ქართული სოციალური ქსელი, რომელიც უკვე 1 წელია ბაზარზეა და 20 000-ზე მეტი მომხმარებელი ჰყავს. სწორედ Feedc მოიკითხა დღეს საქმის კურსმა. ის, მისი ანალოგებისგან იმით განსხვავდება, რომ არ გააჩნია დამეგობრების და ე.წ დაფოლოვების სისტემა. Feedc მთლიანად დამოკიდებულია ლოკაციაზე და საშუალებას გაძლევთ გაიგოთ თუ რას ფიქრობენ ადამიანები მსოფლიოს ნებისმიერ წერტილში. რა პერსპექტივები აქვს სტარტაპს და როდის აპირებს ის ევროპისა და ამერიკის ბაზარზე აქტიურად შესვლას? #ახალიამბები #BusinessMediaGeorgia
საქართველოს პრეზიდენტის მესტიის ყოფილი რეზიდენციის შენობა გასულ კვირას საჯარო აუქციონზე 7,510,000 ლარად გაიყიდა. აუქციონზე დაფიქსირებული ფასი მის საწყის ღირებულებასთან შედარებით 308%-ით მეტი იყო, რადგანაც რამდენიმე საათის განმავლობაში 4 პოტენციური მყიდველი ერთმანეთს ობიექტზე უფრო მაღალი ფასის დაფიქსირებაში ეჯიბრებოდა. საბოლოოდ აუქციონში გამარჯვება კომპანია "აი-ღვინის-სახლმა" მოიპოვა. რას გეგმავენ რეზიდენციის ახლანდელი მფლობელები, როგორია მათი გათვლები და როდის დაიწყება მესტიის რეზიდენციის ტერიტორიაზე ახალი პროექტის განხორციელება? #ახალიამბები #BusinessMediaGeorgia
“სტუმარ-მასპინძლობა და უძრავი ქონების ინდუსტრია, ბიზნესპროცესების აუთსორსინგი, ფეხსაცმლის და ტანსაცმლის ინდუსტრია, ელექტრონული მოწყობილობების წარმოება და ავტონაწილების და საჰაერო ნაწილების წარმოება, ლოჯისტიკა და ენერგეტიკა.” ეს სექტორები და სფეროები სააგენტომ “აწარმოე საქართველოში” პრიორიტეტულად დაასახელა რესურსების მობილიზებას სწორედ ამ სფეროებში გეგმავს… დღესვე, პრეზენტაციაზე მისულებს ქვეყნის ფარგლებს გარეთ მიმდინარე და უკვე განხორციელებული მარკეტინგული აქტივობების შესახებ მიაწოდეს ინფორმაცია. რას და საინდან ელოდება მომდევნო ორი წლის განმავლობაში „აწარმოე საქართველოში“? #ახალიამბები #BusinessMediaGeorgia
2019 წელს დასაკუთრებული ქონების ყველაზე დიდი ნაწილი მევახშეთა სასარგებლოდ გაიყიდა, "საზოგადოება და ბანკებმა" 2019 წლის 10 თვეში დასაკუთრებული ქონების შესახებ მიმოხილვა გამოაქვეყნა. აღსანიშნავია, რომ 2017 წლის შემდეგ დასაკუთრებული უძრავი ქონების რაოდენობა შემცირების ტენდენციით გამოირჩევა. #ახალიამბები #BusinessMediaGeorgia
სამედიცინო სექტორი 520-ე დადგენილების თაობაზე ეკატერინე ტიკარაძეს კიდევ ერთხელ მიმართავს. მათი განმარტებით, მათ უკვე შეასრულეს გიორგი გახარიას დავალება სამუშაო ჯგუფის შექმნასთან დაკავშირებით და ამჯერად ისინი ჯანდაცვის სამინისტროს ელოდებიან . “გთხოვთ, დაგვინიშნოთ შეხვედრების დრო სამუშაო ჯგუფისთვის“, - წერია განცხადებაში. სტუმარი: ვახტანგ კალოიანი - ანესთეზიოლოგიისა და კრიტიკული მედიცინის ასოციაციის დამფუძნებელი #ახალიამბები #BusinessMediaGeorgia
როგორ მართავს საქართველო ნარჩენებს? რამდენად იცავს კანონს და რა პრობლემებია დღეს ნარჩენების მართვის მიმართულებით საქართველოში. საქმის კურსმა ეს საკითხი იმ რეგულაციების ფონზე მოიკითხა, რომელიც ძალაში სულ რამდენიმე დღეში უნდა შევიდეს. მწარმოებლის გაფართოებული ვალდებულება წესით დეკემბრის ბოლომდე უნდა ამოქმედდეს, ვადებმა ისედაც გადაიწია, თუმცა, კანონქვემდებარე აქტები ჯერ დამტკიცებული არ არის. სწორედ ამ დოჯუმენტებმა უნდა განსაზღვროს, როგორ უნდა მოაგროვოს და მართოს ბიზნესმა საკუთარი სპეციფიკური ნარჩენი. #ახალიამბები #BusinessMediaGeorgia
