ქართველ მეთაფლეებს ჯერ გამოწვევები და პრობლემები სხვა მიმართულებით აქვთ მაგრამ ერთ ვიდეოს გადავაწყდი და ამასაც გაგიზიარებთ. ჩვენებურ მეფუტკრეებსაც გამოადგებათ. ეს არის ინოვაციური სკა, რომელიც თაფლის ნაკადებს სწრაფად და მარტივად ათავსებს ჭურჭელში. სკაში ჩაშენებულია ფიჭა, სადაც გროვდება ფუტკრების ნაშრომი და დამზადებული თაფლი და შესაბამისად ჩანს კიდეც მოქმდება როგორ იწურება თაფლი. ასეთი მოქმედებისას არც ფუტკრების შეწუხება და ზიანება ხდება და თაფლიც მილების დახმარებით ხვდება შესაბამის ჭირჭელში. ტრადიციულად თაფლის ამოღება სხვა ფორმით ხდება. ერთჯერადი ფიჭის ამოსაღებად დაჭიროა სკის გახსნა, ე.წ ჩარჩოს ამოღება და ახლით ჩანაცვლება. აქ კი ჩარჩო თვითცლადია.და იოლად იცლება მას შემდეგ რაც სკას ფუთკრები ნექტრით ავსებენ . 15/12/2017
მარიოტის და ნებისმიერი კლასის სხვა სასტუმროების სამზარეულოს განუყოფელი ატრიბუტი, უფრო სწოად პროდუქტია თაფლი. გუშინ, საინტერესო ინფორმაციას წავაწყდი თაფლის თემაზე, და აგერ ბატონო: კოოპერატივ "მუხურის ფუტკარის" გამგეობის თავმჯდომარე ბონდო აბაშიძე ბაზარზე თაფლის ფალსიფიცირების პრობლემაზე საუბრობს. როგორც მან საქმის კურსს განუცხადა, მისი ინფორმაციით თბილისში გასაყიდად გამოტანილი 10 თაფლიდან 9 ფალსიფიცირებულია. ბიემჯის კითხვაზე, რა აძლევს ამის თქმის საშუალებას, ფერმერი პასუხობს, რომ სურსათის ეროვნულმა სააგენტომ ლატვიაში, რიგაში თაფლის 102 ნიმუში გაგზავნა, საიდანაც მხოლოდ 8 აღმოჩნდა უმაღლესი ხარისხის, აქედან ერთ-ერთი კი "მუხურის თაფლია". ბიემჯის სწრაფად გამოეხმაურა სურსათის უვნებლობის სააგენტო - 2016 წელს ლაბორატორიაში შესამოწმებლად გაგზავნეს თაფლის 104 ნიმუში და აქედან მხოლოდ 18 მათგანში აღმოჩნდა დარღვევები. წლევანდელი შედეგი ჯერჯერობით ცნობილი არ არის. 15/12/2017
Marriott 3-4 წელში საქართველოში 7 ახალი სასტუმროს მართვაში შესვლას გეგმავს. კომპანიის რეგიონალურმა ვიცე-პრეზიდენტმა პანკაჯ ბირლამ ბიემჯისთან საუბრისას განაცხადა, რომ Marriott-ს საქართველოში ყველაზე მსხვილი სასტუმრო ოპერატორის სტატუსის მოპოვება სურს.მარიოტი 12 განსხვავებულ ბრენდს აერთიანებს, მასში არის როგორც საშუალო ასევე მაღალი კლასის ბრენდები. მაგალითად "მოქსის" ბრენდი შედარებით დაბალფასიანია და ახალგაზრდა მომხმარებელზეა გათვლილი, ფასიც შესაბამისი.”მოთხოვნას ვხედავთ და სწორედ ამიტომ ვზრდით ინვესტიციას. საქართველოს ბაზარს ნათელი მომავალი აქვს“, - ამბობს კომპანიის ვიცე-პრეზიდენტი ჩვენს ბიემჯისთან საუბარში.
საქართველოს პრეზიდენტმა სემეკის წევრის ვაკანტურ თანამდებობაზე თბილისის ყოფილი მერის, დავით ნარმანიას კანდიდატურა წარადგინა. პრეზიდენტის მხრიდან სემეკის წევრობაზე ამ დრომდე უკვე წარდგენილები და დამტკიცებულები არიან მაია მელიქიძე და გოჩა შონია. გიორგი გახარია, შინაგან საქმეთა მინისტრი რომელიც დანიშვნისთანავე საკმაოდ მძიმე გამოწვევების წინაშე დადგა აგრძელებს საკადრო ცვლილებებს უწყებაში. საინტერესო მიმართულებითაც, ნათია მეზურნიშვილის და ნინო ჯავახაძეს მინისტრის მოადგილედ დანიშვნის შემდეგ, ახალი საკადრო გადაწყვეტილება შინაგან საქმეთა სამინისტროს საერთაშორისო ურთიერთობების დეპარტამენტის შეეხო, რომლის დირექტორად ეკატერინე მაჭავარიანი დანიშნა. ჩვენს ხელთ არსებული ინფორმაციით, ეს არ არის ბოლო გადაწყვეტილება მშვენიერი სქესის წარმომადგენელთა დანიშვნისა შინაგან საქმეთა სამინისტროში. მარიანა მორგოშია, რომელიც დღეს სააგენტო საწარმოე საქართველოს ხელმძღვანელობს, მალე შინაგან საქმეთა სამინისტროს მომსახურების სააგენტოს ჩაუდგება სათავეში. ვინ ჩაანაცვლებს მარიანა მორგოშის ეკონომიკის სამინისტროში,ეს ჯერჯერობით უცნობია. 15/12/2017
რაც შეეხება 2018 წლის სახელმწიფო ბიუჯეტს: 12,459,500,000 ლარი არის ის თანხა რომელსაც მთავრობა 2018 წელს დახარჯავს. პარლამენტმა მესამე მოსმენით 2018 წლის ბიუჯეტი გუშინწინ მიიღო. მას მხარი 111-მა დეპუტატმა დაუჭირა. ბიუჯეტის აღნიშნული მოცულობა რეკორდულია და ის 2017 წლის მაჩვენებელს 943 მილიონი ლარით აღემატება. ბიუჯეტის მიხედვით, არ იზრდება ხანდაზმულობის პენსია და ის ისევ 180 ლარზე რჩება, ასევე არ იზრდება დევნილთა შემწეობები და პირველი და მეორე ჯგუფის შშმ პირთა პენსია. თუმცა ამის სანაცვლოდ 20 მილიონი ლარით, 1,413,619,000 ლარამდე იზრდება საჯარო მოხელეთა სახელფასო ფონდი. ბიუჯეტში ასახულია სამინისტროების რაოდენობის შემცირება. საინტერესოა, რომ შესამცირებელი სამინისტროების ბიუჯეტები ჯამში 200 მილიონ ლარზე მეტად მცირდება, თუმცა ამ შემცირების მიუხედავად ბიუჯეტის მთლიანი მოცულობა 56 მილიონი ლარით იზრდება. სამინისტროების გაერთიანებით საჯარო მოხელეთა რაოდენობა მხოლოდ 6 პირით მცირდება. სამინსტროებს შორის ყველაზე დიდი ბიუჯეტი ჯანდაცვის, ინფრასტრუქტურის და განათლების სამინისტროებს აქვთ. კერძოდ, 2018 წელს ჯანდაცვის სამინისტროს ბიუჯეტი 3.5 მილიარდი ლარი იქნება, ინფრასტრუქტურის სამინისტროს - 1.8 მილიარდი ლარი და განათლების სამინისტროს - 1.2 მილიარდი ლარი. 15/12/2017
