თბილისის მიწათსარგებლობის გენერალური გეგმის სამუშაო ჯგუფის ხელმძღვანელი მერაბ ბოლქვაძე. როგორც იცით, ამ ეტაპზე მერია საბოლოო შენიშვნებით დაბრუნებულ დოკუმენტს სწავლობს და ალბათ, მიმდინარე თვის ბოლომდე გავიგებთ, მოეწონება თუ არა თბილისის მთავრობას გენგეგმის პროექტი, რომლის ავტორები შარშან ხარვეზების გამო დაჯარიმდნენ. მანამდე კი გადავწყვიტეთ, თქვენთან ერთად გავეცნოთ იმ პირის ბიოგრაფიას და გამოცდილებას, რომელსაც თბილისის მთავარი დოკუმენტი ჩააბარეს. აქ ძირითადად, ზოგადი ხასიათის შეკითხვებია დასმული და პასუხები ალბათ, გარკვეულ ინფორმაციას მოგცემთ იმის შესახებ, რა ტიპის გადაწყვეტები შეიძლება ამ არქიტექტორმა, თავისი გამოცდილებიდან და ხედვებიდან გამომდინარე ქალაქს შესთავაზოს, - აკადემიური, ნოვატორული, თუ არცერთი. ასევე ნახავთ, რა გარემოში ცხოვრობს. დასკვნებს თავად გააკეთებთ.
საჯარო სამსახურის ბიუროს "საერთაშორისო გამჭვირვალობა-საქართველოს" კვლევაზე შეკითხვები აქვს. როგორც bm.ge-ს საჯარო სამსახურის ბიუროს ხელმძღვანელმა ეკატერინე ქარდავამ განუცხადა, კვლევა, რომელიც ორგანიზაციამ გამოაქვეყნა, "მთლად სწორი არ უნდა იყოს". ქარდავას განარტებით, მაგალითად, კვლევაში არის მითითებული ირმა გელაშვილი, რომელსაც უწერია დეკლარაციაში, რომ მამისგან ნაჩუქარი აქვს 20 ათასი ლარი. სტუმარი: ერეკლე ურუშაძე "საერთაშორისო გამჭვირვალობა-საქართველოს” ანალიტიკოსი
საპენსიო რეფორმაზე მსჯელობას პარლამენტის დარგობრივი ეკონომიკისა და ეკონომიკური პოლიტიკის კომიტეტი იწყებს. შეიძლება ითქვას, რომ ეს კომიტეტი კანონპროექტის პირველი მოსმენის ეტაპზე ბოლო გაჩერებაა. დაგროვებით პენსიის შესახებ კანონის განხილვებმა პარლამენტშიც და მის გარეთ, არასამთავრობო სექტორში მთელი რიგი შენიშვნებით ჩაიარა, რასაც „საქმის კურსი“ პერიოდულად დროს უთმობს. სტუმარი: რომან კაკულია - პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარე
შეთანხმება მიღწეულია - 200 მილიონიანი დავა "ჯორჯიან მანგანეზსა” და სახელმწიფოს შორის დასრულდა.
საქსტატის წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2017 წელს მილიარდ 862 მილიონ აშშ დოლარი შეადგინა, რაც 16.2 პროცენტით აღემატება 2016 წლის შესაბამის მაჩვენებელს. საანაგარიშო პერიოდში გაზრდილია რეინვესტიციის წილიც მთლიან ინვესტიციებში.
პროექტ რეფორმეტრის ფარგლებში, კაპიტალის ბაზრის განვითარების შესახებ, რეფორმის მეორე ფაზის შეფასების პრეზენტაცია გაიმართა. შეხვედრას კერძო სექტორთან ერთად, ეროვნული ბანკის ვიცე-პრეზიდენტი, ფინანსთა მინისტრის მოადგილე და ასევე ევროპის რეკონსტრუქციისა და განვითარების ბანკის რეგიონული დირექტორი ბრუნო ბალვანერა ესწრებოდნენ.
