საქართველოს ეროვნულმა ბანკმა რეფინანსირების განაკვეთი უცვლელად, 8.25%-ზე დატოვა. სებ-ის განმარტებით, ივნისში 5.8%-იანი ინფლაციის მიუხედავად ამ ეტაპზე განაკვეთის დამატებით გაზრდის საჭიროება არ არსებობს. ეროვნული ბანკი აღნიშნავს, რომ ინფლაციაზე ძირითად გავლენას ენერგორესურსების გაძვირება და ახლო აღმოსავლეთში არსებული გეოპოლიტიკური რისკები ახდენს. რაც შეეხება 2026 წლის ეკონომიკური ზრდის პროგნოზს მარეგულირებელი 6.5%-ზე ინარჩუნებს და აცხადებს, რომ საჭიროების შემთხვევაში, ინფლაციური რისკების გაძლიერების ფონზე, მონეტარულ პოლიტიკას დამატებით გაამკაცრებს. მონეტარული პოლიტიკის კომიტეტის შემდეგი სხდომა 9 სექტემბერს გაიმართება. სტუმარი: სოსო ბერიკაშვილი - ეკონომისტი #ახალიამბები #BusinessMediaGeorgia
მცირე ბიზნესის ზრდა და ახალი მომხმარებლების მოზიდვა მეწარმეებისთვის მთავარი ყოველდღიური გამოწვევაა. ამ პროცესის ინსტიტუციური მხარდაჭერისთვის, „საქართველოს ბანკმა“ სრულიად ახალი ეკოსისტემა — „მცირე ბიზნესის ჯაჭვი“ შექმნა. ინიციატივა სხვადასხვა სფეროში მოქმედ კომპანიებს ერთიან ქსელში აერთიანებს და მათ აუდიტორიის გაზიარების შესაძლებლობას აძლევს. როგორ მუშაობს „საქართველოს ბანკის“ ეს ახალი მოდელი და რა რეალური ეკონომიკური ეფექტი აქვს მას უკვე ჩართული ობიექტებისთვის? #ახალიამბები #BusinessMediaGeorgia
საქართველოს ბანკმა მიკრო და მცირე ბიზნესს უკვე შესთავაზა სალარო აპარატის ფუნქციით ტერმინალი, რომლის უპირატესობად საბარათე გადახდებზე 0% საკომისიოა დასახელებული და როგროც თავად განმარტავენ, ტერმინალი ბიზნესს შესაძლებლობას აძლევს, სტანდარტული ტერმინალები და სალარო აპარატები ერთი მოწყობილობით ჩაანაცვლონ, რაც მათ ბიზნეს პროცესებს გაუმარტივებს და ხარჯებსაც მნიშვნელოვნად დაუზოგავს. შეთავაზების ფარგლებში, მიკრო და მცირე ბიზნესები, რომლებიც პირველად მოითხოვენ ტერმინალს 2026 წლის 31 დეკემბრამდე, სამი თვით ტერმინალის მომსახურებით საკომისიოს გარეშე ისარგებლებენ. ამასთანავე, საქართველოს ბანკისა და სხვა ქართული ბანკების ბარათებით განხორციელებულ ტრანზაქციებზე მათთვის 0%-იანი საკომისიო იმოქმედებს. სტუმარი: სოფო ჩიქოვანი - “განჯინას” დამფუძნებელი #ახალიამბები #BusinessMediaGeorgia
ოფიციალური სტატისტიკით, ქვეყნის ეკონომიკა ზრდის ტენდენციას ინარჩუნებს, თუმცა საერთო მაჩვენებლის მიღმა სრულიად არათანაბარი სურათი იკვეთება. სანამ ტექნოლოგიური და ლოგისტიკური მიმართულებები მზარდ დინამიკას აჩვენებენ, ტრადიციულ და მსხვილ დამსაქმებელ დარგებში აქტივობა მცირდება. კონკრეტულად რომელი სფეროების ხარჯზე ვინარჩუნებთ ეკონომიკურ მატებას და სად განიცდის ბიზნესი ვარდნას? #ახალიამბები #BusinessMediaGeorgia
ბიზნესცენტრები, მრავალბინიანი საცხოვრებელი კომპლექსები, საგანმანათლებლო და სასტუმრო ინფრასტრუქტურა, - ეს იმ პროექტების ნაწილია, რომლებსაც დეველოპერული კომპანია „იბერია სტარ გრუპი“ ქუთაისში უკვე სამი ათწლეულის განმავლობაში ახორციელებს. კომპანია ადგილობრივ უძრავი ქონების ბაზარზე 1990 წლიდან ოპერირებს და დღემდე სხვადასხვა პროექტში 50 მილიონ დოლარზე მეტი აქვს ინვესტირებული. რა მიმართულებებზე აკეთებს აქცენტს დეველოპერი, რა პროექტებს ახორციელებს ამჟამად და როგორია კომპანიის განვითარების სტრატეგია? #ახალიამბები #BusinessMediaGeorgia
