#საქმიანიდილა - 4 დეკემბერი - პროლოგი #ახალიამბები #BusinessMediaGeorgia
გლობალური ავტოინდუსტრია ისტორიული გარდატეხის წინაშეა - 2024 წლის მონაცემებით, მსოფლიოს მასშტაბით გაყიდული 80 მილიონი ავტომობილიდან უკვე ყოველ მესამე ელექტრო ან ჰიბრიდულია, მაშინ როცა შიდა წვის ძრავიანი მანქანების გაყიდვები 2017 წლიდან 30%-ით შემცირდა. ელექტრომობილების 14-ჯერ ზრდამ არა მხოლოდ გაყიდვების სტრუქტურა, არამედ გეოგრაფიაც შეცვალა: განვითარებად ბაზრებზე გაყიდვების ნახევარზე მეტი მოდის, ჩინეთი კი მსოფლიოს უდიდეს ექსპორტიორად უკვე მიჩნეულია. ამ ტრანსფორმაციის ფონზე, გლობალური ბაზრის ბალანსს ყველაზე მეტად ელექტრიფიკაციის ტემპი, ბატარეების მაღალი ღირებულება და ის ფაქტი განსაზღვრავს, რომ ელექტრომობილების წარმოება ჩინეთში 30%-ით იაფია, ვიდრე განვითარებულ ეკონომიკებში. #ახალიამბები #BusinessMediaGeorgia
2025 წელი ფარმაცევტული ინდუსტრიისთვის გარდამტეხი ეტაპია - არა მხოლოდ ფინანსური მაჩვენებლების მხრივ, არამედ სამეცნიერო პროგრესისა და რეგულაციური პოლიტიკის მნიშვნელობითაც. ბიოტექნოლოგიური ინოვაციები აჩქარებს მანამდე შეზღუდულად განვითარებულ სამკურნალო სფეროებს, ხოლო კონკურენცია განსაკუთრებით მძაფრდება GLP-1-ისა და ონკოლოგიური თერაპიების მიმართულებით. ის კომპანიები, რომლებიც შეძლებენ ინოვაციისა და სტრატეგიული კომერციული ხედვის სინთეზს, განსაზღვრავენ არა მხოლოდ ინდუსტრიის, არამედ მთელი გლობალური ჯანდაცვის განვითარების მომავალს. დღეს, ვინ და როგორ ცდილობს ამ ბალანსის დაცვას, შემოსავლების ზრდას და ბაზრის უმსხვილეს მოთამაშედ პოზიციონირებას? #ახალიამბები #BusinessMediaGeorgia
გვსურს შემოგთავაზოთ სიუჟეტი, საიდანაც მივიღებთ უფრო მეტ ინფორმაციას ვერტექს ფარმასიუტიქალის რევოლუციური თერაპიის შესახებ, რომელმაც ტიპი 1 დიაბეტის მქონე ადამიანებისთვის ყოველდღიურობა შესაძლოა, საგრძნობლად შეცვალოს, რადგან ტიპი 1 დიაბეტი მილიონობით ადამიანისთვის ქრონიკულ, სიცოცხლისთვის საშიშ მდგომარეობად რჩება, რომელიც ყოველდღიურად მოითხოვს ინსულინის მართვას და გლუკოზის დონის მუდმივ მონიტორინგს, Vertex-ის ღეროვანი უჯრედების თერაპია, სახელწოდებით ზიმიცელელი პაციენტებს ინსულინზე დამოკიდებულებისგან ათავისუფლებს. #ახალიამბები #BusinessMediaGeorgia
რადგან, 1 დეკემბერი არის დღე, როდესაც მთელს მსოფლიოში საზოგადოება ერთიანდება აივ ინფიცირებული ადამიანების მიმართ გლობალური სოლიდარობის და თანადგომის გამოხატვის მიზნით. საქართველო უკვე 34 წელია ტრადიციულად უერთდება მსოფლიოს სხვადასხვა ქვეყნებს შიდსის საერთაშორისო დღის აღნიშვნაში. შიდსის მსოფლიო დღე ყოველ წელს გარკვეულ თემაზე კონცენტრირდება. 2025 წლის დევიზია: დავძლიოთ სირთულეები, გავაძლიეროთ პასუხი შიდსის ეპიდემიაზე. როგორი წელი იყო 2025 გლობალურად და საქართველოსთვის, განსაკუთრებით იმ თვალსაზრისით, რომ ჩვენს ქვეყანას დონორების მხრიდან მკვეთრად შეუმცირდა დაფინანსება. სტუმარი: ნატალია ზაქარეიშვილი - პროგრამის ანალიტიკოსი, გაეროს მოსახლეობის ფონდის საქართველოს ოფისი (UNFPA) #ახალიამბები #BusinessMediaGeorgia
ფინანსური ეკოსისტემა მუდმივად განახლების და ინოვაციების რეჟიმშია, თუმცა ბოლო პერიოდში განსაკუთრებით გამოიკვეთა ის ტრენდი, რომელიც მომხმარებელს უფრო სწრაფ, მარტივ და უსაფრთხო ციფრულ სერვისებს სთავაზობს. სწორედ ამ მიმართულებით გააკეთა მნიშვნელოვანი ნაბიჯი საქართველოს ბანკმა, რომელმაც კიდევ ერთხელ დაამტკიცა, რომ არის მსოფლიოს საუკეთესო ციფრული ბანკი. მობილბანკში უკვე დაემატა ახალი, გამორჩეულად კომფორტული ფუნქციონალი, მომენტალური გადარიცხვები სხვა ბანკებში მხოლოდ მობილურის ნომრით. ეს ნიშნავს, რომ მომხმარებელს ანგარიშის ნომრის აღრიცხვა აღარ სჭირდება. რით განსხვავდება არსებული ალტერნატივებისგან განახლებული გადარიცხვები? სტუმარი: მარიამ ახალაძე - საქართველოს ბანკი, Product owner #ახალიამბები #BusinessMediaGeorgia
