ნონა გაფრინდაშვილის საქმეზე მოსამართლე ვირჯინია ფილიპსმა Netflix-ის შუამდგომლობა საქმის წარმოების შეწყვეტის შესახებ არ დააკმაყოფილა. ნონა გაფრინდაშვილის სარჩელი Netflix-ის წინააღმდეგ კალიფორნიის სასამართლოში 2021 წლის 16 სექტემბერს შევიდა. სარჩელი Netflix-ის მიერ სერიალ The Queen’s Gambit-ის კულმინაციურ ეპიზოდში ნონა გაფრინდაშვილის ლეგენდარული კარიერული მიღწევების შესახებ "მიზანმიმართულად გავრცელებულ" მცდარ ცნობებს ეხება. ფილმში ნონა გაფრინდაშვილი რუსი ეროვნების ქალად არის მოხსენიებული და ერთ-ერთ ეპიზოდში კომენტატორი ამბობს, რომ გაფრინდაშვილი არასდროს შეხვედრია კაც მოთამაშეებს. გაფრინდაშვილი Netflix-ს სექსიზმში ადანაშაულებს. თავად დიდოსტატი მოჭადრაკე ამბობს, რომ 1968 წელს, რომელ პერიოდშიც სადავო ეპიზოდი თამაშდება, მას უკვე ჰქონდა ჩატარებული საჭადრაკო პარტიები 60-მდე კაცთან. ამასვე ადასტურებს "ნიუ-იორკ თაიმსის" სტატიაც, რომელიც 1968 წელს დაიბეჭდა შემდეგი სათაურით - „ქალბატონი გაფრინდაშვილი დაძაბულ ბრძოლაში 7 კაცს ამარცხებს“. ამ ეტაპზე, რაც ჩვენთვის არის ცნობილი: პროცესის მიმდინარეობისას დაიკითხა სერიალის სცენარისტი და პროდიუსერი სკოტ ფრენკი. ის იძულებული გახდა ეღიარებინა, რომ იცოდა სიმართლე ლეგენდარული მოჭადრაკის კარიერული მიღწევების შესახებ - ამ აღიარებამ პრაქტიკულად დაადასტურა Netflix-ის მიერ მცდარი ფაქტების მიზანმიმართულად გავრცელება. რას ნიშნავს ნონა გაფრინდაშვილის საქმისთვის მოსამართლე ვირჯინია ფილიპსის გადაწყვეტილება?#ახალიამბები #BusinessMediaGeorgia
ანა ბერიშვილი “წყალი მარგებელი” მარკეტინგის დეპარტამენტის ხელმძღვანელი ზურაბ გოზალიშვილი “აქვა გეო” გენერალური დირექტორი#ახალიამბები #BusinessMediaGeorgia
ბოლო პერიოდია უკრაინაში რუსეთის შესაძლო შეჭრასთან დაკავშირებული შიშები უფრო და უფრო ღრმავდება. რა გავლენა შეიძლება ჰქონდეს რუსეთ-უკრაინას შორის არსებული დაძაბული ვითარების სამხედრო კონფლიქტში გადაზრდას საქართველოს ეკონომიკაზე - ამ თემას გავაგრძელებთ დღეს ანალიტიკა-ში. ჩვენს ვებგვერდზე ბიემ.ჯი შეგიძლიათ წაიკითხოთ თიბისის მთავარი ეკონომისტის ანალიზი. ოთარ ნადარაია ხაზს უსვამს იმ ფაქტს, რომ საქართველოს მთლიანი სავალუტო შემოსავლების, დაახლოებით, 8% მოდის უკრაინაზე, ხოლო დაახლოებით, 14% - რუსეთზე. როგორც თიბისის მთავარი ეკონომისტი ამბობს, არსებული სტრესსცენაროთ რასაც თიბისი იყენებს, მოსალოდნელია წმინდა სავალუტო შემოსავლების, დაახლოებით, 240 მილიონი აშშ დოლარით შემცირება იმ დონესთან შედარებით, რაც ომის სცენარის გარეშე 2022 წლისათვის ჰქონდათ როგორც საპროგნოზო მაჩვენებელი. კიდევ ერთი საგულისხმო მომენტი, რაც ამ დროისთვის გამოვკვეთეთ ის არის, რომ "თიბისი კაპიტალი" მონეტარული პოლიტიკის განაკვეთის შემცირებას მე-2 კვარტლიდან პროგნოზირებს. მეტიც, მათი პროგნოზით, 2022 წლის ბოლოსთვის განაკვეთი 8.5%-მდე უნდა შემცირდეს. თუმცა აქაც თიბისის მთავარი ეკონომისტი ოთარ ნადარაია საბაზისო პროგნოზის ერთ-ერთ რისკფაქტორად უკრაინაში მიმდინარე პროცესებს ასახელებს. საქართველო-უკრაინის ურთიერთობებს რიცხვებში რომ დავაკვირდეთ, ასეთ სურათს მივიღებთ: 2021 წლის განმავლობაში საქართველოდან უკრაინაში ექსპორტი 41%-ით გაიზარდა და $307 მილიონი დოლარი გახდა, რაც ამ ქვეყანაში ექსპორტის მაქსიმალური მაჩვენებელია. ასევე 15.6%-ით გაიზარდა იმპორტი და ის 451 მილიონი დოლარი გახდა. უკრაინიდან იმპორტი მაქსიმალური 2013 წელს იყო და $600 მილიონს შეადგენდა. მთლიანობაში უკრაინა საქართველოს რიგით მეექვსე უმსხვილესი სავაჭრო პარტნიორია. 2021 წელს უკრაინაში საქართველოსTOP-საექსპორტო საქონელის სამეული იყო: მსუბუქი ავტომობილები - $88 მილიონ დოლარზე ოდნავ მეტი; სპირტიანი სასმელები - დაახლოებით $43 მილიონი დოლარი და სასუქები მინერალური ან ქიმიური, აზოტოვანი - დაახლოებით $38 მილიონი დოლარი. ამავე პერიოდში უკრაინიდან საქართველოში TOP-საიმპორტო საქონელის სამეული იყო: თამბაქოს ნაწარმი - $78 მილიო#ახალიამბები #BusinessMediaGeorgia
ფასები ძვირდება, როგორც აქ, საქართველოში ისე მთელ მსოფლიოში. გამონაკლისი არც მინერალური და მტკნარი წყლის ინდუსტრიაა. მიმდინარე წლის იანვრიდან აქაც ფასების ზრდის ტენდენციას ვაკვირდებით. სხვადასხვა კომპანიის შემთხვევაში მატება 10-12%-ის ფარგლებში მერყეობს. თუმცა, მწარმოებლების ნაწილმა ფასის შენარჩუნება მაინც შეძლო. რის ხარჯზე? #ახალიამბები #BusinessMediaGeorgia
