ახლო აღმოსავლეთში განვითარებული მოვლენები მსოფლიო ეკონომიკას ახალ, უპრეცედენტო გამოწვევებს უქმნის. ჰორმუზის სრუტეში საზღვაო კრიზისის ფონზე, საწვავზე ფასების არასტაბილურობამ, წამყვანი ქვეყნების ცენტრალური ბანკები სრული გაურკვევლობის წინაშე დააყენა. ამერიკის, ევროპისა და დიდი ბრიტანეთის მთავარი საფინანსო ინსტიტუტები იძულებულები არიან, უარი თქვან ძველ პროგნოზებზე და მზარდი ინფლაციის შესაჩერებლად საგანგებო, არასტანდარტულ სტრატეგიებზე გადავიდნენ. რა გავლენას ახდენს ენერგეტიკული შოკი ფინანსურ სტაბილურობაზე, რატომ შევიდა ჩიხში დასავლეთის მონეტარული პოლიტიკა და რისთვის ემზადება გლობალური ბაზარი? #ახალიამბები #BusinessMediaGeorgia
#საქმიანიდილა - 7 მაისი - პროლოგი #ახალიამბები #BusinessMediaGeorgia
რეგიონში ერთ-ერთ ყველაზე მასშტაბურ და გამორჩეულ ალკოჰოლური სასმელების ინდუსტრიულ ღონისძიებაზე Tbilisi’s Whisky Festival 2026-ზე ვისაუბრებთ მომდევნო რამდენიმე წუთი, რომელიც თბილისში, Sheraton Grand Tbilisi Metechi Palace-ში გაიმართება. ფესტივალი უკვე წლებია აერთიანებს ასობით საერთაშორისო ბრენდს და ათასობით სტუმარს, მათ შორის ინდუსტრიის პროფესიონალებს და მედიის წარმომადგენლებს. წელსაც სტუმრებს დახვდებათ ვისკის, ჯინის, კონიაკისა და სხვა პრემიუმ კატეგორიის სასმელების მრავალფეროვანი არჩევანი, ხოლო პირველად დაემატება პრემიუმ ღვინის ხაზიც, რაც ღონისძიებას კიდევ უფრო მრავალფეროვანს გახდის. სტუმრები: ლაშა რიჟამაძე - საქართველოს დისტრიბუტორთა ბიზნეს ასოციაცია, პრეზიდენტი; ვლადიმერ თიბილაშვილი - "თბილისის ვისკის ფესტივალის" თანადამფუძნებელი #ახალიამბები #BusinessMediaGeorgia
მოგიყვებით პროექტზე, რომელიც ქართული კვების ინდუსტრიის მომავალს და მის უფრო მდგრად, ეფექტიან განვითარებას ეხება. მწვანე რესტორნები ასე ჰქვია პროექტს, რომელიც ევროკავშირისა და CARE International-ის მხარდაჭერით ხორციელდება.ხშირად მწვანე რესტორანი მხოლოდ მენიუს ტიპად აღიქმება, თუმცა რეალურად ეს არის სრული ოპერაციული მართვის სისტემა, რომელიც ბიზნესს ხარჯების შემცირებას და ეფექტიანობის გაზრდაში ეხმარება. სტუმრები: ქეთი კვიჭიძე - გასტრონომიული მრჩეველი; მანუელ ფაუნდეს ბარანდა - შეფი #ახალიამბები #BusinessMediaGeorgia
ნონა გაფრინდაშვილი 3 მაისს 85 წლის გახდა. ის არის პირველი ქალი, რომელმაც ჭადრაკის მსოფლიო ჩემპიონობა მოიპოვა და ამით არა მხოლოდ საკუთარი სახელი, არამედ მთელი ქვეყნის ღირსება ოქროს ასოებით ჩაწერა სპორტის ისტორიაში. 1962 წელი ეს არის გარდამტეხი მომენტი, როდესაც ახალგაზრდა ქართველი მოჭადრაკე მსოფლიოს მწვერვალზე ავიდა და ახალი ეპოქა დაიწყო.ისე კი, მისი თითოეული პარტია იყო ბრძოლა არა მხოლოდ დაფაზე, არამედ ჩამოყალიბებულ საზოგადოებრივ შეხედულებებთანაც. დღეს, როცა მის სახელს ვახსენებთ, მხოლოდ ჩემპიონს კი არა, ეპოქას ვიხსენებთ. ეპოქას, რომელმაც შეცვალა ქალის როლი სპორტში და მსოფლიო ჭადრაკის ისტორია. #ახალიამბები #BusinessMediaGeorgia
National Geographic საქართველო უკვე 13 წელია სილქნეტთან პარტნიორობით ქმნის უნიკალურ ვიზუალურ და საგანმანათლებლო კონტენტს და ამ თანამშრომლობის ერთგვარი შეჯამებაა ახალი ფოტოგამოფენა, რომელიც ფოტოფესტივალ ქოლგას ფარგლებში გაიხსნა. ექსპოზიციის ფოკუსში საქართველოა და წარმოდგენილია როგორც ქართველი, ისე საერთაშორისო ფოტოგრაფების ნამუშევრები, რომლებიც წლების განმავლობაში ქმნიდნენ იმ მდიდარ ვიზუალურ არქივს, რასაც ქართული National Geographic მკითხველს სთავაზობდა. რა მნიშვნელობა აქვს ამგვარ თანამშრომლობას კულტურისა და განათლებისთვის, როგორ იქმნება ასეთი მასშტაბის ვიზუალური პროექტები და რას სთავაზობს გამოფენა დამთვალიერებელს? სტუმრები: ანი ცაბაძე - National Geographic საქართველო, გამომცემელი; ეკატერინე ხარაბაძე - "სილქნეტის" საზოგადოებასთან ურთიერთობის სამსახურის ხელმძღვანელი #ახალიამბები #BusinessMediaGeorgia