"შავი პარასკევის" შედეგები წინა წელთან შედარებით, გაუმჯობესებული შედეგების მიღმა, წელს ერთ მნიშვნელოვანი დეტალიც გამოიკვეთა ხელოვნური ინტელექტის სახით. ანალიტიკური ორგანიზაციების შეფასებით, წლევანდელ შავ პარასკევზე მსოფლიოს მასშტაბით .განსაკუთრებით ბევრმა მომხმარებელმა გამოიყენო ხელსაწყო ფასდაკლებების მოძიების, პროდუქტების შედარებისა და სწორი არჩევანის მყისიერად გასაკეთებლად, რაც თავის მხრივ გაყიდვების დინამიკასაც დაეტყო. #ახალიამბები #BusinessMediaGeorgia
ცხოვრება სწრაფი ტემპით ვითარდება, მუდმივი ცვლილებების ფონზე ტექნოლოგიებიც შესაბამისად უნდა პროგრესირებდეს, რაც ძალიან მნიშვნელოვანია მოგზაურობის დროს. სწორედ ამიტომ როუმინგო აგრძელებს განვითარებას მომხმარებლის საჭიროებებზე დაკვირვებით. განსაკუთრებით ბოლო თვეებში გაძლიერდა სერვისის სიჩქარე, შემცირდა ფასები და დაემატა ფუნქციონალები, რომლებიც მოგზაურობისას კავშირს კიდევ უფრო მარტივსა და გამჭვირვალეს ხდის. Roamingo ქართული ტექნოლოგიური კომპანიაა, რომელიც მოგზაურებს მარტივ, გამჭვირვალე და ხელმისაწვდომ საერთაშორისო მობილურ ინტერნეტს მსოფლიოს მასშტაბით გვთავაზობს. სტუმარი: ლევან კილაძე, "როუმინგოს" მმართველი პარტნიორი, "ლემონდუს" დამფუძნებელი #ახალიამბები #BusinessMediaGeorgia
Financial Times საქართველოში საბანკო სექტორით, კონკრეტულად კი თიბისი ჯგუფის წარმატებით დაინტერესდა. თიბისი პირველი ქართული ბანკია, რომელიც Financial Times-ის გლობალური ბანკინგის სამიტზე ლონდონში მიიწვიეს. ბანკის გენერალური დირექტორის მოადგილემ, გიორგი თხელიძემ მთავარი სცენის პანელურ დისკუსიაში მიიღო მონაწილეობა, სადაც 2030 წლისთვის საბანკო სექტორის ტრანსფორმაციაზე იმსჯელეს. ყოველწლიური ღონისძიება ლონდონში ტარდება და მსოფლიოს სხვადასხვა ქვეყნიდან 1000-ზე მეტ ლიდერს აერთიანებს. Global Banking Summit-ზე ბანკების ხელმძღვანელები, ტექნოლოგიური კომპანიები, ანალიტიკოსები და რეგულატორები ერთად განიხილავენ ფინანსური სექტორის ტენდენციებსა და შესაძლებლობებს. გიორგი თხელიძესთან ერთად პანელში მონაწილეობდნენ: წამყვანი ბრიტანული კომერციული ბანკის - Lloyds - საცალო საბანკო საქმიანობის აღმასრულებელი დირექტორი, ასევე, შვეიცარიული ტექნოლოგიური კომპანიის - Temenos-ისა და ბრიტანული პროგრამული უზრუნველყოფის კომპანია - Encompass-ის წარმომადგენლები. #ახალიამბები #BusinessMediaGeorgia
"პორშე ცენტრი თბილისი" ქართულ ბაზარზე პირველი კომპანია გახდა, რომელმაც მომხმარებელს ელექტრომობილებზე ფიქსირებული ნარჩენი ღირებულება შესთავაზა, ანუ, ამიერიდან, ჯერ კიდევ შეძენის ეტაპზე, მომხმარებელს ზუსტად ეცოდინება, რა მინიმალურ ფასად ჩაიბარებს კომპანია მის ელექტრომობილს ექსპლუატაციიდან 1, 2 ან 3 წლის შემდეგ. შეთავაზება პირველი დეკემბრიდან ამოქმედდა. სტუმარი: პეტრე წაქაძე - „თეგეტა ჰოლდინგის“ მსუბუქი ავტომობილების მიმართულების მთავარი ოფიცერი #ახალიამბები #BusinessMediaGeorgia
4-5 დეკემბერს თბილისი Global Investors Forum-ს უმასპინძლებს - წამყვან ეკონომიკურ პლატფორმას, რომელიც ერთიანი საინვესტიციო ეკოსისტემის შექმნით სპარსეთის ყურის თანამშრომლობის საბჭოს ქვეყნებსა და ევრაზიას შორის თანამშრომლობის გაძლიერებას ისახავს მიზნად. უძრავი ქონებისა და ინფრასტრუქტურის სესიაზე მოხსენებით წარდგება დოქტორი როქ-ანტუან მეჰანა, რომელიც 30 წლის განმავლობაში მუშაობდა წამყვან პოზიციებზე, არის გლობალური ლიდერი და სტრატეგიული მრჩეველი. #ახალიამბები #BusinessMediaGeorgia