საჯარო სექტორში - სოციალური მომსახურების სააგენტოს თანამშრომლებმა განაცხადეს, რომ 17 იანვრიდან გაფიცვას გეგმავენ. თანამშრომლების ნაწილი დღეს ჯანდაცვის სამინისტროში მივიდა და როგორც სააგენტოს, ისე მინისტრ ზურაბ აზარაშვილის სახელზე გაფიცვის დაწყების შესახებ ოფიციალური განცხადება ჩააბარეს. სოციალური მომსახურების სააგენტოს თანამშრომლები ხელფასების მომატებას და ადეკვატური სამუშაო პირობების შექმნას ითხოვენ. ეს იმ ფონზე, როცა ერთ წელიწადში საარსებო შემწეობის მიმღებთა რაოდენობა 22,6%-ით - 643 ათას 167-მდე გაიზარდა. ამასთან, ამ ერთი წლის განმავლობაში გაიზარდა იმ ადამიანების რიცხვიც, ვინც თვლის, რომ ღარიბია და ფულად დახმარებას საჭიროებს. თუ 2020 წლის დეკემბერში მიზნობრივი სოციალური დახმარების პროგრამაში რეგისტრირებული იყო დაახლოებით მილიონ 11 ათასი ადამიანი - 2021 წლის დეკემბერში ეს მაჩვენებელი მილიონ 91 ათასამდე გაიზარდა. აქ მატება თითქმის 8%-ია. ჯანდაცვის სამინისტრო ამ დრომდე დუმილს ამჯობინებს. კერძო სექტორში - უკვე მესამეა დღეა მაგთიკომის თანამშრომლები პროტესტს არ წყვეტენ. საპროტესტო აქციის 300-მდე მონაწილე კომპანიას ვადას 17 იანვრამდე აძლევს და თუ მათ პროტესტს არანაირი გამოხმაურება არ ექნება, პროფკავშირებთან ერთად, სამართლებრივი პროცესების დაწყებაზეც იმსჯელებენ. ანუკა ჯოხაძე განაგრძობს თემას და იმასაც გვეტყვის, თუ რა გავლენა შეიძლება იქონიოს ამ პროტესტმა მაგთის ინტერნეტის 500 ათასამდე მომხმარებელზე.#ახალიამბები #BusinessMediaGeorgia
ხორბალთან და ფქვილთან დაკავშირებულ პრობლემებზე გავამახვილებთ თქვენს ყურადღებას. რუსეთის მიერ ხორბლის იმპორტზე ბაჟის გაზრდის გამო, დღეს ფქვილის იმპორტმა ხორბლის იმპორტს საგრძნობლად გაუსწრო. ამის გამო, ქვეყნის მარაგები კრიტიკულ ნიშნულამდე შემცირდა, ადგილობრივი წარმოება შეფერხებულია და ბიზნესს ამ ნაწილში სერიოზული პრობლემები აქვს. ბიზნესი ამბობს, რომ ხორბლის მარაგებზე პასუხისმგებლობას ვეღარ აიღებს და სოფლის მეურნეობის სამინისტროს მემორანდუმის გამოწვევის თაობაზე მიმართავს. მეხორბლეები პრემიერთან და ეკონომიკური პროფილის მინისტრებთან შეხვედრას ითხოვენ. ელენე გოგბერაშვილმა იმუშავა თემაზე ანალიტიკა-სთვის.#ახალიამბები #BusinessMediaGeorgia
"როცა მომხმარებელი ინფორმირებული არაა, მას ხშირად ბრენდირებული, პოპულარული მედიკამენტი ენიშნება" სტუმარი: პაატა ლომაძე - "ჯიპიაი ჰოლდინგის" გენერალური დირექტორი; #ახალიამბები #BusinessMediaGeorgia
მაშინ, როცა საწვავზე ფასი ისტორიულ მაქსიმუმზეა და დიდი ხანია 1 ლიტრი ბენზინის ღირებულება გასცდა 3 ლარიან ნიშნულს, ამ პირობებში მნიშვნელოვანია მომხმარებელს ჰქონდეს არჩევანის შესაძლებლობა მის მიერ საწვავზე გაწეული ხარჯი შეამციროს. ინდუსტრიამ ამისთვის ე.წ სელფ სერვის ავტოგასამართი სადგურების მიმართულებით გააქტიურება დაიწყო. ამ ტიპის სადგურზე მომხმარებელი თავად ასხამს საწვავს, სანაცვლოდ კი ერთ ლიტრ პროდუქტს მნიშვნელოვნად შემცირებული ფასით ყიდულობს. თვითმომსახურების სადგურები მსოფლიოში კარგად გამოცდილი პრაქტიკაა. ამ მხრივ ვისოლი პირველი იყო, რომელმაც მსგავსი ფორმატის სადგური თბილისში 2019 წლის თებერვალში გახსნა. ახალ წელს კომპანია უკვე თვითმომსახურების 10 სადგურით ხვდება - თბილისსა და რეგიონებში. როგორ შეგიძლიათ გამოიყენოთ ე.წ სელფ სერვის სადგურები და დაზოგოთ თანხა#ახალიამბები #BusinessMediaGeorgia
სამშენებლო კომპანია „ჯი დი ჯგუფს“ ჯანდაცვის სამინისტროსთვის, კერძოდ, დევნილთა სააგენტოსთვის თბილისის საქალაქო სასამართლომ 11 მლნ ლარის გადახდა დააკისრა. ეს ბიემჯისთვის ექსკლუზიურად გახდა ცნობილი - როგორც ირკვევა, საქმე ეხება დევნილებისთვის საცხოვრებელი სახლების აშენებას - ვალდებულება კომპანიამ ვერ შეასრულა. მეტის გარკვევას დღეს თელარა გელანტია ცდილობდა და ახლა პირდაპირ ეთერში გვიერთდება. თელარა გისმენთ - მსგავსი ფაქტები ხშირი არაა, ძირითადად, სახელმწიფო უწყებებს უწევთ ხოლმე ფიზიკური თუ იურიდიული პირებისთვის ფულადი კომპენსაციის გადახდა - რასთან გვაქვს საქმე?#ახალიამბები #BusinessMediaGeorgia
✅1 ტონა საწვავი საჩუქრად Jeep-ის მყიდველებს ➡ლევან ასანიშვილი „Jeep“-ის ცენტრი; გენერალური დირექტორის მოადგილე#ახალიამბები #BusinessMediaGeorgia
თბილისის მერია მზადაა ავტოსადგურების მოსაწყობად დაიხარჯოს - ეს გვითხრა დღეს ვიცე-მერმა ირაკლი ხმალაძემ. თბილისის მერია დედაქალაქში არსებული საქალაქთაშორისო ავტოსადგურების მოსაწყობად ტენდერის გამოცხადებას აპირებს. გეგმა ასეთია: ავტოსადგურებისთვის საერთო განვითარების კონცეფცია უნდა მომზადდეს. მოგვარდება თუ არა მოუწესრიგებელი ავტოსადგურების პრობლემა და რას შეცვლის ეს როგორც თავად ავტოსადგურებისთვის, ისე მგზავრთა გამყვანი ოპერატორებისთვის#ახალიამბები #BusinessMediaGeorgia
თვითმმართველობის არჩევნებამდე ერთი თვით ადრე, სექტემბრის დასაწყისში, მთავრობამ მოსახლეობას მორიგი სუბსიდია შესთავაზა- იპოთეკური სესხის თანადაფინანსება ოჯახებისთვის. ეკონომიკის მინისტრი ნათია თურნავა ამბობს, რომ ეს კარგი მოტივაციაა მოქალაქეებისთვის, შეიძინონ უძრავი ქონება, რაც ამ ბიზნესის გააქტიურებასაც ეხმარება. თუმცა, გალტ ენდ თაგარტში მიაჩნიათ, რომ პროგრამა უფრო სოციალირი ხასიათისაა და ნაკლებად ემსახურება ბიზნესის ხელშეწყობას.#ახალიამბები #BusinessMediaGeorgia
