ციფრულმა ბანკმა ჰეშბანკმა მომხმარებლებს ახალი შესაძლებლობა შესთავაზა. უკვე შესაძლებელია კრიპტოვალუტის მიღება გარე საფულეებიდან და მისი პირდაპირ გადარიცხვა გარე ბლოკჩეინ ქსელებში. ეს სიახლე ტრადიციულ საბანკო ანგარიშსა და კრიპტოეკოსისტემას შორის პირდაპირ კავშირს ამყარებს. მომხმარებელს კი შეუძლია, ჰეშბანკის აპლიკაციიდანვე მართოს კრიპტოაქტივები, შეავსოს ბალანსი ნებისმიერი გარე საფულიდან ან პირიქით, გაიტანოს სახსრები სასურველ მისამართზე. ტრანზაქციების უსაფრთხოებას ორმაგი ავთენტიფიკაცია, მისამართების წინასწარი ვალიდაცია და ფულის გათეთრების წინააღმდეგ ბრძოლის საერთაშორისო სტანდარტები უზრუნველყოფს. რაც შეეხება პირობებს: ჰეშბანკში კრიპტოვალუტის მიღება უფასოა, ხოლო გარე ქსელში გატანისას მომხმარებელი იხდის მხოლოდ სტანდარტულ, თავად ბლოკჩეინ ქსელის მიერ განსაზღვრულ საკომისიოს. ანუ გამოდის რომ მათთვის, ვინც აქტიურად ვაჭრობს, ეს ნიშნავს თანხების ბევრად სწრაფ, მარტივ და უსაფრთხო განაღდებას თუ გადატანას საჭირო კრიპტოს ბირჟიდან ან პირადი საფულიდან, ზედმეტი შუამავლების გარეშე. #ახალიამბები #BusinessMediaGeorgia
ევროპულ ბენზინგასამართ სადგურებზე საწვავის ტარიფები ისტორიულ მაქსიმუმს ხსნის, თუმცა გლობალური ენერგოკრიზისი საქმის მხოლოდ ერთი მხარეა. სანამ მძღოლებს ავზის გავსება სულ უფრო ძვირი უჯდებათ, ევროკავშირის წევრი სახელმწიფოები ამ ფონზე ბიუჯეტს უპრეცედენტო მასშტაბით ავსებენ. რა წილი უჭირავს რეალურად გადასახადებს ტაბლოზე გამოკრულ საბოლოო ფასში და რომელი ქვეყნის მთავრობა აწესებს ყველაზე მძიმე ფინანსურ წნეხს საკუთარი მოქალაქეებისთვის? #ახალიამბები #BusinessMediaGeorgia
#საქმიანიდილა - 23 სექტემბერი - პროლოგი #ახალიამბები #BusinessMediaGeorgia
სამშენებლო-სარემონტო მასალების ბაზარი იზრდება. უძრავ ქონებაზე გაზრდილი მოთხოვნის ფონზე, სექტორი მიმდინარე წლის 8 თვის მონაცემებს პოზიტიურად აფასებს და აცხადებს, რომ აქტივობა დიდ ქალაქებში პოზიტიურ ტრენდს ინარჩუნებს. მოთხოვნასთან ერთად მზარდია ფასებიც, რაც საწვავის გაძვირებითა და გართულებული ლოგისტიკით იხსნება. #ახალიამბები #BusinessMediaGeorgia
ყველაფერი შინნ არის, ასეთი სლოგანი აქვს საცხოვრებელ კომპლექსს, რომლის მშენებლობაც „ინნ დეველოპმენტმა“ დიდ დიღომში, პარკიდან 600 მეტრში დაიწყო, მულტიფუნქციური კომპლექსი სამ, 24 სართულიან ბლოკს, ღია აუზს, პადელის კორტებს, საბავშვო მოედანს, კომერციულ ფართებს და ღია და დახურულ პარკინგს აერთიანებს, თუ რითაა გამორჩეული კომპლექსი და როგორია დაინტერესება? სტუმრები: ლანა ბლიაძე - “ინნ დეველოპმენტ თაუერსის” პიარისა და მარკეტინგის დეპარტამენტის ხელმძღვანელი; თამარ კანთელაძე - “ინნ დეველოპმენტ თაუერსის” გაყიდვების დეპარტამენტის ხელმძღვანელი #ახალიამბები #BusinessMediaGeorgia
გლობალური ბაზრები - Galt & Taggart-ის მიმოხილვა სტუმარი: მარიამ ზურაბაშვილი, Galt & Taggart-ის პორტფოლიო მენეჯერი #ახალიამბები #BusinessMediaGeorgia
2026 წლის იანვარ-აგვისტოში საქართველოდან 5.42 მლრდ აშშ დოლარის ღირებულების საქონელი გავიდა ექსპორტზე, რაც გასული წლის იმავე პერიოდთან შედარებით 980 მილიონი დოლარით, ანუ 22%-ით მეტია. საქსტატის წინასწარი მონაცემებით, ექსპორტის ზრდაში მნიშვნელოვანი წვლილი შეიტანა ნავთობისა და ნავთობპროდუქტების, ძვირფასი ლითონების მადნებისა და კონცენტრატების, ფეროშენადნობებისა და სპილენძის მადნების ექსპორტის მატებამ. თუმცა ყველაზე დიდ საექსპორტო კატეგორიაში - მსუბუქ ავტომობილებში მნიშვნელოვანი კლება ფიქსირდება. ექსპორტი წლიურად 22%-ით შემცირდა და 1.35 მლრდ დოლარი შეადგინა. სტუმარი: ლაშა ქავთარაძე - Galt & Taggart-ის ეკონომისტი #ახალიამბები #BusinessMediaGeorgia
ინფექცია, სახელწოდებით ნოროვირუსი, რომელსაც ხშირად „კუჭის გრიპს“ უწოდებენ, თუმცა გრიპთან კავშირი არ აქვს და მსოფლიოში მწვავე გასტროენტერიტის ერთ-ერთი ყველაზე გავრცელებული გამომწვევია. ვირუსი განსაკუთრებით სწრაფად ვრცელდება ხალხმრავალ და დახურულ სივრცეებში და ყოველწლიურად მსოფლიოში ასობით მილიონ ადამიანს აინფიცირებს. მიუხედავად იმისა, რომ ჯანმრთელ ადამიანებში დაავადება უმეტესად რამდენიმე დღეში გადის, გარკვეულ ჯგუფებში ის მძიმე გაუწყლოებისა და ჰოსპიტალიზაციის მიზეზი შეიძლება გახდეს. როგორ ვრცელდება ნოროვირუსი, ვინ არის ყველაზე მეტად რისკის ქვეშ და როგორ შეიძლება მისი პრევენცია? #ახალიამბები #BusinessMediaGeorgia
