#ბიზნესსიახლეები bm.ge-სგან / 03.05.2023
თბილისში უძრავი ქონების ბაზარი შემცირდა. მარტში დედაქალაქში 229 მლნ 400 ათასი დოლარის ღირებულების ბინები გაიყიდა, რაც წლიურად 8.4%- იანი კლებაა. მარტში თბილისში სულ 2 991 ბინა გაიყიდა, რაც წლიურად 13%-იანი, ხოლო თვიურად 13.2%-იანი შემცირებაა. ტრანზაქციების რაოდენობის შემცირება დაფიქსირდა როგორც პირველად, ასევე მეორად ბაზრებზე. გაყიდვებში ზრდაა მხოლოდ გლდანისა და დიდუბის რაიონებში. მარტის თვეში დედაქალაქის უძრავი ქონების ბაზრის მიმოხილვას საინვესტიციო ბანკი გალტ ენდ თაგარტი აქვეყნებს. კვლევა 14 სისტემური დეველოპერის გამოკითხვას ეყრდნობა, რაც 68 მიმდინარე სამშენებლო პროექტს მოიცავს. #ახალიამბები #BusinessMediaGeorgia
ბიზნესების ნაწილის 24 საათში გავრცელებული განცხადებების საპასუხო პოზიციები და ამ ვითარებაში უფრო ლაღად გამოხატული შეფასებების ფონზე მათ შორის იუთუბერების, კრეატიული ინდუსტრიის წარმომადგენლების, სტარტაპების, მცირე და საშუალო ბიზნესის წარმომადგენლების კიდევ უფრო ხმამაღლა ისმოდა. #ახალიამბები #BusinessMediaGeorgia
თბილისში აზიის განვითარების ბანკის 57-ე წლიური შეხვედრა გრძელდება, რომლის ფარგლებშიც განსახილველი ერთ-ერთი მთავარი საკითხი შუა სატრანსპორტო დერეფანი, მასთან დაკავშირებული შესაძლებლობები და გამოწვევებია. ღონისძიების ფარგლებში გამართულ პანელებზე ამ მიმართულებით უკვე არაერთი შეფასება გაკეთდა, ყველა მხარე აღნიშნავს, რომ სწორედ შუა დერეფანია ის მიმართულება, რომლითაც რეგიონის ქვეყნებს, მათ შორის საქართველოს საკუთარი ეკონომიკის განვითარება შეუძლია. თუმცა როგორც საერთაშორისო საფინანსო ორგანიზაციები, ასევე კერძოს სექტორი აღნიშნავს, რომ რეგიონის ქვეყნებმა არაერთი მიმართულებით უნდა იმუშაონ იმისთვის, რომ ამ დერეფნის ეფექტიანობა და კონკურენტუნარიანობა გაიზარდოს. რა გამოწვევებს აწყდება ბიზნესი ამ მიმართულებით და ზოგადად როგორია აზიისა და არაბული ინვესტორების დაინტერესება საქართველოთი? სტუმარი: დავით ცირდავა - „აზიისა და სპარსეთის ყურის ქვეყნების ბიზნესპალატის" პირველი ვიცე-პრეზიდენტი; #ახალიამბები #BusinessMediaGeorgia
საქართველო აზიის განვითარების ბანკის 57-ე წლიური შეხვედრის მასპინძელია, რომელსაც საერთაშორისო ფინანსური ინსტიტუტის წევრი სახელოებიდან ჩამოსული მაღალი რანგის სტუმრები ესწრებიან. წლევანდელ კონფერენციაზე იმ გამოწვევებსა და შესაძლებლობებს მიმოიხილავენ, რომელთა წინაშე აზიისა და წყნარი ოკეანის რეგიონი დგას, მათ შორისაა კლიმატის ცვლილება, ხელოვნური ინტელექტი და მწვანე გლობალიზაცია. დღეს, კონფერენციის ფარგლებში, Galt & Taggart-ისა და თიბისი კაპიტალის ორგანიზებით პანელური დისკუსია გაიმართა, რომლის მთავარი თემა - მდგრადი დაფინანსება და კაპიტალის ბაზრის განვითარებაში გარემოსდაცვითი, სოციალური და მმართველობითი საკითხების მნიშვნელობა იყო. #ახალიამბები #BusinessMediaGeorgia
შეხვედრები კომუნიკაცია საერთაშორისო პარტნიორებთან ყველა ეტაპზე საინტერესოა ბიზნესისთვისაც და მნიშვნელოვანია ქვეყნისთვისაც, რომელსაც პარტნიორები დაანონსებული იზოლაციის პირობებში გაუჭირდება ჰყავდეს. პირველი ნიშნები რომ ე.წ რუსული კანონი ინვესტორებისათვის პოზიტიურად არ აღიქმება კერძო სექტორისათვის უკვე ხელშესახებია. კერძო სექტორში აცხადებენ, რომ პარტნიორებს ე.წ. რუსულ კანონზე მათთან კითხვები აქვთ. ინვესტორები ინტერესდებიან, საით მიდის საქართველო და რამდენად მიმზიდველი იქნება ქვეყანა ევროპული ინვესტიციებისთვის. კერძო სექტორში ამბობენ, რომ კანდიდატის სტატუსით მიღებული პოზიტიური მოლოდინები ნეგატივით შეიცვალა. ბიზნესის ნაწილი მთავრობას მოუწოდებს, ხალხის ხმას მოუსმინოს და კანონი უკან გაიწვიოს. #ახალიამბები #BusinessMediaGeorgia
