სალომბარდე ქსელმა მკრედიტმა თავისი მომსახურებით სარგებლობის საშუალება ბათუმის მოქალაქეებსაც მისცა.კომპანიისთვის ბათუმის ფილიალი პირველია რეგიონში.ამასთან,როგორც კომპანიის წარმომადგენლები ამბობენ, სულ მალე რეგიონში კიდევ იგეგმება ახალი ფილიალების გახსნა, რაც მკრედიტის მომსახურებას მომხმარებლებისთვის კიდევ უფრო ხელმისაწვდომს გახდის.
კარლ ფრიდრიხ გორდელერის დემოკრატიული მართვის კოლეჯი პროგრამაში ჩართვის მსურველებისთვის კონკურსს იწყებს. ამ დრომდე 33-მა საქართველოს მოქალაქემ მიიღო მასში მონაწილეობა. თუ აქამდე არ გსმენიათ, სანამ სტუმარი უფრო მეტ ინფორმაციას გაგვიზიარებს მოკლედ გეტყვით, რომ გორდელერის კოლეჯი მიმართულია ახალგაზრდა, დასაქმებულ ლიდერებზე, რომელთაც სურთ აქტიურად იყვნენ ჩართულნი საზოგადოებისათვის მნიშვნელოვანი პროცესების გაუმჯობესებაში. სტუმარი: სალომე ჯაფიაშვილი, გორდელერის დემოკრატიული მართვის პროგრამის კოორდინატორი საქართვლოში
ბიზნესისა და ტექნოლოგიების უნივერსიტეტში, სილიკონ ველის უმსხვილესი ვენჩურული ინვესტორის, ბილ ტაის მასტერკლასი გაიმართა, თემაზე ,,ინოვაციები და თანამედროვე ტექნოლოგიები’’. ამბობენ რომელ ქვეყანაშიც ეს ადამიანი ჩავიდა, სწორეს იმ დროს დაიწყო იქ მნიშვნელოვანი ტექნოლოგიური განვითარება.
შპს "ფაიზაღი" სახელმწიფო შესყიდვების სააგენტოს შავ სიაში შეიტანეს. კომპანიამ ხონის ცენტრალური საბავშვო ბაღი სათბობი შეშით ვერ უზრუნველყო, ტენდერის პირობებით ნაკისრი ვალდებულებები "არაჯეროვნად" შეასრულა, რაც "ფაიზაღის“ სანქცირების საფუძველი გახდა. 2017 წლის 15 ნოემბერს გამოცხადებულ ტენდერში, მხოლოდ შპს ,,ფაიზაღმა“ მიიღო მონაწილეობა. კომპანიამ საბავშვო ბაღისათვის 6666 ლარის ღირებულების სათბობი შეშის მიწოდების ვალდებულება აიღო. კომპანია "ფაიზაღი" ტენდერის გამოცხადებიდან 2 დღის შემდეგ 2017 წლის 17 ნოემბერსაა რეგისტრირებული ჩხოროწყუს რაიონის სოფელ კირცხში. კომპანიის მფლობელად რეესტრში გოჩა სახურია ფიქსირდება.
Falcon Heavy-ის ორი დამაჩქარებელი წარმატებით დაბრუნდა დედამიწაზე, იმავე ადგილზე საიდანაც რაკეტამ სტარტი აიღო, რაც შეეხება მესამე, ცენტრალურ დამაჩქარებელს წესით ფლორიდის სანაპიროზე მცურავ პლატფორმაზე უნდა დაშვებულიყო, თუმცა დაგეგმილს ოდნავ ასცდა და 100 მეტრის დაშორებით ოკეანეზე ჩავარდა. Falcon Heavy არის დღეისთვის არსებული ყველაზე მძლავრი რაკეტა-მატარებელი, მას შეუძლია 64 ტონა ტვირთის გადაზიდვა. Falcon Heavy პირველი საფეხურზე შედგება 27 ძრავისგან, რომლის საერთო სიმძლავრე 5 მილიონი ფუნტია, რაც ერთდროულად აღებული თვრამეტი Boeing 747 სიმძლავრის ეკვივალენტია. უკვე მარსის ორბიტაზე გასული Falcon Heavy-ის მიახლოებითი წონა 17 ტონა იქნება, როგორც მასკი აღნიშნავს, მისიის მთავარი მიზანია, ადამიანის გაგზავნა მარსზე.თუმცა Falcon Heavy-ის ჰყავს კონკურენტები, ეს გახლავთ ზემძიმე რაკეტა New Glenn, რომელზეც კომპანია Blue Origin-ი მუშაობს და რომლის ხელმძღვანელიც Amazon- ის შეფი ჯეფ ბეზოსია, New Glenn -ის გაშვებას 2020 წელს აპირებენ. სანამ კონკურენტები კოსმოსში გავლენ ცალკე ემოციაა იმ კადრების ნახვა როგორ ელოდებოდნენ ფალკონის სტარტს.