ნაღვლის ბუშტის ოპერაციის დროს მუცელში ჩარჩენილმა ამ სამედიცინო ხელსაწყომ პაციენტის მუცლის ღრუში 25 წელი „იცხოვრა“", - ამის შესახებ სამედიცინო კლინიკა "ინოვა" სოციალურ ქსელში აქვეყნებს ინფორმაციას ფოტოებთან ერთად. "მეოთხედი საუკუნის შემდეგ, "ინოვაში" ჩასატარებელი წინასაოპერაციო კვლევების დროს მაგნიტო-რეზონანსული ტომოგრაფიის აპარატმა ამ „დარტყმას“ ვერ გაუძლო; კომპიუტერულმა ტომოგრაფიამ პასუხად დაგვიბრუნა, რომ მეტალის საგანი იყო მუცლის ღრუში. პაციენტის გვარი უცნობია, თუმცა ონკოლოგიური ოპერაციის დროს „ინოვას“ ონკოქირურგმა, ირაკლი თოდუამ პაციენტის მუცლიდან სამედიცინო პინცეტი „ამოიყვანა“", - წერს კლინიკა "ინოვა" 15/12/2017
ეს ნოქსვილის სკოლის მოსწავლე კიტონ ჯონსია, რომელიც თანატოლების მხრიდან ჩაგვრის მსხვერპლი გახდა. ვიდეო, სადაც ის მის მიმართ ბულინგის შესახებ ყვება, ინტერნეტ სივრცეში მისმა დედამ განათავსა. კიტონი ყვება, რომ სხვები მას ცხვირის გამო დასცინიან, ეძახიან მახინჯს და ეუბნებიან, რომ მეგობრები არ ყავს. რამდენიმე საათში ვიდეო მილიონობით ადამიანმა ნახა, მათ შორის მსახიობებმა, მომღერლებმა და სპორტსმენებმა, რომლებმაც კიტონი გაამხნევეს და მხარდაჭერა გამოუცხადეს. კრის ევანსი: "გამაგრდი, კიტონ. არ მისცე მათ უფლება, გაგაბოროტონ. გპირდები, ყველფერი უკეთესობისკენ შეიცვლება. სანამ ის უღირსი ადამიანები სკოლაში გადაწყვეტენ, როგორი ადამიანები უნდათ რომ იყვნენ, ხომ არ გსურთ შენ და დედაშენი "შურისმაძიებლების" პრემიერაზე მოხვიდეთ ლოს ანჯელესში მომავალ წელს?" სნუპ დოგი: "მითხარი, პატარა ბიჭო, გინდა ჩემი მეგობარი იყო? და ჩვენ დავამტკიცებთ, რომ სიძულვილის დამარცხების ერთადერთი გზა სიყვარულია". მარკ რუფალო: "ეს ახალგაზრდა კაცი ჩემი გმირიც არის. ბავშვებმა იციან, სინამდვილეში რა არის სწორი. მე და დონ ჩედლს გვსურს ეს ჯენტლმენი Infinity War-პრემიერაზე მოვიწვიოთ". მილი ბობი ბრაუნი: "კიტონ, ის, რასაც ამბობ, ძალიან ზუსტია. რატომ აკეთებენ ადამიანები ამას? ვფიქრობ, რომ ძალიან მაგარი ხარ, კიტონ. მინდა, რომ შენი მეგობარი ვიყო. შენ საოცარი ხარ". ჯასტინ ბიბერი: "შენ მეგობარი გყავს ჩემი სახით, პატარა ძმაო, მომწერე პირადად და ვისაუბროთ, მიყვარხარ, მეგობარო". ლებრონ ჯეიმსი: "მჩაგვრელები პირდაპირი გაგებით იდიოტი, ბანალური, ლაჩარი სულელები არიან. თავი ამაყად გეჭიროს, კიტონ. შენ საუკეთესო ხარ". 14/12/2017
თანამედროვე დიზაინის მქონე საცხოვრებელი კომპლექსი „გრინჰილ რეზიდენსის“ მშენებლობა თითქმის დასრულებულია, უნიკალური დიზაინისა და ხედების მქონე კომპლექსი მობინადრეებს გამორჩეულ გარემოს და სერვისს სთავაზობს. „გრინჰილ რეზიდენსის“ პირობებსა და უპირატესობებზე ვნახოთ ჩვენი სიუჟეტი. სტუმარი : ლიკა ქარდავა, propertygeorgia.ge-ის დამფუძნებელი და მმართველი და მეგი სარიშვილი, "გრინჰილ რეზიდენსის" გაყიდვების და მარკეტინგის ხელმძღვანელი 14/12/2017
თევზისა და ზღვის პროდუქტების მოყვარულთათვის თბილისში ახალი რესტორანი „ანდროპოვის ყურები“ გაიხსნა. კვების ობიექტი, ვარდების მოედანზე მდებარე „რესპუბლიკის“ შენობაშ მესამე სართულზე განთავსდა და მის კონცეფციაზე ფრანგმა დიზაინერმა იზრუნა. გახსნით ღონისძიება გუშინ გაიმართა და მოსულ სტუმრებს მიშელინის ვარსკვლავის მფლობველი რესტორნის შეფები უმასპინძლდებოდნენ. უფრო მეტი დეტალი რესტორნის შესახებ, ვნახოთ მარიამ ადამიას სიუჟეტში. სტუმარი: გიორგი მარრი, "სილქ როუდ ჯგუფის" უძრავი ქონების პროექტების განვითარების ხელმძღვანელი 14/12/2017
ბოლო წლებია საქართველოს სამშენებლო სექტორი წარმატებით იზრდება. 2008-2009 წლებში მთელ მსოფლიოში და საქართველოშიც ფინანსური კრიზისმა პირველ რიგში სამშენებლო სფერო დააზარალა. უნდა გავითვალიწინოთ იმ ფაქტს, რომ ბოლო 9 წლის მანძილზე ამ სფერომ არაერთი დაბრკოლება გადალახა და კვლავ აგრძელებს ზრდას და რიცხვების მიხედვით, აღმავლობის ეტაპი გრძელდება. საქართველოს სტატისტიკის სამსახურის ინფორმაციით, 2017 წლის II კვარტალში მთლიანი შიდა პროდუქტის მაჩვენებელმა მიმდინარე ფასებში 9 066,1 მლნ. ლარი შეადგინა. წინა წლის შესაბამისი კვარტალის მიმართ მთლიანი შიდა პროდუქტის რეალური ზრდა 4,7 პროცენტის დონეზე დაფიქსირდა, ხოლო დეფლატორი გაიზარდა 5,9 პროცენტით. ასეთ დროს მშენებლობის ხარისხი და საერთაშორისო სტანდარტების გათვალისწინება განსაკუთრებით მნიშვნელოვანი პირობაა. რამდენად მნიშვნელოვანია საერთაშორისო სტანდარტების შესაბამისად მშენებლობის პროცესების წარმართვა; რა სარგებელს იღებს სამშენებლო კომპანია საერთაშორისო სტანდარტების შესაბამისად მუშაობის პროცესში და რა ეტაპებს გადის კომპანია სტანდარტების დანერგვამდე ამ თემებზე ისაუბრებენ სტუმარი: ელგუჯა მელაზე, შპს "მენეჯმენტის სისტემების" დირექტორი და დავით ლაცაბიძე, "ახალი სამშენებლო კომპანიის" (NCC) დირექტორი 14/12/2017
ყველა განვითარებულ ქვეყანაში ძალიან მნიშვნელოვანია თუ როგორი საკრედიტო ისტორია აქვს ადამიანს. სწორედ ამ კუთხით ქართულ ბაზარზე 2005 წლიდან კომპანია კრედიტ ინფო თავის მომსახურების პაკეტს ჩემს კრედიტ ინფოს მომხმარებლებს სთავაზობს.რა უპირატესობებს სთავაზობს მომხმარებლებს კრედიტ ინფო ვნახოთ სიუჟეტში. სტუმარი - ლაშა ბაღათურია, "კრედიტინფოს" ბიზნესის განვითარების მენეჯერი 14/12/2017
