ქუთაისი პოსტის ინფორმაციით, ადგილობრივი ხელისუფლების მიერ დაანონსებული მასშტაბური ინფარსტრუქტურული პროექტები, 2019 წელს, სავარაუდოდ, ვერ განხორციელდება. გაპონოვის ქუჩისა და ბალახვნის კიბეების რეაბილიტაციისთვის, ქუთაისის მერიამ, მომავალი წლის ბიუჯეტის პროექტში თანხები არ გაითვალისწინა. პროექტის მიხედვით, 2019 წელს არ მოხდება არც ბოტანიკური ბაღიდან წმინდა გიორგის ეკლესიასთან დამაკავშირებელი საფეხმავლო ხიდის მშენებლობა. რაც შეეხება ქუთაისის მერის, გიორგი ჭიღვარიას ერთ–ერთ მთავარ დაპირებას, რიონისპირა სახლების რეაბილიტაციის შესახებ, როგორც ირკვევა მერიას პროექტისთვის საჭირო ხარჯებიც კი არ დაუთვლია. ქუთაისის მერიაში არ უარყოფენ, რომ კონკრეტულად ამ პროექტებისთვის თანხები მობილიზებული არ არის. მერიის საფინანსო სამსახურის უფროსი, დავით ნიშნიანიძე ამბობს, რომ ბიუჯეტის პროექტში ტურისტული ინფრასტრუქტურისთვის 800 000 ლარია გათვალისწინებული. მისივე თქმით, ბალახვის კიბეების რეაბილიტაცია ტექნიკური დეტალების გამო ვერ მოხერხდა. კონკრეტულად, ტერიტორიის ნაწილი, სადაც ინფრასტრუქტურა უნდა მოეწყოს, ეკონომიკის სამინისტროს ბალანსზეა და მისი გადმოცემა ქალაქისთვის ამ დრომდე არ მომხდარა. რაც შეეხება რიონისპირა სახლებს, ნიშნიანიძის თქმით, ამ დრომდე პროექტის დაფინანსებაზეც კი არ არის ოფიციალურად გადაწყვეტილება მიღებული.
ჩანთებისა და აქსესუარების მწარმოებელი გეფერინი მომხმარებლისთვისაც კარგად ნაცნობი და დაფასებული ბრენდია. კომონია რომელიც წლის განმავლობაში უცხოეთში 4 ბრენდული მაღაზიის გახსნას ისახავს მიზნად არც ხარისხს არც ამბიციებს და არც წარმატებას უჩივის. სტუმარი: ილია გეფერიძე - "გეფერინი - Gepherrini", დამფუძნებელი 21.11.2018
"ვენდის” ამერიკულ რესტორნებში ყველასათვის მონატრებული პრეტცელ ბურგერი დაბრუნდა. როგორც კომპანიაში განმარტავენ, "პრეტცელის ფაფუკი პური სპეციალურად ამ ბურგერისთვის განსხვავებული რეცეპტით მზადდება და განსაკუთრებულად ფაფუკი და გემრიელია. პრეტცელ ბურგერი პირველად 2014 წლის დეკემბერში გაასინჯა „ვენდიმ“ ერთგულს მომხმარებელს და მათივე მოთხოვნის საფუძველზე დააბრუნა ამერიკული რესტორნების ქსელმა ბურგერი მენიუს დროებით წევრად. 21.11.2018
მსოფლიოში წამყვანი ბიზნეს გამოცემის ქართული სახლი მკითხველს Shift Technologie-სა და ჯადოსნური ტაქსის დღეისთვის CURB-ის დამფუძნებელს ჯორჯ არისონს გვაცნობს. 21.11.2018
მთავრობის გადაწყვეტილებით, 600 000-ზე მეტ მოქალაქეს, ვადაგადაცილებული საბანკო დავალიანება გაუნულდება. საუბარია იმ პირებზე, რომელთა სესხის ძირი თანხა 2000 ლარს არ აღემატება. საუბარია 1.5 მლრდ ლარის ჯამური ღირებულების უიმედო სესებზე. ინიციატივას სრულად „ფონდი ქართუ“ დააფინანსებს. ვალების განულების პროცესი 15 დეკემბერს დაიწყება და 31 დეკემბერს დასრულდება. სტუმარი: ალექსანდრე გომიაშვილი - “კრედიტინფო საქართველო”, გენერალური დირექტორი 20.11.2018
