#საქმიანიდილა - 4 აგვისტო - პროლოგი #ახალიამბები #BusinessMediaGeorgia
2022 წლის ივლისში წლიური ინფლაციის დონემ 11.5% შეადგინა. ფასები მომატებულია შემდეგ ქვეჯგუფებზე: პური და პურპროდუქტები, მინერალური და წყაროს წყალი, უალკოჰოლო სასმელები და ნატურალური წვენები, ყავა, ჩაი და კაკაო, შაქარი და სხვა. მინერალური და მტკნარი წყლების მწარმოებელ კომპანია “საირმეში” აღნიშნავენ, რომ გასული წლის ივლისთან შედარებით წელს იმავე პერიოდში ფასების 20%-იანი ზრდა მოუწიათ, რაც ექსპორტის დირექტორის თქმით, ზოგიერთ პროდუქტზე ფასების სამჯერ ზრდას ნიშნავს. სხვა ბიზნესებიც ჩავწერეთ და რატომ მოუწიათ წლის განმავლობაში ფასების ერთხელ, ან რამდენჯერმე კორექტირება კომპანიებს. #ახალიამბები #BusinessMediaGeorgia
საქველმოქმედო ფონდი „REGI BASE“ ჩეხეთში, 10 წლის წინ დაარსდა, რომლის საშუალებით, ომის ვეტერანებს, საერთაშორისო-სამშვიდობო მისიებში დაჭრილ და სამსახურებრივი მოვალეობის დროს დაშავებულ პირებს,გამოჯანმრთელებასა და რეაბილიტაციის გავლაში ეხმარება. „REGI BASE GEORGIA“კი,ფონდის ინიციატივით, 2020 წელს საქართველოში დაფუძნდა. ჩეხურ საქველმოქმედო ფონდ „REGI BASE“ და „REGI BASE GEORGIA“-ს ურთიერთთანამშრომლობის ფარგლებში, ჩეხურმა და ქართულმა მხარემ ომისა და თავდაცვის ძალების ვეტერანთა ოჯახის წევრებისათის სპეციალური, საგანმანათლებლო პროგრამა შეიმუშავა, რომელიც გულისხმობს, 18-24 წლის, 25 სტუდენტის ჩეხეთში, პრაღის ფინანსებისა და ადმინისტრირების უნივერსიტეტში 1 წლიანი, როგორც საბაკალავრო, ისე, სამაგისტრო სასწავლო კურსის სრულ დაფინანსებას, ეკონომიკისა და მენეჯმენტის სპეციალობაზე. ასევე, ჩეხური მხარე იღებს პასუხისმგებლობას სტუდენტთა ყოველთვიურ სტიპენდიაზე 3,000 ჩეხური კრონის ოდენობით, თავისუფალ დროს ანაზღაურებად დასაქმებაზე სასტუმრო და სარესტორნო სფეროში, მუნიციპალური ტრანსპორტის ბილეთებით, SIM ბარათით, საცხოვრებელით, სამჯერადი კვებით და ჯანმრთელობის დაზღვევით უზრუნველყოფაზე. სტუდენტთა ჯგუფს გამოეყოფა კურატორი, რომელიც მათ დახმარებას გაუწევს თეორიული და პრაქტიკული მეცადინეობების განხორციელების პროცესში. სტუმარი: ლევან ბიგვავა - "REGI BASE GEORGIA"-ს ფონდის აღმასრულებელი დირექტორი; მიხეილ ტარახჩევი - "REGI BASE GEORGIA"-ს ფონდის პრეზიდენტი; #ახალიამბები #BusinessMediaGeorgia
ქართველ სტუდენტებს შანსი ეძლევათ დისტანციურად, საქართველოდან დაიკავონ Hardware ინჟინერის ვაკანსია, მსოფლიო ლიდერ ქსელურ კომპანია CISCO-ში, კალიფორნიაში, სილიკონის ველზე, მსოფლიოს უახლეს ინტერნეტ ტექნოლოგიების განვითარების მიმართულებით. სამუშაო გულისხმობს თანამედროვე სიგნალის და ენერგიის მთლიანობის გამოწვევების გადაჭრას, უახლეს მოწინავე ტექნოლოგიებში; შერჩეული პირები, გაივლიან ინტენსიურ ტრენინგს და იმუშავებენ სიგნალის და ენერგიის მთლიანობის ჯგუფთან ერთად სილიკონის ველზე. რა კრიტერიუმებს უნდა აკმაყოფილებდეს კანდიდატი და როგორი შესაძლებლობაა ეს ქართველებისთვის, დავით ნოზაძე კომპანია CISCO-ს ტექნიკური ლიდერი შემოგვიერთდა და მისგან მოვისმენთ მეტ დეტალს, - CISCO-ში დასაქმების შესაძლებლობების შესახებ, რომელიც შუალედური კომპანია (MBO)-ს მეშვეობით ხორციელდება. სტუმარი: დავით ნოზაძე - კომპანია "Cisco"-ს ტექნიკური ლიდერი; #ახალიამბები #BusinessMediaGeorgia
