მომავლის პროფესიები და შრომის ბაზრის ცვლილებები - რომელი სამუშაოები შეიძლება შეიცვალოს ან გაქრეს, სად გაჩნდება ახალი შესაძლებლობები და რა უნარებზე გაიზრდება მოთხოვნა. განსაკუთრებით მნიშვნელოვანია ეს საკითხი ახალგაზრდებისთვის, რომლებიც პროფესიულ არჩევანს დღეს აკეთებენ. როგორ უნდა მოემზადონ ისინი შრომის ბაზრისთვის, რომლის ფორმირებაზეც ხელოვნური ინტელექტი და ტექნოლოგიური ცვლილებები სულ უფრო დიდ გავლენას ახდენს? სტუმარი: თამარ კერძაია - განათლების ტრანსფორმაციის ექსპერტი და ასოცირებული პროფესორი #ახალიამბები #BusinessMediaGeorgia
„თეგეტა ჰოლდინგმა“ და საქართველოს ხელოვნური ინტელექტის ასოციაციამ AI წიგნიერების პირველი ერთობლივი ეროვნული სასკოლო პროგრამა დაიწყეს, რომელიც 2026-2027 წლების განმავლობაში, ეტაპობრივად, 50-ზე მეტ სკოლაში დაინერგება - როგორც თბილისში, ისე რეგიონებში. მხარეებს შორის ურთიერთთანამშრომლობის მემორანდუმი გაფორმდა. პარტნიორობა პროგრამის ფინანსურ მხარდაჭერას, სასწავლო რესურსების შემუშავებას, მასწავლებლების გადამზადებასა და მოსწავლეებთან, მშობლებთან თუ პედაგოგებთან ერთობლივ კომუნიკაციას მოიცავს. #ახალიამბები #BusinessMediaGeorgia
აკადემიური განათლების, სპორტისა და ველბიინგის ინტეგრაცია - თბილისში, ჯანო ბაგრატიონის სახელობის ახალი საგანმანათლებლო სივრცე, JBS სკოლა გაიხსნა. დაწესებულება, რომელსაც 33-წლიანი გამოცდილების მქონე ამერიკელი დირექტორი უძღვება, საერთაშორისო საგანმანათლებლო სტანდარტებსა და ბავშვის ჰოლისტურ განვითარებაზეა ორიენტირებული. როგორ ამზადებენ მოსწავლეებს რეალური ცხოვრებისთვის და რა ინოვაციურ მიდგომებს სთავაზობს სკოლა მშობლებს? სტუმარი: ლევან ახვლედიანი - JBS სკოლის თანადამფუძნებელი #ახალიამბები #BusinessMediaGeorgia
დიდუბეში, ყოფილი მაუდის ქარხნის ტერიტორიაზე, 500 მილიონი დოლარის საინვესტიციო პროექტი იწყება. „Biograpi Living“-ი მსოფლიოში ცნობილ არქიტექტურულ სტუდია MVRDV-სთან თანამშრომლობით 11 ჰექტარზე 500 მილიონი დოლარის ღირებულების თანამედროვე, მრავალფუნქციური ურბანული გარემოს შექმნას გეგმავს. როგორ გარდაიქმნება ინდუსტრიული წარსულის მქონე ტერიტორია მომავლის ქალაქის ნაწილად და რა ხედვა დგას ამ მასშტაბური პროექტის უკან? #ახალიამბები #BusinessMediaGeorgia
ქართული საბანკო სისტემა აგრძელებს ქართულ მცირე და საშუალო ბიზნესში ინვესტირებას. ბაზისბანკმა, ქართული ბიზნესის მხარდასაჭერად,შავი ზღვის ვაჭრობისა და განვითარების ბანკისგან 25 მილიონი ევროს დაფინანსება მიიღო. შეთანხმების თანახმად, შავი ზღვის ვაჭრობისა და განვითარების ბანკი გრძელვადიან დაფინანსებას გამოუყოფს ბაზისბანკს ქართული მცირე და საშუალო საწარმოების დასაკრედიტებლად, რაც ქვეყნის მასშტაბით ბიზნესებს ინვესტირების, საბრუნავი კაპიტალისა და საქმიანობის გაფართოების დაფინანსების შესაძლებლობას მისცემს.დაფინანსებაზე ხელმისაწვდომობის გაზრდით, ახალი საკრედიტო რესურსი ბიზნესებს დაეხმარება პროდუქტიულობისა და კონკურენტუნარიანობის ამაღლებაში, ახალი საინვესტიციო შესაძლებლობების ძიებასა და რეგიონულ და საერთაშორისო ბაზრებზე წვდომის გაზრდაში. აღნიშნული შეთანხმება კიდევ უფრო ამყარებს შავი ზღვის ვაჭრობისა და განვითარების ბანკისა და ბაზისბანკს შორის არსებულ მრავალწლიან პარტნიორობას და აფართოებს ბანკის მხარდაჭერას საქართველოს კერძო სექტორის მიმართ. იგი ასევე ხელს უწყობს ბანკის უფრო ფართო მანდატის განხორციელებას, რომელიც შავი ზღვის რეგიონში მდგრადი ეკონომიკური განვითარების, ეკონომიკური მედეგობისა და მჭიდრო საქმიანი კავშირების გაძლიერებას ითვალისწინებს. #ახალიამბები #BusinessMediaGeorgia
