ლატვიის სამედიცინო ტურიზმის შესახებ ჩვენმა მაყურებელმა სიუჟეტი უკვე იხილა. დღეს კი უფრო ვრცლად იმაზე თუ როგორც განვითარდა სამედიცინო ტურიზმი ლატვიაში, რა გზები გაიარეს მათ და რამდენად შესაძლებელია მათი მაგალითი საქართველომაც გამოიყენოს, ამ თემებზე სამედიცინო ტურიზმის საერთაშორისო ექსპერთან პაატა რატიანთან ინტერვიუ იურმალაში თათია ჩაფიჩაძემ ჩაწერა. 26/12/2017
მართლმადიდებლების მცირე ნაწილი, ძირითად პოსტსაბჭოთა ქვეყნებიდან, მათ შორის საქართველოც, შობას 7 იანვარს აღნიშნავენ მიზეზი რის გამოც დომინანტური – საქართველოს მართლმადიდებელი ეკლესია აღნიშნავს, ისაა, რომ იგი რუსეთის ეკლესიის გავლენით "იულიუსის კალენდარს" იყენებს,, მაშინ როდესაც მსოფლიოს უდიდესი ნაწილი, მათ შორის სხვა მართლმადიდებელი ეკლესიები, "გრიგორიანულ კალენდარს" მისდევენ შობას 25 დეკემბერს ქრისტიანების აღნიშნავს 92% საქართველოში მცხოვრები კათოლიკები, პროტესტანტები შობას 25 დეკემბერს აღნიშნავენ, თუმცა ეს დღე არაა სახელმწიფოს მიერ აღიარებულ ი დღესასწაული. სხვათა შორის ეს ტრადიცია პოსტსაბჭოტა რეგიონშიც თანდათან იცვლება. 2017 წელს, უკრაინა გახდა მეხუთე ქვეყანა, რომელმაც 25 დეკემბერი ოფიციალურად აღიარა მეორე დღესასწაულად და დასვენების დღედ. მანამდე უკრაინა, სხვა მართლმადიდებლურ ქვეყნებთან ერთად, შობას ტრადიციულად 7 იანვარს აღნიშნავდა. შობას 25 დეკემბერს და 7 იანვარს ოფიციალურად კიდევ ოთხი ქვეყანა აღნიშნავს, ესენია ბელარუსი, ერიტრეა, ლიბანი და მოლდოვა. ათეისტური საბჭოთა კავშირი შობას დღესასწაულად არ აღიარებდა, თუმცა მისი დაშლის შემდეგ, მასში შემავალმა ქვეყნებმა გადაწყვიტეს თარიღი აერჩიათ. ბელარუსმა 1991 წელს დამოუკიდებლობა მოიპოვა და ამ წელსვე გადაწყვიტა, რომ საჯარო დღესასწაულად ორივე დღე ეღიარებინა. მოლდოვამ თავდაპირველად ორთოდოქსული თარიღი, 7 იანვარი, აირჩია, თუმცა 2013 წელს, ევროკავშირისკენ სწრაფვის პარალელურად, საშობაო დღესასწაულად 25 დეკემბერიც აღიარა. ლიბანში შობას 25 დეკემბერსა და 6 იანვარს აღნიშნავენ. ლატვიაში რუს მართლმადიდებელ უმცირესობებს ჰქონდათ მცდელობები, რომ 7 იანვარი ერთადერთ შობად ეღიარებინათ, თუმცა ეს მცდელობები ჩაიშალა. 26/12/2017
Forbes-მა ბიზნესისთვის საუკეთესო ქვეყნების 2018 წლის რეიტინგი გამოაქვეყნა, რომლის მიხედვითაც საქართველომ 2017 წელთან შედარებით 9 ადგილი დაკარგა და 52-ე ადგილამდე ჩამოქვეითდა. Forbes-ის მონაცემებით, საქართველოს შედეგები ყველა კრიტერიუმში არის იგივე რაც წინა რეიტინგში, გარდა მონეტარული თავისუფლება, სადაც საქართველო 81-ე ადგილამდე ჩამოქვეითდა. სავარაუდოდ, აღნიშნული დაქვეითება ქვეყანაში ე.წ. დედოლარიზაციის რეგულაციების ამოქმედებას უკავშირდება. სხვა კრიტერიუმებიდან საქართველოს ყველაზე კარგი ქულა ინვესტორთა დაცულობაში აქვს და მსოფლიოში მეორე ადგილს იკავებს. ყველაზე ცუდი ქულა კი ინოვაციების კომპონენტში, სადაც საქართველო მსოფლიოს 152 ქვეყნიდან 117-ე ადგილზეა. საქართველოს პოზიციები ასე გამოიყურება: სავაჭრო თავისუფლება - 6-ე ადგილი მსოფლიოში მონეტარული თავისუფლება - 81-ე ადგილი მსოფლიოში საკუთრების უფლების დაცულობა - 88-ე ადგილი მსოფლიოში ინოვაცია - 117-ე ადგილი მსოფლიოში ტექნოლოგიები - 69-ე ადგილი მსოფლიოში ბიუროკრატიის ნაკლებობა - 4-ე ადგილი მსოფლიოში ინვესტორთა დაცულობა - 2-ე ადგილი მსოფლიოში კორუფცია - 38-ე ადგილი მსოფლიოში პიროვნული თავისუფლება - 65-ე ადგილი მსოფლიოში საგადასახადო ტვირთი - 22-ე ადგილი მსოფლიოში ბიზნესისთვის საუკეთესო ქვეყნების რეიტინგის პირველი ათეული კი ასე გამოიყურება: დიდი ბრიტანეთი ახალი ზელანდია ნიდერლანდები შვედეთი კანადა ჰონგ-კონგი დანია ირლანდია სინგაპური შვეიცარია 26/12/2017
„ლიბერთი ბანკის“ მიერ „ქართუ ბანკის“ შეძენასთან დაკავშირებით ეროვნულ ბანკში ინფორმაცია არ აქვთ. როგორც სებ-ში აცხადებენ, არც წინასწარი კონსულტაციები და არც ოფიციალური მიმართვა გარიგების თაობაზე ეროვნულ ბანკში არ შესულა. „ლიბერთი ბანკის“ მიერ „ქართუს“ შეძენასთან დაკავშირებით ინფორმაცია მედიაში გავრცელდა, თუმცა აღნიშნულს „ლიბერთი ბანკში“ არ ადასტურებენ. ცნობისთვის, რამდენიმე კვირის წინ „ლიბერთი ბანკს" აქციათა საკონტროლო პაკეტის წილის მფლობელები შეეცვალა. კერძოდ, აქციათა 74.64%-იანი წილი ნიდერლანდების სამეფოში დაარსებულმა კომპანიამ European Financial Group B.V.-მ (შემდგომში EFG) შეიძინა. ბანკის ბენეფიციარი მესაკუთრეები კი ირაკლი რუხაძე, ბენ მარსონი და იგორ ალექსეევი გახდნენ. საჯარო რეესტრის 6 ნოემბრის ამონაწერის მიხედვით, „ლიბერთი ბანკის“ გენერალური დირექტორი გიორგი კალანდარიშვილი, ხოლო სამეთვალყურეო საბჭოს თავმჯდომარე ირაკლი რუხაძე არიან. რაც შეეხება „ქართუ ბანკს“, რეესტრის 6 დეკემბრის ამონაწერით, სამეთვალყურეო საბჭოს თავმჯდომარე ნიკოლოზ ჩხეტიანი, წევრები კი ბესიკ დემეტრაშვილი და ეთერი დემინაშვილი არიან. ამასთან, ბანკის გენერალური დირექტორის პოსტს ნატო ხაინდრავა იკავებს. 26/12/2017