ყველაზე ძვირადღირებული კლუბები #NBA-ში
„საქართველოს დარგობრივი და რეგიონული განვითარების კომპანია“ საპარტნიორო ფონდის შვილობილი კომპანიაა. კომპანიის ფუნქციებს შორისაა ქვეყნის დაჩქარებული განვითარებისთვის დარგობრივი პრიორიტეტების და მათი რეგიონული განზომილების კვლევა ფარდობითი უპირატესობის გათვალისწინებით; ასევე, შესაბამისი ბიზნეს-პროექტების იდეების ინიცირება, განხილვა, მათი პირველადი დამუშავება და შემდეგ უკვე შერჩეული პროექტების საპარტნიორო ფონდისთვის წარდგენა. სტუმარი: მირიან გოგიაშვილი - „საქართველოს დარგობრივი და რეგიონული განვითარების კომპანიის“ დირექტორი
სამომხმარებლო და ინდუსტრიული პროდუქტების უსაფრთხოებაზე კონტროლი მკაცრდება. “პროდუქტის უსაფრთხოებისა და თავსუფალი მიმოქცევის კოდექსში” ცვლილებების პროექტი უკვე პარლამენტშია. სიცოცხლისთვის უსაფრთხო პროდუქციის ბაზარზე განთავსებას მეთვალყურეობას ტექნიკური და სამშენებლო ზედამხედველობის სააგენტო გაუწევს, რომელიც ახალი ფუნქციებით აღიჭურვება. რას გულისმხობს ცვლილებები და რა ვალდებულებები უჩნდება მეწარმე-სუბიექტებს.
საქართველოში 2010 წლიდან ტყავის გადამამუშავებელი საწარმო ფილიმასკა მუშაობს, სადაც დაახლოებით 100 ადამიანია დასაქმებული, რომლებიც თვეში 200 ტონამდე ტყავს გადაამუშავებენ. ზოგადად, ეს დარგი საბჭოთა კავშირის შემდეგ პრაქტიკულად ვერ ვითარდებოდა. პრობლემები დღესაც არის, თუმცა გეგმები და პერსპექტივები ამ ბიზნესის ავტორებს ხელის ჩაქნევის უფლებას არ აძლევს. სტუმარი: ვახო ნიკოლაიშვილი - "ფილიმასკას" დამფუძნებელი
მაღალჩინოსნებისა და მათი ოჯახის წევრების მიერ მიღებული საჩუქრები და კანონის შესაძლო დარღვევის ფაქტები - ამ საკითხებს ეხება „საერთაშორისო გამჭვირვალობა საქართველოს“ მიერ გამოქვეყნებული კვლევა. არასამთავრობო ორგანიზაცია მიიჩნევს, რომ თანამდებობის პირების მიერ მიღებული საჩუქრები დამატებით შესწავლას საჭიროებს და შესაბამისი რეკომენდაციებით საჯარო სამსახურის ბიუროს მიმართავს, რომელსაც აღნიშნულის მონიტორინგი ევალება.
რა გავლენა ექნება სამშენებლო მასალების შესახებ ევრორეგულაციებს საქართველოში მოქმედ ეკონომიკურ აგენტებზე? - ამ თემით ეკონომიკური პოლიტიკის კვლევის ცენტრი დაინტერესდა და შესაბამისი რეკომენდაციებიც დაწერა. როგორც ორგანიზაციის მიერ მომზადებულ დოკუმენტშია აღნიშნული, რეგულაციის გავლენა პირდაპირ ან ირიბად შეეხება სამშენებლო სფეროში 2017 წლის მდგომარეობით დასაქმებულ 75 000-მდე და სამშენებლო მასალების წარმოებაში დასაქმებულ 35 000 ადამიანს. სტუმრები: ნინო ევგენიძე - EPRC-ის აღმასრულებელი დირექტორი; თამარ ხორბალაძე - EPRC-ის ტრენინგ-პროგრამების მენეჯერი
ტაქსების რეგულირება თბილისში მაია ბითაძე - თბილისის მერის მოადგილე
იმერეთის რეგიონში აგროზონა შეიქმნება, რომელშიც კერძო-საჯარო პარტნიორობის მოდელით, დაახლოებით 100 მილიონი ლარის ინვესტიცია განხორციელდება. მთავრობაში ფიქრობენ, რომ ეს ინვესტიცია სასათბურე მეურნეობების განვითარებას დაეხმარება.
