Galt & Taggart-მა ქუთაისში ბიზნესის წარმომადგენლებისთვის კონფერენცია „ეკონომიკური ტენდენციები საქართველოში, იმერეთსა და სამეგრელოში“ გამართა. ღონისძიების ფარგლებში წარმოდგენილი იყო Galt & Taggart-ის მიგნებები საქართველოს ეკონომიკაში მიმდინარე პროცესების, მაკროეკონომიკური მოლოდინებისა და დასავლეთ საქართველოს ორი მნიშვნელოვანი რეგიონის - იმერეთისა და სამეგრელოს, ეკონომიკური განვითარების ტენდენციების შესახებ. კონფერენციაზე Galt & Taggart-ის მთავარმა ეკონომისტმა, ლაშა ქავთარაძემ საქართველოს ეკონომიკის მიმოხილვა წარმოადგინა და 2026 წლის პროგნოზებზე ისაუბრა. Galt & Taggart 2026 წელს საქართველოს ეკონომიკის 7%-იან ზრდას პროგნოზირებს და საქართველო ერთ-ერთ ყველაზე სწრაფად მზარდ ეკონომიკად რჩება რეგიონში. #ახალიამბები #BusinessMediaGeorgia
#საქმიანიდილა - 9 ივნისი - პროლოგი #ახალიამბები #BusinessMediaGeorgia
დიდი ბრიტანეთის უახლესი ისტორიის ყველაზე ძვირადღირებული პოლიტიკური ექსპერიმენტი ქვეყნის ეკონომიკას ყოველწლიურად 30 მილიარდი უჯდება. ბრექსიტის შემდგომი შოკები და შეუსრულებელი დაპირებები ახლა ლონდონის მთავარ პოლიტიკურ თავსატეხს წარმოადგენს. სანამ რიგითი მოქალაქეები საკუთარ ჯიბეზე ევროპასთან დაშორების რეალურ ფასს ითვლიან, ბრიტანულ ელიტაში კონტინენტთან ეკონომიკური ხიდების აღდგენის აუცილებლობას სულ უფრო ღიად განიხილავენ და ევროკავშირში დაბრუნებასაც არ გამორიცხავენ ~ #ახალიამბები #BusinessMediaGeorgia
✈️ #საუბრებიავიაციაზე: სადაზღვევო ინდუსტრიის გამოწვევები და პერსპექტივები ➡️ გიორგი მოლოდინაშვილი - "საუბრები ავიაციაზე" ავტორი&წამყვანი; ➡️ სტუმარი: ლევან ჯიშკარიანი - GrECo Georgia-ს გენერალური დირექტორი #ახალიამბები #BusinessMediaGeorgia
ქართველი მძღოლებს როგორც ქვეყნის შიგნით, ასევე საერთაშორისო მიმართულებებზე ექმნებათ. თემაზე გასული კვირის ბოლოს სახმელეთო ტრანსპორტის სააგენტოს ხელმძღვანელობასთან სამუშაო შეხვედრა გამართა. შეხვედრაზე აღინიშნა, რომ რიგი პრობლემები სცილდება სახმელეთო ტრანსპორტის სააგენტოს პრეროგატივას და მათი გადაწყვეტა სხვადასხვა მომიჯნავე, გადაზიდვებთან დაკავშირებული სახელმწიფო სამსახურების სფეროს განეკუთვნება. რა აწუხებთ ქართველ გადამზიდველებს? სტუმარი: პაატა ცაგარეიშვილი - სატრანსპორტო დერეფნის კვლევის ცენტრი-ს დირექტორი #ახალიამბები #BusinessMediaGeorgia
საქართველოში სასტუმროები გაძვირდა. 2026 წლის მაისში, წინა თვესთან შედარებით, სასტუმროს ფასების ინდექსი 11.8%-ით, ხოლო წლიურად 8.7%-ით გაიზარდა. PMCG-ის კვლევის თანახმად, თვის ჭრილში სასტუმროების ფასების ყველაზე დიდი ზრდა ქვემო ქართლში, აჭარასა და თბილისში დაფიქსირდა, წლიურად კი სასტუმროებში განთავსება ყველაზე მეტად აჭარაში, გურიასა და კახეთში გაძვირდა. სასტუმროების საშუალო ფასმა საოჯახო ტიპის სასტუმროებში 121 ლარი შეადგინა, 3-ვარსკვლავიან სასტუმროებში - 174 ლარი, ხოლო 4-ვარსკვლავიანში - 265 ლარი. რაც შეეხება 5-ვარსკვლავიანი სასტუმროების საშუალო ფასს, გასულ თვეში ერთ ღამეზე ფასი 482 ლარით განისაზღვრა. ყველაზე მაღალი საშუალო ფასები დაფიქსირდა კახეთში - 675 ლარი, გურიაში, საუბარია სასტუმრო პარაგრაფზე - 674 ლარით და თბილისში - 653 ლარი. ###დოკუმენტში აღნიშნულია, რომ 2026 წლის მაისში 3, 4 და 5-ვარსკვლავიანი სასტუმროების ფასების ინდექსი წინა თვესთან შედარებით14.4%-ით გაიზარდა, ხოლო საოჯახო ტიპის სასტუმროებში 6.2%-ით. რა ღირს წელს დასვენება საქართველოს ზღვისპირეთში და ვინ არის ზაფხულის სეზონზე დამსვენებელი? სტუმარი: ზურა ბაუჟაძე - გიდი #ახალიამბები #BusinessMediaGeorgia
#ავიაციისსიახლეები: ✈ მსოფლიო ბაზარზე საავიაციო საწვავი იაფდება ✈ თბილისის ახალი აეროპორტის მშენებლობისთვის კვლევები გრძელდება- მთავრობის ანგარიში ✈ რუმინული DAN AIR ბუქარესტი-თბილისის ფრენების დაწყებას გეგმავს ✈ FlyArystan-მ ასტანა-ბათუმის ფრენები დაიწყო ✈ ქუთაისის აეროპორტში პირველი ბიზნეს ლაუნჯი გაიხსნა კვირის ყველაზე მნიშვნელოვანი და საინტერესო სიახლეები საავიაციო სექტორიდან - თიკო ნატმელაძე მიმოხილვით; #ახალიამბები #BusinessMediaGeorgia
ინტერიერი დეტალებში სტუმარი: სალომე დადუნაშვილი - გადაცემა “ინტერიერი სალომე დადუნაშვილთან ერთად”, ავტორი&წამყვანი #ახალიამბები #BusinessMediaGeorgia