რამდენიმე კვირის წინ საქართველოში პირველი მაღაზიათა ბიზნეს ასოციაცია შეიქმნა, რომლის მთავარი მიზანი სექტორის პრობლემების განხილვა და მათი გადაჭრა იქნება. ამ სტიუდიაში მირებული პირობით ამ ასოციაციის წევრები შემართებით და ენთუზიაზმით რამდენიმე საკითხს ასახელებდნენ რომელთან დაკავშირებითაც ადვოკატიირების დაწყებას აპირებენ. რა ხდება ახლად დაფუძნებულ ასოციაციაში? სტუმრები: ბექა მიდელაური - მაღაზიათა ასოციაციის აღმასრულებელი დირექტორი; ირაკლი კლდიაშვილი - KK&Partners; ის პარტნიორი; თამარ მიქელაძე - "ახალი მარკეტის" დამფუძნებელი 20.11.2018
გალფ ექსპრესის რიგით მეორე ობიექტი უკვე გაიხსნა რომელიც მომხმარებლებს ძრავის ზეთების სრულ ასორტიმენტსა და სხვადასხვა მომსახურებას სთავაზობს. სად მდებარეობს ახალი ობიექტი, რას სთავაზობს მომხმარებლებს და რას გეგმავს კომპანია უახლოეს მომავალში? 20.11.2018
შემოდგომის ბოლოსთვის იმერეთის, სამეგრელოს, გურიისა და აჭარის რეგიონებში სახელმწიფოს მიერ თერმული ნისლის ტექნოლოგიითა და ცივი შესხურების მეთოდით 700 ათას ჰექტარიამდე ფართობია დამუშავებული. აზიურ ფაროსანასთან ბრძოლის პროცესი გრძელდება. ტემპერატურის კლებასთან ერთად მავნებელის გამოზამთრება იწყება. თუმცა ახლა ის დროა როცა ყველა ამ რეგიონში ფაროსანას შედეგებს ციტრუსის მოსავალზე გრძნობენ. სტუმარი: ნიკა მესხი - სურსათის ეროვნული სააგენტოს მცენარეთა დელარტამენტის უფროსი 20.11.2018
სოფლის მეურნეობის სამინისტროს ინფორმაციით 2018 წლის ნარინჯისფერი რთველის შედეგები ნოემბრის პირველი ორი კვირის შედეგებით, მანდარინის ექსპორტმა 610 ტონას მიაღწია. გარემოს დაცვისა და სოფლის მეურნეობის სამინისტროს მონაცემებით ციტრუსის ექსპორტის წლევანდელი მაჩვენებელი შარშანდელ ანალოგიურ პერიოდის მონაცემებს 6-ჯერ აღემატება. ჯამურად სექტემბრიდან ნოემბრის 11 მდე მონაცემებს თუ დავითვლით, ჩვენი ინფორმაციით ექპორტი 718 ტონამდეა. სტუმარი: ტიტე აროშიძე - აჭარის ავტონომიური რესპუბლიკის სოფლის მეურნეობის მინისტრი 20.11.2018
ქუთაისი დიდი სიახლეებისავის ემზადება. 2019 წელს დაგეგმილი სამუშაოების შედეგად რიონის სანაპიროზე, ისტორიულ უბანში განლაგებული მე-19 საუკუნის ნაგებობების რეაბილიტაცია და ქუთაისის დავით კაკაბაძის სახელობის სახვითი ხელოვნების გალერეას რეკონსტრუქცია-რეაბილიტაცია მოხდება. ეს გალერეა 1976 წელს დაარსდა და მასში დაცულია ფერწერული, გრაფიკული, სკულპტურული, გამოყენებითი ხელოვნების ნიმუშები. გალერეის ოქროს ფონდში 3000-მდე, მათ შორის, კულტურული მემკვიდრეობის ძეგლის სტატუსის მქონე 18 ექსპონატი ინახება. სტუმარი: გიორგი შენგელია - მუნიციპალური განვითარების ფონდის აღმასრულებელი დირექტორი 20.11.2018
2018 წელი თეგეტა მოტორსისა და Bridgestone-ის თანამშრომლობის საიუბილეო მე-20 წელია. სწორედ 20 წლის წინ, 1998 წელს დაიწყო ქვეყნის საავტომობილო სფეროში ერთ-ერთი ყველაზე წარმატებული თანამშრომლობის ისტორია მსოფლიოს ყველაზე დიდ საბურავების მწარმოებელ ბრენდსა და თეგეტა მოტორს შორის. საიუბილეო თარიღი კომპანიებმა ახალი ურთიერთთანამშრომლობის მემორანდუმითა და დაჯილდოების ცერემონიალით აღნიშნეს. 20.11.2018