გლობალური ბირჟების მიმოხილვა - 30/7/2026 #ახალიამბები #BusinessMediaGeorgia
ელექტრომობილების რაოდენობის ზრდასთან ერთად, საქართველოში მათი დამტენი ინფრასტრუქტურაც ფართოვდება. ამ მიმართულებით კიდევ ერთი მნიშვნელოვანი ნაბიჯი „ვისოლმა“ გადადგა - კომპანიამ ბათუმში ახალი ელექტროდამტენი ჰაბი გახსნა, სადაც ერთდროულად 10 ელექტრომობილის ულტრა სწრაფი დამუხტვაა შესაძლებელი. რას მოიცავს ახალი პროექტი და როგორ აფართოებს კომპანია ელექტროდამტენების ქსელს ქვეყნის მასშტაბით #ახალიამბები #BusinessMediaGeorgia
პანდემიის შემდეგ ჰოლივუდი საუკეთესო ზაფხულის კინოსეზონს ატარებს და წლის ბოლომდე 10 მილიარდი დოლარის საკასო შემოსავლის მოლოდინშია. ციფრული სტრიმინგ-სერვისების მკაცრი კონკურენციისა და გასული წლის გაფიცვების მიუხედავად, კინოთეატრებმა მაყურებლის მასობრივად დაბრუნება შეძლეს. ინდუსტრიის აღორძინებაში მთავარი როლი ახალგაზრდა თაობამ და სრულიად ახალმა, დაბალბიუჯეტიანმა ჰიტებმა ითამაშა, რომლებმაც ტრადიციული ბლოკბასტერები ჩაანაცვლა. როგორ ახერხებს კინოინდუსტრია კრიზისის დაძლევას, რა იქცა შემოსავლის ახალ ტრენდულ წყაროდ და რომელი ფილმები ამყარებს წლევანდელ რეკორდებს #ახალიამბები #BusinessMediaGeorgia
ლეგენდარული რეჟისორი კიდევ ერთხელ ცდილობს კინოს საზღვრების გაფართოებას. რეჟისორი, რომელმაც მაყურებელი „ოპენჰაიმერით“, „ინტერსტელარითა“ და "შავი რაინდის" ტრილოგიით გააოცა, ახლა ისტორიაში ერთ-ერთ ყველაზე ცნობილ ეპოსს – ჰომეროსის „ოდისეას“ ახალ სიცოცხლეს სძენს. უპრეცედენტო ბიუჯეტი, უახლესი კინოტექნოლოგიები, ვარსკვლავური სამსახიობო შემადგენლობა და გრანდიოზული მასშტაბი – ყველაფერი იმაზე მიუთითებს, რომ ეს ნოლანის კარიერის ყველაზე ამბიციური პროექტია. #ახალიამბები #BusinessMediaGeorgia
#საქმიანიდილა - 30 ივლისი - პროლოგი; ნაურუმ საქართველოს ოკუპირებული რეგიონების აღიარება გააუქმა; ვინ მართავს ვენესუელას? ზელენსკის წარმატებული ვიზიტი აშშ-ში; ტრამპის მორიგი მუქარა ირანის მიმართ; ირანის უარი ომანს ჰორმუზის მართვაზე; #ახალიამბები #BusinessMediaGeorgia
ქართულმა კოკა-კოლამ ფიფას მსოფლიო ჩემპიონატის კამპანია საქართველოში გრანდიოზული ფინალით დაასრულა. მილიონზე მეტი დარეგისტრირებული გათამაშების ბილეთი, ხუთი მთავარი გამარჯვებული და პრიზები, რომელთა შორის სამოგზაურო ვაუჩერები, თანამედროვე ტექნიკა და სრულიად ახალი ელექტრო ავტომობილია. როგორ დასრულდა ერთ-ერთი ყველაზე მასშტაბური საპრიზო კამპანია, რომელმაც ფიფას გლობალური პარტნიორები ერთ სივრცეში გააერთიანა და ათასობით მომხმარებელი მსოფლიო საფეხბურთო დღესასწაულის ნაწილად აქცია. #ახალიამბები #BusinessMediaGeorgia
ფეხბურთელები და სოციალური მედია - ვის გაეზარდა მიმდევართა რიცხვი მუნდიალის შემდეგ? #ახალიამბები #BusinessMediaGeorgia
ლუდის ბაზრის ლიდერები და ახალი გამოწვევები #ახალიამბები #BusinessMediaGeorgia
ზაფხული ლუდის ინდუსტრიისთვის ყველაზე აქტიური სეზონია, თუმცა გაყიდვებზე გავლენას მხოლოდ სეზონურობა არ ახდენს. მიუხედავად იმისა, რომ ლუდის ინდუსტრია მსოფლიოში ერთ-ერთი ყველაზე კონკურენტული ბაზარია, ბოლო წლებში მწარმოებლებს მომხმარებლის შეცვლილი ქცევა, ეკონომიკური ფაქტორები და კლიმატური პირობებიც ახალ გამოწვევებს უქმნის. როგორია მიმდინარე სეზონი საქართველოში, რა გავლენას ახდენს ამინდი, ტურისტული ნაკადები და იმპორტირებულ ბრენდებთან კონკურენცია ადგილობრივ მწარმოებლებზე? ამასთან, როგორ არის გადანაწილებული მრავალმილიარდიანი გლობალური ლუდის ბაზარი და რომელი კომპანიები დომინირებენ ინდუსტრიაში #ახალიამბები #BusinessMediaGeorgia