კომპანია „ქართული ზეთისხილის“ დამფუძნებლის გიორგი სვანიძის განცხადებით, წელს ზეთისხილის კარგი მოსავალია და ამიტომ შარშანდელთან შედარებით 100%-ით მეტი ზეთისხილის აღებას და გადამუშავებას აპირებს. BMG-ის ინფორმაციით გასულ წელთან შედარებით მოსავალი თითქმის 100%-ით გაზრდილია. ქართული ზეთისხილის დამფუძნებელი ამბობს, რომ საქართველოში წარმოებულ ზეთისხილის ზეთის 70%-ს ადგილობრივ ბაზარზე, ხოლო 30%-ს უცხოეთში ყიდის. პროდუქცია ექსპორტზე გადის ნიდერლანდებში, არაბეთის გაერთიანებულ საამიროებში და საუდის არაბეთში. ბიზნესმენი თქმით, კომპანია ახალი ბაზრები მოიძიებაზე მუშაობს, რაც ასევე მოიცავს საერთაშორისო გამოფენებში პროდუქციის წარდგენასა და მონაწილეობას. სტუმარი: გიორგი სვანიძე - კომპანია „ქართული ზეთისხილის“ დამფუძნებელი; #ახალიამბები #BusinessMediaGeorgia
მსოფლიო მოძრაობა დემოკრატიისთვის მსოფლიოს მასშტაბით ატარებს საერთაშორისო კამპანიას - "What's Next / რა არის შემდეგი”? კამპანიის მიზანია ახალგაზრდა ლიდერებთან ერთად მსოფლიოს სხვადასხვა ქვეყანაში განხილვა რა მომავალი აქვს დემოკრატიას და ამავდროულად ახალგაზრდების გაძლიერებისა და ჩართულობის ხელშეწყობა, რათა მოხდეს ერთიანი სტრატეგიების შემუშავება დემოკრატიული მოძრაობის გაძლიერებისათვის. ამ კამპანიის ნაწილია საქართველოც. სტუმრები: ნათია ზოიძე - "სექტორი 3" - ის აღმასრულებელი დირექტორი; ქეთევან ჩაჩავა - განვითარებისა და დემოკრატიის ცენტრის CDD აღმასრულებელი დირექტორი; #ახალიამბები #BusinessMediaGeorgia
ბოლო წლებში კაკლოვანი კულტურების ბაღები მნიშვნელოვნად გაიზარდა. მრავალწლოვანი მცენარეები წელს და განსაკუთრებით მომავალი წლიდან ის პერიოდია როცა რეალური მოსავლიანობის მატება ბაზარს უნდა დაეტყოს. როგორია მიმდინარე წლის მოსავლიანობა და საექსპორტე ბაზრების წინასწარი მოთხოვნები? სტუმარი: ლერი ტაბატაძე - "ნუშის და კაკლის მწარმოებელთა ასოციაციის" დირექტორი; #ახალიამბები #BusinessMediaGeorgia
did.ge - ქლაუდზე დაფუძნებული პლატფორმა, რომელიც ხელოვნური ინტელექტის საშუალებით მცირე და საშუალო მეწარმეებს, სოციალურ მედიაში და ვებ გევრდებზე მათი ხილვადობის გაძლიერებაში ეხმარება. როგორ არის შესაძლებელი ზედმეტი ძალისხმევის გარეშე მოკლე დროში საიტის დამზადება და 48 საათში ფუნქციონირებადი ვებ-გვერდის მიღება? სტუმარი: სანდრო ოქროპირიძე - did.ge-ის თანადამფუძნებელი; #ახალიამბები #BusinessMediaGeorgia
პროკრედიტ ბანკმა, საერთაშორისო ჯგუფის მასშტაბით, სამუშაო პროცესისადმი ახალი მიდგომა დანერგა, რისი მიზანიც თანამშრომლებისთვის მოქნილი და მრავალფეროვანი სამუშაო გარემოს შექმნაა. მუშაობის ახალი მოდელი პროკრედიტ ბანკის თითოეულ თანამშრომელს საშუალებას აძლევს, სამუშაო სპეციფიკის გათვალისწინებით, თავად განსაზღვროს და გადაანაწილოს დრო უფრო ეფექტიანად და ყოველთვე, სამუშაო დღეების ნაწილი (თვეში 5 დღე) ე.წ “Home office” პრინციპით იმუშაოს, სასურველი გარემოდან. #ახალიამბები #BusinessMediaGeorgia
სვანეთის ტურიზმი სათავეებიდან დღემდე- ევროკავშირის, ავსტრიისა და შვედეთის მხარდაჭერით სვანეთის კულტურული და ისტორიული მეგზური გამოიცემა და ის ტურისტებს და არა მარტო მათ, ამ მხარის ჯერ კიდევ უცნობ ისტორიებს და კულტურულ თავისებულებებს გააცნობს. უნიკალური ფოტო მასალითი დატვირთული მეგზური მე-20 საუკუნის ადრეულ წლებში, სვანეთის საჯარო ფიგურის, სილიბისტრო ნავერიანის საარქივო მასალებზე დაყრდნობით იქმნება, რომელსაც თავი ნავერიანის შთამომავლებმა მოუყარეს. #ახალიამბები #BusinessMediaGeorgia
