კახეთინიუსის ინფორმაციით, სიღნაღის გალავნის ისტორიულ პირვანდელი სახე დაუბრუნდა. თაღს ღია კრემისფრად შეღებილი და ნალესი ფენა მოაცილეს. სიღნაღის მერის მოადგილის მადონა ბატიაშვილის ინფორმაციით, სიღნაღის გალავნის ამ ნაწილს ბოლოს 60-70-იან წლებში ჩაუტარდა რესტავრაცია. „პატარა და დიდი თაღის სრული რეაბილიტაციის საკითხს 2019 წლის ბიუჯეტში გავითვალისწინებთ. ამ საკითხის განხილვაში აუცილებლად იქნება ჩართული კულტურული მემკვიდრეობის დაცვის ეროვნული სააგენტო. მათ რეკომენდაციებს გავითალისწინებთ და უძველესი თაღების აღდგენითი სამუშაოები მხოლოდ ამის შემდეგ დაიწყება“, – განაცხადა მადონა ბატიაშვილმა. სიღნაღში ისტორიული გალავნის თაღის თვითნებურად რამდენიმე თვის წინ გადაღებეს. კულტურული მემკვიდრეობის სააგენტომ სამშენებლო კომპანია 12 ათასი ლარით დააჯარიმა. 03.12.2018
ბიზნეს დაჯილდოების ნომინანტი - „რადიო ჰოლდინგი ფორტუნა“ სტუმარი: თამარ ჩიგოგიძე - შპს “რადიო ჰოლდინგი ფორტუნა” გენერალური დირექტორი 03.12.2018
საქართველოს საფონდო ბირჟის კვირის მიმოხილვა
გარემოს დაცვის და სოფლის მეურნეობის სამინისტრომ შესაძლოა, „ერთიანი აგროკრედიტის“ პროგრამის ეფექტიანობის კვლევა ჩაატაროს.BMG-ის ვებ გვერდზე შეხვდებით მასალას "ქართული ჩაის“ ეფექტი, სადაც აღმოაჩენთ ბიუჯეტის ერთმა ლარმა 0.44 ლარის ინვესტიცია მოიზიდა. ეს ინფომაციაც სოფლის მეურნეობის სფეროში არსებულ სახელმწიფო პროგრამებზე ოპერატიული სტატისტიკურ მონაცემებს ეყრდნობა, რომელიც თავად სოფლის მეურნეობის სამინისტრომ დაამუშავა. სტუმარი: გიორგი გიგოლაშვილი - სოფლის მეურნეობის მინისტრის მრჩეველი 30.11.2018
თანამედროვე საზოგადოებაში ფული ყოველთვის ბანკნოტები და მონეტები არ არის. ხალხი აქამდე ვალუტად ხის დაფებს, ლითონის ან ქვის ფილებს იყენებს. ფულის ერთეულები, რომლებიც შეიძლება ყველაზე უცნაურად ჩაითვალოს, რადგან მათ ანალოგი არ აქვთ. 30.11.2018
ყველაზე ძვირადღირებული წიგნები 30.11.2018
დაახლოვებით ორ კვირაში ამ დრომდე ოფიციალურად არსებული ინფორმაციით 600 000-ზე მეტი მოქალაქისთვის ვადაგადაცილებული საბანკო დავალიანების განულება უნდა დაიწყოს. საუბარია იმ პირებზე, რომელთა სესხის ძირი თანხა 2000 ლარს არ აღემატება. პირველადი განცხადებების მიხედვით 1.5 მლრდ ლარის ჯამური ღირებულების უიმედო სესები უნდა დაიფაროს და ამას ფონდი ქართუ აფინანსებს. თუმცა ჯერ სრული ინფორმაცია იმაზე, თუ ვისგან გამოისყიდა ე.წ პრობლემური სესხების პორტფელი ფონდმა ჯერ არ გვაქვს. არც ის არის საჯარო და ღია რა უჯდება ქართუს ამ პორტფელების შეძენა და რომელ საფინანსო ორგანიზაციებთან უკვე შედგა ან ვისთან ჯერ ისევ მოლაპარაკების რეჟინია ფასთან დაკავშირებით. სტუმარი: უჩა სარალიძე - "იშბანკი საქართველოს" ფინანსური დირექტორი
