ახალი ტელე-პროექტი #საქმიანები მანანა მანჯგალაძესთან ერთად!
სამშენებლო-დეველოპერულმა კომპანია “ალიანს ჯგუფმა” მნიშვნელოვანი ხელშეკრულება გააფორმა აპარტამენტების გაცვლით სისტემაში, მსოფლიოს ლიდერ კომპანიასთან RCI-სთან, რაც ტურიზმის განვითარების კიდევ ერთ მნიშვნელოვან ეტაპს გულისხმობს და რომელიც სრულიად შეცვლის დასვენების ინდუსტრიისადმი დამოკიდებულებას ჩვენს ქვეყანაში.
სტანდარტ დაზღვევა საქართველომ რებრენდინგი განახორციელა და ბაზარზე განახლებული პრაიმ სახელით, შესაძლებლობებითა და ხედვებით წარსდგება. სადაზღვევო კომპანია პრაიმის ახალი ბრენდი ორიენტირებული იქნება თანამედრივე ტექნოოგიების დანერგვაზე და მომხმარებელს ინოვაციურ მარტვ და მოსახერხებელ სერვისს შესთავაზებს. სტუმრები: ზურაბ შავლაყაძე - "პრაიმ დაზღვევის" გენერალური დირექტორის მოადგილე; დიანა ველენგურსკაია - "პრაიმ დაზღვევის" მარკეტინგის და პიარის კონსულტანტი 01.03.2018
საბურთალოს ცოდვები ძვირად უჯდება: 2017 წელს საბურთალოს გამგეობამ საქართველოს მართლმადიდებელ ეკლესიას 149,915 ლარი გადაურიცხა. სტუმრები: ზაზა აბაშიძე - "საქმიანი დილის" თანაწამყვანი; გიორგი ნონიაშვილი - მკვლევარი 28.02.2018
ნინო ზამბახიძის რუბრიკა - გაახალგაზრდავებული სოფლის მეურნეობის ამბავი. რაჭაში გადასახლებული ახალგაზრდების ბიზნესი რომლის მისამართით ამბროლაურის აეროპორტიდან სულ რაღაც 400 მეტრშია და სასოფლო სამეურნეო რამდენიმე მიმართულებასთან ერთად ჰოსტელსაც მოიცავს. სტუმრები: ნინო ზამბახიძე - საქართველოს ფერმერთა ასოციაციის თავმჯდომარე; მირანდა დავითულიანი - სასტუმროს "გარემო" თანადამფუძნებელი; თამარ დავითულიანი - სასტუმროს "გარემო" თანადამფუძნებელი; ვალერი სუხაშვილი - სასტუმროს "გარემო" თანადამფუძნებელი
მოსახლეობის სხივურ დატვირთვაში უდიდესი წვლილი შეაქვს სამედიცინო დასხივებას. ეს არის დასხივება, რომელსაც იღებს პაციენტი სამედიცინო დიაგნოსტიკის და მკურნალობის დროს. სამედიცინო კლინიკები რომლებსაც ამ აპარატის გამოყენება სურთ თავის მხრივ უნდა ითანამშროლონ სააგენტოსთან და უნდა წარმოადგინონ, „ბირთვული და რადიაციული უსაფრთხოების შესახებ“ და „ლიცენზიებისა და ნებართვების შესახებ“ საქართველოს კანონებით განსაზღვრული დოკუმენტები. სამედიცინო დასხივებისას გამოიყენება სხვადასხვა მეთოდი. სტუმრები: ვასილ გედევანიშვილი, ბირთვული და რადიაციული უსაფრთხოეობის სააგენტოს უფროსი; შორენა ლორთქიფანიძე, სამოქალაქო საბჭოს წარმომადგენელი, პოლიტოლოგი
ჟვანიას ქუჩა - სადაც მძიმე ტექნიკამ კლდის ნაწილი უკვე მოჭრა და როგორც ადგილობრივები ამბობენ შეჩერებული მუშაობის მიუხედავად ქანების შლა მაინც გრძელდება. 28.02.2018