ორთაჭალაში, რომელიც თბილისის ერთ-ერთი ყველაზე განვითარებადი უბანია, ახალი საცხოვრებელი პროექტი განვითარების მორიგ ეტაპზე გადავიდა. სამშენებლო კომპანია „კოორდინატმა“ ოფიციალურად გახსნა გაყიდვების ახალი ოფისი და ამავდროულად კიდევ ერთი მნიშვნელოვანი ნიშნულიც აღნიშნა — პროექტის A ბლოკში აპარტამენტების 50%-იანი გაყიდვა. როგორ ჩაიარა ღონისძიებამ და რას სთავაზობს ახალი სივრცე დაინტერესებულ პირებს? #ახალიამბები #BusinessMediaGeorgia
გაგაცნობთ ამიერკავკასიაში პირველ, საქართველოს საერთაშორისო უნივერსიტეტ ჯიუ-ს სინოლოგიის ინგლისურენოვან საბაკალავრო პროგრამას, რომელიც სტუდენტებს ჩინური ენისა და კულტურის სიღრმისეულ შესწავლასთან ერთად საერთაშორისო განათლების და კარიერული განვითარების უნიკალურ შესაძლებლობებს სთავაზობს. პროგრამა ორიენტირებულია თანამედროვე გლობალურ ბაზარზე მოთხოვნად ცოდნასა და პრაქტიკულ გამოცდილებაზე, რაც ახალგაზრდებს საერთაშორისო პარტნიორ უნივერსიტეტებთან თანამშრომლობის, გაცვლით პროგრამებში მონაწილეობისა და დასაქმების დამატებით პერსპექტივებს უქმნის. სტუმრები: ელი ელისაშვილი - საქართველოს საერთაშორისო უნივერსიტეტ ჯიუ-ს რექტორი, პროფესორი; რეი მინგმინი - საქართველოს საერთაშორისო უნივერსიტეტ ჯიუ-ს ასოცირებული პროფესორი. #ახალიამბები #BusinessMediaGeorgia
ევროპულმა ავტოგიგანტმა ისტორიული გადაწყვეტილება მიიღო. BMW ავტომობილების აწყობას უკვე ადამიანის ფორმის მქონე რობოტებს ანდობს. სანახაობრივი ინოვაციის მიღმა კი რეალურად, საინტერესო ფინანსური სტრატეგია იმალება. წაართმევენ თუ არა ჰუმანოიდები დასაქმებულებს სამსახურს, რა შეუძლია ულტრათანამედროვე ტექნოლოგიას და რატომ იქცნენ მსგავსი მანქანები გლობალური კორპორაციებისთვის ინვესტორების მოსატყუებელ მთავარ იარაღად? #ახალიამბები #BusinessMediaGeorgia
სეზონური ცვლილებების პერიოდში ავტომობილის გამართული და უსაფრთხო გადაადგილებისთვის ერთ-ერთ უმთავრეს წინაპირობას აკუმულატორის დროული რევიზია და განახლება წარმოადგენს. სწორედ ამ საბაზრო საჭიროებაზე საპასუხოდ, „თეგეტა მოტორსმა“ ამერიკული პრემიუმ ბრენდის, „ენერჯაიზერის“ პროდუქციაზე სპეციალური კამპანია აამოქმედა, რომელსაც კომპანია უპრეცედენტოს უწოდებს. პირობის ფარგლებში, რომელიც ფორმულით „1 ამპერი = 2 ლარი“ მუშაობს, მომხმარებელს ძველი აკუმულატორის ჩაბარების სანაცვლოდ ახლის შეძენისას ორჯერ მეტი ფინანსური რესურსის დაზოგვა შეუძლია. აღსანიშნავია, რომ კომერციულ სარგებელთან ერთად პროექტს მნიშვნელოვანი ეკოლოგიური დატვირთვაც აქვს, რაც სახიფათო ნარჩენების სწორ მართვასა და გარემოზე ზრუნვას გულისხმობს. კონკრეტულად როგორ მუშაობს აღნიშნული მექანიზმი პრაქტიკაში, როგორ იანგარიშება ფასდაკლება კონკრეტული ამპერაჟის მიხედვით და რა ვადებშია შესაძლებელი აქციით სარგებლობა? თორნიკე ჩახვაშვილი - „თეგეტა რითეილი“, მთავარი ოფიცერი #ახალიამბები #BusinessMediaGeorgia
BMG და Tegeta Holding-ი წარმოგიდგენთ: #BMGAuto-ს
ლეილა მესხის ჩოგბურთის კორტებზე 30 მაისიდან 7 ივნისის ჩათვლით ევროპის ახალგაზრდული საერთაშორისო ტურნირი „ლეილა მესხის აკადემიისა და კოკა-კოლას თასი“ გაიმართა. ტურნირმა ახალგაზრდა ჩოგბურთელებს საერთაშორისო გამოცდილების მიღებისა და პროფესიული განვითარების შესაძლებლობა მისცა და ხელი კიდევ ერთხელ შეუწყო ჩოგბურთის პოპულარიზაციას საქართველოში. #ახალიამბები #BusinessMediaGeorgia
გარემოს დაცვის საერთაშორისო დღეს ბათუმში მასშტაბური დასუფთავების აქცია ჩატარდა, რომელიც კომპანია „კოკა-კოლა ბოთლერს ჯორჯიასა“ და ქალაქ ბათუმის „სანდასუფთავების“ ორგანიზებით გაიმართა. აქციის მთავარი გზავნილი იყო - „ბათუმი სუფთა და მწვანე გარემოსთვის“, რომელიც ქალაქში ეკოლოგიური პასუხისმგებლობის გაძლიერებას ემსახურებოდა. ინიციატივის ფარგლებში დასუფთავდა სანაპირო ზოლი, პარკები და სხვადასხვა საზოგადოებრივი სივრცე, პარალელურად კი მოხდა პლასტმასისა და მუნიციპალური ნარჩენების შემცირება. თუ როგორ ჩაიარა მასშტაბურმა გარემოსდაცვითმა აქციამ? #ახალიამბები #BusinessMediaGeorgia
კავეაში YouTube-საბავშვო პროექტის „აივი, ავა და მე“ მესამე სეზონის საზეიმო ჩვენება გაიმართა. ღონისძიებას ესწრებოდნენ როგორც ბავშვები, ისე შემოქმედებითი გუნდის წევრები. ადგილზე წარმოდგენილი იყვნენ პროექტის პერსონაჟები — აივი, ავა და ბებო მეკო, რამაც შეხვედრას ინტერაქტიური ხასიათი შესძინა. ასევე წარდგა მესამე სეზონზე მომუშავე შემოქმედებითი ჯგუფი, რომელმაც ახალი ეპიზოდები მოამზადა. პროექტის იდეისა და სცენარის ავტორის, ნანუკა გოგიჩაიშვილის თქმით, „აივი, ავა და მე“ საგანმანათლებლო პლატფორმაა, რომელიც ბავშვებს პირადი საზღვრების გააზრებას, თვითდაცვასა და უნარების განვითარებაში ეხმარება. მისი თქმით, თითოეული ეპიზოდი შემეცნებით თამაშებსა და პრაქტიკულ რჩევებს აერთიანებს, რაც რთულ თემებს მარტივად და გასაგებად გადმოსცემს. როგორც ის ამბობს, მესამე სეზონის მთავარი გზავნილი უცვლელია - „შევცვალოთ სამყარო უკეთესობისკენ“. #ახალიამბები #BusinessMediaGeorgia