ხელოვნური ინტელექტის სწავლება უკვე სკოლიდან იწყება - თიბისისა და საქართველოს ხელოვნური ინტელექტის ასოციაციის პარტნიორობით, საქართველოში ხელოვნური ინტელექტის წიგნიერების ეროვნული პროექტი იწყება. ინიციატივა საპილოტე ეტაპიდან ფართო დანერგვაზე გადადის და 2026-2027 სასწავლო წლიდან მოსწავლეებს შესაძლებლობა ექნებათ, ხელოვნური ინტელექტის სწორად, ეფექტიანად და უსაფრთხოდ გამოყენება ისწავლონ. პროექტი თავდაპირველად 30-მდე სკოლასა და 500-მდე მოსწავლეს მოიცავს, პარალელურად კი 80-ზე მეტი პედაგოგის გადამზადებაა დაგეგმილი. #ახალიამბები #BusinessMediaGeorgia
ხელოვნური ინტელექტი უკვე აღარ შემოიფარგლება მხოლოდ კითხვებზე პასუხის გაცემით და რეალურ ციფრულ თანამშრომლად ყალიბდება, რისი ნათელი მაგალითიცაა BTU-ში ახლად შექმნილი „AI აგენტების აკადემია“. უნივერსიტეტი იწყებს პროფესიული AI აგენტების სპეციალიზებულ მომზადებას ისეთი მიმართულებებისთვის, როგორიცაა მათ შორის, მენეჯმენტი, მარკეტინგი, HR, სამართალი და გაყიდვები. მათი მომზადება მსოფლიოს წამყვანი უნივერსიტეტებისა და ბიზნესსკოლების მეთოდოლოგიებს ეფუძნება, თუმცა პროექტის მთავარი უპირატესობა, როგორც უნივერსიტეტში აღნიშნავენ, გლობალური ცოდნისა და ლოკალური კონტექსტის გაერთიანებაა. მათვე შეფასებით, BTU-ში მომზადებული აგენტები უნიკალურ ცოდნას იღებენ საქართველოს ეკონომიკის, ბაზრის სპეციფიკისა და მომხმარებლების შესახებ, რაც მათ საშუალებას აძლევს, 24-საათიან რეჟიმში გააანალიზონ ინფორმაცია, შესთავაზონ გადაწყვეტილებები და ადამიანთან ერთად შეასრულონ პროფესიული დავალებები. შესაბამისად, ბიზნესისა და ტექნოლოგიების უნივერსიტეტი აგენტს უბრალოდ კი არ ქმნის, არამედ მას კონკრეტულ პროფესიას ასწავლის, საქართველოს ბაზრისთვის ამზადებს და რეალურ სამუშაოში მხოლოდ ამის შემდეგ უშვებს. #ახალიამბები #BusinessMediaGeorgia
General Motors-მა და Lynx Motors-მა საქართველოში ლეგენდარული ამერიკული ავტომობილების ბრენდის - Cadillac-ის ოფიციალური შემოსვლა დააანონსეს. ეს ანონსი იმის წინაპირობაა, რომ სულ მალე უნივერსიტეტის ქუჩაზე, კადილაკის ახალი შოუ-რუმი გაიხსნება. რას ნიშნავს საქართველოში ამ ბრენდის შემოსვლა ცალკე თემაა და თავად ჯენერალ მოტორსისათვის Cadillac-ის საქართველოში შემოსვლა რეგიონული გაფართოების სტრატეგიის ნაწილია და ცენტრალური აზიისა და კავკასიის ბაზრებზე პრემიუმ და ლუქს საავტომობილო ბრენდების განვითარებას უკავშირდება. საქართველოზე არჩევანის შეჩერება აქაური პარტნიორების დამსახურებაცაა. როგორი იქნება კადილაკოს შოურუმი თბილისში და რას მოიცავს ჯენერალ მოტორსთან თანამშრომლობა? #ახალიამბები #BusinessMediaGeorgia
საქართველოს №1 დეველოპერული კომპანიის, „არქის“, პოდკასტის მეხუთე ეპიზოდს წარმოგიდგენთ. ჩვენი სტუმარია გიორგი კინწურაშვილი — TBC-ის ეკოსისტემის ინოვაციების ლიდერი. ვისაუბრებთ იმაზე, თუ რა მნიშვნელობა აქვს თანამედროვე საერთო სამუშაო სივრცეებს IT და ტექნოლოგიური სფეროების განვითარებისთვის, რა როლს შეასრულებს ამ პროცესში Archi Grand Avenue-ის კონცეფცია და რა ახალ შესაძლებლობებს შესთავაზებს ის სფეროს. ➡️ გიორგი ისაკაძე - BMG, გენერალური პროდიუსერი ➡️ გიორგი კინწურაშვილი - TBC-ის ეკოსისტემის ინოვაციების ლიდერი #ArchiGrandAvenue #GrandAvenue #TheNewHeartOfTheCity #CityWithinTheCity #ახალიამბები #BusinessMediaGeorgia
ყველაზე ზარალიანი სახელმწიფო კომპანიები - გიორგი ისაკაძე-საავტორო პროლოგი #ახალიამბები #BusinessMediaGeorgia