ჩვენ ყოველთვის ვფიქრობთ - ასე პასუხობს საქართველოს ინდუსტრიული ჯგუფის გენერალური დირექტორი კითხვას ისევ ფიქრობს თუ არა GIG “ყაზტრანსგაზ თბილისის” შეძენაზე. „ბიზნესი არის ცოცხალი ორგანიზმი და გამორიცხული არაფერია. ეს ნიშნავს იმას, რომ ვფიქრობთ და ვმუშაობთ დაუღალავად ყველა მიმართულებით, რაც ენერგეტიკასთან არის დაკავშირებული“, - ამბობს ჯგუფის გენერალური დირექტორი ზურაბ გელენიძე, თუმცა მეტი დაკონკრეტებისგან თავის იკავებს.შეგახსენებთ, საქართველოს ინდუსტრიული ჯგუფის მიერ „ყაზტრანსგაზ თბილისის“ შეძენაზე მოლაპარაკებები 2016 წლის გაზაფხულზე დაიწყო და მიუხედავად იმისა, რომ გარიგების დახურვის ვადად იმავე წლის სექტემბერი დასახელდა, მოლაპარაკები გაჭიანურდა და საბოლოოდ არც გარიგება შედგა. 26/12/2017
დავით სარაჯიშვილის ქვეყანაში, სამწუხაროდ, ჯერ ვერ ავაშენეთ ისეთი ქვეყანა და ვერც საზოგადოება, რასაც ნატრობდა ყველა დროის უდიდესი ქართველი მეცენატი და საქმოსანი. მისი წელიწადი მოდის 2018 ში, დიახ დავით სარაჯიშვილის დაბადებიდან გაისად გაისად 170 წელი შესრულდება.დარწმუნებული ვარ ერი და ბერი, ქვეყნის მხედრობაც და ბიზნეს სექტორიც ჯეროვან პატივს მიაგებენ პირველს, ერთგვარად პრინცეფს ანუ პირველს თანასწორთა შორის, რომელმაც ქართული ბიზნეს თვისებრივად სხვა დონეზე აიყვანა. გადაჭარბების გარეშე შეიძლება საუბარი, რომ სარაჯიშვილის პიროვნება სრულიად ამოუწურავია საქართელოს დღევანდელობისთვის. ამასობაში საქართველოში წარმატებით აგრძელებს საქმიანობას მისი ერთერთი ბიზნესი, რომელიც მის სახელს უკავშირდება. სარაჯიშვილის სახლი მორიგ სიურპრიზს სთავაზობს ერთგულ მიმდევრებს: დღეიდან, ლიმიტირებული რაოდენობით, „სარაჯიშვილის სახლის“ უნიკალური ხაზის პროდუქტი TRILOGY („ტრილოგია“) გაიყიდება. როგორც კომპანიის წარმომადგენლები ამბობენ, მას საფუძვლად წარსულისა და აწმყოს გაერთიანების იდეა უდევს – ღვინის ბრენდი სამი (XIX, XX და XXI) საუკუნის, ყურძნის სამი ჯიშისა და საქართველოს სამი სხვადასხვა რეგიონის ჰარმონიული სინთეზით იქმნება. სამი საუკუნის უძველესი სპირტების შერევით მიღებული სითხე 65 წლისაა. გარდა სიძველისა, TRILOGY-ის საიდუმლო საქართველოს განსაკუთრებული კლიმატური პირობების მქონე სამი სხვადასხვა მიკროზონიდან შერჩეულ ყურძნის ჯიშებშია: ციცქა იმერეთიდან, ჩინური ქართლიდან და რქაწითელი კახეთიდან. მნიშვნელოვანია აღინიშნოს, რომ „ტრილოგია“ სულ 1000 ცალი გამოვიდა. ყველა ბოთლი გრავირებულია და მინიჭებული აქვს უნიკალური ნომერი. ასევე, მოჰყვება პასპორტი სამ ენაზე. წარმატებები სარაჯიშვილს! გამორჩეულ და უპირველს ქართულ ბრენდს! 26/12/2017
სტუდიიდან გარე ჩართვაზე გადაინაცვლა თათია ჩაფიჩაძემ. აბა ისე როგორ იქნებოდა GWP-ის 2017 ის შეჯამებას რომ მის გარეშე ჩაევლო. კომპანიისთვის გასული წელი საკმაოდ დატვირთული და სიახლეებით სავსე იყო. როგორ ხვდებიან 2018 ს GWP-ში და როგორ ასრულებენ ჯერ ისევ მიმდინარე წელს თათია გვიერთდება პირდაპირ ეთერში. 25/12/2017
ISET მიმდინარე წელს საქართველოს ეკონომიკის 4,8%-ით ზრდას ელოდება, მომდევნო წლის პირველ კვარტალში კი 3,3%-ით. ზრდას კვლევითი ინსტიტუტი საქართველოს მეზობელ ქვეყნებში გააქტიურებულ ეკონომიკურ ზრდას უკავშირებს, რამაც ქართულ პროდუქტებზე მოთხოვნის ზრდაც გამოიწვია. ასე მაგალითად, სომხეთის სტატისტიკის სამსახურის მონაცემებით, ოქტომბერში ქვეყნის ეკონომიკა 17,6%-ით გაიზარდა. წლის მესამე კვარტალში სომხეთში მშპ-ს ზრდამ 3,5% შეადგინა. 2017 წლის ეკონომიკური პოლიტიკის შეფასება - დადებითი და უარყოფითი მხარეები; 2018 წლის ძირითადი გამოწვევები სტუმარი :გიორგი მჟავანაძე, ISET-ის უფროსი მკვლევარი 25/12/2017