იანვრის ბოლოს ცნობილი გახდა, რომ თბილისში უფასო სამუშაო სივრცე ამოქმედდებოდა, სადაც დამწყები ბიზნესმენები საოფისე სერვისებს უფასოდ მიიღებენ, რომელიც მოიცავს მცირე და საშუალო ბიზნესისთვის საკონსულტაციო მომსახურების გაწევას, დამწყები მეწარმეების პროდუქციის პოპულარიზაციისთვის გამოფენა-გაყიდვების ორგანიზებას და ა.შ. მერიის ცნობით, საზიარო სამუშაო სივრცით სარგებლობა ერთდროულად 60 ადამიანს შეეძლება.
ღამის ეკონომიკა, სანქციების გამკაცრება გარევაჭრობის მიმართულებით, ჯარიმების ზრდა ქართული წარწერების გამოუყენებლობაზე, ეს იმ საკითხების ნაწილია, რომელზეც დღეს თბილისის მთავრობის სხდომაზე იმსჯელეს.
ტაქსების რეგულირების, ლიცნეზირების და ნებართვების საკითხი სულ უფრო აქტუალური ხდება. ეს ბუნებრივია, რადგან, რეგულაციების ამოქმედებამდე ცოტა დრო რჩება. სავარაუდო თარიღად კი ზაფხულის მიწურული სახელდება. სტუმარი: კახა კუჭავა - საპარლამენტო უმრავლესობის წევრი
როგორ აფასებენ კომერციული ატაშეს ინსტიტუტს დიპლომატები
აშშ , გერმანია, თურქეთი, დიდი ბრიტანეთი, არაბთა გაერთიანებული საემიროები და ჩინეთის სახახლო რესპუბლიკა - ეს ის 6 ქვეყანაა, სადაც პირველ ეტაპზე საქართველოს კომერციული ატაშეები ეყოლება. როგორც პრემიერ მინისტრმა მთავრობის დღევანდელი სხდომის დაწყებისას განაცხადა, საქართველოს ეკონომიკისა და მდგრადი განვითარების სამინისტრომ კომერციული ატაშეს თანამდებობაზე კონკურსი უკვე გამოაცხადა.
ბიზნესი, სასამართლო ხელისუფლება და ბიზნესასოციაციები დღეს სასამართლო ხელისუფლებაში არსებულ პრობლემებზე სასაუბროდ შეიკრიბნენ . შეხევდრა ევროკავშირი-საქართველოს ბიზნეს საბჭოს ინიციატივით ჩატარდა. EUGBC-ის ორგანიზებით ასეთი ფორმატის კონფერენცია პირველად იმართება. რა პრეტენზციები აქვს ბიზნესს და რას გეგმავს სასამართლო ხელისუფლება პრობლემების მოსაგარებლად.
კიდევ ერთი სადაო საკითხი ბიზნესში. საქმე ეხება რძის პროდუქტების მწარმოებელ კომპანია მილკო ფუდს, რომელიც ბაზარზე 2004 წლიდან ოპერირებს. საქმის კურსი ახლა შემოგთავაზებთ სიუჟეტს, სადაც კომპანიის 25%-იანი წილის მფლობელის გიორგი ბიძინაშვილის განცხადებებს მოისმენთ იმის შესახებ, თუ როგორ შეექმნა „მილკო ფუდს“ ფინანსური პრობლემები და რატომ ვერ ართმევს თავს კომპანია კრედიტორების წინაშე აღებულ ვალდებულებებს. ამ ყველაფრისთვის ბიძინაშვილი ბრალს მილკო ფუდის 50%-იანი წილის მფლობელ ძმებს ლევან და დავით ალავიძეებს სდებს.
დონალდ ტრამპი ახალ ტარიფებს აწესებს ალუმინსა და ფოლადზე,რამაც დოუ ჯონსის ინდექსის შემცირება გამოიწვია, 500მა უმდიდრესმა ადამიანმა კი 107 მილიარდი დოლარი დაკარგა.