#ბიზნესსიახლეები bm.ge-სგან / 02.05.2024 მთავარი ფასეულობა ევროპაა... რაც ეწინააღმდეგება ამ გზაზე სწრაფვას, მიუღებელია - ვალერი ჩეხერია; ვწყვეტთ საქმიან ურთიერთობას კომპანიებთან, რომლებიც მხარს უჭერენ ქვეყნის ევროპული კურსის დამაზიანებელ კანონს - "რედბერი"; დუმილი ახლა არის შენი წილი „ლახვარის ჩარტყმა“ როგორც ქვეყნისთვის, ისე შვილების ევროპული მომავლისთვის - მალხაზ კუნელაური; "უვიზო მიმოსვლის შეჩერება ხალხის დასჯა იქნება, თუმცა შეჩერებას დღეს და ხვალ არ ველოდებით" - TravelWise; #ახალიამბები #BusinessMediaGeorgia
რუსულმა კანონმა ევროპელ ინვესტორებს ყვითელი შუქი აუნთო. კერძო სექტორში აცხადებენ, რომ პარტნიორებს ე.წ. რუსულ კანონზე მათთან კითხვები აქვთ. ინვესტორები ინტერესდებიან, საით მიდის საქართველო და რამდენად მიმზიდველი იქნება ქვეყანა ევროპული ინვესტიციებისთვის. კერძო სექტორში ამბობენ, რომ კანდიდატის სტატუსით მიღებული პოზიტიური მოლოდინები ნეგატივით შეიცვალა. ბიზნესის ნაწილი მთავრობას მოუწოდებს, ხალხის ხმას მოუსმინოს და კანონი უკან გაიწვიოს. #ახალიამბები #BusinessMediaGeorgia
საქართველოს დასავლური ტრაექტორია რისკის ქვეშაა, - ამერიკის შეერთებული შტატების სახელმწიფო დეპარტამენტი კიდევ ერთ განცხადებას ავრცელებს. დეპარტამენტის პრესსპიკერის მეთიუ მილერის განცხადებაში ნათქვამია, რომ „კრემლის მიერ შთაგონებული უცხოური გავლენის” კანონმდებლობამ და „ქართული ოცნების“ ანტიდასავლურმა რიტორიკამ საქართველო სახიფათო ტრაექტორიაზე დააყენა. განცხადებაში აღნიშნულია, რომ საქართველოს ხელისუფლების განცხადებები და ქმედებები შეუთავსებელია დემოკრატიულ ღირებულებებთან, რომლებიც საფუძვლად უდევს ევროკავშირის, ნატოს წევრობას და საფრთხე ექმნება საქართველოს გზას ევროატლანტიკური ინტეგრაციისკენ. საით მიდის საქართველო, იცვლება თუ არა კურსი, რომელიც საქართველომ დამოუკიდებლობის გამოცხადებიდან აირჩია? სტუმარი: ელგუჯა ხოკრიშვილი - გერმანიაში საქართველოს ყოფილი ელჩი & ბერლინის საერთაშორისო უნივერსიტეტის მიწვეული ლექტორი; #ახალიამბები #BusinessMediaGeorgia
ვაკვირდებით მოვლენებს და დისკუსიებს - საერთაშორისო საფინანსო ორგანიზაციები ე.წ „რუსული კანონის“ განხილვაში დაბრუნებას bmg-სთან აფასებენ. მსოფლიო ბანკის რეგიონული დირექტორი, როლანდ პრაისი ამბობს, რომ მსოფლიო ბანკს არ შეუძლია შეაფასოს საქართველოს მთავრობის საკანონმდებლო ინიციატივა, თუმცა მთავრობამ ფრთხილად უნდა იფიქროს შემდეგ ნაბიჯებზე იმ მოტივაციით, რომ ქვეყანამ ევროკავშირისკენ სვლა და შესაბამისი რეფორმები გააგრძელოს. რა გავლენა შეიძლება ჰქონდეს პროცესებს იბიარდის და საქართველოს ურთიერთობებზე საუბარი უჭირს ევრობანკის რეგიონულ დირექტორსაც. შეფასებები საერთაშორისო საფინანსო ორგანიზაციებს bmg-იმ აზიის განვითარების ბანკის რიგით 57-ე წლიურ შეხვედრაზე სთხოვა, მასშტაბური ღონისძიების პირველ დღეს რამდენიმე პანელური დისკუსია იმართება მათ შორის ერთ-ერთი შუა დერეფანს შეეხებოდა. #ახალიამბები #BusinessMediaGeorgia
თბილისი აზიის განვითარების ბანკის რიგით 57-ე წლიურ შეხვედრას მასპინძლობს, რომელსაც საერთაშორისო ფინანსური ინსტიტუტის წევრი სახელმწიფოებიდან ჩამოსული მაღალი რანგის სტუმრები ესწრებიან. წლევანდელ კონფერენციაზე იმ გამოწვევებსა და შესაძლებლობებს მიმოიხილავენ, რომელთა წინაშე აზიისა და წყნარი ოკეანის რეგიონი დგას, მათ შორისაა კლიმატის ცვლილება, ხელოვნური ინტელექტი და მწვანე გლობალიზაცია. დღეს, კონფერენციის ფარგლებში, Galt & Taggart-ისა და თიბისი კაპიტალის ორგანიზებით პანელური დისკუსია გაიმართა, რომლის მთავარი თემა - მდგრადი დაფინანსება და კაპიტალის ბაზრის განვითარებაში გარემოსდაცვითი, სოციალური და მმართველობითი საკითხების მნიშვნელობა იყო. რა აქცენტები დაისვა კონფერენციაზე? #ახალიამბები #BusinessMediaGeorgia