წინასაახალწლოდ, ათასობით წიწვოვანი მცენარე იჭრება, იმისთვის, რომ სახლებში და სამსახურებში შეიქმნას ერთთვიანი „საახალწლო განწყობა“. ამ პერიოდში ცოცხალ ნაძვებზე დიდი მოთხოვნაა, მათი მოჭრა კი საკმაოდ დიდ ზიანს აყენებს ეკოლოგიას. ამ რეალობაში წელს სპორტის სასახლესთან საშობაო ბაზრობაზე საახალწლო ნაძვის ხეების გვერდით დამწვარ ნაძვის ხეებსაც იხილავდით. ეს ბორჯომიდან ჩამოტანილი დამწვარი ნაძვის ხეები იქნება გამოფენილი. ეს გახლავთ კრეატიული სააგენტო “ლივინგსტონის” და “ტრიპექსის” სოციალური აქცია, რომელიც ბორჯომის დამწვარი ტყეპარკის აღდგენის მიზანს ატარებს. სტუმარი: გიორგი ავალიანი - ლივინგსტონის კრეატიული დირექტორი, ლევან ლეფსვერიძე - ლივინგსტონის კრეატიული დირექტორი, თამო თელია - "ტრიპექსის" სტრატეგიული პროექტების ხელმძღვანელი 25/12/2017
2017 წლის შემაჯამებელი ეთერი აქვს დღეს ელენეს და რას თუ არა იუსტიციის უმაღლესი საბჭოს ანგარიშს მოვისმენთ სტუმრებთან ერთად. სტუმარი:ნაზი ჯანეზაშვილი, იუსტიციის უმაღლესი საბჭოს წევრი; ოლიკო შერმადინი, “საერთაშორისო გამჭვირვალობა -საქართველო”-ს იურისტი; ვახტანგ თორდია , იუსტიციის უმაღლესი საბჭოს ყოფილი წევრი; 25/12/2017
საქმიან დილაში ემილ ავდალიანის ვიდეო ბლოგის დროა. ნობელების და როტშილდების ბიზნეს საქმიანობის შესახებ ერთმა რუბრიკამ ამბავი რომ ვერ დაიტია მაყურებელი მოხვდებოდა და დღეს დაპირებულ მეორე ნაწილს გთავაზობთ. #ქართულიბიზნესისისტორიები 25/12/2017
ლატვიიდან დაბრუნებული თათია ჩაფიჩაძე გვიერთდება სამედიცინო ტურიზმის განვითარების ეტაპების შესახებ. 25/12/2017
NEW YORKER-ის ხუთწლიანი ისტორია საქართველოს ბაზარზე და მესამე მაღაზია თბილისის მასშტაბით, ასეთია ბრენდის წარმატებული ოპერირების შედეგი, თუმცა წინ კიდევ უფრო მეტ სიახლეებსა და გამოწვევებს აანონსებენ. NEW YORKER-ის კიდევ ერთი მაღაზიის ოფიციალური გახსნის დეტალები ვნახოთ , მარიამ ადამიას სიუჟეტში. 25/12/2017
თეგეტა აკადემიამ ზუგდიდისა და სენაკის ახალგაზრდებისთვის სასწავლო გასაცნობი ტრენინგი გამართა. სტუდენტები გაეცნენ როგორც თეორიულ ისე პრაქტიკულ ნაწილსაც. დეტალები ვნახოთ სიუჟეტში. სტუმარი: ლიკა ბერუაშვილი, "თეგეტა აკადემიის" დირექტორი; ალექსი ჩიბარაშვილი, "თეგეტა აკადემიის" დირექტორის მოადგილე 25/12/2017
ფალიაშვილის 82 ნომერში, შუაგულ ვაკეში, ხორცპროდუქტების ახალი მაღაზია გაჩნდა... ანტრეკოტი, ასეთი სახელწოდებით, სადაც სულ ახალი და მრავალფეროვანი ხორცის სახეობები დაგხვდებათ... ანტრეკოტის მეგობრებმა გადაწყვიტეს, ყოველ კვირას, გრდა არსებული ხორცისა, სოფლის ნობათის ბაზარიც გარეთ გამოიტანონ... პარასკევი, შაბათი, კვირა ფალიაშვილზე მუდმივად ხალხმრავალია... დილის 9-დან საღამოს 9 საათამდე მომხმარებლებს ანტრეკოტი ემსახურებათ... 25/12/2017
ამბავი მედიაზე და მიდიისთვის შემდეგია, რომ პარლამენტმა როგორც მოსალოდნელი და საჭირო იყო, ხმა ბოლომდე უყარა კანონს მაუწყებლობის შესახებ. მიუხედავად კომიტეტის კიდევ ერთი წევრის, პარლამენტარი დავით ჭიჭინაძეს პროტესტისა ამ კანონზე, ახლა სხვა რაფერი რჩება რომ ბატონ დავითთან ერთად დაველოდოთ პრეზიდენტ მარგველაშვილის პოზიციას შესაძლო ვეტოსთან დაკავშირებით, რომელსაც როგორც პარლამენტის ვიცე სპიკერი თამარ ჩუგოშვილი ბრძანებს ყურადღებით გაეცნობიან და საჭიროების შემთხვევაში გაითვალისწინებენ. ვნახოთ, რას იზამს პრეზიდენტი მარგველაშვილი. ალბათ, ბევრი საქმე აქვს და წონის ამ თემაზე შეხვედრებიდან გამომდინარე არგუმნეტებს, რომ საბოლოოდ მძიმე ან მისთვის უმძიმესი გადაწყვეტილება მიიღოს. უფრო კარგი ამბავი მედიისთვის კი გახლავთ გიორგი მგელაძეს საქართველოს ჟურნალისტური ეთიკის ქარტიის თავმჯდომარედ მესამედ აირჩევა. ჟურნალისტური ეთიკის ქარტია საკუთარი მისიის ფარგლებში იღებს იხილავს ჟურნალისტების მხრიდან პროფესიული სტანდარტების დარღვევის ფაქტებს ქარტიაში შესული განცხადებების საფუძველზე; ეწევა საგანმანათლებლო-შემეცნებით საქმიანობას ჟურნალისტთა პროფესიონალიზმის ასამაღლებლად; თანამშრომლობს ადგილობრივ და საერთაშორისო ორგანიზაციებთან, მათ შორის, პროფესიულ გაერთიანებებთან; ხელს უწყობს ჟურნალისტური ეთიკის ნორმების პოპულარიზაციას და მათ მიმართ პატივისცემის დამკვიდრებას; ატარებს მედიის მონიტორინგს, კვლევებს და გამოსცემს პროფესიულ პუბლიკაციებს; ლობირებს ჟურნალისტთა უფლებების დაცვას და ჯანსაღი და თავისუფალი მედიაგარემოს შექმნას. ბიემჯის სახელით ვულოცავ მედიის გამორჩეულ წარმომადგენელს, გიორგი მგელაძეს ამ პოზიციაზე არჩევას. გიორგი მგელაძეს საქმიანობაა დასტურია სრულიად განსხვავებული, მშვიდი, გაწონასწორებული და სამართლიანი მედია პროდუქტების მომზადებისა. 25/12/2017