ონლაინ შესყიდვები და კიბერ უსაფრთხოება. გამომდინარე იქიდან, რომ ონლაინ შოპინგის სეზონი პიკურ პერიოდშია, შავი პარასკევის, კიბერ ორშაბათის და მოახლოებული საახალწლო აქციების პერიოდში, მომხმარებლები განსაკუთრებულ შეთავაზებებს ელიან, ხოლო ინტერნეტვაჭრობა ერთგვარ მარათონად იქცევა. ამ გაზრდილ აქტივობას პარალელურად ყოველთვის მოსდევს მეორე მხარე, კიბერთაღლითობის შემთხვევების მატება, როდესაც კიბერ თავდამსხმელები ცდილობენ, ციფრული შეთავაზებებით შექმნილი აჟიოტაჟით ისარგებლონ. ამიტომაც დღეს განსაკუთრებით მნიშვნელოვანია, ვიცოდეთ როგორ შევინარჩუნოთ უსაფრთხოება: როგორ დავრწმუნდეთ საიტის სანდოობაში, როგორ არ გავხსნათ შემთხვევით ფიშინგ-ბმული და როგორ დავიცვათ ჩვენი ბარათები, პაროლები თუ პერსონალური მონაცემები. სწორედ ამ მიმართულებით ყველაზე მეტი გამოცდილება და სტატისტიკური მონაცემები ფინანსური სექტორის წარმომადგენლებს აქვთ, რადგან ისინი ყოველდღიურად აკვირდებიან კიბერ რისკების დინამიკას და იციან, რა სახის სქემები აქტიურდება ამ პერიოდში? სტუმარი: ინგა ქარჩავა - საქართველოს საბანკო ასოციაცია, კიბერუსაფრთხოების მიმართულების კოორდინატორი #ახალიამბები #BusinessMediaGeorgia
მსოფლიოს მასშტაბით, სექტორულ ჭრილში - პროფესიული განათლების როლი იზრდება და ამაზე ჩვენი ეთერებითაც არაერთხელ გვისაუბრია. პროფესიული განათლების განვითარება და პოპულარიზაცია ასევე უმნიშვნელოვანესი ფაქტორია და სწორედ ამაზე ზრუნავს მშენებლობისა და ინჟინერიის დარგობრივი უნარების ორგანიზაცია. ორგანიზაციის ძირითადი საქმიანობა ინდუსტრიისათვის პრიორიტეტული პროფესიისა და პროფესიული საგანმანათლებლო სტანდარტების შემუშავებაში ჩართულობა, პროფესიების შესახებ ცნობიერების ამაღლება და სექტორში კვალიფიციური მუშახელის დეფიციტის აღმოფხვრის ხელშეწყობაა. სწორედ ამის ნაწილია მათი ინიციატივა, რაც სხვადასხვა მოთხოვნადი პროფესიების წარმომადგენლების თქვენთვის გაცნობას გულისხმობს. ამჯერად მშენებლობისა და ინჟინერიის დუოსთან ერთად პროფესია - მექანიკოს-ტექნიკოსი შევარჩიეთ. ამისთვის კი სამშენებლო და სარემონტო მასალების კომპანია ნოვას ვესტუმრეთ და მათი პროფესიონალი მექანიკოს ტექნიკოსი გავიცანით, რომელსაც ამ მიმართულებით მრავალწლიანი გამოცდილება და ცოდნა აქვს. მისი ყოველდღიურობა კომპლექსური და შრომატევადია. რაც მთავარია მექანიკოს-ტექნიკოსზე საწარმო პროცესის სრული გამართულობაა დამოკიდებული. შეჯამებისთვის ეს არის პროფესია რომლის გარეშეც ვერც ერთი საწარმო ეფექტიან, სრულფასოვან მუშაობას ვერ შეძლებს. მოკლედ, ბიემჯის გუნდმა, ნოვას ცენტრალურ საწარმოში, კომპანიის მექანიკოს-ტექნიკოსის სრულ სამუშაო ციკლს მიადევნა თვალი. დავით ნაგელიშვილი - “ნოვას”, მექანიკის ინჟინერიის ტექნიკოსი #ახალიამბები #BusinessMediaGeorgia
2015-2025 წლების მონაცემები ცხადყოფს, რომ გლობალური საცხოვრებელი ბაზარი ერთიანი კანონზომიერებით აღარ მოქმედებს. ქალაქებს შორის განსხვავება იმდენად დიდია, რომ გლობალური ტენდენციების გამოტანა მხოლოდ ფრთხილი, დეტალური ანალიზის პირობებშია შესაძლებელი. ზოგიერთი ბაზარი აგრძელებს ფასების ზრდის ტრადიციას, სხვები სტაგნაციის ზღვარზეა, ხოლო რიგ მეგაპოლისებში, უძრავი ქონების გასაყიდი თუ გასაქირავებელი ფასის თვალსაზრისით, მკვეთრად დაღმავალი დინამიკა შეინიშნება. #ახალიამბები #BusinessMediaGeorgia
ოქროს ვიზები, იგივე საინვესტიციო სქემებით რეზიდენციის უფლება. პანელურ დისკუსიასა და მის მიღმა საუბრებშიც, ქართველი დეველოპერები არ მალავენ ამ სქემისადმი ინტერესს და აღნიშნავენ, რომ საქართველოში ოქროს ვიზის მექანიზმის დანერგვა უძრავი ქონების სექტორის მიღმა, ქვეყნის ეკონომიკასაც მნიშვნელოვან სარგებელს მოუტანს. თუმცა, აქვე ისიც უნდა ვთქვათ, რომ საქმიან საზოგადოებაში ამ თემასთან დაკავშირებით არაერთგვაროვანი პოზიციაა. #ახალიამბები #BusinessMediaGeorgia
2025 წლის 4 დეკემბერს გაყიდვების ასოციაცია თბილისში, სასტუმრო Pullman Tbilisi Axis Towers-ში გაიმართება ბიზნეს გამოფენა, რომელშიც მონაწილეობას მიიღებს 50-ზე მეტი კომპანია სხვადასხვა სექტორიდან, სამშენებლო, სამედიცინო, სარეკლამო, ლოგისტიკური და სხვა მიმართულებებიდან. მონაწილეებს შესაძლებლობა ექნებათ სცენიდან გააცნონ საკუთარი კომპანიები ქართულ ბაზარს, წარმოაჩინონ უნიკალური შეთავაზებები და გამოცდილება. სტუმრები: დავით ჩიკვაიძე - "გაყიდვების ასოციაცია", პრეზიდენტი; გიორგი მიქაცაძე - "აიტი კრაფტი", დამფუძნებელი #ახალიამბები #BusinessMediaGeorgia