საქმიანი დილა ახალ რუბრიკას იწყებს. ყოველ პარასკევს საქმიან დილაში წიგნის დრო ნინია მაჭარაშვილთან და დათო გორგილაძესთან ერთად დგება. 09.02.2018
საქართველოში ელექტროენერგიის მოხმარება იზრდება. რაც იმის მაჩვენებელია, რომ ქვეყანაში ეკონომიკა ვითარდება. თუმცა, იმის გამო, რომ საქართველოს საკმარისი რესურსები არ გააჩნია, მოხმარებასთან ერთად იზრდება იმპორტიც. ირკვევა, რომ ელექტროენერგიაზე მოთხოვნა იზრდება კომეციული სექტორის, მათ შორის ელექტრონული ფულის მაინინგის ხარჯზე, რასაც საკმაოდ დიდი რაოდენობის ელექტროენერგია ესაჭიროება. საქართველოში ბიტკოინის ყველაზე დიდი მწარმოებელი გლობალური კომპნია "ბიტფიური ჯგუფია". თუმცა ინფორმაციისთვის გეტყვით, რომ არიან სხვა და საკმაოდ მსხვილი მწარმოებლებიც. მარტო თბილისის თავისუფალ ინდუსტრიულ ზონაში, ბითფიურის გარდა უკვე 3 მსხვილი მაინერია, რომელთა ინვესტიცია რამდენიმე მილიონს აღემატება. მაინინგით დაკავებულნი არიან საქართველოს თითქმის ყველა რეგიონშიც. როგორც ჩანს, ელექტრონული ფულის წარმოებით დაინტერესებულია ოკუპირებული აფხაზეთიც, რომელიც ელექტროენერგიას ენგურჰესიდან უფასოდ იღებს.
თურქი და ქართველი ბიზნესმენები ერთობლივი საწარმოების ჩამოყალიბებას გეგმავენ. თანამშრომლობის გეგმებზე დღეს საქართველო-თურქეთის ბიზნესფორუმზე იმსჯელეს, რომელიც დამსაქმებელთა ასოციაციაში გაიმართა.
თბილისში სამშენებლო ნებართების გაცემა რთულდება. კახი კალაძის განცხადებით, ნებართვების გაცემის პროცესში არქიტექტურის სამსახურთან ერთად, ტრანსპორტისა და ეკოლოგიის გამწვანების სამსახურებიც ჩაერთვებიან. მერის განცხადება უკვე შეაფასეს სამშენებლო კომპანიებმა. სტუმარი: თეიმურაზ ბოლოთაშვილი - თბილისის არქიტექტურის სამსახურის უფროსი
8 ქართული ჯგუფი გეზს სილიკონ ველისკენ იღებს. ორშაბათს სან ფრანცისკოში VRex-ი გუგლის მიერ შერჩეულ 50 ეულში იქნება წაეემოდგენილი. VRex-სთან ერთად ჯგუფი საქართველოდან კიდევ რამდენიმე სტარტაპს გაიყოლებს სილიკონ ველიზე. რა გეგმები აქვთ დამწყებ ბიზნესებს შტატებში? სტუმრები: კოლინ დონოჰიუ - Startup Grind-ის თანამმართველი; გიორგი ტუხაშვილი - Startup Grind-ის თანამმართველი
კრიპტოსავალუტო ბაზრის მიმოხილვა სტუმარი: ეფრემ ურუმაშვილი, ფინანსისტი
11 80 ზე მეტი ქვეყანა 112-ის დღეს აღნიშნავს. საერთაშრისო დღეს საქართველოც უერთდება და 112-ის ცნობადობის გაზრდისთვის სხვადასხვა საინფორმაციო კამპანიას ატარებს. წელს საქართველოს „112“-მა, „სხვადასხვა სახის სოციალური და საინფორმაციო კამპანია დაგეგმა და 11-ში თანამედროვე ტექნოლოგიებზე აგებული პროექტის - მობილური აპლიკაციის პრეზენტაცი გაიმართება. სტუმარი: მაია გიორგაძე - შინაგან საქმეთა სამინისტროს სსიპ 112-ის დირექტორის მოადგილე