ამ სტუდიაში კიდევ ბევრი საინტერესო ამბის მოსმენას შეძლებთ და მოისმენდით კიდეც უკვე რომ ქართული WiFisher UBER-თან თანამშრომლობას გეგმავს. ქართული კომპანიის თანადამფუძნებელი დავით ხოსროშვილი bm.ge-სთან ამბობს, რომ ამ ეტაპზე კომპანიას ლიტვაში 12 კლიენტი ჰყავს, მომდევნო წლიდან კი რამდენიმე მსხვილ კომპანიასთან თანამშრომლობას განიხილავენ, მათ შორის UBER-თან. კომპანია გაფართოვებას გეგმავს ყაზახეთსა და აზერბაიჯანშიც. ეს ის ქართული ვაიფიშერია, რომელიც ფორბსი 2017 წლის და იდეასში, პირველი დაჯილდოების გამარჯვებული გახდა! 100 ჯერ მეტად მეამაყება ვაიფიშერი ფორბსის ამ მორიგი სწორი არჩევანის ფონზე. თუ არ იცით, შეგახსენებთ, რომ WiFisher კომპანიებს ინტერნეტში ინოვაციური სარეკლამო ხაზით სარგებლობის საშუალებას სთავაზობს. კომპანიის პარტნიორი და დამძუძნელბელი დავით ხოსროშვილი ამბობს, რომ საინვესტიციო კომპანია Sovereignman -ის მენეჯმენტი wifisher-ით დაინტერსდა, რის შემდეგაც კომპანიაში თანხის ჩადების სურვილი 41-მა ინვესტორმა გამოთქვა. მათი უმეტესობა კი ამერიკიდანაა, რომლებმაც wifisher-ში ჯამში ნახევარი მილიონი დოლარის ინვესტიცია ჩადეს. 25/12/2017
ბრიტანულმა გამოცემამ „FDI intelligence“ 2017/18 წლისთვის ტურიზმის სფეროში მომავლის საუკეთესო საინვესტიციო ლოკაციები დაასახელა, რომელთა შორის საქართველო ერთ-ერთ მოწინავე ადგილზეა. ეს ჯილდო საქართველომ რამდენიმე მიმართულებით დაიმსახურა: სპა და გამაჯანსაღებელ სექტორში, ფინანსური მხარდაჭერის მექანიზმის დარგში, ასევე უცხოელი ვიზიტორების მრავალფეროვნებისა და ქვეყანაში საერთაშორისო ვიზიტორების გამარტივებული პროცედურებით შემოსვლის მიმართულებით წამყვანი ქვეყანა გახდა. ინვესტიცია სასტუმრო ინდუსტრიის დარგში საკმაოდ მნიშვნელოვანია ისეთი ქვეყნისთვის, რომელმაც გარდამტეხი ზრდა აჩვენა საერთაშორისო ტურისტების ნაკადით. სწორედ ამიტომ, ტურიზმის სფეროში საქართველო მომავლის ერთ-ერთ საუკეთესო საინვესტიციო ლოკაციად დასახელდა. მიმდინარე წელს, ამ სექტორში მთავარ მიღწევად 70 მილიონი ევროს ოდენობით განხორციელებული ინვესტიცია ითვლება, რომელიც 7 ვარსკვლავიანი სასტუმროს - “Biltmore Hotel Tbilisi” მშენებლობისთვის გამოყო უცხოელმა ინვესტორმა, ხოლო 25 მილიონი ევროს ინვესტიცია განხორციელდა 5 ვარსკვლავიანი სასტუმროს “Castello Mare Hotel & Wellness Resort” მშენებლობისთვის, რომელიც შავი ზღვის სანაპიროზე მდებარეობს. 25/12/2017
თევზი საქართველოში ხელმისაწვდომი რომ უნდა იყოს, ზღვის ქვეყანა ვართ ბოლო ბოლო, კი არის სანატრელი ოცნება ბოლო ათწლეულების განმავლობაში. თევზწარმოება, თევზწარმოება - გთხოვთ კარგად დაუკვირდეთ ჩემს სიტყვებეს რომ ეს არ გახდეს მომვალში ზედმეტი განსჯის საგანი, თევზწარმოება მასობრივი და არც ინფრასტრუქტურულად სისტემური საბჭოთა კავშირის დროს არ ყოფილა. წელსაც ამის მიზეზად ბევრი სახელდება, უმეტსწილად ფიგურირებს უცხოური კომპანიებისთვის მინიჭებული განსაკუთრებული პირობები, რომელიც ბოლო ათწლულის განმავლობაში ამ პრივილიგებით სარგებლობენ. რამდენად არის ეს თევზის მეურნეობის ხელისმშელელი ვერ გეტყვით, თემა საჭიროებს სერიოზულ შესწავლას, თუმცა ამასობაში ერთ ერთი ადგილიდან და მშვენიერი რეგიონიდან, რომელსაც განსაკუთრებული განვიტარების პოტეციალი აქვს,თუმცა არასდროს უმართლებდა, არც ადგილობრივ თუ წარმომადგენლობით არჩევნებში, მოკლედ ფოთიდან გვაქვს მორიგი სიახლეები, რომელსაც ახლა შემოგთავაზებს. ისე არ დაგიმალავთ, და საკრებულოს თავმჯდომარესთვის 7 თანაშემწის გამწესების თემა 2017 წელს ბოლო საინტერესო ამბავი მეგონა ფოთიდან, თუმცა ფაზისის არაჩვეულებრივი ქალაქი და ქართული საღვაო კარიბჭეს პირველი ალაგი, მორიგი საინტერესო მოვლენების მოლოდინშია: ქალაქის მერი თევზის გადამამუშავებელი ქარხნების მეპატრონეებს ალტერნატიულ ტერიტორიებს სთავაზობს. და ამის მიზეზად გოჩა კურდღელია თევზის სუნის პრობლემას ასახელებს. ფოთის მერიის ცნობით, ქალაქის მერმა წერილით მიმართა გარემოსა და ბუნებრივი რესურსების დაცვის მინისტრს, რის საპასუხოდაც, ქალაქში გამოგზავნილია სპეციალისტთა ჯგუფი, რომლებიც იკვლევენ, თუ რამდენად ახლავს უსიამოვნო სუნი თევზის ტრანსპორტირებისა და გადამუშავების ტექნოლოგიურ პროცესს და რამდენად საზიანოა იგი ადამიანის ჯანმრთელობისათვის. გოჩა კურდღელია აღნიშნულ კითხვებზე პასუხს და ექსპერტიზის შედეგებს, რამოდენიმე დღეში ელოდება. მუნიციპალიტეტის მერმა წერილობით მიმართა ქარხნების ხელმძღვანელობას და უსიამოვნო სუნის გავრცელების აღმოსაფხვრელად ღონისძიებების გატარება სთხოვა.
