ქართული დიასპორის წარმომადგენლები უცხოეთში ხშირად აღწევენ ისეთ პროფესიულ და პოლიტიკურ სიმაღლეებს, რომლებიც მხოლოდ მასშტაბური შრომისა და მიზანდასახულობის შედეგია. ნინა კიკნაძე, უკვე 20 წელია ამერიკის შეერთებულ შტატებში მოღვაწეობს. მისი კარიერა საქართველოში ჟურნალისტიკითა და ტურიზმის პირველი გზამკვლევების გამოცემით დაიწყო, აშშ-ში კი უოლ-სტრიტზე მუშაობითა და ტენესისა და თბილისის სახელმწიფო უნივერსიტეტებს შორის ისტორიული მემორანდუმის გაფორმებით გაგრძელდა. 2008 წლიდან ის ატლანტაში ფლობს და მართავს საკუთარ საკონსულტაციო ბიზნესს, რომელიც ამერიკულ კომპანიებს შერწყმასა და განვითარებაში ეხმარება. თუმცა, წელს მის ცხოვრებაში სრულიად ახალი, პოლიტიკური როლი გაჩნდა - ის ჯორჯიის შტატის რესპუბლიკური პარტიის თავმჯდომარის მეორე მოადგილედ აირჩიეს. სტუმარი: ნინა კიკნაძე - ჯორჯიის რესპუბლიკური პარტიის თავმჯდომარის მეორე მოადგილე #ქალებისნარატივი მარიამ იზორიასთან ერთად #ახალიამბები #BusinessMediaGeorgia
საქართველოს საფოსტო და საკურიერო სექტორში რეკორდული მაჩვენებლები დაფიქსირდა. საქსტატის ბოლო გამოკვლევის თანახმად, 2025 წელს ბაზარზე მოქმედი კომპანიების შემოსავლებმა 273 მილიონ 800 ათას ლარს მიაღწია, რაც წინა წელთან შედარებით 45 მილიონზე მეტით გაზრდილი მაჩვენებელია. როგორც ირკვევა, ინდუსტრიის მთავარი მამოძრავებელი ძალა საერთაშორისო გზავნილებია - სექტორის შემოსავლების თითქმის ორი მესამედი სწორედ საერთაშორისო მომსახურებაზე მოდის. რაც შეეხება მომსახურების ტიპებს, შემოსავლების უდიდესი ნაწილი, 76 პროცენტზე მეტი, ამანათების მიწოდებით არის მიღებული. გასულ წელს კომპანიებმა სულ 16 მილიონზე მეტი ამანათი და 7 მილიონი წერილობითი კორესპონდენცია გააგზავნეს. გარდა ამისა, იზრდება დასაქმებულთა რაოდენობაც: საფოსტო და საკურიერო სფეროში საშუალოდ 4 600 ადამიანი საქმიანობს, რომელთაგან 1 800 კურიერი და ფოსტალიონია. სტუმარი: თამარ გოგოლაშვილი - საქართველოს საცალო და ელექტრონული კომერციის ასოციაციის პრეზიდენტი #ახალიამბები #BusinessMediaGeorgia
მდინარე ვერის ხეობაზე ჩატარებული ახალი გეოლოგიური და მონიტორინგის კვლევის თანახმად, 2015 წლის 13 ივნისის სტიქიის დროს ჩამოყალიბებული მეწყრული კერის მიმდებარე ფერდობი სრულად სტაბილიზებული არ არის. სპეციალისტების შეფასებით, ტერიტორიაზე კვლავ ფიქსირდება გეოლოგიური პროცესების გააქტიურების პოტენციური რისკები, რაც განსაკუთრებით უხვნალექიან პერიოდში მოითხოვს ყურადღებას. კვლევის ავტორები ხაზს უსვამენ ხეობაში მუდმივი მონიტორინგის სისტემების ფუნქციონირებისა და პრევენციული საინჟინრო-გეოლოგიური ღონისძიებების გაგრძელების აუცილებლობას, რათა თავიდან იქნეს აცილებული მოსალოდნელი საფრთხეები. სტუმარი: ლაშა სუხიშვილი - დედამიწის შემსწავლელი ინსტიტუტის გეოგრაფიის დეპარტამენტის უფროსი; #ახალიამბები #BusinessMediaGeorgia
ზამთრის ტურისტული მიმართულებები რუბრიკის ავტორი&წამყვანი: ანა კირკიტაძე - „ვინგლეთი“, დამფუძნებელი; სტუმარი: სალომე ბერაია - „პეგას ტურისტიკის“ რეგიონალური დირექტორი #ახალიამბები #BusinessMediaGeorgia
საქართველოს ეროვნულმა ბანკმა 2026 წლის ინფლაციის პროგნოზი 5.2%-დან 5.4%-მდე, ხოლო ეკონომიკური ზრდის პროგნოზი 6.5%-დან 7.2%-მდე გაზარდა. სებ-ის განმარტებით, ინფლაციის პროგნოზის ზრდა გლობალურ ბაზრებზე გახანგრძლივებულმა ინფლაციურმა წნეხმა განაპირობა, ეკონომიკური ზრდის პროგნოზის გაუმჯობესების საფუძველი კი მოსალოდნელზე ძლიერი ეკონომიკური აქტივობაა. ამასთან, 2026 წლის 21 ოქტომბრის სხდომაზე ეროვნულმა ბანკმა მონეტარული პოლიტიკის განაკვეთი უცვლელად, 8.25%-ზე დატოვა. სებ-ის თანახმად, ინფლაციური წნეხის შენარჩუნებას ახლო აღმოსავლეთში გეოპოლიტიკური დაძაბულობა, ენერგორესურსების გაძვირება და საერთაშორისო ტრანსპორტირებისა და მიწოდების ჯაჭვების შეფერხებები განაპირობებს. 