ჯდ ოილის კუთვნილ ავტოგასამართ სადგურებზე ოპერირებას ნავთობკომპანია „ფრეგო“ გააგრძელებს. ხელშეკრულება დღეს უნდა გაფორმდეს, რომლის მიხედვითაც, ჯდ ოილის კუთვნილ ავტოგასამართ სადგურებზე ოპერირებას კომპანია „ფრეგო“ გააგრძელებს. სტუმარი: რუსუდან რამაზაშვილი - "ფრეგოს" გენერალური დირექტორი 28.02.2018
რა სიახლეებს აანონსებს კომპანია, რომელმაც მოგზაურობა გაცილებით მარტივი და დაბალბიუჯეტიანი გახადა. როგორია კომპანია Airbnb-ის 10-წლიანი გეგმა და გარდა ბინის გაქირავებისა კიდევ რა ახალ შესაძლებლობებს სთავაზობს ის მომხმარებლებს. 28.02.2018
ჯორჯიან უოთერ ენდ ფაუერი თბილისის და მცხეთის მკვებავ ქსელებზე სტრატეგიული მნიშვნელობის პროექტს განახორციელებს. კომპანია ერთდროულად რამდენიმე მონკვეთზე, თბილისის შემოსასვლელთან, საგურამოსა და ნატახტარში, შეასრულებს სამუშაოებს. 28.02.2018
მამა დავითის ეკლესიის მიმდებარე ტერიტორია. ეს კიდევ ერთი ადგილია სადაც სავარაუდოდ მშენებლობისთვის კიდევ ერთი კლდე იჭრება. 28.02.2018
პრილიდან ქართულ ბაზარზე ახალი მობილური აპლიკაცია გამოჩნდება, რომელიც შოპინგის მოყვარულებს განვადების პროცედურებს ბევრად გაუმარტივებს. ოქეის საშუალებით მომხმარებლებს სხვადასხვა პროდუქციაზე უფასო განვადების გაკეთება სახლიდან გაუსვლელად რამდენიმე მარტივი ოპერაციით შეეძლებათ. სტუმარი: ნიკოლოზ ფერიაშვილი, სს "ოქეის" მმართველი პარტნიორი
ნარიყალის ციხის გვერდით ფერდობზე მძიმე ტექნიკის დახმარებით გათხრები მიმდინარეობს. კულტურული მემკვიდრეობის დაცვის ეროვნული სააგენტოს ინფორმაციით გასული კვირის მიწურულს მათ ადგილზე ნახეს რომ უკანონო სამუშაოები მიმდინარეობს. პირობითად არქეოლოგიური სამუშაოების სანახავად ნინი ლონგურაშვილიც იმყოფებოდა.
საქართველოში ტურიზმის პირველმა უმაღლესმა სასწავლებელმა Vatel-მა პირველი სტუდენტების მიღება წლის ბოლომდე გადადო. როგორც ცნობილია დადეგგმილი იყო სტუდენტების 2018 წლის თებერვალში მიღება, თუმცა, ტექნიკური მიზეზების გამო პროცესი გადაიდო. მიზეზებსა და დეტალებზე სასაუბროდ ჩვენთან სტუმრად პროექტის განმახორციელებელი კომპანია „ბლოკ ჯგუფის“ აღმასრულებელი დირექტორი თორნიკე ჯანაშვილი მოვიწვიეთ. თუმცა ვიდრე სტუმართან საუბარს დავიწყებ, მანამდე გეტყვით, რომ თბილისში სასტუმროებისა და ტურიზმის მენეჯმენტის საერთაშორისო უნივერსიტეტი გაიხსნა, რომელიც პრესტიჟული ფრანგული ბიზნეს სკოლის – „ვატელის” ეგიდითა და ბრენდით იქნება წარმოდგენილი და საქართველოს ეროვნული უნივერსიტეტის (სეუ) შენობაში განთავდება. სტუმრები: მარიამ ადამია - “საქმიანი დილის” რეპორტიორი; თორნიკე ჯანაშვილი - კომპანია „ბლოკ ჯგუფის“ აღმასრულებელი; მარიამ გიორგაძე - Les Roches უნივერსიტეტის სასტუმროებისა და ტურიზმის მენეჯმენტის სტუდენტი