თიბისი ბანკის მობაილბანკმა The Digital Banker-ის პრესტიჟულ Digital CX Awards 2026-ზე ერთდროულად 5 ჯილდო მოიპოვა. მათ შორისაა როგორც მსოფლიოს მასშტაბით საუკეთესო ციფრული გამოცდილება გადახდებში, ისე აღმოსავლეთ ევროპისა და საქართველოს მასშტაბით ლიდერობა მომხმარებლის ციფრულ გამოცდილებაში. რა დგას ამ წარმატების უკან, როგორ იქმნება თანამედროვე ციფრული ბანკინგის სტანდარტები და რა იცვლება მომხმარებლისთვის ყოველდღიურ ცხოვრებაში გადახდებიდან რეგისტრაციამდე და საბანკო სერვისების მიღებამდე? სტუმრები: ეკატერინე ნადირაშვილი - თიბისი, პროდუქტის მფლობელი, ციფრული ბიზნესის განვითარების ლიგა; ანა ტატიშვილი - თიბისი, პროდუქტის მფლობელი, ციფრული ბიზნესის განვითარების ლიგა #ახალიამბები #BusinessMediaGeorgia
ბოლო სამი ათწლეულის განმავლობაში გლობალური მიგრაცია მკვეთრად გაიზარდა და დღეს უკვე 280 მილიონზე მეტი ადამიანი საკუთარი ქვეყნის ფარგლებს გარეთ ცხოვრობს. ჩვენს შემდეგ სიუჟეტში ნახავთ, რომ მიგრანტების მთავარი მიზიდულობის ცენტრად კვლავ ამერიკის შეერთებული შტატები რჩება, თუმცა ევროპაში – განსაკუთრებით გერმანიაში, ესპანეთში, იტალიასა და გაერთიანებულ სამეფოში – მიგრაციის მასშტაბი სწრაფად იზრდება. პარალელურად, ახლო აღმოსავლეთის ქვეყნები, მათ შორის საუდის არაბეთი და არაბთა გაერთიანებული საამიროები, უცხოელ მუშახელს დროებით ეკონომიკურ რესურსად იყენებენ. რა განსაზღვრავს ქვეყნების მიმზიდველობას და როგორ განსხვავდება მიგრანტების ცხოვრების პერსპექტივა რეგიონების მიხედვით? #ახალიამბები #BusinessMediaGeorgia
2026 წლის 2 აპრილიდან საქართველოს მოქალაქეებისთვის აშშ-ის ვიზების გაცემის წესის ცვლილებაზე და სავიზო საგარანტიო საპილოტე პროგრამაზე. რა შეიცვალა რეალურად, როგორ მუშაობს ახალი სისტემა პრაქტიკაში და რას ნიშნავს ფინანსური დეპოზიტის მოთხოვნა აპლიკანტებისთვის? სტუმარი: თინათინ გოგუაძე - e-Consul-ის დამფუძნებელი #ახალიამბები #BusinessMediaGeorgia
საფონდო&სასაქონლო მსოფლიო ბირჟები - სავალუტო&კრიპტო მიმოხილვა 6/05/26 #ახალიამბები #BusinessMediaGeorgia
მსოფლიო სარკინიგზო ინფრასტრუქტურა დღეს ერთ-ერთ ყველაზე მასშტაბურ და სტრატეგიულ ქსელს წარმოადგენს, რომელიც გლობალური ვაჭრობისა და ადამიანების გადაადგილების დინამიკას განსაზღვრავს; მისი საერთო სიგრძე მთელს მსოფლიოში დაახლოებით 1.1-დან 1.2 მილიონ კილომეტრამდეა და ინდუსტრიული რევოლუციიდან დღემდე განვითარებული რკინიგზა დღეს უკვე მაღალსიჩქარიან, ციფრულად მართულ და ეკოლოგიურად ეფექტიან სისტემად არის ჩამოყალიბებული, სადაც ლიდერობენ აშშ ტვირთბრუნვის ქსელით, ჩინეთი მაღალსიჩქარიანი ინფრასტრუქტურით და ევროპა ბალანსირებული მგზავრობა-ტვირთის მოდელით, ხოლო ქვეყნები მუდმივად ინვესტირებენ მის მოდერნიზაციაში, ელექტრიფიკაციისა და ავტომატიზაციის მიმართულებით, რაც რკინიგზას გლობალური ეკონომიკის ერთ-ერთ მთავარ საყრდენად ტოვებს. როგორ გამოიყურება სარკინიგზო ქსელი მსოფლიოში? #ახალიამბები #BusinessMediaGeorgia
მსოფლიოს ქვეყნები ეკლესიების დაბეგვრას სამი ძირითადი მოდელით არეგულირებენ - უმეტესობაში ეკლესიები არაკომერციული სტატუსის გამო გადასახადებისგან გათავისუფლებულია, ევროპის ნაწილში ისინი პირდაპირ მოქალაქეების მიერ გადახდილი სპეციალური „საეკლესიო გადასახადით“ ფინანსდებიან, ხოლო შედარებით მცირე ჯგუფში -ჩვეულებრივი იურიდიული პირის მსგავსად იბეგრებიან. მიუხედავად შეღავათებისა, პრაქტიკაში ეკლესიებს ხშირად მაინც უწევთ გადასახადების გადახდა კომერციულ საქმიანობაზე, ქონებაზე ან დასაქმებაზე, ხოლო მათი შემოსავლები - შემოწირულებებიდან, სახელმწიფო დაფინანსებიდან და ბიზნეს აქტივობებიდან - ქვეყნებს შორის მკვეთრად განსხვავდება. #ახალიამბები #BusinessMediaGeorgia