გეტყვით, რომ 2013-2020 წლებში „ქართული ოცნების“ ხელისუფლებაში ყოფნის პერიოდში სახელმწიფო უწყებებში პიარ-სამსახურებში დასაქმებული თანამშრომლების ანაზღაურებისთვის ბიუჯეტიდან 140.5 მლნ ლარი დაიხარჯა, - შესაბამის ინფორმაციას „საერთაშორისო გამჭვირვალობა - საქართველო“ აქვეყნებს. ყველაზე დიდი მოცულობის თანხა პიარ სამსახურებში დასაქმებულებს 2016 წელს გადაუხადეს და ამ წელს ამ მიმართულებით გაწეულმა ხარჯებმა თითქმის 20 მილიონი ლარი შეადგინა. პიარმენეჯერების ერთ-ერთი ყველაზე მსხვილი მხარჯველიც და დამსაქმებელიც თბილისის მერიაა, სადაც მხოლოდ 2020 წელს პიარ სამსახურებში დასაქმებულ კადრებს თითქმის ორ მილიონ ლარამდე გადაუხადეს. რა პასუხი აქვს თბილისის მერს და რით ხსნის ის თავისის უწყების პიარსამსახურებში დასაქმებული ადამიანების ანაზღაურების მოცულობას.#ახალიამბები #BusinessMediaGeorgia
რომ ფასების ზრდაზე ყველაზე დიდი გავლენა იქონია სურსათის ფასების ზრდამ, წლიურ ჭრილში სასურსათო პროდუქტების ფასები 17%-ით არის გაზრდილი. გაძვირებული საწვავის გამო ტრანსპორტის სექტორში ფასების 20.2%-იანი ზრდაა... რა უნდა გააკეთოს მთავრობამ და სებმა, რომ მაქსიმალურად სწრაფად მოითოკოს ინფლაცია და ასევე, რა პროგნოზებს აკეთებენ ანალიტიკოსები - როდიდან გაიაფდება ჩვენი ცხოვრება? თელარა გელანტაიმ მოისმინა ფინანსისტ ლევან სურგულაძის და ეკონომისტ კაკო ცომაიას მოსაზრებები და შეფასებები.#ახალიამბები #BusinessMediaGeorgia
ქვეყანაში ისევ რეკორდული ინფლაციაა. ფასების დონე 2021 წლისთვის განსაზღვრულ მიზნობრივი ინფლაციის მაჩვენებელს ოთხჯერ აღემატება - საქსტატის მიერ გამოქვეყნებული ანგარიშის მიხედვით, ნოემბერში საქართველოში ფასები წლიურად 12.5%-ით გაიზარდა. ელენე გოგბერაშვილი მსოფლიო კონკუნრეციის დღესთან დაკავშირებულ ღონისძიებას ესწრება და მან ანალიტიკა-სთვის ეროვნული ბანკის პრეზიდენტი კობა გვენეტაძე ჩაწერა.#ახალიამბები #BusinessMediaGeorgia
„საქართველოში კვების ობიექტების 70% ჰასპის სტანდარტზე გადასვლისთვის მზად არ არის... ზოგმა არც კი იცის, რა არის ჰასპი“ - ეს სიტყვები გასტრონომიის ასოციაციის ხელმძღვანელს ეკუთვნის და ეს ხდება მაშინ, როცა ახალ სტანდარტებზე გადასვლის ვალდებულება საშეღავათო პერიოდის ამოწურვის შემდეგ, უკვე კვების დაწესებულებებს იანვრიდან წარმოეშობა. თავად მაკონტროლებელი უწყება, სურსათის ეროვნული სააგენტო ანონსებს რომ იანვრიდან კვების დაწესებულებების აქტიურ კონტროლს დაიწყებს. რა მიდგომა ექნება მთავარ მაკონტროლებელს და რამდენად მზად დახვდება ინდუსტრია ცვლილებებს, ელენე გოგბერაშვილმა მოიკითხა კერძო სექტორი და ბიზნესთან ერთად რეგულაციის აღმასრულებელი რგოლის პოზიციასაც მოგვასმენინებს.#ახალიამბები #BusinessMediaGeorgia
3 მლნ ლარამდე ინვესტიციით შექმნილი ერთი საშუალო ზომის საწარმო - კარების მწარმოებელ კომპანია „მეგადორსი“ ბაზარზე 2017 წელს გამოჩნდა. მეგადორსი სამთავრობო პროგრამის - „აწარმოე საქართველოში“ მხარდაჭერით შეიქმნა. მაშინ “მეგადორსს” ქონების ეროვნული სააგენტოსგან თბილისში 5 184 კვ.მ მიწის ნაკვეთი სიმბოლურ 1 ლარად გადაეცა. საწარმოს სხვადასხვა დროს სხვადასხვა მინისტრები სტუმრობდნენ - ერთ-ერთი პირველი დიმიტრი ქუმსიშვილი იყო, ერთ-ერთი ბოლო კი - ნათია თურნავა - შარშან სექტემბერში. ვიზიტის მიზეზი მეგადორსის გეგმები იყო - კომპანიამ გაფართოება გადაწყვიტა და ისევ აწარმოე საქართველოში - პროგრამის ფარგლებში 4 მილიონ 800 ათას ლარამდე სესხი აიღო. ჯამში, ბიზნესში 6 მლნ ლარამდე ინვესტიცია უნდა ჩაედო, მაგრამ 1 წელი გავიდა და გეგმა ფაქტობრივად გეგმად რჩება. თუ რატომ - ამაზე უფრო დეტალურად თელარა გელანტიას სიუჟეტით გეტყვით, თუმცა მანამდე ისიც ვთქვათ, რომ კომენტარისთვის, ცხადია, მივმართეთ აწარმოე საქართველოში სააგენტოს მენეჯმენტს. ბენეფიციარის წერილი, სააგენტომ როგორც ჩანს მიიღო და გვითხრეს, რომ მაქსიმალურად დაუჭერენ მხარს. რა თქმა უნდა, თბილისის მერიასთანაც გადავამოწმეთ მეგადორსის პრეტენზიები და ვიკითხეთ, რატომ დაუხარვეზა პროექტი. მერიიდან ასე მოგვწერეს - “ამ კომპანიას თბილისის მერიის გარემოს დაცვის სამსახურმა დაუდგინა რიგი ხარვეზები, რომლის გამოსწორებაც არის სავალდებულო. კერძოდ, გარემოს დაცვის სამსახური ითხოვს მოსაჭრელი ხეების ფერად ფოტომასალას, სადაც მთლიანად გამოჩდება ხის ვარჯი და ღერო. ასევე, გამწვანების პროექტის საინფორმაციო ბანერზე უნდა დაიტანონ ფოტომონტაჟის სახით გამოსახული გამწვანების ესკიზი (საპროექტო შენობის და ხეების განთავსებით). აღნიშნული მოთხოვნების დაკმაყოფილების შემთხვევაში გაიცემა სამშენებლო ნებართვა”. ამ დროისთვის სიტუაცია ასეთია - მერიამ უნდა დაადასტუროს, რომ კომპანიამ მართლაც დააკმაყოფილა მისი მოთხოვნები. თუმცა, თუ სამწლიანი სუბსიდირების ათვლა უშუალოდ მერიის მიერ სამშენებლო ნებართვის გაცემიდან არ დაიწყება, მეგადორსის მფლობელს მოუწევს, დაახლოებით 3 მილიონიან ინვესტიციაზე უარი თქვას.#ახალიამბები #BusinessMediaGeorgia