პრეზიდენტის მიერ ფიცის დადების მომენტიდან ძალაში შევა კონსტიტუციის ახალი რედაქცია, რის გამოც სახელმწიფოს მეთაურის არჩევნები და მისი შედეგები წელს გამორჩეულია. ამას რამდენიმე კონკრეტული დებულება განაპირობებს. პირველი ისაა, რომ ქვეყნის პირველი პირი, მოქალაქეებმა ბოლოჯერ აირჩიეს, მეორე – არჩევნებში გამარჯვებული, სალომე ზურაბიშვილი თანამდებობას ერთჯერადად არა ხუთი წლით, როგორც ეს აქამდე ხდებოდა, არამედ ექვსი წლით დაიკავებს, და მესამე – ის ფიცის დადების დროს ბოლოჯერ წარმოთქვამს „საპროგრამო სიტყვას“. ამიერიდან საინაუგურაციო გამოსვლას „ხალხისადმი მიმართვა“ ერქმევა. სტუმარი: ვახუშტი მენაბდე - კონსტიტუციონალისტი 30.11.2018
ბიზნესმენები თავიანთი საქმიანოაბის დაწყებამდე ფიქრობენ, ესა თუ ის სახელმწიფო რა შესაძლებლობებს სთავაზობს მას. მსოფლიოს სხვადასხვა ქვეყნებში საქმიანი ადამიანებისთვის განვითარების რა შესაძლებლობებია შექმნილი და რომელი ქვეყნები გამოირჩევიან მიმზიდველი ბიზნეს გარემოთი? 30.11.2018
სვანეთში კოოპერატივების განვითარების პერსპექტივებთან დაკავშირებით რამდენიმე კვირის წინ გამართული ტრენინგების შემდეგ, ამ ბიზნესით დაინტერესებულთა რიგები გაიზარდა. რა სჭირდებათ კონკრეტულად სვანეთში კოოპერატივების შექმნის მსურველებს და რა პროექტები ხორციელდება ამ საჭიროებებისა და გამოწვევების საპასუხოდ? სტუმარი: გიორგი მიშელაძე - სასოფლო-სამეურნეო კოოპერატივების განვითარების სააგენტოს თავმჯდომარე 30.11.2018
ასპინძაში, ვანის ქვაბებში სატრაპეზოსთვის კედელი კულტურული მემკვიდრეობის დაცვის ეროვნული სააგენტოს მიერ გაცემული ნებართვით ამოაშენეს. სამხრეთ კარიბჭესათვის კულტურული მემკვიდრეობის დაცვის ეროვნული სააგენტოს მიერ გაგზავნილ წერილში აღნიშნულია, რომ მშენებლობის ნებართვა 2012 წლის აპრილში სააგენტოს ყოფილი გენერალური დირექტორის ნიკოლოზ ვაჩეიშვილის დროს გაიცა. კულტურული მემკვიდრეობის უძრავ ძეგლზე სამშენებლო სამუშაოები კი შპს „არქიტექსმა“ შეასრულა. მას შემდეგ რაც ვანის ქვაბებში სამშენებლო კომპანიამ სამუშაოები დაასრულა, იღუმენმა მათე ვაშაყმაძემ აქ მეტალოპლასტმასის კარ–ფანჯარა ჩასვა. როგორც თავად იღუმენი ამბობს, ამისთვის მას ნებართვა არ აუღია.
ქუთაისში ტორპედოს სტადიონთან ,,მშვიდობის მოედანზე ,,მშვიდობის ბურთის,, მონუმენტი დაიდგა. მშვიდობის ბურთზე მშვიდობა წერია პარიზის მშვიდობის კედლის 49 ენას პლიუს ქართულ, აფხაზურ და ოსურ, ჩრდილოეთ კავკასიურ, გაეროს, და რიგ საინტერესო ანბანის მქონე ენებზე, რომლებიც განლაგებულია დიდი ფორმატის ქართული მშვიდობას ქვემოთ, ისინი იწყება ებრაულ ენის სიტყვა მშვიდობით. "მშვიდობის ბურთის" მონუმენტისთვის 16500ლარი დაიხარჯა ქუთაისის მერიის ბიუჯეტიდან.