თქვენ იცით, რომ ჩვენ საქართველოსთან იმდენად კარგი ურთიერთობები გვაქვს, რომ ამ ურთიერთობების კიდევ უფრო გაღრმავებაზე საუბარიც კი ძნელია, - ამის შესახებ სომხეთის პრემიერ-მინისტრმა ნიკოლ ფაშინიანმა გუშინ მიმდინარე საპარლამენტო არჩევნებში ხმის მიცემის შემდეგ ჟურნალისტს განუცხადა.ანუ, იმდენად ახლოს ვართ და ძმები ვართო, და კიდევ უფრო ახლობლობა რთულად წარმოსადგენიაო. „რა თქმა უნდა, საქმე ემოციებს ეხება. სომხეთსა და საქართველოს შორის ემოციები დიდი და სავსეა, მაგრამ არსებობს ბევრი ეკონომიკური და პოლიტიკური დღის წესრიგი და ჩვენ საქართველოსთან უფრო და უფრო მჭიდროდ ვითანამშრომლებთ, ისე მჭიდროდ, რამდენად ეს შესაძლებელია“, - დასძინა ფაშინიანმა. და მიღმა ემოციებისა და ვითარებისა რომელიც წლებია ყალიბდებოდა დამოუკიდებლობის ეპოქაში, მაგრამ გამყარებულია საუკუნოვანი ურთიერთობებით ორ ერს შორის, მოდი გადავხედოთ, როგორ ვითარდება და რა ეტაპზე საქართველოს და სომხეთის ეკონომიკური ურთიერთობები. ფაქტია, აზერბაიჯანთან 30 წლიანი დაპირისპირების ფონზე, სომხეთი ეკონომიკური და პოლიტიკური თვალსაზრისით წარმოადგენდა ჩიხს. თუმცა, ეს ჩიხი იხსნება. 30 წლიანი ჩაკეტილობის ფონზე იხსენებდა საკმაოდ სწრაფადაც და უბრუნდება სომხეთს მშვიდობით აზერბაიჯანთან რომელიც დიდი ალბათობით მიმდინარე წელს გაფორმდება და ასევე, 2026 წელი იქნება სომხეთისთვის და თურქეთის დიპლომატიური ურთიერთობების აღდგენის წელიწადიც. ეს არის პროგნოზები და საკმაოდ დამაიმედებელი რეგიონისთვის. რას ვვაჭრობთ და როგორი ურთიერთობებია ეკონომიკაში ჰაოსის და ქართლოსის ქვეყნებს შორის? #ახალიამბები #BusinessMediaGeorgia
უკრაინის პრეზიდენტმა, ვოლოდიმირ ზელენსკიმ მის ღია წერილზე პუტინის პასუხის შესახებ თქვა, რომ რუსეთი კვლავ ომს ირჩევს და პუტინს უბრალოდ ომის დასრულება არ სურს. მისივე თქმით, ფიქრობს, რომ ამ ამ პასუხით მსოფლიოში ბევრი "იმედგაცრუებულია". "სამწუხაროდ, რუსული მხარე კვლავ ომს ირჩევს - ყველამ გაიგო დღევანდელი პასუხი, სუსტი პასუხი. მას უბრალოდ ომის დასრულება არ სურს. ვფიქრობ, მსოფლიოში ბევრს ამ პასუხმა იმედები გაუცრუა. მათ არაფრის შეცვლა არ სურთ, არ სურთ, აღიარონ, რომ მისი ომი მხოლოდ მას მოსწონს და მათ, ვინც ამით ფულს შოულობს. დღეს ყველა მათგანი ბევრს იღიმოდა. ეს ნიშნავს, რომ რუსეთში ფული ნაკლები უნდა იყოს, ხოლო რუსეთზე ზეწოლა - მეტი". - თქვა ზელენსკიმ. შეგახსენებთ, რომ რუსეთის პრეზიდენტის, ვლადიმირ პუტინის თქმით, უკრაინის პრეზიდენტის, ვოლოდიმირ ზელენსკის ღია წერილს "სწრაფად" გაეცნო და მასთან შეხვედრის "აზრს ვერ ხედავს". #ახალიამბები #BusinessMediaGeorgia
✔️ EBRD-მა „ავერსი ფარმას“ €10 მლნ სესხი გამოუყო ✔️ "საქართველოს კაპიტალმა" m² გაყიდა - ახალი მფლობელი შპს "თრასთ ჰოლდინგია" ✔️ საქართველოს, თურქეთისა და აზერბაიჯანის საგარეო საქმეთა მინისტრების შეხვედრა #ახალიამბები #BusinessMediaGeorgia
სომხეთის საპარლამენტო არჩევნები 2026 - წინასწარი შედეგები&გამარჯვებული პარტიები #ახალიამბები #BusinessMediaGeorgia
მსოფლიო ბანკმა საქართველოს 372 მილიონი დოლარის სესხი დაუმტკიცა. 190 მილიონი დოლარი საქართველოს რკინიგზისთვის ლოკომოტივის შეძენას უნდა მოხმარდეს. 182 მილიონი დოლარი კი კახეთში ბადიაური-ბაკურციხის ოთხზოლიანი მაგისტრალის მშენებლობას. როგორც ფინანსთა მინისტრისგან გავიგეთ, ამავე პროექტის ფარგლებში, პარალელურად მიმდინარეობს აზიის განვითარების ბანკისგან 175 მილიონი ამერიკული დოლარის, ხოლო აზიის ინფრასტრუქტურის საინვესტიციო ბანკისგან - დამატებით 182 მილიონი დოლარის მოზიდვა. რა შემთხვევაში იქნება სესხი გამართლებული? სტუმარი: ნიკა ალავიძე, "ჯეოქეისის" მრჩეველთა საბჭოს წევრი #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