გონიოში თანამედროვე საცხოვრებელი კომპლექსი „ family inn“ – ის მშენებლობა დასრულდა. 13 სართულიანი საცხოვრებელი კომპლექსში 47 აპარტამენტია განთავსებული, მინიმალური ფართი კი 47კვ.მეტრიდან იწყება. აპარტამენტების გაყიდვა კომპანიამ სულ ცოტა ხნის წინ დაიწყო. სტუმარი: დავით ტალახაძე - Family inn Gonio-ს კომერციული დირექტორი
1-ლი მარტიდან უცხო სახელმწიფოში რეგისტრირებული ავტოსატრანსპორტო საშუალების მფლობელი ვალდებული ხდება სატრანსპორტო საშუალება საქართველოს ტერიტორიაზე ყოფნის სრული პერიოდიასას დააზღვიოს. ამას გარდა სავალდებულო დაზღვევა ამოქმედდება ბაზრობების, სავაჭრო ცენტრების, სასტუმროებისა და ავტოგასამართი სადგურების მფლობელებისთვის. სადაზღვევო ინდუსტრიას საინტერესო წელი ელოდება 2018 -ში. სტუმარი: პაატა ლომაძე - "ჯიპიაი ჰოლდინგის" გენერალური დირექტორი
Brexit-ის გამო ევროკავშირის პროგრამებს ყოველწლიურად 10 მილიარდი ევრო, ანუ 12.3 მილიარდი დოლარი დააკლდება. Bloomberg-ის ინფორმაციით, ევროკავშირის ლიდერები პარასკევს შეხვდებიან ერთმანეთს 2021-2027 წლების ბიუჯეტის განსახილველად. სააგენტოს ინფორმაციით, ქვეყნის პირველ პირებს უკვე გააჩნიათ გარკვეული გეგმა, თუ როგორ უნდა დაფარონ დანაკლისი, თუმცა მისი უშუალო მონაწილეები შვედეთი, ჰოლანდია და ავსტრია ჯერ-ჯერობით უარს აცხადებენ დამატებითი თანხის გამოყოფაზე. ეს რაც ეხება ევროპას, რომელიც გასულ კვირაში თებერვლის ფორბსის სტატიაზე დაყრდნობით, უკვე მიმოვიხილეთ. ამ კვირაში კი როგორც მანამდე დავაანონსეთ გავიგებთ თუ რა განვითარების პერსპექტივები აქვთ აზიის ქვეყნებს, რაზეც უფრო კონკრეტულად მარიამ ადამია და ანუკა ჯოხაძე მოგვიყვებიან. 27.02.2018
პარასკევს ინდექსები მწვანე ფონით დაიხურა. ეს კვირაც ზრდით დაიწყო და სხვადასხვა პროცენტული სიდიდით ზრდა აღინიშნა როგორც ევროპასა და შეერთებულ შტატებში, ასევე აზიასა და ოკეანეთში. სტუმარი: გოგა მელიქიძე - Galt & Taggart-ის საბროკერო მიმართულების ხელმძღვანელი 27.02.2018
სამვარსკვლავიანი სასტუმროს „რამადა ენკორ თბილისის“ მშენებლობა დასრულდა. კომპანია „მ2 უძრავი ქონება“ 152 ნომრიან სასტუმროს ოფიციალურად დღეს გახსნის, თუმცა გახსნამდე ერთი დღით ადრე „საქმიანი დილის“ გუნდს საშუალება ჰქონდა, ევროპაში ერთ-ერთი ყველაზე სწრაფად მზარდი ბრენდის სასტუმრო თბილისში დაეთვალიერებინა. 27.02.2018
გასულ კვირაში საქართველო და თურქეთი თავისუფალი ვაჭრობის არსებული შეთანხმების გაფართოებაზე შეთანხმდნენ. ეკონომიკის სამინისტროს ცნობით, მოლაპარაკების ბოლო რაუნდი ანკარაში გაიმართა, სადაც ორი ქვეყნის დელეგაციის შეხვედრა შედგა. შეთანხმების ფარგლებში, ქართულ ლიმონზე, კივიზე, ყურძენზე, ჩირზე, ხილისა და ბოსტნეულის კონსერვებსა და წვენებზე, საკვებ ინგრედიენტებზე დაწესებული კვოტები გაუქმდა. გარდა ამისა, კვოტები გაიზარდა ისეთ პროდუქციაზე, როგორიცაა თაფლი, რომელზეც თურქეთში მოთხოვნა საკმაოდ დიდია. კვოტები აგრეთვე გაიზარდა ცოცხალ ცხვარზე და თხაზე, მსხვილფეხა რქოსან პირუტყვზე. სტუმრები: ბექა გონაშვილი - "საქართველოს მეცხვარეთა ასოციაციის" თავმჯდომარე; უტა წიკლაური, ფერმერი. 27.02.2018
