მალხაზ დოლიძე: "პურიც თავისებური ვაქცინაა" სტუმარი: მალხაზ დოლიძე - „პურის მცხობელთა ასოციაციის“ თავმჯდომარე #ახალიამბები #BusinessMediaGeorgia
პურის გაძვირების 3 თვით შეჩერება მთავრობას 6-7 მლნ ლარი დაუჯდება #ახალიამბები #BusinessMediaGeorgia
მარტის ბოლოს ფქვილის სუბსიდირების პროგრამა სრულდება. რა გადაწყვეტილებას მიიღებს მთავრობა - დატოვებს სუბსიდიას თუ მეტიც, შეიძლება გაზარდოს კიდეც? ინდუსტრია ამბობს, რომ სუბსიდიის გარეშე პურის გაძვირება გარდაუვალი იქნება. როდემდე? #ახალიამბები #BusinessMediaGeorgia
იმ ვითარებაში ვართ, როცა ყველა გაწვიმებას შიშით ვუყურებთ. ამის მთავარი მიზეზი დღეს თბილისში, ვაშლიჯვრის დამაკავშირებელ გზაზე მეწყერული პროცესების გააქტიურებაა. ფოტოებმა და კადრებმა გუშინ სოციალური ქსელები მყისიერად მოიცვა. გუშინვე პრესკონფერენციაზე დედამიწის შემსწავლელ მეცნიერებათა ინსტიტუტის და სეისმოლოგიის ეროვნული ცენტრის ხელმძღვანელმა თეა გოდოლაძემ განაცხადა, რომ პირველადი შეფასებით, ნაპრალის სიღრმე 10 მეტრია. გარემოს ეროვნული სააგენტოს გეოლოგიის დეპარტამენტის უფროსმა მერაბ გაფრინდაშვილმა განმარტა, რომ პროცესები ვაშლიჯვრის ფერდობზე მარტის დასაწყისში დაიწყო. მისივე თქმით, სახელმწიფო უწყებები მეწყრული პროცესების გააქტიურებისთანავე ჩაერთვნენ მოკვლევის სამუშაოებში და პრევენციული ზომებიც მიიღეს. თბილისის მერიაში ამბობენ, რომ მეწყერული პროცესების გააქტიურება წლების განმავლობაში ამ მონაკვეთზე წარმოებული პროექტების შედეგია, რასაც თან ბუნებრივი ფაქტორებიც დაერთო. მათივე განმარტებით, მოსახლეობის ევაკუაციაზე საუბარი არ მიმდინარეობს, რადგან სტიქიის ზონაში და არც მის მიმდებარედ არავინ ცხოვრობს. ერთი რაც ვიცით ის არის, რომ მაჭავარიანის ქუჩაზე და მიმდებარე ფერდზე გააქტიურებულ მეწყრულ პროცესებს გერმანელი სპეციალისტები შეისწავლიან და დაიწყება სამუშაოები, რომ გზა მალე გაიხსნას და მასზე გადაადგილება უსაფრთხო იყოს. ამ დრომდე, მაჭავარიანის ქუჩაზე საავტომობილო მოძრაობა ორმხრივად შეზღუდულია. ცხადია, დღეს პირველი ამოცანაა, რომ რისკი მოიხსნას. რაც ქართველი სპეციალისტებისგან ამ დრომდე გვესმის ისაა, რომ ამ შემთხვევაში საქმე გვაქვს ბლოკურ მეწყერთან და უნდა მოხდეს არა ამ ადგილის გამაგრება, არამედ მოხსნა და დამუშავება. ვნახოთ, რას იტყვიან უკვე გერმანელი სპეციალისტები. თუმცა, ამ მოვლენას სხვა განზომილებაც აქვს. მაგალითად: რა ბედი ეწევა ამ ტერიტორიაზე არსებულ მშენებლობებს და თუ საბოლოოდ ის ითქმება, რომ ამ ტერიტორიაზე მშენებლობა არ შეიძლება - რა შეიძლება იყოს გეგმა ბე. სტუმარი: მამუკა სალუქვაძე - “სითი ინსტიტუსტი”; ხელმძღვანელი #ახალიამბები #BusinessMediaGeorgia
ჰესების რუკა: 2013-2020 #ახალიამბები #BusinessMediaGeorgia
ეკონომიკის განვითარების 10-წლიანი გეგმა - ლექსო ალექსიშვილი ანალიტიკაში სტუმარი: ლექსო ალექსიშვილი - PMCG კვლევითი ცენტრი; ხელმძღვანელი #ახალიამბები #BusinessMediaGeorgia
მოუწევს თუ არა სამშენებლო და დეველოპმენტის ბიზნესს #Escrow ანგარიშის რეგულაციის დაცვა და მარტივად რომ ვთქვათ, წინასწარ განსაზღვრული თანხის ანგარიშზე გაყინვა, რომ ამით შენობის დასრულება გადააზღვიოს? #ახალიამბები #BusinessMediaGeorgia
რას გულისხმობს „მეწარმეთა შესახებ" კანონპროექტი? - ნიკა ნანუაშვილი ანალიტიკაში სტუმარი: ნიკა ნანუაშვილი - BAG; იურიდიული დირექტორი