მერიის მიერ შესყიდული მიკროავტობუსების გამოსყიდვა მოხდება იმ შემთხვევაში, თუკი კომპანიას ფინანსური გაუმჯობესება ექნება, - ასე განმარტავენ კომპანია „თბილისის მიკროავტობუსში“ დედაქალაქის მერიის გადაწყვეტილებას, 300 მიკროავტობუსის შეძენასთან დაკავშირებით.როგორც კომპანია "თბილისის მიკროავტობუსის" გენერალურმა დირექტორმა დავით ასანიძემ განაცხადა, გამორიცხული არ არის, დანარჩენი მიკროავტობუსებიც ჩანაცვლდეს. როგორ პასუხობენ მერიის გადაწყვეტილებას თბილისის მიკროავტობუსში? #ახალიამბები #BusinessMediaGeorgia
რაზე შეთანხმდა მერია თბილისის მირკოავტობუსთან? - ირაკლი ხმალაძის პასუხები საქმის კურსში სტუმარი: ირაკლი ხმალაძე - თბილისის ვიცე-მერი #ახალიამბები #BusinessMediaGeorgia
„საზოგადოება და ბანკების“ აზრით, მონეტარული პოლიტიკის განაკვეთის ზრდა მოსალოდნელი იყო, რამდენადაც ეროვნული ბანკის განცხადებით, ის განაგრძობდა მონეტარული პოლიტიკის გამკაცრებას მანამ, სანამ ინფლაციაზე გაცვლითი კურსის წნეხი არ მოიხსნებოდა. ასევე, 111400 მომხმარებელს რეფინანსირების განაკვეთზე მიბმულ სესხებზე საპროცენტო განაკვეთი გაეზრდება. სტუმარი: გიორგი კეპულაძე - "საზოგადაოება და ბანკები"; დამფუძნებელი #ახალიამბები #BusinessMediaGeorgia
საავტომობილო გზების დეპარტამენტმა, მიმდინარე წელს 800 კმ-მდე გზის რეაბილიტაცია განახორციელა, რაც წინა წლის მაჩვენებელთან შედარებით თითქმის 4-ჯერ მეტია. საავტომობილო გზების დეპარტამენტის ხელმძრვანელის,ირაკლი ქარსელაძის განცხადებით, ასევე განხორციელდა 52 ხიდის მშენებლობა-რეაბილიტაცია. ჯამში, 2019 წელს სულ 200 რეაბილიტაციის პროექტი განხორციელდა. სტუმარი: ირაკლი ქარსელაძე - საავტომობილო გზების დეპარტამენტი, ხელმძღვანელი #ახალიამბები #BusinessMediaGeorgia
პარლამენტმა 2020 წლის სახელმწიფო ბიუჯეტის პროექტი დაამტკიცა. პლენარულ სესიაზე ფინანსური დოკუმენტის კენჭისყრას მხოლოდ საპარლამენტო უმრავლესობა და დამოუკიდებელი დეპუტატები ესწრებოდნენ. ბიუჯეტის პროექტის მესამე - საბოლოო ვარიანტი დეპუტატებს ფინანსთა მინისტრმა ივანე მაჭავარიანმა გააცნო. მინისტრის მოხსენების შემდეგ მხოლოდ ორმა დეპუტატმა დასვა კითხვა, რაც მომავალ წელს ხელფასების ზრდის საკითხს ეხებოდა. #ახალიამბები #BusinessMediaGeorgia
კოკა-კოლა, პეპსი, მაკდონალდსი, ეს იმ კომპანიების არასრული ჩამონათვალია რომლისთვისაც „სეზანის“ ბაზაზე დაფუძნებული ქაღალდის ჭიქებისა და შესაფუთი მასალების მწარმოებელი კომპანია „ჯორჯიან ფექიჯინგი“ ერთ-ერთი სხვილი მომწოდებულია, არა მარტო საქართველოში, არამედ აზერბაიჯანსა და სომხეთში. თუმცა საექსპორტო ქვეყნების სია უახლოეს მომავალში გაიზრდება და ისეთ ქვეყნებს მოიცავს, როგორიცაა ყაზახეთი და უზბეკეთი. #ახალიამბები #BusinessMediaGeorgia
საშიში კომფორტი - აი სწორედ ასე ვიხსენიებთ ხოლმე თბილისში არსებულ ლიფტებს, რომელიც დედაქალაქში საბჭოთა დროიდან არის შემორჩენილი და რომელთა მფლობელებიც მიუხედავად იმისა, რომ 2012 წლიდან ვალდებულები არიან ყოველ სამ წელიწადში ერთხელ ტექნიკური ინსპექტირება ჩაუტარონ ლიფტებს, ამ საკითხს უბრალოდ თავს არიდებენ. კიდევ ერთი პრობლემა მოსახლეობის ინფორმირებულობის დაბალი დონეა. #ახალიამბები #BusinessMediaGeorgia