სვანეთის ტურიზმი სათავეებიდან დღემდე- ევროკავშირის, ავსტრიისა და შვედეთის მხარდაჭერით სვანეთის კულტურული და ისტორიული მეგზური გამოიცემა და ის ტურისტებს და არა მარტო მათ, ამ მხარის ჯერ კიდევ უცნობ ისტორიებს და კულტურულ თავისებულებებს გააცნობს. უნიკალური ფოტო მასალითი დატვირთული მეგზური მე-19 საუკუნეში, სვანეთის საჯარო ფიგურის, სილიბისტრო ნავერიანის საარქივო მასალებზე დაყრდნობით იქმნება, რომელსაც თავი ნავერიანის შთამომავლებმა მოუყარეს. რა მასალებს გააერთიანებს სვანეთის შესახებ შექმნილი ახალი მეგზური და რა უნიკალურ მონაცემებზე წვდომის შესაძლებლობას გვაძლევენ სილიბისტრო ნავერიანი შთამომავლები? ანუკა ჯოხაძე სტუმრობდა სვანეთს, გაიცნო ამ საქმის მესმევურები და ჯერ კიდევ მე-19 საუკუნეში ქართულ შვეიცარიად წოდებული რეგიონის წარსულსა და დღევანდელობას გაგვაცნობს, რომელსაც დონორების დახმარებით სამომავლო პერსპექტივებიც ემატება, რაც არც მეტი არც ნაკლები სვანეთის ბრენდინგს გულისხმობს. სვანეთის კულტურული გზამკვლევი მხოლოდ ერთ-ერთი პროექტია, რომელის სვანეთში ევროკავშირის, ავსტრიისა და შვედეთის მხარდაჭერით ხორციელდება. რა პროექტებზე მუშაობს პროექტი გრეტა სვანეთში? სტუმარი: თათა საყვარელიძე - პროექტის "GRETA" მარკეტინგის, მონიტორინგისა და შეფასების მენეჯერი; #ახალიამბები #BusinessMediaGeorgia
თბილისის უფასო სასადილოებში ერთ ბენეფიციარზე გამოყოფილი თანხა 1, 30 ლარია, მენიუ კი წლის განმავლობაში არ იცვლება -სახალხო დამცველის აპარტმა უფასო სასადილოების მონიტორინგის ანგარიშის დეტალები გამოაქვეყნა, რომლის მიხედვითაც მუნიციპალიტეტებში არსებული მდგომარეობა როგორც საკვების მიწოდების სერვისის, ასევე, სანიტარულ-ჰიგიენური კუთხით არადამაკმაყოფილებელია #ახალიამბები #BusinessMediaGeorgia
თბილისში ბინების დაქირავებაზე მოთხოვნა გაზაფხულთან შედარებით დასტაბილურებულია, ხოლო ფასი უცლელი რჩება. საბროკერო კომპანიების წარმომადგენლების თქმით, ახლა ძირითადი მოთხოვნა ზღვისპირა რეგიონშია გაჩენილი. Galt&Taggart;-ში აღნიშნავენ, რომ აპრილიდან მოყოლებული დედაქალაქში იჯარაზე ფასები მკვეთრად გაიზარდა, რამაც გასული წლის ზაფხულთან შედარებით წელს იგივე პერიოდში ბინის დაქირავებაზე ფასების 70%-იანი მატება გამოიწვია. #ახალიამბები #BusinessMediaGeorgia
მეტი თავისუფალი დრო და 100%-იანი პროდუქტიულობა - ეს 4-დღიანი სამუშაო კვირის შედეგია, რომელიც ევროპის რამდენიმე ქვეყანაში თანდათან ინერგება. ამ რეჟიმზე სრულად გადასვლამდე დაინტერესებულ კომპანიებს ჯერ 6-თვიანი საპილოტე პერიოდის გავლა მოუწევთ. როგორ შეცვალა ოთხდღიანმა სამუშაო კვირამ ადამიანების ცხოვრება? #ახალიამბები #BusinessMediaGeorgia
#საქმიანიდილა - 3 აგვისტო - პროლოგი #ახალიამბები #BusinessMediaGeorgia
როცა ვფიქრობთ, როგორ გავხადოთ სამყარო უფრო უკეთესი, პირველ რიგში ისეთი რევოლუციური ცვლილებები გვახსენდება, რომელთა მიღწევა მხოლოდ ერთეულებს შეუძლიათ. ეს შეიძლება იყოს აღმოჩენები მეცნიერებაში, ისეთი წამლის გამოგონება, რომელიც უკურნებელ სენს არჩენს ან, თუნდაც, კოსმოსში ხომალდის გაშვება. თუმცა, ხშირად გვავიწყდება, რომ უკეთესობისკენ ცვლილებები ჩვენი მიკროსამყაროებიდან იწყება და ამისათვის დიდი გამოგონებები საჭირო არაა.მრავალი პროფესიიდან არქიტექტურა ერთ-ერთია, რომლის საშუალებითაც ადამიანებს შეუძლიათ გარემო უფრო უკეთესი გახადონ და ის სივრცე, სადაც ვცხოვრობთ, ისე მოაწყონ, რომ არც ადამიანი დაზარალდეს და არც ბუნება. სწორედ ამ პროფესიაზე მოგიყვებით დღეს “bag ახალგაზრდების დასაქმებისთვის” პროექტის ფარგლებში და ვუპასუხებთ მთავარ კითხვებს თუ რამდენად პერსპექტიული და მაღალანაზღაურებადია არქიტექტორის პროფესია დღეს საქართველოში? შოთა დათუნაშვილი - კომპანია "არქი"-ს ურბანისტი, არქიტექტორი; ლევან მაღლაკელიძე - კომპანია "არქი"-ს მთავარი არქიტექტორი; #ახალიამბები #BusinessMediaGeorgia
