საფრანგეთის სკოლებში მობილური ტელეფონების გამოყენება იკრძალება. საფრანგეთის ხელისუფლების გადაწყვეტილება 2018 წლის პირველ სექტემბერს შევა ძალაში. შეზღუდვა 6-დან 15 წლამდე მოსწავლეებზე გავრცელდება და საფრანგეთის უკლებლივ ყველა სკოლაზე გავრცელდება. დღესდღეობით, არსებული წესის თანახმად, საფრანგეთის სკოლებში მობილური ტელეფონებით სარგებლობა საკლასო ოთახებში შეზღუდულია. მომავალი სასწავლო წლიდან წესები გამკაცრდება. მოსწავლეები ტელეფონების გამოყენებას ვერ შეძლებენ საკლასო ოთახებში, შესვენების დროს და სკოლის სასადილოში. განათლების სამინისტროს წარმომადგენლების აზრით, ახალი წესი დისციპლინასაც შეუწყობს ხელს და ცოდნის მიღების დროს მოსწავლეებს ყურადღების კონცენტრირებაში დაეხმარება. ტელეფონების აკრძალვა საფრანგეთის პრეზიდენტის ემანუელ მაკრონის წინასაარჩევნო კამპანიის ნაწილი იყო. „მთავრობის სხდომის დაწყებამდე, ჩვენ ტელეფონებს ვინახავთ. ვფიქრობ, რომ ეს სკოლებშიც შესაძლებელია. ბავშვების უმრავლესობა სკოლაში შესვენების დროს არ თამაშობს, მოსწავლეებს შორის ნაკლები კომუნიკაციაა და მათი უმრავლესობა ტელეფონის ეკრანზეა ორიენტირებული“, – განაცხადა საფრანგეთის განათლების მინისტრმა ჟან -მიშელ ბლანკერმა.
ბავშვთა კვება, კოსმეტიკა და ფარმაცია - ეს არის ის სფეროები სადაც გადამუშავებული ვირის რძე განოიყენება. თუმცა როგორც აღმიჩნდა ქართულ სამედიცინო სფეროში მისი მკურნალიბის მიზნით მოხმარებაც ხდება.რომელი დაავადებების დროს იძლევა ვირის რძის მიღების რეკომენდაცია.
ფლანგვის დეტექტორი ავრცელებს სტატისტიკას: 2012 წელს ნარკოტიკულ საშუალებათა მოხმარებისთვის მსჯავრდებულთა რაოდენობამ სულ 861 პირი შეადგინა. საქართველოს უზენაესი სასამრთლოს მონაცემების მიხედვით, 2014 წელს 4003 ადამიანი იყო მსჯავრდებული ნარკოტიკული საშუალების მოხმარებისთვის. 2014 წლის მონაცემები უკვე დაახლოებით 4-ჯერ აღემატებოდა 2012 წლის მონაცემებს.ევროპის საბჭოს მიერ მომზადებული 2014-2015 წლის ანგარიშის თანახმად, საქართველოს ციხეებში პატიმრების 30% ნარკოდანაშაული გამო ზის.სასჯელაღსრულების და პრობაციის სამინისტროსგან მიღებული ინფორმაციის მიხედვით, 2015 წელს სამინისტროს ბიუჯეტიდან ერთი პატიმრის შესანახად დღიურად 31 ლარი და 28 თეთრი იყო გამოყოფილი.ჩამანაცვლებელი ფარმაცევტული პროდუქტის მეტადონის პროგრამით სარგებლობის ერთი თვის ვაუჩერის ღირებულება შეადგენს 215 ლარს, საიდანაც მოქალაქის თანაგადახდა შეადგენს 110 ლარს.2008 წლის მონაცემებით, ნარკოტიკების უკანონო მოხმარებისთვის მსჯავრდებულ პირთა 89%-მა, სასჯელის მოხდის შემდეგ განაახლა ნარკოტიკის უკანონო მიღება. 11% კი 11 თვეში მიუბრუნდა მოხმარებას.ნარკოტიკებისა და ნარკოტიკების მოხმარების მონიტორინგის ევროპული ცენტრის ინფორმაციით დღეს ზედოზირებით სიკვდილიანობის კუთხით პორტუგალია ბოლოდან მეორე ადგილზეა და მხოლოდ რუმინეთს ჩამორჩება. დღეს ნიდერლანდებსა და პორტუგალიაში მილიონ ადამიანზე საშუალოდ 6 ზედოზირებით გარდაცვლილი ფიქსირდება, საქართველოში კი 60.
საქართველოს ლოჯისტიკური პოტენციალი სტუმარი: ნინო მენთეშაშვილი კომპანია TNT-ის დირექტორი
Amazon-მა 22 იანვარს სიეტლში პირველი სასურსათო მაღაზია გახსნა სალაროს გარეშე. როგორც ამერიკის ხმა ცხადებს, მაღაზია გამორჩეული იმით არის, რომ მყიდველი შენობაში ვერც სალარო აპარატს ნახავს და არც გამყიდველი თანამშრომლები დახვდებიან. მაღაზია სრულად თანამედროვე ინფორმაციულ ტექნოლოგიებზე და ხელოვნურ ინტელექტზეა მორგებული. ობიექტი სენსორებითა და კამერებით არის აღჭურვილი, რომლებიც აკონტროლებენ მომხმარებლის მიერ შერჩეულ საქონელს. როგორც კორპორაციაში აცხადებენ, მაღაზიის შესასვლელთან მომხმარებელი საკუთარი სმარტფონის QR-კოდს დაასკანერებს. ამის შემდეგ იგი კამერებისა და გადამცემების ყურადღების ცენტრში მოექცევა. შეიქმნება ვირტუალური კალათა, სადაც მყიდველის მიერ არჩეული პროდუქტი განთავსდება. მაღაზიიდან გამოსვლისას კი მყიდველის ანგარიშიდან შესაბამისი თანხა მოიჭრება. სმარტ-მაღაზია Amazon Go ტესტირების რეჟიმით 2016 წლის 5 დეკემბრიდან მუშაობს, თუმცა მისით სარგებლობა მხოლოდ კორპორაციის თანამშრომლებს შეეძლოთ.