რა ძირითადი ბარიერები ხვდებათ საერთაშორისო ბიზნესებს გლობალურ ბაზრებზე — რეგულაციებისა და სამართლებრივი სირთულეებიდან დაწყებული, ეკონომიკურ არასტაბილურობასა და ოპერაციულ გამოწვევებამდე. ანტერპრენერის კვლევის მიხედვით, პრობლემებს აწყდებიან როგორც კომპანიები, რომლებიც უკვე საზღვრებს გარეთ საქმიანობენ, ასევე ისინი, ვინც გლობალურ ასპარეზზე გასვლას ახლა იწყებენ. საბაჟო ტარიფები, ლიცენზიები, ვალუტის მერყეობა, ლოჯისტიკური ბარიერები, კვალიფიციური კადრების დეფიციტი და ინფრასტრუქტურის ხარისხი — ეს ის ფაქტორებია, რომლებიც ახალ ბაზრებზე შესვლას ამძიმებს და ბიზნესის წარმატებას ხშირად განსაზღვრავს? #ახალიამბები #BusinessMediaGeorgia
BAG-ის ინდექსის მიხედვით, 2025 წლის III კვარტალში, 2025 წლის II კვარტალთან შედარებით, 4 პროცენტით გაიზარდა იმ კომპანიების წილი, რომლებიც თვლიან, რომ მათი ბიზნეს საქმიანობისთვის ხელის შემშლელი ფაქტორები არსებობს. ბოლო მონაცემებით, კვლევაში მონაწილე კომპანიების 63% მიიჩნევს ასე. ბიზნესსაქმიანობისთვის ყველაზე მნიშვნელოვანი ხელისშემშლელი ფაქტორებიდან ერთ-ერთ ძირითადად სამართლებრივი და ადმინისტრაციული ბარიერებია დასახელებული. რა სამართლებრივი და ადმინისტრაციული ბარიერებია დღეს ბიზნესში ? სტუმარი: ირაკლი გაფრინდაშვილი - GLCC-ის მმართველი პარტნიორი #ახალიამბები #BusinessMediaGeorgia
საქართველო 4-6 დეკემბერს გლობალურ ინვესტორთა ფორუმს უმასპინძლებს, რომელიც 40 ქვეყნიდან 1000-ზე მეტ დელეგატს გააერთიანებს, მათ შორის 300-ზე მეტ მსხვილ ინვესტორს და 50-ზე მეტ სპიკერს. ღონისძიებაზე შეძლებთ, რომ მოისმინოთ ჯონ დენტონის გამოცდილების შესახებ, რომელიც პარიზის საერთაშორისო სავაჭრო პალატის (ICC) გენერალური მდივანი, გლობალური ბიზნესისა და საერთაშორისო ვაჭრობის ექსპერტია. #ახალიამბები #BusinessMediaGeorgia
გასული ნოემბერი საქართველოსა და ჩვენი მეზობელი თურქეთის სავაჭრო ურთიერთობებში ისტორიული თვეა, - 2007 წლის 21 ნოემბერს საქართველოსა და თურქეთს შორის თავისუფალი ვაჭრობის შეთანხმებას ხელი მოეწერა, რომლის მთავარი მიზანიც სამრეწველო საქონლის ვაჭრობის სრული ლიბერალიზაცია და საბაჟო ტარიფების გაუქმება იყო. მიუხედავად იმისა, რომ აღნიშნულ თარიღამდეც, ჯერ კიდევ 90-იანი წლებიდან, თურქეთი საქართველოსთვის ერთ-ერთი მნიშვნელოვანი სავაჭრო პარტნიორი იყო, ამ ხელშეკრულების გაფორმების შემდეგ ორ ქვეყანას შორის ეკონომიკური ურთიერთობა ბევრად გაღრმავდა, რის შედეგადაც თურქეთი ჩვენი ქვეყნის ერთ-ერთ მთავარ სავაჭრო პარტნიორად ჩამოყალიბდა. სწორედ თურქეთი იყო პირველი ქვეყანა, რომელმაც საქართველოსთან ორმხრივი თავისუფალი სავაჭრო ბაზარი გახსნა. #ახალიამბები #BusinessMediaGeorgia
გამომდინარე იქიდან, რომ გეოგრაფიული მდებარეობა ყოველთვის იყო საქართველოს უპირატესობა. ისტორიულად, ჩვენი ქვეყანა აბრეშუმის გზის მნიშვნელოვან ნაწილს წარმოადგენდა, დღეს კი ეს პოტენციალი თანამედროვე ინფრასტრუქტურით რეალიზდება. ლოგისტიკური ჰაბი, რომელიც აერთიანებს სარკინიგზო, საავტომობილო და საზღვაო მარშრუტებს, ამცირებს ტვირთების მიწოდების დროს და საქართველოს აქცევს ევრაზიის სატრანზიტო დერეფნის ცენტრალურ კვანძად. სწორედ ეს არის თბილისის მშრალი პორტი, მულტიმოდალური ლოგისტიკური ცენტრი, რომელიც უკვე ცვლის რეგიონის სატრანსპორტო რუკას, ამ ცვლილებების პარტნიორი და მხარდამჭერია საქართველოს ბანკი, რომელიც პარტნიორ ბიზნესებთან ერთად, ქვეყნისთვის მნიშვნელოვანი პროექტების განხორციელებას აქტიურ რეჟიმში განაგრძობს. სტუმრები: მარიამ ჩიხრაძე - "საქართველოს ბანკი", სექტორის უფროსი; ნინო ნემსაძე - “თბილისი დრაი პორტი”, დირექტორი #ახალიამბები #BusinessMediaGeorgia