2026 წლის სექტემბერში საქართველოში წლიურმა ინფლაციამ 5.6% შეადგინა, საიდანაც დაახლოებით 2 პროცენტული პუნქტი ენერგორესურსების ფასებზე მოდიოდა. ინფლაციის მიზნობრივი მაჩვენებელი 3%-ია. ეროვნული ბანკის პროგნოზით, 2027 წლის მეორე ნახევრიდან ინფლაცია მიზნობრივ 3%-იან მაჩვენებელს ეტაპობრივად დაუახლოვდება, 2027 წლის საშუალო ფასების ზრდა 3.5% იქნება. რაც შეეხება ეკონომიკურ ზრდას, სებ-ის წინასწარი მონაცემებით, 2026 წლის აგვისტოში ეკონომიკა წლიურად 6.3%-ით გაიზარდა, ხოლო იანვარ-აგვისტოში საშუალო ზრდამ 7.6% შეადგინა. ეროვნული ბანკის შეფასებით, ეკონომიკურ ზრდას კვლავ მეტწილად მაღალპროდუქტიული სექტორები განაპირობებს, რაც მოთხოვნის მხრიდან ინფლაციურ ზეწოლას ანეიტრალებს. მომდევნო სხდომა: 2026 წლის 16 დეკემბერს გაიმართება. სტუმარი: ირაკლი მაკალათია - ეკონომისტი #ახალიამბები #BusinessMediaGeorgia
ელექტრომობილების ტექნოლოგიების განვითარებასთან ერთად, იზრდება ისეთი სპეციალიზებული მომსახურების საჭიროებაც, რომელიც შესაბამის ტექნიკურ ცოდნას, თანამედროვე აღჭურვილობასა და უსაფრთხოების სტანდარტების დაცვას მოითხოვს. ამ საჭიროების საპასუხოდ „თეგეტა მოტორსის“ ცენტრალურ ფილიალში, დ. აღმაშენებლის ხეივანი 129-ში, ელექტრომობილების სერვისცენტრი მოეწყო, სადაც მომხმარებლებს სხვადასხვა ბრენდის ელექტრომობილების კომპლექსური დიაგნოსტიკის, მაღალი ძაბვის სისტემების შემოწმებისა და აღდგენითი სამუშაოების მომსახურების მიღება შეუძლიათ. მომსახურება ვრცელდება როგორც მსუბუქ, ისე სატვირთო ავტომობილებზე. სივრცე თანამედროვე, სპეციალიზებული დანადგარებით არის აღჭურვილი, ხოლო მომსახურებას საერთაშორისო პარტნიორებთან გადამზადებული ტექნიკური სპეციალისტები უზრუნველყოფენ. ნიკა მაღრაძე - „თეგეტა მოტორსის“ ცენტრალური ფილიალის დირექტორი #ახალიამბები #BusinessMediaGeorgia
მასტერქარდისა და ბიზნესისა და ტექნოლოგიების უნივერსიტეტის ერთობლივი პროექტის „AI & Digital Commerce for Women“-ის მეორე ეტაპი იწყება. პროექტის მიზანი ხელოვნური ინტელექტის, ციფრული მარკეტინგისა და ელექტრონული კომერციის პრაქტიკული ინსტრუმენტებით ქალი მეწარმეების გაძლიერებაა. ვისაუბრებთ ბითიუს კიდევ ერთ ინიციატივაზე, რომლის ფარგლებშიც უნივერსიტეტმა ინოვაციებისა და ტექნოლოგიების საბჭო შექმნა, სადაც კერძო სექტორის ლიდერები განათლების ბიზნესის რეალურ საჭიროებებთან დაახლოებისათვის გაერთიანდნენ. სტუმრები: დავით ზღუდაძე - Mastercard-ის ვიცე-პრეზიდენტი საქართველოსა და სომხეთში; ნინო ენუქიძე - ბიზნესისა და ტექნოლოგიების უნივერსიტეტის რექტორი #ახალიამბები #BusinessMediaGeorgia
საქართველოში ციტრუსის იმპორტი იზრდება. 2026 წლის პირველ ცხრა თვეში ქვეყანაში 18.5 ათასი ტონა ციტრუსი შემოვიდა, რაშიც 12.8 მილიონი დოლარი გადაიხადეს. გასული წლის ანალოგიურ პერიოდთან შედარებით, იმპორტის ღირებულება 41.4%-ით, მოცულობა კი 34.2%-ით გაიზარდა. ციტრუსის მთავარი მომწოდებელი კი თურქეთია. ამ დროს საქართველოში ციტრუსის რთველი ახლოვდება. როგორი მოსავალი იქნება წელს, როდის დაიწყება მანდარინის მასობრივი კრეფა და რა პრობლემებს აწყდებიან ფერმერები მოსავლის ხარისხისა და რეალიზაციის მხრივ? ნინი გიგიშვილი - #BMG, რეპორტიორი #ახალიამბები #BusinessMediaGeorgia
“ეს ელ კომპანი” ახალციხეში საკონდიტრო და პურ-ფუნთუშეულის საწარმოს აერთიანებს. კომპანიის ისტორია 2008 წელს იწყება, მაშინ, როცა ახალციხეში პირველი პიცერია გაიხსნა - განვითარების არაერთი ეტაპის გავლის შემდეგ დღეს ეს ელ კომპანი 1500 კვადრატული მეტრის საწარმოს და 190-ზე მეტ თანამშრომელს აერთიანებს. ახალციხიდან უკვე თბილისში კომპანიამ “ჟენუაზი” გახსნა. კაფე-საკონდიტრო, რომელიც მომხმარებელს მრავალფეროვან არჩევანს სთავაზობს. ჟენუაზი - “ეს ელ კომპანის”, შეიძლება ითქვას რომ პირველი ფილიალია თბილისში. კომპანიის დამფუძნებელი გვიყვება, რომ იმ ხარისხს, რომელსაც წლებია ახალციხის მოსახლეობას სთავაზობს, ახლა თბილისელ მომხმარებელსაც აწვდის. “ჟენუაზის” მთავარი მიმართულება ევროპული და კლასიკური საკონდიტრო ნაწარმია, რომელიც ხარისხიანი ნედლეულით, ყოველდღიურად, კომპანიის საწარმოში მზადდება. ჟენუაზი თბილისში აპრილში გაიხსნა, თუმცა წარმატებულმა შედეგებმა განვითარების გეგმები დააჩქარა… მალე ბრენდს პირველ საერთაშორისო ბაზარზეც ვიხილავთ. სტუმარი: ლალი სამსონიძე - Genoise-ისა და "ეს ელ კომპანი"-ს დამფუძნებელი მარიამ იზორია - #მხოლოდქართული, წამყვანი&ავტორი; #ახალიამბები #BusinessMediaGeorgia