უძრავი ქონების სერვისების საერთაშორისო კომპანიები Colliers International Georgia და Cushman & Wakefield Georgia თბილისში ერთობლივად ოფისების კლასიფიკაციას გეგმავენ. ჯერ კრიტერიუმების შემუშავება მიმდინარეობს, მათი დაზუსტების შემდეგ კი შეფასდება თბილისის მასშტაბით არსებული თანამედროვე ბიზნეს ცენტრები. პროექტის ფარგლებში განახლებული კრიტერიუმებით შეფასდება შენობის სტრუქტურა, ადგილმდებარეობა, პარკინგი, ქონების მართვისა და მოიჯარეთა მომსახურების სერვისები. სტუმრები: ლიკა ქარდავა -propertygeorgia.ge-ის დამფუძნებელი და მმართველი; ნიკოლოზ ქევხიშვილი - Colliers International Georgia-ს შეფასებისა და კვლევის დეპარტამენტის დირექტორი; სალომე ტყეშელაშვილი - Cushman & Wakefield Georgia-ს საკონსულტაციო დეპარტამენტის წარმომადგენელი
პლატფორა, რომლის გამოყენებაც ყველას შეუძლია. ichange.gov.ge მოქალაქეთა ელექტრონული პეტიციების ოფიციალური სამთავრობო პლატფორმაა, რომლის განხორციელების ვალდებულება საქართველოს მთავრობის ადმინისტრაციამ ღია მმართველობის პარტნიორობის (OGP) საქართველოს მეორე სამოქმედო გეგმის მიხედვით აიღო. პორტალის დახმარებით საქართველოს ნებისმიერ სრულწლოვან მოქალაქეს ან/და მოქალაქეთა ჯგუფს შეუძლია პეტიციის საშუალებით საქართველოს მთავრობის ყურადღება გაამახვილოს იმ საკითხზე, რომელიც მისი აზრით განსაკუთრებით მნიშვნელოვანია. შესაბამისი კრიტერიუმების დაკმაყოფილების შემთხვევაში, საქართველოს მთავრობა ვალდებულია, განიხილოს პეტიციაში აღწერილი საკითხი და მოახდინოს რეაგირება. სტუმარი: სალომე საღარაძე - საია-ს იურისტი ; ზვიად დევდარიანი - CIDA-ს აღმასრულებელი დირექტორი
საქართველოს დამსაქმებელთა ასოციაციაში შრომის უსაფრთხოების მენეჯერები გადამზადდებიან. საქართველოს დამსაქმებელთა ასოციაცია ბიზნეს სექტორში არსებული აქტუალური გამოწვევების საპასუხოდ 2018 წლისთვის შრომისა და ჯანმრთელობის უსაფრთხოების მიმართულებით სერვისებს აძლიერებს. 08.02.2018 სტუმარი: დავით ჩიჯავაძე - საქართველოს დამსაქმებელთა ასოციაციის შრომის უსაფრთხოების ექსპერტი
დავით ბეჟუაშვილს, სავარაუდოდ, კომპანიის ხელში ჩაგდება სურს-ეს განცხადება ღვინის კომპანია ბადაგონის დამფუძნებლს გიორგი სალაყაიას ეკუთვნის. კომპანიაში საგამოძიებო სამსახური გუშინ დილით შევიდა. სალაყალიას განმარტებით, მათ კომპანიაში საგამოძიებო სამსახურის შესვლის შემდეგ, მუშაობა პარალიზებულია და უწყების ინფორმაცია, რომ ისინი კომპანიაში “გრაკორო ტრეიდინგ ლიმიტედის” განაცხადის გამო შევიდნენ უსაფუძვლოა.
ფორბსმა იუთუბერების რეიტინგი გამოაქვეყნა, იუთუბის ყველაზე ბრჭყვიალა ვარსკვლავები საყვარელი საქმის ვიდეოებში ასახვით მილიონობით დოლარს იღებენ , ყველაზე მაღალშემოსავლიანი იუთუბის ვარსკვლავთა წლიური რეიტინგის თითქმის ნახევარი კი გეიმერები არიან.როგორ იზიდავენ იუთუბერები მაყურებელს და რამდენია მათი შემოსავალი ვნახოთ კესო კაციტაძის სიუჟეტში.
გვაქვს თუ არა მნიშვნელოვანი პროგრესი სოფლის მეურნეობაში. სტუმრები : ზაზა აბაშიძე - "საქმიანი დილის" თანაწამყვანი; რატი კოჭლამაზაშვილი - ISET-ის უფროსი მკვლევარი; ვერიკო სუხიაშვილი - FactCheck-ის მკვლევარი 08.02.2018
რამდენიმე თვეში დიდი ალბათობით ჯეოსელის 1.7 მილიონი აბონენტი სილქნეტის აბონენტთა რიგებს შეუერთდება. გარიგების შედეგად კი შეიქმნება კომპანია, რომელიც კომუნიკაციების ბაზრის ყველა სფეროში იქნება წარმოდგენილი. ჯეოსელის გაყიდვას კომუნიკაციების კომისიის თანხმობა ესაჭიროება, რეგულატორმა საქმის განხილვისთვის სამ თვიანი ვადა აიღო.