2 დეკემბერი არაბთა გაერთიანებული საამიროების დაარსების თარიღია. ჩვენს სიუჟეტში მოგიყვებით, როგორ გადაიქცა სპარსეთის ყურის სამხრეთ სანაპიროზე მდებარე „Trucial States“–ის სახელით ცნობილი სუსტი ტომობრივი გაერთიანებები თანამედროვე მსოფლიოში ერთ-ერთ ყველაზე მდიდარ და დინამიკურ სახელმწიფოდ. ნავთობის აღმოჩენამ, ბრიტანეთის რეგიონიდან გასვლამ და ადგილობრივი ლიდერების ფედერაციის შექმნის გადაწყვეტილებამ საფუძველი დაუდო არაბთა გაერთიანებული საამიროების იმ სწრაფ ტრანსფორმაციას, რომელმაც ქვეყანა რამდენიმე ათწლეულში ინოვაციის, ვაჭრობის, ლოჯისტიკისა და ტექნოლოგიების რეგიონულ ლიდერად ჩამოაყალიბა. #ახალიამბები #BusinessMediaGeorgia
4-6 დეკემბერს თბილისი გლობალური ინვესტორთა ფორუმის მთავარი ლოკაცია ხდება, სადაც 40 ქვეყნიდან 1000-ზე მეტი დელეგატი მოიყრის თავს, მათ შორის 300-ზე მეტი მსხვილი ინვესტორი და 50-ზე მეტი სპიკერი. დღეს გაგაცნობთ ფორუმის კიდევ ერთ სპიკერს- სპიკერებს შორისაა არეფ ალაბარი - დიპლომატიური და ინსტიტუციური მრჩეველი, საერთაშორისო არბიტრი და სერტიფიცირებული ინსტიტუციური კონსულტანტი, რომელიც დამსწრე აუდიტორიას თავის გამოცდილებას გაუზიარებს. #ახალიამბები #BusinessMediaGeorgia
გლობალური ბაზრები - Galt & Taggart-ის მიმოხილვა / Global Markets Weekly Update სტუმარი: ნიკა მაზანაშვილი - Galt & Taggart-ის საბროკერო მიმართულების გაყიდვების დეპარტამენტის ხელმძღვანელი #ახალიამბები #BusinessMediaGeorgia
საქართველოს ეკონომიკა - Galt & Taggart-ის მიმოხილვა სტუმარი: ლაშა ქავთარაძე - Galt & Taggart-ის ეკონომისტი #ახალიამბები #BusinessMediaGeorgia
ინფლაცია არსებითად ეკონომიკის „უხილავი გადასახადია“, რომელიც ყველაზე მეტად აზიანებს რიგით მოქალაქეს. ფულის, როგორც ღირებულებით აქტივის ეროზია ქმნის პირობებს, სადაც საზოგადოება თანდათან კარგავს ფინანსურ სტაბილურობასა და მომავლის უსაფრთხოებაზე ფიქრის უნარს. ამ პირობებში აუცილებელია, ქვეყნების მთავრობებმა, ფინანსურმა ინსტიტუტებმა და მოქალაქეებმა იპოვონ გონივრული გზები ფულის რეალური ღირებულების დასაცავად, რათა შევინარჩუნოთ ეკონომიკური მდგრადობა და სოციალური უსაფრთხოება. IMF-ის უახლესი მონაცემების მიხედვით, რომელი ქვეყნები განიცდიან ყველაზე დიდ ინფლაციურ წნეხს და რა მეთოდები განიხილება გლობალურ ეკონომიკაში ინფლაციისგან თავის დასაცავად? #ახალიამბები #BusinessMediaGeorgia
გუშინ ბათუმს საქართველოში ისრაელის საგანგებო და სრულუფლებიანი ელჩი, ვალიდ აბუ ჰაია საქმიანი ვიზიტით ეწვია. მისი ვიზიტის მიზანი იყო კომპანია European Village-ის ორგანიზებით გამართულ ღონისძიებაში მონაწილეობა. ღონისძიებას ელჩთან ერთად ბიზნეს წრეების წარმომადგენლები, ასევე აჭარის ავტონომიური რესპუბლიკის ტურიზმისა და კურორტების დეპარტამენტის ხელმძღვანელი ესწრებოდნენ. ღონისძიების მთავარი მიზანი, საქართველოსა და ისრაელს შორის საინვესტიციო თანამშრომლობის გაღრმავება და აჭარაში ტურიზმის მდგრადი და უწყვეტი განვითარებაა. #ახალიამბები #BusinessMediaGeorgia
წლევანდელი თიბისის ბიზნეს დაჯილდოების გენდერის მიმართულებით გამარჯვებული კომპანია უკვე ცნობილია. ეს არის ლე მერიდიენ ბათუმი. სასტუმრო, რომელიც მხოლოდ მაღალი მომსახურებით არ შემოიფარგლება და აქტიურად მუშაობს ინკლუზიის, განათლებისა და გენდერული თანასწორობის გაძლიერებაზე. გამარჯვებულის სტატუსით, ლე მერიდიენ ბათუმმა, თიბისის მხარდაჭერით ქალებისთვის კიდევ ერთი მნიშვნელოვანი ინიციატივა განახორციელა, სასტუმროსა და პარტნიორი სასტუმროების თანამშრომლებს ბათუმში უფასოდ ჩაუტარდათ ძუძუს კიბოს სკრინინგი, რაც მნიშვნელოვანი შეხსენება იყო, რომ ჯანმრთელობაზე ზრუნვა საკუთარი თავის და ჩვენს გარშემო მყოფი ადამიანების გაძლიერებაა. სტუმრები: მაკა ბოჭორიშვილი - თიბისი, ESG კოორდინატორი; ნათია სტამბოლიშვილი - "ლე მერიდიენ ბათუმი", HR სამსახურის ხელმძღვანელი #ახალიამბები #BusinessMediaGeorgia
