რუსთავის მერი, პოლიტიკური პარტია "ქართული ოცნება–დემოკრატიული საქართველოს" კანდიდატი – ირაკლი ტაბაღუა მოსახლეობამ 2017 წლის 21 ოქტომბერს გამართული ადგილობრივი თვითმმართველობის არჩევნების შედეგად, საკრებულოსთან ერთად აირჩია. ირაკლი ტაბაღუამ მომრჩეველთა ხმების 53, 05 % მიიღო და არჩევნების პირველივე ტურში გაიმარჯვა. მას მხარი რუსთავის 19 ათას 500-მდე ამომრჩეველმა დაუჭირა. თუმცა ვიდრე ახლადარჩეულ მერს პირდაპირ ეთერში ვუმასპინძლებთ, მანამდე მარიამ ადამია შეგვიჯამებს რუსთავის მერის ბიოგრაფიის მნიშვნელოვან დეტალებს და გზას მერის პოზიციამდე. ჩემს მიერ მოპოვებული ინფორმაციით, რუსთავის ახლადარჩეული მერი 1992-95 წლებში, უმაღლეს სასწავლებელში სწავლის პარალელურად, მუშაობდა ერთ-ერთ სამშენებლო ფირმაში ბროკერად, დამამთავრებელ კურსზე კი — რუსთავის საგადასახადო ინსპექციაში ინსპექტორად. მოგვიანებით, საქართველოს ფინანსთა სამინისტროს შემოსავლების სამსახურში გადაინაცვლა და გაიარა ყველა საფეხური რიგითი თანამშრომლიდან - დეპარტამენტის უფროსობამდე. 1995-96 წლებში იყო ქალაქ რუსთავის მერიის ეკონომიკური რეფორმების შტაბის აღმასრულებელი მდივანი. ხოლო 2012 წლიდან - ბოლო დრომდე ეკავა საქართველოს ფინანსთა სამინისტროს შემოსავლების სამსახურის საგადასახადო მონიტორინგის დეპარტამენტის უფროსის მოადგილის თანამდებობა. დღეს კი უკვე რუსთავის მერის თანამდებობას იკავებს და გეგებსა და გამოწვევებზე სასაუბროდ საქმიანი დილს სტუდიაში გვესტუმრა. სტუმარი: ირაკლი ტაბაღუა, რუსთავი მერი
„ხალიკ ბანკ საქართველომ“ კლიენტთა სტიმულირების 3 თვიანი აქციის გამარჯვებულები გამოავლინა. ღონისძიება 26 იანვარს ბანკის ერთ-ერთ ფილიალში გაიმართა. აქციის მიზანი ყველაზე მეტი საბარათე გადახდის მიმღები სავაჭრო ობიექტის გამოვლენა იყო. სტუმრები:ნათია ნინიკელაშვილი - შპს „სოფლიდან“ ხელმძღვანელი ; მაია ხელაძე - ხალიკ ბანკის საბანკო ბარათების დეპარტამენტის უფროსი. 29.01.2018
IKEA-ს დამფუძნებელი ინგვარ კამპრადი 91 წლის ასაკში გარდაიცვალა. ინფორმაციას ავეჯის მწარმოებელი შვედური კომპანია თავად ავრცელებს. მათი ცნობით, ინგვარ კამპარდი საკუთარ სახლში, სამხრეთ შვედეთში დაიღუპა."ინგვარი ძალიან მოენატრება და მას მუდმივად სიყვარულით გაიხსენებენ მისი ოჯახის წევრები და IKEA-ს თანამშრომლები მსოფლიოს გარშემო",- ნათქვამია პრერელიზში. კომპანია კამპარდს მეოცე საუკუნის ერთ-ერთი უდიდეს მეწარმედ მოიხსენიებს. არცთუ უსაფუძვლოდ. ბავშვობაში ინგვარი დაკავებული იყო სხვადასხვა პროდუქციის გაყიდვით. ვაჭრობის პირველი გამოცდილება მან მიიღო ასანთის გაყიდვით, რომელთაც 5 წლის ასაკში ყიდდა ქუჩაში. შემდეგ იგი ვაჭრობდა თავის დაჭერილი თევზით, საშობაო ბარათებით, საახალწლო აქსესუარებით და ასე შემდეგ. მას არ მიუღია უმაღლესი განათლება, არ უსწავლია ბიზნესი და არ უკითხავს ამ თემაზე წიგნები. მაგრამ მიუხედავად ამისა კომპანია იკეა (IKEA) შეიქმნა ინგვარის პირადი გამოცდილების და დაკვირვებების საფუძველზე. 1943 წელს შეიქმნა პირველი და მთავარი კომპანია იკეა (IKEA), რომელმაც თავისი საქმიანობა დაიწყო ავტოკალმებით ვაჭრობით. ავეჯით ვაჭრობა კომპანიმ დაიწყო მხოლოდ შექმნიდან ხუთი წლის შემდეგ.საინტერესოა, რომ ფირმა იკეა შეიქმნა მხოლოდ იმისათვის, რომ არ გაფუჭებულიყო ურთიერთობა მომწოდებელთან, რომელიც ითხოვდა ოფიციალურობას ბიზნესში. ფინანსების ნაკლებობის და ინგვარის პატარა ასაკის გამო კომპანია იკეა დარეგისტრირდა მისი მამის სახელზე.
ქართველი სუმოუსტები აოცებენ სრულიად იაპონიას, და სუმოს მსოფლიო სამყაროს. თუკი ლევან გორგაძე დარჩენილ სამივე ორთაბრძოლას მოიგებს, მაშინ იგი არავის შედეგზე დამოკიდებული აღარ იქნება და ჰაცუ ბაშოს ჩემპიონი ავტომატურად გახდება! ლევან გორგაძე 12 ტურის შემდეგ იანვრის ბაშოს ერთპიროვნული ლიდერია! ტოჩინოშინის (იგივე ლევან გორგაძე) ბალანსში 11 მოგება და 1 მარცხია, ყოფილ ლიდერ იოკოძუნა კაკურიუს კი უკვე 2 მარცხი აქვს, 10 მოგების საპირისპიროდ! ბაშოს ანუ ჩემპიონატის დამთავრებამდე 3 ტური რჩება და გამომდინარე დარჩენილი მეტოქეებიდან (როგორც ჩვენი, ასევე მონღოლი იოკოძუნასი), იმპერატორის თასის აღება ძალიან, ძალიან რეალური ხდება ჩვენთვის!!! ამ დროისთვის, სრულიად იაპონური პრესა საქართველოზე საუბრობს და მიუხედავად იმისა,რომ ამ სახეობის წესებსაც კი დეტალურად არ ვიცნობ, ვცდილობ მივყვე ბოლო ამ უპრეცედენტო შემტხვევას, რამაც სრულიად იაპონია აალაპარაკა საქართველოზე.