გაგუას კლინიკა დაარსებიდან 30 წლის იუბილეს აღნიშნავს. საიუბილეო ღონისძიებაზე კლინიკის განვითარების 30-წლიანი გზა შეაჯამეს, ისაუბრეს მიღწევებზე და სამომავლო გეგმებიც წარადგინეს. 30 წლის განმავლობაში კლინიკა საქართველოში სამეანო-გინეკოლოგიური მიმართულების ერთ-ერთ მნიშვნელოვან სამედიცინო დაწესებულებად ჩამოყალიბდა. საიუბილეო ღონისძიებას ჯანდაცვის მინისტრი მიხეილ სარჯველაძეც დაესწრო და კლინიკის გუნდს მნიშვნელოვანი თარიღი მიულოცა. რა ეტაპზეა დღეს გაგუას კლინიკა, როგორ შეიცვალა სამედიცინო მომსახურება სამი ათწლეულის განმავლობაში და განვითარების რა გეგმები აქვს კლინიკას მომავალში? სტუმარი: ირაკლი გაგუა - "გაგუას კლინიკა", აღმასრულებელი დირექტორი #ახალიამბები #BusinessMediaGeorgia
საქართველოს ეროვნული ბანკის მონაცემებით, 2026 წლის აგვისტოში საქართველოში საბანკო დაკრედიტების მოცულობა გაიზარდა. ბანკების მიერ გაცემული სესხების ჯამურმა მოცულობამ, ბანკთაშორისი სესხების გამოკლებით, აგვისტოს ბოლოს 76.45 მილიარდი ლარი შეადგინა, რაც ივლისის ბოლოს არსებულ მაჩვენებელზე 836.34 მილიონი ლარით, ანუ 1.11%-ით მეტია. სტუმარი: დავით რუსია - საქართველოს საბანკო ასოციაცია, ანალიტიკური დირექტორი #ახალიამბები #BusinessMediaGeorgia
ციფრული ტექნოლოგიები და ინტერნეტთან წვდომა თანამედროვე ეკონომიკის მთავარ მამოძრავებელ ძალად იქცა, თუმცა გლობალური ციფრული უთანასწორობა კვლავ მნიშვნელოვან გამოწვევად რჩება. საერთაშორისო სატელეკომუნიკაციო კავშირმა 159 ეკონომიკის ახალი ინდექსი გამოაქვეყნა, რომელიც ქვეყნებში ქსელის ხელმისაწვდომობასა და ციფრული ინფრასტრუქტურის განვითარებას აფასებს. გლობალურ ლიდერებთან ერთად, რეიტინგში საქართველოს შედეგიც მოხვდა - ჩვენმა ქვეყანამ 90-ქულიანი ზღვარი გადალახა და მოწინავე სახელმწიფოების ჯგუფში დამკვიდრდა. ვინ ლიდერობს მსოფლიო რეიტინგში? #ახალიამბები #BusinessMediaGeorgia
გლობალური ბაზრები - Galt&Taggart;-ის მიმოხილვა სტუმარი: მარიამ ზურაბაშვილი - Galt & Taggart-ის პორტფოლიო მენეჯერი #ახალიამბები #BusinessMediaGeorgia
საქართველოს ეკონომიკა - Galt&Taggart;-ის მიმოხილვა სტუმარი: ლაშა ქავთარაძე - Galt&Taggart;-ის ეკონომისტი #ახალიამბები #BusinessMediaGeorgia
ომეგა 3-ის მნიშვნელობა ჯანმრთელობისთვის - “ავერსის” რუბრიკა საქმიან დილაში
საქართველოს ბანკის გენერალური დირექტორი ლიდერატორის პროგრამის მონაწილეებს შეხვდა. შეხვედრის ფარგლებში არჩილ გაჩეჩილაძე ახალგაზრდებს ბანკის საქმიანობის, განვითარების შესაძლებლობებისა და პროფესიული ზრდის შესახებ ესაუბრა. საქართველოს ბანკის ლიდერატორის პროგრამა 2017 წლიდან ხორციელდება და მიზნად ისახავს მოტივირებული ახალგაზრდების პროფესიულ განვითარებასა და მათთვის კარიერული შესაძლებლობების შექმნას. რვათვიანი, სრულად ანაზღაურებადი პროგრამა სტუდენტებსა და უნივერსიტეტის ახალ კურსდამთავრებულებს შესაძლებლობას აძლევს, ბანკის სხვადასხვა დეპარტამენტში პრაქტიკული გამოცდილება მიიღონ, იმუშაონ პროფესიონალებთან ერთად და აღმოაჩინონ საკუთარი ძლიერი მხარეები. პროგრამის მონაწილეთა 78%-ზე მეტი კარიერას საქართველოს ბანკში აგრძელებს. #ახალიამბები #BusinessMediaGeorgia
უკრაინული AYA Home Space-ის ერთ-ერთ ყველაზე მასშტაბური პროექტი - ბათუმის ახალ ბულვარში მდებარე 112-ნომრიან OPUS-ის სასტუმრო. აქ კომპანიამ ინტერიერის კონცეფციიდან დაწყებული, ავეჯითა და სხვა დეტალებით დამთავრებული, სივრცის სრულ მოწყობაზე იმუშავა. რა დგას ამ ყველაფრის უკან და როგორ იქმნება სასტუმროსთვის ერთიანი, დასრულებული სივრცე? #ახალიამბები #BusinessMediaGeorgia