საცხებ-საპოხი მასალების მწარმოებელი ამერიკული გიგანტი, Valvoline-ი საკუთარ გლობალურ ბიზნესს ნავთობმომპოვებელ გიგანტს და მსოფლიოს რიგით მეორე ყველაზე ძვირად ღირებულ კომპანიას, Saudi Aramco-ს $2.65 მილიარდად მიყიდის, – ამის შესახებ The Wall Street Journal-ი წერს.როგორც გამოცემის ინფორმაციიდან ირკვევა, გარიგების დასრულების შემდეგ, Valvoline-ს საკუთარი ბრენდის გლობალური საცალო ვაჭრობის მიმართულება დარჩება, ხოლო Aramco გლობალურ მიწოდების ჯაჭვს ჩაიბარებს. ცნობისთვის გეტყვით, რომ პირველი სერვისცენტრების ბიზნესს გულისხმობს, ხოლო მეორე – საცხებ-საპოხი მასალების გლობალურ მიწოდებას. #ახალიამბები #BusinessMediaGeorgia
ვითარდება თუ არა საქართველოში ყავის სმის კულტურა? ესაა თემა, რომელზეც ამჯერად მოგიყვები. ამ კვირაში გადავწყვიტეთ გაგვერკვია ის თუ რა ყავას ანიჭებს ქართველი მომხმარებელი უპირატესობას და რამდენად იცვლება მათი გემოვნება წლიდან წლამდე. რატომ არის საქართველოში დღესაც პოპულარული სხნადი ყავის მირთმევა და იციან თუ არა მომხმარებლებმა ყავის მარტივი ალტრენატივის უარყოფითი მხარეები? რაზე აკეთებენ არჩევანს ჰორეკა სექტორში და ფიქრობენ თუ არა კვების ობიექტები იმაზე, რომ მომხმარებლებს ხარისხიანი ყავა შესთავაზონ. #ახალიამბები #BusinessMediaGeorgia
შატილში, ზაფხულის ტურისტული სეზონის გახსნას, სულ მალე ადგილზე მოქმედი ჰესი „ბიტეხი 1“-ის მწყობრიდან გამოსვლა და უშუქობა დაერთო, რამაც ადგილობრივი განთავსების ობიექტებში ტურისტების მხრიდან ჯავშნების გაუქმება გამოიწვია. არადა შატილის მკვიდრებს ტურიზმიდან შემოსავლის მიღება მხოლოდ ზაფხულში, მას შემდეგ შეუძლიათ რაც მაღალმთიან მხარეში საავტომობილო გადაადგილება შესაძლებელი ხდება. ჰესი უკვე კვირაზე მეტია, რაც ამოქმედდა და ადგილობრივი განთავსების ობიექტები ტურისტების მიღებას და მასპინძლობას აგრძელებენ, თუმცა ამბობენ რომ წელს ტურისტების ნაკლებობაა. BM.GE-ი დაინტერესდა - როგორი ტურისტული აქტივობაა წელს ხევსურეთსა და შატილში? სტუმარი: ია თაბაგარი - საქართველოს ტურ-ოპერატორთა ასოციაციის თავმჯდომარე; #ახალიამბები #BusinessMediaGeorgia
რამდენად დატვირთულია კახეთი ტურისტებით მიმდინარე სეზონზე, რა ღირს დასვენება და რომელი ქვეყნებიდან ჩამოდიან? სტუმარი: ნინი ნინუა - სასტუმროსა და ღვინის მარნის, ბაბანეურის მარანის“ დამფუძნებელი. #ახალიამბები #BusinessMediaGeorgia
„ლოპოტა" - ტერიტორია, რომელიც გოგა მაისურაძემ დაახლოებით 10-11 წლის წინ 3 ათასი დოლარით დაიწყო, დღეს მუდმივ რეჟიმში განაგრძობს განვითარებას, ზრდას და ახალი სერვისების შეთავაზებას მომხმარებლებისთვის. წლებია რაც „ლოპოტა“, როგორც ბრენდი და კახეთის ერთ-ერთი სავიზიტო ბარათის სტატუსით პოზიციონირებს ბაზარზე, არადა მინდა გაგახსენოთ, რომ თავდაპირველად „ლოპოტას“ ბანკები სესხებსაც კი არ აძლევდნენ. მხოლოდ პირველი სასტუმროს აშენებიდან მესამე წელს მოხდა დაკრედიტება, როცა ტურისტების პირველი ნაკადი დიაძრა. რეზორტის განვითარების გეგმის განხორციელება ბევრს უტოპიად ეჩვენებოდა, თუმცა სკეპტიციზმის მიუხედავად, გრძელვადიანი ხედვების მქონე ლოპოტა სპა-რეზორტის დამფუძნებელმა, გოგა მაისურაძემ ხორცი შეასხა იდეას. სასტუმრო კომპლექსი წლების განმავლობაში ვითარდებოდა და დღეს რეზორტი 200-მდე ოთახს აერთიანებს, რომლებიც ბუნებრივი ტბის გარშემო 14 შენობაშია გადანაწილებული. რეზორტის უზარმაზარი დახურული ტერიტორია მოიცავს ღია და დახურულ აუზებს, საუნასა და ჯაკუზის, ფიტნესცენტრს, სხვადასხვა სახის რესტორნებს, ღია ბუნგალოებს და ბარებს, ლოპოტას ტყის სპას, შატო ბუერას და არაერთ სხვა გასართობ საშუალებას აერთიანებს. თუმცა როგორც სასტუმრო კომპლექსში ამბობენ, ჯერ ყველაფერი წინაა. უახლოეს მომავალში ტერიტორიას ბიზნესსასტუმრო, პროფესიონალური ჩოგბურთის ღია და დახურული კორტები, აკვაპარკი, ჯაზკლუბი, ლუდსახარში, თევზის რესტორანი და არაერთი სხვა მასშტაბური სივრცე დაემატება. რამდენად გაზრდილია მიმდინარე წელს ფასები ლოპოტა სპა რეზორტზე? მაკა ღლიღვაშვილი - „ლოპოტას“ კომერციული დირექტორი; #ახალიამბები #BusinessMediaGeorgia