2018 წელს სახელმწიფო ქონების პრივატიზაციიდან 58,5 მილიონი ლარის მობილიზება იგეგმება. როგორც Bm.ge -ს ეკონომიკის სამინისტროდან აცნობეს, წელს გასაყიდი ობიექტების სია ჯერ არ არის ცნობილი, მას ,,სახელმწიფო ქონების ეროვნული“ სააგენტო დაინტერესებული ფიზიკური და იურიდიული პირების მიმართვის საფუძველზე ადგენს, ობიექტების გასაყიდი ფასიც აუქციონის ჩატარებამდე განისაზღვრება. 2017 წელს სააგენტოს მიერ 1897 ელექტრონული აუქციონი გამოცხადდა და წლის განმავლობაში ქონების გაყიდვიდან შემოსავალმა 97 949 476 ლარი შეადგინა. მათ შორის ყველაზე ძვირად ღირებული ობიექტების სია შემდეგნაირად გამოიყურება: 1) 24 589 000 ლარის მობილიზება მოხერხდა შპს,,ფოთის ინდუსტრიული ზონის, სახელმწიფო საკუთრებაში არსებული 75%იანი წილის რეალიზაციიდან. 2) 13 650 000 ლარი ბიუჯეტმა ქობულეთის მუნიციპალიტეტში, კერძოდ სოფელ ბუკნარში მდებარე 90 ჰექტარი არასასაოფლო-სამეურნეო მიწის ნაკვეთის გაყიდვიდან მიიღო. 3) 13 161 134 ლარი - გაზსადენი მილების პრივატიზაც იიდან. 4) 12 505 000 ლარი - ქ.თბილისში ჭონქაძის#21 ში მდებარე უძრავი ქოების რეალიზაციიდან. 5) 2 400 000 ლარო- ქ.თბილისში , სანდრო ეულის ქ#7 ში მდებარე 1925 კვ.მ და 2 604 კვ.მ არასასოფლო-სამეურნეო დანიშნულების მიწის ნაკვეთის რეალიზაციიდან. 6) 2 310 000 ლარი - ქ.თბილისში , რუსთაველის გამზირზე მდებარე 729 კვ.მ ფართისაასზე დამაგრებული არასასოფლო-სამეურნეო დანიშნულების მიწის ნაკვეთის გაყიდვიდან. 7) 1 960 000 ლარი - ასევე თბილისში, უზნაძის ქუჩაზე #14 ში მდებარე მიწის ნაკვეთისა და შენობების გაყიდვიდან. 8) 1 698 000ლარი - სოფელ ტაბახმელაში მდებარე მიწის ნაკვეთის რეალიზაციიდან.
"საქართველოს აეროპორტების გაერთიანება", საქართველოს მთავრობის მხარდაჭერით, 2018 წლის 20-23 თებერვალს თბილისში CONNECT-ის მე-15 ფორუმს უმასპინძლებს. ფორუმის ფარგლებში საქართველოს ეწვევა 500-მდე დელეგატი, მათ შორის 65 ავიაკომპანიისა და 250-მდე აეროპორტის წარმომადგენლები. სტუმარი:ქეთი ალექსიძე - "საქართველოს აეროპორტების გაერთიანების" დირექტორი
ეროვნულ ბანკში რეგისტრაციის გარეშე მეწარმე სუბიექტები 20-ზე მეტი ფიზიკური პირისგან ფულადი სახსრების მოზიდვას ვეღარ შეძლებენ.საკანონმდებლო ცვლილებების შედეგად "საქართველოს ეროვნული ბანკის შესახებ" ორგანულ კანონს დაემატა 483 მუხლი, რომლის შესაბამისად, 2018 წლის 11 მარტიდან, მეწარმე სუბიექტს ან ურთიერთდაკავშირებულ პირთა ჯგუფს ეკრძალება 20-ზე მეტი ფიზიკური პირისაგან დაბრუნებადი ფულადი სახსრების მოზიდვა (მათ შორის, სესხის მიღება) ან/და პირთა ფართო წრისაგან დაბრუნებადი ფულადი სახსრების მოზიდვის რეკლამირება, თუ ასეთი საქმიანობას ახორციელებს ეროვნული ბანკის მიერ არარეგისტრირებული მიკროსაფინანსო ორგანიზაცია ან არასაბანკო-სადეპოზიტო – საკრედიტო საქმიანობის ლიცენზიის ან საბანკო საქმიანობის ლიცენზიის არმქონე სუბიექტი. შესაბამისად, ყველა მეწარმე სუბიექტი, რომლებზეც ვრცელდება ორგანული კანონით გათვალისწინებული ზემოაღნიშნული შეზღუდვა, ვალდებულია, მოქმედი კანონმდებლობის მოთხოვნების სრული დაცვით, 2018 წლის 11 მარტამდე, დარეგისტრირდეს ან მიიღოს შესაბამისი ლიცენზია საქართველოს ეროვნულ ბანკში. სტუმარი: რევაზ მაზანიშვილი - PawwwN-ის თანადამფუძნებელი
პეკინის გამზირზე უძრავი ქონების ფასი შემცირდა, იქ განთავსებული მაღაზიების მფლობელები კი რეალიზაციის შემცირებას უჩივიან. პეკინის გამზირზე კომერციული უძრავი ქონების იჯარის ფასი 2017 წელს წინა წელთან შედარებით 9%-ით, ხოლო ფართების ვაკანტურობა 7%-ით შემცირდა. სტატისტიკას COLLIERS INTERNATIONAL GEORGIA ავრცელებს. "პეკინის გამზირი კვლავ რჩება თბილისში ერთ-ერთ მთავარ სავაჭრო ქუჩად, თუმცა, პეკინი ნაკლებად მომხიბვლელი გახდა მომხმარებლისთვის მას შემდეგ, რაც სავაჭრო ცენტრებში შოპინგისა და გართობის კულტურა ჩამოყალიბდა და მომხმარებელთა ნაკადმა იქ გადაინაცვლა.
თბილისის საბავშვო ბაღებში კვების რაციონთან დაკავშირებით ატეხილი აჟიოტაჟი არ ცხრება. მშობლები ჩივიან, რომ ბავშვების ულუფების მოცულობაც შემცირდა და საკვების კალორიულობამაც იკლო. სპეციალისტები კი კვების ახალ სტანდარტებზე და ბავშვებისათვის ჯანსაღი გარემოს შექმნის აუცილებლობაზე საუბრობენ. სტუმრები: მაია ყუფარაძე - გაეროს ბავშვთა ფონდის განათლების პროგრამების ხელმძღვანელი; კახა გვანცელაძე - თბილისის ბაგა-ბაღების სააგენტოს უფროსი.