სკოლებში მანდატურების უფლებამოსილება იზრდება. განათლებისა და შინაგან საქმეთა სამინისტროების მიერ მომზადებული კანონპროექტის მიხედვით, მანდატურები გაჩნდებიან იმ სკოლებშიც, სადაც აქამდე ისინი წარმოდგენილები არ ყოფილან. ცვლილებების მიხედვით ასევე გაიზრდება სკოლებსა და სკოლების პერიმეტზე ვიდეოკამერების რაოდენობა. სტუმარი: კონსტანტინე ანჯაფარიძე - მანდატურის სამსახურის ადმინისტრაციული სამმართველოს უფროსის მოადგილე
პრემიერ-მინისტრის დავალებით, კომპანია “ბადაგონში” მიმდინარე პროცესი პირად კონტროლზე ამყავს, - აღნიშნული განცხადებით საქართველოს ბიზნესომბუდსმენი კომპანია “ბადაგონში“ ფინანსთა სამინისტროს საგამოძიებო სამსახურის შესვლის ფაქტს ეხმაურება. როგორც ირაკლი ლექვინაძე აცხადებს, გავრცელებული ინფორმაციის თანახმად, საგამოძიებო მოქმედებებს “ბადაგონში“ მიმდინარე საწარმოო პროცესი არ შეუჩერებია და მნიშვნელოვანია, რომ კომპანიამ აღნიშნული პროცესის ჩვეულ რეჟიმში წარმართვა უზრუნველყოს. ამ განცხადებიდან რამდენიმე საათში გაირკვა რომ კომპანიის ორივე ქარხანაში მუშაობა შეჩერდა. სტუმარი: ირაკლი ლექვინაძე - ბიზნესომბუცმენი
სტუმარი: ზაზა აბაშიძე - "საქმიანი დილის" თანაწმყვანი; ბექა ბაციკაძე - "საქმის კურსის" წამყვანი; გოჩა სვანიძე - საქართველოს რაგბის კავშირის პრეზიდენტი
ლაშა ტალახაძე კიდევ ერთი ტიტულის მფლობელია. ამჯერად აღიარება ძალოსანთა საერთაშორისო ფედერაციისგან მოიპოვა. ლაშა ტალახაძე მსოფლიოს 2017 წლის საუკეთესო ძალოსნად აღიარეს. 2017 წლის საუკეთესო ძალოსნის გამოსავლენად, ძალოსნობის საერთაშორისო ფედერაციამ გამოკითხვა 2018 წლის იანვარში ჩაატარა. ქართველმა ძალოსანმა ოლიმპიურმა ჩემპიონმა ლაშა ტალახაძემ გასულ წელს ევროპისა და მსოფლიოს ჩემპიონის ოქროს მედალი მოიპოვა.
ელექტრო და ჰიბრიდული მობილების საჭიროება და პოპულარობა რამდენიმე ფაქტორით არის განპირობებული. ადრე თუ გვიან ნავთობის მოხმარება უნდა შემცირებულიყო მისი ფასის და მავნებლური ნამწვის გამო. საავტომობილო ინდუსტრიამ გადაწყვიტა, 2018 წელს მომავალს კიდევ უფრო დავუხალოვდეთ და ამისათვის მათ ელექტრომობილებსა და ჰიბრიდებს კიდევ უფრო მყარად მოაკიდებინეს ფეხი... ეს კი იმას ნიშნავს, რომ თანამედროვე ტექნოლოგიებით გაჯერებულ ავტომობილებში მძღოლი ფაქტობრივად უფუნქციოდ რჩება.
რაც დრო გადის სულ უფრო მეტი გვესმის დევნილების გარშემო წარმოქმნილ პრობლემებთან დაკავშირებით.ვინ არის პასუხისმგებელი ამ ადამიანებისთვის საცხოვრებელი პირობების შექმნაზე, რომელთაც საცხოვრებელ ადგილზე 21–ე საუკუნეში ელექტრო ენერგია არ აქვთ.უფრო კონკრეტულად კი ვნახოთ ანუკა ჯოხაძის რეპორატაჟი, რომელიც გვიყვება ისტორიას ქსოვრელის 2 ნომერში საცხოვრებლად შეჭრილ დევნილებზე, რომელთა ბედი ჯერ–ჯერობით უცნობია.
