საქართველოს საფონდო ბირჟის კვირის მიმოხილვა
გიორგი ქობულია საქართველოს ეკონომიკის მინისტრად მიმდინარე წლის 12 ივლისს დაინიშნა. მიუხედავად იმისა, რომ მისი სამუშაო გამოცდილება ძალიან ბევრ და მნიშვნელოვან პოზიციებზე ყოფნას ითვლის, ის საქართველოსთვის სრულიად ახალი პერსონა იყო და მედიის მხრიდან რა თქმა უნდა განსაკუთრებით დიდი იყო ინტერესი თავიდანვე მისი და მისი ხედვების მიმართ. გასული პერიოდის განმავლობაში ივლისიდან დღემდე ეკონომიკისა და მდგრადი განვითარების მინისტრის არაერთი განცხადება და შეფასება მოგვისმენია. რიგ შემთხვევებში ხედვებზეც ისაუბრა, სხვათა შორის მასზე იმის თქმა რომ მედიას არ წყალობს რთულია. სტუმარი: გიორგი ქობულია - საქართველოს ეკონომიკის და მდგრადი განვითარების მინისტრი 16.11.2018
ერთი წლის განმავლობაში ჯამში 140 კმ-ზე მეტი წყალმომარაგების სისტემის ცვლილება. ასეთია კომპანია ჯივიპის 2018 წლის გეგმა და იმედი მაქვს რომ რიცხვებში არ ვცდები. ფაქტია რთულია სრულად ყველა პროექტზე თვალის მიდევნება როცა წლის გეგმა საკმაოდ დიდ მასშტაბებს წვდება. სულ რამდენიმე დღის წინანადელი ანგარიშით, კომპანიამ განაცხადა რომ 13 კილომერიანი მაგისტრალური სამუშაოები კახეთის გზატკეცილზე სრულდება, რა დროსაც სრულად შეიცვალა წყალსადენის ქსელი და მონტაჟდება ევროსტანდარტის ჩამკეტ-მარეგულირებელი ურდულები და ამისთვის 4 მილიონამდე ლარის ინვესტიცია იყო განხორციელებული. სტუმრები: ლუკა ჩაჩიბაია - "GWP", ოპერაციების მართვის დირექტორი; გურამ ახვლედიანი - "GWP", ინვესტიციების მართვის დეპარტამენტის ხელმძღვანელი 16.11.2018
ფიზიკურ პირებზე სესხების გაცემის ახალი წესი მეორედ გადავადდა. ეროვნულმა ბანკმა საზოგადოებას განცხადებით განუმარტა, რომ საკუთარ გადაწყვეტილებაში საფინანსო სექტორის რეკომენდაციები გაითვალისწინეს. ცვლილებები განიცადა დებულების ბოლო ვერსიამაც. დაკრედიტების შეზღუდვასთან დაკავშირებული რეგულაციების განხილვებსა და კონსულტაციებში ბიზნესომბუდსმენის აპარატი ეროვნულ ბანკთან და ბიზნესსექტორთან ერთად ჩართული აქტიურად იყო. ირაკლი ლქვინაძე ამბობდა, რომ გონივრული იქნებოდა, სულ მცირე ერთთვიანი გადავადება, რათა დებულების იმპლემენტაციასთან დაკავშირებული ტექნიკური საკითხებიც გადაიჭრას და შინაარსობრივად დებულება მეტად ოპტიმალური გახდეს და შინაარსობრივ ნაწილში დაუახლოვდეს ბიზნესსექტორის მოთხოვნებს, ასევე უპასუხოს გამოწვევას, რაც ჭარბვალიანობას უკავშირდება. სტუმარი: ირაკლი ლექვინაძე - ბიზნესომბუდსმენი 16.11.2018
თიბისის მხარდაჭერით მოსწავლე გამომგონებელთა და მკვლევართა კონკურსის „ლეონარდო და ვინჩის“ ფინალი ჩატარდა. სამეცნიერო კვლევებისა და საინჟინრო მიმართულებებით წარმოდგენილი პროექტებიდან, 10 კაციანმა ჟიურიმ ჯამში 4 გამარჯვებული გამოავლინა. 16.11.2018
წინასაშობაო პერიოდი საკმაოდ დატვირთულია, განსაკუთრებით კი ამას ტურისტული კომპანიები გრძნობენ, რადგან საშობაო აქციებით, ფასდაკლებებით და ახალ-ახალი შეთავაზებებით მუდმივად გვანებივრებენ. სტუმრები: ია ლომიძე - "IRC Tour" - ტურ-მენეჯერი; ნიკა სირაძე - "IRC Tour" - ტურისტული დეპარტამენტის უფროსი 16.11.2018
ქუთაისის 2019 წლის ბიუჯეტის პროექტი საკრებულოს განსახილველად გადაეგზავნება. ქალაქის მთავარი ფინანსური დოკუმენტის შესასწავლად დეპუტატებს ათდღიანი ვადა აქვთ, რის შემდეგაც შენიშვნების არსებობის შემთხვევაში პროექტს კვლავ მერიას დაუბრუნებენ. აღმასრულებელს კი შენიშვნების გასათვალისწინებლად ორკვირიანი ვადა ექნება. ბიუჯეტის პროექტი, საკრებულოს სხდომაზე დასამტკიცებლად მხოლოდ ამის შემდეგ გავა. ქუთაისი პოსტის ინფორმაციით, 2019 წლის ბიუჯეტში ორი მთავარი მიმართულება ინფრასტრუქტურა და სოციალური სფეროა. ბიუჯეტის მოცულობა 53 მილიონი ლარი იქნება.