სამგორის შემდეგ, კომპანია ჯორჯიან უოთერ ენდ ფაუერმა სარეაბილიტაციო სამუშაოები ვარკეთილი 3-ში დაასრულა. მოსახლეობის ცხოვრების ხარისხის გაუმჯობესებისთვის პროექტში 400 000 ლარის ინვესტიცია განახორციელა.
საქართველოში იზრდება იმ კომპანიების რაოდენობა, რომლებიც წარმოებაში ხარისხის სტანდარტს ნერგავენ. მათ რიცხვს სულ ცოტა ხნის წინ კიდევ რამდენიმე ქართული ხორცპროდუქტების კომპანიაც შეუერთდა.
თბილისში ტაქსების რეგისტრაცია სავალდებულო იქნება - შესაბამის ცვლილებებს თბილისის მერია ამზადებს. ამის შესახებ დედაქალაქის მერმა კახი კალაძემ მთავრობის დღევანდელ სხდომაზე განაცხადა. "კიდევ ერთი სიახლე, რომელიც ძალიან მნიშვნელოვანია, არის ტაქსების მომსახურების ხარისხის გაუმჯობესება და ეტაპობრივად გარკვეული სტანდარტების დაწესება. თბილისის მოსახლეობა და სტუმრები იმსახურებენ ხარისხიან, უსაფრთხო და კომფორტულ სერვისს, ამიტომ ჩვენ ხელს შევუწყობთ ამ სერვისის ეტაპობრივად გაუმჯობესებას. ამჟამად ვმუშაობთ სამართლებრივი საფუძვლების შექმნაზე იმისთვის, რომ მუნიციპალიტეტმა გასცეს ტაქსის სერვისის განხორციელების ნებართვა, ეს იქნება სავალდებულო რეგისტრაცია“,- აცხადებს კალაძე. ზურაბ ალავიძის თქმით, რეგულაციებზე აქტიურად მუშაობს ინფრასტრუქტურის სამინისტროც და იგეგმება, რომ რეგულაციები რეგიონებშიც, განსაკუთრებით კი ტურისტულ ზონებში ამოქმედდეს. ალავიძის თქმით, მძიმე მდგომარეობა წელს ამ მიმართულებით ბაკურიანში იყო, როდესაც კურორტზე ტაქსები თბილისიდან მიდიდონენ და უამრავი მანქანა იყრიდა თავს.
Business Insider იმ ქალაქების შესახებ აქვეყნებს ინფორმაციას, რომლებიც მანქანებზე უარის თქმას ეტაპობრივად გეგმავენ. გამოცემის ცნობით, 2016 წლის ბოლოს, მადრიდის მერმა განაცხადა რომ ქალაქის ცენტრში მანქანების აკრძალვას გეგმავს. მან პირობა დადო, რომ მისი მერობის პერიოდში, 2019 წლის მაისამდე ცენტრალური ნაწილი მხოლოდ ფეხით მოსიარულეებისთვის, ველოსიპედებისა და საზოგადოებრივი ტრანსპორტისთვის იქნება ხელმისაწვდომი. მადრიდი არ არის ერთადერთი ქალაქი, რომელიც მსგავსი შეზღუდვების შემოღებას გეგმავს, ამავე სიაშია: 1. ოსლო, ნორვეგია - 2019 წლისთვის ქალაქის ცენტრში მანქანები უნდა აიკრძალოს. 2025 წლისთვის კი ქვეყანა მანქანებზე უარის თქმას ქვეყნის მასშტაბით გეგმავს; 2. ჩენგდუ, ჩინეთი - ქალაქი მანქანებზე სრულად უარის თქმას არ აპირებს, თუმცა, 2020 წლისთვის მთლიანი მოსახლეობის - 80 ათასი ადამიანის- მხოლოდ ნახევარს ექნება მანქანის ყოლის უფლება; 3. ჰამბურგი, გერმანია - ქალაქი მანქანებს არ კრაძლავს, მაგრამ ზრდის ისეთი ტერიტორიების რაოდენობას, სადაც სიარული მხოლოდ ფეხითმოსიარულეებისთვის ან ველოსიპედებისთვის იქნება შესაძლებელი. ეს სისტემა 2035 წლისთვის ქალაქის 40%-ს მოიცავს; 4. კოპენჰაგენი, დანია - დღეისთვის ქალაქის მოსახლეობის ნახევარი ველოსიპედით გადაადგილდება და ამ პოლიტიკის გაგრძელებას ხელისუფლება მომავალ წლებშიც აპირებს; 5. პარიზი, საფრანგეთი - ქალაქი დიზელის საწვავზე მომუშავე მანქანებს კრძალავს და ველობილიკებს რიცხვს აორმაგებს; 6. ათენი, საბერძნეთი - პარიზს უერთდება საბერძნეთის დედაქალაქიც და დიზელის საწვავზე მომუშავე მანქანების აკრძალვას ქალაქის ცენტრიდან 2025 წლისთვის გეგმავს; 7. ლონდონი, დიდი ბრიტანეთი - დიზელზე მომუშავე მანქანების აკრძალვას 2020 წლისთვის ლონდონიც გეგმავს. მანამდე კი ქალაქის ხელისუფლება 13 დოლარამდე აჯარიმებს იმ ადამიანებს, რომლებიც ქალაქის კონკრეტულ ნაწილში დიზელზე მომუშავე მანქანებით გადაადგილდებიან პიკის საათებში; 8. ბრიუსელი, ბელგია - ქალაქში ევროპაში ყველაზე დიდი ადგილი გამოიყო, სადაც მხოლოდ ფეხით შეიძლება სიარული. ამასთან, ქალაქი 2018 წლიდან კრძალავს დიზელზე მომუშავე ავტომობილებს, რომლებიც 1998 წლამდეა გამოშვებული;
ერთმა შვეიცარელმა ქალბატონმა ორი ძუ ლომი გაზარდა, თუმცა მას შემდეგ რაც ისინი წამოიზარდნენ,აუცილებელი გახდა მათი ზოოპარკში განთავსება. ხოდა, არცემეტი და ნაკლები 7 წლის შემდეგ დატკბით მათი შეხვედრით ზოოპარკის ტერიტორიაზე.
