საქართველოში მცირე და საშუალო ბიზნესის ხელშესაწყობად ბიზნესკავშირების წახალისების საპილოტე პროექტი იწყება, რომელსაც სააგენტო აწარმოე საქართველოში“ გაერთიანებული სამეფოს კარგი მმართველობის ფონდის მხარდაჭერით განახორციელებს. პროექტი შედგა იმისთვის, რომ მცირე და საშუალო ბიზნესის წარმომადგენლებმა დაამყარონ ბიზნეს კავშირები საქართველოში არსებულ მულტინაციონალურ კომპანიებთან მათთვის პროდუქციის და მომსახურების მიწოდების მიზნით. სტუმარი: გიორგი ჩერქეზიშვილი - ეკონომიკის მინისტრის მოადგილე
20 მლნ ლარი 300-მდე კულტურული ღონისძიებისთვის - ასეთია ჩექინ ჯორჯია 2018-ის აქტივობების რაოდენობა და ბიუჯეტი. პროექტის პრეზენტაცია გუშინ პირველმა ვიცე პრემიერმა დიმიტრი ქუსმიშვილმა გამართა, სადაც ითქვა, რომ ამ თანხის მნიშვნელოვანი ნაწილი დაიხარჯება იმ ღონისძიებებზე, რომლებშიც ქართველი შემსრულებლები მიიღებენ მონაწილეობას. გუშინვე გახდა ცნობილი, რომ 20 მილიონი ლარიდან, 13 მილიონს შპს „ბლექსი არენა” განკარგავს, 800 ათას ლარამდე პროექტის მარკეტინგული აქტივობებისთვის დაიხარჯება, ხოლო 5 მილიონს ტურიზმის ეროვნული ადმინისტრაცია განკარგავს.
სტარტაპ საქართველოს გამარჯვებული პროექტების სესახებ ჩვენ არაერთხელ მოგიყევით. დღესაც ერთ-ერთ მათგანს გაგაცნობთ, „სივრცის დამზოგველი ავეჯის წარმოება“. პროექტის მიზანია აწარმოოს სივრცის დამზოგავი ავეჯი, რომელიც სტანდარტული ავეჯის სივრცეს მხოლოდ გამოყენების დროს დაიკავებს, სხვა შემთხვევაში კი დაიკეცება და კომპაქტურად გარდაიქმნება სხვა სახის ავეჯად. რა დაფინანსება მიიღო პროექტმა, რომლის საწარმოო პროცესიც დაწყებულია. სტუმრები: ვაჟა მენაბდე - „სტარტაპ საქართველოს“ დირექტორი; ირაკლი აბულაძე - „სმარტ ჰოუმის“ ხელმძღვანელი
რა ხარვეზები აქვს საქართველოს ანტიკორუფციული პოლიტიკის გატარების გზაზე? ეს ყველაფერი ეკონომიკური თანამშრომლობისა და განვითარების ორგანიზაციის ანტიკორუფციულმა ქსელმა ინფორმაციის თავისუფლების განვითარების ინსტიტუტთან IDFI-სთან ერთად შეაფასა და ასეთი დასკვნა გააკეთა - საქართველოს მთავრობამ რეკომენდაციების დაახლოებით, ნახევრის შესრულებისთვის არანაირი ნაბიჯი გადადგა, მნიშვნელოვანი ძალისხმევა მხოლოდ ორი მათგანის შესრულებისთვის გამოიჩინა, ხოლო დანარჩენი ათი რეკომენდაციის შემთხვევაში გარკვეული ზომები მიიღო. შეგახსენებთ, რომ საქართველო ანტიკორუფციული ქსელის წევრი 2003 წელს გახდა, რის შემდეგაც ბევრი რეფორმა იმ რეკომენდაციებზე დაყრდნობით განხორციელდა, რომლებსაც ექსპერტთა ჯგუფი გასცემდა. სტუმარი: საბა ბუაძე - IDFI-ს ანტიკორუფციული მიმართულების ხელმძღვანელი