კომპანია "ბადაგონის" თბილისის ოფისი დღეიდან მუშაობას წყვეტს და კრიზისული მართვის რეჟიმზე გადადის. როგორც კომპანიაში აცხადებენ, თბილისის ოფისის თანამშრომლები სამუშაოდ კახეთში, ზემო ხოდაშენსა და მანავში განთავსებულ „ბადაგონის“ საწარმოებში გადადიან. სტუმარი: გიორგი სალაყაია - ბადაგონის დამფუძნებელი
რძესა და რძის პროდუქტებზე რეგულაციები იზრდება, მეწარმეები კი მაინც პოულობენ გზებს კანონის გვერდის ასავლელად. მსხვილი მეწარმეები ე.წ. იატაკ ქვეშეთში გადანაცვლებულ ბიზნესებზე და დარგში არსებულ პრობლემებზე საუბრობენ. მათივე ინფორმაციით, ბაზარზე ნედლი რძის სერიოზული დეფიციტია, რაც დარგის განვითარებას ხელს უშლის. რას პასუხობს პრეტენზიებს სურსათის ეროვნული სააგენტო.
ავტობუსების წარმოების იდეა საქართველოში - ეს იდეა რამდენიმე წელია მძიმე მრეწველობის და მანქანათმშენებლობის დარგში მომუშავე კომპანიას “ეი-ეს გრუპი 1990”-ს აქვს. კომპანიამ ტერიტორია და ინვესტორი მოძებნა, თუმცა მიწის ნაკვეთის დაუფლებას ვერ ახერხებს. უფრო დეტალურად, რა გეგმები აქვს ამ კომპანიას საქართველოში და რა უშლის ხელს, დაიწყოს ავტობუსების ქარხნის მშენებლობა. სტუმარი: ავთანდილ საყვარელიძე - გენერალური დირექტორი
საქმის კურსის მაყურებელმა უკვე იცის ისტორიის ერთი ვერსია, რომელიც 2015 წელს ელიავას ბაზარზე დამწვარი საღებავების საწყობს და მაღაზიას „პროფიკოლ პლიუსს“ ეხება. რამდენიმე დღის წინ ამ კომპანიის იურისტმა დავით გელაშვილმა ჩვენს სტუდიაში განაცხადა, რომ ამ ხანძრისგან განადგურებული საწარმოს ბრენდით, კომპანიის ერთ-ერთმა ძველმა დირექტორმა ბოროტად ისარგებლა და ძველი დასახელებით, კანონიერი მფლობელების ნებართვის გარეშე, ხანძრიდან რამდენიმე დღეში იგივე პროდუქცია გამოუშვა. მედალს ორი მხარე აქვს, ისევე როგორც ამ საქმეს. სტუმრები: გიორგი ძიგუა - ადვოკატი; გიორგი გელაძე - ადვოკატი
საქართველოს პარლამენტში ადგილობრივი თვითმმართველობისა და დეცენტრალიზაციის სტრატეგიული ეროვნული ხედვის პრეზენტაცია გაიმართა, რომელიც დღეს საქართველოს პარლამენტის თავმჯდომარე ირაკლი კობახიძემ და პრემიერ მინისტრმა გიორგი კვირიკაშვილმა წარმოადგინეს. ახალი დოკუმენტის წარდგენას მთავრობის, პარლამენტის, სამოქალაქო საზოგადოების, დიპლომატიური კორპუსის და საერთაშორისო ორგანიზაციების წარმომადგენლები ესწრებოდნენ. უფრო დეტალურად რას გულისხმობს ახალი ხედვა და როგორ წარმოუდგენია მთავრობას თვითმმართველობების მეტი დეცენტრალიზაცია.
რას მიიღებს ქვეყანა საპენსიო რეფორმისგან და ვინ იქნება მთავარი მოგებული - მსოფლიო ბანკი, რომელიც მთავრობას რეფორმის შემუშავებაში ეხმარებოდა საპენსიო მოდელს აფასებს. ამასთან როგორ უნდა განვითარდეს ქვეყანაში მეწარმეობა, ეკონომიკა და საბანკო სფერო - ბანკის მთავარი ეკონომისტი ჰანს ტიმერი - ექსკლუზიური ინტერვიუ
ბიზნესმენი თამაზ გაიაშვილი თბილისის მერიას ბიუროკრატიული ბარიერების გამო აკრიტიკებს. ბიზნესმენი ამბობს, რომ სასტუმროს პროექტის შეთანხმებას 9 წელია უშედეგოდ ელოდება.
