წლის ყველაზე გრანდიოზული კულტურული და მოდის მოვლენა დასრულებულია - ნიუ-იორკმა „მეტ გალა 2026“-ს უმასპინძლა. თუმცა, შოუბიზნესისა და მოდის ელიტის წითელ ხალიჩაზე გავლის მიღმა, უზარმაზარი ეკონომიკური სტრატეგია დგას. 75 ათასი დოლარი მხოლოდ ერთი ბილეთისთვის, 350 ათასი დოლარი მაგიდის დასაჯავშნად და ანა ვინტურის მკაცრი კონტროლი - ეს ის ფასია, რომელსაც გლობალური ბრენდები ექსკლუზიურ წვეულებაზე მოსახვედრად იხდიან. რა უჯდებათ ორგანიზატორებს „მოდის ოსკარებად“ წოდებული ღონისძიების მოწყობა, რა რეკორდული შემოსავალი მიიღო წელს მეტროპოლიტენის მუზეუმმა და რატომ იზრდება ყოველწლიურად ამ მოვლენის ეკონომიკური ეფექტი? #ახალიამბები #BusinessMediaGeorgia
მილანის „სალონე დელ მობილე 2026“ დასრულებულია, რომელსაც რეკორდული, 316 000-ზე მეტი ვიზიტორი დაესწრო. როგორ პასუხობს დიზაინის სამყარო გეოპოლიტიკურ არასტაბილურობას და რა სიახლეები მოიტანა წლევანდელმა ექსპერიმენტულმა პლატფორმებმა? ჩვენ სტუმართან ერთად დეტალურად განვიხილავთ „სალონის“ ტრანსფორმაციას, რემ კულჰაასის ახალ ხედვებსა და საგანმანათლებლო პროექტებს, რომლებშიც 14 000-ზე მეტი სტუდენტი იყო ჩართული. რა როლი აქვს საქართველოს გლობალურ კონტექსტში და რა შესაძლებლობებს უხსნის მილანის კვირეული ქართულ დიზაინს? სტუმარი: ლენა კილაძე - თბილისის არქიტექტურის, დიზაინის და კრეატიული ინდუსტრიების ცენტრის დამფუძნებელი, დირექტორი #ახალიამბები #BusinessMediaGeorgia
ტრადიციული ქიმიური აბების ეპოქა ფარმაცევტულ ბაზარზე ოფიციალურად სრულდება. გლობალური სამედიცინო გიგანტები ახლა უკვე პერსონალიზებულ მედიცინასა და ადამიანის გენეტიკური კოდის რედაქტირებაში ასეულობით მილიარდ დოლარს აბანდებენ. წონის კლების ინოვაციური პრეპარატებიდან დაწყებული, ალცჰაიმერისა და ონკოლოგიური დაავადებების სამკურნალო ინდივიდუალური ვაქცინებით დასრულებული - კვლევითი ლაბორატორიები ხელოვნური ინტელექტის დახმარებით სრულიად ახალ სამეცნიერო სტანდარტს ამკვიდრებენ. კონკრეტულად რა ახალი თაობის მედიკამენტებს ქმნის ინდუსტრია და რაში ხარჯავს ტრილიონობით დოლარს ბიგ ფარმა? #ახალიამბები #BusinessMediaGeorgia
გლობალური ეკონომიკის ერთ-ერთ ყველაზე მძლავრ მამოძრავებელ ძალას დღეს ფარმაცევტული ინდუსტრია წარმოადგენს. უმკაცრესი კომერციული კონკურენციისა და შეზღუდული პატენტების პირობებში, კორპორაციები ბაზარზე ლიდერობას მხოლოდ უწყვეტი ინოვაციებითა და მილიარდობით დოლარის კვლევებში ინვესტირებით ახერხებენ. როგორ იქცნენ მოკრძალებული ლაბორატორიები მსოფლიოს ყველაზე ძვირადღირებულ ბიზნესიმპერიებად, რას წარმოადგენს და რა კომერციული ლოგიკით იმართება ბიგ ფარმა? #ახალიამბები #BusinessMediaGeorgia
ხელოვნური ინტელექტი უკვე აქტიურად ცვლის ბიზნესის მუშაობის მოდელს, კომპანიებს აძლევს შესაძლებლობას, პროცესები უფრო ეფექტიანი გახადონ, შექმნან საკუთარ საჭიროებებზე მორგებული ინსტრუმენტები და ყოველდღიურ საქმიანობაში ტექნოლოგიური გადაწყვეტილებები სწრაფად დანერგონ. სწორედ ამ მიმართულებით მუშაობს ჯეოლაბიც, რომელიც ბიზნესის წარმომადგენლებისთვის ხელოვნური ინტელექტის პრაქტიკულ ვორქშოფებს ატარებს. როგორ იცვლება სამუშაო გარემო AI-ის ეპოქაში, რა შესაძლებლობებს აჩენს ტექნოლოგია მცირე და საშუალო ბიზნესისთვის და რამდენად მზად არიან კომპანიები ამ ტრანსფორმაციისთვის? სტუმრები: სანდრო ასათიანი - ილიას უნივერსიტეტის ასოცირებული პროფესორი; ლანა ლაბაძე - ჯეოლაბის დირექტორი #ახალიამბები #BusinessMediaGeorgia
თბილისის ურბანულ განვითარებაში ახალი ეტაპი იწყება - ისანში ე.წ. 15-წუთიანი ქალაქის კონცეფციის მასშტაბური პროექტის მშენებლობა დაიწყო. ტრადიციული, იზოლირებული საცხოვრებელი კორპუსების ნაცვლად, დედაქალაქში იქმნება სრულიად ახალი, დამოუკიდებელი უბანი, სადაც ბინებთან, ოფისებთან და დიდ სარეკრეაციო ზონებთან ერთად, პირველად გლობალური საგანმანათლებლო ქსელი GEMS Education შემოდის. რას გულისხმობს მრავალფუნქციური სივრცის იდეა, რომელიც ადამიანებს ქალაქში გადაადგილების დამატებითი საჭიროებისგან გაათავისუფლებს და როგორ აპირებს "ომნია" ქართულ ბაზარზე ცხოვრების ახალი სტანდარტის დამკვიდრებას? სტუმრები: ნინო მაღრაძე - Cushman & Wakefield Veritas, სტრატეგიული განვითარებისა და კვლევების მიმართულების ხელმძღვანელი; რობერტ ტარნი - GEMS School Management, აღმასრულებელი დირექტორი საუბარს სინქრონულად თარგმნის NG Georgia #ახალიამბები #BusinessMediaGeorgia