ამ თემით ვეცდებით დაინტერესებულებს დაგეხმაროთ, გასცეთ პასუხი კითხვას - რა აკეთოთ სოფელში, თუ ჯერ კიდევ ახალგაზრდა ხართ და სამეწარმეო იდეებიც გაწუხებთ. მთავრობა და საერთაშორისო დონორები სოფლად მაცხოვრებლების ბიზნეს საქმიანობით დაინტერესებას ისევ ცდილობენ. მართალია, აქამდე სახელმწიფოს თანადაფინანსებით მოქმედი პროგრამების ეფექტიანობა ჯერ არავის გაუზომავს, მაგრამ დახმარების ხელი რეგიონების მაცხოვრებლებისთვის ისევ გაწვდილია. ამჯერად ახალი პროგრამა გარემოს დაცვისა და სოფლის მეურნეობის სამინისტროს ინიციატივით და დანიის მთავრობის ფინანსური მხარდაჭერით იწყება, დასათაურებით - ახალგაზრდა მეწარმე. ბიუჯეტი 4 მილიონ 110 ათასი ლარია. ასაკობრივი ცენზი მამაკეცებისთვის 18-დან 35 წლამდე, ქალბტონებისთვის კი - 18-დან 40 წლამდე. სტუმარი: თორნიკე კაპანაძე - პროექტ "ახალგაზრდა მეწარმის" მენეჯერი
„ჩვენ არ ვართ თვითკმაყოფილებაში, ქვეყანაში უამრავი გაჭირვებული ადამიანია“, - ამის შესაბ პრემიერ მინისტრმა გიორგი კვირიკაშვილმა მთავრობის დღევანდელი სხდომის დაწყებამდე 2017 წლის პირდაპირი უცხოური ინვესტიციების სტატისტიკის შეფასებისას განაცხადა და აღნიშნა, რომ გაზრდილი პირდაპირი უცხოური ინვესტიციები კიდევ უფრო პოზიტიურად აისახება წლევანდელ ექსპორტისა და დასაქმების ზრდაზე.
საქართველოს კომუნიკაციების ეროვნულმა კომისიამ დღევანდელ სხდომაზე „სილქნეტს“, „ჯეოსელის“ 100%-იანი წილის შეძენის თაობაზე წინასწარი თანხმობა მისცა. კატეგორია
“ისრაელის სახლის“ ინიციატივით, თბილისში ისრაელში მოქმედი 40 ტურისტული სააგენტოს წარმომადგენლები იმყოფებიან. აღნიშნული სააგენტოები ისრაელიდან ტურისტების გაყვანაზე მუშაობენ და შესაბამისად, დაინტერესებული არიან, კიდევ უფრო მეტი ინფორმაცია მიიღონ საქართველოს ტურისტული პოტენციალის შესახებ. სტუმრებისთვის, საქართველოში ებრაული კულტურული მემკვიდრეობის მარშრუტის პრეზენტაციაც შედგა. პროექტს „ისრაელის სახლი“, საქართველოს კულტურისა და ძეგლთა დაცვის სამინისტროს ეგიდით, უკვე მეორე წელია ახორციელებს. სტუმარი: იციკ მოშე - საქართველო-ისრაელის ბიზნეს-პალატის პრეზიდენტი
კომპანიას, რომელსაც თბილისის საკონცერტო დარბაზი 49 წლიანი იჯარით აქვს გადაცემული, ასეულობით ათასი ლარის დავალიანება აქვს. კერძოდ, საქართველოს ახალგაზრდა იურისტთა ასოციაციის ინფორმაციით, 2018 წლის თებერვლის მდგომარეობით, ხელშეკრულების ფარგლებში არსებული დავალიანება, გადაუხდელი მართვის საზღაურისათვის შეადგენს - 950 140 ლარს, ხოლო დაკისრებული პირგასამტეხლო მილიონ 512 ათას 330 ლარს და 10 ათას 102 დოლარს. “ფილარმონია” მართვაში, შპს „ინტერნეიშენალ ივენთს” აქვს და საია სახელმწიფო ქონების ეროვნულ სააგენტოს მიმართავს, შეწყვიტოს დადებული ხელშეკრულება. სტუმარი: სალომე საღარაძე - საიას იურისტი
მცირე და საშუალო ბიზნესის პრობლემებზე იმსჯელეს სემინარზე, რომელიც ebrd-ის ორგანიზებით გაიმართა. ღონსიძიებას საქართველოს გარდა უკრაინის, სომხეთის, თურქეთის, აზერბაიჯანის, მოლდოვისა და სხვა ქვეყნების წარმომადგენლები ესწრებოდნენ. კერძო სექტორის წინაშე არსებული პრობლემების გარდა საქართველოს ეკონომიკის მინისტრმა სხვა საკითხებზეც გააკეთა კომენტარი.