#ბიზნესსიახლეები bm.ge-სგან / 01.05.2024 “ქართველი ერის შინაგანი ლტოლვა ყოველთვის იყო ევროპა” - შოთა ბურჯანაძე “რუსულ კანონზე”; პარლამენტი ცუდ კანონს იღებს, რომელიც ხელისუფლების ძალაუფლებას გააძლიერებს - რესან ქიქავა; „ამ კანონით დასავლეთთან ურთიერთობას ვიფუჭებთ“ - ინტერვიუ ბიზნესმენ პაატა ტრაპაიძესთან; როდესაც მოყვარესაც და მტერსაც ერთი საზომით უყურებ, კანონი ბევრ კითხვის ნიშანს იწვევს - ბიზნესმენი "რუსულ კანონზე"; „აქციაზე გაჟღერებული მესიჯები, ევროპელი ინვესტორების თითქმის განულებულ ინტერესს, პერსპექტივას სრულად დაუკარგავს“; ნუ შეუერთდებით იმ ბიზნესმენთა სიას, რომლებმაც ფული ამჯობინეს, შვილების მომავალს - კახა ხაზარაძე; #ახალიამბები #BusinessMediaGeorgia
უცხოურ ვალუტაში დაკრედიტების ზღვარი 400 ათას ლარამდე გაიზარდა. ეროვნული ბანკის გადაწყვეტილებით, ის მომხმარებლები, რომლებსაც ეროვნულ ვალუტაში აქვთ შემოსავალი, 400 000 ლარამდე მოცულობის სესხის აღებას მხოლოდ ლარში შეძლებენ. როგორც სებ-ის ფინანსური სტაბილურობის კომიტეტის გადაწყვეტილებაში იყო აღნიშნული, მიმდინარე მაკროეკონომიკური გარემო ხელსაყრელ პირობებს ქმნის დედოლარიზაციის გრძელვადიანი გეგმის შემდეგი ნაბიჯების გადასადგმელად. როგორც საბანკო სექტორში აღნიშნავენ, დედოლარიზაციის მიმართულებით გადადგმულ მორიგ ნაბიჯს გავლენა, ძირითადად, მცირე და საშუალო ბიზნესზე ექნება. #ახალიამბები #BusinessMediaGeorgia
ვიდრე მეორე მოსმენით ე.წ რუსული კანონის მხარდაჭერა ტაბლოზე დაფიქსირდება სხდომა მთელი დღის განმავლობაში რეპლიკების, დაპირისპირების, უპასუხო კითხვების და კიდევ უფრო ხშირად მიკროფონის გათიშვის მუქარის ფონზე მიმდინარეობდა. #ახალიამბები #BusinessMediaGeorgia
პარლამენტში ე.წ რუსული კანონის მუხლობრივი განხილვა დასრულდა. დღის 1 საათიდან ამ დრომდე დეპუტატები გუშინ ვერმოსწრებულ მუხლებზე კითხვა-პასუხის რეჟიმში მსჯელობდნენ. რეკომენდაციები სხვადასხვა მუხლის კორექტირებასთან დაკავშირებით გათვალისწინებული არ არის. ე.წ რუსული კანონის კენჭისყრა საღამოს 9 საათამდე იგეგმება. #ახალიამბები #BusinessMediaGeorgia
რა საფრთხეს უქმნის ე.წ რუსული კანონი ქვეყანას, იმ ვითარებაში, როდესაც ქართული ოცნების დამფუძნებელმა ორშაბათს დონორები პირდაპირ დაადანაშაულა, რომ დაფინანსების ერთადერთი მიზანი საქართველოსთვის სახელმწიფო სუვერენიტეტის წართმევაა. რა გზას ირჩევს საქართველო და რატომ უნდა ისმოდეს ხმამაღლა ხმა, მათ შორის ბიზნეს სექტორის? სტუმარი: მალხაზ კუნელაური - კომპანია "ემ-ქეი დეველოპმენტ გრუპის" დამფუძნებელი #ახალიამბები #BusinessMediaGeorgia
პარლამენტში ე..წ რუსული კანონის განხილვა გრძელდება. 11 მუხლისგან შემდგარი დოკუმენტის ნახევარი კანონმდებლებმა უკვე გაიარეს. ტრიბუნასთან იურიდიულ საკითხთან კომიტეტის თავმჯდომარე დგას, რომელიც დღეს “უცხო ძალის გავლენის გამჭვირვალობის შესახებ” კანონპროექტის მთავარი მომხსენებელია. ანრი ოხანაშვილი ოპოზიციონერი დეპუტატების კითხვების დიდ ნაწილს არ პასუხობს. მათ შორის იმას, თუ რამდენი მედია და არასამთავრობო ორგანიზაცია მოექცევა კანონის რეგულირების ქვეშ. რა კითხვები აქვთ დღეს დეპუტატებს და რას პასუხობს მათ რუსული კანონის ერთ-ერთი შემოქმედი? #ახალიამბები #BusinessMediaGeorgia
პარლამენტში პლენარული სესია სიტყვიერი და ფიზიკური დაპირისპირების ფონზე გაიხსნა. დაპირისპირება შალვა პაპუაშვილის მხრიდან ლევან ხაბეიშვილის მიმართ თანაგრძნობის გამოხატვას მოჰყვა, რომელიც გუშინ საპოლიციო ძალებმა აქციაზე სცემეს. ეს კი ოპოზიციამ გააპროტესტა. უმრავლესობის წევრებმა კი მათ წყლის ბოთლები და წიგნები ესროლეს. სასესიო დარბაზში, სადაც ე.წ რუსული კანონის მეორე მოსმენით განხილვა მიმდინარეობს, ახლაც ხმაურია. პარლამენტის თავმჯდომარემ სხდომათა დარბაზიდან რამდენიმე ოპოზიციონერი დეპუტატი უკვე გააძევა. რა ხდება საკანონმდებლო ორგანში? #ახალიამბები #BusinessMediaGeorgia