ყველაზე ძვირადღირებული სასტუმრეობის ჩამონათვალში ვერც ახლა და ვერც წარსულში დედაქალაქში მდებარე სასტუმროები ალბათ ვერ მოხვდებობდნენ, მაგრამ ქართული ბიზნესის ისტორიებიდან სასტუმრო ბიზნესის ისტორია დარწმუნებული ვარ გამორჩეულად საინტერესო უნდა იყოს. ემილ ავდალიანის დღევანდელ ვიდეობლოგში სწორედ ძველი სასტუმროების ბიზნეს ამბებს მოგიყვებით. 26.02.2018
კორპორატიული სპორტის ფედერაციის და პარლამენტის სპორტისა და ახალგაზრდულ საქმეთა კომიტეტის, ასევე კარგი და ჯანსაღი საქმის მხარდამჭერების წყალობით, 24 თებერვალს, “რანჯორჯიას” სეზონი ოფიციალურად გაიხსნა. მარათონი რომელიც ლისის ტბაზეშედგა, ორ კატეგორიაში, სამოყვარულო 3 კილომეტრიან და პროფესიონალურ 6 კილომეტრიან დისციპლინებში მოწეყო. სტუმრები: ბექა ბაციკაძე - "საქმიანი დილის" წამყვანი; ზურაბ ბოქოლიშვილი - კორპორატიული სპორტის ფედერაციის გენერალური მდივანი; პაატა ცივაძე - კორპორატიული სპორტის ფედერაციის პრეზიდენტი 26.02.2018
თანამედროვე მსოფლიოში, იმ დროს როდესაც შეტევების რაოდენობა ყოველდღიურად იზრდება, კიბერუსაფრთხოების ექსპერტი მომავლის პროფესიად არის აღიარებული. რა გამოწვევების წინაშეა საქართველო კიბერუსაფრთხოების მიმართულებით და როგორია თანამედროვე კიბერშეტევებისგან თავის დაცვის მეთოდები, სწორედ ამ თემებს დაეთმო კიბერუსაფრთხოების შესახებ გამართული სამეცნიერო-პრაქტიკული სემინარ-კონფერენცია, რომელსაც ჩვენი ჟურნალისტი მარიამ ადამია ესწრებოდა, დეტალები კი ვნახოთ მარიამ ადამიას სიუჟეტში. სტუმრები: მაქსიმ იავიჩი - პროფესორი, სამეცნიერო კიბერ უსაფრთხოების ასოციაციის პრეზიდენტი; მაია გოგუაძე - კომპანია ISSP-ს დირექტორი 26.02.2018
Pulsar AI ამერიკაში დაჩი ჭოლაძე - Pulsar AI -ის თანადამფუძნებელი და დირექტორი; ზაალ გაჩეჩილაძე - Pulsar AI -ის თანადამფუძნებელი და ტექნიკური დირექტორი 26.02.2018
სტატისტიკის სამსახურის, წინასწარი მონაცემებით, 2017 წლის IV კვარტალის ბოლოსათვის მსხვილფეხა რქოსანი პირუტყვის სულადობამ 2016 წლის IV კვარტალთან შედარებით 6.5 % შემცირდა. ფრინველის რაოდენობა 2.3 % ნაკლებია წინა წლის ანალოგიურ მაჩვენებელზე. წარმოების ნაწილს რაც შეეხება, საქსტატის მონაცემებით, 2017 წლის IV კვარტალში რძის წარმოება წინა წლის ანალოგიურ მაჩვენებელთან შედარებით 6.8 % ნაკლებია. ხორცის წარმოება კი 6.3% ნაკლებია. კვერცხის წარმოება გაიზარდა 145.8 მილიონი ცალი იყო, რაც წინა წლის ანალოგიურ მაჩვენებელზე 6.8 % მეტია. სტუმარი: რევაზ ვაშაკიძე - "ჩირინას" ხელმძღვანელი