სიმღერა, სეირნობა, სამზარეულო… საფრანგეთის პრეზიდენტი ერევანში #ახალიამბები #BusinessMediaGeorgia
#საქმიანიდილა - 6 მაისი - პროლოგი #ახალიამბები #BusinessMediaGeorgia
გლობალური გადაზიდვების ერთ-ერთი უმსხვილესი კომპანია - Mediterranean Shipping Company - ახლო აღმოსავლეთში დაძაბული გეოპოლიტიკური ვითარების ფონზე ახალ სავაჭრო რეალობას ქმნის: ევროპა–წითელი ზღვა–ახლო აღმოსავლეთის მიმართულებით ამოქმედებული ექსპრეს სერვისი, რომელიც სუეცის არხის გავლით ევროპულ პორტებს საუდის არაბეთსა და რეგიონის სხვა ჰაბებს აკავშირებს, კომპანიას საშუალებას აძლევს გვერდი აუაროს ჰორმუზის სრუტეს და მომხმარებლებს უფრო სწრაფი და მოქნილი ლოგისტიკური ალტერნატივა შესთავაზოს — ნაბიჯი, რომელიც ერთდროულად პასუხობს ამერიკის შეერთებული შტატებისა და ირანის კონფლიქტით გამოწვეულ შეფერხებებს და აჩვენებს, როგორ გადადის გლობალური ვაჭრობა დივერსიფიცირებულ, ნაკლებად რისკიან მარშრუტებზე. #ახალიამბები #BusinessMediaGeorgia
სტაბილური ფინანსური მომავლის და დანაზოგების ზრდისთვის, სწორი ფინანსური ინსტრუმენტის შერჩევას გადამწყვეტი მნიშვნელობა აქვს. მიკრობანკი ემბისი კი ქართულ საფინანსო ბაზარზე უნიკალური შეთავაზებით შემოდის, რომელიც აერთიანებს უპრეცედენტო სარგებელს, სრულ უსაფრთხოებას, მოქნილობას და დანაზოგის ნებისმიერ დროს დამატების შესაძლებლობას, როგორც ფიზიკური, ისე იურიდიული პირებისთვის. რას გულისხმობს უნიკალური ანაბარი და რა უპირატესობით გამოირჩევა? სტუმარი: გია პეტრიაშვილი - "ემბისის" გენერალური დირექტორი #ახალიამბები #BusinessMediaGeorgia
მსოფლიო ეკონომიკის პულსი, დიდწილად, რამდენიმე გიგანტური ფინანსური ინსტიტუტის ხელშია. ტრილიონობით დოლარი, რომელიც გლობალური მთლიანი შიდა პროდუქტის უზარმაზარ ნაწილს შეადგენს, სულ რამდენიმე ათეული ბანკის კონტროლქვეშაა. ვინ მართავს პლანეტის მთავარ ფინანსურ არტერიებს, როგორია ძალთა ბალანსი ამერიკის შეერთებულ შტატებსა და ჩინეთს შორის და რატომ ინარჩუნებენ ტრადიციული ბანკები დომინანტის სტატუსს ახალი ტექნოლოგიების ეპოქაშიც კი? #ახალიამბები #BusinessMediaGeorgia
დღევანდელ შრომის ბაზარზე პროფესიულ განათლებას აქვს ფუნდამენტური მნიშვნელობა. ის სტუდენტებს აძლევს შესაძლებლობას, შეიძინონ ისეთი მოთხოვნადი უნარები, რაც წარმატებული კარიერის საფუძველი გახდება მომავალში. სწორედ ამიტომ, წელს განსაკუთრებით საყურადღებოა სიახლე, რომელიც ერთიანი ეროვნული გამოცდების პროცესს უკავშირდება, 2026-ში პირველად მოხდა მეხუთე დონის პროფესიული სწავლების ინტეგრაცია. აბიტურიენტების საყურადღებოდ კი გეტყვით, რომ რომელ კურსდამთავრებულსაც სურს მიიღოს მონაწილეობა გამოცდებში და შეძლოს მეხუთე დონის პროფესიული განათლების მიღება, აუცილებელია რეგისტრაციის საფასურის გადახდა, რომელიც 10 ლარს შეადგენს მოხდეს 6 მაისამდე. რით განსხვავდება ერთმანეთისგან მეოთხე და მეხუთე დონის პროფესიული სწავლება და რა უპირატესობები გააჩნია თითოეულ მათგანს? სტუმარი: ზურაბ ოშხნელი - თსუ-ს მედიისა და ტელეხელოვნების კოლეჯის დირექტორის მოვალეობის შემსრულებელი #ახალიამბები #BusinessMediaGeorgia
ხელოვნური ინტელექტი უკვე აღარ არის მხოლოდ ტექნოლოგიური სექტორის საზრუნავი - ის გლობალური ეკონომიკისა და მონეტარული პოლიტიკის ეპიცენტრში ინაცვლებს. თუ წლების განმავლობაში მსოფლიოს წამყვანი ცენტრალური ბანკები AI-ს მხოლოდ შორეულ პერსპექტივად განიხილავდნენ, დღეს ის ინფლაციასთან ბრძოლისა და საპროცენტო განაკვეთების განსაზღვრის ახალ ინსტრუმენტად იქცა. ევროპის ცენტრალური ბანკი უკვე პრაქტიკულ ნაბიჯებს დგამს, თუმცა სანამ მარეგულირებლები ტექნოლოგიის გავლენის მასშტაბებს აფასებენ, უოლ-სტრიტი უკვე მოქმედებს. რა გავლენას მოახდენს ხელოვნური ინტელექტი ფასების საერთო დონეზე და რატომ უწევთ ცენტრალურ ბანკებს თამაშის წესების შეცვლა? #ახალიამბები #BusinessMediaGeorgia