#ბიზნესსიახლეები bm.ge-სგან / 30.04.2024 დაარსების დღიდან, ბრენდის შექმნასა და განვითარებაში საერთაშორისო ორგანიზაციები გვეხმარებიან - „ალალის“ დამფუძნებელი; „მოსკოვის რეისებით ძირითადად ქართველი მომხმარებლები სარგებლობენ“ – Buslines; წელს „სმარტერი“ ახალ ფილიალს ბათუმში გახსნის - რა გეგმები აქვს კომპანიას? „ვფიქრობთ, უძრავ ქონებაზე 5-7 წელი ეს ბუმი გაგრძელდება“ – „ციტადელი“; „300$ მაინც მიაქვს მიწის ფასს“ - რა უჯდება დეველოპერს უძრავი ქონების აშენება? #ახალიამბები #BusinessMediaGeorgia
როგორი ეფექტი ექნება ისედაც გრძელი უქმეების კიდევ უფრო დაგრძელებას ეკონომიკაზე მთავრობის კანცელარიის მხრიდან განმარტებული არ არის. 2024 წლის მარტში, წლიურად ეკონომიკა 8.2%-ით გაიზარდა, ხოლო I კვარტალის საშუალო რეალურმა ზრდამ 7.8% შეადგინა. საქსტატის წინასწარი შეფასებით, კერძო სექტორის ანუ დღგ-ის გადამხდელი კომპანიების ბრუნვამ 12.7 მილიარდი ლარი შეადგინა, რაც წინა წელთან შედარებით 8.5%-ით მეტია. მაღალი ეკონომიკური ზრდის შენარჩუნება გარკვეულწილად კვლავ რუსეთის მიერ უკრაინაში დაწყებული ომის შედეგად გაჩენილ ეფექტებს უკავშირდება - ასე აფასებს სპეციალისტების ნაწილი ეკონომიკური ზრდის ტენდენციებს. #ახალიამბები #BusinessMediaGeorgia
ე.წ რუსულ კანონს დღეს პლენარულ სესიაზე მეორე მოსმენით განიხილავენ. განხილვა პარლამენტში პროტესტის ფონზე ჩაივლის. 18:00 საათზე, ილიას სახელმწიფო უნივერსიტეტისა და თბილისის სახელმწიფო უნივერსიტეტის სტუდენტები ერთობლივ მარშს გამართავენ. 19 საათზე კი რუსული კანონის გასაპროტესტებლად მოქალაქეები რუსთაველზე, პარლამენტის წინ შეიკრიბებიან. მმართველი პარტიის წარმომადგენლები ამბობენ, რომ არსად არ ეჩქარებათ და მუხლობრივ განხილვებს თუ საჭირო გახდება რამდენიმე დღე გააგრძელებენ. წინა დღეებისგან განსხვავებით პარლამენტში მეორე მოსმენით საკითხზე მსჯელობა დილიდან არ დაწყებულა და ვიდრე ე.წ რუსულ კანონზე დაიწყებოდა სხდომაზე განხილვები სხვა საკითხები იყო დღის წესრიგში. #ახალიამბები #BusinessMediaGeorgia
პარლამენტში ე.წ რუსული კანონის მეორე მოსმენით განხილვა მიმდინარეობს. ფრაქცია “ქართული ოცნების” საკანონმდებლო ინიციატივას, იურიდიულ საკითხთა კომიტეტის თავმჯდომარე ანრი ოხანაშვილი წარადგენს. ამ წუთებში სასესიო დარბაზში დეპუტატები სვამენ კითხვებს. #ახალიამბები #BusinessMediaGeorgia
ე.წ რუსულ კანონს დღეს პლენარულ სესიაზე მეორე მოსმენით განიხილავენ. განხილვა პარლამენტში პროტესტის ფონზე ჩაივლის. 18:00 საათზე, ილიას სახელმწიფო უნივერსიტეტისა და თბილისის სახელმწიფო უნივერსიტეტის სტუდენტები ერთობლივ მარშს გამართავენ. 19 საათზე კი რუსული კანონის გასაპროტესტებლად მოქალაქეები რუსთაველზე, პარლამენტის წინ შეიკრიბებიან. რა საფრთხეს უქმნის ქვეყანას და მის ევროპულ პერსპექტივას გამჭვირვალობის სახელით ინიცირებული რუსული კანონი? სტუმარი: ლაშა ტუღუში - „ლიბერალური აკადემიის“ თავმჯდომარე; #ახალიამბები #BusinessMediaGeorgia
2024 წლის მარტში, წლიურად ეკონომიკა 8.2%-ით გაიზარდა, ხოლო I კვარტლის საშუალო რეალურმა ზრდამ 7.8% შეადგინა. საქსტატის წინასწარი შეფასებით, კერძო სექტორის ანუ დღგ-ის გადამხდელი კომპანიების ბრუნვამ 12.7 მილიარდი ლარი შეადგინა, რაც წინა წელთან შედარებით 8.5%-ით მეტია. მარტში ზრდის მიმართულებით მნიშვნელოვანი წვლილი შეიტანა შემდეგმა ისეთმა დარგებმა, როგორებიცაა: დამმუშავებელი მრეწველობა, ინფორმაცია და კომუნიკაცია, პროფესიული, სამეცნიერო და ტექნიკური საქმიანობები, უძრავ ქონებასთან დაკავშირებული საქმიანობები. რის ხარჯზე ნარჩუნდება მაღალი ეკონომიკური ზრდა და როგორია მოლოდინები? #ახალიამბები #BusinessMediaGeorgia
#ბიზნესსიახლეები bm.ge-სგან / 29.04.2024 "ზაფხულის სეზონზე ფასები გაზრდილია" - სად გეგმავს ქართველი მომხმარებელი დასვენებას? "მოსაზრება, რომ სასკოლო ექსკურსიები გაძვირდა, არასწორია" - მგზავრთა გადამყვანი კომპანია Buslines-ი; შვიდმა ქართულმა ღვინის მარანმა ლონდონის გამოფენაში მიიღო მონაწილეობა; საქართველოში “ესთეტიკური მედიცინის საერთაშორისო ასოციაცია” დაფუძნდა; მეცნიერება, განათლება, მედიცინა - AI-ს ყველა სექტორზე ექნება გავლენა - PulsarAI; #ახალიამბები #BusinessMediaGeorgia