საპენსიო რეფორმის ამოქმედებამდე სულ უფრო ცოტა დრო რჩება. დაგროვებითი პენსიის შესახებ კანონპროექტის განხილვებმა საკანონმდებლო ორგანოში გადაინაცვლა და დეპუტატებმაც ინიციატორებს საკუთარი შენიშვნები და რეკომენდაციები დააყარეს. ჩვენ არაერთი ექსპერტის, პოლიტიკოსის და მოქალაქის აზრი მოვისმინეთ და კიდევ მოვისმენთ. საკუთარი ინიციატივები აქვს საპარლამენტო ფრაქციას “ქართული ოცნება - სოციალ-დემოკრატები”. სტუმარი: ბექა ნაცვლიშვილი - “ქართული ოცნება - სოციალ-დემოკრატების” ფრაქციის თავმჯდომარის მოადგილე
ეროვნული ბანკის ფინანსური სტაბილურობის კომიტეტმა პირველი სხდომა გამართა. ფინანსური სექტორის გამჭვირვალობის ზრდა, რისკების ანალიზი და მათი მონიტორინგი - ეს ამ კომიტეტის ამოცანების არასრული ჩამონათვალია. სხდომის შემდეგ ეროვნული ბანკის პრეზიდენტმა პრესკონფერენცია გამართა.
მრავალშვილიან ოჯახებს სტატუსი მიენიჭებათ და სოციალურ დახმარებას მიიღებენ. დღეს, პარლამენტის ჯანდაცვისა და სოციალურ საკითხთა კომიტეტი მრავალშვილიანი მშობლის სტატუსის შესახებ კანონპროექტის ინიცირების საკითხს იხილავს.
ინტერვიუ ბიზნესმენთან, რომლის მოსაზრებებს, გადაწყვეტილებებს, ახალ პროექტებს გავლენა მხოლოდ ელემენტარულ სამომხმარებლო ქცევებზე არ აქვს. ხელისუფლება მისგან ინვესტიციებთან ერთად, შეფასებებს ელოდება და ისმენს. სტუმარი: თემურ ჭყონია - "კოკა-კოლა ბოთლერს ჯორჯიას" დამფუძნებელი
როგორ დავაბნიოთ მომხმარებელი, რომელიც უკვე მიჩვეულია რომელიმე სასაქონლო ნიშნის ქვეშ გამოშვებული პროდუქციის მოხმარებას? - დღეს საქმის კურსი გაგაცნობთ ორ ამბავს, სადაც ჩანს, რომ ერთი ბრენდით შესაძლოა, ორმა სხვადასხვა კომპანიამ ნახოს შემოსავალი, ან ერთ-ერთი დაზარალდეს. პირველი საქმე ეხება საღებავების მწარმოებელ კომპანიას პროფიკოლ პლიუსს, რომლის საწარმო და მარაგები 2015 წელს ელიავას ბაზრობაზე გაჩენილი ხანძრის შედეგად დაიწვა, მეორე კი ჟორდანიას სახელობის კლინიკას. ორივე მათგანს დღეს ერთი ადვოკატი წარმოდგენს. ადვოკატი კი სასაქონლო ნიშნების მფლობელებს იმიტომ დასჭირდათ, რომ მათი განმარტებით, გარკვეულმა პირებმა უკვე არსებული დასახელებებით ისარგებლეს და ბიზნესი დაიწყეს. სტუმრები: დავით გელაშვილი - ადვოკატი; ანა ქურხული - "ვივო მედიქალ ჯგუფის" ფინანსური დირექტორი
ტაქსის მძღოლებისთვის რთულია წელია. ერთის მხრივ, მერია ამზადებს ლიცენზირების სისტემას, მეორეს მხრივ კი პარლამენტში უკვე ინიცირებულია კანონპროექტი, რომელიც ნებართვის გარეშე, ან სანებართვო პირობების დარღვევით ტაქსით გადაყვანა 200 ლართ დაჯარიმებას გამოიწვევს. სტუმარი: მამუკა მუმლაძე - მერიის ტრანსპორტის საქალაქო სამსახურის უფროსი