კიბერდანაშაული მხოლოდ ჰაკერულ თავდასხმებს სცდება, ის გლობალურ ეკონომიკაზე, კომპანიების ფინანსურ მდგრადობასა და ბიზნესპროცესების უსაფრთხოებაზე პირდაპირ მოქმედებს. მილიარდობით დოლარის ზარალი, ონლაინ თაღლითობა, გამოსასყიდი პროგრამები და ბიზნეს ელფოსტის კომპრომეტირება თანამედროვე კიბერკრიმინალის ყველაზე მასშტაბურ საფრთხეებად ყალიბდება. როგორ იცვლება კიბერდანაშაულის გლობალური ეკოსისტემა, რომელი მიმართულებები ქმნის ყველაზე დიდ ფინანსურ რისკს და რატომ გადადის კომპანიებისთვის მთავარი აქცენტი ტექნოლოგიური დაცვიდან პროცესებისა და ფინანსური კონტროლების გაძლიერებაზე? #ახალიამბები #BusinessMediaGeorgia
ინტერნეტსივრცეში გაჩნდა კიდევ ერთი პოდკასტი სახელად მოსაწყენი პოდკასტი, რომელსაც საქართველოს საბანკო ასოციაცია ამზადებს. მას გიორგი მირზიკაშვილი და ალექსანდრე ძნელაძე უძღვებიან. ბოლო გადაცემის სტუმარი სწორედ ინგა ქარჩავა იყო, რიგით მეხუთე პოდკასტი კიბერუსაფრთხოების თემებს დაეთმო, ყველას გირჩევთ თვალყური ადევნოთ საკმაოდ საინტერესოდ გადმოცემულ ამბებს ფინანსების სამყაროზე. სტუმარი: ინგა ქარჩავა - საქართველოს საბანკო ასოციაცია, კიბერუსაფრთხოების მიმართულების კოორდინატორი #ახალიამბები #BusinessMediaGeorgia
ფიზიკის რთული კანონები და ფორმულები, რომლებიც სკოლაში ხშირად ნამდვილ თავსატეხად იქცევა ხოლმე, ერთ კონკრეტულ სივრცეში სახალისო თამაშად და ხელშესახებ რეალობად გარდაიქმნება. უკვე 10 წელია, სამეცნიერო მუზეუმი „ექსპერიმენტორიუმი“ ბავშვებს მეცნიერების სამყაროში ეპატიჟება. სივრცეში, სადაც ექსპონატებზე ხელის ხლება ნებადართულია, სიჩუმეს კი არავინ ითხოვს, მოზარდები სამყაროს შეცნობას დამოუკიდებელი აღმოჩენებით სწავლობენ. როგორ განვითარდა თავდაპირველად უცხო იდეა 10 წლის განმავლობაში და რა გეგმებით ხვდება მუზეუმი იუბილეს? #ახალიამბები #BusinessMediaGeorgia
ვინაცვლებთ ჩინეთში, სადაც BMG-ის ჟურნალისტი საქართველოდან მიწვეულ სხვა სტუმრებთან ერთად, ქალაქ ჯენჯოუში იმყოფება, მიზეზი განსაკუთრებულია ქართული ბიზნესისთვის. კომპანია GT Group ჩინური ელექტრომობილების უმსხვილესი მწარმოებლის, BYD-ის ოფიციალური წარმომადგენელი გახდა და ამ წუთებშიც ჯენჯოუში მასშტაბური ღონისძიება BYD E-JOURNEY 2026 იმართება. ვიზიტის ფარგლებში დაგეგმილია, როგორც უმსხვილესი ჩინური მწარმოებლის BYD-ის ქარხანასა და შოურუმში ვიზიტი, ასევე უახლესი მოდელების ტექსტ დრაივები. რას ნიშნავს ქართველი მომხმარებლებისთვის ადგილობრივ ბაზარზე BYD-ის ოფიციალური წარმომადგენლის გაჩენა, რას შესთავაზებს GT Group მათ და რას უნდა ელოდოს ჩვენი მაყურებელი BYD E-JOURNEY 2026-სგან? #ახალიამბები #BusinessMediaGeorgia
საქართველოს ავტოიმპორტის ბაზარზე მოცემულობა შეიცვალა. American Auto Sale-ისა და CG Luxury Autos-ს დამფუძნებლის, გიორგი წურწუმიას განცხადებით, მან ადგილობრივი კომპანიების დიდ ნაწილს CARFAX-ზე წვდომა შეუზღუდა, რადგან ისინი წლების განმავლობაში სწორედ მისი ინფრასტრუქტურით სარგებლობდნენ. თუმცა, ტექნიკური შეზღუდვების გარდა, სექტორში მწვავედ დგას ფინანსური თაღლითობის რისკიც, რაც ერთ-ერთი დილერის მიერ ნახევარი მილიონი დოლარის მითვისების ახალმა სკანდალმაც დაადასტურა. როგორც თავად ავტოდილერი აფასებს, საეჭვოდ დაბალი ფასი სწორედ თაღლითობის პირდაპირი ინდიკატორია. როგორ მუშაობს რეალური ამერიკული ეკოსისტემა შუამავლების გარეშე და როგორ უნდა დავიზღვიოთ თავი ფულის დაკარგვისგან? #ახალიამბები #BusinessMediaGeorgia