ზღვის დონიდან 1800 მეტრზე მდებარე სოფელ ზესხოში კარტოფილის მეურნეობა ევროკავშირის პროექტ ენპარდის ფარგლებში დაიწყო.აღებული გრანტით კოოპერატივმა შეიძინა მეურნეობისთვის საჭირო აღჭურვილობა,რამაც შრომა ადგილობრივებს კიდევ უფრო გაუმარტივა.ქვემო სვანეთის ულამაზესი სოფლის და კოოპერატივის შექმნის პატარა ისტორია ვნახოთ ანუკა ჯოხაძის სიუჟეტში. 14/12/2017
ელექტროენერიგიის, ბუნებრივი აირისა და წყალმომარაგების სექტორში არსებული ტარიფების შესახებ ახალგაზრდა ფინანსიტთა და ბიზნესმენთა ასოციაციამ კვლევა ჩაატარა. კვლევის მიხედვით გამოიკვეთა, რომ ხშირად კომპანიები ხარჯების ტარიფში ასახვას ვერ ახერხებენ, რაც მათ განვითარებას აფერხებს. მარეგულირებელი კომისიის სატარიფო პოლიტიკის შესახებ დეტალები ვნახოთ თათია ჩაფიჩაძის სიუჟეტში. სტუმარი: ანდრია გვიდიანი, „ახალგაზრდა ფინანსისტთა და ბიზნესმენთა ასოციაციის“ ანალიტიკოსი 14/12/2017
Legatum Institute-ის კეთილდღეობის ინდექსი უნდა შემოგთავაზოთ, რომელშიც საქართველომ მსოფლიოს 149 ქვეყანას შორის 84-ე ადგილს იკავებს. სხვათა შორის გასულ წელთან შედარებით, საქართველოს პოზიცია რეიტინგში არ შეცვლილა. რეიტინგის მაჩვენებლები მსოფლიოს სხვადასხვა კვლევით ორგანიზაციებზე დაყრდნობით ჯამდება. მათ შორის: Gallup-ის, მსოფლიო ჯანდაცვის ორგანიზაციის, Freedom House-ისა და Fragile States Index-ის. რეიტინგში საქართველოს საუკეთესო შედეგები განათლებისა და სახელმწიფო მმართველობის კომპონენტში აქვს, ყველაზე ცუდი კი სოციალური კაპიტალის. საქართველოს შედეგები სხვადასხვა კომპონენტებში შემდეგია: ეკონომიკის ხარისხი - 95-ე. კრიტერიუმით იზომება ქვეყნის ეკონომიკის ღიაობა, მაკროეკონომიკური ინდიკატორები, ასევე ფინანსური სექტორის ეფექტურობა. ბიზნესკლიმატი - 70-ე. კრიტერიუმით იზომება ქვეყნის ბიზნეს გარემო, ინფრასტრუქტურა, ბარიერები ინოვაციების კუთხით და სამუშაო ძალის შესაძლებლობები. გასულ წელთან შედარებით, საქართველო აღნიშნულ რეიტინგში 4 პოზიციით ჩამოქვეითდა. სახელმწიფო მართვა - 52-ე. კრიტერიუმით იზომება ეფექტური მმართველობა, დემოკრატია და კანონის უზენაესობა. გასულ წელთან შედარებით, აღნიშნულ კრიტერიუმში საქართველომ პოზიცია 2 საფეხურით გაიუმჯობესა. განათლება - 58-ე. კრიტერიუმით იზომება განათლების ხარისხი და ადამიანური კაპიტალი და განთლებაზე ხელმისაწვდომობა. ჯანდაცვა - 90-ე. კრიტერიუმით იზომება ქვეყნის მოსახლეობის მენტალური და ფიზიკური ჯანმრთელობა, ჯანდაცვის ინფრასტრუქტურა და პრევენციული ზრუნვა. გასულ წელს ჯანდაცვის კომპონენტში საქართველო მსოფლიოში 96-ე ადგილზე იყო. უსაფრთხოება - 71-ე. კრიტერიუმით იზომება ქვეყნის ეროვნული და მოსახლეობის პიროვნული თავისუფლება. ბოლო ერთ წელში საქართველოს პოზიცია აღნიშნულ კრიტერიუმში 7 ადგილით გაუმჯობესდა. პირადი თავისუფლება - 87-ე. კრიტერიუმით იზომება სოციალური ტოლერანტობა და იურიდიული უფლებების დაცვა. სოციალური კაპიტალი - 140-ე. კრიტერიუმი მოიცავს სამოქალაქო აქტივობას სხვადასხვა ქვეყნაში. ბუნებრივი გარემო - 124-ე. კრიტერიუმი მოიცავს გარემოს დაცვისა და საფრთხეების პრევენციის ღონისძიებებს. საქართველო რეიტინგში ყველა მეზობელ ქვეყანას უსწრებს.
იმ ეკონომიკური ზრდით, რაც 2013-2016 წლებში საქართველოს ჰქონდა, ანუ საშუალოდ 3.4%-ით, საქართველო დღევანდელი ლიტვის სიმდიდრეს მხოლოდ 32 წლის შემდეგ დაეწევა. საერთაშორისო სავალუტო ფონდის მონაცემებით, 2017 წლის მდგომარეობით ყველაზე მდიდარი პოსტსაბჭოთა ქვეყანა ლიტვაა, რომლის მშპ ერთ მოსახლეზე $31,935 დოლარია. საქართველო ლიტვასთან შედარებით სამჯერ ღარიბია და მისი მშპ ერთ მოსახლეზე $10,644 დოლარს შეადგენს. საქართველო სიმდიდრით მხოლოდ 6 პოსტსაბჭოთა ქვეყანას ასწრებს, ესენია: უკრაინა, სომხეთი, ყირგიზეთი, მოლდოვა, ტაჯიკეთი და უზბეკეთი. ყველაზე ღარიბი პოსტსაბჭოთა ქვეყანა ტაჯიკეთია, რომლის მშპ ერთ მოსახლეზეც $3,131-ია. სხვაობა ლიტვასა და ტაჯიკეთს შორის $28,800 დოლარს აღემატება. IMF ქვეყნების ეკონომიკების შეფასებისას იყენებს მსიდველუნარიანობის გათანაბრების სპეციალურ მეთოდს ანუ PPP-ს (purchase power parity). გათანაბრების შემდეგ საქონლისა და მომსახურების ფასები ყველა ქვეყანაში უნიფიცირებული ხდება, რაც ამ ქვეყნების მონეტარული პოტენციალის უკეთ შეფასების საშუალებას იძლევა. სავალუტო ფონდის მონაცემებით, საქართველოსთვის ასე დათვლილი მშპ ერთ სულზე 2017 წელს დაახლოებით $10,644 დოლარია, ამ გათანაბრების გარეშე კი ეს მაჩვენებელი $4,123 დოლარია. 14/12/2017
გაერომ მომდევნო წლის მსოფლიოს ეკონომიკური ზრდის პროგნოზი გამოაქვეყნა. გაერთიანებული ერების ორგანიზაცია მიმდინარე წელს მსოფლიოში 3%-იან ზრდას ელოდება, რაც 2011 წლის შემდეგ ყველაზე მაჩვენებელია. გასული წლის პროგნოზი 2,4% იყო. 2018-2019 წლებში გაერო მსოფლიოში 3%-იან ეკონომიკურ ზრდას ელოდება. გაერთიანებული ერების ორგანიზაცია მომდევნო წელს საქართველოში 4,3%-იან ეკონომიკურ ზრდას ელოდება. გაეროს პროგნოზი რეგიონის ქვეყნებისთვის შემდეგია: აზერბაიჯანი - 1,8% ყაზახეთი - 3% რუსეთი - 1,9% თურქმენეთი - 1,8% უზბეკეთი - 6,4% სომხეთი - 3,8% ბელორუსი - 2% უკრაინა - 2,5% ტაჯიკეთ - 6% ყირგიზეთი - 5,8% და ეს არ არის სრული მონაცემები ანგარიშიდან, რომელიც გაერომ გამოაქვეყნა. გაეროს პროგნოზით მომდევნო წელს საქართველოში ინფლაციის მაჩვენებელი 3%-მდე შემცირდა. აზერბაიჯანში ინფლაციის მაჩვენებლის პროგნოზი 5.9%-ია, სომხეთში 2,9%, ხოლო რუსეთში 4,4%. გაეროს მონაცემებით, მიმდინარე წელს საქართველოში უმუშევრობის მაჩვენებელი 11.4% იყო, რაც დამოუკიდებელ სახელმწიფოთა თანამეგობრობის წევრ ქვეყნებთან შედარებით ერთ-ერთი ყველაზე მაღალი მაჩვენებელია. კერძოდ, სომხეთში უმუშევრობის მაჩვენებელი 16.6%-ია, აზერბაიჯანში 5.2%, ყაზახეთში 5.4%, ყირგიზეთში 7.7%, მოლდოვაში 4.4%, რუსეთში 5.8%, ტაჯიკეთში 2.3%, თურქმენეთში 8.6%, უკრაინაში 8.8%, ხოლო უზბეკეთში 5.0%. 14/12/2017
Golden State Warriors-მაც მოკლე ფილმი მოამზადა. არც მთლად მოკლეა, ჩვენში რომ დარჩეს 20 წუთზე მეტია სიუჟეტი რომელშიც Golden State Warriors-ის თვალით დანახული საქართველო ჩანს. დაუვიწყარი დღეები ჩემს ოჯახის წევრებთან, მეგობრებთან და საყვარელ ხალხთან ერთად. ასე ასათაურებს ზაზა ფაჩულია ვიდეოს, რომელიც ფეისბუქზე თავად განათავსა. და რომელშიც ჩემპიონთა თასის საქართველოში მოგზაურობა აღბეჭდეს. თასი ჩვენთვის იყო საინტერესო, საქართველოს დედაქალაქის, ღვინის და ქართული საკალათბურთო ისტორიის ამბებით კი იმედია კიდევ უფრო მეტს დავაინტერესებდით და ამისთვის მადლობა ზაზა ფაჩულია კიდევ ერთელ ნამდვილად ეკუთვნის. 13/12/2017
საქმიანობების გადანაწილება,საერთო ხარჯების შემცირება და წარმოების გაზრდა ეს ის პრიორიტეტებია რაც კოოპერატივის შექმნამ ხორგის სათბურებს შესძინა. პროდუქტი, რომელსაც მომხმარებელი ამ კოოპერატივისგან ღებულობს კიტრი და პამიდორია, რომელიც სამეგრელოში ხობის მუნიციპალიტეტში ადგილობრივებს მოჰყავთ.პროდუქტი კი რაც მთავარია ეკოლოგიურად სუფთაა.დეტალები ვნახოთ სიუჟეტში. 13/12/2017
სახელმწიფო აუდიტის სამსახურმა 2018-2022 წლებია განვითარების სტრატეგიის პრეზენტაცია გამართა. თავის მხრივ ეს სტრატეგია მიზნად ისახავს სახელმწიფო აუდიტის სამსახურის დამოუკიდებლობისა და ინსტიტუციურ გაძლიერებას, მაღალხარისხიანი აუდიტორული საქმიანობით სამსახურის როლის გაზრდას საჯარო ფინანსების მართვაში პარლამენტის, მთავრობის და საზოგადოების მეტ ჩართულობას, მმართველობითი სისტემის დანერგვას და თანამშრომელთა პროფესიულ განვითარებას. რამდენიმე წუთიან პრეზენტაციაში ჩატეული გეგმების შესრულების ამბიცია ირაკლი მექვაბიშვილმა მთავრობის წევრების, დიპლომატების და მედიის წინაშე დააფიქსირა. რისი ამბიცია აქვს და რა გზით აპირებს ამბიციური გეგმის განხორციელებას აუდიტის სამსახურის ხელმძღვანელი ამაზე ვისაუბრებთ მასთან. სტუმარი: ირაკლი მექვაბიშვილი, საქართველოს გენერალური აუდიტორი 13/12/2017
ამ წუთებში ექსპო ჯორჯიაში საქართველოს პრემიერ მინისტრი და ევროკავშირის ელჩი ენპარდის პროგრამის 4 წლიან შედეგებს შეაფასებენ. დღესვე იგეგმება ევროკავშირის მიერ სოფლის მეურნეობის სფეროს შემდგომი დაფინანსების გამოცხადებაც. 13/12/2017
ერთი კვირის წინ მსოფლიოს, ევროპისა და ოლიმპიური თამაშების ჩემპიონმა ლაშა ტალახაძემ მორიგი ტიტული მოიპოვა. ქართველი ძალოსანი, ლაშა ტალახაძე მეორედ გახდა მსოფლიოს ჩემპიონი. აშშ-ის ქალაქ ანაჰაიმში გამართულ მსოფლიო ჩემპიონატზე ლაშა ტალახაძემ ოქროს მედლები მოიპოვა ატაცსა და აკვრაში, ორჭიდის ჯამში კი, 477 კილოგრამი დააგროვა და 23 კილოგრამით გაუსწრო უახლოეს მდევარს, ირანელ საეიდ ალიჰოსეინს. ატაცში 220 კილოგრამით და ორჭიდში აღებული 477 კილოგრამით გააუმჯობესა ორი მსოფლიო რეკორდიც, რომელიც თავადვე ეკუთვნოდა. მსოფლიოს ორგზის ჩემპიონი, 24 წლის ლაშა ტალახაძე ოლიმპიური და ევროპის ჩემპიონიც არის და ის დღეს საქმიანი დილის სტუმარია. სტუმარი: ლაშა ტალახაძე, მსოფლიო ჩემპიონი 13/12/2017
თბილისის მერია ორბელიანის მოედნისა და მიმდებარე ტერიტორიის რეაბილიტაციას იწყებს. პროექტის პრეზენტაცია დედაქალაქის მერმა გამართა. რომელზეც გავიგეთ რომ კოლმეურნეობის მოდნად ცნობილს ორბელიანის მოედანზე მიწისქვეშა, საკანალიზაციო, საინჟინრო-საკომუნიკაციო სამუშაოები უკვე განხორციელებულია შემდეგი ეტაპი კი ახალი ავტოსადგომის აშენება და ნაგებობების რესტავრაცია იქნება. სტუმარი: გიორგი ბაიდარაშვილი, თბილისის განვითარების ფონდის დირექტორი 13/12/2017
ხის დარგვის ინოვაციურ პლატფორმა ამჯერად მომხმარებლებს სამი სახის ბარათს სთავაზობს. კომპანიის ვებ-გვერდზე (treepex.com) რეგისტრაციის გავლის შემდეგ მსურველები ბარათზე დატანილი კოდის საშუალებით ხის დარგვას შეძლებენ. სტუმარი: სოფო კვანტალიანი, "თრიფექსის" ქართული წარმომადგენლობის დირექტორი 13/12/2017