ბიომი ჰოლდინგი, რომელიც 2006 წლიდან გათბობის, გაგრილების, ვენტილაციისა და წყალმომარაგების საინჟინრო სისტემებზე მუშაობს, განვითარების ახალ ეტაპზე გადადის. კომპანია განახლებულ სტრატეგიასა და ვიზუალურ იდენტობას წარადგენს. რას გულისხმობს ბრენდის ახალი კონცეფცია და რა მასშტაბის პროექტებს ახორციელებს ბიომი ჰოლდინგი? #ახალიამბები #BusinessMediaGeorgia
დისტანციური მუშაობის ეპოქაში პროფესიული საქმიანობისთვის ოფისი, ქალაქი და ქვეყანაც კი აღარ არის აუცილებელი საზღვარი. ციფრული ნომადებისთვის სულ უფრო მნიშვნელოვანი ხდება არა მხოლოდ ინტერნეტის სისწრაფე და ცხოვრების ღირებულება, არამედ ისიც, რამდენად მარტივია უცხო ქვეყანაში ყოველდღიური ცხოვრების მოწყობა. სწორედ ამ კრიტერიუმებით შეფასდა 17 პოპულარული მიმართულება და პირველ ადგილზე საქართველო გავიდა. რა უპირატესობები აქვს ქვეყანას და რატომ აღმოჩნდა საქართველო ციფრული ნომადებისთვის მსოფლიოში ყველაზე მარტივი მიმართულება? #ახალიამბები #BusinessMediaGeorgia
როგორ ებრძვის მსოფლიო დიზელზე შექმნილ ვითარებას. თან სხვადასხვა კონტინენტებზე სხვადასხვა წესებით. დიზელის ფასი მკვეთრად გაზრდილია ყველგან, ევროპა არ არის გამონაკლისი. როგორ ებრძვის ევროპა დიზელის დეფიციტს და მაღალ ფასებს? #ახალიამბები #BusinessMediaGeorgia
#საქმიანიდილა - 6 ოქტომბერი - პროლოგი #ახალიამბები #BusinessMediaGeorgia
ტურიზმის სექტორში რეგიონული გადანაწილება და ინფრასტრუქტურული გამოწვევები კვლავ აქტიური დისკუსიის თემაა.ცოტა ხნის წინ BMGTV-ის ეთერში ტურისტული სექტორის წარმომადგენლებმა აღნიშნეს, რომ სამხედრო გზაზე არსებული საცობებისა და ტრანსპორტირების ხანგრძლივობის გამო, ყაზბეგის მიმართულებით კორპორაციული ტურების დაგეგმვა გარკვეულ შეფერხებებთან არის დაკავშირებული, რის გამოც მოთხოვნა ნაწილობრივ სხვა რეგიონებზე, მაგალითად, კახეთსა თუ იმერეთზე გადადის. როგორ აისახება ლოგისტიკური გამოწვევები ყაზბეგის სასტუმროების დატვირთულობაზე, როგორია მიმდინარე სეზონი და რას სთავაზობს რეგიონი ვიზიტორებს? სტუმარი: ანი ალიბეგაშვილი - სასტუმრო STEP INN, დამფუძნებელი #ახალიამბები #BusinessMediaGeorgia
სოფლის მეურნეობის სექტორი დიზელის საწვავზე აქციზის შემცირებას ითხოვს - აგრარულ სფეროში აცხადებენ, რომ საწვავის გაძვირება პირდაპირ დარტყმას აყენებს ადგილობრივ წარმოებას და პროდუქციას კიდევ უფრო გააძვირებს. ექსპერტთა და სექტორის წარმომადგენელთა შეფასებით, არსებული ტენდენციის შენარჩუნების შემთხვევაში, შესაძლოა ხილ-ბოსტნეულზე ფასებმა სულ მცირე 20%-ით მოიმატოს. ეს კი მაშინ, როცა წინ სათბურების სეზონია, სადაც წარმოების დანახარჯები ისედაც მაღალია. სპეციალისტები შიშობენ, რომ გაზრდილი ხარჯების გამო ადგილობრივ ფერმერებს მოსავლის მოყვანა მნიშვნელოვნად გაუძვირდებათ, რაც ბაზარზე იმპორტირებული პროდუქციის წილს კიდევ უფრო გაზრდის. ინფორმაციისთვის, საქსტატმა 2026 წლის სექტემბრის ინფლაციის დეტალური ანგარიში გამოაქვეყნა, რომლის მიხედვითაც საწვავის ფასის ზრდამ წლიურ ინფლაციაში 2.2 პროცენტული პუნქტის გავლენა მოახდინა. მთლიანობაში სექტემბერში ინფლაცია 5.6%-ს შეადგენდა. ბენზინი წლიურად 30%-ით, დიზელი კი 54%-ით არის გაძვირებული. რა გამოწვევების წინაშე დგანან დღეს ქართველი ფერმერები, რა ალტერნატივები არსებობს და რატომ აგებს ადგილობრივი წარმოება კონკურენციას მეზობელ ქვეყნებთან? სტუმარი: ვახტანგ ბეჟიტაშვილი - ხილ-ბოსტნეულის ექსპორტიორთა ასოციაციის თავმჯდომარე; #ახალიამბები #BusinessMediaGeorgia