Disney Studios, ABC Studios, Marvel Studios, Paramount pictures, HBO, Universal pictures და კიდევ არა ერთი სტუდია სულ მინიმუმ სრულადაა ინფორმირებული რომ საქართველოში ჩამოსულებს ბუნებირვად არსებული მრავალფეროვანი ლანდშაფტი და ისტორიული ადგილები დახვდებათ. რთული მისახვედრი არ არის რომ თითოეული კომპანიის ხელმძღვანელისთვის ძალიან მომხიბლავი ფაქტი იქნებოდა ის რომ სახელმწიფოს აქვს ე.წ “Cash Rebate” პროგრამა, რომელიც საქართველოში დახარჯული კვალიფიციური ხარჯების 20%-დან 25%-მდე დაბრუნებას ითვალისწინებს. სტუმარი: დავით ვაშაძე - ეროვნული კინოცენტრის საერთაშორისო ურთიერთობების დეპარტამენტის ხელმძღვანელი 15.11.2018
2022 წელს უკვე საუკუნის ისტორიის მქონე ტიტანიკი ახლიდან გაცურავს.
სტუმრები: ლიკა ქარდავა - PropertyGeorgia.ge, დამფუძნებელი და მმართველი; გიორგი შუკაკიძე - "ქოლიერს ინტერნეიშენალ ჯორჯიას" მიწების მიმართულების ხელმძღვანელი 15.11.2018
კომპანია „ოტო მოტორსს“ მათთვის, ვისაც დიზელის ძრავიანი ავტომობილი ჰყავს განსაკუთრებული სიახელე აქვს. რამდენიმე თვეა კომპანიაში თანამედროვე აპარატურით აღჭურვილი დიზელის ცენტრი ფუქნციონირებს, სადაც ყველა ტიპის ავტომობილის დიაგნოსტიკა და შეკეთება მიმდინარეობს. სტუმრები: ილია ხურცილავა - "ოტო მოტორსი", დირექტორი; შაქრო თავგორაშვილი - "ოტო მოტორსის დიზელის ცენტრი", ხელმძღვანელი 15.11.2018
„შრომის უსაფრთხოების შესახებ“ კანონის მიხედვით 2019 წლის 1-ლი იანვრიდან ბიზნესს მძიმე, მავნე და საშიშპირობებიან სამუშაოებზე მუშაობის პერიოდში დასაქმებული ადამიანების უბედური შემთხვევის საკუთარი ხარჯებით დაზღვევა მოუწევთ. გარდა ამისა, პარლამენტში შექმნილი სამუშაო ჯგუფი განიხილავს სავალდებულო დაზღვევის კომპონენტის ყველა სხვა კომპანიაზეც გავრცელებას, რომელიც არ მიეკუთვნება მომეტებული საფრთხის შემცველ სამუშაოს. ერთის მხრივ დამსაქმებლები სამუშაო ჯგუფის ამ ინიციატივას კატეგორიულად ეწინააღმდეგებიან და ამბობენ რომ არსებობს რისკი კერძო სექტორმა გაზრდილი ხარჯები დასაქმებულთა რაოდენობის ან მათი სახელფასო სარგოს შემცირების ხარჯზე დააკომპენსიროს. მეორეს მხრივ კი სადაზვეო სექტორი იანვირდან ასამოქმედებელი ვალდებულების დეტალურ განმარტებას ითხოვს. სადაზღვეო სექტორისათვის არსებობს რისკი, რომ დაუზუსტებელმა ჩანაწერმა უბრალოდ დაბალხარჯიანი და ზედაპირული პაკეტები გავრცელდეს, რაც რეალურად დაზღვევის გამოყენების შემთხვევაში ვერანაირ ხარჯს ვერ დაფარავს. კონსულტაციები ამ თემაზე სექტორის წარმომადგენლებისა და საკანონმდებლო ორგანოს წევრებს შორის დაწყებულია. სტუმარი: თინა სტამბოლიშვილი - "ჯიპიაი ჰოლდინგი", კომუნიკაციის დირექტორი 15.11.2018