ერთ წელიწადში ქვეყანაში, სავარაუდოდ, მედიკამენტების ფასები ახალი კანონმდებლობით დარეგულირდება. რაც შეეხება ზოგადად, ფასების რეგულირებაზე საუბარს, ჯანდაცვის მინისტრის მოადგილე განმარტავს, რომ ამ კონკრეტულ ეტაპზე ფასების რეგულირებაზე საუბარი ნაადრევია, თუმცა ეს საკითხი განიხილება. #ახალიამბები #BusinessMediaGeorgia
საქმის კურსი საქართველოში პირველი ყურძნის ბირჟით დაინტერესდა. 2-3 თვის წინ შექმნილი პლატფორმა უკვე რამდენიმე ასეულ მომხმარებელს აერთიანებს. მისი მოხმარება უფასოა როგორც ყიდვის, ისე გაყიდვის მსურველებისთვის. როგორ შეუწყობს ბირჟა მაღალი ფასის დადგენას და რა კულტურები დაემატება მომავალში? ელისო გოთოშია -ყურძნის ბირჟის დამფუძნებელი #ახალიამბები #BusinessMediaGeorgia
საქსტატის წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2019 წლის მესამე კვარტალში 417.3 მილიონი აშშ დოლარი შეადგინა, რაც 2018 წლის მესამე კვარტალის დაზუსტებულ მონაცემებზე 13.7 პროცენტით მეტია. ინვესტორთა სიაში პირველ ადგილზეა გაერთიანებული სამეფო – 18.8 პროცენტით, მეორე ადგილზე ნიდერლანდი – 16.4 პროცენტით, ხოლო მესამეზე თურქეთი – 10.3 პროცენტით. ყველაზე მეტი პირდაპირი უცხოური ინვესტიცია საფინანსო სექტორში განხორციელდა და 96 მილიონ აშშ დოლარს მიაღწია, რაც მთლიანი პირდაპირი უცხოური ინვესტიციების 23 პროცენტია. მეორე ადგილზე იმყოფება დამამუშავებელი მრეწველობის სექტორი 49.3 მილიონი აშშ დოლარით, ხოლო მესამეზე – სასტუმროების და რესტორნების სექტორი 45.7 მილიონი აშშ დოლარით. ამასთან, მიმდინარე წლის ცხრა თვეში ინვესტიციების მთლიანმა მოცულობამ 909 მილიონი აშშ დოლარი შეადგინა, რაც გასული წლის ანალოგიური პერიოდის მაჩვენებელზე 17 პროცენტით ნაკლებია. #ახალიამბები #BusinessMediaGeorgia
“ჩვენ ბევრად უფრო პროგნოზირებადს გავხდით გარემოს როგორც ქართველი, ისე ევროპელი ბიზნესმენებისთვის, ვინც საქართველოში აპირებს მოღვაწეობას”-ამის შესახებ განცხადება დღგ-ს რეფორმაზე საუბრისას ფინანსთა მინისტრმა, ვანო მაჭავარიანმა გააკეთა. მისი თქმით, ყველა ის გამარტივებული პროცედურა, რომელიც აქამდე არსებობდა დღგ-თან დაკაშირებით შენარჩუნდება. სტუმარი: ლაშა ხუციშვილი - ფინანსთა მინისტრის მოადგილე #ახალიამბები #BusinessMediaGeorgia
"ადამიანს წასვლა უნდოდა, ძალით ხომ არ ვამუშავებდით? თანაც თქვა, რომ ილოცებს", - ასე უპასუხა დღეს პრემიერ მინისტრმა ჟურნალისტების კითხვას, რომელიც საპენსიო სააგენტოს ხელმძღვანელის ლევან სურგულაძის გადადგომის გადაწყვეტილებას შეეხებოდა. სურგულაძემ დღეს გამართულ პრესკონფერენციაზე დაადასტურა ის, რაც ბიმეჯიმ ორი დღის წინ დაწერა, რომ ტოვებს დაკავებულ პოზიციას. ლევან სურგულაძე ირწმუნება, რომ მიზეზი პირადი გადაწყვეტილებაა, რადგან ის ორიენტირებულია გამოწვევებზე და ახლა თვლის, რომ ახალი გამოწვევების დროა, რადგან საპენსიო სააგენტო საათივით აწყობილია და რეფორმა წარმატებით მიმდინარეობს - ასეთია თავად სურგულაძის შეფასება. როგორ აფასებენ მის ამ ნაბიჯს მთავრობის წევრები? #ახალიამბები #BusinessMediaGeorgia