საგარეო საქემთა სამინისტროს ინფრმაციით, მინისტრის უნგრეთში ვიზიტის შემდეგ უნგრეთის მთავრობის მიერ განსაზღვრული დეფიციტური პროფესიების მქონე საქართველოს მოქალაქეები უნგრეთში დასაქმების შესაძლებლობას მიიღებენ. საკადრო დეფიციტი საქართველოშიც აქტუალური საკითხია და ბიზნესს რომ ამ მხრივ სერიოზული გამოწვევები აქვს ბიემჯის მაყურებლისთვის უცხო თემა არ არის. საკადრო პრობლემაზე 2022 წლის აპრილში მთავრობის მხრიდან დასაქმების პოლიტიკსი ანგარიშის წარდგენისას სოფლის მეურნეობის მინისტრის მოადგილემაც ისაუბრა. ამ ანგარიშზე რამდენიმე თვის წინ ეკატერინე ციმაკურიძესთან ერთად საქმიანი დილას ეთერშიც ვისაუბრეთ და რამდენიმე თვიანი შუალედის მიუხედავად უცვლელია ყველაზე მთავარი, იდენტიფიცირებულ პრობლემაზე რეაგირების ინსტრუმენტი და თან ეფექტური არ ჩანს, მასზე არც მუშაობა დაწყებულა რამდენადაც საჯაროდ არის ინფორმაცია ხელმისაწვდომი. რა იწვევს მუშახელის ფედიციტს და რა პასუხი აქვს სახელმწიფოს პრობლემაზე? სტუმარი: ეკატერინე ციმაკურიძე - "დემოკრატიის ინდექსი-საქართველო"-ს ხელმძღვანელი; #ახალიამბები #BusinessMediaGeorgia
მიუხედავად გამკაცრებული განაკვეთისა და ინფლაციის ახალი რეკორდებისა ივლისი ამერიკული საფონდო ბირჟების საკმაოდ წარმატებული აღმოჩნდა. უშუალოდ ზრდას თუ შევხედავდ ზრდის ასეთი ტენდენცია ბირჟაზე 2020 წლის შემდეგ არ დაფიქსირებულა. აშშ-ის 500 უმსხვილესი კომპანიის ინდექსი (S&P 500) ერთთვიან ჭრილში თითქმის 8%-ით გაიზარდა; Dow Jones-ის ინდექსმა 5.6%-ით მოიმატა, ხოლო Nasdaq-ის ტექნოლოგიური ინდექსის ღირებულება 11.4%-ითაა გაზრდილი. სტუმარი: ნიკა მაზანაშვილი - Galt&Taggart;-ის საბროკერო დეპარტამენტის უფროსი ანალიტიკოსი; #ახალიამბები #BusinessMediaGeorgia
2022 წლის პირველ ნახევარში საქართველოს ეკონომიკა წინა წელთან შედარებით 10.5%-ით გაიზარდა, უშუალოდ ივნისში კი ქვეყნის ეკონომიკურმა ზრდამ 7.2% შეადგინა. ამ თვის განმავლობაში ქვეყნის კერძო სექტორის ბრუნვამ 11 მილიარდ ლარს მიაღწია, რაც წინა წელთან შედარებით 20%-ით მეტია. სტუმარი: ევა ბოჭორიშვილი - “Galt&Taggart;”-ის კვლევების დეპარტამენტის უფროსი; #ახალიამბები #BusinessMediaGeorgia
2022 წლის პირველ ნახევარში საქართველოდან უცხოეთში სულ 269 მილიონი დოლარის ღირებულების 29 ათასი ავტომობილი გავიდა ექსპორტზე. ამ მაჩვენებლით ავტოექსპორტის სექტორმა პანდემიამდელ შედეგს თითქმის ორჯერ გადააჭარბა. საქართველოს ეკონომიკის შემოსავალი რეექსპორტიდან წინა წელთან შედარებით 31%-ით არის გაზრდილი. საექსპორტო ქვეყნებს შორის პირველ ადგილს აზერბაიჯანი, მეორეს უკრაინა, მეექვსეს კი რუსეთი იკავებს. წელს საქართველოდან რუსეთში $14 მილიონის ღირებულების 1,254 ცალი ავტომობილი გავიდა ექსპორტზე. წინა წელთან შედარებით რუსეთში ექსპორტით მიღებული შემოსავალი 72%-ით არის მომატებული. სტუმრები: ალექსანდრე ნონიაძე - "საქართველოს ავტოიმპორტიორთა ასოციაციის" დამფუძნებელი; ვანო ბიჩინაშვილი - "გლობალ ავტოიმპორტის" დამფუძნებელი. #ახალიამბები #BusinessMediaGeorgia
Forbes Georgia & BMG და Tegeta Motors წარმოგიდგენთ: #ForbesAuto-ს საქართველოს ავტოპარკის 83% 10 წელზე ხანდაზმულია; რომელი სედანები უნდა შეიძინოთ მეორად ბაზარზე?! #Apple-ს ავტომობილს #Lamborghini-ის ერთ-ერთი ტოპ-მენეჯერი შექმნის; #Porsche 911-მა GT3 R წარადგინა; #Bentley-ს რეკორდულად მაღალი შემოსავლები; #Volkswagen Group-მა პირველი აერომობილი წარადგინა.