“ავერსის” რუბრიკა “საქმიან დილაში” - საჭმლის მომნელებელი სისტემის ჯანმრთელობა რუბრიკის ავტორი&წამყვანი: ლალი ბრეგვაძე - „ავერსის“ საზოგადოებასთან ურთიერთობის სამსახურის ხელმძღვანელი; სტუმარი: ლალი რაზმაძე - „ავერსის კლინიკის“ ოჯახის ექიმი #ახალიამბები #BusinessMediaGeorgia
მიტანის სერვისის სფეროში დასაქმებული ადამიანებისთვის ფინანსების მართვა ახალ ეტაპზე გადადის, ამის დასტურია გუშინ გამართული ღონისძიება, სადაც „თიბისიმ“, Visa-მ და Glovo-მ ახალი ერთობლივი ინიციატივა წარადგინეს. საქმე ეხება უშუალოდ კურიერებზე გათვლილ საგადახდო ინსტრუმენტს, რომელიც მათ ყოველდღიურ შრომასა და ხარჯებს მნიშვნელოვნად შეუმსუბუქებს. რა მიზანს ემსახურება მსხვილი კომპანიების ეს გაერთიანება და კონკრეტულად რას ითვალისწინებს პარტნიორებისთვის გაკეთებული ახალი შეთავაზება? #ახალიამბები #BusinessMediaGeorgia
საგზაო უსაფრთხოების თანამედროვე პრაქტიკა ადასტურებს, რომ მხოლოდ ფინანსური სანქციები გრძელვადიან შედეგს ვერ იძლევა. მსოფლიოს წამყვან ქვეყნებში ავტოსაგზაო შემთხვევების შესამცირებლად მთავარი სამიზნე უკვე არა დამრღვევის ჯიბე, არამედ მისი ცნობიერებაა. დიდი ბრიტანეთის საგანმანათლებლო კურსები, გერმანიის მკაცრი ფსიქოლოგიური ტესტები, დუბაის წახალისების სისტემა და ფინური ჯარიმები, რომლებიც მძღოლის შემოსავალზეა მიბმული - როგორია ინოვაციური მიდგომები საგზაო წესების დამრღვევთა მიმართ და რატომ მუშაობს განათლებასა და პრევენციაზე აგებული მოდელი სტანდარტულ ქვითრებზე უკეთ? #ახალიამბები #BusinessMediaGeorgia
შვედური საავტომობილო გიგანტის, Volvo Cars-ის მმართველობაში ახალი ეტაპი იწყება. კომპანიის პრეზიდენტისა და აღმასრულებელი დირექტორის პოსტს, ჰოკან სამუელსონის ნაცვლად, კლაუს ცელმერი დაიკავებს. ინდუსტრიაში თითქმის 30-წლიანი გამოცდილების მქონე ახალ ლიდერს კომპანიის ჩაბარება კრიტიკულ პერიოდში უწევს - სრული ელექტრიფიკაციისკენ გარდამავალი რთული პროცესისა და მზარდი გლობალური კონკურენციის ფონზე. ვინ არის ვოლვოს ახალი დირექტორი? #ახალიამბები #BusinessMediaGeorgia
#საქმიანიდილა - 22 სექტემბერი - პროლოგი #ახალიამბები #BusinessMediaGeorgia
"ცენტრ პოინტის“ დაზარალებულები მარიჯანის 2 ნომრიდან მორიგი საპროტესტო აქციისთვის ემზადებიან. 433 ოჯახი, რომელიც უკვე 20 წელზე მეტია საკუთარ ბინებს ელოდება, აცხადებს, რომ მშენებლობის პროცესი ხელოვნურად ჭიანურდება, ხოლო მათთვის კუთვნილი ქონება შესაძლოა მესამე პირების ინტერესებს ეწირებოდეს. იმის გამო, რომ ობიექტზე მშენებლობის ნებართვა ისევ შეჩერებულია, ხოლო სამხარაულის ექსპერტიზა, დაზარალებულების თქმით, არარსებულ დოკუმენტებს ითხოვს, მენაშენეები ალტერნატიულ გზას ითხოვენ კერძოდ, სამხარაულის ბიუროს ჩანაცვლებას ეკონომიკის სამინისტროს მიერ აკრედიტირებული ექსპერტებით, რაზეც თბილისის მერია ამ ეტაპზე უარს აცხადებს. რა ბარიერები ეღობება სოციალური პროექტის სტატუსის მქონე მშენებლობას და რას გეგმავენ დაზარალებულები? სტუმრები: ანა გოგიშვილი - დეველოპერული კომპანია „ნექსდორი“-ს მმართველი პარტნიორი და დამფუძნებელი; ქეთი მუმლაძე - "ცენტრ პოინტის" დაზარალებული #ახალიამბები #BusinessMediaGeorgia
შავი ზღვის რეგიონში შექმნილი რთული გეოპოლიტიკური ვითარება და დაზიანებული ინფრასტრუქტურა შუა დერეფნისთვის ახალ შესაძლებლობებს აჩენს. რუსეთის ტამანის ნავსადგურის ბლოკირებისა და ყაზახეთში შეფერხებული ექსპორტის ფონზე, საქართველოს ინტეგრირებული რკინიგზა-ნავსადგურების სისტემა ცენტრალური აზიიდან, კერძოდ ყაზახეთიდან და თურქმენეთიდან, გოგირდის ტრანზიტის ალტერნატიულ და საიმედო მარშრუტად ყალიბდება. „სატრანსპორტო დერეფნის კვლევის ცენტრის“ ახალი ანგარიშით ირკვევა, რომ საქართველოს ამ მიმართულებით უკვე აქვს რეალური გამოცდილება - ბათუმის ტერმინალიდან ყაზახური გოგირდი აქტიურად გადის მაროკოსა და თურქეთში, ხოლო ფოთის ახალ საზღვაო ნავსადგურს, არსებული მდგომარეობით, წელიწადში 210 ათასი ტონა გოგირდის გადამუშავება შეუძლია. რამდენად მზად არის საქართველოს ინფრასტრუქტურა დამატებითი ინვესტიციების გარეშე გაზარდოს გოგირდის გატარება და გახდება თუ არა ეს ქიმიური ტვირთი შუა დერეფნის ერთ-ერთი მთავარი რეგულარული ნაკადი? სტუმარი: პაატა ცაგარეიშვილი - სატრანსპორტო დერეფნის კვლევის ცენტრის დირექტორი; #ახალიამბები #BusinessMediaGeorgia