თიბისი დაზღვევის მორიგი ამბიციური ნაბიჯი საქართველოს სადაზღვევო ბაზრის განვითარების მიმართულებით. კომპანია ახალი სტრატეგიული ჩარჩოს ფორმირებას იწყებს, რომელიც მიზნად ისახავს მომხმარებელზე ორიენტირებული ბიზნეს-მოდელების გაძლიერებას, ზრდის დაჩქარებას და ოპერაციული ეფექტიანობის ახალი სტანდარტების ჩამოყალიბებას. ამ პროცესში განსაკუთრებული მნიშვნელობა ენიჭება სტეფანო ტურკონს - გლობალური სტრატეგიის გავლენიან ფიგურას და London Business School-ის სტრატეგიისა და მეწარმეობის მიმართულების წამყვან სპეციალისტს. თიბისი დაზღვევაში აღნიშნავენ, რომ პროფესორის გამოცდილება და გლობალური ხედვა მნიშვნელოვან წვლილს შეიტანს კომპანიის მეტად ინოვაციურ, მდგრად და მომხმარებელზე ორიენტირებულ ორგანიზაციად ჩამოყალიბებაში. #ახალიამბები #BusinessMediaGeorgia
ის რაც ბოლო ერთი თვეა განსაკუთრებულად თბილისის მაცხოვრებლებს გვაწუხებს, არის ატმოსფერულ ჰაერში მტვრის მყარი ნაწილაკების კონცენტრაციის მატება. რაც ქვეყანაში უდაბნოს მტვერის მასების გავრცელებამ განაპირობა და დაბინძურების შენარჩუნებაზე თავის მხრივ გავლენა იქონია ნალექისა და ქარის არარსებობამ, თუმცა რადგან დღეს წვიმას ველით, შესაძლოა და იმედია, რომ ჰაერის შედარებით გაიწმინდება. თუმცა იქამდე BMG-ის გუნდმა მოგიმზადათ სიუჟეტი, რადგან ტრანსასაზღვრო დაბინძრება, თბილისთან ერთად, რუსთავში, მცხეთაში, ქუთაისსა და ყვარელშიც ფიქსირდება, თუმცა საქართველოს სხვა ქალაქებისგან განსხვავებით შავი, სქელი ნისლი დედაქალაქს 6 ნოემბრიდან არ შორდება. სპეციალისტების თქმით, ამის მიზეზი ქალაქის ჩაკეტვაა - დარღვეული განაშენიანების წესების გამო თბილისი ვეღარ ნიავდება, რაც მდგომარეობას უფრო ართულებს. რა საფრთხეს იწვევს სმოგი მოქალაქეებისთვის? #ახალიამბები #BusinessMediaGeorgia
24 წლის წინ, სწორედ დღევანდელ დღეს, იმ დროისთვის ამერიკის მეშვიდე უმსხვილესმა კორპორაცია ენრონმა თავი გაკოტრებულად გამოაცხადა. მისი კოლაფსი დღემდე ითვლება ერთ-ერთ ყველაზე დიდ საბუღალტრო სკანდალად ისტორიაში, რომელმაც ფუნდამენტურად შეცვალა მიდგომა კომპანიების ფინანსური ინფორმაციის აღრიცხვისა და გაზიარების მიმართ. ამის მიღმა, „ენრონის“ კრახი ამერიკის კანონმდებლობაში ისეთი ცვლილებების შეტანის საფუძველიც გახდა, რომელმაც კომპანიის ფინანსური გამჭვირვალობა ერთ-ერთ მთავარ მოთხოვნად აქცევდა.რას გვიყვება დრო, ენორნის აღზევებისა და დაცემის შესახებ? #ახალიამბები #BusinessMediaGeorgia
AI რბოლას ინდური Adani Group-იც უერთდება! #ახალიამბები #BusinessMediaGeorgia
2025 წლის მესამე კვარტალში ადგილობრივი ტურისტების მიერ შიდა ვიზიტების დროს გაწეული დანახარჯები 2.8%-ით შემცირდა და თითქმის 400მლნ დოლარს მიაღწია. საქსტატის ადგილობრივი ტურიზმის სტატისტიკის მიხედვით 15 წლის და უფროსი ასაკის საქართველოს რეზიდენტი ვიზიტორები ყველაზე მეტს საყიდლებზე ხარჯავდნენ. ადგილობრივმა ტურისტებმა ამ კატეგორიაზე ₾128.8 მილიონი დახარჯეს, ეს კი მთლიან ხარჯებში 73.9% იყო. მეორე მაღალხარჯიანი კატეგორია საკვები და სასმელი იყო, ჯამური დანახარჯით ₾111.6 მილიონი. 63,4მლნ ლარი კი ტრანსპორტირებაზე დაიხარჯა. როგორ იცვლება საქართველოს მოქალაქეების დამოკიდებულება მოგზაურობისადმი, სად და რამდენს ხარჯავენ ისინი? სტუმარი: ანი კირკიტაძე - "ვინგლეთი", დამფუძნებელი #ახალიამბები #BusinessMediaGeorgia
თბილისი Global Investors Forum 2025-ს უმასპინძლებს - ინტერვიუ დოქტორ სადედინ მნეიმნესთან ✔️ GIF 2025-ის მთავარი მიზანი - რატომ საქართველო? ✔️ რატომ არის საქართველო საინტერესო მსოფლიოსთვის ? - სტრატეგიული ჰაბი თანამედროვე აბრეშუმის გზაზე; ✔️ GIF 2025-ის 5 სტრატეგიული მიმართულება - ენერგეტიკიდან აგროტექნოლოგიებამდე; ✔️ GIF 2025-ის ფორმატი - კავშირები & ინოვაციები ✔️ 5 ნაბიჯი ზრდისკენ- მწვანე ენერგიებიდან ციფრულ აქტივებამდე ✔️ სასურსათო უსაფრთხოება და ჭკვიანი ტექნოლოგიები - როგორ უნდა განვითარდეს საქართველოს სოფლის მეურნეობა ? ✔️ საქართველოს ტურისტული პოტენციალი - რაზე უნდა გააკეთოს მთავარ აქცენტი ქვეყანამ? ✔️ რა შედეგები ექნება ქვეყნისთვის გლობალურ ინვესტორთა ფორუმს? სტუმრები: ⤵️ ➡️ დოქტორი სადედინ მნეიმნე - GlF, დამფუძნებელი, AGI Holding, თავმჯდომარე ➡️ გიორგი ისაკაძე - BMG, წამყვანი, გენერალური პროდიუსერი #ახალიამბები #BusinessMediaGeorgia