2017 წელს მედიაში ყველაზე აქტიურად საბანკო სექტორი შუქდებოდა. ამის შესახებ საუბარია სამარკეტინგო საკონსულტაციო კომპანია “აიფიემის” მორიგ კვლევაში, რომლის თანახმადაც, წელს მედიაში, ყველაზე მეტჯერ, ქართული კომპანიებიდან, თიბისი ბანკი ახსენეს, ანუ მასზე დაახლოებით 9 ათას 190 სტატია/სიუჟეტი მომზადდა. რიგით მეორე ადგილზე კვლავ საბანკო სექტორის წარმომადგენელი - საქართველოს ბანკი დასახელდა, რომელიც ქართულ მედიაში 6 ათას 335 ჯერ იყო ნახსენები. აიფიემის კვლევაში, მესამე ადგილას მოხვდა სამედიცინო კორპორაცია ევექსი, რომელზეც 4 ათას 234-ჯერ მომზადდა მასალა. მას მოჰყვება ცენტრ-პოინტი, რომელიც 2017 წელს 2 ათას 225 ჯერ ახსენა ქართულმა მედიამ, თუმცა გამოვლინების გარდა, მნიშნელოვანია, თუ როგორ ტონში მოხდა კომპანიების გაჟღერება და როგორ პოზიციონირდნენ ისინი მსმენელისა და მკითხველის გონებაში. მაგალითან იგივე ცენტრ პოინტი, მართალია ერთ-ერთ ყველაზე აქტიურ კომპანიათა ხუთეულში მოხვდა, თუმცა მას 97%-იანი ნეგატიური გამოვლინების მაჩვენებელი ახასიათებს, ასევეა სასტუმრო ლეო გრანდიც, თუმცა მათი ნეგატიური პროფილი, 2017 წელს განვითარებული მოვლენების ფონზე, ლოგიკურად ფორმირდა. კვლევის მიხედვით, ასევე ირკვევა, რომ ერთადერთი კომპანია, ლიდერი ოცეულიდან, რომელსაც პოზიტიური გამოვლინების მაჩვენებელი ასი პროცენტი აქვს - თეგეტა მოტორსია, რომელიც ქართულმა მედიამ 1030 ჯერ ახსენა. 99%-იანი დადებითი გამოვლინების მაჩვენებელი ახასიათებს ევექსს, 98%-იანი თიბისი ბანკს, ხოლო 93%-ი საქართველოს ბანკს. თუკი სექტორულად ჩავშლით, 2017 წელს მედიაში ყველაზე აქტიური სექტორი საბანკო საფინანსოა და მთელი ბიზნეს გამოვლინების 35 %-იც სწორედ ამ სფეროზე მოდის. მეორე და მესამე ადგილოსანი სექტორები „მშენებლობა“ და „ვაჭრობა“, რომლებიც მნიშვნელოვნად ჩამორჩებიან პირველ ადგილს, თუმცა საკმაოდ აქტიურები იყვნენ წლის განმალობაში. კვლევის მიხედვით, ბიზნესი, ის კატეგრიაა, რომელიც ამრავალფეროვნებს მედიას და მეტად მიმართულია სიახლეზე, ინოვაციაზე, მეტად ქმნის მსმენელთა/მკითხველთა მოლოდინებს და რიგ შემთხვევაში ამართლებს კიდევაც მათ. სტუმარი: ხათუნა ბაქრაძე - მედიისა და რეკლამის მონიტორინგის დირექტორი
სახელმწიფო აუდიტის ანგარიშის მიხედვით, შსს-ს 2016 წლის 31 დეკემბრის მდგომარეობით, 1846 სატრანსპორტო საშუალება ემსახურება, რომლის ჯამური ღირებულბაც 34,4 მილიონი ლარია. შენახვის წლიური ხარჯი 11 მილიონ ლარს შეადგენს. აქვე ხაზგასმით ვიტყვი, რომ მთავრობის დადგენილების მიხედვით, შსს-ს 25 "განპიროვნებული ავტომობილის" ყოლის უფლება აქვს, თუმცა ფაქტობრივ სარგებლობაში 630 ავტომობილი ფიქსირდება. შსს - 1846 ავტომობილი გარემოს დაცვის სამინისტრო - 400 ავტომობილი განათლების სამინისტრო - 390 ავტომობილი ჯანდაცვის სამინისტრო - 378 ავტომობილი სოფლის მეურნეობის სამინისტრო - 331 ავტომობილი სასჯელაღსრულების სამინისტრო - 284 ავტომობილი თბილისის მერია - 281 ავტომობილი ინფრასტრუქტურის სამინისტრო - 154 ავტომობილი ეკონომიკის სამინისტრო - 117 ავტომობილი კულტურის სამინისტრო - 102 ავტომობილი პარლამენტი - 98 ავტომობილი და ეს ციფრები კლების მიხედვით მიდის.
საფრანგეთის სკოლებში მობილური ტელეფონების გამოყენება იკრძალება. საფრანგეთის ხელისუფლების გადაწყვეტილება 2018 წლის პირველ სექტემბერს შევა ძალაში. შეზღუდვა 6-დან 15 წლამდე მოსწავლეებზე გავრცელდება და საფრანგეთის უკლებლივ ყველა სკოლაზე გავრცელდება. დღესდღეობით, არსებული წესის თანახმად, საფრანგეთის სკოლებში მობილური ტელეფონებით სარგებლობა საკლასო ოთახებში შეზღუდულია. მომავალი სასწავლო წლიდან წესები გამკაცრდება. მოსწავლეები ტელეფონების გამოყენებას ვერ შეძლებენ საკლასო ოთახებში, შესვენების დროს და სკოლის სასადილოში. განათლების სამინისტროს წარმომადგენლების აზრით, ახალი წესი დისციპლინასაც შეუწყობს ხელს და ცოდნის მიღების დროს მოსწავლეებს ყურადღების კონცენტრირებაში დაეხმარება. ტელეფონების აკრძალვა საფრანგეთის პრეზიდენტის ემანუელ მაკრონის წინასაარჩევნო კამპანიის ნაწილი იყო. „მთავრობის სხდომის დაწყებამდე, ჩვენ ტელეფონებს ვინახავთ. ვფიქრობ, რომ ეს სკოლებშიც შესაძლებელია. ბავშვების უმრავლესობა სკოლაში შესვენების დროს არ თამაშობს, მოსწავლეებს შორის ნაკლები კომუნიკაციაა და მათი უმრავლესობა ტელეფონის ეკრანზეა ორიენტირებული“, – განაცხადა საფრანგეთის განათლების მინისტრმა ჟან -მიშელ ბლანკერმა.