მანჰეტენის ცათამბჯენები, 1.4 მილიარდი დოლარის კაპიტალი და უძრავი ქონების გიგანტური იმპერია, რომლის ფესვებიც თბილისში, ხოდაშენის ქუჩაზე იწყება. გლობალურ ბიზნესში დღემდე ერთ-ერთ ყველაზე საინტერესო ქეისად რჩება, თუ როგორ შეძლო ქართველმა ემიგრანტმა, თემურ სეფიაშვილმა, იგივე ტამირ საპირმა, ცივი ომის წლებში დასავლური ფინანსური წესების სათავისოდ გამოყენება. საიდუმლო ბარტერები საბჭოთა ელიტასთან, ფარული თამაშები ამერიკულ სპეცსამსახურებთან და გადაკვეთილი საქმიანი ინტერესები დონალდ ტრამპთან - ეს იმ მოვლენების მხოლოდ არასრული ჩამონათვალია, რაც ქართველი ებრაელის დაუჯერებელმა ცხოვრების გზამ დაიტია. #ახალიამბები #BusinessMediaGeorgia
#საქმიანიდილა - 13 მაისი - პროლოგი #ახალიამბები #BusinessMediaGeorgia
ჭადრაკი თამაში, რომელიც საუკუნეების განმავლობაში ადამიანის ინტელექტისა და სტრატეგიული აზროვნების სიმბოლოდ მიიჩნეოდა. თუმცა ტექნოლოგიების განვითარებასთან ერთად გაჩნდა ახალი მეტოქე - ხელოვნური ინტელექტი და სუპერკომპიუტერები, რომლებმაც მსოფლიო ჩემპიონებსაც კი სერიოზული გამოწვევა შეუქმნეს. დღეს უკვე ისტორიულ მოვლენად ითვლება ის მომენტები, როდესაც საჭადრაკო დაფასთან ერთმანეთს ადამიანი და მანქანა უპირისპირდებოდნენ. ეს მხოლოდ სპორტული დაპირისპირება არ ყოფილა — ეს იყო ბრძოლა ადამიანის ინტუიციასა და კომპიუტერის გამოთვლით ძალას შორის. როგორ დაიწყო ეს ტექნოლოგიური რევოლუცია? რატომ იქცა ჭადრაკი ხელოვნური ინტელექტის ერთ-ერთ მთავარ საცდელ სივრცედ? და სად გადის ზღვარი ადამიანის გონებასა და ალგორითმების შესაძლებლობებს შორის? #ახალიამბები #BusinessMediaGeorgia
Global Tech Weekend Tbilisi 2026 წლის 19–21 ივნისის ჩათვლით თბილისში ბრუნდება. წლევანდელი ღონისძიება სცდება ტრადიციული კონფერენციის ფორმატს და ქალაქის მასშტაბით ტექნოლოგიური მოძრაობის სახეს იღებს. ასობით სპიკერი, ინვესტორი და საერთაშორისო კომპანია, ათეულობით ღონისძიება და ათასობით სტუმარი, რომლებიც თბილისს რეგიონის ერთ-ერთ მთავარ ტექნოლოგიურ ჰაბად აქცევენ. მთავარი სცენა განთავსდება Factory Tbilisi-ში, სივრცეში, რომელიც უკვე იქცა ქალაქის ერთ-ერთ ყველაზე აქტიურ კულტურულ და ინოვაციურ ცენტრად. სტუმარი: ჯაბა კიკვიძე - Global Tech Weekend Tbilisi-ის თანადამფუძნებელი #ახალიამბები #BusinessMediaGeorgia
თიბისის მობაილბანკს ინვესტირების ახალი შესაძლებლობა დაემატა, რაც ნიშნავს, მომხმარებლებს უკვე კრიპტოაქტივების შეძენა და გაყიდვა პირდაპირ მობაილბანკიდან, სულ რაღაც სამი კლიკით შეუძლიათ. დამატებითი რეგისტრაციის გარეშე, სწრაფად და მარტივად, 1 დოლარიდან ხელმისაწვდომია 30-მდე ყველაზე პოპულარული კრიპტოაქტივი. და ასევე უნდა იცოდეთ, რომ ციფრულ აქტივებზე ხელმისაწვდომობის გაზრდის მიზნით, პირველ ეტაპზე კრიპტოთი ვაჭრობა საკომისიოს გარეშე იქნება შესაძლებელი და ამას ითვალისწინებს ის პარტნიორობა, რომელიც თიბისიმ კომპანია Bybit-თან პარტნიორობით განახორციელა, მე აქვე შეგახსენებთ, რომ ბაიბიტი მეორე უმსხვილესი კრიპტო პლატფორმაა მსოფლიოში. როგორ მუშაობს ახალი ფუნქციონალი და რატომ გახდა კრიპტოში ინვესტირება კიდევ უფრო მარტივი? ინტერვიუ: გიორგი ყანჩაველი - თიბისის ციფრული ბიზნესის განვითარების ლიგის ლიდერი #ახალიამბები #BusinessMediaGeorgia
მსოფლიო ყურადღების ცენტრში „ჰანტავირუსის“ იშვიათი და სახიფათო აფეთქება მოექცა. ეპიცენტრი ჰოლანდიური საკრუიზო ლაინერია, სადაც ვირუსის ერთ-ერთი ყველაზე აგრესიული, ე.წ. „ანდების შტამი“ დაფიქსირდა. მიუხედავად იმისა, რომ ვირუსის ბუნებრივი წყარო მღრღნელებია, ამ შემთხვევაში მეცნიერებმა ადამიანებს შორის ინფექციის გადაცემის იშვიათი ჯაჭვი დაადასტურეს. არის თუ არა მსოფლიო ახალი პანდემიის საფრთხის წინაშე და რას ნიშნავს ჰანნტა ვირუსი? მარიამ იზორია - #BMG, რეპორტიორი სტუმრები: ლალი ბრეგვაძე - „ავერსის“ საზოგადოებასთან ურთიერთობის სამსახურის ხელმძღვანელი; ლია გოლიაძე - ვახტანგ ბოჭორიშვილის კლინიკის მოზრდილთა ინფექციური დეპარტამენტის ხელმძღვანელი #ახალიამბები #BusinessMediaGeorgia
“ავერსის” რუბრიკა საქმიან დილაში - რა იწვევს საჭმლის მომნელებელი სისტემის პრობლემებს?