ქართული ფესტივალი Kiketi Fest, რომელიც კიკეთის მუხის ტყეში დაიწყო, დღეს უკვე საქართველოს ფარგლებს გარეთაც ვითარდება და ქართული გამოცდილების მსოფლიოს სხვადასხვა ქალაქში გაზიარებას ცდილობს. ფესტივალი აერთიანებს ღვინოს, გასტრონომიას, მუსიკას, კულტურას და თანამედროვე ცხოვრების სტილს, მიზანი კი მსოფლიოსთვის თანამედროვე საქართველოს გაცნობაა. როგორ იქცა ადგილობრივი ღონისძიება საერთაშორისო პროექტად, რა შესაძლებლობებს ქმნის მსგავსი პლატფორმა ქართული ღვინის და შემოქმედებითი ინდუსტრიებისთვის და რა გეგმები აქვს Kiketi Fest-ს? სტუმარი: რეზი პეტრიაშვილი - Kiketi Fest-ის ორგანიზატორი; #ახალიამბები #BusinessMediaGeorgia
PMCG კვლევის თანახმად, 2026 წლის მაისის მონაცემებით, შრომის ბაზარი საქართველოში ზრდის ნიშნებს აჩვენებს. დასაქმებულთა რაოდენობა, რომლებიც თვიურ ხელფასს იღებენ წლიურად 2.1%-ით გაიზარდა. ამასთან, 4%-იან ზრდას აჩვენებს იმ მოქალაქეების რიცხვი, ვინც თვეში 2400 ლარს და მეტს იღებს. რა ზრდის და როგორია შრომის ბაზრის რეალური ტენდენციები? #ახალიამბები #BusinessMediaGeorgia
$169 მილიარდიანი ბაზრის პროგნოზი - როგორ იზრდება ნაყინის გლობალური ბაზარი? #ახალიამბები #BusinessMediaGeorgia
მსოფლიო ბაზრებზე სოფლის მეურნეობის პროდუქციის ფასებსა და ვაჭრობაზე კლიმატური ცვლილებების გავლენა სულ უფრო თვალსაჩინო ხდება. ამ ტენდენციების ფონზე გამოწვევების წინაშეა საქართველოც. წლევანდელმა ამინდებმა განსაკუთრებით ატმის მოსავალზე იმოქმედა. ფერმერები მოსავლის შემცირებულ რაოდენობასა და ხარისხზე საუბრობენ, ოფიციალური სტატისტიკა კი აჩვენებს, რომ ატმისა და ვაშლატამას ექსპორტი გასული წლის ანალოგიურ პერიოდთან შედარებით თითქმის 75%-ით არის შემცირებული. რა გამოწვევების ფონზე მიმდინარეობს ატმის რთველი ქვეყანაში და როგორ აისახა კლიმატური პირობები წარმოებასა და ექსპორტზე? #ახალიამბები #BusinessMediaGeorgia
ზაფხულის მთავარი დესერტი - ნაყინი, არა მხოლოდ საყვარელი ტკბილეული, არამედ მილიარდობით დოლარის ღირებულების ინდუსტრიაა, რომელიც ჩვენთან და მსოფლიოში განსხვავებული დინამიკით ვითარდება. საქართველოში წელს ნაყინის სეზონმა დაიგვიანა. უჩვეულოდ გრილი გაზაფხულისა და ნედლეულის გაძვირების ფონზე, პირველ ნახევარში ექსპორტ-იმპორტის მაჩვენებლები შემცირდა. თუმცა, ადგილობრივი ბიზნესი ფასს ინარჩუნებს და მთავარ იმედს ახლა ცხელ ზაფხულსა და ტურისტებზე ამყარებს. ამის საპირისპიროდ, რეკორდულად იზრდება ნაყინის გლობალური ბაზარი, რომლის ღირებულებაც მიმდინარე წელს 125 მილიარდ დოლარს გადააჭარბებს. როგორ უმკლავდება ქართული ბიზნესი სეზონურ გამოწვევებს და რა ახალი ტრენდები იმორჩილებს მსოფლიო ბაზარს? #ახალიამბები #BusinessMediaGeorgia
გლობალური ბაზრების მიმოხილვა Galt & Taggart-ისგან; სტუმარი: მარიამ ნატროშვილი - Galt & Taggart, კაპიტალის ბაზრების ანალიტიკოსი #ახალიამბები #BusinessMediaGeorgia