ონ.ჯი ავრცელებს ინფრომაციას, რომ კანადის რამდენიმე ადგილას უფრო ცივა, ვიდრე ჩრდილო პოლუსსა და მარსზე. თუმცა ადგილობრივებს ამინდი გართობასა და ხუმრობაში ხელს არ უშლის.კანადელმა საიმონმა თოვლისგან მანქანა გააკეთა და ერთი შეხედვით უწყინარი ხუმრობა იმაზე სასაცილო აღმოჩნდა, ვიდრე იფიქრებდა.საიმონის ჩანაფიქრით, მანქანების გადათოვლის სამსახურის თანამშრომლები უნდა "გასულელებულიყვნენ", თუმცა მას თოვლის სკულპტურაზე საჯარიმო ქაღალდი დახვდა, რომელიც პოლიციელმა უკანონო პარკირებისთვის გამოწერა.თუმცა მოგვიანებით ინსპექტორმაც აღმოაჩინა, რომ ხუმარა საიმონის ოინების მსხვერპლი გახდა და საჯარიმო ქაღალდს ახალი წარწერა გაუკეთა:"ამ ღამით კარგად გვაცინე, ჰაჰაჰა :)"
საფრანგეთის სკოლებში მობილური ტელეფონების გამოყენება იკრძალება. საფრანგეთის ხელისუფლების გადაწყვეტილება 2018 წლის პირველ სექტემბერს შევა ძალაში. შეზღუდვა 6-დან 15 წლამდე მოსწავლეებზე გავრცელდება და საფრანგეთის უკლებლივ ყველა სკოლაზე გავრცელდება. დღესდღეობით, არსებული წესის თანახმად, საფრანგეთის სკოლებში მობილური ტელეფონებით სარგებლობა საკლასო ოთახებში შეზღუდულია. მომავალი სასწავლო წლიდან წესები გამკაცრდება. მოსწავლეები ტელეფონების გამოყენებას ვერ შეძლებენ საკლასო ოთახებში, შესვენების დროს და სკოლის სასადილოში. განათლების სამინისტროს წარმომადგენლების აზრით, ახალი წესი დისციპლინასაც შეუწყობს ხელს და ცოდნის მიღების დროს მოსწავლეებს ყურადღების კონცენტრირებაში დაეხმარება. ტელეფონების აკრძალვა საფრანგეთის პრეზიდენტის ემანუელ მაკრონის წინასაარჩევნო კამპანიის ნაწილი იყო. „მთავრობის სხდომის დაწყებამდე, ჩვენ ტელეფონებს ვინახავთ. ვფიქრობ, რომ ეს სკოლებშიც შესაძლებელია. ბავშვების უმრავლესობა სკოლაში შესვენების დროს არ თამაშობს, მოსწავლეებს შორის ნაკლები კომუნიკაციაა და მათი უმრავლესობა ტელეფონის ეკრანზეა ორიენტირებული“, – განაცხადა საფრანგეთის განათლების მინისტრმა ჟან -მიშელ ბლანკერმა.
ბავშვთა კვება, კოსმეტიკა და ფარმაცია - ეს არის ის სფეროები სადაც გადამუშავებული ვირის რძე განოიყენება. თუმცა როგორც აღმიჩნდა ქართულ სამედიცინო სფეროში მისი მკურნალიბის მიზნით მოხმარებაც ხდება.რომელი დაავადებების დროს იძლევა ვირის რძის მიღების რეკომენდაცია.
ფლანგვის დეტექტორი ავრცელებს სტატისტიკას: 2012 წელს ნარკოტიკულ საშუალებათა მოხმარებისთვის მსჯავრდებულთა რაოდენობამ სულ 861 პირი შეადგინა. საქართველოს უზენაესი სასამრთლოს მონაცემების მიხედვით, 2014 წელს 4003 ადამიანი იყო მსჯავრდებული ნარკოტიკული საშუალების მოხმარებისთვის. 2014 წლის მონაცემები უკვე დაახლოებით 4-ჯერ აღემატებოდა 2012 წლის მონაცემებს.ევროპის საბჭოს მიერ მომზადებული 2014-2015 წლის ანგარიშის თანახმად, საქართველოს ციხეებში პატიმრების 30% ნარკოდანაშაული გამო ზის.სასჯელაღსრულების და პრობაციის სამინისტროსგან მიღებული ინფორმაციის მიხედვით, 2015 წელს სამინისტროს ბიუჯეტიდან ერთი პატიმრის შესანახად დღიურად 31 ლარი და 28 თეთრი იყო გამოყოფილი.ჩამანაცვლებელი ფარმაცევტული პროდუქტის მეტადონის პროგრამით სარგებლობის ერთი თვის ვაუჩერის ღირებულება შეადგენს 215 ლარს, საიდანაც მოქალაქის თანაგადახდა შეადგენს 110 ლარს.2008 წლის მონაცემებით, ნარკოტიკების უკანონო მოხმარებისთვის მსჯავრდებულ პირთა 89%-მა, სასჯელის მოხდის შემდეგ განაახლა ნარკოტიკის უკანონო მიღება. 11% კი 11 თვეში მიუბრუნდა მოხმარებას.ნარკოტიკებისა და ნარკოტიკების მოხმარების მონიტორინგის ევროპული ცენტრის ინფორმაციით დღეს ზედოზირებით სიკვდილიანობის კუთხით პორტუგალია ბოლოდან მეორე ადგილზეა და მხოლოდ რუმინეთს ჩამორჩება. დღეს ნიდერლანდებსა და პორტუგალიაში მილიონ ადამიანზე საშუალოდ 6 ზედოზირებით გარდაცვლილი ფიქსირდება, საქართველოში კი 60.
საქართველოს ლოჯისტიკური პოტენციალი სტუმარი: ნინო მენთეშაშვილი კომპანია TNT-ის დირექტორი
Amazon-მა 22 იანვარს სიეტლში პირველი სასურსათო მაღაზია გახსნა სალაროს გარეშე. როგორც ამერიკის ხმა ცხადებს, მაღაზია გამორჩეული იმით არის, რომ მყიდველი შენობაში ვერც სალარო აპარატს ნახავს და არც გამყიდველი თანამშრომლები დახვდებიან. მაღაზია სრულად თანამედროვე ინფორმაციულ ტექნოლოგიებზე და ხელოვნურ ინტელექტზეა მორგებული. ობიექტი სენსორებითა და კამერებით არის აღჭურვილი, რომლებიც აკონტროლებენ მომხმარებლის მიერ შერჩეულ საქონელს. როგორც კორპორაციაში აცხადებენ, მაღაზიის შესასვლელთან მომხმარებელი საკუთარი სმარტფონის QR-კოდს დაასკანერებს. ამის შემდეგ იგი კამერებისა და გადამცემების ყურადღების ცენტრში მოექცევა. შეიქმნება ვირტუალური კალათა, სადაც მყიდველის მიერ არჩეული პროდუქტი განთავსდება. მაღაზიიდან გამოსვლისას კი მყიდველის ანგარიშიდან შესაბამისი თანხა მოიჭრება. სმარტ-მაღაზია Amazon Go ტესტირების რეჟიმით 2016 წლის 5 დეკემბრიდან მუშაობს, თუმცა მისით სარგებლობა მხოლოდ კორპორაციის თანამშრომლებს შეეძლოთ.