არქიტექტურულმა კომპანია სპექტრუმმა არქიტექტურის ეროვნული სტუდენტური კონკურსი პირველად ჩაატარა. კონკურსის ფარგლებში, საქართველოს უნივერსიტეტების არქიტექტურის ფაკულტეტის მესამე და მეოთხე კურსელებმა ფორმა შეავსეს, საიდანაც 60 აპლიკანტი აირჩა, რომლებმაც 8 მაისს ჰილტონ თბილისში, 5 საათის განმავლობაში კონკრეტულ არქიტექტურულ პროექტებზე იმუშავეს. 10 ფინალისტიდან ჟიურიმ 3 გამარჯვებული გამოავლინა - ისინი ევროპის არქიტექტურულად გამორჩეულად ქალაქებში შემეცნებით ტურში გაემგზავრებიან, საიდანაც დავალებას ჩამოიტანენ და ერთი გამარჯვებული სპექტრუმში სტაჟირების შანსსაც მიიღებს. #ახალიამბები #BusinessMediaGeorgia
ერთი მატჩი და რამდენიმე ათასი დოლარი. წლევანდელი მსოფლიოს ჩემპიონატი სპორტულ ისტორიაში ერთ-ერთ ყველაზე ძვირადღირებულ სანახაობად იქცა. ბილეთებზე მოთხოვნა რეკორდულია, ფასები კი უპრეცედენტოდ მაღალი. რატომ გახდა მსოფლიო ჩემპიონატზე დასწრება ასეთი ძვირი? რა გავლენა აქვს მასპინძელი ქვეყნების ეკონომიკას, ტურიზმსა და გლობალურ ინტერესს? წლევანდელი მუნდიალი მხოლოდ საფეხბურთო ზეიმი აღარ არის ეს უკვე მრავალმილიარდიანი ინდუსტრიაა, სადაც თითოეულ ადგილს განსაკუთრებული ფასი აქვს. რატომ ღირს მსოფლიოს ჩემპიონატის ბილეთები ისტორიაში ყველაზე ძვირი და რამდენის გადახდა უწევთ გულშემატკივრებს ფეხბურთის მთავარი სანახაობის სანახავად? #ახალიამბები #BusinessMediaGeorgia
სტატისტიკა აჩვენებს, რომ საქართველოში ავტოსაგზაო შემთხვევებისა და მათგან მომდინარე მსხვერპლის მაჩვენებელი კვლავ სერიოზულ გამოწვევად რჩება.2026 წლის პირველ კვარტალში საქართველოში 14 839 ავტოსაგზაო შემთხვევა აღირიცხა. შინაგან საქმეთა სამინისტროს სტატისტიკის მიხედვით, აქედან 14 175 შემთხვევა ადმინისტრაციული სამართალდარღვევის, ხოლო 664 სისხლის სამართლის კოდექსით დაკვალიფიცირდა. ავარიების შედეგად სამი თვის განმავლობაში 92 ადამიანი დაიღუპა, 989 კი დაშავდა. ბოლო წლების სტატისტიკას თუ ჩავხედავთ ვნახავთ, რომ რიგ შემთხვევებში გაუმჯობესების ნაცვლად გაუარესება გვაქვს, წლიურად გარდაცვლილთა რიცხვი კი სტაბილურად, 400-დან 450 ადამიანამდეა. რა უნდა გაკეთდეს გზებზე სიკვდილიანობის შესამცირებლად? #ახალიამბები #BusinessMediaGeorgia
#საქმიანიდილა - 12 მაისი - პროლოგი #ახალიამბები #BusinessMediaGeorgia
✈️ #საუბრებიავიაციაზე: საერთაშორისო გამოფენების როლი ავიაციაში გიორგი მოლოდინაშვილი - "საუბრები ავიაციაზე," წამყვანი, ავტორი; სტუმარი: მარი სამსონიძე - VIP Aviation-ის დირექტორის მოადგილე #ახალიამბები #BusinessMediaGeorgia
ჯანდაცვის სამინისტრო რეფერენტულ ფასებს კიდევ დაახლოებით 700 მედიკამენტზე დააწესებს. უწყების ინფორმაციით, საუბარია ხშირად მოხმარებად პრეპარატებზე, მათ შორის ანთების საწინააღმდეგო და გულ-სისხლძარღვთა დაავადებების სამკურნალო საშუალებებზე. რეფორმა 2023 წელს დაიწყო და ამ დროისთვის ფასის ზედა ზღვარი უკვე 7500-ზე მეტ მედიკამენტზე მოქმედებს. სამინისტროს ცნობით, შედეგად წამლების ფასი საშუალოდ 40%-ით შემცირდა. დაგეგმილი ცვლილებები ჯანდაცვის მინისტრმა მიხეილ სარჯველაძემ ფარმაცევტული სექტორის წარმომადგენლებს გასული კვირის ბოლოს გააცნო. კომპანიებს საკუთარი მოსაზრებების წარსადგენად დაახლოებით ორ კვირიანი ვადა ექნებათ. რას ფიქრობს ფარმაცევტული ბიზნესი რეფორმის მორიგ ეტაპზე? სტუმარი: ირაკლი მარგველაშვილი - საერთაშორისო ფარმაცევტული კომპანიების წარმომადგენელთა ასოციაციის ხელმძღვანელი; #ახალიამბები #BusinessMediaGeorgia
ტექნოლოგიური განათლება ხელმისაწვდომი უნდა იყოს ყველასთვის, მიუხედავად საცხოვრებელი ადგილისა. სწორედ ამ მისიით, უკვე სამი წელია, თიბისი ტექსკოლა უფროსკლასელებს ეხმარება გადადგან პირველი პროფესიული ნაბიჯები მომავლის სამყაროში. სამი წლის განმავლობაში თიბისი ტექსკოლის უფასო, ონლაინ კურსები, მთელი საქართველოდან, 4,500 -ზე მატმა მოსწავლემ გაიარა. დღეს კი სკოლა მათ სამ ახალ ეიაის მიმართულებითაც სთავაზობს. სტუმრები: მარიამ თევზაძე - თიბისის საგანმანათლებლო პროექტების ლიდერი; სანდრო ასათიანი - "უნილაბის" დირექტორი; #ახალიამბები #BusinessMediaGeorgia