დღეს ფინანსური სერვისები სულ უფრო მეტად ერგება მომხმარებლის ცხოვრების წესს. მთავარი მიზანი ბიუროკრატიული ბარიერების მოხსნა და პროცესების მაქსიმალურად გამარტივებაა. სწორედ ამის დასტურია ევროკრედიტის ინოვაციური პროდუქტი. ქვეყნის ისტორიაში პირველი სრულად ციფრული ავტო სესხი, რომელიც მომხმარებელს ათავისუფლებს ზედმეტი დროისა და რესურსების ხარჯვისგან და სესხის აღებას ცხრა მთის გადალახვის გარეშე მარტივ, სახლიდან გაუსვლელ პროცესად აქცევს. სტუმარი: სალომე გიორგბერიძე - "ევროკრედიტის" საოპერაციო დირექტორი #ახალიამბები #BusinessMediaGeorgia
ბიზნესისა და კაპიტალის გადაკვეთის წერტილი - SelectUSA Investment Summit ლევან პაპიაშვილი - VALLKO GROUP; დამფუძნებელი თამუნა ქემერტელიძე - #BMG-ის აშშ-ის ბიუროს ხელმძღვანელი #ახალიამბები #BusinessMediaGeorgia
გლობალური ბირჟები - Galt & Taggart-ის მიმოხილვა სტუმარი: მარიამ ზურაბაშვილი - Galt & Taggart-ის პორტფოლიო მენეჯერი #ახალიამბები #BusinessMediaGeorgia
საქართველოს ეკონომიკის უახლეს მაჩვენებლებს მიმოვიხილავთ. მიუხედავად იმისა, რომ 2026 წლის პირველ კვარტალში ეკონომიკა მოსალოდნელზე ძლიერად, 9.1%-ით გაიზარდა, გარე ფაქტორების გათვალისწინებით საინტერესოა პროგნოზები და მოლოდინები. მათ შორის რა გავლენას ახდენს ქვეყნის ეკონომიკაზე ახლო აღმოსავლეთში მიმდინარე ომი და დაკეტილი ჰორმუზი, რაც იწვევს ნავთობის გაძვირებას და ინფლაციურ პროცესებს. სტუმარი: ლაშა ქავთარაძე - Galt & Taggart-ის ეკონომისტი #ახალიამბები #BusinessMediaGeorgia
რა გავლენას ახდენს ჩვენს ჯანმრთელობაზე ცხიმოვანი მჟავები. დავიწყოთ თავის ტვინით. თავის ტვინი ადამიანის ნერვული სისტემის ცენტრალური ორგანოა. ის აკონტროლებს ფიზიოლოგიურ თუ ემოციურ პროცესებს და მიუხედავად იმისა, რომ სხეულის მასის მხოლოდ 2%-ს შეადგენს, მოიხმარს ენერგიის დაახლოებით 20%-ს. კვლევებით დადასტურებულია, რომ მისი ოპტიმალური ფუნქციონირებისთვის აუცილებელია ცხიმოვანი მჟავები, განსაკუთრებით კი ომეგა-3. მეცნიერები ერთხმად აღიარებენ, რომ ომეგა-3 ცხიმოვანი მჟავების საკმარისი რაოდენობით მიღება ნიშნავს კარგ მეხსიერებას, ყურადღების მაღალ კონცენტრაციას, სწავლის უნარის გაუმჯობესებას და ნეიროდეგენერაციული დაავადებების თავიდან აცილებას. DHA აუცილებელია თავის ტვინის ზრდისა და განვითარებისთვის ბავშვობის ასაკში და მისი ნორმალური ფუნქციის შესანარჩუნებლად მოზრდილებთან. ის აუმჯობესებს კოგნიტიურ ფუნქციებს (აღქმას, დასწავლას, მეხსიერებას, ყურადღებას, პრობლემის გადაჭრისა და გადაწყვეტილების მიღების უნარებს, ენობრივ შესაძლებლობებს). ომეგა-3-ს კრიტიკული მნიშვნელობა აქვს ორგანიზმის სწორი ფუნქციობისთვის, მაგრამ დამოუკიდებლად მისი სინთეზირება ჩვენს ორგანიზმს არ შეუძლია, ამიტომ ეს მჟავები საკვების საშუალებით ან საკვები დანამატების სახით უნდა მივიღოთ. გარდა ამისა, ომეგა-3 აძლიერებს იმუნურ სისტემას და ამცირებს ანთებით პროცესებს, აუმჯობესებს მხედველობას, აიშვიათებს გულ-სისხლძარღვთა დაავადებებს, ზრდის ძილის ხანგრძლივობას და ამაღლებს მის ხარისხს, უზრუნველყოფს ძვლებისა და სახსრების ნორმალურ ფუნქციონირებას, ანელებს ორგანიზმის დაბერების პროცესს. და ეს მხოლოდ ნაწილია იმ სიკეთისა, რომლის მოტანაც შეუძლია ომეგა-3-ს. რუბრიკის ავტორი&წამყვანი; ლალი ბრეგვაძე - „ავერსის“ საზოგადოებასთან ურთიერთობის სამსახურის ხელმძღვანელი; სტუმარი: ნინო პეტრიაშვილი - „ავერსის კლინიკის“ ექიმი, გინეკოლოგი #ახალიამბები #BusinessMediaGeorgia