კომპიუტერული თამაშების ინდუსტრიამ ბრუნვის მაჩვენებლებით უკვე დიდი ხანია გაასწრო ფილმების ინდუსტრიას, ყველაზე მაღალშემოსავლიანი თამაშების ისტორია კი 1995 წლიდან იწყება. რომელი კომპიუტერული თამაში მოხვდა ყველაზემაღალშემოსავლიანთა რეიტინგში და როგორია მათი ევოლუცია. 30.11.2018
ნაციონალურ კოსტიუმებში შესრულებული ქართულ ცეკვები, ქართული პოლიფონიური მუსიკა და ქალაქური სიმღერები ცოცხალი შესრულებით- ერთ მიუზიკლში და თან საგანგებოდ ინგლისურ ენაზე თავს თითქმის ერთი წელია სტუმრებისთვის იყრის. არც ისე დიდი ისტორიის მიუხედავად პროექტი ტურისტების კულტურული პროგრამის განუყოფელ ნაწილად უკვე იქცა. და ასე Welcome To Georgia - The Musical ის დახმარებით სტუმრები საინტერესო ფაქტებს საქართველოზე, ჩვენი კულტურის, ისტორიის, ღვინისა და ქართული სუფრის შესახებ სულ სიმღერ სიმღერით ეცნობიან. სტუმრები: ნათია ამირიძე - პროექტის “Welcome to Georgia - The musical” ავტორი; მიხო მაისურაძე - პროექტის “Welcome to Georgia - The musical” ავტორი 30.11.2018
მზად არიან თუ არა რეგიონები მიუსაფარების მისაღებად?
ეკონომიკური პოლიტიკის შეფასება სტუმარი: დავით ჭიჭინაძე, პარლამენტარი 27.11.2018
ძველი გაზეთის სუნი თუ გახსოვთ, ან იქნებ იმ ადგილას მოხვედრილხართ სადაც წლების წინ საბჭოთა ლიტერაურის ტომეულები იბეჭდებოდა. მხატვრულ, ნამდვილ ლიტერატურასაც ბეჭდავდნენ თურმე... ამერიკული ფილმები მაინც გექნებათ ნანახი საგამომცემლო სახლებზე, სადაც ხმაურიან დაზგებთან ჩაფიქრებული მთავარი გმირი პრინციპულ გადაწყვეტილებას იღებს. ასეთი ხმაური წლების წინ თბილისის ცენტრში და უფრო ზუსტად ვერაზე 1930 იანი წლებიდან სტამბაში ყოველ დღიურად ისმოდა. მერე დაზგები დადუმდნენ. ამავე მისამართზე არც ისე დიდი ხნის წინ ჩხრიალი, ჟღრიალი და ხმაური სულ სხვა მიზეზით განახლდა. იქ სადაც წლების წინ საგამომდემლო საქმიანობა დუღდა სასტუმრო ბიზნესი აყვავდა და დიახ, პირდაპირი მნიშვნელობით აყვავდა. ამფითეატრი, კაზინო, რესტორანი, კაფე, უგემრიელესი კერძები და განსაკუთრებული კონცეფციის 5 ვარსკვლავიან სასტუმროში დასვენება თბილისი სტუმრებს გულგრილს ვერაფრით ტოვებს. სტამბას უნიკალური დიზაინი არც ლონდონში გამორჩენიათ და “AHEAD Awards Europe”-ის პრესტიჟული ჯილდო “აჭარა ჯგუფის” აღმასრულებელ დირექტორს ვალერი ჩეხერიას და კომპანიის მმართველ დირექტორს ლევან ბერულავას “წლის საუკეთესო ახალი კონცეფციისთვის” გადეცათ. სტუმარი: ვალერი ჩეხერია - “აჭარა ჯგუფის” აღმასრულებელ დირექტორი 27.11.2018