#ავიაციისსიახლეები: ✈ არაბთა გაერთიანებულ საამიროებში ავიამიმოსვლაზე შეზღუდვები მოიხსნა ✈ მსოფლიო ბაზარზე საავიაციო საწვავი კვლავ ძვირდება ✈ ვიმედოვნებთ, მთავრობა დახმარებას გაგვიწევს და ჩვეულ რეჟიმში შევძლებთ ოპერირების გაგრძელებას - Georgian Airways ✈ საწვავის გაძვირების გამო, ავიაკომპანიებმა მაისში 13,000 რეისი გააუქმეს ✈ Spirit Airlines-მა კოლაფსი განიცადა ✈ Airbus-მა კანადაში $19-მილიარდიანი შეკვეთა მიიღო, რაც ქვეყნის ისტორიაში უდიდესი საავიაციო გარიგებაა კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით #ავიაცია #ავიამიმოსვლა #ახალიამბები #BusinessMediaGeorgia
ინტერიერი დეტალებში სტუმარი: სალომე დადუნაშვილი - “ინტერიერი სალომე დადუნაშვილთან ერთად”, ავტორი&წამყვანი #ახალიამბები #BusinessMediaGeorgia
თანამედროვე ლიზინგი მომხმარებელს სრულ სერვისსა და მოქნილ გამოცდილებას სთავაზობს, როგორც ავტომობილების, ისე სხვადასხვა ბიზნეს სექტორისთვის საჭირო ტექნიკა-დანადგარების მიმართულებით. დღეს ტერა ლიზინგთან ერთად ვისაუბრებთ, როგორ იცვლება ავტოლიზინგის ბაზარი და რა მნიშვნელობა აქვს მომხმარებლისთვის არჩევანის თავისუფლებას. ნებისმიერი ავტომობილი, ნებისმიერი ავტოცენტრიდან, მათ შორის მეორადი ავტომობილებიც. ასევე განვიხილავთ Trade-In მოდელს, რომელიც ავტომობილის განახლების პროცესს უფრო სწრაფსა და გამჭვირვალეს ხდის. ასევე ვისაუბრებთ ლიზინგის როლზე ბიზნეს სექტორების განვითარებაში, მათ შორის აგრო მიმართულებით, სადაც ტექნიკისა და ავტოპარკის განახლება კონკურენტუნარიანობის ერთ-ერთი მთავარი ფაქტორია. სტუმრები: ბექა ვახტანგიშვილი - “ტერა ლიზინგის” პროდუქტების განვითარების დირექტორი; აკაკი გოქსაძე - “აგრომოტორსის“ დამფუძნებელი; #ახალიამბები #BusinessMediaGeorgia
თანამედროვე მშენებლობისა და არქიტექტურის განვითარება დღეს წარმოუდგენელია შენობების შიდა კლიმატური კომფორტის, ანუ ე.წ. HVAC (ეიჩ-ვი-ეი-სი) სისტემების გარეშე. სწორედ ამ სექტორის ტრანსფორმაციის სიახლეებზე, თანამედროვე გამოწვევებსა და უახლეს საერთაშორისო სტანდარტებზე იყო ფოკუსირებული მასშტაბური ღონისძიება, რომელსაც გლობალურმა ბრენდმა "Systemair Group"-მა და მისმა ოფიციალურმა წარმომადგენლობამ - "Systemair Georgia"-მ უმასპინძლეს. რა სიახლეები ინერგება საქართველოში და რას გვთავაზობს ნახევარსაუკუნოვანი ისტორიის მქონე შვედური გიგანტი? #ახალიამბები #BusinessMediaGeorgia
მერსედესის ხსენებაზე, კომპანია „ომნიბუს ექსპრესი“ ავტოპარკის განახლებას აგრძელებს - ახალი ავტობუსების ნაწილი კომპანიამ საქართველოში სულ ცოტა ხნის წინ შემოიყვანა, ხოლო დარჩენილი ავტობუსების ჩამოყვანა უახლოეს პერიოდში იგეგმება. საუბარია „Setra“-ს ბრენდის თანამედროვე ავტობუსებზე, რომლებიც „Mercedes-Benz“-ის წარმოებას წარმოადგენს. მაღალი კომფორტის, უსაფრთხოების და ტექნოლოგიური სტანდარტების გამო, ამ მოდელებს ავტობუსების ინდუსტრიაში „მაიბახსაც“ კი უწოდებენ. #ახალიამბები #BusinessMediaGeorgia
დედაქალაქში ჯეი-ჯეი იოჰანსონი, ნიკოლოზ რაჭველი, საქართველოს ეროვნული სიმფონიური ორკესტრი და ანსამბლი “შავნაბადა” - Mercedes-Benz Fashion Week თბილისის ფარგლებში, Factory Tbilisi -ის სცენაზე უნიკალური კოლაბორაციით წარდგნენ. შვედი მუსიკოსი Factory Tbilisi-ს სცენაზე უკვე მეორედ წარსდგა და საკუთარ შემოქმედება მაყურებელს საქართველოს ეროვნულ სიმფონიურ ორკესტრთან ერთად გაუზიარა, რომელსაც მაესტრო ნიკოლოზ რაჭველი დირიჟორობდა. საღამოს კულმინაცია ჯეი-ჯეი იოჰანსონსა და ანსამბლ “შავნაბადას” კოლაბორაცია იყო. შვედმა მუსიკოსმა მისი 2019 წლის ჰიტი - “ვიღაცის სტვენა გავიგონე“ მსმენელს ქართული მრავალხმიანობით შესთავაზა. საღამო MERCEDES-BENZ FASHION WEEK-ის ფარგლებში შედგა. მოდის კვირეულს 7-10 მაისს Factory Tbilisi-მა უმასპინძლა. ჩვენებებზე საკუთარი