10 აპრილიდან თბილისში სითი-პარკი აღარ იქნება. ეს გადაწყვეტილება დღეს დედაქალაქის მერმა კახა კალაძემ მიიღო. მისი განმარტებით, ვიდრე თბილისს პარკირების ახალი ოპერატორი ეყოლება, ფუნქციებს თბილისის სატრანსპორტო კომპანია შეითავსებს. როგორც მერის მოადგილე ირაკლი ხმალაძე აცხადებს, ეს იმას არ ნიშნავს, რომ პარკირების წესების დარღვევისთვის მძღოლები არ დაჯარიმდებიან. დედაქალაქის მთავრობაში განმარტავენ, რომ სითი-პარკთან ხელშეკრულების გაწყვეტის სანაცვლოდ თანხის გადახდა არ იგეგმება, თუმცა როგორც გახსოვთ, ხელშეკრულებიდან ცალმხრივად გამოსვლის ფასი დაახლოებით 25 მილიონი ლარია.
თბილისის მიწათსარგებლობის გენერალური გეგმის სამუშაო ჯგუფის ხელმძღვანელი მერაბ ბოლქვაძე. როგორც იცით, ამ ეტაპზე მერია საბოლოო შენიშვნებით დაბრუნებულ დოკუმენტს სწავლობს და ალბათ, მიმდინარე თვის ბოლომდე გავიგებთ, მოეწონება თუ არა თბილისის მთავრობას გენგეგმის პროექტი, რომლის ავტორები შარშან ხარვეზების გამო დაჯარიმდნენ. მანამდე კი გადავწყვიტეთ, თქვენთან ერთად გავეცნოთ იმ პირის ბიოგრაფიას და გამოცდილებას, რომელსაც თბილისის მთავარი დოკუმენტი ჩააბარეს. აქ ძირითადად, ზოგადი ხასიათის შეკითხვებია დასმული და პასუხები ალბათ, გარკვეულ ინფორმაციას მოგცემთ იმის შესახებ, რა ტიპის გადაწყვეტები შეიძლება ამ არქიტექტორმა, თავისი გამოცდილებიდან და ხედვებიდან გამომდინარე ქალაქს შესთავაზოს, - აკადემიური, ნოვატორული, თუ არცერთი. ასევე ნახავთ, რა გარემოში ცხოვრობს. დასკვნებს თავად გააკეთებთ.
საჯარო სამსახურის ბიუროს "საერთაშორისო გამჭვირვალობა-საქართველოს" კვლევაზე შეკითხვები აქვს. როგორც bm.ge-ს საჯარო სამსახურის ბიუროს ხელმძღვანელმა ეკატერინე ქარდავამ განუცხადა, კვლევა, რომელიც ორგანიზაციამ გამოაქვეყნა, "მთლად სწორი არ უნდა იყოს". ქარდავას განარტებით, მაგალითად, კვლევაში არის მითითებული ირმა გელაშვილი, რომელსაც უწერია დეკლარაციაში, რომ მამისგან ნაჩუქარი აქვს 20 ათასი ლარი. სტუმარი: ერეკლე ურუშაძე "საერთაშორისო გამჭვირვალობა-საქართველოს” ანალიტიკოსი
საპენსიო რეფორმაზე მსჯელობას პარლამენტის დარგობრივი ეკონომიკისა და ეკონომიკური პოლიტიკის კომიტეტი იწყებს. შეიძლება ითქვას, რომ ეს კომიტეტი კანონპროექტის პირველი მოსმენის ეტაპზე ბოლო გაჩერებაა. დაგროვებით პენსიის შესახებ კანონის განხილვებმა პარლამენტშიც და მის გარეთ, არასამთავრობო სექტორში მთელი რიგი შენიშვნებით ჩაიარა, რასაც „საქმის კურსი“ პერიოდულად დროს უთმობს. სტუმარი: რომან კაკულია - პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარე
შეთანხმება მიღწეულია - 200 მილიონიანი დავა "ჯორჯიან მანგანეზსა” და სახელმწიფოს შორის დასრულდა.