„მაკდონალდს საქართველომ“ და კომპანია „ჰავი ლოგისტიკმა“, რომელიც მაკდონალდსის კორპორაციას უკვე 45 წელია ლოგისტიკურ სერვისს უწევს, თბილისში ლილოში მდებარე საწყობზე მზის ელექტროპანელების სისტემა დაამონტაჟეს, პროექტის ჯამური ინვესტიცია 300 000 აშშ დოლარია.შენობის სახურავზე 1000 ცალი მზის პანელი განთავსდა, რომელიც წლიურად საშუალოდ 538 853 კილოვატ საათ ენერგიას გამოიმუშავებს. პროექტი კომპანია „ინსტამ“ განახორციელა. Როგორც „მაკდონალდს საქართველოს“ გენერალური დირექტორი თენგიზ კაპანაძე ბიემჯისთან აცხადებს, სამომავლოდ კომპანია ნარჩენების გადამუშავებასაც დაიწყებს და მზის პანელები მაკდონალდსის რესტორნებშიც დამონტაჟდება.#ახალიამბები #BusinessMediaGeorgia
საით მიდის საქართველო? "როგორ შეიძლება საზოგადოება ორ ნაწილად იყოფოდეს, როდესაც საქმე ადამიანის სიცოცხლეს ეხება" "ეს ცუდად მოქმედებს ქვეყნის იმიჯსა და თითოეულ ჩვენს მოქალაქეზე" სტუმარი: თემურ ჭყონია - ბიზნესმენი; #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
ანუკა ჯოხაძე უნდა შემომიერთდეს პირდაპირ ეთერში. ის დღეს დარგობრივი ეკონომიკისა და ეკონომიკური პოლიტიკის კომიტეტის შეხვედრას ესწრებოდა, სადაც განიხილეს მოკვლევა, რომელიც მცირე და საშუალო ბიზნესის საჭიროებების შეფასებას ისახავს მიზნად პანდემიურ და პოსტ-პანდემიურ ჭრილში. ანუკა, საღამო მშვიდობის. ისეთი სხდომა იყო, საინტერესო აქცენტებით დატვირთული, მაგრამ გვიწევს, მოკლედ შევაჯამოთ ძირითად აქცენტები, რაც ამ სხდომაზე დაისვა - სად არის მთავარი გამოწვევები მცირე და საშუალო ბიზნესისთვის დღეს და რა პასუხები შეიძლება არსებობდეს ამ გამოწვევებთან მიმართებით?#ახალიამბები #BusinessMediaGeorgia
სტუმარი: მიხეილ კუკავა PMCG-ის ეკონომისტი 2022 წლის სახელმწიფო ბიუჯეტის გადამუშავებულ ვერსიას განვიხილავ დღეს ამ ეთერში ჩემს სტუმართან ერთად. პირველ ვერსიასთან შედარებით ბიუჯეტის ხარჯები გაზრდილია. თვალში მოსახვედრია ძირითადად საჯარო სექტორში ხელფასების ზრდა, ახალი ვალის აღება - მათ შორის, არსებული ძველი ვალის დასაფარავადაც და ფსონი, რომელიც უფრო მეტი მოცულობის გადასახადების ამოღებაზე იდება - კერძოს, 13 მილიარდ 300 მილიონ ლარს ელოდება მთავრობა ბიზნესისა და გადასახადების გადამხდელებისგან. ამასთან, სახელმწიფო აუდიტის სამსახური ამბობს, რომ სახელმწიფო ბიუჯეტის პროექტს, პანდემიის პირობებში, არ ახლავს ინფორმაცია პესიმისტური და ოპტიმისტური ეკონომიკური სცენარების რეალიზების შემთხვევაში ფისკალური პოლიტიკის შესაბამისი პასუხების შესახებ.#ახალიამბები #BusinessMediaGeorgia
დაიწყეს თუ არა ინვესტორებმა საქართველოში მიმდინარე პროცესებზე კითხვების დასმა - ამით დავინტერესდებით დღეს. ანალიტიკა არ არის პოლიტიკური გადაცემა - თუმცა, ძალიან კარგად ვაცნობიერებთ, რომ პოლიტიკის და ეკონომიკის ერთმანეთისგან გამიჯვნა არ გამოდის და სავარაუდოდ, ქვეყანაში დღეს მიმდინარე მოვლენები ინვესტორთა განწყობებზეც აუცილებლად სათანადოდ აისახება. ეს კი საქართველოსთვის უმძიმესი დარტყმა იქნება, რადგან მათ შორის, რეკორდულად გაზრდილი ინფლაციის დაბალანსება ამ ქვეყანაში ისეთი გარემოს უზრუნველყოფითაა მხოლოდ შესაძლებელი, სადაც ინვესტიციები შემოდის, სადაც ახალი სამუშაო ადგილები კერძო სექტორში იქმნება და სადაც უკვე დასაქმებულ ადამიანებს შემოსავლების ზრდის პერსპექტივა არ უკვდებათ. ლოგიკური და მარტივია სათქმელად, მაგრამ ბოლო წლების ინვესტიციების სტატისტიკაც აჩვენებს, რომ საერთოდ არ არის ადვილი მისაღწევად - მაშინაც, როცა ევროპასთან ღრმა და ყოვლისმომცველი ხელშეკრულებაც გავაფორმეთ და ნელ-ნელა ეს ექსპორტის ზრდასაც ეტყობა. დგება თუ არა ისედაც მყიფე განვითარება დღეს კიდევ ერთი მძიმე დარტყმის ქვეშ - კიდევ რა შეიძლება გადაყვეს უკიდურესად პოლარიზებულ პოლიტიკურ ველს? სტუმარი: ზვიად ჭუმბურიძე - “ევროკავშირი-საქართველოს ბიზნეს საბჭო ს” გენერალური მდივანი #ახალიამბები #BusinessMediaGeorgia
იაპონიაში სადაც ბოლო წლების განმავლობაში ტაიფუნების რაოდენობა მნიშვნელოვნად იზრდება ფიქრობენ, რომ ტაიფუნის როგორც ენერგიის წყაროდ გამოყენება შესაძლებელია. ამისთვის ახალი სტარტაპიც დაიწყო.#ახალიამბები #BusinessMediaGeorgia
პრივატიზაციის თემით განვაგრძობთ გადაცემას - 3 ნოემბრის მდგომარეობით, წელს, სახელმწიფო ქონების ეროვნულმა სააგენტომ აუქციონზე დაახლოებით 487 მილიონი ლარის საწყისი ღირებულების ქონება გამოიტანა, აქედან აუქციონი წარმატებით დასრულდა 198 მილიონი ლარის ქონებაზე, ვაჭრობის შედეგად კი, საპრივატიზებო თანხა 282 მილიონ ლარამდე იყო... უფრო რომ დავკონკრეტდეთ - რა გვაქვს დღეს ბიუჯეტში - ფინანსთა სამინისტროს ინფორმაციით, 2021 წლის 9 თვეში პრივატიზაციიდან სახელმწიფო ბიუჯეტში 162 მლნ ლარი შევიდა, რაც ცხრა თვის საპროგნოზო მოცულობის 100.3%-ია.#ახალიამბები #BusinessMediaGeorgia