კოლექციები, როგორც მოდის სფეროში უკვე დამკვიდრებულმა პროფესიონალებმა, ასევე ახალმა, დამწყებმა დიზაინერებმა წარადგინეს. Mercedes-Benz Fashion Week Tbilisi-ის პარალელურად, ასევე 7-10 მაისს ყოველწლიური საერთაშორისო მოდის დიზაინის კონკურსი BENEXT - იყავი შემდეგი - გაიმართა. ბოლო 4 დღის განმავლობაში თბილისი კვლავ მოექცა საერთაშორისო მოდის საზოგადოების ყურადღების ცენტრში. როგორც წინა, ასევე მიმდინარე სეზონიც ქართველი დიზაინერებისა და მოდის განვითარებისთვის მნიშვნელოვანი ეტაპი იყო, ახალი თაობის ტალანტებისთვის კი გამორჩეული შესაძლებლობა, რომ საკუთარი თავი წარმოეჩინათ, იმისათვის რომ მოდის ინდუსტრიაში დამკვიდრდნენ. #ახალიამბები #BusinessMediaGeorgia
8 მაისი ამერიკული კინოინდუსტრიის ერთ-ერთი ყველაზე გავლენიანი სტუდიის - Paramount Pictures-ის დაარსების თარიღია. სტუდიის, რომელმაც ჰოლივუდის ისტორია არაერთხელ შეცვალა და დღეს, უკვე Paramount Skydance Corporation-ის სახელით, კიდევ უფრო მასშტაბური გაფართოების ეტაპზეა. ამჯერად კომპანია Warner Bros. Discovery-ის შესყიდვას გეგმავს - გარიგებას, რომელმაც შესაძლოა მსოფლიო მედია და გასართობი ინდუსტრიის ძალთა ბალანსი მნიშვნელოვნად შეცვალოს. როგორ დაიწყო Paramount-ის ისტორია, როგორ გადაიქცა საუკუნოვანი კინოსტუდია გლობალურ მედია-გიგანტად და როგორ მივიდა დევიდ ელისონის Skydance ჰოლივუდის ერთ-ერთ ყველაზე ამბიციურ გარიგებამდე? #ახალიამბები #BusinessMediaGeorgia
140 წლის წინ, 8 მაისს, შეიქმნა სასმელი, რომელიც თავდაპირველად გამაგრილებელი პროდუქტი კი არა, სამკურნალო დანიშნულების სითხე იყო. ატლანტაში მცხოვრები ფარმაცევტის, ჯონ სტით პემბერტონის მიერ შექმნილი კოკა-კოლა დღეს უკვე მსოფლიოს ერთ-ერთ ყველაზე ცნობილ და ძვირადღირებულ ბრენდად არის ქცეული - ბრენდად, რომელიც 200-ზე მეტ ქვეყანაში იყიდება და ყოველდღიურად მილიარდობით ადამიანს სწვდება. როგორ იქცა ტკივილგამაყუჩებლის ძიების მცდელობა გლობალურ ბიზნეს-იმპერიად, რომელმაც არა მხოლოდ სასმელების ინდუსტრია, არამედ რეკლამის, მარკეტინგისა და თანამედროვე პოპულარული კულტურის ისტორიაც შეცვალა #ახალიამბები #BusinessMediaGeorgia
#საქმიანიდილა - 11 მაისი - პროლოგი #ახალიამბები #BusinessMediaGeorgia
მართლმადიდებელი ეკლესიის გაფართოებული კრება - საქართველოში ახალ პატრიარქს ირჩევენ #ახალიამბები #BusinessMediaGeorgia
ეროვნული ბანკის მონეტარული პოლიტიკის კომიტეტმა რეფინანსირების განაკვეთი 0.25 პროცენტული პუნქტით 8,25%-მდე გაზარდა. სები ამ გადაწყვეტილებას ახლო აღმოსავლეთში დაწყებულ ომს და მისგან გამომდინარე ინფლაციურ წნეხს უკავშირებს, რადგან აპრილში ინფლაცია 5.9%-მდე გაიზარდა, რაც ბოლო ორი წლის მაქსიმალური მაჩვენებელია. გადაწყვეტილებასთან დაკავშირებით განმარტება გააკეთა ცენტრალური ბანკის პრეზიდენტმა ნათია თურნავამ, რომლის თქმითაც გადაწყვეტილება გაზრდილი ინფლაციური წნეხის პირობებში მოლოდინების მართვას და ინფლაციის სამიზნე 3%-იან მაჩვენებელთან დაბრუნებას ისახავს მიზნად. იმავე დღეს, ანუ – 6 მაისს – საქართველოს ეროვნული ბანკის ფინანსური სტაბილურობის კომიტეტის გადაწყვეტილებით, სებ–მა კომერციულ ბანკებს უცხოური ვალუტის დეპოზიტებისთვის მინიმალური სარეზერვო მოთხოვნები 5 პროცენტული პუნქტით შეუმცირა. ამ ცვლილებით ეროვნული ბანკი კომერციულ ბანკებს დამატებით სავალუტო რესურსს უთავისუფლებს, რომელსაც ბანკები კრედიტების გასაცემად გამოიყენებენ. და იმავე დღეს, ანუ – 6 მაისს – იმავე კომიტეტმა მიიღო გადაწყვეტილება, რომლის მიხედვითაც, მათ ვისაც ეროვნულ ვალუტაში აქვს შემოსავალი 1,000,000 ლარამდე სავალუტო სესხის აღება შეუზღუდა. 2025 წლის აგვისტოდან დღემდე აღნიშნული ზღვარი 750,000 ლარს შეადგენდა, ხოლო 1-ელი ივლისიდან კი ის 1 მილიონ ლარამდე გაიზრდება. ეროვნული ბანკის შეფასებით, მსესხებლების სავალუტო მოწყვლადობის შესამცირებლად არაჰეჯირებული კრედიტორებისთვის სავალუტო კრედიტების მინიმალური ზღვარი 750,000 ლარიდან 1,000,000 ლარამდე უნდა გაიზარდოს. სტუმარი: გიორგი კეპულაძე - "საზოგადოება და ბანკები", გამგეობის თავმჯდომარე #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