საქსტატის წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2017 წელს მილიარდ 862 მილიონ აშშ დოლარი შეადგინა, რაც 16.2 პროცენტით აღემატება 2016 წლის შესაბამის მაჩვენებელს. საანაგარიშო პერიოდში გაზრდილია რეინვესტიციის წილიც მთლიან ინვესტიციებში.
პროექტ რეფორმეტრის ფარგლებში, კაპიტალის ბაზრის განვითარების შესახებ, რეფორმის მეორე ფაზის შეფასების პრეზენტაცია გაიმართა. შეხვედრას კერძო სექტორთან ერთად, ეროვნული ბანკის ვიცე-პრეზიდენტი, ფინანსთა მინისტრის მოადგილე და ასევე ევროპის რეკონსტრუქციისა და განვითარების ბანკის რეგიონული დირექტორი ბრუნო ბალვანერა ესწრებოდნენ.
ყველაზე ძვირადღირებული კლუბები #NBA-ში
„საქართველოს დარგობრივი და რეგიონული განვითარების კომპანია“ საპარტნიორო ფონდის შვილობილი კომპანიაა. კომპანიის ფუნქციებს შორისაა ქვეყნის დაჩქარებული განვითარებისთვის დარგობრივი პრიორიტეტების და მათი რეგიონული განზომილების კვლევა ფარდობითი უპირატესობის გათვალისწინებით; ასევე, შესაბამისი ბიზნეს-პროექტების იდეების ინიცირება, განხილვა, მათი პირველადი დამუშავება და შემდეგ უკვე შერჩეული პროექტების საპარტნიორო ფონდისთვის წარდგენა. სტუმარი: მირიან გოგიაშვილი - „საქართველოს დარგობრივი და რეგიონული განვითარების კომპანიის“ დირექტორი
სამომხმარებლო და ინდუსტრიული პროდუქტების უსაფრთხოებაზე კონტროლი მკაცრდება. “პროდუქტის უსაფრთხოებისა და თავსუფალი მიმოქცევის კოდექსში” ცვლილებების პროექტი უკვე პარლამენტშია. სიცოცხლისთვის უსაფრთხო პროდუქციის ბაზარზე განთავსებას მეთვალყურეობას ტექნიკური და სამშენებლო ზედამხედველობის სააგენტო გაუწევს, რომელიც ახალი ფუნქციებით აღიჭურვება. რას გულისმხობს ცვლილებები და რა ვალდებულებები უჩნდება მეწარმე-სუბიექტებს.
საქართველოში 2010 წლიდან ტყავის გადამამუშავებელი საწარმო ფილიმასკა მუშაობს, სადაც დაახლოებით 100 ადამიანია დასაქმებული, რომლებიც თვეში 200 ტონამდე ტყავს გადაამუშავებენ. ზოგადად, ეს დარგი საბჭოთა კავშირის შემდეგ პრაქტიკულად ვერ ვითარდებოდა. პრობლემები დღესაც არის, თუმცა გეგმები და პერსპექტივები ამ ბიზნესის ავტორებს ხელის ჩაქნევის უფლებას არ აძლევს. სტუმარი: ვახო ნიკოლაიშვილი - "ფილიმასკას" დამფუძნებელი
მაღალჩინოსნებისა და მათი ოჯახის წევრების მიერ მიღებული საჩუქრები და კანონის შესაძლო დარღვევის ფაქტები - ამ საკითხებს ეხება „საერთაშორისო გამჭვირვალობა საქართველოს“ მიერ გამოქვეყნებული კვლევა. არასამთავრობო ორგანიზაცია მიიჩნევს, რომ თანამდებობის პირების მიერ მიღებული საჩუქრები დამატებით შესწავლას საჭიროებს და შესაბამისი რეკომენდაციებით საჯარო სამსახურის ბიუროს მიმართავს, რომელსაც აღნიშნულის მონიტორინგი ევალება.