#საუბრები ბიზნესსა და ევროკავშირზე - ბიომრავალფეროვნება და ბიზნესი რუბრიკის ავტორი&წამყვანი: გიორგი ბერეჩიკიძე - გაეროს გლობალური შეთანხმების საქართველოს ქსელის გარემოს დაცვის მენეჯერი; სტუმრები: ნანა ბერძენიშვილი - კავკასიის განახლებადი ენერგიის ჰოლდინგის ESG და მდგრადობის მიმართულების ხელმძღვანელი; რონი კვაჭაძე - PMCG-ის ცირკულარობისა და ნარჩენების მართვის ექსპერტი #ახალიამბები #BusinessMediaGeorgia
საქართველოს ბიზნეს ასოციაცია წევრ კომპანიებთან ინდუსტრიულ შეხვედრებს განაგრძობს. ამჯერად BAG-ის მენეჯმენტი სამშენებლო და სარემონტო მასალების წარმოების ერთ-ერთ უმსხვილეს მოთამაშეს - კომპანია „ნოვას“ ესტუმრა. როგორ იქცა წლების წინ დაწყებული საცალო ვაჭრობა უმსხვილეს ინდუსტრიულ ბაზად, ვინ ქმნის ტექნიკურ კადრებს ქართული წარმოებისთვის და როგორია ბიზნესის გეგმა ევროკავშირის ბაზარზე შესასვლელად? #ახალიამბები #BusinessMediaGeorgia
ქართული რითეილ სექტორისთვის პროფესიული კადრების მომზადება იწყება. „რითეილ ასოციაციამ“ და „ბიზნესისა და ტექნოლოგიების აკადემიამ“ ოფიციალური შეთანხმება გააფორმეს, რომლის საფუძველზეც ახალი საგანმანათლებლო პროგრამა იქმნება. კონკრეტულად რა მოდელით იმუშავებს ახალი პლატფორმა და რას შეცვლის “რითელ აკადემიის” გამოჩენა შრომის ბაზარზე? #ახალიამბები #BusinessMediaGeorgia
ავიამოგზაურობის ახალი სტანდარტი: 2026 წლის საუკეთესო ავიაკომპანიები და აეროპორტები #ახალიამბები #BusinessMediaGeorgia
#საქმიანიდილა - 22 ოქტომბერი - პროლოგი #ახალიამბები #BusinessMediaGeorgia
ტურიზმი საქართველოს ეკონომიკის ერთ-ერთი მთავარი მამოძრავებელი ძალაა, თუმცა წლევანდელი სტატისტიკა ინდუსტრიის ხარისხობრივ ტრანსფორმაციაზე ძალიან მკაფიოდ მიუთითებს. მიმდინარე წლის 9 თვის მონაცემებით, საქართველომ ტურიზმიდან 3.8 მილიარდი დოლარის შემოსავალი მიიღო. ყველაზე საინტერესო და საყურადღებო ამ მილიარდების სტრუქტურა და გეოგრაფიული გადანაწილებაა. ოფიციალური ციფრებით დასტურდება, რომ ევროკავშირის ქვეყნებიდან შემოსულმა 474 ათასმა ვიზიტორმა ქვეყანაში უფრო მეტი დახარჯა, ვიდრე რუსეთიდან შემოსულმა 1.3 მილიონმა ადამიანმა. ეს მოცემულობა ცალსახად ამტკიცებს, რომ რაოდენობაზე ორიენტირებული ტურიზმი ეკონომიკურად წამგებიანია და ქვეყნის მთავარი ფოკუსი მაღალმხარჯველუნარიან ევროპულ ბაზარზე უნდა გადავიდეს. სტუმარი: ია თაბაგარი - ტურიზმის ანალიტიკოსი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
საუკეთესო ბანკი საქართველოში ობლიგაციების ბაზარზე, Euromoney-სგან ეროვნული კატეგორიის 2 ჯილდო, საუკეთესო სავალუტო ბანკი საქართველოში, წლის საუკეთესო ბანკი საქართველოში ობლიგაციების ბაზარზე. სტუმარი: პაატა მახარაძე - თიბისის გლობალური ბაზრებისა და ხაზინის დეპარტამენტის ხელმძღვანელი #ახალიამბები #BusinessMediaGeorgia
600-მილიონიანი პირველი ეგზიტიდან რამდენიმე წელში პიტერ რაჰალი ბაზარზე კიდევ უფრო დიდი ამბიციით დაბრუნდა. ამჯერად მან ფსონი პროტეინის ბატონებსა და ჯანსაღ ტკბილეულზე დადო, რამაც ის უკვე ოფიციალურად მილიარდერად აქცია. მისმა ახალმა კომპანიამ სულ ახლახან წლის ყველაზე მასშტაბური ინვესტიცია მოიზიდა და 2.25 მილიარდ დოლარად შეფასდა. რა სტრატეგიით აშენებს რაჰალი კვების ინდუსტრიის ახალ იმპერიას? #ახალიამბები #BusinessMediaGeorgia
ეკონომიკური ძალა ყოველთვის მეგაპოლისების მასშტაბებით არ იზომება. სანამ ტრადიციული ფინანსური ცენტრები საერთო მოცულობით იწონებენ თავს, ახალი გლობალური რეიტინგი სრულიად განსხვავებულ რეალობას გვიჩვენებს ურბანულ სივრცეებს, სადაც მთავარი ინდიკატორი არა მოსახლეობის სიმრავლე, არამედ თითოეული ადამიანის პროდუქტიულობაა. ეს არის ინდექსი, რომელიც ზუსტად ზომავს, თუ სად ფასობს ადამიანური კაპიტალი და ტექნოლოგიური ინოვაციები ყველაზე ძვირად. სად იქმნება ყველაზე დიდი სიმდიდრე ერთ მოსახლეზე და რომელი ლოკაციები უწევენ კონკურენციას ცნობილ ეკონომიკურ გიგანტებს? #ახალიამბები #BusinessMediaGeorgia