რომელ მსხვილ კომპანიებს ირჩევენ ახალგაზრდები პრაქტიკის მისაღებად და სტაჟირების გასავლელად. რამდენია ანაზღაურება და რა სახის პროგრამებს სთავაზობენ სამსახურში მათ. Vault Internship Rankings-ის 2019 წლის რეიტინგი უკვე გამოქვეყნდა და ტოპ-10 უმსხვილესი კომპანია საუკეთესო სტაჟირების პროგრამით უკვე ცნობილია. 15.11.2018
წლების წინ როცა #საქმიანების დღევანდელი გმირი საქართველოს ფარგლებს გარეთ ოჯახთან ერთად საცხოვრებლად პირველად აღმოჩნდა ნოსტალგია იმდენად ძლიერი იყო რომ ცხოვრება გადაბმულად სიცხიანს უწევდა და სწორედ ეს გახდა ერთ ერთი მიზეზი უკან საქართველოში მალე დაბრუნებისა. მას შემდეგ საქართველოს ტერიტორია ბევრჯერ დატოვა და ამ სიარულ სიარულში კიდევ უფრო მეტი ისწავლა, მათ შორის იმ ქვეყანაზე რომელთან განშორებამაც ბავშვობაში ჯანმრთელობის პრობლემები შეუქმნა. მოკლედ სიარულის ტემპებს და მასშტაბებს არ უჩივის, მაგრამ ჩანთის ჩალაგებება ამოლაგების სერიებიდან ერთი მაინც განსაკუთრებული იყო. ერთ დღესაც ნოდარ ლატიბაშვილმა ფერმერობა გადაწყვიტა, თბილისიდან აიბარგა, საგარეჯოში გადაცხოვრდა და ნამჯის სახლის მშენებლობა დაიწყო. ფერმერის ეს გადაწყვეტილება ტურიზმისკენ ნაბიჯი გახდა. სახლი აშენებულია, თხილი და შვრია გაშენებული, ამ სეზონის ვენახის მოსავალი დაწურული, ძველი ქართული ჯიშის ხორბალი მოყვანილი და საქმიანების რუბრიკაში მის შესახებ ისტორიაც გადაღებული.
საქართველოში ნარინჯისფერი რთველი აქტიურ ფაზაში შედის. კერძოდ, 2017 წლის 1-11 ნოემბრის მაჩვენებლით, 55 ტონა იყო ექსპორტირებული, 2018 წელს კი ანალოგიურ პერიოდში, ექსპორტი 610 ტონას აღწევს. პიესნიუსი წერს, რომ ციტრუსის ექსპორტის წლევანდელი მაჩვენებელი შარშანდელ ანალოგიურ პერიოდის მონაცემებს 6-ჯერ აღემატება. 2018 წლის, 1 სექტემბრიდან 11 ნოემბრის ჩათვლით, ციტრუსის ექსპორტმა 718 ტონას მიაღწია, შარშან კი ანალოგიურ პერიოდში 106 ტონა იყო. პროდუქციის რეალიზაციის ძირითად ბაზრებად კვლავ რჩება რუსეთი, სომხეთი, უკრაინა და ყაზახეთი.