საქართველომ ნოემბერში ტურიზმიდან 170 მლნ დოლარის შემოსავალი მიიღო, რაც წინა წლის ანალოგიურ პერიოდთან შედარებით, 24 მლნ დოლარით გაზრდილი მაჩვენებელია. ჯამში წლის 11 თვეში ტურიზმიდან მიღებულმა შემოსავლებმა 2,56 მლრდ დოლარი შეადგინა. წლის განმავლობაში ტურიზმიდან მიღებული შემოსავალი ყველაზე მაღალი აგვისტოში იყო და 395 მლნ დოლარს შეადგენდა. ნოემბერში, 2016 წლის ნოემბერთან შედარებით, საქართველოში შემოსულ ტურისტთა რაოდენობა 22%-ით გაიზარდა. 2016 წლის ნოემბერში 165 012 ტურისტი შემოვიდა, ხოლო 2017 წლის ნოემბერში 201 056. იანვარ-ნოემბერში ტურისტების რაოდენობამ 3 243 963 შეადგინა, რაც 27.6%-ით გაზრდილი მაჩვენებელია. 13/12/2017
ეკონომიკური პარამეტრების წლის ბოლოს შეჯამებისთვის მონაცემებს კიდევ შევავსებ. ოქტომბერში უძრავი ქონების სარეგისტრაციო ტრანზაქციათა რაოდენობა წინა წლის იმავე თვესთან შედარებით 47.8%-ით გაიზარდა და ქვეყნის მასშტაბით 84 710 ერთეული შეადგინა. საჯარო რეესტრის მონაცემებით, წინა თვესთან შედარებით სარეგისტრაციო ტრანზაქციების რაოდენობა 6.4%-ით გაიზარდა: ზრდა დაფიქსირდა როგორც პირველადი (7.8%-ით), ისე მეორადი (5.8%-ით) სარეგისტრაციო ტრანზაქციების რაოდენობაში. წინა წლის იმავე თვესთან შედარებით გაიზარდა უძრავი ქონების როგორც პირველადი (76.4%-ით), ისე მეორადი (37.4%-ით) ტრანზაქციების რაოდენობა. 2017 წლის ოქტომბერში პირველადი სარეგისტრაციო ტრანზაქციების რაოდენობამ 26 817 ერთეული შეადგინა, საიდანაც 20 104 ერთეული სახელმწიფო პროექტის ფარგლებში უფლების რეგისტრაციაა. მეორადი სარეგისტრაციო ტრანზაქციების რაოდენობამ კი 57 893 ერთეული შეადგინა, საიდანაც 10 062 სახელმწიფო პროექტის ფარგლებში ცვლილების რეგისტრაციაა, ხოლო 5 901- სახელმწიფო პროექტის ფარგლებში ცვლილების რეგისტრაცია (რეგისტრაციის გაუქმება). 2017 წლის ოქტომბერში განხორციელებული სარეგისტრაციო ტრანზაქციების 68.3%-ს მეორადი, ხოლო 31.7%-ს - პირველადი სარეგისტრაციო ტრანზაქციები შეადგენს. ყველაზე მეტი ტრანზაქცია ტრადიციულად თბილისში ფიქსირდება და ოქტომბერში მისმა რაოდენობამ 22015 შეადგინა, რაც წინა წელთან შედარებით 13,1%-ით გაზრდილი მაჩვენებელია. ყველაზე დიდი ზრდა კი საჩხერეში დაფიქსირდა. ოქტომბერში საჩხერეში 3243 ტრანზაქცია განხორციელდა, რაც 1152.1%-ით გაზრდილი მაჩვებელია. 13/12/2017
უმსხვილესი ინვესტორების სიაში პირველ კვარტალში აზერბაიჯანი ლიდერობს 25.9 პროცენტით, მეორე ადგილზეა თურქეთი 23.3 პროცენტით, ხოლო მესამეზე გაერთიანებული სამეფო – 10.7 პროცენტით. ყველაზე მეტი პირდაპირი უცხოური ინვესტიცია ტრანსპორტისა და კავშირგაბმულობის სექტორში განხორციელდა და 177.8 მლნ. აშშ დოლარს მიაღწია, რაც მთლიანი პირდაპირი უცხოური ინვესტიციების 29.9%-ია. მეორე ადგილზეა მშენებლობის სექტორი – 116.2 მლნ. აშშ დოლარით, ხოლო მესამეზე – ენერგეტიკის სექტორი 72.3 მლნ. აშშ დოლარით. ენერგეტიკის მინისტრის მოადგილე თორნიკე რიჟვაძე მიმდინარე წლის მესამე კვარტალში ენერგეტიკაში ინვესტიციების ზრდის მიზეზებს განმარტავს. როგორც რიჟვაძემ Bm.ge-სთან საუბრისას განაცხადა, აღნიშ ნულ პერიოდში ინვესტიციები ახალ ჰიდროელექტროსადგურებში განხორციელდა და ასევე უკვე მოქმედ ობიექტებში რეინვესტირების კომპონენტი გაიზარდა. "რამდენიმე დიდი მიმდინარე პროექტია, მათ შორის „ნენსკრა ჰესი“, თუმცა კომპანიების დონეზე არ გვინდა დაკონკრეტება კონფიდენციალობიდან გამომდინარე“, - განაცხადა თორნიკე რიჟვაძემ. და მიუხედავად იმისა, რომ ენერგოპროჯორჯიაში ამბობენ რომ შესასყიდი ელექტროენერგიის საფასური გაუძვირდათ, სემეკის თავმჯდომარე ირინა მილორავა აცხადებს, რომ ლარის კურსის გამო ტარიფის გადახედვა ზრდისკენ არ იგეგმება. 13/12/2017
2017 წლის მესამე კვარტალში საქართველოში 595 მლნ დოლარის პირდაპირი უცხოური ინვესტიცია შემოვიდა, რაც 17.6%-ით მეტია 2016 წლის მესამე კვარტალის მონაცემებზე. სტატისტიკის სამსახურის მონაცემებით, მიმდინარე წლის 9 თვეში (იანვარი-სექტემბერი) განხორციელებულმა პირდაპირმა უცხოურმა ინვესტიციებმა მილიარდ 346 მლნ აშშ დოლარი შეადგინა, რაც წინა წლის შესაბამისი პერიოდის მაჩვენებელზე 3%-ით მეტია. ამ ფონზე, იმავე სტატისტიკის სამსახურის მიერ ფორბსისთვის მოწოდებული ინფორმაციის თანახმად, წლის მესამე კვარტალში საქართველოს უმსხვილესი 10 კომპანია შემდეგი იყო: · IDC ბორჯომი · შპს მაგთიკომი · სს ენერგო-პრო ჯორჯია · BP Group · შპს აჭარ ენერჯი-2007 · შპს ჩინეთის რკინიგზის 23-ე ბიუროს ჯგუფი-ს მუდმივმოქმედი ფილიალი - (კომპანიის საქმიანობის სფეროს გზების და ავტობანების მშენებლობა წარმოადგენს) · სს მეტრო ავრასია ჯორჯია - (კომპნია სამშენებლო, უძრავი ქონების, ტრანსპორტისა და გადაზიდვების სფეროში მოღვაწეობს) · ენკა ინშაათ ვე სანაი ანონიმ შირქეთის ფილიალი საქართველოში (კომპანიის საქმიანობის სფეროს ნავთობსადენების და გაზსადენების მშენებლობა, ასევე სარემონტო სამუშაოები წამოადგენს) · თანაინვესტირების ფონდის შვილობილი შპს საქართველოს ტურიზმის განვითარების ფონდი · სს ნენსკრა ჰიდრო სტატისტიკის სამსახურის მიერ მოწოდებული კომპანიების სია არ არის დალაგებული რეიტინგის მიხედვით. ასევე, სტატისტიკის სამსახური არ გასცემს ინფორმაციას თუ კონკრეტულად რა მოცულობის ინვესტიცია განახორციელეს აღნიშნულმა კომპანიებმა საანგარიშო პერიოდში. 13/12/2017