"ზედა დონეზე კორუფცია სრულად აღმოფხვრილია, თუმცა ბრძოლა ქვედა დონეზე გრძელდება" - პრემიერ-მინისტრ ირაკლი კობახიძის ეს განცხადება ტელეკომპანია „იმედის“ ეთერში გააკეთა. მთავრობის მეთაურის თქმით, სისტემის გადაწყობას წელიწად-ნახევარი დასჭირდა, რითაც ელიტური კორუფციის პრობლემა პრინციპულად გადაიჭრა, ხოლო ქვედა რგოლებში პრობლემის დასაძლევად საზოგადოების ჩართულობაა საჭირო. სად გადის ზღვარი ოფიციალურ განცხადებებსა და რეალურ სტატისტიკას შორის? რამდენად ეფექტიანია არსებული ანტიკორუფციული მექანიზმები და რა გავლენას ახდენს კორუფციული რისკები ქვეყნის საინვესტიციო გარემოსა და ეკონომიკურ ზრდაზე? სტუმარი: სანდრო ქევხიშვილი - "საერთაშორისო გამჭვირვალობა - საქართველოს“ უფროსი ანალიტიკოსი #ახალიამბები #BusinessMediaGeorgia
საქართველოს ეკონომიკა ზრდას განაგრძობს, თუმცა მშენებლობის სექტორში კლების ტენდენცია ფიქსირდება. საქსტატის წინასწარი შეფასებით, 2026 წლის აგვისტოში ქვეყნის ეკონომიკა წლიურად 6.3%-ით გაიზარდა, ხოლო პირველი 8 თვის საშუალო მაჩვენებელმა 7.6% შეადგინა. აგვისტოში ზრდა თითქმის ყველა ძირითად დარგში დაფიქსირდა, გამონაკლისი იყო მშენებლობა. აღსანიშნავია, რომ მშენებლობის დარგში კლება მხოლოდ აგვისტოს თვეს არ უკავშირდება. საქსტატის მეორე კვარტლის დეტალური ანგარიშის მიხედვით, როდესაც რეალურმა ეკონომიკურმა ზრდამ 6.9% შეადგინა, მშენებლობის სექტორში ჯამურად 4.8%-იანი შემცირება დაფიქსირდა. უწყების განმარტებით, მშენებლობის სექტორში კლება ძირითადად მსხვილი ინფრასტრუქტურული პროექტების- გზებისა და გვირაბების მშენებლობის დასრულებასა და მათ ექსპლუატაციაში შესვლას უკავშირდება. რატომ ფიქსირდება ვარდნა ინფრასტრუქტურულ პროექტებში და როგორ იმოქმედებს ეს ტენდენცია ეკონომიკის საერთო დინამიკაზე? სტუმარი: ირაკლი გიორგობიანი - „ინფრასტრუქტურის მშენებელთა ასოციაციის“ (ICCA) აღმასრულებელი დირექტორი; #ახალიამბები #BusinessMediaGeorgia
Sea Breeze-ის პროექტი, რომელიც კასპიის ზღვის სანაპიროზე ვითარდება, ახლა უკვე ქართველი მომხმარებლისთვისაც უფრო ხელმისაწვდომი ხდება - კომპანიამ ბათუმში გაყიდვების პირველი ოფისი გახსნა და პროექტის უძრავი ქონების შეძენა საქართველოდან უკვე შესაძლებელია. #ახალიამბები #BusinessMediaGeorgia
ინტერიერი დეტალებში ➡️ გადაცემის ავტორი&წამყვანი: სალომე დადუნაშვილი - გადაცემა "ინტერიერი სალომე დადუნაშვილთან ერთად", ავტორი&წამყვანი; ➡️ სტუმარი: რუსუდან ლაშხი - არქიტექტორი და დიზაინერი #ახალიამბები #BusinessMediaGeorgia
დეველოპერული კომპანია „სითიზენი“, რომელმაც ზაჰა ჰადიდის არქიტექტურით ვაკე-საბურთალოს გზაჯვარედინზე თამაშის წესები უკვე შეცვალა, ახლა „ექსპო ჯორჯიაში“ თავისი გამორჩეული ხელწერით შედის. 10 ჰექტარი საუკუნოვანი ტყე-პარკი, რომელიც ხელშეუხებელი რჩება და ახალი საცხოვრებელი ეკოსისტემა, ისევე როგორც სავაჭრო მოლი მხოლოდ ასფალტირებულ პერიმეტრზე განთავსდება. როგორი იქნება დიდუბის ახალი ეკონომიკური ისტორია და რა პირობებით იხსნება პირველი საინვესტიციო ფანჯარა პროექტში, რომელმაც ისტორიული მემკვიდრეობის შენარჩუნება გადაწყვიტა - ამ ყველაფერზე დეტალურად, ისევე როგორც სრულად სითიზენის დეველოპერულ პორტფელზე? #ახალიამბები #BusinessMediaGeorgia