საქართველო და ჩინეთი ტურისტული ჯგუფების უვიზოდ მიმოსვლაზე წელს ხელშეკრულებას გააფორმებენ, ხოლო თავისუფალი ვაჭრობის ხელშეკრულება, საქართველოს ჩინეთში ტურისტული მომსახურების სააგენტოების გახსნის შესაძლებლობას მისცემს. როგორ აფასებს ამ ფაქტს კერძო სექტორი და რა ეკონომიკური ბენეფიტების მოტანა შეუძლია ორმხრივ შეთანხმებას ქვეყნისთვის, დეტალები ვნახოთ მარიამ ადამიას სიუჟეტში. სტუმარი : მაია სიდამონიძე, ილიაუნის ბიზნეს სკოლის ტურიზმის ცენტრის ხელმძღვანელი ; ნიკა მანჯგალაძე - კომპანია „თრეველ შოპის“ დამფუძნებლი ; ია თაბაგარი - საქართველოს ტურ-ოპერატორთა ასოციაციის ხელმძღვანელი
სტუმარი: მიხეილ ბატიაშვილი ბიზნესისა და ტექნოლოგიების უნივერსიტეტის რექტორი 23.01.2018
თებერვლის ბოლოდან დედაქალაქის 14 ქუჩაზე ყვითელი სამარშრუტო ტაქსები მხოლოდ გაჩერებებზე გაჩერდებიან. 1 მარტიდან კი საპილოტე პროექტის ფარგლებში თბილისის 32 ქუჩაზე „თბილსერვის ჯგუფი“ ნაგავშემკრები კონტეინერების დაცლას ღამის საათებში დაიწყებს. ამას გარდა, მერია აქტიურად მუშაობს სადისტრიბუციო მანქანებისთვის შეზღუდვების დაწესებაზე. ეს ყველაფერი ერთ მიზანს - თბილისის საცობებისგან მაქსიმალურად განტვირთვას ემსახურება. სტუმარი: სტუმარი: მაია ბითაძე - თბილისის მერის მოადგილე 23.01.2018
„მენაშენეთა ასოციაცია“ თბილისის მერს, კახა კალაძეს დედაქალაქში ავტომობილების პარკინგის პრობლემის კომპლექსური მოგვარების საკუთარ ხედვებს სთავაზობს. იმ ფონზე რომ დედაქალაქის მთავრობაში რამდენიმე მიმართულებით მუშაობენ იმისთვის, რომ გზები განიტვირთოს და პარკირებისთვის დამატებითი ლოკაციები გაჩნდეს, მენაშენეთა ასოციაციაში ფიქრობენ, რომ პრობლემის მოგვარების ერთ ერთი გზა შესაძლოა 90 იან წლებში უკანონოდ აშენებული ავტოფარეხების აღებაც იყო. სტუმარი: თორნიკე აბულაძე "მენაშენეთა ასოციაციის" წევრი
ყველაზე მდიდარი 1%-ის ქონება მსოფლიოში მოსახლეობის მთლიანი ქონების 82%-ის ტოლია,- ამის შესახებ Oxfam აცხადებს. მათი ინფორმაციით, განსხვავება სუპერ მდიდარ ხალხსა და დანარჩენ სამყაროს შორის ძალიან დიდია. ორგანიზაცია აცხადებს, რომ წინა წელთან შედარებით ეს განსხვავება კიდევ უფრო გაიზარდა. საერთაშორისო ორგანიზაცია რამდენიმე მიზეზს ასახელებს. მათი თქმით, მდიდრებსა და ღარიბებს შორის ეს განსხვავება გამოწვეულია გადასახადების გადაუხდელობით, კომპანიების გავლენით პოლიტიკაზე და დასაქმებულთა უფლებების ეროზიით. Oxfam აღნიშნავს, რომ 2018 წელს სულ 42 ადამიანი ფლობს იმდენივე ქონებას, რამდენსაც მსოფლიოს უღარიბესი მოსახლეობის ნახევარი. შარშან ამავე ქონებას 61 ადამიანი ფლობდა, თუმცა ორგანიზაცია აღნიშნავს, რომ უმდიდრესი ადამიანების რიცხვის შემცირება მეთოდოლოგიის დახვეწამ განაპირობა და რეალურად უთანასწორობა მოსახლეობას შორის დარჩა. ჟენევაში კი ყველაზე მდიდარი ქართველის, ბიძინა ივანიშვილის საქმის განხილვა დაიწყო. სასამართლო პროცესზე ექსპრემიერის ყოფილმა პირადმა ბანკირმა აღიარა, რომ 2008 წლის ფინანსური კრიზისის პერიოდში თავისი კლიენტების თანხები ყალბი ხელმოწერის დახმარებით სხვა ანგარიშებზე გადაჰქონდა.შედეგად ბიძინა ივანიშვილს დაახლოებით $150 მილიონის ზარალი მიადგა. Credit Suisse-ის ყოფილი ბანკირი პატრის ლესკაუდრონი აღიარებს, რომ ბიძინა ივანიშვილის ხელმოწერის გარდა, რუსი ბიზნესმენის ვიტალი მალკინის ხელმოწერასაც აყალბებდა. ბრალდებულს, რომელიც უკვე 2 წელია დაკავებულია, 10 წლით თავისუფლების აღკვეთა ემუქრება. ის წლების განმავლობაში კლიენტების $1,6 მილიარდის ქონებას უწევდა მენეჯმენტს, მათ შორის იყო ბიძინა ივანიშვილის და რუსი ბიზნესმენის ქონებაც. როგორც ცნობილია პატრის ლესკაუდრონი მოსკოვშიც მუშაობდა და მის წინააღმდეგ სარჩელი ბიძინა ივანიშვილის გარდა კიდევ ორ რუს ბიზნესმენს აქვს შეტანილი.
14 ტბა საქართველოში, რომელსაც უნდა ეახლო 2018 წელს. მწვანე ზებრამ გააკეთა ჩამონათვალი იმ ტბებისა, რომელიც მდებარეობს საქართველოს კონტროლირებად ტერიტორიაზე და მათივე აზრით აზრით ეს 14-ვე ტბა ყველაზე მეტად იმსახურებს მიმდინარე წელს მონახულებას.
ემილ ავდალიანის მორიგი ვიდეო ბლოგი სომეხ მეცენატზე ალექსანდრე მელიქ-აზარიანცზე, რომელიც იმ დროის ჭეშმარიტი კაპიტალისტი იყო: პირველი გილდიის ვაჭარს წილები ჰქონდა სპილენძისა და ნავთობის საბადოებში. მას ეკუთვნოდა თბილისის პირველი სატელეფონო ქსელი და მისი იყო ყველაზე ცნობილი „შემოსავლიანი სახლი” ოლგას ქუჩაზე – ამჟამინდელ რუსთაველის გამზირზე - მდებარე თბილისის გამორჩეული არქიტექტუარული ნაგებობა. #ქართულიბიზნესისისტორიები