საქართველოში საწვავი კვლავ ძვირდება. მოკლე პერიოდში ბენზინი 10 თეთრამდე, ხოლო დიზელი - 16 თეთრამდე გაძვირდა. მიზეზი საერთაშორისო ბაზარზე არსებული მდგომარეობაა, სადაც ნავთობის ფასი მკვეთრად გაიზარდა და მოლოდინია, რომ ფასის მატება მომავალშიც შენარჩუნდება. საწვავის გაძვირება ყველა ტიპის პროდუქციას აძვირებს. მომხმარებლისთვის კი ყველაზე სენსიტიური საკვები პროდუქციაა, - იმპორტიორები და მწარმოებლები აცხადებენ, ეტაპობრივად, სხვადასხვა სახის პროდუქციის გაძვირება გარდაუვალი იქნება. რა ვადაში უნდა ველოდოთ საწვავის ფასის ასახვას დახლებზე? სტუმარი: ლაშა რიჟამაძე - დისტრიბუტორთა ბიზნეს ასოციაციის ხელმძღვანელი #ახალიამბები #BusinessMediaGeorgia
დაავადებათა კონტროლის ეროვნული ცენტრი თბილისის საბავშვო ბაღებში დაფიქსირებულ მასობრივ ავადობაზე ინფორმაციას ავრცელებს. უწყების ცნობით, ჩატარებული ლაბორატორიული კვლევების შედეგები მიუთითებს, რომ გასტროენტერიტით მიმდინარე შემთხვევების ძირითადი უმრავლესობის გამომწვევი, მაღალი ალბათობით, „ნოროვირუსი“ იყო. NCDC-ის განმარტებით, ნოროვირუსი საკმაოდ ფართოდ გავრცელებული ვირუსული ინფექციაა, რომელიც ახასიათებს მაღალი გადამდებლობა და სწრაფი გავრცელება, განსაკუთრებით ისეთ დახურულ კოლექტივებში, როგორიც საბავშვო ბაღებია. შეგახსენებთ, რომ თბილისის რამდენიმე საბავშვო ბაგა-ბაღში აღსაზრდელების სავარაუდო ინტოქსიკაციის ფაქტები დაფიქსირდა. არსებული ინფორმაციით, ათობით ბავშვს ინტოქსიკაციისთვის დამახასიათებელი სიმპტომები აღენიშნებოდა, რის გამოც ნაწილს სამედიცინო დახმარება კლინიკებში დასჭირდა. შექმნილ ვითარებასთან დაკავშირებით მოკვლევა უკვე დაიწყო სურსათის ეროვნულმა სააგენტომ და ბაგა-ბაღების მართვის სააგენტომ. მომხდარს თბილისის მერი, კახა კალაძეც გამოეხმაურა. მისი განცხადებით, პროცესი სრულიად გამჭვირვალეა და საზოგადოება დეტალურ ინფორმაციას კვლევის შედეგების მიღებისთანავე შეიტყობს. პარალელურად, ეპიდემიოლოგები და ექიმები აცხადებენ, რომ აუცილებელია ვირუსის გავრცელების ზუსტი წყაროს დადგენა. სპეციალისტები მშობლებსა და ბაღების პერსონალს ჰიგიენური ნორმების მკაცრი დაცვისკენ მოუწოდებენ. სტუმარი: გიორგი კამკამიძე - კლინიკა “ნეოლაბის” დირექტორი, ალერგოლოგ-იმუნოლოგი #ახალიამბები #BusinessMediaGeorgia
#ავიაციისსიახლეები: ✈ სინგაპურული Changi Airports ვაზიანის აეროპორტის ოპერატორის შესარჩევ ტენდერში მიიღებს მონაწილეობას ✈ ჩვენ არ ვუწესებთ ირანს არავითარ სანქციას, არამედ სასანქციო რეჟიმს ვითვალისწინებთ - კობახიძე ✈ Wizz air: ევროპის 9 ქალაქიდან ახლო აღმოსავლეთში ფრენები აღდგება, ქუთაისიდან - ჯერ არა ✈ მსოფლიო ბაზარზე საავიაციო საწვავი კვლავ ძვირდება ✈ "ციკლონს" $5.1 მილიონის ზარალი ჰქონდა კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით #ავიაცია #ავიამიმოსვლა #ახალიამბები #BusinessMediaGeorgia
ინტერიერი დეტალებში - "მანჯავიძე არქიტექტურა და დიზაინი"-ს პროექტები
ხელოვნური ინტელექტი, ტექნოლოგიები და მდგრადი მომავალი, სწორედ ამ თემების ირგვლივ გაერთიანდნენ ბიზნესის, საერთაშორისო ინსტიტუტებისა და მედიის წარმომადგენლები. თიბისი კონცეპტის მულტიფუნქციურ სივრცეში მდგრადი განვითარების ყოველწლიური ღონისძიება გაიმართა, რომლის მთავარი თემაც AI-სა და მდგრადობის კავშირი იყო. შეხვედრაზე ისაუბრეს იმაზე, თუ როგორ ახდენს ინოვაციები დადებით ზეგავლენას ბიზნესსა და საზოგადოებაზე. სტუმარი: მაკა ბოჭორიშვილი - თიბისის გარემოს დაცვის, სოციალური და მმართველობის საკითხების კოორდინატორი #ახალიამბები #BusinessMediaGeorgia
როგორ ცვლის ხელოვნური ინტელექტი ბიზნესს და რა როლი აქვს ტექნოლოგიებს მდგრად განვითარებაში თიბისიმ ყოველწლიურ ღონისძიებაზე ტრანსფორმაციის ახალი შესაძლებლობები შეაჯამა. თიბისი კონცეპტის მულტიფუნქციურ სივრცეში გამართულ ღონისძიებას 100-ზე მეტი სტუმარი ესწრებოდა. მათ შორის იყვნენ პარტნიორი ორგანიზაციების, საერთაშორისო ინსტიტუტების, ბიზნესისა და მედიის წარმომადგენლები, ასევე თიბისის თანამშრომლები და მომხმარებლები. #ახალიამბები #BusinessMediaGeorgia