არიკ ჯგუფი საქართველოში უკვე მეშვიდე წელია აგროკულტურების განვითარებაზე მუშაობს. ირანელ და ქართველ ინვესტორებს კახეთში, სოფელ იორმუღანლოში ფისტას, ნუშის და კაკლის ბაღებთან ერთად, ვენახებიც აქვს. მოსავლის გადამუშავებისთვის კი ამ საინვესტიციო ჯგუფს საწარმოს მშენებლობა სურს, თუმცა საგარეჯოში, იმ ტერიტორიაზე, სადაც სამუშაოები უკვე უნდა დაეწყო, საწარმოო ხაზების განთავსება აღარ გამოდის. ინვესტორი ადგილობრივი და ცენტრალური ხელისუფლებისგან, ადგილმონაცვლეობას ითხოვს.#ახალიამბები #BusinessMediaGeorgia
რატომ ხვდება საქართველოში შემოსული ტვირთები რისკის ე.წ. ყვითელ დერეფნებში? ბიზნესის ნაწილი წუხს, რომ საზღვარზე შეფერხებები გახშირებულია. ყვითელ დერეფანში მოხვედრისას საჭიროა, რომ ტვირთის მფლობელმა დღგ წინასწარ გადაიხადოს. ჩნდება ეჭვი, რომ რიგ შემთხვევაში ასეთი შემოწმებები ხელისუფლებას ბიუჯეტის შესავსებად სჭირდება. #ახალიამბები #BusinessMediaGeorgia
საქართველოში უკვე ხელმისაწვდომია ელექტროენერგიით ვაჭრობის პლატფორმა - “ელექტრა”. პლატფორმა ბაზრის მონაწილეებს საშუალებას უქმნის, ელექტროენერგიის შესყიდვისა და გაყიდვის ყველა წინადადება ერთ სივრცეში იხილონ, საკუთარი მოთხოვნების შესაბამისად ჩამოაყალიბონ და ელექტროენერგიის ყიდვა-გაყიდვის შესახებ განცხადებები განათავსონ. პრაქტიკულად დღეს ‘ელექტრა’ ერთადერთი პლატფორმაა, სადაც მომხმარებელი და მწარმოებლები ერთმანეთს ხვდებიან. ენერგეტიკის სექტორის რეფორმის ფარგლებში, საქართველოში ენერგეტიკული ბირჟაც შეიქმნა, თუმცა მისი სრულფასოვანი ამოქმედება 2021 წლის 1 ივლისის ნაცვლად, 2022 წლის იანვრამდე გადაიდო. მომდევნო ხუთ წელიწადში ბაზრის სრული ლიბერალიზაციაა მოსალოდნელი, რაც იმას ნიშნავს, რომ 2026 წლისთვის მცირე ბიზნესის და საცალო მომხმარებლების გარდა, ნებისმიერი სუბიექტი ელექტროენერგიის შეძენას კონკურენტულ ბაზარზე, დერეგულირებული ფასით შეძლებს. რა როლი აქვს დღეს და ექნება მომავალში ელექტრა-ს? სტუმარი: დავით გოლოშვილი - პლატფორმა electra.ge-ის პროექტის ხელმძღვანელი; #ახალიამბები #BusinessMediaGeorgia
მართალია, მთავრობის ეკონომიკური გუნდი გაზაფხულის ბოლოს ტურიზმიდან შემოსავლების 50%-ზე მეტად აღდგენას პროგნოზირებდა, მაგრამ პანდემიის მეოთხე ტალღამ, რომელიც ზაფხულში გვქონდა, მთავრობის ოპტიმიზმი დააკორექტირა... ახლა ფსონი ზამთრის ტურისტულ სეზონზეა - თან რამდენით აღდგება წელს ტურიზმიდან შემოსავლები დამოკიდებულია არა მხოლოდ თოვლზე, არამედ ეპიდვითრებაზე - ამირან გამყრელიძემ კი უკვე გვითხრა, რომ მეხუთე ტალღამ უკვე მოგვაგნო. ეკონომიკისა და მდგრადი განვითარების სამინისტრომ უწყებათაშორის საკოორდინაციო საბჭოს სხდომაზე საქართველოს მთის კურორტებზე საბაგიროების უსაფრთხო ოპერირებისათვის შემუშავებული რეგულაციების გადახედვის საკითხი დააყენა, რომელიც საბჭომ მოიწონა. ახალი რეგულაციებით, დახურულ საბაგირო გონდოლათი, რომელშიც 10 ადამიანი ეტევა, მხოლოდ 8 მგზავრის გადაყვანა იქნება შესაძლებელი, რაც რიგ შემთხვევებში გაორმაგებული რაოდენობაც არის. ღია ტიპის საბაგიროები ფუნქციონირებას სრული დატვირთვით შეძლებენ და აქ შეზღუდვები სრულად მოიხსნება. ამავე დროს, უფრო ინტენსიურად მოხდება უშუალოდ საბაგიროთა და მიმდებარე ტერიტორიის დეზინფექცია, ასევე იმოქმედებს დისტანციის დაცვისა და პირბადის ტარების რეგულაცია. რაც შეეხება ღია სავარძლის ტიპის საბაგიროებს, მათ ახალი რეგულაციები არ შეეხება. ამის მიუხედავად, ორივე ტიპის საბაგიროებით მგზავრობის პროცესს მკაცრი მონიტორინგი ჩაუტარდება. მთავრობის მოლოდინია, რომ ეს რეგულაციები საქართველოს მთის კურორტებზე კორონავირუსისგან უსაფრთხო გარემოს უზრუნველყოფს და მეტ შიდა და საერთაშორისო ვიზიტორს მოიზიდავს. მგზავრთა გამტარუნარიანობა უნდა გაიზარდოს ღია და დახურული ტიპის საბაგიროებზეც. თუმცა რეგულაციები არ არის ერთადერთი განახლება, რაც მთის კურორტებს შეეხება - როგორც შესყიდვების სააგენტოს ვებგვერდზე ჩანს - მთის კურორტების განვითარების კომპანიას სახელი ეცვლება#ახალიამბები #BusinessMediaGeorgia
ციციშვილის სახელობის ბავშვთა კლინიკას „მწვანე ჰოსპიტლის“ სტატუსი მიენიჭა, რაც იმას ნიშნავს, რომ სამედიცინო ცენტრში დასაქმებული პერსონალის 80%-ზე მეტი უკვე ვაქცინირებულია.ვაქცინაციის მხარდაჭერისა და მაქსიმალურად უსაფრთხო გარემოს შექმნის მიზნით, ევექსი ჰოსპიტლებმა ქსელში შემავალ სამედიცინო ცენტრებს შორის ერთგვარი გამოწვევა წამოიწყო, რომელიც „მწვანე ჰოსპიტლის“ სტატუსის მინიჭებას იმ ცენტრისთვის გულისხმობს, რომლის თანამშრომელთა მინიმუმ 80%-ია ვაქცინირებული. კამპანიის ფარგლებში 80%-იანი ზღვარი უკვე გადალახეს და "მწვანე ჰოსპიტლის" სტატუსი მიენიჭათ ფოთის ჰოსპიტალსა (96%) და მ. იაშვილის სახელობის ბათუმის დედათა და ბავშვთა ცენტრალურ ჰოსპიტალს (83%). ინფორმაციისთვის, ციციშვილის სახელობის ბავშვთა კლინიკამ პირველი ინფიცირებული პაციენტი 2020 წლის ოქტომბერში მიიღო. კლინიკამ გასული წლიდან დღემდე სულ 4 000-ზე მეტი კოვიდ-ინფიცირებული პაციენტი გაატარა. #ახალიამბები #BusinessMediaGeorgia