„გორის საკონსერვო ქარხანა კულა“ დღეს საქართველოში უკვე ყველასთვის ცნობილი ბრენდია. შიდა ქართლის რეგიონში, ქალაქ გორში მდებარე ქარხნის მიერ წარმოებული პროდუქციის სია გრძელი და მრავალფეროვანია, თუმცა დასაწყისში ყველაფერი ქვეყანაში დიდი რაოდენობით დარჩენილი გაუყიდავი ხილით დაიწყო. როგორ გაფართოვდა კულას მცირე წარმოება და როგორ მოიპოვა მომხმარებელთა კეთილგანწყობა, კულას წარმატების ისტორია ვნახოთ მარიამ ადამიას სიუჟეტში. სტუმარი : ივანე გოგლიძე, „კულას“ დამფუძნებელი 22/12/2017
თბილისის ცენტრში ბინას კიდევ ერთი “ირმის რქა” იდებს. ირმის რქა, ჰქვია ხეს, ანუ იგივე ლაგერშტროემია თბილისი გარდენსის ნიუ- იორკული ცათამბრჯენის ბაღის პარკში უნდა გაახარონ. 21’000 მ²-იანი პარკით გარშემორტყმილი ცათამბრჯენის მომავალი მაცხოვრებლებისათვის ლაგერშტრომენია იტალიიდან ჩამოასახლეს. გამწვანების მორიგი ეტაპის დაწყება ჩვენს გადამღებ ჯგუფს ვერაფრით გამორჩებოდა და სანამ საგანგებოდ შერჩეული დიზაინერების ნამუშევრის საბოოლოო შედეგს ვნახავთ ერთად გადავამოწმოთ გამწვანების მიმდინარე სამუშაოები. სტუმარი: ლიკა ქარდავა, propertygeorgia.ge-ის დამფუძნებელი და მმართველი; თეა ლომინაძე, “თბილისი გარდენსის” მარკეტინგის დირექტორი 22/12/2017
ორგანიზაცია Hub Georgia საქართველოს სამოქალაქო ავიაციის სააგენტოში არსებულ დარღვევებთან დაკავშირებით ორგანიზაციის წევრებმა გუშინ მედიისათვის ინფორმაციის მიწოდება გადაწყვიტეს და საგანგებოდ მოწყობილ პრესკონფერენციაზე განაცხადეს, რომ სააგენტოს თანამშრომლების მხრიდან კანონთან შეუსაბამო ქმედებებს ჰქონდა ადგილი. მათი მტკიცებით კორუფციასთან ერთად მაღალჩინოსნების მხრიდან სამუშაოს მიმართ გულგრილი დამოკიდებულება ვლინდება. რას ემყარება ბრალდებები და რა ინფრმაციას ფლობენ HUB Georgia-ს წევრები ამას საქმიან დილაში ვრცლად და დეტალურად განვიხილავთ. სტუმარი: ვასო ურუშაძე - HUB Georgia-ს აღმასრულებელი დირექტორი; იასე ზაუტაშვილი - HUB Georgia-ს წევრი, ექსპერტი საავიაციო ტრანსპორტის საკითხებში 22/12/2017
საქართველოს წყალმომარაგების კომპანია „ჯორჯიან უოთერ ენდ ფაუერის“ კამპანია -#დაზოგეწყალი, #გაუფრთხილდიგარემოს, მიზნად ისახავს მოსახლეობის ინფორმირებას, თუ რა შეიძლება მოჰყვეს რესურსის არასწორ გამოყენებას. ასევე ხელსუწყობს მოზარდი თაობის მსოფლიო მოქალაქედ ჩამოყალიბებას. 22/12/2017
რამდენს ვხარჯავთ საქართველოს ბიუროკრატიაში? IDFI-მ ამ კითხვაზე პასუხით დაინტერესებულებისთის 2011-2016 წლების ტენდენციების და ასრსებული პრაქტიკის შესახებ კვლევა გაასაჯაროვა. სანამ კვლევაში თქვენით ჩაიხედავთ, მცირე ექსკურსს საქმიანი დილა გთავაზობთ, საბა ბუაძეს, IDFI-ს ანტიკორუფციული მიმართულების ხელმძღვანელს ვმასპინძლობთ და მასთან ერთად განვიხილავთ მთავარ ტენდენციებს რაც ამ წლების განმავლობაში იყო. სტუმარი: საბა ბუაძე, IDFI-ის ანტიკორუფციული მიმართულების ხელმძღვანელი 22/12/2017
ქართული ბრენდის დღის ერთ-ერთი გამარჯვებული რესტორანი თაშრე გახდა. ნომინაცია, რომელშიც მათ გაიმარჯვეს, ნდობასა და ხარისხზე გაამახვილეს ყურადღება. 22/12/2017
21 დეკემბერს Hotels and Preferences Hualing-ში წარმატებული და ბიზნეს სახელმწიფო პროექტების დაჯილდოების ცერემონიალი გაიმართა, სადაც სახელმწიფო სტრუქტურები, ბიზნესი და მედია დაჯილდოვდა საქართველოს ეკონომიკის განვითარებაში შეტანილი წვლილისთვის. 22/12/2017
პოლიმერული ფხვინილით მოპირკეთებული ხის მასალა,რომელიც აქტიურად გამოიყენება თანამედროვე ინტერიერის დიზაინში.სწორედ ამ საქმიანობითაა დაკავებული კომპანია 3F დიზაინი, რომელიც სტარტაპ საქართველოს გამარჯვებულიცაა.კომპანიის საქმიანობის დეტალები და სამომავლო გეგმები ვნახოთ სიუჟეტში. 22/12/2017