ვლადიმერ პუტინმა რუსეთსა და საქართველოს ოკუპირებულ რეგიონს - აფხაზეთს შორის შეთანხმების რატიფიცირება განახორციელა, რომელიც აფხაზეთში მუდმივად მცხოვრები რუსეთის ცალკეული კატეგორიის მოქალაქეების მედიკამენტებითა და სამედიცინო ნაწარმით უზრუნველყოფის სფეროში თანამშრომლობას ითვალისწინებს. „რია ნოვოსტის“ ინფორმაციით, შეთანხმება 2017 წლის 22 ივნისს მოსკოვში გაფორმდა. რამდენიმე თვის წინ გაფორმებული დოკუმენტი რუსეთის მოქალაქეთა უფლებების უზრუნველსაყოფად არის მიმართული, რომლებიც აფხაზეთში მუდმივად ცხოვრობენ და ამბულატორიული მკურნალობისას რეცეპტით მედიკამენტებისა და სამედიცინო ნაწარმის მიწოდების უფლება აქვთ. შეთანხმების თანახმად, რუსეთის ფედერაცია აფხაზეთის მიერ შეტყობინების საფუძველზე, ითვალისწინებს და მიმართავს ოკუპირებულ რესპუბლიკაში ფინანსურ დახმარებას და აფხაზეთის მიერ წამლებით უზრუნველყოფის ამოცანის რეალიზაციას ამოწმებს.
სტუმარი: ნინო ზამბახიძე - საქართველოს ფერმერთა ასოციაციის თავმჯდომარე; ნინო ჩიქოვანი - საქართველოს სავაჭრო-სამრეწველო პალატის პრეზიდენტი
"აივ ინფიცირების რისკის შემცველი და უსაფრთხო ქცევები ინექციური ნარკოტიკების მომხმარებლებში" ამ სახელწოდებით საერთაშორუსო ფონდმა კურაციომ მორიგი კვლევა გამოაქვეყნა. კვლევის მიხედვით ირკვევა, რომ ნარკოტიკის პირველი მოხმარებისა და ინექციური ნარკოტიკის მოხმარების დაწყების საშუალო ასაკი15-16 წელს და 18-20 წელს შეადგენს. სტუმარი: ხათუნა თოდაძე - ფსიქიკური ჯანმრთელობისა და ნარკომანიის პრევენციის ცენტრის გენერალური დირექტორის მოადგილე
როგორ გაიხარჯა ათასწლეულის გამოწვევის კორპორაციის მეორე კომპაქტის ფარგლებში 68 მილიონ აშშ დოლარი? საგრანტო პროგრამის შედეგების პრეზენტაცია დღეს ზუსტად 11 საათზეა დაგეგმილი, იქამდე საქმიანი დილის სტუდიაში გვექნება მოკლე შეჯამება. დღეს კონფერენციაზე ასევე წარმოდგენილი იქნება დეტალური ინფორმაცია მიმდინარე და დაგეგმილი შესყიდვების და ინფრასტრუქტურის პროექტების შესახებ. 2018 წელს, ფონდი განაგრძობს საჯარო სკოლების სრულ რეაბილიტაციას საქართველოს რეგიონებში, დაგეგმილია თბილისში, სან დიეგოს სახელმწიფო უნივერსიტეტისა და ილიას სახელმწიფო უნივერსიტეტის ახალი 4,750 კვადრატული მეტრი კორპუსის შიდა სამშენებლო სამუშაოების განხორციელებაც. სტუმარი: მაგდა მაღრაძე - "ათასწლეულის გამოწვევის ფონდი - საქართველოს" აღმასრულებელი დირექტორი 07.02.2018
სტუმარი: ივა ჭყონია - საქართველოს დისტრიბუტორთა ბიზნეს ასოციაციის თავმჯდომარე; თორნიკე ახობაძე - "მარუსია საქართველოს" მარკეტინგის ხელმძღვანელი