საპენსიო სააგენტოს ხელმძღვანელი თანამდებობას ტოვებს. მიმართვა ლევან სურგულაძემ სამეთვალყურეო საბჭოს უკვე გაუგზავნა. განცხადება ლევან სურგულაძემ სულ ცოტა ხნის წინ გააკეთა, რა გახდა თანამდებობის დატოვების მოთხოვნის მიზეზი, რადგან სურგულაძე თანამდებობაზე გასული წლის სექტემბერში დაინიშნა და თუ კანონმდებლობას ჩავხედავთ საპენსიო სააგენტოს დირექტორი თანამდებობაზე 5 წლის ვადით ინიშნება? #ახალიამბები #BusinessMediaGeorgia
2015 წელს შეიცვალა საქართველოს კანონმდებლობა და საქველმოქმედო ფონდები განთავსუფლდნენ დაბეგვრისაგან, თუმცა ეს მხოლოდ სამკურნალო მიზნებს შეეხო. ამის მიუხედავად, საქველმოქმედო ფონდები სხვა პრობლემეაზეც საუბრობენ, რომელიც სატელეფონო ზარებით ქველმოქმედებას ეხება. მათი თქმით, სატელეფონო კომპანიებს ქველმექმედებისთვის დარეკილი ზარების შემოსავლიდან ძალიან დიდი პროცენტი მიაქვთ. ფონდების წარმომადგებლების თქმით, პროცენტი იმდენად მაღალია, რომ ადრესატს საერთო თანხიდან ძალიან მცირე მოცულობის თანხა ერიცხება. ბორის კიკნაძე - WeHelp ; დამფუძნებელი #ახალიამბები #BusinessMediaGeorgia
ცუდია, რომ მესტიის მოსახლეობა ელექტროენერგიის გადასახადს არ იხდის, - ამის შესახებ სემეკის თავმჯდომარემ, დავით ნარმანიამ განაცხადა. კითხვაზე, იგეგმება თუ არა ამ მიდგომის შეცვლა ნარმანია აცხადებს, რომ მნიშვნელოვანია შესაბამისი გადასახადი გადაიხადოს მოსახლეობამ, რადგან ამის გარეშე „ენერგო-პრო ჯორჯიას“ არ ეძლევა საშუალება სვანეთში ინვესტირების და ქსელის შეცვლის, რაც ქსელის მზარდი დატვირთვის პირობებში პრობლემაა. ინფორმაციისთვის, ქვეყნის სხვა მაღალმთიან დასახლებებში მთავრობა სამომხმარებლო ტარიფის 50 %-იან სუბსიდირებას ახდენს, სვანეთში კი მოსახლეობა დენის ტარიფის გადახდისგან გათავისუფლებულია. სტუმარი: დავით ნარმანია - სემეკის თავმჯდომარე #ახალიამბები #BusinessMediaGeorgia
"საპარტნიორო ფონდის" კუთვნილი რესპუბლიკური საავადმყოფო რომ "ტიკარაძის რეფორმას" იწონებს, რამდენიმე დღის წინ საავადმყოფოს ადმინიტრაციამ ფეისბუქ პოსტით გვამცნო. განცხადებაში ეწერა, რომ ახალი ტარიფები „მოგების მაღალი მარჟის ნაცვლად, ბენეფიციართა კეთილდღეობაზე არის ორიენტირებული”. Bm.ge დაინტერესდა იმ ფონზე, როცა ჯანდაცვის მინისტრ ეკატერინე ტიკარაძის ხელმძღვანელობით და პრემიერ მინისტრ გიორგი გახარიას ხელმოწერით დამტკცებულ 520-ე დადგენილებას, რომლითაც საყოველთაო ჯანდაცვაში ჩართული კლინიკებისთვის ტარიფები გათანაბრდა, საჯაროდ 30-ზე მეტი კლინიკა და არაერთი ექიმი აკრიტიკებს, როგორ და რატომ დაიმსახურა რესპუბლიკური საავადმყოფოს მოწონება? #ახალიამბები #BusinessMediaGeorgia
უალკოჰოლო სასმელების მწარმოებელთა სასარგებლოდ სავალდებულო მარკირების საფასურის გადახდას შემოსავლების სამსახური განაგრძობს. ამის შესახებ პრემიერის პრესსპიკრმა ირაკლი ჩიქოვანმა მთავრობის დღევანდელი სხდომის დასრულების შემდეგ განაცხადა. "პრემიერ-მინისტრი და მთავრობა მყისიერად რეაგირებს იმ პრობლემებზე რომელიც კერძო სექტორს აქვს. ერთ-ერთი მათგანი, რაც მედიითაც გავრცელდა, იყო მომართვა პრემიერ-მინისტრის სახელზე უალკოჰოლო სასმელების მწარმოებლების მხრიდან და რომელიც ეხებოდა უალკოჰოლო სასმელების მარკირების საკითხს. #ახალიამბები #BusinessMediaGeorgia
#ინვესტორი - Beko-ს 22-წლიანი ისტორია საქართველოში: “სახელმწიფომ უნდა გვაჩვენოს გზა, ბიზნესმა კი საქმე გააკეთოს” მეჰმედ მელექი - ბეკოს“ გენერალური დირექტორი #ახალიამბები #BusinessMediaGeorgia
