ არა საქართველომ „როსსელხოზნადზორის“ მხრიდან ურთიერთთანამშრომლობის ორმხრივი მემორანდუმის პროექტი და უნდა ელოდოს თუ არა სექტორი მთავარ სავაჭრო პარტნიორთან ურთიერთობის გართულებას? #ახალიამბები #BusinessMediaGeorgia