რა გავლენა ექნება სამშენებლო მასალების შესახებ ევრორეგულაციებს საქართველოში მოქმედ ეკონომიკურ აგენტებზე? - ამ თემით ეკონომიკური პოლიტიკის კვლევის ცენტრი დაინტერესდა და შესაბამისი რეკომენდაციებიც დაწერა. როგორც ორგანიზაციის მიერ მომზადებულ დოკუმენტშია აღნიშნული, რეგულაციის გავლენა პირდაპირ ან ირიბად შეეხება სამშენებლო სფეროში 2017 წლის მდგომარეობით დასაქმებულ 75 000-მდე და სამშენებლო მასალების წარმოებაში დასაქმებულ 35 000 ადამიანს. სტუმრები: ნინო ევგენიძე - EPRC-ის აღმასრულებელი დირექტორი; თამარ ხორბალაძე - EPRC-ის ტრენინგ-პროგრამების მენეჯერი
ტაქსების რეგულირება თბილისში მაია ბითაძე - თბილისის მერის მოადგილე
იმერეთის რეგიონში აგროზონა შეიქმნება, რომელშიც კერძო-საჯარო პარტნიორობის მოდელით, დაახლოებით 100 მილიონი ლარის ინვესტიცია განხორციელდება. მთავრობაში ფიქრობენ, რომ ეს ინვესტიცია სასათბურე მეურნეობების განვითარებას დაეხმარება.
იანვრის ბოლოს ცნობილი გახდა, რომ თბილისში უფასო სამუშაო სივრცე ამოქმედდებოდა, სადაც დამწყები ბიზნესმენები საოფისე სერვისებს უფასოდ მიიღებენ, რომელიც მოიცავს მცირე და საშუალო ბიზნესისთვის საკონსულტაციო მომსახურების გაწევას, დამწყები მეწარმეების პროდუქციის პოპულარიზაციისთვის გამოფენა-გაყიდვების ორგანიზებას და ა.შ. მერიის ცნობით, საზიარო სამუშაო სივრცით სარგებლობა ერთდროულად 60 ადამიანს შეეძლება.
ღამის ეკონომიკა, სანქციების გამკაცრება გარევაჭრობის მიმართულებით, ჯარიმების ზრდა ქართული წარწერების გამოუყენებლობაზე, ეს იმ საკითხების ნაწილია, რომელზეც დღეს თბილისის მთავრობის სხდომაზე იმსჯელეს.
ტაქსების რეგულირების, ლიცნეზირების და ნებართვების საკითხი სულ უფრო აქტუალური ხდება. ეს ბუნებრივია, რადგან, რეგულაციების ამოქმედებამდე ცოტა დრო რჩება. სავარაუდო თარიღად კი ზაფხულის მიწურული სახელდება. სტუმარი: კახა კუჭავა - საპარლამენტო უმრავლესობის წევრი
როგორ აფასებენ კომერციული ატაშეს ინსტიტუტს დიპლომატები
აშშ , გერმანია, თურქეთი, დიდი ბრიტანეთი, არაბთა გაერთიანებული საემიროები და ჩინეთის სახახლო რესპუბლიკა - ეს ის 6 ქვეყანაა, სადაც პირველ ეტაპზე საქართველოს კომერციული ატაშეები ეყოლება. როგორც პრემიერ მინისტრმა მთავრობის დღევანდელი სხდომის დაწყებისას განაცხადა, საქართველოს ეკონომიკისა და მდგრადი განვითარების სამინისტრომ კომერციული ატაშეს თანამდებობაზე კონკურსი უკვე გამოაცხადა.