რამდენიმე კვირის წინ ბიოგრაფი ლივინგმა პორტფელის ზრდაზე და კიდევ ერთი პროექტის განვითარებაზე განაცხადა. დიდუბეში, ყოფილი მაუდის ქარხნის 11 ჰექტარ ტერიტორიაზე განსახორციელებელი პროექტის დაგეგმილი ინვესტიცია 500 მილიონია, რომლითაც როგორც საცხოვრებელი ისე სავაჭრო და კომერციული დანიშნულების სივრცეები უნდა შეიქმნას. კონცეფცია ამ პროექტში რაც ცნობილია, ადგილმდებარეობის ურბანულ და ისტორიულ კონტექსტს ეფუძნება. სტუმარი: დავით ასანიძე - "ბიოგრაფი ლივინგი", დიზაინის განვითარების დეპარტამენტის ხელმძღვანელი #ახალიამბები #BusinessMediaGeorgia
რომელ ქვეყნებშია უმაღლესი განათლება ყველაზე გავრცელებული და ემთხვევა თუ არა დიპლომის მქონე მოსახლეობის წილი ასეთი ადამიანების საერთო რაოდენობას? OECD-ის 2026 წლის ანგარიშის მიხედვით, რეიტინგის სათავეში კანადაა, თუმცა განათლების მქონე ზრდასრულთა რაოდენობით ჩინეთი და ინდოეთი ლიდერობენ. კვლევა ასევე აჩვენებს, რამდენად განსხვავდება ქვეყნების საგანმანათლებლო მოდელები და რატომ არ ნიშნავს უნივერსიტეტის დიპლომების მაღალი წილი ავტომატურად ეკონომიკურ უპირატესობას. #ახალიამბები #BusinessMediaGeorgia
გიყვებით საერთაშორისო განათლებაზე და გლობალური შესაძლებლობებზე რომელიც ქართველი ახალგაზრდებისთვისაც საინტერესო და პერსპექტიულ მომავალს ქმნის. როგორ შეუძლია ქართველ მოსწავლეს ჯერ კიდევ სასკოლო ასაკში მიიღოს საერთაშორისო გამოცდილება, მონაწილეობა მიიღოს გლობალურ საგანმანათლებლო პროექტებში და მსოფლიოს წამყვან უნივერსიტეტებში სწავლის გასაგრძელებლად მოემზადოს? როგორია საერთაშორისო განათლების მნიშვნელობა, ქართველი მოსწავლეებისთვის ხელმისაწვდომი შესაძლებლობები და მასშტაბური საგანმანათლებლო პროექტი, რომელიც ნიუ-იორკში, გაეროს მოდელირების ფარგლებში ხორციელდება? #ახალიამბები #BusinessMediaGeorgia
ბიზნესის სრული ავტომატიზაცია და მართვა ხელოვნური ინტელექტის დახმარებით – ერთ დროს ეს ოცნება იყო, დღეს კი უკვე ის რეალობაა, რომლის მიღწევა Odoo-ს ERP-სისტემის დახმარებით შეგიძლიათ! ცოტა ხნის წინ, IT კომპანია Proxima Solutions-ის მხარდაჭერით, ბილტმორში Odoo-ს უახლესი ვერსიის პრეზენტაცია გაიმართა, სადაც ბელგიურმა კომპანიამ თავისი სიახლეები და AI-ფუნქციონალი წარმოადგინა. ცხადია, ამ პრეზენტაციას ჩვენი გუნდიც ესწრებოდა და დღეს გიორგი თოლორდავა დეტალურად მოგიყვებათ, თუ რატომ ირჩევენ წამყვანი ქართული და საერთაშორისო კომპანიები Odoo-ს და რატომ არის Proxima სწორი ტექნოლოგიური პარტნიორი ამ ERP-სისტემის დასანერგად. #ახალიამბები #BusinessMediaGeorgia
საქართველოს ბანკი ბიზნესებისთვის ციფრული სერვისების განვითარებას განაგრძობს და საქმიანი დილას ეთერში კიდევ ერთ სიახლეზე გიყვებით, რომლითაც ბიზნეს მენეჯერი განახლდა და სადაც გადახდის მეთოდების დამატება და მართვა, მიღებული თანხების კონტროლი, ფინანსური დოკუმენტების მომზადება და ხელშეკრულებების ელექტრონულად დადასტურება კიდევ უფრო მარტივადაა შესაძლებელი. რა განახლდა ბიზნეს მენეჯერში? სტუმარი: ლიკა დარსალია - საქართველოს ბანკის Product Owner #ახალიამბები #BusinessMediaGeorgia
თბილისის ცენტრში, გმირთა მოედნის მიმდებარედ 40-მილიონიანი მრავალფუნქციური კომპლექსის, „კაპიტალ სქვერის“ მშენებლობა იწყება. პროექტი „თიბისის“ ფინანსური პარტნიორობით ხორციელდება და მხარეებს შორის გუშინ ურთიერთთანამშრომლობის მემორანდუმიც გაფორმდა. რა ინფრასტრუქტურას სთავაზობს დეველოპერი ბაზარს და რატომ ხდება მასშტაბური გამწვანება უძრავი ქონების მთავარი მოთხოვნა #ახალიამბები #BusinessMediaGeorgia