მარკო რუბიოს გზავნილს - რომ საქართველოს მთავრობამ იკითხა, როგორ შეიძლებოდა ამერიკასთან ურთიერთობების გაუმჯობესება და პასუხიც მიიღო - ირაკლი კობახიძისგან პასუხად მოჰყვა, რომ საქართველოს მთავრობის არცერთ წევრს ასეთი შეკითხვა არ დაუსვამს. “ჩვენ იმედი გვაქვს, რომ მთავრობა ქცევას შეიცვლის” - თქვა მარკო რუბიომ. “საქართველო არ არის სკოლის მოსწავლე, რომ საშემოდგომო გამოაყოლოს ვინმემ” - თქვა ირაკლი კობახიძემ. ამასობაში, ამერიკაც და ევროკავშირიც სულ უფრო ხმამაღლა საუბრობს სომხეთზე, როგორც რეგიონში ახალ ლოგისტიკურ ჰაბზე. რა უნდა ოცნებას? სტუმარი: ვანო მაჭავარიანი - დიპლომატი #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
BMG & Changan Georgia წარმოგიდგენთ #BMGDRIVE-ს: Smart Bakery - არგვეთას "სმარტში" ახალი გასტრონომიული სივრცე გაიხსნა #BMGDrive-ის მგზავრი: ჯაბა ბოკუჩავა - Smart · Market & Cafe; მარკეტინგის დირექტორი ავტორები: ბექა ბაციკაძე, ირაკლი ხიზანიშვილი, ზვიად ბარათელი #ახალიამბები #BusinessMediaGeorgia
✔️ GREMO 2026 - BMGXPROSPECT ✔️ რა იგეგმება GREMO 2026-ზე? ✔️ GREMO 2026-ის პარტნიორები&სპონსორები #ახალიამბები #BusinessMediaGeorgia
საერთაშორისო გადარიცხვები, რომლებიც აქამდე დროსა და დიდ ხარჯებთან იყო დაკავშირებული, სულ მალე შესაძლოა წამებში შესრულდეს. მსოფლიოს წამყვანმა ცენტრალურმა ბანკებმა ბლოკჩეინზე დაფუძნებული ახალი სისტემის ტესტირება დაასრულეს. ეს ტრადიციული საფინანსო სექტორის მთავარი იარაღია, რათა კრიპტოვალუტების მზარდი გავლენა შეაჩეროს და გლობალურ ბაზარზე კონტროლი შეინარჩუნოს. როგორ აპირებენ ბანკები თამაშის წესების შეცვლას და რა საფრთხეს უქმნის დასავლური ინიციატივა ჩინურ ალტერნატივას? #ახალიამბები #BusinessMediaGeorgia
საქართველოში ფინანსური ინოვაციების, კრიპტო და ბლოკჩეინ ეკოსისტემის როლი სულ უფრო იზრდება. ქვეყნის რეგიონულ ტექნოლოგიურ ჰაბად პოზიციონირებას, უსაფრთხო საკანონმდებლო ჩარჩოს შექმნასა და დარგობრივი პოლიტიკის ფორმირებისთვის და ფინანსური ინოვაციური ტექნოლოგიების ხელშეწყობისთვის ასოციაცია აქტიურ მუშაობას განაგრძობს. სტუმრები: გვანცა მეუნარგია - ფინანსური ინოვაციური ტექნოლოგიების ხელშეწყობის ასოციაციის დირექტორი; გიორგი თუშურაშვილი - Bitnet-ის თანადამფუძნებელი; ლაშა სვანიძე - Stellex-ის დირექტორი #ახალიამბები #BusinessMediaGeorgia
გლობალური კაპიტალის მიგრაცია - რატომ იცვლის მსოფლიო ფინანსურ ცენტრებს? #ახალიამბები #BusinessMediaGeorgia
ბოლო 24 საათში დაღმასვლის 4%-იანი ტენდენცია ფიქსირდება და ბარელი Brent-ის ფასი $94-ს შეადგენს, ხოლო WTI-ის ღირებულება $92-ის ფარგლებშია, რაც The Wall Street Journal-ის მიერ გავრცელებულ ინფორმაციას უკავშირდება, რომლის მიხედვით, აშშ-ის პრეზიდენტ დონალდ ტრამპს, ბოლო დროს მომხდარი სამხედრო შეტაკებების მიუხედავად, ირანთან სრულმასშტაბიანი ომის განახლება აღარ სურს. WSJ-ის ინფორმაციით, რომელიც ანონიმურ ამერიკელ მაღალჩინოსნებს ეყრდნობა, დონალდ ტრამპმა თანაშემწეებს განუცხადა, რომ ირანთან ცეცხლის შეწყვეტის რეჟიმი გაგრძელდება. როგორც ირკვევა, თეთრი სახლის ლიდერმა აღნიშნა, რომ ზავის შეწყვეტის საკითხს მხოლოდ იმ შემთხვევაში განიხილავს, თუ ირანული მხარე ამერიკელ სამხედროებს მოკლავს. ამ ინფორმაციის გარდა, ბაზრისთვის საინტერესოა კიდევ ერთი გარემოება: აშშ-ის წარმომადგენელთა პალატამ მხარი დაუჭირა დონალდ ტრამპის სამხედრო უფლებამოსილებების შემზღუდველ რეზოლუციას, რომელიც ირანთან არსებულ კონფლიქტს ეხება. ამ ყველაფრის ფონზე როიტერსი წერს, რომ აშშ და ირანი ომის დასრულებასა და ჰორმუზის სრუტის გახსნაზე რომც შეთანხმდნენ, გემები სპარსეთის ყურიდან უსაფრთხოების გარანტიების გარეშე ვერ გავლენ. როგორ რეაგირება ბზარი გავრცელებულ ინფორმაციებზე და როგორია კონფლიქტის სტატუს ქვო ამაზე? სტუმარი: რატი კალანდარიშვილი - თიბისი კაპიტალის გლობალური ბაზრის კვლევების უფროსი #ახალიამბები #BusinessMediaGeorgia
მაკდონალდს საქართველოს გუნდი ამ წუთებშიც შეერთებულ შტატებში, ლას ვეგასში იმყოფება,სადაც მაკდონალდსის გლობალური კონვენცია მიმდინარეობს, ეს კონვენცია ყოველ 2 წელიწადში ერთხელ იმართება და ინდუსტრიის ერთ-ერთი ყველაზე მასშტაბური და პრესტიჟული ღონისძიებაა. კონვენცია მსოფლიოს ყველა ქვეყნიდან მაკდონალდსის წარმომადგენლებს, მომწოდებლებს, რესტორნების დირექტორებს და პარტნიორებს აერთიანებს, სადაც განიხილავენ ბრენდის განვითარების სტრატეგიებს, ინოვაციებს, მომხმარებლის გამოცდილების გაუმჯობესების გზებსა და ოპერაციულ წარმატებებს. ღონისძიების ფარგლებში იმართება დაჯილდოებაც, სადაც განსაკუთრებული შედეგების მქონე რესტორნების დირექტორები და გუნდები ხდებიან რეი კროკის ჯილდოს მფლობელები, ეფექტური მენეჯმენტის, მაღალი საოპერაციო სტანდარტებისა და მომხმარებლისთვის კომფორტული გარემოს შექმნისთვის. საქართველოს მაკდონალდსს წელსაც ჰყავს გამარჯვებული. არც წელს დავტოვეთ რეი კროკის ჯილდო შტატებში მინდა BMG-ის სახელით მივულოცო მაკდონალდს საქართველოს გუნდს მორიგი აღიარება და გამარჯვება. #ახალიამბები #BusinessMediaGeorgia