მსოფლიოში COVID-19 პანდემიის გამო მნიშვნელოვნად გაიზარდა საჰაერო სატვირთო გადაზიდვებზე მოთხოვნა. საქართველოს სტრატეგიული გეოპოლიტიკური მდებარეობიდან გამომდინარე, ქვეყანა მიმზიდველი გახდა დიდი მოთხოვნის მქონე მიწოდების ბაზრებისთვის. 2020 წელს CAMEX International-მა, რეგიონის ერთ-ერთმა წამყვანმა ავიაგადამზიდავმა კომპანიამ, წამოიწყო საჰაერო სატვირთო ავიახაზების – CAMEX Airlines -ის პროექტის განხორციელება. პირველი კომერციული ფრენის შესრულება კი უკვე აგვისტოს მეორე ნახევარშია დაგეგმილი. საინვესტიციო პროექტის ამ ეტაპზე საქართველოს ეკონომიკას უკვე შეემატა 100 მლნ ლარის მოცულობის აქტივი, ხოლო ავიაკომპანიაში დასაქმებულთა რაოდენობა 150 - ს მიაღწევს. #ახალიამბები #BusinessMediaGeorgia
საქართველოში ლურჯი მოცვის ნერგების წარმოება დაიწყო. სანერგე ნარგავებს ქართულ-პოლონური კომპანია „აგრომაქს დეკორი“ სახელმწიფოს თანადაფინანსებით აწარმოებს. კომპანიაში აცხადებენ, რომ ადგილობრივ ნერგებს მალე იმპორტირებულის ჩანაცვლება შეეძლება. ივანე კოპაძე - “აგრომაქს დეკორი”-ს წარმოების მენეჯერი; #ახალიამბები #BusinessMediaGeorgia
ბიზნესის მოლოდინები გაუარესდა, ხოლო განწყობის ინდექსი გაუმჯობესდა. ბიზნესის მოლოდინების ინდექსი, რომელიც გვიჩვენებს, რამდენად ოპტიმისტურად არის განწყობილი ბიზნეს სექტორი მომავლის მიმართ, 25.6 პუნქტამდე შემცირდა. 2022 წლის მესამე კვარტალისთვის მოლოდინების გაუარესება დაფიქსირდა ყველა სექტორში, გარდა მშენებლობის და მომსახურების სექტორებისა. თითქმის ყველა სექტორში ბიზნესის განწყობის გაუმჯობესებას სამომავლოდ მოლოდინების ინდექსის გაუმჯობესებასთან აკავშორებენ, თუმცა აღნიშნავენ, რომ ბიზნესში სტაბილურობა პირველ ადგილზეა. #ახალიამბები #BusinessMediaGeorgia
გლეხების ხმა - რატომ ფუჭდება მოსავალი? #ახალიამბები #BusinessMediaGeorgia
#საქმიანიდილა - 2 აგვისტო - პროლოგი #ახალიამბები #BusinessMediaGeorgia
1 აგვისტოდან სახელმწიფო კლინიკებში მინიმალური ანაზღაურების სისტემა ამოქმედა. მთავრობის მიერ 2020 წელს მიღებულ #652 დადგენილებაში განისაზღვრა რეანიმატოლოგის, ინფექციონისტის/თერაპევტის/, ასევე უმცროსი ექიმის, ექთნის, სანიტრის დამატებითი ანაზღაურება საათებში. ჯანდაცვის მინისტრი ზურაბ აზარაშვილი აცხადებს, რომ იგივე მოთხოვნები კერძო კლინიკებისთვის სავალდებულო, საყოველთაო ჯანდაცვის პროგრამის ფარგლებში, ახალი ტარიფების ამოქმედების შემდეგ იქნება. რას ცვლის სექტორში ახალი სატარიფო სისტემა? #ახალიამბები #BusinessMediaGeorgia
მსოფლიოში უდიდესმა მუსიკალურმა გამომცემლობამ, Sony Music Publishing-მა საქართველო რუსეთის დაფარვიდან ამოიღო და პოლონეთის ოფისის მეშვეობით პირდაპირ გახდა საქართველოს საავტორო უფლებათა ასოციაციის წევრი, რაც იმას ნიშნავს, რომ თუკი აქამდე ნებისმიერი ტიპის მუსიკის ყიდვისთვის გადახდილი თანხა რუსეთის ეკონომიკაში მიემართება, დღეიდან ეს უკვე პოლონეთის გავლით განხორციელდება. სონიმდე რუსეთის დაფარვიდან საქართველო ასევე ამოიღეს და საქართველოს საავტორო უფლებათა ასოციაციის წევრები გახდნენ მსოფლიოს უდიდესი ფონოგრამების დამამზადებელი კომპანია Universal Music Group-ი და მსოფლიოს წამყვანი მუსიკალური გამომცემლობა Universal Music Publishing Group-ი. სტუმარი: გიგა კობალაძე - საავტორო უფლებათა ასოციაციის თავმჯდომარე; #ახალიამბები #BusinessMediaGeorgia
მძიმე კვირის ბოლო იყო ქვეყანაში. გუდაურში 29 ივლისს პარაპლანით ფრენისას ჩამოვარდნილი პილოტისა და ტურისტის გადარჩენის დროს სასაზღვრო ვერტმფრენის ჩამოვარდნის შედეგად 8 ადამიანი გარდაიცვალა. საპასუხოდ შინაგან საქმეთა მინისტრმა ვახტანგ გომელაურმა განაცხადა, რომ პარაპლანით ფრენები პრობლემაა და რეგულაციების გამკაცრება, ან საერთოდ აკრძალვაზეა სამუშაო. უწყების ხელმძღვანელის პოზიციას - ამ სფეროში რადიკალური ზომების გატარების შესახებ არ ეთანხმება პარაგლაიდინგის ფედერაცია, სადაც აცხადებენ, რომ საჭიროა გონივრული რეგულაციების დაწესება და არა აკრძალვა. ფედერაციაში აცხადებენ, რომ ორივე მხარის მიზანი ეკონომიკის და ტურიზმის განვითარებაა, ექსტრემალური სპორტის სახეობები კი ამის შემადგენელი ნაწილია. სტუმარი: ირაკლი კაპანაძე -პარაგლაიდინგის ასოციაციის ხელმძღვანელი; #ახალიამბები #BusinessMediaGeorgia