მასშტაბური ვარდნის შემდეგ მსოფლიო ბაზარზე ნავთობის ფასი გაიზარდა, მაგრამ ფასი პიკთან შედარებით მაინც 30%-ით ნაკლებია. ამავე დროს საუდის არაბეთში ნავთობის მოპოვების მოცულობამ რეკორდულ მაჩვენებელს მიაღწია – 11,2 მლნ ბარელი დღე–ღამეში. არადა საუდის არაბეთი ოქტომბერში დღე–ღამეში 10,8–10,9 მლნ ბარელს მოიპოვებდა. დიდი პოლიტიკა დიდ ბიზნესში თავის კვალს ტოვებს ყველგან, ტვიტერზეც, ფასებზეც, ბირჟებზეც. სტუმარი: გოგა მელიქიძე - “Galt&Taggart;”, საბროკერო მიმართულების ხელმძღვანელი 27.11.2018
რუსთავი-წითელი ხიდის გზის მშენებლობას საქართველოს მთავრობასთან ერთად ევროპის საინვესტიციო ბანკი დააფინანსებს. ამის შესახებ განცხადება ინფრასტრუქტრურის მინისტრის მოადგილემ გააკეთა. ირაკლი ქარსელაძემ ინფო რუსთავს განუცხადა, 2019 წლის დასაწყისში მომზადდება საბოლოო პროექტი, პროექტირების დასრულების შემდეგ კი ტენდერი სამშენებლო სამუშაოებზე გამოცხადდება. რუსთავიდან წითელი ხიდის მიმართულებით დაგეგმილია 35 კილომეტრიანი მონაკვეთის მშენებლობა და მისი სავარაუდო ღირებულება 322 მილიონი ლარი იქნება. 27.11.2018
ანაკლიის პორტში უახლესი ტექნოლოგიის გიგანტური ამწეები უნდა დამონტაჟდეს და მასშტაბურ სამუშაოებზე 2000 – ზე მეტი ადამიანი დასაქმდეს. ამ სამუშაოების განსახორციელებლად „ანაკლიის განვითარების კონსორციუმმა“ ახალი სამშენებლო კომპანიების შესარჩევი ტენდერი გამოაცხადა და ამერიკელ პარტნიორებთან, „SSA Marine” – სა და „Berger Abam“- თან ერთად ტენდერის პირველ ეტაპზე გასული კომპანიების შერჩევა და მათთან გასაუბრებები დაიწყო. სტუმარი: ლევან ახვლედიანი - „ანაკლიის განვითარების კონსორციუმი“, გენერალური დირექტორი 27.11.2018
IMD-ის ბიზნეს-სკოლამ კვლევა ჩაატარა და გამოავლინა იმ ქვეყნების ათეული, სადაც მთელი მსოფლიოდან ყველაზე მეტი ადამიანი მიდის სასწავლებლად. კვლევაში მონაწილეობას, ჯამში 63 ქვეყანა იღებდა. მკვლევარებმა კი ისეთი ფაქტორები გაითვალისწინეს, როგორებიცაა ნიჭიერი ადამიანების ინტერესი, მათი განვითარების შესაძლებლობები და შემდგომ უკვე იმავე ქვეყანაში სამუშაო პირობები.