ბიზნესი, სასამართლო ხელისუფლება და ბიზნესასოციაციები დღეს სასამართლო ხელისუფლებაში არსებულ პრობლემებზე სასაუბროდ შეიკრიბნენ . შეხევდრა ევროკავშირი-საქართველოს ბიზნეს საბჭოს ინიციატივით ჩატარდა. EUGBC-ის ორგანიზებით ასეთი ფორმატის კონფერენცია პირველად იმართება. რა პრეტენზციები აქვს ბიზნესს და რას გეგმავს სასამართლო ხელისუფლება პრობლემების მოსაგარებლად.
კიდევ ერთი სადაო საკითხი ბიზნესში. საქმე ეხება რძის პროდუქტების მწარმოებელ კომპანია მილკო ფუდს, რომელიც ბაზარზე 2004 წლიდან ოპერირებს. საქმის კურსი ახლა შემოგთავაზებთ სიუჟეტს, სადაც კომპანიის 25%-იანი წილის მფლობელის გიორგი ბიძინაშვილის განცხადებებს მოისმენთ იმის შესახებ, თუ როგორ შეექმნა „მილკო ფუდს“ ფინანსური პრობლემები და რატომ ვერ ართმევს თავს კომპანია კრედიტორების წინაშე აღებულ ვალდებულებებს. ამ ყველაფრისთვის ბიძინაშვილი ბრალს მილკო ფუდის 50%-იანი წილის მფლობელ ძმებს ლევან და დავით ალავიძეებს სდებს.
დონალდ ტრამპი ახალ ტარიფებს აწესებს ალუმინსა და ფოლადზე,რამაც დოუ ჯონსის ინდექსის შემცირება გამოიწვია, 500მა უმდიდრესმა ადამიანმა კი 107 მილიარდი დოლარი დაკარგა.
კომპანია "ბადაგონის" თბილისის ოფისი დღეიდან მუშაობას წყვეტს და კრიზისული მართვის რეჟიმზე გადადის. როგორც კომპანიაში აცხადებენ, თბილისის ოფისის თანამშრომლები სამუშაოდ კახეთში, ზემო ხოდაშენსა და მანავში განთავსებულ „ბადაგონის“ საწარმოებში გადადიან. სტუმარი: გიორგი სალაყაია - ბადაგონის დამფუძნებელი
რძესა და რძის პროდუქტებზე რეგულაციები იზრდება, მეწარმეები კი მაინც პოულობენ გზებს კანონის გვერდის ასავლელად. მსხვილი მეწარმეები ე.წ. იატაკ ქვეშეთში გადანაცვლებულ ბიზნესებზე და დარგში არსებულ პრობლემებზე საუბრობენ. მათივე ინფორმაციით, ბაზარზე ნედლი რძის სერიოზული დეფიციტია, რაც დარგის განვითარებას ხელს უშლის. რას პასუხობს პრეტენზიებს სურსათის ეროვნული სააგენტო.