დღეს ოთხშაბათია, 13 დეკემბერი და ფაქტია, რომ ადვოკატთა ასოციაციის თავმჯდომარეობის არჩევნებიდან 4 დღე გავიდა. და 2000-ზე 48 კაცით და ქალბატონითაც, მეტმა არჩევნებზე მისულმა ადვოკატმა ვერ შეძლეს თავისი ხელმძღვანელის არჩევა. ეს ტრაგიკომიკული სიტუაციაა,არის დასტური საზოგაოდებაში არსებული უმძიმესი ვითარებისა,რაც პირდაპირ კავშირშია ყველა იმ საარჩევნო მოვლენებთან,რომელიც ბოლო პერიოდში საქართველოში ჰქვია რომ იმართება. ამის დასტური იყო კალათბურთის ფედერაციის არჩევნებიც,სადაც არჩევნები დაერქვა პროცესს,სადაც კენჭს მხოლოდ ერთი ადამიანი იყრიდა.საკმაოდ მძიმე წინარე ბრალდებებით თავისი კანდიდატურა რამდენიმე საათით ადრე მოხსნა შიო ხეცურიანმა. ყველაზე მძიმე კი ამ ამბავში და იდეაში, ადვოკატთა არცევნებშიც გახლავთ ის, რომ ამ ბრალდებებს არავინ სწავლობს,შესაბამისად არც დასკვნები კეთდება და მათ ვინც დასჯა ეგების ხომ საერთოდ არც ვეხებით.ადვოკატთა შემტხვევაში საერთოდ მძიმედ გვაქვს საქმე.პროფესიის წარმომადგენლები,რომლებიც დანარჩენი საქართველოს მოსახლეობის ინტერესებს ყოველდღიურად იცავენ,ყველაზე ცუდი შესაძლო მაგალითი მისცეს საზოგადოებას. და ალბათ, ყველაზე უსუსურიც. ჩემთვის ბევრი პატივსაცემი პიროვნება და მეგობარი იურისტი მძიმედ განიცდის შაბათ დღეს და ამ ჩატარებული არჩევნების პროცესს. ადვოკატების არჩევნები უნდა ყოფილიყო მაგალითი და მოდელი, ყველა სხვა სფეროს და რიგითი მოქალაქეებისთვის, ვის ინტერესებსაც ყოველდღიურად იცავენ 4000 მეტი წევრი ადვოკატთა ასოციაციისა. ცუდი ფაქტი და პრეცედენტია. ბევრი არაფერი ვიცი ადვოკატთა ასოციაციის შესახებ,რომ მისი არსებობა გავამართლო ან ეჭვქვეშ დავაყენო.საქართველოში მოღვაწე ადვოკატებს წარმატებას ვუსურვებ მათ საქმიანობაში, ამ ასოციაციაში თუ მის ფარგლებს მიღმაც. ალბათ, უფრო ასოციაციის გარეთ. ასე უფრო გულწრფელი ვიქნები. 13/12/2017
საფრანგეთის სკოლებში მოსწავლეებს მობილური ტელეფონების ტარება და გამოყენება აეკრძალებათ. ამის შესახებ განცხადება საფრანგეთის განათლების მინისტრმა მიშელ ბლანქუერმა 10 დეკემბერს გააკეთა, აკრძალვის მიზეზად კი, ბავშვების ჯანმრთელობასთან და განათლებასთან დაკავშირებული პრობლემები დაასახელა. "ამ ბოლო დროს, ბავშვები საერთოდ აღარ თამაშობენ შესვენებებზე. მხოლოდ სმარტფონებში იყურებიან, ეს კი დიდი პრობლემაა განათლების სისტემისთვის." - განაცხადა მინისტრმა. არის რაღაც არა ამაშიც მისაბაძი ამ გათახსირებული ევროპისა. დილა მშვიდობისა მეგობრებო და ყველაზე საქმიანებო! ბედნიერ, მშვიდ და წარმატებულ დღეს გისურვებთ ჩვენს შვილებთან ერთად.
ავტოსატრანსპორტო საშუალებებისთვის ტექდათვალიერება 2018 წლის 1 იანვრიდან ამოქმედდება და სხვადასხვა კატეგორიის ავტომობილებს ეტაპობრივად შეეხება. დაგპირდით რომ ამ თემას ბევრჯერ შევეხებოდით, ამოქმედებამდეც და შემდეგაც. წინ ძალიან საინტერესო ეტაპია. მთავრობამ „ავტოსატრანსპორტო საშუალებებისა და მათი მისაბმელების პერიოდული ტექნიკური ინსპექტირების შესახებ“ ტექნიკური რეგლამენტი, რომელიც 2018 წლის 1 იანვრიდან ამოქმედდება, უკვე შეიმუშავა. სანამ თქვენს ავტოსატრანსპორტო საშუალებას ტექნიკურ გამართულობაზე შეამოწმებთ, ჯერ ის უნდა გავარკვიოთ რა მოთხოვნებს უნდა აკმაყოფილებდეს ის. ხოდა, იმის გასარკვევად რა არის ფოლხვა, ბოჭოჭიკის ბერკეტი და ხრახნული ამ რთული წინადადებებიდან შინაარსის გამოსატანად სანამ კარბურატორშიკებს ან კიდევ რა ვიცი კარობკის სპეციალისტებს მივაკითხავთ, ძალიან საჭირო და მნიშვნელოვან ლექსიკონს გთავაზობთ. ჩობალი- სალნიკი ხუნდი - კალოდკა ჯვარედინი - კრესტავინა საქარე მინა - ლაბავოი, პარპრიზი ყუმბარა - ყუმბარაა (რუსულად მისი სახელი საიდანაც ძირითადად გადმოგვაქვს ხოლმე პრაქტიკულ ხმარებაში სიტყვები ამ მიმართულებით “შრუს”_ია ) ლილვი ანუ ვალი ლუხლა ლილვი - კალენვალი საკისარი - პაჩებნიკი სატერფული - პედალი დგუში- პორშენი მქნევარა - მახავიკი ბარბაცა- შატუნი თვლების ნახარი- რაზვალი მუხრუჭი- ტორმუზი ხელის მუხრუჭი- რუჩნოი სარქველი - კლაპნიკი მაყუჩი- გლუშიწელი, გრუჩიწელი ჯალამბარი- ლებიოდკა საჭე- რული ღვედი- რემენი სიჩქარის გადაცენათა კოლოფი- კარობკა გადაბმულობა- ცეპლენია აალების სანთელი- სვეჩი სადათარიგო საბურავი - ზაპასკა შორსმაშუქი- დალნი ახლომაშუქი- ბლიჟნი კარტერი - კარტერი მაჭუტი- მმიგალკა, პავაროტნიკი ფოლხვა- ლიუფტი საფენი, სადები- პრაკლადკა დაკიდების სისტემა- პადვესკა და/ან ხადავოი ძრავი- მატორი ქანჩქამანდი- რაზვადნოი კლუჩი 12/12/2017
2018 წლის 1-ელი იანვრიდან საქართველოში 2006 წლის 1-ელ აპრილამდე გაცემულ მართვის მოწმობებს იურიდიული ძალა ეკარგება. იმ შემთხვევაში, თუ მოქალაქემ 2018 წლის 1-ელ იანვრამდე ვერ შეცვალა მართვის მოწმობა, დოკუმენტი ავტომატურად ძალადაკარგულად ჩაითვლება. მოქალაქე ავტომობილის მართვას შეძლებს მხოლოდ მას შემდეგ, რაც მართვის მოწმობას შეცვლის. აღსანიშნავია, რომ მართვის მოწმობის შეცვლის მსურველები არც 2018 წლის 1-ელი იანვრის შემდეგ ჩააბარებენ თეორიულ და პრაქტიკულ გამოცდას. სტუმარი: იმედა მაკასარაშვილი, შსს-ის მომსახურების სააგენტოს ცენტრალური სერვისების ბიუროს უფროსი 12/12/2017