19-25 ნოემბერს თბილისში იტალიური სამზარეულოს მსოფლიო კვირეულით ბრუნდება.იტალიური სამზარეულოს მსოფლიო კვირეული წელს უკვე მესამედ იმართება და მისი მიზანია, ხელიიტალიური სამზარეულოსა და აგრო-სასურსათო პროდუქციის უცხოეთში პოპულარიზაციას და უკეთ წარმოჩენას შეუწყოს. მთელი კვირის განმავლობაში კვირეულში ჩართვის მსურველებს განსხვავებული მენიუ ელოდებათ. მენიუში რა თქმა უნდა მხოლოდ საჭმელი არ იგულისხმება. სტუმარი: ანტონიო ენრიკო ბარტოლი - იტალიის საგანგებო და სრულუფლებიანი ელჩი საქართველოში 15.11.2018
საერთაშორისო კომპანიამ Euromonitor International-ი, ახალი ანგარიში გამოქვეყნა, სადაც მსოფლიო ტურიზმის განვითარების პერსპექტივებია მოცემული. მათი პროგნოზების მიხედვით, მსოფლიოს სხვადასხვა ქვეყნებში ტურისტების რაოდენობა წელს 5%-ით გაიზრდება და 1,4 მილიარდს მიაღწევს. 15.11.2018
ყველაზე კოსმოპოლიტური ქალაქი, ამსტერდამი - ევროპის მნიშვნელოვანი კომერციული და ფინანსური ცენტრია, რომელიც საკუთარ თავში აერთიანებს კულტურულ-ისტორიულ მემკვიდრეობასა და დინამიურად განვითარებად ინოვაციებს, მისი განუმეორებელი ატმოსფერო კი, მილიონობით ტურისტს იზიდავს მთელი მსოფლიოდან. 14.11.2018
დაახლოვებით ორი თვის წინ ბიზნესისა და ტექნოლოგიების უნივერსიტეტში მაღალტექნოლოგიური ლაბორატორია გაიხსნა, რომელიც სტუდენტებს Blockchain ტექნოლოგიებთან მუშაობაში ეხმარება. სტუმრები: ანდრო რურუა - BTU რექტორი; ეფრემ ურუმაშვილი - ფინანსისტი 14.11.2018
დაავადებათა კონტროლისა და საზოგადოებრივი ჯანმრთელობის ეროვნულ ცენტრის ადმინისტრაციულ კორპუსში საქართველოსა და გერმანიის საგარეო საქმეთა სამინისტროების მხარდაჭერით, გაეროს კონვენციის შესაბამისობის და გამჭვირვალობის კოლეგიალური სავარჯიშო შეხვედრა მიმდინარეობს. ღონისძიებას 17 ქვეყნიდან 23 დელეგატი ესწრება. ახალი ინსტრუმენტი - „კოლეგიალური სავარჯიშო“ ბიოლოგიური საქმიანობის გამჭვირვალობის უზრუნველყოფის მიზნით 2011 წელს, კონვენციის მე-7 კონფერენციაზე შემუშავდა.
საქართველოს პარლამენტში ანტიდემპინგური კანონის მიღების შესახებ მსჯელობა დაიწყო. კერძო სექტორს თავისი მოთხოვნები და ამ მოთხოვნებზე ტავისი არგუმენტები აქვს. ბიზნესომბუდსმენი და ბიზნეს ასოციაცია ერთ აზრზე არიან და ხელოვნური მექანიზმებით ბაზრის შეზღუდვის სურვილს არ იზიარებენ. მმართველ გუნდში მოსაზრებებს ჯერ ისმენენ და გადაწყვეტილების მიღებამდე პოზიციების შეჯერებაზე ჯერ მუშაობენ. კერძო სექტორი ხელისუფლებას ისეთი საკანონმდებლო ბაზის შექმნისკენ მოუწოდებენ, რომ დაცული იყო როგორც ადგილობრივი წარმოება, ისე თავისუფალი ბაზარი. როგორ წარმოიუდგენიათ მათ და კანონმდებლობის მიღებამდე დღეს ბიზნესწარმოების რა ხელშემშლელ ფაქტორებზე საუბრობენ? სტუმარი: ნუგზარ კაჩუხაშვილი - "რუსთავის ფოლადის", გენერალური დირექტორი 14.11.2018