Joss Stone-მა გამოაქვეყნა სალომე კორკოტაშვილთან (SALIO) ერთად გადაღებული ვიდეო. ვიდეოში ქართველი მომღერალი ინგლისელ ჯაზვუმენთან ერთად საკუთარ სიმღერას ასრულებს. ამ შესრულების წარდგენამდე ჯოსს სტოუნი აღნიშნავს, რომ ვიდეო საქართველოში მისი ვიზიტის დროს გადაიღეს, როცა მომღერალი Black Sea Jazz Festival-ში მონაწილეობდა. ინგლისელი ჯაზვუმენს არაერთი ჰიტი აქვს შექმნილი, არის გრემის, BRIT AWARD-ისა და მრავალი პრესტიჟული მუსიკალური ჯილდოს მფლობელიც. ჯოს სტოუნი სულ 29 წლის არის. მის ანგარიშზე 4 ალბომია, რომელთაგან პირველმა სახელად “You Had Me” უდიდესი წარმატება მოუტანა. 2005 წელს ნომინირებული გახლდათ “გრემიზე” როგორც საუკეთესო ახალი სახე. ჯოსს კარიერის განმავლობაში 14 მილიონი ალბომი აქვს გაყიდული. 07.02.2018
საქართველოს ენერგეტიკისა და წყალმომარაგების მარეგულირებელი ეროვნული კომისიის ხსენებაზე უმრავლესობას ალბათ, დენის, გაზის და წყლის ტარიფები გვახსენდება. ეს კომისიის საქმიანობის ერთ–ერთი მთავარი მიმართულებაა, თუმცა იმ გამოწვევების ფონზე, რაც საქართველოში ენერგეტიკის დარგს აქვს, სემეკის ფუნქციებიც თანდათან განახლდება. 2019 წელს ელექტროენერგეტიკის ლიბერალური ბაზრის მოდელის დანერგვა იგეგმება, მანამდე კი პარლამენტმა ელექტროენერგეტიკისა და ბუნებრივი გაზის შესახებ ახალი კანონი უნდა მიიღოს, სადაც მარეგულირებელი კომისიის მოვალოებები იქნება გაწერილი.
2018 წელი, მსოფლიოს გარშემო სამოგზაუროდ ერთ-ერთ საუკეთესო პერიოდად დასახელდა, რადგან სწორედ წელს იხსნება ახალ-ახალი ამბიციური სასტუმროები, რომლებიც გარკვეული ნიშნით ერთიანდებიან, ესენია დეტალებისა და დიზაინისადმი ფაქიზი დამოკიდებულება და მტკიცე განზრახვა, სახე შეუცვალონ ფუფუნების მნიშვნელობას. დიდი ბრენდები დიდ ფსონებს დებენ ისეთ პერსპექტიულ ქალაქებზე, როგორებიც ვარშავა და ბოგოტაა, მაშინ როცა ამბიციური ახალბედები, ახლებურად წარმოგვიდგენენ ისეთ ადგილებს, რომელთა შესახებაც გვეგონა, რომ ლამის ყველაფერი ვიცოდით. 2018 წლის რუკა და ლაქშერი სასტუმროების მიმოხილვა.
იაპონური კომპანია Nissan-ის ინჟინრებმა უნიკალური ჩუსტი შექმნეს, რომელიც არც მეტი არც ნაკლები თავისით "პარკინგდება". ჩუსტები აღჭურვილია პატარა საბურავებით და სენსორით, რომელთა გამოყენებითაც სახლში გადაადგილება და დადგომა მათთვის წინასწარ შერჩეულ ადგილას დამოუკიდებლად შეუძლიათ. ჩუსტებში გამოყენებულია ProPilot Park-ის მეთოდი, რომელსაც კომპანია ავტომობილებშიც იყენებს. ინოვაციური პროდუქტის შეფასება შესაძლებელია იოკოჰამას ერთ-ერთ სასტუმროში, სადაც სტუმრებს ასეთ სიახლეს სთავაზობენ.
იამაჰამ სიახლე წარუდგინა საზოგადოებას. ხელოვნური ინტელექტის დახამრებით, მოცეკვავის მოძრაობა მუსიკად ითარგმენება. სხეულის მოძრაობაზე მიბმული და დაკავშირებული ჰანგები ორკესტრსაც მშვენივრად ეწყობა.