უძრავი ქონების საერთაშორისო ქსელი RE/MAX საქართველო განვითარების ახალ ეტაპზე გადადის, რაც ახალ შესაძლებლობებს ქმნის როგორც მოქმედი, ისე ახალი აგენტებისა და საბროკერო კომპანიებისთვის. რა ცვლილებებს ითვალისწინებს კომპანიის ახალი სტრატეგია, რატომ არის RE/MAX-თან გაერთიანება საინტერესო უძრავი ქონების ბაზრის მონაწილეებისთვის და რა შესაძლებლობებს სთავაზობს ის პარტნიორებს? სტუმრები: მაკა სურგულაძე - "რემაქს საქართველო", პარტნიორი; გუგა კობახიძე - "რემაქს საქართველო", პარტნიორი #ახალიამბები #BusinessMediaGeorgia
BMG და Tegeta Holding-ი წარმოგიდგენთ: #BMGAuto-ს
კომპანია OPUS Signature, ბათუმის განვითარებაში ახალი სიტყვის თქმას და ქალაქისთვის სრულიად განსხვავებული ტიპის სივრცის შექმნას გეგმავს. სწორედ ამის წარმოსაჩენად, კომპანიამ ბათუმში პროექტის პრეზენტაცია გამართა. სტუმრებს პირველად მიეცათ შესაძლებლობა ენახათ, თუ როგორ იძენს ეს იდეა რეალურ ფორმას - სამი სხვადასხვა სიმაღლის ბლოკით, გამწვანებული პოდიუმითა და მრავალფუნქციური ინფრასტრუქტურით, რომელიც უბრალო საცხოვრებელ სივრცეზე ბევრად მეტია. როგორი იქნება პროექტი, რომელიც ჯერ მხოლოდ მაკეტებსა და რენდერებშია, მომავალში კი ბათუმის ზღვისპირა პანორამას დაამშვენებს? #ახალიამბები #BusinessMediaGeorgia
„მასწავლებლის გავლენის ჯილდოს“ გამარჯვებულები ცნობილია - საქართველოს უნივერსიტეტში პედაგოგებს, რომელთა იდეებმა მოსწავლეების, სკოლებისა და თემის ცხოვრებაში კონკრეტული ცვლილება შექმნა, ჯილდოები გადასცეს. პირველად ჩატარებული კონკურსის ფარგლებში ჟიურიმ სამი გამარჯვებული პროექტი გამოავლინა. დამატებით, საკუთარი რჩეული დაასახელა კონკურსის ცოდნის პარტნიორმა „ბიბლუსმაც“. კონკურსის მთავარი კრიტერიუმი მასწავლებლის პროფესიული სტაჟი ან გამოცდილება არ ყოფილა. ყურადღება პროექტების შედეგსა და იმ გავლენაზე გამახვილდა, რომელიც მათ მოსწავლეებზე, სკოლებსა და თემზე მოახდინეს. მონაწილეებმა სხვადასხვა საჭიროებაზე მორგებული ინიციატივები წარადგინეს. გამარჯვებულ მასწავლებლებს ფულადი პრემია, სპეციალური ჯილდო და საჩუქრები გადაეცათ. „ბიბლუსის“ სპეციალური ჯილდოს მფლობელი კი ცოდნისა და კითხვის კულტურის განვითარებაზე ორიენტირებული პროექტის ავტორი გახდა. მისი სკოლის ბიბლიოთეკა „ბიბლუსის“ მხარდაჭერით სრულად განახლდება. შეგახსენებთ, რომ „მასწავლებლის გავლენის ჯილდო“ საქართველოს უნივერსიტეტის ინიციატივის - „საქართველოს უნივერსიტეტი მასწავლებლებისთვის“, ნაწილია, რომელიც პედაგოგების პროფესიულ განვითარებას, მხარდაჭერასა და გამოცდილების გაზიარებას ემსახურება. #ახალიამბები #BusinessMediaGeorgia
გარემოზე ზრუნვა და მდგრადი მომავლის შექმნა სულ უფრო მნიშვნელოვანი ხდება როგორც საზოგადოებისთვის, ისე ბიზნესისთვის. ამ მიმართულებით კრედო ბანკი გარემოსდაცვითი და სოციალური პასუხისმგებლობის პროექტების მხარდაჭერას აგრძელებს. კომპანიის „მწვანე ანაბრის“ ფარგლებში, ზუგდიდში, დადიანების სასახლის ტერიტორიასა და ბოტანიკურ ბაღში გამწვანების აქცია გაიმართა. ისტორიული სასახლის ტერიტორიაზე ბოლო 100 წლის განმავლობაში პირველად, მსგავსი მასშტაბის გამწვანება განხორციელდა, დაირგო 120 ხე, ბოტანიკურ ბაღს კი სხვადასხვა ჯიშის 45 ახალი ხე შეემატა. #ახალიამბები #BusinessMediaGeorgia
„ნიკორა“ რითეილ ასოციაციის თასზე კვლავ ჩემპიონია. სუპერმარკეტების ქსელმა ფინალურ შეხვედრაში „გლოვო“ დაძაბულ ბრძოლაში, ანგარიშით 3:2 დაამარცხა და ტურნირზე ზედიზედ მეექვსე გამარჯვება მოიპოვა. ჩემპიონატი, რომლის მთავარი მიზანიც რითეილ სექტორში დასაქმებულთა მხარდაჭერა და ჯანსაღი ცხოვრების წესის პოპულარიზაციაა, წელსაც სხვადასხვა კომპანიას აერთიანებდა. ტურნირში პირველად მონაწილეობდნენ არაწევრი კომპანიებიც, მათ შორის „გლოვო“ და „სენომი“. ვინ გახდა ჩემპიონატის საუკეთესო ბომბარდირი და რა სიახლეებს გეგმავს რითეილ ასოციაცია სპორტული ღონისძიებების მიმართულებით? #ახალიამბები #BusinessMediaGeorgia