ავტობუსების წარმოების იდეა საქართველოში - ეს იდეა რამდენიმე წელია მძიმე მრეწველობის და მანქანათმშენებლობის დარგში მომუშავე კომპანიას “ეი-ეს გრუპი 1990”-ს აქვს. კომპანიამ ტერიტორია და ინვესტორი მოძებნა, თუმცა მიწის ნაკვეთის დაუფლებას ვერ ახერხებს. უფრო დეტალურად, რა გეგმები აქვს ამ კომპანიას საქართველოში და რა უშლის ხელს, დაიწყოს ავტობუსების ქარხნის მშენებლობა. სტუმარი: ავთანდილ საყვარელიძე - გენერალური დირექტორი
საქმის კურსის მაყურებელმა უკვე იცის ისტორიის ერთი ვერსია, რომელიც 2015 წელს ელიავას ბაზარზე დამწვარი საღებავების საწყობს და მაღაზიას „პროფიკოლ პლიუსს“ ეხება. რამდენიმე დღის წინ ამ კომპანიის იურისტმა დავით გელაშვილმა ჩვენს სტუდიაში განაცხადა, რომ ამ ხანძრისგან განადგურებული საწარმოს ბრენდით, კომპანიის ერთ-ერთმა ძველმა დირექტორმა ბოროტად ისარგებლა და ძველი დასახელებით, კანონიერი მფლობელების ნებართვის გარეშე, ხანძრიდან რამდენიმე დღეში იგივე პროდუქცია გამოუშვა. მედალს ორი მხარე აქვს, ისევე როგორც ამ საქმეს. სტუმრები: გიორგი ძიგუა - ადვოკატი; გიორგი გელაძე - ადვოკატი
საქართველოს პარლამენტში ადგილობრივი თვითმმართველობისა და დეცენტრალიზაციის სტრატეგიული ეროვნული ხედვის პრეზენტაცია გაიმართა, რომელიც დღეს საქართველოს პარლამენტის თავმჯდომარე ირაკლი კობახიძემ და პრემიერ მინისტრმა გიორგი კვირიკაშვილმა წარმოადგინეს. ახალი დოკუმენტის წარდგენას მთავრობის, პარლამენტის, სამოქალაქო საზოგადოების, დიპლომატიური კორპუსის და საერთაშორისო ორგანიზაციების წარმომადგენლები ესწრებოდნენ. უფრო დეტალურად რას გულისხმობს ახალი ხედვა და როგორ წარმოუდგენია მთავრობას თვითმმართველობების მეტი დეცენტრალიზაცია.
რას მიიღებს ქვეყანა საპენსიო რეფორმისგან და ვინ იქნება მთავარი მოგებული - მსოფლიო ბანკი, რომელიც მთავრობას რეფორმის შემუშავებაში ეხმარებოდა საპენსიო მოდელს აფასებს. ამასთან როგორ უნდა განვითარდეს ქვეყანაში მეწარმეობა, ეკონომიკა და საბანკო სფერო - ბანკის მთავარი ეკონომისტი ჰანს ტიმერი - ექსკლუზიური ინტერვიუ
ბიზნესმენი თამაზ გაიაშვილი თბილისის მერიას ბიუროკრატიული ბარიერების გამო აკრიტიკებს. ბიზნესმენი ამბობს, რომ სასტუმროს პროექტის შეთანხმებას 9 წელია უშედეგოდ ელოდება.
საპენსიო რეფორმის ამოქმედებამდე სულ უფრო ცოტა დრო რჩება. დაგროვებითი პენსიის შესახებ კანონპროექტის განხილვებმა საკანონმდებლო ორგანოში გადაინაცვლა და დეპუტატებმაც ინიციატორებს საკუთარი შენიშვნები და რეკომენდაციები დააყარეს. ჩვენ არაერთი ექსპერტის, პოლიტიკოსის და მოქალაქის აზრი მოვისმინეთ და კიდევ მოვისმენთ. საკუთარი ინიციატივები აქვს საპარლამენტო ფრაქციას “ქართული ოცნება - სოციალ-დემოკრატები”. სტუმარი: ბექა ნაცვლიშვილი - “ქართული ოცნება - სოციალ-დემოკრატების” ფრაქციის თავმჯდომარის მოადგილე
ეროვნული ბანკის ფინანსური სტაბილურობის კომიტეტმა პირველი სხდომა გამართა. ფინანსური სექტორის გამჭვირვალობის ზრდა, რისკების ანალიზი და მათი მონიტორინგი - ეს ამ კომიტეტის ამოცანების არასრული ჩამონათვალია. სხდომის შემდეგ ეროვნული ბანკის პრეზიდენტმა პრესკონფერენცია გამართა.
მრავალშვილიან ოჯახებს სტატუსი მიენიჭებათ და სოციალურ დახმარებას მიიღებენ. დღეს, პარლამენტის ჯანდაცვისა და სოციალურ საკითხთა კომიტეტი მრავალშვილიანი მშობლის სტატუსის შესახებ კანონპროექტის ინიცირების საკითხს იხილავს.