სტატისტიკის ეროვნულმა სამსახურმა და ბიზნეს ასოციაციამ შრომის ბაზრის უახლესი მონაცემები გამოაქვეყნეს. ოფიციალური ანგარიშების მიხედვით, ქვეყანაში საშუალო ანაზღაურების მატების ტენდენცია ფიქსირდება. პარალელურად, კადრების შესანარჩუნებლად კერძო სექტორის ნაწილი ფინანსური რესურსის გაზრდას მომდევნო თვეებშიც გეგმავს. თუმცა საერთო მაჩვენებლების მიღმა, ეკონომიკის დარგებს შორის სახელფასო პოლიტიკა მკვეთრად განსხვავდება. რა თანხას შეადგენს რეალური ხელზე ასაღები შემოსავალი, რომელ ბიზნესებში იხდიან ყველაზე მეტს და სად აანონსებენ ბიუჯეტის გადახედვას? #ახალიამბები #BusinessMediaGeorgia
გასულ კვირას თბილისის ეთნოგრაფიულ მუზეუმში ქართული კულტურის ერთ-ერთი ყველაზე მასშტაბური ფესტივალი „Art-გენი 2026“ გაიმართა. ოთხი დღის განმავლობაში ფესტივალი ტრადიციულად აერთიანებდა ქართულ ფოლკლორს, ხალხურ რეწვასა და თანამედროვე მუსიკას, ხოლო სტუმრებს მრავალფეროვან აქტივობებს სთავაზობდა. ღონისძიების წარმდგენი წელსაც კომპანია ავერსი იყო, რომელმაც ეროვნული კულტურის მხარდაჭერის ტრადიცია გააგრძელა. #ახალიამბები #BusinessMediaGeorgia
საქართველოს ბიზნეს ასოციაცია წევრ კომპანიებში სამუშაო ვიზიტების სერიას განაგრძობს. BAG-ის წარმომადგენლები ამჯერად ქვეყნის სატრანზიტო არტერიის ცენტრს - ფოთის საზღვაო ნავსადგურს ესტუმრნენ, რომელსაც გლობალური გიგანტის, „მაერსკის“ ჯგუფში შემავალი კომპანია „ეი-პი-ემ ტერმინალის“ მართავს. როგორ მუშაობს სინერგიაში ბიზნესგაერთიანცებასთან საზღვაო ლოგისტიკის ერთ-ერთი უმსხვილესი მოთამაშე და რა გავლენა აქვს საპორტო ინფრასტრუქტურის გაფართოებას შუა დერეფნის პოზიციონირებაზე #ახალიამბები #BusinessMediaGeorgia
მსოფლიო ფინანსურ ბაზრებზე წესები იცვლება - ცენტრალური ბანკები ტრადიციულ ქაღალდის ფულს მასობრივად გაურბიან. გლობალური დაძაბულობის ფონზე, მთავარი მოთამაშეები მილიარდობით დოლარის რეზერვებს ახლა ყველაზე უსაფრთხო აქტივში, ანუ ოქროში აბანდებენ. რატომ თმობს პოზიციებს ამერიკული ვალუტა, რა უჯდებათ სახელმწიფოებს ფინანსური დაზღვევა და როგორ აისახა ეს საერთო ტენდენცია საქართველოზეც. #ახალიამბები #BusinessMediaGeorgia
მსოფლიო ჩემპიონატზე ნაჩვენებმა პერფორმანსებმა ფეხბურთელების საბაზრო ღირებულებები სრულიად ახალ სიმაღლეზე აიყვანა. რამდენიმე წარმატებული მატჩი, გადამწყვეტი გოლი ან ბრწყინვალე ტურნირი საკმარისია იმისთვის, რომ მოთამაშის ფასი ათეულობით მილიონი ევროთი გაიზარდოს და ევროპის გრანდების მთავარი სამიზნე გახდეს. 2026 წლის მუნდიალმაც არაერთი ახალი ვარსკვლავი გააჩინა და სატრანსფერო პორტალ ტრანსფერმარკტზე უკვე განახლდა ფეხბურთელების საბაზრო შეფასებებიც. ვინ მოიგო ყველაზე მეტი ამ ტურნირიდან? ვისი ღირებულება გაიზარდა ყველაზე მნიშვნელოვნად? და როგორ აქცევს მსოფლიო ჩემპიონატი ნიჭიერ ფეხბურთელებს სატრანსფერო ბაზრის ყველაზე მოთხოვნად აქტივებად? #ახალიამბები #BusinessMediaGeorgia
საგზაო უსაფრთხოების სფეროში მომუშავე სამი ორგანიზაცია ხელისუფლებას სიჩქარის მართვის პოლიტიკისა და ქულათა სისტემის რეფორმისკენ მოუწოდებს. ერთობლივ განცხადებაში ფონდი „პარტნიორობა საგზაო უსაფრთხოებისთვის“, „საქართველოს ალიანსი უსაფრთხო გზებისთვის“ და „საქართველოს ტრანსპორტისა და გზების ასოციაცია“ აცხადებენ, რომ მოქმედი სისტემა სიჩქარის გადაჭარბების პრევენციას ეფექტიანად ვერ უზრუნველყოფს. მათი ინფორმაციით, 2025 წელს ავტოსაგზაო შემთხვევების შედეგად 8 191 ადამიანი დაშავდა, ხოლო 469 დაიღუპა. მათგან 114 ადამიანის გარდაცვალების მიზეზი მოძრაობის დადგენილი