ქუთაისის საერთაშორისო უნივერსიტეტის სიახლეებზე უნდა მოგიყვეთ, რომელიც ერთ-ერთი ყველაზე მზარდი და მოთხოვნადი სახელმწიფო უნივერსიტეტია საქართველოში. მიუხედავად იმისა, რომ KIU-მ სტუდენტების პირველი ნაკადი 2020 წლის შემოდგომაზე მიიღო, ამ მცირე დროში მან უკვე შეძლო სახელმწიფო უნივერსიტეტების რეიტინგის სათავეშიც მოქცეულიყო. საინტერესოა ის შეფასებები, რაც უნივერსიტეტისადმი საერთაშორისო პარტნიორების მხრიდან კეთდება. 2021 წლის მონაცემებით KIU მიუნხენის ტექნიკური უნივერსიტეტის მიერ აღიარებული იქნა, როგორც ყველაზე მზარდი და პროგრესული საგანმანათლებლო ჰაბი რეგიონში. სწორედ მიუნხენის ტექნიკურ უნივერსიტეტთან პარტნიორობით, მიმდინარე წელს KIU კიდევ ერთ სიახლეს გვთავაზობს და აცხადებს სტუდენტების მიღებას ახალ სამაგისტრო პროგრამაზე „ფინანსები და ინფორმაციის მენეჯმენტი“ რა შესაძლებლობას იძლევა პროგრამა სტუდენტებისთვის? სტუმრები: მაგდა მაღრაძე - KIU-ს კანცლერი; ნათია ზედგინიძე - KIU-ს მენეჯმენტის სკოლის ხელმძღვანელი #ახალიამბები #BusinessMediaGeorgia
#საუბრებიავიაციაზე: ავიაკომპანიების მგზავრთა უფლებები სტუმრები: გიორგი მოლოდინაშვილი - “Geo Sky”-ის ვიცე-პრეზიდენტი ბიზნესის განვითარების დარგში; მიხეილ ჭანტურია - Help.com.ge-ს დამფუძნებელი; #ახალიამბები #BusinessMediaGeorgia
ოქტომბერში, ქუთაისის საერთაშორისო აეროპორტის დახურვის გამო, 14 დღის განმავლობაში Wizz Air-ის ფრენები თბილისის საერთაშორისო აეროპორტში შესრულდება, რომელსაც 2023 წლიდან თბილისის საერთაშორისო აეროპორტს გენერალური გეგმა ე.წ. MasterPlan-ი ექნება, რომელიც მომდევნო 20 წლის მანძილზე აეროპორტის განვითარების გეგმას მოიცავს. გარდა ამისა, რა სიახლეებია ამ დროისთვის საავიაციო სექტორში? #ახალიამბები #BusinessMediaGeorgia
რა სამართლებრივი ვალდებულებები აქვს საქართველოს EU-ს წევრობის სტატუსის მოსაპოვებლად? სტუმარი: დავით კლდიაშვილი - იურისტი; რევაზ თოფურია - "ფრანკლინის კლუბის" თანადამფუძნებელი; #ახალიამბები #BusinessMediaGeorgia
შპს მასპინძლობის მართვის ინსტიტუტი რომელიც 2016 წელს დაარსდა და რომლის მთავარი მიზანის ქვეყანაში სტუმარ-მასპინძლობისა და ტურიზმის სფეროში არსებული გამოწვევების გამოკვეთა და შესაბამისი გადაჭრის გზების ძიებაა USAIDთან ერთად პროგრამის The USAID Industry-led Skills Development ფარგლებში ორი მიმართულებით შესაბამისი პროგრამების ფარგლებში ტრენინგებს და საგანმანათლებლო პროგრამებს უზრუნველყოფს. The USAID Industry-led Skills Development Program-მა მასპინძლობის მართვის ინსტიტუტისთან მუშაობით, ორ ინოვაციურ, ტრენერთა ტრენინგის პროგრამას სთავაზობს ბაზარს და პროგრამები მოიცავს ინდუსტრიის ორ მთავარ მომავალ ტრენდს: 1. სასტუმროების ოპერირებასა (Hotel Operations) 2. ტურისტული დანიშნულების ადგილის მდგრადი მართვა (Sustainable Destination Management). რატომ არის ეს ორი მიმართულება გამორჩეუალდ საინტერესო და მნშვნელოვანი, რას მოიცავს, რა შედეგების მომტანი იქნება ის? სტუმარი: მანანა უგულავა - მასპინძლობის მართვის ინსტიტუტის დამფუძნებელი; #ახალიამბები #BusinessMediaGeorgia
ყველაზე მოთხოვნადი მედიკამენტების ფასები #ახალიამბები #BusinessMediaGeorgia
პლანეტის მოსახლეობა 15 ნოემბრისთვის, სავარაუდოდ, 8 მილიარდს მიაღწევს #ახალიამბები #BusinessMediaGeorgia
ნიკა გუჯეჯიანის სახელობის სტიპენდია Miami Ad School Europe-ის და საქართველოს ბანკის თანამშრომლობით, 2019 წელს დაარსდა. ნიკა 2014-2016 წლებში თავად სწავლობდა Miami Ad School Europe-ში Art Direction-ის მიმართულებით. რაც შეეხება Miami Ad School-ს, ის 15 სარეკლამო სკოლის გლობალურ ქსელს აერთიანებს 10 ქვეყანაში და წარმოდგენილია ამერიკის შეერთებული შტატების, სამხრეთ ამერიკისა და ევროპის მასშტაბით. ვინ გახდა ნიკა გუჯეჯიანის სახელობის სტიპენდიანტი? ანანო გაბუნია - ნიკა გუჯეჯიანის სტიპენდიის გამარჯვებული; #ახალიამბები #BusinessMediaGeorgia