შუა დერეფნის ეფექტიანობის გაზრდა და ტრანსკასპიურ დერეფანში საქართველოს სატრანზიტო პოტენციალის გაფართოება - ამ საკითხებზე USAID-ი და მაერსკი თანამშრომლობას იწყებენ. როგორც დღეს გამართულ ღონისძიებაზე აღინიშნა, საქართველოზე გამავალი სატრანსპორტო დერეფნის განვითარებისთვის არაერთი მიმართულებითაა სამუშაო, მათ შორის ინფრასტრუქტურის გაუმჯობესება და პროცესების გაციფრულება. ამ მიმართულებით ერთ-ერთ გამოწვევად ასევე აღინიშნა, დერეფანში ტვირთების გადაზიდვის კონტეინერიზაციის დონის ამაღლების საჭიროება. რა სჭირდება შუა დერეფანს კონკურენტუნარიანობის ასამაღლებლად და რა ნაბიჯები იდგმება ამ მიმართულებით. #ახალიამბები #BusinessMediaGeorgia
"ჩამოგერთვათ სიტყვა", "დატოვეთ დარბაზი", "გაბრძანდით", "ეს არ არის მერე მოსმენის კითხვა", "კითხვა სად არის?", "ეს კითხვა არ არის", "გაგეთიშათ მიკროფონი" ,”გადახვედით კანონის შეფასებაზე, სიტყვა ჩამოგერთვათ”, “გაფრთხილებული ხართ”- საქართველოს პარლამენტში სადაც იურიდიულ საკითხთა კომიტეტზე რუსულ კანონს მხარი დაუჭირეს ყველაზე ხშირად სწორედ ეს სიტყვები ისმოდა. კომიტეტის თავმჯდომარე ანრი ოხანაშვილმა სხდომის დაწყებიდან რამდენიმე საათშივე ოპოზიციონერი დეპუტატების დიდი ნაწილი დარბაზიდან გაუშვა. კითხვების დასმის მცდელობისას ანალოგიური იყო შეფასებები NGO-ების მიმართაც. #ახალიამბები #BusinessMediaGeorgia
დატოვეთ დარბაზი! ჩამოგერთვათ სიტყვა! - რუსული კანონის განხილვა დეპუტატების გაძევების ფონზე მიმდინარეობს. ანრი ოხანაშვილმა დარბაზი ყველა ოპოზიციონერს დაატოვებინა. ე.წ. რუსული კანონი მეორე მოსმენით იურიდიულ საკითხთა კომიტეტზე დილიდან განიხილება. მმართველი გუნდი კვლავ ირწმუნება, რომ კანონი რუსული არ არის, ოპოზიციონერმა რომან გოცირიძემ კი განაცხადა, რომ გამჭვირვალობის კანონში ჯარიმების ხანდაზმულობის ვადაც კი პირდაპირ რუსულიდან არის ნათარგმნი პარლამენტარები კანონპროექტის პირველ მუხლს განიხილავენ. სხდომაზე კითხვები დასვეს არასამთავრობო სექტორის წარმომადგენლებმაც. #ახალიამბები #BusinessMediaGeorgia
შუა დერეფნის ეფექტიანობის გაზრდა და ტრანსკასპიურ დერეფანში საქართველოს სატრანზიტო პოტენციალის გაფართოება - ამ საკითხებზე USAID-ი და მაერსკი თანამშრომლობას იწყებენ. როგორც დღეს გამართულ ღონისძიებაზე აღინიშნა, საქართველოზე გამავალი სატრანსპორტო დერეფნის განვითარებისთვის არაერთი მიმართულებითაა სამუშაო, მათ შორის ინფრასტრუქტურის გაუმჯობესება და პროცესების გაციფრულება. ამ მიმართულებით ერთ-ერთ გამოწვევად ასევე აღინიშნა, დერეფანში ტვირთების გადაზიდვის კონტეინერიზაციის დონის ამაღლების საჭიროება. #ახალიამბები #BusinessMediaGeorgia
"მოგიწოდებთ , დადგეთ იქ, სადაც დღეს თქვენი შვილები დგანან! 57 ქართველი დიპლომატი განცხადებას ავრცელებს. დიპლომატები აცხადებენ, რომ ბიძინა ივანიშვილმა და „ქართულმა ოცნებამ“ საგარეო პოლიტიკური კურსი დასავლეთიდან რუსეთისკენ შეცვალეს. მათი თქმით, დღეს სიჩუმე თანამონაწილეობას ნიშნავს და რადგან ხელისუფლება ევროპას გვაშორებს, ხმა ყველამ უნდა ამოიღოს. 57 დიპლომატი ერთობლივ განცხადებაში, კოლეგა დიპლომატებს, რომლებიც დღეს საჯარო სამსახურში არიან, ხმის ამოღებისკენ მოუწოდებს. სად მივყავართ მთავრობას? რას ნიშნავს რუსული კანონის მიღება? სტუმარი: თენგიზ ფხალაძე - ბრიუსელის საერთაშორისო პოლიტიკური ეკონომიკის ევროპული ცენტრის ECIPE-ის უფროს მკვლევარს, ჯიპა-ს ასოცირებულ პროფესორი #ახალიამბები #BusinessMediaGeorgia
რუსული კანონის განხილვა გრძელდება. პარლამენტის იურიდიულ საკითხთა კომიტეტზე დილიდან ქართული ოცნების კანონპროექტს მუხლობრივად განიხილავენ. ოპოზიციონერ დეპუტატებს იურიდიულ საკითხთა კომიტეტის სხდომის გადადების ინიციატივის გაჟღერება სურდათ, თუმცა კომიტეტის თავმჯდომარე ანრი ოხანაშვილმა განაცხადა, რომ „პროცედურასთან დაკავშირებით კითხვა არ არის“. სხდომიდან 7 ოპოზიციონერი დეპუტატი გააძევეს. მმართველი გუნდი კვლავ ირწმუნება, რომ კანონი რუსული არ არის, ოპოზიციონერმა რომან გოცირიძემ კი განაცხადა, რომ გამჭვირვალობის კანონში ჯარიმების ხანდაზმულობის ვადაც კი პირდაპირ რუსულიდან არის ნათარგმნი. #ახალიამბები #BusinessMediaGeorgia