300 მილიარდი .... გაქრა. წავიდა. სულ რაღაც 36 საათში. ამდენი დაკარგა კრიპტოვალუტების საერთო კაპიტალიზაციამ დღენახევარში. კვირის კრიპტოსავალუტო ბაზრის ბოლო კორექციამ ციფრულ ანგარიშებზე არსებული დიდძალი ქონება გაანიავა. ბიტკოინის ჩამოქცევა მხოლოდ ერთ ძალას შეუძლია, ჩვენი, კრიპტომოთამაშეების პესიმიზმს. მე ოპტიმისტად ვრჩები. საინტერესოა რა აზრზეა მსოფლიოში ერთ-ერთი უდიდესი მაინერის, ბიტფიურის წარმომადგენლობა. აქ უკვე მე ვთმობ ასპარეზს და სიამოვნებით ვუთმობ ეთერს ბიტფურის წარმომადგენელს, ეფრემ ურუმაშვილს. რემი, თქვენი აზრით, რას უნდა ველოდოთ, ახალ ცებს თუ ახალ ფსკერს? სტუმარი: ეფრემ ურუმაშვილი, ფინანსისტი; თამარ მენთეშაშვილი, ბლოკჩეინ ტექნოლოგიისა და ფინანსური ინოვაციების მკვლევარი 19/01/2018
რომელი ქვეყნების მოსახლეობა გამდიდრდა ყველაზე მეტად 2017 წელს. ქვეყნის მოსახლეობის გამდიდრებას წლის განმავლობაში ერთი მოსახლის მიერ მიღებული საშუალო შემოსავლის ზრდა განაპირობებს. ერთ მოსახლეზე შემოსავალს სხვადასხვა ინდიკატორით ზომავენ და ყველა ამ ინდიკატორს თავისი გამოყენების არეალი აქვს. როდესაც ერთ მოსახლეზე შემოსავალს ვზომავთ იმ მიზნით, რომ შემდეგ სხვადასხვა ქვეყნის მაჩვენებლები ერთმანეთს შევადაროთ, ამ დროს მსყიდველობითი უნარის პარიტეტით დათვლილი ერთ მოსახლეზე შემოსავლის გამოყენება ყველაზე გამართლებულია. წარმოგიდგენთ ქვეყნების ტოპ-10-ეულს, სადაც 2017 წელს მოსახლეობის შემოსავალი ყველაზე მეტად გაიზარდა. იშვიათი გამონაკლისის გარდა, ყველაზე მეტად მდიდარი ქვეყნების მოსახლეობის შემოსავლები იზრდება. გამოდის, მიუხედავად იმისა, რომ მაღალშემოსავლიანი ქვეყნების ეკონომიკა პროცენტულად სწრაფად აღარ იზრდება, უკვე დაფიქსირებული მაღალი შემოსავლების საბაზისო ეფექტისა და მოსახლეობის კლების გამო, ერთ მოსახლეზე რეალური შემოსავალი ამ ქვეყნებში უფრო მეტად იზრდება, ვიდრე განვითარებად ქვეყნებში. 19/01/2018
მადისაღმძვრელი ვიდეოს ნახვისას ჯერ ალბათ იფიქრეთ რომ ქართულმა ელარჯიმ უკვე მსოფლიო კულინარული სამოთხეები დაიპყრო. მაგრამ არც მთლად ასეა საქმე. ვიდეოს მეორე ნაწილში ნახავთ, რომ გემრიელი შემოთავაზება გამდნარი ყველის და კარტოფილის პიურეს კონსისტენციაა. მსხვილად დაფქვილი სიმინდი კარტოფილის პიურეთი ჩაუნაცვლებიათ. ხორცთან ერთად სთავაზობენ სტუმრებს. თქვენ წარმოიდგინეთ და მე რომ მეგონა მეგრელები ელარჯის მითვისებას გააპროტესტებდნენ, აღმოვაჩინე რომ სვანებს უფრო აქვთ მოსაკითხი ეს ამბავი. მწიფე ყველით, მოხარშული და გატარებული კარტოფილი ამოზელვით სვანებია თაშმჯაბის ამზადებენ. თაშმჯაბი- სვანური სამზარეულოს კერძია და არც მეტი არც ნაკლები კულტურული მემკვიდრეობის ძეგლის სტატუსი აქვს. ამერიკულ კულინარულ გადაცემაში, ჩის ბოუთი ანუ ყველის ნავი, ანუ აჭარული ხაჭაპური დაამადეს. ზუსტად ამ სახელით მასპინძლობს ნიუ იორკში და თან ძალიან წარმატებულად ქართული რესტორანი, მაგრამ ახლა მთლად მასტერკლასი ვიხილეთ. 19/01/2018
თბილისში სადისტრიბუციო მანქანების გადაადგილებაზე შესაძლოა, შეზღუდვები დაწესდეს. ინიციტივის მიზანი დედაქალაქის საცობებისგან განტვირთვაა, თუმცა მისი რეალობად ქცევის შემთხვევაში დისტრიბუტორები და რითეილერები იმ პრობლემებზე საუბრობენ, რომელიც ამ პროცესს მოჰყვება. მხარეების პოზიციებს თათია ჩაფიჩაძე გაეცნო, დეტალები ვნახოთ მის სიუჟეტში.
საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ თბილისში ელ-ენერგიის, გაზისა და წყლის მიმწოდებელი კომპანიების საქმიანობაში დარღვევები გამოავლინა. "მისტიური მომხმარებლის" საშუალებით ჩატარებული კვლევა ახალი მომხმარებლის ქსელზე მიერთების განაცხადის ჩაბარებასა და 5 დღის განმავლობაში კომპანიების მიერ მათზე რეაგირებას მოიცავდა. რა დარღვევები გამოვლინდა კვლევიდან და რას გეგმავს სემეკი სამომავლოდ მის წევრს გიორგი ფანგანს ვუმასპინძლეთ საქმიან დილაში. სტუმარი: გიორგი ფანგანი, სემეკ-ის წევრი
,,ჰუმანითი ჯორჯიამ“ 11 მილიონი დოლარის სასესხო დავალიანება, რომელიც კომპანიას საპარტნიორო ფონდისგან წამლების იმპორტის მიზნით ჰქონდა აღებული უკვე დაფარა. BMG-ის ინფორმაციით კომპანიას, ყოფილი თანამშრომლებისათვის სახელფასო დავალიანება დღემდე არ გადაუხდია. ჩანიშულია სასამართლოც და თანამშორომელთა სარჩელის არსებითი განხილვა პირველ ინსტანციაში 1 თებერვალს დაიწყება. კომპანიის წინააღმდეგ სარჩელი სულ 34 თანამშრომელს აქვს შეტანილი და მათ მიმათ დავალიანება ჯამში 326 ათასი ლარია. სტუმარი: ავთანდილ თეთრაშვილი, ,,ჰუმანითი ჯორჯიას“ თანამშრომლების ადვოკატი 19/01/2018
ფინანსური განათლება საქართველოში მათ შორის საერთასორისო კვლევებით ამ დრომდე საკმაოდ დაბალ შეფასებას იმსახურებს. პრობლემის გადასაჭრელად რამდენიმე პროექტი ხორციელდება. გარკვეული გეგმის მიხედვით მოქმედებს ხელისუფლებაც, თუმცა განსაკუთრებით მნიშვნელოვანი არასამთავრობოების და კერძო ბიზნესების ჩართულობაა. ჯუნიორ ეჩივმენტმა, რომელიც საშუალო სკოლებში ეკონომიკის სწავლებას უზრუნველყოფს, ასეთი 3 წლიანი პროგრამა შეაჯამა. მოკლე მიმოხილვას და შედეგების გაანალიზებას სტუდიაში ვეცდებით. მაგალითად ჯუნიორ ეჩივმენტი, რომელიც საშუალო სკოლებში ეკონომიკის სწავლებას უზრუნველყოფს ბიზნესმენებს სკოლებში გაკვეთილების ჩატარებას და მენტორობას სთავაზობს. ამისთვის შეხვედრაც გაიმართა. სტუმარი: ეკა გეგეშიძე, "ჯუნიორ ეჩივმენტ საქართველოს" აღმასრულებელი დირექტორი და ლორა ბერგერი, USAID-ის დემოკრატიის, მმართველობისა და სოციალური განვითარების ოფისის დირექტორის მოვალეობის შემსრულებელი 19/01/2018