როგორც ირაკლი ჭირაქაძემ და ასევე მარიამ ქვრივიშვილმა გვითხრეს, ძალიან აქტიურად ემზადებიან ზამთრის ტურისტული სეზონისთვის. რეგულაციების ნაწილზე უკვე ვისაუბრე გადაცემის დასაწყისში, რაც შეეხება ინფრასტრუქტურის ნაწილს, სვანეთში - კურორტ ჰაწვალზე ახალი საბაგირო უნდა დამონტაჟდეს - დაახლ. 35 მლნ ლარი იხარჯება. ასევე, 2,5 მლნ ლარი ჯდება მეხის ჩამოვარდნის შედეგად დაზიანებული „კოხტას“ საბაგიროს აღდგენა და ასევე, 3 დღის წინ გახდა ცნობილი, რომ ახალი დიდველის გათოვლიანების სისტემის მოწყობისთვის მილიონ 600 ათასი ევრო იხარჯება, სხვათა შორის ეს იმ დიდი ინფრასტრუქტურის ნაწილია, რომლის აშენება და გამართვა მოუწევს საქართველოს, რადგან 2023 წელს ბაკურიანში სნოუბორდისა და ფრისტაილის მსოფლიო ჩემპიონატს უნდა ვუმასპინძლოთ. ჯამში საუბარია 150 მლნ ლარზე მეტი ღირებულების სამუშაოებზე.#ახალიამბები #BusinessMediaGeorgia
შეეწირება თუ არა მცირე ბიზნესი HACCP -ის რეგულაციებს #ახალიამბები #BusinessMediaGeorgia
ანალიტიკა - 01.10.2021 - კოლაჟი #ახალიამბები #BusinessMediaGeorgia
თურქეთმა საქართველოს, სახელმწიფო შესყიდვების ფარგლებში, შესაძლოა, ფარმაცევტული პროდუქცია დაბალ ფასში მიაწოდოს. ამის შესახებ ინფორმაცია ჯანდაცვის სამინისტრომ გაავრცელა. როგორც უწყების მიერ მოწოდებულ ინფორმაციაშია ნათქვამი აღნიშნულ საკითხზე თურქეთის რესპუბლიკის ჯანმრთელობის დაცვის მინისტრის მოადგილესთან იმსჯელეს. სავარაუდოდ, ასე გრძელდება ჯერ კიდევ 2020 წლის დეკემბერში საქართველოსა და თურქეთს შორის დადებული მემორანდუმი. მაშინ ჯანდაცვის მინისტრი ეკატერინე ტიკარაძე აცხადებდა, რომ საქართველოსა და თურქეთს შორის დაიდო მემორანდუმი, რომლის ერთ-ერთი კომპონენტის მიხედვით, სახელმწიფოს ეცოდინება, თუ რა არის წამლის ღირებულება საწყის ეტაპზე და ამით „დააზღვევს წამლებზე 300%-იანი და 400%-იანი მოგების განცდას“. რა შეიძლება მოჰყვეს ასეთ დაზღვევას, როცა მინისტრის მაშინდელი განცხადებების მიხედვით, მემორანდუმი არ გულისხმობს, რომ თურქეთში რეგისტრირებულ წამლებს საქართველო აღიარებს, არამედ სამინისტრო თავად შეიმუშავებს ხარისხიანი პრეპარატების ჩამონათვალს, სადაც მინისტრის თქმით, მოხვდება ყველა ხარისხიანი პრეპარატი, რომელიც საჭიროა საქართველოში შემოსატანად. #ახალიამბები #BusinessMediaGeorgia
ანალიტიკა - 24.09.2021 - კოლაჟი #ახალიამბები #BusinessMediaGeorgia
ანალიტიკა - 24.09.2021_17:40 - გადაცემა სრულად #ახალიამბები #BusinessMediaGeorgia
მსოფლიო დიდი ხანია შეთანხმდა, რომ აქედან გამოსავალი ვაქცინაციაა, თუმცა აქაც და სხვაგანაც აცრის მიმართ მზაობა ერთგვაროვანი სულაც არ არის. იმ ფაქტს, რომ დღეისთვის ჩვენს ქვეყანაში სულ მცირე ერთი დოზით აცრილია მოზრდილი მოსახლეობის მხოლოდ დაახლოებით 36% - განსაკუთრებით მეხუთე ტალღის მოლოდინის პირობებში - სერიოზული გავლენა აქვს იმაზეც, თუ რამდენად ღია დარჩება ეკონომიკა და შესაბამისად, რამდენად ექნება მას ზრდის შესაძლებლობა. ამ კვირის ნებისმიერი მიმოხილვა თუ შეფასება რომ აიღოთ - იქნება ეს ეიდიბი თუ მუდისი, მაგალითად - ნახავთ, რომ ვაქცინაციის ტემპზეა პრაქტიკულად ყველა სცენარი მიბმული. დადებითი სცენარების განვითარება კი, მხოლოდ აცრის მაღალი მაჩვენებლის შემთხვევაშია შესაძლებელი. დღეს საქართველოს ეკონომიკის სტრუქტურიდან გამომდინარე, ეკონომიკის სწრაფი აღდგენა შესაძლებელია ორი მიმართულების განსაკუთრებით დაჩქარებით - ინვესტიციების მოზიდვით და ტურიზმის გააქტიურებით. #ახალიამბები #BusinessMediaGeorgia
პანდემიის პირობებში ბიზნესს ახალი რეგულაციების შეუსრულებლობის გამო, სახელმწიფომ რამდენიმეათეულათასიანი ჯარიმები დააკისრა. საქმე ეხება, გარემოსდაცვითი ახალი ტექნოლოგიების დანერგვას იმისთვის, რომ ჰაერი არ დაბინძურდეს. ბიზნესი ამბობს, რომ ტექნოლოგიების შეძენის, მათი ტრანსპორტირების და შემდეგ მონტაჟისთვის გონივრეული ვადა არ ჰქონდათ, შესაბამისად, ვერც მათზე დაკისრებული ახალი რეგულაცია შეასრულეს. მთავრობა ამბობს, რომ ბიზნესს რეგულაციის დანერგვისთვის გონივრული ვადა ჰქონდა და შესაბამისად, ახლა მათთან კომპრომისზე წასვლას არ აპირებს. ახალი დათქმით კი ეს საქმეები სასამართლომ უნდა განიხილოს და ამის შემდეგ გაირკვევა, ვის მოუწევს და ვის - არ მოუწევს დაკისრებული ჯარიმის დაფარვა. #ახალიამბები #BusinessMediaGeorgia