ყოველწლიურად ამერიკული მედია გამოყოფს ამერიკის იმ ქალაქებს თუ სად ღირს ცხოვრება.ამჯერადაც ბიზნესინსიდერმა რამდენიმე მახასიათებლის მიხედვით 50 ქალაქის რეიტინგი გამოაქვეყნა.აღმოჩნდა რომ საცხოვრებელი ადგილის არჩევისას ადმიანიები პირველ რიგში დასაქმების მაჩვებელს, ცხოვრების ხარისხს, მიგრაციის მაჩვენებელს აქცევენ ყურადღებას.ცხოვრების ხარისხის მაჩვენებლის გამოთვლისას კი 10 შკალიანი სისტემა გამოიყენეს და ყოველ ქალაქს თავისი ქულა მიენიჭეს. იმის მიხედვით თუ როგორი მდგომარეობაა ქვეყანაში, როგორია განთლების სისტემა ან თუნდაც კრიმინალური სიტუაცია. ამერიკის რომელი ქალაქები აღმოჩნდა საუკეთესო ვნახოთ ანუკა ჯოხაძის სიუჟეტი. 26.02.2018
მაშინ როცა ერთერთ ყველაზე ტოლერანტულ და გამორჩეულ თბილისში მეზობლები ერთანეთს ვაიფაის პაროლს არ უმხელენ, ელონ მასკმა დატვიტა ეს ამბავი და გასულ კვირაში დაწერა რომ, “არავის უთხრათ, მაგრამ Wi-Fi-ის პაროლი არის “martians” მარსიანელები. კოსმოსმა და ზეციურმა მსოფლიომ ჯერ არა, მაგრამ აი მიწიერმა და საკმაოდ შეძლებულმა ლუქსემბურგმა საქართველო უსაფრთხო ქვეყნების სიაში შეიყვანა.ეს არ ნიშნავს რომ საქართველოში კრიმინალის მდგომაროება არის კარგი, ეს სულ სხვა ოპერიდანაა და იმედია მოისმენთ ბოლომდე ყველაფერს. საქართველოს საგარეო საქმეთა სამინისტროს ინფორმაციით, ლუქსემბურგის საჰერცოგოს შესაბამისი გადაწყვეტილება ეფუძნება ადამიანის უფლებების დაცვის მხრივ საქართველოში არსებულ გარემოს შესახებ მონაცემებს, რომლის მიხედვითაც საქართველოში ადამიანის უფლებების დამცველი საერთაშორისო ორგანიზაციები შეუფერხებლად მუშაობენ და ადამიანებს არ ემუქრებათ საფუძვლიანი საფრთხე იმისა, რომ წარმოშობის ქვეყანაში (საქართველოში) მოხდება მათი დევნა რასის, რელიგიის, აღმსარებლობის, ეროვნების, გარკვეული სოციალური ჯგუფისადმი კუთვნილების ან პოლიტიკური შეხედულების გამო. ლუქსემბურგი შენგენის სივრცეში მეშვიდე სახელმწიფოა, ბელგიის, ნიდერლანდების, საფრანგეთის, ბულგარეთის, ავსტრიისა და ისლანდიის შემდეგ, რომელმაც საქართველო აღიარა უსაფრთხო ქვეყნად. ”ასევე აღსანიშნავია, რომ რომ 2017 წელს ლუქსემბურგმა საქართველოს მოქალაქეების მხრიდან თავშესაფრის არც ერთი მოთხოვნა არ დააკმაყოფილა”,- აცხადებენ საქართველოს საგარეო უწყებაში. 26.02.2018
სამშენებლო მასალების კომპანია ნოვა ქართულ ბაზარს სიახლეს სთავაზობს.ცემენტის რეალოზატორმა “ბეტეკმა” ნოვას დახმარებით თავისი ახალი პროდუქცია დაინტერესებულ პირებს თბილისსა და ბათუმში წარუდგინა.ნოვა საქართველოში ბეტეკის პროდუქციის რეალიზაციას უზრუნველყოფს.