„როცა დამუშავებულს გაძლევს სახელმწიფო რამეს, რათქმაუნდა ბედნიერებაა. მე უფრო ღრმად შევიდოდი და უფრო კარგად დავამუშავებდი სახელმწიფო რომ ვიყო“ - ასე აფასებს ბიზნესმენი ლაშა პაპაშვილი მთავრობის 100 საპრივატიზებო ობიექტის პროექტს. მისი ტქმით, კომუნიკაციის ფორმა რომელიც ხელისუფლებამ ამ შემთხვევაში აირჩია სრულიად მისაღები და მისასალმებელია. ლაშა პაპაშვილი - ბიზნესმენი #ახალიამბები #BusinessMediaGeorgia
ელექტროენერგიის მოხმარებაზე კრიპტოვალუტების წარმოების გავლენა ისევ პრობლემად რჩება, რადგან ამ პროცესის კონტროლი ამ ეტაპზე პრაქტიკულად შეუძლებელია. ენერგო-პრო ჯორჯიამ, სვანეთის მაგალითზე, სადაც მოსახლეობა ელექტროენერგიას უფასოდ მოიხმარს, ჯერ კიდევ ერთი თვის წინ განაცხადა, რომ მოხმარება აქ განსაკუთრებით გაიზარდა. ამის მიზეზი სწორედ კრიპტოვალუტების მისაღებად მომუშავე დანადგარებია. ამ ფონზე კი სვანეთის რეგიონში ავარიული გათიშვები გახშირდა. #ახალიამბები #BusinessMediaGeorgia
თემა, რომელსაც საქმის კურსი აქტიურად აშუქებდა ლისის ტბა და მის შემოგარენში არსებული ნაკვეთები იყო, რომელსაც თბილისის ახალმა გენგეგმამ სტატუსი შეუცვალა და ეს ნაკვეთები, რომელიც კერძო საკუთრებაშია ახლა უკვე ზოგადი რეკრეაციული ზონის სტატუსს ატარებს, შესაბამისად, ადგილზე მშენებლობა ნებადართული არ არის. #ახალიამბები #BusinessMediaGeorgia
უალკოჰოლო სასმელების მწარმოებელთა ასოციაციამ ღია წერილით, გიორგი გახარიას მიმართა და მას წარმოებული პროდუქციის მარკირების წესში ცვლილებების განხორციელებას სთხოვა. მიმართვის ტექსტში ვკითხულობთ, რომ არააქციზური საქონლის სავალდებულო მარკირების ინსტიტუტი არ იყო განპირობებული ჩვენს ქვეყანაში არსებული რაიმე ობიექტური აუცილებლობით (მაგალითად, ჩრდილოვანი ეკონომიკის პრობლემით) და აქედან გამომდინარე, არ უნდა გამხდარიყო კერძო მეწარმეების ფინანსური ტვირთი. ბიზნესი ითხოვს საგადასახადო კოდექსიდან ამოღებულ უნდა იქნას ჩანაწერი იმის შესახებ, რომ "გადაიხდევინება მარკირების ნომინალური ღირებულება" (მეწარმე სუბიექტების მიერ). დარგის ეკონომიკური სტაბილურობისთვის ეს უაღრესად მნიშვნელოვანია. - აცხადებენ უალკოჰოლო სასმელების მწარმოებელთა ასოციაციაში. სტუმარი: ნიკოლოზ ხუნძაკიშვილი - კომპანია "ნატახტარი" კორპორატიულ საქმეთა დირექტორი #ახალიამბები #BusinessMediaGeorgia
კომპანია “თელასი” თბილისში, კანდელაკის ქუჩაზე საკანალიზაციო ქსელის დაზიანებისთვის დაჯარიმდება - ასეთია დედაქალაქის მერიის გადაწყვეტილება, გარდა ამისა ზუსტად ერთ კვირაში თბილისის მერიამ უნდა წარმოადგინოს, კონკრეტული გეგმა, თუ როგორ მოხდება მიკროავტობუსების ჩანაცვლება. #ახალიამბები #BusinessMediaGeorgia
თბილისის მერიის მიმდინარე სარეაბილიტაციო პროექტები, რომელიც ამ ეტაპზე დედაქალაქში ხორციელდება და რომელიც ისედაც საცობებით გატავირთულ ქუჩებში გადაადგილებს კიდევ უფრო ართულებს. როდის დასრულდება სამუშაოები კახეთის გზატკეცილზე, გლდანში-ხიზანიშვილი ვეკუას ქუჩებზე და როდის გაიხსნება ზაარბრუკენისა და მშრალი ხიდის დამაკავშირებელი მონაკვეთი. ასევე როდის შეძლებენ მოქალაქეები განახლებული კიკვიძს ბაღით სარგებლობას. ყველა ამ პროექტზე კომენტარი თბილისის მერმა კახა კალაძემ დღეს ბი ემ ჯისთან გააკეთა.