საჯარო რეესტრის ოფიციალურ ვებგვერდს ამონაწერის Blokchain-ში ძებნის ფუნქცია დაემატა. უძრავ ნივთზე მომზადებული ამონაწერის ნამდვილობის ბლოკჩეინის გლობალურ ქსელში გადამოწმებას მომხმარებელი დღეიდან საჯარო რეესტრის ეროვნული სააგენტოს ოფიციალური ვებგვერდიდანვე შეძლებს. უძრავი ქონების რეესტრის ელექტრონული მომსახურებას დაემატა ფანჯარა "ძიება ბლოკჩეინში", რომლის საშუალებითაც მომზადებული დოკუმენტის უტყუარობის შემოწმება არის შესაძლებელი. მომხმარებელმა დოკუმენტის ჰეშ-კოდი სპეციალურ საძიებო ველში უნდა ჩაწეროს, აირჩიოს "ძებნა ბლოკჩეინში" ღილაკი და ძიების შედეგებს დაელოდოს. საჯარო რეესტრის ცნობით, ამონაწერის უტყუარობას ბიტკოინის ბლოკჩეინსა და საჯარო რეესტრის ვებგვერდებზე არსებული უნიკალური კოდების იდენტურობა მოწმობს. გარდა საჯარო რეესტრის ვებგვერდისა, ბლოკჩეინის ქსელში უძრავ ქონებაზე ამონაწერის ნამდვილობის გადამოწმება მოქალაქეებს სპეციალურ ვებგვერდებზე: www.blockchain.info, www.blocktrail.com, www.btc.com და სხვ. კვლავ შეუძლიათ. საჯარო რეესტრის ეროვნული სააგენტოდან უძრავ ქონებაზე მომზადებული ამონაწერის შესახებ ინფორმაცია ბლოკჩეინის სისტემაში 2017 წლის 20 თებერვლიდან ავტომატურად იგზავნება. ბლოკჩეინი მონაცემთა დეცენტრალიზებული ბაზაა. მასში არსებული ჩანაწერები მთელ მსოფლიოში, ათიათასობით კომპიუტერში ინახება. ბლოკჩეინი ნებისმიერი ტრანზაქციის დაცულობას, გამჭვირვალობასა და ხელმისაწვდომობას უზრუნველყოფს. მასში მოხვედრილი მონაცმების წაშლა, შეცვლა, გადაწერა თუ უკანონო მანიპულირება შეუძლებელია. საქართველო ერთ-ერთი პირველი ქვეყანაა, რომელიც უძრავი ქონების რეგისტრაციისას ბლოკჩეინის ტექნოლოგიურ მიღწევას იყენებს. 22/12/2017
ფერმერებისათვის და აგრო-პოლიტიკის წარმმართველებისათვის საქართველოში, უკვე ხელმისაწვდომია ახალი, ინოვაციური ინსტრუმენტი - მონაცემთა ბაზა ონლაინ პორტალზე - www.farmer.gov.ge. ინტერნეტ რესურსი საშუალებას იძლევა განხორციელდეს ფასების მონიტორინგი ქვეყნის მასშტაბით 100 დასახელების სასოფლო-სამეურნეო და სასურსათო პროდუქტისათვის. სტუმარი :ლევან ალიბეგაშვილი, FAO-Enpard-ის პროექტის კონსულტანტი 21/12/2017
კომპანია ფრეგოს ავტოგასამართ სადგურებზე წარმოდგენილი 6 ტიპის საწვავი ევროპის რამდენიმე ქვეყნიდან არის იმპორტირებული. 2013 წელს დაწყებული ბიზნესი დღეს 400 მდე ადამიანს ასაქმებს. მომხმარებლებზე ზრუნვას კი მთავარ ამოცანად ისახავს. სტუმარი:რუსუდან რამაზაშვილი, "ფრეგოს" გენერალური დირექტორი 21/12/2017
საპენსიო რეფორმა 2018 წლის მესამე კვარტალიდან ამოქმედდება. რეფორმის მიმართ ინტერესი ძალიან მაღალია. ამ სტუდიაში საპენსიო რეფორმა არაერთხელ გამხდარა სხვადასხვა პერსპექტივიდან განხილვის საგანი. დღეს დამსაქმებელთა ასოციაციის პოზიცია უნდა მოვისმინოთ, რომელიც 2000-ზე მეტ კომპანიას აერთიანებს სხვადასხვა ბიზნესსექტორიდან. მათი იურიდიული კომიტეტის მიერ შემუშავდა საპენსიო სქემის შესახებ დოკუმენტი, რომელიც ეფუძნება ბიზნესსექტორის, იურისტებისა და ეკონომისტების ექსპერტულ მოსაზრებებს. დაგროვებითი საპენსიო რეფორმის სქემის ირგვლივ ბიზნეს სექტორის პოზიციის შესახებ დეტალურად გვესაუბრება საქართველოს დამსაქმებელთა ასოციაციის იურიდიული კომიტეტის თავმჯდომარე შალვა ცხაკაია. რა შენიშვნებსა და რეკომენდაციებს მოიცავს თქვენს მიერ შემუშავებული დოკუმენტი? სტუმარი: შალვა ცხაკაია, საქართველოს დამსაქმებელთა ასოციაციის იურიდიული კომიტეტის თავმჯდომარე 21/12/2017
ლამაზი ნაძვის ხე შეიძლება იყოს ხელოვნური ან ე.წ ცოცხალი. მე ხელოვნურს გირჩევდით ბევრი მიზეზის გამო მაგრამ თუ მაინც უპირატესობას ბუნებრივს ანიჭებთ მაშინც სულ მცირე სადაც მოგიხერხდებათ და როგორც მოგიხერხდებათ ხეებს ნუ დალეწავთ. ნუ მოიქცევით ისე, როგოც ეს მაზნიაშვილის ქუჩაზე სკვერში მოხდა. ადგილი სადაც სარეკრეაციო ზონა ერთი წლის წინ გადაწყდა ამ საახალწლოდ ნახევარი ნაძვის ამრაა დარჩენილი. სტუმარი: ნინი ლონგურაშვილი, "საქმიანი დილის" რეპორტიორი; სალომე ნანობაშვილი, "საქართველოს ნერგების" საზოგადოებსთან ურთიერთობის სამსახურის მენეჯერი 21/12/2017
კიდევ საინტერესოს მივაგენით ქართული ბიზნესში მიმდინარე ამბებიდან: 2010 წლის შემდეგ პირველად, კომპანია „ამალთეას“ აქციებზე გარიგება დაფიქსირდა.არასაბირჟო გარიგებით, კომპანიის 187,300 აქცია გაიყიდა, რაც კომპანიის 31.8%-იანი წილის შესაბამისია. ინფორმაციას GBC ავრცელებს:პაკეტის ღირებულება 103,015 ლარია.„ამალთეას“ 1 ლარის ნომინალის 584,511 აქცია აქვს გამოშვებული.კომპანიას 3 მსხვილი და ათეულობით წვრილი აქციონერი ჰყავს. მაჟორიტარი (32.04%) აქციონერები არიან: გიორგი ნემსაძე, მანანა მიმინოშვილი და კახაბერ ჩოჩია. პრეზიდენტია ექს-დეპუტატი, ბიზნესმენი ზურაბ ცქიტიშვილი. მოკითხვები და წარმატებები ამალთეას, მის პრეზიდენტს, აქციონერებს,საკონტროლო პაკეტის მფლობელებს თუ მინორიტარებს. 21/12/2017