1 ივნისიდან 31 აგვისტოს ჩათვლით, სოკარში მასშტაბური გათამაშება მოქმედებს, ამ პერიოდის განმავლობაში სოკარის მომხმარებლებისთვის საწვავის ჩასხმა რეალური გამარჯვების შანსია. გათამაშებაში მონაწილეობის მისაღებად საჭიროა სოკარის აპლიკაციის სოკარ ჯეოს გადმოწერა და მასში ენერჯი ბარათის დამატება. სოკარის ბენზინ და გაზგასამართ სადგურებზე ყოველი 15 ლიტრი საწვავის ან 15 მ³ გაზის ჩასხმისას, ენერჯი ბარათის დასკანერებით მომხმარებელი ავტომატურად მიიღებს გათამაშების 1 ბილეთს. სამთვიანი გათამაშების ბოლოს, 10 სექტემბერს, LIVE ფორმატში გამოვლინდება 5 გამარჯვებული - აქედან 3 ადამიანი ფულად პრიზს, 10 000 ლარს, ერთი ელექტრომობილს, ერთი კი 92 კვადრატულ საცხოვრებელ ბინას მოიგებს. #ახალიამბები #BusinessMediaGeorgia
4-5 ივნისს საქართველოს უნივერსიტეტის ორგანიზებით საერთაშორისო სამართლებრივი კონფერენციები სერია - International Legal Conference Series on EU Law ჩატარდა. კონფერენციის საინაუგურაციო თემა: „ევროკავშირის სამართლის ახალი ჰორიზონტები: ადაპტაცია გლობალური ცვლილებების პირობებში“ იყო. კონფერენციამ თავი მოუყარა სამართლის მეცნიერებს, პრაქტიკოს იურისტებს, მკვლევრებს, დოქტორანტებსა და ევროკავშირის სამართლის ექსპერტებს საქართველოდან და ევროპის წამყვანი უნივერსიტეტებიდან. ღონისძიების ორგანიზატორი საქართველოს უნივერსიტეტის სამართლის სკოლა იყო, რომლის მიზანია ევროკავშირის სამართლის მიმართულებით საერთაშორისო აკადემიური თანამშრომლობისა და პროფესიული დიალოგის გაძლიერება. ორი დღის განმავლობაში მონაწილეებმა იმსჯელეს ევროკავშირის სამართლის თანამედროვე გამოწვევებსა და ტრანსფორმაციებზე. პროგრამა მოიცავდა ისეთ თემებს, როგორიცაა სამართლის უზენაესობა და ევროპული ინტეგრაცია, კონკურენციის სამართალი და ციფრული ბაზრების რეგულირება, ხელოვნური ინტელექტი და ფუნდამენტური უფლებები, ევროკავშირის გაფართოების პოლიტიკა, ენერგეტიკული უსაფრთხოება, მწვანე ტრანზიცია და ადამიანის უფლებათა დაცვის თანამედროვე სტანდარტები #ახალიამბები #BusinessMediaGeorgia
ოქრო და ვერცხლი თანახმა ბოლო მონაცემებისა 4500 დოლარის და 74 $ დოლარის ფარგლებში უნციაზე, თუმცა, დიდი ხანია, ექსპერტების ნაწილი ფიქრობს რომ ოქრო და ვერცხლი აღარ ასრულებენ ინვესტორებისთვის ტრადიციული ფუნქციას, იყვნენ ერთგვარად ყველაზე საიმედო ფარიც და ადგილიც სადაც მშვიდათ განისვენებს და თან იზრდება ინვესტორთა განთავსებული თანხები. რატომ იცვლება ეს დამოკიდებულება და რატომ იცვლის დანიშნულებას ოქრო და ვერცხლი ინვესტორებისთვის, #ახალიამბები #BusinessMediaGeorgia
რიჩარდ გირი აშშ-ზე და ტრამპზე #ახალიამბები #BusinessMediaGeorgia
ჩვენს მეზობელ და ჭეშმარიტად სტრატეგიულ პარტნიორს სომხეთს, სადაც უმნიშვნელოვანესი არჩევნები იმართება. ალბათ, ყველაზე მნიშვნელოვანი ამ ქვეყნის დამოუკიდებლობის ისტორიაში, რადგან წილი ნაყარია ყველა მიმართულებით და მათ შორის, სრულიად დაუფარავად თავიანთი პოლიტიკური სიმპატიები დააფიქსირებს მეგა სახელმწიფოებმა რუსეთის ფედერაციის და შეერთებული შტატების სახით. დიახ ეს არჩევნები სომხეთში გადაჭარბების გარეშე ფაქტობრივად გეოპოლიტიკური რეფერენდუმის ტოლფასია.7 ივნისს ამომრჩეველმა საბოლოოდ უნდა გადაწყვიტოს - ირჩევს განვითარების დასავლურ პერსპექტივას, თუ რჩება რუსეთის გავლენის სფეროში. კრემლის ღია შანტაჟისა და მძიმე ეკონომიკური ემბარგოების ფონზე, მოქმედი ხელისუფლება პარლამენტში საკონსტიტუციო უმრავლესობის მოპოვებას და ბაქოსთან საბოლოო სამშვიდობო შეთანხმების გაფორმებას ცდილობს. ვინ იგებს ამ ურთულეს ბრძოლას ერევანში და როგორ იცვლება მთელი სამხრეთ კავკასიის არქიტექტურა? #ახალიამბები #BusinessMediaGeorgia
Microsoft-მა ახალი ტექნოლოგიები და კვანტური ჩიპი წარადგინა #ახალიამბები #BusinessMediaGeorgia