King’s Garden-მა, და World Class Georgia-მ,თანამშრომლობის შეთანხმებას მოაწერეს ხელი. შეთანხმების ფარგლებში, World Class Lux King’s Garden-ის კომპლექსში გაიხსნება და რეზიდენტებსა და კლუბის წევრებს პრემიუმ კლასის ფიტნესისა და ველნესის გამოცდილებას შესთავაზებს. სივრცე გააერთიანებს თანამედროვე სპორტულ დარბაზს, აუზს, სპა და ველნეს ზონებს, ასევე პერსონალური ვარჯიშისა და სხვა მაღალი კლასის მომსახურებებს. როგორც კომპანიებში აცხადებენ, თანამშრომლობა აერთიანებს ორ ბრენდს, რომელთაც პრემიუმ ხარისხის, გამორჩეული სერვისისა და ჯანსაღი, დახვეწილი ცხოვრების წესისადმი საერთო ხედვა აქვთ. King’s Garden თბილისის ერთ-ერთი ყველაზე გამორჩეული საცხოვრებელი მისამართია - კერძო კლუბური რეზიდენცია, რომელიც უშუალოდ ესაზღვრება საქართველოს ეროვნულ ბოტანიკურ ბაღს და ქალაქის ისტორიული ნაწილის უნიკალურ გარემოში მდებარეობს. პროექტი აერთიანებს 70 ექსკლუზიურ რეზიდენციას, ღია პიაცას, რესტორნებისა და ბუტიკების შერჩეულ სივრცეებს, სპორტულ დარბაზს, აუზსა და სპას, ასევე კონსიერჟისა და ვალე-პარკინგის პერსონალიზებულ მომსახურებებს. World Class Lux-ის გახსნა კიდევ უფრო გააძლიერებს King’s Garden-ის კლუბური ცხოვრების კონცეფციას და რეზიდენტებს პრემიუმ ფიტნესისა და ველნესის გამოცდილებას უშუალოდ საკუთარ საცხოვრებელ გარემოში შესთავაზებს. პროექტ King’s Garden-ის დასრულება 2027 წლის ბოლოს იგეგმება. #ახალიამბები #BusinessMediaGeorgia
სილქ როუდ ჯგუფმა მოიპოვა Global Banking & Markets-ის (GBM) 2026 წლის ჯილდო ” წლის საუკეთესო მაღალშემოსავლიანი ობლიგაციების ტრანზაქცია ცენტრალური/აღმოსავლეთ ევროპის, ცენტრალური აზიისა და თურქეთის რეგიონში”. საერთაშორისო აღიარება ჯგუფის მიერ 2025 წლის ოქტომბერში 400 მილიონი აშშ დოლარის მოცულობის ობლიგაციების ემისიას უკავშირდება. ტრანზაქცია საქართველოს კერძო სექტორის ისტორიაში კორპორაციული ობლიგაციების ყველაზე მასშტაბური გამოშვებაა და ქვეყნის საერთაშორისო კაპიტალის ბაზარზე დაბრუნების მნიშვნელოვან ეტაპს წარმოადგენს. შეგახსენებთ, რომ ობლიგაციებზე ინვესტორთა მოთხოვნამ 1.3 მილიარდ აშშ დოლარს გადააჭარბა, რაც ემისიის მოცულობას დაახლოებით 3.25-ჯერ აღემატებოდა. ტრანზაქციაში 78 ინვესტორი მონაწილეობდა, ხოლო ობლიგაციების წლიური საპროცენტო განაკვეთი 7.5%-ით განისაზღვრა. #ახალიამბები #BusinessMediaGeorgia
მსოფლიო საკონტეინერო გადაზიდვების მთავარი ცენტრი აზიაა, სადაც მსოფლიოს ყველაზე დატვირთული პორტებია თავმოყრილი. ლოიდს ლისთის 2026 წლის რეიტინგის მიხედვით, ლიდერობას შანხაი ზედიზედ მე-16 წელია ინარჩუნებს, სინგაპური კი მეორე ადგილს იკავებს. რა განაპირობებს აზიური პორტების დომინირებას, როგორ უკავშირდება საზღვაო ინფრასტრუქტურა გლობალურ საწარმოო ცენტრებს და რა როლს ასრულებს ეს სატრანსპორტო კვანძები მსოფლიო ვაჭრობასა და მიწოდების ჯაჭვებში? #ახალიამბები #BusinessMediaGeorgia
#საქმიანიდილა - 21 ოქტომბერი - პროლოგი #ახალიამბები #BusinessMediaGeorgia
საერთაშორისო პარტნიორობა და ახალი ბაზრების ათვისება ნებისმიერი ბიზნესის განვითარების ფუნდამენტია. ამ მიმართულებით უმნიშვნელოვანესი მოვლენა იგეგმება თბილისში, სადაც 2026 წლის 26 ოქტომბერს საქართველო-თურქეთის ქალ მეწარმეთა პირველი ბიზნესფორუმი გაიმართება. ღონისძიება მეწარმე ქალთა საბჭო საქართველოში და სამსუნის საქმიან ქალთა ასოციაციის ორგანიზებით ტარდება. ფორუმის ფარგლებში ჩვენს ქვეყანას თურქი ქალი მეწარმეებისგან შემდგარი დელეგაცია ეწვევა, რომელიც 22 სხვადასხვა მსხვილ და საშუალო კომპანიას აერთიანებს. წარმოდგენილი იქნება განათლების, მედიცინის, საიუველირო წარმოების, დაზღვევის, არქიტექტურისა და ფინანსური მომსახურების სექტორები. უშუალოდ B2B ფორმატში დაგეგმილი ეს შეხვედრები ქართველ მეწარმეებს ახალი საინვესტიციო და სავაჭრო კავშირების დამყარების უნიკალურ შესაძლებლობას აძლევს. როგორია ეკონომიკური თანამშრომლობის პერსპექტივები? სტუმარი: ნათია მეფარიშვილი - მეწარმე ქალთა საბჭო საქართველოში (WBCG), აღმასრულებელი დირექტორი და თავმჯდომარე #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