კომპანია Tesla-მ მარეგულირებლის მიერ დაწესებული სანქციების შემდეგ ახალი აღმასრულებელი დირექტორი შეარჩია. დღეიდან ავტომწარმოებელს ელონ მასკის ნაცვლად რობინ დენჰოლმი უხელმძღვანელებს. ის Tesla-ს ბორდის წევრებს შორის 2014 წლიდან ირიცხება. ის 1962 წელსაა დაბადებული და რამდენიმე მნიშვნელოვან პოზიციაზე მუშაობდა. Juniper Network-ში იკავებდა CFO-ს პოზიციას, ასევე მუშაობდა Toyota-ში 7 წლის განმავლობაში, შემდეგ კი Tesla-ს შეუერთდა. შეგახსენებთ, რომ კომპანიას და ელონ მასკს 40 მილიონი დოლარის გადახდა მოუწიათ და სანქციების მიხედვით, ანტრეპრენიორი გარკვეული პერიოდით აღმასრულებლის პოსტს ჩამოშორდება. დიდ ბრიტანეთს 2 წლის განმავლობაში ყველაზე კარგი კვარტალი ჰქონდა. Bloomberg-ის მონაცემებით, მისი მთლიანი შიდა პროდუქტი 0.6%-ით გაიზარდა, რაც ბოლო 2 წელში ყველაზე კარგი შედეგია, არსებულ ინფორმაციას სახელმწიფო სტატისტიკის სამსახურიც ადასტურებს. ზრდას წინ უძღოდა დადებითი სტიმულების გაჩენა აპრილსა და ივნისში, რომელიც გამოიხატებოდა საყოფაცხოვრებო ხარჯის გაზრდაში და ასევე მსოფლიო ჩემპიონატით ფეხბურთში, რომელმაც Bloomberg-ის თქმით, ერთ-ერთი გადამწყვეტი როლი ითამაშა. სტუმარი: ალექსი პეტრიაშვილი - BMG-ის პოლიტიკური მიმომხილველი 14.11.2018
მოსავლის დაკრეფის და რეალიზების შემდეგ ოკრიბანიუსთან ფერმერებმა ახალი სეზონისათვის სამზადისი შეაფასეს. აგრო სერვის ცენტრის დირექტორის მოადგილის თქმით, მავნებლის პოპულაციის შემცირების პროცესში მნიშვნელოვანი იყო სახელმწიფოს მიერ ჩატარებული წამლობები და „მოიზიდე და მოკალი“ სისტემების საშუალებით ბაღლინჯოს რაოდენობის მონიტორინგი. 14.11.2018
რუსთავი ინფო წერს რომ თანამდებობა რუსთავის მერის პირველმა მოადგილემ დატოვა. გამოცემასთან თავად დავით კეკელიძე ამბობს რიმ მისი ტანამდებობიდან წასვლა არჩევნების შედეგებს არ უკავშირდება და წასვლისთვის რამე კონკრეტული მიზეზი არ აქვს. კეკელიძე უარყოფს იმასაც რომ მისი პოსტიდან წასვლა შეიძლება ტენდერების თემას უკავშირდებოდეს. დავით კეკელიძემ რუსთავის მერის პირველი მოადგილის თანამდებობა 2017 წლის 28 ნოემბერს დაიკავა. დავით კეკელიძე წლების განმავლობაში საბანკო სფეროში მოღვაწეობდა, რუსთავის მერის პირველი მოადგილის თანამდებობამდე კი ინფრასტრუქტურის მინისტრის მრჩევლის პოზიცია ეკავა. 14.11.2018
თიბისი ლიზინგი, რომელიც 2003 წელს არის დაფუძნებული და ამ დროისთვის 1500 ზე მეტ მოქმედ ხელშეკრულებას და 102 მლნ. ლარის პორტფელს ითვლის. სტუმარი: გაგა გოგუა - თიბისი ლიზინგის გენერალური დირექტორი
2012 წლის ფორბსის ნოემბრის ნომრის ყდაზე ტვიტერის დამფუძნებელი ჯეკ დორსი მოხვდა. ჯერ კიდევ 6 წლის წინ ამერიკული გამოცემა დორსის სტარტაპებზე და მის წარმატებაზე წერდა. როგორ მოახერხა დორსმა ახალი მედიამაგნატის სტატუსის მოპოვება? 14.11.2018
საფინანსო კომპანია საქართველოს დაზარალებულებმა რამდენიმე დღის წინ მორიგი საპროტესტო აქცია გამართეს და კიდევ ერთხელ გამოთქვეს მზადყოფნა მთავარ პროკურორს შეხვედროდნენ, რომელთან ჩანიშნული აუდიენციაც ბოლოს ვერ შედგა. აქციის მონაწილეები ამბობენ, რომ მზად არიან მთავარ პროკურორს შეხვდნენ და მისგან მოისმინონ პასუხი, თუნდაც იმასთან დაკავშორებით, რატომ არ უშვებენ საპატიმროდან მერაბ ფერაძეს, რომელიც აცხადებს რომ გათავისუფლების შემთხვევაში, მაშინვე შეძლებს 1 მილიონი დოლარის გადახდას, ხოლო 1 დღის ვადაში კი 10 მლნ დოლარის, დანარჩენ თანხას კი ის ეტაპობრივად გაისტუმრებს. რისი და ვისი სჯერად ფეაძისგან ერთხელ უკვე მოტყუებული საფინანსო კომპანიის წარმომადგენლებს და რა უშლის ხელს ფერაძის გათავისუფლებას? სტუმრები: ლიკა ლომთათიძე - საფინანსო კომპანია „საქართველოს“ დაზარალებული; ეთერ კოხტაშვილი - საფინანსო კომპანია „საქართველოს“ დაზარალებული 14.11.2018