"საქმიანი დილა" განაგრძობს სამედიცინო ტურიზმის პოტეციალის მქონე ქვეყნებში მოგზაურობას. მორიგი გაჩერება ჩინეთია, სადაც პეკინის სამხედრო ჰოსპიტალის მოწვევით ჩვენი გადამღები ჯგუფი და სამედიცინო ტურიზმის საკითხებზე მომუშავე ექსპერტი პაატა რატიანი იმყოფებიან. ვიდრე დავით ჯალაღონია და გურამ ხუნდაძე თბილისში დაბრუნდებიან, სწორედ ჩინეთიდან მოგვაწვდიან ინფორმაციას ამ ვიზიტის დეტალებზე და იმის შესახებ, თუ რით არის გამორჩეული სამედიცინო ტურიზმი ჩინეთში: 19/01/2018
მურწყუ, სკოლის მოსწავლის თემურ მიქავას მიერ პირადი მოხმარებისთვის შექმნილი საგანმანათლებლო პორტალია რომელიც საქართველოში ყველაზე პოპულარული საგანმანათლებლო პორტალი გახდა. მურწყუზე დღეისათვის 200 000-ზე მეტი მოსწავლეა რეგისტრირებული. წლის განმავლობაში მურწყუს დახმარებით 11-12 კლასელთა 60%-ზე მეტი იღრმავებს ცოდნას და აუმჯობესებს შედეგებს როგორც სკოლის გამოსაშვები, ისე ეროვნული გამოცდებისთვის. პროექტი ედუროადი, რომლის პროდუქტსაც სწორედ ეს პლატფორმა წარმოადგენს პროექტ სტარტაპ საქართველოს გამარჯვებულია. 19/01/2018
მაშინ როდესაც, საქართველოს საპროცესო კოდექსით შრომის დავის განხილისთვის შემჭიდროებული, 1 თვიანი ვადაა დადგენილი ამჟამად „ბიზნესმედია საქართველოს“ , ხოლო იმ დროისათვის ტელეკომპანია მაესტროს 27 თანამშრომლის სარჩელის განხილვა შპს სტუდია მაესტროს წინააღმდეგ სარჩელის შეტანიდან წელიწადნახევრის შემდეგ ჯერ კიდევ არ მომხდარა . გათავისუფლებული თანამშრომლების ინტერესებს სასამართლოში საქართველოს პროფესიული კავშირების გაერთიანება იცავს. სწორედ აღნიშნულმა გაერთიანებამ 2016 წლის 1 ივლისს თბილისის საქალაქო სასამართლოს შპს ,, სტუდია მაესტრო"-ს წინააღმდეგ სარჩელით მიმართა ზემოთხსენებული 27 თანამშრომლის სამსახურში აღდგენის , იძულებითი მოცდენის , სახელფასო დავალაინებისა და გამოუყენებელი შვებულების კომპენსაციის ანაზღაურების მოთხოვნით. გასული წელიწადნახევრის განმავლობაში არსებული საქმე რამდენჯერმე გადაეწერა სხვადასხვა მოსამართლეს. მოსარჩელეთა ადვოკატის მხრიდან მოსამართლის თანაშემწესთან აქტიურმა კომუნიკაციამ ვერ უზრუნველყო პროცესის დაჩქარება , მეტიც, ამ დროისათვის მომჩივანი მხარისთვის პროცესის ჩანიშვნის სავარაუდო თარიღიც უცნობია.
დეველოპერულ რუბრიკაში propertygeorgia.ge-ის დამფუძნებელი და მმართველი Colliers International Georgia -ს გენერალურ დირექტორს ირაკლი კილაურიძეს მასპინძლობს. სტუმარი: ლიკა ქარდავა, propertygeorgia.ge-ის დამფუძნებელი და მმართველი; ირაკლი კილაურიძე - Colliers International Georgia -ს გენერალური დირექტორი 18/01/2018
2017 წლის მიწურულს, ფაქტ-მეტრმა იმ ტოპ ტყუილების რეიტინგი შეადგინა, რომლებსაც წელს პოლიტიკოსები და სხვადასხვა მედიასაშუალების წარმომადგენლები საზოგადოებას უყვებოდა. ვინ მოხვდა სიაში და რას იტყუებიან პოლიტიკოსები, დეტალები ვნახოთ მარიამ ადამიას სიუჟეტში. სტუმარი: ზაზა აბაშიძე, "საქმიანი დილის" თანაწამყვანი; დავით ქუტიძე, FactCheck-ის მთავარი რედაქტორი 18/01/2018
ჯორჯიან უოთერ ენდ ფაუერმა გარდაბნის გამწმენდი ნაგებობის თანამედროვე სტანდარტებით რეაბილიტაცია დაიწყო. სტრატეგიული მნიშვნელობის რთული საინჟინრო ობიექტი, ქალაქის კომუნალური წყლების გაწმენდას და უკვე გაწმენდილი წყლის ბუნებაში დაბრუნებას უზრუნველყოფს, რომელიც უკვე უსაფრთხოა გარემოსთვის. კომუნალური წყლების გაწმენდისათვის რამდენიმე საფეხურიანი პროცესი ჩატარდა. რა დარჩა ეტაპები პროგრამის დასრულებამდე და რა მასშტაბის სამუშაოზეა საუბარი. სტუმარი: გურამ ახვლედიანი, GWP-ის ინვესტიციების მართვის დეპარტამენტის ხელმძღვანელი; ნინო სულხანიშვილი, GWP-ის გარემოს დაცვის და ბუნებრივი რესურსების დეპარტამენტის ხელმძღვანელი 18/01/2018
საქართველოში შრომის ბაზარზე კადრების მოთხოვნა-მიწოდებას შორის დისბალანსი ბოლო წლების ერთ-ერთი ყველაზე აქტუალური პრობლემაა. ამ ეთერშიც ბევრის ჩივილი მოგვისმენია და კვლევებიც ადასტურებს, რომ ბიზნეს ლიდერებისა და ინვესტორების უმრავლესობა საქართველოში ბიზნესის ხელშემშლელ მთავარ ფაქტორად სამუშაო ძალის არაკვალიფიციურობას ასახელებს. პრობლემაზე საპასუხოდ საქართველოს დამსაქმებელთა ასოციაციამ 2016 წლიდან გერმანიის ხელისუფლების მხარდაჭერით დაიწყო პროფესიული განათლებისა და სწავლების პროექტის განხორციელება საქართველოში, რომლის მიზანია საქართველოში შრომის ბაზრის განვითარება. 2016 წლიდან ამ დრომდე განხორციელებულ პროექტებზე, შედეგებზე და გამოწვევებზე ვისაუბრებთ სტუმრებთან. სტუმარი: ელენე მახარაშვილი - პროფესიული განათლებისა და სწავლების პროექტის მენეჯერი საქართველოში; დირკ რონეკე - პროექტის გრძელვადიანი ექსპერტი; ხათუნა ჩხარტიშვილი, გუდვილის სასწავლო ცენტრის ხელმძღვანელი 18/01/2018