განვიხილავთ იმას რომ ერთ-ერთი ფილიალი დავკეტოთ და მეორე ვამუშაოთ, რომ ეს კრიზისი გადავლახოთ - ამის შესახებ სწრაფი კვების ობიექტის "მანჯისთან" დამფუძნებელმა გიორგი მანჯავიძემ ბი ემ ჯისთან განაცხადა. როგორც ის ამბობს, რთულია ქვეყანაში ბიზნესი განავითარო, რადგან მცირე ბიზნესს არსებული გადასახადები მძიმედ აწევს. მანჯავიძე სხვა კვების ობიექტების დამფუძნებლებთან ერთად გეგმავს ბიზნესომბუდსმენს და საქართველოს მთავრობას ღია წერილით მიმართოს, რათა მცირე ბიზნესსუბიექტებს დღგ-ს გადასახადის გადახდისას საშეღავათო პერიოდი ჰქონდეთ. გიორგი მანჯავიძე - "მანჯისთან" დამფუძნებელი
ენერგეტიკისა და წყალმომარაგების შესახებ, ასევე განახლებადი ენერგიების ათვისების ხელშეწყობასთან დაკავშირებული კანონპროექტების საკომიტეტო განხილვა პარლამენტში დასრულდა. ამის შემდეგ მათი კენჭისყრა პლენარულ სესიაზე მოხდება და კანონები ძალაში შევა. დეპუტატები და ეკონომიკის მინისტრის მოადგილე აცხადებენ, რომ ყველა კრიტიკული საკითხი, რაც საკანონმდებლო ცვლილებებს ეხება, დარგის წარმომადგენლებთან შეთანხმებულია, თუმცა როგორც ირკვევა, ახალი კანონების ტარიფებზე შესაძლო გავლენა განხილვის მთავარ თემად რჩება.
ახალგაზრდა ექიმები და სტუდენტები: შეჩერდეს საქართველოს მთავრობის 520-ე დადგენილება! სტუმარი: მარიამ ჯაში - პეტიციის ავტორი
“მთავრობა პიროვნულამდე არ უნდა დავიდეს და ეს პოლიტიკური სიტვაცია მათი მოსაგვარებელია” - განცხადება საქმის კურსთან ბიზნესმენმა ლაშა პაპაშვილმა გააკეთა.
საქართველოში საერთაშორისო ვიზიტების ახალი ისტორიული მაქსიმუმი დაფიქსირდა - მიმდინარე წლის 11 თვეში საერთაშორისო მოგზაურების ვიზიტებმა საქართველოში ახალ ისტორიულ ნიშნულს - 8,690,352-ს მიაღწია, ზრდა წინა წლის ანალოგიურ პერიოდთან შედარებით 7.2%-ია. სტატისტიკური მონაცემები ტურიზმის ეროვნულმა ადმინისტრაციამ რამდენიმე საათის წინ გაავრცელა.
ენერგეტიკის სექტორში რეფორმებთან დაკავშირებით საკანონმდებლო ცვლილებათა პაკეტს პარლამენტის დარგობრივი ეკონომიკის კომიტეტი დღეს მესამე მოსმენით განიხილავს. კანონპროექტები საინვესტიციო გარემოს გამჭვირვალობას, ენერგეტიკული ბაზრების ლიბერალიზაციას, განახლებადი ენერგიების ათვისების ხელშეწყობას და სხვა მიმართულებებს ითვალისწინებს. აქვე აღსანიშნავია, რომ ამ კანონების მიღების დედლაინი, ევროპის ენერგეტიკული თანამეგობრობის წინაშე აღებული ვალდებულების მიხედვით, გასულ წელს ამოიწურა. როგორ მიმდინარეობს საკანონმდებლო რეფორმის განხილვა?
„ვაჭრობაში ანტიდემპინგური ღონისძიების შემოღების შესახებ“ საქართველოს კანონის მიღების შემდეგ,- კონკურენციის სააგენტოს ემატება ახალი ფუნქცია, რისთვისაც საჭირო იქნება სახელმწიფო ბიუჯეტიდან შესაბამისი საბიუჯეტო ასიგნებების გამოყოფა. საჭირო იქნება დაახლოებით 12 თანამშრომლის დასაქმება, მათთვის შესაბამისი ინფრასტრუქტურის გამოყოფა, რაც გავლენას მოახდენს ბიუჯეტის ხარჯვით ნაწილზე. კანონის მიღების შემდეგ პირველ წელს გასაწევი ხარჯი იქნება 422 000 ლარი. მომდევნო წლებში, საშუალოდ იქნება 390 000 ლარი.- წერია კანონ-პროექტის განამრტებით ბარათში, „კონკურენციის შესახებ“ საქართველოს კანონში ცვლილების შეტანის თაობაზე“. საკითხზე, საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტის და საქართველოს კონკურენციის სააგენტოს სამუშაო შეხვედრაც შედგა. სტუმარი: რომან კაკულია - პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარე
პარლამენტი ბიუჯეტის დამტკიცების მოლოდინშია. 2020 წლის მთავარი გამოწვევები მაინც გაზრდილი სოციალური ვალდებულებებია, რაც ძირითადად პენსიისა და ხელფასების ზრდას მოიცავს. ყველაზე მეტ თანხას მომავალ წელს ჯანდაცვის, ინფრასტრუქტურისა და განათლების სამინისტროები დახარჯავენ. საერთო ჯამში კი სახელმწიფო ბიუჯეტის ხარჯები 14 მილიარდ 433 მილიონ ლარს შეადგენს. მომავალ წელს მთავრობა 5-ის ნაცვლად, 4.5%-იან ეკონომიკურ ზრდას ელოდება. სტუმარი: გიორგი კაკაურიძე - ფინანსთა მინისტრის მოადგილე
„ბანკი ქართუს“ გაკოტრების საქმეზე, „ნაციონალური მოძრაობის" ერთ-ერთი ლიდერი, ნიკა მელია ერთ ეპიზოდში გამართლდა, მეორე ეპიზოდში - სამსახურეობრივი უფლებამოსილების ბოროტად გამოყენებაში კი, მის მიმართ გამამტყუნებელი განაჩენი იქნა მიღებული. აღნიშნულ საქმეზე ნიკა მელიასა და ზურაბ ადეიშვილს ბრალი 2013 წელს წაუყენეს.