ყაზბეგში ტურისტების აქტიური გართობისთვის არც თუ ისე ბევრი ადგილია, მოთხოვნა კი საკმაოდ დიდი. ამ სერვისის შეთავაზება ვიზიტორებისათვის გერგეთში "airsoft ყაზბეგის" შექმნით გახდა შესაძლებელი. 14.11.2018
აჭარაში ნარინჯისფერი რთველია. აჭარის მთავრობის თავმჯდომარის ინფორმაციით, ამ დროისათვის წინა წლებთან შედარებით ციტრუსის მოსავლის რეალიზაცია 3-ჯერაა გაზრდილი. 25 ნოემბრიდან დაიწყება არასტანდარტული მანდარინის სუბსიდირების პროგრამა. აჭარის მთავრობის გადაწყვეტილებით, სამრეწველო გადამუშავების 1 კგ სამრეწველო მანდარინზე 10 თეთრიანითანადაფინანსება იქნება. მიმდინარე წელს ციტრუსის მოსალოდნელი მოსავალი სავარაუდოდ 55-60 ათას ტონა უნდა შეადგინოს. ამ ეტაპზე უკვე ექსპორტირებულია 240 ტონა სტანდარტული მანდარინი, რაც გასულ წელთან შედარებით 3- ჯერ მეტია. სტუმარი: თორნიკე რიჟვაძე - აჭარის მთავრობის თავმჯდომარე 13.11.2018
კომპანია TripAdvisor-ის ექსპერტებმა 25 ქალაქის რეიტინგი შეადგინეს, რომელიც ნებისმიერმა ტურისტმა უნდა მოინახულოს. რეიტინგი თუ სრულად გაინტერესებთ შეგიძლიათ CNN ის გვერდს ჩახედოთ, წინასწარ შემიძლია გითხრათ რომ ამ რეიტინგში მოხვედრილი ყველა ქალაქი შთამბეჭდავია თავისი ისტორიით, წარსულით, არქიტექტურითა და კულტურული მრავალფეროვნებით. ფრენისა და მოგზაურობის საკითხს შევეხები მეც. თან საახალწლო შვებულებების დრო დგება და ალბათ საუკეთესო პერიოდია ახალი აღმოჩენების დასაგეგმად. როგორ დეტალურადაც არ უნდა დაგეგმოთ ფრენა, ხშირად ყველაფერი გეგმის მიხედვით მაინც არ მიდის და სწორად ამიტომაც, სტუდაში FlyHelp-ის წარმომადგენლობა მოვიწვიეთ, რომლებიც გეგმების არევის შემთხვევაში თქვენი უფლებების დაცვაში დაგეხმარებიან. სტუმრები: ვატო ფარცხალაძე - "FlyHelp", თანადამფუძნებელი; მიხეილ ჭანტურია - "FlyHelp", თანადამფუძნებელი 13.11.2018
15 ნოემბერს, საქართველოს სტრატეგიული კვლევებისა და განვითარების ცენტრის ორგანიზებით, „სოციალური საწარმოების II B2B გამოფენა“ გაიმართება, რომელიც წელს „სოციალური საწარმოების საერთაშორისო დღეს“ შუერთდა. ევროკავშირის მიერ დაფინანსებული ღონისძიება მიზნად სოციალურ საწარმოებსა და წამყვან ბიზნეს კომპანიებს, ასევე სხვადასხვა სექტორებს შორის საქმიანი ურთიერთობების დამყარებასა და გაღრმავებას, ცნების პოპულარიზაციასა და საქართველოში სოციალური მეწარმეობის განვითარების ხელშეწყობას ისახავს. იმ ფონზე რომ საქართველოს პარლამენტს, უფრო სწორად საპარლამენტო უმრავლესობის ნაწილს სოციალური მეწარმეობის განვითარების ხელშესაწყობად კანონის მიღება სურს, ასეთი ღონისძიებები კრიტიკულად მნიშვნელოვანია და მეტის სწორედ ასეთმა აქტიუროამ და ევროკავირის მხარდაჭერამ განაპირობა საკანონმდებლო ორგანოში თემასთან დაკავშირებული აქტიურობას. პარლამენტში განხილული საკანონმდებლო ინიციატივის განმარტებით ბარათში მითითებული მონაცემების მხიედვით დგინდება,რომ საქართველოში სოციალური მეწარმეობის მიზნის მქონე 90 ორგანიზაციაა