საბანკო ბაზრის მიმოხილვის ამ ნაწილს ეროვნული ბანკის ინფორმაციით შევაჯამებ:მიმდინარე წლის ნოემბერში საქართველოში მოქმედი კომერციული ბანკების წმინდა მოგებამ 48 მლნ ლარი შეადგინა, რაც 13.7 მლნ ლარით მეტია გასული წლის ნოემბრის მაჩვენებელზე. იანვარ-ნოემბერში, ჯამში, კომერციული ბანკების წმინდა მოგება 717 მლნ ლარია, რაც 150 მლნ ლარით (26.5%-ით) მეტია 2016 წლის იანვარ-ნოემბერში მიღებულ მოგებაზე. მიმდინარე წლის იანვარ-ნოემბერში ბანკებმა მოგების გადასახადის სახით სახელმწიფო ბიუჯეტში 69 მლნ ლარი გადაიხადეს. 21/12/2017
სხვათაშორის, ფიტჩის გუშინდელ რეიტინგს მყისიერად გამოეხმაურა ბანკი ქართუ, რომელთაც დააფიქსირეს რომ ბანკს კაპიტალი საკმარისზე მეტი აქვს და არ იზიარებენ სარეიტინგო სააგენტოს პოზიციას. ეს არ არის ერთადერთი ინფორმაცია რაც ბანკ ქართუს უკავშირდება. რამდენიმე კვირაა ჩვენი სხვადასხვა წყარო კერძო თუ საჯარო სტრუქტურებში გვიდასტურებს მიდის აქტიური მოლაპარაკებების ლიბერთი ბანკის მიერ ქართუ ბანკის შეძენაზე. ეს ის ლიბერთი ბანკია, რომელიც რამდენი კვირის წინ კომპანია ჰანიველ პარტნერსმა შეიძინა, რომელის მთავარი აქციონერი და მმართველი პარტნიორი ირაკლი რუხაძეა. ის კი თავის მხრივ წლებია პატარკაციშვილების აქტივების დიდი ნაწილის მმართველია, ბადრი პატრკაციშვილის სეიცოცხლეში და გარდაცვალების შემდეგ. ეს არ არის ერთადერთი ინფორმაცია ლიბერთი ბანკზე, როემლსაც აქვს ამბიცია სიდიდით მესამე ბანკად ჩამოყალიბდეს საქართველოში. ჩვენი ინფორმაციით, თავად ლიბერთი ბანკში მიდის აქტიური კონსულტაციები საერთაშორისო საფინანსო კომპანია ფორ ფაინსნთან შესაძლო პარტნიორობაზე ლიბერთი ბანკში. ჩვენი ინფორმაციით, ლიბერთის 50 % შეძენაზე ინტერესი ფორფაინანსის სათაო ოფისმა გამოხატა. ვინც არ ხართ საქმის კურსში, გეტყვით რომ 4 ფაინანსი საერთაშორისო გლობალური ფინანსური ინსტიტუტია, იგი 2008 წელს დაარსდა და ამ დროისვის უკვე 5 მლრდ ევროზე მეტ პორტფელს ფლობს, რითაც 15 მლნ ზე მეტ მოხმარებელს ონლაინი და დიჯიტალ მომსახურებას უწევს. და კიდევ გასახსენებლად, რომ მთელი სურათი უკეთ დაინახოთ: ლადო გურგენიძე,რომლის სახელსაც უკავშირდება ლიბერთი ბანკის ფეხზე დადგომა და შემდგომ, წარმატებით გასხვისება, ისე წინასწარი მონაცემებით 2017 წელსაც წარმატებით ჩახურავენ, მოკლედ ლადო გურგენიძე ფორფაინანსის გრუპის სამეთვალყურეო საბჭოს თავმჯდომარეა. 21/12/2017
ერთი რაც დაზუსტებით ვიცი,რომ 1 იანვრიდან პრუდენციული ნორმების გამკაცრება გაკოტრების თეორიულ დაშვებებს უკავშირდება, ჰიპოთეტურად, გადამხდელების სახსრების დაცვის მიზნით. პირველ ტალღაში 3 ბანკი მოყვა - თიბისი, საქართველოს ბანკი და ლიბერთი, +2.5%; +2.5%: +1.5% . სისტემური ბანკების ბუფერი სრულად 4 -წლიან ვადაში უნდა შეივსოს.პირველი ეტაპი უწევს 2018 წლის ბოლოს. 1%-ის დამატება ევალება თიბისის და საქართველოს ბანკს, 0.6% -ის ლიბერთის, რომელიც სისტემურებთან სოციალური ვალდებულებების მომსახურების ნიშნით მოხვდა.ამ დროისთვის ბანკებს კაპიტალის ადეკვატურობის 10.5%-იანი კოეფიციენტი მოეთხოვება. რამდენიმე კოეფიციენტი მოქმედებს პარალელურად - ბაზელ I , II. III. 1 იანვრიდან იხვეწება და დარჩება მხოლოდ ბაზელ II. III. 21/12/2017
ვინ არის დღემდე ყველაზე მოთხოვნადი პროდუქტის ყველაზე მსხვილი მომპოვებელი. შავ ოქროზეა საუბარი, ნავთობზე და საკმაოდ საინტერესო ინფორმაციას წავაწყდით:საერთაშორისო ორგანიზაცია "სანავთობო სტატისტიკის საერთო ინიციატივის" (JODI) მიერ გავრცელებული მონაცემების თანახმად, მიმდინარე წლის ოქტომბერში რუსეთი კვლავ ყველაზე მსხვილი ნავთობმომპოვებელია მსოფლიოში, რომელიც აწარმოებდა საშუალოდ 10,298 მილიონ ბარელს/დღე-ღამეში. მეორე ადგილს იკავებს საუდის არაბეთი, რომელის ოქტომბერში მოიპოვებდა საშუალოდ 10,056 მილიონ ბარელს/დღე-ღამეში, ხოლო სამეულს ამთავრებს აშშ 9,283 მლნ ბარელის ნავთობის მოპოვებით. ორგანიზაციის მონაცემების მიხედვით, ნავთობის მოპოვება ოქტომბერში სექტემბრის თვესთან შედარებით რუსეთში გაიზარდა 0,2%-ით, საუდის არაბეთში - 0,8%-ით, ხოლო აშშ-ში შემცირდა 