46-ე ადგილი 180 ქვეყანას შორის- ასეთია საქართველოს შედეგი 2017 წლის “კორუფციის აღქმის ინდექსში”. 46-ე ადგილი წინა წელთან შედარებით ერთი ქულით და ორი საფეხურით გაუარესებული მაჩვენებელია. ლიდერებს რომ ვერ დავეწევით ეგ გასაგებია, პირველ ადგილს 89 ქულით ახალი ზელანდია იკავებს, დანიას 88 ქულა აქვს, ფინეთს 85 ქულა. არც სომალი ვართ რომელიც 9 ქულით არის წარმოდგენილი, მაგრამ ფაქტია რომ უკან გადადგმულ ნაბიჯს თავისი მიზეზები აქვს. სტუმარი: გიორგი ონიანი - "საერთაშორისო გამჭვირვალობა, საქართველოს" აღმასრულებელი დირექტორის მოადგილე 23.02.2018
ფინანსთა მინისტრმა მეწარმეებთან გუშინ გამართული შეხვედრისას განაცხადა, რომ მცირე და საშუალო ბიზნესი უნდა გახდეს საქართველოს ეკონომიკის განვითარების ლოკომოტივი და სწორედ ამისთვის დაიგეგმა ის ცვლილებები, რომელიც ივნისიდან უნდა ამოქმედდეს. მამუკა ბახტაძე ამბობს, რომ 6 ახალი ინიციატივა, რომელიც მან გააჟღერა და დაინერგება, ეკონომიკაში მცირე და საშუალო ბიზნესის წილს გაზრდის. როგორ აღიქვამს თავად ბიზნესი დაგეგმილ ცვლილებებს და რა შეღავათებს ელოდებიან პროექტის უკვე კანონად ქცევის შემთხვევაში. სტუმრები: ვლადიმერ აბურჯანია - "ნიუპექსის" დირექტორი დავით პაპიაშვილი - აუდიტორული კომპანია „პაპიაშვილი კონსალტინგ ჯგუფი“-ს მმართველი პარტნიორი
ბაკალავრიატის სტუდენტებისთვის, ასპირანტებისა და აბიტურიენტებისთვის უკვე ტრადიციულად საქართველოში განათლების საერთაშორისო გამოფენა იმართება, რომელიც ერთგვარ პლატფორმად ჩამოყალიბდა და ამ სფეროში ინფორმაციის მიღების იდეალურ საშუალებას წარმოადგენს. სად ღირს სწავლის გაგრძელება, საქართველოში თუ მის საზღვრებს გარეთ და რა კრიტერიუმებით არჩევენ სასურველ სასწავლებელს გამოფენის დამთვალიერებლები. 23.02.2018
"წიგნის დრო" სტუმრები: ნინია მაჭარაშვილი - საქმიანი დილის თანაწამყვანი; დათო გორგილაძე - საქმიანი დილის თანაწამყვანი; გიორგი მელაძე - ნიუტონის თავისუფალი სკოლის დირექტორი, სამშენებლო კომპანია ვინჩი დეველოპმენტის დირექტორი 23.02.2018
11 და 18 თებერვლამდე გამართულ გამოფენაზე და შესაბამისად 50ულში მოსახვედრად ვირექსმა 7 000-ზე მეტ კომპანიას შორის მოიპოვა კონკურენტული უპირატესობა. კონკურენტული უპირატესობის დასამტკიცებლად. ვირექსმა ეს შესაძლებლობა საქართველოს ტექნოლოგიური სტარტაპების ასოციაციასთან ერთად გამოიყენა. სტუმრები: ნიკოლოზ გოგოჭური, ვირექსის დირექტორი; გიორგი ტუხაშვილი, საქართველოს ტექნოლოგიური სტარტაპების ასოციაციის თავმჯდომარე