საქართველოს სავაჭრო - სამრეწველო პალატის პრეზიდენტი ნინო ჩიქოვანი და სასოფლო-სამეურნეო კოოპერატივების სააგენტოს თავმჯდომარე გიორგი მიშელაძე დღეს იმერეთში მეწარმეებს შეხვდნენ. ეს შეხვედრა სამრეწველო პალატის ახალი კამპანიის ,"გაეცანი წარმოებას", ფარგლებში გაიმართა. სტუმრებმა თავდაპირველად მეფუტკრეების პრობლემები მოისმინეს. გიორგი მიშელაძის თქმით, მნიშვნელოვანია იმ მიზეზის გამოვლენა, რის გამოც მეწარმეები დაზარალდნენ, რათა სახელმწიფომ შესაბამისი ზომები მიიღოს და დახმარება აღმოუჩინოს. დღესვე სავაჭრო-სამრეწველო პალატის პრეზიდენტი ნინო ჩიქოვანი ქუთაისში მდებარე საწარმო "ემჯიემტექსს" ესტუმრა."ემჯიმემტექსი" ტექსტილის და ტანისამოსის მწარმოებელი საწარმოა, რომელსაც საკუთარი ნაწარმი ექსპორტზე რამდენიმე ქვეყანაში გააქვს. აქ ამ ეტაპზე 250 ადგილობრივია დასაქმებული. აღნიშნული საწარმო ქართულ-რუმინული ინვესტიციაა,რომელიც სამი მილიონი ლარით დაფინანსდა. კამპანიის "გაეცანი წარმოებას"ძირითადი მიზანი ადგილობრივი პროდუქციის პოპულარიზაცია და საქათველოში მოქმედი საწარმოების საქმიანობის საზოგადოებისთვის გაცნობაა. სავაჭრო-სამრეწველო პალატის წარმომადგენლები კამპანიის ფარგლებში საქართველოს სხვადასხვა რეგიონებში ბიზნეს სექტორისთვის აქტუალურ პრობლემატიკას გაეცნობიან. 20.11.2018
გორის საკრებულოში 2019 წლის ბიუჯეტის პროექტი განიხილეს. მომავალი წლის ბიუჯეტი მუნიციპალიტეტში 39 109 ათ. ლარით განისაზღვრა. მათ შორის: გადასახადები შეადგენს - 38559.0 ლარს, რომელიც თავის მხრივ შედგება დამატებითი ღირებულების გადასახადის - 28511,0 ლარისა და ქონების გადასახადის - 4600,0 ათასი ლარისაგან. გრანტებიდან მიღებული თანხა შეადგენს - 1424,6 ათას ლარს, აქედან საქართველოს მთავრობიდან მიღებულ ტრანსფერი შეადგენს - 303,0 ათასი ლარის, ხოლო სხვა ქვეყნებიდან მიღებული გრანტი - 1121,6 ათ. ლარს. სხვა შემოსავლები შეადგენს - 4023,4 ათ ლარს, ხოლო არაფინანსური აქტივების კლება - 550,0 ათ. ლარის. 20.11.2018
მეორადი საბურავების გადამამუშავებელი კომპანია "თიერსი". ამ კომპანიაში უვარგისი, მეორადი საბურავების გადამუშავების შედეგად მიღებული საქონელი მულტიფუნქციური სპორტული მოედნებისა და მოდერნიზებული ასფალტის წარმოებისათვის გამოიყენება. ერთი მხრივ გარემო დაცვაზე ზრუნვა ირიბად ჯანმრთელი ცხოვრების ხელშეწყობის კიდევ ერთი წყარო ხდება. კომპანია "თიერსი" თიბისი ბანკის ბიზნეს დაჯილდოება 2018-ის ფინალისტია ნომინაციაში „წლის სტარტაპი“. სტუმარი: ზურაბ ბაზღაძე -კომპანია “თი არ სი” დირექტორი 20.11.2018
რა მნიშვნელობა აქვს ამერიკაში საკრედიტო ისტორიას, როგორ ანგარიშდება საკრედიტო რეიტინგი და რა გავლენა აქვს მის მაჩვენებელს ადამიანის ყოველდღიურ ცხოვრებაზე. მაგალითად, თუ ამერიკაში ცხოვრობთ და თქვენი საკრედიტო რეიტინგი დაბალია ამან, შესაძლოა, ცუდი გავლენა იქონიოს დამსაქმებელთან თქვენს ურთიერთობაზეც კი. როგორ ანგარიშდება საკრედიტო ქულები და როგორ მუშაობს ამ მხრივ ამერიკული საბანკო სისტემა. საკრედიტო ისტორიის თავისებურებებზე, „ამერიკის ხმა“, “Bank of China” -ს ნიუ-იორკის ფილიალის, ქართველ თანამშრომელს ესაუბრა. 20.11.2018
სავაჭრო მექად წოდებულ ქუჩებზე უანდა გიამბოთ. ამ ქუჩებში მრავალ სავაჭრო ობიექტს შეხვდებით და ისინი ყოველდღიურად შოპინგის მრავალ მოყვარულს იზიდავს. შესაბამისად, ამ ქალაქებისთვის შემოსავლის მნიშვნელოვან წყაროს წარმოადგენს. Cushman & Wakefield-ის რეიტინგში მთლიანობაში 46 ყველაზე შემოსავლიანი ქუჩა მოხვდა. რომელი ქალაქების ქუჩებმა დაიმსახურეს ყველაზე შემოსავლიანის სტატუსი?