სექტემბერის დასაწყისში საქართველოში ჯანდაცვის ასოციაცია შეიქმნა და როგორც ჩანს, სერიოზულ გააქტიურებასაც აპირებენ. პირველი გამოწვევა, რაც დღის წესრიგში დგას 520-ე დადგენილებით გაწერილი ტარიფების გათანაბრების პოლიტიკაა. საქმე პირველ რიგში ეხება რეანიმაციის და კარდიოლოგიის სერვისების ტარიფების გადახედვას, რომლებიც 520-ე დადგენილებით უკვე გათანაბრდა. ასოციაცია ამბობს, რომ მნიშვნელოვანია ღიად დაიწყოს საუბარი იმ სერვისებზეც, რომლებზეც უკვე მომავალში მოხდება ტარიფების ზრდა იმისთვის, რომ ამ პროცესს კლინიკური სექტორი მომზადებული შეხვდეს. რა არის ის კონკრეტული წინადადებები, რითაც ასოციაცია ჯანდაცვის სამინისტროსთან შეხვედრას გეგმავს. რამდენადაც ვიცით, ჯანდაცვის სამინისტროსთან ასოციაციის წარმომადგენლის პირველი ონლაინ შეხვედრა უკვე შედგა. სტუმარი: მაია მახარაშვილი - ჯანდაცვის ასოციაციის საბჭოს თავმჯდომარე; #ახალიამბები #BusinessMediaGeorgia
წყალტუბოს სანატორიუმები იხურება. წლების განმავლობაში იქ მცხოვრები დევნილი ოჯახები საკურორტო ზონას დატოვებენ. მათთვის ახალი საცხოვრებელი კორპუსების მშენებლობაზე სახელმწიფომ 37 მილიონ ლარზე მეტი დახარჯა. #ახალიამბები #BusinessMediaGeorgia
წყალტუბოს სანატორიუმები იხურება. წლების განმავლობაში იქ მცხოვრები დევნილი ოჯახები საკურორტო ზონას დატოვებენ. მათთვის ახალი საცხოვრებელი კორპუსების მშენებლობაზე სახელმწიფომ 37 მილიონ ლარზე მეტი დახარჯა. გადავწყვიტე, წყალტუბოში გამოვისყიდო ყველა - 22 სასტუმრო და 9 აბანო, - ეს განცხადება 2019 წელს, ყოფილმა პრემიერ-მინისტრმა, ბიძინა ივანიშვილმა გააკეთა. მაშინ ივანიშვილმა ასევე თქვა, რომ პირადად გადაწყვიტა კურორტის აღორძინების პროექტს სათავეში ჩაუდგეს. მას შემდეგ 2 წელი გავიდა. რა შეიცვალა 2 წლის შემდეგ და რა როლი აქვს ბიძინა ივანიშვილს კურორტის განვითარებაში? #ახალიამბები #BusinessMediaGeorgia
გაზსაცავის პროექტია - თემა პერიოდულად აქტიურდება და მერე - ყოველ მომდევნო წელს ერთი წლით გადავადდება ხოლმე. ამ ჯერზეც პროექტისთვის განკუთვნილი მილიონები მთავრობამ პანდემიის საჭიროებებისკენ გადაამისამართა, თუმცა, სიახლე აქ ის არის, რომ პროექტი უკვე გაურკვეველი ვადით დაპაუზდა. #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
ანალიტიკა - 17.09.2021_13:40 - გადაცემა სრულად დღეს ნიუ იორკ თაიმსში ძალიან საინტერესო სტატია გამოქვეყნდა. ნონა გაფრინდაშვილი ნეტფლიქსს უჩივის. ნონა გაფრინდაშვილის სარჩელი კალიფორნიის სასამართლოში 2021 წლის 16 სექტემბერს შევიდა. სარჩელი ეხება „ნეტფლიქსის“ მიერ სერიალ The Queen’s Gambit-ის კულმინაციურ ეპიზოდში მიზანმიმართულად გაჟღერებულ მცდარ ცნობებს, ნონა გაფრინდაშვილის ლეგენდარული კარიერული მიღწევების შესახებ. ფილმში ნონა გაფრინდაშვილი რუსი ეროვნების ქალად არის მოხსენიებული და ერთ-ერთ ეპიზოდში კომენტატორი ამბობს, რომ გაფრინდაშვილი არასდროს შეხვედრია კაც მოთამაშეებს. გაფრინდაშვილი „ნეტფლიქსს“ სექსიზმში ადანაშაულებს. ნონა გაფრინდაშვილი ამბობს, რომ 1968 წელს, რომელ პერიოდშიც სადავო ეპიზოდი თამაშდება, მას უკვე ჰქონდა საჭადრაკო მატჩები ჩატარებული 60-მდე კაცთან. სხვათაშორის, ნიუ იორკ თაიმსი იშველიებს ამავე ჟურნალში 1968 წელს დაბეჭდილ სტატიას, რომლის სათაურიცაა - ქალბატონი გაფრინდაშვილი დაძაბულ ბრძოლაში 7 კაცს ამარცხებს. ამ ეტაპზე რაც ჩვენთვისაა ცნობილი, ნონა გაფრინდაშვილი ნეტფლიქსისგან შეცდომის გასწორებას მოითხოვს და ასევე - მოთხოვნილია 5 მილიონი დოლარი. 2020 წელს სერიალის გაშვებიდან 1 თვეში ის უკვე 62 მილიონ ოჯახს ჰქონდა ნანახი. ნეტფლიქსი ამბობს, რომ პატივს სცემს ნონა გაფრინდაშვილის მიღწევებს, თუმცა ამ სარჩელს საფუძველი არ აქვს და თავს აუცილებლად დაიცავს. ნონა გაფრინდაშვილის უფლებებს იურიდიული ფირმა BLB, ამერიკელ კოლეგებთან ერთად დაიცავს. სტუმარი: რუსუდან მაისურაძე - BLB; იურისტი #ახალიამბები #BusinessMediaGeorgia
საქართველოს ეკონომიკური ზრდა ისევ ორნიშნა ველში რჩება პანდემიურ 2020 წელთან შედარებით: ივნისში - 18.7%, იანვარ-ივნისში 12.7%. ერთნიშნა, მაგრამ ზრდაა 2019 წლის იგივე პერიოდთან შედარებითაც. #ახალიამბები #BusinessMediaGeorgia
საქართველოდან მუშაობის სურვილი 3 058 უცხოელმა გამოთქვა #ახალიამბები #BusinessMediaGeorgia
რა ხდება ტელევიზიებსა და საკაბელოებს შორის? 8 ქართული ტელევიზია საკაბელოებისგან მოითხოვს, რომ კომპანიებმა თითოეულ აბონენტზე 3 ლარი გადაიხადონ. ამას დღგ-ს გადასახადიც უნდა დაემატოს. ტელევიზიებმა საკაბელო ოპერატორებს დრო პირველ აგვისტომდე მისცეს, თუმცა, ფაქტია, 2 დღეში შეთანხმების მიღწევა ვერ მოხდება, რადგან ტელევიზიების მოთხოვნას უკვე მოჰყვა საპასუხო წერილი თავად საკაბელო ოპერატორებისგან. რა პოზიციები და არგუმენტები აქვთ მხარეებს? #ახალიამბები #BusinessMediaGeorgia