მთავრობა დეველოპერულ საქმიანობაში Escrow ანგარიშის დანერგვის ხელშეწყობას გეგმავს, - ამის შესახებ ანტიკრიზისულ გეგმაშია ნათქვამი, რომელიც მშენებლობას და დეველოპმენტს ეხება. ეს არის საბანკო ანგარიში, სადაც დეველოპერმა საცხოვრებელი ფართის რეალიზაციის თანხის არანაკლებ 20% უნდა განათავსოს. კონკრეტულად, უძრავი ქონების შეძენისას, მომხმარებლის მიერ გადახდილი თანხების ნაწილი ESCROW ანგარიშზე გროვდება და მშენებელს მხოლოდ სამშენებლო პროცესის მიმდინარეობისას, ან დასრულების შემდეგ შეუძლია ამ ანგარიშის გამოყენება. დოკუმენტის მიხედვით, სამშენებლო პროექტით გათვალისწინებული საცხოვრებელი ფართის არანაკლებ 20% - ის Escrow ანგარიშის გამოყენებით რეალიზაციის ვალდებულება უკვე ამ წლიდან უნდა ამოქმედდეს. ამ ეტაპზე საუბარია მხოლოდ მსხვილ, პირველი და მეორე კატეგორიის კომპანიებზე, რომელთა ბრუნვა შედარებით მაღალია. მთავრობაში განმარტავენ, რომ აღნიშნული გადაწყვეტილება მომხმარებლებს, უძრავი ქონების დაუსრულებლობის რისკებისგან დააზღვევს. რამდენად დგას დღეს დღის წესრიგში ეს საკითხი პანდემიურ წელს და რა მოლოდინი აქვს ბიზნესს? სტუმარი: მალხაზ კუნელაური - “რედკოს” დირექტორი #ახალიამბები #BusinessMediaGeorgia
პანდემია, პოლიტიკა და ინვესტიციები - ქეთი ქვარცხავა ანალიტიკაში სტუმარი: ქეთი ქვარცხავა - იურისტი #ახალიამბები #BusinessMediaGeorgia
დღეს 1 წელი შესრულდა საქართველოში COVID-19-ის პირველი შემთხვევის გამოვლენიდან. 2020 წლის 26 თებერვლის ღამით, ჯანდაცვის მინისტრის მიერ გაკეთებულ განცხადებას, რომ ვირუსი ირანიდან ჩამოსულ მოქალაქეს დაუდგინდა, საქართველოში პანიკა მოჰყვა. პანიკა იყო სუპერმარკეტებში, სადაც მოულოდნელად რიგები დადგა. პირველი შემთხვევიდან ძალიან მალე, საქართველომ სასაზღვრო კონტროლის გამკაცრება დაიწყო. მთავარი რიცხვები, რაც ამ პანდემიამ ამ დრომდე დაგვიტოვა უმძიმესია - 100,000-ით მეტი სოცდაუცველი, 53,000-ით მეტი უმუშევარი, 16%-ით გაუფასურებული ლარი. საქსტატის მიერ დღეს გამოქვეყნებული წინასწარი შეფასებით, 2021 წლის იანვარში, წინა წლის შესაბამის პერიოდთან შედარებით, ეკონომიკა 11.5%-ით შემცირდა. ასეთი ვარდნა უკავშირდება საბაზო ეფექტს, რადგან 2020 წლის იანვარში საქართველოში COVID-19-ის კრიზისი ჯერ კიდევ არ იყო დაწყებული, 2021 წლის იანვარში კი, ქვეყანაში "ლოქდაუნი" იყო და "სავალდებულო დასვენების დღეები" იდგა. 2020 წელი რეკორდულ ნიშნულზე 6.1%-იან ვარდნაზე დაიხურა. #ახალიამბები #BusinessMediaGeorgia
დავრჩებით თუ არა პურის გარეშე? ეს კითხვა კიდევ უფრო რელევანტური მას შემდეგ გახდა, რაც გავიგეთ, რომ რუსეთმა მარცვლეულის ექსპორტი შეზღუდა, კვოტები და საბაჟო ტარიფები დააწესა. კიდევ აქვთ თუ არა იმპორტიორებს ალტერნატიულ ბაზრებზე დივერსიფიცირების შანსი - რომლებსაც მათივე თქმით მხოლოდ იმიტომ არ მიმართავდნენ, რომ რუსული ხორბლის ფასი უფრო ხელსაყრელი იყო? #ახალიამბები #BusinessMediaGeorgia
რა ფასი აქვს სინამდვილეში - საქართველოში - მსოფლიოში ერთ-ერთი ყველაზე მკაცრი ლოკდაუნით ვირუსის მართვას. 2020 წლის მეოთხე კვარტალში - 79 ათასით შემცირდა დასაქმებულთა რაოდენობა, 53 ათასით გაიზარდა უმუშევართა რიცხვი, 26 ათასი ადამიანი სამუშაო ძალიდან გავიდა - ეს რიცხვები შეგვაგება დღეს საქსტატმა. უმუშევრობის ზრდა დაქირავებით დასაქმებულთა ხარჯზე მოხდა - რაც სწორედ ლოკდაუნებში გადახდილი ფასია. ეკონომიკა უნდა გაიხსნას - ეს არის ბიზნესის პოზიცია. როგორ უნდა გაიხსნას - ეს არის ეპიდემიოლოგების და მთავრობის საქმე. რამდენად თანმიმდევრულია ამ მიმართულებით პოლიტიკა - დღეს ეს ყველაზე მნიშვნელოვანი კითხვაა. რამდენად სწორია ვთქვათ ზამთრის კურორტებს არ მისცე არცერთი შანსი, რომ იქნებ რეგულაციების დაცვით თავს ართმევს ბიზნესის დაცულად წარმოებას და რაც ტურიზმის აღდგენას და სულ მცირე ამ სექტორში სამუშაო ადგილების შენარჩუნებას შეუწყობდა ხელს და მეორე მხრივ, გახსნა სკოლები, რაც ზრდის ეპიდემიოლოგიურ რისკებს, მაგრამ ეკონომიკურად დიდი შედეგი არ მოაქვს - ეს კითხვები დღეს არსებობს. პასუხები გადაწყვეტილების მიმღებთა მხრიდან - ბუნდოვანია. #ახალიამბები #BusinessMediaGeorgia
ანალიტიკამ თბილისში წყლის მიწოდებასთან დაკავშირებული საკითხები მოიკითხა. რა არის იმის მიზეზი, რომ ფეისბუქი საყვედურებით ჭრელდება, რომ წყალი შეწყდა, ხან გაფრთხილებით, ხან გაფრთხილების გარეშე და რაც მთავარია, ამას პერმანენტული ხასიათი აქვს. შეუძლებელია, რომელიმე კომპანიას სიამოვნებდეს ის ეპითეტები, რითაც მას საჯაროდ თაგავენ, თუმცა ფაქტია, ადამიანებს წყალი არ აქვთ, შეწყვეტილ და შემდეგ ონკანში მოვარდნილ წყალს კი არაერთი მილი უმსხვერპლია. რა ხდება - სად არის სისტემური პრობლემა, რომელიც ვერა და ვერ გადაიჭრა? #ახალიამბები #BusinessMediaGeorgia
ენერგეტიკის სექტორი შემცირდა. აიდიეფაის მიერ გამოქვეყნებული საკმაოდ მოცულობითი კვლევის მთავარი მიგნება ის არის, რომ 2020 წლის განმავლობაში ელექტროენერგიის გენერაცია 5.9%-ით შემცირდა. შესაბამისად, მაღალი დეფიციტის დასაბალანსებლად შარშან 59 მილიონი ამერიკული დოლარის წმინდა იმპორტი დაგვჭირდა. ამავე პერიოდში პირდაპირი უცხოური ინვესტიციები ენერგეტიკის სექტორში ოთხჯერ არის შემცირებული. სხვათაშორის, ესეც კავშირშია სიღატაკის იმ მაჩვენებელთან, რაზეც სულ ცოტა ხნის წინ ვსაუბრობდით - ამაზე უფრო დეტალურად სხვა დროს. დღეს შევხედოთ, რას შეიძლება გულისხმობდეს მათ შორის, პანდემიის პირობებში, ყველა საერთაშორისო საფინანსო ინსტიტუტისგან მხარდაჭერილი გზავნილი - აითვისეთ განახლებადი ენერგიის პოტენციალი. როგორც დღეისთვის ბოლო სიუჟეტზე, რომელსაც მე დაგიტოვებთ, მუშაობისას საქართველოს კაპიტალმა მოგვწერა სტაბილური ენერგო სისტემის განვითარებაზე შეუძლებელია ვიმსჯელოთ მხოლოდ რომელიმე ერთი წყაროს განვითარებით - საჭიროა განვითარდეს, როგორც ჰიდროს, ისე ქარის და მზის მიმართულებები. თავად დაფიქრდით: მზის პანელებით ენერგიის გამომუშავება არ ხდება ღამით, ქარის სადგურები ჩერდება უქარო ამინდისას, ჰიდროს გამომუშავება მცირდება ზამთარში. რამდენად უნდა განვიხილოთ ეს მიმართულებები ერთმანეთის ალტერნატივად? #ახალიამბები #BusinessMediaGeorgia
1 წელში საარსებო შემწეობის მიმღებთა რიცხვი 100 ათასით გაიზარდა და რეკორდულ - 532 ათასს მიაღწია. სოციალური მომსახურების სააგენტოს სტატისტიკის მიხედვით, დღეს მთლიანი მოსახლეობის 14.3% თვეში 60 ლარის ოდენობის დახმარებას იღებს. საარსებო შემწეობის მიმღებთა ბაზაში სულ 148 ათას 653-ი ოჯახია რეგისტრირებული, რაც ოჯახების 13.9%-ს შეადგენს. ამ მატების გამო, სოციალური მომსახურების სააგენტოს ყოველთვიური ბიუჯეტი საარსებო შემწეობებისთვის 6 მილიონი ლარით - 30 მილიონ ლარამდე გაიზარდა. უკიდურესი სიღარიბის ზრდა ქვეყანაში არსებულ ეკონომიკურ კრიზისს უკავშირდება. გასული წლის ოქტომბერში მსოფლიო ბანკის პროგნოზის მიხედვით, პანდემიური ვითარების გამო, საქართველოს დაახლოებით, 160 ათასი მოქალაქე შეიძლება სიღარიბეში აღმოჩნდეს, ხოლო 400 ათასი ადამიანის შემოსავალი შეიძლება შემცირდეს. ჩვენ ყოველთვის ვამბობდით, რომ პანდემიას აქვს თავისი ეკონომიკური ფასი და დღეს უკვე რიცხვები გვაჩვენებს ამას და ჩვენ ვსაუბრობთ არა უბრალოდ გაჭირვებულ ადამიანებზე, არამედ უკიდურესაც გაჭირვებულ ადამიანებზე - არა უბრალოდ სიღარიბეზე, არამედ სიღატაკეზე. ამიტომ ვუსვამთ ყოველთვის ხაზს, რომ საკითხი არ დგას ასე - თითქოს სასწორის ერთ პინაზე დევს სიცოცხლე, ხოლო მეორე პინაზე - შიმშილი - სასწორის ორივე პინაზე სიცოცხლე დევს. როგორ ვიპოვოთ ბალანსი - რომ თან გავხსნათ ეკონომიკა და თან ყველა იმ წესის აღსრულება მოხდეს, რაც პანდემიურ ქცევას ახასიათებს. სტუმარი: გივი ადეიშვილი - IDFI; ანალიტიკოსი #ახალიამბები #BusinessMediaGeorgia
მაცხოვრებლები VS ამერიკელი ინვესტორი - სადავო მიწა იპოდრომთან #ახალიამბები #BusinessMediaGeorgia
2021 წლის პირველი თებერვლიდან კომპანიებს ახალი ვალდებულება დაემატათ. კერძოდ, მათ რეგულარულად მოუწევთ დაქირავებულ პირთა ახალი ელექტრონული რეესტრის შევსება. პანდემიის დროს, ახალი ბიუროკრატიული ვალდებულების საჭიროებას შემოსავლების სამსახური იმით ხსნის, რომ ამ პანდემიის შედეგად ეკონომიკაში შექმნილმა ვითარებამ კიდევ უფრო მწვავედ გამოაჩინა საგადასახადო რეგისტრაციის გარეშე საქმიანობისა და ეკონომიკური სუბიექტების მიერ დაქირავებულთა არასრულყოფილად აღრიცხვის პრობლემა. ამ პრობლემამ კი, თავის მხრივ, რიგ შემთხვევებში, დაქირავებულთა მიერ პანდემიის შედეგად მიზნობრივი სოციალური კომპენსაციის პაკეტების მიღება გაართულა. დაახლოებით ორი კვირის თავზე მოვიკითხეთ, როგორ მუშაობს სისტემა, რომელიც დამქირავებლის მიერ ფინანსთა სამინისტროს შემოსავლების სამსახურის ვებგვერდზე (eservices.rs.ge), პირად ავტორიზებულ პორტალზე არსებულ სპეციალურ ჩანართში მითითებულ დაქირავებულ ფიზიკურ პირთა შესახებ ინფორმაციას - პირადი ნომერი, სახელი და გვარი, სქესი, მოქალაქეობა, დაბადების თარიღი, ტელეფონის ნომერი, სამუშაო განაკვეთი და სტატუსი - ამ დროისთვის უკვე უნდა მოიცავდეს. აქტიურობენ თუ არა დასაქმებულებიც, რადგან, სისტემის მიხედვით, მათაც - საკუთარი ავტორიზებული გვერდიდან, შესაძლებლობა აქვთ, გადაამოწმონ დასაქმებულ პირთა რეესტრში საკუთარი თავის შესახებ განთავსებული ინფორმაცია. სტუმრები: დავით პაპიაშვილი - აუდიტორული კომპანია "კრესტონ პაპიაშვილის" მმართველი პარტნიორი; შალვა ცხაკაია - დამსაქმებელთა ასოციაცია, დამსაქმებელთა ასოციაციის იურიდიული კომიტეტის თავმჯდომარე თავმჯდომარე #ახალიამბები #BusinessMediaGeorgia
BMG-იმ გაარკვია, რომ ბიზნესი შესაძლოა ელექტროენერგიის 50%-იანი სუბსიდიის გარეშე დარჩენილიყო. ამის შედეგი დღეს ის არის, რომ შესაძლოა, ამ შეღავათის მიღება ბიზნესისთვის ჯერ კიდევ არ იყოს დაგვიანებული. ფაქტია - იანვარში მიღებულ ქვითრებში - აბსოლუტურ უმრავლესობაში - არსად ჩანს, რომ ბიზნესს ამ ხარჯს სახელმწიფო ბიუჯეტი აუნაზღაურებს, როგორც ეს დაპირებული იყო. #ახალიამბები #BusinessMediaGeorgia
სესხის გამცემი სუბიექტებისთვის ახალ რეგულაცია დაწესდა. ალბათ შეიძლება ვთქვათ, რომ რეგულაცია ძირითადად ლომბარდებს ეხებათ. პირველ აპრილამდე სპეციალურ პლატფორმაზე უნდა დარეგისტრირდნენ და უზრუნველყოფაში ჩადებული ყველა ნივთი უნდა ატვირთონ და დაარეგისტრირონ. რას ემსახურება ეს რეგულაცია და როგორ აფასებენ მას ლომბარდები, რომელთაც ნამდვილად დიდი სამუშაო ექნებათ შესასრულებელი? #ახალიამბები #BusinessMediaGeorgia
ბუდაპეშტში სასტუმრო რომ უნდა აშენებულიყო გახსოვთ? პროტესტი რომ მოჰყვა ამბავს და სასტუმროს აშენების ნებართვა რომ გაუქმდა - ესეც ხომ გახსოვთ? ამის შემდეგ - რესტორნის მშენებლობაზე რომ იყო საუბარი - ეს თუ გახსოვთ? მოკლედ - ამ ეპოპეას როგორც ჩანს ბოლო კიდევ არ უჩანს. დღის წესრიგში კი თემა ვაკის პარკის რეაბილიტაციამ დააყენა. მთავარ კითხვაზე - იქნება თუ არა რესტორანი ვაკის პარკის მიმდებარე მაგრამ რეკრეაციულ ზონაში სადაც რესტორნის მშენებლობა დაშვებულია - მკაფიო პასუხი ჯერ კიდევ არ ისმის. #ახალიამბები #BusinessMediaGeorgia
თანხა, რაც სხვადასხვა სექტორების სუბსიდირებისთვის თუ სხვა სახით დახმარებისთვის იხარჯება - ვალია, რომელიც მომავალში უნდა დავფაროთ. ამ დროისთვის კანონის მიერ დადგენილი ზღვრები - აქ საქართველოს ორგანულ კანონს ვგულისხმობ ეკონომიკური თავისუფლების შესახებ - დარღვეულია და მთავრობას 3 წელი აქვს იმისთვის, რომ ამ ზღვრებში დაბრუნდეს. საერთაშორისო სავალუტო ფონდის მისიის ერთ-ერთი ყველაზე მკაფიო რეკომენდაციაა, რომ მთავრობამ დაიწყოს ფისკალურ კონსოლიდაციაზე ფიქრი და ქამრები თანმიმდევრულად შემოიჭიროს. ამ ფონზე და პანდემიის პირობებში, კულტურის სამინისტრო დაგვიბრუნდა - ისევ გამოეყო განათლებას და ცალკე უწყების სახით გააგრძელებს ფუნქციონირებას. რა აკლდება ან ემატება კულტურას იმით, საკუთარი სამინისტრო ექნება თუ არა? ერთი, რაც შეიძლება ვიფიქროთ ის არის, რომ გადასახადების გადამხდელთა ფულზე ხელმისაწვდომობა ამით უფრო გაიზრდება. რა დააკლდა ქვეყანას და კულტურას იმით, რომ ცალკე სამინისტრო არ ჰქონდა? #ახალიამბები #BusinessMediaGeorgia
ეკონომიკის მინისტრს და ქვეყნის მთავარ ეპიდემიოლოგს რესტორნების გასაჭირი ესმით, მაგრამ გადაწყვეტილებას არ ცვლიან და საკვები ობიექტები კვლავ დახურული რჩება. მთავრობას ეკონომიკის ეტაპობრივი გახსნის გარკვეული გეგმა აქვს, მაგრამ ამ გეგმაში რესტორნები ვერ მოხვდნენ. მინისტრი ირწმუნება, რომ რესტორნების მფლობელებს ესმით მთავრობის ლოგიკა, რომ გახსნა დამოკიდებულია ინფიცირების მაჩვენებლის შემცირებაზე. #ახალიამბები #BusinessMediaGeorgia
ხვალ 24 საათით დელივერი სერვისი ჩერდება. 80-მდე რესტორანი და კაფე უარს აცხადებს თავისი კერძების მიწოდებაზე. მათ ჩვენი - მომხმარებელების საწინააღმდეგო არაფერი აქვთ. ამ ფორმით ისინი მთავრობის დამოკიდებულებას აპროტესტებენ, რომ მიუხედავად რამდენიმე შეხვედრისა, კომპრომისი მათი სექტორის გახსნასთან დაკავშირებით მაინც ვერ მოიძებნა. რა განწყობები შეინიშნება ადგილზე აქციისთვის მზადების პროცესში და როგორია მოლოდინი - რა შედეგის მიღწევა უნდათ რესტორნებს და კაფეებს ამ ჯერჯერობით ერთჯერადი აქციით? #ახალიამბები #BusinessMediaGeorgia
"მოდით, ნუ ვედრებით ევროპულ ქვეყნებს, ჩვენს თავზე ვიფიქროთ" - ცოტნე ჯაფარიძე ანალიტიკაში სტუმარი: ცოტნე ჯაფარიძე - „ტრაფიკ ტრეველის" მმართველი პარტნიორი #ახალიამბები #BusinessMediaGeorgia
რას მოიცავს ეკონომიკის „წერტილოვანი გახსნა“ #ახალიამბები #BusinessMediaGeorgia
ტურიზმის ინდუსტრიის წარმომადგენლების ინიციატივით, როგორც თავიანთ მიერ გავრცელებულ განცხადებაში უწერიათ - ტურიზმის სფეროში მეტად სავალალო სიტუაციიდან გამომდინარე, სამუშაო შეხვედრა ამ წუთებშიც მიმდინარეობს. შეხვედრის მიზანია, მთავრობას წარუდგინონ ტურიზმის აღდგენისა და განვითარების 2021 წლის სამოქმედო გეგმა. ინდუსტრიას 5 პრიორიტეტი აქვს იდენტიფიცირებული. როგორ დარეგულირდეს საზღვრების გახსნა; სავალდებულო კოვიდ-დაზღვევა საერთაშორისო მოგზაურებისთვის; ზამთრის კურორტების გახსნა 1 თებერვლიდან; რესტორნების ოპერირების ნებართვა; ტურიზმის სტრატეგიის ჩამოყალიბების პროცესში კერძო სექტორის ჩართულობა. ამასობაში, უკვე განახლებულია კოვიდ-სტატისტიკა stopcov.ge-ზე და შეგვიძლია ამ მონაცემებსაც შევხედოთ. ბოლო 24 საათში ინფიცირებულთა რაოდენობა 903-ით, ხოლო გამოჯანმრთელებულების 636-ით გაიზარდა. ბოლო 24 საათში ჩატარებული კვლევა ტესტით - 14 ათას 827-ია. სტუმარი: მაია მურაჩაშვილი - გუდაური ლოფტი , გეოგრაფი და ანაკლია რეზორტი მმართველი , ტურისტული კომპანიის იბერია ტურს პლიუსი დამფუძნებელი #ახალიამბები #BusinessMediaGeorgia
#FDI-ის მოზიდვა „წესების გარეშე“ #ახალიამბები #BusinessMediaGeorgia
რა ვალდებულებები აქვს საქართველოს - #5G #ახალიამბები #BusinessMediaGeorgia
დღეს მეწარმეებმა პრესკონფერენცია გამართეს და საახალწლო დღეებში გარევაჭრობის დაშვების შესახებ მერიას მიმართეს. მოჰყვა თუ არა რაიმე გამოხმაურება მათ პრესკონფერენციას და რა მოლოდინი აქვთ, შეძლებენ თუ არა ვაჭრობას წინასაახალწლო დღეებში? სტუმარი: გოგა ციცქიშვილი - საქართველოს მეწარმეთა კავშირის პრეზიდენტი #ახალიამბები #BusinessMediaGeorgia
რამდენმა სასტუმრომ ისარგებლა პროცენტის სუბსიდირებით? #ახალიამბები #BusinessMediaGeorgia
როგორ მუშაობს 330-მილიონიანი საკრედიტო-საგარანტიო სქემა? #ახალიამბები #BusinessMediaGeorgia
უნდა მოიხსნას თუ არა შეზღუდვები 24 დეკემბრიდან? -ჯანდაცვის სპეციალისტის მოსაზრება სტუმარი: ნინო მირზიკაშვილი - ჯანდაცვის სპეციალისტი #ახალიამბები #BusinessMediaGeorgia
რა შედეგებით დასრულდა ტექნოპარკში მოლების წარმომადგენლებთან ეკონომიკისა და მდგრადი განვითარების მინისტრის შეხვედრა? მოლები ამბობენ, რომ ეკონომიკა თანდათან და სწორი წესებით უნდა გაიხსნას, წინააღმდეგ შემთხვევაში, დღის წესრიგში ბევრი ბიზნესის არსებობა-არ არსებობის საკითხი დადგება. #ახალიამბები #BusinessMediaGeorgia
გაძვირდება თუ არა ტარიფები? - მურმან მარგველაშვილი ანალიტიკში სტუმარი: მურმან მარგველაშვილი - „მსოფლიო გამოცდილება საქართველოსთვის“ დირექტორი
რა უჯდება დღეს ჯანდაცვის სისტემას ერთი კოვიდ-ინფიცირებულის ჰოსპიტალში მკურნალობა? - როცა ეს კითხვა BMG-იმ პირველად დასვა, ჯანდაცვის მინისტრისგან გვიპასუხა რომ თითოეული პაციენტის მკურნალობა არის ინდივიდუალური და ერთი კონკრეტული თანხა არ არსებობს. როცა იგივე კითხვა BMG-იმ მეორედაც დასვა ჯანდაცვის მინისტრის მოადგილისგან პასუხად მივიღეთ, რომ სახელმწიფოს ინფიცირების ერთი შემთხვევის მართვა, რაშიც ჰოსპიტალური მართვა იგულისხმება, საშუალოდ 2000 ლარი უჯდება. თამარ გაბუნიამ ისიც განგვიმარტა, რომ ეს არ ითვალისწინებს იმ ინვესტიციას, რომელიც სახელმწიფომ უკვე გაწია და კიდევ უნდა გაწიოს ჟანგბადის უზრუნველყოფისთვის, სუნთქვის აპარატების მობილიზებისთვის, პერსონალის ტრენინგისთვის, ანუ - საინვესტიციო ხარჯი სისტემის მომზადებისთვის ცალკე ხარჯია. 2021 წელს ყველაზე მეტი თანხით კვლავ ჯანდაცვის სამინისტროს დაფინანსებაა დაგეგმილი - უწყების ბიუჯეტი 48 მილიონი ლარით იზრდება და ის 5 მილიარდ 560 მილიონ ლარს შეადგენს. ბიუჯეტის ზრდას განაპირობებს როგორც პენსიის ინდექსაციის ახალი კანონი, რომლითაც პირველი იანვრიდან ასაკობრივი პენსია გაიზრდება. ასევე - ქვეყანაში დაწესებული - როგორც მთავრობა უწოდებს, წერტილოვანი შეზღუდვების გამო - ბიუჯეტი სოციალურად დაუცველთათვის 6 თვით 100-ლარიან დახმარებებსაც დააფინანსებს. როგორ იმართება დღეს ჯანდაცვის სისტემა, კოვიდ-19 და რა არის მთავარი გამოწვევა? სტუმარი: თენგიზ ვერულავა - ჯანდაცვის სპეციალისტი #ახალიამბები #BusinessMediaGeorgia
საქართველოში საარსებო შემწეობას მთლიანი მოსახლეობის 13,7% იღებს, რაც იმას ნიშნავს, რომ ქვეყანაში ყოველი მე-7 ადამიანი უკიდურესად გაჭირვებულია. დღეს კი რიცხვებში დავინახეთ, რომ უკიდურესად გაჭირვებული ადამიანების რიცხვი 16%-ით გაიზარდა და და ოქტომბრის მონაცემებით, საარსებო შემწეობას უკვე 510 ათას 343-ი ადამიანი იღებს. ნოემბრის მონაცემები ჯერ ხელმისაწვდომი არაა. ერთი, რასაც ბოლოდროინდელი დინამიკა ნათლად აჩვენებს ის არის, რომ 2020 წლის თებერვლიდან ოქტომბრის ჩათვლით უკიდერუსად გაჭირვებული ადამიანების რაოდენობა სულ მზარდია. ამასთან, ამავე პერიოდში, თებერვლიდან ოქტომბრის ჩათვლით, ბაზაში რეგისტრირებული ადამიანების რაოდენობაც გაიზარდა. კერძოდ, 2020 წლის თებერვალში სოციალური მომსახურების სააგენტოს მიზნობრივი სოციალური პროგრამების ბაზაში რეგისტრირებული იყო 921 ათას 430-ი ადამიანი, ოქტომბერში კი ამ მაჩვენებელმა 993 ათას 935-ს მიაღწია. გამოდის, გაიზარდა მათი რაოდენობა, ვინც თვლის, რომ იმდენად გაჭირვებულია, რომ არსებობა უჭირს და შემწეობას სახელმწიფოსგან ითხოვს. კოვიდ-19-ის პირობებში უსახსროდ დარჩნენ ისინიც, ვინც თვითდასაქმებული იყო და თავი ასე გაჰქონდა - მათ შორის: ბაზრობის მოვაჭრეები, გიდები, ძიძები, რესტორნების თუ სასტუმროების დამხმარე პერსონალი - მათ ყველას, ლოქდაუნი ან წერტილოვანი შეზღუდვები შეეხოთ. სტუმარი: სოსო ბერიკაშვილი - ეკონომისტი #ახალიამბები #BusinessMediaGeorgia
რამდენად პასუხობს ბიუჯეტით გათვლილი დახმარება ბიზნესის საჭიროებებს? - სოფო ნაცვლიშვილი ანალიტიკაში სტუმარი: სოფო ნაცვლიშვილი - „ქლიქ ივენთის“ დამფუძნებელი. #ახალიამბები #BusinessMediaGeorgia
გაძვირდება თუ არა პური? - ლადო ბიძინაშვილი ანალიტიკაში სტუმარი: ლადო ბიძინაშვილი, კომპანია ბარაქას დირექტორი #ახალიამბები #BusinessMediaGeorgia
6 სავაჭრო მოლი გიორგი გახარიას მთავრობას 6 მოთხოვნით მიმართავს #ახალიამბები #BusinessMediaGeorgia
სავაჭრო მოლები მთავრობას მიმართავენ. მათ დღეს პრესკონფერენცია გამართეს და განაცხადეს, რომ სრული "ლოქდაუნის" წინაშე აღმოჩენა ძალიან დიდი დარტყმაა. როგორც მოლების განცხადებაშია ნათქვამი, არანაირი ინფორმაცია იმაზე, რომ იკეტებოდა სავაჭრო ცენტრები და იზღუდებოდა ტრანსპორტი, არ არსებობდა. ისინი ამბობენ, რომ ყოველი დღე მათთვის ამ პირობებში 10 მილიონიან ზარალს უდრის. როგორ შეიძლება დავიცვათ ბალანსი 5000-მდე დღიურ ინფიცირებასა და უკვე სტაბილურად ყოველდღიურად 40 დაკარგულ სიცოცხლეს, ერთ მხარეს და მეორე მხარეს, ეკონომიკურ შედეგებს შორის - სიღარიბე, დაკარგული შემოსავლები, უსამსახუროდ დარჩენილი ადამიანები და პერსპექტივა, რომელიც გრძელ ვადაში, შეიძლება არანაკლებ დამანგრეველი შედეგების მომტანი იყოს უკვე ყველასთვის? სტუმარი: ლევან ყარალაშვილი - თბილისი ცენტრალი; დირექტორი #ახალიამბები #BusinessMediaGeorgia
მთავრობა არჩევანის ზღვარზე - „წერტილოვანი შეზღუდვები“ vs ეპიდსიტუაცია სტუმრები: შოთა ბურჯანაძე - რესტორნების ასოციაციის დამფუძნებელი და ვიცეპრეზიდენტი; ნინო მირზიკაშვილი - ილიაუნის მედიცინის სკოლის ასოცირებული პროფესორი, ჯანდაცვის სპეციალისტი #ახალიამბები #BusinessMediaGeorgia
საქართველოს მთავრობის გადაწყვეტილებით, კომუნალური შეღავათების პროგრამა გრძელდება და ფიზიკურ პირებს კომუნალური გადასახადები 4 თვის მანძილზე - ნოემბერში, დეკემბერში, იანვარსა და თებერვალში დაეფარებათ. როგორც სემეკის მიერ გავრცელებულ ინფორმაციაშია ნათქვამი, სახელმწიფოს მიერ დაეფარებათ კომუნალური გადასახადები იმ აბონენტებს, რომლებიც: თვეში მოიხმარენ 200 კვტ/სთ-ის ჩათვლით ელექტროენერგიას. მათ დაეფარებათ დასუფთავებისა და სასმელი წყლის გადასახადიც. ასეთი აბონენტების რაოდენობა მილიონ 200 ათასს აღემატება ან თვეში მოიხმარენ 200 კუბური მეტრის ჩათვლით ბუნებრივ გაზს. ასეთი აბონენტების რაოდენობა 650 ათასზე მეტია. მეორე მხარეს სულ უფრო აქტუალური ხდება კითხვა - მომავალი წლიდან გაძვირდება თუ არა ელექტროენერგია. ამ კითხვის მთავარი საფუძველი ის არის, რომ 2017 წელს სემეკის მიერ სამი წლით დადგენილ სამომხმარებლო ტარიფებს ვადა წელს ეწურება. ეს კი იმას ნიშნავს, რომ წლის ბოლომდე ახალი ტარიფები უნდა დადგინდეს. ტარიფები ეკონომიკურთან ერთად პოლიტიკური საკითხიც არის. 2021 წელი კი ჯერ კიდევ არ ჩანს მკაფიოდ ისეთ წლად, სადაც მოვიხედავთ და ვიტყვით, რომ პანდემიამ სრულად გადაიარა და მოსახლეობასაც და ბიზნესსაც აქვს იმის შესაძლებლობა, რომ გაზრდილი ტარიფი გადაიხადოს. თუმცა მედალს კიდევ ერთი მხარეც აქვს - თუ ტარიფი არ გაიზრდება, ინვესტირება კრიტიკულ ინფრასტრუქტურაში შეიძლება შემცირდეს ან საერთოდ გაჩერდეს, რადგან როგორც წესი, პირველი სწორედ ასეთი გრძელვადიანი ხარჯები იკვეცება. კონტექსტის გათვალისწინებით, ენერგოგამანაწილებელი კომპანიები - თელასი და ენერგო პრო ჯორჯია ტრადიციულად კომენტარებისგან თავს იკავებენ, ამიტომ ანალიტიკამ გადაწყვიტა დარგის სპეციალისტებისთვის ეკითხა, რა იქნებოდა უფრო ლოგიკური და ზოგადად, რა მოლოდინები არსებობს ტარიფებთან დაკავშირებით? #ახალიამბები #BusinessMediaGeorgia
გაძვირდა თუ არა მედიკამენტები? #ახალიამბები #BusinessMediaGeorgia
6 ნოემბრის ვაჭრობის შედეგად, საქართველოს ეროვნულმა ვალუტამ გუშინდელი გაუფასურებით დაკარგული პოზიციები ნაწილობრივ აღიდგინა. დღეს დოლართან მიმართებით კურსის ცვლილებამ 3 ლარი და 87 თეთრი შეადგინა, რის შედეგადაც ერთი დოლარის ოფიციალური ღირებულება 3 ლარი 36 თეთრი გახდა. ევროსთან მიმართებით კურსის ცვლილებამ 2 თეთრზე ოდნავ მეტი შეადგინა, შედეგად ერთი ევროს საფასური 3 ლარი და 99 თეთრი გახდა. გუშინ განსხვავებული სურათი გვქონდა. ლარი დოლართან და ევროსთან მიმართებით მკვეთრად გაუფასურდა. შედეგად დოლარის ღირებულება 3 ლარი და 40 თეთრი, ევროს ღირებულება კი დაახლოებით 4 ლარი გახდა. 6 ნოემბრის გაცვლითი კურსით ერთი დოლარი დაახლოებით 13 თეთრით უფრო ძვირი ღირს, ვიდრე 2 ნოემბერს ანუ ორშაბათს ღირდა. ეს არის მშრალი რიცხვები - თუმცა, ამ რიცხვების უკან დგას გაძვირებული წამლები, პურის შესაძლო გაძვირებაზე გახშირებული საუბრები, გაძვირებული საწვავი, თან ეს მიუხედავად იმისა, რომ გლობალური ფასი ქვევით ჩამოდის, გაძვირებული სესხები დოლარში და ევროში. ამის ფონზე კი გვესმის, რომ წერტილოვანი შეზღუდვები ეფექტურობის თვალსაზრისით ცოტა გადასახედი გვექნება - რაც სრულ ლოქდაუნს - არა, მაგრამ შეზღუდვების გამკაცრებას, გახშირებას და რაოდენობის ზრდას გულისხმობს. ლარის გაუფასურების შემთხვევაში პირველადი მოხმარების პროდუქტებზე ფასის შენარჩუნების მიზნით, გამოსავალი უნდა მოიძებნოს ან სუბსიდირების სახით ან სხვა კუთხით - ეს არის პურის მცხობელთა ასოციაციის თავმჯდომარის მალხაზ დოლიძის პოზიცია. მისი თქმით, დღეს მეპურეები პურზე ფასის შენარჩუნებას ჯერ-ჯერობით ახერხებენ, რადგან ტომარა ფქვილის ფასი ჯერ კიდევ ძველი - 53-54 ლარის ნიშნულზეა და ქარხნული პურის ღირებულებაც ნარჩუნდება. რამდენ ხანს შეძლებენ მწარმოებლები პურზე ფასის შენარჩუნებას? სტუმარი: მალხაზ დოლიძე - პურის მცხობელთა ასოციაციის თავმჯდომარე #ახალიამბები #BusinessMediaGeorgia
დედაქალაში მუნიციპალურ ტრანსპორტს ცვლილებები შეეხება და ხვალიდან უკვე ახალი ქსელის იმპლემენტაცია იწყება. დღეს სატრანსპორტო მიმართულებით რამდენიმე სიახლის შესახებ შევიტყვეთ - მათ შორისაა, მაგალითად ის, რომ მიკროავტობუსების მძღოლები ხელფასებს განახლებული სისტემით აიღებენ და თუ აქამდე გამომუშავებაზე იყვნენ, ახლა ფიქსირებული ხელფასი ექნებათ. სხვათაშორის, ამ გადაწყვეტილებებზე კოვიდ-19-ის გავლენაც იგრძნობა - ამ კონკრეტულმა გადაწყვეტილებამ ის უნდა მოიტანოს, რომ მძღოლებმა ე.წ. მარშრუტკებში მგზავრები ფეხზე აღარ უნდა დააყენონ. რა სიახლეები გველოდება და რატომ? #ახალიამბები #BusinessMediaGeorgia
"საქართველოს ბანკი" მთელ ქსელში დაცვის სისტემას აძლიერებს. ამის შესახებ ინფორმაცია რამდენიმე წყარომ დაგვიდასტურა, თუმცა უფრო მეტი კონკრეტიკა, თუ რას გულისხმობს დაცვის სისტემის გაძლიერება, უცნობია. როგორც ჩანს, აღნიშნული გადაწყვეტილების მიღება ბანკის მენეჯმენტმა 21 ოქტომბერს ზუგდიდის ფილიალში განვითარებული მოვლენების შემდეგ გადაწყვიტა. ამ დღეს "საქართველოს ბანკის“ ზუგდიდის ფილიალში შეჭრილმა პირმა მძევლად 43 მოქალაქე აიყვანა და სანაცვლოდ, ნახევარი მილიონი დოლარი მოითხოვა. რამდენიმე საათიანი სპეცოპერაციის შემდეგ, ყველა მძევალი გაათავისუფლეს, მაგრამ ბოროტმოქმედმა თან წაიღო ნახევარი მილიონი დოლარი და მას სამართალდამცველები ამ დრომდე ეძებენ. სტუმარი: ანზორ მეხრიშვილი - კიბერ და ინფორმაციული უსაფრთხოების განყოფილების ხელმძღვანელი #ახალიამბები #BusinessMediaGeorgia
#ბიუჯეტი2021 - ირაკლი კოვზანაძე ანალიტიკაში სტუმარი: ირაკლი კოვზანაძე - პარლამენტის საფინანსო-საბიუჯეტო კომიტეტის თავმჯდომარე #ახალიამბები #BusinessMediaGeorgia
მართალია, 2021 წლის სახელმწიფო ბიუჯეტს ახალი, მე-10 მოწვევის პარლამენტი დაამტკიცებს, მაგრამ მთავარი საფინანსო დოკუმენტის განხილვა მე-9 მოწვევის პარლამენტს მაინც უწევს. დღეს სწორედ ამ პროცესს ვადევნებდით თვალს და ვნახეთ, რომ დოკუმენტი მოწონებულია იმ დათქმით, რომ მომავალი წლის ბიუჯეტის საბოლოო ვარიანტში, დიდი ალბათობით, მნიშვნელოვანი ცვლილებები შევა, რადგან ის, ჯერჯერობით, არ მოიცავს არც კოვიდ19-ის გამო ჯანდაცვისთვის გასათვალისწინებელ სავარაუდო ხარჯებს და არც ბიზნესის საგადასახადო შეღავათებისთვის თუ სხვა სოციალური მიმართულებით გასაწევ ხარჯებს. ამაზე გუშინ პრემიერმა კონკრეტული არაფერი თქვა, მაგრამ ბიემჯის კითხვის პასუხად განაცხადა, რომ მთავრობა ბიზნესის მხარდაჭერას გაგრძელებს და ასევე, კომპენსაციებს გასცემს მოქალაქეებისთვის, თუ კრიზისი გაღრმავდა. მოკლედ ეს ხარჯები ბიუჯეტში ჯერჯერობით არ ჩანს. #ახალიამბები #BusinessMediaGeorgia
კოვიდ-19-ის დღევანდელი მონაცემები ასეთია: კორონავირუსის დადასტურებულ შემთხვევათა რიცხვი 15 327-მდე, 887-ით გაიზარდა. აქედან 277 თბილისშია, რაც მცირედ კლებაზე მიუთითებს. ამასთან ბოლო 24 საათში თბილისში გარდაიცვალა 5 მოქალაქე, თუმცა ჯამურად რომ შევხედოთ მთელი საქართველოს მასშტაბით, გამოვა, რომ გამოჯანმრთელებულთა რაოდენობა ამ ეტაპისთვის მზარდია და ამ მაჩვენებელმა 246-ით მოიმატა. გუშინ გავიგეთ, რომ კორონავირუსის მართვაში კერძო სადაზღვევო კომპანიები ერთვებიან. ამ თემაზე პირველად ჯანდაცვის მინისტრმა - ეკატერინე ტიკარაძემ გუშინ განაცხადა, როცა მინისტრი სადაზღვევო კომპანიებს შეხვდა. მინისტრის განმარტებით, კერძო სადაზღვევო კომპანიების ჩართულობა პროცესში იმან განაპირობა, რომ მათ აქვთ საკმაოდ კარგი გამოცდილება ონლაინ კლინიკების მართვის კუთხით. სტუმარი: დევი ხეჩინაშვილი - სადაზღვევო ასოციაცია; ხელმძღვანელი #ახალიამბები #BusinessMediaGeorgia