ბიზნეს სექტორი მძიმე, მავნე და საშიშპირობებიან სამუშაოებზე მუშაობის პერიოდში დასაქმებული ადამიანების უბედური შემთხვევის საკუთარი ხარჯებით დაზღვევასთან დაკავშირებით, კანონში დამატებითი ჩანაწერების გაკეთებას ითხოვს. სადაზღვეო კომპანიების წარმომადგენლები ლიმიტების დაწესებას, დამსაქმებლები კი კანონის გადადებას ითხოვენ. 19.11.2018
ფიზიკური პირების დაკრედიტების რეგულირება სტუმარი: ირაკლი აბაშიძე - "ფინკა ბანკი საქართველო", საკრედიტო დეპარტამენტის უფროსი 19.11.2018
სტუმარი: გიორგი მიქაუტაძე - იუსტიციის უმაღლესი საბჭოს თავმჯდომარე 19.11.2018
პლასტიკის, როგორც შესაფუთი და გადასაზიდი საშუალების მუყაოთი და ქაღალდით ჩანაცვლება მსოფლიოს ერთ ერთი მნიშვნელოვანი გამოწვევაა. განვითარებული ქვეყნები ცდილობენ და ჩვენც ვცდილობთ შევუერთდეთ მას ამ ფერხულში, რომ ეკოლოგიურად სუფთა ბიოდეგრადირებადი პროდუქტით ჩავანაცვლოთ ის პლასტიკის ნაწარმი, რომელიც საუკუუნების განმავლობაში არ იშლება. 2016 წელს ორი კომპანია გაერთიანდა და შეიქმნა ფაბრიკა 1900 რომელმაც მიზნად ევროსტანდარტის მქონე პროდუქტის ადგილობრივი წარმოება დაისახა. სტუმარი: ლერი ქისიშვილი - Fabrica 1900, გაყიდვების განყოფილების უფროსი 19.11.2018
სტუმარი: ტარიელ ზივზივაძე - kar.ge-ს დამფუძნებელი 19.11.2018
რისთვის ჩამოდიან და რას ხარჯავენ ტურისტები? სტუმარი: შალვა ალავერდაშვილი - „სასტუმროებისა და რესტორნების ფედერაციის" დამფუძნებელი 19.11.2018
ზესტაფონში „m² უძრავი ქონების“ სამშენებლო კოლეჯი „კონსტრუქტ2“-ის მშენებლობის პროცესი დასკვნით ეტაპზეა. პროექტის იდეა სამშენებლო სფეროს პროფესიონალი კადრებით შევსებისა და დასაქმების ხელშეწყობას უკავშირდება. “კონსტრუქტ2” საქართველოს განათლების, მეცნიერების, კულტურისა და სპორტის სამინისტროსა და დეველოპერული კომპანია “m2 უძრავი ქონების” საერთო პროექტია, რომლის სრული საინვესტიციო ღირებულება 3 მილიონი ლარია. 11 მოკლევადიანი პროფესიული პროგრამით კოლეჯი 600-მდე სერტიფიცირებულ სპეციალისტს, ხოლო სახელმწიფო პროგრამით კი, დიპლომირებულ შრომის უსაფრთხოებისა და გარემოსდაცვითი ტექნოლოგიების სპეციელისტებს მოამზადებს ყოველწლიურად. პროექტის ფარგლებში კოლეჯი 50- მდე აკადემიურ და 30 - მდე ადმინისტრაციულ კადრს დაასაქმებს. 19.11.2018
ფინანსური განათლება საქართველოსთვის მნიშვნელოვანი გამოწვევაა. ამ გამოწვევის საპასუხო ნაბიჯად ეროვნულმა ბანკმა მიმდინარე წელი ფინანსური განათლების წლად გამოაცხადა. სწორედ ამის ფარგლებში ეროვნული ბანკის, გერმანული შემნახველი ბანკების ფონდისა და „კინგსი - საქართველოს“ ერთობლივი პროექტით, კინგსის მათემატიკის სასკოლო ოლიმპიადაში ფინანსური განათლების კომპონენტი ჩართეს. მუშაობს კინგსის ონლაინ პლატფორმა lupi.ge რომლითაც, მოსწავლეებს აქვთ შესაძლებლობა აკეთონ ამოცანები, ივარჯიშონ და ისწავლონ მათემატიკასთან ერთად უკვე ფინანსური განათლების მიმართულებითაც. კინგსის სასკოლო ოლიმპიადა II-XII კლასელთათვის განკუთვნილი საგანმანათლებლო პროგრამაა, რომელშიც სასწავლო წლის განმავლობაში საქართველოს მასშტაბით უკვე 64 მუნიციპალიტეტი და 150,000-ზე მეტი ბავშვია ჩართული. ეს კი იმას ნიშნავს, რომ ამდენივე ბავშვი ფინანსური გაანთლების ელემენტებს ეცნობიან. სტუმრები: დავით გვეტაძე, “კინგსი”, პროექტების მენეჯერი; ლაშა გზირიშვილი, სებ-ის მომხმარებელთა უფლებების დაცვის და ფინანსური განათლების დეპარტამენტის უფროსი; სალომე მოისწრაფიშვილი, გერმანული შემნახველი ბანკების ფონდის ადგილობრივი წარმომადგენელი 1911.2018
რუსთავი ინფოს ინფორმაციით, სპორტული კომპლექსი სარაგბო სტადიონის მიმდებარედ აღმაშენებლის გამზირზე აშენდება. პროექტით გათვალისწინებულია შეზღუდული შესაძლებლობის მქონე პირთათვის შენობის ადაპტაციის ღონისძიებები, ასევე საერთაშორისო ფედერაციების სტანდარტები დარბაზში მაყურებელთა დასაჯდომი ტრიბუნებისთვის (მათ შორის ოფიციალური ტექნიკური პერსონალის განთავსების ადგილი), სპორტსმენთა, მწვრთნელთა და მსაჯთა გასახდელებისა და სველი წერტილებისთვის საჭირო სივრცეები, კვების ობიექტებისთვის საჭირო ნორმები, მაყურებელთა განტვირთვის სქემები და სხვა. 19.11.2018
გამყოფი ხაზის მიმდებარე სოფელ საკორინთლოში ახალი გზის მშენებლობა თითქმის დასრულებულია, თუმცა პრობლემ ამ დრომდე სანახევროდ შესრულებული სამუშაოა. გზა მისი ნაკვეთის სიახლოვესაც გაფართოვეს. თუმცა, ადგილი, სადაც მიწის ფენა მოაცალეს, გასამაგრებელი დატოვეს: პროექტის მიხედვით, ფერდობის გასამაგრებლად სამუშაოები გათვალისწინებული არაა. ქართლი ჯის ინფორმაციით, კომპანია ,,იბოლიამ" სამუშაოები დეკემბერში უნდა დაასრულოს. 19.11.2018
საქართველოს საფონდო ბირჟის კვირის მიმოხილვა
გიორგი ქობულია საქართველოს ეკონომიკის მინისტრად მიმდინარე წლის 12 ივლისს დაინიშნა. მიუხედავად იმისა, რომ მისი სამუშაო გამოცდილება ძალიან ბევრ და მნიშვნელოვან პოზიციებზე ყოფნას ითვლის, ის საქართველოსთვის სრულიად ახალი პერსონა იყო და მედიის მხრიდან რა თქმა უნდა განსაკუთრებით დიდი იყო ინტერესი თავიდანვე მისი და მისი ხედვების მიმართ. გასული პერიოდის განმავლობაში ივლისიდან დღემდე ეკონომიკისა და მდგრადი განვითარების მინისტრის არაერთი განცხადება და შეფასება მოგვისმენია. რიგ შემთხვევებში ხედვებზეც ისაუბრა, სხვათა შორის მასზე იმის თქმა რომ მედიას არ წყალობს რთულია. სტუმარი: გიორგი ქობულია - საქართველოს ეკონომიკის და მდგრადი განვითარების მინისტრი 16.11.2018