როგორც სხვადასხვა მეღვინეები და მევენახეები გვატყობინებენ არასტაბილური ამინდის გამო ლეჩხუმში ყურძნის ნაწილი ზიანდება, რაც რთველის დროულად ჩატარებას განსაკუთრებით მნიშვნელოვანს ხდის. მეღვინეების ნაწილი აცხადებს, წელს რთველი რთული პირობების ფონზე მიმდინარეობს და მოსავლის ხარისხზე ამინდი უკვე აისახება. საზოგადოებას აქვე შევახსენებ, რომ რაჭაში რთველი უკვე დაწყებულია და თავდაპირველად ხვანჭკარის წარმოებისთვის განკუთვნილი ყურძენი იკრიფება. ლეჩხუმში კი ძირითადი სამუშაოების დაწყებას ყურძნის მდგომარეობა და შესაბამისი პროცესების განვითარება განსაზღვრავს. ასევე,მევენახეობისა და მეღვინეობის სექტორში კვლავ აქტუალურია სახელმწიფო სუბსიდირების საკითხი. წელს სახელმწიფო ალექსანდროულისა და მუჯურეთულის თითოეულ კილოგრამზე 4 ლარიან სუბსიდიას გასცემს, თუმცა ადგილობრივი მეღვინეების ნაწილი მიიჩნევს, რომ არსებული მოდელი დარგის გრძელვადიან განვითარებას აფერხებს და სექტორს სახელმწიფო მხარდაჭერაზე დამოკიდებულს ხდის. რა პრობლემებს ქმნის სუბსიდირების მოქმედი სქემა და რა ცვლილებებია საჭირო რაჭაში მეღვინეობის განვითარებისთვის? სტუმარი: შორენა პატარიძე - მეღვინეობა "პატარიძის რაჭული", დამფუძნებელი და მეღვინე #ახალიამბები #BusinessMediaGeorgia
„ვისოლის“ ახალგაზრდა მრბოლელებმა NASCAR Euro Series 2026-ის სეზონი უმაღლესი შედეგებით დაასრულეს. საქართველოს მრავალგზის ჩემპიონმა სანდრო თავართქილაძემ „მასტერსის“ კატეგორიაში ჩემპიონობა მოიპოვა, ხოლო სანდრო ქაჯაიამ, სადებიუტო სეზონში, „როკი ჩელენჯის“ ვიცე-ჩემპიონის ტიტული დაიმსახურა. ჩემპიონატის ფინალური ეტაპი ბელგიაში, ზოლდერის ავტოდრომზე გაიმართა. საქართველო 2026 წლის ევრონასკარზე ორი გუნდით იყო წარმოდგენილი. ქართველი მრბოლელები - სანდრო თავართქილაძე და სანდრო ქაჯაია - ნიდერლანდური გუნდის, „Bleekemolen”-ის, შემადგენლობაში ასპარეზობდნენ. წელს „ვისოლის“ ავტოსპორტის მხარდაჭერა „გზა შენია“ პლატფორმის ქვეშ გაერთიანდა, რომელიც მიზნად ისახავს ახალგაზრდა ტალანტების აღმოჩენას, მრბოლელების პროფესიულ განვითარებას, საავტომობილო შეჯიბრებების მხარდაჭერასა და საქართველოში ავტოსპორტის პოპულარიზაციას. #ახალიამბები #BusinessMediaGeorgia
პირველად საქართველოში, იმედი L მომხმარებლებს ქართულ სადაზღვევო ბაზარზე ახალ ციფრულ შესაძლებლობას სთავაზობს: სადაზღვევო კომპანიის აპლიკაციიდან და პორტალიდან უკვე შესაძლებელია მედიკამენტების, ჯანმრთელობისა და სილამაზის პროდუქტების შეძენა. ახალი სერვისი დაზღვეულებს საშუალებას აძლევს, მათთვის საჭირო პროდუქტები „GPC-სა“ და „ფარმადეპოში“ პირდაპირ იმედი L-ის ციფრული სივრციდან შეარჩიონ და შეკვეთა რამდენიმე მარტივი ნაბიჯით გააფორმონ. შესაძლებლობა ვრცელდება როგორც ექიმის მიმართვით, ისე მიმართვის გარეშე გასაცემ მედიკამენტებზე. #ახალიამბები #BusinessMediaGeorgia
ახლა გვინდა გაგაცნოთ ქართული აგროტექნოლოგიური კომპანია TelAgri, რომელიც ხელოვნური ინტელექტის და სატელიტური მონაცემების გამოყენებით სასოფლო-სამეურნეო სექტორში ფინანსებზე ხელმისაწვდომობის გაზრდას უწყობს ხელს. კომპანია ბანკებს ფერმერული მეურნეობების რისკების შეფასებასა და უფრო ეფექტიანი საკრედიტო გადაწყვეტილებების მიღებაში ეხმარება. აღსანიშნავია, რომ TelAgri-ით აზიის განვითარების ბანკიც დაინტერესდა და საკუთარი ვენჩურული კაპიტალის ფონდის, ADB Ventures-ის მეშვეობით, კომპანიაში ინვესტიცია განახორციელა. რას ნიშნავს აღნიშნულ ინვესტიცია ქართული კომპანიისთვის, როგორია მისი განვითარების გეგმები და რა პოტენციალი აქვს ქართულ ტექნოლოგიურ გადაწყვეტილებებს საერთაშორისო ბაზრებზე? სტუმრები: ტატო ცინცაძე - მთავარი საინვესტიციო ოფიცერი, აზიის განვითარების ბანკი; ირაკლი ჩიქავა - TelAgri-ის აღმასრულებელი დირექტორი და თანადამფუძნებელი #ახალიამბები #BusinessMediaGeorgia
გლობალური ბაზრების ყოველკვირეული მიმოხილვა - Galt & Taggart-ისგან სტუმარი: მარიამ ზურაბაშვილი - Galt & Taggart-ის პორტფოლიო მენეჯერი #გალტენდტაგარტი #GaltTaggart #ბირჟები #მიმოხილვა #გლობალურიინდექსები #Indexes
საქართველოს ეკონომიკის ყოველკვირეული მიმოხილვა Galt & Taggart-ისგან სტუმარი: ლაშა ქავთარაძე, Galt&Taggart;-ის ეკონომისტი #ახალიამბები #BusinessMediaGeorgia
“ავერსის” სამედიცინო რუბრიკა “საქმიან დილაში” - რას წარმოადგენს მაკორეგირებელი დანამატი მეგა როიალი?