ინტერვიუ ბიზნესმენთან, რომლის მოსაზრებებს, გადაწყვეტილებებს, ახალ პროექტებს გავლენა მხოლოდ ელემენტარულ სამომხმარებლო ქცევებზე არ აქვს. ხელისუფლება მისგან ინვესტიციებთან ერთად, შეფასებებს ელოდება და ისმენს. სტუმარი: თემურ ჭყონია - "კოკა-კოლა ბოთლერს ჯორჯიას" დამფუძნებელი
როგორ დავაბნიოთ მომხმარებელი, რომელიც უკვე მიჩვეულია რომელიმე სასაქონლო ნიშნის ქვეშ გამოშვებული პროდუქციის მოხმარებას? - დღეს საქმის კურსი გაგაცნობთ ორ ამბავს, სადაც ჩანს, რომ ერთი ბრენდით შესაძლოა, ორმა სხვადასხვა კომპანიამ ნახოს შემოსავალი, ან ერთ-ერთი დაზარალდეს. პირველი საქმე ეხება საღებავების მწარმოებელ კომპანიას პროფიკოლ პლიუსს, რომლის საწარმო და მარაგები 2015 წელს ელიავას ბაზრობაზე გაჩენილი ხანძრის შედეგად დაიწვა, მეორე კი ჟორდანიას სახელობის კლინიკას. ორივე მათგანს დღეს ერთი ადვოკატი წარმოდგენს. ადვოკატი კი სასაქონლო ნიშნების მფლობელებს იმიტომ დასჭირდათ, რომ მათი განმარტებით, გარკვეულმა პირებმა უკვე არსებული დასახელებებით ისარგებლეს და ბიზნესი დაიწყეს. სტუმრები: დავით გელაშვილი - ადვოკატი; ანა ქურხული - "ვივო მედიქალ ჯგუფის" ფინანსური დირექტორი
ტაქსის მძღოლებისთვის რთულია წელია. ერთის მხრივ, მერია ამზადებს ლიცენზირების სისტემას, მეორეს მხრივ კი პარლამენტში უკვე ინიცირებულია კანონპროექტი, რომელიც ნებართვის გარეშე, ან სანებართვო პირობების დარღვევით ტაქსით გადაყვანა 200 ლართ დაჯარიმებას გამოიწვევს. სტუმარი: მამუკა მუმლაძე - მერიის ტრანსპორტის საქალაქო სამსახურის უფროსი
თბილისში კიდევ ერთი ბაზრობა დაიწვა. ხანძარმა, რომელიც დაახლოებით ღამის პირველის ნახევარზე გაჩნდა, 3000 კვადრატული მეტრი მოიცვა. ადგილზე 35 სახანძრო მანქანა მუშაობდა. სავაჭრო ცენტრი სახელწოდებით “ქალაქის გული” ცაბაძის ქუჩაზე, N8-ში მდებარეობს. აქ ხორციელდება როგორც საცალო, ისე საბითუმო ვაჭრობა. მოცემულ ობიექტში განთავსებულ მაღაზიებსა, თუ დახლებზე იყიდება სურსათი, თამბაქოს ნაწარმი, ალკოჰოლური სასმელები, ტანსაცმელი და სხვა პროდუქცია. რაც შეეხება სავაჭრო ცენტრის მფლობელებს - “ქალაქის გულის” 45 პროცენტს ნიდერლანდებში რეგისტრირებული “მორ ფანდ ჰოლდინგ ბი.ვი.” ფლობს, 44.57 პროცენტს საქართველოში რეგისტრირებული “თერგი I”, რომლის 100%-იანი წილის მფლობელი, თავის მხრივ ჯემალ ქადაგიშვილია, 5,43 პროცენტი ეკუთვნის შპს “კორპორაცია კოლხას”, დარჩენილი 5 პროცენტი კი – ისრაელის მოქალაქე არიე გოლდსტეინს. სავაჭრო ცენტრს სულ ექვსი დირექტორი ჰყავს, მათგან სამი ისრაელის მოქალაქეა, სამი კი – საქართველოს. რა ვითარებაა ამ წუთებში სავაჭრო ცენტრის ტერიტორიაზე.