2,1%-ით. ოქტომბერში საუდის არაბეთის ნავთობის ექსპორტის ოდენობა ყოველთვიურ გამოხატულებაში გაიზარდა 4.9%-ით 6,874 მლნ ბარელამდე/დღე-ღამეში, აშშ-ში - 13,2%-ით - 1,667 მლნ ბარელამდე/დღე-ღამეში. ორგანიზაცია რუსეთთან დაკავშირებით ანალოგიურ მონაცემებს არ აღნიშნავს. თუმცა აღსანიშნავია, რომ სექტემბერში რუსეთის ნავთობის ექსპორტმა შეადგინა 4,929 მლნ ბარელი, აგვისტოში - 5,149 მლნ ბარელი/დღე-ღამეში. JODI-ის მონაცემებით, ოქტომბერში გადამუშავება საუდის არაბეთის ნავთობგადამამუშავებელ საწარმოებში წინა თვესთან შედარებით შემცირდა 4,5%-ით 2,687 მლნ ბარელამდე/დღე-ღამეში. აშშ-ში ნავთობის გადამუშავება გაიზარდა 3,3%-ით 15,973 მლნ ბარელამდე/დღე-ღამეში. ხოლო რუსეთის ფედერაციაში გადამუშავება შემცირდა სექტემბრის თვის მაჩვენებელთან შედარებით 0,2%-ით 5,553 მლნ ბარელამდე/დღე-ღამეში. 20/12/2017
თბილისის ერთერთ ცენტრალურ ქუჩაზე საქართველოს დღევანდელი უმსხვილესი ფინანსური ინსტიტუტის და ბანკის, თიბისი ისტორია იღებს დასაბამს. -ეს იყო ზუსტად 25 წლის წინ, 1992 წელს როდესაც ორმა ქართველმა ბიზნესმენი მამუკა ხაზარაძე ქართველ პარტნიორებთან ერთად აფუძნებს ბანკს. საწყისი კაპიტალით 500 აშშ დოლარი – სწორედ იმდენი იყო საჭირო და გახლდათ ვალდებულება ბანკის დაფუძნებისთვის საქართველოში გასული საუკუნის ოთხმოცდაათიანი წლების დასაწყისში.და ეს ის შემთხვევაა,როცა 500 დოლარით დაწყებული ისტორია არათუ რეალურია,არამედ კანონის მოთხოვნებითაც ზუსტად ასეთი იყო იმ პერიოდში. ეს ის დრო იყო როცა მუთაქაში და კომპოტის ბანკაში “მოხუფული” ფული მის მფლობელებს ქონების შესანახად ყველაზე საიმედი ადგილად ეგულებოდატ. აი ზუსტად ასე, როგორც თიბისის შედარებით მოგვიანებით გადაღებულ სარეკლამო რგოლშია. მას ცხადია არაკომერციული ჩვენებით გთავაზობთ. სხვათა შორის იმ წელს დაახლოებით 250 ბანკი დარეგისტრირდა.500 დოლარი არ იყო თანხა, როემლიც იმდროინდელ ქართველობას უჭირდა. სხვაა, რომ ამ 250 დან ან მათი ჩამონათვალის მოძიება დღეს ალბათ მხოლოდ ეროვნული ბანკის არქივშია შესაძლებელი. ბიზნესმედია იმ დროისთვის არ არსებობდა, თორემ ვინ მამაძაღლი. თიბისის ერთერთი პირველი დეპოზიტარი ქეთი დოლიძე იყო. ედინბურგიდან ფულადი ჯილდოთი დაბრუნებული დასის ქონება იყო პირველი, რომელიც დღეს ქვეყნის უმსხვილესი ბანკის სადეპოზიტო ანგარიშზე მოხვდა. დარწმუნებული ვარ, იმ ორასზე მეტ ბანკს და მის მფლობელსაც ჰქონდათ ნანახი ქეთი დოლიძეს კუკარაჩა, მაგრამ მურტალოს იღბალი ნამდვილად არ აღმოაჩნდათ. არც ბიზნესისთვის იმ და იდეაში დღესაც არაჩვეული თანმიმდევრულობა,რაც ბანკის უპირობო ზრდა შეუქცევადი გახადა. მოკლედ ეს დასაწყისი იყო. 1995-ში კი ბანკს 1 ფილიალი, 29 თანამშრომლი და ჯამური აქტივები 1.4 მლნ დოლარი ჰქონდა. ვახტანგ ბუცხრიკიძე, რომელმაც ბანკში 1993 წელს დაიწყო მუშაობა, 1995 წელს დანიშნეს მთავარი აღმასრულებელი დირექტორის თანამდებობაზე, იგი დღემდე ამ პოზიციაზეა. ყველაზე სტაბილური ბანკირია უდავოდ- ფორბსი არასოდეს ცდება. არც პერსონიფიცირებულ შეფასებებში.
ნინო ზამბახიძის დღევანდელი რუბრიკის თემა ქალების გაძლიერების პროექტები იქნება. სტუმარი : ნინო ზამბხიძე, "საქართველოს ფერმერთა ასოციაციის" თავმჯდომარე და ანი ფაშალიშვილი,გაეროს ქალთა ორგანიზაციის საქართველოს ოფისის პროგრამის სპეციალისტი 20/12/2017
2014 წელს ენპარდის მიერ დაწყებული პროგრამაში ჩართულების მთავარი მიზანი იმერეთსა და რაჭის 9 მუნიცილპაპიტეტში სიღარიბის დონის შემცირება იყო. ნებისმიერ მიზანს თავისი გეგმა აქვს. ენპარდის შემთხვევაში შეგვიძლია გამოვყოთ ორი მიმართულება: პირველი, ბიზნესზე ორიენტირებული მცირე საფერმერო კოოპერატივების განვითარება და სამეწარმეო ჯგუფებისთვის საშუალების მიცემა, უფრო ეფექტიანად აწარმოონ ბიზნესსაქმიანობა. და მეორე, წარმოებული პროდუქციის რაოდენობის გაზრდა, აგრეთე პროდუქციის მიღების, გადამუშავებისა და ახალი სამარკეტინგო პოლიტიკის გატარება, რათა გაიზარდოს გაყიდვების მოცულობა. როგორ დაიწყო პროგრამა და როგორია მისი მონაგარი, ამაზე საუბრით გავხსნათ თემა სტუმრებთან ერთად სტუმარი: გია ჩუბინიძე, კოოპერატივის „მეღვინეობა საზანო“ ხელმძღვანელი და სოფო ფუტკარაძე, Enpard-ის პროექტის კოორდინატორი 20/12/2017