გასული კვირის მიწურულს, ყვარლის მუნიციპალიტეტის სოფელ სანავარდოში 5-ვარსკვლავიანი ტურისტული კომპლექსი, „ასკანელი რეზორტი“ ოფიციალურად გაიხსნა.35 მილიონი ლარის ინვესტიციით შექმნილი მასშტაბური პროექტი რეგიონში 100-ზე მეტ ახალ სამუშაო ადგილს ქმნის და საერთაშორისო ბრენდის - Trademark Collection by Wyndham-ის ქოლგის ქვეშ იწყებს ოპერირებას. რა ხელწერით გამოჩნდა სასტუმრო, ქართული სტუმარ-მასპინძლობის რუკაზე? #ახალიამბები #BusinessMediaGeorgia
საცხოვრებელი გარემოს დაგეგმვისას სულ უფრო მნიშვნელოვანი ხდება არა მხოლოდ ბინის ფართობი და მდებარეობა, არამედ ისიც, თუ რა ინფრასტრუქტურა იქნება ხელმისაწვდომი მაცხოვრებლებისთვის ყოველდღიურ ცხოვრებაში. სწორედ ამ მიდგომას ეფუძნება OMNIA Isani-ს პროექტი, რომელიც საცხოვრებელ ფართებთან ერთად კომერციული, საგანმანათლებლო და საზოგადოებრივი სივრცეების განვითარებასაც ითვალისწინებს. კომპანიამ პროექტი უძრავი ქონების საერთაშორისო გამოფენაზე Real Estate Expo 2026 წარადგინა, სადაც ვიზიტორებს შესაძლებლობა ჰქონდათ, შეთავაზებებს გაცნობოდნენ და შეძენის პირობებზე ინფორმაცია უშუალოდ მიეღოთ. რას სთავაზობს OMNIA Isani დაინტერესებულ მომხმარებლებს და რა კონცეფციას ეფუძნება პროექტი? #ახალიამბები #BusinessMediaGeorgia
საქართველოს ბიზნეს ასოციაცია წევრ კომპანიებში სამუშაო ვიზიტებს განაგრძობს. ამჯერად, BAG-ის წარმომადგენლები ტურისტული სექტორის ერთ-ერთ მსხვილ მოთამაშეს -კომპანია „ჯუნიტურსს“ ესტუმრნენ. როგორ იქცევა პრემიუმ სერვისზე ორიენტირებული ლოკალური ბიზნესი სრულფასოვან ტრანსნაციონალურ ოპერატორად და როგორ უკავშირებს ქართული კომპანია ერთმანეთს ისრაელის, აზიისა და აფრიკის ბაზრებს ისე, რომ ფინანსური სარგებელი საქართველოში დარჩეს. #ახალიამბები #BusinessMediaGeorgia
1901 წლიდან დღემდე, ნობელის პრემია მსოფლიოს უდიდესი სამეცნიერო, კულტურული და მშვიდობიანი მიღწევების მთავარ საზომად რჩება. 2026 წლის უახლესი მონაცემებით, ცნობილია იმ ქვეყნების ტოპ-შვიდეული, რომლებმაც ისტორიაში ყველაზე მეტი ნობელის ჯილდო დააგროვეს. რეიტინგს ამერიკის შეერთებული შტატები უპირობოდ ლიდერობს და მნიშვნელოვნად უსწრებს მომდევნო პოზიციებზე მყოფ ევროპულ და აზიურ სახელმწიფოებს. როგორ ნაწილდება გლობალური ინტელექტუალური მიღწევები და რა ისტორიული თუ საგანმანათლებლო უპირატესობებით გამოირჩევიან ლიდერი ქვეყნები? #ახალიამბები #BusinessMediaGeorgia
ასობით მილიონი ევროს ფინანსური ზარალი, გაძარცული 1500-მდე მაღაზია და განადგურებული ინფრასტრუქტურა - პარიზსა და მილანში დაწყებული სოციალური პროტესტი მასშტაბურ ვანდალიზმში გადაიზარდა. საცხოვრებელი ხარჯების ზრდის წინააღმდეგ დაწყებული მშვიდობიანი აქციები პოლიციასთან უმძიმესი შეტაკებებით დასრულდა. ფიზიკური ზიანის მიღმა, მთავარ გამოწვევად კოლოსალური ეკონომიკური დარტყმა რჩება. საფრანგეთსა და იტალიაში დარბეულია როგორც მცირე ბიზნესის ობიექტები, ისე ლუქს-კლასის ბრენდების ბუტიკები, რის გამოც სადაზღვევო და საცალო ვაჭრობის სექტორები სრულ შოკშია. რა უჯდებათ ევროპულ მეგაპოლისებს სოციალური ბუნტი და როგორია მასობრივი არეულობის ფინანსური შედეგები? #ახალიამბები #BusinessMediaGeorgia
კაპიტალის ახალი ჰაბი-თბილისი გლობალურ საინვესტიციო რუკაზე - GREMO 2026 (24 ნოემბერი) #ახალიამბები #BusinessMediaGeorgia
#საქმიანიდილა - 20 ოქტომბერი - პროლოგი #ახალიამბები #BusinessMediaGeorgia
ბოლო პერიოდში ლიფტების მოწყვეტისა და მძიმე ინციდენტების გახშირებულმა შემთხვევებმა კიდევ ერთხელ გამოაჩინა, რომ მრავალბინიან საცხოვრებელ სახლებში უსაფრთხოების ნორმები ფაქტობრივად არ კონტროლდება.სპეციალისტები ამბობენ, რომ სადარბაზოებში არსებული ლიფტების დიდ ნაწილს ტექნიკური ინსპექტირება წლებია არ გაუვლია. პრობლემას ამძიმებს ისიც, რომ მათ მოვლა-პატრონობასა და შეკეთებას ხშირად კვალიფიკაციის არმქონე პირები ანუ „კუსტარული ხელოსნები“ ახორციელებენ. მიუხედავად იმისა, რომ კანონმდებლობით ლიფტების გამართულობაზე პასუხისმგებლობა ამხანაგობებსა და მცხოვრებლებს ეკისრებათ, რეალურად არ არსებობს ეფექტიანი მონიტორინგის სისტემა, რომელიც გააკონტროლებს, რამდენად უსაფრთხოა ყოველდღიური მგზავრობა. ვინ იღებს პასუხისმგებლობას მოქალაქეების უსაფრთხოებაზე, რატომ ვერ ამოქმედდა მკაცრი რეგულაციები და რა უნდა შეიცვალოს, რომ საცხოვრებელი კორპუსის ლიფტი სიცოცხლისთვის საფრთხედ არ იქცეს? სტუმარი: დავით მურჯიკნელი - „ელევატორი მარკეტის“ დამფუძნებელი და დირექტორი #ახალიამბები #BusinessMediaGeorgia