დაფუძნებული, რომელთაგან 70 არის აქტიური და ახორციელებს სხვადასხვა საინტერესო პროექტს. სოციალურ საწარმოებში დასაქმებულთა რიცხოვნობამ 500-ს გადააჭარბა და აქვე დავამატებ, რომ დასაქმებულთაგან ყოველი მე-5 არის მოწყვლადი ჯგუფის წარმომადგენელი. ეს სტატიტიკური მონაცემები ერთია, თუმცა ასევე მნიშვნელოვნია კიდევ ერთი საკითხი, კერძოდ სივრცე, სადაც სტუმრებს შესაძლებლობა აქვთ ერთიანად გაეცნონ მოწინავე ქართული სოციალური საწარმოების უნიკალურ პროდუქციასა თუ სერვისსებს. სტუმარი: სალომე ხუციშვილი - საქართველოს სტრატეგიული კვლევების და განვითარების ცენტრი, სოციალური მეწარმეობის განვითარების პროგრამის მენეჯერი 13.11.2018
Dow Jones ის ინფოამციით საუდის არაბეთი დეკემბერში ნავთობის ექსპორტის დღე-ღამეში 500 ათასი ბარელით შემცირებას გეგმავს ეს კი იმას ნიშნავს, რომ ფასები ზემოთ იიწევს. Brent-ის მარკის ნავთობის იანვრის ფიუჩერსები ლონდონის ბირჟაზე ორშაბათს დილიდან 1,61%-ით გაძვირდა. სტუმარი: გოგა მელიქიძე - “Galt&Taggart;”, საბროკერო მიმართულების ხელმძღვანელი 13.11.2018
ქართულენოვანი ფორბსის ნოემბრის ნომერში მნიშნელოვანი ადგილი 2017-2018 წლებში ყველაზე სწრაფად მზარდ ეკონომიკებს დაეთმო. ფორბსი 2015-16 წლებშიც წერდა ამ რეიტინგზე, იმ დროინდელი ტოპ ათეულიდან უახლეს რეიტინგში მხოლოდ 4 ქვეყენა მოხვდა. 13.11.2018
ჯივიპი კახეთის გზატკეცილზე წყალმომარაგების სისტემას სრულად ანახლებს, რითვისაც 4მლნ-მდე ლარის ინვესტიციას ახორციელებს. სამუშაოების ფარგლებში სრულად იცვლება 13 კმ სიგრძის მაგისტრალური წყალსადენის ქსელი და მონტაჟდება ევროსტანდარტის ჩამკეტ-მარეგულირებელი ურდულები. 13.11.2018
საერთაშორისო საკითხების ინსტიტუტის ორგანიზებით გამართულ კონფერენციაზე სახელით ,,დიფერენცირებული ინტეგრაცია ევროკავშირში: შიდა და გარე ფაქტორები“ გუშინ საინტერესო მსჯელობა ინტეგრაციულ მოდელებზე და ევროკავშირის სამეზობლოსა და პარტნიორ ქვეყნებზე, საქართველოს ჩათვლით მათ შესაძლო გავლენაზე შედგა. ამ კონფერენციაზე განხილული იყო დიფერენცირებული ინტეგრაციის პოტენციური სარგებელი და რისკები ევროკავშირის ფარგლებში, რომელიც საქართველოსაც მნიშვნელოვანწილად ეხება. სტუმარი: კახა გოგოლაშვილი - რონდელის ფონდის ევროპული კვლევების ცენტრის დირექტორი 13.11.2018
სასტუმრო და რესტორანი Green Sheep-ი ყაზბეგში
რუსთავში სანიაღვრე არხების დამონტაჟდა. ააიპ "რუსთავსერვის ცენტრმა" შარტავას ძეგლთან, კიროვაკანის ქუჩაზე ახალი სანიაღვრე მილი დაამონტაჟა. უხვი ნალექის დროს ფერდობიდან ჩამოსული წყლის გატარებას არსებული სანიაღვრე ვერ ახერხებდა და მიმდებარე ტერიტორია ხშირად იტბირებოდა. პრობლემის გადასაჭრელად ადგილზე ახალი ნიაღვარმიმღები ცხაური დამონტაჟდა. 13.11.2018
სოფელ ლესიჭინეში, ახალი საავტომობილო ხიდი გაიხსნა
გიორგი ისაკაძის 13 ნოემბრის პროლოგი
სასამართლოს გამოწვევები და კორუფციის ნიშნები სტუმარი: მაიქლ ქაუგილი - AmCham -ის პრეზიდენტი 12.11.2018