გუშინ რეფაბლიქ ივენთ ჰოლში კანის მოვლის საშუალებების ესპანური ბრენდის, ბაბეს ღონისძიება გაიმართა, რომლის ორგანიზატორიც ავერსი ფარმა იყო, სადაც აღნიშნული ბრენდი წლებია, რაც წარმოდგენილია. ღონისძიებაზე საქართველოს წამყვანი დერმატოლოგები, კოსმეტოლოგები და ბრენდის ესპანელი წარმომადგენლები იმყოფებოდნენ და მისი მთავარი თემა UV ევოლუცია - მზისგან დამცავი საშუალებების წარმოებაში უახლესი მიდგომები იყოს. ბაბეს წარმომადგენლებმა ბრენდის მიერ გამოყენებულ ინოვაციურ ფორმულებზე, მათ სამეცნიერო საფუძვლებსა და კლინიკურ გეგებზე ისაუბრეს. ღონისძიების დამსწრეებს კი შესაძლებლობა მიეცათ, პროდუქცია ადგილზე დაეტესტათ. #ახალიამბები #BusinessMediaGeorgia
კარაპს მედლაინი რობოტული ქირურგიის მიმართულების განვითარებას საერთაშორისო პარტნიორებთან ერთად იწყებს. კლინიკა , რომელიც სამედიცინო ხარისხის 25-წლიან მემკვიდრეობას ითვლის, განვითარების ახალ, მაღალტექნოლოგიურ ეტაპზე გადადის. ამ მიზნით, კარაპს მედლაინმა თანამშრომლობა თურქეთის „მემორიალის“ კლინიკების ქსელთან დაიწყო. პარტნიორობის ფარგლებში, თბილისს სამუშაო ვიზიტით თურქეთის წამყვანი სპეციალისტები სტუმრობდნენ და პაციენტებს კონსულტაციის შესაძლებლობაც მისცეს. #ახალიამბები #BusinessMediaGeorgia
საქალაქთაშორისო გადაყვანები ძვირდება. როგორც ავტოსადგურებში აცხადებენ ზოგიერთ მიმართულებაზე ფასები დაახლოებით 10%-ით უკვე გაიზარდა, ნაწილი კი ფასების დაკორექტირებას უახლოეს მომავალში განიხილავს. მგზავრობის გაძვირება ცხადია საწვავის ფასის ზრდამ განაპირობა, რაც აპრილში დაფიქსირებულ 5.9%-იან ინფლაციაში წამყვანი ფაქტორი იყო. რომელ სატრანსპორტო ჯგუფში რამდენით გაიზარდა ტარიფები? #ახალიამბები #BusinessMediaGeorgia
სანამ თითქმის მთელი მსოფლიოს ყურადღება ერთ-ერთი ყველაზე პოპულარული და მოდის სამყაროსთვის გავლენიანი მოვლენისკენ - მეტ გალასკენაა მიმართული - მიმოვიხილოთ ღონისძიებების რეალური ეკონომიკური მხარე. გლამურული ღონისძიებების ეკონომიკა მხოლოდ წითელი ხალიჩითა და ძვირადღირებული სამოსით არ შემოიფარგლება, ის გლობალური ფინანსური სისტემის მნიშვნელოვან ნაწილს ქმნის. ისეთი ღონისძიებები როგორიც მაგალითად მეტგალა ან ოსკარების დაჯილდოებაა - მილიონობით დოლარის შემოსავალს აგენერირებს. რა რეალური სარგებელი აქვთ მათ რიცხვებში? #ახალიამბები #BusinessMediaGeorgia
შეუდარებელი ენერგია, გამორჩეული ხმა და სცენაზე მაგიური ქარიზმა - ეს არის ისტორია არტისტზე, რომელმაც ლათინური მუსიკა გლობალურ ფენომენად აქცია. შაკირა — გოგონა კოლუმბიიდან, რომელმაც ბავშვობიდანვე იცოდა, რომ მისი ადგილი სცენაზე იყო. მისი კარიერა ადგილობრივი პოპულარობიდან მსოფლიო აღიარებამდე განვითარდა და საბოლოოდ, შოუბიზნესის ერთ-ერთ ყველაზე გავლენიან ფიგურად იქცა. რასაც მოწმობს ახლახან რიო დე ჟანეიროს კოპა კაბანას სანაპიროზე ჩატარებული კონცერტი, რომელსაც 2 მილიონზე მეტი მსმენელი დაესწრო. მოკლედ დღევანდელ სიუჟეტში გიყვებით არტისტზე, რომელმაც მსოფლიოს მუსიკალურ რუკაზე ახალი სტანდარტები შექმნა. #ახალიამბები #BusinessMediaGeorgia
გლობალური კაპიტალის მოძრაობის მარშრუტი ახლა ისტორიულ ტრანსფორმაციას განიცდის. ტრადიციული დასავლური პარტნიორობის ნაცვლად, სპარსეთის ყურის უმდიდრესი სახელმწიფოები სტრატეგიულ კავშირებს აზიის ტექნოლოგიურ გიგანტებთან აქტიურად ამყარებენ. სანამ ევროპა და შეერთებული შტატები საკუთარი ბაზრების დაცვაზე ფიქრობენ, არაბეთის გაერთიანებული საემიროები და კატარი სამხრეთ კორეასთან უპრეცედენტო სავაჭრო ალიანსებს ოფიციალურად აფორმებენ. კონკრეტულად რა ინტერესები ამოძრავებს ახლო აღმოსავლეთს და როგორ კარგავს დასავლეთი გავლენებს აზიის სასარგებლოდ? #ახალიამბები #BusinessMediaGeorgia
#საუბრებიავიაციაზე: ქართველი, რომელმაც ცა შეცვალა ➡️ გიორგი მოლოდინაშვილი - "საუბრები ავიაციაზე" ავტორი&წამყვანი; ➡️ სტუმარი: რამაზ ბლუაშვილი - "ქართველი", ავტორი #ახალიამბები #BusinessMediaGeorgia