თბილისში კიდევ ერთი ბაზრობა დაიწვა. ხანძარმა, რომელიც დაახლოებით ღამის პირველის ნახევარზე გაჩნდა, 3000 კვადრატული მეტრი მოიცვა. ადგილზე 35 სახანძრო მანქანა მუშაობდა. სავაჭრო ცენტრი სახელწოდებით “ქალაქის გული” ცაბაძის ქუჩაზე, N8-ში მდებარეობს. აქ ხორციელდება როგორც საცალო, ისე საბითუმო ვაჭრობა. მოცემულ ობიექტში განთავსებულ მაღაზიებსა, თუ დახლებზე იყიდება სურსათი, თამბაქოს ნაწარმი, ალკოჰოლური სასმელები, ტანსაცმელი და სხვა პროდუქცია. რაც შეეხება სავაჭრო ცენტრის მფლობელებს - “ქალაქის გულის” 45 პროცენტს ნიდერლანდებში რეგისტრირებული “მორ ფანდ ჰოლდინგ ბი.ვი.” ფლობს, 44.57 პროცენტს საქართველოში რეგისტრირებული “თერგი I”, რომლის 100%-იანი წილის მფლობელი, თავის მხრივ ჯემალ ქადაგიშვილია, 5,43 პროცენტი ეკუთვნის შპს “კორპორაცია კოლხას”, დარჩენილი 5 პროცენტი კი – ისრაელის მოქალაქე არიე გოლდსტეინს. სავაჭრო ცენტრს სულ ექვსი დირექტორი ჰყავს, მათგან სამი ისრაელის მოქალაქეა, სამი კი – საქართველოს. რა ვითარებაა ამ წუთებში სავაჭრო ცენტრის ტერიტორიაზე.
ჯორჯიან უოთერ ენდ ფაუერი თბილისის და მცხეთის მკვებავ ქსელებზე სტრატეგიული მნიშვნელობის პროექტს განახორციელებს. კომპანია ერთდროულად რამდენიმე მონკვეთზე, თბილისის შემოსასვლელთან, საგურამოსა და ნატახტარში, შეასრულებს სამუშაოებს.
ბიზნესომბუდსმენი ირაკლი ლექვინაძე საქართველოს ბიზნეს ასოციაციის წევრებს შეხვდა. ლექვინაძემ კომპანიების წარმომადგენლებს ახალი მოადგილე - ლევან კალანდაძე წარუდგინა. მხარეებმა სამომავლო თანამშრომლობის პერსპექტივები განიხილეს და ბიზნესთან დაკავშირებულ მიმდინარე საკითხებზე იმსჯელეს.
თბილისის მიწათსარგებლობის გენერალური გეგმის პროექტის საბოლოო ვერსია მერიაშია. როგორც იცით, მერიამ სამუშაოს არაჯეროვანი შესრულებისთვის “სითი ინსტიტუტი საქართველო” გასული წლოს დეკემბერში 145 ათასი ლარით დააჯარიმა და ხარვეზების გამოსწორებისთვის დოკუმენტის ავტორებს 45 დღიანი ვადა მისცა. არქიტექტორებმა ვადები დაიცვეს და ახლა კახა კალაძის გუნდის შენიშვნებზე პასუხის პასუხს ელოდებიან. სტუმარი: მამუკა სალუქვაძე - “სითი ინსტიტუტი საქართველო”-ს ხელმძღვანელი
მთავრობის მიერ 2017 წლის 28 დეკემბერს მიღებული დადგენილებით, სავაჭრო ცენტრების, ბაზრობების, სასტუმროებისა და ბენზინგასამართი ასევე, აირგასამართი სადგურების დაზღვევა, სავალდებულო 1 მარტიდან ხდება. სტუმარი: კოტე სულამანიძე - დაზღვევის სახელმწიფო ზედამხედველობის სამსახურის უფროსი