2014 წელს დაწყებული პროექტი „ათასწლეულის გამოწვევის კომპაქტი“, რომელსაც აშშ-ის მთავრობა მხარს 140 მილიონი ამერიკული დოლარის გრანტით უჭერს წელსაც გრძელდება. 2019 წლამდე ფონდის ზოგადი განათლების მიმართულება სამი აქტივობისგან შედგება. უკვე განხორციელებულ სამუშაოზე, მის სარგებელზე და უკვე გასული წლის თვლად შედეგებზე ერთგვარ ანგარიშს გავაცნობთ ჩვენს მაყურებლებს სტუმართან ერთად. სტუმარი: მაგდა მაღრაძე, ათასწლეულის გამოწვევის ფონდი - საქართველოს აღმასრულებელი დირექტორი 18/01/2018
ნონა მამულაშვილი შვეიცარია-საქართველოს ბიზნეს ასოციაციის პრეზიდენტად 4 წლის ვადით აირჩიეს. ნონა მამულაშვილი პარალელურად საერთაშორისო სავაჭრო პალატის ვიცეპრეზიდენტის პოსტაც იკავებს და ამ თანამდებობას მომავალშიც შეინარჩუნებს. Bm.ge-სთან საუბრისას ნონა მამულაშვილი აცხადებს, რომ ახალ თანამდებობაზე საკმაოდ საინტერესო გეგმები აქვს და აპირებს, ასოციაციის მეშვეობით გააქტიუროს შვეიცარიელი ბიზნესმენები საქართველოში და პირიქით. „წელს მოხდა EFTA-სთან თავისუფალი ვაჭრობის ხელშეკრულების რატიფიცირება და წელს იქნება საკმაოდ აქტიური პერიოდი ამ მიმართულებით. ვეცდებით, საქართველოთი შევიცარიელი ინვესტორები დავაინტერესოთ და რაც მთავარია, საქართველოდან გავიყვანოთ ქართველი ბიზნესმენები შვეიცარიაში“,- აცხადებს მამულაშვილი. შვეიცარია-საქართველოს ბიზნეს ასოციაციის 2005 წლიდან მოქმედებს. 18/01/2018
საქართველოში 29 ათას 222 დოზა მოხმარებიდან ამოსაღები ვაქცინა გაიხარჯა,- ამის საფუძველზე სახელმწიფო აუდიტის სამსახური იმუნიზაციის პროგრამის შემოწმებას გეგმავს. ინფორმაცია სამსახურის ვებ-გვერდზეა განთავსებული: "შეძენილია პრეპარატი, რომელმაც კანონმდებლობით დადგენილი წესით რეგისტრაცია ვერ გაიარა და შესაბამისად, საქართველოს ბაზარზე დაშვების უფლება არ ჰქონდა, მიუხედავად ამისა, ბაზარზე დაშვების უფლება მოპოვებულია კომისიის გადაწყვეტილებით, რომლის თანახმად კომისიის მიერ ხარისხის დადასტურება ეფუძნება მინიმალურ სტანდარტებს",-ნათქვამია აუდიტის სამსახურის 2018 წლის სამუშაო გეგმის გრაფიკში. BM.Ge-ის გუნდმა სხვა შემაშფოთებელი შინაარსის ჩანაწერი აუდიტის სამსახურის 2018 წლის სამუშაო გეგმის გრაფიკში აღმოაჩნა. თემაზე გუშინ საკმარისზე მეტი ითქვა, საღამოს ეთერში ამირან გამყრელიძეს პირდაპირი ეთერიც შედგა, სადანაც გთავაზობთ ამონარიდს. ამირან გამყრელიძე ამბობს, რომ 2016 წლის იანვარში, როდესაც ჯანმრთელობის მსოფლიო ორგანიზაციამ გამოითხოვა ამ პრეპარატის პრეკვალიფიკაცია, ეს არ ნიშნავდა იმას, რომ ვაქცინის ამოღება დაუყოვნებლივ უნდა მომხდარიყო. ღიმილის მომგვრელი იყო სოცქსელში ქართული ოცნების და მათ მიმდევართა ვიშვიში მედიის პასუხისგებლობაზე ინფორმაციის გავრცელებაზე,როცა ელემენტალური უნარების დეფიციტია, იმისთვის რომ ეს ინფორმაცია არც გაჟღერდებოდა რომ ყოფილიყო ჯეროვანი კომუნიკაცია ორ უწყებას შორის, დაავადებათა კონტროლის ცენტრი და აუდიტის სამსახური, რაც დააკორექტირებდა სახელმწიფო აუდიტის სამსახურის გეგმის ამ ნაწილს, და საზოგადოების სნობური ნაწილი ვერ ჩაეფლობოდა თვითტკბობაში საკუთარი აიქიუს დემონსტრირებისა, რომელიც სამწუხარო რეალობაა,რომ უმრავლეს შემთხვევაში არ სცდება კომპიუტერის კლავიატურის ენერგიული გამოყენების დონეს. მერწმუნეთ, იმის იქით სრული სიცარიელია, ან ბრიტანელებს უკეთესი გამონათქვამი აქვთ რომელიც ყველაზე მეტად მიესადაგება ამ პეროსონაჟებს Taking Noncence. ოღონდ, ამ შემთხვევაში , ღმერთმა დაგიფაროთ და ალაპარაკდნენ. ეს ის კატეგორიაა, აუცილებელი და გადაუდებელი იმუნიზაციაც რომ არ უშველის.
საქართველო კვლავ ნაწილობრივ თავისუფალი ქვეყნების კატეგორიაშია- ასეთია ჩვენი ქვეყნის შეფასება Freedom House-ის ანგარიშით, რომელიც სულ რამდენიმე დღის წინ გამოქვეყნდა. ქულათა სისტემაში სადაც მაქსიმალური 100 ქულაა, საქრთველოს 64 ქულა აქვს მინიჭებული. შეფასების იმ ნაწილში სადაც 1 საუკეთესო და 7 ყველაზე ცუდი შედეგია 3-3 ქულა აქვს მინიჭებული ადამიანის უფლებების, პოლიტიკური და სამოქალაქო უფლებების მიმართულებით. ანგარიშში საქართველო სულ რამდენჯერმეა ნახსენები, მათ შორის საკონსიტუციო ცვლილებებისა და აზერბაიჯანელი ჟურნალისტის აფგან მუხთარლის გატაცების გამო. თავად ანგარიშში ნათქვამია, რომ ჟურნალისტი ქართულად მოლაპარაკე პირებმა მოიტაცეს, სახელმწიფო საზღვარზე გადაიყვანეს. ეს შემაშფოთებელი და არასასიამოვნი მინიშნებაა ქვეყნის ხელისუფლებისთვის, ჩვენთვის და ქვეყნის იმიჯისთვის. ქვეყანაში მისი მოქალაქეების, ბინადრების, ტურისტების თუ ვიზიტორების უსაფრთხოებაზე პასუხისმგებელი ხელისუფლება ძალიან ბევრი და საკმაოდ მძიმე კითხვების ადრესატი ამ დრომდე ისევ რჩება, მნიშვნელოვანია,რომ ამ კითხვების არსებობას და ქვეყნის იმიჯისთვის დიდ რისკებს ადასტურებენ მმართველი პოლიტიკური ძალის გუნდის პასუხისგებლიანი წევრებიც.