#საქმიანიდილა - 1-ელი აგვისტო - პროლოგი #ახალიამბები #BusinessMediaGeorgia
ჯითი მოტორსი საქართველოში BMW-სა & MINI-ს ოფიციალური იმპორტიორი ხდება „ჯი-თი მოტორსი“ მსოფლიოში წამყვანი საავტომობილო ბრენდებს, BMW-სა და MINI-ს საქართველოში ოფიციალურად წარმოადგენს. თანამშრომლობის ფარგლებში, კომპანია აღნიშნული ბრენდების იმპორტიორი გახდა, რაც საკმაოდ დიდი წარმატების მანიშნებელია. როგორი იყო შერჩევის პროცესი და რატომ GT Motors -ი? თემურ უსტიაშვილი - “ჯი-თი მოტორსი”-ს გენერალური დირექტორი; #ახალიამბები #BusinessMediaGeorgia
უძველესი რომაული ქალაქი აღმოაჩინეს #ახალიამბები #BusinessMediaGeorgia
„თიბისი ბანკის“ ბრიტანელი აქციონერი ჯაფარიძე-ხაზარაძე-წერეთლის წინააღმდეგ სამართლებრივ დავას აგრძელებს. იან მალკჰოლმ ჰოკის ადვოკატის მტკიცებით, ყოფილმა ბანკირებმა „თიბისი ბანკის“ სააქციო საზოგადოება დააზარალეს და შესაბამისად, ახლა 16 მილიონ ლარზე მეტის ზარალის ანაზღაურებას ითხოვს. დიმტრი ტორაძე შემოგვიერთდა ამ საქმეზე სასაუბროდ საქმიანი დილას სტუდიაში, დღეს დავის მხარეებიდან მხოლოდ ის არის სტუდიაში და ამიტომ ვიდრე საუბარს დავიწყებთ მეორე მხარის პოზიციას საჯარო განცხადებებიდან გაგაცნობთ. მამუკა ხაზარაძის და ბადრი ჯაფარიძის ადვოკატი ზვიად კორძაძე განმარტავს, რომ ქართულმა სასამართლომ გამოსცა განჩინება და მამუკა ხაზარაძესა და ბადრი ჯაფარიძეს აუკრძალა სს „თიბისი ბანკისგან” დივიდენდის აღება. ადვოკატის განმარტებით, ესეც იურიდიულ აბსურდს წარმოადგენს, რადგანაც არც მამუკა ხაზარაძე და არც ბადრი ჯაფარიძე არ არიან სს “თიბისი ბანკის” აქციონერები, შესაბამისად, ისინი სს „თიბისი ბანკისგან” დივიდენდებს ისედაც არ იღებენ. ზვიად კორძაძის თქმით, საქართველო არ შეიძლება იყოს იან მალქოლმ ჰოქის სარჩელის განხილვის ქვეყანა, რადგანაც ის არა ქართული, არამედ ბრიტანეთში რეგისტრირებული კომპანიის აქციონერია. რაც შეეხება სარჩელის შინაარსს, მისი თქმით, იან მალქოლმ ჰოქი TBC Group PLC-ის აქციონერი მხოლოდ 2022 წლის თებერვალში გახდა, თუმცა სარჩელი 2007-2008 წლების პროცესებს შეეხება და მას არ გააჩნია არავითარი უფლება 14 წლის წინ მომხდარ მოვლენებზე იდავოს. ადვოკატის თქმით, თავად იან მალკოლმ ჰოქს TBC PLC-ის მხოლოდ 334 აქცია ეკუთვნის, რომელთა ღირებულება დღეს 4,718 დოლარია. გაურკვეველია ზუსტად რა პარამეტრებს ეფუძნება სარჩელი რომელშიც მილიონობით თანხაზეა საუბარი, როდესაც თავად აღნიშნულ პირს 5 000 დოლარზე ნაკლები ღირებულების აქციები ეკუთვნის. სტუმარი: დიმიტრი ტორაძე - ადვოკატი; #ახალიამბები #BusinessMediaGeorgia
ევროპელი მოლაშქრეებისთვის ერთ-ერთ მიმზიდველ ლოკაციაზე უნდა მოგიყვეთ. ესაა ადგილი, სადაც ერთდროულად შენარჩუნებულია როგორც სოფლის ცხოვრებისთვის დამახასიათებელი ავთენტურობა, ისე ყველა პროდუქტი, რაც მათ ადგილზე ხვდებათ არის ორგანულად სუფთა. საუბარი გვაქვს, სვანეთში, ლატალის თემის მომღერალ სოფელ ლაშხუდში მდებარე ტურისტულ ობიეტქ ეკოჰაუსზე, რომლის მესვეურებიც ტურისტებს ევროპიდან უკვე რამდენიმე წელია მასპინძლობენ. საქმიანობის განვითარებაში ნიკოლოზიანების ოჯახს ევროკავშირის, ავსტრიისა და შვედეთის პროექტი “greta” დაეხმარა. დონორების მხარდაჭერით სვანებმა სასტუმროში ინოვაციური ოთახიც მოაწყვეს და ჯერ კიდევ უცნობი სალაშქრო მარშუტების ათვისებაც მოახერხეს. როგორია სვანური ტურისტული მომსახურება სოფელ ლაშხუდიდან, რომელიც ბოსტნიდან მაგიდამდე სერვისს გულისხმობს? სტუმარი: ირაკლი კუცია - პროექტ "GRETA"-ს მენეჯერი, მდგრადი სამთო ტურიზმის მიმართულებით; #ახალიამბები #BusinessMediaGeorgia
მხატვარი, რომელიც ნახატებს შუშაზე ქმნის #ახალიამბები #BusinessMediaGeorgia
ჰიდრავლიკის სახლი თბილისსა და რეგიონებში 9 მაღაზიითაა წარმოდგენილი. რა მომსახურებასა და პროდუქციას სთავაზობს მომხმარებელს “ჰიდრავლიკის სახლი”? სტუმრები: ედუარდ ცხოვრებაძე - "ASP Group"-ის ბრენდ მენეჯერი; ზაზა ენუქიძე -"ASP Group"-ის ტექნიკური დირექტორი; #ახალიამბები #BusinessMediaGeorgia