გაუქმებული, უცებ აღდგენილი და ისევ სუბსიდირებული - მთავრობამ 10-წლიანი პრაქტიკის შემდეგ არასტანდარტული ვაშლის სუბსიდირების პროგრამა სექტემბერში ოფიციალურად შეწყვიტა. გარემოს დაცვისა და სოფლის მეურნეობის სამინისტრო მაშინ აცხადებდა, რომ პრიორიტეტი იცვლებოდა და თანხები თანამედროვე ბაღების გაშენებასა და ხარისხიან წარმოებაზე მიიმართებოდა. თუმცა, ზუსტად ერთ თვეში, 8 ოქტომბრის განკარგულებით, პროგრამა მოულოდნელად დაბრუნდა - სახელმწიფო 1 კილოგრამ არასტანდარტულ ვაშლს წელსაც 10 თეთრით დაასუბსიდირებს! BM.GE-ს კითხვებს, რატომ შეიცვალა სამინისტროს პრიორიტეტები ასე სწრაფად და იყო თუ არა ეს დარგის მოთხოვნა, უწყებამ პირდაპირ არ უპასუხა. მოგვიანებით კი გავრცელდა განცხადება, რომ გადაწყვეტილება „სექტორთან შეხვედრებისა და მათი საჭიროებების განხილვის“ შემდეგ მიიღეს. შედეგად, 13 ოქტომბრიდან დღემდე 800 ტონაზე მეტი ვაშლი უკვე ჩაბარებულია, სადაც სახელმწიფო სუბსიდიამ 83 ათას ლარს გადააჭარბა. ცნობისთვის, 2014 წლიდან დღემდე ამ პროგრამაზე ბიუჯეტიდან 28 მილიონ ლარამდე უკვე დაიხარჯა. რა დგას პოლიტიკური გადაწყვეტილებების ასეთი სწრაფი ცვლილების უკან და რამდენად ეფექტიანია წლობით სუბსიდიაზე დამოკიდებული სოფლის მეურნეობა? სტუმარი: გოჩა ცოფურაშვილი - ეკონომიკის დოქტორი #ახალიამბები #BusinessMediaGeorgia
დღეს რეგიონული მედია სერიოზული ეგზისტენციალური გამოწვევის წინაშე დგას. მცირე სარეკლამო ბაზრისა და საჯარო დაფინანსების/გამომწერების ნაკლებობის გამო, ათობით ადგილობრივი მედიაორგანიზაცია უკვე დაიხურა, ბევრი კი დახურვის პირასაა. ამ დროს კი სწორედ რეგიონული ჟურნალისტები არიან ის ადამიანები, ვინც ადგილობრივი მოსახლეობის პრობლემებს ახმოვანებენ და ხელისუფლებას კონტროლს უწევენ. რა ელის ადგილობრივ მედიას და როგორ უნდა გადარჩეს დამოუკიდებელი ჟურნალისტიკა რეგიონებში? სტუმარი: ირაკლი ვაჩიბერაძე - ჟურნალისტი #ახალიამბები #BusinessMediaGeorgia
ათასობით ადამიანს სოციალური დახმარება შეუჩერდა. სოციალური მომსახურების სააგენტოს მონაცემებით, 2026 წლის იანვრიდან სექტემბრამდე საარსებო შემწეობა ჯამში 163 111-მა პირმა დაკარგა. მხოლოდ სექტემბერში, აგვისტოსთან შედარებით, ბაზა 23 ათასზე მეტი ადამიანით შემცირდა. დღეისათვის სახელმწიფოსგან შემწეობას 547 115 მოქალაქე იღებს. კლების მთავარი მიზეზი საზოგადოებრივი დასაქმების პროგრამაა. პროექტი, რომელიც 2026 წლიდან გაუქმდა, მხოლოდ მათთვის გრძელდება, ვისაც 4-წლიანი ვადა ჯერ არ ამოუწურავს. იანვარში თუ ამ პროგრამით 246 ათასი ადამიანი სარგებლობდა, სექტემბრისთვის მათი რიცხვი 141 ათასამდე დაიწია , ეს კი 42%-იანი კლებაა. თუმცა, შემცირება ეხება მათაც, ვინც ამ პროგრამის მიღმა იმყოფებოდა - ამ შემთხვევაში კლება 13%-ია. მთავრობაში აცხადებენ, რომ ბაზების გადამოწმებით მილიონობით ლარი დაიზოგა. ჯანდაცვის მინისტრ მიხეილ სარჯველაძის თქმით, ზუსტი ციფრის დასახელება რთულია, თუმცა საუბარია ათეულობით მილიონ ლარზე. შეგახსენებთ: სოციალურად დაუცველთა მკვეთრი ზრდა 2020 წლიდან, პანდემიის დროს დაიწყო, როდესაც ოჯახების გადამოწმება შეჩერდა. 2022 წლიდან კი ამას დასაქმების პროგრამაც დაემატა. პრემიერ ირაკლი კობახიძის განცხადებით, ეს პროგრამა უსარგებლო, ხოლო მასში ჩართულთა დასაქმება ფიქციური იყო. ამასობაში კი, „უსარგებლოდ“ შეფასებულ პროექტზე სახელმწიფო ბიუჯეტიდან 300 მილიონ ლარზე მეტი უკვე დაიხარჯა. როგორია ოცნების სოციალური პოლიტიკა? სტუმარი: სანდრო ურუშაძე - ჯანდაცვის სპეციალისტი, ჯანდაცვის ყოფილი მინისტრი #ახალიამბები #BusinessMediaGeorgia
#ინეტრიერი დეტალებში - DODO Designs-ის პორტფელი
როგორია დღეს მოთხოვნა ბინებზე, რამდენად ხელმისაწვდომია საცხოვრებელი ადგილობრივი მოსახლეობისთვის და რა მოლოდინები აქვთ დეველოპერებს ფასებთან დაკავშირებით? #ახალიამბები #BusinessMediaGeorgia
დედაქალაქის განვითარების რუკაზე ახალი მიზიდულობის ცენტრები გაჩნდა. დეველოპერული ბაზრის ლიდერი კომპანია „არქი“ მასშტაბურ პროექტს „გრანდ ავენიუ არქის“ ახორციელებს, სადაც მომდევნო სამ წელში 2 მილიარდი ლარის ინვესტიცია განხორციელდება. 21 ჰექტარზე გაშენებული კომპლექსი საცხოვრებელ სივრცეებთან ერთად „ჰილტონისა“ და „ვინდჰემის“ რეზიდენციებს გააერთიანებს. უკვე 24 ოქტომბერს კი კომპანია მომხმარებლებს, როგორც ადგილობრივად, ისე საზღვარგარეთ, უპრეცედენტო ფასდაკლების დღესა და გადახდის განსაკუთრებულ პირობებს სთავაზობს. #ახალიამბები #BusinessMediaGeorgia