შავი პარასკევის აქციები დასრულდა, თუმცა წინასაახალწლო პერიოდი ბიზნესისთვის კვლავ აქტიურ სეზონს ნიშნავს. სხვადასხვა კომპანია მიმდინარე თვიდან განსაკუთრებული შეთავაზებების გამოქვეყნებას აგრძელებს. თუ წლის ბოლოს უძრავ ქონებაში ინვესტირებას განიხილავთ, ბაზარზე უკვე ჩანს რამდენიმე საინტერესო პერსპექტივაც. დღეიდან, ანუ 1 დეკემბრიდან 31 დეკემბრამდე კომპანია "არქი" ნებისმიერ საცხოვრებელ პროექტში ბინის შეძენას 25 000 ლარამდე ფასდაკლებით და გადახდის მოქნილი წესებით გთავაზობთ. რომელი პროექტებია ჩამონათვალში და რა პირობებით შეძლებთ ბინის შეძენას კომპანიის მიმდინარე პროექტებში? სტუმარი: შიო ხეცურიანი - “არქი” გენერალური დირექტორი #ახალიამბები #BusinessMediaGeorgia
“ინტერიერი დეტალებში” სალომე დადუნაშვილი - "ინტერიერი სალომე დადუნაშვილთან ერთად" ავტორი&წამყვანი #ახალიამბები #BusinessMediaGeorgia
რეგიონული განვითარებისა და ახალი ბაზრების ათვისების სტრატეგიის ფარგლებში, საინჟინრო კომპანია ბაუმერი უზბეკეთის დედაქალაქ ტაშკენტში გამართულ ბიზნეს გამოფენაში - „საქართველო–უზბეკეთი აბრეშუმის გზა“ მონაწილეობდა. მიმდინარე წლის ოქტომბერში გამართულმა ღონისძიებამ, რომელმაც ორ დღეში 4 000-ზე მეტი სტუმარი მოიზიდა, ქართულ კომპანიებს საშუალება მისცა, საკუთარი პოტენციალი უზბეკეთის აუდიტორიისთვის წარედგინა. ცენტრალური აზიის ამ მზარდ ბაზარზე გაფართოების მხრივ პირველ ნაბიჯს ბაუმერის საპროექტო მიმართულება - კომპანია ლეიაუთი გადადგამს. განსაკუთრებული ინტერესი გამოიწვია ბაუმერის აკადემიამ. კომპანიის წარმომადგენლებმა უზბეკეთში მნიშვნელოვანი შეხვედრა გამართეს ტურინის ტექნიკური უნივერსიტეტის წარმომადგენლებთან, სადაც აქტიურად იქნა განხილული სამომავლო თანამშრომლობა. სტუმრები: ნინუკა კვიწინაშვილი – „Layout“-ის პროექტირების მიმართულების ხელმძღვანელი; მარიამ ვახვახიშვილი – „Baumer“-ის საოპერაციო დირექტორი #ახალიამბები #BusinessMediaGeorgia
4-6 დეკემბერს თბილისი გლობალური ინვესტორთა ფორუმის მთავარი ლოკაცია ხდება, სადაც 40 ქვეყნიდან 1000-ზე მეტი დელეგატი მოიყრის თავს, მათ შორის 300-ზე მეტი მსხვილი ინვესტორი და 50-ზე მეტი სპიკერი. ფორუმზე თავისი გამოცდილების შესახებ ისაუბრებს აბდულა ბინ მოჰამედ ბელჰაიფ ალ ნუაიმი, რომელიც ამჟამად შარჟას საკონსულტაციო საბჭოს თავმჯდომარეა და არაბთა გაერთიანებული საამიროების სახელმწიფოს უწყებებში მაღალ თანამდებობაზე მუშაობის მრავალწლიანი გამოცდილება აქვს. #ახალიამბები #BusinessMediaGeorgia
გასულ პარასკევს მეღვინეობა ნიმბის პირველი ღვინის პრეზენტაცია და დეგუსტაცია შედგა. ღონისძიება დახურული ფორმატით ჩატარდა და განკუთვნილი მხოლოდ პროფესიონალთა ვიწრო წრისთვის იყო. სტუმრებმა პირველად დააგემოვნეს ნიმბის ორი ღვინო – რქაწითელი და საფერავი, რომლებიც ნიმბის ქარხანაში, კახეთის სოფელ ხაშმში მზადდება და რომელიც აგრეთვე წლიურად 500 000 ბოთლს აწარმოებს. გარემოს დაცვისა და სოფლის მეურნეობის მინისტრი დავით სონღულაშვილი იტალიის მეღვინეთა ასოციაციის პრეზიდენტს, მეღვინეთა საერთაშორისო ასოციაციის საპატიო პრეზიდენტს, ცნობილ იტალიელ ენოლოგს რიკარდო კოტარელას და ღვინის მწარმოებელი კომპანია „ნიმბის“ დამფუძნებლებს შეხვდა. შეხვედრაზე იტალიის ბაზარზე ქართული ღვინის ცნობადობისა და ექსპორტის ზრდის ხელშეწყობის საკითხებზე იმსჯელეს. ხაზგასმით აღინიშნა, რომ ქართულ ღვინოს უნდა ჰქონდეს ძლიერი პოზიცია, როგორც ხარისხიან პროდუქტს.