1 მაისიდან შრომითი მიგრაციის შესახებ კანონში შეტანილი ცვლილებების აღსრულების ახალი ეტაპი დაიწყო. შრომის ინსპექცია ამოწმებს, იცავენ თუ არა დამსაქმებლები და უცხოელი დასაქმებულები ახალ რეგულაციებს. კანონის მიხედვით, უცხო ქვეყნის მოქალაქეებს საქართველოში მუშაობა მხოლოდ სპეციალური ნებართვით შეუძლიათ. ნებართვას გასცემს დასაქმების ხელშეწყობის სახელმწიფო სააგენტო და ის კონკრეტულ პოზიციასა და დამსაქმებელზე, მაქსიმუმ ერთი წლის ვადით გაიცემა. დამსაქმებლებს დაეკისრათ ახალი ვალდებულებაც, უცხოელის აყვანამდე ვაკანსია მინიმუმ 10 დღით ადრე უნდა განათავსონ სახელმწიფო პლატფორმაზე. და მხოლოდ იმ შემთხვევაში, თუ ადგილობრივი კადრი ვერ მოიძებნა, შეუძლიათ უცხოელის დასაქმება. მთავრობის გადაწყვეტილებით, უცხოელებისთვის დაიხურა რამდენიმე სფერო — მათ შორის კურიერობა, ტაქსის მომსახურება და გიდობა. რეგულაციების დარღვევა გამოიწვევს დაჯარიმებას 2 000 ლარიდან დაწყებული, როგორც ბიზნესისთვის, ისე დასაქმებული უცხოელისთვის. რა შეიცვალა 1 მარტიდან დღემდე? სტუმარი: ნიკა სიმონიშვილი - იურისტი #ახალიამბები #BusinessMediaGeorgia
1 მაისს გამოქვეყნებულ დასკვნას განცხადდებით გამოეხმაურნენ რითეილ ასოციაციაში სადაც აცხადებენ, რომ სექტორმა უკვე დაიწყო მუშაობა მოკლევადიან, ხელშესახებ შედეგებზე. ასოციაციის ინფორმაციით, წევრმა კომპანიებმა „საოჯახო კალათის“ ფარგლებში შეარჩიეს ძირითადი პროდუქტები, რომლებზეც სპეციალური საფასო პოლიტიკა იმოქმედებს. ანუ მომხმარებელს მუდმივად ექნება წვდომა კონკრეტულ, შედარებით იაფ შეთავაზებებზე. რითეილ სექტორი საკუთარ მიდგომას საერთაშორისო გამოცდილებას მათ შორის საფრანგეთისა და საბერძნეთის მოდელებს უკავშირებს, რომლებიც ბაზრის მკაცრ რეგულირებას არ ეფუძნება და კონკურენციის გაძლიერებაზეა ორიენტირებული. ასოციაცია ხაზს უსვამს, რომ ინიციატივის წარმატება დამოკიდებულია მთელი მიწოდების ჯაჭვის ჩართულობაზე და მოუწოდებს მწარმოებლებსა და მომწოდებლებს, შეუერთდნენ ამ პროცესს და უზრუნველყონ შეღავათიანი პირობები. მათი განცხადებით, მიზანია ძირითადი პროდუქციის ხელმისაწვდომობის გაზრდა და მზად არიან, სახელმწიფოსთან და კერძო სექტორთან თანამშრომლობა გააგრძელონ გრძელვადიანი შედეგების მისაღწევად. რის ხარჯზე შეიძლება შემცირდეს სამომხმარებლო კალათაში მოხვედრილ პროდუქტებზე ფასები? სტუმრები: გიორგი ხაბაშვილი - "გუდვილის" გენერალური დირექტორი, საქართველოს რითეილ ასოციაციის თავმჯდომარე; ია ნადირაშვილი - რითეილ ექსპერტი; #ახალიამბები #BusinessMediaGeorgia
ინტერიერი დეტალებში სტუმარი: სალომე დადუნაშვილი, “ინტერიერი სალომე დადუნაშვილთან ერთად” ავტორი&წამყვანი #ახალიამბები #BusinessMediaGeorgia
გასული კვირის მიწურულს ევროპულმა სკოლამ ინოვაციური სწავლების რიგით მე-5 სამდღიანი საერთაშორისო კონფერენციას უმასპინძლა. სამი დღის განმავლობაში კონფერენციამ ერთ სივრცეში მსოფლიოს წამყვანი საგანმანათლებლო ორგანიზაციების ხელმძღვანელები, ექსპერტები და საერთაშორისო აკადემიური წრეების წარმომადგენლები სხვადასხვა ქვეყნიდან გააერთიანა. ქართველ პროფესიონალებთან ერთად, უცხოელი დელეგატები განათლების სისტემის თანამედროვე გამოწვევებს, სწავლების ინოვაციურ მეთოდებსა და სამომავლო პერსპექტივებს განიხილავდნენ. საქმიანი მაყურებელი ფაქტობრივად ლაივ რეჟიმში იღებდა ამ დღეების განმავლობაში ინფორმაციას კონფერენციის მიმდინარეობაზე და იმ თემებზე, რაზეც მსოფლიო დონის სპიკერები თბილისში პროფესიული მიმართულებით მართავდნენ შეხვედრებს. როგორ ჩაიარა კონფერენციამ და რა გზავნილები დატოვა მან საგანმანათლებლო სივრცის წარმომადგენლებისთვის? #ახალიამბები #BusinessMediaGeorgia