მთავრობა 2020 წლის ეკონომიკური ზრდის პროგნოზს 5-დან 4.5%-მდე ამცირებს - ეს ერთ-ერთი პარამეტრია მომავალი წლის სახელმწიფო ბიუჯეტის პროექტის მესამე წარდგენიდან, რომელიც პარლამენტში უკვე დარეგისტრირდა. ბიუჯეტის გადამუშავებულ ვერსიაში, მომავალი წლის ხარჯებისთვის მთავრობამ დამატებით 221 მილიონი ლარი გაითვალისწინა. 2020 წელსაც ბიუჯეტიდან ყველაზე მეტ თანხას ჯანდაცვის, ინფრასტრუქტურისა და განათლების სამინისტროები გაინაწილებენ.
"როიალ ჯორჯია"-მ აშშ-ს, თურქეთისა და აზერბაიჯანის შემდეგ პროდუქცია ექსპორტზე შესაძლოა გერმანიაშიც გაიტანოს. ამჟამად კომპანია მომხმარებლებს 25 სახეობის მატრასს სთავაზობს და დღეში 180 ცალს ამზადებს. თეა მაისურაძე -"როიალ ჯორჯია"-ს მარკეტინგის მენეჯერი
საქართველოს გულის რიტმის ასოციაცია ღია წერილით პრემიერ-მინისტრ გიორგი გახარიას მიმართავს. ასოციაციის განცხადებით, საყოველთაო ჯანდაცვაში მთავრობის #520-ე დადგენილებით შესული ცვლილებებით დადგენილი ტარიფები არის იმდენად დაბალი, რომ ის სამედიცინო ჩარევისთვის საჭირო აღჭურვილობის ღირებულებასაც ვერ ფარავს. ასოციაცია მთავრობის მეთაურს ტარიფების გადახედვისკენ მოუწოდებს სწორედ ამ დადგენილების გამო Johnson & Johnson, Olympus, Cordis, Cook Medical, Merit Medical, და სხვა საერთაშორისო კომპანიებმა…შესაძლოა მალე ქართული ბაზარი დატოვონ, bm.ge -თან ინტერვიუში კომპანი “Modern Medical Solution”- ის გენერალური მენეჯერი ყვება, რომ საქართველოში მსგავსი ტრანსნაციონალური კომპანიების შემოყვანისთვის, ძალიან დიდი დრო და რესურსი დაიხარჯა, თუმცა კომერციული თვალსაზრისით საქართველოს ბაზრიდან გასვლით, ისინი ზარალზე ცალსახად არ გავლენ. ზარალით კი მხოლოდ საქართველო იზარალებს. სტუმარი: რომან ლომიძე - “Modern Medical Solution”; გენერალური მენეჯერი
ძირგვარდნილი და ქალაქისთვის შეუსაბამო მიკროავტობუსები, რომლებიც შესაძლოა 2020 წლიდან შესაძლოა ცანაცლდეს და მხოლოდ სიდასაუბნო გადაადგილებისთვის გამოიყენონ. თბილისის მერს თბილისის მიკროავტობუსის მიმართ პრეტენზიები აქვს, რომელებსაც კომპანიის გენერალური დირექტორიც გამოეხმაურა და თქვა, რომ „გამოსავალი მგზავრობის საფასურის ზრდაშია. დავით ასანიძის ინფორმაციით, კომპანიის ზარალი 115 მილინი ლარია და სადაც ლარის გაუფასურების ეფექტი 50 მილიონია…
საქართველოში ერთ-ერთი დარგი, რომელსაც სახელმწიფოს მხარდაჭერა აკლია ბიოწარმოებაა, რომელის განვითარებისთვის ხელისუფლება თანხებს ნაკლებად ხარჯავს. როგორც ბიოლოგიურ მეურნეობათა ასოციაცია “ელკანას” დირექტორი მარიამ ჯორჯაძე ამბობს, ხელისუფლებამ ამ მიმართულების მხარდაჭერა 2021-2027 წლების სოფლის მეურნეობის განვითარების სტრატეგიაში არ გაითვალისწინა და გასულ წელს დაპირებული 100 მილიონი ლარის მოცულობის ხელშემწყობი პროგრამაც შეაჩერა. რა განვითარების პერსპექტივები გვაქვს და რას კარგავს ქვეყანა იმის გამო, რომ ბიო წარმოებას სათანადო ყურადღება არ ექცევა? მარიამ ჯორჯაძე - ბიოლოგიურ მეურნეობათა ასოციაცია „ელკანას“ დირექტორი
რატომ იგვიანებს ქარის ახალი სადგურების და მზის პირველი ელექტროსადგურის მშენებლობა საქართველოში? - ფაქტია, რომ ქართლის ქარის ელექტროსადგურის ამუშავებამ ინვესტორების ინტერესი, საქართველოში ამ მიმართულებით პროექტები განახორციელონ, გაზარდა, რადგან არაერთი პროექტია ტექნიკურ-ეკონომიკური კვლევის ეტაპზე, თუმცა მშენებლობა ვერცერთმა დეველოპერმა დაიწყო. აქვე უნდა აღინიშნოს, რომ საქართველოს ელექტროსისტემის ტექნიკური შეზღუდვების შესახებ ინფორმაცია უკვე ცნობილია, რაც ინვესტორების სამუშაო მასშტაბებს ჩვენს ქვეყანაში აზუსტებს.