ტურ-ოპერატორ "კაპიტან პლუსის" ორგანიზებით სასტუმრო ბილთმორის ბოლრუმში 17 იანვარს მოეწყო ვორქშოფი საქართველოს გამყვანი ოპერატორების მონაწილეობით, როგორც ზამთრის ასევე ზაფხულის მთავარი სამოგზაურო მიმართულებების გაცნობის მიზნით.ვორქშოფზე წარმოდგენილი იყო ანტალიის წამყვანი სასტუმროები,თუ რა შესაძლებლობები და უპირატესობები აქვთ მათ და როგორია 2018 წლის მოლოდინები ტურისტულ სექტორში ვნახოთ კესო კაციტაძის სიუჟეტში. ტურ ოპერატორი ტურიზმი ტურიზმის სექტორი ტურისტული კომპანია #თურქეთი #ანტალია საქმაინი დილა #ბიზნესმედია #საქმიანები #BMG
საქართველოში „შენობა-ნაგებობის უსაფრთხოების წესების“ ტექნიკური რეგლამენტი მოქმედებს. მოცულობითი დადგენილებით ბევრი დეტალია გაწერილი და განსაზღვრული, თუმცა რამდენად სრულდება ყველა პუნქტი ყველა შემთხვევაში ეს ძალიან რთული სათქმელია. სამშენებლო სექტორის წარმომადგენლების თქმით, რეგლამენტის მიღება აუცილებელი და საჭირო იყო, თუმცა ყველა წესის ერთდროულად ამოქმედებამ ბაზარზე გარკვეული პრობლემები შექმნა. სტუმარი: მალხაზ სოლომნიშვილი, “ბაუინვესტის” დირექტორი 17/01/2018
2017 წელი დასასრულს, ბიამ- რომელიც აერთიანებს ქართული კომპანიების შესახებ ბიზნეს ინფორმაციას, თავად ბიზნესებს გაუკეთა საინტერესო შეთავაზება. ვიდეო მიმართვების სერია საქმიანმა მაყურებელმა ამ სტუდიიდან უხვად ნახა თუმცა 2017 ის შეჯამებისას ამ ამბის გარდა კიდევ ბევრის გახსენება შეიძლება. ამისთვის და სამომავლო გეგმების გარკვევისთვის ვმასპინძობთ .. სტუმარი: სალომე კუკავა, BIA-ს გენერალური დირექტორის მოადგილე 17/01/2018
ფეხბურთი იქნება დღეს ჩვენი განხილვის საგანი, რაშიც საქართველოს ფეხბურთის ფედერაციის ვიცე-პრეზიდენტი - ნიკა ჯღარკავა დაგვეხმარება. სტუმარი: ბექა ბაციკაძე, “საქმის კურსის” წამყვანი, ზაზა აბაშიძე, “საქმიანი დილის” თანაწამყვანი, ნიკა ჯღარკავა, ფეხბურთის ფედერაციის ვიცე- პრეზიდენტი 17/01/2018
სულ რამდენიმე დღის წინ, 15 იანვარს სტარტი აიღო 3 თვიანმა აქსელერაციის პროგრამა, რომელიც საერთაშორისო გამოცდილებით და სტანდარტებით ხორციელდება. პროგრამა დამყარებულია მსოფლიოს წამყვანი აქსელერატორის 500 Startup-ის მუშაობის პრინციპზე და ამ ეტაპზე რამდენადაც ვიცი ერთად ერთი აქსელერაციის პროგრამაა. სტუმარი: ირაკლი ქაშიბაძე - Future Laboratory-ს დამფუძნებელი; გიორგი ხაჩიძე, Future Laboratory-ს ოპერაციული დირექტორი 17/01/2018
ეროვნული ბანკი სავალუტო ჯიხურების რეგულირებას ამკაცრებს. კანონში შესული ცვლილებების მიხედვით, სავალუტო ჯიხურებს ვალუტის გაცვლის კურსისა და საკომისიოს თაობაზე მომხმარებლისთვის ინფორმაციის მიწოდება ეროვნული ბანკის მიერ დადგენილი ფორმით მოუწევთ. 17/01/2018
რამდენიმე არასამთავრობო ორგანიზაციის მიერ პარლამენტში რეგისტრირებული საკანონმდებლო წინადადების მიზანი ერთია - ადამიანის კომპანიონ ცხოველთა დაცვის გარანტიების შექმნა. ამაზე ბევრი გვისაუბრია, აქციებიც ყოფილა, სხვადასხვა არასამთვრობოებს შორის კონფლიქტიც, თუმცა მისი განხილვა მაინც პირველი მოსმენით საკომიტეტო განხილვის ეტაპზევე გაჩერდა. იქამდე, სანამ სტუმრებთან გადავალ, მცირე სტატისტიკა მინდა გავაცნო მაყურებელს, ჯერ კიდევ 2007 წლიდან დაიწყო უზედამხედველო ცხოველებზე დევნა... თუმცა, იმ დროს ეს არ გულისხმობდა, მათ კარგ ბედში ჩავარდნას... შპს „დებიუტი“ რომელმაც იმ დროის საქართველოში ძაღლებზე ომი გამოაცხადა, ყველა განწირული იყო სიკვდილისთვის და ამას ადასტურებს ის მასალები რომელიც საქმიან დილას, ექსკლუზიურად აქვს მოპოვებული... ამ ყველაფერს კი, ხელს აწერს შპს დებიუტის ხელმძღვანელი ნუგზარ ბოლქვაძე და იმ დროის მერიის თანამშრომელი დავით სადათერაშვილი. იმ დროის სტატისტიკა არის ასეთი: 2008 წლის 24 დეკემბრიდან 2009 წლის 29 იანვრის ჩათვლით შპს დებიუტის ძაღლმჭრების მიერ იზოლირებული იყო 1409 ძაღლი, აქედან ეუთანაზია ჩაუტარდა 1400 და ლეშის გაუნბელყოფა ჩაუტარდა 9-ს. ანუ გადარჩა ნული. იგივე სამსახურის მიერ 896 ძაღლი დაიჭირეს, აქედან ეუთანაზია ჩაუტარდა 892-ს, ლეშის გაუნებეყოფა 3 ერთეულს და გადარჩა ერთი, რომელსაც ჩაუტარდა კასტრაცია... ავსტრიაში, პირს, რომელიც ტკივილს აყენებს, ძლიერი შიშის ქვეშ ამყოფებს ან არასათანადოდ უვლის ცხოველს, ეკისრება ჯარიმა 7 500 ევრომდე, ხოლო დანაშაულის განმეორების შემთვევაში - 15 000 ევრომდე. საქართველოს შემთხვევაში, ჯარიმა არც მეტი არც ნაკლები 8 ლარია. სტუმარი: ნინი ლონგურაშვილი, "საქმიანი დილის" რეპორტიორი; მარიამ ჩხიკვიშვილი, თავისუფალი უნივერსიტეტის ვეტერინარული კლინიკის ხელმძღვანელი და ია ჩხენკელი, იურისტი 17/01/2018
ერთ ამერიკულ დოლარად ზოგიერთ ქვეყანაში შესაძლოა წყალიც ვერ იყიდოთ, თუმცა არის ადგილები სადაც, ამ ფულით რამდენიმე ნივთის ერთდროულად შეძენა არის შესაძლებელი. 17/01/2018
საქართველოს ფოსტაში სახელმწიფო აუდიტის სამსახური შევიდა. BMG-ის ინფორმაციით, აუდიტორები იქ დაახლოებით ერთი კვირაა მუშაობენ. კახეთში ბროწეულის ბაღები შენდება. მარცვლოვანი ხილის ბაღის გაშენებას კომპანია "აგროპლანი" აპირებს. პროექტი უკვე აქტიურ ფაზაშია და ამ ეტაპზე ბიზნესგეგმის დამუშავება მიმდინარეობს. წინასწარი გათვლებით ბროწეულის ნერგები 400 ჰექტარზე უნდა გაშენდეს. როგორც კომპანიის დამფუძნებელმა მოჰამედ ჯავად არაბნეჯადმა bm.ge-სთან თქვა საქართველოში ბროწეულის მასობრივ წარმოებას კლიმატის გათვალისწინებით კარგი პერსპექტივა აქვს. ეკონომიკის სამინისტროს ბალანსზე რეგიონებში მდებარე 47 719 ერთეული სასოფლო-სამეურნეო მიწის ნაკვეთია, რაც ჯამში 3 791 424 603 კვ.მ სავარგულს შეადგენს. მათ შორის, ყველაზე მეტი 16 389 ქვემო ქართლშია განლაგებული, ყველაზე პატარა ტერიტორიის კი ცენტრალური მთავრობა მიწის სიმცირიდან გამომდინარე რაჭა-ლეჩხუმ-ქვემო სვანეთში აკონტროლებს. უმუშევართა რიგების ზრდას ვარაუდობენ გაერთიანებულ პროფკავშირებში. ბიზნეს რეზონანსის მკითველები გუშინ გაეცნობოდნენ მონაცემებს, რომლიც მიხედვიტაც ავტორი წერს, რომ სახელმწიფო სტრუქტურების რეორგანიზაცია გაზაფხულამდე დასრულდება და რამდენიმე ათასი ადამიანი უმუშევართა არმიას შეემატება. უკვე ცნობილია, რომ 5 სამინისტროს გაერთიანების შედეგად 1221 ადამიანს შეამცირებენ. 15 027 მოხელიდან 13 806 გააგრძელებს მუშაობას. 2017 წლის ივლისში ერთი ბარელი ნედლი ნავთობის მსოფლიო ფასი 44 დოლარი იყო. მას შემდეგ 47%-ით გაძვირდა და დღეს ერთი ბარელი ნავთობი 64.5 დოლარი ღირს. 64.5 დოლარი ბოლო ორნახევარი წლის მაქსიმალური ფასია. ნავთობის ფასის ზრდას რამდენიმე მიზეზი აქვს. ამაღლდა მსოფლიო ეკონომიკის ზრდის ტემპი, რაც ნავთობზე მოთხოვნას და შესაბამისად ფასს ზრდის, რადგან მოთხოვნის ზრდის შესაბამისად არ იზრდება მიწოდება, რომელიც მნიშვნელოვანწილად ნავთობის ექსპორტიორ ქვეყანათა ორგანიზაციის (OPEC) მიერ არის დარეგულირებული. გასათვალისწინებელია ისიც, რომ ზამთრის თვეებში ნავთობზე მოთხოვნა ზოგადად მატულობს. 17/01/2018
მოსახლეობის 50%-ის ოჯახის ყოველთვიური შემოსავალი 500 ლარზე ნაკლებია- ასეთია ენ დი აის კვლევის შედეგები , რომლის მიხედვითაც , მოსახლოების 60% თავს დაუსაქმებლად მიიჩნევს 40% კი დასაქმებულად.