ბათუმში მასშტაბური პროექტი, CORAL Seaside Resort ვითარდება, რომლის პრეზენტაციაც პარტნიორებისთვის უკვე გაიმართა. პროექტის წინასწარი გაყიდვები დაწყებულია და ამ ეტაპზე პირველი აპარტამენტების შეძენაა შესაძლებელი. რას მოიცავს პროექტის კონცეფცია, რა ინფრასტრუქტურა იქნება წარმოდგენილი კომპლექსში და რას სთავაზობს CORAL Seaside Resort მომავალ მაცხოვრებლებსა და სტუმრებს? #ახალიამბები #BusinessMediaGeorgia
BMG და Tegeta Holding-ი წარმოგიდგენთ: #BMGAuto-ს
საქართველოს ბანკი SOLO Business-ის მომხმარებლებს საერთაშორისო ბაზრებზე გასვლასა და საქმიანი კავშირების გაფართოებაში მხარდაჭერას აგრძელებს. გაყიდვების ასოციაციის ორგანიზებითა და ბანკის მხარდაჭერით, 7-8 ოქტომბერს, ტაშკენტში საერთაშორისო ბიზნეს გამოფენა, საქართველო - უზბეკეთი აბრეშუმის გზა უკვე მეორედ გაიმართება. JW Marriott Tashkent-ში დაგეგმილ ღონისძიებას 2,000-მდე კორპორაციული სექტორის წარმომადგენელი დაესწრება და მასში 50-მდე ქართული კომპანია მიიღებს მონაწილეობას. გამოფენა EuroUZ-ისა და უზბეკეთის სავაჭრო-სამრეწველო პალატის პარტნიორობით ტარდება, რაც ქართულ ბიზნესს B2B შეხვედრებისა და პირდაპირი ინვესტორების მოძიების უნიკალურ შესაძლებლობას აძლევს. სტუმრები: დავით ჩიკვაიძე - გაყიდვების ასოციაციის პრეზიდენტი; ჯემალ კაკაბაძე - გაყიდვების ასოციაციის დირექტორი #ახალიამბები #BusinessMediaGeorgia
„ჯიჯი ჰაუსმა“ დიდ დიღომში მეექვსე ფილიალი გახსნა - ამჯერად ქსელს არა მხოლოდ ახალი მისამართი, არამედ მის ისტორიაში ყველაზე მასშტაბური ობიექტი შეემატა. კომპანიის გაფართოების ტემპი განსაკუთრებით თვალსაჩინო სწორედ ბოლო პერიოდში გახდა - მცირე ბიზნესით დაწყებული საქმიანობა დღეს უკვე რამდენიმე ფილიალს და მრავალრიცხოვან გუნდს აერთიანებს. როგორ ვითარდება „ჯიჯი ჰაუსის“ ქსელი და რა გეგმები აქვს კომპანიას მომავალში? #ახალიამბები #BusinessMediaGeorgia
ქართული პრემიუმ კრაფტ ლუდის ბრენდი „ტაატი“ განახლებული ვიზუალური იდენტობით მომხმარებელს ახალი შეფუთვით ხვდება. „ეფეს საქართველომ“ ბრენდის ახალი დიზაინის პრეზენტაცია გამართა, რომელსაც კომპანიის პარტნიორები, HoReCa სექტორისა და მედიის წარმომადგენლები დაესწრნენ. რა შეიცვალა „ტაატის“ ვიზუალურ იდენტობაში და რატომ გახდა შეფუთვის განახლება ბრენდის განვითარების ახალი ეტაპის ნაწილი? #ახალიამბები #BusinessMediaGeorgia
ფექთორი თბილისმა კიდევ ერთ მასშტაბურ მუსიკალურ პროექტს — „ჯორჯიან ონ მაი მაინდს“ უმასპინძლა, რომლის ავტორებიც გიორგი გიგაშვილი და ნინი ნუცუბიძე არიან. პროექტი დასავლურ კლასიკურ მუსიკასა და ქართულ ფოლკლორულ ტრადიციებს აერთიანებს და უკვე არაერთ საერთაშორისო სცენაზე შესრულდა. ამჯერად კი, 18 სექტემბერს, მისი მოსმენის შესაძლებლობა ქართველ აუდიტორიასაც მიეცა - საღამოზე, სადაც ტრადიციამ და თანამედროვე მუსიკალურმა ხედვამ ერთმანეთი ახალი ჟღერადობით გაიცნო. #ახალიამბები #BusinessMediaGeorgia
წელს პირველად, The Lake თბილისის არქიტექტურის ფორუმის ოქროს პარტნიორია - ღონისძიების, რომელიც ქალაქის განვითარების, თანამედროვე არქიტექტურისა და ურბანული გამოწვევების გარშემო სფეროს წარმომადგენლებს აერთიანებს. ფორუმში მონაწილეობამ კომპანიას შესაძლებლობას მისცა ინდუსტრიისთვის მნიშვნელოვან საკითხებზე საკუთარი ხედვები გაეზიარებინა და ყურადღება თანამედროვე საცხოვრებელი სივრცეების განვითარებასა და ქალაქში ახალი პროექტების როლზე გაემახვილებინა. ფორუმის ფარგლებში The Lake-ის წარმომადგენლები პანელურ დისკუსიებშიც ჩაერთნენ. საუბარი შეეხო როგორც სექტორის წინაშე არსებულ გამოწვევებსა და განვითარების მიმართულებებს, ისე იმ შესაძლებლობებს, რომლებიც სფეროს მომავალს განსაზღვრავს. როგორც კომპანიაში აცხადებენ, მსგავსი ფორმატის ღონისძიებების მხარდაჭერა მათთვის მნიშვნელოვანია, რადგან ის პროფესიული გამოცდილების გაზიარებას, ახალი ხედვების გაცნობასა და სექტორის წარმომადგენლებს შორის თანამშრომლობის გაძლიერებას უწყობს ხელს. #ახალიამბები #BusinessMediaGeorgia