ფაქტია, ხელისუფლების მწვავე კრიტიკა ისმის საქართველოს ყველა საერთაშორისო პარტნიორის მხრიდან - იქნება ეს ამერიკის შეერთებული შტატები თუ ევროკავშირი. ამერიკის ელჩის განცხადებებისთვის თვალის დევნება ამ კუთხით განსაკუთრებით საინტერესოა - ადვილად დასანახია, როგორ მკაცრდება მისი ტონი, რადგან ფაქტია, ქართული ოცნება ამ დრომდე არც რიტორიკას ცვლის და არც ქცევას. არადა, დღეს კელი დეგნანმა ხელისუფლება პირდაპირ გააფრთხილა, რომ სანქციები მხოლოდ ერთი ინსტრუმენტია, რომლის გამოყენებაც შესაძლებელია. “აშშ-ის მთავრობის, მათ შორის სახელმწიფო მდივნის მიერ გავრცელებული განცხადებები, ნაჩქარევად გაკეთებული არ არის. ეს არის საქართველოს სტრატეგიული პარტნიორების მიერ გამოგზავნილი შეშფოთების გამომხატველი გზავნილები, რომელიც სერიოზულად უნდა იქნას განხილული და არ უნდა იქნას უგულვებელყოფილი, როგორც ნაჩქარევად გაკეთებული განცხადებები” - ეს მოვისმინეთ დღეს ამერიკის ელჩისგან. ვინ როგორ აღიქვამს ამ გაფრთხილებებს და რა ფასი შეიძლება ჰქონდეს მათ უგულებელყოფას? #ახალიამბები #BusinessMediaGeorgia
ამ ეთერში თქვენი ყურადღება მინდა შევაჩერო მსოფლიო ჯანდაცვის ორგანიზაციის მიერ შემუშავებულ ერთ რეკომენდაციაზე, რომელიც კონკრეტულად საქართველოსთვის შემუშავდა და საქართველოში ჯანდაცვის მსოფლიო ორგანიზაციის ოფისის მიერ ჯანდაცვის სისტემასთან დაკავშირებით გავრცელებულ 129 გვერდიან კვლევაში მოხვდა. ამ რეკომენდაციის მიხედვით, საქართველოში ჯანდაცვასთან დაკავშირებული ფინანსური სიდუხჭირის შესამცირებლად საჭიროა ჯანდაცვაში სახელმწიფო დაფინანსების გაზრდა და მედიკამენტების ფასების რეგულირება. კვლევაში ნათქვამია, რომ „მედიკამენტების ფასები მაღალია მეზობელ ქვეყნებთან შედარებით და აფთიაქების მოგების მარჟა (ხშირად 100% -ზე მეტი) მნიშვნელოვნად აღემატება ევროკავშირის ქვეყნებში დადგენილ ზღვარს“. დოკუმენტის მიხედვით, საქართველოში მედიკამენტებზე ჯიბიდან გადახდები, 2018 წელს უმდიდრესი კვინტილის გარდა, ყველა წლისთვის და ყველა ჯგუფისთვის კატასტროფული ხარჯვის მთავარი განმაპირობებელი ფაქტორი იყო, რაც WHO -ს შეფასებით, ყველაზე დიდ გავლენას ახდენს ღარიბ შინამეურნეობებზე. ჯანმოს რეკომენდაციებამდე ფასების რეგულირების თემაზე განცხადება გააკეთა ჯანდაცვის მინისტრმა ეკატერინე ტიკარაძემ. მან ჯანდაცვის განვითარების 10-წლიანი გეგმის პრეზენტაციაზე თქვა, რომ "სახელმწიფო და მოქალაქეები მედიკამენტების ფასების მძევლად არიან ქცეულნი; საჭიროა, მტკივნეული გადაწყვეტილებების მიღება". ამ გეგმის წარდგენისას ისიც მოვისმინეთ, რომ საქართველოს მთავრობა საყოველთაო ჯანდაცვის რეფორმირებას და მის გაფართოებას გეგმავს. ახალი სოციალური კოდექსით მთავრობა ჯანდაცვის პროგრამების გარდა, სოციალური უზრუნველყოფის პროგრამების გაფართოებასაც გეგმავს, მათ შორის საუბარია "უმუშევრობის დაზღვევის" სისტემის შემოღებაზეც. ჯანდაცვის სამინისტროს ინფორმაციით, სოციალური კოდექსის მიღება 2023 წლისთვის განიხილება. სანამ ჩემს ძალიან კომპეტენტურ სტუმართან გავაგრძელებ საუბარს, მინდა, ერთი სლაიდის ჩვენებაც მოვასწრო თქვენთვის. დიახ, ნამდვილად იმას ხედავთ თქვენს ეკრანებზე, რასაც ხედავთ და თვალი არ გატყუებთ: 10-წლიანი განვითარების დოკუმენტში ჯანდაცვის სამინისტრომ მისი გეგმა არც მეტი, არც ნაკლები - გერმანიის საყოველ #ახალიამბები #BusinessMediaGeorgia
ინფექციური საავადმყოფოს საგა გრძელდება. ამჯერად, უკვე ავერსი ფარმა მოითხოვს კუთვნილი თანხის ანაზღაურებას, რაც დაახლოებით ნახევარი მილიონი ლარია. საქმე ეხება საიჯარო გადასახადს, რომელსაც სახელმწიფო კომპანიას მისი კუთვნილი ქონებით სარგებლობისთვის 2019 წლიდან აღარ უხდიდა. ავერსი ფარმა ჩვენთან ექსკლუზიურად ამბობს რომ თუ დავალიანება არ დაიფარება, კომპანია იძულებული იქნება იჩივლოს. #ახალიამბები #BusinessMediaGeorgia
როგორ უყურებს ბიზნესი მთავრობის 10-წლიან ხედვას? თემურ ჭყონია - ბიზნესმენი; სანდრო რატიშვილი - გადასახადის გადამხდელთა კავშირი; ხელმძღვანელი; ლევან ვეფხვაძე - საქართველოს ბიზნეს ასოციასიის აღმასრულებელი დირექტორი; ნინა კობახიძე - ბიზნესლიდერთა ფედერაცია "ქალები მომავლისთვის" სამეთვალყურეო საბჭოს თავმჯდომარე; ნინო ზამბახიძე - ფერმერთა ასოციაციის ხელმძღვანელი. #ახალიამბები #BusinessMediaGeorgia
„საზოგადოებაში არის მოსაზრებები, რომ ეროვნული ბანკის საბჭოს წევრობა არის პენსიაზე გასვლა. თქვენ ეს წარმოდგენა უნდა შეცვალოთ. მე ვფიქრობ, რომ თითოეული თქვენგანი უნდა გახდეთ თქვენი მიმართულების ძრავი. ვფიქრობ, თქვენი მისვლით სების საბჭო გაძლიერდება“ - ამ სიტყვებით შეაჯამა საფინანსო-საბიუჯეტო კომიტეტის თავმჯდომარემ კომიტეტის დღევანდელი სხდომა, სადაც ერთ-ერთი მთავარი საკითხი საქართველოს ეროვნული ბანკის საბჭოს წევრობის კანდიდატების ხედვების მოსმენა იყო. კომიტეტმა ეკატერინე გალდავას, ნიკოლოზ გაგუას და ეკატერინე მიქაბაძის კანდიდატურებს მხარი დაუჭირა, მაგრამ იქამდე დაისვა კითხვებიც. #ახალიამბები #BusinessMediaGeorgia