ერთი წლის განმავლობაში ჯამში 140 კმ-ზე მეტი წყალმომარაგების სისტემის ცვლილება. ასეთია კომპანია ჯივიპის 2018 წლის გეგმა და იმედი მაქვს რომ რიცხვებში არ ვცდები. ფაქტია რთულია სრულად ყველა პროექტზე თვალის მიდევნება როცა წლის გეგმა საკმაოდ დიდ მასშტაბებს წვდება. სულ რამდენიმე დღის წინანადელი ანგარიშით, კომპანიამ განაცხადა რომ 13 კილომერიანი მაგისტრალური სამუშაოები კახეთის გზატკეცილზე სრულდება, რა დროსაც სრულად შეიცვალა წყალსადენის ქსელი და მონტაჟდება ევროსტანდარტის ჩამკეტ-მარეგულირებელი ურდულები და ამისთვის 4 მილიონამდე ლარის ინვესტიცია იყო განხორციელებული. სტუმრები: ლუკა ჩაჩიბაია - "GWP", ოპერაციების მართვის დირექტორი; გურამ ახვლედიანი - "GWP", ინვესტიციების მართვის დეპარტამენტის ხელმძღვანელი 16.11.2018
ფიზიკურ პირებზე სესხების გაცემის ახალი წესი მეორედ გადავადდა. ეროვნულმა ბანკმა საზოგადოებას განცხადებით განუმარტა, რომ საკუთარ გადაწყვეტილებაში საფინანსო სექტორის რეკომენდაციები გაითვალისწინეს. ცვლილებები განიცადა დებულების ბოლო ვერსიამაც. დაკრედიტების შეზღუდვასთან დაკავშირებული რეგულაციების განხილვებსა და კონსულტაციებში ბიზნესომბუდსმენის აპარატი ეროვნულ ბანკთან და ბიზნესსექტორთან ერთად ჩართული აქტიურად იყო. ირაკლი ლქვინაძე ამბობდა, რომ გონივრული იქნებოდა, სულ მცირე ერთთვიანი გადავადება, რათა დებულების იმპლემენტაციასთან დაკავშირებული ტექნიკური საკითხებიც გადაიჭრას და შინაარსობრივად დებულება მეტად ოპტიმალური გახდეს და შინაარსობრივ ნაწილში დაუახლოვდეს ბიზნესსექტორის მოთხოვნებს, ასევე უპასუხოს გამოწვევას, რაც ჭარბვალიანობას უკავშირდება. სტუმარი: ირაკლი ლექვინაძე - ბიზნესომბუდსმენი 16.11.2018
თიბისის მხარდაჭერით მოსწავლე გამომგონებელთა და მკვლევართა კონკურსის „ლეონარდო და ვინჩის“ ფინალი ჩატარდა. სამეცნიერო კვლევებისა და საინჟინრო მიმართულებებით წარმოდგენილი პროექტებიდან, 10 კაციანმა ჟიურიმ ჯამში 4 გამარჯვებული გამოავლინა. 16.11.2018
წინასაშობაო პერიოდი საკმაოდ დატვირთულია, განსაკუთრებით კი ამას ტურისტული კომპანიები გრძნობენ, რადგან საშობაო აქციებით, ფასდაკლებებით და ახალ-ახალი შეთავაზებებით მუდმივად გვანებივრებენ. სტუმრები: ია ლომიძე - "IRC Tour" - ტურ-მენეჯერი; ნიკა სირაძე - "IRC Tour" - ტურისტული დეპარტამენტის უფროსი 16.11.2018
ქუთაისის 2019 წლის ბიუჯეტის პროექტი საკრებულოს განსახილველად გადაეგზავნება. ქალაქის მთავარი ფინანსური დოკუმენტის შესასწავლად დეპუტატებს ათდღიანი ვადა აქვთ, რის შემდეგაც შენიშვნების არსებობის შემთხვევაში პროექტს კვლავ მერიას დაუბრუნებენ. აღმასრულებელს კი შენიშვნების გასათვალისწინებლად ორკვირიანი ვადა ექნება. ბიუჯეტის პროექტი, საკრებულოს სხდომაზე დასამტკიცებლად მხოლოდ ამის შემდეგ გავა. ქუთაისი პოსტის ინფორმაციით, 2019 წლის ბიუჯეტში ორი მთავარი მიმართულება ინფრასტრუქტურა და სოციალური სფეროა. ბიუჯეტის მოცულობა 53 მილიონი ლარი იქნება.