ქალაქის განვითარებაზე საუბრისას მთავარი კითხვა მხოლოდ ის არ არის, როგორი უნდა იყოს ახალი თბილისი - არანაკლებ მნიშვნელოვანია, როგორ უნდა მოვექცეთ იმ სივრცეებსა და შენობებს, რომლებიც ქალაქს უკვე აქვს. სწორედ ამ საკითხებზე იმსჯელეს წლევანდელ თბილისის არქიტექტურის ფორუმზე, რომელმაც სფეროს წარმომადგენლებს თბილისში საერთაშორისო გამოცდილებისა და ადგილობრივი გამოწვევების შესახებ მსჯელობის შესაძლებლობა მისცა. ფორუმი წელს მეორედ გაიმართა. ღონისძიების პარტნიორი და ერთ-ერთი მთავარი მხარდამჭერი კი კომპანია „სითიზენია“. რა იდეები გაჩნდა ფორუმზე და როგორ შეიძლება საერთაშორისო გამოცდილების თბილისის რეალობაზე მორგება? #ახალიამბები #BusinessMediaGeorgia
#საქმიანიდილა - 21 სექტემბერი - პროლოგი #ახალიამბები #BusinessMediaGeorgia
სოციალური სამართლიანობის ცენტრის კვლევა - “პერსონებისთვის შექმნილი და გაუქმებული ინსტიტუტები - ქართული ოცნების პერსონალური და არაანგარიშვალდებული მმართველობის მორიგი ეტაპი". სოციალური სამართლიანობის ცენტრის ანალიზის მიხედვით, აღმასრულებელი ხელისუფლების ტრანსფორმაცია გამოიხატა 2018 წლის საკონსტიტუციო ცვლილებებით, რამაც გააუქმა კონსტიტუციის 81-ე მუხლი — მთავრობის შემადგენლობის განახლებისას პარლამენტისგან ნდობის ხელახლა გამოცხადების ვალდებულება — და მთავრობა საპარლამენტო კონტროლისგან გაათავისუფლა. სოციალური სამართლიანობის ცენტრის შეფასებით, ამ ცვლილებამ პრემიერ-მინისტრს მიანიჭა შეუზღუდავი ძალაუფლება, ერთპიროვნულად და საჯარო დასაბუთების გარეშე ცვალოს მინისტრები, რამაც მართვის სისტემა ქაოტურ საკადრო „კარუსელად“ აქცია. საკადრო დინამიკა გახდა უკიდურესად არასტაბილური, განსაკუთრებით ძალოვან და ეკონომიკურ ბლოკებში, სადაც უწყების ხელმძღვანელები ხშირად მხოლოდ რამდენიმე თვეს ატარებენ თანამდებობაზე. ამას ემატება სამინისტროების პერმანენტული სტრუქტურული გადალაგება — მათი გაყოფა და ხელახალი გაერთიანება დროებითი პოლიტიკური საჭიროებების მიხედვით. სოციალური სამართლიანობის ცენტრს მიაჩნია, რომ ამ პროცესმა გამოიწვია სახელმწიფო აპარატის სრული პერსონალიზაცია, სადაც უწყებები და მინისტრის პორტფელები იქმნება და უქმდება კონკრეტული პირების პოლიტიკური ტრაექტორიის მიხედვით, როგორც ეს მამუკა მდინარაძის შემთხვევაში მოხდა. კვლევის მთავარი დასკვნა ასეთია: საკადრო და ინსტიტუციური გადაწყვეტილებები მიიღება არა საჯარო ინტერესის, კვალიფიკაციისა თუ ანგარიშვალდებულების, არამედ ვიწრო პოლიტიკური ლოიალობისა და შიდაპარტიული როტაციების საფუძველზე. სტუმარი: თამთა მიქელაძე - სოციალური სამართლიანობის ცენტრის ხელმძღვანელი #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
BMG & Li Auto Georgia წარმოგიდგენთ #BMGDRIVE-ს: რას წარმოადგენს Kan-Guroo? - როგორ ეხმარება კომპანია სტუდენტებს და პროფესიონალებს? #BMGDrive-ის მგზავრები: მაგდა მაღრაძე - ათასწლეულის გამოწვევის ფონდი, აღმასრულებელი დირექტორი; ოთარ მელანაშვილი - Kan-Guroo, დამფუძნებელი ავტორები: ბექა ბაციკაძე, გიორგი ნოზაძე, ზვიად ბარათელი #ახალიამბები #BusinessMediaGeorgia
თანამედროვე განათლება სულ უფრო მეტად ეფუძნება ციფრულ ტექნოლოგიებსა და პრაქტიკულ უნარებს, რაც ბავშვებს მომავლის პროფესიების ათვისებაში ეხმარება. Fundamental Education-ის ინოვაციური ციფრული სასწავლო პლატფორმა მოსწავლეებს სახლიდან გაუსვლელად, 41 ინტერაქტიულ საგანს სთავაზობს. სასწავლო პროგრამა მოიცავს ისეთ მიმართულებებს, როგორებიცაა სახალისო პროგრამირება, ჭადრაკი, სინგაპურის მათემატიკა, IQ, ალგორითმული აზროვნება, სარაკეტო მეცნიერება და კრიპტოგრაფია. სტრუქტურირებული სწავლების პროცესში მნიშვნელოვანი ადგილი უჭირავს პრაქტიკულ პროექტებსა და CodingStudio-ს, სადაც ბავშვები თეორიულ ცოდნას რეალურ გამოცდილებად აქცევენ, პროცესში კი აქტიურად არიან ჩართულები მშობლებიც. როგორ უწყობს ხელს პლატფორმა მოზარდებში ტექნოლოგიური და ანალიტიკური აზროვნების განვითარებას და რატომ არის მნიშვნელოვანი ალტერნატიული საგანმანათლებლო მოდელების დანერგვა. სტუმარი: აპოლონ ფაჩულია - "ფუნდამენტალ ედუქეიშენ"-ის დამფუძნებელი #ახალიამბები #BusinessMediaGeorgia
მსხვილი ფინანსური რესურსები ტრადიციული ბაზრებიდან ახალი ინდუსტრიებისკენ მასობრივად მიედინება. გლობალური ინვესტორები ახლა ზუსტად იმ მიმართულებებს ირჩევენ, რომლებიც ხელოვნური ინტელექტის ფიზიკურ ინფრასტრუქტურას აშენებს. ტექნოლოგიურმა ტრენდმა ფულის მოძრაობის წესები უკვე რადიკალურად შეცვალა. კონკრეტულად სად იყრის თავს მილიარდობით დოლარი და რომელი სფეროები ლიდერობენ საინვესტიციო რუკაზე? #ახალიამბები #BusinessMediaGeorgia