ადამიანის ერთი პატარა ნაბიჯის და კაცობრიობის უზარმაზარი ნახტომის კვალდაკვალ, ქართველი სტარტაპერების გუნდი სულ რამდენიმე თვის წინ დიდი მიზნისთვის ქვეყნის ფარგლებს გარეთ გაიჭრა. სახელიც ისტორიული შეარჩიეს და დიდი ხნის დამუშავებული იდეა “აპოლო 11-ის “ სახელით დაისტარტა. ნული ინვესტიცია და დიადი გეგმებით მთვარისგენ მიმავალ გზაზე სტარტაპ გუნდი თიბისი დაჯილდოვებისათვის შეყოვნდნენ. Apollo 11-ის გუნდი 20 „კოსმონავტი" წევრისგან შედგება, კომპანიის მიზანი კი ქართული ინტელექტუალური რესურსის უცხოურ ბაზარზე ექსპორტია. სტუმრები: ზურა სეხნიაშვილი - “Apollo11” დამფუძნებელი, ტექნიკური დირექტორი; ალექსანდრე ყამარაული - “Apollo11” კლიენტებთან ურთიერთობის დეპარტამენტის უფროსი 27.11.2018
შეერთებულ შტატებში, სადღესასწაული ვაჭრობა, პიკს აღწევს. ამ პერიოდში ამერიკული ყიდვა-გაყიდვის მთავარი მახასიათებელი, ტრადიციული ფასდაკლებებია. მაღაზიები, მომხმარებლებს ფასდაკლებებს მადლიერების დღეს, შავ პარასკევს, ასევე, კიბერ ორშაბათს სთავაზობენ. თუმცა, სეზონის განმავლობაში, ბრენდები და სავაჭრო ცენტრები მომხმარებლებს კიდევ უამრავი „დასახელების“ ფასდაკლებას გაუმზადებენ. თუმცა, შავი პარასკავი და ახლა უკვე კიბერ ორშაბათიც, ვაჭრობასთან დაკავშირებული მთავარი ამერიკული ტრადიციებია. რამდენს ხარჯავენ ამერიკელები გრანდიოზული ფასდაკლებების სეზონზე? 27.11.2018
არჩევნაბამდე 1 დღე რჩება. 28 ნოემბერს მთელი საქართველოს მასშტაბით 3 705 საარჩევნო უბანი იმუშავებს, სადაც საქართვევლოს მოქალაქეებს რიგით მეხუთე პრეზიდენტის არჩევის შესაძლებლობა მიეცემათ. ჯამში ხვალინდელ არჩევნებში მონაწილეობის უფლება 3 528 658 ამომრჩეველს აქვს.
არბიტრაჟის მნიშვნელობა სტუმარი: ლაშა ნოდია - "ნოდია ურუმაშვილი და პარტნიორების" მმართველი 26.11.2018
დღეს თბილისში ატმოსფერული ჰაერის, წყლისა და ნიადაგის ანალიზის ლაბორატორია იხსნება, რომელიც გასული საუკუნის 60-იანი წლებიდან გარემოს ხარისხობრივი მდგომარეობის მონიტორინგს ახორციელებს და უნიკალური მონაცემთა ბაზები გააჩნია. წინასწარი ინფორმაციით, გარემოს დაბინძურების მონიტორინგის სფეროს გაფართოების მიზნით, ლაბორატორიაში უახლესი მეთოდოლოგიების დანერგვა იგეგმება, რაც ევროკავშირის შესაბამისი ჩარჩო დირექტივებით გათვალისწინებული ახალი პარამეტრების განსაზღვრას გულისხმობს. რა შესაძლებლობას იძლევა ახალი ლაბორატორია? სტუმარი: ელენე ბაქრაძე - გარემოს ეროვნული სააგენტოს ატმოსფერული ჰაერის, ნიადაგის და წყლის ანალიზის ლაბორატორიის უფროსი 26.11.2018