„თეგეტა ლიზინგთან“ და „თიბისი ლიზინგთან“ პარტნიორობით თეგეტა ბიზნესის ფარგლებში სადისტრიბუციო სექტორისთვის ფლიტ მენეჯმენტის ახალი სტანდარტის წარდგენა შედგა 25 აპრილს თბილისის შემოვლით გზაზე მდებარე „თეგეტა მოტორსის“ გეზის ფილიალში, სადაც 70-ზე მეტი კომპანიის წარმომადგენელი შეიკრიბა. სტუმრებს შორის იყვნენ კომპანიების პარტნიორები სადისტრიბუციო ბიზნესიდან და საცალო ვაჭრობის მსხვილი ქსელებიდან - ისინი, ვინც საკუთარი საქმიანობისათვის სხვადასხვა ტიპის ავტოპარკს იყენებენ და სალიზინგო მომსახურების სიკეთეებსაც კარგად იცნობენ. სტუმრები: გაგა გოგუა - "თიბისი ლიზინგის" დირექტორი; პეტრე წაქაძე - "ტეგეტა ჰოლდინგის" მსუბუქი ავტომობილების მიმართულების მთავარი ოფიცერი #ახალიამბები #BusinessMediaGeorgia
10-ჯერ მეტი MR ქულა მაისში - „თეგეტა მოტორსსა“ და „საქართველოს ბანკს“ შორის ახალი თანამშრომლობის ფარგლებში, მომხმარებლებისთვის მნიშვნელოვანი სიახლე ამოქმედდა - „თეგეტა მოტორსის“ სერვისებისა და პროდუქტების შეძენისას თანხის გადახდა American Express-ის (AmEx) საკრედიტო ბარათით უკვე შესაძლებელია. ამ სიახლესთან ერთად, კომპანიებმა ერთობლივი კამპანიაც დაიწყეს, რომელიც მომხმარებლებს დამატებით ფინანსურ სარგებელს სთავაზობს „თეგეტა მოტორსის“ ფილიალებში სტუმრობისას. მათ, მრავალწლიანი გამოცდილების მქონე პროფესიონალი მექანიკოსები მოემსახურებიან და ამექსით გადახდისას მომხმარებლებს 10-ჯერ მეტი MR ქულა დაერიცხებათ. სტუმარი: თორნიკე ჩახვაშვილი - „თეგეტა რითეილის“ მთავარი ოფიცერი #ახალიამბები #BusinessMediaGeorgia
BMG და Tegeta Holding-ი წარმოგიდგენთ: #BMGAuto-ს
#ავიაციისსიახლეები: ✈ ივლისიდან, შანხაი-თბილისის მიმართულებით პირდაპირი ფრენები იწყება - მარიამ ქვრივიშვილი ✈ კორეის მიმართულებით ჩარტერული წელსაც შესრულდება ✈ I კვარტალში თბილისის და ქუთაისის აეროპორტებში მგზავრთნაკადი გაიზარდა, ბათუმში შემცირდა ✈ "ვაგრძელებთ მგზავრებისთვის დაბალი ტარიფების შეთავაზებას" - Wizz Air-ის განცხადება საწვავის რისკებზე ✈ "შესაძლოა, ორი ან სამი ევროპული ავიაკომპანია წლის ბოლომდე გაკოტრდეს" - Ryanair-ის ხელმძღვანელი ✈ წინა კვირასთან შედარებით, საავიაციო საწვავის ფასი 3%-ით შემცირდა ✈ United-ის და American Airlines-ის შერწყმა გამოირიცხა კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით; #ახალიამბები #BusinessMediaGeorgia
#საქმიანიდილა - 4 მაისი - პროლოგი #ახალიამბები #BusinessMediaGeorgia
30 აპრილიდან 3 მაისის ჩათვლით, თბილისის რიგით 29-ე ჯაზფესტივალი გაიმართა. ფესტივალის ორგანიზატორი კომპანია „Eastern Promotions / ისთერნ პრომოუშენსი“ იყო და სხვა პარტნიორებთან ერთად კოკა-კოლა, როგორც ფესტივალის ოფიციალური გამაგრილებელი სასმელი, ისე წარსდგა. 2026 წლის თბილისის ჯაზფესტივალის პროგრამა მრავალფეროვანი იყო, რომელიც როგორც ადგილობრივ, ისე საერთაშორისო არტისტებს აერთიანებდა. ფესტივალი ჯაზის საერთაშორისო დღეს, 30 აპრილს, ლუკა თოფურიასა და მისი მეგობრების კონცერტით გაიხსნა. 1-დან 3 მაისის ჩათვლით კი მსმენელის წინაშე ავანგარდული ჯაზის ერთ-ერთ ყველაზე გამორჩეული წარმომადგენელი მარკ რიბო მისი ექსპერიმენტული კვარტეტით, ბასგიტარისტი კინგა გლიკი, პიანისტი ფრედ ჰერშის ტრიო და ბენდი „კენედი ადმინისტრეიშენი“ წარდგნენ. #ახალიამბები #BusinessMediaGeorgia
Google Analytics-ის მონაცემებით, 2026 წლის აპრილში სააგენტო BMG-ის სტატიები და სიახლეები 2.7 მილიონჯერ წაიკითხეს. Google Analytics-ის თანახმად, ამ სიახლეებს სულ 552 ათასი უნიკალური მკითხველი (Users) გაეცნო. საინტერესოა ჩვენი გეოგრაფიული და აუდიტორიის განაწილებაც, ადგილობრივ, ანუ საქართველოში 369 ათას ერთგულ მკითხველთან ერთად, აშშ-დან ჩვენს მასალებს 49 ათასი მომხმარებელი გაეცნო; დიდი ბრიტანეთიდან 34 ათასი; ნიდერლანდებიდან 32 ათასი; გერმანიიდან 6.6 ათასი; ხოლო ისრაელსა და სომხეთში 5.6-5.6 ათასი მკითხველი გვყავს. #ახალიამბები #BusinessMediaGeorgia