სიჩქარის გადაჭარბება გახდა. განცხადებაში განსაკუთრებული ყურადღება ეთმობა ფეხით მოსიარულეთა უსაფრთხოებასაც. ავტორების ინფორმაციით, გასულ წელს ავტოსაგზაო შემთხვევებს 164 ფეხით მოსიარულე ემსხვერპლა, რაც, მათი შეფასებით, სიჩქარის მართვის არსებული პოლიტიკის არაეფექტიანობაზე მიუთითებს. ორგანიზაციები აღნიშნავენ, რომ 2025 წელს ქვეყანაში სულ 3 332 037 ვიდეოჯარიმა გამოიწერა, საიდანაც 1 811 033, ანუ დაახლოებით 54.4%, სიჩქარის გადაჭარბებაზე მოდიოდა. თუმცა, მოქმედი კანონმდებლობით, ვიდეოჯარიმით დაფიქსირებული სიჩქარის გადაჭარბების შემთხვევაში მძღოლს მართვის მოწმობის ქულები არ აკლდება და პასუხისმგებლობა, ძირითადად, მხოლოდ ფულადი სანქციით შემოიფარგლება. არსებული პრაქტიკა განმეორებითი დარღვევების პრევენციას ვერ უზრუნველყოფს. ამის მაგალითად კი ორგანიზაციებს ოფიციალური სტატისტიკა მოჰყავთ, რომლის მიხედვითაც 2025 წელს ქულათა სისტემის ამოწურვის გამო მართვის უფლება მხოლოდ 560 მძღოლს შეუჩერდა, მაშინ როდესაც წლის განმავლობაში სიჩქარის გადაჭარბების 1.8 მილიონზე მეტი შემთხვევა დაფიქსირდა. სტუმარი: ეკა ლალიაშვილი - "საქართველოს ალიანსი უსაფრთხო გზებისთვის“, თავმჯდომარე; #ახალიამბები #BusinessMediaGeorgia
არასამთავრობო ორგანიზაცია „საზოგადოება და ბანკები“ მოქალაქეებს კიდევ ერთი სავარაუდო პირამიდული სქემის შესახებ აფრთხილებს. ორგანიზაციის ინფორმაციით, კომპანია პისიდიეიაი სოციალურ ქსელებში აქტიურად ავრცელებს ყალბ შეთავაზებებს, რომლებიც სამომავლო დასაქმებისა და მაღალი შემოსავლის მიღების დაპირებას უკავშირდება. ორგანიზაციის განმარტებით, თაღლითები მომხმარებლებს ე.წ. პლატფორმაზე რეგისტრაციას სთავაზობენ, სადაც პირად კაბინეტებს უქმნიან და სხვადასხვა ოდენობის თანხის დაბანდებას სთხოვენ. გავრცელებული ინფორმაციით, ამ ეტაპზე იკვეთება ოპერაციები 180, 875, 2 000 და 3 000 ლარის ოდენობით. მსხვერპლის ნდობის მოსაპოვებლად თავდაპირველად ინვესტირებულ თანხაზე ყოველდღიურად ირიცხებოდა სარგებელი, თუმცა გარკვეული პერიოდის შემდეგ პლატფორმა უკვალოდ გაქრა. ორგანიზაცია ასევე აღნიშნავს, რომ სქემა ამით არ სრულდება. მათი ინფორმაციით, მოგვიანებით უკვე დაზარალებულ მომხმარებლებს კვლავ უკავშირდებიან და არწმუნებენ, თითქოს პლატფორმას ტექნიკური პრობლემა შეექმნა. თანხის დაბრუნების სანაცვლოდ კი მათ დამატებითი ინვესტიციის განხორციელებას სთხოვენ. სტუმარი: გიორგი კეპულაძე - „ საზოგადოება & ბანკები“, გამგეობის თავმჯდომარე #ახალიამბები #BusinessMediaGeorgia
24 და 25 ივლისს საქართველოში ელექტროენერგია ავარიულად შეწყდა. შეწყვეტის შემდეგ მთელი ქვეყნის ელექტრომომარაგების ეტაპობრივად აღდგენას რამდენიმე საათი დასჭირდა. „ენგურჰესის“ დირექტორის ლევან მებონიას განცხადებით, ელექტროენერგიის მასშტაბური გათიშვა 500-კილოვატიანი ხაზის „იმერეთის“ გამორთვამ გამოიწვია, რომელზეც მთელი საქართველოს ელექტრომომარაგებაა დამოკიდებული. სისტემური ავარიის გამომწვევი ზუსტი მიზეზების დადგენას ამ დრომდე ცდილობს საქართველოს სახელმწიფო ელექტროსისტემა, სადაც აცხადებენ, რომ დასკვნა საზოგადოებას არსებობისთანავე ეცნობება. ამასთან, საქართველოს სახელმწიფო უსაფრთხოების სამსახურმა ქვეყნის მასშტაბით ელექტროენერგიის მიწოდების ავარიულად და ორი გათიშვის ფაქტზე გამოძიება დაიწყო. უწყების ცნობით, საქმეზე ძიება საქართველოს სისხლის სამართლის კოდექსის 318-ე მუხლით მიმდინარეობს, რაც დივერსიას გულისხმობს. სტუმარი: მერაბ ლომინაძე - ET SYNERGY-ის დამფუძნებელი; #ახალიამბები #BusinessMediaGeorgia