15 მაისიდან მათთვის, ვინც გაყიდვების სფეროში პრაქტიკულ კურსს ეძებს ბიზნესსაკონსულტაციო კომპანია და კომპანიების მართვის 20-წლიანი და სხვადასხვა სფეროში გაყიდვების მართვის 15-წლიანი გამოცდილების ტრენერი მონაწილეებს პრაქტიკულ და რეალური ცოდნის გაზიარებას სთავაზობენ. სტუმარი: ნანა აბურჯანიძე, ბიზნესსაკონსულტაციო კომპანია „სოლუშენერ“-ის დამფუძნებელი და დირექტორი; #ახალიამბები #BusinessMediaGeorgia
ე.წ ოფშორების კანონთან დაკავშირებით მსჯელობისას განხილვაში უძრავი და მოძრავი ქონების მფლობელთა პროცედურული საკითხები ერთიანად არის. ტურიზმის სექტორის წარმომადგენლები ქონების გადასახადის სეზონურად გადახდას ითხოვენ. მაშინ, როდესაც ქვეყნის სხვადასხვა ტურისტულ არეალში სეზონი რამდენიმე თვე გრძელდება, ბიზნესს მთელი წლის ქონების გადასახადი უწევს. კერძო სექტორში ამბობენ, რომ თხოვნით მთავრობას არაერთხელ მიმართეს, თუმცა უშედეგოდ. ბიზნესის ნაწილისთვის გაუგებარია, რატომ არ შეიძლება მათთვის შეღავათის დაწესებამ, როდესაც მთავრობა ოფშორიდან გადმოსულ კომპანიებს შეღავათებს უწესებს. #ახალიამბები #BusinessMediaGeorgia
პოლონეთთან საქართველოს კავშირები რიცხვებშიც საინტერესოა, ბოლოს განახლებულ ტურიზმის სტატისტიკაშიც ჩანს რომ ევროკავშირის ქვეყნებიდან ყველაზე მეტი ტურისტი პირველ კვარტალში ქვეყანაში სწორედ პოლონეთიდან გვყავდა- 11,734. საქმიან ურთიერთობებში იმპორტის მაჩვენებლებში იანვარ-მარტში პოლონეთთან $72.8 მლნ იყო და ზრდა - 23%-ია. პოლონური კომპანიების საქართველოს ეკონომიკასთან უფრო მჭიდრო კავშირების გასაბმელად და კონტაქტებისთვის პოლონეთის ინვესტიციების და ვაჭრობის სააგენტო სხვა და სხვა აქტივობებს წლებია ახორციელებს. სტუმარი: გვანცა გრიგალაშვილი - პოლონეთის ინვესტიციების და ვაჭრობის სააგენტოს თბილისის ოფისის ხელმძღვანელი; #ახალიამბები #BusinessMediaGeorgia
ექსპოზე რომელიც 3 დღე გაგრძელდება ქართულ კომპანიებთან ერთად სტუმრებს 20 სხვა და სხვა ქვეყნიდან 220-მდე კომპანია ხვდება და მათ შორის არიან პოლონური კომპანიები რომლებიც სხვა და სხვა პროდუქტს მათ შორის სამშენებლო ბლოკებს, წყლის მრიცხველებს, მოდურ სახურავებს. ფარდაჟალუზებსა და არაერთ სხვა მიმართულების პროდუქტს მოიცავს. #ახალიამბები #BusinessMediaGeorgia
#ბიზნესსიახლეები bm.ge-სგან / 26.04.2024
ტურიზმის სექტორის წარმომადგენლები ქონების გადასახადის სეზონურად გადახდას ითხოვენ. მაშინ, როდესაც ქვეყნის სხვადასხვა ტურისტულ არეალში სეზონი მხოლოდ რამდენიმე თვე გრძელდება, ბიზნესს მთელი წლის ქონების გადასახადის გადახდა უწევს. კერძო სექტორში ამბობენ, რომ შესაბამისი თხოვნით მთავრობას არაერთხელ მიმართეს, თუმცა უშედეგოდ. ბიზნესის ნაწილისთვის გაუგებარია, რატომ არ შეიძლება მათთვის შეღავათის დაწესება, როდესაც მთავრობა ოფშორიდან გადმოსულ კომპანიებს შეღავათებს უწესებს. #ახალიამბები #BusinessMediaGeorgia
ვერ ვიტყოდით, რომ უძრავ ქონებაზე ფასების კლების მოლოდინი გვაქვს - ამის შესახებ RE/MAX Capital-ის დამფუძნებელი და დირექტორი მარიამ ასათიანი აცხადებს. მისი თქმით, მიმდინარე წელს უძრავი ქონების გაიაფება მოსალოდნელი არაა, ვინაიდან მოთხოვნა საკმაოდ მაღალია. Ეს განცხადება დღეს გამართულ უძრავი ქონების გამოფენაზე გაკეთდა. Რა ძირითადი ტენდენციებია ბაზარზე და რამდენად მზარდია საერთაშორისო ინვესტორების ინტერესი? #ახალიამბები #BusinessMediaGeorgia
რეალურად რა ფასი აქვს ევროპარლამენტის მიერ მიღებულ რეზოლუციას, რამდენად არსებობს ევროკავშირთან ვიზალიბერალიზაციის გადახედვის და შეჩერების რისკი და რა საფრთხეების წინაშე დადგება საქართველო, თუკი მმართველი გუნდი მაინც მიიღებს ე.წ აგენტების კანონს? სტუმარი: გიგი გიგიაძე - EPRC-ის უფროსი მკვლევარი; #ახალიამბები #BusinessMediaGeorgia