„მცირე და საშუალო ბიზნესის გამოწვევები და განვითარების პერსპექტივები“ - ამ თემაზე ხვალ კერძო-საჯარო ფორმატის დისკუსია ჰოლიდეი ინში შედგება, რომელიც ევროკავშირის მიერ დაფინანსებული პროექტის „სამოქალაქო საზოგადოება - მცირე და საშუალო ბიზნესის და ევროკავშირთან თავისუფალი ვაჭრობის მხარდასაჭერად“ ფარგლებში იმართება. შეხვედრაზე მისულებს შესაძლებლობა ექნებათ, საქართველოს 5 რეგიონში რეგიონული არასამთავრობო ორგანიზაციების ავტორობით შემუშავებული 30 კვლევის ძირითადი მიგნებები და საჯარო-კერძო დისკუსიის ფორმატის საფუძველზე გამოკვეთილი რეკომენდაციები გაიცნონ. სტუმრები: კრისტიან გესელი - საერთაშორისო ექსპერტი; ირინა გურული - ეკონომიკური პოლიტიკის კვლევის ცენტრის პროგრამების მენეჯერი; 26.11.2018
რუსთავის ბიუჯეტის პროექტის მიხედვით, 2019 წელს, სხვადასხვა ააიპ-ის თანამშრომლებისთვის ხელფასების გაზრდა იგეგმება. "ინფო რუსთავი"-ს ინფორმაციით 2019 წლიდან ხელფასები 10%-15% გაეზრდებათ: ბიბლიოთეკარებს, მუზეუმის, შშმ პირების ცენტრის და ჯანდაცვის სამსახურის თანამშრომლებს. მერიის საფინანსო-საბიუჯეტო სამსახურის ხელმძღვანელის მოვალეობის შემსრულებელის, ლევან კავთიაშვილის თქმით, ხელფასები მოემატება მხოლოდ იმ თანამშრომლებს ვინც ზემოთ აღნიშნულ სამსახურებში მიზერულ ანაზრაურებას იღებდა. 26.11.2018
ჯერჯერობით ნარჩენების სეპარაცია ადამიანის კეთილ ნებასა და მოქალაქეობრივი პასუხისმგებლობის ხარისხზეა დამოკიდებული, თუმცა, 2019 წლიდან, ნარჩენების დახარისხება სავალდებულო იქნება. 2014 წელს დამტკიცდა საქართველოს კანონი – ნარჩენების მართვის კოდექსი, რომელიც შესაბამისობაშია ევროკავშირთან ასოცირების ხელშეკრულების მოთხოვნებთან. კოდექსის თანახმად, 2019 წლიდან ქვეყნის ყველა მუნიციპალიტეტმა უნდა უზრუნველყოს მუნიციპალური ნარჩენების სეპარირებული შეგროვების სისტემების ეტაპობრივი დანერგვა და გამართული ფუნქციონირება. პირად პასუხისმგებლობასთან ერთად მნიშვნელოვანი ამ ნაწილში ბიზნესის პასუხისმგებლობაა რომელსაც საკუთარი საქმიანობის კანონთან თავსებადობისათვის საკმაოდ ხარჯიანი და მასშტაბური გადალაგება დაჭირდება. სტუმარი: გივი კალანდაძე - ააიპ "ჯორჯია პლასი"; თავმჯდომარე 26.11.2018
კომპანია m²-მა სამშენებლო კოლეჯი, „კონსტრუქტ2“ გახსნა. ღონისძიებას m²-ის, „ბკ ქონსთრაქშენის“, ადგილობრივი სახელმწიფო სტრუქტურებისა და მედიის წარმომადგენლები ესწრებოდნენ. პროექტის იდეა კი, სამშენებლო სფეროს პროფესიონალი კადრებით შევსებისა და დასაქმების ხელშეწყობას უკავშირდება. რა პროფესიების ათვისება იქნება შესაძლებელი კონსტრუქტორში და როდიდან დაიწყებენ სწავლას დაინტერესებული პირები? 26.11.2018