ვებპორტალმა ნეტგაზეთმა თავი მოუყარა ბოლო 5 წლის განმავლობაში ბაზრობებში გაჩენილ ხანძრებს. მისი ინფორმაციით, 2013 წლიდან დღემდე ბოლო ხანძრის ჩათვლით, სულ 13 ბაზრობაში გაჩნდა ხანძარი. ხანძრების ქრონიკა ასეთია - ხანძარი სავაჭრო ცენტრ „საბაში“, რა დროსაც 50-მდე მაღაზია დაიწვა. 2500 კვადრატული მეტრის ფართი დაიწვა 2014 წელს ბოშათა ბაზრობაზე გაჩენილი ხანძრის შედეგად. 2015 წლის ზაფხულში კი , სავჭრო ცენტრ „გორგიაში“ გაჩენილი ხანძრის გამო 11 ადამიანი საავადმყოფოში მოხვდა. მსხვერპლით დამთავრდა ხანძარი „ელიავას ბაზრობის“ მიმდებარედ 2015 წელს, მაშინ საღებავების საწყობს გაუჩნდა ცეცხლი - ხანძრის შედეგად 2 ადამიანი დაიღუპა, ხუთი კი დაშავდა. 2017 წლის განმავლობაში ხუთ სხვადასხვა ბაზრობაში გაჩნდა ხანძარი, მათ შორის იყო - ელიავას ბაზრობაზე ხანძარი, ასევე ხანძარი ფოთში. ხანძრების ქრონიკაში ერთ-ერთი ყველაზე მასშტაბურია ხანძარი „ბავშვთა სამყაროში“ 2017 წლის 30 იანვარს, რომლის დროსაც შენობა მთლიანად დაიწვა, დაახლოებით, 10 000 კვადრატული ფართი. 1 წლის შემდეგაც დაზარალებულები ზარალის ანაზღაურებას დღემდე ითხოვენ. მაყურებელს შევახსენებ, რომ ხანძრიდან 7 თვეში, 2017 წლის ზაფხულში პროკურატურამ სამსახურებრივი გულგრილობის ბრალდებით „სავაჭრო სახლ ბავშვთა სამყაროს’’ შიდა უსაფრთხოების სამსახურის თანამშრომელი, ხოლო ხანძრო უსაფრთხოების წესის დარღვევის ბრალდებით სავაჭრო ცენტრის დირექტორი გიორგი მაჭავარიანი დააკავა, მაგრამ მოგვიანებით, მაჭავარიანი 50 000 ლარის გირაოს სანაცვლოდ სასამართლომ გაათავისუფლა.
SATURN.GE - სტარტაპი რომელიც ნებისმიერ დაინტერესებულ პირს და კომპანიას, რომელსაც აქვს Facebook-ის, Instagram-ის გვერდი, ან YouYube-ზე საკუთარი არხი, დაეხმარება აკონტროლოს და გააანალიზოს როგორც საკუთარი, ასევე მისთვის საინტერესო პირების აქტივობები და პიარ-მეტრიკის მონაცემები. ეს სტარტაპ საქართველოს გამარჯვებული პროექტია. სტუმარი: პაატა ჩახნაშვილი - პროექტის მენეჯერი
მსოფლიო ბანკი საქართველოში ბლოკჩეინ ტექნოლოგიებისა და კრიპტოვალუტების განვითარებას სწავლობს. ამ მიზნით ბანკის მთავარი ეკონომისტი გასული კვირის განმავლობაში, როგორც კერძო, ასევე სამთავრობო სექტორის წარმომადგენლებს შეხვდა. რატომ შეარჩია მსოფლიო ბანკმა საქართველო და რას ურჩევს ის ქვეყანას ციფრული ტექნოლოგიების გამოყენებისას, ასევე რა გავლენას ახდენს ახალი ტექნოლოგიები ელექტროენერგიის მოხმარებაზე? ექსკლუზიური ინტერვიუ, მსოფლიო ბანკის მთავარ ეკონომისტ, ჰანს ტიმერისთან
ქვეყანაში ყველაზე მთავარ პრობლემებად სიღარიბე და უმუშევრობა სახელდება, ბიზნესი კი კვალიფიციური კადრების ნაკლებობაზე საუბრობს. ეკონომიკის სამინისტრომ 2017 წლის შრომის ბაზრის ანალიზი გამოაქვეყნა, სადაც მუშახელის კვალიფიკაცია ერთ-ერთ მთავარ გამოწვევად სახელდება. კვლევის მიხედვით, ქვეყანაში არსებობს პროფესიები, რომლებზეც მოთხოვნა არის, სპეციალისტები კი - არა. ბიზნესი პრობლემის გადაჭრის საშუალებად განათლების დუალურ მოდელს ასახელებს, განათლების სამინისტრო კი ამბობს, რომ შედეგის მიღება გრძელ ვადაში იქნება შესაძლებელი.