ავტომობილების განბაჟების გაძვირებამ და ახალმა რეგულაციებმა ადგილობრივ ბაზარზე მოთხოვნა მკვეთრად შეამცირა. წლოვანებაზე დაწესებულმა შეზღუდვებმა და გაზრდილმა აქციზის განაკვეთმა ავტოიმპორტიორების დიდი ნაწილი აიძულა, შესყიდვები დროებით შეეჩერებინა, რამაც ფიზიკურ პირებში გაყიდვების სერიოზული ვარდნა გამოიწვია. შექმნილმა ვითარებამ მომხმარებლებს ალტერნატივების ძიებისკენ უბიძგა, ბაზარზე საგრძნობლად იმატა ინტერესმა ჩინური ავტომობილების მიმართ, თუმცა დაბალი ცნობადობის გამო დილერებს მათი ჩამოყვანა ჯერ კიდევ ფრთხილად მიაჩნიათ. პარალელურად, საიმპორტო გადასახადების ზრდამ და ხმაურის ახალმა რეგულირებამ ხელი შეუწყო ელექტრომობილებზე მოთხოვნის მატებას. ქვეყანაში ელექტრო ტრანსპორტის იმპორტის ზრდასთან ერთად, სულ უფრო აქტუალური ხდება დასამუხტი ინფრასტრუქტურის განვითარება და იმ გამოწვევების გადაჭრა, რაც ამ მიმართულებას ახლავს. რა სტიმული სჭირდება ბაზარს, როგორ იცვლება იმპორტიორი ქვეყნების გეოგრაფია და როგორ იმოქმედებს ახალი კანონმდებლობა საქართველოს ავტოპარკის სტრუქტურაზე? სტუმრები: ირაკლი კუხიანიძე - Carmark-ის დირექტორი; დავით იოსავა - E-Space-ის გენერალური დირექტორი #ახალიამბები #BusinessMediaGeorgia
ლოჯისტიკური კომპანია Gianti Logistics-ი ქართულ ბაზარზე 2005 წლიდან ოპერირებს და მომხმარებელს ყველა ტიპის ლოგისტიკურ მომსახურებას ერთ სივრცეში სთავაზობს - იქნება ეს საბროკერო მომსახურება, თუ არა გაბარიტული ტვირთების გადაზიდვა. ორ ათეულ წელზე მეტი ხნის წინ, რამდენიმე თანამშრომლით და დაქირავებული ტექნიკით დაწყებული ბიზნესი ეტაპობრივად გაფართოვდა და დღეს მხოლოდ საქართველოში 300-მდე თანამშრომელს ასაქმებენ, მათ მფლობელობაში 100 ერთეული ტექნიკა, თბილისსა და ფოთში საბაჟო და არა საბაჟო საწყობები და რაც ასევე, მნიშვნელოვანია, ოფისები აზერბაიჯანში, უზბეკეთში, ყაზახეთში და თურქეთშია. თამამად შეიძლება ითქვას, რომ საქართველოში დაბადებული ბიზნესი დღეს საერთაშორისო კომპანიაა, რომელიც ჩვენს კორიდორში ერთ-ერთ მნიშვნელოვან როლს თამაშობს. სტუმარი: ნათია კერესელიძე - Gianti Logistics, ოპერაციებისა და კომერციული საქმიანობის ხელმძღვანელი თიკო ნატმელაძე - #მხოლოდქართული, ავტორი&წამყვანი #ახალიამბები #BusinessMediaGeorgia
ბელიაშვილის 181-ში „კონტემპომ“ ახალი, 1700 კვადრატული მეტრის შოურუმი გახსნა, სადაც ესპანური „კავეს“ ბრენდის სრული ასორტიმენტია წარმოდგენილი. ბრენდი, რომელიც უკვე 85 ქვეყანაშია წარმოდგენილი, საქართველოში გაფართოებას აგრძელებს და ადგილობრივ ბაზარზე მზარდ მოთხოვნას პასუხობს. რა გახდა ახალი შოურუმის გახსნის მიზეზი, როგორია „კავეს“ განვითარების ხედვა და რა გეგმები აქვს „კონტემპოს“? #ახალიამბები #BusinessMediaGeorgia
საერთაშორისო ინვესტორები „არქის“ მეგაპროექტ „გრანდ ავენიუს“ ესტუმრნენ. „ტრამპ თაუერის“ პრეზენტაციის დასრულების შემდეგ, მსხვილი უცხოური ფონდების წარმომადგენლები თბილისში მიმდინარე დეველოპერულ პროცესებსა და ახალ შესაძლებლობებს პირადად გაეცნენ. რა კონკრეტული ინტერესი აქვს გლობალურ კაპიტალს დედაქალაქის ცენტრში და როგორ აფასებენ უცხოელი ბიზნესმენები „არქის“ საინვესტიციო პოტენციალს? #ახალიამბები #BusinessMediaGeorgia
ყავის წარმოების საუკუნოვანი გამოცდილების მქონე იტალიური ბრენდის, Trucillo-ს, მესამე თაობის წარმომადგენლები ჩეზარე და ანტონია ტრუჩილოები საქართველოში ვიზიტის ფარგლებში Wendy's-ის დოლიძის ქუჩაზე მდებარე რესტორანს სტუმრობდნენ. ისინი ვენდის ბარისტებს შეხვდნენ და ყავის მომზადების პროცესშიც ჩაერთნენ. აღსანიშნავია, რომ Wendy's-ში ექსკლუზიური Trucillo-ს ბლენდი - რობუსტასა და არაბიკას უნიკალური ნაზავი, გამოიყენება, რომელიც მხოლოდ Wendy's-შია ექსკლუზიურად წარმოდგენილი საქართველოში. Wendy's-სა და Trucillo-ს თანამშრომლობა საქართველოში უკვე 13 წელს ითვლის. იტალიური ყავის ტრადიცია და Wendy's-ის ამერიკული კვების კულტურა საქართველოში ერთმანეთს ყოველდღიურად ორგანულად ერწყმის. #ახალიამბები #BusinessMediaGeorgia