დაზღვევის სახელმწიფო ზედამხედველობის სამსახურის ინფორმაციით, 2026 წლის პირველ კვარტალში სადაზღვევო კომპანიების მიერ მოზიდულმა პრემიამ პირდაპირი დაზღვევის საქმიანობიდან 521 მლნ ლარი შეადგინა. 2025 წლის შესაბამის პერიოდთან შედარებით, მოზიდული პრემიის მოცულობა 15%-ით გაიზარდა. ამავე პერიოდის შედეგებით მზღვეველების სადაზღვევო მოგება 94 მილიონი ლარი, წმინდა მოგება კი 31 მლნ ლარი იყო. სადაზღვევო კომპანიების აქტივების ჯამური მოცულობა 1 802 მილიონ ლარს, ხოლო კაპიტალი 528 მლნ ლარს მიაღწია. რაც შეეხება კომპანიებს, მიმდინარე წლის პირველ კვარტალში ყველაზე მეტი პრემია იმედი L-მა; თიბისი დაზღვევამ და ჯიპიაიმ მიიღო. კომპანიების მიხედვით პრემია ასე გადანაწილდა: იმედი L: - 124 მლნ ლარი (ზრდა 106%-ით); თიბისი - 82 მლნ ლარი (ზრდა 5%-ით); ჯიპიაი - 70 მლნ ლარი (კლება 24%-ით); ალდაგი - 45 მლნ ლარი (კლება 2.2%-ით); ტრადიციულად ყველაზე მეტი პრემია სამედიცინო დაზღვევის მიმართულებით არის მოზიდული, რომლის მოცულობაც 2026 წლის პირველ კვარტალში 303 მლნ ლარი შეადგინა. ეს გასული წლის შესაბამის პერიოდთან შედარებით თითქმის 22%-იანი ზრდაა. მეორე ადგილზეა ავტოდაზღვევა, რომელზეც ჯამში 9.5%-ით მეტი 93.5 მლნ ლარი იქნა მოზიდული. მესამე ადგილზეა სიცოცხლის დაზღვევა, რაც წლიურ ჭრილში თითქმის 26%-ით 40.7 მლნ ლარამდე გაიზარდა. აღსანიშნავია, რომ სადაზღვევო ბაზარზე ანაზღაურებული ზარალების მოცულობა წინა წელთან შედარებით გაზრდილია. კერძოდ, დაზღვევის საქმიანობიდან სულ ანაზღაურებული ზარალი 2025 წლის 3 თვეში შეადგენდა 177 მლნ ლარს, ხოლო 2026 წლის ანალოგიურ პერიოდში ეს მაჩვენებელი 200 მლნ ლარამდე გაიზარდა. ყველაზე მეტი ზარალი 2026 წლის 3 თვეში აანაზღაურა ჯიპიაიმ (36 მლნ ლარი), რომელსაც მცირედით ჩამორჩება თიბისი (31 მლნ ლარი); მესამე ადგილზეა ალდაგი 25 მლნ ლარით. სტუმარი: ლაშა ნიკოლაძე - დაზღვევის კავშირის ხელმძღვანელი; #ახალიამბები #BusinessMediaGeorgia
მაისში საქართველოში ინფლაცია 5.7% იყო. საქსტატის მონაცემებით, აპრილთან შედარებით, მაისში ინფლაციის მაჩვენებელი 0.2 პროცენტული პუნქტით შემცირდა. ინფლაციის მთავარი განმაპირობებელი ტრადიციულად გაძვირებული სურსათია, სადაც 5.2%-იანი ზრდა დაფიქსირდა. მნიშვნელოვნად გაიზარდა ფასები ტრანსპორტის ჯგუფში, განსაკუთრებით საწვავზე, სადაც ზრდამ 22.7%-ს მიაღწია. გარდა ამისა, 7%-ით გაძვირდა საცხოვრებელი, წყალი, ელექტროენერგია და აირი. ალკოჰოლის და თამბაქოს კატეგორიაში ფასების 7.2%-იანი ზრდა დაფიქსირდა, ხოლო ჯანმრთელობასთან დაკავშირებული ხარჯები 5.1%-ით გაძვირდა. ინფლაციის მონაცემების გარდა, გუშინ ევროპის რეკონსტრუქციისა და განვითარების ბანკმა განახლებული ეკონომიკური ზრდის პროგნოზი გამოაქვეყნა. იბიარდის პროგნოზით საქართველოს ეკონომიკა წელს ნავარაუდევი 5.5%-ის ნაცვლად 6%-ით გაიზრდება. „რეალური მშპ 2026 წელს 6%-ით, ხოლო 2027 წელს 5%-ით გაიზრდება,“ - ვკითხულობთ ანგარიშში. ამასთან, პროგნოზის თანახმად, საქართველოს უძრავი ქონების, ტრანსპორტისა და განახლებადი ენერგიის სექტორებში საინვესტიციო პროექტების განხორციელებამ შესაძლოა, ეკონომიკური ზრდა კიდევ უფრო დააჩქაროს. სტუმარი: ირაკლი მაკალათია - ეკონომისტი #ახალიამბები #BusinessMediaGeorgia
2025 წელს სამუშაო ადგილზე 32 ადამიანი გარდაიცვალა, 179 კი დაშავდა. შრომის ინსპექციის სამსახურის მიერ პარლამენტში წარდგენილი 2025 წლის ანგარიშის მიხედვით, სამუშაო სივრცეში უბედური შემთხვევის შედეგად გარდაცვლილთა დიდი ნაწილი მშენებლობის და დამმუშავებელ სექტორზე მოდის. გარდაცვლილი 32 პირიდან ყველა კაცია - მათგან 4 პირი კი შრომითი იმიგრანტი იყო. გარდაცვლილთა დიდი ნაწილი 40-60 წლამდე ასაკის, ხოლო დაშავებულთა მაქსიმალური რაოდენობა 20-40 წლამდე კატეგორიაში ხვდება. რაც შეეხება არაფატალურ შემთხვევებს, დაშავებულთაგან 42 ქალი და 137 კაცია. ამასთან, 179 შემთხვევიდან 72 კლასიფიცირდა, როგორც მძიმე უბედური შემთხვევა, 107 შემთხვევა კი, როგორც საშუალო სიმძიმის. რამდენად ბევრი კომპანია იაზრებს შრომის უსაფრთხოების მნიშვნელობას და რეალურად რა შეიცვალა „შრომის უსაფრთხოების შესახებ“ საქართველოს კანონის მიღებიდან ანუ 2018 წლიდან დღემდე? სტუმარი: შოთა ნიჟარაძე - შრომის უსაფრთხოების, ჯანმრთელობისა და გარემოს დაცვის ასოციაცია - Oshe-ს ვიცე-პრეზიდენტი #ახალიამბები #BusinessMediaGeorgia