ბიზნესის დაზღვევა გასული წლის მძიმე და რიგ შემთხვევებში ტრაგიკული გამოცდილებით 2018-ში მნიშვნელოვანი გამოწვევაა ყველასთვის. მიუხედავად იმისა, რომ ჯიპიაიში როგორც ამბობენ ბიზნესების მიმართვიანობა გასამმაგებულია ეს მიმართულება კომპანიისთვის განსაკუთრებით მნიშვნელოვანი იქნება. სტუმარი: თინათინ სტამბოლიშვილი, GPI Holding-ის მარკეტინგის დეპარტამენტის უფროსი 06.02.2018
სტუმარი: შალვა ალავერდაშვილი - სასტუმროების და რესტორნების ასოციაციის ხელმძღვანელი 06.02.2018
საუდის არაბეთი პირველი ქვეყანა იქნება, სადაც ერთ კილომეტრზე მაღალი კონსტრუქცია აშენდება. წითელი ზღვის სანაპიროზე, ქალაქ ჯიდაში შენდება "სამეფო კოშკი", რომელიც საუდის არაბეთის ახალი, თავისუფალი ეკონომიკური ზონის ცენტრალური საოფისე შენობა იქნება. პროექტის საინვესტიციო ღირებულება $1.2 მილიარდია და ის 2019 წელს უნდა გაიხსნას. მისი სიმაღლე ერთი კილომეტრი და 7 მეტრი იქნება. საუდის სამეფო ოჯახი თავდაპირველად 1.6 კილომეტრიანი, ანუ 1 მილის სიმაღლის შენობის აშენებას მოითხოვდა, თუმცა არქიტექორებმა პროექტის ინიციატორები დაარწმუნეს, რომ არსებული ტექნოლოგიებითა და ბიუჯეტით 1.6 კილომეტრის სიმაღლის შენობის აშენება შეუძლებელია. შენობაში დაგეგმილია Four Seasons-ის სასტუმროს, აპარტამენტებისა და საოფისე სივრცის მოწყობა. შენობის აშენების იდეა მას შემდეგ გაჩნდა, რაც არაბეთის გაერთიანებულ საემიროებში 848-მეტრიანი ბურჯ ხალიფას კოშკი გაიხსნა. შენობის ბოლო სართული 637-ე მეტრზე იქნება, დანარჩენი 400 მეტრი შენობის კოშკია, მას მნიშვნელოვანი პრაქტიკული გამოყენება არ ექნება. ამ ტერიტორიაზე ტელე და რაიდო ანტენები განთავსდება.
ფრამგულმა კომპანია Zapata-მ მფრინავი ჰოვერბორდის პროტოტიპი წარადგინა, რომელიც Flyboard-ის ბაზაზეა შექმნილი, ინფორმაციას New Atlas ავრცელებს. მოწყობილობას Zapata Ezfly ჰქვია და ის რეაქტიული ძრავებით აღჭურვილ პლატფორმას წარმოადგენს. Zapata-ს, თავისი წინამორბედი Flyboard-ისგან განსხვავებით, ორი მაღალი სახელური აქვს, რაც მის გამოყენებას ბევრად კომფორტულსა და უსაფრთხოს ხდის. მას 50 მეტრის სიმაღლეზე ასვლა და 2300 მეტრის ფრენა შეუძლია.
ქართული ენისა და ლიტერატურის, ისტორიის და სამოქალაქო განათლების IX- XII კლასების სახელმძღვანელოების შინაარსში ხარვეზები გამოვლინდა. სასკოლო წიგნებში „რელიგიური და ეთნიკური მრავალფეროვნების ასახვის კვლევა ტოლერანტობის და მრავალფეროვნების ინსტიტუტმა ჩაატარა. კვლევის შედეგად გამოიკვეთა, რომ სახელმძღვანელოებში შეტანილი ტექსტები შეიცავს ქსენოფობიურ ჩანაწერებს. ტექსტებში ასევე გაშარჟებულია ეთნიკური ჯგუფები, რაც სტერეოტიპების გამყარებას უწყობს ხელს. BM.ge ზე გამოქვეყნებულ ამ ამბავს გუშინ ფეისბუქზე მეშვიდე კლასელი მოსწავლის ვიდეო წამოეწია. სულ სხვა თემაზე და სხვა მიმართულებით. სტუმარი: გიორგი გახელაძე - ილიას სახელმწიფო უნივერსიტეტის მოწვეული პროფესორი 06.02.2018
2018 წლის პირველი თვის მონაცემებით ინფლაცია 4.3% იყო. საბაზისო 3%-ს შეადგენდა. სტუმარი:ევა ბოჭორიშვილი - Galt & Taggart-ის ეკონომისტი