ვინ და როდის დაასრულებს „ცენტრ-პონტის“ დაუმთავრებელ მშნებლობებს? ეს კითხვა წლებია ისმის და ამ წლების განავლობაში ბევრი სხვადასხვა ვერსია მოვისმინეთ, ბევრი დაპირება მიიღეს დაზარალებულებმაც, თუმცა ფაქტი არის ერთი... პრობლემა დღეს 2019 წლის 27 ნომებერსაც გადაუჭრელია. ამ ფონზე, დედაქალაქის მერიის ინიციატივით, შეიქმნება სპეციალური ფონდი, სადაც დეველოპერები თანხების აკუმულირებას მოახდენენ, რითაც „ცენტრ პოინტის“ მიერ აშენებული შენობების დასრულება მოხდება. ამის შესახებ თბილისის მერის მოადგილემ, ილია ელოშვილმა, დეველოპერებთან გუშიდელი სეხვედრის სემდეგ განაცხადა. როგორ იმუშავებს ფონდი, რა თანხების მობილიზებას ველოდებით, ვინ განკარგავს ამ თანხებს? სტუმარი: ილია ელოშვილი - თბილისის მერიას მოადგილე
სამედიცინო დაწესებულებები ჯანდაცვის სამინიტროსგან უკვე ამოქმედებული ტარიფების დროებით შეჩერებას და მეტ კომუნიკაციას ითხოვენ. სამედიცინო საზოგადოების წარნმომადგენლები ამბობენ, რომ კლინიკები უკვე ერთი კვირაა ზარალზე მუშაობენ. ამასთან, კლინიკებისა და სამედიცინო ასოციაციების წარმომადგენლები მედპერსონალის ხელფასების კლებას პროგნოზირებენ და ამბობენ, რომ ამ ტარიფების პირობებში ეს გარდაუვალია… ცოტა ხნის წინ კლინიკებს ჯანდაცვის სამინისტოში უპასუხეს …
ბაზარზე ფაროსანას საწინააღმდეგო ქართული წარმოების ინოვაციური პრეპარატი გამოჩნდა. როგორც პრეპარატ შილდის მწარმოებლები ამბობენ, პრეპარატი ბაზარზე არსებული სხვა იმპორტირებული პროდუქციისგან განსხვავებით, რომელიც საქართველოში უკვე წლებია გამოიყენება ბევრად უფრო ეფექტური, ეკონომიური და ეკონოლოგიურად სუფთაა. იდეის ავტორების თქმით, შილდის პროდუქტი უკვე გამოსცადეს კონკრეტულმა კომპანიებმა, სატესტო ნიმუშები ასევე გაიგზავნა ყაზახეთში, უკრაინასა და სამხრეთ აფრიკის რეგიონშიც. რა არის ის მთავარი უპირატესობები, რითაც შილდი აპირებს პოზიციონირებას, როგორც საერთაშორისო ისე ადგილობრივ ბაზარზე?
მთავრობის 520-ე დადგენილება უკვე ძალაშია და ძალაშია ის გათანაბრებული ტარიფებიც, რომელიც სახელმწიფომ საყოველთაო დაზღვევის ფარგლებში კლინიკებს დაუდგინა. სწორედ აღნიშნული ფასებია სადავო უკვე ერთი კვირაა კლინიკების წარმომადგენლებისთვის.
ყველას გვახსოვს სულ ცოტა ხნის წინ ჯანდაცვის მინისტრის ეკატერინე ტიკარაძის პრეზენტაცია, სადან მან საქართველოში ტელემედიცინის პირველი მოწყობილობა წარადგინა. მისი საშუალებით მარტივად, უმოკლეს დროში სამედიცინო კვლევის ჩატარება, პაციენტის ჯანმრთელობის შესახებ მონაცემების მიღება და შენახვა, დაავადებების ადრეულ ეტაპზე გამოვლენა იქნება შესაძლებელი. ბიემჯიმ დღეს სწორედ ეს მოწყობილობა მოიკითხა. აპარატი დისტანციურად შეძლებს რამდენიმე დღიანი პროცედურის 15 წუთში ჩატარებას და თვითღირებულებას თითქმის 20-ჯერ შეამცირებს. ირაკლი სასანია - Mydoc-ის თანადამფუძნებელი