ნავთობკომპანია „ფრეგო“ გაფართოებას განაგრძობს. ამჯერად მან ურთიერთთანამშრონმლობის მემორანდუმი კომპანია „სელექტთან“ გააფორმა. მემორანდუმის მიხედვით „სელექტის“ 33 სადგური ოპერირებას „ფრეგოს“ ბრენდისა და მენეჯმენტის ფარგლებში გააგრძელებს. დეტალები ვნახოთ ჩვენს სიუჟეტში. 16/01/2018
Focus2move-მ მსოფლიო ავტობაზრის 2017 წლის ოთხივე კვარტლის მონაცემები შეისწავლა და მსოფლიოში ყველაზე მოთხოვნადი ავტომობილების სია გამოაქვეყნა. გლობალური საავტომობილო ბაზრის შედეგების მიხედვით, ბოლო წლების ტრადიცია გრძელდება და მსოფლიო ბაზარს უცვლელად იაპონური Toyota Corolla ლიდერობს, მას ამერიკული Ford F-Series და გერმანული Volkswagen Golf მოყვება. ვებ-გვერდ Focus2move-ის მიხედვით 2017 წლის მსოფლიოს 10 ყველაზე მოთხოვნადი ავტომობილის სია ასეთია: 1. Toyota Corolla – 1 224 990 ავტომობილი 2. Ford F-Series – 1 076 551 ავტომობილი 3. Volkswagen – 819 005 ავტომობილი 4. Toyota RAV4 – 807 401 ავტომობილი 5. Honda CR-V – 748 048 ავტომობილი 6. Volkswagen Tiguan – 703 143 ავტომობილი 7. Ford Focus – 671 923 ავტომობილი 8. Chevrolet Silverado – 660 530 ავტომობილი 9. Volkswagen Polo – 656 179 ავტომობილი 10. Toyota Camry – 650 048 ავტომობილი 16/01/2018
ტურისტების უპრეცედენტო რაოდენობას ბაკურიანი მოუმზადებელი დახვდა, რიგები და საცობებია სათხილამურო ტრასებსა და გზებზე. აქტიურ სეზონზე წყლის შეწყვეტის ფაქტებიც დაფიქსირდა და რამდენიმე ინფრასტრუქტურული პრობლემებიც გამოვლინა. რამდენად მზად არის ბაკურიანი მზარდი ტურისტული ნაკადების მისაღებად და რა გამოწვევების წინაშე დგას წელსაც ზამთრის კურორტი. დეტალები ვნახოთ მარიამ ადამიას სიუჟეტში.
ანა სუბელიანმა და თამაზ ახობაძემ იუსტიციის სამინისტროს მმართველობის სფეროში შემავალი სსიპ-ს, დანაშაულის პრევენციის ცენტრს, გასული წლის გაზაფხულზე სააპელაციო სასამართლოში დავა მოუგეს. სასამართლომ მათი სარჩელი თითქმის ბოლომდე დააკმაყოფილა და დანაშაულის პრევენციის ცენტრს მათი სამსახურში აღდგენა და სამწლიანი იძულებითი განაცდურის ანაზღაურება დააკისრა. სტუმარი: თამაზ ახობაძე , საჯარო პოლიტიკის სპეციალისტი და ანა სუბელიანი, არასრულწლოვანთა მართლმსაჯულების სპეციალისტი 16/01/2018
ეროვნულ ბანკი არა მხოლოდ ცალკეულ საბანკო დაწესებულებაზე, არამედ მთლიანად საბანკო ,,ჰოლდინგზე“ განახორციელებს ზედამხედველობას. ასევე სებ-ს მიეცა უფლება, მიიღოს ნებისმიერი საჭირო ინფორმაცია, განახორციელოს კონსოლიდირებული ზედამხედველობა, აუცილებლობის შემთხვევაში მოსთხოვოს ჯგუფში შემავალი ბანკის და სხვა იურიდიული პირების გამიჯვნა, გამოიყენოს ფინანსური თუ სხვა სანქციები. 6 თვიანი მუშაობის შემდეგ პარლამენტის მიერ მიღებულ კანონზე რა ეფექტს ელოდება საფინანსო საბიუჯეტო კომიტეტის თავმჯდომარე საქმიან დილაში ვისაუბრებთ. სტუმარი: ირაკლი კოვზანაძე, პარლამენტის საფინანსო- საბიუჯეტო კომიტეტის თავმჯდომარე 16/01/2018
რძის პროდუქტების მწარმოებელთა ასოციაციის დაკვეთით „MIC-TNS"-ის მიერ სამ ეტაპად ჩატარებული კვლევისას 15 განსხვავებული ყველის მიკრობიოლოგიური ანალიზის შედეგად, გამოვლინდა რომ 12 ნიმუშში სახელმწიფოს მიერ განსაზღვრული წესები და ნორმები დაცული არ არის. ამ ნიმუშებში ნაწლავის ჩხირის ჯგუფის ბაქტერიები - კოლიფორმები და სტაფილოკოკების რაოდენობა დასაშვებ ნორმაზე მეტია. სტუმარი: ელენე თხლაშიძე, პროექტის “Moli კახეთში” წარმომადგენელი; სალომე ქაჯაია, კომპანიის TNS მკვლევარი 16/01/2018