ჯექსონის ეფექტი ... მანანა მანჯგალაძის #1001ამბავი #ახალიამბები #BusinessMediaGeorgia
#საქმიანიდილა - 5 ოქტომბერი - პროლოგი #ახალიამბები #BusinessMediaGeorgia
გუშინ თბილისში, რეგიონულ ფორუმზე "შუა დერეფანი: მომდევნო ეტაპი", მსოფლიო ბანკის ფლაგმანური ანგარიშის პრეზენტაცია შედგა. პუბლიკაცია - "ინტეგრაცია: მსოფლიო დონის სავაჭრო ლოგისტიკა ტრანსკასპიური სატრანსპორტო დერეფნის გასწვრივ" დერეფნის სავაჭრო ნაკადებს, ინფრასტრუქტურულ საჭიროებებსა და ლოგისტიკის ეფექტიანობას აფასებს. სტუმარი: გიორგი კაჭარავა - საქართველო-ევროკავშირის ბიზნეს საბჭოს აღმასრულებელი დირექტორი #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
საქართველოში მშენებარე ბინის შიდა განვადებით შეძენა ერთგვარ ორლესულ მახვილად იქცა, სადაც მომხმარებლისთვის შეთავაზებული მაქსიმალური ფინანსური კომფორტი და ფარული რისკები ერთმანეთს ებრძვის. ერთი მხრივ, ეს მოდელი ბაზრის მამოძრავებელი ძალაა, რადგან ის მოსახლეობის იმ დიდ ნაწილსა და ემიგრანტებს აძლევს უძრავი ქონების შეძენის შანსს, რომლებიც ოფიციალური შემოსავლების არქონის გამო საბანკო სისტემის მიღმა რჩებიან. პროცესის სისწრაფე, მინიმალური ბიუროკრატია და 0%-იანი საპროცენტო განაკვეთის მარკეტინგული მიმზიდველობა მყიდველისთვის ხშირად გადამწყვეტი არგუმენტი ხდება, თუმცა დარგის ექსპერტების ანალიზი ამ პროცესის მეორე, გაცილებით ფრთხილ მხარეზე მიუთითებს. მთავარი წუხილი ბაზარზე გამჭვირვალობის დეფიციტს და იმ სისტემურ რისკებს უკავშირდება, რომლებიც ეროვნული ბანკის კონტროლის მიღმა არსებული შიდა განვადებების პორტფელების გამო იქმნება. ექსპერტები ხშირად მიუთითებენ, რომ რეალურად 0%-იანი განვადება მითია, რადგან ერთიანი გადახდისას დეველოპერები მომხმარებელს მნიშვნელოვან ფასდაკლებებს სთავაზობენ, რაც იმას ნიშნავს, რომ განვადებით ყიდვისას ბინის საბოლოო ღირებულებაში საპროცენტო სარგებელი წინასწარვეა ჩადებული. მათივე ანალიზით, ამას ემატება მყიდველის სამართლებრივი დაუცველობა, როდესაც წინასწარი ნასყიდობის ხელშეკრულება საჯარო რეესტრში არ რეგისტრირდება და ქონების ორმაგი გაყიდვის ან დეველოპერის მიერ მისი დაგირავების საფრთხე იზრდება. გარდა ამისა, ვინაიდან შიდა განვადების ვადები მოკლეა და მშენებლობის დასრულებამდე შემოიფარგლება, ყოველთვიური ფინანსური ტვირთი საკმაოდ მძიმეა, ხოლო ხელშეკრულებების დოლარში ან ევროში გაფორმება, ლარის კურსის მერყეობის ფონზე, არაჰეჯირებულ მომხმარებელს სავალუტო შოკის წინაშე აყენებს. როგორ უყურებს თავად სექტორი შიდა განვადებების პრაქტიკას - უფრო გამოწვევაა ეს მისთვის თუ უფრო შესაძლებლობა და თუ ბანკი არ გასცემს სესხს მომხმარებელზე, რატომ და როგორ იღებს ამ პასუხისმგებლობას საკუთარ თავზე დეველოპერი? სტუმარი: გიორგი კაჭარავა - საქართველო-ევროკავშირის ბიზნეს საბჭოს აღმასრულებელი დირექტორი #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
BMG & ALFA ROMEO GEORGIA წარმოგიდგენთ #BMGDRIVE-ს:
ტრადიციული სამზადისი დაიწყო ყოველწლიური „საუკეთესო წლიური ანგარიშის და გამჭვირვალობის ჯილდოს“ BARTA- კონკურსისთვის, რომელიც უკვე 7 წლიან ისტორიას ითვლის. კონკურსის მიზანია ქართული კომპანიების ანგარიშგებისა და გამჭვირვალობის ხარისხის ამაღლება. ამ ჯილდოს, მდგრადი ანგარიშგების დანერგვის თვალსაზრისით გადადგმული ნაბიჯების შემდეგ, კიდევ უფრო მნიშვნელოვანი როლი ენიჭება და ამ წლების განმავლობაში პროგრესს აჩვენებდა როგორც თავად კონკურსი ისე მასში მონაწილე კომპანიები. 2027 წლის თებერვალში დაჯილდოების ცერემონიაზე 8 საპრიზო ნომინაციაში გამარჯვებულები საზეიმოდ გამოვლინდებიან. სტუმრები: ლევან ვეფხვაძე - საქართველოს ბიზნეს ასოციაცია, აღმასრულებელი დირექტორი; ირინა გორდელაძე - მსოფლიო ბანკის უფროსი კონსულტანტი მართვის საკითხებში #ახალიამბები #BusinessMediaGeorgia
Redbow რომელიც 2012 წლიდან არის ბაზარზე წარმოდგენილი ზრდას განაგრძობს და Redbow Events-ის ეკოსისტემას ახალი შვილობილი ბრენდი Rodeo შეემატა. ამ მიმართულების მიზანი ბაზარზე სრულყოფილი და გამართული ტექნიკური სერვისის შეთავაზებაა, რაც ღონისძიებების ტექნიკურ უზრუნველყოფასა და პროდაქშენს მოიცავს. სტუმარი: ლევან მდინარაძე - Redbow, დამფუძნებელი #ახალიამბები #BusinessMediaGeorgia
კიდევ ერთ ქართულ წარმოებაზე უნდა მოგიყვეთ, რომლის იდეაც ლეჩხუმში სოფელ უსახელოში დაიბადა და 2021 წელს ინოვაციურ საგრანტო პროგრამაში მოპოვებული წარმატებით "ვაშლის ძმარის" წარმოებაც დაიწყო. ვინ ეგარის მთავარი საწარმო ამჟამად ლეჩხუმში, კერძოდ ცაგერში მდებარეობს, სადაც ადგილობრივი მოსახლეობისგან მიღებულ ვაშლს ამუშავებენ, მისგან ძმარს წურავენ და შემდეგ უკვე მისი ჩამოსხმა თბილისში, ვინ ეგარის მეორე საწარმოში ხდება. პროდუქტი 40-მდე მაღაზიაში რეალიზდება და მომხმარებლის უკუკავშირიდან გამომდინარე,უახლოეს მომავალში ასორტიმენტის გაფართოებას, ვაშლის ძმართან ერთად სხვა პროდუქტების წარმოების დაწყებასაც გეგმავენ. როგორ დაიბადა ლეჩხუმური ვაშლის ძმრის წარმოება და როგორ განვითარდა? სტუმარი: მარიამ პატარიძე - “ვინ ეგარის” დამფუძნებელი თიკო ნატმელაძე - #მხოლოდქართული, ავტორი&წამყვანი; #ახალიამბები #BusinessMediaGeorgia
ჭარბწონიანობის წინააღმდეგ ბრძოლაში ფარმაცევტულ ბაზარზე ახალი ეპოქა იწყება. ბოლო წლების მთავარი სამედიცინო ტრენდი - წონაში კლების ყოველკვირეული ინექციები, შესაძლოა, მალე სრულად ჩაანაცვლოს აბებმა. „ნოვო ნორდისკისა“ და „ილაი ლილის“ ინოვაციური პრეპარატები ამსხვრევს სტერეოტიპს მუდმივი ნემსების აუცილებლობის შესახებ. როგორ ცვლის ახალი თაობის მედიკამენტები მილიონობით ადამიანის ცხოვრებას და რა ინოვაციებს გვპირდება ინდუსტრია სამომავლოდ? #ახალიამბები #BusinessMediaGeorgia
შემოდგომის დადგომასთან ერთად აქტიურდება შესაბამისი სეზონური ვირუსებიც, რას და როგორ უნდა გავუფრთხილდეთ თავს ამ დროს, ან ზოგადად, როგორ ცირკულირებს ეს სეზონური ვირუსები საქართველოში და მსოფლიოში? #ახალიამბები #BusinessMediaGeorgia
იუსკი საქართველოში 10 წლის იუბილეს აღნიშნავს - ათ წელს, რომელიც ბრენდისთვის მუდმივ ზრდას, განვითარებასა და მომხმარებელთან განსაკუთრებული ურთიერთობის ჩამოყალიბებას უკავშირდება. საქართველოში პირველი მაღაზიის გახსნიდან დღემდე JYSK-მა მნიშვნელოვანი განვითარების გზა გაიარა და ათი წლის განმავლობაში ქართველი მომხმარებლისთვის სკანდინავიური დიზაინის, ხარისხისა და კომფორტის ერთ- ერთ გამორჩეულ ადგილად იქცა. დაბადების დღის კვირეულის ფარგლებში მომხმარებლებს 30-70% ფასდაკლება დახვდებათ სრულ ასორტიმენტზე, როგორც იუსკის ფილიალებში, ისე მის ონლაინ მაღაზიაში. #ახალიამბები #BusinessMediaGeorgia
საიდან გაჩნდა "შავი პარასკევი"? - მანანა მანჯგალაძის #1001ამბავი #ახალიამბები #BusinessMediaGeorgia
#საქმიანიდილა - 2 ოქტომბერი - პროლოგი #ახალიამბები #BusinessMediaGeorgia
რობოტებმა უსეინ ბოლტის რეკორდი გააუმჯობესეს #ახალიამბები #BusinessMediaGeorgia