რა მოლოდინები აქვს ბიზნესს და რა მოლოდინები უნდა გვქონდეს ჩვენ, მომხმარებლებს – შეიძლება თუ არა ამ ახალმა რეგულაციებმა გააძვიროს პური ან შეამციროს ბაზარზე კონკურენცია. ყველა პროგნოზი აჩვენებს, რომ ინფლაციის წნეხი ამ დროს უკვე შემცირებული უნდა იყოს, თუმცა, ბოლომდე მოხსნილი და ტარგეტთან ახლოს მაინც ვერ იქნება. 2023 წლის იანვარში საქართველოში 9.4%-იანი ინფლაცია იყო, რაც წინა თვესთან შედარებით 0.4 პროცენტული პუნქტით ნაკლებია. თავად სებ-ის საბაზო პროგნოზით, 2023 წლის მეორე კვარტალში ინფლაცია 5.5% უნდა იყოს; მესამე კვარტალში 4%; ხოლო ბოლო კვარტალში 3.6%. საქართველოს ეროვნული ბანკის მიერ გამოქვეყნებული კვლევის მიხედვით, რომელიც ინფლაციურ მოლოდინებს ეხება, ბიზნესები ქვეყანაში ინფლაციის შემცირების ტრენდის გაგრძელებას მოელიან, თუმცა, იანვრის მაჩვენებლების მიხედვით, ინფლაციის შემცირება უფრო ნელი ტემპით მოხდება, ვიდრე ეს დეკემბრის პროგნოზში იყო ასახული. ინფლაციის ბოლო მონაცემების მიხედვით, ფასები პურსა და პურპროდუქტებზე წლიურ ჭრილში თითქმის 23%–ითაა გაზრდილი. ამას ემატება ხორბლის ბაზარზე არსებული მაღალი გაურკვევლობაც, რომელიც რუსეთ–უკრაინის ომს უკავშირდება. სტუმარი: ალექსანდრე ყიფიანი - „ყიფიანის პურის“ დამფუძნებელი; #ახალიამბები #BusinessMediaGeorgia
რა ტიპის რეგულაციებს უნდა ელოდოს პურის ბიზნესი 2023 წლის მეორე ნახევრიდან. საქმე ეხება ვალდებულებას, რომელიც სურსათის მწარმოებელ ყველა ბიზნესოპერატორს ეკისრება – კერძოდ, საფრთხის ანალიზისა და კრიტიკული საკონტროლო წერტილების სისტემას HACCP– რომელიც 2023 წლის 1-ელ ივნისამდე უნდა დაინერგოს. საფრთხის ანალიზისა და კრიტიკული საკონტროლო წერტილების სისტემის მთავარი არსი შემდეგია – ყოველი კონკრეტული საწარმოო ხაზის შესწავლისა და ანალიზის საფუძველზე ხდება მასში ისეთი სტადიების - „წერტილების“ - გამოვლენა, რომელზეც რაიმე შეცდომამ, მოუფრთხილებლობამ, შემთხვევითობამ, უნიათობამ ან სხვა გარემოებამ შეიძლება საბოლოო პროდუქტის დეფექტი გამოიწვიოს. ყველა ასეთი ეტაპი წარმოადგენს „კრიტიკულ წერტილს“, რომელზეც მუდმივი კონტროლი უნდა დამყარდეს, ანუ უნდა შემუშავდეს პროცედურა, რომლითაც მუდმივად, რუტინულად შემოწმდება, მოხდა თუ არა ის შეცდომა, რომელიც ამ ეტაპისთვის კრიტიკულია და დადგინდეს რუტინული პროცედურა წუნის გაუვნებელყოფისთვის. HACCP–ს სტანდარტის დანერგვა ასოცირების ხელშეკრულებით ნაკისრი ვალდებულებაა. კოდექს ალიმენტარიუსის მიხედვით, საწარმოში „“ სისტემის დანერგვა 7 ნაბიჯისგან შედგება. პირველი – პროდუქტის და მისი მომზადების ტექნოლოგიის შესწავლა – ეს იმისთვის არის საჭირო რომ გამოვლინდეს ყველა შესაძლო საფრთხე ანუ დეფექტი, რაც ამ პროდუქტს შეიძლება სჭირდეს; მეორე – ე.წ. კრიტიკული სტადიების / წერტილების დადგენა – ეს გულისხმობს პროდუქციის წარმოების ხაზზე იმ სტადიების გამოვლენას, როცა დეფექტი შეიძლება წარმოიშვას; მესამე – კრიტიკული წერტილებისთვის კრიტიკული პარამეტრების შესაბამება – რაც გულისხმობს იმას, რომ ყოველი "კრიტიკული წერტილისთვის" უნდა შეირჩეს ისეთი პარამეტრი, რომლის საშუალებითაც შესაძლებელია გაკეთდეს დასკვნა, წარმოიშვა პროდუქტის დეფექტი ანუ დაირღვა უვნებლობა თუ არა; მეოთხე – ყოველ კრიტიკული წერტილში უნდა აეწყოს წუნის კონტროლის სისტემა - ანუ ოპერატორმა, ან ავტომატმა რეგულარულად უნდა შეამოწმოს კრიტიკული პარამეტრი და თუკი იგი დადგენილ ზღვარს აჭარბებს - დაიწუნოს პარტია; სტუმარი: ანა გემაზაშვილი - სეს, სურსათის უვნებლობის დეპარტამენტის უფროსის მოადგილე; #ახალიამბები #BusinessMediaGeorgia
მომხმარებელმა უნდა იცოდეს, რას ყიდულობს – ასეთი პოზიცია აქვს პურის მცხობელთა ასოციაციის თავმჯდომარეს მალხაზ დოლიძეს. მისი თქმით, დამთავრდა საუბარი რაოდენობაზე, დეფიციტზე – მოვიდა იმის დრო, რომ ყველაფერი ცოტა უფრო ცივილურად იყოს. რას შეცვლის HACCP-ის სტანდარტის დანერგვა პურის ინდუსტრიაში? სტუმარი: მალხაზ დოლიძე - პურის მცხობელთა ასოციაციის თავმჯდომარე; #ახალიამბები #BusinessMediaGeorgia
რეფორმები საქართველოს ენერგეტიკულ ბაზარზე; როგორ ხდება ვაჭრობა ელექტროენერგიის დღიურ ბაზარზე? საქართველომ Inter Rao-სთან საარბიტრაჟო დავა წააგო; სტუმარი: ირინა მილორავა - საქართველოს ენერგეტიკული ბირჟის დირექტორი #ახალიამბები #BusinessMediaGeorgia
"ჩვენი მიზანია საქართველო ვაქციოთ, ნამდვილ, მრავალგანზომილებიან ჰაბად"; საქართველოს ენერგეტიკულ ჰაბად ქცევის პოტენციალი; ელექტროენერგიის უმსხვილესი წყაროები - საქართველო ევროპის რუკაზე; ევროპას რუსეთისგან დივერსიფიცირება სურს; ენერეგეტიკული ჰაბი - საქართველოს შესაძლებლობა და პოტენციალი; სტუმარი: მაია მელიქიძე - ენერგეტიკის მარეგულირებელთა რეგიონული ასოციაციის პრეზიდენტი. #ახალიამბები #BusinessMediaGeorgia
მომხმარებელს სურსათის შეძენა 100%-იანი ფასნამატით უწევთ – საქართველოს პრემიერმინისტრ ირაკლი ღარიბაშვილის ამ განცხადებას დისტრიბუტორთა და რიტეილერთა დაპირისპირება მოჰყვა. პრემიერმინისტრს პირველი დისტრიბუტორთა ბიზნეს ასოციაცია გამოეხმაურა და განმარტეს, რომ მაღალ ფასნამატს სხვადასხვა ფაქტორები განაპირობებდა, მათ შორის რიტეილ სექტორში არსებული მაღალი გადასახადები, რომლის გადახდაც იმპორტიორებსა და დისტრიბუტორებს დახლზე მოსახვედრად უწევთ. რიტეილ ასოციაციამ პასუხი დააბრუნა. მათი თქმით, პრემიერის განცხადება მათ არ ეხებოდათ, რადგან პირველადი მოხმარების პროდუქტებზე რიტეილერების მხარეს დაბალი მარჟაა, რადგან ბაზარზე დიდი კონკურენციაა და შესაბამისად დიდი, მარჟის ფუფუნება რიტეილერების მხარეს არ არის. დისტრიბუტორთა ბიზნეს ასოციაციას კი ასეთი კითხვა დაუსვეს – თუ ქსელური მარკეტების მაღალი მოთხოვნების გამოა ფასნამატი გაზრდილი, მაშინ არაქსელურ მარკეტებში, სადაც მოთხოვნები არ არის, რატომ არის ფასები კიდევ უფრო მაღალი ვიდრე ქსელურებში? ამ კითხვაზე თავად რიტეილერებს შემდეგი პასუხი აქვთ, რომ ქსელური მარკეტები მაღალი კონკურენციის პირობებში ინარჩუნებენ ბაზარზე დაბალ ფასებს და რომ არა ქსელური მარკეტები, ფასები კიდევ უფრო მაღალი იქნებოდა – შესაბამისად, გამომწვევი მიზეზი ცალსახად ეს ვერ იქნება. სტუმარი: ივა ჭყონია - საქართველოს დისტრიბუტორთა ბიზნეს ასოციაცია; მირანდა მანჯგალაძე - რითეილ სექტორის ექსპერტი. #ახალიამბები #BusinessMediaGeorgia
„გალტ & თაგარტმა“, USAID-ის ეკონომიკური მმართველობის პროგრამის მხარდაჭერით, საქართველოში კერძო კაპიტალის ბაზრის (private equity) განვითარების შესახებ კვლევის შედეგები წარადგინა. კონფერენციაში მონაწილეობდნენ საინვესტიციო ფონდების, საერთაშორისო საფინანსო ინსტიტუტებისა და საჯარო სექტორის წარმომადგენლები. „გალტ & თაგარტის“ კვლევა ფარავს კერძო კაპიტალის განვითარების გლობალურ ტენდენციებს, რეგიონისა და ბალტიის ქვეყნებში სექტორის განვითარების ანალიზს და საქართველოში ამ კუთხით არსებულ მდგომარეობას. კვლევა ასევე მოიცავს საქართველოს მცირე და საშუალო ბიზნესის, საინვესტიციო ფონდებისა და საერთაშორისო საფინანსო ინსტიტუტების გამოკითხვის შედეგებს, რომლის მიხედვითაც გამოვლინდა ის შესაძლებლობები და გამოწვევები, რაც საქართველოში კერძო კაპიტალის ბაზრის განვითარებას უშლის ხელს. შედეგად, შემუშავდა დეტალური რეკომენდაციები, რომელიც ეხება როგორც მოთხოვნის, ასევე კერძო კაპიტალის მიწოდების მხარეებს. სტუმრები: ოთარ შარიქაძე - Galt&Taggart;-ის მმართველი დირექტორი; გიორგი ამზაშვილი - USAID-ის ეკონომიკური მმართველობის პროგრამის მრჩეველი კაპიტალის ბაზრის საკითხებში; #ახალიამბები #BusinessMediaGeorgia
ამერიკის საელჩოს გზავნილები - ანალიზი სტუმარი: ლექსო ალექსიშვილი - საკონსულტაციო კომპანია #PMCG-ის გენერალური დირექტორი; #ანალიტიკა ელენე კვანჭილაშვილთან ერთად; #ახალიამბები #BusinessMediaGeorgia
საქართველოს სავაჭრო ურთიერთობა აშშ-სთან - ექსკლუზიური ინტერვიუ მაიკლ ჰონიგშტაინთან მაიკლ ჰონიგშტაინი - პოლიტიკური და ეკონომიკური მრჩეველი, აშშ საელჩო საქართველოში #ანალიტიკა ელენე კვანჭილაშვილთან ერთად; #ახალიამბები #BusinessMediaGeorgia
2022 წლის კორუფციის აღქმის ინდექსი სტუმარი: გიორგი ნონიაშვილი - „ევროპული საქართველოს“ წევრი. #ახალიამბები #BusinessMediaGeorgia
როგორია პარლამენტის როლი კორუფციის წინააღმდეგ ბრძოლაში? სტუმარი: მიხეილ დაუშვილი - პარლამენტარი, პარტია „საქართველოსთვის“. #ახალიამბები #BusinessMediaGeorgia
2022 წლის კორუფციის აღქმის ინდექსი სტუმარი: გიორგი ონიანი - ,,საერთაშორისო გამჭვირვალობა საქართველოს" აღმასრულებელი დირექტორის მოადგილე. #ახალიამბები #BusinessMediaGeorgia
ლოკაციის კონსულტანტები საქართველოში - მოლოდინები თორნიკე სულაბერიძე - Lineate-ს ბიზნესის განვითარების მენეჯერი; გიორგი აგლაძე - Sweeft digital, ვიცე-პრეზიდენეტი. #ახალიამბები #BusinessMediaGeorgia #BMG
რამდენიმე საათის წინ, მოვისმინეთ, რომ ეროვნულმა ბანკმა რეფინანსირების განაკვეთი უცვლელად, 11%-ზე დატოვა. სებ-ის შეფასებით, ქვეყანაში ინფლაციური მოლოდინები მცირდება, თუმცა ამის მიუხედავად, ჯერჯერობით რეფინანსირების განაკვეთის შემცირების საჭიროება დღის წესრიგში არ დგას. ამასთან, ნარჩუნდება მაღალი გაურკვევლობაც. სტუმარი: არჩილ მესტვირიშვილი - ეროვნული ბანკის ვიცე-პრეზიდენტი. #ახალიამბები #BusinessMediaGeorgia
საქართველოს რუსეთის ეკონომიკაზე დამოკიდებულება სტუმარი: ვალერი ჩეჩელაშვილი - რუსეთში საქართველოს ყოფილი ელჩი. #ახალიამბები #BusinessMediaGeorgia
ბანკების რეკორდული მოგება (2022) სტუმარი: სანდრო რაქვიაშვილი - პარლამენტარი, „გირჩი“. #ახალიამბები #BusinessMediaGeorgia
საღი აზრია ვიფიქროთ, რომ სადაც მაღალი კონკურენციაა, იქ კოლოსალურად მაღალი მოგება უბრალოდ ვერ იქნება. ჩემს შემდეგ სტუმართან ერთად მინდა, შევეცადოთ და სწორედ ეს ნაწილი შევაფასოთ – რამდენად საკმარისია ის კონკურენცია, რაც ბაზარზეა დღეს? 15 კომერციული ბანკი გვყავს, აქედან ბაზრის უდიდეს წილს ორი ბანკი იკავებს. სტუმარი: გიგა ბედინეიშვილი - ფინანსისტი. #ახალიამბები #BusinessMediaGeorgia
მთელი მსოფლიოს მასშტაბით, საერთაშორისო სავაჭრო პალატის მეწარმეობის ცენტრებს 4 ძირითადი მიზანი აქვთ: მომავალი ანტრეპრენიორების მოტივირება და ინსპირირება; მცირე და საშუალო ზომის კომპანიების დიგიტალიზაცია; სტარტაპების მხარდაჭერა და მათი ზრდა და ინკლუზიური მეწარმეობის მხარდაჭერა. როგორც გებრიელ პეტრუსმა რამდენიმე წუთის წინ თქვა, საქართველოს ბიზნესგარემოს და საჭიროებების სპეციფიკაც გათვალისწინებული იქნება და ამისთვის, საჭიროებების რუკაც შედგება. სანამ სტუმრებთან ერთად განვიხილავთ ასეთი ცენტრის საჭიროების არსებობას და იმ თემებსაც გადავწვდებით, რაც უფრო ფართო კონტექსტში ბიზნესგარემოს მიმზიდველობისთვის იკვეთება ჩვენი ქვეყნის კონტექსტში – მანამდე, კიდევ ერთი ხმა მინდა მოგასმენინოთ. საქართველოში საერთაშორისო სავაჭრო პალატის გენერალური მდივანი ხატია ბუხრაშვილი შეგვიჯამებს იმ მოლოდინებს, რაც შეიძლება გვქონდეს მეწარმეობის ცენტრის როლთან მიმართებით ჩვენს ქვეყანაში. ხატია ბუხრაშვილი - ICC Georgia-ს გენერალური მდივანი; მარიკა აბუაშვილი - საქართველოს უძრავი ქონების ეროვნული ასოციაცია; ზაზა ბიბილაშვილი - BGI Legal. #ახალიამბები #BusinessMediaGeorgia #BMG #ბიზნესმედია #საქმიანები #მეწარმეობისცენტრი
მიკრო, მცირე და საშუალო ბიზნესის მხარდაჭერა საერთაშორისო სავაჭრო პალატამ საკუთარი სტრატეგიის ნაწილად აქცია. მეწარმეობის ცენტრიც საქართველოში მეთორმეტე ასეთი ცენტრი იქნება აისისი–ს გლობალურ პორტფელში – შესაბამისად, ცენტრთან ასოცირებულ ბიზნესებს წვდომა ექნებათ ძალიან ფართო ქსელთან. საერთაშორისო სავაჭრო პალატა მთელი მსოფლიოს მასშტაბით 45 მილიონ წევრ კომპანიას აერთიანებს და ერთ–ერთი უმსხვილესი ბიზნესგაერთიანებაა. საქართველოში ჩამოვიდა გაბრიელ პეტრუსიც, რომელიც საერთაშორისო სავაჭრო პალატის მეწარმეობის ცენტრების გლობალური ხელმძღვანელია. როგორ ჯდება საქართველო საერთო სურათში და კონკრეტულად რა კონტრიბუცია ექნება აისისი–ს მეწარმეობის ცენტრს დღეს არსებულ ლანდშაფტში – სადაც საერთაშორისო პარტნიორებიდან დაწყებული და სახელმწიფოთი დასრულებული, ყველას აქვს გარკვეული აქცენტი დასმული მცირე და საშუალო ბიზნესისა და სტარტაპების განვითარებაზე. გაბრიელ პეტრუსი - ICC-ის მეწარმეობის ცენტრების გლობალური ხელმძღვანელი. #ახალიამბები #BusinessMediaGeorgia
საქართველოში მეწარმეობის ცენტრის დაფუძნებაში ჩართულია საერთაშორისო სავაჭრო პალატის სათაო ოფისში ტრანსფორმაციის განყოფილების დირექტორი დავით ანთია. საქართველო 14 წლის ასაკში ოჯახთან ერთად დატოვა და მას შედეგ, კორპორაციული სტრატეგიისა და ორგანიზაციული ტრანსფორმაციის კუთხით საერთაშორისო ექსპერტად ჩამოყალიბდა. მისი შთამბეჭდავი რეზიუმე მოიცავს დიდი ოთხეულის ორ კომპანიასთან – იუაისა და დელოიტთან თანამშრომლობას ხუთი ინდუსტრიის მიმართულებით 10–ზე მეტ ქვეყანაში. ანალიტიკა–მ დავით ანთიასაც დაუსვა რამდენიმე შეკითხვა. დავით ანთია - ICC-ის ტრანსფორმაციის განყოფილების დირექტორი. #ახალიამბები #BusinessMediaGeorgia
საქართველოში დაფუძნდეს მეწარმეობის ცენტრი, რომელიც რეგიონალური მასშტაბით ჰაბის ფუნქციას შეითავსებს. ცენტრი ძირითადად მიკრო, მცირე და საშუალო ბიზნესსეგმენტისა და სტარტაპების მხარდაჭერაზე იქნება ორიენტირებული. ცენტრის ძირითადი მიმართულებები იქნება: ელექტრონული კომერციის აქსელერაცია; ფინანსებზე ხელმისაწვდომობის გაზრდა; ადგილობრივი სტარტაპებისთვის ეკოსისტემის განვითარება; ფოკუსი ინტელექტუალურ საკუთრებასა და სტრატეგიულ ტრენინგებზე. სპეციალურად ამ ცენტრის დაფუძნებისთვის საქართველოში საერთაშორისო სავაჭრო პალატის გენერალური მდივანი დელეგაციასთან ერთად ჩამოვიდა. ფადი ასლი - ICC Georgia-ს თავმჯდომარე; ჯონ დენტონი - ICC-ის გენერალური მდივანი. #ახალიამბები #BusinessMediaGeorgia #BMG
უნდა იგებდეს თუ არა ტენდერებს „გრინსერვის+“? სტუმარი: ცოტნე კობერიძე - „გირჩი - მეტი თავისუფლების“ წევრი. #ახალიამბები #BusinessMediaGeorgia
როგორ უნდა იმოქმედოს სახელმწიფომ? - „ქართული ოცნების“ პოზიცია სტუმარი: ნიკოლოზ კახეთელიძე - საკრებულოს გარემოს დაცვის კომისიის თავმჯდომარე. #ახალიამბები #BusinessMediaGeorgia
ტენდერების წარმოების პრაქტიკა - რა იცვლება? სტუმარი: ბადრი ნიაური - იურისტი. #ახალიამბები #BusinessMediaGeorgia
რამდენად სამართლიანია გადასახადის გადამხდელთა ფულის ნდობა „გრინსერვის+“- სთვის? სტუმარი: სანდრო ბარამიძე - სამართლის ექსპერტი. #ახალიამბები #BusinessMediaGeorgia
ფარმაცევტული პროდუქტის ფასის სახელმწიფო რეგულირების მეთოდოლოგიის, წესისა და პირობების დამტკიცების შესახებ მთავრობის დადგენილებაში ჩამოთვლილია რეფერენტული ქვეყნები – ესენია: ლატვიის რესპუბლიკა, მონტენეგრო, ბულგარეთის რესპუბლიკა და ჩრდილოეთ მაკედონიის რესპუბლიკა. რაც შეეხება ფასს, რეფერენტული საცალო ფასი ითვლება რეფერენტული საბითუმო ფასიდან, სააფთიაქო დარიცხვის პროცენტით ან საცალო კოეფიციენტის საშუალებით, შემდეგი წესით: თუ რეფერენტული საბითუმო ფასი 5 ლარამდეა – მას ემატება 40% დარიცხვა; თუ 5-დან 10 ლარამდეა – მას ემატება 35% დარიცხვა; თუ 10-დან 20 ლარამდეა – მას ემატება 30% დარიცხვა; თუ 20-დან 30 ლარამდეა – მას ემატება 25% დარიცხვა; თუ რეფერენტული საბითუმო ფასი 30-დან 50 ლარამდეა – მას ემატება 20% დარიცხვა; თუ ფასი 50-დან 100 ლარამდეა – მას ემატება 15% დარიცხვა და თუ რეფერენტული საბითუმო ფასი 100 ლარი ან მეტია, მაშინ რეფერენტულ საბითუმო ფასს სტანდარტულად ემატება მხოლოდ 20 ლარი. რაც შეეხება ფასების განახლების სიხშირეს, ფასების გეგმური გადახედვა გათვალისწინებულია წელიწადში ერთხელ და გამოქვეყნდება ნოემბერში საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის ადმინისტრაციულ-სამართლებრივი აქტით. დაშვებულია მხოლოდ ორი გამონაკლისი: ერთი – იმ შემთხვევაში, თუ საქართველოს ეროვნული ბანკის მიერ გამოცხადებული ოფიციალური გაცვლითი კურსის შესაბამისად 30-დღიანი პერიოდის განმავლობაში ეროვნული ვალუტის საშუალო კურსი დოლარსა და ევროსთან მიმართებით 10%-ით ან მეტით გამყარდება ან გაუფასურდება, ფარმაცევტული პროდუქტის ფასების რეგულირების უწყებათაშორისი კომისია განიხილავს ფარმაცევტულ პროდუქტებზე დაწესებული ფასების განახლებას და მეორე: ფარმაცევტული პროდუქტის ფასების რეგულირების უწყებათაშორისი კომისია უფლებამოსილია განიხილოს ფარმაცევტულ პროდუქტებზე დაწესებული ფასები იმ შემთხვევაში, თუ რეფერენტულ ქვეყნებში ფარმაცევტულ პროდუქტზე ფასის განმსაზღვრელი ფაქტორები არსებითად შეიცვალა. სტუმარი: ვახტანგ მეგრელიშვილი - პარლამენტარი, „გირჩი“. #ახალიამბები #BusinessMediaGeorgia #BMG #საქმიანები
დღეს მინდა თქვენი ყურადღება შევაჩერო თემაზე, რომელიც კვირის დასაწყისში ყველაზე აქტუალურ თემად ჩამოყალიბდა – მედიკამენტების რეფერენტული ფასები – რაც ლოგიკურია, რადგან შეეხება ყველას. რაც უკვე ზუსტად ვიცით ის არის, რომ დადგენილზე მაღალ ფასად მედიკამენტის გაყიდვის შემთხვევაში ფარმაცევტული კომპანიები 15 მარტიდან ჯერ გაფრთხილებას, ხოლო შემდეგ ჯარიმებს მიიღებენ. კონტროლი სამედიცინო და ფარმაცევტული საქმიანობის რეგულირების სააგენტოს და ფინანსთა სამინისტროს შემოსავლების სამსახურს ჩაბარდა. როგორც ჯანდაცვის სამინისტრო ამბობს, უკვე შეიქმნა ერთიანი ელექტრონული ბაზა, რომელშიც აღირიცხება ყველა ამ კონკრეტულ მედიკამენტთან დაკავშირებული ტრანზაქცია და იმ შემთხვევაში, თუ მედიკამენტი დაწესებულზე მაღალ ფასად გაიყიდება, მარეგულირებლები ავტომატურად მიიღებენ ინფორმაციას და ჯანდაცვის სამინისტროს დაპირების შესაბამისად, რეაგირებაც მყისიერი იქნება. წამლისა და ფარმაცევტული საქმიანობის შესახებ კანონის დარღვევისთვის შემდეგი სანქციებია გათვალისწინებული: ფარმაცევტული პროდუქტის რეფერენტულ საცალო ფასზე მაღალ ფასად რეალიზაციის წესის დარღვევა − გამოიწვევს გაფრთხილებას; იგივე დარღვევის განმეორება გამოიწვევს დაჯარიმებას 5 000 ლარის ოდენობით; ფარმაცევტული პროდუქტის რეფერენტულ საბითუმო ფასზე მაღალ ფასად რეალიზაციის წესის დარღვევა − გამოიწვევს გაფრთხილებას; იგივე დარღვევის განმეორება გამოიწვევს დაჯარიმებას 15 000 ლარის ოდენობით. დარღვევის მესამედ და მის შემდეგ ყოველი მომდევნო გამეორება – გამოიწვევს დაჯარიმებას 30 ათასი ლარის ოდენობით. სტუმრები: ვახტანგ კალოიანი - ჯანდაცვის სფეროს სპეციალისტი; ანდრია ურუშაძე - ჯანდაცვის ყოფილი მინისტრი. #ახალიამბები #BusinessMediaGeorgia #BMG #საქმიანები
ევროკავშირის კანდიდატი ქვეყნის სტატუსი – საით მიდის საქართველო? სტუმრები: გიგა ბედინეიშვილი - ფინანსისტი; ვანო ჩხიკვაძე - ,,ღია საზოგადოების ფონდის" ევროინტეგრაციის პროგრამის ხელმძღვანელი. #ახალიამბები #BusinessMediaGeorgia
შოთა ღვინერია ჩაგვერთვება პირდაპირ ეთერში და მასთან ერთად გავაანალიზებთ რა ეტაპზე ვართ დღეს 12 პუნქტის შესრულების გზაზე და რა არის ფუნდამენტურად მნიშვნელოვანი – შესრულების ფორმა, ვთქვათ, ანტიკორუფციული ბიუროს სახით თუ შინაარსი, ვთქვათ, ომბუდსმენის არჩევა ან კანონი დეოლიგარქიზაციის შესახებ? სტუმარი: შოთა ღვინერია - EPRC-ის ანალიტიკოსი. #ახალიამბები #BusinessMediaGeorgia #BMG
ექთნების თემა უკვე არაერთი წელია პრობლემურია საქართველოს ჯანდაცვის სექტორისთვის. ყველაზე კარგად ამას საერთაშორისო ფონდ კურაციოს ჯანდაცვის ბარომეტრი აჩვენებს. ევროპასთან შედარება ოდნავ რომ განვავრცოთ, ექიმებით უზრუნველყოფის მაჩვენებელი 100,000 მოსახლეზე 1.8-ჯერ აღემატება ევროპის საშუალოს; ხოლო ექთნების რაოდენობა (100,000 მოსახლეზე) - 1.3-ჯერ ნაკლებია ევროპის საშუალო მაჩვენებელთან შედარებით. ამასთან, საქართველოში ექთანი/ექიმის თანაფარდობა ბოლო 5 წლის განმავლობაში არ აღემატება 0.9-ს. მაშინ როდესაც ევროპის რეგიონის და ევროკავშირის ქვეყნებში ერთ ექიმზე საშუალოდ 2 ექთანი მოდის. რაც შეეხება სამედიცინო პერსონალის გეოგრაფიულ განაწილებას, აქ გასათვალისწინებელია ის ფაქტორი, რომ სამედიცინო დაწესებულებების დიდი ნაწილი თბილისშია თავმოყრილი, თუმცა, ამის გათვალისწინებითაც, გრაფიკაზე ნათლად ჩანს, რომ სხვაობა თბილისსა და რეგიონებში დიდია. ექთნების დეფიციტზე დასვა აქცენტი ჯანმო–მაც თავის უახლეს ანგარიშში, რომლითაც 2021 წელს არსებული მდგომარეობა შეაჯამა. საქართველოსთან მიმართებით ითქვა, რომ ერთ სულ მოსახლეზე ექიმების რაოდენობა ძალიან მაღალია, მაგრამ ექთნების მწვავე დეფიციტია. ჯანმო აღნიშნავს, რომ ეს ამავდროულად, გლობალური გამოწვევაც არის. თუმცა, ჯანმოს შეფასებით, საქართველოს ჯანდაცვის სისტემაში მომუშავე ექთნების რიცხვი ევროპის რეგიონის სხვა ქვეყნებთან შედარებით, ძალიან დაბალია – და ეს მიუხედავად იმისა, რომ ამავე შეფასებით, ექთნების რაოდენობა 2013 წლიდან მზარდია. კაკი ზოიძე უფრო დეტალურად გაგვარკვევს პრობლემის არსში და ცხადია, მასთან ერთადაც შევაფასებთ, რამდენად ლოგიკურია ამ გამოწვევასთან ბრძოლა მინიმალური ხელფასის დაწესებით. სტუმარი: აკაკი ზოიძე - ჯანდაცვის ექსპერტი. #ახალიამბები #BusinessMediaGeorgia #BMG
ექიმებისა და ექთნების მინიმალური ანაზღაურება სტუმრები: ბექა ნაცვლიშვილი - "სამართლიანი ეკონომიკის ინსტიტუტის" დამფუძნებელი; გიგა ბედინეიშვილი - ფინანსისტი. #ახალიამბები #BusinessMediaGeorgia
ახალი დარგების შექმნის მნიშვნელობა ნუგზარ კაჩუხაშვილი - რუსთავის მეტალურგიული ქარხანა, დირექტორი; არჩილ მელიქაძე - ,,ფორსაით ინვესტმენტ გრუპი", დამფუძნებელი, უფროსი საინვესტიციო ოფიცერი; ლევან დიასამიძე - ,,ფორსაით ინვესტმენტ გრუპი", სამეთვალყურეო საბჭოს თავმდჯომარე; გია მორჩილაძე - ,,ფორსაით ინვესტმენტ გრუპი", დამფუძნებელი, აღმასრულებელი დირექტორი. #ახალიამბები #BusinessMediaGeorgia #BMG #ბიზნესმედია #საქმიანები #BMG
დღეს ვისაუბრებთ ეროვნული თანხმობის აკადემიური პლატფორმის შესახებ, რომელიც ორმა ორგანიზაციამ საქართველოს სტრატეგიული ანალიზის ცენტრმა – GSAC–მა და ანალიტიკურმა ორგანიზაციამ – GEOCASE–მა ჩამოაყალიბეს და რომლის მთავარი იდეაც ის არის, რომ დიალოგი დაიწყოს გამაერთიანებელ თემებთან დაკავშირებით და ამასთან, დამკვიდრდეს უთანხმოების კულტურაც. პლატფორმის პროექტი საქართველოში ამერიკის შეერთებული შტატების საელჩოს ფინანსური მხარდაჭერით ხორციელდება. ინიციატივის მიზანია, ხელი შეუწყოს საზოგადოებაში პოლარიზაციის შემცირებას და შექმნას საერთო ღირებულებებზე დაფუძნებული მრავალმხრივი თანამშრომლობის პლატფორმა, თავდაპირველად სამოქალაქო საზოგადოებასა და აკადემიურ წრეებში, ხოლო შემდეგ ეტაპზე ფართო საზოგადოებაში. ეს პროექტი დანახულია, როგორც საზოგადოებაში პოლარიზაციის დონის შემცირების შესაძლებლობა, რომ განსხვავებული აზრის მქონე მხარეებმა, ხშირად დაპირისპირებულმა მხარეებმა მოძებნონ ქვეყნის დემოკრატიული და ეკონომიკური განვითარებისთვის საჭირო საერთო ხედვა და რესურსი. ანალიტიკა–ს ყურადღება ბიზნესმედიის სპეციფიკიდან გამომდინარე განსაკუთრებით მიიქცია, რამდენიმე პუნქტმა ეროვნული თანხმობის დეკლარაციიდან – კერძოდ, დეკლარაციაში წერია, რომ ევროკავშირში გაწევრიანების გზაზე აუცილებელია ევროკავშირის მიერ დაწესებული 12 პირობის შესრულება და რომ ამ შანსის ხელიდან გაშვება მხოლოდ დაგვაშორებს ევროკავშირში ინტეგრაციის ახლო პერსპექტივას; ასევე თანხმობაა იმის გარშემო, რომ საქართველომ უნდა გააგრძელოს გახსნილი საბაზრო ეკონომიკის მშენებლობა და უზრუნველყოს ეკონომიკის ისეთი სექტორების სწრაფი განვითარება, რაც გამოიწვევს კეთილდღეობის გაზრდას თითოეული მოქალაქისთვის. ცალკეა გამოყოფილი – განათლების და ჯანდაცვის სფეროები. განათლების მხარეს პრიორიტეტია ყველა საფეხურის რეფორმირება; ჯანდაცვის მხარეს პრიორიტეტია ხარისხი და ხელმისაწვდომობა. სტუმრები: ვიქტორ ყიფიანი - GEOCASE-ის დამფუძნებელი; ნოდარ ხარშილაძე - GSAC-ის დამფუძნებელი. #ახალიამბები #BusinessMediaGeorgia
კაპიტალის ბაზარი ინტერვიუერი: გიორგი ისაკაძე - Forbes Georgia-ს მთავარი რედაქტორი; სტუმრები: ლევან დიასამიძე - ფორსაით ინვესტმენტ გრუპი სამეთვალყურეო საბჭოს თავმდჯომარე; გია მორჩილაძე - ფორსაით ინვესტმენტ გრუპი, დამფუძნებელი, აღმასრულებელი დირექტორი; არჩილ მელიქაძე - ფორსაით ინვესტმენტ გრუპი დამფუძნებელი, უფროსი საინვესტიციო ოფიცერი; ნუგზარ კაჩუხაშვილი - რუსთავის მეტალურგიული ქარხანა, დირექტორი. #ახალიამბები #BusinessMediaGeorgia #BMG #ბიზნესმედია #საქმიანები #ნუგზარკაჩუხაშვილი
2023 წლის მარტში კობა გვენეტაძეს საქართველოს ეროვნული ბანკის პრეზიდენტობის ვადა ეწურება და ალბათ საინტერესოა მისი თვალით დანახული ეს შვიდი წელი ჩვენც დავინახოთ და შევაფასოთ. ზუსტად ამ ტიპის ინტერვიუს ვგეგმავ დღეს მასთან. მესმის, რომ ძალიან ბევრი ადამიანი გაარჩევს ამ ინტერვიუს – მაგრამ თავიდანვე დათქმა ასეთია: ეს იქნება კობა გვენეტაძის ხედვა – პრეზიდენტობის პერიოდში, რას და როგორ მიაღწია და სად და რატომ გაუჭირდა. სტუმარი: კობა გვენეტაძე - ეროვნული ბანკის პრეზიდენტი. #ახალიამბები #BusinessMediaGeorgia
2023 წელს საერთაშორისო სავალუტო ფონდი საქართველოს ეკონომიკის ზრდის ტემპისა და ინფლაციის კლებას ელის. ყველაზე გავლენიანი საფინანსო ინსტიტუტის შეფასებით, გლობალური ვაჭრობის შენელება და ფინანსური პირობების გამკაცრება საქართველოს ეკონომიკის ზრდაზეც აისახება, რაც საქონლის გლობალური ფასების კლებასთან, ლარის ბოლოდროინდელი გამყარებასთან და საკმარისად მკაცრ მონეტარულ პოლიტიკასთან ერთად, ინფლაციის შემცირებას ხელს შეუწყობს. როგორც საერთაშორისო სავალუტო ფონდი წერს, ეკონომიკის პერსპექტივაზე მოქმედი გაურკვევლობა და რისკები მაღალ დონეზე ნარჩუნდება. საერთაშორისო სავალუტო ფონდის პროგნოზით, საქართველოს ეკონომიკა 2022 წელს პროგნოზირებული 10%–იანი ზრდის შემდეგ, 2023 წელს 4–ი, ხოლო 2024 წელს – 5.2%–ით გაიზრდება. უფრო შორ – ვთქვათ, 10 წლიან პერსპექტივასაც თუ შევხედავთ – საქართველოს ეკონომიკური ზრდა დაახლოებით იგივე ნიშნულზე – საშუალოდ 4–5%–ზე ნარჩუნდება. გუშინ TBC Capital-მა განახლებული მაკრო-სექტორული მიმოხილვა გამოაქვეყნა. ორგანიზაციის შეფასებით, 2023 წელს ქვეყანაში 3.5%-იანი ეკონომიკური ზრდა არის მოსალოდნელი. ამასთან, ინფლაციის დონე მომდევნო წელს მკვეთრად შემცირდება და საშუალოდ 4% იქნება. TBC Capital-ი მიიჩნევს, რომ თუკი არ იქნებოდა რუსეთ-უკრაინის ომი, საქართველოში წელს მაინც მაღალი ეკონომიკური ზრდა იქნებოდა, თუმცა არა ისეთი, როგორიც დღეს გვაქვს. წინა კვირას, მოკლედ შევეხეთ ამ თემასაც მსოფლიო ბანკის რეგიონალურ დირექტორთან სებასტიან მოლინეუსთან, გალტ ენდ ტაგარტის ეკონომისტთან ლაშა ქავთარაძესთან და თიბისის მთავარ ეკონომისტთან ოთარ ნადარაიასთან ერთად. სტუმრები: ლაშა ქავთარაძე - Galt&Taggart;-ის ეკონომისტი; ოთარ ნადარაია - TBC, მთავარი ეკონომისტი. #ახალიამბები #BusinessMediaGeorgia #BMG
2023 წელს საერთაშორისო სავალუტო ფონდი საქართველოს ეკონომიკის ზრდის ტემპისა და ინფლაციის კლებას ელის. ყველაზე გავლენიანი საფინანსო ინსტიტუტის შეფასებით, გლობალური ვაჭრობის შენელება და ფინანსური პირობების გამკაცრება საქართველოს ეკონომიკის ზრდაზეც აისახება, რაც საქონლის გლობალური ფასების კლებასთან, ლარის ბოლოდროინდელი გამყარებასთან და საკმარისად მკაცრ მონეტარულ პოლიტიკასთან ერთად, ინფლაციის შემცირებას ხელს შეუწყობს. როგორც საერთაშორისო სავალუტო ფონდი წერს, ეკონომიკის პერსპექტივაზე მოქმედი გაურკვევლობა და რისკები მაღალ დონეზე ნარჩუნდება. საერთაშორისო სავალუტო ფონდის პროგნოზით, საქართველოს ეკონომიკა 2022 წელს პროგნოზირებული 10%–იანი ზრდის შემდეგ, 2023 წელს 4–ი, ხოლო 2024 წელს – 5.2%–ით გაიზრდება. უფრო შორ – ვთქვათ, 10 წლიან პერსპექტივასაც თუ შევხედავთ – საქართველოს ეკონომიკური ზრდა დაახლოებით იგივე ნიშნულზე – საშუალოდ 4–5%–ზე ნარჩუნდება. გუშინ TBC Capital-მა განახლებული მაკრო-სექტორული მიმოხილვა გამოაქვეყნა. ორგანიზაციის შეფასებით, 2023 წელს ქვეყანაში 3.5%-იანი ეკონომიკური ზრდა არის მოსალოდნელი. ამასთან, ინფლაციის დონე მომდევნო წელს მკვეთრად შემცირდება და საშუალოდ 4% იქნება. TBC Capital-ი მიიჩნევს, რომ თუკი არ იქნებოდა რუსეთ-უკრაინის ომი, საქართველოში წელს მაინც მაღალი ეკონომიკური ზრდა იქნებოდა, თუმცა არა ისეთი, როგორიც დღეს გვაქვს. წინა კვირას, მოკლედ შევეხეთ ამ თემასაც მსოფლიო ბანკის რეგიონალურ დირექტორთან სებასტიან მოლინეუსთან, გალტ ენდ ტაგარტის ეკონომისტთან ლაშა ქავთარაძესთან და თიბისის მთავარ ეკონომისტთან ოთარ ნადარაიასთან ერთად. სტუმრები: ლაშა ქავთარაძე - Galt&Taggart;-ის ეკონომისტი; ოთარ ნადარაია - TBC, მთავარი ეკონომისტი. #ახალიამბები #BusinessMediaGeorgia #BMG #საქმიანები
ჯამში 3 მილიარდ ლარამდე 100–ზე მეტი საგადასახადო შეღავათია, რომელიც შეიძლება გაუქმდეს – მაგალითად, აი ამ ტიპის: იმ პირის 3 000 ლარამდე დასაბეგრი შემოსავალი, რომელსაც მინიჭებული აქვს "ქართლის დედის" საპატიო წოდება, გათავისუფლებულია საშემოსავლო გადასახადისგან. საგადასახადო შეღავათი ძალაშია 1997 წლიდან. მიზანი - სოციალური პოლიტიკა ოჯახების ხელშეწყობისთვის. რამდენად ეფექტიანი შეიძლება იყოს შეღავათი, რომელიც 1997 წლიდან უცვლელად არსებობს და მიზანს 25 წლის განმავლობაში იმდენადაც ვერ მიუახლოვდა, რომ მისი შემცირება მაინც ყოფილიყო შესაძლებელი? ან იქნებ – უბრალოდ გვავიწყდება, რომ ასეთი შეღავათები საერთოდ არსებობს? ამ თემებზე ვიმსჯელებთ დღეს იმ პოლიტიკურ ძალასთან, რომელიც შეღავათების გაუქმებაზე საკმაოდ ბევრს მუშაობს – ბექა ლილუაშვილი იქნება დღეს ანალიტიკა–ს პირველი სტუმარი. სტუმარი: ბექა ლილუაშვილი - პარტია „საქართველოსთვის“, დეპუტატი. #ახალიამბები #BusinessMediaGeorgia
როგორ უნდა მოემზადოს საქართველო საუკუნის პროექტისთვის? სტუმრები: გიორგი მარგებაძე - CBS ჯგუფის განახლებადი ენერგიების პროექტების მენეჯერი; დავით მირცხულავა - დიდი კაშხლების ეროვნული კომიტეტის თავმჯდომარე. #ახალიამბები #BusinessMediaGeorgia #BMG #ბიზნესმედია #საქმიანები
ავიამიმოსვლა საქართველო - რუსეთს შორის სტუმრები: ჰერმან საბო - პარტია „გირჩი“, დეპუტატი; მიხეილ დაუშვილი - პარტია „საქართველოსთვის“, დეპუტატი. #ახალიამბები #BusinessMediaGeorgia #BMG #საქმიანები #ანალიტიკა
ხალხის ხმა: უნდა აღდგეს თუ არა ფრენები საქართველო-რუსეთს შორის? #ახალიამბები #BusinessMediaGeorgia
რა შეიძლება მოუტანოს საქართველოს რუსეთთან ფრენების აღდგენამ? სტუმარი: თაზო დათუნაშვილი - პარტია „ლელოს“ წევრი. #ახალიამბები #BusinessMediaGeorgia #BMG #საქმიანები
საქართველოს ეკონომიკური წარმატების ფორმულა - ეკონომისტების ანალიზი სტუმრები: ოთარ ნადარაია - TBC, მთავარი ეკონომისტი; ლაშა ქავთარაძე - “Galt&Taggart;”, ეკონომისტი. #ახალიამბები #BusinessMediaGeorgia #BMG
რა სჭირდება საქართველოს ეკონომიკური წარმატებისთვის - ინტერვიუ სებასტიან მოლინეუსთან სებასტიან მოლინეუსი - მსოფლიო ბანკის რეგიონალური დირექტორი. #ახალიამბები #BusinessMediaGeorgia
როგორ აისახება წაგებული დავები საქართველოს საინვესტიციო კლიმატზე? სტუმარი: გიგა ბედინეიშვილი - ფინანსისტი. #ახალიამბები #BusinessMediaGeorgia
გაზრდილი პირდაპირი უცხოური ინვესტიციები სტუმრები: პაატა შურღაია - „გრანთ თორთონის“ ვიცე მმართველი პარტნიორი; კახა შარაბიძე - BLB-ს დამფუძნებელი და მმართველი პარტნიორი. #ახალიამბები #BusinessMediaGeorgia #BMG #საქმიანები
FDI 101%-ით გაიზარდა (9 თვე) სტუმარი: გოგიტა თოდრაძე - საქსტატის აღმასრულებელი დირექტორი. #ახალიამბები #BusinessMediaGeorgia
საკონსულტაციო სააგენტო PMCG-იმ 2022 წლის საქართველოს ეკონომიკური კლიმატის მიმოხილვა განაახლა, რომელიც ნოემბერში ჩატარდა. სააგენტოს ცნობით, ქვეყნის ეკონომიკური კლიმატი 60-მა ექსპერტმა შეაფასა. ეკონომისტების გამოკითხვის თანახმად, 2022 წლის მეოთხე კვარტალში ქართველი ეკონომისტები საქართველოს მიმდინარე ეკონომიკურ მდგომარეობას დადებითად აფასებენ. მათი შეფასება როგორც 2022 წლის მესამე კვარტალთან, ასევე 2021 წლის მეოთხე კვარტალთან შედარებით გაუმჯობესდა. „თუმცა გამოკითხული ეკონომისტების მოლოდინი საქართველოში მომდევნო ექვსი თვის ეკონომიკურ მდგომარეობასთან დაკავშირებით უარყოფითია. 2022 წლის მეოთხე კვარტალში მომდევნო ექვსი თვის ეკონომიკური მდგომარეობის შესახებ მოლოდინი გაუარესდა იმ პოზიტიურ პროგნოზთან შედარებით, რომელიც ეკონომისტებს მომდევნო ექვსი თვის მიმართ ჰქონდათ, როგორც 2022 წლის მესამე კვარტალში, ასევე 2021 წლის მეოთხე კვარტალში“, - ნათქვამია მიმოხილვაში. ეკონომიკური კლიმატის მიმოხილვის მიხედვით გამოკითხულმა ექსპერტებმა საქართველოს ძირითადი მაკროეკონომიკური ინდიკატორების პროგნოზი გააკეთეს, რომლის მიხედვით, 2022 წელს რეალური მშპ-ს მოსალოდნელი ზრდის პროგნოზი საშუალოდ 9.5%-ს შეადგენს; ამასთან, მომდევნო 6 თვის განმავლობაში წინა წლის შესაბამის პერიოდთან შედარებით ეკონომისტები ინფლაციის კლებას ელიან. „ამჟამად, ქართული ლარი აშშ დოლარისა და ევროს მიმართ ნაკლებად არის შეფასებული და რუსული რუბლისა და თურქული ლირას მიმართ კი უფრო მეტად არის შეფასებული“, - აღნიშნულია მიმოხილვაში. გამოკითხულმა ექსპერტებმა ასევე საქართველოს ძირითადი მაკროეკონომიკური ინდიკატორების პროგნოზი გააკეთეს. მათი პროგნოზებით, უახლოეს ექვს თვეში, გასულ ექვს თვესთან შედარებით როგორც ექსპორტის ასევე იმპორტის მოცულობის ზრდაა მოსალოდნელი. თუმცა „გასულ ექვს თვესთან შედარებით, მომდევნო პერიოდში მოსალოდნელია ექსპორტის მოცულობა უფრო ნაკლებად ზრდა, ვიდრე იმპორტისა, რაც მოსალოდნელი სავაჭრო ბალანსის გაუარესებას გამოიწვევს“, - ნათქვამია მიმოხილვაში. სტუმარი: გიორგი ხიშტოვანი - PMC კვლევითი ცენტრის დირექტორი; #ახალიამბები #BusinessMediaGeorgia
2014 წლის აღწერის მონაცემების მიხედვით, ხანდაზმული - 65 წლისა და უფროსი ასაკის - მოსახლეობის წილი საქართველოს მთლიან მოსახლეობაში 14.3%-ი ანუ 530 ათასი ადამიანია. გაეროს მოსახლეობის ფონდმა (UNFPA) საქართველოში მცხოვრებ ხანდაზმულებში მარტოობის განცდა შეისწავლა და მარტოობის განმსაზღვრელი ფაქტორები დააიდენტიფიცირა. კვლევის მიხედვით, საქართველოში ხანდაზმულები ემოციურ მარტოობას უფრო განიცდიან, ვიდრე სოციალურს - მათი უმრავლესობა (52%) თავს ემოციურად მეტ-ნაკლებად მარტოსულად მიიჩნევს, ანუ არ ჰყავთ გარშემო ისეთი ადამიანები, რომლებთანაც ექნებოდა თანაზიარი და საერთო განცდები. მეორე მხრივ, სოციალურად მეტ-ნაკლებად მარტოსულთა მაჩვენებელი 45%-ს უტოლდება. ანუ, ეს ადამიანები უჩივიან ისეთი სოციალური კავშირების/ქსელის არარსებობას, რომელიც შედგება ახლობლებისა და ნაცნობების წრისგან. საინტერესოა, რომ თუკი ემოციურ მარტოობას უკიდურესად მძაფრად 28% გრძნობს, სოციალური მარტოობის შემთხვევაში მაჩვენებელი 16%–ია. კვლევის მიხედვით, საქართველოში, მარტოობის განმაპირობებელ ფაქტორებს შორის დომინირებს: სოციალური კავშირების ნაკლებობა; ფიზიკური მხარდაჭერის სიმწირე; სოციალური ნდობის ნაკლებობა და დედაქალაქში ცხოვრება. კვლევა აჩვენებს, რომ მარტოობის პრობლემა სწორედ ხანდაზმულებში – 65 და უფროს ადამიანებში მწვავდება და მსოფლიოში მოსახლეობის დაბერების ტენდენციის ფონზე, კიდევ უფრო მეტ სიმწვავეს იძენს. რიცხვები აჩვენებს, რომ მსოფლიო მასშტაბით, მოსახლეობის ზრდა საგრძნობლად შენელდა – ეს ტენდენცია განსაკუთრებით შესამჩნევია ცენტრალური და აღმოსავლეთ ევროპის ქვეყნებში, სადაც მოსახლეობის რაოდენობის კლება მიგრაციასა და დაბალ შობადობას უკავშირდება. ბოლო ათწლეულის მანძილზე, უკეთესი სამუშაო შესაძლებლობის ძიებაში ქვეყნებიდან დიდი რაოდენობით ადამიანების გადინებისა და შობადობის დაბალი მაჩვენებლების წყალობით, აღმოსავლეთ ევროპა მსოფლიოში პირველ რეგიონად იქცა, სადაც მოსახლეობა სტაბილურად მცირდება. ამჟამად იმ ათ ქვეყანას შორის, სადაც მოსახლეობა მსოფლიოში ყველაზე სწრაფი ტემპით მცირდება, ცხრა ქვეყანა ცენტრალური და აღმოსავლეთ ევროპის რეგიონში მდებარეობს. გაეროს მოსახლეობის ფონდს მი #ახალიამბები #BusinessMediaGeorgia
კაპიტალის ბაზრის განვითარება - პერსპექტივა სტუმრები: გია მორჩილაძე - „ფორსაით კაპიტალი“, დამფუძნებელი; ირაკლი ელაშვილი - ,,ალფა კაპიტალ ედვაიზორის" მმართველი პარტნიორი; დავით წიკლაური - USAID-საქართველოს კერძო სექტორის განვითარების უფროსი მრჩეველი. #ახალიამბები #BusinessMediaGeorgia #ბიზნესმედია #საქმიანები #BMG