2017 წელს მედიაში ყველაზე აქტიურად საბანკო სექტორი შუქდებოდა. ამის შესახებ საუბარია სამარკეტინგო საკონსულტაციო კომპანია “აიფიემის” მორიგ კვლევაში, რომლის თანახმადაც, წელს მედიაში, ყველაზე მეტჯერ, ქართული კომპანიებიდან, თიბისი ბანკი ახსენეს, ანუ მასზე დაახლოებით 9 ათას 190 სტატია/სიუჟეტი მომზადდა. რიგით მეორე ადგილზე კვლავ საბანკო სექტორის წარმომადგენელი - საქართველოს ბანკი დასახელდა, რომელიც ქართულ მედიაში 6 ათას 335 ჯერ იყო ნახსენები. აიფიემის კვლევაში, მესამე ადგილას მოხვდა სამედიცინო კორპორაცია ევექსი, რომელზეც 4 ათას 234-ჯერ მომზადდა მასალა. მას მოჰყვება ცენტრ-პოინტი, რომელიც 2017 წელს 2 ათას 225 ჯერ ახსენა ქართულმა მედიამ, თუმცა გამოვლინების გარდა, მნიშნელოვანია, თუ როგორ ტონში მოხდა კომპანიების გაჟღერება და როგორ პოზიციონირდნენ ისინი მსმენელისა და მკითხველის გონებაში. მაგალითან იგივე ცენტრ პოინტი, მართალია ერთ-ერთ ყველაზე აქტიურ კომპანიათა ხუთეულში მოხვდა, თუმცა მას 97%-იანი ნეგატიური გამოვლინების მაჩვენებელი ახასიათებს, ასევეა სასტუმრო ლეო გრანდიც, თუმცა მათი ნეგატიური პროფილი, 2017 წელს განვითარებული მოვლენების ფონზე, ლოგიკურად ფორმირდა. კვლევის მიხედვით, ასევე ირკვევა, რომ ერთადერთი კომპანია, ლიდერი ოცეულიდან, რომელსაც პოზიტიური გამოვლინების მაჩვენებელი ასი პროცენტი აქვს - თეგეტა მოტორსია, რომელიც ქართულმა მედიამ 1030 ჯერ ახსენა. 99%-იანი დადებითი გამოვლინების მაჩვენებელი ახასიათებს ევექსს, 98%-იანი თიბისი ბანკს, ხოლო 93%-ი საქართველოს ბანკს. თუკი სექტორულად ჩავშლით, 2017 წელს მედიაში ყველაზე აქტიური სექტორი საბანკო საფინანსოა და მთელი ბიზნეს გამოვლინების 35 %-იც სწორედ ამ სფეროზე მოდის. მეორე და მესამე ადგილოსანი სექტორები „მშენებლობა“ და „ვაჭრობა“, რომლებიც მნიშვნელოვნად ჩამორჩებიან პირველ ადგილს, თუმცა საკმაოდ აქტიურები იყვნენ წლის განმალობაში. კვლევის მიხედვით, ბიზნესი, ის კატეგრიაა, რომელიც ამრავალფეროვნებს მედიას და მეტად მიმართულია სიახლეზე, ინოვაციაზე, მეტად ქმნის მსმენელთა/მკითხველთა მოლოდინებს და რიგ შემთხვევაში ამართლებს კიდევაც მათ. სტუმარი: ხათუნა ბაქრაძე - მედიისა და რეკლამის მონიტორინგის დირექტორი
სახელმწიფო აუდიტის ანგარიშის მიხედვით, შსს-ს 2016 წლის 31 დეკემბრის მდგომარეობით, 1846 სატრანსპორტო საშუალება ემსახურება, რომლის ჯამური ღირებულბაც 34,4 მილიონი ლარია. შენახვის წლიური ხარჯი 11 მილიონ ლარს შეადგენს. აქვე ხაზგასმით ვიტყვი, რომ მთავრობის დადგენილების მიხედვით, შსს-ს 25 "განპიროვნებული ავტომობილის" ყოლის უფლება აქვს, თუმცა ფაქტობრივ სარგებლობაში 630 ავტომობილი ფიქსირდება. შსს - 1846 ავტომობილი გარემოს დაცვის სამინისტრო - 400 ავტომობილი განათლების სამინისტრო - 390 ავტომობილი ჯანდაცვის სამინისტრო - 378 ავტომობილი სოფლის მეურნეობის სამინისტრო - 331 ავტომობილი სასჯელაღსრულების სამინისტრო - 284 ავტომობილი თბილისის მერია - 281 ავტომობილი ინფრასტრუქტურის სამინისტრო - 154 ავტომობილი ეკონომიკის სამინისტრო - 117 ავტომობილი კულტურის სამინისტრო - 102 ავტომობილი პარლამენტი - 98 ავტომობილი და ეს ციფრები კლების მიხედვით მიდის.
საფრანგეთის სკოლებში მობილური ტელეფონების გამოყენება იკრძალება. საფრანგეთის ხელისუფლების გადაწყვეტილება 2018 წლის პირველ სექტემბერს შევა ძალაში. შეზღუდვა 6-დან 15 წლამდე მოსწავლეებზე გავრცელდება და საფრანგეთის უკლებლივ ყველა სკოლაზე გავრცელდება. დღესდღეობით, არსებული წესის თანახმად, საფრანგეთის სკოლებში მობილური ტელეფონებით სარგებლობა საკლასო ოთახებში შეზღუდულია. მომავალი სასწავლო წლიდან წესები გამკაცრდება. მოსწავლეები ტელეფონების გამოყენებას ვერ შეძლებენ საკლასო ოთახებში, შესვენების დროს და სკოლის სასადილოში. განათლების სამინისტროს წარმომადგენლების აზრით, ახალი წესი დისციპლინასაც შეუწყობს ხელს და ცოდნის მიღების დროს მოსწავლეებს ყურადღების კონცენტრირებაში დაეხმარება. ტელეფონების აკრძალვა საფრანგეთის პრეზიდენტის ემანუელ მაკრონის წინასაარჩევნო კამპანიის ნაწილი იყო. „მთავრობის სხდომის დაწყებამდე, ჩვენ ტელეფონებს ვინახავთ. ვფიქრობ, რომ ეს სკოლებშიც შესაძლებელია. ბავშვების უმრავლესობა სკოლაში შესვენების დროს არ თამაშობს, მოსწავლეებს შორის ნაკლები კომუნიკაციაა და მათი უმრავლესობა ტელეფონის ეკრანზეა ორიენტირებული“, – განაცხადა საფრანგეთის განათლების მინისტრმა ჟან -მიშელ ბლანკერმა.