დილა მშვიდობისა ჰიბრიდული რეჟიმის საქმიან მაყურებელს. ასეთი სტატუსი განსზაღვრა საქართველოსთვის The Economist-მა დემოკრატიის ინდექსში, რომელიც დემოკრატიის დონით საარჩევნო პროცესის, მთავრობის ფუნქციონირების, პოლიტიკაში მონაწილეობისა და პოლიტიკური კულტურის მიხედვით არის განსაზღვრული. 2017 ში 2016 თან შედარებით წინ წავიწიეთ და 167 ქვეყანას შორის 5.93 ქულით 82-ე ადგილიდან 79-ე ადგილზე გადავედით. სადაც ცხოვრობთ და რა ხდება ამ ქვეყანაში იცით ალბათ, მაგრამ თუ გაგიჩნდათ კითხვა რას ნიშნავს ეს 79-ე ადგილი და ჰიბრიდული რეჟიმი მითუმეტეს, აგერ The Economist-ის განმარტება. ჰიბრიდულ რეჟიმში: არჩევნები ტარდება ხარვეზებით, ხშირად არჩევნები არ არის თავისუფალი და სამართლიანი, ადგილი აქვს ოპოზიციურ პარტიებზე და კანდიდატებზე მთავრობის ზეწოლას, სერიოზული სისუსტეებია პოლიტიკურ კულტურაში, მთავრობის მუშაობაში, ადგილი აქვს კორუფციას და სუსტია კანონის უზენაესობა, სამოქალაქო საზოგადოება სუსტია, ზეწოლაა ჟურნალისტებზე და სასამართლო არ არის დამოუკიდებელი. საქართველოს ყველაზე დაბალი ქულა - 4.29 მთავრობის ფუნქციონირებაში აქვს, ყველაზე მაღალი - 8.67 ქულა კი საარჩევნო პროცესსა და პლურალიზმში. რეიტინგში პირველ ადგილს 9.87 ქულით ნორვეგია იკავებს, შემდეგ მოდის ისლანდია და შვედეთი. ბოლო, 167-ე ადგილზე ჩრდილოეთ კორეაა 1.08 ქულით. რუსეთი 135-ე ადგილზეა, რუანდასა (134-ე ადგილი) და ზიმბაბვეს (136-ე ადგილი) შორის საქართველოს აბსოლიტური ქულა 0.2 ქულით 76.2-მდე გაიზარდა, Heritage Foundation-ის 2018 წლის ეკონომიკური თავისუფლების ინდექსშიც თუმცა ეს გაუმჯობესება არასაკმაირისი აღმოჩნდა და ინდექსში საქართველოს პოზიცია გაუარესდა. ამ შედეგით საქართველოს მსოფლიოს 186 ქვეყანას შორის 16-ე ადგილი უჭირავს. ამ შემთხვევაში ქვეყნები ოთხი ძირითადი კრიტერიუმით ფასდება ესენია: კანონის უზენაესობა, მთავრობის სიდიდე, რეგულაციური ეფექტიანობა და საბაზრო თავისუფლება. რაც შეეხება ყველაზე თავისუფალი ეკონომიკების პირველ ხუთეულს ასე გამოიყურება. ლიდერია ჰონგკონგი - 90 ქულით, სინგაპური - 88.8 ქულა ახალი ზელანდია - 84 ქულა შვეიცარია - 82 ქულა ავსტრალია - 81 ქულა
ავტონომიური ელექტრო შემადურებელი აპარატი, რომელსიც ყველა ტიპის სამომხმარებლო მეტალს ადუღებს.
#ქართულიბიზნესისისტორიები - ძმები სიმენსები
VRex-ი გუგლის ტოპ 50 ტექსტარტაპის სიაში მოხვდა. შედეგის შესაბამისად 14 თებერვალს სან ფრანცისკოში გამოფენაზე ადგილიც ერგოთ. ინოვაციების მექაში მოხვედრა მარტივი სულაც არ ყოფილა და ამისთვის 1000 კონკურენტს შორის 50 ეულში მოხვედრა იყო საჭირო. რას წარადგენენ ვირექსიდან გამოფენაზე ამას საქმიანი დილის მაყურებელი ჩვენი სტუდიიდან მოისმენს და შეგვიძია ვთქვათ რომ გამოფენას დავასწარით კიდეც. სტუმარი: ნიკოლოზ გოგოჭური, VRex-ის დირექტორი; ნიკოლოზ როსტომაშვილი, VRex-ის მმართველი პარტნიორი
სასჯელაღსრულების სამინისტრო ბიზნესსექტორს პენიტენციურ დაწესებულებებში საწარმოების გახსნის წინადადებით მიმართავს. ამასთან, ამ შემთხვევაში ბიზნესსუბიექტებს, რომლებიც პენიტენციურ დაწესებულებებში საწარმოებს გახსნიან, შესაძლოა, შეღავათები დაუწესდეთ. შეღავათების დაწესებაზე, სასჯელაღსრულებისა და პრობაციის სამინისტრო იმ ინიციატივის ფარგლებში მუშაობს, რომლითაც მსჯავრდებულები პენიტენციურ დაწესებულებებში დასაქმდებიან, დასაქმების შესაბამისად კი, დარჩენილი სასჯელის ვადა შეუმცირდებათ. სტუმარი: გიორგი ციბაძე, სასჯელაღასრულების და პრობაციის სამინისტროს ეკონომიკური დეპარტამენტის უფროსის მოადგილე
გადახდისუუნარობის საქმის წარმოება სტუმარი: გიგა ბათლიძე, BLC-ის პარტნიორი