ანაკლია & სტრუქტურული ცვლილებები სტუმარი: ნიკა ალავიძე - ეკონომიკის მინისტრის ყოფილი მოადგილე, "ჯეოქეისის" მრჩეველთა საბჭოს წევრი #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
მხოლოდ ქართულის რუბრიკის ფარგლებში რესტორანი გობი უნდა გაგაცნოთ, რომელმაც პირველი მომხმარებელი დაახლოებით 2 თვის წინ მიიღო. ეს არის ადგილი სადაც მენიუ ქართული სამზარეულოს გამორჩეული კერძებით არის შედგენილი და ყველაზე მთავარი - აქ გობიდან კერძების გაზიარებაა შესაძლებელი, რაც როგორც აღმოჩნდა ტურისტებს განსაკუთრებულად მოსწონთ. გობის დამფუძნებელი დიდი გამოცდილების მქონე შეფმზარეულია, რომელიც თავად არის ყველა პროცესში ჩართული - დაწყებული პროდუქტის შერჩევიდან. მარიამ იზორია - #მხოლოდქართული, ავტორი; სტუმარი: სულხან ხომერიკი - რესტორანი “გობის” დამფუძნებელი #ახალიამბები #BusinessMediaGeorgia
ინვესტიციები განახლებად ენერგიაში და კერძო სექტორის ახალი როლი ქვეყნის ენერგოდამოუკიდებლობის პროცესში - დედაქალაქში მასშტაბური ბიზნეს-შეხვედრა გაიმართა. საერთაშორისო დონორებისა და წამყვანი ადგილობრივი საფინანსო ინსტიტუტების - კერძოდ, EBRD-ის, თიბისისა და საქართველოს ბანკის მთავარი ფოკუსი ახლა მწვანე ეკონომიკის განვითარება და დაფინანსებაა. რა ეტაპზეა რეგიონული ბაზარი, რა მოცულობის ფინანსური რესურსია მობილიზებული ახალი პროექტებისთვის და როგორ უჭერს მხარს საბანკო სექტორი ენერგეტიკულ ტრანზიციას? #ახალიამბები #BusinessMediaGeorgia
ქართული კულტურის ექსპორტი და დიასპორის მხარდაჭერა, როგორც სტრატეგიული პრიორიტეტი - „საქართველოს ბანკი“ ამერიკის შეერთებულ შტატებში დაფუძნებულ კომპანია „Emolas Corporation“-თან გრძელვადიან პარტნიორობას იწყებს. საზღვარგარეთ მცხოვრები მოქალაქეებისთვის ფინანსური სერვისების განვითარების პარალელურად, ბანკის მიზანი ემიგრანტებისთვის კულტურული და სოციალური ინიციატივების შექმნაა. იანვარში, ნიუ-იორკში, კარნეგი ჰოლში სუხიშვილების ტრიუმფალური გამოსვლის შემდეგ, მხარეები ღონისძიებების ახალ, მასშტაბურ სერიას აანონსებენ, რომელიც ოფიციალურად ივნისიდან აიღებს სტარტს. როგორ შენდება კულტურული ხიდი ოკეანის მიღმა და რა როლი აქვს ბიზნესს ქვეყნის ცნობადობის გაზრდაში ? #ახალიამბები #BusinessMediaGeorgia
7 მაისს,საქართველოს უნივერსიტეტსა და ცეკვის აკადემია “სუხიშვილებს” შორის ურთიერთთანამშრომლობის მემორანდუმის ხელმოწერის ოფიციალური ცერემონია შედგა. მემორანდუმის მიზანია შემოქმედებითი განათლების განვითარება, ნიჭიერი ახალგაზრდების მხარდაჭერა და პროფესიული შესაძლებლობების გაფართოება. პარტნიორობა ასევე ემსახურება სახელოვნებო განათლების სფეროში აკადემიური ცოდნის გაძლიერებასა და თანამედროვე კადრების - დამდგმელი ქორეოგრაფების - მომზადებას. თანამშრომლობა ხელს შეუწყობს ქართული ტრადიციული და მსოფლიო ხალხთა ცეკვების, როგორც არამატერიალური კულტურული მემკვიდრეობის დაცვას, წარმოჩენასა და პოპულარიზაციას. პარტნიორობის მნიშვნელოვანი ნაწილი იქნება სუხიშვილების აკადემიის წარმომადგენლების მიერ გამოცდილებისა და ცოდნის გაზიარება, სტუდენტებისა და აბიტურიენტებისთვის რეპეტიციებზე დასწრების შესაძლებლობის შექმნა და ერთობლივი შემოქმედებითი პროექტების განვითარება, რაც სტუდენტებს მისცემს რეალურ პროფესიულ გარემოში ჩართვის უნიკალურ შესაძლებლობას. #ახალიამბები #BusinessMediaGeorgia
დიდი ბრიტანეთის დედაქალაქში The Lion Finance Group-ის შესვლაზე ლონდონის საფონდო ბირჟაზე განთავსებულ 100 კომპანიას შორის ბევრი მოგიყევით,ეს ძალიან მნიშვნელოვანი წარმატებაა ქართული წარმომავლობის ამ კომპანიისა რომელიც BGEO-ს სახელით არის წარმოდგენილი ბირჟაზე, სადაც უკვე ლონდონის საფონდო ბირჟამ ოფიციალურად აღნიშნა კომპანიის მენეჯმენტთან ერთად შესაბამისი რიტუალით და ზარის დარეკვით ეს ფაქტი. ლაიონ ფაინანს გრუპი არის რეგიონის უმსხვილესი საფინანსო ჯგუფი რომელიც აერთიანებს ორი ქვეყნის უმსხვილესს ბანკს ეს არის საქართველოში საქართველოს ბანკი და სომხეთში ამერიაბანკი. შეგვიძლია მოვისმინოთ არჩილ გაჩეჩილაძეს, ლიაონ ფაინანს ჯგუფის აღმასრულებელი დირექტორის კომენტარი ბრიტანეთიდან. #ახალიამბები #BusinessMediaGeorgia