სამი თვის განმავლობაში SOCAR-ის მომხმარებლებს საწვავის ჩასხმის გარდა, ყოველდღიურად გამარჯვების შანსიც ჰქონდათ. მასშტაბურ გათამაშებაში 370 000-ზე მეტი ბილეთი მონაწილეობდა, კამპანიის ფარგლებში კი ჯამში 9 200 მომენტალური პრიზი გათამაშდა. ბელიაშვილის 66-ში, SOCAR-ის სრულად ელექტრო დამტენ სადგურზე, გათამაშების გამარჯვებულებს მთავარი პრიზები საზეიმო ვითარებაში გადაეცათ. ჯილდოებს შორის იყო ახალი ელექტრომობილი AIQAR eQ7, სამი ფულადი პრიზი თითოეული 10 000 ლარის ოდენობით და მთავარი პრიზი „თეთრი კვადრატის“ საცხოვრებელ კომპლექსში 92 კვადრატული მეტრის ფართობის ახალაშენებული ბინა. ვინაიდან კამპანიის მთავარი იდეა იყო, რომ ერთი ადამიანის გამარჯვება შესაძლოა მეორე ადამიანის სიხარულის მიზეზიც გახდეს, ჩვენი რეპორტიორი ირაკლი მოდებაძე იმყოფებოდა გუშინ ცერემონიის ადგილას და დღეს სწორედ მის მიერ მომზადებული სიუჟეტით გაგიზიარებთ ამ საერთო სიხარულს. #ახალიამბები #BusinessMediaGeorgia
ვინ აგებს პასუხს ასეულობით მილიონი დოლარის ზარალზე, რომელიც შესაძლოა საქართველოს ბიუჯეტს დააწვეს? თურქულ კომპანია „ენკასთან“ წაგებულ დავაზე აშშ-ის სასამართლომ აღსრულების პროცედურები დაძრა. სანამ იუსტიციის სამინისტრო გადაწყვეტილების გასაჩივრებას გეგმავს, იურისტები იმ მაღალჩინოსნების პასუხისმგებლობის საკითხს აყენებენ, რომელთა გადაწყვეტილებებმაც ქვეყანა მძიმე ფინანსური და რეპუტაციული ზარალის წინაშე დააყენა. რატომ უნდა დაიწყოს პროკურატურამ მოკვლევა იმ მაღალჩინოსნების მიმართ, ვინც გადაწყვეტილებები მიიღო და რას ფიქრობენ მოქალაქეები, რომელთა ჯიბეზეც ეს ტვირთი აისახება? #ახალიამბები #BusinessMediaGeorgia
#საქმიანიდილა - 18 სექტემბერი - პროლოგი #ახალიამბები #BusinessMediaGeorgia
2026 წლის იანვარი-აგვისტოს პერიოდში საქართველოდან 788.6 ტონა ლოკოკინაა ექსპორტირებული, რომლის ჯამური ღირებულება 2.7 მლნ აშშ დოლარს შეადგენს. გარემოს დაცვისა და სოფლის მეურნეობის სამინისტროს ცნობით 8 თვეში წინა წლის ანალოგიურ პერიოდთან შედარებით, ექსპორტირებული ლოკოკინების რაოდენობა 74%-ით (335 ტონა), ხოლო ღირებულება 76%-ით (1.2 მლნ აშშ დოლარი) გაიზარდა. ლოკოკინების საექსპორტო ბაზრები საფრანგეთი (70%) და თურქეთია (30%). ტენდენცია ბოლო წლებში მზარდია. მაგ. 2025 წელს ექსპორტირებული ლოკოკინას რაოდენობამ 571 ტონა შეადგინა, რაც 2.1-ჯერ აღემატებოდა 2024 წლის მაჩვენებელს. ცნობისთვის, ევროკავშირის ბაზარზე საქართველოდან ლოკოკინების ექსპორტი 2021 წლის ბოლოდან გახდა შესაძლებელი. როგორ განვითარდა ბიზნესი ბოლო წლებში და რა პერსპექტივები აქვს მას? სტუმარი: მერაბ ნადარაია, Nadi Group-ის დამფუძნებელი #ახალიამბები #BusinessMediaGeorgia
მსოფლიოში სურსათის ფასებმა 2022 წლის ბოლოდან ყველაზე მაღალ ნიშნულს მიაღწია. გაეროს სურსათისა და სოფლის მეურნეობის ორგანიზაციის (FAO) ახალი ანგარიშის თანახმად, აგვისტოში გლობალური ფასები ივლისთან შედარებით 1.9%-ით გაიზარდა. მკვეთრი მატება ფიქსირდება შაქარზე, რომლის ფასიც თითქმის 12%-ით გაიზარდა, და ხორბალზე 2.6%-ით. ფასების ნახტომის მთავარ მიზეზებად გეოპოლიტიკური დაძაბულობა, ექსტრემალური სიცხეები და მიწოდების ჯაჭვის შეფერხება სახელდება. FAO-ს პროგნოზით, 2026 წელს მარცვლეულის გლობალური წარმოება 2018 წლის შემდეგ ყველაზე მასშტაბურად შემცირდება. როგორ აისახება გლობალური ბაზრის ეს შოკი საქართველოს სურსათის ფასებზე, რომელზეც იმპორტდამოკიდებულება ისედაც მაღალია? სტუმარი: ჯუბა მარუაშვილი - „FAO საქართველოს“ პოლიტიკის უფროსი #ახალიამბები #BusinessMediaGeorgia
ფიზიკური პირის ქონების გადასახადის დაბეგვრის ზღვარი 40 000-დან 100 000 ლარამდე გაიზარდა, რის შედეგადაც 81 ათასი ოჯახი ამ გადასახადისგან გათავისუფლდა. მიუხედავად იმისა, რომ ცვლილება ცალსახად პოზიტიურია, დარგის სპეციალისტების შეფასებით, ის არსებულ ფუნდამენტურ პრობლემებს ვერ ჭრის. სექტორის წარმომადგენლები ყურადღებას რამდენიმე ძირითად ხარვეზზე ამახვილებენ: პირველი უკავშირდება გადასახადის მიბმას შემოსავალზე: მოქმედი საგადასახადო განაკვეთების პირობებში, 100 000 ლარზე მეტი შემოსავლის მქონე ოჯახებს საკმაოდ მძიმე საგადასახადო ტვირთი აწევთ. გადასახადის ოდენობის მიბმა მესაკუთრის შემოსავალზე მეთოდოლოგიურად და ეკონომიკური შინაარსით არასწორია. კლასიკური ევროპული მოდელი ეფუძნება უძრავი ქონების საბაზრო ღირებულებას და არა მესაკუთრის შემოსავლებს. მეორე საკითხია ქონების შეფასების არამკაფიო წესი: დეკლარაციაში მისათითებელი ქონების ღირებულებას ფიზიკური პირი საკუთარი შეხედულებისამებრ განსაზღვრავს, რაც არაკეთილსინდისიერი ქმედებების რისკს ზრდის. ამ პრობლემის მოსაგვარებლად წლებია მიმდინარეობს მსჯელობა ქონების შეფასების სპეციალური პროგრამული უზრუნველყოფის დანერგვაზე. და მესამე: გაჭიანურებული რეფორმა: ფინანსთა სამინისტრო ჯერ კიდევ 2023 წლიდან აცხადებდა, რომ მუშაობდა რეფორმის ე.