#ბრენდისხმა: რა კავშირია ხინკალს, დონატსა და ატრიას შორის? I ხინკალ ხინკალ • Khinkal Khinkal ლუკა ხინკილაძე - LUCA2HOSPITALITY, თანადამფუძნებელი ლუკა თოდუა - LUCA2HOSPITALITY, თანადამფუძნებელი #BrandVoice #ახალიამბები #BusinessMediaGeorgia
არ იქნება სწორი, რომ ამ მედიკამენტზე გვქონდეს არასწორი მოლოდინი, - ამის შესახებ ჯანდაცვის მინისტრმა, მიხეილ სარჯველაძემ საქართველოს პარლამენტის პლენარულ სხდომაზე დიუშენის კუნთოვანი დისტროფიის სამკურნალო მედიკამენტის ქვეყანაში შემოტანასთან დაკავშირებით ინტერპელაციის რეჟიმში განაცხადა. მისი თქმით, საკითხის განხილვისას მედიკამენტის ფასი მთავარი კრიტერიუმი არ არის და ყურადღება უნდა გამახვილდეს მის ეფექტიანობასა და უსაფრთხოებაზე. ეს განცხადება მოსდევს მის მიერვე რამდენიმე დღით ადრე დასმულ შეკითხვას – თუ მართლა ცარცია, ხომ არ შეიძლება ამაზე ამხელა თანხა დაიხარჯოს? ციტატის დასასრული. როგორ ართმევს თავს ჯანდაცვის სამინისტრო დიუშენის სინდრომით დაავადებული ბავშვების მშობლებთან კომუნიკაციას და ვინ უნდა იყოს პასუხისმგებელი სახელმწიფოში მათ ჯანმრთელობაზე, ვისაც იშვიათი დაავადებები აქვს, მაღალი ფინანსური ტვირთით და ლეტალური შედეგით? სტუმრები: ვახტანგ კალოიანი - ექიმი, კოალიცია ცვლილებებისთვის, წევრი; ფედერალისტი; ანა ქავთარაძე - კოალიცია ცვლილებებისთვის, წევრი #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
როგორც 2 დღის წინ გავიგეთ, კაკლისა და ნუშის დარგობრივი საბჭოს შეხვედრები ყოველთვიურად მინისტრის მოადგილის კურატორობით, ხოლო კვარტალში ერთხელ - უშუალოდ მინისტრის ხელმძღვანელობით გაიმართება. ამ ფორმატმა ხელი უნდა შეუწყოს დარგის წარმომადგენლებთან აქტიურ კომუნიკაციას, ფერმერთა ინტერესების უკეთ გათვალისწინებას და სექტორის განვითარებისკენ მიმართული პროექტების დაგეგმვას. სტუმარი: თორნიკე მჭედლიშვილი - Bio Almond Georgia, დამფუძნებელი #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
BMG & Changan Georgia წარმოგიდგენთ #BMGDRIVE-ს: ✔️ სოფლის მეურნეობა და ტექნოლოგიები - ბექა გონაშვილის #bmgdrive ➡️ #BMGDrive-ის მგზავრი: ბექა გონაშვილი - მეწარმე, კომპანია აგროქიზიყის დამფუძნებელი ავტორები: ბექა ბაციკაძე, ირაკლი ხიზანიშვილი, ზვიად ბარათელი #ახალიამბები #BusinessMediaGeorgia
ერთი დასრულებული, ოთხი მიმდინარე და სამი დაგეგმილი პროექტი - ასეთია კომპანია მეტროპოლის შედეგები, ბაზარზე გამოჩენიდან არასრული 4 წლის თავზე. კომპანიის მიზანს თანამედროვე ურბანული ცხოვრების ახალი სტანდარტების ჩამოყალიბება წარმადგენდა და სწორედ ამ პრინციპის დაცვით იქმნება მეტროპოლ ქავთარაძე და მეტროპოლ ორთაჭალა. რას სთავაზობს კომპანია მომხმარებელს? #ახალიამბები #BusinessMediaGeorgia
თიბისი კაპიტალის თვის მიმოხილვა - ყოველთვიური რუბრიკა BMG-ზე სტუმარი: რატი წიკლაური - თიბისი კაპიტალის უფროსი ანალიტიკოსი https://tbccapital.ge/ge/publications/all-publications #ახალიამბები #BusinessMediaGeorgia
საქართველოს ბიზნესის აკადემიამ დაიწყო მიუნხენის საინფორმაციო ტექნოლოგიების კოლეჯის სტუდენტების ერთთვიანი სტაჟირების პროგრამა. ეს არის ორმხრივი თანამშრომლობა, რომელიც მიმართულია ინსტიტუციურ განვითარებაზე, სასწავლო პროცესების დიგიტალიზაციასა და ინოვაციური მიდგომების დანერგვაზე. სტუმრები: კახაბერ ერაძე - საქართველოს ბიზნესის აკადემიის (SBA) რექტორი; ელისაბეთ ობერმაიერი - მიუნხენის ინფორმაციული ტექნოლოგიების კოლეჯის სტუდენტი; კაი ვიუმ-ანდერსენი - მიუნხენის ინფორმაციული ტექნოლოგიების კოლეჯის სტუდენტი სინქრონულად თარგმნის NG Georgia #ახალიამბები #BusinessMediaGeorgia