საქართველოს ბანკის რიგით 28-ე თანამედროვე ბიბლიოთეკა გურიის სოფელ ხიდისთავში გაიხსნა. საქართველოს ბანკი, როგორც განათლების მხარდამჭერი, ახალგაზრდებისთვის შემეცნების შესაძლებლობების შექმნას განაგრძობს. სწორედ ამ მიზნით, ბანკი საქართველოს მასშტაბით, სხვადასხვა რეგიონის სკოლებში თანამედროვე ბიბლიოთეკებს - იდეათეკებს ქმნის. მულტიფუნქციური ბიბლიოთეკა ქართული წიგნის სახლთან და "ენერჯი დეველოპმენტ ჯორჯიასთან" თანამშრომლობით აშენდა. #ახალიამბები #BusinessMediaGeorgia
2026 წლის პირველი კვარტლის მონაცემებით, საქართველოს სადაზღვევო ინდუსტრია ზრდას აგრძელებს. დაზღვევის სახელმწიფო ზედამხედველობის სამსახურის ინფორმაციით, სექტორმა პირდაპირი დაზღვევის საქმიანობიდან 521 მილიონი ლარის პრემია მოიზიდა, რაც წინა წლის ანალოგიურ პერიოდთან შედარებით 15%-ით მეტია. ბაზრის ლიდერი იმედი L-ია, კომპანიამ ყველაზე დიდი მოცულობის პრემია მოიზიდა და წლიურად განსაკუთრებით მაღალი ზრდაც დააფიქსირა. ლიდერთა სამეულში ასევე არიან თიბისი დაზღვევა და ჯიპიაი. ზრდა განსაკუთრებით თვალსაჩინოა სამედიცინო დაზღვევის მიმართულებით, რომელიც კვლავ ყველაზე მოთხოვნად პროდუქტად რჩება. როგორია კონკურენცია სადაზღვევო სექტორში და რა ტენდენციები იკვეთება ბაზარზე? სტუმარი: ნათია ანასტასიადი - იმედი L-ის არასამედიცინო და საცალო გაყიდვების დირექტორი #ახალიამბები #BusinessMediaGeorgia
სატვირთო ავტომობილების ბაზარი საქართველოში დინამიკურად ვითარდება. ამის პარალელურად, მოთხოვნა იზრდება მაღალხარისხიან, კომპლექსურ და, რაც მთავარია, ოპერატიულ მომსახურებაზე. სწორედ ამ მიმართულებით „თეგეტა მოტორსი“ აქტიურად ავითარებს როგორც მობილური სერვისების ფორმატს, ისე სხვა მნიშვნელოვან სერვისებს, რომლებიც ბიზნესის წარმომადგენლებს ავტომობილის ფლობას, ერთი მხრივ, უმარტივებს, მეორე მხრივ კი, ხარჯების შემცირებაში ეხმარება. საუბარია „გეზის“ ფილიალზე, რომელიც კომპანიის სტრატეგიული ობიექტია. სტუმარი: მიხეილ ვაშაკიძე - „თეგეტა მოტორსის“ გაყიდვების მთავარი ოფიცერი #ახალიამბები #BusinessMediaGeorgia
საქართველოს ბანკი პარტნიორი ბიზნესების მხარდაჭერას აგრძელებს. ამჯერად, ბანკსა და „თეგეტა ჰოლდინგს“ შორის თანამშრომლობის მემორანდუმი გაფორმდა. პარტნიორობის ფარგლებში მხარეები RECSOL-ის საბურავების გადამამუშავებელი საწარმოს პროექტის განვითარებაზე ითანამშრომლებენ. დოკუმენტს ხელი საქართველოს ბანკის კორპორაციული კლიენტების მომსახურების დეპარტამენტის დირექტორმა, გიორგი კუკულაძემ და „თეგეტა ჰოლდინგის“ მთავარმა აღმასრულებელმა ოფიცერმა, ეკატერინე ქავთარაძემ მოაწერეს. თანამშრომლობის მიზანი საქართველოში მდგრადი და ინოვაციური ბიზნესინიციატივების მხარდაჭერა, ცირკულარული ეკონომიკის პრინციპების დანერგვის ხელშეწყობა და გარემოსდაცვითი მიმართულებით მნიშვნელოვანი პროექტების განვითარებაა. RECSOL-ის საბურავების გადამუშავების ქარხანა საქართველოს ბანკისა და საქართველოს ეკონომიკის განვითარების კორპორაციის მხარდაჭერით შენდება. პროექტი მიზნად ისახავს საქართველოში ერთ-ერთი ყველაზე რთულად სამართავი ნარჩენის - გამოყენებული საბურავების ეფექტიან მართვასა და მათ გარდაქმნას ეკონომიკური ღირებულების მქონე რესურსად. გადამუშავების შედეგად მიღებული მასალები სხვადასხვა ინდუსტრიაში იქნება გამოყენებული. საწარმოს ამოქმედება მიმდინარე წლის შემოდგომაზეა დაგეგმილი და ის ყოველწლიურად 25-30 ათასი ტონა საბურავის გადამუშავებას შეძლებს. #ახალიამბები #BusinessMediaGeorgia
მსოფლიო საგანმანათლებლო სისტემა იცვლება. ტრადიციული გაკვეთილები და ფაქტების დაზეპირება წარსულს ჩაბარდა. დღეს საერთაშორისო ბაზარი და თანამედროვე ეკონომიკა სკოლებისგან სრულიად ახალ მიდგომებს - ემოციურ ინტელექტსა და დამოუკიდებელ კვლევით უნარებს ითხოვს. რას სთავაზობენ წამყვანი გლობალური პროგრამები ახალ თაობას და როგორ ამზადებენ მოზარდებს მომავლის გამოწვევებისთვის? #ახალიამბები #BusinessMediaGeorgia
ბრიტანულ-ქართული აკადემია 2006 წელს დაარსებული, საქართველოს განათლებისა და მეცნიერების სამინისტროს მიერ ავტორიზებული კერძო ზოგადსაგანმანათლებლო სკოლაა, რომელიც თანამედროვე საერთაშორისო განათლების სტანდარტებს და ეროვნულ სასწავლო გეგმას აერთიანებს. აკადემიის მთავარი მიზანია, მოსწავლეებს მისცეს ისეთი ხარისხის განათლება და გამოცდილება, რომელიც მათ 21-ე საუკუნის გამოწვევებისთვის მოამზადებს და გლობალურ შესაძლებლობებთან დააკავშირებს. დღეს, როდესაც განათლება მხოლოდ აკადემიურ ცოდნას აღარ გულისხმობს და სულ უფრო დიდ მნიშვნელობას იძენს კრიტიკული აზროვნება, ლიდერობა, საერთაშორისო გამოცდილება და უნივერსიტეტებისთვის კონკურენტული პროფილის შექმნა, განსაკუთრებულად საინტერესო ხდება ის მოდელები, რომლებიც მოსწავლეს არა მხოლოდ სასწავლო პროცესისთვის, არამედ ყოველდღიური გამოწვევებისთვისაც ამზადებს და ამ მიმართულებით განსაკუთრებული როლი აქვს საერთაშორისო პროგრამებს. რომელსაც აერთიანებს ბრიტანულ ქართული აკადემია. სტუმარი: სალომე დანელია - ბრიტანულ-ქართული აკადემიის დირექტორი #ახალიამბები #BusinessMediaGeorgia