ახალი საბანკო რეგულაციები, რომლებიც მიმდინარე წლის 1 ნოემბრიდან უნდა ამოქმედებულიყო, არაუგვიანეს 15 ნოემბერს ამოქმედდება. სების განცხადებით, გასული კვირის განმავლობაში ეროვნულ ბანკში აქტიური კონსულტაციები გრძელდებოდა საფინანსო სექტორის წარმომადგენლებთან, ექსპერტებსა და დარგის სპეციალისტებთან ფიზიკურ პირებზე სესხების გაცემის შესახებ დებულების პროექტთან დაკავშირებით. წინასწარი ინფორმაციით, დებულების განახლებულ სამუშაო ვერსიაში ასახულია ეროვნული ბანკის მიერ მიღებული ყველა ძირითადი ტექნიკური სახის შენიშვნა, თუმცა რეგულირების მთავარი პრინციპები უცვლელი რჩება. სტუმარი: არჩილ ბაკურაძე, სს მისო ,,კრისტალის" სამეთვალყურეო საბჭოს თავჯდომარე 12.11.2018
საქართველოში ღვინისა და ალკოჰოლური სასმელების საერთაშორისო დეგუსტაცია - კონკურსი გაიმართა, რომელიც 7 ნოემბერს თბილისში დაიწყო და 9 ნოემბერს კახეთში დასრულდა. აღსანიშნავია ის, რომ მსგავსი ტიპის ღონისძიება ჩვენს ქვეყანაში პირველად ჩატარდა. კონკურსის მთავარი მიზანი ქართული ღვინის მაღალი პოტენციალის დემონსტრირება, ქართველი მეღვინეების საერთაშორისო ბაზრებზე გასვლაში დახმარება და საქართველოს - ღვინის სამშობლოდ აღიარება გახლდათ. 12.11.2018
ლიზინგის ასოციაციის თავმჯდომარე საქართველოს მთავრობას მიმართავს ფინანსთა სამინისტროს მიერ ინიციებულ საკანონმდებლო ინიციატივაზე ცვლილებებს ითხოვს. მათ შორის მოხდეს ლიზინგთან დაკავშირებული ცვლილებების ცალკე კლასიფიკაცია; შემუშავდეს ცვლილებათა ახალი პაკეტი, რომელიც ლიზინგის პროდუქტზე სრულად იქნება მორგებული; ასევე, 200 000 ლარიანი შეზღუდვა მხოლოდ ფიზიკურ პირებთან მიმართებაში იქნეს მიღებული; ეფექტური საპროცენტო განაკვეთის პროცენტულობა 50%-ს ნაცვლად გაზარდოს 75%-მდე; ამავე რეკომენდაციებში აღნიშნულია, რომ ეფექტური საპროცენტო განაკვეთის პროცენტულობის ლიზინგზე გავრცელებით არ უნდა დაგვევალოს საპროცენტო სარგებლისა და ეფექტური პროცენტის ცალკე გამოყოფა ლიზინგის ხელშეკრულებაში; რეკომენდაციებთან ერთად საინტერესოა ის რედაქცია, რომელიც ფინანსთა სამინისტრომ თავად წარადგინა. სტუმარი: აიეტ კუკავა -"საქართველოს ლიზინგის ასოციაცია", თავმჯდომარე; "ალიანს ჯგუფი ჰოლდინგის" აღმასრულებელი დირექტორი 12.11.2018
საქართველოს რკინიგზისა და გადამზიდავების თემა ბოლო რამდენიმე კვირაა აქტუალური გახდა. Bm.ge-მ მოვლენები სრულად გააშუქა და მაყურებელს მიაწოდა ინფორმაცია გადამზიდავების პრეტენზიების შესახებაც და საქართველოს რკინიგზის პოზიაციაც, რომელიც მხოლოდ ოფიციალური განცხადებით შემოიფარგლნენ. ჩვენი ბოლო ეთერი ამ საკითხზე გასულ ორშაბათს შედგა, სადაც ქართველ გადამზიდავებს საშუალება ჰქონდათ ეპასუხათ რკინიგზისთვის, როდესაც სახელმწიფო უწყება უარყოფდა გადამზიდავების ბრალდებებს, რომ ის ხელს უშლის კომპანიებს ტვირთების გადაზიდვაში და რომ ამის გამო ქართველმა გადამზიდავებმა დაკარგეს სომეხი პარტნიორები. ამის შემდეგ bm.ge-მ მიიღო დოკუმენტაცია რკინიგზისგან, რა წერია ამ დოკუმენტებში და ზოგადად, როგორია ამ ამბის სრული სურათი ამ დროისთვის? 12.11.2018
16 წლის გიორგი ჩახნაშვილმა ხელოვნურ ინტელექტზე დამყარებული პროგრამა Digital Mind შექმნა, რომელსაც ბიზნესისა და ტექნოლოგიების უნივერსიტეტი საკუთარ სასწავლო პროგრამაში დანერგვას აპირებს. როგორ ეხმარება ეს პროგრამა სტარტაპერებს? სტუმრები: გიორგი ჩახნაშვილი - Digital Mind-ის შემქმნელი; ნინო ენუქიძე - BTU-ს დეკანი 12.11.2018