ფინანსთა მინისტრი ირწმუნება, რომ ოფშორებიდან საქართველოში აქტივების გადმოტანა კომპანიებს საშუალებას მისცემს, ეკონომიკის განვითარებაში დიდი წვლილი შეიტანონ. თუმცა ლაშა ხუციშვილს ინფორმაცია არ აქვს, ოფშორებიდან საქართველოში, დაახლოებით, რამდენმა კომპანიამ შეიძლება აქტივები გადმოიტანოს. ამასთან, მინისტრი ამბობს, რომ ყველა კომპანია საშემოსავლო და მოგების გადასახადის გადახდას აქტივების გადმოტანისთანავე დაიწყებს. როგორც აღმოჩნდა, საგადასახადო შეღავათების მომზადებისას ხელისუფლებას ბიზნესთან კომუნიკაცია არ ჰქონია. ლაშა ხუციშვილი გუშინ ბიზნესის წარმომადგენლებს შეხვდა. რაზე აქვს ან არ აქვს ლაშა ხუციშვილს პასუხები? #ახალიამბები #BusinessMediaGeorgia
#ბიზნესსიახლეები bm.ge-სგან / 25.04.2024 რა საინვესტიციო ვალდებულებით გადასცემს სახელმწიფო "კურორტ საირმეს" 1 368 ჰა მიწას 49 წლით? - განკარგულება; მარტში, უნაღდო დანახარჯების მოცულობა და რაოდენობა გაზრდილია - თიბისი კაპიტალი; საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს; ვაშლის ექსპორტი 5-ჯერ შემცირდა - მთავარი ბაზარი კვლავ რუსეთია; “გასულ წელს სახელმწიფო ბიუჯეტში ჩვენი შენატანი ₾25 მილიონი იყო” - “დრესაპ ჯგუფი”; #ახალიამბები #BusinessMediaGeorgia
2024 წლიდან ქვეყანაში ავტომობილების იმპორტი, რომლებიც ევრო 5 სტანდარტს ვერ აკმაყოფილებენ აიკრძალა. აკრძალვა შეეხო იმ მანქანებსაც, რომლებიც ევრო 5 სტანდარტთან თავსებადია, თუმცა მათი ქვეყანაში შემოტანა ისეთი ქვეყნებიდან ხდება სადაც ვალდებულება ამ ტიპის ტრანსპორტზე არ არის და მფლობელებს თუნდაც ბოლო 2-3 წელში გამოშვებული მანქანის სტანდარტებთან შესაბამისობის დამტკიცება უჭირთ. ავტომფლობელებს აღნიშნული სტანდარტის დაკმაყოფილების სერტიფიკატებს სთხოვენ, რომლის მოპოვებაც საქართველოში შეუძლებელია, ხოლო რეგიონის ქვეყნებში ძალიან ძვირი ღირს. რა პრობლემაზე საუბრობენ ავტოიმპორტიორები, სად ხედავენ გამოსავალს და რა არგუმენტები აქვთ გარემოს დაცვისა და სოფლის მეურნეობის სამინისტროში? #ახალიამბები #BusinessMediaGeorgia
2023 წელს ფინანსთა სამინისტროს დავების განხილვის საბჭოში 2 872 საჩივარი შევიდა, სადავო თანხამ კი მილიარდ 55 მილიონი ლარი შეადგინა. უწყების მიერ გამოქვეყნებული ანგარიშის მიხედვით, შესული საჩივრებიდან საბჭომ გადაწყვეტილება 2 415 საქმეზე მიიღო. მიღებული გადაწყვეტილებებით სრულად და ნაწილობრივ დაკმაყოფილდა 684 საჩივარი, 1 438 მომჩივანს უარი ეთქვა, ხოლო 293 საჩივარი განუხილველი დარჩა მომჩივნის მიერ სხვადასხვა პროცედურული მოთხოვნის დარღვევის ან დავის შეწყვეტის გამო. ანგარიშის მიხედვით, განხილული საჩივრებიდან უმეტესი ნაწილი წარმოდგენილი იყო შპს-ების და ფიზიკური პირების, მათ შორის ინდივიდუალური მეწარმეების მიერ. #ახალიამბები #BusinessMediaGeorgia
კაპიტალის ბაზრის მხარდამჭერი პროგრამა ბიზნესისთვის. მეწარმეებს, რომელთა წლიური შემოსავალი 60 მილიონ ლარამდეა, აწარმოე საქართველოში ბონდების გამოშვებაში დაეხმარება. პროგრამა ორ კომპონენტს: თანადაფინანსებისა და ტექნიკური დახმარების შესაძლებლობას იძლევა. 60 მილიონ ლარზე მეტი შემოსავლის მქონე კომპანიებს კი USAID-ი დაეხმარება. #ახალიამბები #BusinessMediaGeorgia
2023 წელს ფინანსთა სამინისტროს დავების განხილვის საბჭოში 2 872 საჩივარი შევიდა, სადავო თანხამ კი მილიარდ 55 მილიონი ლარი შეადგინა. უწყების მიერ გამოქვეყნებული ანგარიშის მიხედვით, შესული საჩივრებიდან საბჭომ გადაწყვეტილება 2 415 საქმეზე მიიღო. მიღებული გადაწყვეტილებებით სრულად და ნაწილობრივ დაკმაყოფილდა 684 საჩივარი, 1 438 მომჩივანს უარი ეთქვა, ხოლო 293 საჩივარი განუხილველი დარჩა მომჩივნის მიერ სხვადასხვა პროცედურული მოთხოვნის დარღვევის ან დავის შეწყვეტის გამო. ანგარიშის მიხედვით, განხილული საჩივრებიდან უმეტესი ნაწილი წარმოდგენილი იყო შპს-ების და ფიზიკური პირების, მათ შორის ინდივიდუალური მეწარმეების მიერ. #ახალიამბები #BusinessMediaGeorgia