კომპანია ორიგამი, რომელიც ბაზარზე 18 წელია მუშაობს, ბათუმში არაერთი საინტერესო პროექტის ავტორია. კომპანია, რომელმაც საქმიანობა 18 წლის წინ საპროექტო მიმართულებით დაიწყო და აჭარაში ბევრისთვის კარგად ცნობილი პროექტების ავტორია, ჯამურად 2 000 000 კვ მ. ფართობზე მეტ განხორციელებულ პროექტს და 250 მილიონ დოლარზე მეტ ინვესტიციას ითვლის. ამჯერად კომპანია დეველოპმენტისა და სტუმარმასპინძლობის მიმართულებით ავითარებს საქმიანობას და სულ მალე ორიგამის ხელწერით ბათუმი აილენდზე 200 მილიონი დოლარის ინვესტიციით მასშტაბური პროექტიც განხორციელდება. #ახალიამბები #BusinessMediaGeorgia
მორიგი საერთაშორისო აღიარება ქართული საინვესტიციო სექტორისთვის. ფინანსურმა გამოცემამ Euromoney-მ თიბისი კაპიტალი საქართველოში საუკეთესო საინვესტიციო ბანკად მეორედ დაასახელა. ჯილდო კომპანიას 2025 წლის საქმიანობისთვის გადაეცა. რა შედეგებით დაასრულა კომპანიამ გასული წელი, როგორია მისი როლი კაპიტალის ბაზრის განვითარებაში და რა მიმართულებებით ფართოვდება საინვესტიციო ბანკი რეგიონში. 2025 წელს თიბისი კაპიტალის ჩართულობით ადგილობრივ და საერთაშორისო ბაზრებზე 1.2 მილიარდი დოლარის მოცულობის ობლიგაციები განთავსდა, კომპანიამ 22 ტრანზაქცია განახორციელა, მათ შორის 4 საერთაშორისო ბაზრებზე. პარალელურად, გაიზარდა საინვესტიციო პლატფორმების მომხმარებელთა რაოდენობა და გაფართოვდა ანალიტიკური მიმართულებაც. სტუმარი: ოთარ შარიქაძე - თიბისი კაპიტალის დირექტორი #ახალიამბები #BusinessMediaGeorgia
ლეილა მესხის ჩოგბურთის აკადემიამ და „კოკა-კოლა ბოთლერს ჯორჯიამ“ 18 წლამდე ჩოგბურთელთა საერთაშორისო ტურნირს უმასპინძლეს. ITF-ის ეგიდით გამართულ შეჯიბრებაზე ერთმანეთს 17 ქვეყნის 150-მდე ახალგაზრდა სპორტსმენი დაუპირისპირდა. ტურნირი, რომლის მთავარი პარტნიორიც „კოკა-კოლა ბოთლერს ჯორჯიაა“, ახალგაზრდებს საერთაშორისო გამოცდილებასა და მნიშვნელოვან სარეიტინგო ქულებს სთავაზობს. ვინ გახდნენ თასის მფლობელები და როგორ ჩაიარა ფინალურმა თამაშებმა? #ახალიამბები #BusinessMediaGeorgia
რას ცვლის ადამიანის ცხოვრებაში ერთი გულშემატკივარი, რომელსაც მისი ნამდვილად სჯერა? - ამ კითხვაზე პასუხის გასაცემად სასტუმრო Holiday Inn-ში საჯარო შეხვედრა გაიმართა. ღონისძიება „საქართველოს ბანკისა“ და გაეროს მოსახლეობის ფონდის (UNFPA) პარტნიორობით ჩატარდა და ის მზრუნველი მამობისა და შვილების აღზრდაში მშობლების თანასწორ ჩართულობას დაეთმო. შეხვედრამ, რომელიც ოჯახების გაძლიერებასა და მამების ემოციური ჩართულობის წახალისებას ისახავს მიზნად, პროფესიული ხედვები და პირველი პირის ისტორიები გააერთიანა. სპიკერებმა დამსწრე საზოგადოებას საკუთარი გამოცდილება გაუზიარეს და ისაუბრეს იმაზე, თუ როგორ იქცევა მშობლის ნდობა და ყოველდღიური თანადგომა ბავშვის თავდაჯერებულობის მთავარ საყრდენად. ღონისძიების ფარგლებში ასევე მოეწყო მრავალფეროვანი აქტივობები, რომელშიც მშობლები შვილებთან ერთად ჩაერთნენ. როგორც ღონისძიების ორგანიზატორები ამბობენ, ცნობიერების ამაღლებისკენ მიმართული მსგავსი პროექტები მომავალშიც გაგრძელდება. #ახალიამბები #BusinessMediaGeorgia