2-დან 6 ივნისის ჩათვლით ბათუმი საქართველოს ახალგაზრდულ ოლიმპიურ ფესტივალს მასპინძლობს. გახსნის საზეიმო ცერემონია 2 ივნისს ბათუმის ახალ საფეხბურთო სტადიონზე გაიმართა. ფესტივალის მთავარი პარტნიორი “კოკა-კოლა ბოთლერს ჯორჯიაა”. კომპანია, ახალგაზრდული ფესტივალის მთავარი პარტნიორი ორი ფლაგმანი - Coca-Cola და წყალი „მთის“ - ბრენდებით გახდა. სპორტის მხარდაჭერა, ახალგაზრდა თაობის გაძლიერება და ჯანსაღი ცხოვრების წესის დანერგვა - სწორედ ამ ღირებულებებს აერთიანებს კომპანია და ამ გზავნილებით უერთდება ქვეყნის მასშტაბით ერთ-ერთ ყველაზე მასშტაბურ ახალგაზრდულ სპორტულ პროექტს. კოკა-კოლას საქართველოში სპორტის განვითარებისა და მხარდაჭერის მრავალწლიანი ისტორია და გამოცდილება აქვს. კომპანიას წლების განმავლობაში მნიშვნელოვანი წვლილი შეაქვს როგორც პროფესიული, ისე მასობრივი სპორტის პოპულარიზაციაში. საქართველოს ახალგაზრდული ოლიმპიური ფესტივალი ქვეყნის მასშტაბით უპრეცედენტო მულტისპორტული პროექტია, რომელიც საქართველოს ეროვნული ოლიმპიური კომიტეტის ინიციატივითა და ორგანიზებით ტარდება. #ახალიამბები #BusinessMediaGeorgia
ქობულეთში Swissôtel-ის ბრენდის სასტუმრო-აპარტამენტების პროექტს თიბისის პარტნიორები — „არქი“ და „ნექსთი“ ახორციელებენ. თიბისი კომპანიებთან დაარსების დღიდან თანამშრომლობს და მათთან ერთად არაერთი პროექტი აქვს განხორციელებული, რომლებიც სექტორში თანამედროვე სტანდარტებს ამკვიდრებს. თიბისის გენერალურმა დირექტორმა გიორგი თხელიძემ პროექტის პრეზენტაციაზე აღნიშნა, რომ Swissôtel-ის 150-მილიონ დოლარიანი პროექტი ქობულეთის ეკონომიკური განვითარების ახალ ეტაპს ქმნის. მისი თქმით, მსგავსი მასშტაბური ინიციატივებით თიბისი, პარტნიორებთან ერთად, ხელს უწყობს ქვეყნის ტურიზმის სექტორის გაძლიერებასა და ეკონომიკურ ზრდას. #ახალიამბები #BusinessMediaGeorgia
„საქართველოს ბანკი“ ნიკა გუჯეჯიანის სახელობის სტიპენდიის ფარგლებში განაცხადების მიღებას აგრძელებს. წელს ქართველი სტუდენტები Miami Ad School-ის მადრიდის კამპუსში ისწავლიან. ტრადიციულ პროგრამებთან ერთად, წელს სტიპენდიატებს შესაძლებლობა ექნებათ დაეუფლონ ახალ, ინოვაციურ მიმართულებას – კრეატივი და ხელოვნური ინტელექტი. დაინტერესებულ პირებს განაცხადის შეტანა 8 ივნისის 19:00 საათამდე შეუძლიათ. #ახალიამბები #BusinessMediaGeorgia
ესპანეთი პაპი ლეო XIV-ის მასპინძლობისთვის საგანგებოდ ემზადება. 6-დან 12 ივნისის ჩათვლით დაგეგმილი სამოციქულო ტურნე ქვეყნისთვის უმსხვილეს ფინანსურ მოვლენას წარმოადგენს. ოფიციალური მონაცემებით, 25-მილიონიანი ხარჯი ადგილობრივ ეკონომიკაში მინიმუმ 150 მილიონ ევროდ ბრუნდება. ზუსტად რა ეკონომიკურ კვალს ტოვებს პონტიფიკოსი და როგორ იყენებს ესპანეთი გაზრდილ ტურისტულ ნაკადებს? #ახალიამბები #BusinessMediaGeorgia
საქართველოს წამყვანი დეველოპერული კომპანია „არქი“ და საერთაშორისო გამოცდილების მქონე დეველოპერი NEXT-ი,მსოფლიოში ცნობილი სასტუმრო ბრენდი Swissôtel-ი შავი ზღვის სანაპიროზე, ქობულეთში, პრემიუმ კლასის სასტუმრო-რეზიდენციულ კომპლექსს ერთობლივად უყრიან საფუძველს. კომპლექსის არქიტექტურულ გეგმარებაზე Chapman Taylor-ის მადრიდის ოფისმა იმუშავა. პროექტი ქობულეთის საკურორტო ზონაში უნიკალურ დასასვენებელ სივრცეს შექმნის. მისი მთავარი უპირატესობა ყველა აპარტამენტიდან ზღვის ხედებია, ხოლო კონცეფცია ბუნებრივ ლანდშაფტთან ჰარმონიულ ინტეგრაციას ეფუძნება. პროექტის დაფინანსებაში ჩართულია ტიბისი. კომპლექსის საინვესტიციო მოცულობა 300 მილიონ დოლარს შეადგენს. პროექტი სამ მონუმენტურ შენობას მოიცავს და გააერთიანებს სასტუმროს, საცხოვრებელ და საინვესტიციო აპარტამენტებს, შიდა და გარე საცურაო აუზებს; კომპლექსში ასევე განთავსდება საკონფერენციო სივრცე, ლობი, ლაუნჯი და ბარი, იტალიურ რესტორანი, კაზინო, 2500 კვ.მ ფართობის ფიტნესდარბაზი, სპა, გამაჯანსაღებელი ცენტრი, საბავშვო გასართობი სივრცე. #ახალიამბები #BusinessMediaGeorgia