ამ წლიდან ამოქმედებულმა ჰაერის დაბინძურებასთან ბრძოლის მიზნით მთავრობის ახალმა რეგულაციამ ევრო 5-ზე ნაკლები სტანდარტის მქონე მანქანების იმპორტი აკრძალა. გამოსავალი რომელიც ჩვენი მიმართვის საფუძველზე პასუხისმგებელი უწყებისგან მოვისმინეთ რამდენად აძლევს ბიზნესს შეუფერხებლად მუშაობის საშუალებას არის თუ არა კერძო სექტორის მხრიდან სამსჯელოდ შეთავაზებული რამე ფორმის ალტერნატივა, მით უფრო რომ პირველ იანვარს ამოქმედებული კანონის პროექტი რამდენიმე თვით ადრე ხელმისაწვდომი იყო. სტუმარი: ალექსი ნონიაძე - ავტოიმპორტიორთა ასოციაციის ხელმძღვანელი; #ახალიამბები #BusinessMediaGeorgia
2024 წლიდან ქვეყანაში ავტომობილების იმპორტი, რომლებიც ევრო 5 სტანდარტს ვერ აკმაყოფილებენ აიკრძალა. აკრძალვა შეეხო იმ მანქანებსაც, რომლებიც ევრო 5 სტანდარტთან თავსებადია, თუმცა მათი ქვეყანაში შემოტანა ისეთი ქვეყნებიდან ხდება სადაც ვალდებულება ამ ტიპის ტრანსპორტზე არ არის და მფლობელებს თუნდაც ბოლო 2-3 წელში გამოშვებული მანქანის სტანდარტებთან შესაბამისობის დამტკიცება უჭირთ. ავტომფლობელებს აღნიშნული სტანდარტის დაკმაყოფილების სერტიფიკატებს სთხოვენ, რომლის მოპოვებაც საქართველოში შეუძლებელია, რეგიონის ქვეყნებში კი სერვისი ძვირია. რა პრობლემაზე საუბრობენ ავტოიმპორტიორები, სად ხედავენ გამოსავალს და რა არგუმენტები აქვთ გარემოს დაცვისა და სოფლის მეურნეობის სამინისტროში? #ახალიამბები #BusinessMediaGeorgia
მცირე და საშუალო ბიზნესისთვის ფინანსებზე ხელმისაწვდომობა ერთ-ერთი მთავარი გამოწვევაა. არაერთი კვლევის მიხედვით, დამწყებ მეწარმეებს ის ხელს უშლის საქმიანობის განვითარებასა თუ პროდუქციის ექსპორტზე გატანაში. "ახალი თავი ქვეყნის ისტორიაში" - ასე აფასებენ პროგრამის ავტორები ახალ წამოწყებას. აწარმოე საქართველოში ირწმუნებიან, რომ ახალი პროგრამა ბიზნესს დაფინანსების ალტერნატიულ წყაროს გაუჩენს. როგორც სააგენტოში აღნიშნავენ, უწყება სხვადასხვა მექანიზმით მეწარმეებს ფასიანი ქაღალდების გამოშვებაში დაეხმარება. ამ შემთხვევაში სექტორები შეზღუდული არ არის, ის არ შეეხება მხოლოდ რელიგიურ საქმიანობებს, აზარტულ თამაშებსა და იარაღის წარმოებით დაკავებულ კომპანიებს. კაპიტალის ბაზრის მხარდამჭერი პროგრამა USAID-თან თანამშრომლობით ტარდება. საერთაშორისო ორგანიზაცია ინოვაციურ პროგრამების, კერძო სექტორის მხარდაჭერას აგრძელებს. #ახალიამბები #BusinessMediaGeorgia
ეროვნული ბანკის საბჭოს კანდიდატის მსურველთა შერჩევის მეორე ეტაპის დასრულდა. 8 კანდიდატმა გასაუბრება გუშინ სპეციალურად შექმნილი კომისიის წინაშე გაიარა. რეკომენდაციები, რომლებიც პრეზიდენტისთვის კომისიის მხრიდან გაიცემა, ჯერ უცნობი რჩება. არსებული ინფორმაციით, გასაუბრების შედეგებს კომისია პრეზიდენტს პირველ მაისამდე წარუდგენს. კომისიის წინაშე ლაშა ქავთარაძე; მამუკა ჯიბუტი; ეკატერინე ღაძაძე; გიორგი თაბუაშვილი; არჩილ იაკობაშვილი, ვახტანგ ჭარაია და ლევან სურგულაძე წარდგნენ. რა პასუხები ჰქონდათ კანდიდატებს გასაუბრებაზე დასმულ კითხვებზე და ვინ მოსწონთ დეპუტატებს? #ახალიამბები #BusinessMediaGeorgia
შარშან ყაზახეთიდან საქართველოში შემოსულმა სავალუტო შემოდინებებმა თითქმის მილიარდ დოლარს მიაღწია - ამის შესახებ თიბისი კაპიტალის კვლევაშია აღნიშნული, რომელიც დღეს ბიზნეს ასოციაციაში გამართულ შეხვედრაზე წარადგინეს. შეხვედრაზე ყაზახეთსა და საქართველოს შორის ეკონომიკური ურთიერთობები და შუა სატრანსპორტო დერეფნის განვითარების საკითხები განიხილეს. როგორც ყაზახურ-ქართულ ეკონომიკურ გაერთიანებაში აცხადებენ, საქართველოს, აზერბაიჯანისა და ყაზახეთის მიერ დაფუძნებულმა ერთობლივმა კომპანია ხელს შეუწყობს შუა დერეფანში გადმომისამართებული ტვირთების შენარჩუნებას. #ახალიამბები #BusinessMediaGeorgia