ეკო ტურიზმის განვითარებისთვის ერთი ასეთი კომპანია, ეკო ტურს ჯორჯია შეიქმნა, რომელიც ყოველკვირეულად სთავაზობს მოგზაურებს ტურებს. დაახლოებით 10 დღიანი ტურები, რომელსაც ეკო ტურსი გვთავაზობს, არ არის ჩვეულებრივ სანახაობრივი. ტურის განმავლობაში თქვენ შეიძლება ისეთ ცხოველებსა და ფრინველებს გადააწყდეთ, როგორიცაა დათვი, მგელი, არწივი, ორბი და სხვა. სტუმრები: გიორგი რაჯებაშვილი - "ეკო ტური" დამფუძნებელი; ზურა ჯავახიშვილი - "ეკო ტური" დამფუძნებელი 26.11.2018
მდიდარი ქვეყნების ღარიბი მოსახლეობა 26.11.2018
შავი პარასკევი ერთადერთი დღე წელიწადში, როცა კომპანიები ყველაზე ხელსაყრელ ფასებს სთავაზობენ მომხამრებლებს. ამ დღისთვის, მთელ დანარჩენ მსოფლიოსთან ერთად რა თქმა უნდა სქართველოც ემზადება. საქმიანი დილა ტექნიკის მაღაზიათა ქსელს, ზუმერს ესტუმრა. რა შეთავაზებები აქვს კომპანიას თავისი მომხმარებლისთვის? სტუმარი: ეთო მერებაშვილი - ზუმერის მარკეტინგის დეპარტამენტის უფროსი 23.11.2018
“წინა ხელისუფლებასთან შედარებით, ეკონომიკაში მინიმუმ ორჯერ არის ტემპი გაზრდილი ყველა მიმართულებით. “ - ამ განცხადების ავტორი პარტია ქართული ოცნება დემოკრატიული თავმჯდომარეა, რომელმაც ეს შეფასება 23 ოქტომბერს სამი ტელეკომპანიის ჟურნალისტთან შეხვედრისას გააკეთა. ფაქტ-მეტრმა ამ განცხადების სიზუსტე რამდენიმე სექტორში არსებული მონაცემების გაანალიზებით გადაწყვიტა. მათ შორის არის მთლიანი შიდა პროდუქტი (მშპ) და მისი ზრდის ტემპი; მშპ ერთ სულ მოსახლეზე; დასაქმება და ხელფასები; სიღარიბის მაჩვენებლები; ვალუტის კურსი; ეროვნული დანაზოგები; ფასები და ინფლაცია; ინვესტიციები; საგარეო ვაჭრობა; ბიუჯეტი; სახელმწიფოს ვალი; ტურიზმი და სოფლის მეურნეობა. სტუმრები: ვახტანგ დემურია - FactCheck-ის ანალიტიკოსი; ვერიკო სუხიაშვილი - FactCheck-ის ანალიტიკოსი; ეგნატე შამუგია - FactCheck-ის ანალიტიკოსი 23.11.2018
ახელმწიფო პროგრამას “აწარმოე საქართველოში” ახალი კომპონენტი “აწარმოე უკეტესი მომავლისათვის” დაემატება, რაც გამყოფი ხაზების გასწვრივ ვაჭრობის წახალისებისთვის შეიქმნა. ამ ინიციატივამ წინასწარი გეგმით სავაჭრო ურთიერთობები იმგვარად უნდა წაახალისოს, რომ ოკუპირებული რეგიონების გამყოფ ხაზებთან მცხოვრები ადამიანებისათვის ეკონომიკური საქმიანობა უფრო აქტიური გახადოს და საქართველსო საზღვრებს მიღმა პროდუქციის გაყიდვა წაახალისოს. პროგრამის ბენეფიციარები შეუძლია გახდეს აფხაზეთის ავტონომიურ რესპუბლიკაში ან ცხინვალის რეგიონში აგრეთვე საქართველოს კონტროლირებად ტერიტორიაზე ლეგიტიმურად მცხოვრები 18 წელს მიღწეული საქართველოს მოქალაქე ფიზიკური პირი ან რეგისტრირებული მეწარმე სუბიექტი. რა შესაძლებლობით შეუძლიათ ისარგებლონ ოკუპირებული რეგიონების გამუოფ ხაზთან მცხოვრებმა მოსახლეებმა? სტუმარი: ქეთევან ციხელაშვილი - საქართველოს სახელმწიფო მინისტრი შერიგებისა და სამოქალაქო თანასწორობის საკითხებში 23.11.2018