საქართველო და ჩინეთი ტურისტული ჯგუფების უვიზოდ მიმოსვლაზე წელს ხელშეკრულებას გააფორმებენ, ხოლო თავისუფალი ვაჭრობის ხელშეკრულება, საქართველოს ჩინეთში ტურისტული მომსახურების სააგენტოების გახსნის შესაძლებლობას მისცემს. როგორ აფასებს ამ ფაქტს კერძო სექტორი და რა ეკონომიკური ბენეფიტების მოტანა შეუძლია ორმხრივ შეთანხმებას ქვეყნისთვის, დეტალები ვნახოთ მარიამ ადამიას სიუჟეტში. სტუმარი : მაია სიდამონიძე, ილიაუნის ბიზნეს სკოლის ტურიზმის ცენტრის ხელმძღვანელი ; ნიკა მანჯგალაძე - კომპანია „თრეველ შოპის“ დამფუძნებლი ; ია თაბაგარი - საქართველოს ტურ-ოპერატორთა ასოციაციის ხელმძღვანელი
სტუმარი: მიხეილ ბატიაშვილი ბიზნესისა და ტექნოლოგიების უნივერსიტეტის რექტორი 23.01.2018
თებერვლის ბოლოდან დედაქალაქის 14 ქუჩაზე ყვითელი სამარშრუტო ტაქსები მხოლოდ გაჩერებებზე გაჩერდებიან. 1 მარტიდან კი საპილოტე პროექტის ფარგლებში თბილისის 32 ქუჩაზე „თბილსერვის ჯგუფი“ ნაგავშემკრები კონტეინერების დაცლას ღამის საათებში დაიწყებს. ამას გარდა, მერია აქტიურად მუშაობს სადისტრიბუციო მანქანებისთვის შეზღუდვების დაწესებაზე. ეს ყველაფერი ერთ მიზანს - თბილისის საცობებისგან მაქსიმალურად განტვირთვას ემსახურება. სტუმარი: სტუმარი: მაია ბითაძე - თბილისის მერის მოადგილე 23.01.2018
„მენაშენეთა ასოციაცია“ თბილისის მერს, კახა კალაძეს დედაქალაქში ავტომობილების პარკინგის პრობლემის კომპლექსური მოგვარების საკუთარ ხედვებს სთავაზობს. იმ ფონზე რომ დედაქალაქის მთავრობაში რამდენიმე მიმართულებით მუშაობენ იმისთვის, რომ გზები განიტვირთოს და პარკირებისთვის დამატებითი ლოკაციები გაჩნდეს, მენაშენეთა ასოციაციაში ფიქრობენ, რომ პრობლემის მოგვარების ერთ ერთი გზა შესაძლოა 90 იან წლებში უკანონოდ აშენებული ავტოფარეხების აღებაც იყო. სტუმარი: თორნიკე აბულაძე "მენაშენეთა ასოციაციის" წევრი
ყველაზე მდიდარი 1%-ის ქონება მსოფლიოში მოსახლეობის მთლიანი ქონების 82%-ის ტოლია,- ამის შესახებ Oxfam აცხადებს. მათი ინფორმაციით, განსხვავება სუპერ მდიდარ ხალხსა და დანარჩენ სამყაროს შორის ძალიან დიდია. ორგანიზაცია აცხადებს, რომ წინა წელთან შედარებით ეს განსხვავება კიდევ უფრო გაიზარდა. საერთაშორისო ორგანიზაცია რამდენიმე მიზეზს ასახელებს. მათი თქმით, მდიდრებსა და ღარიბებს შორის ეს განსხვავება გამოწვეულია გადასახადების გადაუხდელობით, კომპანიების გავლენით პოლიტიკაზე და დასაქმებულთა უფლებების ეროზიით. Oxfam აღნიშნავს, რომ 2018 წელს სულ 42 ადამიანი ფლობს იმდენივე ქონებას, რამდენსაც მსოფლიოს უღარიბესი მოსახლეობის ნახევარი. შარშან ამავე ქონებას 61 ადამიანი ფლობდა, თუმცა ორგანიზაცია აღნიშნავს, რომ უმდიდრესი ადამიანების რიცხვის შემცირება მეთოდოლოგიის დახვეწამ განაპირობა და რეალურად უთანასწორობა მოსახლეობას შორის დარჩა. ჟენევაში კი ყველაზე მდიდარი ქართველის, ბიძინა ივანიშვილის საქმის განხილვა დაიწყო. სასამართლო პროცესზე ექსპრემიერის ყოფილმა პირადმა ბანკირმა აღიარა, რომ 2008 წლის ფინანსური კრიზისის პერიოდში თავისი კლიენტების თანხები ყალბი ხელმოწერის დახმარებით სხვა ანგარიშებზე გადაჰქონდა.შედეგად ბიძინა ივანიშვილს დაახლოებით $150 მილიონის ზარალი მიადგა. Credit Suisse-ის ყოფილი ბანკირი პატრის ლესკაუდრონი აღიარებს, რომ ბიძინა ივანიშვილის ხელმოწერის გარდა, რუსი ბიზნესმენის ვიტალი მალკინის ხელმოწერასაც აყალბებდა. ბრალდებულს, რომელიც უკვე 2 წელია დაკავებულია, 10 წლით თავისუფლების აღკვეთა ემუქრება. ის წლების განმავლობაში კლიენტების $1,6 მილიარდის ქონებას უწევდა მენეჯმენტს, მათ შორის იყო ბიძინა ივანიშვილის და რუსი ბიზნესმენის ქონებაც. როგორც ცნობილია პატრის ლესკაუდრონი მოსკოვშიც მუშაობდა და მის წინააღმდეგ სარჩელი ბიძინა ივანიშვილის გარდა კიდევ ორ რუს ბიზნესმენს აქვს შეტანილი.
14 ტბა საქართველოში, რომელსაც უნდა ეახლო 2018 წელს. მწვანე ზებრამ გააკეთა ჩამონათვალი იმ ტბებისა, რომელიც მდებარეობს საქართველოს კონტროლირებად ტერიტორიაზე და მათივე აზრით აზრით ეს 14-ვე ტბა ყველაზე მეტად იმსახურებს მიმდინარე წელს მონახულებას.