თურქეთში ექსპორტისთვის განკუთვნილ ქართულ ლიმონზე, კივზე, ყურძენზე, ჩირზე, ხილისა და ბოსტნეულის კონსერვებსა და წვენებზე, ასევე საკვებ ინგრედიენტებზე დაწესებული კვოტები გაუქმდა. გარდა ამისა, კვოტები გაიზარდა თაფლზე, ცოცხალ ცხვარზე, თხასა და მსხვილფეხა რქოსან პირუტყვზე. ეს შეთანხმება თურქეთსა და საქართველოს შორის თავისუფალი ვაჭრობის შესახებ შეთანხმების ფარგლებში მოხდა. სტუმარი: მარიამ გაბუნია - ეკონომიკის სამინისტროს საგარეო ვაჭრობის დეპარტამენტის უფროსი
საქართველოს გარემოს დაცვისა და სოფლის მეურნეობის სამინისტრომ 2017 წელს გაწეული საქმიანობის შესახებ ანგარიში პარლამენტს ჩააბარა. ცხადია, ერთ-ერთი საკითხი, რაზეც დეპუტატებმა კითხვები დასვეს, ფაროსანას გავრცელებით მიღებული ზარალი და დაგეგმილი პრევენციული ღონისძიებებია.
საქმის კურსის მაყურებელმა უკვე იცის, რომ საქართველოს ტერიტორიაზე მოძრავი უცხო სახელმწიფოში რეგისტრირებული ავტოსატრანსპორტო საშუალების მფლობელის სამოქალაქო პასუხისმგებლობის დაზღვევა 1 მარტიდან სავალდებულოა. ამ პროცესს ადმინისტრირებას თებერვლიდან ამოქმედებული სავალდებულო დაზღვევის ცენტრი გაუწევს.
წეროვანში მდებარე ფარმაცევტული საწარმო "აბიფარმი" წელს ახალი ბაზრების ათვისებას გეგმავს. ქართული ანტიბიოტიკები ექსპორტზე უზბეკეთში, სომხეთსა და ერაყში 2014 წლიდან გადის. ამჟამად კი მედიკამენტების რეგისტრაციის პროცესი იემენსა და აფრიკის ქვეყნებში მიმდიანრეობს. "აბიფარმი" დღეში 10 000-მდე ერთეულ 12 დასახელების მედიკამენტს აწარმოებს, რაშიც 2 წლის წინ, პროგრამის "აწარმოე საქართველოში" მონაწილეობით მიღებული დაბალპროცენტიანი კრედიტიც დაეხმარა. სტუმარი: ირაკლი ჭანკოტაძე - „აბიფარმის“ ხელმძღვანელი
სარკინიგზო ინფრასტრუქტურის მოწყობის საკითხი თბილისში: ალტერნატივების შედარებითი ანალიზი, რომელიც დედაქალაქის სარკინიგზო ინფრასტრუქტურის განვითარება შეცვლის 4 ვარიანტს მოიცავს. კვლევის ავტორები ამბობენ, რომ ნაშრომის მიზნებში არ შედის თბილისში სარკინიგზო ინფრასტრუქტურის მოწყობის მოდელებზე ობიექტური და ყოვლისმომცველი დასკვნის წარმოდგენა. წარმოდგენილი დასკვნები და რეკომენდაციები უფრო სადისკუსიო ხასიათისაა. სტუმარი: გიორგი ბაბუნაშვილი - ურბანისტი