საწვავის ღირებულება საქართველოში #ახალიამბები #BusinessMediaGeorgia
გლობალური ბირჟების მიმოხილვა - 27/7/2026 #ახალიამბები #BusinessMediaGeorgia
ევროკავშირის სანქციების ქვეშ: ვინ არის არკადი დვორკოვიჩი? #ახალიამბები #BusinessMediaGeorgia
საქართველოს მთავრობამ მიკრომეწარმეობის მხარდაჭერის სახელმწიფო პროგრამა განაახლა. "აწარმოე საქართველოში"-ს ნაცვლად პროგრამის მართვას მთავრობის მიერ წელს შექმნილი "საქართველოს ეკონომიკის განვითარების კორპორაცია" გადაიბარებს. იცვლება დაფინანსების პირობები, იზრდება სესხების მოცულობა და პროგრამას ახალი – განვითარების სესხის კომპონენტი ემატება. აქამდე მოქმედი პროგრამით მიკრომეწარმეებს 20 000-დან 50 000 ლარამდე სესხის მიღება შეეძლოთ. განახლებული წესით, მიკროსესხის მაქსიმალური მოცულობა 70 000 ლარამდე იზრდება. ამასთან, პროგრამა ითვალისწინებს დამატებით „განვითარების სესხს“, რომლის მოცულობა 70 000-დან 150 000 ლარამდე განისაზღვრება. განვითარების სესხით სარგებლობა მხოლოდ იმ ბენეფიციარებს შეეძლებათ, რომლებმაც უკვე მიიღეს და მიზნობრივად გამოიყენეს პროგრამის ფარგლებში გაცემული მიკროსესხი, არ აქვთ საგადასახადო დავალიანება და აკმაყოფილებენ საქართველოს განვითარების კორპორაციის მიერ დადგენილ დამატებით კრიტერიუმებს. პროგრამის ფარგლებში განვითარების სესხის მიღება მხოლოდ ერთხელ იქნება შესაძლებელი. განახლებულია საპროცენტო თანადაფინანსების მოდელიც. წინა პროგრამით სრული საპროცენტო სუბსიდია მხოლოდ კონკრეტული კატეგორიის ბენეფიციარებზე ვრცელდებოდა, მათ შორის ქალ მეწარმეებზე, მაღალმთიან რეგიონებში მოქმედ ბიზნესებზე, „მზის კარის“ პროექტის მონაწილეებსა და გარკვეული კრიტერიუმების მქონე მეწარმეებზე. დანარჩენ შემთხვევებში პროგრამა ითვალისწინებდა ფიქსირებულ საპროცენტო განაკვეთს, რომლის მაქსიმალური ოდენობა 8.5% იყო. ახალი რედაქციით, პროგრამის ფარგლებში გაცემულ მიკროსესხებზე საქართველოს ეკონომიკის განვითარების კორპორაცია პირველი ტრანშის გაცემიდან 5 წლის განმავლობაში სრულად დააფინანსებს საპროცენტო განაკვეთს. ამასთან, პროგრამიდან ამოღებულია 8.5%-იანი ფიქსირებული საპროცენტო განაკვეთის მექანიზმი, ხოლო მაქსიმალურ საპროცენტო განაკვეთს მომავალში თავად კორპორაცია განსაზღვრავს. სტუმარი: ვახტანგ შურღაია - საქართველოს დამსაქმებელთა ასოციაცია, იურიდიული კომიტეტის თავმჯდომარე #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
როგორ ვითარდება ციფრული სექტორი საქართველოში, რა გამოწვევები და შესაძლებლობები დგას ბიზნესის წინაშე AI-ის ეპოქაში და როგორ ცდილობს EBA საქართველო სექტორის მხარდაჭერას? სტუმრები: მარიამ ქუჩულორია - EBA-ს აღმასრულებელი დირექტორი; ნინო გვაზავა - High-Tech Solutions-ის აღმასრულებელი დირექტორი; თორნიკე თოხაძე - სქაიჰაის აღმასრულებელი დირექტორი #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