მას შემდეგ რაც Forbes მდიდარი ადამიანების ქონებებს ითვლის და ყოველწლიურ რეიტინგს აქვეყნებს დავა იმაზე ვინ არის მსოფლიოში ყველაზე, მდიდარი, მაღალშემოსავლიანი თუ ანაზღაურებადი ძალიან მარტივად მუდმივად განახლებადი ვებ გევრდის დახმარებით online არის შესაძლებელი. სამაგიეროდ არ წყდება დავა იმაზე ვინ იყო ყველაზე მდიდარი ადამიანი ისტორიულად, მიუხედავად იმისა რომ ჯონ როკფელერი დღემდე აშშ-ს და პრინციპში მსოფლიოს უმდიდრეს ადამიანადაც მიიჩნევა. მისი ქონება 21 საუკუნის პირველ ათწლედში არსებული კურსის გათვალისწინებით 318 მილიარდ დოლარამდეც დაითვალეს. რამდენი ჰქონდათ XIX საუკენეში შეძლებული საზოგადოების წევრებს შემოსავალი 23.02.2018
მსოფლიოში წამყვანი ბრენდების უმაღლესი ხარისხის პროდუქცია, მომსახურების უმაღლესი სტანდარტი, მაღალკვალიფიციური კადრები და კომფორტული გარემო - თეგეტას ბრენდის ქვეშ ახლა უკვე ახალქალაქშიც ხელმისაწვდომია. ახალი სერვის ცენტრის უახლესი ტექნოლოგიებით აღჭურვისათვის 1 100 000 ლარამდე ინვესტიცია ჩაიდო. 23.02.2018
ილიას სახელმწიფო უნივერსიტეტი ლემან-ჰაუპტის საერთაშორისო სადოქტორო პროგრამის ფარგლებში კონკურსს აცხადებს. თავად ეს პროგრამა ილიაუნისა და გეორგ-ავგუსტის სახელობის გოტინგენის უნივერსიტეტის საერთო პროექტია, რომელიც სხვადასხვა სამეცნიერო სფეროს წარმომადგენელ 12 დოქტორანტს შესაძლებლობას აძლევს, დაიცვას სადოქტორო ნაშრომი კოტუტელის პრინციპზე დაფუძნებული მოდელით და მიიღოს ორმაგი სადოქტორო ხარისხი და ორივე უნივერსიტეტის დიპლომი. სტუმრები: ნინო დობორჯგინიძე - ილიას სახელმწიფო უნივერსიტეტის ვიცე-რექტორი; დავით თარხნიშვილი - ილიაუნის საბუნებისმეტყველო მეცნიერებებისა და საინჟინრო ფაკულტეტის დეკანი 23.02.2018
ბიზნესინსაიდერი მსოფლიოს 15 ყველაზე მდიდარი ქალაქის რეიტინგს აქვეყნებს, რომელთა შემოსავლები სამყაროს სიმდიდრის 11%–ს წარმოადგენს.ინოვაციები, ტექნოლოგიები,საფონდო ბირჟების რაოდენობა და კიდევ მრავალი ძლიერი მხარე რამაც მათი სიმდიდრე განაპირობა.თუ რომელი ქვეყნები არიან ყველაზე მდიდრები და ვინ ახერხებს დღემდე ლიდერული პოზიციის შენარჩუნებას ვნახოთ სიუჟეტი.