Samsung-ის ისტორიული ნახტომი - კომპანია $1 ტრილიონად შეფასდა #ახალიამბები #BusinessMediaGeorgia
კიდევ ერთი წარმატებული პროექტი კომპანია „კომუნიკომის“ და „მოტოროლა სოლუშენსისგან“ საქართველოში. გარემოს დაცვისა და სოფლის მეურნეობის სამინისტროს სატყეო და სურათის ეროვნულ სააგენტოებში Motorola Solutions-ის უახლესი, VB400 მოდელის სამხრე ვიდეოკამერები ინერგება.აღსანიშნავია, რომ „კომუნიკომი“, როგორც „მოტოროლა სოლუშენსის“ ოფიციალური პარტნიორი საქართველოში, პროექტს საერთაშორისო სტანდარტების სრული დაცვით ახორციელებს. ქართულმა ქეისმა Motorola Solutions-ის განსაკუთრებული ყურადღება მიიპყრო: კომპანიამ პროექტის შესახებ სპეციალური ბროშურა გამოსცა, ინფორმაცია თავის ოფიციალურ გვერდზე განათავსა და როგორც ეფექტური მართვის წარმატებული მაგალითი, მსოფლიოს 105 ქვეყანაში გაუზიარა პარტნიორებს.როგორც „კომუნიკომის“ დირექტორი, გიორგი შვანგირაძე აღნიშნავს, ეს გადაწყვეტილება სააგენტოების მუშაობას უფრო გამჭვირვალეს და ეფექტურს გახდის. მაღალი ხარისხის ვიდეოჩაწერა და მართვის თანამედროვე სისტემები დაეხმარება თანამშრომლებს მოვალეობების შესრულებაში, რაც საბოლოოდ გარემოსა და მომხმარებელთა ინტერესების უკეთ დაცვას უზრუნველყოფს.“ #ახალიამბები #BusinessMediaGeorgia
ქართველი ბიზნესმენი ლევან პაპიაშვილი და მის მიერ დაფუძნებული ვალკო ჰოლდინგი ამერიკულ ბაზარზე შედის . პირველ ეტაპზე ბიზნესმენი სერვისების დანერგვას განიხილავს . საწყისი კაპიტალიც უკვე განსაზღვრულია, თუმცა ბიზნესმენი ამ მომენტამდე შეერთებულ შტატებში პოტენციურ პარტნიორებს ხვდება და დამატებითი ფინანსური რესურსების მოძიებას ცდილობს . #ახალიამბები #BusinessMediaGeorgia
"ხარისხი" ანუკა ჯოხაძესთან ერთად - #BMG-ის ახალი პროექტი, ყოველ კვირას #BMGTV-ზე 14:30-ზე #ახალიამბები #BusinessMediaGeorgia
ახლო აღმოსავლეთში მიმდინარე სამხედრო დაპირისპირება მასშტაბურ ეკონომიკურ კრიზისში გადაიზარდა, რომელმაც მსოფლიოს უმდიდრესი სახელმწიფოები ფინანსური კოლაფსის საფრთხის წინაშე დააყენა. ირანთან ესკალაციამ სპარსეთის ყურეში მხოლოდ ენერგომატარებლების მიწოდების გლობალური ჯაჭვი კი არ გაარღვია, არამედ წლების განმავლობაში აშენებული ტურისტული იმპერია და ტექნოლოგიური მეგა-პროექტებიც გააჩერა. მილიარდობით დოლარის ზარალი, ცარიელი სასტუმროები დუბაიში და გადარჩენის რეჟიმზე გადასული არაბული ეკონომიკა - როგორ აზიანებს მოუგვარებელი კონფლიქტი რეგიონის სიმდიდრეს და რატომ რჩებიან მეზობელი ქვეყნები სასიცოცხლო დახმარების გარეშე? #ახალიამბები #BusinessMediaGeorgia
როგორია კავკასიის რეგიონის ეკონომიკური მდგომარეობა?
კონკურენციისა და მომხმარებლის დაცვის სააგენტოს შუალედური ანგარიშის მიხედვით, საქართველოში აგროქიმიკატებისა და პესტიციდების ბაზარზე მაღალი ფასნამატები და კონკურენციის პრობლემები გამოიკვეთა. 2022-2025 წლებში, ათეულობით შემთხვევაში, პროდუქციის იმპორტიდან საცალო გაყიდვამდე ფასნამატი 100%-ს აჭარბებდა. სააგენტო მიუთითებს, რომ ბაზრები მაღალკონცენტრირებულია და რიგ შემთხვევებში კომპანიები დომინანტურ პოზიციებს ფლობენ. ანგარიშში ასევე აღნიშნულია, რომ აგროქიმიკატებისა და პესტიციდების გაყიდვასთან დაკავშირებული კონსულტაციები არ არის რეგულირებული, რაც ინტერესთა კონფლიქტის რისკს ზრდის და შესაძლოა ფასების ზრდასაც უწყობდეს ხელს. მათი განმარტებით, ნაკლები ფასნამატი ფიქსირდება იმ პროდუქტებზე, რომელთა შესახებაც ფერმერებს მეტი ინფორმაცია აქვთ. სტუმარი: გიორგი ქედელიძე - GCCA -ს სტრატეგიული ბაზრების მონიტორინგის უფროსი #ახალიამბები #BusinessMediaGeorgia