აღსანიშნავია, რომ რიკარდო კოტარელა მეღვინეობის სექტორში 60 წელზე მეტია მუშაობს და ამჟამად, მეღვინეობა „ნიმბის“ მთავარი მეღვინეა. მეღვინეობა „ნიმბი“ ახალი ქართული ღვინის მწარმოებელი კომპანიაა, რომელიც ადგილობრივ და საერთაშორისო ბაზრებზე პრემიუმ ხარისხის პროდუქტით პოზიციონირებას უახლოეს მომავალში გეგმავს. თანამედროვე ტექნოლოგიებით აღჭურვილი საწარმო კახეთში, სოფელ ხაშმში მდებარეობს. Riccardo Cotarella ერთ-ერთი ყველაზე ცნობილი იტალიელი ღვინის ექსპერტი და მწარმოებელია, არის Cotarella & Chiasso-სა და Vivai Rauscedo-ს დამფუძნებელი, ასევე იტალიის სომელიეთა ასოციაციის ყოფილი პრეზიდენტი. როგორც Cotarella & Chiasso-ს გვერდზე ვკითხულობთ, ქართველ მეღვინეებთან თანამშრომლობით ახალ პროექტს აანონსებენ, რომელსაც სწორედ კოტარელა, ხელმძღვანელი Pier Paolo Chiasso და მათი მეღვინეთა გუნდი ჩაუდგება სათავეში ორ ქართველ მეწარმესთან, ბაჩო ბუღდიაშვილთან და ვატო ოთხმეზურთან ერთად. პროექტი ტერუარის ტიპურ ყურძენზე სხვადასხვა ექსპერიმენტების ჩატარებას მოიცავს. უმთავრესი ჯიშებია საფერავი და რქაწითელი, თუმცა იმუშავებენ მწვანეზე, ხიხვზე, ალექსანდრულზე, მუჯურეთულსა და ოჯალეშზე. პროექტი თბილისის სახელმწიფო უნივერსიტეტთან თანამშრომლობით განხორციელდება. სტუ #ახალიამბები #BusinessMediaGeorgia
4 დეკემბერს თბილისში გლობალური ინვესტორთა ფორუმი სტარტს აიღებს, სადაც 2 დღის განმავლობაში 40 ქვეყნიდან 1000-ზე მეტი დელეგატი მოიყრის თავს, მათ შორისაა 300-ზე მეტი მსხვილი ინვესტორი და 50-ზე მეტი სპიკერი. ფორუმის მთავარ მასპინძელი სპიკერებს შორისაა გლობალური ბიზნესის ერთ-ერთი გამორჩეული ლიდერი, სტრატეგიული დაგეგმვის დოქტორი და ვაჭრობის ექსპერტი დოქტორი სადედინ მნეიმნეა, რომელიც AGI Holding-ის თავმჯდომარეა. #ახალიამბები #BusinessMediaGeorgia
BMG და Tegeta Holding-ი წარმოგიდგენთ: #BMGAuto-ს
კომპანიებს შორის საბაზრო წილით პირველ ადგილს "დეილი ჯგუფი" იკავებს, რომლის ბრენდებიც მოიცავს "დეილის", "სპარს", "კალათას", "მაგნიტს", "გვირილას" და "იოლს". აღნიშნული ჯგუფი გასულ წელს შემდგარი გაერთიანების შედეგად ჩამოყალიბდა. აღნიშნული ჯგუფის შემოსავალი ბაზრის თანამედროვე, ანუ ორგანიზებული სეგმენტის 33%-ს შეადგენს. როგორია ამჟამად FMCG სექტორში არსებული ვითარება, რა ძირითადი ტენდენციები იკვეთება და როგორია მომდევნო წლების პროგნოზები? #ახალიამბები #BusinessMediaGeorgia
28 ნოემბერს ბალანსმა ფინანსური აუთსორსინგის სექტორის წარმომადგენლებისთვის პირველი სპეციალური ღონისძიება გამართა. კომპანიამ მოიწვია ფინანსური აუთსორსინგის სფეროს წამყვანი კომპანიები რომლებიც ბალანსის მომხმარებლები არიან. ბალანსმა მათ პროდუქტის განვითარების გეგმა გააცნო. ღონისძიების მთავარი მიზანი იყო სექტორის საჭიროებების ამოცნობა, ბალანსის ეკოსისტემის განვითარების ეტაპების გაზიარება და პრაქტიკული რეკომენდაციების მიღება პროფესიონალებისგან, რომლებიც ყოველდღიურად მუშაობენ სისტემასთან. #ახალიამბები #BusinessMediaGeorgia
#საქმიანიდილა - 1-ელი დეკემბერი - პროლოგი #ახალიამბები #BusinessMediaGeorgia
ეროვნული სიმფონიური ორკესტრის 100 წლის იუბილისადმი მიძღვნილი ღონისძიებების სერია გრძელდება და ის დეკემბრის ბოლომდე გასტანს. პარასკევს, 28 ნოემბერს, რიგით მეოთხე ღონისძიება გაიმართა. ორკესტრს საერთაშორისო დონის დირიჟორმა, მაესტრო კარლო პონტმა უდირიჟორა და გამორჩეული მუსიკალური ნაწარმოებებიც შესრულდა. სეზონის წარმდგენი და მთავარი პარტნიორი, კოკა კოლა ბოთლერს ჯორჯიაა - კომპანია, რომელიც ხელოვნებისა და მუსიკის სფეროს ტრადიციული და ერთგული მხარდამჭერია. #ახალიამბები #BusinessMediaGeorgia
#ბრენდისხმა Bayo Brewery გიორგი მარუაშვილი - Bayo Brewery, თანადამფუძნებელი #ახალიამბები #BusinessMediaGeorgia
ინტერვიუ ქეთევან ქურსუასთან - "კირკე აქსესორის" მთავარი ამბავი #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia