ამერიკული კომპანია ექროუ ბრიჯი საქართველოში შემოდის. კომპანიის ოფიციალური წარმომადგენელი საქართველოში აკაკი ჯიქია იქნება, რომელიც თავის მხრივ 2011 წლიდან კომპანია Infra Construction–ის მეწილე და დირექტორია. 2012 წლიდან კი – კომპანია Anagi Infra Construction–ის მმართველი პარტნიორიც. ექროუ ბრიჯი 1951 წლიდან მსოფლიოს 150 ქვეყანაში წარმატებით ოპერირებს და მაღალი ხარისხის მოდულარულ ფოლადის ხიდებს აწარმოებს. ამერიკული კომპანია მზად არის ჩაერთოს როგორც სახელმწიფო ინფრასტრუქტურულ პროექტებში, ისე - აქტიურად ითანამშრომლოს კერძო სექტორთანაც – მაგალითად, იგივე ჰიდროელექტროსადგურების მშენებლობის მიმართულებით – რადგან ექროუ ფლობს ისეთ ტექნოლოგიურ გადაწყვეტებს, რომლებიც საქართველოში არსებულ ინფრასტრუქტურულ გამოწვევებს წარმატებით გაუმკლავდება. შეერთებულ შტატებსა და საქართველოს შორის ეკონომიკური და ბიზნეს ურთიერთობების გასამყარებლად, ასევე ამერიკული კომპანიების დასახმარებლად, რომ თავიანთი პროდუქტების, სერვისების და ტექნოლოგიური შესაძლებლობების სახელმწიფო თუ ბიზნეს წრეებისთვის გაცნობა შეძლონ, ექროუ ბრიჯის წარდგენა თავის თავზე არც მეტი, არც ნაკლები ამერიკის უკვე ყოფილმა ელჩმა – რობინ დანიგანმა აიღო და ამ რამდენიმე კვირის წინ სპეციალური მიღებაც გამართა.
2025 წლის 6 თვეში საქართველომ ტურიზმიდან ჯამში 2 მლრდ დოლარის შემოსავალი მიიღო – ამას აჩვენებს გალტ ენდ ტაგგარტის კვირის მიმოხილვა. "ჩვენი პროგნოზით, 2025 წელს ტურიზმის შესავლები 4.5 მლრდ აშშ დოლარს მიაღწევს" – აღნიშნულია გალტ ენდ ტაგგარტის ანალიზში. 2025 წლის II კვარტალში საერთაშორისო ვიზიტორები (ჯამურად ტურისტული და ერთდღიანი ვიზიტები) საქართველოში წლიურად 7%-ით გაიზარდა და მილიარდ ნახევარ მოგზაურს გადააჭარბა. ეს ზრდა ძირითადად ტურისტული ვიზიტების ზრდამ განაპირობა მაშინ, როცა ერთდღიანი ვიზიტები წლიურად, პირიქით, შემცირდა. ვიზიტორების მთლიან ზრდაში ყველაზე მაღალი კონტრიბუცია შეიტანა ვიზიტორების ზრდამ რუსეთიდან, რომელსაც მოჰყვება ვიზიტორების ზრდა აზერბაიჯანიდან და ეს მიუხედავად იმისა, რომ აზერბაიჯანიდან სახმელეთო საზღვარი კვლავ დაკეტილი რჩება, შემდეგ მოდის ევროკავშირი, სომხეთი და ინდოეთი. ამასთან, გალტ ენდ ტაგგარტის მიხედვით, ამ პერიოდში ყველაზე დიდი უარყოფითი გავლენა ჰქონდა ვიზიტორთა შემცირებას თურქეთიდან და ირანიდან. ამასთან, ვიზიტორთა უმრავლესობა საქართველოში შემოვიდა საავტომობილო ტრანსპორტით, შემდეგ – საჰაერო გზით. სტუმრები:⤵️ ➡️ევა ბოჭორიშვილი - Galt&Taggart;-ის კვლევების დეპარტამენტის დირექტორი; ➡️თათია მამრიკიშვილი - Galt&Taggart;-ის სექტორის უფროსი; #ახალიამბები #BusinessMediaGeorgia
"დემოკრატიული უკუსვლის ფასი" – EU-ს მიდგომების ანალიზი; სტუმარი: სერგი კაპანაძე - „საქართველოს რეფორმების ასოციაციის“ ხელმძღვანელი #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
საქართველო, ევროკავშირი, NATO; ✔️კობახიძის წლიური ანგარიში; ✔️ბიზნესი & (საგარეო) პოლიტიკა - საქართველო 2025;
⚖️მზია ამაღლობელის საქმე სტრასბურგში; ✔️კანონები სამოქალაქო საზოგადოების წინააღმდეგ;
#ანალიტიკა ელენე კვანჭილაშვილთან ერთად - ინტერვიუ ალექსანდრე ძნელაძესთან / 18.06.2025
#ანალიტიკა ელენე კვანჭილაშვილთან ერთად - ინტერვიუ გიგი გიგიაძესთან / 11.06.2025
#ანალიტიკა ელენე კვანჭილაშვილთან ერთად - ინტერვიუ მურმან მარგველაშვილთან
#ანალიტიკა ელენე კვანჭილაშვილთან ერთად - ინტერვიუ ფადი ასლისთან / 23.05.2025
#ანალიტიკა ელენე კვანჭილაშვილთან ერთად / 14.05.2025
#ანალიტიკა ელენე კვანჭილაშვილთან ერთად / 09.04.2025