Disney Studios, ABC Studios, Marvel Studios, Paramount pictures, HBO, Universal pictures და კიდევ არა ერთი სტუდია სულ მინიმუმ სრულადაა ინფორმირებული რომ საქართველოში ჩამოსულებს ბუნებირვად არსებული მრავალფეროვანი ლანდშაფტი და ისტორიული ადგილები დახვდებათ. რთული მისახვედრი არ არის რომ თითოეული კომპანიის ხელმძღვანელისთვის ძალიან მომხიბლავი ფაქტი იქნებოდა ის რომ სახელმწიფოს აქვს ე.წ “Cash Rebate” პროგრამა, რომელიც საქართველოში დახარჯული კვალიფიციური ხარჯების 20%-დან 25%-მდე დაბრუნებას ითვალისწინებს. სტუმარი: დავით ვაშაძე - ეროვნული კინოცენტრის საერთაშორისო ურთიერთობების დეპარტამენტის ხელმძღვანელი 15.11.2018
2022 წელს უკვე საუკუნის ისტორიის მქონე ტიტანიკი ახლიდან გაცურავს.
სტუმრები: ლიკა ქარდავა - PropertyGeorgia.ge, დამფუძნებელი და მმართველი; გიორგი შუკაკიძე - "ქოლიერს ინტერნეიშენალ ჯორჯიას" მიწების მიმართულების ხელმძღვანელი 15.11.2018
კომპანია „ოტო მოტორსს“ მათთვის, ვისაც დიზელის ძრავიანი ავტომობილი ჰყავს განსაკუთრებული სიახელე აქვს. რამდენიმე თვეა კომპანიაში თანამედროვე აპარატურით აღჭურვილი დიზელის ცენტრი ფუქნციონირებს, სადაც ყველა ტიპის ავტომობილის დიაგნოსტიკა და შეკეთება მიმდინარეობს. სტუმრები: ილია ხურცილავა - "ოტო მოტორსი", დირექტორი; შაქრო თავგორაშვილი - "ოტო მოტორსის დიზელის ცენტრი", ხელმძღვანელი 15.11.2018
„შრომის უსაფრთხოების შესახებ“ კანონის მიხედვით 2019 წლის 1-ლი იანვრიდან ბიზნესს მძიმე, მავნე და საშიშპირობებიან სამუშაოებზე მუშაობის პერიოდში დასაქმებული ადამიანების უბედური შემთხვევის საკუთარი ხარჯებით დაზღვევა მოუწევთ. გარდა ამისა, პარლამენტში შექმნილი სამუშაო ჯგუფი განიხილავს სავალდებულო დაზღვევის კომპონენტის ყველა სხვა კომპანიაზეც გავრცელებას, რომელიც არ მიეკუთვნება მომეტებული საფრთხის შემცველ სამუშაოს. ერთის მხრივ დამსაქმებლები სამუშაო ჯგუფის ამ ინიციატივას კატეგორიულად ეწინააღმდეგებიან და ამბობენ რომ არსებობს რისკი კერძო სექტორმა გაზრდილი ხარჯები დასაქმებულთა რაოდენობის ან მათი სახელფასო სარგოს შემცირების ხარჯზე დააკომპენსიროს. მეორეს მხრივ კი სადაზვეო სექტორი იანვირდან ასამოქმედებელი ვალდებულების დეტალურ განმარტებას ითხოვს. სადაზღვეო სექტორისათვის არსებობს რისკი, რომ დაუზუსტებელმა ჩანაწერმა უბრალოდ დაბალხარჯიანი და ზედაპირული პაკეტები გავრცელდეს, რაც რეალურად დაზღვევის გამოყენების შემთხვევაში ვერანაირ ხარჯს ვერ დაფარავს. კონსულტაციები ამ თემაზე სექტორის წარმომადგენლებისა და საკანონმდებლო ორგანოს წევრებს შორის დაწყებულია. სტუმარი: თინა სტამბოლიშვილი - "ჯიპიაი ჰოლდინგი", კომუნიკაციის დირექტორი 15.11.2018
რომელ მსხვილ კომპანიებს ირჩევენ ახალგაზრდები პრაქტიკის მისაღებად და სტაჟირების გასავლელად. რამდენია ანაზღაურება და რა სახის პროგრამებს სთავაზობენ სამსახურში მათ. Vault Internship Rankings-ის 2019 წლის რეიტინგი უკვე გამოქვეყნდა და ტოპ-10 უმსხვილესი კომპანია საუკეთესო სტაჟირების პროგრამით უკვე ცნობილია. 15.11.2018
წლების წინ როცა #საქმიანების დღევანდელი გმირი საქართველოს ფარგლებს გარეთ ოჯახთან ერთად საცხოვრებლად პირველად აღმოჩნდა ნოსტალგია იმდენად ძლიერი იყო რომ ცხოვრება გადაბმულად სიცხიანს უწევდა და სწორედ ეს გახდა ერთ ერთი მიზეზი უკან საქართველოში მალე დაბრუნებისა. მას შემდეგ საქართველოს ტერიტორია ბევრჯერ დატოვა და ამ სიარულ სიარულში კიდევ უფრო მეტი ისწავლა, მათ შორის იმ ქვეყანაზე რომელთან განშორებამაც ბავშვობაში ჯანმრთელობის პრობლემები შეუქმნა. მოკლედ სიარულის ტემპებს და მასშტაბებს არ უჩივის, მაგრამ ჩანთის ჩალაგებება ამოლაგების სერიებიდან ერთი მაინც განსაკუთრებული იყო. ერთ დღესაც ნოდარ ლატიბაშვილმა ფერმერობა გადაწყვიტა, თბილისიდან აიბარგა, საგარეჯოში გადაცხოვრდა და ნამჯის სახლის მშენებლობა დაიწყო. ფერმერის ეს გადაწყვეტილება ტურიზმისკენ ნაბიჯი გახდა. სახლი აშენებულია, თხილი და შვრია გაშენებული, ამ სეზონის ვენახის მოსავალი დაწურული, ძველი ქართული ჯიშის ხორბალი მოყვანილი და საქმიანების რუბრიკაში მის შესახებ ისტორიაც გადაღებული.
საქართველოში ნარინჯისფერი რთველი აქტიურ ფაზაში შედის. კერძოდ, 2017 წლის 1-11 ნოემბრის მაჩვენებლით, 55 ტონა იყო ექსპორტირებული, 2018 წელს კი ანალოგიურ პერიოდში, ექსპორტი 610 ტონას აღწევს. პიესნიუსი წერს, რომ ციტრუსის ექსპორტის წლევანდელი მაჩვენებელი შარშანდელ ანალოგიურ პერიოდის მონაცემებს 6-ჯერ აღემატება. 2018 წლის, 1 სექტემბრიდან 11 ნოემბრის ჩათვლით, ციტრუსის ექსპორტმა 718 ტონას მიაღწია, შარშან კი ანალოგიურ პერიოდში 106 ტონა იყო. პროდუქციის რეალიზაციის ძირითად ბაზრებად კვლავ რჩება რუსეთი, სომხეთი, უკრაინა და ყაზახეთი.
19-25 ნოემბერს თბილისში იტალიური სამზარეულოს მსოფლიო კვირეულით ბრუნდება.იტალიური სამზარეულოს მსოფლიო კვირეული წელს უკვე მესამედ იმართება და მისი მიზანია, ხელიიტალიური სამზარეულოსა და აგრო-სასურსათო პროდუქციის უცხოეთში პოპულარიზაციას და უკეთ წარმოჩენას შეუწყოს. მთელი კვირის განმავლობაში კვირეულში ჩართვის მსურველებს განსხვავებული მენიუ ელოდებათ. მენიუში რა თქმა უნდა მხოლოდ საჭმელი არ იგულისხმება. სტუმარი: ანტონიო ენრიკო ბარტოლი - იტალიის საგანგებო და სრულუფლებიანი ელჩი საქართველოში 15.11.2018
საერთაშორისო კომპანიამ Euromonitor International-ი, ახალი ანგარიში გამოქვეყნა, სადაც მსოფლიო ტურიზმის განვითარების პერსპექტივებია მოცემული. მათი პროგნოზების მიხედვით, მსოფლიოს სხვადასხვა ქვეყნებში ტურისტების რაოდენობა წელს 5%-ით გაიზრდება და 1,4 მილიარდს მიაღწევს. 15.11.2018