„თბილისის კომუნიკაციის სკოლაში “სტრატეგიული კომუნიკაციის“ პროგრამაზე სტუდენტთა მიღება დაიწყო. სკოლის სასწავლო პროგრამა ექვსი თვის განმავლობაში 80 შეხვედრის გამართვას ითვალისწინებს. კომუნიკაციის სფეროში წარმატებული სპეციალისტები პრაქტიკაში გამოცდილ ცოდნას გადასცემენ სტუდენტებს და დეტალურად შეასწავლიან ყველა იმ მარკეტინგულ ინსტრუმენტს, რომელიც პროფესიული ცხოვრების ნებისმიერ ეტაპზე გამოადგებათ. სტრატეგიული კომუნიკაციის კურსში ჩაერთვებიან უცხოეთიდან მოწვეული პროფესიონალები. მათი ლექციები საერთო კურსშია ინტეგრირებული. ისინი აუდიტორიას საერთაშორისო გამოცდილებას გაანდობენ და უფრო მასშტაბური სურათის დანახვაში დაეხმარებიან. ლექტორთა შორის იქნება ჯენიფერ ვონგი, რომელიც ამერიკულმა „Forbes”-მა 30 წლამდელ საუკეთესო მარკეტერთა სიაში მოახვედრა. იგი მილიარდად შეფასებული სტარტაპის Convoy-ს მარკეტინგის ხელმძღვანელია. სტუმარი: ლევან გომშიაშვილი - „თბილისის კომუნიკაციის სკოლა", აღმასრულებელი დირექტორი 23.11.2018
თბილისს კიდევ ერთი კვების ობიექტი შეემატა, რომელიც ფესვებს აფხაზეთში იღებს და ქართული სულისკვეთებით ევროპაში გვამოგზაურებს. “პელაგონი” ეს ევროპული ტიპის რეატორანია, სადაც სტუმრებს გარდა ორიგინალური დიზაინისა და განსხვავებული კერძებისა, ცოცხალი, თანამედროვე და კლასიკური მუსიკის მოსმენის შესაძლებლობა ექნებათ.
სტუმრები: მიხეილ მესტვირიშვილი - შპს "ჯეო მულჩის" დამფუძნებელი, დირექტორი; ანა ცხადაძე - შპს "ჯეო მულჩის" საზოგადოებასთან ურთიერთობის სამსახურის ხელმძღვანელი 23.11.2018
2019 წელს მაღლივის მიმდებარე ტერიტორიაზე ახალი სტუდენტური ქალაქის მშენებლობა იგეგმება. სამინისტროში აცხადებენ, რომ პროექტს სრულად კერძო სექტორი განახორციელებს და ის 3000 სტუდენტზე იქნება გათვლილი. როდიდან დაიწყება სამუშაოები და ვის ექნება სტუდქალაქში ცხოვრების შესაძლებლობა? 23.11.2018
ქუთაისში, "ტორპედოს" სტადიონის წინ არსებულ მშვიდობის მოედანზე "მშვიდობის ბურთის" მონუმენტი დამონტაჟდება. ქუთაისი პოსტის ინფორმაციით, ბურთის სიმაღლე 2,5 მეტრი იქნება, რომელიც მოქანდაკე გიორგი კიკვიძემ დაამზადა. მისივე ინფორმაციით, მონუმენტი მზადაა, თუმცა მისი დადგმისთვის კარგ ამინდს ელოდებიან. მშვიდობის ბურთის მონუმენტი მოქალაქე ბესიკ ადამიას ინიციატივაა, რომელიც მის დადგმას ჯერ კიდევ 2017 წელს ითხოვდა. როგორც ქუთაისის მერიაში განმარტავენ, "მშვიდობის ბურთის" მონუმენტის დამზადებისთვის ქუთაისის მერიის ბიუჯეტიდან 16 500 ლარი დაიხარჯა. ქუთაისის მერიის ინფრასტრუქტურის სამსახურის უფროსი სპეციალისტი დავით სინაურიძე ამბობს, რომ "მშვიდობის ბურთის" მონუმენტი ქუთაისისთვის მშვიდობის სიმბოლო იქნება, ამიტომ ბურთზე სიტყვა მშვიდობა – სხვადასხვა ენაზე იქნება დაწერილი. 23.11.2018