წ. „ესტონურ მოდელზე“, თუმცა ინიციატივას კანონპროექტის სახე ამ დრომდე არ მიუღია. აღნიშნული მოდელი ითვალისწინებს მხოლოდ მიწის დაბეგვრას და არ ვრცელდება მასზე განთავსებულ შენობა-ნაგებობებზე. რას შეცვლის მოქალაქეებისთვის მხოლოდ ზღვრის გაზრდა და რამდენად სამართლიანია ის? სტუმარი: დავით პაპიაშვილი - “კრესტონ ჯორჯიას“ მმართველი პარტნიორი #ახალიამბები #BusinessMediaGeorgia
400 მილიონ დოლარზე მეტი საქართველოს წინააღმდეგ - აშშ-ის კოლუმბიის ოლქის სასამართლომ თურქული კომპანია ENKA-ს სასარგებლოდ საარბიტრაჟო გადაწყვეტილების აღსრულების პროცესი დაძრა. ამის შესახებ სასამართლოს 2026 წლის 11 სექტემბრით დათარიღებულ გადაწყვეტილებაშია აღნიშნული. საქართველოს ხელისუფლება აქამდე კომპენსაციის გადახდის შეჩერებას საფრანგეთის იურისდიქციაში ცდილობდა, სადაც საერთაშორისო სავაჭრო პალატის საარბიტრაჟო კოლეგიამ განიხილა და ჯერ კიდევ 2024 წლის დეკემბერში საქართველოს 383-მილიონიანი კომპენსაციის გადახდა დააკისრა. თუმცა, რადგან ყოველ გადაუხდელ კვარტალზე თანხას საპროცენტო განაკვეთიც ერიცხება, ჯამური კომპენსაცია ამ დროისთვის 400 მილიონ დოლარს მნიშვნელოვნად აჭარბებს. ინფორმაციას გუშინვე გამოეხმაურა საქართველოს მთავრობა. იუსტიციის სამინისტროში აცხადებენ, რომ გავრცელებული ცნობები მცდარია და ვაშინგტონის სასამართლოს ახალი ჯარიმა საქართველოსთვის არ დაუკისრებია. ბექა ძამაშვილის განმარტებით, საუბარია მხოლოდ პროცესუალურ ნაწილზე, ხოლო მთავარი დავა პარიზის სააპელაციო სასამართლოში გადაწყვეტილების გაუქმების მოთხოვნით კვლავ გრძელდება. იუსტიციის სამინისტრო ვაშინგტონის სასამართლოს გადაწყვეტილების გასაჩივრებასაც გეგმავს. რა ემუქრება საქართველოს ბიუჯეტს, ინვესტიციებსა და ენერგოსექტორს ჩაშლილი პროექტის გამო? სტუმარი: აკაკი ცომაია - ეკონომისტი; #ახალიამბები #BusinessMediaGeorgia
ჯენ ზი გლობალური ბაზრისთვის სულ უფრო მნიშვნელოვანი მომხმარებელი ხდება, თუმცა მისი სამომხმარებლო ქცევა ტრადიციულ მოდელს აღარ ჰგავს - ეს თაობა ერთდროულად ეძებს დაბალ ფასს, ხარისხს, გამოცდილებასა და პროდუქტს, რომელიც მის ღირებულებებს შეესაბამება. სად და რაზე ხარჯავს ჯენ ზი ფულს, რაში ზოგავს, რა გავლენას ახდენს მის არჩევანზე და როგორ ცვლის ეს ახალი თაობის მომხმარებელი ბიზნესის მიდგომებს? #ახალიამბები #BusinessMediaGeorgia
BAG-ს „ასკანელი“ შეუერთდა. ღვინისა და ალკოჰოლური სასმელების მწარმოებელი კომპანია, რომელიც 1880 წლიდან დაწყებული ოჯახურ მეღვინეობის ტრადიციას თანამედროვე, სრული ციკლის წარმოებასთან აერთიანებს.კომპანია ამ დროისთვის 453 ჰექტარ ვენახს ფლობს და საქართველოს სხვადასხვა რეგიონში მათ შორის კახეთში, თბილისსა და გურიაში თანამედროვე ქარხნებსა და სახდელებს მართავს. სტუმრები: ლევან ვეფხვაძე - საქართველოს ბიზნეს ასოციაცია, აღმასრულებელი დირექტორი; ირინა ქიტიაშვილი - "ასკანელი", აღმასრულებელი დირექტორი #ახალიამბები #BusinessMediaGeorgia
საკუთარი ბინის შეძენა ახალგაზრდა ასაკში, შორეული გეგმაა თუ რეალური შესაძლებლობა? იქსორი დეველოპმენტის ახალი კამპანია ჯენზის მიმართავს გზავნილით — „შენი სახლი, შენი სტანდარტებით“ და ცდილობს შეცვალოს წარმოდგენა, თითქოს პირველი ბინის შეძენა ცხოვრების უფრო გვიან ეტაპს უნდა უკავშირდებოდეს. კამპანია საუბრობს დამოუკიდებელ ცხოვრებაზე, ფინანსურ არჩევანზე და იმაზე, თუ როგორ შეიძლება საკუთარი სახლის შეძენა ახალგაზრდისთვის სურვილიდან რეალურ გეგმად იქცეს. რას ელოდება ახალი თაობა საცხოვრებელი გარემოსგან, რა უშლის ხელს პირველი ნაბიჯის გადადგმაში და როგორ შეიძლება უძრავი ქონება მათთვის არა მხოლოდ საცხოვრებელი, არამედ გრძელვადიანი ინვესტიციაც გახდეს? სტუმარი: მარიამ მახარაძე - X2 დეველოპმენტის მარკეტინგის მენეჯერი #ახალიამბები #BusinessMediaGeorgia