საქართველოს ბანკს სიახლე აქვს და ბაზარს სალარო აპარატის ფუნქციით შესთავაზა ტერმინალი, რომლის უპირატესობად საბარათე გადახდებზე მიკრო და მცირე ბიზნესისთვის 0% საკომისიოა დასახელებული და როგორც თავად განმარტავენ, ტერმინალი ბიზნესს შესაძლებლობას აძლევს, სტანდარტული ტერმინალები და სალარო აპარატები ერთი მოწყობილობით ჩაანაცვლონ, რაც მათ ბიზნეს პროცესებს გაუმარტივებს და ხარჯებსაც მნიშვნელოვნად დაუზოგავს. შეთავაზების ფარგლებში, მიკრო და მცირე ბიზნესები, რომლებიც პირველად მოითხოვენ ტერმინალს 2026 წლის 31 დეკემბრამდე, სამი თვით ტერმინალის მომსახურებით საკომისიოს გარეშე ისარგებლებენ. ამასთანავე, საქართველოს ბანკისა და სხვა ქართული ბანკების ბარათებით განხორციელებულ ტრანზაქციებზე მათთვის 0%-იანი საკომისიო იმოქმედებს. სტუმარი: ლევან კობახიძე - საქართველოს ბანკის გადახდების ბიზნესის მიმართულების ხელმძღვანელი #ახალიამბები #BusinessMediaGeorgia
ავტომატიზებული და გამარტივებული გაყიდვები / “ბალანსისა” და XPOS-ის პარტნიორობის შედეგი ჰორეკასთვის სტუმრები: გიგა ვახტანგაშვილი - კომპანია ბალანსის აღმასრულებელი დირექტორი; ალექსანდრე ცინცაძე, Xpos-ის დამფუძნებელი #ახალიამბები #BusinessMediaGeorgia
25 წლიანი გამოცდილების ბრენდი, რომელიც საქართველოში ჯივიპის მფლობელია, ადგილობრივ ბაზარზე 2022 წელიდან არის და ამ დროში ინვესტირებაზე მზადყოფნა არაერთხელ საქმიანი დილას ეთერშიც მიგვიღია დასტურად. გამოწვევებიც ბევრი დახვდა კომპანიის და საოპერაციო თუ მომსახურების ხარისხის გაუმჯობესება მენეჯმენტის მთავარ სამიზნედ არის გაცხადებული. კომპანიის საჯარო ანგარიშების მიხედვით, ოთხწლიანი ინტენსიური მუშაობის შედეგად ქსელის დაზიანების სიხშირე და წყალმომარაგების შეზღუდვის რაოდენობა შემცირებულია, თუმცა სრულად აღმოფხვრილი ნამდვილად არ არის. 2022 წლის ანგარიშით, წყალმომარაგების ქსელზე 18 000-ზე მეტი, ხოლო წყალარინების ქსელზე 17 000-ზე მეტი ავარიული დაზიანებაა ფიქსირდებოდა. 4 წლის წინ თბილისში, წყალმომარაგების ქსელზე ყოველ 100 კმ-ზე 415 ავარია იყო. რაც ევროპულ ქვეყნებში ავარიების ინდექსის მაჩვენებელს მინიმუმ 8-ჯერ აღემატება, მაშინ როცა ევროპაში ავარიების ინდექსი 100 კმ-ზე 50-ია. როგორ იცვლებოდა ამ წლების განმავლობაში კომპანიის ინფრასტრუქტურა და როგორია შედეგები დღეისთვის? სტუმარი: გიგა ნადირაძე - GWP-ის ტექნიკური და საოპერაციო მიმართულების დირექტორი #ახალიამბები #BusinessMediaGeorgia
საქართველოს ბიზნეს ასოციაცია რეგიონებში წევრ კომპანიებთან შეხვედრებს განაგრძობს. BAG-ის წარმომადგენლები ამჯერად ,აჭარის საინვესტიციო ბაზრის ერთ-ერთ უმსხვილეს მოთამაშეს, „ტურინვესტ ჯგუფს“ ესტუმრნენ. როგორია კომპანიის განვითარების სტრატეგია და რა წონა აქვს კერძო სექტორისთვის ასოციაციასთან 7-წლიან პარტნიორობას? #ახალიამბები #BusinessMediaGeorgia
ქართული კულტურის მხარდაჭერა, ტრადიციის შენარჩუნება და მისი თანამედროვე ფორმით განვითარება - სწორედ ამ იდეის გარშემო აერთიანებს ძალებს საქართველოს ბანკი და ეროვნული ბალეტი „სუხიშვილები“. მრავალწლიანი პარტნიორობის ფარგლებში საქართველოს ბანკი, როგორც ანსამბლის გენერალური სპონსორი, ხელს უწყობს ისეთი პროექტების განხორციელებას, რომლებიც ქართულ კულტურულ მემკვიდრეობას ახალ სიცოცხლეს სძენს და მას ფართო აუდიტორიამდე მიაქვს. ამ თანამშრომლობის ერთ-ერთი ყველაზე გამორჩეული მაგალითია საქართველოს ბანკისა და SOLO-ს მხარდაჭერით შექმნილი ღია სცენა „თაკარა“, სადაც ტრადიცია და თანამედროვე ხელოვნება ერთ სივრცეში იყრის თავს. სწორედ აქ წარადგენს „სუხიშვილები“ ახალ პროგრამას - „რეკონსტრუქციას“, რომელიც კიდევ ერთხელ აჩვენებს, როგორ შეიძლება ქართული ქორეოგრაფიის თანამედროვე ენით გაცოცხლება, მისი ავთენტურობის სრულად შენარჩუნებით. #ახალიამბები #BusinessMediaGeorgia