საქართველოში აშშ-ის სრულუფლებიანი ელჩი იან კელი თანამდებობას ვადაზე ადრე, მარტის ბოლოს წყვეტს. გამოსამშვიდობებლ საღამოზე იან კელიმ თქვა, რომ 33-წლიან დიპლომატიურ სამსახურს ემშვიდობება და მოღვაწეობას ჩიკაგოს Northwestern University-ში გააგრძელებს. მისი თქმით, ის უნივერსიტეტში სალექციო კურსს გაუძღვება, რომელიც პოსტ-საბჭოთა ქვეყნების ისტორიასა და პოლიტიკას შეეხება. კელიმ საკმაოდ ვრცელი სიტყვით გამოსვლისას საქართველოში პირველი სტუმრობაც გაიხსენა და ის სამწლიანი პერიოდიც შეაჯამა, რა დროსაც ის ელჩის სტატუსით იყო წარმოდგენილი. "ბევრმა თქვენგანმა იცის, რომ საქართველო განსაკუთრებული ქვეყანაა ჩემთვის და ეს ის ადგილია, რომელსაც, სინამდვილეში, ვერასდროს დავემშვიდობები. “ - აღნიშნა გამოსამშვიდობებელ საღამოზე დიპლომატმა, რომელმაც კონკრეტულ მიღწევებზე და იმ მნიშვნელოვან მოვლენებზე ისაუბრა რომლის თანამონაწილე და შემსწრე იყო
რომელ ქვეყანაშია უძრავი ქონება ყველაზე ძვირი ან იაფი - 2017 წლის რეიტინგი უკვე შედგენილია და როგორც ჩანს ფასების მატების ტენდენცია მთელი მსოფლიოს მასშტაბით გრძელდება, თუმცა არის ქვეყნები, სადაც დინამიკა უცვლელია ან პირიქით, ღირებულება იკლებს კიდევაც. სად ღირს ფულის დაბანდება უძრავ ქონებაში და როგორია გასული წლის მონაცემები. 22.02.2018
სტუმრები: ლიკა ქარდავა - propertygeorgia.ge-ის დამფუძნებელი და მმართველი; თეა ლომინაძე - “თბილისი გარდენსის” მარკეტინგის დირექტორი 22.02.2018
ექსპო ჯორჯია განათლების მერვე საერთაშორისო გამოფენის მასპინძელია. International Education Fair Georgia 2018 23 თებერვალს, 12:00 საათზე „ექსპოჯორჯიას“ მე–11 პავილიონში გაიხსნება და მასში 14 ქვეყნის 70 ზე მეტი მონაწილე იქნება წარმოდგენილი შესაბამისი პროგრამებით რა თქმა უნდა. საბაკალავრო, პროფესიული, სამაგისტრო და სადოქტორო პროგრამების მრავალფეროვნებით ორგანიზატორები გვპირდებიან რომ დამთვალიერებლებს საშუალება ექნება შესაძლებლობა შეხვდნენ უმაღლესი სასწავლებლების წამომადგენლებს, მიიღონ პასუხი ყველა მათთვის საინტერესო შეკითხვაზე, ერთ სივრცეში ნახონ, შეაფასონ და შეადარონ საგანმანათლებლო პროგრამები, გაიგონ უფრო მეტი კონტენტის, დაფინანსების წყაროების/შესაძლებლობების და გაცვლითი პროგრამების შესახებ. სტუმრები: თინა ლაღიძე, ExpoGeorgia-ს პიარისა და მედიასთან კომუნიკაციის მენეჯერი; ნინო ანთაძე - DAAD-ის თბილისის საინფორმაციო ცენტრის სასწავლო და სასტიპენდიო პროგრამების კოორდინატორი 22.02.2918
სამშენებლო სფეროში შრომის უსაფრთხოებასთან დაკავშირებით, ახალი საკანონმდებლო რეგულაციები მომზადდება. იცვლება სამშენებლო ნებართვების გაცემის წესიც. ამ თემებს განხილვას არ ვაკლებთ, თავისთავად მნიშვნელობითაც უდავოდ ყურადსაღები თემებია. არანაკლებ საინტერესო და მნიშვნელოვანია მშენებლობის დასრულების შემდეგ საცხოვრებელ სახლსა თუ ნებისმიერი ტიპის ორგანიზაციაში უსაფრთხოების ზომების არსებობა და რა თქმა უნდა გამართული მუშაობა. ხანძრების შედეგად მიღებული მძიმე გამოცდილების ფონზე სადავო არ არის რომ განსაკუთრებით მრავალსართულიან შენობებში კრიტიკულად მნიშვნელოვანია ხანძარსაწინააღმდეგო სისტემების არსებობა. სტუმარი: გიორგი ცაავა - კომპანია "ვეზირის" გენერალური დირექტორი 22.02.2018