ზურაბ წერეთლის სახელობის საგამოფენო დარბაზით დავიწყეთ გუშინ და დღეს უკვე სრულიად სხვა ბიზნესზე და ისევ წერეთელთან დაკავშირებულზე უნდა ვისაუბროთ. ქართველი მხატვრის ზურაბ წერეთლის სახელს უკავშირდება ღვინისა და ალკოჰოლური სასმელების კომპანია „Tsereteli Wine & Spirits“. სტუმარი: თამარ ხავთასი, Tsereteli Wine & Spirits -ის აღმასრულებელი მენეჯერი; თათია ქირტბაია, Tsereteli Wine & Spirits -ის საერთაშორისო ურთიერთობების დეპარტამენტის უფროსი 12/12/2017
ლანჩხუთში სოფელ ლესაში კოოპერტიული გაერთიანება ნერგები ჩამოყალიბდა,რომელმაც სათავე ჯერ კიდევ 7 წლის წინ აიღო, თუმცა განვითარება ევროკავშირის პროექტ ენპარდის ფარგლებში დაიწყო, რამაც ადგილობრივ მეურნეობას წარმოების ხარჯები შეუმცირა, ხოლო მოგება გაზარდა. დეტალები მეურნეობის შესახებ ვნახოთ სიუჟეტში. 12/12/2017
შეფასებისა და გამოცდების ეროვნული ცენტრი ახალ პროექტს იწყებს სახელწოდებით "Certus". პროექტი, ერთი მხრივ, ორგანიზაციების მოთხოვნებისა და, მეორე მხრივ, ამ სექტორში საქმიანობისა თუ სწავლის გაგრძელების მსურველთა საჭიროებების გათვალისწინებით შეიქმნა. "Certus"-ის დანერგვის პირველი, საწყისი ეტაპი სამაგისტრო ან სადოქტორო პროგრამებზე სწავლის გაგრძელების მსურველებსაც დააინტერესებთ - კანდიდატები ინგლისური ენის ცოდნის დონის დადასტურებას და შესაბამისი დოკუმენტის სასწავლებელში წარდგენას უახლოეს მომავალში შეძლებენ. სტუმარი: რუსუდან ტყემალაძე, შეფასებისა და გამოცდების ეროვნული ცენტრის უცხოური ენების ჯგუფის ხელმძღვანელი; სალომე ვაჩნაზე - პროექტის მენეჯერი; 12/12/2017
მსოფლიო ეკონომიკური ფორუმი მორიგ ვიდეოს აქვეყნებს შედარებით ძველ თემაზე,ვიდეო ხელოვნურ ინტელექტს ეძღვნება რომელმაც რამდენიმე საათში შეისწავლა ჭადრაკის მრავალსაუკონოვანი ისტორია, თუ არ ვცდები ეს 4 საათში მოახერხა. ალფაზერომ მოახერხა და თითქმის ყველა აღიარებულ ოსტატს უმკლავდება და უგებს ჭადრაკში.და მის შემქნელებს მიაჩნიათ,რომ ალფაზეროს ეს არაჩვეულებრივი უნარები მხოლოდ სასიკეთოდ წაადგება კაცობრიობას,განსაკუთრებით მედიცინის და ჯანდაცვის მიმართულებით. გუნდმა ხელოვნური ინტელექტი უკვე პროტეინის დეტალურ შემადგენლობის შესასწავლად მიმართა,რათა ისეთი დაავადებების საფუძვლიანი გამოკვლევა მოხდეს, როგორიცაა ალცჰეიმერი და პარკინსონი.ალფაზეროს შემქმნელები დარწმუნებულნი არიან რომ ხელვნური ინტელექტი აქტიურად გარდამტეხ როლს შეასრულებს მრავალი დაავადების წინააღმდეგ ბრძოლაში. საკმაოდ ხატოვნად სრულდება ვიდეოს ტექსტიც: ნუთუ ეს არის შამათი უკურნებელი დაავადებებსითვის? 12/12/2017
ქართული ბიზნესის განწყობის ინდექსი გაიზარდა. უმნიშვნელოდ მაგრამ მაინც გაზრდილი მონაცემებით განახლდა რეიტინგი. წლის მესამე კვარტალში ქართული ბიზნესის განწყობის ინდექსმა 28.2 ერთეულს მიაღწია, რაც წინა კვარტალთან შედარებით 1.2 პუნქტით მაღალია. ბიზნესის განწყობის ინდექსს ISET-მა BIA-სთან და ICC Georgia-სთან ერთად შეადგინა. შემცირებული მოლოდინების მიუხედავად, მეოთხე კვარტალში ბიზნესის განწყობის ინდექსის ზრდა მიმდინარე მდგომარეობის ინდექსის მნიშვნელოვანმა ზრდამ განაპირობა. სხვა სექტორებთან შედარებით, მშენებლობის დარგმა ყველაზე დადებითად შეაფასა საკუთარი საქმიანობა. ბიზნესის ოპტიმიზმი მესამე კვარტალთან შედარებით 10,9 ერთეულით დაეცა. ამასთან, ფინანსური და მომსახურების დარგების წარმომადგენლებმა ყველაზე მნიშვნელოვანი წვლილი შეიტანეს ბიზნესის ოპტიმიზმის შემცირებაში. მნიშვნელოვნად გაიზარდა გასაყიდი ფასების მოლოდინების ინდექსი სოფლის მეურნეობის დარგში მოღვაწე ბიზნესები მომდევნო კვარტალში ფასების ყველაზე დიდ ზრდას მოელიან, ამავდროულად, ფასების ყველაზე მეტი შემცირება პროგნოზირებულია გადამამუშავებელი მრეწველობის დარგში. გამოკითხვაში მონაწილე 124 კომპანიიდან მსხვილი ბიზნესის 30% და მცირე ბიზნესის 22% კვლავ ამბობს რომ ფინანსებზე ხელმიუწვდომლობა მათი მთავარი დაბრკოლებაა. მსხვილი ბიზნესის 24% და მცირე ბიზნესის 32% ამბობს რომ მათი მთავარი დაბრკოლება მოთხოვნის ნაკლებობაა. 12/12/2017
საქართველოს სამთო-სათხილამურო კურორტები დამსვენებლების მისაღებად მზად არის - ზამთრის ტურისტული სეზონი კურორტებზე ეტაპობრივად, ოფიციალურად გაიხსნება. 10 დეკემბერს ტურისტული სეზონი უკვე გაიხსნა გუდაურისა და გოდერძის კურორტებზე. ხვალ ბაკურიანში გაიხსნება დიდველი, ხოლო 23 დეკემბერს კოხტა-მიტარბი. რაც შეეხება სვანეთს, მესტია-ჰაწვალისა და თეთნულდის კურორტებზე სეზონის გახსნა 17 დეკემბერს არის დაგეგმილი. სტუმარი: გიორგი ჩოგოვაძე, ტურიზმის ეროვნული ადმინისტრაციის ხელმძღვანელი 11/12/2017
სულ ცოტა ხნის წინ, 7 თვიანი პროექტი, ბიზნესდაჯილდოება 2017 დასრულდა და ცნობილი გახდა იმ კომპანიების ვინაობა, რომლებიც დამოუკიდებელი კომისიის გადაწყვეტილებით, 661 აპლიკანტს შორის, საუკეთესოები აღმოჩნდნენ. ბიზნეს დაჯიდლოება 2017-ის შედეგები და გაიარებული წარმატების დეტალები, ვნახოთ მარიამ ადამიას სიუჟეტში. სტუმარი: ნათია ჭანტურია, "თიბისი ბანკის" ბიზნეს მიმართულების ბრენდ მენეჯერი; თამარ ჟიჟილაშვილი, თიბისი ბანკის MSME მართვის დირექტორის მოადგილე; სულხან ლაცაბიძე მოვა ჯეოსელის მარკეტინგის დირექტორი 11/12/2017