ემილ ავდალიანის მორიგი ვიდეო ბლოგი სომეხ მეცენატზე ალექსანდრე მელიქ-აზარიანცზე, რომელიც იმ დროის ჭეშმარიტი კაპიტალისტი იყო: პირველი გილდიის ვაჭარს წილები ჰქონდა სპილენძისა და ნავთობის საბადოებში. მას ეკუთვნოდა თბილისის პირველი სატელეფონო ქსელი და მისი იყო ყველაზე ცნობილი „შემოსავლიანი სახლი” ოლგას ქუჩაზე – ამჟამინდელ რუსთაველის გამზირზე - მდებარე თბილისის გამორჩეული არქიტექტუარული ნაგებობა. #ქართულიბიზნესისისტორიები
300 მილიარდი .... გაქრა. წავიდა. სულ რაღაც 36 საათში. ამდენი დაკარგა კრიპტოვალუტების საერთო კაპიტალიზაციამ დღენახევარში. კვირის კრიპტოსავალუტო ბაზრის ბოლო კორექციამ ციფრულ ანგარიშებზე არსებული დიდძალი ქონება გაანიავა. ბიტკოინის ჩამოქცევა მხოლოდ ერთ ძალას შეუძლია, ჩვენი, კრიპტომოთამაშეების პესიმიზმს. მე ოპტიმისტად ვრჩები. საინტერესოა რა აზრზეა მსოფლიოში ერთ-ერთი უდიდესი მაინერის, ბიტფიურის წარმომადგენლობა. აქ უკვე მე ვთმობ ასპარეზს და სიამოვნებით ვუთმობ ეთერს ბიტფურის წარმომადგენელს, ეფრემ ურუმაშვილს. რემი, თქვენი აზრით, რას უნდა ველოდოთ, ახალ ცებს თუ ახალ ფსკერს? სტუმარი: ეფრემ ურუმაშვილი, ფინანსისტი; თამარ მენთეშაშვილი, ბლოკჩეინ ტექნოლოგიისა და ფინანსური ინოვაციების მკვლევარი 19/01/2018
რომელი ქვეყნების მოსახლეობა გამდიდრდა ყველაზე მეტად 2017 წელს. ქვეყნის მოსახლეობის გამდიდრებას წლის განმავლობაში ერთი მოსახლის მიერ მიღებული საშუალო შემოსავლის ზრდა განაპირობებს. ერთ მოსახლეზე შემოსავალს სხვადასხვა ინდიკატორით ზომავენ და ყველა ამ ინდიკატორს თავისი გამოყენების არეალი აქვს. როდესაც ერთ მოსახლეზე შემოსავალს ვზომავთ იმ მიზნით, რომ შემდეგ სხვადასხვა ქვეყნის მაჩვენებლები ერთმანეთს შევადაროთ, ამ დროს მსყიდველობითი უნარის პარიტეტით დათვლილი ერთ მოსახლეზე შემოსავლის გამოყენება ყველაზე გამართლებულია. წარმოგიდგენთ ქვეყნების ტოპ-10-ეულს, სადაც 2017 წელს მოსახლეობის შემოსავალი ყველაზე მეტად გაიზარდა. იშვიათი გამონაკლისის გარდა, ყველაზე მეტად მდიდარი ქვეყნების მოსახლეობის შემოსავლები იზრდება. გამოდის, მიუხედავად იმისა, რომ მაღალშემოსავლიანი ქვეყნების ეკონომიკა პროცენტულად სწრაფად აღარ იზრდება, უკვე დაფიქსირებული მაღალი შემოსავლების საბაზისო ეფექტისა და მოსახლეობის კლების გამო, ერთ მოსახლეზე რეალური შემოსავალი ამ ქვეყნებში უფრო მეტად იზრდება, ვიდრე განვითარებად ქვეყნებში. 19/01/2018
მადისაღმძვრელი ვიდეოს ნახვისას ჯერ ალბათ იფიქრეთ რომ ქართულმა ელარჯიმ უკვე მსოფლიო კულინარული სამოთხეები დაიპყრო. მაგრამ არც მთლად ასეა საქმე. ვიდეოს მეორე ნაწილში ნახავთ, რომ გემრიელი შემოთავაზება გამდნარი ყველის და კარტოფილის პიურეს კონსისტენციაა. მსხვილად დაფქვილი სიმინდი კარტოფილის პიურეთი ჩაუნაცვლებიათ. ხორცთან ერთად სთავაზობენ სტუმრებს. თქვენ წარმოიდგინეთ და მე რომ მეგონა მეგრელები ელარჯის მითვისებას გააპროტესტებდნენ, აღმოვაჩინე რომ სვანებს უფრო აქვთ მოსაკითხი ეს ამბავი. მწიფე ყველით, მოხარშული და გატარებული კარტოფილი ამოზელვით სვანებია თაშმჯაბის ამზადებენ. თაშმჯაბი- სვანური სამზარეულოს კერძია და არც მეტი არც ნაკლები კულტურული მემკვიდრეობის ძეგლის სტატუსი აქვს. ამერიკულ კულინარულ გადაცემაში, ჩის ბოუთი ანუ ყველის ნავი, ანუ აჭარული ხაჭაპური დაამადეს. ზუსტად ამ სახელით მასპინძლობს ნიუ იორკში და თან ძალიან წარმატებულად ქართული რესტორანი, მაგრამ ახლა მთლად მასტერკლასი ვიხილეთ. 19/01/2018
თბილისში სადისტრიბუციო მანქანების გადაადგილებაზე შესაძლოა, შეზღუდვები დაწესდეს. ინიციტივის მიზანი დედაქალაქის საცობებისგან განტვირთვაა, თუმცა მისი რეალობად ქცევის შემთხვევაში დისტრიბუტორები და რითეილერები იმ პრობლემებზე საუბრობენ, რომელიც ამ პროცესს მოჰყვება. მხარეების პოზიციებს თათია ჩაფიჩაძე გაეცნო, დეტალები ვნახოთ მის სიუჟეტში.
საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ თბილისში ელ-ენერგიის, გაზისა და წყლის მიმწოდებელი კომპანიების საქმიანობაში დარღვევები გამოავლინა. "მისტიური მომხმარებლის" საშუალებით ჩატარებული კვლევა ახალი მომხმარებლის ქსელზე მიერთების განაცხადის ჩაბარებასა და 5 დღის განმავლობაში კომპანიების მიერ მათზე რეაგირებას მოიცავდა. რა დარღვევები გამოვლინდა კვლევიდან და რას გეგმავს სემეკი სამომავლოდ მის წევრს გიორგი ფანგანს ვუმასპინძლეთ საქმიან დილაში. სტუმარი: გიორგი ფანგანი, სემეკ-ის წევრი
,,ჰუმანითი ჯორჯიამ“ 11 მილიონი დოლარის სასესხო დავალიანება, რომელიც კომპანიას საპარტნიორო ფონდისგან წამლების იმპორტის მიზნით ჰქონდა აღებული უკვე დაფარა. BMG-ის ინფორმაციით კომპანიას, ყოფილი თანამშრომლებისათვის სახელფასო დავალიანება დღემდე არ გადაუხდია. ჩანიშულია სასამართლოც და თანამშორომელთა სარჩელის არსებითი განხილვა პირველ ინსტანციაში 1 თებერვალს დაიწყება. კომპანიის წინააღმდეგ სარჩელი სულ 34 თანამშრომელს აქვს შეტანილი და მათ მიმათ დავალიანება ჯამში 326 ათასი ლარია. სტუმარი: ავთანდილ თეთრაშვილი, ,,ჰუმანითი ჯორჯიას“ თანამშრომლების ადვოკატი 19/01/2018
ფინანსური განათლება საქართველოში მათ შორის საერთასორისო კვლევებით ამ დრომდე საკმაოდ დაბალ შეფასებას იმსახურებს. პრობლემის გადასაჭრელად რამდენიმე პროექტი ხორციელდება. გარკვეული გეგმის მიხედვით მოქმედებს ხელისუფლებაც, თუმცა განსაკუთრებით მნიშვნელოვანი არასამთავრობოების და კერძო ბიზნესების ჩართულობაა. ჯუნიორ ეჩივმენტმა, რომელიც საშუალო სკოლებში ეკონომიკის სწავლებას უზრუნველყოფს, ასეთი 3 წლიანი პროგრამა შეაჯამა. მოკლე მიმოხილვას და შედეგების გაანალიზებას სტუდიაში ვეცდებით. მაგალითად ჯუნიორ ეჩივმენტი, რომელიც საშუალო სკოლებში ეკონომიკის სწავლებას უზრუნველყოფს ბიზნესმენებს სკოლებში გაკვეთილების ჩატარებას და მენტორობას სთავაზობს. ამისთვის შეხვედრაც გაიმართა. სტუმარი: ეკა გეგეშიძე, "ჯუნიორ ეჩივმენტ საქართველოს" აღმასრულებელი დირექტორი და ლორა ბერგერი, USAID-ის დემოკრატიის, მმართველობისა და სოციალური განვითარების ოფისის დირექტორის მოვალეობის შემსრულებელი 19/01/2018
"საქმიანი დილა" განაგრძობს სამედიცინო ტურიზმის პოტეციალის მქონე ქვეყნებში მოგზაურობას. მორიგი გაჩერება ჩინეთია, სადაც პეკინის სამხედრო ჰოსპიტალის მოწვევით ჩვენი გადამღები ჯგუფი და სამედიცინო ტურიზმის საკითხებზე მომუშავე ექსპერტი პაატა რატიანი იმყოფებიან. ვიდრე დავით ჯალაღონია და გურამ ხუნდაძე თბილისში დაბრუნდებიან, სწორედ ჩინეთიდან მოგვაწვდიან ინფორმაციას ამ ვიზიტის დეტალებზე და იმის შესახებ, თუ რით არის გამორჩეული სამედიცინო ტურიზმი ჩინეთში: 19/01/2018
მურწყუ, სკოლის მოსწავლის თემურ მიქავას მიერ პირადი მოხმარებისთვის შექმნილი საგანმანათლებლო პორტალია რომელიც საქართველოში ყველაზე პოპულარული საგანმანათლებლო პორტალი გახდა. მურწყუზე დღეისათვის 200 000-ზე მეტი მოსწავლეა რეგისტრირებული. წლის განმავლობაში მურწყუს დახმარებით 11-12 კლასელთა 60%-ზე მეტი იღრმავებს ცოდნას და აუმჯობესებს შედეგებს როგორც სკოლის გამოსაშვები, ისე ეროვნული გამოცდებისთვის. პროექტი ედუროადი, რომლის პროდუქტსაც სწორედ ეს პლატფორმა წარმოადგენს პროექტ სტარტაპ საქართველოს გამარჯვებულია. 19/01/2018
მაშინ როდესაც, საქართველოს საპროცესო კოდექსით შრომის დავის განხილისთვის შემჭიდროებული, 1 თვიანი ვადაა დადგენილი ამჟამად „ბიზნესმედია საქართველოს“ , ხოლო იმ დროისათვის ტელეკომპანია მაესტროს 27 თანამშრომლის სარჩელის განხილვა შპს სტუდია მაესტროს წინააღმდეგ სარჩელის შეტანიდან წელიწადნახევრის შემდეგ ჯერ კიდევ არ მომხდარა . გათავისუფლებული თანამშრომლების ინტერესებს სასამართლოში საქართველოს პროფესიული კავშირების გაერთიანება იცავს. სწორედ აღნიშნულმა გაერთიანებამ 2016 წლის 1 ივლისს თბილისის საქალაქო სასამართლოს შპს ,, სტუდია მაესტრო"-ს წინააღმდეგ სარჩელით მიმართა ზემოთხსენებული 27 თანამშრომლის სამსახურში აღდგენის , იძულებითი მოცდენის , სახელფასო დავალაინებისა და გამოუყენებელი შვებულების კომპენსაციის ანაზღაურების მოთხოვნით. გასული წელიწადნახევრის განმავლობაში არსებული საქმე რამდენჯერმე გადაეწერა სხვადასხვა მოსამართლეს. მოსარჩელეთა ადვოკატის მხრიდან მოსამართლის თანაშემწესთან აქტიურმა კომუნიკაციამ ვერ უზრუნველყო პროცესის დაჩქარება , მეტიც, ამ დროისათვის მომჩივანი მხარისთვის პროცესის ჩანიშვნის სავარაუდო თარიღიც უცნობია.
დეველოპერულ რუბრიკაში propertygeorgia.ge-ის დამფუძნებელი და მმართველი Colliers International Georgia -ს გენერალურ დირექტორს ირაკლი კილაურიძეს მასპინძლობს. სტუმარი: ლიკა ქარდავა, propertygeorgia.ge-ის დამფუძნებელი და მმართველი; ირაკლი კილაურიძე - Colliers International Georgia -ს გენერალური დირექტორი 18/01/2018