M2 -უძრავმა ქონებამ უმსხვილესი ფრანჩაიზული ხელშეკრულება გააფორმა. Georgian Retail Centers -თან გაფორმებული ხელშეკრულების მიხედვით დეველოპერული კომპანია თბილისის აეროპორტის მიმდებარედ საცხოვრებელ კომპლექსს ააშენებს, კომპლექსში 3600 საცხოვრებელი სახლი განთავსდება. მასშტაბებს არც აქამდე უჩიოდნენ, მაგრამ ეს კიდევ რაღაც ახალი ეტაპია კომპანიის საქმიანობაში. სტუმარი: ირაკლი ბურდილაძე, m2-ის გენერალური დირექტორი 11/12/2017
დღევანდელ ეთერში ელენე მის სტუმართან ერთად გუშნდელ აქციას გამოეხმაურება. ლიბერალური ნარკოპოლიტიკის მოთხოვნით გუშინ აქცია გაიმართა. სტუმარი: ელენე ჩომახიძე, ვახო მეგრელიშვილი, ახალი პოლიტიკური ცენტრი “გირჩი” 11/12/2017
ემილ ავდალიანის დღევანდელი რუბრიკის გმირების შესახებ ბევრი ისტორიის მოსმენა და გახსენება შეიძლება, მათ სახელს უკავშირებდა 1830-იან წლებში თბილისის ცენტრში აშენებული სასახლე, ახლანდელი საქართველოს ხელოვნების სახელმწიფო მუზეუმი, რომელიც 1837 წელს სიმბოლურ ფასად, თითქმის საჩუქრად გადასცა სასულიერო სემინარიას. 11/12/2017 ქართულიბიზნესისისტორიები
კომპანია RMG საქართელოს კულტურული მემკვიდრეობის ძეგლების რეაბილიტაციის პროგრამას იწყებს. რეაბილიტაცია ბოლნისის, მანგლისის და თეთრიწყაროს, ნიკორწმინდის და ალავერდის ეპარქიებში არსებული სამონასტრო კომპლექსებს ჩაუტარდება. კომპანია სამუშაობს 2018-2021 წლებში განახორციელებს და ჯამში 2 მილიონ ლარზე მეტს დახარჯავს. კომპანიის ინიციატივაზე თემის დეტალები ვნახოთ თათია ჩაფიჩაძის, რატი კაციტაძის და რევაზ ნასიძის სიუჟეტში. 11/12/2017
ახლა უკვე პირადად უნდა გაგაცნოთ 20 წლის ლუკა ლომთაძე, რომელიც მსოფლიოს ყველაზე პოპულარული სოციალური ქსელის, Facebook-ის გუნდს მაისიდან შეუერთდება. ქართველი სტუდენტი, რომელიც ამჟამად აშშ-ში, სან დიეგოს სახელმწიფო უნივერსიტეტის კომპიუტერული ინჟინერიის ფაკულტეტზე სწავლობს, Facebook-მა 250 000 აპლიკანტს შორის შეარჩია, კონკურსის შედეგად კი ლუკა ლომთაძე იმ 300 სტუდენტს შორის მოხვდა, რომლებიც კომპანიაში სტაჟირებას გაივლიან. სტუმარი: ლუკა ლომთაძე სან დიეგოს უნივერსიტეტის სტუდენტი, რომელიც სტაჟირებას Facebook-ში გაივლის 11/12/2017
თაფლი რომლის წარმადობის გაზრდაზეც საქართველოს ორი მხარე გაერთიანებული ძალებით მუშაობს. კოოპერატივის შექმნამ ლეჩხუმისა და სამეგრელოს მკვიდრნი გააერთიანა და მუშაობის პროცესი კიდევ უფრო გაამარტივა.მთის ნობათმა ფუნქციონირება ევროკავშირის პროექტ ენპარდის საშუალებით დაიწყო.კოოპერატივში წარმოებული თაფლის უპირატესოსბები და სამომავლო გეგმები ვნახოთ ანუკა ჯოხაძის სიუჟეტში. 11/12/2017
Alibaba-ს ხელმძღვანელი ჯეკ მა დარწმუნებულია, რომ ჩინეთი მსოფლიოს შრომის ბაზარზე დადებით გავლენას ახდენს. მისი თქმით, ბევრი უცხოური კომპანია ჩინეთში წარმატებით მოღვაწეობს, მაშინ, როდესაც ამერიკის შეერთებული შტატები ჩინური კომპანიებისთვის ნაკლებად იღბლიანია. მსოფლიოს რიგით მეოთხე ინტერნეტ კონფერენციაზე ჩინელმა მილიარდერმა უცხოურ ბაზრებზე ბიზნესის განვითარების საკუთარ გამოცდილებაზე ისაუბრა. სამიტი 3 დეკემბერს ჩინეთში გაიხსნა და წლევანდელი კონფერენციის მთავარი თემა ციფრული ეკონომიკა იყო. მოემზადეთ ციფრული ეპოქისთვის! - ეს იყო მისი მთავარი გზავნილი. ჯეკ მა ვარაუდობს, 30 წელში დადგება. მისი განმარტებით, 2047 წლისთვის ინტერნეტი “შემოქმედებითი ძალა” გახდება და თითოეული ადამიანის ცხოვრებაში მნიშვნელოვან როლს შეასრულებს. ჯეკ მას ხსენებისას მსოფლიო ეკონომიკური დღის წესრიგის განმსაზღვრელი მთავარი მოთამაშის ყველაზე მდიდრებიც არ დაგვავიწყდეს, ბოლობოლო ფორბსის გუნდია, რომელიც თქვენთვის უძღვება ბიზნესმედია გადაცემებს და რეიტინგები, სიმდიდრე, ძალაუფლება და მისი შეფასება, ჩვენი ყოველდღიურობის თანმდევია. მაშ ასე, უმდიდრესი ჩინელების ხუთეუული და მათი ბიზნესი: 1 ადგილს - ჰუი კაუნ ეი იკავებს,მისი ქონება 2017 წელს უკვე 42 ნახევარ მილიარდს შეადგენს. მისი კომპანია China Evergrande Group საჯაროა 2009 წლიდან, ძირითად უძრავი ქონების ბიზნესით არის დაკავებული ჩინეთის 200 მეტ ქალაქში, ჰუი კაუნ ეი შემდეგ უკვე კიდევ ერთ აწ უკვე დალისტულ კომპანია ევენგარდე ჰელსქეარს აარსებს და აქტიურად იმკვიდრებს თავს ჯანდაცვის სექტორში.სხვათა შორის ევერგრანდეში მცირედი წილით ჯეკ მას ალიბაბაც არის წარმოდგენლი. 2 ადგილზე - ტენსენტ ჰოლდინგის მეპატრონე მა ჰუატენგია,ჩინეთის ბაზრის გიგანტი,რომელიც არა მხოლოდ ჩინეთშია კაპიტალიზაციით უმსხვილესი,არამედი რამდენიმე კვირის წინ ფეისბუქსაც გადაუსწრო. სწორედ ამ კომპანიის მფლობელია მაჰუატენგი,რომლის ქონებას ფორბსი 39 მლრდ დოლარად აფასებს. 3 ადგილს თქვენთვის შედარედბით ნაცნობი ალიბაბას მეპატრონე ჯექ მა იკავებს. მასზე დიდხანს არარ გავჩერდები. მე 4 ადგილზეა ვანგ ჯანლინი - 25 მილიარდ 200 მილიონი დოლარით.ისიც უძრავ ქონებაშია და ძირიტადად მისი ინტერესი კომერციულ უძრავ ქონებაშია.